UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

НИЗОМ

РЎЙХАТИ

Суд экспертиза соҳасини тартибга солувчи айрим норматив-ҳуқуқий ҳужжатларни тасдиқлаш тўғрисида

Ўзбекистон Республикаси Президентининг «Ўзбекистон Республикасида суд-экспертлик тизимини такомиллаштириш чора-тадбирлари тўғрисида» 2021 йил 5 июлдаги ПФ-6256-сон Фармони ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Ўзбекистон Республикасида суд-экспертлик тизимини такомиллаштириш чора-тадбирлари тўғрисида» 2021 йил 5 июлдаги ПФ-6256-сон Фармонига мувофиқ:

а) қуйидагилар белгиланганлиги:

суд-экспертиза соҳасида кадрларни тайёрлаш олий таълим муассасаларида дуал таълим принципига мувофиқ, бакалавриат ёки магистратура босқичларида таълим олаётган даврда шартнома асосида тегишли экспертиза турлари бўйича камида олти ойлик экспертлар тайёрлаш курсларида амалга оширилиши мумкинлиги;

тайёрлаш курслари олий таълим муассасалари ва давлат суд-экспертиза муассасалари билан тузиладиган шартнома асосида амалга оширилиши;

тайёрлаш курслари натижаларига кўра тегишли суд-экспертиза фаолияти билан шуғулланиш учун сертификат берилиши;

б) 2021 йил 1 сентябрдан бошлаб:

нодавлат суд экспертларининг ўз касбий мажбуриятларини бузиши оқибатида етказиладиган зарардан жисмоний ва юридик шахсларни ҳимоя қилиш мақсадида, нодавлат суд-экспертиза ташкилоти суд экспертларининг фуқаролик жавобгарлигини мажбурий суғурта қилиш тартиби жорий этилганлиги;

давлат ва нодавлат суд-экспертиза ташкилотларига Вазирлар Маҳкамаси томонидан тасдиқланадиган рўйхатга кўра шартнома асосида жисмоний ва юридик шахсларнинг мурожаатларига мувофиқ, суд экспертизаси турлари бўйича тадқиқот ўтказиш ҳуқуқи берилганлиги маълумот учун қабул қилинсин.

2. Қуйидагилар:

а) дуал таълимни ташкил этиш, суд-экспертиза соҳасида дуал таълим бўйича кадрларни қайта тайёрлашнинг асосий вазифалари ва босқичлари, ўқув курсларига талабгорлардан ҳужжат қабул қилиш, ўқув жараёни ташкил этиш, тингловчилар билимини баҳолаш тартиби ҳамда томонларнинг вазифалари, ҳуқуқлари ва мажбуриятларини назарда тутувчи Суд экспертиза соҳасида дуал таълим бўйича кадрларни қайта тайёрлаш курсларини ташкил этиш тартиби тўғрисидаги низом 1-иловага мувофиқ;

суд экспертларининг фуқаролик жавобгарлигини мажбурий суғурта қилишда суғурта объекти ва субъекти, мажбурий суғурта шартномасини тузиш тартиби, мажбурий суғурта шартномаси бўйича суғурта суммаси, суғурта қилдирувчи ва суғурталовчининг ҳуқуқ ва мажбуриятлари, суғурта мукофотини аниқлаш ва уни тўлаш тартибини назарда тутувчи Нодавлат суд-экспертиза ташкилоти суд экспертларининг фуқаролик жавобгарлигини мажбурий суғурта қилиш қоидалари 2-иловага мувофиқ;

51 хил суд экспертизаси турларини ўз ичига олган Жисмоний ва юридик шахсларнинг мурожаатларига мувофиқ ўтказилиши мумкин бўлган суд экспертизаси турлари бўйича тадқиқотлар рўйхати 3-иловага мувофиқ тасдиқлансин.

3. Ўзбекистон Республикаси Ҳукуматининг айрим қарорларига 4-иловага мувофиқ ўзгартириш ва қўшимчалар киритилсин.

4. Ўзбекистон Республикаси Адлия вазирлиги манфаатдор вазирлик ва идоралар билан биргаликда бир ой муддатда тегишли норматив-ҳуқуқий ҳужжатларни ушбу қарорга мувофиқлаштирсин.

5. Мазкур қарорнинг бажарилишини назорат қилиш Ўзбекистон Республикаси адлия вазири Р.К. Давлетов зиммасига юклансин.

Вазирлар Маҳкамасининг 2021 йил 22 ноябрдаги 706-сон қарорига 1-ИЛОВА

Суд экспертиза соҳасида дуал таълим бўйича кадрларни қайта тайёрлаш курсларини ташкил этиш тартиби тўғрисида

1-боб. Умумий қоидалар

1. Ушбу Низом давлат суд-экспертиза ва олий таълим муассасаларида дуал таълим принципига мувофиқ, суд-экспертиза соҳасида кадрларни қайта тайёрлаш курсларини ташкил этиш тартибини белгилайди.

2. Мазкур Низомда қуйидаги асосий тушунчалар қўлланилади:

амалиёт ўташ жойи — тингловчига таълим дастурларига мувофиқ, амалий кўникма ва малакаларни эгаллаш мақсадида амалий машғулотлар ва ўқув амалиётини ўтказиш учун белгиланган ёки тингловчи фаолият юритаётган давлат суд-экспертиза муассасаси;

дуал таълим дастури — давлат таълим стандартлари бўйича тузилган, олий таълим муассасаси ва давлат суд-экспертиза муассасаси ўртасида тасдиқланган ўқув режаси, ўқув дастурлари, ўқув ва ишлаб чиқариш амалиёти дастурларидан иборат ҳужжат;

суд экспертизаси соҳасида дуал таълим бўйича кадрларни қайта тайёрловчи ташкилотлар — олий таълим муассасалари ҳамда давлат суд-экспертиза муассасалари;

суд-экспертиза соҳасида дуал таълим бўйича кадрларни қайта тайёрлаш — бакалавриат ёки магистратура босқичларида таълим олаётган талабаларнинг суд-экспертиза соҳасида зарур билим, малака ва кўникмаларини оширишга қаратилган ўқув курслари;

талабгор — суд-экспертиза соҳасида зарур билим, малака ва кўникмаларни ошириш истагидаги бакалавриат ёки магистратура босқичларида таълим олаётган талабалар;

тингловчи — ўқиш учун тўлов-контракт суммасини тўлаган ва суд экспертиза соҳасида қайта тайёрлаш курсларига қабул қилинган шахслар;

амалиёт раҳбари — таълим жараёнининг амалий қисмини ўтказиш учун давлат суд-экспертиза муассасаси томонидан тингловчига бириктирилган суд экспертиза соҳасида камида икки йиллик меҳнат стажига эга бўлган эксперт.

2-боб. Дуал таълимни ташкил этиш

3. Суд-экспертиза соҳасида дуал таълим бўйича кадрларни қайта тайёрлаш ушбу Низомга 1-иловага мувофиқ схема бўйича амалга оширилади.

4. Қуйидагилар суд-экспертиза соҳасида дуал таълим бўйича кадрларни қайта тайёрлашнинг асосий вазифалари ҳисобланади:

тингловчиларда мустақил равишда суд экспертизасини ўтказиш ва суд экспертиза хулосасини расмийлаштириш учун зарур бўлган малакани шакллантириш;

тингловчиларнинг тегишли суд экспертиза турлари бўйича замонавий фан ва технологияларига мувофиқ илмий асосланган методикаларни амалда қўллаш бўйича кўникмаларини шакллантириш;

тингловчиларни муайян суд экспертизасининг шаклланиш босқичлари, замонавий суд экспертизасининг сўнгги ютуқлари ва имкониятлари ҳақидаги ахборотлар билан таъминлаш;

суд экспертлик фаолиятида зарур бўлган кўникмаларни етарлича шакллантириш учун лозим бўлган амалий машғулотларни ўтказиш.

5. Суд экспертиза соҳасида дуал таълим бўйича кадрларни қайта тайёрлаш ихтиёрийлик асосида суд экспертизасининг муайян тури бўйича касбий фаолият билан шуғулланиш истагини билдирган талабгорлар учун пуллик шартнома асосида тегишли экспертиза турлари бўйича камида олти ойлик курслар асосида ташкил этилади.

Шартноманинг тўлов миқдори давлат суд-экспертиза муассасаси ҳамда олий таълим муассасаси томонидан белгиланади. Тўлов миқдорини белгилашда ҳар бир тингловчининг қайта тайёрлаш билан боғлиқ харажатлар миқдори инобатга олинади.

6. Дуал таълимни ташкил этиш қуйидаги босқичларни ўз ичига олади:

суд экспертиза соҳасида дуал таълим ташкил этиладиган таълим турлари юзасидан талабгорлар ҳамда давлат суд-экспертиза муассасалари ва нодавлат суд экспертиза ташкилотларининг таклифлари асосида ташкил этилиши мумкин бўлган ўқув курслари бўйича эҳтиёжларни аниқлаш;

давлат суд-экспертиза муассасаси ва олий таълим муассасаси ўртасида суд экспертиза соҳасида дуал таълим бўйича кадрларни қайта тайёрлаш курсларини ташкил этиш юзасидан шартнома тузиш;

таълимни ташкил этиш ва мувофиқлаштириш билан боғлиқ дуал таълим дастурини ишлаб чиқиш;

дуал таълим дастури бўйича ўқув курсини ташкил этишга доир тегишли чора-тадбирларни амалга ошириш;

дуал таълим дастурлари асосида тайёрланаётган тингловчиларни баҳолаш.

7. Суд-экспертиза соҳасида дуал таълим бўйича кадрларни қайта тайёрлаш ўқув курслари (кейинги ўринларда — ўқув курслари), йилига икки марта октябрь ва февраль ойларида ташкил этилади.

8. Ўқув курсларига талабгорлардан ҳужжат қабул қилиш ўқув курси бошланишидан уч ой олдин бошланади ва ўқув курси бошланишига бир ой қолганда тўхтатилади.

9. Ўқув курслари ташкил этилиши, ўқув курсларининг тегишли суд-экспертлик ихтисосликлари бўйича давомийлиги ва суҳбат ўтказиладиган жой тўғрисида давлат суд-экспертиза муассасасининг расмий веб-сайтида ҳамда оммавий ахборот воситаларида ўқув курси бошланишидан уч ой олдин эълон берилади.

10. Талабгорлар тегишли давлат суд-экспертиза муассасасининг расмий веб-сайтида рўйхатдан ўтган ҳолда ёки бевосита қуйидаги ҳужжатларни топширади:

давлат суд-экспертиза муассасасига муассаса раҳбари номига ариза (аризада талабгорнинг муассасада таълим бериладиган тиллардан бирида имтиҳон топшириши ва таълим олиши кўрсатилади);

талабалар учун таҳсил олаётганлиги ҳақида маълумотнома;

Бунда ҳужжатларни онлайн тарзда топшириш давлат суд-экспертиза муассасасининг расмий веб-сайтида ҳамда бевосита топшириш давлат суд-экспертизаси муассасасига топширилади.

11. Давлат суд-экспертиза муассасаси аниқланган ўқув курслари бўйича эҳтиёжлардан келиб чиқиб, ўқув курслари бошланишидан ўн беш кун олдин тегишли суд экспертиза йўналишлари бўйича ўқув курсларини ташкил этиш хусусида олий таълим муассасалари билан шартномалар тузади.

12. Қайта тайёрлаш ўқув курсига ўқишга қабул қилишни сифатли таъминлаш мақсадида келишувга асосан давлат суд-экспертиза муассасаси ва олий таълим муассасасининг масъул ходимларидан 7 кишидан иборат таркибдаги комиссия тузилади.

Комиссия унинг учдан икки қисми аъзолари ҳозир бўлганда ваколатли ҳисобланади. Комиссия аъзоларининг ярмидан кўпи овоз берганда қарор қабул қилинган ҳисобланади. Овозлар сони тенг бўлганда, комиссияси раисининг овози ҳал қилувчи ҳисобланади.

13. Комиссия таркиби давлат суд-экспертиза муассасаси ва олий таълим муассасаси раҳбарларининг қўшма буйруғи билан тасдиқланади.

14. Комиссия ўз фаолиятини кейинги ўқув курси учун қабул комиссияси ташкил этилгунга қадар олиб боради.

15. Талабгорларни ўқув курсига қабул қилиш суҳбат шаклида ўқув курси бошланишидан ўн кун олдин ўтказилади.

16. Суҳбат талабгорнинг танлаётган касбга қизиқиши, соҳа бўйича таянч билимларини синовдан ўтказиш мақсадида комиссия томонидан ўтказилади.

17. Суҳбат натижаси бўйича ўқишга тавсия этилган талабгорга икки нусхада ўқув курсида ўқиш тўғрисидаги шартномани имзолаш таклиф этилади.

18. Шартномани имзолаган ва тўловни амалга оширган талабгор ўқув курсларига давлат суд-экспертиза муассасаси ва олий таълим муассасаси раҳбарларининг қўшма буйруғи билан қабул қилинади.

19. Шартнома тузган талабгорлар сонидан келиб чиқиб ўн нафардан йигирма беш нафаргача тингловчилардан иборат гуруҳлар шакллантирилади.

3-боб. Дуал таълим бўйича ўқув курсларида ўқув жараёни

20. Ўқув курси бошлангунга қадар давлат суд-экспертиза муассасаси ҳамда олий таълим муассасаси ўртасида таълимни ташкил этиш ва мувофиқлаштириш бўйича дуал таълим дастури тасдиқланади. Ушбу дастур суд экспертиза қонунчилиги ва соҳага оид ўзгаришларни инобатга олган ҳолда янгиланиб борилади.

Ишлаб чиқилган дастурлар асосида ўқув режаси ва ўқув амалиёт дастурлари ишлаб чиқилади. Бунда, таълим жараёнининг 40 (қирқ) фоизи назарий, 60 (олтмиш) фоизи амалий қисмга ажратилади.

Маъруза, семинар машғулотининг ўқув соатлари миқдори ўқув курсининг давомийлигидан келиб чиқиб белгиланади.

Тингловчиларга таълим жараёнининг назарий қисми тегишли олий таълим муассасасида, амалий қисми тегишли давлат суд-экспертиза муассасасида ташкил этилади.

21. Давлат суд-экспертиза муассасаси раҳбарининг буйруғи асосида дуал таълим бўйича тингловчиларга амалий тажрибага эга амалиёт раҳбари бириктирилади.

Бунда, бириктирилган амалиёт раҳбарга меҳнат ва фуқаролик қонунчилигига мувофиқ унинг меҳнатига тегишли қўшимча ҳақ тўланиши инобатга олинади.

Амалиёт раҳбарининг фаолияти давлат суд-экспертиза муассасаси томонидан назорат қилинади ва бириктирилган тингловчиларни тўлиқ ва сифатли тайёрлашга масъул ҳисобланади.

4-боб. Тингловчилар билимини баҳолаш

22. Тингловчилар томонидан ўқув дастурларини ўзлаштириш даражасини аниқлаш мақсадида қуйидаги назорат турларини ўтказиш назарда тутилади:

оралиқ назорат — ўқув курси давомида ўқув дастурининг тегишли (модулнинг бир неча мавзуларини ўз ичига олган) бўлими тугаллангандан кейин тингловчининг билим ва амалий кўникма даражасини аниқлаш ва баҳолаш усули. Оралиқ назоратининг сони (бир ўқув курси давомида икки мартадан кўп ўтказилмаслиги лозим) ва шакли (ёзма, оғзаки, тест ва ҳоказо) ўқув модулига ажратилган умумий соатлар ҳажмидан келиб чиққан ҳолда белгиланади;

жорий назорат — тингловчининг модуль мавзулари бўйича билим ва амалий кўникма даражасини аниқлаш ва баҳолаш усули. Жорий назорат модулнинг хусусиятидан келиб чиққан ҳолда, семинар, лаборатория ва амалий машғулотларида оғзаки сўров, тест ўтказиш, суҳбат, назорат иши, коллоквиум, уй вазифаларини текшириш ва шу каби бошқа шаклларда ўтказилиши мумкин;

якуний назорат — ўқув курси якунида муайян модуль бўйича назарий билим ва амалий кўникмаларни тингловчилар томонидан ўзлаштириш даражасини баҳолаш усули. Якуний назорат модулнинг хусусиятидан келиб чиққан ҳолда ёзма, оғзаки ва тест шаклида ўтказилади.

Ўқув режаси ва дастурида назарда тутилган барча модулларни муваффақиятли ўзлаштирган тингловчига якуний имтиҳонда иштирок этишга рухсат берилади.

23. Якуний имтиҳон ўқиш даврида олинган назарий билимлар ва амалий кўникмаларни аниқлашга қаратилган ёзма ва амалий имтиҳон шаклида ўтказилади.

Якуний имтиҳон икки босқичда — малака иши ҳамда оғзаки имтиҳон шаклида ўтказилади. Малака ишига қўйиладиган талаблар давлат суд экспертиза муассасаси ва олий таълим муассасаси томонидан ишлаб чиқиб тасдиқланади.

Якуний имтиҳон натижалари баллар қўйиш йўли билан 100 баллик тизимда баҳоланади:

малака иши 40 балл;

оғзаки имтиҳон 60 балл билан баҳоланади.

Якуний имтиҳон натижалари бўйича тингловчи жами 55 ва ундан юқори балл тўплаганда якуний имтиҳондан ўтган деб ҳисобланади.

Якуний имтиҳон ўтказиш жараёнида тингловчига норматив-ҳуқуқий ҳужжатлар, махсус адабиётлар, алоқа воситаларидан, шунингдек, бошқа манбалардан фойдаланиш, бошқа тингловчилар билан гаплашиш тақиқланади.

Якуний имтиҳон саволлари назарий билим ва амалий кўникмаларни синовдан ўтказиш учун ўқув ва амалий машғулотлар жараёнида ўзлаштирилган мавзулар, материаллар асосида тузилади.

Якуний имтиҳон комиссия томонидан ўтказилади. Якуний имтиҳон натижалари комиссия аъзолари томонидан имзоланадиган қайдномага киритилади.

Дуал таълим курси бўйича якуний имтиҳондан муваффақиятли ўтган тингловчига суд эксперти сифатида касбий лаёқатини тасдиқловчи сертификат низомнинг 2-иловасига мувофиқ берилади.

Якуний имтиҳон топширган тингловчи имтиҳондан ўтолмаган ҳолларда имтиҳон ўтказилган кундан уч ой ўтгандан кейин умумий тартибда қайта имтиҳон топширишга ҳақли.

Қайта имтиҳондан ўтолмаган тингловчининг ташаббуси билан якуний имтиҳон одатда кейинги ўқув курси битирувчиларининг якуний имтиҳони вақтида пуллик асосда ташкил этилади.

Якуний имтиҳон жараёнлари узлуксиз видеотасвирга (овозли) туширилади ва видеотасвир камида бир йил давомида давлат суд-экспертиза муассасасида сақланади.

Якуний имтиҳон натижасидан норози бўлган тингловчи, баҳолаш натижаси эълон қилинган вақтдан бошлаб уч иш куни давомида Апелляция комиссиясига апелляция шикояти бериш ҳуқуқига эга.

