📅 2021-yil 22-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 22 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 ноября 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 22 November 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
ТАҚСИМОТИ *
РЎЙХАТИ
Ўзбекистон Республикаси Адлия вазирлиги тизимидаги таълим муассасалари фаолиятини янада такомиллаштириш чора-тадбирлари тўғрисида
Вазирлар Маҳкамасининг «Ўзбекистон Республикаси Адлия вазирлиги тизимидаги таълим муассасаларида кредит-модуль тизимини жорий этиш чора-тадбирлари тўғрисида» 2021 йил 10 июндаги 359-сон қарорига мувофиқ, шунингдек, Ўзбекистон Республикаси Адлия вазирлиги тизимидаги таълим муассасаларининг ўқув жараёнини халқаро стандартларга мувофиқлаштириш ҳамда юридик техникумларнинг рейтингини юритиш механизмини жорий этиш орқали уларда таълим сифатини янада ошириш мақсадида Вазирлар Маҳкамаси қарор қилади:
1. Қуйидагилар:
адлия органлари томонидан юридик техникумлар битирувчиларига йўлланма бериш бўйича махсус комиссия фаолиятини ташкил қилиш, олий таълим ташкилотига ҳужжатларни топшириш, ўқишга қабул қилиш учун суҳбат ўтказиш ҳамда қабулни расмийлаштириш тартибини назарда тутувчи Ўзбекистон Республикаси Адлия вазирлиги юридик техникумлари битирувчиларини «юриспруденция» мутахассислиги бўйича юридик кадрларни тайёрлашни амалга оширувчи олий таълим ташкилотлари бакалавриатига ўқишга қабул қилиш тартиби тўғрисидаги низом 2-иловага мувофиқ тасдиқлансин.
2. Белгилансинки, юридик техникумларнинг, шу жумладан, қуйидаги йўналишлардаги фаолиятини қамраб олувчи рейтинги натижалари ҳар янги ўқув йилига қабул бошлангунга қадар Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси томонидан Адлия вазирлиги билан биргаликда уларнинг расмий веб-сайтлари орқали эълон қилинади:
ўқув ва илмий-методик фаолият, шу жумладан, таълим сифати;
рейтинг аниқланган йилда нуфузли халқаро ва республика фан олимпиадалари, спорт мусобақалари ва бошқа танловларда ғолиб бўлган (совринли ўринларни қўлга киритган) юридик техникум ўқувчилари улуши;
хорижий педагоглар, шунингдек, илмий даражали ҳамда чет тили ва фанларни билиш даражаси тўғрисидаги миллий ёки халқаро сертификатга эга бўлган асосий штатдаги педагоглар ва ўқувчилар улуши;
иш билан таъминланган битирувчилари ва олий таълим муассасаларига қабул қилинган ўқувчилари улуши.
3. Шундай тартиб ўрнатилсинки, унга мувофиқ:
Тошкент давлат юридик университети (кейинги ўринларда — ТДЮУ) ҳузуридаги академик лицейларга (кейинги ўринларда — академик лицейлар) ўқишга қабул қилиш ҳар йили 1 августга қадар Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги томонидан ўтказиладиган тест синовлари орқали амалга оширилади, бунда тест синовларини ўтказиш билан боғлиқ харажатлар ушбу мақсадлар учун ажратиладиган Ўзбекистон Республикаси Давлат бюджети маблағлари ҳисобидан амалга оширилади;
академик лицейларга дарс машғулотларини, хусусан, онлайн режимда ўтказиш учун хорижий мутахассислар жалб қилинади ҳамда уларга иш ҳақи миқдори ТДЮУ томонидан мустақил белгиланади;
академик лицейларда ва юридик техникумларда педагог ходимлар таркибида қонунчилик ҳужжатларида назарда тутилган лавозимлар билан биргаликда кафедра мудири, профессор, доцент лавозимлари ҳам жорий этилади ҳамда уларнинг меҳнатига ҳақ тўлаш бўйича базавий тариф ставкалари академик лицейларда ТДЮУ томонидан, юридик техникумларда эса Адлия вазирлиги томонидан белгиланади;
ТДЮУ томонидан ташкил этиладиган ёки муассис сифатида иштирок этиладиган тижорат ва нотижорат ташкилотларини ташкил этиш билан боғлиқ харажатларни қоплаш, фаолиятини ташкил этиш ва доимий равишда молиявий қўллаб-қувватлаш ҳамда уларнинг устав жамғармаси ва мулкини шакллантириш учун ТДЮУ Кенгаши томонидан белгиланган миқдорда бюджетдан ташқари (шу жумладан, тўлов-контракт ва табақалаштирилган контракт) маблағларни сарфлашга рухсат берилади.
4. Ўзбекистон Республикаси Адлия вазирлиги ҳамда Олий ва ўрта махсус таълим вазирлигининг қуйидаги таклифларига розилик берилсин:
ТДЮУ бакалавриат таълим йўналишларига сиртқи таълим шакли ҳамда иккинчи ва ундан кейинги олий таълимга қабулни Вазирлар Маҳкамаси ҳузуридаги Давлат тест маркази томонидан ўтказиладиган тест синовлари орқали амалга ошириш. Бунда, тест синовлари Вазирлар Маҳкамасининг 2018 йил 3 апрелдаги 261-сон қарори билан тасдиқланган Ўзбекистон Республикаси олий таълим муассасаларининг бакалавриатига ўқишга қабул қилиш учун кириш тест синовларини ўтказиш тартиби тўғрисидаги низомда белгиланган тартибда амалга оширилади;
республикадаги олий таълим ташкилотларининг буюртмаларига кўра ТДЮУ магистратурасида базавий олий юридик маълумотга эга бўлган кадрларни мақсадли тайёрлаш учун кириш синовларисиз магистратурага қабул параметрларидан ташқари тўлов-контракт асосида қабул қилиш, шунингдек, ушбу ташкилотларга уларнинг бюджетдан ташқари маблағлари ҳисобидан контракт тўловларини амалга ошириш ҳуқуқини бериш. Бунда, ушбу кадрларга ўқишини тамомлаганидан сўнг буюртма берган олий таълим ташкилотларида шартнома асосида уч йил давомида тўлиқ ставкада узлуксиз ишлаб бериш мажбурияти юкланади.
5. Ўзбекистон Республикаси Адлия вазирлиги:
а) икки ой муддатда:
академик лицей ва юридик техникумларда мазкур қарор билан жорий этилаётган лавозимларнинг разрядлари (базавий тариф ставкалари, маошлари) ҳамда коэффициентлари миқдорлари белгиланишини таъминласин;
Давлат тест маркази билан биргаликда академик лицейга қабул қилиш учун тест синовларини ўтказиш тартибини ишлаб чиқсин ва тасдиқласин;
б) бир ой муддатда манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни мазкур қарорга мувофиқлаштирсин.
6. Ўзбекистон Республикаси Ҳукуматининг 3-иловага мувофиқ айрим қарорларига ўзгартириш ва қўшимчалар киритилсин.
7. Ўзбекистон Республикаси Ҳукуматининг 4-иловага мувофиқ баъзи қарорлари ўз кучини йўқотган деб ҳисоблансин.
8. Мазкур қарорнинг бажарилишини назорат қилиш Ўзбекистон Республикаси адлия вазири Р.К. Давлетов зиммасига юклансин.
Вазирлар Маҳкамасининг 2021 йил 22 ноябрдаги 705-сон қарорига 2-ИЛОВА
Ўзбекистон Республикаси Адлия вазирлиги юридик техникумлари битирувчиларини «юриспруденция» мутахассислиги бўйича юридик кадрларни тайёрлашни амалга оширувчи олий таълим ташкилотлари бакалавриатига ўқишга қабул қилиш тартиби тўғрисида
1-боб. Умумий қоидалар
1. Мазкур Низом ҳудудий адлия органлари томонидан Ўзбекистон Республикаси Адлия вазирлиги юридик техникумлари (кейинги ўринларда — юридик техникумлар) битирувчиларига йўлланмалар бериш, абитуриентларни «юриспруденция» мутахассислиги бўйича юридик кадрларни тайёрлашни амалга оширувчи давлат олий таълим ташкилотлари (кейинги ўринларда — олий таълим ташкилотлари) бакалавриатига тест синовларисиз якка тартибда суҳбат ўтказиш орқали бакалаврларни тайёрлашнинг махсус уч йиллик дастури бўйича ўқишга қабул қилиш ҳамда ўқиш тугагандан сўнг олий таълим ташкилотлари бакалавриати битирувчиларининг тақсимотга мувофиқ узлуксиз ишлаб беришини амалга ошириш тартибини белгилайди.
2. Ушбу Низомда қуйидаги асосий тушунчалардан фойдаланилади:
абитуриент — олий таълим ташкилотлари бакалавриатига тест синовларисиз якка тартибда суҳбат ўтказиш орқали бакалаврларни тайёрлашнинг махсус уч йиллик дастури асосида ҳудудий адлия органи йўлланмаси бўйича кираётган юридик техникум битирувчиси;
масъул вазирликлар ва идоралар — бўйсинувида олий таълим ташкилотлари бўлган тегишли вазирликлар ва идоралар;
махсус комиссия — ҳар йили ҳудудий адлия органи бошлиғининг буйруғи билан ташкил этиладиган юридик техникумлар битирувчиларига йўлланмалар бериш масаласини кўриб чиқувчи комиссия;
олий таълим ташкилотлари қабул комиссияси — ҳар йили олий таълим ташкилотлари ректорлари буйруғи билан ташкил этиладиган олий таълим ташкилотлари бакалавриатига қабулни ташкил этишни, шу жумладан, абитуриентлар ҳужжатларини қабул қилиш ва уларга маслаҳат хизматлари кўрсатишни амалга оширувчи комиссия;
суҳбат комиссияси — олий таълим ташкилотлари бакалавриатига қабул қилиш учун абитуриентлар билан якка тартибда суҳбат ўтказиш мақсадида олий таълим ташкилотлари тақдимотига асосан масъул вазирликлар ва идоралар раҳбарининг буйруғи билан ташкил этиладиган комиссия;
тақсимот комиссияси — битирувчиларнинг узлуксиз ишлашини таъминлаш, шунингдек, узлуксиз ишлаш жараёнини мувофиқлаштириш ва назорат қилиш мақсадида тегишли вазирликлар ва идоралар раҳбарларининг буйруғи билан уларнинг масъул ходимлари, ҳудудий адлия органлари ва олий таълим ташкилотлари раҳбар ходимларидан иборат таркибда ташкил этиладиган комиссия;
Ўзбекистон Республикаси Адлия вазирлиги юридик техникумлари битирувчиларига ҳудудий адлия органлари томонидан берилган йўлланмаларнинг ягона реестри (Йўлланмалар ягона реестри) — ҳудудий адлия органлари томонидан берилган йўлланмалар ҳақидаги маълумотларни автоматлаштирилган тарзда йиғиш (киритиш), қайта ишлаш, янгилаш, сақлаш ва таҳлил қилишга мўлжалланган ахборот тизими;
ҳудудий адлия органлари — Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари.
3. Олий таълим ташкилотлари бакалавриатига абитуриентларни ўқишга қабул қилишни ташкил этиш мазкур Низомга 1-иловада келтирилган схемага мувофиқ амалга оширилади.
4. Юридик техникумлардаги таълим шаклидан қатъи назар, олий таълим ташкилотлари бакалавриатининг кундузги, сиртқи ва кечки (сменали) таълим шаклларига абитуриентларни қабул қилиш қабул параметрларидан ташқари тўлов-контракт асосида амалга оширилади. Бунда, ҳар бир олий таълим ташкилоти бўйича ўринлар сони ушбу Низомга 2-иловага мувофиқ юридик техникумлар битирувчиларига бериладиган йўлланмалар тақсимотига мос равишда белгиланади.
5. Олий таълим ташкилотлари бакалавриатига ўқишга қабул қилиш белгиланган тартибда ўтказиладиган якка тартибдаги суҳбат натижаларига кўра олий таълим ташкилотлари ректорининг буйруғи асосида амалга оширилади.
6. Якка тартибдаги суҳбатда қуйидагилар аниқланади:
мамлакатда амалга оширилаётган кенг қамровли ислоҳотларнинг моҳияти ва аҳамиятини тушуниш (давлат ва жамият қурилиши, қонун устуворлигини таъминлаш, иқтисодиётни ривожлантириш ва либераллаштириш, шунингдек, ижтимоий соҳа ва бошқа соҳалардаги ислоҳотлар ҳақида тасаввур ва фикрлаш қобилиятининг мавжудлиги);
ихтисосликни танлашда мотивация (ҳуқуқшунос касбининг моҳияти ва ижтимоий аҳамиятини тушуниш, унга доимий қизиқиш билдириш);
шахсий-касбий хусусиятлар (ўқишга қобилият, касбий вазифаларни ҳал қилишда амалий фаолият, интизомлилик, ҳамжиҳатлик, масъулиятлилик, қарор қабул қилишда мустақиллик даражаси, шунингдек, ўз устида ишлаш ва ижодкорлик қобилиятлари);
юриспруденция соҳасидаги билим ва касбий кўникмаларнинг мавжудлиги (профессионал таълими даражасида юриспруденция соҳасида ўз фикрини баён қилиш ва таҳлил қилиш кўникмаларининг мавжудлиги).
2-боб. Ҳудудий адлия органлари томонидан юридик техникумлар битирувчиларига йўлланмалар бериш
7. Махсус комиссия ҳар йили, қоида тариқасида, тегишли ўқув йилининг 10 июнидан кечикмай 7 нафар кишидан иборат таркибда тузилади. Махсус комиссия таркибига адлия органлари ва муассасалари ходимлари киритилади.
Махсус комиссия таркибига келишув асосида бошқа ташкилотлар вакиллари ҳам киритилиши мумкин.
Йўлланма олиш учун кўзи ожиз абитуриент мурожаат этганида, махсус комиссия таркибига Ўзбекистон кўзи ожизлар жамияти вакили киритилади.
Махсус комиссия ўз фаолиятини коллегиаллик, ошкоралик, холислик ва бетарафлик принциплари асосида амалга оширади.
Ҳудудий адлия органлари бошлиқлари лавозими бўйича махсус комиссиянинг раиси ҳисобланади.
Махсус комиссияга комиссиянинг бошқа аъзолари фаолиятини ўзаро умумий мувофиқлаштирувчи раис бошчилик қилади. Махсус комиссия фаолиятини ташкилий таъминлаш унинг котибига юкланади.
8. Юридик техникумлар битирувчилари ҳар йили 20 июндан кечикмай махсус комиссияга йўлланма беришни сўраб онлайн платформа орқали ариза билан мурожаат қилади.
Бунда, мазкур Низомга 2-иловада кўрсатилган барча олий таълим ташкилотларида ўқиш учун йўлланма сўраб мурожаат қилиш мумкин. Юридик техникумлар битирувчилари онлайн платформада ўзлари учун устувор ҳисобланган олий таълим ташкилотларини кетма-кетликда танлайди.
Махсус комиссия фақат комиссия ташкил этилган тегишли ўқув йили битирувчиларининг аризаларини кўриб чиқади.
9. Аризага мазкур Низомнинг 15-бандида кўрсатилган йўлланма олиш учун минимал талабларни тасдиқловчи ҳужжатлар илова қилинади.
