📅 2021-yil 17-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 17 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 ноября 2021 г. · Постановления Президента
Официальный текст. Официальный документ. Редакционные примечания не включены.
📅 17 November 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ЧЕГАРАЛАРИ
«Ғиждувон» эркин иқтисодий зонаси фаолиятини янада такомиллаштириш чора-тадбирлари тўғрисида
Ўзбекистон Республикаси Президентининг 2017 йил 12 январдаги «Ургут», «Ғиждувон», «Қўқон» ва «Ҳазорасп» эркин иқтисодий зоналарини ташкил этиш тўғрисида»ги ПФ-4931-сон Фармони билан ташкил этилган «Ғиждувон» эркин иқтисодий зонасининг (кейинги ўринларда — «Ғиждувон» ЭИЗ) фаолиятини кенгайтириш ҳамда Бухоро вилоятида қурилиш материаллари саноатини ривожлантириш мақсадида:
1. Бухоро вилояти ҳокимлиги, Инвестициялар ва ташқи савдо вазирлигининг:
Пешку ва Қоровулбозор туманлари ҳудудида ушбу қарорга иловада келтирилган 100 гектардан, жами 200 гектар бўш турган ер участкаларини қишлоқ хўжалигига мўлжалланган ерлар тоифасидан бошқа ер тоифасига ўтказиш;
ушбу қарорга иловада келтирилган ер участкаларини белгиланган тартибда давлат мулки сифатида давлат рўйхатидан ўтказган ҳолда, «Ғиждувон» ЭИЗ дирекциясига доимий фойдаланиш ҳуқуқи билан ажратиш орқали «Ғиждувон» ЭИЗ ҳудудини кенгайтириш тўғрисидаги таклифлари қабул қилинсин.
2. Белгилансинки, «Ғиждувон» ЭИЗнинг янги ҳудудларида устувор равишда қурилиш саноатини ривожлантиришга йўналтирилган лойиҳалар амалга оширилади.
3. «Ғиждувон» ЭИЗнинг маъмурий кенгаши уч ой муддатда янги ҳудудларнинг бош режасини ишлаб чиқсин ва тасдиқласин.
4. Қуйидагилар:
«Ғиждувон» ЭИЗнинг бош режасини ишлаб чиқишда Бухоро вилояти ҳокимлигининг «Ягона буюртмачи хизмати» инжиниринг компанияси — буюртмачи этиб;
Бухоро вилоятининг маҳаллий бюджети маблағлари, шунингдек, қонунчиликда тақиқланмаган бошқа манбалар «Ғиждувон» ЭИЗнинг бош режасини ишлаб чиқишни молиялаштириш манбалари этиб белгилансин.
5. Белгилансинки:
«Ғиждувон» ЭИЗнинг бош режасини ишлаб чиқиш бўйича бош лойиҳачи ва пудратчи ташкилот танлов асосида аниқланади;
«Ғиждувон» ЭИЗнинг йўл-транспорт ва муҳандислик-коммуникация инфратузилмаларини ривожлантириш Ўзбекистон Республикаси Президентининг 2021 йил 30 апрелдаги «Махсус иқтисодий ва кичик саноат зоналари муҳандислик-коммуникация инфратузилмасини янада ривожлантириш чора-тадбирлари тўғрисида»ги ПҚ-5101-сон қарори билан Бухоро вилоятига ажратилган маблағлар доирасида амалга оширилади.
6. Шундай тартиб ўрнатилсинки, унга мувофиқ:
«Ғиждувон» ЭИЗнинг ҳудудида, шу жумладан янги ташкил этиладиган ҳудудларда инвестиция лойиҳаларини амалга ошириш учун ер участкаларини ажратиш Ўзбекистон Республикаси Президентининг 2018 йил 21 декабрдаги «Эркин иқтисодий зоналар фаолиятини мувофиқлаштириш ва бошқариш тизимини янада такомиллаштириш чора-тадбирлари тўғрисида»ги ПФ-5600-сон Фармонига мувофиқ электрон онлайн-аукцион орқали амалга оширилади;
«Ғиждувон» ЭИЗга ушбу қарорнинг 1-бандида назарда тутилган ер майдонлари ажратилиши билан боғлиқ қишлоқ хўжалиги ва ўрмон хўжалиги ишлаб чиқариши нобудгарчиликлари ўрнини қоплаш бўйича тўланадиган компенсация тўловлари, истисно тариқасида, ундирилмайди.
