📅 2021-yil 17-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 17 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 ноября 2021 г. · Постановления Президента
Официальный текст. Официальный документ. Редакционные примечания не включены.
📅 17 November 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«ЙЎЛ ХАРИТАСИ»
Электрон тижорат маъмурчилигини такомиллаштириш ва уни янада ривожлантириш учун қулай шароитлар яратиш тўғрисида
Тадбиркорларнинг муаммо ва таклифларини бевосита ўрганиш ҳамда тадбиркорликни келгусида ривожлантиришнинг асосий йўналишларини белгилаб олиш бўйича 2021 йил 20 август куни ўтказилган Ўзбекистон Республикаси Президентининг тадбиркорлар билан очиқ мулоқоти доирасида белгиланган масалалар ижросини таъминлаш, шунингдек, электрон тижорат соҳасидаги платформалар фаолиятини қўллаб-қувватлаш ҳамда аккредитив бўйича ҳисоб-китоб тизимини жорий этиш мақсадида:
1. Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги ҳамда Ахборот технологиялари ва коммуникацияларини ривожлантириш вазирлигининг электрон тижоратнинг «Очиқ рақамли экотизими» ахборот тизимлари мажмуасини (кейинги ўринларда — Рақамли экотизим) 2022 йил 1 июлдан бошлаб тўлиқ ишга тушириш тўғрисидаги таклифи маъқуллансин.
Инвестициялар ва ташқи савдо вазирлиги ҳузуридаги Электрон кооперация портали маркази Инвестициялар ва ташқи савдо вазирлиги қошидаги Рақамли трансформация маркази (кейинги ўринларда — Марказ) этиб қайта ташкил этилсин.
2. Марказ зиммасига қуйидаги қўшимча вазифалар юклатилсин:
Рақамли экотизимни шакллантириш ва унинг оператори функцияларини бажариш;
мулкчилик шаклидан, идоравий ва тармоққа мансублигидан, ҳудудий жойлашувидан қатъи назар, электрон тижорат платформаларига ўзининг мижозлар базасидан тенг фойдаланиши ҳамда уларга хизматлар кўрсатиши учун шароитлар яратиш;
Рақамли экотизимнинг «эскроу» тизими функцияларини бажариши муносабати билан битта шахсий ҳисобварақдан ҳисоб-китоблар ва тўловлар ҳамда томонларнинг шартнома мажбуриятлари кафолатли (аккредитив тамойили бўйича) бажарилишини таъминлаш.
3. Шундай тартиб ўрнатилсинки, унга кўра:
Рақамли экотизимга интеграциялашган электрон тижорат платформаларида товарлар ва хизматларни сотиш тўғрисидаги маълумотлар жойлаштирилиши шарт. Бунда, нархи кўрсатилмаган товар ва хизматларни сотиб олиш бўйича битимлар тузишга йўл қўйилмайди;
2024 йил 1 январга қадар Рақамли экотизимга интеграциялашган электрон тижорат платформалари операторлари учун фойда солиғи ставкаси 50 фоизга камайтирилади;
товарлар (хизматлар) электрон савдосини амалга оширувчи солиқ тўловчилар учун, улар Электрон тижорат иштирокчиларининг миллий реестрига киритилган ёки киритилмаганлигидан қатъи назар, Ўзбекистон Республикаси Солиқ кодексининг 337 ва 467-моддаларига мувофиқ фойда солиғи ва айланмадан олинадиган солиқ бўйича пасайтирилган солиқ ставкалари қўлланилади.
Молия вазирлиги икки ой муддатда мазкур банддан келиб чиқиб, Солиқ кодексига ўзгартириш ва қўшимчалар киритишни назарда тутувчи қонун лойиҳасини Вазирлар Маҳкамасига киритсин.
4. Электрон тижоратнинг «Очиқ рақамли экотизими»ни ташкил этиш бўйича «Йўл харитаси» иловага мувофиқ тасдиқлансин.
5. Марказ Давлат солиқ қўмитаси билан биргаликда 2022 йил 1 июлга қадар Рақамли экотизим орқали солиқ органларига реал вақт режимида маълумотларни узатиш имконини берувчи электрон маълумотлар базаларининг ўзаро интеграциясини таъминласин.
6. Инвестициялар ва ташқи савдо вазирлиги икки ой муддатда манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
7. Ўзбекистон Миллий телерадиокомпанияси, Ахборот ва оммавий коммуникациялар агентлиги манфаатдор вазирлик ва идоралар билан биргаликда мазкур қарор мазмун ва моҳиятининг, шу жумладан оммавий ахборот воситалари ва Интернет тармоғи орқали кенг тушунтирилишини таъминласин.
8. Мазкур қарор ижросини самарали ташкил қилишга масъул ва шахсий жавобгар этиб инвестициялар ва ташқи савдо вазирининг биринчи ўринбосари А.Б. Воитов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари С.У. Умурзаков зиммасига юклансин.