Аризага илова қилинадиган ҳужжатлар махсус онлайн платформага ҳар бир ўқувчи ва техникумнинг масъул ходимлари томонидан бутун ўқиш даврида юклаб борилади ҳамда ўқувчининг портфолиоси шакллантирилади. Онлайн платформада мавжуд бўлмаган ҳужжатларни аризага илова қилиш ман этилади.
Онлайн платформани юритиш регламенти Адлия вазирлиги томонидан тасдиқланади.
10. Махсус комиссия ҳар йили 20 июндан 30 июнга қадар юридик техникумлар битирувчиларининг аризаларини кўриб чиқади.
Аризалар Махсус комиссия мажлисларида кўриб чиқилади.
11. Махсус комиссиянинг мажлислар ўтказиш жадвали ҳудудий адлия органлари бошлиқлари буйруғи билан тасдиқланади. Мажлисга таклиф этилган юридик техникумлар битирувчилари рўйхати буйруққа илова қилинади.
12. Мажлислар ўтказиш жадвали юридик техникумнинг расмий веб-сайтида, қоида тариқасида, мажлис бошланишига камида бир ҳафта қолганда эълон қилинади.
13. Махсус комиссия мажлиси, қоида тариқасида, юридик техникум биноларида ўтказилади. Махсус комиссия мажлиси комиссия аъзоларининг барчаси иштирок этган бўлса, ваколатли ҳисобланади.
14. Махсус комиссия мажлисида юридик техникум битирувчиси юксак ҳуқуқий онги ва ҳуқуқий маданиятини, шунингдек, маънавий-ахлоқий фазилатларини аниқлаш учун танловдан ўтади. Бунда, комиссия тақдим этилган ҳужжатлар бўйича қўшимча саволлар бериши мумкин. Танловни ўтказиш тартиби ҳамда баҳолаш мезонлари Адлия вазирлиги томонидан тасдиқланади.
Танлов жараёни реал вақт режимида (онлайн) кузатиб борилишини таъминлайдиган хонада ўтказилади.
15. Йўлланма бериш масаласи кўриб чиқилаётганда, махсус комиссия қуйидаги асосий минимал талабларни ҳисобга олади:
а) ўқувчи кундузги таълим шаклида ўқиганда:
юридик техникум битирувчисининг ҳар бир фан бўйича ўзлаштириш кўрсаткичи рейтинг натижалари бўйича 71 ва ундан ортиқ фоизни ташкил қилиши керак;
битирувчининг чет тилини B2 ва ундан юқори даражада билишини тасдиқловчи амалдаги давлат малака сертификатига ёки халқаро сертификатга эга эканлиги;
юридик техникум битирувчисининг маънавий-маърифий ва жамоат ишлари, лойиҳалар ва танловларда фаол иштирок этиши, шахсий ютуқлар мавжудлиги (тегишли ташкилотнинг биринчи раҳбари, биринчи навбатда юридик техникум директори томонидан тасдиқланган ҳужжатлар асосида);
юридик техникум битирувчисининг юридик техникумда ўрнатилган ички тартиб-қоидаларга, одоб-ахлоқ қоидаларига риоя этиши ва намунали хулқ-атворга эгалиги;
б) ўқувчи сиртқи ёки масофавий таълим шаклларида ўқиганда:
юридик техникум битирувчисининг умумий ўзлаштириш кўрсаткичи рейтинг натижалари бўйича 85 ва ундан ортиқ фоизни ташкил қилиши керак;
битирувчининг чет тилини B2 ва ундан юқори даражада билишини тасдиқловчи амалдаги давлат малака сертификатига ёки халқаро сертификатга эга эканлиги;
юридик техникум битирувчисининг юридик техникумда ўрнатилган ички тартиб-қоидаларга, одоб-ахлоқ қоидаларига риоя этиши ва намунали хулқ-атворга эгалиги.
Мазкур бандда кўрсатилган асосий минимал талабларга тегишли масалаларни кўриб чиқишда битирувчининг юридик техникумдаги бутун ўқиш даври ҳисобга олинади.
Ушбу асосий минимал талабларга жавоб бермаган битирувчилар танловда иштирок этмайди.
16. Танловда иштирок этган битирувчилар жами 150 балл билан қуйидагича баҳоланади:
тақдим этилган ҳужжатлар учун — 100 баллгача;
ҳуқуқий онги ва ҳуқуқий маданиятини, шунингдек, маънавий-ахлоқий фазилатларини аниқлаш учун — 50 баллгача.
17. Танлов натижаси бўйича энг юқори кўрсаткичларга эга юридик техникум битирувчиси ўзи биринчи танлаган олий таълим ташкилотига йўлланма олишга даъвогар бўлади.
Қолган битирувчилар мазкур Низомга 2-иловада белгиланган олий таълим ташкилотлари бўйича махсус электрон дастур орқали ўзи танлаган олий таълим ташкилотларидан бирига устуворлиги бўйича баллар кетма-кетлигида тақсимланади.
18. Махсус комиссиянинг юридик техникум битирувчисига йўлланма бериш ёки йўлланма беришни рад этиш ҳақидаги қарори мажлисда иштирок этган комиссия аъзоларининг кўпчилик овози билан қабул қилинади ҳамда уларнинг ҳар бир номзод бўйича хулосаси комиссия мажлиси баённомасида акс эттирилади.
Махсус комиссия мажлиси баённомаси мажлисда иштирок этган барча аъзолар томонидан имзоланиб, раис томонидан тасдиқланади.
19. Махсус комиссиянинг қарори асосида йўлланма оладиган юридик техникум битирувчилари рўйхатини кўрсатган ҳолда ҳудудий адлия органи бошлиғи буйруғи расмийлаштирилади.
Бунда, юридик техникум битирувчисига йўлланма бериш ҳақида қабул қилинган қарор холислиги учун шахсий жавобгарлик ҳудудий адлия органи бошлиғи зиммасига юкланади.
20. Юридик техникумларнинг битирувчиларига бериладиган йўлланмалар «юриспруденция» мутахассислигида юридик кадрларни тайёрловчи олий таълим ташкилотлари бўйича мазкур Низомга 2-иловага мувофиқ тақсимланади.
21. Йўлланма бериш ҳақидаги буйруқлар бир кун ичида фельдъегерлик хизмати орқали Йўлланмалар ягона реестрига тегишли маълумотларни киритиш учун Адлия вазирлигига юборилади.
Адлия вазирлиги Йўлланмалар ягона реестрини юритишга масъул ҳисобланади.
3-боб. Йўлланма берилган битирувчилар ҳужжатларини олий таълим ташкилотларига қабул қилиш
22. Абитуриентларни қабул қилиш параметрлари ҳақидаги маълумот, олий таълим ташкилотлари расмий веб-сайтига қабул параметрларига оид ҳужжат қабул қилинганидан кейин беш кундан кечикмасдан жойлаштирилади.
23. Абитуриентларнинг ўқишга қабул қилиш ҳақидаги аризалари олий таълим ташкилотлари қабул комиссияси томонидан 5 — 25 июль кунлари қабул қилинади.
24. Олий таълим ташкилотлари бакалавриатига қабул қилиш учун ҳужжатлар Интернет жаҳон ахборот тармоғи орқали тақдим этилади.
Абитуриентлар реал вақт режимида олий таълим ташкилоти ректори номига ўқишга қабул қилиш ҳақидаги аризани мазкур Низомга 3-иловага мувофиқ электрон шаклда тўлдиради.
25. Қабул қилиш тўғрисидаги электрон аризага диплом ва унинг иловаси электрон шаклда илова қилинади.
Аризага илова қилинаётган ҳар бир ҳужжат ҳақиқийлиги сақланишини таъминловчи (ҳар бир дюймга 200 нуқтадан кам бўлмаган) алоҳида файл кўринишида бўлиши керак. Ҳар бир файл ўлчами 10 Мбдан ошмаслиги лозим.
Аризани ҳужжатлар «PDF» (portable document format) форматида сканер қилинган нусхалари кўринишида илова қилинган ҳолда жўнатишга йўл қўйилади.
26. Агар барча зарур ҳужжатлар мазкур Низомнинг 23 — 25-бандларида назарда тутилган талабларга мувофиқ тақдим этилган ва Йўлланмалар ягона реестрида йўлланма мавжуд бўлган тақдирда, 72 соат ичида ҳужжатларни қабул қилиш бўйича тегишли дастурий таъминот томонидан автоматик равишда ноёб рақам бериш орқали ариза рўйхатга олинади ҳамда абитуриентга белгиланган муддатда ҳужжатларнинг асл нусхаларини тақдим этиш ҳақида аризада кўрсатилган электрон почта манзили ёки телефон рақами бўйича тегишли хабарнома (смс хабарнома) юборилади.
Ҳужжатлар қабул қилинган вақт ариза учун ноёб рақам олинган вақт ҳисобланади.
27. Олий таълим ташкилотларига ўқишга қабул қилиш бўйича абитуриентлардан электрон шаклда ҳужжатларни қабул қилиш бўйича тегишли дастурий таъминотларнинг Йўлланмалар ягона реестри билан интеграция қилинган ҳолда ишлашини таъминлаш олий таълим ташкилотлари буюртмасига мувофиқ Адлия вазирлиги томонидан амалга оширилади.
28. Агар тақдим этилган ҳужжатлар мазкур Низомнинг 23 — 25-бандларида назарда тутилган талабларга мувофиқ бўлмаган ва Йўлланмалар ягона реестрида йўлланма мавжуд бўлмаган тақдирда, 72 соат ичида аризада кўрсатилган электрон почта манзил ёки телефон рақами бўйича абитуриентга тегишли хабарнома (смс-хабарнома) юборилади. Бунда, абитуриентга кўрсатиб ўтилган камчиликларни тузатиш ва ҳужжатларни қабул қилишнинг белгиланган муддати тугагунга қадар уларни такроран тақдим этиш имконияти берилади.
Ҳужжатлар қабул қилишнинг белгиланган муддатлари тугагандан сўнг ҳужжатларга қўшимчалар ва ўзгартиришлар киритиш қатъиян ман қилинади.
29. Рўйхатга олинган қабул қилиш тўғрисидаги аризалар сони ҳар куни олий таълим ташкилотлари расмий веб-сайтида жойлаштирилади.
4-боб. Якка тартибдаги суҳбатни ўтказиш
30. Якка тартибдаги суҳбат 10 — 25 август кунлари 7 нафар кишидан иборат таркибда тузиладиган суҳбат комиссияси томонидан ўтказилади.
Холисона сабабларга кўра ушбу муддатларда суҳбат ўтказиш имконияти бўлмаса, олий таълим ташкилотлари якка тартибдаги суҳбат ўтказиш муддатини ўзгартириши мумкин. Бунда, абитуриентлар белгиланган муддатдан камида бир ҳафта олдин якка тартибдаги суҳбат ва уни ўтказиш жадвали ҳақида хабардор қилинади.
Якка тартибдаги суҳбат жараёни Интернет жаҳон ахборот тармоғи орқали онлайн трансляция қилинади.
31. Суҳбат комиссияси таркибига масъул вазирликлар ва идоралар ҳамда олий таълим ташкилотлари ходимлари киритилади.
Суҳбат комиссияси таркибига келишув асосида бошқа ташкилотлар вакиллари ҳам киритилиши мумкин.
Якка тартибдаги суҳбатда кўзи ожиз абитуриент қатнашаётган тақдирда, суҳбат комиссияси таркибига Ўзбекистон кўзи ожизлар жамияти вакили киритилади.
Махсус комиссия таркибига киритилган шахсларнинг суҳбат комиссияси таркибига киритилишига йўл қўйилмайди.
Суҳбат комиссияси ўз фаолиятини коллегиаллик, ошкоралик, холислик ва бетарафлик принциплари асосида амалга оширади.
Суҳбат комиссиясига комиссиянинг бошқа аъзолари фаолиятини ўзаро умумий мувофиқлаштирувчи раис бошчилик қилади. Суҳбат комиссияси фаолиятини ташкилий таъминлаш унинг котиби зиммасига юкланади.
32. Якка тартибдаги суҳбат ўтказилишига қадар маслаҳатлар ташкил этилади, маслаҳатлар жадвали олий таълим ташкилотлари қабул комиссияси раиси томонидан тасдиқланади.
33. Якка тартибдаги суҳбатни ўтказиш учун бино ва аудиторияларни тайёрлашни ташкил этиш учун жавобгарлик олий таълим ташкилотлари қабул комиссияси масъул котиби зиммасига юкланади.
34. Якка тартибдаги суҳбат ўтказиш жадвали олий таълим ташкилотлари расмий веб-сайтида, қоида тариқасида, суҳбат бошланишидан беш кун олдин жойлаштирилади.
35. Якка тартибдаги суҳбат олий таълим ташкилотларидаги таълим тилларида ўтказилади. Якка тартибдаги суҳбат тили абитуриентнинг ўзи томонидан аниқланиб, унинг ўқишга қабул қилиш ҳақидаги аризасида кўрсатилади.
36. Абитуриентлар якка тартибдаги суҳбатдан ўтишлари учун навбат билан киритилади. Якка тартибдаги суҳбатдан олдин абитуриент паспорт ёки унинг ўрнини босувчи ҳужжатни кўрсатиши шарт.
37. Абитуриентнинг якка тартибдаги суҳбатга уяли телефон ва бошқа алоқа ва телекоммуникация воситалари, луғат, китоб ва шпаргалкалар олиб кириши ва фойдаланиши қатъиян тақиқланади.
38. Якка тартибдаги суҳбатни ўтказиш давомида суҳбат комиссияси томонидан абитуриентга мазкур Низомнинг 6-бандида кўрсатилган мезонлардан келиб чиққан ҳолда саволлар берилади.
Тасдиқланган саволлар рўйхати олий таълим ташкилотларининг расмий веб-сайтига якка тартибдаги суҳбат бошланишидан камида бир ой олдин жойлаштирилади.
Якка тартибдаги суҳбатни ўтказиш давомида абитуриентга қўшимча саволлар берилиши мумкин. Битта абитуриент билан якка тартибдаги суҳбат 30 дақиқагача давом этади.
Мазкур Низомнинг 6-бандида назарда тутилган йўналишлар бўйича саволлар абитуриент томонидан ахборот технологияларидан фойдаланган ҳолда махсус электрон дастур орқали тасодифий равишда танланади.
Абитуриент томонидан тасодифий равишда танланган саволлар комиссия масъул котиби томонидан суҳбат ўтказилаётган хонадаги принтерда чоп этилади ва абитуриентга тақдим қилинади.
Якка тартибдаги суҳбат натижалари 100 баллик тизимда баллар қўйиш йўли билан баҳоланади. Мазкур Низомнинг 6-бандида кўрсатилган ҳар бир мезон бўйича максимал балл 25 баллни ташкил этади.
39. Якка тартибдаги суҳбат натижаларини аниқлаш учун суҳбат комиссиясининг ҳар бир аъзоси бошқа аъзолардан мустақил ҳолда мазкур Низомга 4-иловага мувофиқ шаклдаги баҳолаш варақасини тўлдиради ва уни суҳбат комиссияси котибига тақдим этади. Суҳбат комиссияси котиби абитуриентга суҳбат комиссияси аъзолари томонидан қўйилган ўртача баллни ҳисоблаб чиқади.
Якка тартибдаги суҳбат натижалари рейтинг тизими бўйича, абитуриентга қўйилган баллар (0 дан 100 гача оралиқда) асосида аниқланади.