7. Бухоро вилояти ҳокимлиги Қишлоқ хўжалиги вазирлиги билан биргаликда икки йил муддатда қишлоқ хўжалигига мўлжалланган ер майдонлари қисқариб кетишининг олдини олиш мақсадида «Ғиждувон» ЭИЗ лойиҳаларини жойлаштириш учун ажратилаётган қишлоқ хўжалигига мўлжалланган ер майдонларига тенг миқдорда янги ерларни ўзлаштириш чораларини кўрсин.
8. Қуйидагилар:
Бош вазир ўринбосари С.У. Умурзаковга — вазирликлар, идоралар, Бухоро вилояти ҳокимлигининг «Ғиждувон» ЭИЗнинг ривожланиши ва самарали фаолият юритиши, шунингдек, унинг ҳудудида инвестиция лойиҳаларини амалга ошириш билан боғлиқ жараёнларни назорат қилиш;
энергетика вазири А.С. Султановга, уй-жой коммунал хизмат кўрсатиш вазири Ш.С. Хидоятовга, транспорт вазири И.Р. Махкамовга — «Ғиждувон» ЭИЗ ҳудудидаги инвестиция лойиҳаларининг объектлари фойдаланишга топширилгунга қадар зарур муҳандислик-коммуникация тармоқларига уланишини ҳамда мавжуд ресурс ва техник имкониятлардан келиб чиқиб, уларга талаб этиладиган ичимлик суви, табиий газ, электр энергияси етказиб берилишини таъминлаш юзасидан шахсий жавобгарлик юклансин.
9. Вазирлар Маҳкамаси:
а) бир ой муддатда Ҳукуматнинг қуйидагиларни назарда тутувчи тегишли ҳужжатини қабул қилсин:
Бухоро вилоятида аукцион савдоларига чиқариладиган норуда фойдали қазилмаларни ўз ичига олган ер қаъри участкалари рўйхати;
Бухоро вилоятида 2021 — 2023 йилларда қурилиш материаллари ишлаб чиқариш йўналишида амалга ошириладиган инвестиция лойиҳаларининг манзилли рўйхати;
Бухоро вилоятида қурилиш материаллари ишлаб чиқариш йўналишида амалга оширилиши таклиф этилаётган истиқболли инвестиция лойиҳаларининг портфели;
«Ғиждувон» ЭИЗга ўтказилаётган ҳудудларда муҳандислик-коммуникация инфратузилмаларини яратиш;
б) уч ой муддатда «Ғиждувон» ЭИЗни бошқа туманларда кенгайтириш юзасидан тегишли ҳужжат лойиҳасини киритсин.
10. Инвестициялар ва ташқи савдо вазирлиги икки ой муддатда манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарорнинг ижросини самарали ташкил қилишга масъул ва шахсий жавобгар этиб инвестициялар ва ташқи савдо вазирининг биринчи ўринбосари А.Б. Воитов ва Бухоро вилояти ҳокими Б.К. Зарипов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари С.У. Умурзаков зиммасига юклансин.
Амалга оширилган чора-тадбирларнинг натижадорлиги тўғрисида 2022 йилнинг 1 февраль ва 1 июль санасига қадар Ўзбекистон Республикаси Президентига ахборот киритилсин.
