📅 2021-yil 18-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 18 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 ноября 2021 г. · Постановления Президента
Официальный текст. Официальный документ. Редакционные примечания не включены.
📅 18 November 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Тошкент вилояти телерадиоканалини ташкил этиш тўғрисида
Тошкент вилоятида амалга оширилаётган ислоҳотлар ва яратилаётган имкониятлардан аҳолининг хабардорлик даражасини кенгайтириш, шунингдек, ҳудуд тарихи, урф-одат ва анъаналари, бой табиати ва туризм салоҳиятини кенг тарғиб этиш ҳамда минтақада таъсирчан медиа макон яратишни қўллаб-қувватлаш мақсадида:
1. Ўзбекистон миллий телерадиокомпанияси тизимида Тошкент вилояти телерадиоканали — «Nurafshon TV» (кейинги ўринларда — Тошкент вилояти телерадиоканали) ташкил этилсин.
2. Қуйидагилар Тошкент вилояти телерадиоканалининг асосий вазифалари этиб белгилансин:
Тошкент вилоятининг ижтимоий-сиёсий, социал-иқтисодий ва маданий-маърифий ҳаётида рўй бераётган ислоҳотлар, фаровонлик, тараққиёт ва бунёдкорлик йўлида олиб борилаётган кенг кўламли ишлар ҳамда яратилган имкониятлар ҳақида аҳолини мунтазам хабардор қилиб бориш;
жойларда ислоҳотларни амалга оширишга тўсиқ бўлаётган омилларни кенг жамоатчилик муҳокамасига олиб чиқиш, маҳаллий ижро этувчи ҳокимият органлари ҳамда бошқа ташкилотлар фаолияти юзасидан самарали ва таъсирчан жамоатчилик назоратини ўрнатиш;
аҳолининг сиёсий ва ижтимоий фаоллигини ошириш, уларда қатъий фуқаролик позициясини шакллантириш, сифатли давлат хизматларини кўрсатиш ва улардан самарали фойдаланиш масалаларини теле- ва радиодастур орқали ёритиш;
ҳудуднинг тарихи, маданияти, санъати, адабиёти ва урф-одатлари, бой табиати, сўлим гўшалари ва туризм салоҳиятини акс эттирувчи, уларни ўрганиш, асраб-авайлаш ва кенг тарғиб қилишга йўналтирилган кўрсатув ва эшиттиришлар тайёрлаш;
аҳолининг интеллектуал ва маданий савиясини ошириш, фуқароларнинг онгида демократик қадриятларни мустаҳкамлаш, ёшлар ва ўсиб келаётган авлодни ватанпарварлик, умуминсоний қадриятларни ҳурмат қилиш ва миллатлараро тотувлик руҳида тарбиялашни тарғиб қилиш;
давлат ва нодавлат телерадиокомпаниялар, ахборот агентликлари, шунингдек, халқаро ташкилотлар билан ахборот алмашиш бўйича самарали ҳамкорликни йўлга қўйиш.
3. Белгилансинки:
Тошкент вилояти телерадиоканали давлат муассасаси шаклидаги юридик шахс ҳисобланади;
Тошкент вилояти телерадиоканали ўз теле- ва радиодастурлари билан кечаю кундуз узлуксиз равишда эфирга чиқади;
Тошкент вилояти телерадиоканали ходимларининг чекланган штатлари сони 69 нафар, шу жумладан бошқарув ходимлари сони 4 нафардан иборат бўлади;
Тошкент вилояти телерадиоканалининг ташкилий тузилмаси Ўзбекистон миллий телерадиокомпанияси тизимидаги тегишли ташкилотларнинг тузилмасини мақбуллаштириш ва мавжуд штатларни қисқартириш ҳисобига ташкил этилади;
Тошкент вилояти телерадиоканали ташкилий тузилмаси Ўзбекистон миллий телерадиокомпанияси раиси томонидан тасдиқланади;
Тошкент вилояти телерадиоканали ходимларига Ўзбекистон миллий телерадиокомпанияси тизимида фаолият юритаётган телерадиоканаллар ходимлари учун қонунчилик ҳужжатларида назарда тутилган меҳнатга ҳақ тўлаш ва моддий рағбатлантириш шарт-шароитлари татбиқ этилади.