Апелляция комиссияси таркиби давлат суд-экспертиза муассасаси ва олий таълим муассасаси ўртасидаги келишувга асосан камида 5 кишидан иборат таркибда тасдиқланади. Тингловчи томонидан берилган апелляция шикояти Апелляция комиссияси томонидан уч иш куни ичида кўриб чиқилиши лозим.

Апелляцияни кўриб чиқишда тингловчи иштирок этиш ҳуқуқига эга.

Апелляция комиссияси тингловчининг апелляциясини кўриб чиқиб, унинг натижаси бўйича тегишли қарор қабул қилади. Қарорда талабгорнинг ўзлаштиргани ёки ўзлаштира олмагани кўрсатилади.

23 1 . Нодавлат суд эксперти бўлиш учун якуний малака имтиҳони қонунчиликда белгиланган тартибда Ўзбекистон Республикаси Адлия вазирлиги ҳузуридаги Эксперт-малака комиссияси томонидан ўтказилади.

Бунда ўқув режаси ва дастурида назарда тутилган барча модулларни муваффақиятли ўзлаштирган тингловчининг таълим олган вақти, соати, экспертиза йўналиши номи ҳамда ўзлаштириш кўрсаткичлари акс эттирилган маълумотнома Эксперт-малака комиссиясига тақдим этилгандан сўнг якуний малака имтиҳонини топширишга рухсат этилади.

5-боб. Томонларнинг вазифалари, ҳуқуқлари ва мажбуриятлари

24. Давлат суд-экспертиза муассасаси:

давлат суд-экспертиза муассасаларида ўтказиладиган экспертиза турлари ва мутахассисликлар билан таништиради;

давлат суд экспертларнинг ҳуқуқлари ва мажбуриятларини, суд экспертига қўйиладиган малакага оид талаблар ва суд экспертлик фаолиятининг асосий принципларини ўргатиш орқали олинган назарий билимларини амалиётда қўлланилишини ўргатади;

тингловчининг тегишли мутахассисликлар бўйича якуний имтиҳонида қатнашади;

ўқув курсларидаги таълим жараёнини сифатли олиб борилишини олий таълим муассасаси билан ҳамкорликда назорат қилиб боради.

Давлат суд-экспертиза муассасаси қонунчиликка мувофиқ бошқа вазифаларни ҳам бажариши мумкин.

25. Давлат суд-экспертиза муассасаси қуйидаги ҳуқуқларга эга:

дуал таълим сифатини ошириш юзасидан олий таълим муассасасига таклифлар бериш;

тингловчи томонидан шартнома шартларини, давлат суд экспертиза муассасасининг меҳнат ва ички тартиб қоидалари ҳамда бошқа меъёрий ҳужжатлари талабларини бажармаган тақдирда олий таълим муассасаси билан келишилган ҳолда тингловчилар сафидан чиқариш.

Давлат суд-экспертиза муассасаси қонунчиликка мувофиқ бошқа ҳуқуқларга ҳам эга бўлиши мумкин.

26. Давлат суд-экспертиза муассасаси қуйидаги мажбуриятларни ўз зиммасига олади:

машғулотларнинг амалий қисмини муассасада олиб бориш учун шароит яратиш;

тингловчиларни амалиёт даврида аниқ амалиёт ўташ жойи ва зарур жиҳозлар билан таъминлаш;

суд экспертлик фаолиятида зарур бўлган кўникмаларни етарлича шакллантириш учун лозим бўлган амалий машғулотларни ўтказиш;

тингловчиларда мустақил равишда суд экспертизасини ўтказиш ва суд экспертиза хулосасини расмийлаштириш учун зарур бўлган малакани шакллантириш.

Давлат суд-экспертиза муассасаси қонунчиликка мувофиқ бошқа мажбуриятларни ҳам бажариши мумкин.

27. Олий таълим муассасаси:

дуал таълим дастурини амалга оширишни таъминлайди;

машғулотларнинг назарий қисмини олий таълим муассасасида олиб бориш учун шароит яратади;

суд-экспертиза фаолиятига тегишли норматив-ҳуқуқий ҳужжатлар билан таништириш, уларнинг қўлланиш назариясини ўргатади.

Олий таълим муассасаси қонунчиликка мувофиқ бошқа вазифаларни ҳам бажариши мумкин.

28. Олий таълим муассасасининг ҳуқуқлари:

дуал таълим сифатини ошириш юзасидан таклифлар бериш;

дуал таълим жараёнини ташкил этиш учун тузилган шартномаларга томонлар билан келишган ҳолда ўзгартиришлар киритиш.

Олий таълим муассасаси қонунчиликка мувофиқ бошқа ҳуқуқларга ҳам эга бўлиши мумкин.

29. Олий таълим муассасаси дуал таълим дастури бўйича суд-экспертларини қайта тайёрлаш ўқув курсларини сифатли ташкил этиш ва тингловчиларга талаб даражасида сифатли таълим бериш шарт.

30. Тингловчилар қуйидаги ҳуқуқларга эга:

ўқув дастурида назарда тутилган билимларни эгаллаш;

маънавий-маърифий ва маданий тадбирларда қатнашиш;

илмий-услубий, илмий-тадқиқот ишларида, конференциялар, семинар ва давра суҳбатларида иштирок этиши;

илмий-тадқиқот ишларини, мақолаларини чоп этиш ва ёритиш учун тақдим этиш;

ўқув жараёнига тегишли бўлган қўшимча маълумотлар ва маслаҳатлар олиш;

ўқув, техника жиҳозлари ва воситалари, ахборот-кутубхона фонди, ўқув зали ва бошқа ўқув-ёрдамчи хоналардан, бепул фойдаланиш;

давлат суд-экспертиза муассасаси амалиёт базаларидан фойдаланиш;

меҳнат ва жамоат ишларида қатнашиш.

31. Тингловчилар:

давлат суд экспертиза муассасалари ва олий таълим муассасаларининг устави, меҳнат, ички тартиб қоидалари ҳамда бошқа норматив ҳуқуқий ҳужжатларида белгиланган талабларга риоя қилиши;

ўқув машғулотларининг назарий ва амалий қисми бўйича қатнашиши;

ўқув машғулотларига тегишли топшириқларни ўз вақтида бажариши;

бириктирилган амалиёт раҳбарлари билан доимий алоқада бўлиши, уларнинг топшириқларини ўз вақтида бажариши;

таълим дастурлари талабларини бажариши;

ўқув машғулотларида ўз вақтида қатнашиши;

ўқув дастурларида назарда тутилган имтиҳон, тест ва якуний имтиҳонларни топшириши (суҳбатдан ўтиши);

ўз назарий билимларини, амалий кўникмалари ва маҳорат даражасини ошириши;

ўқув жараёнида берилган топшириқларни ўз вақтида бажариши;

техника хавфсизлиги, санитария нормалари ва қоидаларига риоя этиши;

давлат суд-экспертиза муассасасига тегишли бўлган мулкларни асраб-авайлаши лозим.

32. Тингловчи қуйидаги ҳолларда қайта тайёрлаш курсларидан четлаштирилиши мумкин;

ўз аризасига биноан;

ўқув интизомини ва тегишли муассасасининг ички тартиб қоидаларини мунтазам равишда ёки бир маротаба қўпол равишда бузганлиги учун;

курс давомида ўқув машғулотларини узрли сабабларсиз 32 академик соатдан ортиқ қолдирганлиги сабабли;

ўқиш учун белгиланган тўлов ўз вақтида амалга оширилмаганлиги сабабли;

саломатлиги туфайли (тиббий маълумотнома асосида);

тингловчи суд томонидан озодликдан маҳрум этилганлиги муносабати билан;

вафот этганлиги сабабли.

6-боб. Якунловчи қоидалар

33. Дуал таълим битирувчилари ўз хоҳиши бўйича ҳамда қонунчиликда белгилаган тартибда келгусида суд эксперти сифатида давлат ва нодавлат суд-экспертиза муассасаларида, шунингдек, суд-экспертлик бюросини таъсис этган ҳолда меҳнат фаолиятини олиб бориши мумкин.

34. Давлат суд-экспертиза муассасаси янги экспертиза турларининг жорий этилиши ва эҳтиёжларидан келиб чиққан ҳолда, тегишли давлат муассасалари, олий таълим муассасалари билан ҳамкорликда давлат таълим стандартларига жавоб берадиган янги ўқув дастурларни тузади ва дуал таълимга жорий этади.

Суд экспертиза соҳасида дуал таълим бўйича кадрларни қайта тайёрлаш курсларини ташкил этиш тартиби тўғрисидаги низомга 1-ИЛОВА

Олий таълим муассасаларида давлат суд-экспертиза соҳасида дуал таълим бўйича кадрларни қайта тайёрлаш ва ташкил этиш

Босқичлар Субъектлар Тадбирлар Муддатлар 1-босқич Давлат суд-экспертиза муассасалари, нодавлат суд-экспертиза ташкилотлари, тингловчи (талабгор) 1. Ташкил этилаётган ўқув курслари тўғрисида давлат суд-экспертиза муассасаларининг расмий веб-сайтида ҳамда оммавий ахборот воситаларида эълон қилиш; 2. Ўқув курсларига талабгорлардан ҳужжатлар қабул қилиш. Бунда ҳужжатларни онлайн тарзда топшириш давлат суд-экспертиза муассасасининг расмий веб-сайтида ҳамда бевосита топшириш давлат суд-экспертизаси муассасасига топширилади. ўқув курси бошланишидан уч ой олдин эълон қилинади ўқув курси бошланишидан уч ой олдин бошланади ва ўқув курси бошланишига бир ой қолганда тўхтатилади 2-босқич Давлат суд-экспертиза муассасаси ва олий таълим муассасаси 1. Давлат суд-экспертиза муассасаси ва олий таълим муассасаси ўртасида дуал таълим бўйича суд-экспертларини қайта тайёрлаш курсларини ташкил этиш юзасидан шартнома тузиш; 2. Комиссия томонидан талабгорларни ўқув курсига қабул қилиш юзасидан суҳбат ўтказиш; 3. Суҳбат натижаси бўйича ўқишга тавсия этилган талабгорлар билан шартномалар имзолаш. Ўқув курслари бошланишидан 15 кун олдин Ўқув курслари бошланишидан 10 кун олдин Ўқув курслари бошланишига қадар 3-босқич Давлат суд-экспертиза муассасаси ва олий таълим муассасаси Ўқув курсларни ташкил этиш ва мувофиқлаштириш билан боғлиқ дуал таълим дастурини ишлаб чиқиш Келишилган муддатларда 4-босқич Давлат суд-экспертиза муассасаси ва олий таълим муассасаси Дуал таълим дастури бўйича ўқув курсини ташкил этишга доир тегишли чора-тадбирларни амалга ошириш Низомда белгиланган муддатларда

Суд экспертиза соҳасида дуал таълим бўйича кадрларни қайта тайёрлаш курсларини ташкил этиш тартиби тўғрисидаги низомга 2-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ______________________ ‎________________________ ‎(Олий таълим муассасасининг номи) ‎ ‎ ‎ ‎‎‎‎‎ ___________________________ ‎____________________________ ‎(Давлат суд-эскпертиза муассасасининг номи) ‎ ‎ ‎ ‎ ‎ ‎ ‎суд эксперти сифатида касбий лаёқатни тасдиқловчи ‎СЕРТИФИКАТ ‎№ ____________________ ‎ ‎ ‎ ‎ ‎ ‎ ‎ ‎ ‎ ‎ 20___йил «____» __________ ‎____ ‎ ‎ ‎ ‎ ‎ ‎ ‎ ‎ ___________________ ‎(берилган жойи) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ __________________________________________________________________________________ ‎ (суд экспертининг фамилияси, исми, отасининг исми) 20_____ йил «___» _____________ дан 20___ «____» _______________гача ______________соатли ‎‎________________________________________________________________________________ ни ‎ ‎ ‎ ‎ ‎ ‎ ‎ (қайта тайёрлаш курсининг номи) ‎ ‎ ‎ ‎ ‎ ‎ ‎муваффақиятли тамомлади.‎ ‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎Мазкур сертификат суд экспертининг суд экспертизасининг______________________________ тури ‎бўйича касбий лаёқатини тасдиқлайди. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Комиссия раиси ________________________ ‎____‎_______‎___ ‎ ‎ ‎ ______________ _ ‎ ‎ ‎ ‎ ‎ (Ф.И.О) ‎ ‎ ‎ ‎ ‎ ‎ ‎ ‎ ‎ (имзо) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎Ҳужжатнинг ҳақиқийлигини тасдиқловчи ‎QR-код ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Вазирлар Маҳкамасининг 2021 йил 22 ноябрдаги 706-сон қарорига 2-ИЛОВА

Нодавлат суд-экспертиза ташкилоти суд экспертларининг фуқаролик жавобгарлигини мажбурий суғурта қилиш тартиби тўғрисида

1-боб. Умумий қоидалар

1. Мазкур Низом Нодавлат суд-экспертиза ташкилоти суд экспертларининг фуқаролик жавобгарлигини мажбурий суғурта қилиш тартибини белгилайди.

Ушбу Низом талаблари давлат суд-экспертиза муассасаларининг суд экспертларига тавсиявий хусусиятга эга.

2. Нодавлат суд-экспертиза ташкилоти, шу жумладан суд-экспертлик бюроси (кейинги ўринларда — нодавлат суд-экспертиза ташкилоти) суд экспертларининг фуқаролик жавобгарлигини мажбурий суғурта қилиш улар томонидан амалга оширилган суд-экспертиза тадқиқотлари натижасида зарар кўрган шахсларнинг мулкий манфаатларини суғурта тўловлари орқали ҳимоя қилишни таъминлашга қаратилади.

3. Ушбу Низомда қуйидаги асосий тушунчалар қўлланилади:

суд эксперти — хулоса бериш учун фан, техника, санъат ёки ҳунар соҳасида махсус билимларга эга бўлган, белгиланган тартибда суд эксперти сифатида тайинланган жисмоний шахс;

наф олувчи — мазкур Низомга мувофиқ мажбурий суғурта шартномаси асосида юз берган суғурта ҳодисаси натижасида суғурта товонини олиш ҳуқуқига эга шахс;

нодавлат суд-экспертиза ташкилоти — фуқаролик, иқтисодий ва маъмурий суд ишлари бўйича суд экспертизасини ўтказишга ихтисослаштирилган, штатида суд эксперти сертификатига эга мутахассислари мавжуд бўлган юридик шахс шаклида ташкил этиладиган ташкилот;

суд-экспертлик бюроси — шартнома асосида фуқаролик, иқтисодий, маъмурий суд ишлари ва маъмурий ҳуқуқбузарлик тўғрисидаги ишлар бўйича суд экспертизасини ҳамда жисмоний ва юридик шахсларнинг мурожаатлари юзасидан тадқиқотлар ўтказишга ихтисослаштирилган, якка тартибда суд эксперти томонидан таъсис этилган нотижорат ташкилот;

суғурта қилдирувчи — суғурталовчи билан мажбурий суғурта шартномасини тузган нодавлат суд-экспертиза ташкилоти;

суғурта мукофоти — суғурта қилдирувчи мажбурий суғурта шартномасига мувофиқ суғурталовчига тўлаши шарт бўлган пул маблағлари суммаси;

суғурта суммаси — суғурталовчи суғурта ҳодисаси содир бўлганда мазкур Низомга мувофиқ мулкий зарар кўрган шахсларга етказилган зарарнинг ўрнини қоплаш мажбуриятини олган сумма;

суғурта товони — суғурталовчи томонидан наф олувчига мажбурий суғурта шартномасига мувофиқ суғурта суммаси доирасида тўлаши шарт бўлган пул маблағлари суммаси;

суғурта ҳодисаси — мажбурий суғурта шартномаси амал қилиши даврида қонунчилик ҳужжатларига зид суд-экспертлик ҳаракатни амалга ошириш натижасида суд экспертининг ҳаракатлари (ҳаракатсизлиги) туфайли жисмоний ёки юридик шахсга мулкий зарар етказилганлигининг суднинг қонуний кучга кирган қарори билан белгиланган ёки суғурта қилувчи томонидан тан олинган факти;

суғурталовчи — тегишли турдаги суғуртани амалга ошириш учун лицензияга эга бўлган ва мажбурий суғурта шартномасига мувофиқ суғурта товонини амалга ошириш мажбуриятини олувчи тижорат ташкилоти бўлган юридик шахс;

суд экспертининг фуқаролик жавобгарлиги — нодавлат суд-экспертиза ташкилотлари суд экспертларининг суд экспертизасини амалга ошириш натижасида жисмоний ҳамда юридик шахсга ва (ёки) суд-экспертизани амалга оширишдаги учинчи шахсларга етказилган мулкий зарарни қоплаш мажбурияти;

суд экспертининг фуқаролик жавобгарлигини мажбурий суғурта қилиш шартномаси (кейинги ўринларда — мажбурий суғурта шартномаси) — суғурта шартномаси бўлиб, унга кўра суғурталовчи суғурта ҳодисаси содир бўлганда мазкур Низомга мувофиқ мулкий зарар кўрган шахсларга (наф олувчига) ушбу суғурта ҳодисаси оқибатида етказилган зарарнинг ўрнини шартномада шартлашилган ҳақ (суғурта мукофоти) эвазига суғурта бадали (суғурта суммаси) доирасида қоплаш мажбуриятини олади;

учинчи шахс — мажбурий суғурта шартномасининг тарафи бўлмаган, нодавлат суд-экспертиза ташкилотларининг суд экспертидан суд-экспертлик ҳаракатларни амалга ошириши натижасида мулкий зарар кўрган шахс.

4. Нодавлат суд-экспертиза ташкилоти суд экспертларини суд-экспертлик фаолиятни амалга оширишда суғурталовчи билан суд экспертларининг мажбурий суғурта шартномасини тузиши лозим.

Мажбурий суғурта шартномаси ва полиси мавжуд бўлмаганлиги ёки тузилган суғурта шартномаси қонунчилик ҳужжатлари талабларига мувофиқ бўлмаганлиги суд экспертининг фаолиятини тўхтатиб туришга асос ҳисобланади.

5. Суд эксперти фуқаролик жавобгарлигининг қуйидагилар оқибатида юзага келиши суғурта ҳодисаси ҳисобланмайди:

суд экспертига мурожаат қилган шахс томонидан суд-экспертлик ҳаракат амалга ошириш билан боғлиқ ёлғон маълумотлар, ҳақиқий бўлмаган ёки сохта ҳужжатлар тақдим этилиши;

агар суд-экспертлик ҳаракатни амалга оширишни сўраб мурожаат қилган шахс суд экспертига ушбу суд-экспертлик ҳаракат ҳуқуқ ва қонуний манфаатларига таъсир кўрсатиши мумкин бўлган учинчи шахсларнинг йўқлиги ёки мавжудлигини билдирмаган бўлса.

2-боб. Суғурта объекти, субъекти ва суғурта суммаси миқдори

6. Суд экспертининг суд-экспертлик ҳаракатни амалга ошириш учун мурожаат қилган жисмоний ёки юридик шахсга ва (ёки) суд-экспертлик фаолиятни амалга оширишдаги учинчи шахсларга мулкий зарар етказилганлиги оқибатида юзага келадиган мажбуриятлари бўйича жавобгарлиги хавфи билан боғлиқ мулкий манфаатлар мажбурий суғурта шартномаси бўйича суғурта объекти ҳисобланади.

