📅 2021-yil 18-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 18 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 ноября 2021 г. · Постановления Президента
Официальный текст. Официальный документ. Редакционные примечания не включены.
📅 18 November 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Тошкент шаҳрида суғориладиган ерлардан самарали фойдаланишни ташкил этиш, қишлоқ хўжалиги ва озиқ-овқат маҳсулотларини етиштиришда бошқарув тизимини жорий этиш чора-тадбирлари тўғрисида
Тошкент шаҳрида қишлоқ хўжалиги маҳсулотларини етиштириш ва мавжуд ер майдонларидан самарали фойдаланишда бошқарув тизимини жорий этиш, шунингдек озиқ-овқат маҳсулотлари ҳажмини кўпайтириш мақсадида:
1. Қуйидагилар:
Ўзбекистон Республикаси Олий Мажлиси Қонунчилик палатасининг 2020 йил 8 сентябрдаги 443-IV-сон ва Сенатининг 2020 йил 11 сентябрдаги СҚ-135-IV-сон «Тошкент вилояти Зангиота, Қуйичирчиқ, Янгийўл ва Ўртачирчиқ туманларининг, Тошкент шаҳри Сергели ва Бектемир туманларининг, шунингдек, Тошкент вилояти ва Тошкент шаҳрининг чегараларини ўзгартириш ҳамда Тошкент шаҳри таркибида Янгиҳаёт туманини ташкил этиш тўғрисида»ги қарорлари ;
Ўзбекистон Республикаси Олий Мажлиси Қонунчилик палатасининг 2021 йил 16 августдаги 1290-IV-сон ва Сенатининг 2021 йил 27 августдаги СҚ-379-IV-сон «Тошкент вилоятининг Зангиота, Юқори Чирчиқ, Ўрта Чирчиқ ва Қибрай туманлари ҳамда Тошкент шаҳрининг Сергели, Бектемир, Мирзо Улуғбек ва Яшнобод туманларининг, шунингдек Тошкент вилояти ва Тошкент шаҳри чегараларини ўзгартириш тўғрисида»ги қарорлари қабул қилинганлиги маълумот учун қабул қилинсин.
2. Шундай тартиб ўрнатилсинки, унга кўра, Тошкент вилоятидан Тошкент шаҳри Бектемир, Сергели, Яшнобод, Мирзо Улуғбек ва Янгиҳаёт туманларига ўтказилаётган суғориладиган ер майдонлари, боғлар ва токзорларда (кейинги ўринларда — ўтказилаётган ер майдонлари):
мавжуд ер майдонлари ва сув ресурсларидан самарали фойдаланиш, маҳсулот етиштириш, қайта ишлаш ва экспорт ҳажмини ошириш учун қишлоқ хўжалиги экинлари яхлит майдонларга плантация усулида жойлаштирилади. Бунда, ҳар бир ҳудуднинг ихтисослашуви, тупроқ-иқлим шароити, ерларнинг мелиоратив ҳолати, унумдорлиги, сув билан таъминланганлигини ҳисобга олиб экспортбоп ва сердаромад қишлоқ хўжалиги маҳсулотларини етиштириш йўлга қўйилади;
аҳоли ишсизлигини камайтириш мақсадида ажратилаётган ҳудудлардаги 20 гектардан кам бўлмаган ерларда Қишлоқ хўжалиги вазирлиги томонидан плантация усулида замонавий технологиялар асосида интенсив боғ ва токзорлар барпо этилиб, лизинг асосида етти йил муддатга аҳолига берилади.
Бунда, Инвестициялар ва ташқи савдо вазирлиги (Л. Қудратов) тижорат банклари билан биргаликда Тошкент шаҳри Бектемир, Сергели, Яшнобод, Мирзо Улуғбек ва Янгиҳаёт туманларида амалга ошириладиган лойиҳаларни молиялаштиришда тижорат банклари кредитлари, халқаро молия институтларининг кредит линиялари маблағларини жалб этиш чораларини кўради.