Ўзбекистон Республикаси Президентининг 2021 йил 17 ноябрдаги ПҚ-14-сон қарорига ИЛОВА
Электрон тижоратнинг «Очиқ рақамли экотизими»ни ташкил этиш бўйича
Т/р Тадбирлар номланиши Амалга ошириш механизми Бажариш муддати Масъул ижрочилар I. Рақамли экотизимни шакллантириш 1. Инвестициялар ва ташқи савдо вазирлиги ҳузуридаги Электрон кооперация портали марказини Инвестициялар ва ташқи савдо вазирлиги қошидаги Рақамли трансформация марказига айлантириш ва унга Рақамли экотизим оператори вазифаларини юклаш. Марказнинг Низом ва бизнес — режасини тасдиқлаш, уни қайта рўйхатдан ўтказиш ва малакали кадрлар билан тўлдириш. 2022 йил I чорак Инвестициялар ва ташқи савдо вазирлиги 2. Рақамли экотизимнинг дастурий таъминотини яратиш. 1. Рақамли экотизим дастурий таъминотини яратиш бўйича техник ҳужжатларни белгиланган тартибда ишлаб чиқиш ва тасдиқлаш. 2. Дастурий таъминотни ишлаб чиқувчи ташкилотни аниқлаш бўйича харид қилиш тартиб-таомилларини амалга ошириш. 2022 йил II чорак Инвестициялар ва ташқи савдо вазирлиги, Ахборот технологиялари ва коммуникацияларини ривожлантириш вазирлиги 3. «Ўзбекистон миллий рақамли хаби» — Рақамли экотизим веб-сайтини яратиш. 1. Рақамли экотизим веб-сайтини яратиш учун техник ҳужжатларни белгиланган тартибда ишлаб чиқиш ва тасдиқлаш, хусусан: экспортчи, инвестор, маҳаллий саноат корхонаси, Инвестициялар ва ташқи савдо вазирлиги ҳамда тегишли ваколатли органларнинг шахсий кабинетлари дизайнини ишлаб чиқиш; рақамли хавфсизликнинг юқори даражасини таъминлаш; Ахборот технологиялари ва коммуникацияларини ривожлантириш вазирлигида техник ҳужжатларни экспертизадан ўтказиш. 2. Веб-сайтни ишлаб чиқиш. 3. Фойдаланувчилар учун техник ҳужжатлар ва кўрсатмаларни ишлаб чиқиш ва тасдиқлаш (ўзбек, рус, инглиз тилларида); 4. Веб-сайтни синовдан ўтказиш ва аниқланган камчиликларни бартараф этиш. 5. Веб-сайтни ишга тушириш. 2022 йил II чорак Инвестициялар ва ташқи савдо вазирлиги, Ахборот технологиялари ва коммуникацияларини ривожлантириш вазирлиги 4. Электрон тижорат платформаларнинг Рақамли экотизимга узлуксиз киришни таъминлайдиган интеграцион хизмат кўрсатишни ташкил этиш. Рақамли экотизим, рақамли платформалар ва хизматлар ўртасида турли хил протоколлар бўйича ишончли, юқори тезликдаги маълумотлар алмашинуви ҳамда истеъмолчиларга рақамли экотизим хизматларини кўрсатишнинг умумий интерфейсини таъминлайдиган интеграция ва хизмат кўрсатиш тизимини ишлаб чиқиш, хусусан: интеграция ва хизмат кўрсатиш тизимини яратиш учун техник шартларни ишлаб чиқиш ва тасдиқлаш; дастурий таъминотни ишлаб чиқиш; фойдаланувчилар учун техник ҳужжатлар ва кўрсатмаларни (ўзбек, рус, инглиз тилларида) ишлаб чиқиш ва тасдиқлаш; аниқланган камчиликлар ва заифликларни бартараф этган ҳолда дастурий таъминотни синовдан ўтказиш; дастурий таъминотни ишга тушириш; мустақил операторларга тегишли рақамли платформалар ва хизматларни улаш учун ўзаро боғланиш шартномасини ишлаб чиқиш. 2022 йил II чорак Инвестициялар ва ташқи савдо вазирлиги, Ахборот технологиялари ва коммуникацияларини ривожлантириш вазирлиги II. Электрон тижоратнинг асосий платформаларини ишлаб чиқиш ва жорий этиш 5. Рақамли экотизимнинг асосий платформаларини амалга ошириш учун Инвестициялар ва ташқи савдо вазирлигининг хусусий шерикларини шаффофлик билан аниқлаш чораларини кўриш. 1. Дастурий таъминотга қўйиладиган техник талабларни ишлаб чиқиш ва тасдиқлаш. 2. Давлат-хусусий шерикчилик тўғрисида қонунчилик талаблари асосида Инвестициялар ва ташқи савдо вазирлиги билан ҳамкорлик қилувчи юридик шахсларни аниқлаш. 2022 йил I чорак Инвестициялар ва ташқи савдо вазирлиги, Монополиядан чиқариш қўмитаси, Ахборот технологиялари ва коммуникацияларини ривожлантириш вазирлиги 6. Транспорт ва логистика масалаларини ҳал қилишда маҳаллий ишлаб чиқарувчиларга ёрдам бериш чораларини кўриш. Электрон логистика тизимини жорий этиш, бунда: дастурий таъминотга қўйиладиган техник талабларни ва шартларни ишлаб чиқиш ва тасдиқлаш; дастурий таъминотни ишлаб чиқиш; аниқланган камчиликлар ва заифликларни бартараф этган ҳолда дастурий таъминотни синовдан ўтказиш; дастурий таъминотни ишга тушириш; маҳсулотларни сақлаш, ички ва ташқи юк ташиш бўйича хизматларни ташкил этиш тартиби тўғрисидаги низомни тасдиқловчи ҳукумат қарори лойиҳасини ишлаб чиқиб, ўрнатилган тартибда Вазирлар Маҳкамасига киритиш; ташқи бозорларни ўрганиш ва маҳаллий ишлаб чиқарувчилар маҳсулотларини ташқи бозорларга ташиш учун бозорда рақобат муҳитини яратиш мақсадида хорижий логистика операторлари ва юк ташувчиларни жалб қилиш; ушбу тизимдан фойдаланишда божхона жараёнларини тезлаштириш ва соддалаштиришни назарда тутган ҳолда, ташқи савдо ва божхона операциялари маълумотлар базаларининг электрон логистика тизими билан ўзаро интеграцияси бўйича ташкилий ва амалий чора-тадбирларни амалга ошириш. 