Ўзбекистон Республикаси Президентининг 2021 йил 17 ноябрдаги ПҚ-13-сон қарорига ИЛОВА
Пешку ва Қоровулбозор туманларидаги «Ғиждувон» эркин иқтисодий зонаси таркибига ўтказилаётган ҳудудларнинг
1. Пешку тумани, «Жонгелди» МФЙдаги ер майдони, қуйидаги чегаралар билан:
шарқий томондан — «Жонгелди» МФЙ ҳудудидан ўтувчи А380 «Ғузор — Бухоро — Нукус — Бейнеу» автомобиль йўли;
шимолий томондан — «Жонгелди» МФЙ ҳудудидан ўтувчи А380 автомобиль йўли;
жанубий томондан — аҳоли пункти;
ғарбий томондан — очиқ майдон.
2. Қоровулбозор тумани, «Бўзачи» МФЙдаги ер майдони, қуйидаги чегаралар билан:
шарқий томондан — А380 «Ғузор — Бухоро — Нукус — Бейнеу» автомобиль йўлининг «Бўзачи» МФЙ ҳудуди;
шимолий томондан — А380 «Ғузор — Бухоро — Нукус — Бейнеу» автомобиль йўли;
жанубий томондан — аҳоли пункти;
ғарбий томондан — очиқ майдон.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 17 ноябрь,
ПҚ-13-сон
Oʻzbekiston Respublikasi Prezidentining
Qarori
CHEGARALARI
“Gʻijduvon” erkin iqtisodiy zonasi faoliyatini yanada takomillashtirish chora-tadbirlari toʻgʻrisida
Oʻzbekiston Respublikasi Prezidentining 2017-yil 12-yanvardagi “Urgut”, “Gʻijduvon”, “Qoʻqon” va “Hazorasp” erkin iqtisodiy zonalarini tashkil etish toʻgʻrisida”gi PF-4931-son Farmoni bilan tashkil etilgan “Gʻijduvon” erkin iqtisodiy zonasining (keyingi oʻrinlarda — “Gʻijduvon” EIZ) faoliyatini kengaytirish hamda Buxoro viloyatida qurilish materiallari sanoatini rivojlantirish maqsadida:
1. Buxoro viloyati hokimligi, Investitsiyalar va tashqi savdo vazirligining:
Peshku va Qorovulbozor tumanlari hududida ushbu qarorga ilovada keltirilgan 100 gektardan, jami 200 gektar boʻsh turgan yer uchastkalarini qishloq xoʻjaligiga moʻljallangan yerlar toifasidan boshqa yer toifasiga oʻtkazish;
ushbu qarorga ilovada keltirilgan yer uchastkalarini belgilangan tartibda davlat mulki sifatida davlat roʻyxatidan oʻtkazgan holda, “Gʻijduvon” EIZ direksiyasiga doimiy foydalanish huquqi bilan ajratish orqali “Gʻijduvon” EIZ hududini kengaytirish toʻgʻrisidagi takliflari qabul qilinsin.
2. Belgilansinki, “Gʻijduvon” EIZning yangi hududlarida ustuvor ravishda qurilish sanoatini rivojlantirishga yoʻnaltirilgan loyihalar amalga oshiriladi.
3. “Gʻijduvon” EIZning maʼmuriy kengashi uch oy muddatda yangi hududlarning bosh rejasini ishlab chiqsin va tasdiqlasin.
4. Quyidagilar:
“Gʻijduvon” EIZning bosh rejasini ishlab chiqishda Buxoro viloyati hokimligining “Yagona buyurtmachi xizmati” injiniring kompaniyasi — buyurtmachi etib;
Buxoro viloyatining mahalliy budjeti mablagʻlari, shuningdek, qonunchilikda taqiqlanmagan boshqa manbalar “Gʻijduvon” EIZning bosh rejasini ishlab chiqishni moliyalashtirish manbalari etib belgilansin.
5. Belgilansinki:
“Gʻijduvon” EIZning bosh rejasini ishlab chiqish boʻyicha bosh loyihachi va pudratchi tashkilot tanlov asosida aniqlanadi;
“Gʻijduvon” EIZning yoʻl-transport va muhandislik-kommunikatsiya infratuzilmalarini rivojlantirish Oʻzbekiston Respublikasi Prezidentining 2021-yil 30-apreldagi “Maxsus iqtisodiy va kichik sanoat zonalari muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida”gi PQ-5101-son qarori bilan Buxoro viloyatiga ajratilgan mablagʻlar doirasida amalga oshiriladi.