3. Қишлоқ хўжалиги вазирлиги (Ж. Ходжаев) Тошкент шаҳар ҳокимлиги (Ж. Артикходжаев), Сув хўжалиги вазирлиги (Ш. Хамраев), Ўзбекистон фермер, деҳқон хўжаликлари ва томорқа ер эгалари кенгаши (А. Хаитов) билан биргаликда ўтказилаётган ер майдонларида:
ҳар бир ҳудуднинг ихтисослашуви, тупроқ-иқлим шароити, ерларнинг мелиоратив ҳолати, унумдорлиги, сув билан таъминланганлигини ҳисобга олиб ҳамда қайта ишловчи, тайёрловчи ва экспорт қилувчи ташкилотларнинг талабларидан келиб чиққан ҳолда қишлоқ хўжалиги экинлари тўлиқ экилишини таъминлаш;
қайта ишлаш ва экспорт ҳажмларини уч бараварга ошириш учун қайта ишлаш ташкилотлари, музлаткичли омборхоналар ва логистика марказларини 2021-2022 йиллар давомида тўлиқ ишга тушириш ҳамда уларнинг ишлашини таъминлаш чораларини кўрсин.
4. Белгилансинки:
Қишлоқ хўжалиги вазирлиги тизимида 10 та штат бирлигидан иборат Тошкент шаҳар қишлоқ хўжалиги бошқармаси ташкил этилади;
ўтказилаётган ер майдонларида қишлоқ хўжалиги ва озиқ-овқат хавфсизлиги соҳасида қонунчилик ҳужжатлари талабларига риоя этилиши ва уларнинг ижроси устидан назорат қилиш вазифаси Бош прокуратуранинг Аграр ва озиқ-овқат соҳаларини ривожлантиришга оид қонунчилик ижроси устидан назорат бошқармасига юклатилади. Бунда, Бош прокуратуранинг мазкур бошқармасига қўшимча 2 та штат бирлиги ажратилади;
Тошкент шаҳар қишлоқ хўжалиги бошқармасининг ва Бош прокуратуранинг штат бирликлари Тошкент вилояти қишлоқ хўжалиги бошқармаси ва Зангиота, Ўртачирчиқ, Юқоричирчиқ ҳамда Қибрай туманлари қишлоқ хўжалиги бўлимларининг жами 12 нафар штат бирликларини қисқартириш ҳисобига шакллантирилади.
5. Тошкент шаҳар ҳокимлиги Давлат активларини бошқариш агентлиги билан биргаликда бир ой муддатда Тошкент шаҳар қишлоқ хўжалиги бошқармасини Тошкент шаҳри, Чилонзор тумани, Ислом Каримов кўчаси, 55-уй манзилидаги бинога оператив бошқарув ҳуқуқи асосида жойлаштирсин ҳамда моддий-техника воситалари билан таъминласин.
6. Белгилансинки:
экин майдонлари ўзбошимчалик билан эгалланишининг олдини олиш, қишлоқ хўжалиги техникалари ҳолатини назорат қилиш, минерал ўғитларнинг мақсадли ишлатилишини, пахта ва ғалла ҳосилини йиғиб олишда жамоат тартиби, йўл ҳаракати хавфсизлигини таъминлашга масъул бўлган ички ишлар вазирининг ўринбосарига мазкур соҳадаги фаолиятни амалга ошириш борасида Тошкент шаҳар ички ишлар бош бошқармаси бошлиғининг ўринбосари — жамоат хавфсизлиги хизмати бошлиғи бўйсундирилади;
Тошкент шаҳар ички ишлар бош бошқармасида ходимларнинг умумий чекланган сони доирасида 5 нафар ходимдан иборат бўлим ташкил этилади.
7. Белгилаб қўйилсинки, ўтказилаётган ер майдонларида:
ерлардан фойдаланишни ташкил этиш Қишлоқ хўжалиги вазирлиги томонидан, қишлоқ хўжалиги ерларини муҳофаза қилиш соҳасида самарали давлат назорати Вазирлар Маҳкамаси ҳузуридаги Агросаноат мажмуи устидан назорат қилиш инспекцияси томонидан амалга оширилади;
Сув хўжалиги вазирлиги томонидан қишлоқ хўжалиги экинларини етиштириш учун кафолатланган сув билан таъминлаш чоралари кўрилади;
фермер хўжаликлари ва бошқа қишлоқ хўжалиги корхоналарининг қишлоқ хўжалиги бўйича барча кўрсаткичлари Тошкент шаҳрининг тегишли туман статистика бўлимлари орқали ҳисобга олинади;
ер майдонларини бошқа ер фонди тоифасига ўтказиш фақат қонунчиликда белгиланган тартибда компенсация тўловлари тўлиқ ундирилган тақдирда амалга оширилади.