Суғурталовчи, суғурта қилдирувчи ва суд эксперти томонидан амалга оширилган суд-экспертлик ҳаракатлари натижасида зарар кўрган учинчи шахслар суд экспертнинг фуқаролик жавобгарлигини мажбурий суғурта қилиш субъектларидир.

7. Мажбурий суғурта шартномаси бўйича суғурта суммаси суд-экспертизаси фаолияти билан шуғулланувчи ҳар бир суд эксперти учун — базавий ҳисоблаш миқдорининг бир ярим минг бараваридан кам бўлиши мумкин эмас.

3-боб. Мажбурий суғурта шартномасини тузиш, ўзгартириш ва муддатидан олдин тўхтатиш тартиби

8. Мажбурий суғурта шартномаси суғурта қилдирувчи ва суғурталовчи ўртасида тузилади.

9. Мажбурий суғурта шартномаси суғурта қилдирувчининг ушбу Низомга 1-иловага мувофиқ шакл бўйича мажбурий суғурта шартномасини тузиш тўғрисидаги аризаси асосида тузилади.

10. Суғурта қилдирувчи мажбурий суғурта шартномасини тузиш учун суғурталовчини ихтиёрий танлайди.

11. Агар мажбурий суғурта шартномасида бошқача тартиб назарда тутилмаган бўлса, у суғурта қилдирувчи томонидан суғурта мукофоти тўланган вақтдан, бўлиб-бўлиб тўлашда эса биринчи суғурта мукофоти тўланган вақтдан бошлаб кучга киради ва тарафлар учун мажбурий ҳисобланади.

12. Мажбурий суғурта шартномаси у кучга кирган кундан бошлаб бир йил муддатга амал қилади.

13. Суғурта полиси суғурта қилдирувчига суғурталовчининг ҳисобварағига мажбурий суғурта шартномаси бўйича суғурта мукофоти келиб тушган кундан кейинги уч иш кунидан кечикмай берилади.

Суғурта полиси бланкаси қатъий ҳисобда турадиган ҳужжат бўлиб, ҳисобга олиш сериясига, рақамига ва ҳимояланганликнинг камида 3 даражасига эга бўлиши керак. Суғурта полиси бланкаси суғурталовчининг буюртмаси бўйича, босмахона усулида, А4 (210 — 297 мм) форматда «Давлат белгиси» давлат-ишлаб чиқариш бирлашмасида ушбу Низомга 2-иловада келтирилган намунага мувофиқ тайёрланади.

14. Суғурта полиси йўқолган ёки яроқсиз ҳолга келган тақдирда суғурта қилдирувчи унинг дубликатини олиш ҳуқуқига эга.

15. Мажбурий суғурта шартномасига ўзгартиришлар томонларнинг келишувига асосан улардан бирининг ёзма аризаси асосида киритилади. Шартномага киритилган барча ўзгартириш ва қўшимчалар улар ёзма равишда ёзилган ва ҳар икки томоннинг ваколатли вакиллари томонидан имзоланган тақдирда қонуний кучга эга.

16. Мажбурий суғурта шартномасининг амал қилиши қуйидаги ҳолларда муддатидан олдин тўхтатилади:

нодавлат суд-экспертиза ташкилоти тугатилганда;

суд эксперти ваколати тугатилганда ёки у вафот этганда;

мажбурий суғурта шартномаси суд қарорига кўра ҳақиқий эмас деб топилганда.

Мажбурий суғурта шартномасининг амал қилиши қонунчилик ҳужжатларида назарда тутилган бошқа ҳолатларда ҳам муддатидан олдин тўхтатилиши мумкин.

Мажбурий суғурта шартномасининг амал қилиши тўхтатилган тақдирда, суғурта мукофотининг бир қисми тўланган товон суммасига ва мажбурий суғурта тўғрисидаги шартноманинг амал қилишининг кунлар ҳисобидаги қолган муддатига мутаносиб равишда қайтарилади.

4-боб. Суғурта қилдирувчи ва суғурталовчининг ҳуқуқ ва мажбуриятлари

17. Суғурта қилдирувчи:

суғурталовчини эркин танлаш;

суғурталовчидан мажбурий суғурта шартномаси шартларини, шу жумладан ўз ҳуқуқ ва мажбуриятларини тушунтиришни талаб қилиш;

суғурталовчининг молиявий ҳисоботи билан танишиш;

ушбу Низомда назарда тутилган тартибда ва шартларда суғурта товонини олиш;

суғурталовчининг суғурта товонини тўлашни рад этиш тўғрисидаги қарори юзасидан тегишли тартибда судга шикоят қилиш ҳуқуқига эга.

Суғурта қилдирувчи қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

18. Суғурта қилдирувчи:

мажбурий суғурта шартномасида белгиланган миқдорда, тартибда ва муддатларда суғурталовчига суғурта мукофотини тўлаши;

мажбурий суғурта шартномасини тузишда суғурталовчига ушбу Низомда белгиланган маълумотларни тақдим этиши;

суғурталовчига суғурта ҳодисаси муносабати билан унга нисбатан қўйилаётган барча талаблар ёки унга қарши бошланган суд муҳокамаси тўғрисида дарҳол хабар қилиш, зарар етказилиши ҳолатлари тўғрисидаги барча маълумотларни ва ваколатли органлардан олинган суғурта ҳодисасининг сабаблари ҳамда оқибатларини, зарарнинг хусусияти ва миқдорини белгилаш учун зарур бўлган ҳужжатларни суғурталовчига тақдим этиши;

суғурта ҳодисаси юз берганда зарарнинг олдини олиш ва (ёки) камайтириш юзасидан мумкин бўлган барча чораларни кўриши;

суғурталовчига зарарни қоплаш тўғрисидаги учинчи шахсларнинг талаби билан боғлиқ масалаларни ҳал қилишда иштирок этиш имкониятини бериши;

суғурта ҳодисаси юз берганлиги учун жавобгар шахсга нисбатан регресс талаб қилиш ҳуқуқини суғурта товонини тўлаган суғурталовчига ўтишини таъминлаши шарт.

Суғурта қилдирувчи қонунчилик ҳужжатларига мувофиқ бошқа мажбуриятларни ҳам олиши мумкин.

19. Суғурталовчи:

мажбурий суғурта шартномасини тузишда суғурта қилдирувчи шахсдан суд экспертларининг жавобгарлигини мажбурий суғурта қилиш бўйича олдинги шартномалар, суғурта ҳолатлари, суғурта тўловлари ва мажбурий суғурта шартномасини тузиш учун зарур бўлган бошқа маълумотларни тақдим этишини талаб қилиш;

суғурта қилдирувчи томонидан етказилган зарарни қоплаш тўғрисидаги учинчи шахсларнинг талаблари билан боғлиқ масалаларни ҳал қилишда иштирок этиш;

Низомга назарда тутилган ҳолларда зарар етказганлик учун жавобгар шахсга нисбатан регресс талаб қилиш ҳуқуқини тақдим этиш;

Шунингдек, суғурта товонини тўлиқ ёки қисман тўлашни рад этиш ҳуқуқига эга.

Суғурталовчи қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

20. Суғурталовчи:

суғурта қилдирувчини мажбурий суғурта шартномаси шартлари билан таништириши, шу жумладан унинг ҳуқуқ ва мажбуриятларини тушунтириши;

қонунчилик ҳужжатларида белгиланган ҳолларда ва тартибда мажбурий суғурта шартномаси муддатидан олдин бекор қилинганда суғурта қилдирувчига суғурта мукофотини тўлиқ ёки қисман қайтариб бериши;

суғурта ҳодисаси юз берганлиги ва суғурталовчи томонидан тўланиши лозим бўлган зарар миқдорини тасдиқловчи ҳужжатлар етарли бўлмаган тақдирда, улар олинган кундан бошлаб уч иш куни мобайнида ариза берувчига тақдим этилмаган ва (ёки) нотўғри расмийлаштирилган ҳужжатларнинг тўлиқ рўйхати кўрсатилган ҳолда хабар бериши;

суғурта ҳодисаси юз берганда ушбу Низомга назарда тутилган тартибда ва шартларда суғурта тўловини амалга ошириши;

суғурта қилдирувчидан (наф олувчидан) ариза олинганда суғурта қилдирувчининг (наф олувчининг) талабларини кўриб чиқиш ва беш иш куни ичида низони ҳал этишнинг кейинги тартиби кўрсатган ҳолда ёзма жавоб бериши;

суғурта ҳодисаси юз берганда зарарни олдини олиш ва (ёки) камайтириш мақсадида суғурта қилдирувчига етказилган харажатларни қоплаши;

ўз фаолиятини амалга ошириш натижасида суғурта қилдирувчи ва учинчи шахс ёки наф олувчи тўғрисида олинган маълумотларнинг махфийлигини таъминлаши шарт.

Суғурталовчи қонунчилик ҳужжатларига мувофиқ бошқа мажбуриятларни ҳам олиши мумкин.

5-боб. Суғурта мукофотини аниқлаш ва уни тўлаш тартиби

21. Мажбурий суғурта шартномаси бўйича суғурта мукофотининг ҳажми томонларнинг келишуви билан белгиланади, бироқ мажбурий суғурта шартномасида белгиланган суғурта суммасининг 1 фоизидан кам бўлмаслиги керак.

Давлат томонидан мажбурий суғурта қилиш шартномаси амал қиладиган муддат мобайнида суғурта тарифи даражасининг ўзгариши суғурта қилдирувчи томонидан тўлов вақтида амалда бўлган суғурта тарифи бўйича тўланган суғурта мукофотининг ўзгаришига олиб келмайди.

22. Суғурталовчи наф олувчига суғурта товонини тўлаш тўғрисида қарор қабул қилиш учун суғурталовчига қуйидаги ҳужжатлар тақдим этилади:

суғурта товонини олиш тўғрисида ушбу Низомга 3-иловага мувофиқ шаклда ариза;

учинчи шахсларнинг етказилган зарарни ва унинг миқдорини тасдиқловчи ҳужжатлар илова қилинган зарарни қоплаш тўғрисидаги талаби ёки суғурта қилдирувчи томонидан суд-экспертлик ҳаракатлар содир этилиши натижасида етказилган зарарни қоплаш тўғрисидаги суднинг қонуний кучга кирган қарори;

наф олувчининг шахсини тасдиқловчи ҳужжат ёки юридик шахс вакилига берилган ишончнома;

етказилган зарарнинг олдини олиш ва (ёки) камайтириш чораларини кўриш билан боғлиқ харажатларни тасдиқловчи ҳужжатлар.

23. Ҳужжатларни қабул қилган суғурталовчи ариза берувчига тақдим этилган ҳужжатларнинг тўлиқ рўйхати ва қабул қилинган сана кўрсатилган маълумотнома бериши шарт.

Ариза берувчи томонидан суғурта товонини олиш тўғрисидаги мурожаат электрон шаклда юборилган тақдирда, унга ушбу маълумотнома электрон шаклда тақдим этилиши мумкин.

24. Суғурта ҳодисаси суғурта қилдирувчи томонидан етказилган зарарни қоплаш тўғрисидаги суднинг қарори қонуний кучга кирган ёки суғурта қилдирувчи томонидан зарарни қоплаш тўғрисидаги учинчи шахсларнинг талаблари асосли эканлиги тан олинган ва бу ҳақда суғурталовчининг розилиги олинган кундан бошлаб юз берган ҳисобланади.

25. Суғурталовчи суғурта қилдирувчининг ташаббуси билан ёки суғурталовчининг талабига биноан зарарни бартараф қилиш ва (ёки) камайтириш юзасидан кечиктириб бўлмайдиган чоралар кўрилиши муносабати билан юзага келган суғурта қилдирувчининг барча билдирилган ва исботланадиган харажатларини, ҳатто бу чоралар муваффақиятсиз бўлган ҳолларда ҳам қоплайди.

26. Зарарни бартараф қилиш ва (ёки) камайтириш бўйича харажатлар суғурта товони миқдоридан ортиқ бўлиши мумкин эмас.

27. Суғурта товони етказилган зарар миқдорида, лекин суғурта суммасидан ошмаган миқдорда суғурталовчи томонидан бевосита учинчи шахсга (унинг меросхўрига ёки ҳуқуқий ворисига) тўланади.

28. Агар суғурта қилдирувчи учинчи шахсга етказилган зарарнинг ўрнини суғурталовчининг ёзма розилиги билан ўз ҳисобидан қопласа, суғурта қилдирувчи етказилган зарарнинг ўрнини қоплаш тартибида ўзи амалга оширган тўловларни тасдиқловчи ҳужжатларни тақдим этганидан кейин суғурталовчи суғурта қилдирувчига суғурта товонини тўлайди.

Суғурта қилдирувчи учинчи шахсга етказилган зарарнинг ўрнини ўз ҳисобидан қисман қопласа суғурталовчи суғурта товонининг тегишли қисмини суғурта қилдирувчига, қолган қисмини эса — учинчи шахсга (унинг меросхўрига ёки ҳуқуқий ворисига) тўлайди.

Банкнинг тўлов амалга оширилганлиги тўғрисидаги белгиси қўйилган тўлов топшириқномаси нусхаси етказилган зарар ўрнини қоплаш тартибида суғурта қилдирувчи тўлаганлигини ёки бошқа тўлов қилинганлигини тасдиқловчи ҳужжатлар ҳисобланади.

29. Суғурта товонини тўлашда суғурталовчи наф олувчидан суғурталовчига нисбатан даъвони чеклайдиган шартларни қабул қилишни талаб қилишга ҳақли эмас.

Суд эксперти томонидан амалга оширилган суд-экспертиза натижасида мулкий манфаатлари зарар кўрган учинчи шахс вафот этган тақдирда, унинг меросхўрлари ёки ҳуқуқий ворислари наф олувчи ҳисобланади.

Суғурталовчининг ёзма розилиги билан суғурталовчининг мажбуриятлари доирасида учинчи шахсга (унинг меросхўрларига ёки ҳуқуқий ворисларига) етказилган зарарнинг ўрнини қоплаган суғурта қилдирувчи ҳам наф олувчи бўлиши мумкин.

30. Суғурта товонини тўлаш суғурталовчининг суғурта товонини тўлаш тўғрисидаги қарори қабул қилинган кундан эътиборан беш иш куни мобайнида амалга оширилади.

31. Суғурталовчининг суғурта товонини тўлашни рад этиш тўғрисидаги ёки уни тўлаш ҳақидаги қарори суғурта қилдирувчига у суғурта товони тўлаш тўғрисида ёзма мурожаат этганидан кейин ўн беш кундан кечиктирмай хабар қилиниши керак, товон тўлаш рад этилганда қарорда рад этишнинг асослантирилган сабаблари кўрсатилиши лозим.

32. Агар суғурта товонини тўлаш ушбу Низомда белгиланган муддатда амалга оширилмаган бўлса, суғурталовчи учинчи шахсга (унинг меросхўрига ёки ҳуқуқий ворисига) суғурта товонига қўшимча равишда суғурта товонини тўлаш тўғрисида қарор қабул қилинган кундаги банк фоизининг ҳисоб ставкасидан келиб чиққан ҳолда пеня тўлайди.

33. Агар мажбурий суғурта шартномаси амалда бўлган даврда суғурталовчи учинчи шахсга (унинг меросхўрига ёки ҳуқуқий ворисига) суғурта товони тўласа, у ҳолда суғурта қилдирувчи суғурталовчидан суғурта товони тўланганлиги тўғрисидаги хабарнома олинган кундан эътиборан икки ҳафта муддатда тўланган суғурта товони суммасига ва мажбурий суғурта шартномаси амал қилишининг қолган муддатига мутаносиб равишда қўшимча суғурта мукофотини тўлайди.

34. Суғурталовчи мажбурий суғурта шартномасининг амал қилиши даврида вужудга келган зарарларнинг ўрнини, агар учинчи шахс (унинг меросхўри ёки ҳуқуқий вориси) зарарларни келтириб чиқарган суғурта ҳодисаси ҳақида зарарларнинг ўрнини мажбурий суғурта шартномасининг амал қилиш муддати тугаганидан кейин уч йил ичида ундириш тўғрисида даъво аризаси берган бўлса, қоплайди.

35. Суғурталовчи суғурта ҳодисаси қуйидаги асослар бўйича юзага келган тақдирда суғурта товонини тўлашни рад этиш ҳуқуқига эга:

суғурта қилдирувчининг суғурта ҳодисасини юзага келтиришга қаратилган қасддан қилинган ҳаракатлари;

суғурта қилдирувчи томонидан суғурта ҳодисаси юз берганлиги ҳақида ёлғон маълумотлар тақдим этилиши;

суғурта қилдирувчи томонидан «Суд экспертизаси тўғрисида»ги Ўзбекистон Республикасининг Қонунида белгиланган суд экспертининг вазифалари ва мажбуриятларига мувофиқ бўлмаган фаолиятни амалга ошириши;

суғурта қилдирувчи томонидан зарар келтириб чиқаришда айбдор бўлган шахсдан етказилган зарар учун тегишли компенсация олиниши;

суғурта қилдирувчи томонидан суғурталовчига суғурта ҳодисаси юзага келиши ҳолатларини текширишда ва етказилган зарар миқдорини аниқлашда тўсқинлик қилиши.

Суғурталовчи ушбу бандда назарда тутилмаган бошқа асослар бўйича суғурта товонини тўлашни рад этишга ҳақли эмас.

36. Суғурталовчи томонидан қуйидаги ҳолларда суғурта товони қопланмайди:

суғурта қилдирувчи томонидан тан олинган, бироқ суғурталовчининг розилиги олинмаган учинчи шахснинг ёзма талаби билан аниқланган зарар;

мажбурий суғурта шартномаси амал қилиши давомида шартнома кучга киргунга қадар юзага келган сабабларга кўра етказилган зарар;

маънавий зарар, бой берилган фойда ва жарима тўловлари.

6-боб. Суғурталовчининг регресс тартибида талаб қилиш ҳуқуқи

37. Суғурталовчи зарар етказилган шахсга ўзи тўлаган суғурта товони миқдорида қуйидаги ҳолларда регресс тартибида талаб қилиш ҳуқуқига эга, агар:

суғурта ҳодисаси суғурта қилдирувчининг қасддан қилган ҳаракатлари натижасида юзага келган бўлса;

суғурта ҳодисаси суғурта қилдирувчининг қасддан содир этган жинояти натижасида юзага келган бўлса;

суғурта қилдирувчи томонидан зарарнинг олдини олиш ва (ёки) камайтириш чораларини қасддан кўрмаганлиги натижасида зарар миқдори ошиб кетган бўлса;

суғурта қилдирувчи томонидан суғурталовчига суғурта объекти, суғурта хавфи, суғурта ҳодисаси ва унинг натижалари ҳақида ёлғон маълумотлар берилган бўлса.

38. Суғурта товонини тўлаган суғурталовчига суғурта қилдирувчининг суғурта натижасида қопланган зарар учун жавобгар шахсга нисбатан тўланган сумма доирасида регресс тартибида талаб қилишга бўлган ҳуқуқи ўтади.

39. Суғурталовчи томонидан ундирилган зарарлар бўйича жавобгар бўлган шахсга нисбатан эга бўлган талаб қилиш ҳуқуқи суғурта товонини тўлашни амалга оширган суғурталовчига у тўлаган сумма доирасида ўтади.