4. Тошкент вилояти маъмурий маркази — Нурафшон шаҳрида Тошкент вилояти телерадиоканали учун комплекс бино (кейинги ўринларда — Объект) қуришга 1,3 гектар ер майдони ажратилганлиги ҳамда қурилиш бўйича лойиҳа-қидирув ишлари амалга оширилиб, лойиҳа-смета ҳужжатлари ишлаб чиқилганлиги маълумот учун қабул қилинсин.
5. Тошкент вилояти ҳокимлиги (З.Т. Мирзаев) Объектда қурилиш-монтаж ва унинг ҳудудида ободонлаштириш ишларининг сифатли бажарилишини таъминласин. Бунда, оптик толали алоқа линияси қуришда «Ўзбектелеком» АК техник шартлари инобатга олинсин.
6. Қурилиш вазирлиги (Б.И. Закиров) Объект бўйича лойиҳа-смета ҳужжатларини давлат экспертизасидан ўтказсин ва қурилиш-монтаж ишларининг сифатли бажарилиши устидан давлат назоратини ўрнатсин.
7. Ўзбекистон миллий телерадиокомпанияси (А.Ж. Хаджаев) Иқтисодий тараққиёт ва камбағалликни қисқартириш вазирлиги (А.М. Бобоев), Молия вазирлиги (Т.А. Ишметов), Тошкент вилояти ҳокимлиги (З.Т. Мирзаев) билан биргаликда объект қурилишини ташкил этиш ва жадаллаштириш, замонавий студия комплекси ва кўчма телевизион станция учун талаб этиладиган маблағлар 2022–2023 йиллар ижтимоий ва ишлаб чиқариш инфратузилмасини ривожлантириш дастурига киритилишини таъминласин.
8. Ўзбекистон миллий телерадиокомпанияси ва Тошкент вилояти телерадиоканалини технологик жиҳозлаш учун белгиланган тартибда тасдиқланган рўйхатларга мувофиқ олиб кириладиган, республикада ишлаб чиқарилмайдиган импорт товарлар — мультимедиа, радиотелевизион ускуналари, материаллар, дастурий таъминот ва эҳтиёт қисмларни 2024 йил 1 январга қадар божхона божидан озод қилинсин.
9. Объект фойдаланишга топширилгунга қадар:
а) Тошкент вилояти ҳокимлиги (З.Т. Мирзаев) вилоятда рўй берадиган кунлик воқеа-ҳодисаларни тезкор ёритувчи ва ҳудудда ишловчи телерадиоканалнинг ижодий ходимларига шарт-шароит яратсин ва уларга вақтинчалик фойдаланиш учун текин фойдаланиш ҳуқуқи асосида етарли хоналар ажратсин;
б) Ўзбекистон миллий телерадиокомпанияси (А.Ж. Хаджаев):
Тошкент вилояти телерадиоканалини Ўзбекистон миллий телерадиокомпаниясига тегишли биноларга вақтинча текин фойдаланиш ҳуқуқи асосида жойлаштирсин, зарур бўлган бирламчи воситалар билан жиҳозласин ва ижодий-техник ходимлар ишлаши учун етарли шароит яратсин;
Тошкент вилояти телерадиоканали фаолияти «Toshkent» телерадиоканали эфири билан параллел равишда олиб борилишини ташкил этсин;
Тошкент вилояти телерадиоканалининг имижи, лейбли, видеолавҳалари каби асосий таниқлик белгиларини ишлаб чиқсин;
ижодий-техник гуруҳ тузган ҳолда Тошкент вилояти телерадиоканали эфирида Тошкент вилоятининг ижтимоий-сиёсий ва иқтисодий ҳаётига оид бўлган воқеа-ҳодисаларни ёритиб борувчи асосий кундалик информацион дастурни тайёрлаб борсин;
Ўзбекистон миллий телерадиокомпанияси тизимидаги радиоканалларнинг бирида Тошкент вилояти билан боғлиқ бўлган воқеа ва ҳодисаларни ёритиб бориш учун алоҳида эфир вақти ажратсин.