9. Тошкент шаҳар ҳокимлиги (Ж. Артикходжаев) Қишлоқ хўжалиги вазирлиги (Ж. Ходжаев), Ўзбекистон фермер, деҳқон хўжаликлари ва томорқа ер эгалари кенгаши (А. Хаитов) билан биргаликда бир ой муддатда:
Бектемир, Сергели, Яшнобод ва Мирзо Улуғбек туманларида фаолият юритаётган қишлоқ хўжалиги маҳсулоти етиштирувчилар билан уларнинг фойдаланувида бўлган ерлар ижараси бўйича ижара шартномасини қайта расмийлаштиришга амалий ёрдам берсин;
ер ижараси шартномаси амалдаги ердан фойдаланувчи билан илгари тузилган шартномада кўрсатилган муддатнинг қолган қисмига тузилишини таъминласин.
10. Давлат солиқ қўмитаси ҳузуридаги Кадастр агентлиги Тошкент шаҳар ҳокимлиги билан биргаликда уч ой муддатда Тошкент шаҳрига ўтказилган ер майдонларини ер фонди тоифалари, турлари, ердан фойдаланувчилар бўйича контурлар кесимида, шунингдек, мавжуд барча бино-иншоотлар, қурилмалар, шу жумладан аҳолининг яшаш жойларини уларнинг эгалари кесимида қайта хатловдан ўтказсин ва хатлов якунларига кўра тегишли масштабдаги хариталарини янгиласин.
11. Қуйидагиларга:
қишлоқ хўжалиги вазири Ж. Ходжаев зиммасига — қишлоқ хўжалигига мўлжалланган ерлардан фойдаланишни ташкил этиш ва муҳофаза қилиш соҳасида самарали давлат назоратини амалга ошириш юзасидан;
Тошкент шаҳар ҳокими Ж. Артикходжаев зиммасига — қишлоқ хўжалиги ерларидан мақсадли ва самарали фойдаланиш ҳамда уларнинг бошқа ер фонди тоифасига ноқонуний ўтказилишига йўл қўймаслик юзасидан;
Бектемир, Сергели, Яшнобод, Мирзо Улуғбек ва Янгиҳаёт туманлари ҳокимлари зиммасига — туман ҳудудларига ўтказилган қишлоқ хўжалиги ерларида фақат қишлоқ хўжалиги маҳсулотлари етиштирувчилар билан шартномалар тузилишини таъминлаш юзасидан жавобгарлик юклатилсин.
12. Бош прокуратура (Ш. Рахимов) Тошкент шаҳрига ўтказилган, шунингдек, илгари берилган ер участкаларидан самарали ва оқилона фойдаланилиши устидан мунтазам равишда назорат олиб борилишини ҳамда ер тўғрисидаги қонунчилик ҳужжатлари бузилиши ҳолатларини содир этган шахсларга нисбатан қатъий чоралар кўрилишини таъминласин.
14. Тошкент шаҳар ва Тошкент вилояти ҳокимликлари Қишлоқ хўжалиги вазирлиги билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
15. Мазкур қарорнинг ижросини самарали ташкил қилишга масъул ва шахсий жавобгар этиб қишлоқ хўжалиги вазири Ж. Ходжаев, Тошкент шаҳар ҳокими Ж. Артикходжаев ва Тошкент вилояти ҳокими вазифасини бажарувчи З. Мирзаев белгилансин.
Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ш.М. Ғаниев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 18 ноябрь,
ПҚ-17-сон
Oʻzbekiston Respublikasi Prezidentining
Qarori
Toshkent shahrida sugʻoriladigan yerlardan samarali foydalanishni tashkil etish, qishloq xoʻjaligi va oziq-ovqat mahsulotlarini yetishtirishda boshqaruv tizimini joriy etish chora-tadbirlari toʻgʻrisida
Toshkent shahrida qishloq xoʻjaligi mahsulotlarini yetishtirish va mavjud yer maydonlaridan samarali foydalanishda boshqaruv tizimini joriy etish, shuningdek oziq-ovqat mahsulotlari hajmini koʻpaytirish maqsadida:
1. Quyidagilar:
Oʻzbekiston Respublikasi Oliy Majlisi Qonunchilik palatasining 2020-yil 8-sentabrdagi 443-IV-son va Senatining 2020-yil 11-sentabrdagi SQ-135-IV-son “Toshkent viloyati Zangiota, Quyichirchiq, Yangiyoʻl va Oʻrtachirchiq tumanlarining, Toshkent shahri Sergeli va Bektemir tumanlarining, shuningdek, Toshkent viloyati va Toshkent shahrining chegaralarini oʻzgartirish hamda Toshkent shahri tarkibida Yangihayot tumanini tashkil etish toʻgʻrisida”gi qarorlari ;
Oʻzbekiston Respublikasi Oliy Majlisi Qonunchilik palatasining 2021-yil 16-avgustdagi 1290-IV-son va Senatining 2021-yil 27-avgustdagi SQ-379-IV-son “Toshkent viloyatining Zangiota, Yuqori Chirchiq, Oʻrta Chirchiq va Qibray tumanlari hamda Toshkent shahrining Sergeli, Bektemir, Mirzo Ulugʻbek va Yashnobod tumanlarining, shuningdek Toshkent viloyati va Toshkent shahri chegaralarini oʻzgartirish toʻgʻrisida”gi qarorlari qabul qilinganligi maʼlumot uchun qabul qilinsin.
2. Shunday tartib oʻrnatilsinki, unga koʻra, Toshkent viloyatidan Toshkent shahri Bektemir, Sergeli, Yashnobod, Mirzo Ulugʻbek va Yangihayot tumanlariga oʻtkazilayotgan sugʻoriladigan yer maydonlari, bogʻlar va tokzorlarda (keyingi oʻrinlarda — oʻtkazilayotgan yer maydonlari):
mavjud yer maydonlari va suv resurslaridan samarali foydalanish, mahsulot yetishtirish, qayta ishlash va eksport hajmini oshirish uchun qishloq xoʻjaligi ekinlari yaxlit maydonlarga plantatsiya usulida joylashtiriladi. Bunda, har bir hududning ixtisoslashuvi, tuproq-iqlim sharoiti, yerlarning meliorativ holati, unumdorligi, suv bilan taʼminlanganligini hisobga olib eksportbop va serdaromad qishloq xoʻjaligi mahsulotlarini yetishtirish yoʻlga qoʻyiladi;
aholi ishsizligini kamaytirish maqsadida ajratilayotgan hududlardagi 20 gektardan kam boʻlmagan yerlarda Qishloq xoʻjaligi vazirligi tomonidan plantatsiya usulida zamonaviy texnologiyalar asosida intensiv bogʻ va tokzorlar barpo etilib, lizing asosida yetti yil muddatga aholiga beriladi.
Bunda, Investitsiyalar va tashqi savdo vazirligi (L. Qudratov) tijorat banklari bilan birgalikda Toshkent shahri Bektemir, Sergeli, Yashnobod, Mirzo Ulugʻbek va Yangihayot tumanlarida amalga oshiriladigan loyihalarni moliyalashtirishda tijorat banklari kreditlari, xalqaro moliya institutlarining kredit liniyalari mablagʻlarini jalb etish choralarini koʻradi.