40. Суғурта қилдирувчи суғурта товонини олишда суғурталовчига унинг суғурта ҳодисаси юзага келишида айбдор бўлган шахсга нисбатан қайта талаб қилиш ҳуқуқини амалга ошириши учун барча зарур ҳужжатларни бериши шарт.

41. Агар суғурта қилдирувчи суғурталовчи томонидан ундирилган зарар юзасидан жавобгар бўлган шахсга нисбатан ўзининг талаб қилиш ҳуқуқидан воз кечса ёки ушбу ҳуқуқни амалга ошириш суғурта қилдирувчининг айбига кўра мумкин бўлмай қолса суғурталовчи суғурта қилдирувчидан суғурта товонининг тўланган суммасини қайтариб беришни талаб қилишга ҳақлидир.

7-боб. Якунловчи қоидалар

42. Мазкур Низом талаблари бузилишида айбдор бўлган шахслар қонунчиликда белгиланган тартибда жавоб берадилар.

Нодавлат суд-экспертиза ташкилоти суд экспертларининг фуқаролик жавобгарлигини мажбурий суғурта қилиш тартиби тўғрисидаги низомга 1-ИЛОВА

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ____________________________ ‎(суғурталовчининг номи) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Нодавлат суд-экспертиза ташкилоти суд экспертларининг фуқаролик жавобгарлигини ‎мажбурий суғурта шартномасини тузиш тўғрисида ‎АРИЗА ‎ _____________________________________ ‎(нодавлат суд-экспертиза ташкилотининг номи) ‎ ‎ ‎‎‎‎ _______________асосида ҳаракат қилувчи ‎ (ҳужжат номи) ___________________________________________________орқали Сиздан нодавлат суд-экспертлик фаолияти ‎ (ваколатли шахснинг Ф.И.О., лавозими) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ билан шуғулланувчи ташкилот суд-экспертларининг Нодавлат суд-экспертиза ташкилоти суд экспертларининг фуқаролик жавобгарлигини мажбурий суғурта қилиш низомида назарда тутилган шартларда нодавлат суд-экспертлик фаолияти билан шуғулланувчи суд экспертларининг фуқаролик жавобгарлигини мажбурий суғурта шартномасини тузишни сўрайди. 1. Нодавлат суд-экспертиза ташкилотининг реквизитлари: ‎ ‎ ‎ ‎ ‎ ‎ ‎ ‎ ‎ ‎ почта манзили: ________________________________________________________________; ‎телефон: ___________, факс: ___________, эл. манзили: ______________; СТИР _____________.‎ ‎ 2. Нодавлат суд-экспертиза ташкилотининг банк реквизитлари: ‎банк номи: _____________________________________________________________________________; ‎банк ҳисобварағи: ____________________________________________________________________________; ‎хизмат кўрсатувчи банкнинг МФО ______________________________. ‎ 3. Нодавлат суд-экспертлик фаолияти билан шуғулланувчи суд экспертининг фуқаролик жавобгарлигинимажбурий суғурта шартномаси: биринчи марта тузилмоқда / ўтган йилда тузилган. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 4. Ўтган йилда тузилган нодавлат суд-экспертлик фаолияти билан шуғулланувчи суд экспертининг фуқаролик жавобгарлигини мажбурий суғурта шартномаси тўғрисида маълумотлар: а) нодавлат суд-экспертлик фаолияти билан шуғулланувчи суд экспертининг фуқаролик жавобгарлигини мажбурий суғурта қилиш бўйича суғурта полиси: 20____ йил «____» ___________ даги _______ серияли ________-сон; б) суғурта мукофоти, сўмда: ‎________________________ ‎__________________;‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ (суммаси рақамлар ва ёзув билан) ‎‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ в) жами тўланган суғурта товони, сўмда: ‎____________________________________________; ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (суммаси рақамлар ва ёзув билан) ‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ 5. Нодавлат суд-экспертиза ташкилоти суд экспертлари 1) ________________________________________________________; 2) ________________________________________________________; ‎3) ________________________________________________________; ‎4) ________________________________________________________; ‎5) ________________________________________________________; ‎ 6. Аризага шунингдек қуйидаги ҳужжатлар илова қилинади: а) ________________________________________________________; ‎б) ________________________________________________________; в) ________________________________________________________; 7. Биз ушбу аризада келтирилган маълумотларнинг ҳаққонийлиги ва тўлиқлигини тасдиқлаймиз. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _____________________________ ‎(имзо) ‎ ‎ ‎ ‎ ________________________ ‎(нодавлат суд-экспертиза ташкилоти раҳбари Ф.И.О.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 8. Ариза _______________________________________________ томонидан қабул қилинган. ‎ ‎ (суғурталовчи ходимнинг лавозими ва Ф.И.О.) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Нодавлат суд-экспертиза ташкилоти суд экспертларининг фуқаролик жавобгарлигини мажбурий суғурта қилиш тартиби тўғрисидаги низомга 2-ИЛОВА

Нодавлат суд-экспертлик фаолияти билан шуғулланувчи суд экспертининг фуқаролик жавобгарлигини мажбурий суғурта қилиш бўйича суғурта полиси бланкасининг намунаси ‎ (Нодавлат суд-экспертлик фаолияти билан шуғулланувчи суд экспертининг фуқаролик жавобгарлигини мажбурий суғурта қилиш бўйича суғурта полиси бланкасининг олд томони) ‎ Ўзбекистон Республикасининг Давлат герби тасвири ‎ ‎ Нодавлат суд-экспертлик фаолияти билан шуғулланувчи суд экспертининг фуқаролик жавобгарлигини мажбурий суғурта шартномаси бўйича СУҒУРТА ПОЛИСИ ‎________________-сон ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Серияси ____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. Суғурталовчининг тўлиқ номи ва реквизитлари ___________________________________________ ‎__________________________________________________________________________________ 2. Нодавлат суд-экспертлик фаолияти билан шуғулланувчи суд экспертининг Ф.И.О ‎__________________________________________________________________________________ ‎__________________________________________________________________________________ 3. Суғурта суммаси _________________________________________________________________ ‎______________________________________________________________________________(сўм). ‎ ‎ ‎ ‎ ‎ ‎ ‎ (сумма рақамлар ва ёзув билан) ‎ ‎ ‎ ‎ ‎ ‎ ‎ 4. Суғурта мукофоти _________________________________________________________________ ‎____________________________ сўм миқдорида 20____ йил «____» ____________ да тўланган. ‎ (суммаси рақамлар ва ёзув билан) ‎ ‎ ‎ ‎ ‎ ‎ ‎ ‎ ‎ ‎ ‎ ‎ 5. Суғурта даври: 20____ йил «_____» ____________________ дан 20____ йил «____» __________________ гача. 6. Нодавлат суд-экспертлик фаолияти билан шуғулланувчи суд экспертининг фуқаролик жавобгарлигини мажбурий суғурта шартномаси амал қилиши даврида қонунга зид суд-экспертизани амалга ошириш натижасида нодавлат суд-экспертлик фаолияти билан шуғулланувчи суд экспертининг айби билан жисмоний ва юридик шахсга мулкий зарар етказилганлиги қонуний кучга кирган суд қарори билан белгиланган ёки суғурта қилувчи томонидан тан олинган факти суғурта ҳодисаси ҳисобланади. (Нодавлат суд-экспертлик фаолияти билан шуғулланувчи суд экспертининг фуқаролик жавобгарлигини мажбурий суғурта қилиш бўйича суғурта полиси бланкасининг орқа томони) 7. Суғурталовчининг, шунингдек унинг нодавлат суд-экспертлик фаолияти билан шуғулланувчи суд экспертининг фуқаролик жавобгарлигини мажбурий суғурта шартномасини тузишга, нодавлат экспертлик фаолияти билан шуғулланувчи суд экспертлар, учинчи шахслар ва наф олувчиларнинг суғурта товони ҳақидаги талабларини кўриб чиқишга ҳамда суғурта товонини амалга оширишга ваколатли барча филиалларининг почта манзиллари, улар билан боғланиш воситалари ва иш вақти тўғрисидаги маълумотлар: ‎__________________________________________________________________________________ ‎__________________________________________________________________________________ 8. Алоҳида қайдлар __________________________________________________________ ‎________________________________________________________________________ ‎ ‎ ‎ ‎ ‎ Суғурталовчининг раҳбари ёки ваколатли шахси ‎ ‎ ‎ ‎ ‎ ‎ ‎ ________________ ‎ ‎(имзо) ‎ ‎ ‎ ‎ ______________________________ ‎ ‎(Ф.И.О) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ М.Ў. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Берилган санаси: 20___ йил «___» ________. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Нодавлат суд-экспертиза ташкилоти суд экспертларининг фуқаролик жавобгарлигини мажбурий суғурта қилиш тартиби тўғрисидаги низомга 3-ИЛОВА

Суғурта товонини тўлаш тўғрисида ‎ АРИЗА ‎ Ушбу билан нодавлат суд-экспертлик фаолияти билан шуғулланувчи суд экспертининг фуқаролик жавобгарлигини мажбурий суғурта қилиш бўйича 20___ йил «____» ___________даги _____-сон шартномага кўра суғурта ҳодисаси деб эътироф этилиши мумкин бўлган ҳодиса юз берганлигини маълум қиламан. ‎ Ҳодисанинг сабаблари ва ҳолатлари тўғрисида қуйидагиларни маълум қиламан: Суғурта ҳодисаси деб эътироф этилиши мумкин бўлган ҳодисага дуч келган учинчи шахс: ‎___________________________________________________________________________________ ‎___________________________________________________________________________________ ‎ ‎ ‎ ‎ ‎ ‎ ‎ (наф олувчининг Ф.И.О.) ‎ ‎ ‎ ‎ ‎ ‎ ‎ ‎ Ҳодисанинг санаси ва вақти: __________________________________________________ Ҳодисанинг жойи: ___________________________________________________________ Ҳодиса тўғрисида __________________________________________га мурожаат қилинган Ҳодисанинг ҳолатлари: ________________________________________________________________ ‎___________________________________________________________________________________ Ушбу ҳодиса бўйича ҳаққоний ва менга маълум бўлган барча маълумотларни хабар қилдим. ‎ 20____ йил «____» ________________. ‎ ‎ ‎ ‎‎___________ ‎(имзо) ‎ ___________________ ‎(аризачининг Ф.И.О) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ариза _______________________________________________________________ томонидан қабул қилинган ‎ ‎ ‎ ‎ ‎ (суғурталовчи масъул ходимнинг лавозими ва Ф.И.О.) ‎ ‎ ‎ ‎ ‎ ‎ ‎ ва 20____ йил «____» ______________да ____________ рақами билан дафтарда рўйхатдан ўтказилган. ‎ ‎ ‎ ‎ ‎ ‎ Ушбу аризага илова қилинган ҳужжатлар рўйхати ‎ ‎ ‎ ‎ ‎ ‎ ‎ Т/р Ҳужжатнинг номи Саҳифалар сони Ҳужжатнинг санаси ва тартиб рақами Илова қилинмоқ ‎да (ҳа/йўқ) 1. Учинчи шахсларнинг етказилган зарарни ва унинг миқдорини тасдиқловчи ҳужжатлар илова қилинган зарарни қоплаш тўғрисидаги талаби ёки суғурта қилдирувчи томонидан суд-экспертиза фаолияти натижасида етказилган зарарни қоплаш тўғрисидаги суднинг қонуний кучга кирган қарори. 2. Наф олувчининг шахсини тасдиқловчи ҳужжат ёки юридик шахс вакилига берилган ишончнома. 3. Етказилган зарарнинг олдини олиш ва (ёки) камайтириш чораларини кўриш билан боғлиқ харажатларни тасдиқловчи ҳужжатлар. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Вазирлар Маҳкамасининг 2021 йил 22 ноябрдаги 706-сон қарорига 3-ИЛОВА

Жисмоний ва юридик шахсларнинг мурожаатларига мувофиқ ўтказилиши мумкин бўлган суд экспертизаси турлари бўйича тадқиқотлар

Т/р Экспертиза турлари 1. Суд-хатшунослик экспертизаси 2. Ҳужжатларнинг техник-криминалистик экспертизаси 3. Суд-санъатшунослик экспертизаси 4. Суд-портрет экспертизаси 5. Суд-трасологик экспертизаси 6. Толали материаллар ва улардан тайёрланган маҳсулотларнинг суд экспертизаси 7. Полимер материаллар ва улардан тайёрланган маҳсулотларнинг суд экспертизаси 8. Лок-бўёқ материаллари ва қопламаларининг суд экспертизаси 9. Суд-тупроқшунослик экспертизаси 10. Нефть маҳсулотлари ва ёқилғи-мойлаш материалларининг суд экспертизаси 11. Табиий минераллар суд экспертизаси 12. Шиша буюмлари ва силикатли қурилиш материалларининг суд экспертизаси 13. Металл буюмлари ва қотишмаларининг суд экспертизаси 14. Дори воситаларининг суд экспертизаси 15. Табиати номаълум моддаларнинг суд экспертизаси 16. Таркибида спирт бўлган суюқликлар ва уларнинг излари суд экспертизаси 17. Махсус маркерлар (кўрсаткичлар) суд экспертизаси 18. Озиқ-овқат маҳсулотларининг суд экспертизаси 19. Суд-биологик экспертизаси 20. Суд-ботаник экспертизаси 21. Суд-зоологик экспертизаси 22. Одам ДНКси суд-биологик экспертизаси 23. Суд-транспорт-трасология экспертизаси 24. Суд-иқтисодий экспертизаси 25. Суд-бухгалтерия экспертизаси 26. Суд-молия-кредит экспертизаси 27. Меҳнат иқтисодиёти суд экспертизаси 28. Суд-режали-иқтисодиёт экспертизаси 29. Суд-иқтисодий-статистик экспертизаси 30. Ташқи савдо фаолиятининг суд-иқтисодий экспертизаси 31. Суд-қурилиш-техникавий экспертизаси 32. Суд-ер экспертизаси 33. Суд-товаршунослик экспертизаси 34. Суд-фонография экспертизаси 35. Видеоматериалларнинг суд экспертизаси 36. Суд-экологик экспертизаси 37. Суд-сиёсатшунослик-лингвистик экспертизаси 38. Суд-филологик экспертизаси 39. Суд-компьютер-техникавий экспертизаси 40. Суд-психологик экспертизаси 41. Суд-электротехникавий экспертизаси 42. Суд-ёнғин техник экспертизаси 43. Суд баллистик экспертизаси 44. Гиёҳванд моддалар, психотроп моддалар ва прекурсорлар экспертизаси 45. Суд-автотехника экспертизаси 46. Озиқ-овқат маҳсулотларнинг тадқиқотлари 47. Микрозаррачалар экспертизаси 48. Йўл экспертизаси 49. Суд лингвистик экспертизаси 50. Заҳарли химикатлар ва оғир металл тузлари экспертизаси 51. Бошқа тур объектлар экспертизаси

Вазирлар Маҳкамасининг 2021 йил 22 ноябрдаги 706-сон қарорига 4-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2010 йил 28 декабрдаги 321-сон қарори (Ўзбекистон Республикаси ҚТ, 2010 й., 12-сон, 75-модда) билан тасдиқланган Давлат суд экспертларининг ҳаёти ва соғлиғини давлат томонидан мажбурий суғурта қилиш тўғрисидаги низомда :

а) 6-банддан «ушбу Низомга 1-иловага мувофиқ шакл бўйича» сўзлари чиқариб ташлансин;

б) 1-илова ўз кучини йўқотган деб ҳисоблансин.

3. Вазирлар Маҳкамасининг 2019 йил 24 декабрда 1030-сон қарори билан тасдиқланган Илм-фан ва таълим соҳасидаги давлат ташкилотларида илмий, илмий-педагогик ва меҳнат фаолияти билан шуғулланувчи илмий даражага эга ходимларга қўшимча ҳақ тўлаш тартиби тўғрисидаги низомнинг 1-банди «ҳуқуқни муҳофаза қилиш органлари» сўзларидан кейин «ҳамда давлат суд-экспертиза муассасаларининг» сўзлари қўшилсин.

Ўзбекистон Республикасининг Бош вазири А. АРИПОВ

Тошкент ш.,

2021 йил 22 ноябрь,

706-сон

(Қонунчилик маълумотлари миллий базаси, 22.11.2021 й., 09/21/706/1080-сон; 19.03.2025 й., 09/25/171/0258-сон; 23.02.2026 й., 09/26/74/0165-сон; 23.02.2026 й., 09/26/73/0164-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

NIZOM

ROʻYXATI

Sud ekspertiza sohasini tartibga soluvchi ayrim normativ-huquqiy hujjatlarni tasdiqlash toʻgʻrisida

Oʻzbekiston Respublikasi Prezidentining “Oʻzbekiston Respublikasida sud-ekspertlik tizimini takomillashtirish chora-tadbirlari toʻgʻrisida” 2021-yil 5-iyuldagi PF-6256-son Farmoni ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Oʻzbekiston Respublikasida sud-ekspertlik tizimini takomillashtirish chora-tadbirlari toʻgʻrisida” 2021-yil 5-iyuldagi PF-6256-son Farmoniga muvofiq:

a) quyidagilar belgilanganligi:

sud-ekspertiza sohasida kadrlarni tayyorlash oliy taʼlim muassasalarida dual taʼlim prinsipiga muvofiq, bakalavriat yoki magistratura bosqichlarida taʼlim olayotgan davrda shartnoma asosida tegishli ekspertiza turlari boʻyicha kamida olti oylik ekspertlar tayyorlash kurslarida amalga oshirilishi mumkinligi;

tayyorlash kurslari oliy taʼlim muassasalari va davlat sud-ekspertiza muassasalari bilan tuziladigan shartnoma asosida amalga oshirilishi;

tayyorlash kurslari natijalariga koʻra tegishli sud-ekspertiza faoliyati bilan shugʻullanish uchun sertifikat berilishi;

b) 2021-yil 1-sentabrdan boshlab:

nodavlat sud ekspertlarining oʻz kasbiy majburiyatlarini buzishi oqibatida yetkaziladigan zarardan jismoniy va yuridik shaxslarni himoya qilish maqsadida, nodavlat sud-ekspertiza tashkiloti sud ekspertlarining fuqarolik javobgarligini majburiy sugʻurta qilish tartibi joriy etilganligi;

davlat va nodavlat sud-ekspertiza tashkilotlariga Vazirlar Mahkamasi tomonidan tasdiqlanadigan roʻyxatga koʻra shartnoma asosida jismoniy va yuridik shaxslarning murojaatlariga muvofiq, sud ekspertizasi turlari boʻyicha tadqiqot oʻtkazish huquqi berilganligi maʼlumot uchun qabul qilinsin.