Белгилансинки, Тошкент вилояти телерадиоканалини малакали кадрлар билан таъминлаш, заруратга қараб, босқичма-босқич амалга оширилади.
10. Ахборот технологиялари ва коммуникацияларини ривожлантириш вазирлиги (Ш.Х. Шерматов) Ўзбекистон миллий телерадиокомпанияси (А.Ж. Хаджаев) билан биргаликда 2022–2023 йиллар давомида:
Тошкент вилояти телерадиоканали эфир сигналини рақамли телевидениенинг умумий фойдаланиладиган ижтимоий пакетида Тошкент вилояти ҳудудига тўлиқ етказсин;
Тошкент вилояти телерадиоканалининг радио йўналиши учун алоҳида частота ажратиш ва радио фаолиятини олиб бориш учун техник шароит яратсин.
11. Молия вазирлиги (Т.А. Ишметов) 2022 йилдан бошлаб, Тошкент вилояти телерадиоканали фаолиятини ҳамда телевидение ва радиоэшиттириш дастурлари сигналларини узатиш ва тарқатиш хизматларини молиялаштириш учун Давлат бюджети параметрларида зарур маблағларни назарда тутсин.
12. Ўзбекистон миллий телерадиокомпанияси, Ёшлар иттифоқи, Қишлоқ хўжалиги вазирлигининг:
«Yoshlar», «Navo» ва «Kinoteatr» телеканаллари ихтисослаштирилган реклама хусусиятига эга бўлган канал сифатида фаолият кўрсатишига рухсат бериш;
«Ўзбекистон» телерадиоканалида «Қишлоқ хўжалиги» таҳририятини ташкил этиш тўғрисидаги таклифлари маъқуллансин.
Бунда:
«Yoshlar», «Navo» ва «Kinoteatr» телеканаллари томонидан умум эътироф этилган ахлоқий меъёрларга риоя қилиш, миллий урф-одатлар, тарихий ва маънавий меросни қадрлаш, фуқароларнинг онгида демократик қадриятларни шакллантириш, ёш авлодни ватанпарварлик, Ватанга муҳаббат ва умумбашарий қадриятларга ҳурмат руҳида тарбиялашга қаратилган телевизион дастурлар тайёрлашга эътибор қаратилсин;
Қишлоқ хўжалиги вазирлиги (Ж.А. Ходжаев), Ветеринария ва чорвачиликни ривожлантириш давлат қўмитаси (Б.Т. Норқобилов), Ипакчилик ва жун саноатини ривожлантириш қўмитаси (Б.Қ. Шарипов), Ўзбекистон миллий телерадиокомпанияси (А.Ж. Хаджаев), аграр ва озиқ-овқат соҳасининг бошқа ташкилотлари қишлоқ хўжалигидаги ислоҳотлар, экин экиш ва парваришлаш агротехникаси, ер ва сувдан оқилона фойдаланиш, чорвачилик, ветеринария, балиқчилик, пиллачилик, паррандачилик, асаларичилик, боғдорчилик, сабзавотчилик ва иссиқхона хўжалиги каби масалалар бўйича «Қишлоқ хўжалиги» таҳририяти томонидан телерадиомаҳсулотлар тайёрланиши ва эфирга узатилишига кўмаклашсин.