2022 йил III чорак Инвестициялар ва ташқи савдо вазирлиги, Ахборот технологиялари ва коммуникацияларини ривожлантириш вазирлиги, Транспорт вазирлиги, Давлат божхона қўмитаси III. Аккредитив шаклидаги ҳисоб-китоб тизимини жорий этиш 7. Эскроу тизимини (банк бўлмаган аккредитив) жорий этиш орқали Рақамли экотизимда амалга ошириладиган операцияларни тез ва хавфсиз ҳал қилиш бўйича хизматлар кўрсатиш. Электрон ҳисоб-китоб ва клиринг тизиминижорий этиш. Бунда: дастурий таъминотга қўйиладиган техник шартларни ишлаб чиқиш ва тасдиқлаш; дастурий таъминотни ишлаб чиқиш; аниқланган камчиликлар ва заифликларни бартараф этган ҳолда дастурий таъминотни синовдан ўтказиш; дастурий таъминотни ишга тушириш; клиринг маркази операторини (юридик шахсни) ташкил этиш; Рақамли экотизимининг Клиринг маркази ҳузурида Кафолат фондини ташкил этиш; ҳисоб-китобларни ташкил этиш, шартнома мажбуриятларининг бажарилишини таъминлаш ва Рақамли экотизимда репозитар хизматларини кўрсатиш тартиби тўғрисидаги низомни ишлаб чиқиш ва тасдиқлаш; Рақамли экотизим клиринг марказининг Кафолат фондини шакллантириш, ундан фойдаланиш ва маблағларини тўлдириш тартиби тўғрисидаги низомни ишлаб чиқиш ва тасдиқлаш. 2022 йил II чорак Инвестициялар ва ташқи савдо вазирлиги IV. Рақамли экотизимнинг қўшимча хизматларини жорий этиш 8. «Big data» технологиясини жорий этиш орқали маълумотлар базаларини тизимлаштириш ва таҳлил қилиш, маҳаллий экспортёрлар, саноат корхоналари, инвесторлар, шу жумладан хорижий ташкилотла� эҳтиёжлари учун давлат ташкилотларининг маълумотлар базалари ўртасида ўзаро ҳамкорликни ташкил этиш. Вазирликлар ва идоралар билан уларнинг шахсий �абинетларига тақдим этиладиган статистик маълумотлар шаклларни келишиш. Маълумотларни етказиб беришнинг умумий статистик шаклларини ишлаб чиқиш ва маҳаллий экспортчилар, саноат корхоналари, инвесторлар, шу жумладан хорижий корхоналарга ўз эҳтиёжлари учун ушбу маълумотлардан эркин фойдаланиш имконини яратиш. Рақамли экотизим билан вазирликлар ва идоралар маълумотлар базалари ўртасида турли хил протоколлар ёрдамида ишончли, юқори тезликдаги маълумот алмашинувини таъминлайдиган интеграция ва хизмат кўрсатиш тизимини ишлаб чиқиш. «Big data» технологияларини босқичма-босқич жорий қилиш орқали идоралараро «Таҳлил» ахборот-таҳлил платформасини ишга тушириш, бунда: дастурий таъминотга қўйиладиган техник талабларни ишлаб чиқиш ва тасдиқлаш; харид ҳужжатларини ишлаб чиқиб, тасдиқлаш ва уларни қонун ҳужжатларига мувофиқ жамоатчилик муҳокамасига қўйиш ҳамда танлов асосида дастурий таъминот ишлаб чиқарувчи юридик шахсни аниқлаш; дастурий таъминотни ишлаб чиқиш; аниқланган камчиликлар ва заифликларни бартараф этган ҳолда дастурий таъминотни синовдан ўтказиш; дастурий таъминотни ишга тушириш. 2022 йил IV чорак Инвестициялар ва ташқи савдо вазирлиги, Ахборот технологиялари ва коммуникацияларини ривожлантириш вазирлиги, Рақамли экотизим оператори V. Рақамли экотизимнинг узлуксиз ва хавфсиз ишлашини таъминлаш бўйича ташкилий ва амалий чоралар 9. Очиқ рақамли экотизимининг ахборот хавфсизлигини таъминлаш. Рақамли экотизимга уланган барча ахборот тизимлари учун киберхавфсизлик сертификатининг мажбурийлиги талабини белгилаш. 2022 йил II чорак Инвестициялар ва ташқи савдо вазирлиги, Ахборот технологиялари ва коммуникацияларини ривожлантириш вазирлиги, Рақамли экотизим оператори 10. Рақамли экотизимда рақамли платформалар ва хизматларни жадал жорий этишни таъминлаш мақсадида қонунчиликни такомиллаштириш. Рақамли экотизимда махсус ҳуқуқий режимлар доирасидаги муносабатларни тартибга солиш тўғрисидаги низомни ишлаб чиқиш ва ўрнатилган тартибда Вазирлар Маҳкамасига киритиш. 2022 йил II чорак Инвестициялар ва ташқи савдо вазирлиги, Ахборот технологиялари ва коммуникацияларини ривожлантириш вазирлиги
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 17 ноябрь,
ПҚ-14-сон
Oʻzbekiston Respublikasi Prezidentining
Qarori
“YOʻL XARITASI”
Elektron tijorat maʼmurchiligini takomillashtirish va uni yanada rivojlantirish uchun qulay sharoitlar yaratish toʻgʻrisida
Tadbirkorlarning muammo va takliflarini bevosita oʻrganish hamda tadbirkorlikni kelgusida rivojlantirishning asosiy yoʻnalishlarini belgilab olish boʻyicha 2021-yil 20-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan masalalar ijrosini taʼminlash, shuningdek, elektron tijorat sohasidagi platformalar faoliyatini qoʻllab-quvvatlash hamda akkreditiv boʻyicha hisob-kitob tizimini joriy etish maqsadida:
1. Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi hamda Axborot texnologiyalari va kommunikatsiyalarini rivojlantirish vazirligining elektron tijoratning “Ochiq raqamli ekotizimi” axborot tizimlari majmuasini (keyingi oʻrinlarda — Raqamli ekotizim) 2022-yil 1-iyuldan boshlab toʻliq ishga tushirish toʻgʻrisidagi taklifi maʼqullansin.