2. Quyidagilar:

a) dual taʼlimni tashkil etish, sud-ekspertiza sohasida dual taʼlim boʻyicha kadrlarni qayta tayyorlashning asosiy vazifalari va bosqichlari, oʻquv kurslariga talabgorlardan hujjat qabul qilish, oʻquv jarayoni tashkil etish, tinglovchilar bilimini baholash tartibi hamda tomonlarning vazifalari, huquqlari va majburiyatlarini nazarda tutuvchi Sud ekspertiza sohasida dual taʼlim boʻyicha kadrlarni qayta tayyorlash kurslarini tashkil etish tartibi toʻgʻrisidagi nizom 1-ilovaga muvofiq;

sud ekspertlarining fuqarolik javobgarligini majburiy sugʻurta qilishda sugʻurta obyekti va subyekti, majburiy sugʻurta shartnomasini tuzish tartibi, majburiy sugʻurta shartnomasi boʻyicha sugʻurta summasi, sugʻurta qildiruvchi va sugʻurtalovchining huquq va majburiyatlari, sugʻurta mukofotini aniqlash va uni toʻlash tartibini nazarda tutuvchi Nodavlat sud-ekspertiza tashkiloti sud ekspertlarining fuqarolik javobgarligini majburiy sugʻurta qilish qoidalari 2-ilovaga muvofiq;

51 xil sud ekspertizasi turlarini oʻz ichiga olgan Jismoniy va yuridik shaxslarning murojaatlariga muvofiq oʻtkazilishi mumkin boʻlgan sud ekspertizasi turlari boʻyicha tadqiqotlar roʻyxati 3-ilovaga muvofiq tasdiqlansin.

3. Oʻzbekiston Respublikasi Hukumatining ayrim qarorlariga 4-ilovaga muvofiq oʻzgartirish va qoʻshimchalar kiritilsin.

4. Oʻzbekiston Respublikasi Adliya vazirligi manfaatdor vazirlik va idoralar bilan birgalikda bir oy muddatda tegishli normativ-huquqiy hujjatlarni ushbu qarorga muvofiqlashtirsin.

5. Mazkur qarorning bajarilishini nazorat qilish Oʻzbekiston Respublikasi adliya vaziri R.K. Davletov zimmasiga yuklansin.

Vazirlar Mahkamasining 2021-yil 22-noyabrdagi 706-son qaroriga 1-ILOVA

Sud ekspertiza sohasida dual taʼlim boʻyicha kadrlarni qayta tayyorlash kurslarini tashkil etish tartibi toʻgʻrisida

1-bob. Umumiy qoidalar

1. Ushbu Nizom davlat sud-ekspertiza va oliy taʼlim muassasalarida dual taʼlim prinsipiga muvofiq, sud-ekspertiza sohasida kadrlarni qayta tayyorlash kurslarini tashkil etish tartibini belgilaydi.

2. Mazkur Nizomda quyidagi asosiy tushunchalar qoʻllaniladi:

amaliyot oʻtash joyi — tinglovchiga taʼlim dasturlariga muvofiq, amaliy koʻnikma va malakalarni egallash maqsadida amaliy mashgʻulotlar va oʻquv amaliyotini oʻtkazish uchun belgilangan yoki tinglovchi faoliyat yuritayotgan davlat sud-ekspertiza muassasasi;

dual taʼlim dasturi — davlat taʼlim standartlari boʻyicha tuzilgan, oliy taʼlim muassasasi va davlat sud-ekspertiza muassasasi oʻrtasida tasdiqlangan oʻquv rejasi, oʻquv dasturlari, oʻquv va ishlab chiqarish amaliyoti dasturlaridan iborat hujjat;

sud ekspertizasi sohasida dual taʼlim boʻyicha kadrlarni qayta tayyorlovchi tashkilotlar — oliy taʼlim muassasalari hamda davlat sud-ekspertiza muassasalari;

sud-ekspertiza sohasida dual taʼlim boʻyicha kadrlarni qayta tayyorlash — bakalavriat yoki magistratura bosqichlarida taʼlim olayotgan talabalarning sud-ekspertiza sohasida zarur bilim, malaka va koʻnikmalarini oshirishga qaratilgan oʻquv kurslari;

talabgor — sud-ekspertiza sohasida zarur bilim, malaka va koʻnikmalarni oshirish istagidagi bakalavriat yoki magistratura bosqichlarida taʼlim olayotgan talabalar;

tinglovchi — oʻqish uchun toʻlov-kontrakt summasini toʻlagan va sud ekspertiza sohasida qayta tayyorlash kurslariga qabul qilingan shaxslar;

amaliyot rahbari — taʼlim jarayonining amaliy qismini oʻtkazish uchun davlat sud-ekspertiza muassasasi tomonidan tinglovchiga biriktirilgan sud ekspertiza sohasida kamida ikki yillik mehnat stajiga ega boʻlgan ekspert.

2-bob. Dual taʼlimni tashkil etish

3. Sud-ekspertiza sohasida dual taʼlim boʻyicha kadrlarni qayta tayyorlash ushbu Nizomga 1-ilovaga muvofiq sxema boʻyicha amalga oshiriladi.

4. Quyidagilar sud-ekspertiza sohasida dual taʼlim boʻyicha kadrlarni qayta tayyorlashning asosiy vazifalari hisoblanadi:

tinglovchilarda mustaqil ravishda sud ekspertizasini oʻtkazish va sud ekspertiza xulosasini rasmiylashtirish uchun zarur boʻlgan malakani shakllantirish;

tinglovchilarning tegishli sud ekspertiza turlari boʻyicha zamonaviy fan va texnologiyalariga muvofiq ilmiy asoslangan metodikalarni amalda qoʻllash boʻyicha koʻnikmalarini shakllantirish;

tinglovchilarni muayyan sud ekspertizasining shakllanish bosqichlari, zamonaviy sud ekspertizasining soʻnggi yutuqlari va imkoniyatlari haqidagi axborotlar bilan taʼminlash;

sud ekspertlik faoliyatida zarur boʻlgan koʻnikmalarni yetarlicha shakllantirish uchun lozim boʻlgan amaliy mashgʻulotlarni oʻtkazish.

5. Sud ekspertiza sohasida dual taʼlim boʻyicha kadrlarni qayta tayyorlash ixtiyoriylik asosida sud ekspertizasining muayyan turi boʻyicha kasbiy faoliyat bilan shugʻullanish istagini bildirgan talabgorlar uchun pullik shartnoma asosida tegishli ekspertiza turlari boʻyicha kamida olti oylik kurslar asosida tashkil etiladi.

Shartnomaning toʻlov miqdori davlat sud-ekspertiza muassasasi hamda oliy taʼlim muassasasi tomonidan belgilanadi. Toʻlov miqdorini belgilashda har bir tinglovchining qayta tayyorlash bilan bogʻliq xarajatlar miqdori inobatga olinadi.

6. Dual taʼlimni tashkil etish quyidagi bosqichlarni oʻz ichiga oladi:

sud ekspertiza sohasida dual taʼlim tashkil etiladigan taʼlim turlari yuzasidan talabgorlar hamda davlat sud-ekspertiza muassasalari va nodavlat sud ekspertiza tashkilotlarining takliflari asosida tashkil etilishi mumkin boʻlgan oʻquv kurslari boʻyicha ehtiyojlarni aniqlash;

davlat sud-ekspertiza muassasasi va oliy taʼlim muassasasi oʻrtasida sud ekspertiza sohasida dual taʼlim boʻyicha kadrlarni qayta tayyorlash kurslarini tashkil etish yuzasidan shartnoma tuzish;

taʼlimni tashkil etish va muvofiqlashtirish bilan bogʻliq dual taʼlim dasturini ishlab chiqish;

dual taʼlim dasturi boʻyicha oʻquv kursini tashkil etishga doir tegishli chora-tadbirlarni amalga oshirish;

dual taʼlim dasturlari asosida tayyorlanayotgan tinglovchilarni baholash.

7. Sud-ekspertiza sohasida dual taʼlim boʻyicha kadrlarni qayta tayyorlash oʻquv kurslari (keyingi oʻrinlarda — oʻquv kurslari), yiliga ikki marta oktabr va fevral oylarida tashkil etiladi.

8. Oʻquv kurslariga talabgorlardan hujjat qabul qilish oʻquv kursi boshlanishidan uch oy oldin boshlanadi va oʻquv kursi boshlanishiga bir oy qolganda toʻxtatiladi.

9. Oʻquv kurslari tashkil etilishi, oʻquv kurslarining tegishli sud-ekspertlik ixtisosliklari boʻyicha davomiyligi va suhbat oʻtkaziladigan joy toʻgʻrisida davlat sud-ekspertiza muassasasining rasmiy veb-saytida hamda ommaviy axborot vositalarida oʻquv kursi boshlanishidan uch oy oldin eʼlon beriladi.

10. Talabgorlar tegishli davlat sud-ekspertiza muassasasining rasmiy veb-saytida roʻyxatdan oʻtgan holda yoki bevosita quyidagi hujjatlarni topshiradi:

davlat sud-ekspertiza muassasasiga muassasa rahbari nomiga ariza (arizada talabgorning muassasada taʼlim beriladigan tillardan birida imtihon topshirishi va taʼlim olishi koʻrsatiladi);

talabalar uchun tahsil olayotganligi haqida maʼlumotnoma;

Bunda hujjatlarni onlayn tarzda topshirish davlat sud-ekspertiza muassasasining rasmiy veb-saytida hamda bevosita topshirish davlat sud-ekspertizasi muassasasiga topshiriladi.

11. Davlat sud-ekspertiza muassasasi aniqlangan oʻquv kurslari boʻyicha ehtiyojlardan kelib chiqib, oʻquv kurslari boshlanishidan oʻn besh kun oldin tegishli sud ekspertiza yoʻnalishlari boʻyicha oʻquv kurslarini tashkil etish xususida oliy taʼlim muassasalari bilan shartnomalar tuzadi.

12. Qayta tayyorlash oʻquv kursiga oʻqishga qabul qilishni sifatli taʼminlash maqsadida kelishuvga asosan davlat sud-ekspertiza muassasasi va oliy taʼlim muassasasining masʼul xodimlaridan 7 kishidan iborat tarkibdagi komissiya tuziladi.

Komissiya uning uchdan ikki qismi aʼzolari hozir boʻlganda vakolatli hisoblanadi. Komissiya aʼzolarining yarmidan koʻpi ovoz berganda qaror qabul qilingan hisoblanadi. Ovozlar soni teng boʻlganda, komissiyasi raisining ovozi hal qiluvchi hisoblanadi.

13. Komissiya tarkibi davlat sud-ekspertiza muassasasi va oliy taʼlim muassasasi rahbarlarining qoʻshma buyrugʻi bilan tasdiqlanadi.

14. Komissiya oʻz faoliyatini keyingi oʻquv kursi uchun qabul komissiyasi tashkil etilgunga qadar olib boradi.

15. Talabgorlarni oʻquv kursiga qabul qilish suhbat shaklida oʻquv kursi boshlanishidan oʻn kun oldin oʻtkaziladi.

16. Suhbat talabgorning tanlayotgan kasbga qiziqishi, soha boʻyicha tayanch bilimlarini sinovdan oʻtkazish maqsadida komissiya tomonidan oʻtkaziladi.

17. Suhbat natijasi boʻyicha oʻqishga tavsiya etilgan talabgorga ikki nusxada oʻquv kursida oʻqish toʻgʻrisidagi shartnomani imzolash taklif etiladi.

18. Shartnomani imzolagan va toʻlovni amalga oshirgan talabgor oʻquv kurslariga davlat sud-ekspertiza muassasasi va oliy taʼlim muassasasi rahbarlarining qoʻshma buyrugʻi bilan qabul qilinadi.

19. Shartnoma tuzgan talabgorlar sonidan kelib chiqib oʻn nafardan yigirma besh nafargacha tinglovchilardan iborat guruhlar shakllantiriladi.

3-bob. Dual taʼlim boʻyicha oʻquv kurslarida oʻquv jarayoni

20. Oʻquv kursi boshlangunga qadar davlat sud-ekspertiza muassasasi hamda oliy taʼlim muassasasi oʻrtasida taʼlimni tashkil etish va muvofiqlashtirish boʻyicha dual taʼlim dasturi tasdiqlanadi. Ushbu dastur sud ekspertiza qonunchiligi va sohaga oid oʻzgarishlarni inobatga olgan holda yangilanib boriladi.

Ishlab chiqilgan dasturlar asosida oʻquv rejasi va oʻquv amaliyot dasturlari ishlab chiqiladi. Bunda, taʼlim jarayonining 40 (qirq) foizi nazariy, 60 (oltmish) foizi amaliy qismga ajratiladi.

Maʼruza, seminar mashgʻulotining oʻquv soatlari miqdori oʻquv kursining davomiyligidan kelib chiqib belgilanadi.

Tinglovchilarga taʼlim jarayonining nazariy qismi tegishli oliy taʼlim muassasasida, amaliy qismi tegishli davlat sud-ekspertiza muassasasida tashkil etiladi.

21. Davlat sud-ekspertiza muassasasi rahbarining buyrugʻi asosida dual taʼlim boʻyicha tinglovchilarga amaliy tajribaga ega amaliyot rahbari biriktiriladi.

Bunda, biriktirilgan amaliyot rahbarga mehnat va fuqarolik qonunchiligiga muvofiq uning mehnatiga tegishli qoʻshimcha haq toʻlanishi inobatga olinadi.

Amaliyot rahbarining faoliyati davlat sud-ekspertiza muassasasi tomonidan nazorat qilinadi va biriktirilgan tinglovchilarni toʻliq va sifatli tayyorlashga masʼul hisoblanadi.

4-bob. Tinglovchilar bilimini baholash

22. Tinglovchilar tomonidan oʻquv dasturlarini oʻzlashtirish darajasini aniqlash maqsadida quyidagi nazorat turlarini oʻtkazish nazarda tutiladi:

oraliq nazorat — oʻquv kursi davomida oʻquv dasturining tegishli (modulning bir necha mavzularini oʻz ichiga olgan) boʻlimi tugallangandan keyin tinglovchining bilim va amaliy koʻnikma darajasini aniqlash va baholash usuli. Oraliq nazoratining soni (bir oʻquv kursi davomida ikki martadan koʻp oʻtkazilmasligi lozim) va shakli (yozma, ogʻzaki, test va hokazo) oʻquv moduliga ajratilgan umumiy soatlar hajmidan kelib chiqqan holda belgilanadi;

joriy nazorat — tinglovchining modul mavzulari boʻyicha bilim va amaliy koʻnikma darajasini aniqlash va baholash usuli. Joriy nazorat modulning xususiyatidan kelib chiqqan holda, seminar, laboratoriya va amaliy mashgʻulotlarida ogʻzaki soʻrov, test oʻtkazish, suhbat, nazorat ishi, kollokvium, uy vazifalarini tekshirish va shu kabi boshqa shakllarda oʻtkazilishi mumkin;

yakuniy nazorat — oʻquv kursi yakunida muayyan modul boʻyicha nazariy bilim va amaliy koʻnikmalarni tinglovchilar tomonidan oʻzlashtirish darajasini baholash usuli. Yakuniy nazorat modulning xususiyatidan kelib chiqqan holda yozma, ogʻzaki va test shaklida oʻtkaziladi.

Oʻquv rejasi va dasturida nazarda tutilgan barcha modullarni muvaffaqiyatli oʻzlashtirgan tinglovchiga yakuniy imtihonda ishtirok etishga ruxsat beriladi.

23. Yakuniy imtihon oʻqish davrida olingan nazariy bilimlar va amaliy koʻnikmalarni aniqlashga qaratilgan yozma va amaliy imtihon shaklida oʻtkaziladi.

Yakuniy imtihon ikki bosqichda — malaka ishi hamda ogʻzaki imtihon shaklida oʻtkaziladi. Malaka ishiga qoʻyiladigan talablar davlat sud ekspertiza muassasasi va oliy taʼlim muassasasi tomonidan ishlab chiqib tasdiqlanadi.

Yakuniy imtihon natijalari ballar qoʻyish yoʻli bilan 100 ballik tizimda baholanadi:

malaka ishi 40 ball;

ogʻzaki imtihon 60 ball bilan baholanadi.

Yakuniy imtihon natijalari boʻyicha tinglovchi jami 55 va undan yuqori ball toʻplaganda yakuniy imtihondan oʻtgan deb hisoblanadi.

Yakuniy imtihon oʻtkazish jarayonida tinglovchiga normativ-huquqiy hujjatlar, maxsus adabiyotlar, aloqa vositalaridan, shuningdek, boshqa manbalardan foydalanish, boshqa tinglovchilar bilan gaplashish taqiqlanadi.

Yakuniy imtihon savollari nazariy bilim va amaliy koʻnikmalarni sinovdan oʻtkazish uchun oʻquv va amaliy mashgʻulotlar jarayonida oʻzlashtirilgan mavzular, materiallar asosida tuziladi.

Yakuniy imtihon komissiya tomonidan oʻtkaziladi. Yakuniy imtihon natijalari komissiya aʼzolari tomonidan imzolanadigan qaydnomaga kiritiladi.

Dual taʼlim kursi boʻyicha yakuniy imtihondan muvaffaqiyatli oʻtgan tinglovchiga sud eksperti sifatida kasbiy layoqatini tasdiqlovchi sertifikat nizomning 2-ilovasiga muvofiq beriladi.

Yakuniy imtihon topshirgan tinglovchi imtihondan oʻtolmagan hollarda imtihon oʻtkazilgan kundan uch oy oʻtgandan keyin umumiy tartibda qayta imtihon topshirishga haqli.

Qayta imtihondan oʻtolmagan tinglovchining tashabbusi bilan yakuniy imtihon odatda keyingi oʻquv kursi bitiruvchilarining yakuniy imtihoni vaqtida pullik asosda tashkil etiladi.

Yakuniy imtihon jarayonlari uzluksiz videotasvirga (ovozli) tushiriladi va videotasvir kamida bir yil davomida davlat sud-ekspertiza muassasasida saqlanadi.

Yakuniy imtihon natijasidan norozi boʻlgan tinglovchi, baholash natijasi eʼlon qilingan vaqtdan boshlab uch ish kuni davomida Apellyatsiya komissiyasiga apellyatsiya shikoyati berish huquqiga ega.

Apellyatsiya komissiyasi tarkibi davlat sud-ekspertiza muassasasi va oliy taʼlim muassasasi oʻrtasidagi kelishuvga asosan kamida 5 kishidan iborat tarkibda tasdiqlanadi. Tinglovchi tomonidan berilgan apellyatsiya shikoyati Apellyatsiya komissiyasi tomonidan uch ish kuni ichida koʻrib chiqilishi lozim.

Apellyatsiyani koʻrib chiqishda tinglovchi ishtirok etish huquqiga ega.

Apellyatsiya komissiyasi tinglovchining apellyatsiyasini koʻrib chiqib, uning natijasi boʻyicha tegishli qaror qabul qiladi. Qarorda talabgorning oʻzlashtirgani yoki oʻzlashtira olmagani koʻrsatiladi.

23 1 . Nodavlat sud eksperti boʻlish uchun yakuniy malaka imtihoni qonunchilikda belgilangan tartibda Oʻzbekiston Respublikasi Adliya vazirligi huzuridagi Ekspert-malaka komissiyasi tomonidan oʻtkaziladi.

Bunda oʻquv rejasi va dasturida nazarda tutilgan barcha modullarni muvaffaqiyatli oʻzlashtirgan tinglovchining taʼlim olgan vaqti, soati, ekspertiza yoʻnalishi nomi hamda oʻzlashtirish koʻrsatkichlari aks ettirilgan maʼlumotnoma Ekspert-malaka komissiyasiga taqdim etilgandan soʻng yakuniy malaka imtihonini topshirishga ruxsat etiladi.