13. Мазкур қарорнинг ижросини самарали ташкил қилишга масъул ва шахсан жавобгар этиб Ўзбекистон миллий телерадиокомпанияси раиси А.Ж. Хаджаев ҳамда Тошкент вилояти ҳокими вазифасини бажарувчи З.Т. Мирзаев белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари А.А. Абдухакимов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 18 ноябрь,
ПҚ-18-сон
Oʻzbekiston Respublikasi Prezidentining
Qarori
Toshkent viloyati teleradiokanalini tashkil etish toʻgʻrisida
Toshkent viloyatida amalga oshirilayotgan islohotlar va yaratilayotgan imkoniyatlardan aholining xabardorlik darajasini kengaytirish, shuningdek, hudud tarixi, urf-odat va anʼanalari, boy tabiati va turizm salohiyatini keng targʻib etish hamda mintaqada taʼsirchan media makon yaratishni qoʻllab-quvvatlash maqsadida:
1. Oʻzbekiston milliy teleradiokompaniyasi tizimida Toshkent viloyati teleradiokanali — “Nurafshon TV” (keyingi oʻrinlarda — Toshkent viloyati teleradiokanali) tashkil etilsin.
2. Quyidagilar Toshkent viloyati teleradiokanalining asosiy vazifalari etib belgilansin:
Toshkent viloyatining ijtimoiy-siyosiy, sotsial-iqtisodiy va madaniy-maʼrifiy hayotida roʻy berayotgan islohotlar, farovonlik, taraqqiyot va bunyodkorlik yoʻlida olib borilayotgan keng koʻlamli ishlar hamda yaratilgan imkoniyatlar haqida aholini muntazam xabardor qilib borish;
joylarda islohotlarni amalga oshirishga toʻsiq boʻlayotgan omillarni keng jamoatchilik muhokamasiga olib chiqish, mahalliy ijro etuvchi hokimiyat organlari hamda boshqa tashkilotlar faoliyati yuzasidan samarali va taʼsirchan jamoatchilik nazoratini oʻrnatish;
aholining siyosiy va ijtimoiy faolligini oshirish, ularda qatʼiy fuqarolik pozitsiyasini shakllantirish, sifatli davlat xizmatlarini koʻrsatish va ulardan samarali foydalanish masalalarini tele- va radiodastur orqali yoritish;
hududning tarixi, madaniyati, sanʼati, adabiyoti va urf-odatlari, boy tabiati, soʻlim goʻshalari va turizm salohiyatini aks ettiruvchi, ularni oʻrganish, asrab-avaylash va keng targʻib qilishga yoʻnaltirilgan koʻrsatuv va eshittirishlar tayyorlash;
aholining intellektual va madaniy saviyasini oshirish, fuqarolarning ongida demokratik qadriyatlarni mustahkamlash, yoshlar va oʻsib kelayotgan avlodni vatanparvarlik, umuminsoniy qadriyatlarni hurmat qilish va millatlararo totuvlik ruhida tarbiyalashni targʻib qilish;
davlat va nodavlat teleradiokompaniyalar, axborot agentliklari, shuningdek, xalqaro tashkilotlar bilan axborot almashish boʻyicha samarali hamkorlikni yoʻlga qoʻyish.
3. Belgilansinki:
Toshkent viloyati teleradiokanali davlat muassasasi shaklidagi yuridik shaxs hisoblanadi;
Toshkent viloyati teleradiokanali oʻz tele- va radiodasturlari bilan kechayu kunduz uzluksiz ravishda efirga chiqadi;
Toshkent viloyati teleradiokanali xodimlarining cheklangan shtatlari soni 69 nafar, shu jumladan boshqaruv xodimlari soni 4 nafardan iborat boʻladi;
Toshkent viloyati teleradiokanalining tashkiliy tuzilmasi Oʻzbekiston milliy teleradiokompaniyasi tizimidagi tegishli tashkilotlarning tuzilmasini maqbullashtirish va mavjud shtatlarni qisqartirish hisobiga tashkil etiladi;
Toshkent viloyati teleradiokanali tashkiliy tuzilmasi Oʻzbekiston milliy teleradiokompaniyasi raisi tomonidan tasdiqlanadi;
Toshkent viloyati teleradiokanali xodimlariga Oʻzbekiston milliy teleradiokompaniyasi tizimida faoliyat yuritayotgan teleradiokanallar xodimlari uchun qonunchilik hujjatlarida nazarda tutilgan mehnatga haq toʻlash va moddiy ragʻbatlantirish shart-sharoitlari tatbiq etiladi.