Investitsiyalar va tashqi savdo vazirligi huzuridagi Elektron kooperatsiya portali markazi Investitsiyalar va tashqi savdo vazirligi qoshidagi Raqamli transformatsiya markazi (keyingi oʻrinlarda — Markaz) etib qayta tashkil etilsin.
2. Markaz zimmasiga quyidagi qoʻshimcha vazifalar yuklatilsin:
Raqamli ekotizimni shakllantirish va uning operatori funksiyalarini bajarish;
mulkchilik shaklidan, idoraviy va tarmoqqa mansubligidan, hududiy joylashuvidan qatʼi nazar, elektron tijorat platformalariga oʻzining mijozlar bazasidan teng foydalanishi hamda ularga xizmatlar koʻrsatishi uchun sharoitlar yaratish;
Raqamli ekotizimning “eskrou” tizimi funksiyalarini bajarishi munosabati bilan bitta shaxsiy hisobvaraqdan hisob-kitoblar va toʻlovlar hamda tomonlarning shartnoma majburiyatlari kafolatli (akkreditiv tamoyili boʻyicha) bajarilishini taʼminlash.
3. Shunday tartib oʻrnatilsinki, unga koʻra:
Raqamli ekotizimga integratsiyalashgan elektron tijorat platformalarida tovarlar va xizmatlarni sotish toʻgʻrisidagi maʼlumotlar joylashtirilishi shart. Bunda, narxi koʻrsatilmagan tovar va xizmatlarni sotib olish boʻyicha bitimlar tuzishga yoʻl qoʻyilmaydi;
2024-yil 1-yanvarga qadar Raqamli ekotizimga integratsiyalashgan elektron tijorat platformalari operatorlari uchun foyda soligʻi stavkasi 50 foizga kamaytiriladi;
tovarlar (xizmatlar) elektron savdosini amalga oshiruvchi soliq toʻlovchilar uchun, ular Elektron tijorat ishtirokchilarining milliy reyestriga kiritilgan yoki kiritilmaganligidan qatʼi nazar, Oʻzbekiston Respublikasi Soliq kodeksining 337 va 467-moddalariga muvofiq foyda soligʻi va aylanmadan olinadigan soliq boʻyicha pasaytirilgan soliq stavkalari qoʻllaniladi.
Moliya vazirligi ikki oy muddatda mazkur banddan kelib chiqib, Soliq kodeksiga oʻzgartirish va qoʻshimchalar kiritishni nazarda tutuvchi qonun loyihasini Vazirlar Mahkamasiga kiritsin.
4. Elektron tijoratning “Ochiq raqamli ekotizimi”ni tashkil etish boʻyicha “Yoʻl xaritasi” ilovaga muvofiq tasdiqlansin.
5. Markaz Davlat soliq qoʻmitasi bilan birgalikda 2022-yil 1-iyulga qadar Raqamli ekotizim orqali soliq organlariga real vaqt rejimida maʼlumotlarni uzatish imkonini beruvchi elektron maʼlumotlar bazalarining oʻzaro integratsiyasini taʼminlasin.
6. Investitsiyalar va tashqi savdo vazirligi ikki oy muddatda manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
7. Oʻzbekiston Milliy teleradiokompaniyasi, Axborot va ommaviy kommunikatsiyalar agentligi manfaatdor vazirlik va idoralar bilan birgalikda mazkur qaror mazmun va mohiyatining, shu jumladan ommaviy axborot vositalari va Internet tarmogʻi orqali keng tushuntirilishini taʼminlasin.
8. Mazkur qaror ijrosini samarali tashkil qilishga masʼul va shaxsiy javobgar etib investitsiyalar va tashqi savdo vazirining birinchi oʻrinbosari A.B. Voitov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari S.U. Umurzakov zimmasiga yuklansin.
