📅 2021-yil 28-oktabr · Vazirlik va idoralar hujjatlari · Sogʻliqni saqlash vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 28 октябрь · Вазирлик ва идоралар ҳужжатлари · Соғлиқни сақлаш вазири
Расмий матн. Расмий ҳужжат. Таҳририй изоҳлар киритилмаган.
📅 28 октября 2021 г. · Документы министерств и ведомств · Министр здравоохранения
Официальный текст. Официальный документ. Редакционные примечания не включены.
📅 28 October 2021 · Ministry and agency documents · Sogʻliqni saqlash vaziri
Official text. Official document. Editorial notes are not included.
Ўзбекистон Республикаси Соғлиқни сақлаш вазирининг
буйруғи
ТАЛАБЛАР
Имтиёзли тоифага кирувчи шахсларга Давлат бюджети маблағлари ҳисобидан тиббий хизмат кўрсатувчи нодавлат тиббиёт ташкилотларига қўйиладиган талабларни тасдиқлаш тўғрисида
Ўзбекистон Республикаси Президентининг 2021 йил 28 июлдаги ПҚ-5199-сон «Соғлиқни сақлаш соҳасида ихтисослаштирилган тиббий ёрдам кўрсатиш тизимини янада такомиллаштириш чора-тадбирлари тўғрисида»ги қарорига мувофиқ буюраман:
1. Имтиёзли тоифага кирувчи шахсларга Давлат бюджети маблағлари ҳисобидан тиббий хизмат кўрсатувчи нодавлат тиббиёт ташкилотларига қўйиладиган талаблар иловага мувофиқ тасдиқлансин.
2. Мазкур буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси соғлиқни сақлаш вазирининг 2021 йил 28 октябрдаги 37-сон буйруғига ИЛОВА
Имтиёзли тоифага кирувчи шахсларга Давлат бюджети маблағлари ҳисобидан тиббий хизмат кўрсатувчи нодавлат тиббиёт ташкилотларига қўйиладиган
1. Нодавлат тиббиёт ташкилотлари имтиёзли тоифага кирувчи шахсларга Давлат бюджети маблағлари ҳисобидан тиббий хизматлар кўрсатиш учун қуйидаги талабларга жавоб бериши лозим:
а) маслаҳат, диагностика ва консерватив даволашдан иборат бўлган стационар турдаги нодавлат тиббиёт ташкилотлари учун:
Тиббий ихтисослашувнинг тегишли турини амалга ошириш учун зарур бўлган моддий-техник база, асбоб-ускуналар ва бошқа техник воситалар, шу жумладан тиббий техникага энг кам талабларга (рўйхат рақами 2905, 2017 йил 28 июль) мувофиқ стационар турдаги нодавлат тиббиёт ташкилотлари учун белгиланган тиббий ихтисослашувнинг тегишли турини амалга ошириш учун зарур бўлган моддий-техник база, асбоб-ускуналар ва бошқа техник воситалар билан жиҳозланган бўлиши;
стерилизация, клиник лаборатория, интенсив терапия бўлимларининг мавжуд бўлиши;
ихтисослик (ихтисосликлар) доирасида амбулатор-поликлиника хизматининг мавжудлиги;
б) маслаҳат, диагностика, консерватив ва оператив даволашдан иборат бўлган стационар турдаги нодавлат тиббиёт ташкилотлари учун мазкур талабларнинг «а» кичик бандида назарда тутилган талаблар билан биргаликда, қўшимча равишда қуйидагилар:
анестезиология ва реаниматология бўлимининг мавжуд бўлиши;
камида иккита операция бўлимларининг мавжуд бўлиши;
операция қилувчи шифокорларда камида биринчи малакавий тоифанинг мавжуд бўлиши.
2. Мазкур талаблар Ўзбекистон Республикаси Савдо-саноат палатаси билан келишилган.
Вазир А. ХАДЖИБАЕВ
Ўзбекистон Савдо-саноат палатаси Раиси А. ИКРАМОВ
Тошкент ш.,
2021 йил 28 октябрь,
2021 йил 21 октябрь
37-сон
Oʻzbekiston Respublikasi Sogʻliqni saqlash vazirining
buyrugʻi
TALABLAR
Imtiyozli toifaga kiruvchi shaxslarga Davlat budjeti mablagʻlari hisobidan tibbiy xizmat koʻrsatuvchi nodavlat tibbiyot tashkilotlariga qoʻyiladigan talablarni tasdiqlash toʻgʻrisida
Oʻzbekiston Respublikasi Prezidentining 2021-yil 28-iyuldagi PQ-5199-son “Sogʻliqni saqlash sohasida ixtisoslashtirilgan tibbiy yordam koʻrsatish tizimini yanada takomillashtirish chora-tadbirlari toʻgʻrisida”gi qaroriga muvofiq buyuraman:
1. Imtiyozli toifaga kiruvchi shaxslarga Davlat budjeti mablagʻlari hisobidan tibbiy xizmat koʻrsatuvchi nodavlat tibbiyot tashkilotlariga qoʻyiladigan talablar ilovaga muvofiq tasdiqlansin.
2. Mazkur buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi sogʻliqni saqlash vazirining 2021-yil 28-oktabrdagi 37-son buyrugʻiga ILOVA
Imtiyozli toifaga kiruvchi shaxslarga Davlat budjeti mablagʻlari hisobidan tibbiy xizmat koʻrsatuvchi nodavlat tibbiyot tashkilotlariga qoʻyiladigan
1. Nodavlat tibbiyot tashkilotlari imtiyozli toifaga kiruvchi shaxslarga Davlat budjeti mablagʻlari hisobidan tibbiy xizmatlar koʻrsatish uchun quyidagi talablarga javob berishi lozim:
a) maslahat, diagnostika va konservativ davolashdan iborat boʻlgan statsionar turdagi nodavlat tibbiyot tashkilotlari uchun:
Tibbiy ixtisoslashuvning tegishli turini amalga oshirish uchun zarur boʻlgan moddiy-texnik baza, asbob-uskunalar va boshqa texnik vositalar, shu jumladan tibbiy texnikaga eng kam talablarga (roʻyxat raqami 2905, 2017-yil 28-iyul) muvofiq statsionar turdagi nodavlat tibbiyot tashkilotlari uchun belgilangan tibbiy ixtisoslashuvning tegishli turini amalga oshirish uchun zarur boʻlgan moddiy-texnik baza, asbob-uskunalar va boshqa texnik vositalar bilan jihozlangan boʻlishi;
sterilizatsiya, klinik laboratoriya, intensiv terapiya boʻlimlarining mavjud boʻlishi;
ixtisoslik (ixtisosliklar) doirasida ambulator-poliklinika xizmatining mavjudligi;
b) maslahat, diagnostika, konservativ va operativ davolashdan iborat boʻlgan statsionar turdagi nodavlat tibbiyot tashkilotlari uchun mazkur talablarning “a” kichik bandida nazarda tutilgan talablar bilan birgalikda, qoʻshimcha ravishda quyidagilar:
anesteziologiya va reanimatologiya boʻlimining mavjud boʻlishi;
kamida ikkita operatsiya boʻlimlarining mavjud boʻlishi;
operatsiya qiluvchi shifokorlarda kamida birinchi malakaviy toifaning mavjud boʻlishi.
2. Mazkur talablar Oʻzbekiston Respublikasi Savdo-sanoat palatasi bilan kelishilgan.
Vazir A. XADJIBAYEV
Oʻzbekiston Savdo-sanoat palatasi Raisi A. IKRAMOV
Toshkent sh.,
2021-yil 28-oktabr,
2021-yil 21-oktabr
37-son