3. Qishloq xoʻjaligi vazirligi (J. Xodjayev) Toshkent shahar hokimligi (J. Artikxodjayev), Suv xoʻjaligi vazirligi (Sh. Xamrayev), Oʻzbekiston fermer, dehqon xoʻjaliklari va tomorqa yer egalari kengashi (A. Xaitov) bilan birgalikda oʻtkazilayotgan yer maydonlarida:
har bir hududning ixtisoslashuvi, tuproq-iqlim sharoiti, yerlarning meliorativ holati, unumdorligi, suv bilan taʼminlanganligini hisobga olib hamda qayta ishlovchi, tayyorlovchi va eksport qiluvchi tashkilotlarning talablaridan kelib chiqqan holda qishloq xoʻjaligi ekinlari toʻliq ekilishini taʼminlash;
qayta ishlash va eksport hajmlarini uch baravarga oshirish uchun qayta ishlash tashkilotlari, muzlatkichli omborxonalar va logistika markazlarini 2021-2022-yillar davomida toʻliq ishga tushirish hamda ularning ishlashini taʼminlash choralarini koʻrsin.
4. Belgilansinki:
Qishloq xoʻjaligi vazirligi tizimida 10 ta shtat birligidan iborat Toshkent shahar qishloq xoʻjaligi boshqarmasi tashkil etiladi;
oʻtkazilayotgan yer maydonlarida qishloq xoʻjaligi va oziq-ovqat xavfsizligi sohasida qonunchilik hujjatlari talablariga rioya etilishi va ularning ijrosi ustidan nazorat qilish vazifasi Bosh prokuraturaning Agrar va oziq-ovqat sohalarini rivojlantirishga oid qonunchilik ijrosi ustidan nazorat boshqarmasiga yuklatiladi. Bunda, Bosh prokuraturaning mazkur boshqarmasiga qoʻshimcha 2 ta shtat birligi ajratiladi;
Toshkent shahar qishloq xoʻjaligi boshqarmasining va Bosh prokuraturaning shtat birliklari Toshkent viloyati qishloq xoʻjaligi boshqarmasi va Zangiota, Oʻrtachirchiq, Yuqorichirchiq hamda Qibray tumanlari qishloq xoʻjaligi boʻlimlarining jami 12 nafar shtat birliklarini qisqartirish hisobiga shakllantiriladi.
5. Toshkent shahar hokimligi Davlat aktivlarini boshqarish agentligi bilan birgalikda bir oy muddatda Toshkent shahar qishloq xoʻjaligi boshqarmasini Toshkent shahri, Chilonzor tumani, Islom Karimov koʻchasi, 55-uy manzilidagi binoga operativ boshqaruv huquqi asosida joylashtirsin hamda moddiy-texnika vositalari bilan taʼminlasin.
6. Belgilansinki:
ekin maydonlari oʻzboshimchalik bilan egallanishining oldini olish, qishloq xoʻjaligi texnikalari holatini nazorat qilish, mineral oʻgʻitlarning maqsadli ishlatilishini, paxta va gʻalla hosilini yigʻib olishda jamoat tartibi, yoʻl harakati xavfsizligini taʼminlashga masʼul boʻlgan ichki ishlar vazirining oʻrinbosariga mazkur sohadagi faoliyatni amalga oshirish borasida Toshkent shahar ichki ishlar bosh boshqarmasi boshligʻining oʻrinbosari — jamoat xavfsizligi xizmati boshligʻi boʻysundiriladi;
Toshkent shahar ichki ishlar bosh boshqarmasida xodimlarning umumiy cheklangan soni doirasida 5 nafar xodimdan iborat boʻlim tashkil etiladi.
7. Belgilab qoʻyilsinki, oʻtkazilayotgan yer maydonlarida:
yerlardan foydalanishni tashkil etish Qishloq xoʻjaligi vazirligi tomonidan, qishloq xoʻjaligi yerlarini muhofaza qilish sohasida samarali davlat nazorati Vazirlar Mahkamasi huzuridagi Agrosanoat majmui ustidan nazorat qilish inspeksiyasi tomonidan amalga oshiriladi;
Suv xoʻjaligi vazirligi tomonidan qishloq xoʻjaligi ekinlarini yetishtirish uchun kafolatlangan suv bilan taʼminlash choralari koʻriladi;
fermer xoʻjaliklari va boshqa qishloq xoʻjaligi korxonalarining qishloq xoʻjaligi boʻyicha barcha koʻrsatkichlari Toshkent shahrining tegishli tuman statistika boʻlimlari orqali hisobga olinadi;
yer maydonlarini boshqa yer fondi toifasiga oʻtkazish faqat qonunchilikda belgilangan tartibda kompensatsiya toʻlovlari toʻliq undirilgan taqdirda amalga oshiriladi.