Oʻzbekiston Respublikasi Prezidentining 2021-yil 17-noyabrdagi PQ-14-son qaroriga ILOVA
Elektron tijoratning “Ochiq raqamli ekotizimi”ni tashkil etish boʻyicha
T/r Tadbirlar nomlanishi Amalga oshirish mexanizmi Bajarish muddati Masʼul ijrochilar I. Raqamli ekotizimni shakllantirish 1. Investitsiyalar va tashqi savdo vazirligi huzuridagi Elektron kooperatsiya portali markazini Investitsiyalar va tashqi savdo vazirligi qoshidagi Raqamli transformatsiya markaziga aylantirish va unga Raqamli ekotizim operatori vazifalarini yuklash. Markazning Nizom va biznes — rejasini tasdiqlash, uni qayta roʻyxatdan oʻtkazish va malakali kadrlar bilan toʻldirish. 2022-yil I chorak Investitsiyalar va tashqi savdo vazirligi 2. Raqamli ekotizimning dasturiy taʼminotini yaratish. 1. Raqamli ekotizim dasturiy taʼminotini yaratish boʻyicha texnik hujjatlarni belgilangan tartibda ishlab chiqish va tasdiqlash. 2. Dasturiy taʼminotni ishlab chiquvchi tashkilotni aniqlash boʻyicha xarid qilish tartib-taomillarini amalga oshirish. 2022-yil II chorak Investitsiyalar va tashqi savdo vazirligi, Axborot texnologiyalari va kommunikatsiyalarini rivojlantirish vazirligi 3. “Oʻzbekiston milliy raqamli xabi” — Raqamli ekotizim veb-saytini yaratish. 1. Raqamli ekotizim veb-saytini yaratish uchun texnik hujjatlarni belgilangan tartibda ishlab chiqish va tasdiqlash, xususan: eksportchi, investor, mahalliy sanoat korxonasi, Investitsiyalar va tashqi savdo vazirligi hamda tegishli vakolatli organlarning shaxsiy kabinetlari dizaynini ishlab chiqish; raqamli xavfsizlikning yuqori darajasini taʼminlash; Axborot texnologiyalari va kommunikatsiyalarini rivojlantirish vazirligida texnik hujjatlarni ekspertizadan oʻtkazish. 2. Veb-saytni ishlab chiqish. 3. Foydalanuvchilar uchun texnik hujjatlar va koʻrsatmalarni ishlab chiqish va tasdiqlash (oʻzbek, rus, ingliz tillarida); 4. Veb-saytni sinovdan oʻtkazish va aniqlangan kamchiliklarni bartaraf etish. 5. Veb-saytni ishga tushirish. 2022-yil II chorak Investitsiyalar va tashqi savdo vazirligi, Axborot texnologiyalari va kommunikatsiyalarini rivojlantirish vazirligi 4. Elektron tijorat platformalarning Raqamli ekotizimga uzluksiz kirishni taʼminlaydigan integratsion xizmat koʻrsatishni tashkil etish. Raqamli ekotizim, raqamli platformalar va xizmatlar oʻrtasida turli xil protokollar boʻyicha ishonchli, yuqori tezlikdagi maʼlumotlar almashinuvi hamda isteʼmolchilarga raqamli ekotizim xizmatlarini koʻrsatishning umumiy interfeysini taʼminlaydigan integratsiya va xizmat koʻrsatish tizimini ishlab chiqish, xususan: integratsiya va xizmat koʻrsatish tizimini yaratish uchun texnik shartlarni ishlab chiqish va tasdiqlash; dasturiy taʼminotni ishlab chiqish; foydalanuvchilar uchun texnik hujjatlar va koʻrsatmalarni (oʻzbek, rus, ingliz tillarida) ishlab chiqish va tasdiqlash; aniqlangan kamchiliklar va zaifliklarni bartaraf etgan holda dasturiy taʼminotni sinovdan oʻtkazish; dasturiy taʼminotni ishga tushirish; mustaqil operatorlarga tegishli raqamli platformalar va xizmatlarni ulash uchun oʻzaro bogʻlanish shartnomasini ishlab chiqish. 2022-yil II chorak Investitsiyalar va tashqi savdo vazirligi, Axborot texnologiyalari va kommunikatsiyalarini rivojlantirish vazirligi II. Elektron tijoratning asosiy platformalarini ishlab chiqish va joriy etish 5. Raqamli ekotizimning asosiy platformalarini amalga oshirish uchun Investitsiyalar va tashqi savdo vazirligining xususiy sheriklarini shaffoflik bilan aniqlash choralarini koʻrish. 1. Dasturiy taʼminotga qoʻyiladigan texnik talablarni ishlab chiqish va tasdiqlash. 2. Davlat-xususiy sherikchilik toʻgʻrisida qonunchilik talablari asosida Investitsiyalar va tashqi savdo vazirligi bilan hamkorlik qiluvchi yuridik shaxslarni aniqlash. 2022-yil I chorak Investitsiyalar va tashqi savdo vazirligi, Monopoliyadan chiqarish qoʻmitasi, Axborot texnologiyalari va kommunikatsiyalarini rivojlantirish vazirligi 6. Transport va logistika masalalarini hal qilishda mahalliy ishlab chiqaruvchilarga yordam berish choralarini koʻrish. Elektron logistika tizimini joriy etish, bunda: dasturiy taʼminotga qoʻyiladigan texnik talablarni va shartlarni ishlab chiqish va tasdiqlash; dasturiy taʼminotni ishlab chiqish; aniqlangan kamchiliklar va zaifliklarni bartaraf etgan holda dasturiy taʼminotni sinovdan oʻtkazish; dasturiy taʼminotni ishga tushirish; mahsulotlarni saqlash, ichki va tashqi yuk tashish boʻyicha xizmatlarni tashkil etish tartibi toʻgʻrisidagi nizomni tasdiqlovchi hukumat qarori loyihasini ishlab chiqib, oʻrnatilgan tartibda Vazirlar Mahkamasiga kiritish; tashqi bozorlarni oʻrganish va mahalliy ishlab chiqaruvchilar mahsulotlarini tashqi bozorlarga tashish uchun bozorda raqobat muhitini yaratish maqsadida xorijiy logistika operatorlari va yuk tashuvchilarni jalb qilish; ushbu tizimdan foydalanishda bojxona jarayonlarini tezlashtirish va soddalashtirishni nazarda tutgan holda, tashqi savdo va bojxona operatsiyalari maʼlumotlar bazalarining elektron logistika tizimi bilan oʻzaro integratsiyasi boʻyicha tashkiliy va amaliy chora-tadbirlarni amalga oshirish. 