4. Toshkent viloyati maʼmuriy markazi — Nurafshon shahrida Toshkent viloyati teleradiokanali uchun kompleks bino (keyingi oʻrinlarda — Obyekt) qurishga 1,3 gektar yer maydoni ajratilganligi hamda qurilish boʻyicha loyiha-qidiruv ishlari amalga oshirilib, loyiha-smeta hujjatlari ishlab chiqilganligi maʼlumot uchun qabul qilinsin.
5. Toshkent viloyati hokimligi (Z.T. Mirzayev) Obyektda qurilish-montaj va uning hududida obodonlashtirish ishlarining sifatli bajarilishini taʼminlasin. Bunda, optik tolali aloqa liniyasi qurishda “Oʻzbektelekom” AK texnik shartlari inobatga olinsin.
6. Qurilish vazirligi (B.I. Zakirov) Obyekt boʻyicha loyiha-smeta hujjatlarini davlat ekspertizasidan oʻtkazsin va qurilish-montaj ishlarining sifatli bajarilishi ustidan davlat nazoratini oʻrnatsin.
7. Oʻzbekiston milliy teleradiokompaniyasi (A.J. Xadjayev) Iqtisodiy taraqqiyot va kambagʻallikni qisqartirish vazirligi (A.M. Boboyev), Moliya vazirligi (T.A. Ishmetov), Toshkent viloyati hokimligi (Z.T. Mirzayev) bilan birgalikda obyekt qurilishini tashkil etish va jadallashtirish, zamonaviy studiya kompleksi va koʻchma televizion stansiya uchun talab etiladigan mablagʻlar 2022–2023-yillar ijtimoiy va ishlab chiqarish infratuzilmasini rivojlantirish dasturiga kiritilishini taʼminlasin.
8. Oʻzbekiston milliy teleradiokompaniyasi va Toshkent viloyati teleradiokanalini texnologik jihozlash uchun belgilangan tartibda tasdiqlangan roʻyxatlarga muvofiq olib kiriladigan, respublikada ishlab chiqarilmaydigan import tovarlar — multimedia, radiotelevizion uskunalari, materiallar, dasturiy taʼminot va ehtiyot qismlarni 2024-yil 1-yanvarga qadar bojxona bojidan ozod qilinsin.
9. Obyekt foydalanishga topshirilgunga qadar:
a) Toshkent viloyati hokimligi (Z.T. Mirzayev) viloyatda roʻy beradigan kunlik voqea-hodisalarni tezkor yorituvchi va hududda ishlovchi teleradiokanalning ijodiy xodimlariga shart-sharoit yaratsin va ularga vaqtinchalik foydalanish uchun tekin foydalanish huquqi asosida yetarli xonalar ajratsin;
b) Oʻzbekiston milliy teleradiokompaniyasi (A.J. Xadjayev):
Toshkent viloyati teleradiokanalini Oʻzbekiston milliy teleradiokompaniyasiga tegishli binolarga vaqtincha tekin foydalanish huquqi asosida joylashtirsin, zarur boʻlgan birlamchi vositalar bilan jihozlasin va ijodiy-texnik xodimlar ishlashi uchun yetarli sharoit yaratsin;
Toshkent viloyati teleradiokanali faoliyati “Toshkent” teleradiokanali efiri bilan parallel ravishda olib borilishini tashkil etsin;
Toshkent viloyati teleradiokanalining imiji, leybli, videolavhalari kabi asosiy taniqlik belgilarini ishlab chiqsin;
ijodiy-texnik guruh tuzgan holda Toshkent viloyati teleradiokanali efirida Toshkent viloyatining ijtimoiy-siyosiy va iqtisodiy hayotiga oid boʻlgan voqea-hodisalarni yoritib boruvchi asosiy kundalik informatsion dasturni tayyorlab borsin;
Oʻzbekiston milliy teleradiokompaniyasi tizimidagi radiokanallarning birida Toshkent viloyati bilan bogʻliq boʻlgan voqea va hodisalarni yoritib borish uchun alohida efir vaqti ajratsin.