Суҳбат комиссияси баённомасида абитуриентлар рўйхати белгиланган параметрларга мувофиқ камайиб бориш тартибида, энг юқори балл олган абитуриентдан бошлаб жойлаштирилади.
40. Якка тартибдаги суҳбат жараёни ва натижалари суҳбат комиссиясининг барча аъзолари томонидан имзоланадиган ва раис томонидан тасдиқланадиган баённомада қайд этилади.
Якка тартибдаги суҳбат жараёни ва натижаларини қайд этишда видео ва аудиоёзувлардан фойдаланилади.
41. Суҳбат натижалари олий таълим ташкилотлари расмий веб-сайтида суҳбат ўтказилгандан сўнг кейинги иш кунида эълон қилинади.
42. Абитуриентларни қабул қилиш қуйидаги ҳолларда амалга оширилмайди:
жадвал бўйича якка тартибдаги суҳбатга келмаганда (0 балл қўйилади);
якка тартибдаги суҳбатда белгиланган максимал баллнинг 70 фоизи ва ундан кам балл тўпланганда.
43. Олий таълим ташкилотлари бакалавриатига абитуриентларни қабул қилиш учун якка тартибдаги суҳбатни қайта ўтказишга йўл қўйилмайди.
44. Якка тартибдаги суҳбат натижалари юзасидан масъул вазирликлар ва идоралар раҳбарларининг буйруғи билан абитуриентларнинг шикоятларини кўриб чиқиш учун Апелляция комиссияси ташкил этилади.
Апелляция комиссияси таркибига тегишли фанлар бўйича экспертлар, шикоят кўзи ожиз абитуриент томонидан берилганда эса Ўзбекистон кўзи ожизлар жамияти вакили ҳам киритилади.
Махсус комиссия ва суҳбат комиссияси таркибига киритилган шахсларнинг Апелляция комиссияси таркибига киритилишига йўл қўйилмайди.
Апелляция комиссияси унинг аъзоларининг учдан икки қисми қатнашганда ваколатли ҳисобланади. Апелляция комиссияси фаолиятига умумий раҳбарликни унинг раиси амалга оширади, комиссия баённомалари котиб томонидан расмийлаштирилади.
45. Якка тартибдаги суҳбат натижаларидан норози бўлган абитуриент Апелляция комиссиясига суҳбат натижаси эълон қилинган кундан бошлаб уч иш куни ичида ёзма тартибда апелляция бериш ҳуқуқига эга.
46. Апелляция комиссияси тақдим этилган апелляцияни у тушган кундан бошлаб икки иш куни ичида кўриб чиқади. Апелляция кўриб чиқиладиган кун ҳақида абитуриентга хабар берилади.
47. Апелляция комиссияси томонидан апелляция фақат абитуриент иштирокида, суҳбат жараёни ёзиб олинган видеотасвир асосида кўриб чиқилади.
48. Апелляцияни кўриб чиқиш натижалари бўйича Апелляция комиссияси:
эътироз асоссиз бўлса, апелляцияни қаноатлантиришни рад этади ва суҳбат натижаларини ўзгаришсиз қолдиради;
эътироз асосли бўлса, апелляцияни қаноатлантиради ва суҳбат натижаларига ўзгартириш киритади.
49. Якка тартибдаги суҳбатдан муваффақиятли ўтган абитуриентлар қабул комиссиясига якка тартибдаги суҳбат ўтказилган вақтдан бошлаб уч кун мобайнида ҳужжатларнинг аслини тақдим этади.
Ҳужжатларда, шу жумладан, электрон шаклда тақдим этилган ҳужжатларда сохталаштириш ва қалбакилаштириш аниқланган тақдирда, абитуриент якка тартибдаги суҳбатдан четлаштирилади (олий таълим ташкилотлари талабалар сафидан четлаштирилади), ҳужжатлари эса белгиланган тартибда ҳуқуқни муҳофаза этувчи органларга юборилади.
50. Суҳбат натижалари 30 августга қадар абитуриентларни бакалавриатга қабул қилиш учун олий таълим ташкилотларига юборилади.
5-боб. Олий таълим ташкилотларига қабул қилишни расмийлаштириш, ўқиш учун тўловни амалга ошириш
51. Олий таълим ташкилоти бакалавриатига қабул қилиш тўғрисидаги ректор буйруғи, қоида тариқасида, 5 сентябрдан кечиктирмасдан қабул қилинади.
52. Белгиланган намунадаги шартнома бланкалари олий таълим ташкилоти ректори буйруғи қабул қилинган кундан бошлаб берилади, олий таълим ташкилоти ректори ва бош бухгалтери имзоси билан юридик шахслар учун 3 нусхада ва жисмоний шахслар учун 2 нусхада расмийлаштирилади ҳамда ўқишга қабул қилинган абитуриентга дарсларга қатнашишга рухсат этилади.
Ўқишга қабул қилинган абитуриентлар учун тўловлар ҳар йили шартнома шартларида кўрсатилган муддатларда амалга оширилади.
53. Олий таълим ташкилотлари бакалавриатига ҳудудий адлия органларининг йўлланмаларига кўра ўқишга қабул қилинган талабалар махсус уч йиллик дастур бўйича таълим оладилар. Бунда, улар ўқишни 2-курсдан давом эттирадилар.
6-боб. Тақсимотга мувофиқ олий таълим ташкилотлари битирувчиларининг узлуксиз ишлаб беришини ташкил этиш
1-§. Битирувчиларни узлуксиз ишлаб бериш учун тақсимлаш
54. Олий таълим ташкилотлари бакалавриати битирувчиларини (кейинги ўринларда — битирувчи) узлуксиз ишлаб бериш учун тақсимлаш ҳар йили тақсимот комиссиялари томонидан давлат бошқаруви органлари, хўжалик бирлашмалари, ҳуқуқни муҳофаза қилувчи органлар, судлар ва бошқа ташкилотлар томонидан тақдим этилган аризаларга асосан амалга оширилади.
55. Тақсимлаш жараёнида тақсимот комиссиялари битирувчининг рейтинг натижаларини, оилавий ҳолатини ва таклиф этилган иш ўрнида ишлаш хоҳишини ҳисобга олади. Энг юқори рейтинг натижасига эга бўлган битирувчилар ўз танлови бўйича мавжуд иш ўринларига ишга жойлашишда биринчи навбатда талабгор бўлади.
Тақсимот комиссиялари томонидан битирувчиларни олий таълим ташкилотларида ўқиш учун йўлланма берилган ҳудуддаги тегишли ташкилотлардаги бўш иш ўринларига узлуксиз ишлаб бериш учун тақсимлаш амалга оширилади.
56. Тақсимот комиссиялари фаолиятини ташкил этиш тартиби масъул вазирликлар ва идоралар томонидан белгиланади.
57. Битирувчи магистратурага ўқишга кирганда уч йил давомида узлуксиз ишлаб бериш мажбурияти мазкур Низомга мувофиқ магистратурани тамомлагандан сўнг бошланади.
58. Битирувчиларни ишга тақсимлаш, қоида тариқасида, битирувчи ўқишни тамомлагандан сўнг, бир ойдан кечиктирмай амалга оширилади.
59. Тақсимот комиссиялари қарорлари комиссия мажлисларида қабул қилинади ва баённома шаклида расмийлаштирилади ҳамда қарор қабул қилинган кундан бошлаб беш иш кунидан кечикмай фельдъегерлик хизмати орқали Ишга жойлашиш учун йўлланмалар ягона реестрига тегишли маълумотларни киритиш учун ҳудудий адлия органларига юборилади.
60. Ишга жойлашиш учун йўлланмалар ягона реестрига тегишли маълумотлар киритилганидан кейин ҳудудий адлия органи, тегишли ташкилот — иш берувчи, олий таълим ташкилотлари ва битирувчи ўртасида узлуксиз ишлаб беришнинг аниқ шартларини ҳамда битирувчининг мажбуриятларини аниқ белгилаб берувчи тўрт томонлама шартнома 4 нусхада тузилади.
Шартнома намунаси белгиланган тартибда масъул вазирликлар ва идоралар томонидан тасдиқланади.
61. Олий таълим ташкилотлари тақсимот комиссиясининг битирувчини ишга тақсимлаш ҳақидаги қарори қабул қилингандан сўнг уч кундан кечиктирмай ишга юборилаётган ҳар бир битирувчига олий маълумот тўғрисидаги дипломдан кўчирма беради.
2-§. Битирувчиларни ишга қабул қилиш ва уларнинг меҳнат фаолиятини ташкил қилиш
62. Битирувчилар ишга тақсимланганидан кейин бир ойдан ошмаган муддатда тўрт томонлама шартномада кўрсатилган иш жойида ҳозир бўлишлари ва меҳнат фаолиятини бошлашлари шарт.
63. Иш берувчи тўрт томонлама шартномага ва ишга йўлланмага мувофиқ битирувчи билан тегишли норматив-ҳуқуқий ҳужжатларда белгиланган тартибда меҳнат шартномаси тузади.
64. Иш берувчи битирувчи иш жойида ҳозир бўлиб, меҳнат фаолиятини бошлаганидан сўнг беш кун муддат ичида Ишга жойлашиш учун йўлланмалар ягона реестрига бу ҳақида тегишли маълумот киритади.
Олий таълим ташкилотлари битирувчининг ишга келгани ва жойлашгани ҳақидаги маълумотлар Ишга жойлашиш учун йўлланмалар ягона реестрига киритилганидан сўнг ҳар бир битирувчи ҳисобини юритиб бориши шарт.
65. Битирувчининг уч йиллик узлуксиз ишлаб бериш муддати қуйидагиларни ўз ичига олади:
йўлланма берилган ҳудуддаги турли ташкилотларда ва лавозимларда ишлаш муддати;
муддатли ҳарбий хизмат ва сафарбарлик чақируви резервидаги ҳарбий хизматни ўташ муддатлари.
Ижтимоий меҳнат таътили муддати уч йиллик узлуксиз ишлаб бериш муддатига киритилмайди.
66. Тақсимот бўйича узлуксиз ишлаб беришга юборилган битирувчи ишга жойлашгандан сўнг иш берувчи унга тегишли меҳнат шароитларини яратади, зарур ҳолларда турар жой билан таъминлаш чораларини кўради.
67. Битирувчининг уч йиллик узлуксиз ишлаб бериш муддати тугагандан сўнг ишни давом эттириш ҳақидаги масала меҳнат соҳасидаги қонунчилик ҳужжатларига мувофиқ иш берувчи ва ходим ўртасида ўзаро келишувга асосан ҳал этилади.
68. Битирувчи узлуксиз ишлаб бериш муддати давомида у тақсимот бўйича юборилган ташкилот тугатилса, меҳнат шартномаси (контракт) иш берувчининг ташаббуси билан бекор қилинса, битирувчи ҳудудий адлия органини уч кун ичида хабардор қилиши шарт. Ҳудудий адлия органининг мурожаати бўйича тақсимот комиссияси тегишли ҳудуддаги бошқа ташкилотларда мавжуд бўш иш ўринларига улар тақдим этган талабномалар асосида битирувчини тақсимлашни амалга оширади.
69. Ушбу Низомга мувофиқ узлуксиз ишлаб бериш учун тақсимланган битирувчида узлуксиз ишлаб бериш жойини ўзгартириш учун асосли сабаблар вужудга келган тақдирда (никоҳ тузиш, доимий яшаш учун республиканинг бошқа ҳудудига кўчиб кетиш ва бошқалар) битирувчи тақсимот комиссиясига узлуксиз ишлаб бериш жойини ўзгартириш учун тегишли тасдиқловчи ҳужжатларни тақдим этган ҳолда мурожаат қилишга ҳақли.
Тақсимот комиссияси ўн беш кун ичида битирувчининг мурожаатини ва тақдим этилган тасдиқловчи ҳужжатларни кўриб чиқиш натижалари бўйича битирувчига мажбурий ишлаб бериш учун бошқа жойни ушбу Низом талабларига мувофиқ белгилаб беради.
70. Мазкур Низомга мувофиқ битирувчи меҳнатга лаёқатсизлиги туфайли узлуксиз ишлаб беролмаган ҳолатларда унинг кейинги меҳнат фаолияти тўғрисидаги қарор тақсимот комиссияси томонидан белгиланган тартибда қабул қилинади.
7-боб. Якунловчи қоидалар
71. Ҳудудий адлия органи томонидан берилган йўлланма икки йил мобайнида амал қилади.
72. Йўлланма олмаган юридик техникум битирувчиларининг ҳужжатлари махсус комиссия қарори чиққандан сўнг бир йил давомида электрон дастурий таъминотда сақланади ва ундан сўнг белгиланган тартибда йўқ қилинади.
Олий таълим ташкилотлари бакалавриатига қабул қилинган абитуриентларнинг якка тартибдаги суҳбат натижаларидан тегишли кўчирмалар уларнинг шахсий йиғмажилдига тикиб қўйилади, қабул қилинмаган абитуриентларнинг якка тартибдаги суҳбат натижалари олти ой давомида сақланади ва ундан сўнг белгиланган тартибда йўқ қилинади.
73. Махсус комиссия ва суҳбат комиссияси аъзолари меҳнатига ҳақ тўлаш қонунчилик ҳужжатларида ўқув машғулотларини олиб борганлик учун белгиланган соатбай ҳақ тўлаш шартларида таълим муассасасининг бюджетдан ташқари тўлов-контракт маблағлари ҳисобидан амалга оширилади.
74. Мазкур Низомда белгиланган муддатлар холисона сабабларга кўра Адлия вазирлиги томонидан ўзгартирилиши мумкин. Бунда тегишли шахслар камида ўн кун олдин муддатлар ўзгарганлиги тўғрисида хабардор қилинади.
75. Олий таълим ташкилоти битирувчига дипломнинг асл нусхасини у узлуксиз ишлаб бериш муддатини тамомлаганидан сўнг бир ҳафта муддатда меҳнат дафтарчасидаги ёзув ҳамда битирувчи узлуксиз ишлаб берган ташкилотнинг ёзма тасдиғига мувофиқ ҳудудий адлия органлари томонидан Ишга жойлашиш учун йўлланмалар ягона реестрига бу ҳақида киритилган тегишли маълумот асосида беради.
76. Узлуксиз ишлаб бериш муддати давомида битирувчи билан меҳнат шартномаси (контракт) бекор қилинса, бир кун ичида иш берувчи ҳудудий адлия органига буйруқ нусхасини илова қилган ҳолда хабар қилади.
77. Мазкур Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.