2022-yil III chorak Investitsiyalar va tashqi savdo vazirligi, Axborot texnologiyalari va kommunikatsiyalarini rivojlantirish vazirligi, Transport vazirligi, Davlat bojxona qoʻmitasi III. Akkreditiv shaklidagi hisob-kitob tizimini joriy etish 7. Eskrou tizimini (bank boʻlmagan akkreditiv) joriy etish orqali Raqamli ekotizimda amalga oshiriladigan operatsiyalarni tez va xavfsiz hal qilish boʻyicha xizmatlar koʻrsatish. Elektron hisob-kitob va kliring tiziminijoriy etish. Bunda: dasturiy taʼminotga qoʻyiladigan texnik shartlarni ishlab chiqish va tasdiqlash; dasturiy taʼminotni ishlab chiqish; aniqlangan kamchiliklar va zaifliklarni bartaraf etgan holda dasturiy taʼminotni sinovdan oʻtkazish; dasturiy taʼminotni ishga tushirish; kliring markazi operatorini (yuridik shaxsni) tashkil etish; Raqamli ekotizimining Kliring markazi huzurida Kafolat fondini tashkil etish; hisob-kitoblarni tashkil etish, shartnoma majburiyatlarining bajarilishini taʼminlash va Raqamli ekotizimda repozitar xizmatlarini koʻrsatish tartibi toʻgʻrisidagi nizomni ishlab chiqish va tasdiqlash; Raqamli ekotizim kliring markazining Kafolat fondini shakllantirish, undan foydalanish va mablagʻlarini toʻldirish tartibi toʻgʻrisidagi nizomni ishlab chiqish va tasdiqlash. 2022-yil II chorak Investitsiyalar va tashqi savdo vazirligi IV. Raqamli ekotizimning qoʻshimcha xizmatlarini joriy etish 8. “Big data” texnologiyasini joriy etish orqali maʼlumotlar bazalarini tizimlashtirish va tahlil qilish, mahalliy eksportyorlar, sanoat korxonalari, investorlar, shu jumladan xorijiy tashkilotla� ehtiyojlari uchun davlat tashkilotlarining maʼlumotlar bazalari oʻrtasida oʻzaro hamkorlikni tashkil etish. Vazirliklar va idoralar bilan ularning shaxsiy �abinetlariga taqdim etiladigan statistik maʼlumotlar shakllarni kelishish. Maʼlumotlarni yetkazib berishning umumiy statistik shakllarini ishlab chiqish va mahalliy eksportchilar, sanoat korxonalari, investorlar, shu jumladan xorijiy korxonalarga oʻz ehtiyojlari uchun ushbu maʼlumotlardan erkin foydalanish imkonini yaratish. Raqamli ekotizim bilan vazirliklar va idoralar maʼlumotlar bazalari oʻrtasida turli xil protokollar yordamida ishonchli, yuqori tezlikdagi maʼlumot almashinuvini taʼminlaydigan integratsiya va xizmat koʻrsatish tizimini ishlab chiqish. “Big data” texnologiyalarini bosqichma-bosqich joriy qilish orqali idoralararo “Tahlil” axborot-tahlil platformasini ishga tushirish, bunda: dasturiy taʼminotga qoʻyiladigan texnik talablarni ishlab chiqish va tasdiqlash; xarid hujjatlarini ishlab chiqib, tasdiqlash va ularni qonun hujjatlariga muvofiq jamoatchilik muhokamasiga qoʻyish hamda tanlov asosida dasturiy taʼminot ishlab chiqaruvchi yuridik shaxsni aniqlash; dasturiy taʼminotni ishlab chiqish; aniqlangan kamchiliklar va zaifliklarni bartaraf etgan holda dasturiy taʼminotni sinovdan oʻtkazish; dasturiy taʼminotni ishga tushirish. 2022-yil IV chorak Investitsiyalar va tashqi savdo vazirligi, Axborot texnologiyalari va kommunikatsiyalarini rivojlantirish vazirligi, Raqamli ekotizim operatori V. Raqamli ekotizimning uzluksiz va xavfsiz ishlashini taʼminlash boʻyicha tashkiliy va amaliy choralar 9. Ochiq raqamli ekotizimining axborot xavfsizligini taʼminlash. Raqamli ekotizimga ulangan barcha axborot tizimlari uchun kiberxavfsizlik sertifikatining majburiyligi talabini belgilash. 2022-yil II chorak Investitsiyalar va tashqi savdo vazirligi, Axborot texnologiyalari va kommunikatsiyalarini rivojlantirish vazirligi, Raqamli ekotizim operatori 10. Raqamli ekotizimda raqamli platformalar va xizmatlarni jadal joriy etishni taʼminlash maqsadida qonunchilikni takomillashtirish. Raqamli ekotizimda maxsus huquqiy rejimlar doirasidagi munosabatlarni tartibga solish toʻgʻrisidagi nizomni ishlab chiqish va oʻrnatilgan tartibda Vazirlar Mahkamasiga kiritish. 2022-yil II chorak Investitsiyalar va tashqi savdo vazirligi, Axborot texnologiyalari va kommunikatsiyalarini rivojlantirish vazirligi
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 17-noyabr,
PQ-14-son
Президента Республики Узбекистан
Постановление
«ДОРОЖНАЯ КАРТА»
О совершенствовании администрирования электронной коммерции и создании благоприятных условий для ее дальнейшего развития
В целях обеспечения исполнения задач, определенных в рамках открытого диалога Президента Республики Узбекистан с предпринимателями, проведенного 20 августа 2021 года по непосредственному изучению проблем и предложений предпринимателей и определению основных направлений последующего развития предпринимательства, а также поддержки деятельности платформ в сфере электронной коммерции и внедрения системы расчетов по аккредитивам:
1. Одобрить предложение Министерства инвестиций и внешней торговли, Министерства экономического развития и сокращения бедности и Министерства по развитию информационных технологий и коммуникаций о полном запуске начиная с 1 июля 2022 года комплекса информационных систем электронной коммерции «Открытая цифровая экосистема» (далее — Цифровая экосистема).