Belgilansinki, Toshkent viloyati teleradiokanalini malakali kadrlar bilan taʼminlash, zaruratga qarab, bosqichma-bosqich amalga oshiriladi.
10. Axborot texnologiyalari va kommunikatsiyalarini rivojlantirish vazirligi (Sh.X. Shermatov) Oʻzbekiston milliy teleradiokompaniyasi (A.J. Xadjayev) bilan birgalikda 2022–2023-yillar davomida:
Toshkent viloyati teleradiokanali efir signalini raqamli televideniyening umumiy foydalaniladigan ijtimoiy paketida Toshkent viloyati hududiga toʻliq yetkazsin;
Toshkent viloyati teleradiokanalining radio yoʻnalishi uchun alohida chastota ajratish va radio faoliyatini olib borish uchun texnik sharoit yaratsin.
11. Moliya vazirligi (T.A. Ishmetov) 2022-yildan boshlab, Toshkent viloyati teleradiokanali faoliyatini hamda televideniye va radioeshittirish dasturlari signallarini uzatish va tarqatish xizmatlarini moliyalashtirish uchun Davlat budjeti parametrlarida zarur mablagʻlarni nazarda tutsin.
12. Oʻzbekiston milliy teleradiokompaniyasi, Yoshlar ittifoqi, Qishloq xoʻjaligi vazirligining:
“Yoshlar”, “Navo” va “Kinoteatr” telekanallari ixtisoslashtirilgan reklama xususiyatiga ega boʻlgan kanal sifatida faoliyat koʻrsatishiga ruxsat berish;
“Oʻzbekiston” teleradiokanalida “Qishloq xoʻjaligi” tahririyatini tashkil etish toʻgʻrisidagi takliflari maʼqullansin.
Bunda:
“Yoshlar”, “Navo” va “Kinoteatr” telekanallari tomonidan umum eʼtirof etilgan axloqiy meʼyorlarga rioya qilish, milliy urf-odatlar, tarixiy va maʼnaviy merosni qadrlash, fuqarolarning ongida demokratik qadriyatlarni shakllantirish, yosh avlodni vatanparvarlik, Vatanga muhabbat va umumbashariy qadriyatlarga hurmat ruhida tarbiyalashga qaratilgan televizion dasturlar tayyorlashga eʼtibor qaratilsin;
Qishloq xoʻjaligi vazirligi (J.A. Xodjayev), Veterinariya va chorvachilikni rivojlantirish davlat qoʻmitasi (B.T. Norqobilov), Ipakchilik va jun sanoatini rivojlantirish qoʻmitasi (B.Q. Sharipov), Oʻzbekiston milliy teleradiokompaniyasi (A.J. Xadjayev), agrar va oziq-ovqat sohasining boshqa tashkilotlari qishloq xoʻjaligidagi islohotlar, ekin ekish va parvarishlash agrotexnikasi, yer va suvdan oqilona foydalanish, chorvachilik, veterinariya, baliqchilik, pillachilik, parrandachilik, asalarichilik, bogʻdorchilik, sabzavotchilik va issiqxona xoʻjaligi kabi masalalar boʻyicha “Qishloq xoʻjaligi” tahririyati tomonidan teleradiomahsulotlar tayyorlanishi va efirga uzatilishiga koʻmaklashsin.
13. Mazkur qarorning ijrosini samarali tashkil qilishga masʼul va shaxsan javobgar etib Oʻzbekiston milliy teleradiokompaniyasi raisi A.J. Xadjayev hamda Toshkent viloyati hokimi vazifasini bajaruvchi Z.T. Mirzayev belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari A.A. Abduxakimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 18-noyabr,
PQ-18-son
Президента Республики Узбекистан
Постановление
О создании Ташкентского областного телерадиоканала
В целях расширения уровня информированности населения о реализуемых реформах и создаваемых возможностях в Ташкентской области, широкой пропаганды истории, обычаев и традиций, богатой природы и туристского потенциала региона, а также поддержки создания действенного медиа-пространства:
1. Создать в системе Национальной телерадиокомпании Узбекистана Ташкентский областной телерадиоканал — «Nurafshon TV» (далее — Ташкентский областной телерадиоканал).