Ўзбекистон Республикаси Адлия вазирлиги юридик техникумлари битирувчиларини «юриспруденция» мутахассислиги бўйича юридик кадрларни тайёрлашни амалга оширувчи олий таълим ташкилотлари бакалавриатига ўқишга қабул қилиш тартиби тўғрисидаги низомга 1-ИЛОВА
Ўзбекистон Республикаси Адлия вазирлиги юридик техникумлари битирувчиларини «юриспруденция» мутахассислиги бўйича юридик кадрларни тайёрлашни амалга оширувчи олий таълим ташкилотлари бакалавриатига ўқиш қабул қилишни ташкил этиш
Босқичлар Тадбирлар Бажариш муддати Ҳудудий адлия органлари томонидан йўлланмалар бериш 1-босқич Йўлланмалар беришни ташкил этиш 1. Ҳудудий адлия органлари томонидан юридик техникумлар битирувчиларига йўлланмалар бериш масаласини кўриб чиқиш бўйича Махсус комиссия тузиш. Ҳар йили, 10 июндан кечикмай 2. Юридик техникумлар битирувчилари томонидан Махсус комиссияга йўлланма беришни сўраб ариза билан мурожаат қилиш. Ҳар йили, 20 июндан кечикмай 3. Махсус комиссиянинг мажлислар ўтказиш жадвалини тасдиқлаш ва юридик техникумлар расмий веб-сайтига жойлаштириш. Мажлис бошланишига камида бир ҳафта қолганда 4. Махсус комиссия томонидан юридик техникум битирувчиларининг аризаларини кўриб чиқиш ва танлов ўтказиш. Ҳар йили 20 июндан 30 июнга қадар 2-босқич Йўлланмалар бериш 1. Йўлланма бериш тўғрисидаги ҳудудий адлия органи бошлиғи буйруғини расмийлаштириш. 30 июндан кечикмай 2. Йўлланма бериш ҳақидаги буйруқларни фельдъегерлик хизмати орқали Йўлланмалар ягона реестрига тегишли маълумотларни киритиш учун Адлия вазирлигига юбориш. Буйруқ чиқарилгандан сўнг бир кун ичида Абитуриентларни олий таълим ташкилотлари бакалавриатига ўқишга қабул қилиш 3-босқич Олий таълим ташкилотлари қабул комиссиясига ҳужжатларни топшириш 1. Олий таълим ташкилотлари расмий веб-сайтига абитуриентларни қабул қилиш параметрлари ҳақидаги маълумотларни жойлаштириш. Қабул параметрларига оид ҳужжат қабул қилинганидан кейин беш кундан кечикмасдан 2. Реал вақт режимида ўқишга қабул қилиш ҳақидаги аризани электрон шаклда тўлдириш. 3. Қабул қилиш тўғрисидаги электрон аризага тегишли ҳужжатларни электрон шаклда илова қилиш. 5 июль — 25 июль 4-босқич Ҳужжатларни текшириш, аризаларни рўйхатдан ўтказиш ва камчиликлари ҳақида хабар бериш 1. Аризаларни барча зарур ҳужжатлар тақдим этилган ва Йўлланмалар ягона реестрида йўлланма мавжуд бўлган тақдирда, ноёб рақам бериш орқали рўйхатга олиш ва электрон почта манзили ёки телефон рақами бўйича абитуриентга тегишли хабарнома (смс хабарнома) юбориш. Ариза берилгандан сўнг 72 соат ичида 2. Агар тақдим этилган ҳужжатлар белгиланган талабларга номувофиқ бўлса ва Йўлланмалар ягона реестрида йўлланма мавжуд бўлмаган тақдирда, электрон почта манзили ёки телефон рақами бўйича абитуриентга камчиликларни тузатиш ва ҳужжатларни қабул қилишнинг белгиланган муддати тугагунга қадар уларни такроран тақдим этиш ҳақида тегишли хабарнома (смс-хабарнома) юбориш. Ариза берилгандан сўнг 72 соат ичида 5-босқич Якка тартибдаги суҳбатни ташкил этиш ва ўтказиш 1. Якка тартибдаги суҳбат ўтказиш жадвалини тасдиқлаш ва олий таълим ташкилотлари веб-сайтига жойлаштириш. Суҳбат бошланишидан беш кун олдин 2. Мамлакатда амалга оширилаётган кенг қамровли ислоҳотларнинг моҳияти ва аҳамиятини тушунишни, ихтисосликни танлашда мотивация, шахсий-касбий хусусиятлари, юриспруденция соҳасидаги билим ва касбий кўникмаларнинг мавжудлигини аниқлаш учун комиссия томонидан якка тартибда суҳбат ўтказиш. 10 август — 25 август 6-босқич Якка тартибдаги суҳбат натижаларини Давлат комиссиясига юбориш 1. Якка тартибдаги суҳбат натижаларини рейтинг тизими (0 дан 100 баллгача) асосида аниқлаш ҳамда комиссия раиси томонидан тасдиқланадиган мажлис баённомасига киритиш. 30 августга қадар 2. Якка тартибдаги суҳбат натижаларини абитуриентларни бакалавриатга қабул қилиш учун олий таълим ташкилотларига юбориш. 7-босқич Олий таълим ташкилоти бакалавриатига қабул қилиш тўғрисидаги ректор буйруғини қабул қилиш 5 сентябрдан кечиктирмасдан 8-босқич Якка тартибдаги суҳбатдан муваффақиятли ўтган абитуриентлар томонидан олий таълим ташкилоти қабул комиссиясига ҳужжатларнинг асл нусхаларини тақдим этиш Суҳбат ўтказилган вақтдан бошлаб уч кун мобайнида 9-босқич Қабул қилишни расмийлаштириш, ўқиш учун тўловни амалга ошириш 1. Ўқиш учун контрактлар тузиш. 5 сентябрдан кейин 2. Олий таълим ташкилотлари ҳисоб рақамига ўқиш учун тўловларни амалга ошириш. Шартнома шартларида белгиланган муддатда 3. Талабаликка тавсия этилган абитуриентларга дарсларга қатнашишга рухсат бериш тўғрисидаги олий таълим ташкилотлари ректорлари буйруғини расмийлаштириш. 5 сентябрь Олий таълим ташкилотлари битирувчиларининг тақсимотга мувофиқ узлуксиз ишлаб беришини амалга ошириш X босқич Битирувчиларни узлуксиз ишлаб бериш учун тақсимлаш 1. Битирувчиларни узлуксиз ишлаб бериш учун тақсимлашни масъул вазирликлар ва идоралар томонидан тузиладиган тақсимот комиссиялари томонидан амалга ошириш. Қоида тариқасида, битирувчи ўқишни тамомлагандан сўнг, бир ойдан кечиктирмай 2. Узлуксиз ишлаб беришнинг аниқ шартларини ҳамда битирувчининг мажбуриятларини аниқ белгилаб, ҳудудий адлия органи, тегишли ташкилот — иш берувчи, олий таълим ташкилотлари ва битирувчи ўртасида 4 нусхада шартнома тузиш. Тақсимот комиссиялари қарорлари қабул қилингандан сўнг 3. Олий таълим ташкилотлари томонидан ҳар бир ишга юборилаётган битирувчига олий маълумот тўғрисидаги дипломдан кўчирма бериш. Тақсимот комиссияси қарори қабул қилингандан сўнг уч кундан кечиктирмай XI босқич Битирувчиларни ишга қабул қилиш ва уларнинг меҳнат фаолияти 1. Битирувчининг тўрт томонлама шартномада кўрсатилган иш жойига келиши ва меҳнат фаолиятини бошлаши. Тақсимотдан кейин бир ойдан ошмаган муддатда 2. Иш берувчи томонидан битирувчи томонидан тақдим этилган битирувчининг ишга келгани ва жойлашгани ҳақидаги ҳужжатни тўлдириш ва кейинчалик уни ҳар бир битирувчи ҳисобини юритиб бориш учун олий таълим ташкилотларига тақдим этиш. 3. Иш берувчи томонидан тўрт томонлама шартномага мувофиқ ва ишга йўлланма асосида битирувчи билан қонунчилик ҳужжатларида белгиланган тартибда меҳнат шартномасини тузиш. Битирувчи ишга келганидан сўнг беш кун муддат ичида
Ўзбекистон Республикаси Адлия вазирлиги юридик техникумлари битирувчиларини «юриспруденция» мутахассислиги бўйича юридик кадрларни тайёрлашни амалга оширувчи олий таълим ташкилотлари бакалавриатига ўқишга қабул қилиш тартиби тўғрисидаги низомга 2-ИЛОВА
Ўзбекистон Республикаси Адлия вазирлиги юридик техникумларининг битирувчиларига бериладиган йўлланмаларни «юриспруденция» мутахассислиги бўйича юридик кадрларни тайёрловчи олий таълим ташкилотлари бўйича
Т/р Олий таълим ташкилоти номи Йўлланмалар умумий сони ** 1. Тошкент давлат юридик университети *** 2. Жаҳон иқтисодиёти ва дипломатия университети *** 3. Самарқанд давлат университети 15 фоиз 4. Наманган давлат университети 15 фоиз 5. Термиз давлат университети 15 фоиз 6. Қорақалпоқ давлат университети 10 фоиз
Ўзбекистон Республикаси Адлия вазирлиги юридик техникумлари битирувчиларини «юриспруденция» мутахассислиги бўйича юридик кадрларни тайёрлашни амалга оширувчи олий таълим ташкилотлари бакалавриатига ўқишга қабул қилиш тартиби тўғрисидаги низомга 3-ИЛОВА
_____________________________________ректори (олий таълим ташкилоти номи) _________________________________________га (Ф.И.О.) __________________________________________ _______________________________________дан (абитуриентнинг Ф.И.О (тўлиқ ёзилади) АРИЗА «Юриспруденция» мутахассислиги бўйича юридик кадрларни тайёрлашни амалга оширувчи олий таълим ташкилоти бакалавриатига ўқишга қабул қилиш тўғрисида Менга ___________________________________________________ йўналишида таълим олиш учун суҳбатдан (таълим йўналишининг номи) (ўзбек, рус) ўтишимга рухсат беришингизни сўрайман. Маълумотим __________________________. _____________________________________________ (ўрта махсус) (таълим муассасасининг номи) _____________________________________________________________ни _________ йилда тамомлаганман. Таълим тўғрисидаги ҳужжат (диплом): серия _______________ № ______________________________________ Суҳбатдан _________________тилида ўтаман. (ўзбек, рус) Туғилган вақтим ва жойим: __________ __________ ________ йил, ______________________ (йил) (ой) (кун) (туғилган жойи) ________________________________________________________________________________ Доимий яшаш манзилим: _____________________________________________________________ (мамлакат, вилоят, шаҳар, туман, қишлоқ, кўча, уй рақами тўлиқ) ___________________________________________________________________________________________ Биометрик паспорт (идентификация ID-картаси) маълумоти: __________ ______________, ____________________________________________________________ (серия) (номер) (қачон ва ким томонидан берилган) ___________________________________________________________________________________________ Халқаро ёки миллий олимпиадаларда, танловларда ҳамда спорт мусобақаларида қатнашганлиги ҳақида маълумот (агар қатнашган бўлса) ________________________________________________________________________ (олимпиада фани, ___________________________________________________________________________________________ танлов фани (ихтисослиги), спорт мусобақаси тури, ўтказилган вақти, эгалланган ўрин) Ногиронлиги ҳақида маълумот __________________________________________________________________ (номи ва гуруҳи, ҳужжат реквизитлари) Суҳбат ўтказиш қоидалари билан танишдим. ____________________________ ________ ______________________ (абитуриентнинг Ф.И.О.) (имзо) (ариза берилган сана)
Ўзбекистон Республикаси Адлия вазирлиги юридик техникумлари битирувчиларини «юриспруденция» мутахассислиги бўйича юридик кадрларни тайёрлашни амалга оширувчи олий таълим ташкилотлари бакалавриатига ўқишга қабул қилиш тартиби тўғрисидаги низомга 4-ИЛОВА
«Юриспруденция» мутахассислиги бўйича юридик кадрларни тайёрлашни амалга оширувчи олий таълим ташкилотлари бакалавриатига ўқишга қабул қилиш бўйича суҳбатдан ўтган абитуриентнинг жавобларини БАҲОЛАШ ВАРАҚАСИ Сана ______________ Абитуриентнинг Ф.И.О._____________ ________________________________________ _________________ Т/р Баҳолаш мезонлари Баллар 1. Давлат ва жамият қурилиши, қонун устуворлигини таъминлаш, иқтисодиётни ривожлантириш ва либераллаштириш, шунингдек, ижтимоий соҳа ва бошқа соҳалардаги ислоҳотлар ҳақида тасаввур ва фикрлаш қобилиятининг мавжудлиги 2. Ихтисосликни танлашда мотивация (ҳуқуқшунос касбининг моҳияти ва ижтимоий аҳамиятини тушуниш, унга доимий қизиқиш билдириш, ўрта махсус, касб-ҳунар таълими) 3. Шахсий-касбий хусусиятларни (ўқишга қобилият, касбий вазифаларни ҳал қилишда амалий фаолият, интизомлилик, ҳамжиҳатлик, масъулиятлилик, қарор қабул қилишда мустақиллик даражаси, шахсий ютуқлар мавжудлиги, шунингдек, ўз устида ишлаш ва ижодкорлик қобилиятлари) 4. Профессионал таълими даражасида юриспруденция соҳасида ўз фикрини баён қилиш ва таҳлил қилиш кўникмаларининг мавжудлиги Изоҳ _______________________________________________________________________________________ ___________________________________________________________________________________________ ___________________________________________________________________________________________ Суҳбат ўтказиш бўйича комиссия аъзоси: ___________________________________________________________________________________________ _________________________ _________________________
Вазирлар Маҳкамасининг 2021 йил 22 ноябрдаги 705-сон қарорига 3-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг «Тошкент давлат юридик университетида кадрлар тайёрлаш тизимини янада такомиллаштириш чора-тадбирлари тўғрисида» 2017 йил 2 июндаги 347-сон қарорида (Ўзбекистон Республикаси ҚТ, 2017 й., 6-сон, 91-модда):
а) 1 2 -банднинг бешинчи хатбошиси қуйидаги мазмундаги жумла билан тўлдирилсин:
«Бунда, якка тартибдаги суҳбатдан муваффақиятли ўтган абитуриентларни ўқишга қабул қилиш адлия вазирининг буйруғи билан амалга оширилади»;
б) 1-иловада :
6-банднинг иккинчи хатбошиси қуйидаги таҳрирда баён этилсин:
«Хорижий фуқароларни қабул қилиш тўғрисидаги аризалар Адлия вазирлиги билан келишган ҳолда ТДЮУ томонидан белгиланган муддатларда қабул қилинади»;
8-бандда :
тўртинчи хатбоши чиқариб ташлансин;
бешинчи — еттинчи хатбошилар тегишлича тўртинчи — олтинчи хатбошилар деб ҳисоблансин;
15-банд қуйидаги таҳрирда баён этилсин:
«15. Суҳбат Адлия вазирлиги билан келишган ҳолда ТДЮУ томонидан белгиланган муддатларда ўтказилади.
Суҳбат ўтказиш муддатлари тўғрисида маълумот ТДЮУ томонидан унинг расмий веб-сайтида суҳбат ўтказилишидан камида 1 ой олдин эълон қилинади.
Хорижий фуқаролар билан суҳбат бевосита ёки заруратга кўра масофавий (онлайн) тарзда амалга оширилади»;
18-банд қуйидаги мазмундаги хатбошилар билан тўлдирилсин:
«Масофавий (онлайн) суҳбат коммуникация технологияларидан фойдаланган ҳолда реал вақт режимида амалга оширилади. Бунда, ушбу коммуникация технологиялари абитуриентнинг шахсини тасдиқлаш имконини берадиган техник талабларга жавоб бериши лозим.