6. Shunday tartib oʻrnatilsinki, unga muvofiq:
“Gʻijduvon” EIZning hududida, shu jumladan yangi tashkil etiladigan hududlarda investitsiya loyihalarini amalga oshirish uchun yer uchastkalarini ajratish Oʻzbekiston Respublikasi Prezidentining 2018-yil 21-dekabrdagi “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari toʻgʻrisida”gi PF-5600-son Farmoniga muvofiq elektron onlayn-auksion orqali amalga oshiriladi;
“Gʻijduvon” EIZga ushbu qarorning 1-bandida nazarda tutilgan yer maydonlari ajratilishi bilan bogʻliq qishloq xoʻjaligi va oʻrmon xoʻjaligi ishlab chiqarishi nobudgarchiliklari oʻrnini qoplash boʻyicha toʻlanadigan kompensatsiya toʻlovlari, istisno tariqasida, undirilmaydi.
7. Buxoro viloyati hokimligi Qishloq xoʻjaligi vazirligi bilan birgalikda ikki yil muddatda qishloq xoʻjaligiga moʻljallangan yer maydonlari qisqarib ketishining oldini olish maqsadida “Gʻijduvon” EIZ loyihalarini joylashtirish uchun ajratilayotgan qishloq xoʻjaligiga moʻljallangan yer maydonlariga teng miqdorda yangi yerlarni oʻzlashtirish choralarini koʻrsin.
8. Quyidagilar:
Bosh vazir oʻrinbosari S.U. Umurzakovga — vazirliklar, idoralar, Buxoro viloyati hokimligining “Gʻijduvon” EIZning rivojlanishi va samarali faoliyat yuritishi, shuningdek, uning hududida investitsiya loyihalarini amalga oshirish bilan bogʻliq jarayonlarni nazorat qilish;
energetika vaziri A.S. Sultanovga, uy-joy kommunal xizmat koʻrsatish vaziri Sh.S. Xidoyatovga, transport vaziri I.R. Maxkamovga — “Gʻijduvon” EIZ hududidagi investitsiya loyihalarining obyektlari foydalanishga topshirilgunga qadar zarur muhandislik-kommunikatsiya tarmoqlariga ulanishini hamda mavjud resurs va texnik imkoniyatlardan kelib chiqib, ularga talab etiladigan ichimlik suvi, tabiiy gaz, elektr energiyasi yetkazib berilishini taʼminlash yuzasidan shaxsiy javobgarlik yuklansin.
9. Vazirlar Mahkamasi:
a) bir oy muddatda Hukumatning quyidagilarni nazarda tutuvchi tegishli hujjatini qabul qilsin:
Buxoro viloyatida auksion savdolariga chiqariladigan noruda foydali qazilmalarni oʻz ichiga olgan yer qaʼri uchastkalari roʻyxati;
Buxoro viloyatida 2021 — 2023-yillarda qurilish materiallari ishlab chiqarish yoʻnalishida amalga oshiriladigan investitsiya loyihalarining manzilli roʻyxati;
Buxoro viloyatida qurilish materiallari ishlab chiqarish yoʻnalishida amalga oshirilishi taklif etilayotgan istiqbolli investitsiya loyihalarining portfeli;
“Gʻijduvon” EIZga oʻtkazilayotgan hududlarda muhandislik-kommunikatsiya infratuzilmalarini yaratish;
b) uch oy muddatda “Gʻijduvon” EIZni boshqa tumanlarda kengaytirish yuzasidan tegishli hujjat loyihasini kiritsin.
10. Investitsiyalar va tashqi savdo vazirligi ikki oy muddatda manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qarorning ijrosini samarali tashkil qilishga masʼul va shaxsiy javobgar etib investitsiyalar va tashqi savdo vazirining birinchi oʻrinbosari A.B. Voitov va Buxoro viloyati hokimi B.K. Zaripov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari S.U. Umurzakov zimmasiga yuklansin.