2. Определить основными задачами Ташкентского областного телерадиоканала:
информирование населения на регулярной основе о реформах в общественно-политической, социально-экономической и культурно-просветительской жизни Ташкентской области, проводимой широкомасштабной работе и созданных возможностях на пути процветания, развития и созидания;
вынесение на обсуждение широкой общественности факторов, препятствующих реализации реформ на местах, установление эффективного и действенного общественного контроля за деятельностью органов исполнительной власти на местах и других организаций;
освещение посредством телерадиопрограмм вопросов повышения политической и социальной активности населения, формирования у соотечественников твердой гражданской позиции, оказания качественных государственных услуг и их эффективного использования;
подготовку передач и вещаний, отражающих историю, культуру, искусство, литературу и традиции, богатую природу, живописные места и туристский потенциал региона, направленных на их изучение, бережное сохранение и широкую пропаганду;
пропаганду повышения интеллектуального и культурного уровня населения, укрепление в сознании граждан демократических ценностей, воспитания молодежи и подрастающего поколения в духе патриотизма, уважения общечеловеческих ценностей и межнационального согласия;
установление эффективного сотрудничества по обмену информацией с государственными и негосударственными телерадиокомпаниями, информационными агентствами, а также международными организациями.
3. Определить, что:
Ташкентский областной телерадиоканал является юридическим лицом в форме государственного учреждения;
Ташкентский областной телерадиоканал со своими теле- и радиопередачами выходит в эфир круглосуточно в непрерывном режиме;
предельная штатная численность работников Ташкентского областного телерадиоканала составляет 69 единиц, в том числе численность управленческого персонала — 4 единицы;
организационная структура Ташкентского областного телерадиоканала образуется за счет оптимизации структуры соответствующих организаций и сокращения имеющихся штатов в системе Национальной телерадиокомпании Узбекистана;
организационная структура Ташкентского областного телерадиоканала утверждается председателем Национальной телерадиокомпании Узбекистана;
на работников Ташкентского областного телерадиоканала распространяются условия оплаты труда и материального стимулирования, предусмотренные в актах законодательства для работников телерадиоканалов, осуществляющих деятельность в системе Национальной телерадиокомпании Узбекистана.
4. Принять к сведению, что в административном центре Ташкентской области — городе Нурафшоне под строительство комплексного здания для Ташкентского областного телерадиоканала (далее — Объект) выделено 1,3 гектара земельной площади, а также проведены проектно-изыскательcкие работы по строительству данного Объекта, разработана проектно-сметная документация.
5. Хокимияту Ташкентской области (З.Т. Мирзаев) обеспечить качественное выполнение на Объекте строительно-монтажных работ и на его территории — благоустроительных работ. При этом при прокладке оптико-волоконной линии связи принять во внимание технические условия АК «Узбектелеком».
6. Министерству строительства (Б.И. Закиров) обеспечить проведение государственной экспертизы проектно-сметной документации по Объекту и установить государственный контроль за качественным выполнением строительно-монтажных работ.
7. Национальной телерадиокомпании Узбекистана (А.Ж. Хаджаев) совместно с Министерством экономического развития и сокращения бедности (А.М. Бобоев), Министерством финансов (Т.А. Ишметов), хокимиятом Ташкентской области (З.Т. Мирзаев) обеспечить организацию и ускорение строительства Объекта, включение средств, необходимых для современного студийного комплекса и передвижной телевизионной станции, в Программу развития социальной и производственной инфраструктуры на 2022-2023 годы.
8. Освободить Национальную телерадиокомпанию Узбекистана и Ташкентский областной телерадиоканал на срок до 1 января 2024 года от таможенной пошлины за ввозимые по перечням, утвержденным в установленном порядке для технологического оснащения, не производимые в республике импортные товары — мультимедийное, радиотелевизионное оборудование, материалы, программное обеспечение и запасные части.