Реорганизовать Центр электронного кооперационного портала при Министерстве инвестиций и внешней торговли в Центр цифровой трансформации при Министерстве инвестиций и внешней торговли (далее — Центр).
2. Возложить на Центр следующие дополнительные задачи:
формирование Цифровой экосистемы и исполнение функций ее оператора;
создание для платформ электронной коммерции условий равного доступа к своей клиентской базе и оказания им услуг, независимо от формы собственности, ведомственной и отраслевой принадлежности, территориального расположения;
обеспечение проведения расчетов и платежей с одного личного расчетного счета и гарантированного исполнения договорных обязательств сторон (по принципу аккредитива) в связи с выполнением функций системы «эскроу» Цифровой экосистемы.
3. Установить порядок, в соответствии с которым:
является обязательным размещение информации о реализации товаров и услуг на платформах электронной коммерции, интегрированных в Цифровую экосистему. При этом не допускается заключение сделок по покупке товаров и услуг без указания цены;
сроком до 1 января 2024 года для операторов платформ электронной коммерции, интегрированных в Цифровую экосистему, ставка налога на прибыль снижается на 50 процентов;
к налогоплательщикам, осуществляющим электронную торговлю товарами (услугами), в соответствии со статьями 337 и 467 Налогового кодекса Республики Узбекистан применяются сниженные налоговые ставки по налогу на прибыль и налогу с оборота независимо от включения или невключения их в Национальный реестр участников электронной коммерции.
Министерству финансов в двухмесячный срок внести в Кабинет Министров проект закона, предусматривающий внесение изменений и дополнений в Налоговый кодекс , вытекающих из настоящего пункта.
4. Утвердить «Дорожную карту» по созданию «Открытой цифровой экосистемы» электронной коммерции согласно приложению .
5. Центру совместно с Государственным налоговым комитетом в срок до 1 июля 2022 года обеспечить взаимную интеграцию электронных баз данных, позволяющую в режиме реального времени передавать сведения в налоговые органы через Цифровую экосистему.
6. Министерству инвестиций и внешней торговли в двухмесячный срок совместно с заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.
7. Национальной телерадиокомпании Узбекистана, Агентству информации и массовых коммуникаций совместно с заинтересованными министерствами и ведомствами обеспечить широкое разъяснение сути и содержания настоящего постановления, в том числе через средства массовой информации и сеть Интернет.
8. Возложить на первого заместителя министра инвестиций и внешней торговли А.Б. Воитова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан С.У. Умурзакова.
ПРИЛОЖЕНИЕ к постановлению Президента Республики Узбекистан от 17 ноября 2021 года № ПП-14
по созданию «Открытой цифровой экосистемы» электронной коммерции
№ Наименование мероприятий Механизм реализации Сроки исполнения Ответственные исполнители I. Формирование цифровой экосистемы 1. Реорганизация Центра электронного кооперационного портала при Министерстве инвестиций и внешней торговли в Центр цифровой трансформации при Министерстве инвестиций и внешней торговли и возложение на него функций оператора Цифровой экосистемы. Утверждение Положения и бизнес-плана центра, его перерегистрация и укомплектование квалифицированными кадрами. I квартал 2022 года Министерство инвестиций и внешней торговли 2. Создание программного обеспечения Цифровой экосистемы. 1. Разработка и утверждение технической документации на создание программного обеспечения цифровой экосистемы в установленном порядке. 2. Осуществление закупочных процедур для определения организации-разработчика программного обеспечения. II квартал 2022 года Министерство инвестиций и внешней торговли, Министерство по развитию информационных технологий и коммуникаций 3. Создание веб-сайта Цифровой экосистемы — Национальный цифровой хаб Узбекистана». 1. Разработка и утверждение технической документации на создание веб-сайта Цифровой экосистемы в установленном порядке, в частности: разработка дизайна персональных кабинетов экспортеров, инвесторов, отечественных промышленных предприятий, Министерства инвестиций и внешней торговли и соответствующих уполномоченных органов; обеспечение высокого уровня цифровой безопасности; проведение экспертизы технической документации в Министерстве по развитию информационных технологий и коммуникаций. 2. Разработка веб-сайта. 3. Разработка и утверждение технической документации и инструкций для пользователей (на узбекском, русском и английском языках). 4. Тестирование веб-сайта и устранение выявленных недостатков. 5. Запуск веб-сайта. II квартал 2022 года Министерство инвестиций и внешней торговли, Министерство по развитию информационных технологий и коммуникаций 4. Организация интегрированного сервиса, обеспечивающего бесперебойный доступ платформ электронной коммерции к Цифровой экосистеме. Разработка системы интеграции и обслуживания, обеспечивающей надежный высокоскоростной обмен данными между Цифровой экосистемой, цифровыми платформами и услугами в соответствии с различными протоколами, а также общий интерфейс для предоставления цифровых экосистемных услуг потребителям, в частности: разработка и утверждение технических условий для создания системы интеграции и обслуживания; разработка программного обеспечения; разработка и утверждение технической документации и инструкций для пользователей (на узбекском, русском и английском языках); тестирование программного обеспечения с устранением выявленных недостатков и уязвимостей; внедрение программного обеспечения; разработка договора о взаимном соединении для подключения цифровых платформ и услуг, принадлежащих независимым операторам. II