Amalga oshirilgan chora-tadbirlarning natijadorligi toʻgʻrisida 2022-yilning 1-fevral va 1-iyul sanasiga qadar Oʻzbekiston Respublikasi Prezidentiga axborot kiritilsin.
Oʻzbekiston Respublikasi Prezidentining 2021-yil 17-noyabrdagi PQ-13-son qaroriga ILOVA
Peshku va Qorovulbozor tumanlaridagi “Gʻijduvon” erkin iqtisodiy zonasi tarkibiga oʻtkazilayotgan hududlarning
1. Peshku tumani, “Jongeldi” MFYdagi yer maydoni, quyidagi chegaralar bilan:
sharqiy tomondan — “Jongeldi” MFY hududidan oʻtuvchi A380 “Gʻuzor — Buxoro — Nukus — Beyneu” avtomobil yoʻli;
shimoliy tomondan — “Jongeldi” MFY hududidan oʻtuvchi A380 avtomobil yoʻli;
janubiy tomondan — aholi punkti;
gʻarbiy tomondan — ochiq maydon.
2. Qorovulbozor tumani, “Boʻzachi” MFYdagi yer maydoni, quyidagi chegaralar bilan:
sharqiy tomondan — A380 “Gʻuzor — Buxoro — Nukus — Beyneu” avtomobil yoʻlining “Boʻzachi” MFY hududi;
shimoliy tomondan — A380 “Gʻuzor — Buxoro — Nukus — Beyneu” avtomobil yoʻli;
janubiy tomondan — aholi punkti;
gʻarbiy tomondan — ochiq maydon.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 17-noyabr,
PQ-13-son
Президента Республики Узбекистан
Постановление
ГРАНИЦЫ
О мерах по дальнейшему совершенствованию деятельности свободной экономической зоны «Гиждуван»
В целях расширения деятельности свободной экономической зоны «Гиждуван» (далее — СЭЗ «Гиждуван»), созданной Указом Президента Республики Узбекистан от 12 января 2017 года № УП-4931 «О создании свободных экономических зон «Ургут», «Гиждуван», «Коканд» и «Хазарасп», а также развития промышленности строительных материалов в Бухарской области:
1. Принять предложения хокимията Бухарской области и Министерства инвестиций и внешней торговли о:
переводе пустующих земельных участков по 100 гектаров на территории Пешкунского и Караулбазарского районов, приведенных приложении в настоящему к постановлению, всего 200 гектаров, из категории земель сельскохозяйственного назначения в другую категорию земель;
расширении территории СЭЗ «Гиждуван» путем выделения дирекции СЭЗ «Гиждуван» земельных участков, указанных в приложении к настоящему постановлению, на праве постоянного пользования с государственной регистрацией в качестве государственного имущества в установленном порядке.
2. Определить, что на новых территориях СЭЗ «Гиждуван» в приоритетном порядке реализуются проекты, направленные на развитие строительной промышленности.
3. Административному совету СЭЗ «Гиждуван» в трехмесячный срок разработать и утвердить генеральный план новых территорий.
4. Определить:
заказчиком по разработке генерального плана СЭЗ «Гиждуван» — инжиниринговую компанию «Служба единого заказчика» хокимията Бухарской области;
источниками финансирования разработки генерального плана СЭЗ «Гиждуван» — средства местного бюджета Бухарской области, а также иные источники, не запрещенные актами законодательства.
5. Установить, что:
Генеральный проектировщик и подрядная организация по разработке генерального плана СЭЗ «Гиждуван» определяются на конкурсной основе;
развитие дорожно-транспортной и инженерно-коммуникационной инфраструктуры СЭЗ «Гиждуван» осуществляется в рамках средств, выделенных Бухарской области постановлением Президента Республики Узбекистан от 30 апреля 2021 года № ПП-5101 «О мерах по дальнейшему развитию инженерно-коммуникационной инфраструктуры специальных экономических и малых промышленных зон».