9. До сдачи Объекта в эксплуатацию:
а) хокимияту Ташкентской области (З.Т. Мирзаев) создать условия для работающих в регионе творческих работников телерадиоканала, оперативно освещающих происходящие в области ежедневные события и новости, и выделить им помещения в достаточном количестве для временного пользования на основе права безвозмездного пользования;
б) Национальной телерадиокомпании Узбекистана (А.Ж. Хаджаев):
разместить Ташкентский областной телерадиоканал в принадлежащих Национальной телерадиокомпании Узбекистана зданиях на основе права временного безвозмездного пользования, оснастить необходимыми первоочередными средствами и создать достаточные условия для работы творческих и технических работников;
организовать осуществление деятельности Ташкентского областного телерадиоканала параллельно с эфиром телерадиоканала «Toshkent»;
разработать основные отличительные знаки Ташкентского областного телерадиоканала, такие как имидж, лейбл, видеоролики;
осуществлять подготовку основной ежедневной информационной программы, освещающей в эфире Ташкентского областного телерадиоканала события и новости общественно-политической и экономической жизни Ташкентской области с созданием творческо-технической группы;
выделить отдельное эфирное время на одном из радиоканалов в системе Национальной телерадиокомпании Узбекистана для освещения событий и новостей по Ташкентской области.
Определить, что укомплектование Ташкентского областного телерадиоканала квалифицированными кадрами, при необходимости, осуществляется поэтапно.
10. Министерству по развитию информационных технологий и коммуникаций (Ш.Х. Шерматов) совместно с Национальной телерадиокомпанией Узбекистана (А.Ж. Хаджаев) в период 2022-2023 годов:
довести эфирный сигнал Ташкентского областного телерадиоканала в полном объеме на территорию Ташкентской области в социальном пакете общего пользования цифрового телевидения;
создать техническое условие для выделения отдельной частоты для радио Ташкентского областного телерадиоканала и осуществления его деятельности.
11. Министерству финансов (Т.А. Ишметов) начиная с 2022 года предусмотреть в параметрах Государственного бюджета необходимые средства для финансирования деятельности Ташкентского областного телерадиоканала, а также услуг по передаче и распространению сигналов телевизионных программ и программ радиовещания.
12. Одобрить предложения Национальной телерадиокомпании Узбекистана, Союза молодежи, Министерства сельского хозяйства о:
разрешении осуществления деятельности телеканалов «Yoshlar», «Navo» и «Kinoteatr» в качестве каналов, специализированных на рекламе;
создании на телерадиоканале «Узбекистон» — редакции «Кишлок хужалиги».
При этом:
телеканалам «Yoshlar», «Navo» и «Kinoteatr» уделить внимание на подготовку телевизионных программ, направленных на соблюдение общепризнанных нравственных норм, сохранение национальных традиций и обычаев, исторического и духовного наследия, формирование в сознании граждан демократических ценностей, воспитание молодого поколения в духе патриотизма, любви к Родине и уважения общечеловеческих ценностей;
Министерству сельского хозяйства (Ж.А. Ходжаев), Государственному комитету ветеринарии и развития животноводства (Б.Т. Норкобилов), Комитету по развитию шелководства и шерстяной промышленности (Б.К. Шарипов), Национальной телерадиокомпании Узбекистана (А.Ж. Хаджаев), другим организациям аграрной и продовольственной отрасли оказать содействие подготовке и передаче в эфир редакцией «Кишлок хужалиги» телерадиопродукции, посвященной реформам в сельском хозяйстве, агротехнике посева и ухода за сельхозкультурами, рациональному использованию земельных и водных ресурсов, развитию животноводства, ветеринарии, рыбоводства, шелководства, птицеводства, пчеловодства, садоводства, овощеводства и тепличного хозяйства.
13. Возложить на председателя Национальной телерадиокомпании Узбекистана А.Ж. Хаджаева и исполняющего обязанности хокима Ташкентской области З.Т. Мирзаева персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан А.А. Абдухакимова.
Президент Республики Узбекистан Ш. МИРЗИЁЕВ
г. Ташкент,
18 ноября 2021 г.,
№ ПП-18