Масофавий (онлайн) суҳбат натижаларини баҳолаш умумий тартибда амалга оширилади»;
22-банд қуйидаги таҳрирда баён этилсин:
«22. Суҳбат натижаларига кўра ТДЮУ бакалавриатига хорижий фуқароларни қабул қилиш ҳақида ТДЮУ ректори томонидан буйруқ қабул қилинади»;
23-банддаги «Давлат комиссияси қарори, қоида тариқасида, 20 августдан» сўзлари «ТДЮУ ректорининг буйруғи, қоида тариқасида, 2 сентябрдан» сўзлари билан алмаштирилсин;
24-банддаги «Давлат комиссияси» ҳамда «қарор» сўзлари тегишлича «ТДЮУ ректори» ҳамда «буйруқ» сўзлари билан алмаштирилсин;
25-банддаги «Давлат комиссияси қарори эълон» сўзлари тегишлича «ТДЮУ ректори буйруғи қабул» сўзлари билан алмаштирилсин;
26 ва 27-бандлар қуйидаги таҳрирда баён этилсин:
«26. Хорижий фуқаролар ўқиш учун тўловни ҳар йили контракт шартларида кўрсатилган муддатларда амалга оширади.
27. ТДЮУ ректорининг ўқишга қабул қилиш тўғрисидаги буйруғи қабул қилинганидан бошлаб хорижий фуқароларга дарсларга қатнашишга рухсат этилади»;
29-банддаги «хорижий фуқароларнинг Давлат комиссияси баёни» сўзлари «хорижий фуқароларни ўқишга қабул қилиш тўғрисидаги буйруқ» сўзлари билан алмаштирилсин.
4. Вазирлар Маҳкамасининг 2018 йил 10 августдаги 646-сон қарори билан тасдиқланган Аҳоли ва ижтимоий соҳа объектларига кундалик ҳаётда фойдаланиш учун суюлтирилган углеводород газини етказиб бериш тартиби тўғрисидаги низомда :
а) 29-бандда :
биринчи хатбошисидаги «ушбу Низомга 1-иловага биноан намунавий шартномага мувофиқ» сўзлари чиқариб ташлансин;
иккинчи хатбошисидаги «ушбу Низомга 2-иловага биноан намунавий шартномага мувофиқ» сўзлари чиқариб ташлансин;
б) 30-банднинг биринчи хатбошисидаги «ушбу Низомга 4-иловага биноан намунавий шартномага мувофиқ» сўзлари чиқариб ташлансин;
в) 1 , 2 ва 4-иловалар ўз кучини йўқотган деб ҳисоблансин;
г) 5-илованинг «Чора-тадбирлар» устунидаги 6-босқичдаги 2-бандидаги «намунавий шартномани расмийлаштириб,» сўзлари «тузилган шартномага асосан» сўзлари билан алмаштирилсин.
7. Вазирлар Маҳкамасининг «Ўзбекистон Республикаси Адлия вазирлигининг юридик техникумларида ўқишни ташкил қилиш чоралари тўғрисида» 2018 йил 23 октябрдаги 858-сон қарорида :
а) 4-банднинг «а» кичик банди иккинчи хатбошиси қуйидаги таҳрирда баён этилсин:
«юриспруденция» йўналиши бўйича замонавий стандартларни ҳисобга олган ҳолда ўрта махсус профессионал таълим мутахассисликлари ва касблари бўйича малака талаблари, ўқув режалари ва фан дастурларини ишлаб чиқиш ва тасдиқлаш, шунингдек, чет тиллари бўйича ўқув машғулотларини ўтказиш учун гуруҳларда ўқувчилар миқдорини белгилаш»;
б) 8-банд «ишга қабул қилиш» сўзларидан кейин «ва даврий аттестациядан ўтказиш» сўзлари билан тўлдирилсин.
8. Вазирлар Маҳкамасининг 2019 йил 6 февралдаги 95-сон қарори билан тасдиқланган Қаттиқ ва суюқ маиший чиқиндиларни тўплаш ва олиб чиқиб кетиш бўйича хизматлар кўрсатиш қоидаларида :
а) 5-банднинг учинчи хатбошисидаги «ушбу Қоидаларга 3-иловага мувофиқ тузиладиган,» сўзлари чиқариб ташлансин;
б) 3-илова ўз кучини йўқотган деб ҳисоблансин.
9. Вазирлар Маҳкамасининг 2019 йил 26 февралдаги 170-сон қарори билан тасдиқланган Давлат уй-жой фондидаги турар жойларни ижарага бериш тартиби тўғрисидаги низомда :
а) 7-банддаги «мазкур Низомнинг 2-иловасида белгиланган намунадаги шаклда» сўзлари чиқариб ташлансин;
б) 32-банднинг еттинчи хатбошисидаги «белгиланган намунадаги» сўзлари чиқариб ташлансин;
в) 2-илова ўз кучини йўқотган деб ҳисоблансин.
12. Вазирлар Маҳкамасининг 2019 йил 22 апрелдаги 343-сон қарори билан тасдиқланган Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматларини кўрсатиш тартиби тўғрисидаги низомда :
а) 2-банддаги «ушбу Низомга 2-иловага мувофиқ шаклда» сўзлари чиқариб ташлансин;
б) 2-илова ўз кучини йўқотган деб ҳисоблансин.
14. Вазирлар Маҳкамасининг «Ички ишлар органларининг хавфсиз туризмни таъминлаш бўлинмалари томонидан шартнома асосида пулли хизматлар кўрсатиш тартибини белгилаш тўғрисида» 2019 йил 13 августдаги 669-сон қарорида :
а) 1-иловада :
10-банднинг биринчи хатбошисидаги «ушбу Низомга 2-иловага мувофиқ шаклда» сўзлари чиқариб ташлансин;
2-илова ўз кучини йўқотган деб ҳисоблансин;
б) 2-иловада :
9-банднинг иккинчи хатбошисидаги «ушбу Низомга 2-иловага мувофиқ шаклда» сўзлари чиқариб ташлансин;
2-илова ўз кучини йўқотган деб ҳисоблансин.
15. Вазирлар Маҳкамасининг 2020-йил 10-февралдаги 76-сон қарори билан тасдиқланган Товарлар (ишлар, хизматлар)ни импорт қилишда қўшилган қиймат солиғи тўловчилар учун қўшилган қиймат солиғини тўлаш муддатини узайтириш тартиби тўғрисидаги низомда :
а) 10-банднинг учинчи хатбошиси қуйидаги таҳрирда баён этилсин:
«Ўзбекистон Республикаси Божхона кодексининг 47-бобига мувофиқ ҚҚС тўланишининг таъминланишини тасдиқловчи ҳужжат, Йирик солиқ тўловчилар бўйича ҳудудлараро давлат солиқ инспексиясида ҳисобда турувчи солиқ тўловчилар, шунингдек, охирги ўн икки ой давомида қиймати 1 миллион AҚШ долларидан ортиқ тайёр тўқимачилик маҳсулотларини экспорт қилган, асосий ва ёрдамчи ишлаб чиқариш учун бутловчи буюмлар, хомашё ва материалларни олиб кираётган корхоналар бундан мустасно».
б) 13-бандда :
қуйидаги мазмундаги иккинчи хатбоши билан тўлдирилсин:
«Охирги ўн икки ой давомида қиймати 1 миллион AҚШ долларидан ортиқ тайёр тўқимачилик маҳсулотларини экспорт қилган корхоналарга асосий ва ёрдамчи ишлаб чиқариш учун бутловчи буюмлар, хомашё ва материаллар олиб киришда божхона тўловларини тўлаш бўйича фоиз ҳисобланмаган ҳолда тўловни кечиктириш (бўлиб-бўлиб тўлаш) имконияти берилади»;
иккинчи хатбоши учинчи хатбоши деб ҳисоблансин.
16. Вазирлар Маҳкамасининг «Ижод мактаблари ва ихтисослаштирилган мактаблар фаолиятини янада такомиллаштириш чора-тадбирлари тўғрисида» 2020 йил 11 мартдаги 141-сон қарорига 2-иловадаги «Хотин-қизлар қўмитаси» сўзлари чиқариб ташлансин.
17. Вазирлар Маҳкамасининг «Ўзбекистон Республикаси Адлия вазирлиги юридик техникумлари фаолиятини такомиллаштиришга доир қўшимча чора-тадбирлар тўғрисида» 2020 йил 30 октябрдаги 677-сон қарорида :
а) 3-бандда :
учинчи хатбошидаги «унда тўплаш мумкин бўлган умумий баллнинг 60 ва ундан юқори фоизини тўплаб» сўзлари «бироқ юридик техникумлардаги тест синовларидаги ўтиш балини тўплаган» сўзлари билан алмаштирилсин;
еттинчи хатбоши қуйидаги таҳрирда баён этилсин:
«юридик техникумларда асосий иш жойи бўйича фаолият юритаётган педагог ходимлар белгиланган тартибда юридик техникумларнинг штат лавозимини эгаллайди ва штатларида акс эттирилади»;
б) 4-бандда :
«б» кичик банддаги «шакл» сўзи «таълим шакли» сўзлари билан алмаштирилсин;
«г» кичик банднинг биринчи ва иккинчи хатбошилари қуйидаги таҳрирда баён этилсин:
«г) Қорақалпоғистон Республикаси адлия вазири ўринбосари, вилоятлар ва Тошкент шаҳар адлия бошқармалари бошлиқлари ўринбосарлари — юридик техникум директорларига бюджетдан ташқари (тўлов-контракт, шу жумладан, табақалаштирилган тўлов-контракт асосида ўқитишдан тушган) маблағлар ҳисобидан мустақил равишда:
хорижий мутахассисларни фуқаролик-ҳуқуқий шартнома асосида консультант, маърузачи ва ўқитувчи сифатида, хусусан онлайн режимда дарс ўтиш учун жалб этиб, уларга иш ҳақи ва бошқа тўловларни белгилаш;»;
в) 1-иловада :
4-банднинг биринчи хатбошисидаги «кам таъминланган оилалар аъзолари бўлган абитуриентлар» сўзлари «Ижтимоий ҳимоя ягона реестри» ахборот тизимида рўйхатга олинган шахслар фарзандлари» сўзлари билан алмаштирилсин;
5-банд қуйидаги таҳрирда баён этилсин:
«5. Тошкент давлат юридик университети (кейинги ўринларда — ТДЮУ) ҳузуридаги академик лицейни тамомлаган ўзлаштириш кўрсаткичларининг 56 ва ундан юқори фоизлик натижаларига эга битирувчилар ва жорий йилда юридик кадрлар тайёрловчи олий таълим муассасаларига ўқишга кириш учун республика олий таълим муассасаларининг «юриспруденция» таълим йўналиши бўйича тест синовларида иштирок этиб, ўқишга тавсия этилмаган, бироқ юридик техникумлардаги тегишли ўқув йилида тест синовларида ўтиш балини тўплаган ёки чет тилини билиш даражасини тасдиқловчи В2 ва ундан юқори даражадаги давлат малака сертификатига ёки халқаро сертификатларга эга абитуриентлар кириш имтиҳонларисиз юридик техникумларга қабул параметрларидан ташқари тўлов-контракт асосида қабул қилинади»;
9-банднинг биринчи хатбошисидаги «1 июндан» сўзлари «15 мартдан» сўзлари билан алмаштирилсин;
24-банд қуйидаги таҳрирда баён этилсин:
«24. Кириш имтиҳонлари бўйича Адлия вазирлиги томонидан белгиланган минимал ўтиш балидан кам баллни тўплаган, шунингдек, белгиланган вақтда имтиҳонларга етиб келмаган абитуриентлар юридик техникумларга қабул қилинмайди»;
26-банднинг тўртинчи хатбошисидаги «Кам таъминланган оилалар аъзолари бўлган абитуриентлар» сўзлари «Ижтимоий ҳимоя ягона реестри» ахборот тизимида рўйхатга олинган шахсларнинг фарзандлари» сўзлари билан алмаштирилсин;
43-банднинг «б» кичик бандида :
учинчи хатбошидаги «кам таъминланган оилалар аъзолари» сўзлари «Ижтимоий ҳимоя ягона реестри» ахборот тизимида рўйхатга олинган шахслар фарзандлари» сўзлари билан алмаштирилсин;
тўртинчи хатбоши қуйидаги таҳрирда баён этилсин:
«тўлов-контракт асосида — ТДЮУ ҳузуридаги академик лицейни тамомлаган ўзлаштириш кўрсаткичларининг 56 ва ундан юқори фоизлик натижаларига эга битирувчилар ва жорий йилда юридик кадрлар тайёрловчи олий таълим муассасаларига ўқишга кириш учун «юриспруденция» таълим йўналиши бўйича тест синовларида иштирок этиб, ўқишга тавсия этилмаган, бироқ юридик техникумлардаги тест синовларида ўтиш балини тўплаган ёки чет тилини билиш даражасини тасдиқловчи В2 ва ундан юқори даражадаги давлат малака сертификатига ёки халқаро сертификатларга эга абитуриентлар ҳамда хорижий фуқаролар қабул қилинади»;
бешинчи хатбошидаги «кам таъминланган оила аъзолари» сўзлари «Ижтимоий ҳимоя ягона реестри» ахборот тизимида рўйхатга олинган шахслар фарзандлари» сўзлари билан алмаштирилсин;
45-бандда :
тўртинчи хатбоши «ўқишга кириш учун» сўзларидан кейин «махсус платформа орқали электрон шаклда» сўзлари билан тўлдирилсин;
қуйидаги мазмундаги хатбоши билан тўлдирилсин:
«Қўшимча равишда табақалаштирилган тўлов-контракт асосида ўқиш истагида бўлган абитуриентларни юридик техникумга қабул қилиш бўйича мурожаат қилиш ва ўқишга қабул қилиш муддатларига Адлия вазирлиги томонидан зарур ҳолларда ўзгартириш киритилиши мумкин»;
46-бандда :
биринчи хатбоши қуйидаги таҳрирда баён этилсин:
«46. Республика олий таълим муассасаларида «юриспруденция» таълим йўналиши бўйича тест синовларида иштирок этиб, ўқишга тавсия этилмаган, бироқ юридик техникумлардаги тегишли ўқув йилида тест синовларида ўтиш балини тўплаган ёки чет тилини билиш даражасини тасдиқловчи В2 ва ундан юқори даражадаги давлат малака сертификатига ёки халқаро сертификатларга эга абитуриентлар тўлов-контракт асосида доимий яшаш жойидаги юридик техникумга қабул қилинишлари мумкин»;
иккинчи хатбоши «20 сентябргача» сўзларидан кейин «махсус платформа орқали электрон шаклда» сўзлари билан тўлдирилсин;
Ўзбекистон Республикаси Адлия вазирлигининг юридик техникумларига ўқишга қабул қилишни ташкил этиш схемасида 6-босқичнинг «Тадбирлар» устуни 1-бандидаги «кам таъминланган оилалар аъзолари бўлган абитуриентларни» сўзлари «Ижтимоий ҳимоя ягона реестри» ахборот тизимида рўйхатга олинган шахслар фарзандларини» сўзлари билан алмаштирилсин;
Ўзбекистон Республикаси Адлия вазирлигининг юридик техникумларига ўқишга қабул қилиш учун кириш тест синовларини ўтказиш тартибида :
5-бандда :
учинчи хатбоши қуйидаги таҳрирда баён этилсин:
«Биноларни тайёрлаш, видеокузатувлар орқали жамоатчилик, шу жумладан абитуриентлар ота-оналарининг кириш тест синовлари жараёнини онлайн тарзда кузатиб боришлари, абитуриентларни шахсни идентификациялаш воситалари ҳамда видеофиксация қурилмалари орқали бинога тегишли ҳудудга киритиш, бинолардаги ва хизмат постларидаги видео ёзувлар сақланиши учун шароитлар яратиш Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликлари ҳамда Ўзбекистон Республикаси Ахборот технологиялари ва коммуникацияларини ривожлантириш вазирлиги томонидан таъминланади»;
қуйидаги мазмундаги тўртинчи ва бешинчи хатбошилар билан тўлдирилсин:
«Гуруҳ назоратчилари ва абитуриентларни тест синовлари ўтказиладиган ҳудудга назорат хизмати постлари орқали киритиш, тадбир жараёнида жамоат тартибини сақлаш ва жамоат хавфсизлигини таъминлаш Ўзбекистон Республикаси Миллий гвардияси, Ички ишлар вазирлиги, ҳудудий адлия органлари ҳамда қабул комиссияси томонидан амалга оширилади.