5-bob. Tomonlarning vazifalari, huquqlari va majburiyatlari

24. Davlat sud-ekspertiza muassasasi:

davlat sud-ekspertiza muassasalarida oʻtkaziladigan ekspertiza turlari va mutaxassisliklar bilan tanishtiradi;

davlat sud ekspertlarning huquqlari va majburiyatlarini, sud ekspertiga qoʻyiladigan malakaga oid talablar va sud ekspertlik faoliyatining asosiy prinsiplarini oʻrgatish orqali olingan nazariy bilimlarini amaliyotda qoʻllanilishini oʻrgatadi;

tinglovchining tegishli mutaxassisliklar boʻyicha yakuniy imtihonida qatnashadi;

oʻquv kurslaridagi taʼlim jarayonini sifatli olib borilishini oliy taʼlim muassasasi bilan hamkorlikda nazorat qilib boradi.

Davlat sud-ekspertiza muassasasi qonunchilikka muvofiq boshqa vazifalarni ham bajarishi mumkin.

25. Davlat sud-ekspertiza muassasasi quyidagi huquqlarga ega:

dual taʼlim sifatini oshirish yuzasidan oliy taʼlim muassasasiga takliflar berish;

tinglovchi tomonidan shartnoma shartlarini, davlat sud ekspertiza muassasasining mehnat va ichki tartib qoidalari hamda boshqa meʼyoriy hujjatlari talablarini bajarmagan taqdirda oliy taʼlim muassasasi bilan kelishilgan holda tinglovchilar safidan chiqarish.

Davlat sud-ekspertiza muassasasi qonunchilikka muvofiq boshqa huquqlarga ham ega boʻlishi mumkin.

26. Davlat sud-ekspertiza muassasasi quyidagi majburiyatlarni oʻz zimmasiga oladi:

mashgʻulotlarning amaliy qismini muassasada olib borish uchun sharoit yaratish;

tinglovchilarni amaliyot davrida aniq amaliyot oʻtash joyi va zarur jihozlar bilan taʼminlash;

sud ekspertlik faoliyatida zarur boʻlgan koʻnikmalarni yetarlicha shakllantirish uchun lozim boʻlgan amaliy mashgʻulotlarni oʻtkazish;

tinglovchilarda mustaqil ravishda sud ekspertizasini oʻtkazish va sud ekspertiza xulosasini rasmiylashtirish uchun zarur boʻlgan malakani shakllantirish.

Davlat sud-ekspertiza muassasasi qonunchilikka muvofiq boshqa majburiyatlarni ham bajarishi mumkin.

27. Oliy taʼlim muassasasi:

dual taʼlim dasturini amalga oshirishni taʼminlaydi;

mashgʻulotlarning nazariy qismini oliy taʼlim muassasasida olib borish uchun sharoit yaratadi;

sud-ekspertiza faoliyatiga tegishli normativ-huquqiy hujjatlar bilan tanishtirish, ularning qoʻllanish nazariyasini oʻrgatadi.

Oliy taʼlim muassasasi qonunchilikka muvofiq boshqa vazifalarni ham bajarishi mumkin.

28. Oliy taʼlim muassasasining huquqlari:

dual taʼlim sifatini oshirish yuzasidan takliflar berish;

dual taʼlim jarayonini tashkil etish uchun tuzilgan shartnomalarga tomonlar bilan kelishgan holda oʻzgartirishlar kiritish.

Oliy taʼlim muassasasi qonunchilikka muvofiq boshqa huquqlarga ham ega boʻlishi mumkin.

29. Oliy taʼlim muassasasi dual taʼlim dasturi boʻyicha sud-ekspertlarini qayta tayyorlash oʻquv kurslarini sifatli tashkil etish va tinglovchilarga talab darajasida sifatli taʼlim berish shart.

30. Tinglovchilar quyidagi huquqlarga ega:

oʻquv dasturida nazarda tutilgan bilimlarni egallash;

maʼnaviy-maʼrifiy va madaniy tadbirlarda qatnashish;

ilmiy-uslubiy, ilmiy-tadqiqot ishlarida, konferensiyalar, seminar va davra suhbatlarida ishtirok etishi;

ilmiy-tadqiqot ishlarini, maqolalarini chop etish va yoritish uchun taqdim etish;

oʻquv jarayoniga tegishli boʻlgan qoʻshimcha maʼlumotlar va maslahatlar olish;

oʻquv, texnika jihozlari va vositalari, axborot-kutubxona fondi, oʻquv zali va boshqa oʻquv-yordamchi xonalardan, bepul foydalanish;

davlat sud-ekspertiza muassasasi amaliyot bazalaridan foydalanish;

mehnat va jamoat ishlarida qatnashish.

31. Tinglovchilar:

davlat sud ekspertiza muassasalari va oliy taʼlim muassasalarining ustavi, mehnat, ichki tartib qoidalari hamda boshqa normativ huquqiy hujjatlarida belgilangan talablarga rioya qilishi;

oʻquv mashgʻulotlarining nazariy va amaliy qismi boʻyicha qatnashishi;

oʻquv mashgʻulotlariga tegishli topshiriqlarni oʻz vaqtida bajarishi;

biriktirilgan amaliyot rahbarlari bilan doimiy aloqada boʻlishi, ularning topshiriqlarini oʻz vaqtida bajarishi;

taʼlim dasturlari talablarini bajarishi;

oʻquv mashgʻulotlarida oʻz vaqtida qatnashishi;

oʻquv dasturlarida nazarda tutilgan imtihon, test va yakuniy imtihonlarni topshirishi (suhbatdan oʻtishi);

oʻz nazariy bilimlarini, amaliy koʻnikmalari va mahorat darajasini oshirishi;

oʻquv jarayonida berilgan topshiriqlarni oʻz vaqtida bajarishi;

texnika xavfsizligi, sanitariya normalari va qoidalariga rioya etishi;

davlat sud-ekspertiza muassasasiga tegishli boʻlgan mulklarni asrab-avaylashi lozim.

32. Tinglovchi quyidagi hollarda qayta tayyorlash kurslaridan chetlashtirilishi mumkin;

oʻz arizasiga binoan;

oʻquv intizomini va tegishli muassasasining ichki tartib qoidalarini muntazam ravishda yoki bir marotaba qoʻpol ravishda buzganligi uchun;

kurs davomida oʻquv mashgʻulotlarini uzrli sabablarsiz 32 akademik soatdan ortiq qoldirganligi sababli;

oʻqish uchun belgilangan toʻlov oʻz vaqtida amalga oshirilmaganligi sababli;

salomatligi tufayli (tibbiy maʼlumotnoma asosida);

tinglovchi sud tomonidan ozodlikdan mahrum etilganligi munosabati bilan;

vafot etganligi sababli.

6-bob. Yakunlovchi qoidalar

33. Dual taʼlim bitiruvchilari oʻz xohishi boʻyicha hamda qonunchilikda belgilagan tartibda kelgusida sud eksperti sifatida davlat va nodavlat sud-ekspertiza muassasalarida, shuningdek, sud-ekspertlik byurosini taʼsis etgan holda mehnat faoliyatini olib borishi mumkin.

34. Davlat sud-ekspertiza muassasasi yangi ekspertiza turlarining joriy etilishi va ehtiyojlaridan kelib chiqqan holda, tegishli davlat muassasalari, oliy taʼlim muassasalari bilan hamkorlikda davlat taʼlim standartlariga javob beradigan yangi oʻquv dasturlarni tuzadi va dual taʼlimga joriy etadi.

Sud ekspertiza sohasida dual taʼlim boʻyicha kadrlarni qayta tayyorlash kurslarini tashkil etish tartibi toʻgʻrisidagi nizomga 1-ILOVA

Oliy taʼlim muassasalarida davlat sud-ekspertiza sohasida dual taʼlim boʻyicha kadrlarni qayta tayyorlash va tashkil etish

Bosqichlar Subyektlar Tadbirlar Muddatlar 1-bosqich Davlat sud-ekspertiza muassasalari, nodavlat sud-ekspertiza tashkilotlari, tinglovchi (talabgor) 1. Tashkil etilayotgan oʻquv kurslari toʻgʻrisida davlat sud-ekspertiza muassasalarining rasmiy veb-saytida hamda ommaviy axborot vositalarida eʼlon qilish; 2. Oʻquv kurslariga talabgorlardan hujjatlar qabul qilish. Bunda hujjatlarni onlayn tarzda topshirish davlat sud-ekspertiza muassasasining rasmiy veb-saytida hamda bevosita topshirish davlat sud-ekspertizasi muassasasiga topshiriladi. oʻquv kursi boshlanishidan uch oy oldin eʼlon qilinadi oʻquv kursi boshlanishidan uch oy oldin boshlanadi va oʻquv kursi boshlanishiga bir oy qolganda toʻxtatiladi 2-bosqich Davlat sud-ekspertiza muassasasi va oliy taʼlim muassasasi 1. Davlat sud-ekspertiza muassasasi va oliy taʼlim muassasasi oʻrtasida dual taʼlim boʻyicha sud-ekspertlarini qayta tayyorlash kurslarini tashkil etish yuzasidan shartnoma tuzish; 2. Komissiya tomonidan talabgorlarni oʻquv kursiga qabul qilish yuzasidan suhbat oʻtkazish; 3. Suhbat natijasi boʻyicha oʻqishga tavsiya etilgan talabgorlar bilan shartnomalar imzolash. Oʻquv kurslari boshlanishidan 15 kun oldin Oʻquv kurslari boshlanishidan 10 kun oldin Oʻquv kurslari boshlanishiga qadar 3-bosqich Davlat sud-ekspertiza muassasasi va oliy taʼlim muassasasi Oʻquv kurslarni tashkil etish va muvofiqlashtirish bilan bogʻliq dual taʼlim dasturini ishlab chiqish Kelishilgan muddatlarda 4-bosqich Davlat sud-ekspertiza muassasasi va oliy taʼlim muassasasi Dual taʼlim dasturi boʻyicha oʻquv kursini tashkil etishga doir tegishli chora-tadbirlarni amalga oshirish Nizomda belgilangan muddatlarda

Sud ekspertiza sohasida dual taʼlim boʻyicha kadrlarni qayta tayyorlash kurslarini tashkil etish tartibi toʻgʻrisidagi nizomga 2-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ______________________ ‎________________________ ‎(Oliy taʼlim muassasasining nomi) ‎ ‎ ‎ ‎‎‎‎‎ ___________________________ ‎____________________________ ‎(Davlat sud-eskpertiza muassasasining nomi) ‎ ‎ ‎ ‎ ‎ ‎ ‎sud eksperti sifatida kasbiy layoqatni tasdiqlovchi ‎SERTIFIKAT ‎№ ____________________ ‎ ‎ ‎ ‎ ‎ ‎ ‎ ‎ ‎ ‎ 20___yil “____” __________ ‎____ ‎ ‎ ‎ ‎ ‎ ‎ ‎ ‎ ___________________ ‎(berilgan joyi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ __________________________________________________________________________________ ‎ (sud ekspertining familiyasi, ismi, otasining ismi) 20_____ yil “___” _____________ dan 20___ “____” _______________gacha ______________soatli ‎‎________________________________________________________________________________ ni ‎ ‎ ‎ ‎ ‎ ‎ ‎ (qayta tayyorlash kursining nomi) ‎ ‎ ‎ ‎ ‎ ‎ ‎muvaffaqiyatli tamomladi.‎ ‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎Mazkur sertifikat sud ekspertining sud ekspertizasining______________________________ turi ‎boʻyicha kasbiy layoqatini tasdiqlaydi. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Komissiya raisi ________________________ ‎____‎_______‎___ ‎ ‎ ‎ ______________ _ ‎ ‎ ‎ ‎ ‎ (F.I.O) ‎ ‎ ‎ ‎ ‎ ‎ ‎ ‎ ‎ (imzo) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎‎‎Hujjatning haqiqiyligini tasdiqlovchi ‎QR-kod ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Vazirlar Mahkamasining 2021-yil 22-noyabrdagi 706-son qaroriga 2-ILOVA

Nodavlat sud-ekspertiza tashkiloti sud ekspertlarining fuqarolik javobgarligini majburiy sugʻurta qilish tartibi toʻgʻrisida

1-bob. Umumiy qoidalar

1. Mazkur Nizom Nodavlat sud-ekspertiza tashkiloti sud ekspertlarining fuqarolik javobgarligini majburiy sugʻurta qilish tartibini belgilaydi.

Ushbu Nizom talablari davlat sud-ekspertiza muassasalarining sud ekspertlariga tavsiyaviy xususiyatga ega.

2. Nodavlat sud-ekspertiza tashkiloti, shu jumladan sud-ekspertlik byurosi (keyingi oʻrinlarda — nodavlat sud-ekspertiza tashkiloti) sud ekspertlarining fuqarolik javobgarligini majburiy sugʻurta qilish ular tomonidan amalga oshirilgan sud-ekspertiza tadqiqotlari natijasida zarar koʻrgan shaxslarning mulkiy manfaatlarini sugʻurta toʻlovlari orqali himoya qilishni taʼminlashga qaratiladi.

3. Ushbu Nizomda quyidagi asosiy tushunchalar qoʻllaniladi:

sud eksperti — xulosa berish uchun fan, texnika, sanʼat yoki hunar sohasida maxsus bilimlarga ega boʻlgan, belgilangan tartibda sud eksperti sifatida tayinlangan jismoniy shaxs;

naf oluvchi — mazkur Nizomga muvofiq majburiy sugʻurta shartnomasi asosida yuz bergan sugʻurta hodisasi natijasida sugʻurta tovonini olish huquqiga ega shaxs;

nodavlat sud-ekspertiza tashkiloti — fuqarolik, iqtisodiy va maʼmuriy sud ishlari boʻyicha sud ekspertizasini oʻtkazishga ixtisoslashtirilgan, shtatida sud eksperti sertifikatiga ega mutaxassislari mavjud boʻlgan yuridik shaxs shaklida tashkil etiladigan tashkilot;

sud-ekspertlik byurosi — shartnoma asosida fuqarolik, iqtisodiy, maʼmuriy sud ishlari va maʼmuriy huquqbuzarlik toʻgʻrisidagi ishlar boʻyicha sud ekspertizasini hamda jismoniy va yuridik shaxslarning murojaatlari yuzasidan tadqiqotlar oʻtkazishga ixtisoslashtirilgan, yakka tartibda sud eksperti tomonidan taʼsis etilgan notijorat tashkilot;

sugʻurta qildiruvchi — sugʻurtalovchi bilan majburiy sugʻurta shartnomasini tuzgan nodavlat sud-ekspertiza tashkiloti;

sugʻurta mukofoti — sugʻurta qildiruvchi majburiy sugʻurta shartnomasiga muvofiq sugʻurtalovchiga toʻlashi shart boʻlgan pul mablagʻlari summasi;

sugʻurta summasi — sugʻurtalovchi sugʻurta hodisasi sodir boʻlganda mazkur Nizomga muvofiq mulkiy zarar koʻrgan shaxslarga yetkazilgan zararning oʻrnini qoplash majburiyatini olgan summa;

sugʻurta tovoni — sugʻurtalovchi tomonidan naf oluvchiga majburiy sugʻurta shartnomasiga muvofiq sugʻurta summasi doirasida toʻlashi shart boʻlgan pul mablagʻlari summasi;

sugʻurta hodisasi — majburiy sugʻurta shartnomasi amal qilishi davrida qonunchilik hujjatlariga zid sud-ekspertlik harakatni amalga oshirish natijasida sud ekspertining harakatlari (harakatsizligi) tufayli jismoniy yoki yuridik shaxsga mulkiy zarar yetkazilganligining sudning qonuniy kuchga kirgan qarori bilan belgilangan yoki sugʻurta qiluvchi tomonidan tan olingan fakti;

sugʻurtalovchi — tegishli turdagi sugʻurtani amalga oshirish uchun litsenziyaga ega boʻlgan va majburiy sugʻurta shartnomasiga muvofiq sugʻurta tovonini amalga oshirish majburiyatini oluvchi tijorat tashkiloti boʻlgan yuridik shaxs;

sud ekspertining fuqarolik javobgarligi — nodavlat sud-ekspertiza tashkilotlari sud ekspertlarining sud ekspertizasini amalga oshirish natijasida jismoniy hamda yuridik shaxsga va (yoki) sud-ekspertizani amalga oshirishdagi uchinchi shaxslarga yetkazilgan mulkiy zararni qoplash majburiyati;

sud ekspertining fuqarolik javobgarligini majburiy sugʻurta qilish shartnomasi (keyingi oʻrinlarda — majburiy sugʻurta shartnomasi) — sugʻurta shartnomasi boʻlib, unga koʻra sugʻurtalovchi sugʻurta hodisasi sodir boʻlganda mazkur Nizomga muvofiq mulkiy zarar koʻrgan shaxslarga (naf oluvchiga) ushbu sugʻurta hodisasi oqibatida yetkazilgan zararning oʻrnini shartnomada shartlashilgan haq (sugʻurta mukofoti) evaziga sugʻurta badali (sugʻurta summasi) doirasida qoplash majburiyatini oladi;

uchinchi shaxs — majburiy sugʻurta shartnomasining tarafi boʻlmagan, nodavlat sud-ekspertiza tashkilotlarining sud ekspertidan sud-ekspertlik harakatlarni amalga oshirishi natijasida mulkiy zarar koʻrgan shaxs.

4. Nodavlat sud-ekspertiza tashkiloti sud ekspertlarini sud-ekspertlik faoliyatni amalga oshirishda sugʻurtalovchi bilan sud ekspertlarining majburiy sugʻurta shartnomasini tuzishi lozim.

Majburiy sugʻurta shartnomasi va polisi mavjud boʻlmaganligi yoki tuzilgan sugʻurta shartnomasi qonunchilik hujjatlari talablariga muvofiq boʻlmaganligi sud ekspertining faoliyatini toʻxtatib turishga asos hisoblanadi.

5. Sud eksperti fuqarolik javobgarligining quyidagilar oqibatida yuzaga kelishi sugʻurta hodisasi hisoblanmaydi:

sud ekspertiga murojaat qilgan shaxs tomonidan sud-ekspertlik harakat amalga oshirish bilan bogʻliq yolgʻon maʼlumotlar, haqiqiy boʻlmagan yoki soxta hujjatlar taqdim etilishi;

agar sud-ekspertlik harakatni amalga oshirishni soʻrab murojaat qilgan shaxs sud ekspertiga ushbu sud-ekspertlik harakat huquq va qonuniy manfaatlariga taʼsir koʻrsatishi mumkin boʻlgan uchinchi shaxslarning yoʻqligi yoki mavjudligini bildirmagan boʻlsa.

2-bob. Sugʻurta obyekti, subyekti va sugʻurta summasi miqdori

6. Sud ekspertining sud-ekspertlik harakatni amalga oshirish uchun murojaat qilgan jismoniy yoki yuridik shaxsga va (yoki) sud-ekspertlik faoliyatni amalga oshirishdagi uchinchi shaxslarga mulkiy zarar yetkazilganligi oqibatida yuzaga keladigan majburiyatlari boʻyicha javobgarligi xavfi bilan bogʻliq mulkiy manfaatlar majburiy sugʻurta shartnomasi boʻyicha sugʻurta obyekti hisoblanadi.