9. Toshkent shahar hokimligi (J. Artikxodjayev) Qishloq xoʻjaligi vazirligi (J. Xodjayev), Oʻzbekiston fermer, dehqon xoʻjaliklari va tomorqa yer egalari kengashi (A. Xaitov) bilan birgalikda bir oy muddatda:
Bektemir, Sergeli, Yashnobod va Mirzo Ulugʻbek tumanlarida faoliyat yuritayotgan qishloq xoʻjaligi mahsuloti yetishtiruvchilar bilan ularning foydalanuvida boʻlgan yerlar ijarasi boʻyicha ijara shartnomasini qayta rasmiylashtirishga amaliy yordam bersin;
yer ijarasi shartnomasi amaldagi yerdan foydalanuvchi bilan ilgari tuzilgan shartnomada koʻrsatilgan muddatning qolgan qismiga tuzilishini taʼminlasin.
10. Davlat soliq qoʻmitasi huzuridagi Kadastr agentligi Toshkent shahar hokimligi bilan birgalikda uch oy muddatda Toshkent shahriga oʻtkazilgan yer maydonlarini yer fondi toifalari, turlari, yerdan foydalanuvchilar boʻyicha konturlar kesimida, shuningdek, mavjud barcha bino-inshootlar, qurilmalar, shu jumladan aholining yashash joylarini ularning egalari kesimida qayta xatlovdan oʻtkazsin va xatlov yakunlariga koʻra tegishli masshtabdagi xaritalarini yangilasin.
11. Quyidagilarga:
qishloq xoʻjaligi vaziri J. Xodjayev zimmasiga — qishloq xoʻjaligiga moʻljallangan yerlardan foydalanishni tashkil etish va muhofaza qilish sohasida samarali davlat nazoratini amalga oshirish yuzasidan;
Toshkent shahar hokimi J. Artikxodjayev zimmasiga — qishloq xoʻjaligi yerlaridan maqsadli va samarali foydalanish hamda ularning boshqa yer fondi toifasiga noqonuniy oʻtkazilishiga yoʻl qoʻymaslik yuzasidan;
Bektemir, Sergeli, Yashnobod, Mirzo Ulugʻbek va Yangihayot tumanlari hokimlari zimmasiga — tuman hududlariga oʻtkazilgan qishloq xoʻjaligi yerlarida faqat qishloq xoʻjaligi mahsulotlari yetishtiruvchilar bilan shartnomalar tuzilishini taʼminlash yuzasidan javobgarlik yuklatilsin.
12. Bosh prokuratura (Sh. Raximov) Toshkent shahriga oʻtkazilgan, shuningdek, ilgari berilgan yer uchastkalaridan samarali va oqilona foydalanilishi ustidan muntazam ravishda nazorat olib borilishini hamda yer toʻgʻrisidagi qonunchilik hujjatlari buzilishi holatlarini sodir etgan shaxslarga nisbatan qatʼiy choralar koʻrilishini taʼminlasin.
14. Toshkent shahar va Toshkent viloyati hokimliklari Qishloq xoʻjaligi vazirligi bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
15. Mazkur qarorning ijrosini samarali tashkil qilishga masʼul va shaxsiy javobgar etib qishloq xoʻjaligi vaziri J. Xodjayev, Toshkent shahar hokimi J. Artikxodjayev va Toshkent viloyati hokimi vazifasini bajaruvchi Z. Mirzayev belgilansin.
Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari Sh.M. Gʻaniyev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 18-noyabr,
PQ-17-son
Президента Республики Узбекистан
Постановление
О мерах по организации эффективного использования орошаемых земель и внедрению системы управления в производство сельскохозяйственной и продовольственной продукции в городе Ташкенте
В целях внедрения системы управления в производство сельскохозяйственной продукции, эффективное использование имеющихся земельных площадей, а также увеличения объемов продовольственной продукции в городе Ташкенте:
1. Принять к сведению, что приняты:
постановления Законодательной палаты Олий Мажлиса Республики Узбекистан от 8 сентября 2020 года № 443-IV и Сената Олий Мажлиса Республики Узбекистан от 11 сентября 2020 года № СК-135-IV «Об изменении границ Зангиатинского, Куйичирчикского, Янгиюльского и Уртачирчикского районов Ташкентской области, Сергелийского и Бектемирского районов города Ташкента, а также Ташкентской области и города Ташкента и об образовании Янгихаётского района в составе города Ташкента»;
постановления Законодательной палаты Олий Мажлиса Республики Узбекистан от 16 августа 2021 года № 1290-IV и Сената Олий Мажлиса Республики Узбекистан от 27 августа 2021 года № СК-379-IV и «Об изменении границ Зангиатинского, Юкоричирчикского, Уртачирчикского и Кибрайского районов Ташкентской области и Сергелийского, Бектемирского, Мирзо-Улугбекского и Яшнабадского районов города Ташкента, а также Ташкентской области и города Ташкента».
2. Установить порядок, в соответствии с которым на орошаемых земельных площадях, в садах и виноградниках, передаваемых от Ташкентской области Бектемирскому, Сергелийскому, Яшнабадскому, Мирзо-Улугбекскому и Янгихаетскому районам города Ташкента (далее — передаваемые земельные площади):
сельскохозяйственные культуры размещаются на целостных площадях методом плантации для эффективного использования имеющихся земельных площадей и водных ресурсов, увеличения производства, переработки и экспорта продукции. При этом с учетом специализации, почвенно-климатических условий каждой территории, мелиоративного состояния, плодородия, водоснабжения земель налаживается выращивание экспортоориентированной и высокоприбыльной сельскохозяйственной продукции;
на землях площадью не менее 20 гектаров, отводимых на территориях в целях сокращения безработицы населения, Министерством сельского хозяйства на основе современных технологий методом плантации создаются интенсивные сады и виноградники, которые предоставляются населению на лизинговой основе сроком на семь лет.
При этом Министерство инвестиций и внешней торговли (Л. Кудратов) совместно с коммерческими банками принимает меры по привлечению кредитов коммерческих банков и средств кредитных линий международных финансовых институтов при финансировании проектов, реализуемых в Бектемирском, Сергелийском, Яшнабадском, Мирзо-Улугбекском и Янгихаетском районах города Ташкента.
3. Министерству сельского хозяйства (Ж. Ходжаев) совместно с хокимиятом города Ташкента (Ж. Артыкходжаев), Министерством водного хозяйства (Ш. Хамраев) и Советом фермерских, дехканских хозяйств и владельцев приусадебных земель Узбекистана (А. Хаитов) принять меры по обеспечению на передаваемых земельных площадях:
полноценной посадки сельскохозяйственных культур с учетом специализации, почвенно-климатических условий каждой территории, мелиоративного состояния, плодородия, водоснабжения земель, а также исходя из требований организаций по переработке, заготовке и экспорту продукции;
полного ввода в 2021-2022 годах в эксплуатацию и обеспечению функционирования перерабатывающих предприятий, холодильных складов и логистических центров в целях увеличения в три раза объемов переработки и экспорта.
4. Установить, что:
в системе Министерства сельского хозяйства создается Управление сельского хозяйства города Ташкента в количестве 10 штатных единиц;
задача по контролю за соблюдением и исполнением требований актов законодательства в сфере сельскохозяйственной и продовольственной безопасности на передаваемых земельных площадях возлагается на Управление по надзору за исполнением законодательства по развитию аграрной и продовольственной сфер Генеральной прокуратуры. При этом данному управлению Генеральной прокуратуры выделяются дополнительно 2 штатные единицы;
штатные единицы Управления сельского хозяйства города Ташкента и Генеральной прокуратуры формируются за счет сокращения всего 12 штатных единиц Управления сельского хозяйства Ташкентской области и отделов сельского хозяйства Зангиатинского, Уртачирчикского, Юкоричирчикского и Кибрайского районов.