Тест синовлари ўтказиладиган ҳар бир бинода Давлат тест марказининг вакилига тест материалларини сақлаш, тарқатиш ва йиғиб олиш учун мўлжалланган етарли миқдорда стол, стуллар, компьютер, сканер, стационар телефон алоқаси, доимий видеокузатув ва сейф билан таъминланган махсус хона (штаб) тайёрланади. Бунда, бинонинг ҳолати санитария қоидалари, нормалари ва гигиена нормативлари талабларига тўлиқ жавоб бериши лозим»;
20-банддаги «20 — 25» рақамлари «25 — 30» рақамлари билан алмаштирилсин;
г) 2-иловада :
7-бандда :
бешинчи хатбоши чиқариб ташлансин;
олтинчи — саккизинчи хатбошилар тегишлича бешинчи — еттинчи хатбошилар деб ҳисоблансин;
Ўзбекистон Республикаси Адлия вазирлиги юридик техникумларига кириш учун ҳужжатларни топшириш бўйича сўровномада :
3.2-банд қуйидаги таҳрирда баён этилсин:
«3.2. «Ижтимоий ҳимоя ягона реестри» ахборот тизимида рўйхатга олинган шахслар фарзандлари»;
3.4-банддаги «ТДЮУ ҳузуридаги академик лицей битирувчилари (ўзлаштириш кўрсаткичининг ҳақидаги маълумотнома)» сўзлари «Чет тилини билиш даражасини тасдиқловчи В1 ва ундан юқори даражадаги давлат малака сертификатига ёки халқаро сертификатларга эга абитуриентлар» сўзлари билан алмаштирилсин;
Ўзбекистон Республикаси Адлия вазирлигининг юридик техникумларига ўқишга кириш учун имтиёзга эга бўлган абитуриентлар тоифаси ҳамда уларнинг реестрини шакллантириш учун масъул бўлган ваколатли органлар рўйхатида:
3-позиция қуйидаги таҳрирда баён этилсин:
« 3. «Ижтимоий ҳимоя ягона реестри» ахборот тизимида рўйхатга олинган шахслар фарзандлари Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси » ;
4-позиция ўз кучини йўқотган деб ҳисоблансин.
19. Вазирлар Маҳкамасининг «Ўзбекистон Республикаси Соғлиқни сақлаш вазирлигининг тиббиёт ташкилотларини молиялаштириш тизимини янада такомиллаштириш чора-тадбирлари тўғрисида» 2020 йил 10 январдаги 19-сон қарорида :
а) 2-иловада :
7-банддаги «ушбу Низом иловасига мувофиқ намунавий шакл бўйича» сўзлари «ўзаро» сўзи билан алмаштирилсин;
илова ўз кучини йўқотган деб ҳисоблансин;
б) 3-иловада :
11-банддаги «2-иловада келтирилган шаклдаги» сўзлари «тарафлар ўртасида тузиладиган» сўзлари билан алмаштирилсин;
2-илова ўз кучини йўқотган деб ҳисоблансин.
20. Вазирлар Маҳкамасининг 2020 йил 9 мартдаги 134-сон қарори билан тасдиқланган Кичик саноат зоналари тўғрисидаги низомда :
а) 35-банднинг биринчи хатбошисидаги «ушбу Низомга 3-иловага мувофиқ шакл бўйича» сўзлари чиқариб ташлансин;
б) 40-банддаги «ушбу Низомга 5-иловага мувофиқ шакл бўйича» сўзлари чиқариб ташлансин;
в) 43-банднинг биринчи хатбошисидаги «ушбу Низомга 6-иловага мувофиқ шакл бўйича» сўзлари чиқариб ташлансин;
г) 3 , 5 ва 6-иловалар ўз кучини йўқотган деб ҳисоблансин.
22. Вазирлар Маҳкамасининг «Тошкент давлат юридик университети магистратурасига ўқишга қабул қилиш тартибини такомиллаштириш чора-тадбирлари тўғрисида» 2020 йил 26 августдаги 513-сон қарорида (Ўзбекистон Республикаси ҚТ, 2020 й., 8-сон, 198-модда):
а) 1-иловада :
7-банднинг иккинчи хатбошиси қуйидаги таҳрирда баён этилсин:
«Тест синови топшириладиган фанлар мажмуаси, баҳолаш мезонлари, тест топшириқлари сони ҳамда вақт меъёрлари ТДЮУ томонидан Давлат тест маркази билан келишган ҳолда белгиланади»;
17-банд қуйидаги таҳрирда баён этилсин:
«17. Абитуриент рўйхатдан ўтиши учун ҳужжатларнинг асл нусхасидаги қуйидаги маълумотларни Давлат тест марказининг махсус дастури орқали электрон равишда киритади:
олий маълумот тўғрисидаги диплом (ёки дипломдан кўчирма — Ўзбекистон Республикаси олий таълим муассасаларини давлат гранти бўйича ўқиб тугатганлар учун) берилган таълим муассасаси номи, серияси, рақами;
хорижий тилни В2 даражасида билиш даражаси тўғрисидаги миллий ёки унга мос даражадаги халқаро сертификат;
давлат стипендиялари билан тақдирлаш тўғрисидаги ҳужжат — мавжуд бўлганда»;
26 — 30-бандлар ўз кучини йўқотган деб ҳисоблансин;
32-банддаги «Давлат комиссияси томонидан» сўзлари «Давлат тест маркази томонидан Адлия вазирлиги билан келишган холда» сўзлари билан алмаштирилсин;
49-банд қуйидаги мазмундаги хатбоши билан тўлдирилсин:
«Мазкур тоифадаги абитуриентларни магистратурага қабул қилиш бўйича мурожаат қилиш ва ўқишга қабул қилиш, тўлов-контракт (шу жумладан табақалаштирилган тўлов-контракт) маблағларини тўлаш бўйича муддатлар, шунингдек, уларни узайтириш ТДЮУ томонидан мустақил равишда амалга оширилади»;
51-банддаги «Давлат тест маркази ҳамда ТДЮУ ўртасидаги келишувга кўра ТДЮУнинг бюджетдан ташқари» сўзлари «ушбу мақсадлар учун ажратиладиган Ўзбекистон Республикаси Давлат бюджети» сўзлари билан алмаштирилсин;
б) 2-иловада :
2-банд қуйидаги таҳрирда баён этилсин:
«2. Хорижий фуқаролар тўпланган балларнинг рейтинг тизими асосида белгиланган ўринлар сонига мувофиқ ТДЮУ магистратурасига суҳбат (кейинги ўринларда — суҳбат) асосида ўқишга қабул қилинади.
Суҳбат Адлия вазирлиги билан келишилган ҳолда ТДЮУ томонидан белгиланган муддатларда ўтказилади.
Суҳбат ўтказиш муддатлари тўғрисидаги маълумот ТДЮУ томонидан унинг расмий веб-сайтида суҳбат ўтказилишидан камида 1 ой олдин эълон қилинади»;
4-банднинг биринчи хатбошисидаги «қабул йилининг 15 май — 30 июль кунлари давомида» сўзлари «Адлия вазирлиги билан келишган ҳолда ТДЮУ томонидан белгиланган муддатларда» сўзлари билан алмаштирилсин;
6-банд қуйидаги таҳрирда баён этилсин:
«6. Кириш имтиҳонлари натижалари бўйича ТДЮУ ректорининг абитуриентларни ТДЮУ магистратурасига ўқишга қабул қилиш бўйича буйруғи қабул қилинганидан сўнг уч кун ичида ҳужжатларнинг асл нусхалари абитуриент томонидан ТДЮУга тақдим этилади»;
21-банд қуйидаги таҳрирда баён этилсин:
«21. Суҳбат натижаларига кўра ТДЮУ ректорининг ТДЮУ магистратурасига абитуриентларни ўқишга қабул қилиш тўғрисида буйруғи қабул қилинади»;
25-банд қуйидаги таҳрирда баён этилсин:
«25. ТДЮУ ректорининг ТДЮУ магистратурасига хорижий фуқароларни қабул қилиш тўғрисидаги буйруғи 2 сентябрдан кечиктирмай қабул қилинади»;
26-банддаги «Давлат комиссияси қарори» сўзлари «ТДЮУ ректорининг буйруғи» сўзлари билан алмаштирилсин;
в) 3-иловада :
2-бандда :
«а» кичик бандда :
иккинчи хатбошидаги «давлат ҳокимияти ва бошқарувининг марказий органларида» сўзлари «давлат ҳокимияти ва бошқарувининг марказий органлари, шунингдек, республика даражасидаги бошқа давлат органларининг марказий аппаратида» сўзлари билан алмаштирилсин;
қуйидаги мазмундаги хатбоши билан тўлдирилсин:
«мазкур Низомнинг 5 1 -бандига мувофиқ тегишли олий таълим муассасасининг буюртмаси асосида базавий олий юридик маълумотга эга бўлган шахслар»;
«б» кичик бандда :
биринчи хатбошидаги «давлат ҳокимияти ва бошқарувининг марказий органларининг» сўзлари «давлат ҳокимияти ва бошқарувининг марказий органлари ҳамда республика даражасидаги бошқа давлат органларининг» сўзлари билан алмаштирилсин;
учинчи хатбоши «марказий аппаратдаги» сўзларидан кейин «мустақил» сўзи билан тўлдирилсин;
қуйидаги мазмундаги хатбоши билан тўлдирилсин:
«Ўзбекистон Республикаси Конституциявий суди ва Олий судининг мустақил таркибий бўлинмалари раҳбарлари (техник, хизмат кўрсатувчи ва ишлаб чиқариш билан боғлиқ бўлинмалардан ташқари) ҳамда бошқарув кадрлари»;
4-банд «аппарати ходимлари учун —» сўзларидан кейин «Ўзбекистон Республикаси Бош вазирининг ўринбосарлари ва» сўзлари билан тўлдирилсин;
5-банд «ТДЮУ магистратурасига» сўзларидан кейин «масофавий, сиртқи ва кечки таълим шакллари асосида, ишлаб чиқаришдан ажралмаган ҳолда» сўзлари билан тўлдирилсин;
қуйидаги мазмундаги 5 1 -банд билан тўлдирилсин:
«5 1 . Республикадаги олий таълим муассасасининг буюртмасига кўра базавий олий юридик маълумотга эга бўлган шахслар ТДЮУ магистратурасига кундузги, шунингдек, ишлаб чиқаришдан ажралмаган ҳолда масофавий, сиртқи ва кечки таълим шаклларида, кириш тест синовларисиз, тўлов-контракт асосида, қабул параметрларидан ташқари, ўқишни тугатгандан сўнг буюртма берган олий таълим муассасасида камида уч йил тўлиқ ставкада узлуксиз ишлаш мажбуриятини олган ҳолда ўқишга қабул қилинади»;
8-бандда :
иккинчи ва учинчи хатбошилар чиқариб ташлансин;
тўртинчи ва бешинчи хатбошилар тегишлича иккинчи ва учинчи хатбошилар деб ҳисоблансин;
қуйидаги мазмундаги хатбошилар билан тўлдирилсин:
«тегишли олий таълим муассасасининг буюртмасига кўра базавий олий юридик маълумотга эга бўлган шахслар учун белгиланган тартибда имзоланган ва олий таълим муассасаси бланкасида расмийлаштирилган, рақами ва берилган вақти акс эттирилган олий таълим муассасаси раҳбарининг тавсияси (ушбу Низомнинг 5 1 -бандида назарда тутилган асосга кўра ҳужжат топширилганда);
хорижий тилни В2 даражасида билиш даражаси тўғрисидаги миллий ёки унга мос даражадаги халқаро сертификат»;
13-банд қуйидаги мазмундаги хатбоши билан тўлдирилсин:
«Мазкур Низомнинг 5 1 -бандига мувофиқ абитуриентларни ТДЮУ магистратурасига тўлов-контракт асосида қабул қилиш мақсадида ТДЮУ, олий таълим муассасаси ва абитуриент ўртасида уч томонлама контракт (шартнома) тузилади ҳамда унда контракт тўлови суммасини белгиланган муддатда тўлаш шарти, ўқишни тамомлаганидан сўнг буюртма берган олий таълим муассасасида уч йил давомида тўлиқ ставкада узлуксиз ишлаб бериш мажбурияти кўрсатилади»;
15-банддаги «ТДЮУ Магистратура бўлимига» сўзлари «ТДЮУга» сўзи билан алмаштирилсин.
23. Вазирлар Маҳкамасининг 2020 йил 8 сентябрдаги 544-сон қарори билан тасдиқланган Ўзбекистон Республикаси Адлия вазирлиги қошидаги Юристлар малакасини ошириш марказида қайта тайёрлаш ва малака ошириш тартиби тўғрисидаги низомнинг 8-банди қуйидаги таҳрирда баён этилсин:
«8. Буюртмачи ташкилот қайта тайёрлаш курсларини ташкил этиш учун онлайн тарзда (Марказнинг расмий веб-сайти ёки махсус электрон дастурлар орқали) ёки бевосита Марказга мурожаат қилади».
24. Вазирлар Маҳкамасининг «Юридик кадрларни халқаро стандартлар бўйича тайёрлаш тизимини янада такомиллаштиришга доир қўшимча чора-тадбирлар тўғрисида» 2021 йил 6 апрелдаги 189-сон қарорининг 4-банди қуйидаги таҳрирда баён этилсин:
«4. Марказ директори томонидан ТДЮУ билан келишилган ҳолда Марказнинг бюджетдан ташқари маблағлари (қайта тайёрлаш курсларидан ўтиш учун шартнома асосида тўланадиган маблағлар ва бошқалар) ҳисобидан қуйидагилар мустақил равишда амалга оширилади:
Марказда ташкил этиладиган курсларга консультант, маърузачи ва ўқитувчи сифатида жалб этиладиган хорижий ва маҳаллий мутахассисларнинг иш ҳақи ва бошқа тўловлари миқдорларини белгилаш;
Марказ ходимларига ҳар ойлик устама ва моддий рағбатлантиришнинг бошқа турлари, шунингдек, уларнинг миқдорини белгилаш».
25. Вазирлар Маҳкамасининг 2021 йил 17 сентябрдаги 572-сон қарори билан тасдиқланган Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисидаги низомнинг 1-банди қуйидаги мазмундаги хатбоши билан тўлдирилсин:
«Мазкур Низом Ўзбекистон Республикаси Адлия вазирлигининг юридик техникумлари педагог кадрларига нисбатан татбиқ этилмайди».