квартал 2022 года Министерство инвестиций и внешней торговли, Министерство по развитию информационных технологий и коммуникаций II. Разработка и внедрение основных платформ электронной коммерции 5. Принятие мер по прозрачному определению частных партнеров Министерства инвестиций и внешней торговли для внедрения основных платформ Цифровой экосистемы. Разработка и утверждение технических требований к программному обеспечению; определение юридических лиц, являющихся партнерами Министерства инвестиций и внешней торговли, в соответствии с требованиями законодательства о государственно-частном партнерстве. I квартал 2022 года Министерство инвестиций и внешней торговли, Антимонопольный комитет, Министерство по развитию информационных технологий и коммуникаций 6. Принятие мер по оказанию содействия отечественным производителям в решении вопросов транспорта и логистики. Внедрение электронной логистической системы, при этом: разработка и утверждение технических требований и условий к программному обеспечению; разработка программного обеспечения; тестирование программного обеспечения с устранением выявленных недостатков и уязвимостей; внедрение программного обеспечения; разработка и внесение в установленном порядке в Кабинет Министров проекта правительственного постановления, утверждающего Положение о порядке организации услуг по хранению продукции, внутренней и внешней грузоперевозке; изучение внешних рынков и привлечение зарубежных логистических операторов и грузоперевозчиков для создания конкурентной среды на рынке перевозок продукции отечественных производителей на внешние рынки; реализация организационно-практических мер по взаимной интеграции баз данных внешнеторговых и таможенных операций с электронной логистической системой, предусматривающих ускорение и упрощение таможенных процедур при использовании данной системы. III квартал 2022 года Министерство инвестиций и внешней торговли, Министерство по развитию информационных технологий и коммуникаций, Министерство транспорта, Государственный таможенный комитет III. Внедрение системы расчетов по форме аккредитива 7. Предоставление услуг по оперативному и безопасному проведению операций, совершенных в Цифровой экосистеме путем внедрения системы эскроу (небанковского аккредитива). Внедрение электронной расчетной и клиринговой системы. При этом: разработка и утверждение технических условий к программному обеспечению; разработка программного обеспечения; тестирование программного обеспечения с устранением выявленных недостатков и уязвимостей; запуск программного обеспечения; создание оператора клирингового центра (юридического лица); создание гарантийного фонда при клиринговом центре Цифровой экосистемы; разработка и утверждение Положения о порядке организации расчетов, обеспечения выполнения договорных обязательств и предоставления репозитарных услуг в Цифровой экосистеме; разработка и утверждение Положения о порядке формирования, использования и пополнения средств гарантийного фонда клирингового центра Цифровой экосистемы. II квартал 2022 года Министерство инвестиций и внешней торговли IV. Внедрение дополнительных сервисов Цифровой экосистемы 8. Систематизация и анализ баз данных путем внедрения технологии «Вig data», организация взаимодействия баз данных государственных организаций для потребностей отечественных экспортер�в, промышленных предприятий, инвесторов, в том числе зарубежных организаций. Согласование с министерствами и ведомствами форм статистических данных, предоставляемых в их персональные кабинеты. Разработка общих статистических форм доведения информации и создание возможности для свободного доступе к этим данным для потребностей отечественных экспортеров, промышленных предприятий, инвесторов, в том числе иностранных предприятий. Разработка интеграционно-сервисной системы, обеспечивающей надежный высокоскоростной обмен данными по различным протоколам между Цифровой экосистемой и базами данных министерств и ведомств. Запуск межведомственной информационно-аналитической платформы «Аналитика» с поэтапным внедрением технологий «Вig data». При этом: разработка и утверждение технических требований к программному обеспечению; разработка и утверждение закупочной документации, ее размещение в публичном доступе в соответствии с актами законодательства и определение на конкурсной основе юридического лица — разработчика программного обеспечения; разработка программного обеспечения; тестирование программного обеспечения с устранением выявленных недостатков и уязвимостей; запуск программного обеспечения. IV квартал 2022 года Министерство инвестиций и внешней торговли, Министерство по развитию информационных технологий и коммуникаций, оператор Цифровой экосистемы V. Организационно-практические меры по обеспечению бесперебойного и безопасного функционирования Цифровой экосистемы 9. Обеспечение информационной безопасности открытой Цифровой экосистемы. Установление требования об обязательном наличии сертификата кибербезопасности на все информационные системы, подключаемые к Цифровой экосистеме. II квартал 2022 года Министерство инвестиций и внешней торговли, Министерство по развитию информационных технологий и коммуникаций, оператор Цифровой экосистемы 10. Совершенствование законодательства в целях обеспечения ускоренного внедрения цифровых платформ и сервисов в Цифровой экосистеме. Разработка и внесение в Кабинет Министров в установленном порядке Положения о порядке регулирования отношений в Цифровой экосистеме в рамках специальных правовых режимов. II квартал 2022 года Министерство инвестиций и внешней торговли, Министерство по развитию информационных технологий и коммуникаций
Президент Республики Узбекистан Ш. МИРЗИЁЕВ
г. Ташкент,
17 ноября 2021 г.,
№ ПП-14