Sugʻurtalovchi, sugʻurta qildiruvchi va sud eksperti tomonidan amalga oshirilgan sud-ekspertlik harakatlari natijasida zarar koʻrgan uchinchi shaxslar sud ekspertning fuqarolik javobgarligini majburiy sugʻurta qilish subyektlaridir.

7. Majburiy sugʻurta shartnomasi boʻyicha sugʻurta summasi sud-ekspertizasi faoliyati bilan shugʻullanuvchi har bir sud eksperti uchun — bazaviy hisoblash miqdorining bir yarim ming baravaridan kam boʻlishi mumkin emas.

3-bob. Majburiy sugʻurta shartnomasini tuzish, oʻzgartirish va muddatidan oldin toʻxtatish tartibi

8. Majburiy sugʻurta shartnomasi sugʻurta qildiruvchi va sugʻurtalovchi oʻrtasida tuziladi.

9. Majburiy sugʻurta shartnomasi sugʻurta qildiruvchining ushbu Nizomga 1-ilovaga muvofiq shakl boʻyicha majburiy sugʻurta shartnomasini tuzish toʻgʻrisidagi arizasi asosida tuziladi.

10. Sugʻurta qildiruvchi majburiy sugʻurta shartnomasini tuzish uchun sugʻurtalovchini ixtiyoriy tanlaydi.

11. Agar majburiy sugʻurta shartnomasida boshqacha tartib nazarda tutilmagan boʻlsa, u sugʻurta qildiruvchi tomonidan sugʻurta mukofoti toʻlangan vaqtdan, boʻlib-boʻlib toʻlashda esa birinchi sugʻurta mukofoti toʻlangan vaqtdan boshlab kuchga kiradi va taraflar uchun majburiy hisoblanadi.

12. Majburiy sugʻurta shartnomasi u kuchga kirgan kundan boshlab bir yil muddatga amal qiladi.

13. Sugʻurta polisi sugʻurta qildiruvchiga sugʻurtalovchining hisobvaragʻiga majburiy sugʻurta shartnomasi boʻyicha sugʻurta mukofoti kelib tushgan kundan keyingi uch ish kunidan kechikmay beriladi.

Sugʻurta polisi blankasi qatʼiy hisobda turadigan hujjat boʻlib, hisobga olish seriyasiga, raqamiga va himoyalanganlikning kamida 3 darajasiga ega boʻlishi kerak. Sugʻurta polisi blankasi sugʻurtalovchining buyurtmasi boʻyicha, bosmaxona usulida, A4 (210 — 297 mm) formatda “Davlat belgisi” davlat-ishlab chiqarish birlashmasida ushbu Nizomga 2-ilovada keltirilgan namunaga muvofiq tayyorlanadi.

14. Sugʻurta polisi yoʻqolgan yoki yaroqsiz holga kelgan taqdirda sugʻurta qildiruvchi uning dublikatini olish huquqiga ega.

15. Majburiy sugʻurta shartnomasiga oʻzgartirishlar tomonlarning kelishuviga asosan ulardan birining yozma arizasi asosida kiritiladi. Shartnomaga kiritilgan barcha oʻzgartirish va qoʻshimchalar ular yozma ravishda yozilgan va har ikki tomonning vakolatli vakillari tomonidan imzolangan taqdirda qonuniy kuchga ega.

16. Majburiy sugʻurta shartnomasining amal qilishi quyidagi hollarda muddatidan oldin toʻxtatiladi:

nodavlat sud-ekspertiza tashkiloti tugatilganda;

sud eksperti vakolati tugatilganda yoki u vafot etganda;

majburiy sugʻurta shartnomasi sud qaroriga koʻra haqiqiy emas deb topilganda.

Majburiy sugʻurta shartnomasining amal qilishi qonunchilik hujjatlarida nazarda tutilgan boshqa holatlarda ham muddatidan oldin toʻxtatilishi mumkin.

Majburiy sugʻurta shartnomasining amal qilishi toʻxtatilgan taqdirda, sugʻurta mukofotining bir qismi toʻlangan tovon summasiga va majburiy sugʻurta toʻgʻrisidagi shartnomaning amal qilishining kunlar hisobidagi qolgan muddatiga mutanosib ravishda qaytariladi.

4-bob. Sugʻurta qildiruvchi va sugʻurtalovchining huquq va majburiyatlari

17. Sugʻurta qildiruvchi:

sugʻurtalovchini erkin tanlash;

sugʻurtalovchidan majburiy sugʻurta shartnomasi shartlarini, shu jumladan oʻz huquq va majburiyatlarini tushuntirishni talab qilish;

sugʻurtalovchining moliyaviy hisoboti bilan tanishish;

ushbu Nizomda nazarda tutilgan tartibda va shartlarda sugʻurta tovonini olish;

sugʻurtalovchining sugʻurta tovonini toʻlashni rad etish toʻgʻrisidagi qarori yuzasidan tegishli tartibda sudga shikoyat qilish huquqiga ega.

Sugʻurta qildiruvchi qonunchilik hujjatlariga muvofiq boshqa huquqlarga ham ega boʻlishi mumkin.

18. Sugʻurta qildiruvchi:

majburiy sugʻurta shartnomasida belgilangan miqdorda, tartibda va muddatlarda sugʻurtalovchiga sugʻurta mukofotini toʻlashi;

majburiy sugʻurta shartnomasini tuzishda sugʻurtalovchiga ushbu Nizomda belgilangan maʼlumotlarni taqdim etishi;

sugʻurtalovchiga sugʻurta hodisasi munosabati bilan unga nisbatan qoʻyilayotgan barcha talablar yoki unga qarshi boshlangan sud muhokamasi toʻgʻrisida darhol xabar qilish, zarar yetkazilishi holatlari toʻgʻrisidagi barcha maʼlumotlarni va vakolatli organlardan olingan sugʻurta hodisasining sabablari hamda oqibatlarini, zararning xususiyati va miqdorini belgilash uchun zarur boʻlgan hujjatlarni sugʻurtalovchiga taqdim etishi;

sugʻurta hodisasi yuz berganda zararning oldini olish va (yoki) kamaytirish yuzasidan mumkin boʻlgan barcha choralarni koʻrishi;

sugʻurtalovchiga zararni qoplash toʻgʻrisidagi uchinchi shaxslarning talabi bilan bogʻliq masalalarni hal qilishda ishtirok etish imkoniyatini berishi;

sugʻurta hodisasi yuz berganligi uchun javobgar shaxsga nisbatan regress talab qilish huquqini sugʻurta tovonini toʻlagan sugʻurtalovchiga oʻtishini taʼminlashi shart.

Sugʻurta qildiruvchi qonunchilik hujjatlariga muvofiq boshqa majburiyatlarni ham olishi mumkin.

19. Sugʻurtalovchi:

majburiy sugʻurta shartnomasini tuzishda sugʻurta qildiruvchi shaxsdan sud ekspertlarining javobgarligini majburiy sugʻurta qilish boʻyicha oldingi shartnomalar, sugʻurta holatlari, sugʻurta toʻlovlari va majburiy sugʻurta shartnomasini tuzish uchun zarur boʻlgan boshqa maʼlumotlarni taqdim etishini talab qilish;

sugʻurta qildiruvchi tomonidan yetkazilgan zararni qoplash toʻgʻrisidagi uchinchi shaxslarning talablari bilan bogʻliq masalalarni hal qilishda ishtirok etish;

Nizomga nazarda tutilgan hollarda zarar yetkazganlik uchun javobgar shaxsga nisbatan regress talab qilish huquqini taqdim etish;

Shuningdek, sugʻurta tovonini toʻliq yoki qisman toʻlashni rad etish huquqiga ega.

Sugʻurtalovchi qonunchilik hujjatlariga muvofiq boshqa huquqlarga ham ega boʻlishi mumkin.

20. Sugʻurtalovchi:

sugʻurta qildiruvchini majburiy sugʻurta shartnomasi shartlari bilan tanishtirishi, shu jumladan uning huquq va majburiyatlarini tushuntirishi;

qonunchilik hujjatlarida belgilangan hollarda va tartibda majburiy sugʻurta shartnomasi muddatidan oldin bekor qilinganda sugʻurta qildiruvchiga sugʻurta mukofotini toʻliq yoki qisman qaytarib berishi;

sugʻurta hodisasi yuz berganligi va sugʻurtalovchi tomonidan toʻlanishi lozim boʻlgan zarar miqdorini tasdiqlovchi hujjatlar yetarli boʻlmagan taqdirda, ular olingan kundan boshlab uch ish kuni mobaynida ariza beruvchiga taqdim etilmagan va (yoki) notoʻgʻri rasmiylashtirilgan hujjatlarning toʻliq roʻyxati koʻrsatilgan holda xabar berishi;

sugʻurta hodisasi yuz berganda ushbu Nizomga nazarda tutilgan tartibda va shartlarda sugʻurta toʻlovini amalga oshirishi;

sugʻurta qildiruvchidan (naf oluvchidan) ariza olinganda sugʻurta qildiruvchining (naf oluvchining) talablarini koʻrib chiqish va besh ish kuni ichida nizoni hal etishning keyingi tartibi koʻrsatgan holda yozma javob berishi;

sugʻurta hodisasi yuz berganda zararni oldini olish va (yoki) kamaytirish maqsadida sugʻurta qildiruvchiga yetkazilgan xarajatlarni qoplashi;

oʻz faoliyatini amalga oshirish natijasida sugʻurta qildiruvchi va uchinchi shaxs yoki naf oluvchi toʻgʻrisida olingan maʼlumotlarning maxfiyligini taʼminlashi shart.

Sugʻurtalovchi qonunchilik hujjatlariga muvofiq boshqa majburiyatlarni ham olishi mumkin.

5-bob. Sugʻurta mukofotini aniqlash va uni toʻlash tartibi

21. Majburiy sugʻurta shartnomasi boʻyicha sugʻurta mukofotining hajmi tomonlarning kelishuvi bilan belgilanadi, biroq majburiy sugʻurta shartnomasida belgilangan sugʻurta summasining 1 foizidan kam boʻlmasligi kerak.

Davlat tomonidan majburiy sugʻurta qilish shartnomasi amal qiladigan muddat mobaynida sugʻurta tarifi darajasining oʻzgarishi sugʻurta qildiruvchi tomonidan toʻlov vaqtida amalda boʻlgan sugʻurta tarifi boʻyicha toʻlangan sugʻurta mukofotining oʻzgarishiga olib kelmaydi.

22. Sugʻurtalovchi naf oluvchiga sugʻurta tovonini toʻlash toʻgʻrisida qaror qabul qilish uchun sugʻurtalovchiga quyidagi hujjatlar taqdim etiladi:

sugʻurta tovonini olish toʻgʻrisida ushbu Nizomga 3-ilovaga muvofiq shaklda ariza;

uchinchi shaxslarning yetkazilgan zararni va uning miqdorini tasdiqlovchi hujjatlar ilova qilingan zararni qoplash toʻgʻrisidagi talabi yoki sugʻurta qildiruvchi tomonidan sud-ekspertlik harakatlar sodir etilishi natijasida yetkazilgan zararni qoplash toʻgʻrisidagi sudning qonuniy kuchga kirgan qarori;

naf oluvchining shaxsini tasdiqlovchi hujjat yoki yuridik shaxs vakiliga berilgan ishonchnoma;

yetkazilgan zararning oldini olish va (yoki) kamaytirish choralarini koʻrish bilan bogʻliq xarajatlarni tasdiqlovchi hujjatlar.

23. Hujjatlarni qabul qilgan sugʻurtalovchi ariza beruvchiga taqdim etilgan hujjatlarning toʻliq roʻyxati va qabul qilingan sana koʻrsatilgan maʼlumotnoma berishi shart.

Ariza beruvchi tomonidan sugʻurta tovonini olish toʻgʻrisidagi murojaat elektron shaklda yuborilgan taqdirda, unga ushbu maʼlumotnoma elektron shaklda taqdim etilishi mumkin.

24. Sugʻurta hodisasi sugʻurta qildiruvchi tomonidan yetkazilgan zararni qoplash toʻgʻrisidagi sudning qarori qonuniy kuchga kirgan yoki sugʻurta qildiruvchi tomonidan zararni qoplash toʻgʻrisidagi uchinchi shaxslarning talablari asosli ekanligi tan olingan va bu haqda sugʻurtalovchining roziligi olingan kundan boshlab yuz bergan hisoblanadi.

25. Sugʻurtalovchi sugʻurta qildiruvchining tashabbusi bilan yoki sugʻurtalovchining talabiga binoan zararni bartaraf qilish va (yoki) kamaytirish yuzasidan kechiktirib boʻlmaydigan choralar koʻrilishi munosabati bilan yuzaga kelgan sugʻurta qildiruvchining barcha bildirilgan va isbotlanadigan xarajatlarini, hatto bu choralar muvaffaqiyatsiz boʻlgan hollarda ham qoplaydi.

26. Zararni bartaraf qilish va (yoki) kamaytirish boʻyicha xarajatlar sugʻurta tovoni miqdoridan ortiq boʻlishi mumkin emas.

27. Sugʻurta tovoni yetkazilgan zarar miqdorida, lekin sugʻurta summasidan oshmagan miqdorda sugʻurtalovchi tomonidan bevosita uchinchi shaxsga (uning merosxoʻriga yoki huquqiy vorisiga) toʻlanadi.

28. Agar sugʻurta qildiruvchi uchinchi shaxsga yetkazilgan zararning oʻrnini sugʻurtalovchining yozma roziligi bilan oʻz hisobidan qoplasa, sugʻurta qildiruvchi yetkazilgan zararning oʻrnini qoplash tartibida oʻzi amalga oshirgan toʻlovlarni tasdiqlovchi hujjatlarni taqdim etganidan keyin sugʻurtalovchi sugʻurta qildiruvchiga sugʻurta tovonini toʻlaydi.

Sugʻurta qildiruvchi uchinchi shaxsga yetkazilgan zararning oʻrnini oʻz hisobidan qisman qoplasa sugʻurtalovchi sugʻurta tovonining tegishli qismini sugʻurta qildiruvchiga, qolgan qismini esa — uchinchi shaxsga (uning merosxoʻriga yoki huquqiy vorisiga) toʻlaydi.

Bankning toʻlov amalga oshirilganligi toʻgʻrisidagi belgisi qoʻyilgan toʻlov topshiriqnomasi nusxasi yetkazilgan zarar oʻrnini qoplash tartibida sugʻurta qildiruvchi toʻlaganligini yoki boshqa toʻlov qilinganligini tasdiqlovchi hujjatlar hisoblanadi.

29. Sugʻurta tovonini toʻlashda sugʻurtalovchi naf oluvchidan sugʻurtalovchiga nisbatan daʼvoni cheklaydigan shartlarni qabul qilishni talab qilishga haqli emas.

Sud eksperti tomonidan amalga oshirilgan sud-ekspertiza natijasida mulkiy manfaatlari zarar koʻrgan uchinchi shaxs vafot etgan taqdirda, uning merosxoʻrlari yoki huquqiy vorislari naf oluvchi hisoblanadi.

Sugʻurtalovchining yozma roziligi bilan sugʻurtalovchining majburiyatlari doirasida uchinchi shaxsga (uning merosxoʻrlariga yoki huquqiy vorislariga) yetkazilgan zararning oʻrnini qoplagan sugʻurta qildiruvchi ham naf oluvchi boʻlishi mumkin.

30. Sugʻurta tovonini toʻlash sugʻurtalovchining sugʻurta tovonini toʻlash toʻgʻrisidagi qarori qabul qilingan kundan eʼtiboran besh ish kuni mobaynida amalga oshiriladi.

31. Sugʻurtalovchining sugʻurta tovonini toʻlashni rad etish toʻgʻrisidagi yoki uni toʻlash haqidagi qarori sugʻurta qildiruvchiga u sugʻurta tovoni toʻlash toʻgʻrisida yozma murojaat etganidan keyin oʻn besh kundan kechiktirmay xabar qilinishi kerak, tovon toʻlash rad etilganda qarorda rad etishning asoslantirilgan sabablari koʻrsatilishi lozim.

32. Agar sugʻurta tovonini toʻlash ushbu Nizomda belgilangan muddatda amalga oshirilmagan boʻlsa, sugʻurtalovchi uchinchi shaxsga (uning merosxoʻriga yoki huquqiy vorisiga) sugʻurta tovoniga qoʻshimcha ravishda sugʻurta tovonini toʻlash toʻgʻrisida qaror qabul qilingan kundagi bank foizining hisob stavkasidan kelib chiqqan holda penya toʻlaydi.

33. Agar majburiy sugʻurta shartnomasi amalda boʻlgan davrda sugʻurtalovchi uchinchi shaxsga (uning merosxoʻriga yoki huquqiy vorisiga) sugʻurta tovoni toʻlasa, u holda sugʻurta qildiruvchi sugʻurtalovchidan sugʻurta tovoni toʻlanganligi toʻgʻrisidagi xabarnoma olingan kundan eʼtiboran ikki hafta muddatda toʻlangan sugʻurta tovoni summasiga va majburiy sugʻurta shartnomasi amal qilishining qolgan muddatiga mutanosib ravishda qoʻshimcha sugʻurta mukofotini toʻlaydi.

34. Sugʻurtalovchi majburiy sugʻurta shartnomasining amal qilishi davrida vujudga kelgan zararlarning oʻrnini, agar uchinchi shaxs (uning merosxoʻri yoki huquqiy vorisi) zararlarni keltirib chiqargan sugʻurta hodisasi haqida zararlarning oʻrnini majburiy sugʻurta shartnomasining amal qilish muddati tugaganidan keyin uch yil ichida undirish toʻgʻrisida daʼvo arizasi bergan boʻlsa, qoplaydi.

35. Sugʻurtalovchi sugʻurta hodisasi quyidagi asoslar boʻyicha yuzaga kelgan taqdirda sugʻurta tovonini toʻlashni rad etish huquqiga ega:

sugʻurta qildiruvchining sugʻurta hodisasini yuzaga keltirishga qaratilgan qasddan qilingan harakatlari;

sugʻurta qildiruvchi tomonidan sugʻurta hodisasi yuz berganligi haqida yolgʻon maʼlumotlar taqdim etilishi;

sugʻurta qildiruvchi tomonidan “Sud ekspertizasi toʻgʻrisida”gi Oʻzbekiston Respublikasining Qonunida belgilangan sud ekspertining vazifalari va majburiyatlariga muvofiq boʻlmagan faoliyatni amalga oshirishi;

sugʻurta qildiruvchi tomonidan zarar keltirib chiqarishda aybdor boʻlgan shaxsdan yetkazilgan zarar uchun tegishli kompensatsiya olinishi;

sugʻurta qildiruvchi tomonidan sugʻurtalovchiga sugʻurta hodisasi yuzaga kelishi holatlarini tekshirishda va yetkazilgan zarar miqdorini aniqlashda toʻsqinlik qilishi.

Sugʻurtalovchi ushbu bandda nazarda tutilmagan boshqa asoslar boʻyicha sugʻurta tovonini toʻlashni rad etishga haqli emas.