Вазирлар Маҳкамасининг 2021 йил 22 ноябрдаги 705-сон қарорига 4-ИЛОВА
Ўзбекистон Республикаси Ҳукуматининг ўз кучини йўқотган деб эътироф этилаётган қарорлари
1. Вазирлар Маҳкамасининг «Ўзбекистон Республикаси Адлия вазирлиги юридик техникумлари битирувчиларини Тошкент давлат юридик университети бакалавриатига ўқишга қабул қилиш тўғрисида низомни тасдиқлаш ҳақида» 2018 йил 24 июлдаги 573-сон қарори (Ўзбекистон Республикаси ҚТ, 2018 й., 7-сон, 192-модда).
2. Вазирлар Маҳкамасининг «Ўзбекистон Республикаси Адлия вазирлиги юридик техникумлари фаолиятини такомиллаштиришга доир қўшимча чора-тадбирлар тўғрисида» 2020 йил 30 октябрдаги 677-сон қарорига 3-илованинг 7-банди .
3. Вазирлар Маҳкамасининг «Юридик кадрларни халқаро стандартлар бўйича тайёрлаш тизимини янада такомиллаштиришга доир қўшимча чора-тадбирлар тўғрисида» 2021 йил 6 апрелдаги 189-сон қарорига 2-илованинг 11-банди .
Ўзбекистон Республикасининг Бош вазири А. АРИПОВ
Тошкент ш.,
2021 йил 22 ноябрь,
705-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
TAQSIMOTI *
ROʻYXATI
Oʻzbekiston Respublikasi Adliya vazirligi tizimidagi taʼlim muassasalari faoliyatini yanada takomillashtirish chora-tadbirlari toʻgʻrisida
Vazirlar Mahkamasining “Oʻzbekiston Respublikasi Adliya vazirligi tizimidagi taʼlim muassasalarida kredit-modul tizimini joriy etish chora-tadbirlari toʻgʻrisida” 2021-yil 10-iyundagi 359-son qaroriga muvofiq, shuningdek, Oʻzbekiston Respublikasi Adliya vazirligi tizimidagi taʼlim muassasalarining oʻquv jarayonini xalqaro standartlarga muvofiqlashtirish hamda yuridik texnikumlarning reytingini yuritish mexanizmini joriy etish orqali ularda taʼlim sifatini yanada oshirish maqsadida Vazirlar Mahkamasi qaror qiladi:
1. Quyidagilar:
adliya organlari tomonidan yuridik texnikumlar bitiruvchilariga yoʻllanma berish boʻyicha maxsus komissiya faoliyatini tashkil qilish, oliy taʼlim tashkilotiga hujjatlarni topshirish, oʻqishga qabul qilish uchun suhbat oʻtkazish hamda qabulni rasmiylashtirish tartibini nazarda tutuvchi Oʻzbekiston Respublikasi Adliya vazirligi yuridik texnikumlari bitiruvchilarini “yurisprudensiya” mutaxassisligi boʻyicha yuridik kadrlarni tayyorlashni amalga oshiruvchi oliy taʼlim tashkilotlari bakalavriatiga oʻqishga qabul qilish tartibi toʻgʻrisidagi nizom 2-ilovaga muvofiq tasdiqlansin.
2. Belgilansinki, yuridik texnikumlarning, shu jumladan, quyidagi yoʻnalishlardagi faoliyatini qamrab oluvchi reytingi natijalari har yangi oʻquv yiliga qabul boshlangunga qadar Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi tomonidan Adliya vazirligi bilan birgalikda ularning rasmiy veb-saytlari orqali eʼlon qilinadi:
oʻquv va ilmiy-metodik faoliyat, shu jumladan, taʼlim sifati;
reyting aniqlangan yilda nufuzli xalqaro va respublika fan olimpiadalari, sport musobaqalari va boshqa tanlovlarda gʻolib boʻlgan (sovrinli oʻrinlarni qoʻlga kiritgan) yuridik texnikum oʻquvchilari ulushi;
xorijiy pedagoglar, shuningdek, ilmiy darajali hamda chet tili va fanlarni bilish darajasi toʻgʻrisidagi milliy yoki xalqaro sertifikatga ega boʻlgan asosiy shtatdagi pedagoglar va oʻquvchilar ulushi;
ish bilan taʼminlangan bitiruvchilari va oliy taʼlim muassasalariga qabul qilingan oʻquvchilari ulushi.
3. Shunday tartib oʻrnatilsinki, unga muvofiq:
Toshkent davlat yuridik universiteti (keyingi oʻrinlarda — TDYU) huzuridagi akademik litseylarga (keyingi oʻrinlarda — akademik litseylar) oʻqishga qabul qilish har yili 1-avgustga qadar Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi tomonidan oʻtkaziladigan test sinovlari orqali amalga oshiriladi, bunda test sinovlarini oʻtkazish bilan bogʻliq xarajatlar ushbu maqsadlar uchun ajratiladigan Oʻzbekiston Respublikasi Davlat budjeti mablagʻlari hisobidan amalga oshiriladi;
akademik litseylarga dars mashgʻulotlarini, xususan, onlayn rejimda oʻtkazish uchun xorijiy mutaxassislar jalb qilinadi hamda ularga ish haqi miqdori TDYU tomonidan mustaqil belgilanadi;
akademik litseylarda va yuridik texnikumlarda pedagog xodimlar tarkibida qonunchilik hujjatlarida nazarda tutilgan lavozimlar bilan birgalikda kafedra mudiri, professor, dotsent lavozimlari ham joriy etiladi hamda ularning mehnatiga haq toʻlash boʻyicha bazaviy tarif stavkalari akademik litseylarda TDYU tomonidan, yuridik texnikumlarda esa Adliya vazirligi tomonidan belgilanadi;
TDYU tomonidan tashkil etiladigan yoki muassis sifatida ishtirok etiladigan tijorat va notijorat tashkilotlarini tashkil etish bilan bogʻliq xarajatlarni qoplash, faoliyatini tashkil etish va doimiy ravishda moliyaviy qoʻllab-quvvatlash hamda ularning ustav jamgʻarmasi va mulkini shakllantirish uchun TDYU Kengashi tomonidan belgilangan miqdorda budjetdan tashqari (shu jumladan, toʻlov-kontrakt va tabaqalashtirilgan kontrakt) mablagʻlarni sarflashga ruxsat beriladi.
4. Oʻzbekiston Respublikasi Adliya vazirligi hamda Oliy va oʻrta maxsus taʼlim vazirligining quyidagi takliflariga rozilik berilsin:
TDYU bakalavriat taʼlim yoʻnalishlariga sirtqi taʼlim shakli hamda ikkinchi va undan keyingi oliy taʼlimga qabulni Vazirlar Mahkamasi huzuridagi Davlat test markazi tomonidan oʻtkaziladigan test sinovlari orqali amalga oshirish. Bunda, test sinovlari Vazirlar Mahkamasining 2018-yil 3-apreldagi 261-son qarori bilan tasdiqlangan Oʻzbekiston Respublikasi oliy taʼlim muassasalarining bakalavriatiga oʻqishga qabul qilish uchun kirish test sinovlarini oʻtkazish tartibi toʻgʻrisidagi nizomda belgilangan tartibda amalga oshiriladi;
respublikadagi oliy taʼlim tashkilotlarining buyurtmalariga koʻra TDYU magistraturasida bazaviy oliy yuridik maʼlumotga ega boʻlgan kadrlarni maqsadli tayyorlash uchun kirish sinovlarisiz magistraturaga qabul parametrlaridan tashqari toʻlov-kontrakt asosida qabul qilish, shuningdek, ushbu tashkilotlarga ularning budjetdan tashqari mablagʻlari hisobidan kontrakt toʻlovlarini amalga oshirish huquqini berish. Bunda, ushbu kadrlarga oʻqishini tamomlaganidan soʻng buyurtma bergan oliy taʼlim tashkilotlarida shartnoma asosida uch yil davomida toʻliq stavkada uzluksiz ishlab berish majburiyati yuklanadi.
5. Oʻzbekiston Respublikasi Adliya vazirligi:
a) ikki oy muddatda:
akademik litsey va yuridik texnikumlarda mazkur qaror bilan joriy etilayotgan lavozimlarning razryadlari (bazaviy tarif stavkalari, maoshlari) hamda koeffitsiyentlari miqdorlari belgilanishini taʼminlasin;
Davlat test markazi bilan birgalikda akademik litseyga qabul qilish uchun test sinovlarini oʻtkazish tartibini ishlab chiqsin va tasdiqlasin;
b) bir oy muddatda manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni mazkur qarorga muvofiqlashtirsin.
6. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.
7. Oʻzbekiston Respublikasi Hukumatining 4-ilovaga muvofiq baʼzi qarorlari oʻz kuchini yoʻqotgan deb hisoblansin.
8. Mazkur qarorning bajarilishini nazorat qilish Oʻzbekiston Respublikasi adliya vaziri R.K. Davletov zimmasiga yuklansin.
Vazirlar Mahkamasining 2021-yil 22-noyabrdagi 705-son qaroriga 2-ILOVA
Oʻzbekiston Respublikasi Adliya vazirligi yuridik texnikumlari bitiruvchilarini “yurisprudensiya” mutaxassisligi boʻyicha yuridik kadrlarni tayyorlashni amalga oshiruvchi oliy taʼlim tashkilotlari bakalavriatiga oʻqishga qabul qilish tartibi toʻgʻrisida
1-bob. Umumiy qoidalar
1. Mazkur Nizom hududiy adliya organlari tomonidan Oʻzbekiston Respublikasi Adliya vazirligi yuridik texnikumlari (keyingi oʻrinlarda — yuridik texnikumlar) bitiruvchilariga yoʻllanmalar berish, abituriyentlarni “yurisprudensiya” mutaxassisligi boʻyicha yuridik kadrlarni tayyorlashni amalga oshiruvchi davlat oliy taʼlim tashkilotlari (keyingi oʻrinlarda — oliy taʼlim tashkilotlari) bakalavriatiga test sinovlarisiz yakka tartibda suhbat oʻtkazish orqali bakalavrlarni tayyorlashning maxsus uch yillik dasturi boʻyicha oʻqishga qabul qilish hamda oʻqish tugagandan soʻng oliy taʼlim tashkilotlari bakalavriati bitiruvchilarining taqsimotga muvofiq uzluksiz ishlab berishini amalga oshirish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
abituriyent — oliy taʼlim tashkilotlari bakalavriatiga test sinovlarisiz yakka tartibda suhbat oʻtkazish orqali bakalavrlarni tayyorlashning maxsus uch yillik dasturi asosida hududiy adliya organi yoʻllanmasi boʻyicha kirayotgan yuridik texnikum bitiruvchisi;
masʼul vazirliklar va idoralar — boʻysinuvida oliy taʼlim tashkilotlari boʻlgan tegishli vazirliklar va idoralar;
maxsus komissiya — har yili hududiy adliya organi boshligʻining buyrugʻi bilan tashkil etiladigan yuridik texnikumlar bitiruvchilariga yoʻllanmalar berish masalasini koʻrib chiquvchi komissiya;
oliy taʼlim tashkilotlari qabul komissiyasi — har yili oliy taʼlim tashkilotlari rektorlari buyrugʻi bilan tashkil etiladigan oliy taʼlim tashkilotlari bakalavriatiga qabulni tashkil etishni, shu jumladan, abituriyentlar hujjatlarini qabul qilish va ularga maslahat xizmatlari koʻrsatishni amalga oshiruvchi komissiya;
suhbat komissiyasi — oliy taʼlim tashkilotlari bakalavriatiga qabul qilish uchun abituriyentlar bilan yakka tartibda suhbat oʻtkazish maqsadida oliy taʼlim tashkilotlari taqdimotiga asosan masʼul vazirliklar va idoralar rahbarining buyrugʻi bilan tashkil etiladigan komissiya;
taqsimot komissiyasi — bitiruvchilarning uzluksiz ishlashini taʼminlash, shuningdek, uzluksiz ishlash jarayonini muvofiqlashtirish va nazorat qilish maqsadida tegishli vazirliklar va idoralar rahbarlarining buyrugʻi bilan ularning masʼul xodimlari, hududiy adliya organlari va oliy taʼlim tashkilotlari rahbar xodimlaridan iborat tarkibda tashkil etiladigan komissiya;
Oʻzbekiston Respublikasi Adliya vazirligi yuridik texnikumlari bitiruvchilariga hududiy adliya organlari tomonidan berilgan yoʻllanmalarning yagona reyestri (Yoʻllanmalar yagona reyestri) — hududiy adliya organlari tomonidan berilgan yoʻllanmalar haqidagi maʼlumotlarni avtomatlashtirilgan tarzda yigʻish (kiritish), qayta ishlash, yangilash, saqlash va tahlil qilishga moʻljallangan axborot tizimi;
hududiy adliya organlari — Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari.
3. Oliy taʼlim tashkilotlari bakalavriatiga abituriyentlarni oʻqishga qabul qilishni tashkil etish mazkur Nizomga 1-ilovada keltirilgan sxemaga muvofiq amalga oshiriladi.
4. Yuridik texnikumlardagi taʼlim shaklidan qatʼi nazar, oliy taʼlim tashkilotlari bakalavriatining kunduzgi, sirtqi va kechki (smenali) taʼlim shakllariga abituriyentlarni qabul qilish qabul parametrlaridan tashqari toʻlov-kontrakt asosida amalga oshiriladi. Bunda, har bir oliy taʼlim tashkiloti boʻyicha oʻrinlar soni ushbu Nizomga 2-ilovaga muvofiq yuridik texnikumlar bitiruvchilariga beriladigan yoʻllanmalar taqsimotiga mos ravishda belgilanadi.
5. Oliy taʼlim tashkilotlari bakalavriatiga oʻqishga qabul qilish belgilangan tartibda oʻtkaziladigan yakka tartibdagi suhbat natijalariga koʻra oliy taʼlim tashkilotlari rektorining buyrugʻi asosida amalga oshiriladi.
6. Yakka tartibdagi suhbatda quyidagilar aniqlanadi:
mamlakatda amalga oshirilayotgan keng qamrovli islohotlarning mohiyati va ahamiyatini tushunish (davlat va jamiyat qurilishi, qonun ustuvorligini taʼminlash, iqtisodiyotni rivojlantirish va liberallashtirish, shuningdek, ijtimoiy soha va boshqa sohalardagi islohotlar haqida tasavvur va fikrlash qobiliyatining mavjudligi);
ixtisoslikni tanlashda motivatsiya (huquqshunos kasbining mohiyati va ijtimoiy ahamiyatini tushunish, unga doimiy qiziqish bildirish);
shaxsiy-kasbiy xususiyatlar (oʻqishga qobiliyat, kasbiy vazifalarni hal qilishda amaliy faoliyat, intizomlilik, hamjihatlik, masʼuliyatlilik, qaror qabul qilishda mustaqillik darajasi, shuningdek, oʻz ustida ishlash va ijodkorlik qobiliyatlari);
yurisprudensiya sohasidagi bilim va kasbiy koʻnikmalarning mavjudligi (professional taʼlimi darajasida yurisprudensiya sohasida oʻz fikrini bayon qilish va tahlil qilish koʻnikmalarining mavjudligi).
2-bob. Hududiy adliya organlari tomonidan yuridik texnikumlar bitiruvchilariga yoʻllanmalar berish
7. Maxsus komissiya har yili, qoida tariqasida, tegishli oʻquv yilining 10-iyunidan kechikmay 7 nafar kishidan iborat tarkibda tuziladi. Maxsus komissiya tarkibiga adliya organlari va muassasalari xodimlari kiritiladi.