6. Установить порядок, в соответствии с которым:
выделение земельных участков для реализации инвестиционных проектов на территории СЭЗ «Гиждуван», в том числе на новых создаваемых территориях, осуществляется посредством электронного онлайн-аукциона в соответствии с Указом Президента Республики Узбекистан от 21 декабря 2018 года № УП-5600 «О мерах по дальнейшему совершенствованию системы координации и управления деятельностью свободных экономических зон»;
компенсационные выплаты по возмещению потерь сельскохозяйственного и лесохозяйственного производства, связанных с выделением СЭЗ «Гиждуван» земельных участков, предусмотренных пунктом 1 настоящего постановления, в порядке исключения, не взимаются.
7. Хокимияту Бухарской области совместно с Министерством сельского хозяйства в двухлетний срок в целях недопущения сокращения земельных площадей сельскохозяйственного назначения принять меры по освоению новых земель в объеме, равном земельным площадям сельскохозяйственного назначения, выделяемым для размещения проектов СЭЗ «Гиждуван».
8. Возложить персональную ответственность на:
заместителя Премьер-министра С.У. Умурзакова — за осуществление контроля процессов, связанных с деятельностью министерств, ведомств, хокимията Бухарской области по развитию и эффективной деятельности СЭЗ «Гиждуван», а также реализацией инвестиционных проектов на ее территории;
министра энергетики А.С. Султанова, министра жилищно-коммунального обслуживания Ш.С. Хидоятова, министра транспорта И.Р. Махкамова — за обеспечение подключения к необходимым инженерно-коммуникационным сетям, исходя из имеющихся ресурсов и технических возможностей — поставки требуемого объема питьевой воды, природного газа и электрической энергии до сдачи в эксплуатацию объектов инвестиционных проектов на территории СЭЗ «Гиждуван».
9. Кабинету Министров:
а) в месячный срок принять соответствующее правительственное решение, предусматривающее:
перечень участков недр, содержащих нерудные полезные ископаемые, выставляемых на аукционные торги в Бухарской области;
адресный перечень инвестиционных проектов, реализуемых в Бухарской области в направлении производства строительных материалов в 2021 — 2023 годах;
портфель перспективных инвестиционных проектов, предлагаемых к реализации в Бухарской области в направлении производства строительных материалов;
создание инженерно-коммуникационной инфраструктуры на территориях, переводимых в СЭЗ «Гиждуван»;
б) в трехмесячный срок внести проект соответствующего документа по расширению СЭЗ «Гиждуван» в других районах.
10. Министерству инвестиций и внешней торговли в двухмесячный срок совместно с заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.
11. Возложить на первого заместителя министра инвестиций и внешней торговли А.Б. Воитова и хокима Бухарской области Б.К. Зарипова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан С.У. Умурзакова.
О результативности осуществляемых мер информировать Президента Республики Узбекистан в срок до 1 февраля 2022 года и до 1 июля 2022 года.
ПРИЛОЖЕНИЕ к постановлению Президента Республики Узбекистан от 17 ноября 2021 года № ПП-13
территорий в Пешкунском и Караулбазарском районах, переводимых в состав свободной экономической зоны «Гиждуван»
1. Земельный участок в СГМ «Жонгелди» Пешкунского района, ограниченный:
с восточной стороны — автомобильной дорогой А380 «Гузар — Бухара — Нукус — Бейнеу», проходящей через территорию СГМ «Жонгелди»;
с северной стороны — автомобильной дорогой А380, проходящей через СНП «Жонгелди»;
с южной стороны — населенным пунктом;
с западной стороны — открытой площадью.
2. Земельный участок в СГМ «Бузачи» Караулбазарского района, ограниченный:
с восточной стороны — территорией СГМ «Бузачи» автомобильной дороги А380 «Гузар — Бухара — Нукус — Бейнеу»;
с северной стороны — автомобильной дорогой А380 «Гузар — Бухара — Нукус — Бейнеу»;
с южной стороны — населенным пунктом;
с западной стороны — открытой площадью.
Президент Республики Узбекистан Ш. МИРЗИЁЕВ
г. Ташкент,
17 ноября 2021 г.,
№ ПП-13