36. Sugʻurtalovchi tomonidan quyidagi hollarda sugʻurta tovoni qoplanmaydi:

sugʻurta qildiruvchi tomonidan tan olingan, biroq sugʻurtalovchining roziligi olinmagan uchinchi shaxsning yozma talabi bilan aniqlangan zarar;

majburiy sugʻurta shartnomasi amal qilishi davomida shartnoma kuchga kirgunga qadar yuzaga kelgan sabablarga koʻra yetkazilgan zarar;

maʼnaviy zarar, boy berilgan foyda va jarima toʻlovlari.

6-bob. Sugʻurtalovchining regress tartibida talab qilish huquqi

37. Sugʻurtalovchi zarar yetkazilgan shaxsga oʻzi toʻlagan sugʻurta tovoni miqdorida quyidagi hollarda regress tartibida talab qilish huquqiga ega, agar:

sugʻurta hodisasi sugʻurta qildiruvchining qasddan qilgan harakatlari natijasida yuzaga kelgan boʻlsa;

sugʻurta hodisasi sugʻurta qildiruvchining qasddan sodir etgan jinoyati natijasida yuzaga kelgan boʻlsa;

sugʻurta qildiruvchi tomonidan zararning oldini olish va (yoki) kamaytirish choralarini qasddan koʻrmaganligi natijasida zarar miqdori oshib ketgan boʻlsa;

sugʻurta qildiruvchi tomonidan sugʻurtalovchiga sugʻurta obyekti, sugʻurta xavfi, sugʻurta hodisasi va uning natijalari haqida yolgʻon maʼlumotlar berilgan boʻlsa.

38. Sugʻurta tovonini toʻlagan sugʻurtalovchiga sugʻurta qildiruvchining sugʻurta natijasida qoplangan zarar uchun javobgar shaxsga nisbatan toʻlangan summa doirasida regress tartibida talab qilishga boʻlgan huquqi oʻtadi.

39. Sugʻurtalovchi tomonidan undirilgan zararlar boʻyicha javobgar boʻlgan shaxsga nisbatan ega boʻlgan talab qilish huquqi sugʻurta tovonini toʻlashni amalga oshirgan sugʻurtalovchiga u toʻlagan summa doirasida oʻtadi.

40. Sugʻurta qildiruvchi sugʻurta tovonini olishda sugʻurtalovchiga uning sugʻurta hodisasi yuzaga kelishida aybdor boʻlgan shaxsga nisbatan qayta talab qilish huquqini amalga oshirishi uchun barcha zarur hujjatlarni berishi shart.

41. Agar sugʻurta qildiruvchi sugʻurtalovchi tomonidan undirilgan zarar yuzasidan javobgar boʻlgan shaxsga nisbatan oʻzining talab qilish huquqidan voz kechsa yoki ushbu huquqni amalga oshirish sugʻurta qildiruvchining aybiga koʻra mumkin boʻlmay qolsa sugʻurtalovchi sugʻurta qildiruvchidan sugʻurta tovonining toʻlangan summasini qaytarib berishni talab qilishga haqlidir.

7-bob. Yakunlovchi qoidalar

42. Mazkur Nizom talablari buzilishida aybdor boʻlgan shaxslar qonunchilikda belgilangan tartibda javob beradilar.

Nodavlat sud-ekspertiza tashkiloti sud ekspertlarining fuqarolik javobgarligini majburiy sugʻurta qilish tartibi toʻgʻrisidagi nizomga 1-ILOVA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ____________________________ ‎(sugʻurtalovchining nomi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Nodavlat sud-ekspertiza tashkiloti sud ekspertlarining fuqarolik javobgarligini ‎majburiy sugʻurta shartnomasini tuzish toʻgʻrisida ‎ARIZA ‎ _____________________________________ ‎(nodavlat sud-ekspertiza tashkilotining nomi) ‎ ‎ ‎‎‎‎ _______________asosida harakat qiluvchi ‎ (hujjat nomi) ___________________________________________________orqali Sizdan nodavlat sud-ekspertlik faoliyati ‎ (vakolatli shaxsning F.I.O., lavozimi) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ bilan shugʻullanuvchi tashkilot sud-ekspertlarining Nodavlat sud-ekspertiza tashkiloti sud ekspertlarining fuqarolik javobgarligini majburiy sugʻurta qilish nizomida nazarda tutilgan shartlarda nodavlat sud-ekspertlik faoliyati bilan shugʻullanuvchi sud ekspertlarining fuqarolik javobgarligini majburiy sugʻurta shartnomasini tuzishni soʻraydi. 1. Nodavlat sud-ekspertiza tashkilotining rekvizitlari: ‎ ‎ ‎ ‎ ‎ ‎ ‎ ‎ ‎ ‎ pochta manzili: ________________________________________________________________; ‎telefon: ___________, faks: ___________, el. manzili: ______________; STIR _____________.‎ ‎ 2. Nodavlat sud-ekspertiza tashkilotining bank rekvizitlari: ‎bank nomi: _____________________________________________________________________________; ‎bank hisobvaragʻi: ____________________________________________________________________________; ‎xizmat koʻrsatuvchi bankning MFO ______________________________. ‎ 3. Nodavlat sud-ekspertlik faoliyati bilan shugʻullanuvchi sud ekspertining fuqarolik javobgarliginimajburiy sugʻurta shartnomasi: birinchi marta tuzilmoqda / oʻtgan yilda tuzilgan. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 4. Oʻtgan yilda tuzilgan nodavlat sud-ekspertlik faoliyati bilan shugʻullanuvchi sud ekspertining fuqarolik javobgarligini majburiy sugʻurta shartnomasi toʻgʻrisida maʼlumotlar: a) nodavlat sud-ekspertlik faoliyati bilan shugʻullanuvchi sud ekspertining fuqarolik javobgarligini majburiy sugʻurta qilish boʻyicha sugʻurta polisi: 20____ yil “____” ___________ dagi _______ seriyali ________-son; b) sugʻurta mukofoti, soʻmda: ‎________________________ ‎__________________;‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ (summasi raqamlar va yozuv bilan) ‎‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ v) jami toʻlangan sugʻurta tovoni, soʻmda: ‎____________________________________________; ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ (summasi raqamlar va yozuv bilan) ‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ 5. Nodavlat sud-ekspertiza tashkiloti sud ekspertlari 1) ________________________________________________________; 2) ________________________________________________________; ‎3) ________________________________________________________; ‎4) ________________________________________________________; ‎5) ________________________________________________________; ‎ 6. Arizaga shuningdek quyidagi hujjatlar ilova qilinadi: a) ________________________________________________________; ‎b) ________________________________________________________; v) ________________________________________________________; 7. Biz ushbu arizada keltirilgan maʼlumotlarning haqqoniyligi va toʻliqligini tasdiqlaymiz. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ _____________________________ ‎(imzo) ‎ ‎ ‎ ‎ ________________________ ‎(nodavlat sud-ekspertiza tashkiloti rahbari F.I.O.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 8. Ariza _______________________________________________ tomonidan qabul qilingan. ‎ ‎ (sugʻurtalovchi xodimning lavozimi va F.I.O.) ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Nodavlat sud-ekspertiza tashkiloti sud ekspertlarining fuqarolik javobgarligini majburiy sugʻurta qilish tartibi toʻgʻrisidagi nizomga 2-ILOVA

Nodavlat sud-ekspertlik faoliyati bilan shugʻullanuvchi sud ekspertining fuqarolik javobgarligini majburiy sugʻurta qilish boʻyicha sugʻurta polisi blankasining namunasi ‎ (Nodavlat sud-ekspertlik faoliyati bilan shugʻullanuvchi sud ekspertining fuqarolik javobgarligini majburiy sugʻurta qilish boʻyicha sugʻurta polisi blankasining old tomoni) ‎ Oʻzbekiston Respublikasining Davlat gerbi tasviri ‎ ‎ Nodavlat sud-ekspertlik faoliyati bilan shugʻullanuvchi sud ekspertining fuqarolik javobgarligini majburiy sugʻurta shartnomasi boʻyicha SUGʻURTA POLISI ‎________________-son ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Seriyasi ____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. Sugʻurtalovchining toʻliq nomi va rekvizitlari ___________________________________________ ‎__________________________________________________________________________________ 2. Nodavlat sud-ekspertlik faoliyati bilan shugʻullanuvchi sud ekspertining F.I.O ‎__________________________________________________________________________________ ‎__________________________________________________________________________________ 3. Sugʻurta summasi _________________________________________________________________ ‎______________________________________________________________________________(soʻm). ‎ ‎ ‎ ‎ ‎ ‎ ‎ (summa raqamlar va yozuv bilan) ‎ ‎ ‎ ‎ ‎ ‎ ‎ 4. Sugʻurta mukofoti _________________________________________________________________ ‎____________________________ soʻm miqdorida 20____ yil “____” ____________ da toʻlangan. ‎ (summasi raqamlar va yozuv bilan) ‎ ‎ ‎ ‎ ‎ ‎ ‎ ‎ ‎ ‎ ‎ ‎ 5. Sugʻurta davri: 20____ yil “_____” ____________________ dan 20____ yil “____” __________________ gacha. 6. Nodavlat sud-ekspertlik faoliyati bilan shugʻullanuvchi sud ekspertining fuqarolik javobgarligini majburiy sugʻurta shartnomasi amal qilishi davrida qonunga zid sud-ekspertizani amalga oshirish natijasida nodavlat sud-ekspertlik faoliyati bilan shugʻullanuvchi sud ekspertining aybi bilan jismoniy va yuridik shaxsga mulkiy zarar yetkazilganligi qonuniy kuchga kirgan sud qarori bilan belgilangan yoki sugʻurta qiluvchi tomonidan tan olingan fakti sugʻurta hodisasi hisoblanadi. (Nodavlat sud-ekspertlik faoliyati bilan shugʻullanuvchi sud ekspertining fuqarolik javobgarligini majburiy sugʻurta qilish boʻyicha sugʻurta polisi blankasining orqa tomoni) 7. Sugʻurtalovchining, shuningdek uning nodavlat sud-ekspertlik faoliyati bilan shugʻullanuvchi sud ekspertining fuqarolik javobgarligini majburiy sugʻurta shartnomasini tuzishga, nodavlat ekspertlik faoliyati bilan shugʻullanuvchi sud ekspertlar, uchinchi shaxslar va naf oluvchilarning sugʻurta tovoni haqidagi talablarini koʻrib chiqishga hamda sugʻurta tovonini amalga oshirishga vakolatli barcha filiallarining pochta manzillari, ular bilan bogʻlanish vositalari va ish vaqti toʻgʻrisidagi maʼlumotlar: ‎__________________________________________________________________________________ ‎__________________________________________________________________________________ 8. Alohida qaydlar __________________________________________________________ ‎________________________________________________________________________ ‎ ‎ ‎ ‎ ‎ Sugʻurtalovchining rahbari yoki vakolatli shaxsi ‎ ‎ ‎ ‎ ‎ ‎ ‎ ________________ ‎ ‎(imzo) ‎ ‎ ‎ ‎ ______________________________ ‎ ‎(F.I.O) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ M.Oʻ. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Berilgan sanasi: 20___ yil “___” ________. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Nodavlat sud-ekspertiza tashkiloti sud ekspertlarining fuqarolik javobgarligini majburiy sugʻurta qilish tartibi toʻgʻrisidagi nizomga 3-ILOVA

Sugʻurta tovonini toʻlash toʻgʻrisida ‎ ARIZA ‎ Ushbu bilan nodavlat sud-ekspertlik faoliyati bilan shugʻullanuvchi sud ekspertining fuqarolik javobgarligini majburiy sugʻurta qilish boʻyicha 20___ yil “____” ___________dagi _____-son shartnomaga koʻra sugʻurta hodisasi deb eʼtirof etilishi mumkin boʻlgan hodisa yuz berganligini maʼlum qilaman. ‎ Hodisaning sabablari va holatlari toʻgʻrisida quyidagilarni maʼlum qilaman: Sugʻurta hodisasi deb eʼtirof etilishi mumkin boʻlgan hodisaga duch kelgan uchinchi shaxs: ‎___________________________________________________________________________________ ‎___________________________________________________________________________________ ‎ ‎ ‎ ‎ ‎ ‎ ‎ (naf oluvchining F.I.O.) ‎ ‎ ‎ ‎ ‎ ‎ ‎ ‎ Hodisaning sanasi va vaqti: __________________________________________________ Hodisaning joyi: ___________________________________________________________ Hodisa toʻgʻrisida __________________________________________ga murojaat qilingan Hodisaning holatlari: ________________________________________________________________ ‎___________________________________________________________________________________ Ushbu hodisa boʻyicha haqqoniy va menga maʼlum boʻlgan barcha maʼlumotlarni xabar qildim. ‎ 20____ yil “____” ________________. ‎ ‎ ‎ ‎‎___________ ‎(imzo) ‎ ___________________ ‎(arizachining F.I.O) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ariza _______________________________________________________________ tomonidan qabul qilingan ‎ ‎ ‎ ‎ ‎ (sugʻurtalovchi masʼul xodimning lavozimi va F.I.O.) ‎ ‎ ‎ ‎ ‎ ‎ ‎ va 20____ yil “____” ______________da ____________ raqami bilan daftarda roʻyxatdan oʻtkazilgan. ‎ ‎ ‎ ‎ ‎ ‎ Ushbu arizaga ilova qilingan hujjatlar roʻyxati ‎ ‎ ‎ ‎ ‎ ‎ ‎ T/r Hujjatning nomi Sahifalar soni Hujjatning sanasi va tartib raqami Ilova qilinmoq ‎da (ha/yoʻq) 1. Uchinchi shaxslarning yetkazilgan zararni va uning miqdorini tasdiqlovchi hujjatlar ilova qilingan zararni qoplash toʻgʻrisidagi talabi yoki sugʻurta qildiruvchi tomonidan sud-ekspertiza faoliyati natijasida yetkazilgan zararni qoplash toʻgʻrisidagi sudning qonuniy kuchga kirgan qarori. 2. Naf oluvchining shaxsini tasdiqlovchi hujjat yoki yuridik shaxs vakiliga berilgan ishonchnoma. 3. Yetkazilgan zararning oldini olish va (yoki) kamaytirish choralarini koʻrish bilan bogʻliq xarajatlarni tasdiqlovchi hujjatlar. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Vazirlar Mahkamasining 2021-yil 22-noyabrdagi 706-son qaroriga 3-ILOVA

Jismoniy va yuridik shaxslarning murojaatlariga muvofiq oʻtkazilishi mumkin boʻlgan sud ekspertizasi turlari boʻyicha tadqiqotlar

T/r Ekspertiza turlari 1. Sud-xatshunoslik ekspertizasi 2. Hujjatlarning texnik-kriminalistik ekspertizasi 3. Sud-sanʼatshunoslik ekspertizasi 4. Sud-portret ekspertizasi 5. Sud-trasologik ekspertizasi 6. Tolali materiallar va ulardan tayyorlangan mahsulotlarning sud ekspertizasi 7. Polimer materiallar va ulardan tayyorlangan mahsulotlarning sud ekspertizasi 8. Lok-boʻyoq materiallari va qoplamalarining sud ekspertizasi 9. Sud-tuproqshunoslik ekspertizasi 10. Neft mahsulotlari va yoqilgʻi-moylash materiallarining sud ekspertizasi 11. Tabiiy minerallar sud ekspertizasi 12. Shisha buyumlari va silikatli qurilish materiallarining sud ekspertizasi 13. Metall buyumlari va qotishmalarining sud ekspertizasi 14. Dori vositalarining sud ekspertizasi 15. Tabiati nomaʼlum moddalarning sud ekspertizasi 16. Tarkibida spirt boʻlgan suyuqliklar va ularning izlari sud ekspertizasi 17. Maxsus markerlar (koʻrsatkichlar) sud ekspertizasi 18. Oziq-ovqat mahsulotlarining sud ekspertizasi 19. Sud-biologik ekspertizasi 20. Sud-botanik ekspertizasi 21. Sud-zoologik ekspertizasi 22. Odam DNKsi sud-biologik ekspertizasi 23. Sud-transport-trasologiya ekspertizasi 24. Sud-iqtisodiy ekspertizasi 25. Sud-buxgalteriya ekspertizasi 26. Sud-moliya-kredit ekspertizasi 27. Mehnat iqtisodiyoti sud ekspertizasi 28. Sud-rejali-iqtisodiyot ekspertizasi 29. Sud-iqtisodiy-statistik ekspertizasi 30. Tashqi savdo faoliyatining sud-iqtisodiy ekspertizasi 31. Sud-qurilish-texnikaviy ekspertizasi 32. Sud-yer ekspertizasi 33. Sud-tovarshunoslik ekspertizasi 34. Sud-fonografiya ekspertizasi 35. Videomateriallarning sud ekspertizasi 36. Sud-ekologik ekspertizasi 37. Sud-siyosatshunoslik-lingvistik ekspertizasi 38. Sud-filologik ekspertizasi 39. Sud-kompyuter-texnikaviy ekspertizasi 40. Sud-psixologik ekspertizasi 41. Sud-elektrotexnikaviy ekspertizasi 42. Sud-yongʻin texnik ekspertizasi 43. Sud ballistik ekspertizasi 44. Giyohvand moddalar, psixotrop moddalar va prekursorlar ekspertizasi 45. Sud-avtotexnika ekspertizasi 46. Oziq-ovqat mahsulotlarning tadqiqotlari 47. Mikrozarrachalar ekspertizasi 48. Yoʻl ekspertizasi 49. Sud lingvistik ekspertizasi 50. Zaharli ximikatlar va ogʻir metall tuzlari ekspertizasi 51. Boshqa tur obyektlar ekspertizasi

Vazirlar Mahkamasining 2021-yil 22-noyabrdagi 706-son qaroriga 4-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2010-yil 28-dekabrdagi 321-son qarori (Oʻzbekiston Respublikasi QT, 2010-y., 12-son, 75-modda) bilan tasdiqlangan Davlat sud ekspertlarining hayoti va sogʻligʻini davlat tomonidan majburiy sugʻurta qilish toʻgʻrisidagi nizomda :

a) 6-banddan “ushbu Nizomga 1-ilovaga muvofiq shakl boʻyicha” soʻzlari chiqarib tashlansin;

b) 1-ilova oʻz kuchini yoʻqotgan deb hisoblansin.

3. Vazirlar Mahkamasining 2019-yil 24-dekabrda 1030-son qarori bilan tasdiqlangan Ilm-fan va taʼlim sohasidagi davlat tashkilotlarida ilmiy, ilmiy-pedagogik va mehnat faoliyati bilan shugʻullanuvchi ilmiy darajaga ega xodimlarga qoʻshimcha haq toʻlash tartibi toʻgʻrisidagi nizomning 1-bandi “huquqni muhofaza qilish organlari” soʻzlaridan keyin “hamda davlat sud-ekspertiza muassasalarining” soʻzlari qoʻshilsin.

Oʻzbekiston Respublikasining Bosh vaziri A. ARIPOV

Toshkent sh.,

2021-yil 22-noyabr,

706-son

(Qonunchilik maʼlumotlari milliy bazasi, 22.11.2021-y., 09/21/706/1080-son; 19.03.2025-y., 09/25/171/0258-son; 23.02.2026-y., 09/26/74/0165-son; 23.02.2026-y., 09/26/73/0164-son)

lex.uz