5. Хокимияту города Ташкента совместно с Агентством по управлению государственными активами в месячный срок разместить Управление сельского хозяйства города Ташкента в здании, расположенном по адресу: город Ташкент, Чиланзарский район, улица Ислама Каримова, 55, на основе права оперативного управления, а также обеспечить его материально-техническими средствами.
6. Установить, что:
заместителю министра внутренних дел, ответственному за предотвращение самовольного захвата посевных площадей, осуществление контроля за состоянием сельскохозяйственной техники, целевое использование минеральных удобрений, обеспечение общественного порядка и безопасности дорожного движения во время уборки урожая хлопка и зерна при осуществлении деятельности в данной сфере подчиняется заместитель начальника Главного управления внутренних дел города Ташкента — начальник Службы общественной безопасности;
в Главном управлении внутренних дел города Ташкента в пределах общей численности сотрудников создается отдел в составе 5 сотрудников.
7. Установить, что на передаваемых земельных площадях:
организацию использования земель осуществляет Министерство сельского хозяйства, эффективный государственный контроль в области охраны земель сельского хозяйства — Инспекция по контролю за агропромышленным комплексом при Кабинете Министров;
Министерством водного хозяйства будут приняты меры по гарантированному водоснабжению выращивания сельскохозяйственных культур;
все показатели по сельскому хозяйству фермерских хозяйств и других сельскохозяйственных предприятий учитываются через соответствующие районные отделы по статистике города Ташкента;
перевод земельных площадей в другую категорию земельного фонда осуществляется исключительно при полном взыскании компенсационных выплат в порядке, установленном законодательством.
9. Хокимияту города Ташкента (Ж. Артыкходжаев) совместно с Министерством сельского хозяйства (Ж. Ходжаев), Советом фермерских, дехканских хозяйств и владельцев приусадебных земель (А. Хаитов) в месячный срок:
оказать практическую помощь в переоформлении с производителями сельхозпродукции, осуществляющими деятельность в Бектемирском, Сергелийском, Яшнабадском и Мирзо-Улугбекском районах, договоров аренды земель, находившихся в их пользовании;
обеспечить заключение договора аренды земли с действующим землепользователем на оставшийся срок, указанный в ранее заключенном договоре.
10. Агентству по кадастру при Государственном налоговом комитете совместно с хокимиятом города Ташкента в трехмесячный срок провести повторную инвентаризацию переданных городу Ташкенту земельных площадей в разрезе категорий, типов земельного фонда, контуров по землепользователям, а также в разрезе собственников всех имеющихся зданий, сооружений и построек, в том числе жилых домов населения, по результатам инвентаризации обновить карты соответствующего масштаба.
11. Возложить ответственность на:
министра сельского хозяйства Ж. Ходжаева — за осуществление эффективного государственного контроля в области организации использования и охраны земель сельскохозяйственного назначения;
хокима города Ташкента Ж. Артыкходжаева — за целевое и эффективное использование земель сельскохозяйственного назначения, а также предотвращение их незаконного перевода в другую категорию земельного фонда;
хокимов Бектемирского, Сергелийского, Яшнабадского, Мирзо-Улугбекского и Янгихаетского районов — за заключение договоров исключительно с производителями сельхозпродукции на землях сельскохозяйственного назначения, переведенных в территорию района.
12. Генеральной прокуратуре (Ш. Рахимов) обеспечить регулярный контроль за эффективным и рациональным использованием земельных участков, переданных и ранее выделенных городу Ташкенту, а также принятие строгих мер в отношении лиц, совершивших нарушения земельного законодательства.
14. Хокимиятам города Ташкента и Ташкентской области совместно с Министерством сельского хозяйства в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
15. Возложить на министра сельского хозяйства Ж. Ходжаева, хокима города Ташкента Ж. Артыкходжаева и исполняющего обязанности хокима Ташкентской области З. Мирзаева персональную ответственность за эффективную организацию исполнения настоящего постановления.
Ежеквартальное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан Ш.М. Ганиева.
Президент Республики Узбекистан Ш. МИРЗИЁЕВ
г. Ташкент,
18 ноября 2021 г.,
№ ПП-17