Maxsus komissiya tarkibiga kelishuv asosida boshqa tashkilotlar vakillari ham kiritilishi mumkin.
Yoʻllanma olish uchun koʻzi ojiz abituriyent murojaat etganida, maxsus komissiya tarkibiga Oʻzbekiston koʻzi ojizlar jamiyati vakili kiritiladi.
Maxsus komissiya oʻz faoliyatini kollegiallik, oshkoralik, xolislik va betaraflik prinsiplari asosida amalga oshiradi.
Hududiy adliya organlari boshliqlari lavozimi boʻyicha maxsus komissiyaning raisi hisoblanadi.
Maxsus komissiyaga komissiyaning boshqa aʼzolari faoliyatini oʻzaro umumiy muvofiqlashtiruvchi rais boshchilik qiladi. Maxsus komissiya faoliyatini tashkiliy taʼminlash uning kotibiga yuklanadi.
8. Yuridik texnikumlar bitiruvchilari har yili 20-iyundan kechikmay maxsus komissiyaga yoʻllanma berishni soʻrab onlayn platforma orqali ariza bilan murojaat qiladi.
Bunda, mazkur Nizomga 2-ilovada koʻrsatilgan barcha oliy taʼlim tashkilotlarida oʻqish uchun yoʻllanma soʻrab murojaat qilish mumkin. Yuridik texnikumlar bitiruvchilari onlayn platformada oʻzlari uchun ustuvor hisoblangan oliy taʼlim tashkilotlarini ketma-ketlikda tanlaydi.
Maxsus komissiya faqat komissiya tashkil etilgan tegishli oʻquv yili bitiruvchilarining arizalarini koʻrib chiqadi.
9. Arizaga mazkur Nizomning 15-bandida koʻrsatilgan yoʻllanma olish uchun minimal talablarni tasdiqlovchi hujjatlar ilova qilinadi.
Arizaga ilova qilinadigan hujjatlar maxsus onlayn platformaga har bir oʻquvchi va texnikumning masʼul xodimlari tomonidan butun oʻqish davrida yuklab boriladi hamda oʻquvchining portfoliosi shakllantiriladi. Onlayn platformada mavjud boʻlmagan hujjatlarni arizaga ilova qilish man etiladi.
Onlayn platformani yuritish reglamenti Adliya vazirligi tomonidan tasdiqlanadi.
10. Maxsus komissiya har yili 20-iyundan 30-iyunga qadar yuridik texnikumlar bitiruvchilarining arizalarini koʻrib chiqadi.
Arizalar Maxsus komissiya majlislarida koʻrib chiqiladi.
11. Maxsus komissiyaning majlislar oʻtkazish jadvali hududiy adliya organlari boshliqlari buyrugʻi bilan tasdiqlanadi. Majlisga taklif etilgan yuridik texnikumlar bitiruvchilari roʻyxati buyruqqa ilova qilinadi.
12. Majlislar oʻtkazish jadvali yuridik texnikumning rasmiy veb-saytida, qoida tariqasida, majlis boshlanishiga kamida bir hafta qolganda eʼlon qilinadi.
13. Maxsus komissiya majlisi, qoida tariqasida, yuridik texnikum binolarida oʻtkaziladi. Maxsus komissiya majlisi komissiya aʼzolarining barchasi ishtirok etgan boʻlsa, vakolatli hisoblanadi.
14. Maxsus komissiya majlisida yuridik texnikum bitiruvchisi yuksak huquqiy ongi va huquqiy madaniyatini, shuningdek, maʼnaviy-axloqiy fazilatlarini aniqlash uchun tanlovdan oʻtadi. Bunda, komissiya taqdim etilgan hujjatlar boʻyicha qoʻshimcha savollar berishi mumkin. Tanlovni oʻtkazish tartibi hamda baholash mezonlari Adliya vazirligi tomonidan tasdiqlanadi.
Tanlov jarayoni real vaqt rejimida (onlayn) kuzatib borilishini taʼminlaydigan xonada oʻtkaziladi.
15. Yoʻllanma berish masalasi koʻrib chiqilayotganda, maxsus komissiya quyidagi asosiy minimal talablarni hisobga oladi:
a) oʻquvchi kunduzgi taʼlim shaklida oʻqiganda:
yuridik texnikum bitiruvchisining har bir fan boʻyicha oʻzlashtirish koʻrsatkichi reyting natijalari boʻyicha 71 va undan ortiq foizni tashkil qilishi kerak;
bitiruvchining chet tilini B2 va undan yuqori darajada bilishini tasdiqlovchi amaldagi davlat malaka sertifikatiga yoki xalqaro sertifikatga ega ekanligi;
yuridik texnikum bitiruvchisining maʼnaviy-maʼrifiy va jamoat ishlari, loyihalar va tanlovlarda faol ishtirok etishi, shaxsiy yutuqlar mavjudligi (tegishli tashkilotning birinchi rahbari, birinchi navbatda yuridik texnikum direktori tomonidan tasdiqlangan hujjatlar asosida);
yuridik texnikum bitiruvchisining yuridik texnikumda oʻrnatilgan ichki tartib-qoidalarga, odob-axloq qoidalariga rioya etishi va namunali xulq-atvorga egaligi;
b) oʻquvchi sirtqi yoki masofaviy taʼlim shakllarida oʻqiganda:
yuridik texnikum bitiruvchisining umumiy oʻzlashtirish koʻrsatkichi reyting natijalari boʻyicha 85 va undan ortiq foizni tashkil qilishi kerak;
bitiruvchining chet tilini B2 va undan yuqori darajada bilishini tasdiqlovchi amaldagi davlat malaka sertifikatiga yoki xalqaro sertifikatga ega ekanligi;
yuridik texnikum bitiruvchisining yuridik texnikumda oʻrnatilgan ichki tartib-qoidalarga, odob-axloq qoidalariga rioya etishi va namunali xulq-atvorga egaligi.
Mazkur bandda koʻrsatilgan asosiy minimal talablarga tegishli masalalarni koʻrib chiqishda bitiruvchining yuridik texnikumdagi butun oʻqish davri hisobga olinadi.
Ushbu asosiy minimal talablarga javob bermagan bitiruvchilar tanlovda ishtirok etmaydi.
16. Tanlovda ishtirok etgan bitiruvchilar jami 150 ball bilan quyidagicha baholanadi:
taqdim etilgan hujjatlar uchun — 100 ballgacha;
huquqiy ongi va huquqiy madaniyatini, shuningdek, maʼnaviy-axloqiy fazilatlarini aniqlash uchun — 50 ballgacha.
17. Tanlov natijasi boʻyicha eng yuqori koʻrsatkichlarga ega yuridik texnikum bitiruvchisi oʻzi birinchi tanlagan oliy taʼlim tashkilotiga yoʻllanma olishga daʼvogar boʻladi.
Qolgan bitiruvchilar mazkur Nizomga 2-ilovada belgilangan oliy taʼlim tashkilotlari boʻyicha maxsus elektron dastur orqali oʻzi tanlagan oliy taʼlim tashkilotlaridan biriga ustuvorligi boʻyicha ballar ketma-ketligida taqsimlanadi.
18. Maxsus komissiyaning yuridik texnikum bitiruvchisiga yoʻllanma berish yoki yoʻllanma berishni rad etish haqidagi qarori majlisda ishtirok etgan komissiya aʼzolarining koʻpchilik ovozi bilan qabul qilinadi hamda ularning har bir nomzod boʻyicha xulosasi komissiya majlisi bayonnomasida aks ettiriladi.
Maxsus komissiya majlisi bayonnomasi majlisda ishtirok etgan barcha aʼzolar tomonidan imzolanib, rais tomonidan tasdiqlanadi.
19. Maxsus komissiyaning qarori asosida yoʻllanma oladigan yuridik texnikum bitiruvchilari roʻyxatini koʻrsatgan holda hududiy adliya organi boshligʻi buyrugʻi rasmiylashtiriladi.
Bunda, yuridik texnikum bitiruvchisiga yoʻllanma berish haqida qabul qilingan qaror xolisligi uchun shaxsiy javobgarlik hududiy adliya organi boshligʻi zimmasiga yuklanadi.
20. Yuridik texnikumlarning bitiruvchilariga beriladigan yoʻllanmalar “yurisprudensiya” mutaxassisligida yuridik kadrlarni tayyorlovchi oliy taʼlim tashkilotlari boʻyicha mazkur Nizomga 2-ilovaga muvofiq taqsimlanadi.
21. Yoʻllanma berish haqidagi buyruqlar bir kun ichida feldyegerlik xizmati orqali Yoʻllanmalar yagona reyestriga tegishli maʼlumotlarni kiritish uchun Adliya vazirligiga yuboriladi.
Adliya vazirligi Yoʻllanmalar yagona reyestrini yuritishga masʼul hisoblanadi.
3-bob. Yoʻllanma berilgan bitiruvchilar hujjatlarini oliy taʼlim tashkilotlariga qabul qilish
22. Abituriyentlarni qabul qilish parametrlari haqidagi maʼlumot, oliy taʼlim tashkilotlari rasmiy veb-saytiga qabul parametrlariga oid hujjat qabul qilinganidan keyin besh kundan kechikmasdan joylashtiriladi.
23. Abituriyentlarning oʻqishga qabul qilish haqidagi arizalari oliy taʼlim tashkilotlari qabul komissiyasi tomonidan 5 — 25-iyul kunlari qabul qilinadi.
24. Oliy taʼlim tashkilotlari bakalavriatiga qabul qilish uchun hujjatlar Internet jahon axborot tarmogʻi orqali taqdim etiladi.
Abituriyentlar real vaqt rejimida oliy taʼlim tashkiloti rektori nomiga oʻqishga qabul qilish haqidagi arizani mazkur Nizomga 3-ilovaga muvofiq elektron shaklda toʻldiradi.
25. Qabul qilish toʻgʻrisidagi elektron arizaga diplom va uning ilovasi elektron shaklda ilova qilinadi.
Arizaga ilova qilinayotgan har bir hujjat haqiqiyligi saqlanishini taʼminlovchi (har bir duymga 200 nuqtadan kam boʻlmagan) alohida fayl koʻrinishida boʻlishi kerak. Har bir fayl oʻlchami 10 Mbdan oshmasligi lozim.
Arizani hujjatlar “PDF” (portable document format) formatida skaner qilingan nusxalari koʻrinishida ilova qilingan holda joʻnatishga yoʻl qoʻyiladi.
26. Agar barcha zarur hujjatlar mazkur Nizomning 23 — 25-bandlarida nazarda tutilgan talablarga muvofiq taqdim etilgan va Yoʻllanmalar yagona reyestrida yoʻllanma mavjud boʻlgan taqdirda, 72 soat ichida hujjatlarni qabul qilish boʻyicha tegishli dasturiy taʼminot tomonidan avtomatik ravishda noyob raqam berish orqali ariza roʻyxatga olinadi hamda abituriyentga belgilangan muddatda hujjatlarning asl nusxalarini taqdim etish haqida arizada koʻrsatilgan elektron pochta manzili yoki telefon raqami boʻyicha tegishli xabarnoma (sms xabarnoma) yuboriladi.
Hujjatlar qabul qilingan vaqt ariza uchun noyob raqam olingan vaqt hisoblanadi.
27. Oliy taʼlim tashkilotlariga oʻqishga qabul qilish boʻyicha abituriyentlardan elektron shaklda hujjatlarni qabul qilish boʻyicha tegishli dasturiy taʼminotlarning Yoʻllanmalar yagona reyestri bilan integratsiya qilingan holda ishlashini taʼminlash oliy taʼlim tashkilotlari buyurtmasiga muvofiq Adliya vazirligi tomonidan amalga oshiriladi.
28. Agar taqdim etilgan hujjatlar mazkur Nizomning 23 — 25-bandlarida nazarda tutilgan talablarga muvofiq boʻlmagan va Yoʻllanmalar yagona reyestrida yoʻllanma mavjud boʻlmagan taqdirda, 72 soat ichida arizada koʻrsatilgan elektron pochta manzil yoki telefon raqami boʻyicha abituriyentga tegishli xabarnoma (sms-xabarnoma) yuboriladi. Bunda, abituriyentga koʻrsatib oʻtilgan kamchiliklarni tuzatish va hujjatlarni qabul qilishning belgilangan muddati tugagunga qadar ularni takroran taqdim etish imkoniyati beriladi.
Hujjatlar qabul qilishning belgilangan muddatlari tugagandan soʻng hujjatlarga qoʻshimchalar va oʻzgartirishlar kiritish qatʼiyan man qilinadi.
29. Roʻyxatga olingan qabul qilish toʻgʻrisidagi arizalar soni har kuni oliy taʼlim tashkilotlari rasmiy veb-saytida joylashtiriladi.
4-bob. Yakka tartibdagi suhbatni oʻtkazish
30. Yakka tartibdagi suhbat 10 — 25-avgust kunlari 7 nafar kishidan iborat tarkibda tuziladigan suhbat komissiyasi tomonidan oʻtkaziladi.
Xolisona sabablarga koʻra ushbu muddatlarda suhbat oʻtkazish imkoniyati boʻlmasa, oliy taʼlim tashkilotlari yakka tartibdagi suhbat oʻtkazish muddatini oʻzgartirishi mumkin. Bunda, abituriyentlar belgilangan muddatdan kamida bir hafta oldin yakka tartibdagi suhbat va uni oʻtkazish jadvali haqida xabardor qilinadi.
Yakka tartibdagi suhbat jarayoni Internet jahon axborot tarmogʻi orqali onlayn translyatsiya qilinadi.
31. Suhbat komissiyasi tarkibiga masʼul vazirliklar va idoralar hamda oliy taʼlim tashkilotlari xodimlari kiritiladi.
Suhbat komissiyasi tarkibiga kelishuv asosida boshqa tashkilotlar vakillari ham kiritilishi mumkin.
Yakka tartibdagi suhbatda koʻzi ojiz abituriyent qatnashayotgan taqdirda, suhbat komissiyasi tarkibiga Oʻzbekiston koʻzi ojizlar jamiyati vakili kiritiladi.
Maxsus komissiya tarkibiga kiritilgan shaxslarning suhbat komissiyasi tarkibiga kiritilishiga yoʻl qoʻyilmaydi.
Suhbat komissiyasi oʻz faoliyatini kollegiallik, oshkoralik, xolislik va betaraflik prinsiplari asosida amalga oshiradi.
Suhbat komissiyasiga komissiyaning boshqa aʼzolari faoliyatini oʻzaro umumiy muvofiqlashtiruvchi rais boshchilik qiladi. Suhbat komissiyasi faoliyatini tashkiliy taʼminlash uning kotibi zimmasiga yuklanadi.
32. Yakka tartibdagi suhbat oʻtkazilishiga qadar maslahatlar tashkil etiladi, maslahatlar jadvali oliy taʼlim tashkilotlari qabul komissiyasi raisi tomonidan tasdiqlanadi.
33. Yakka tartibdagi suhbatni oʻtkazish uchun bino va auditoriyalarni tayyorlashni tashkil etish uchun javobgarlik oliy taʼlim tashkilotlari qabul komissiyasi masʼul kotibi zimmasiga yuklanadi.
34. Yakka tartibdagi suhbat oʻtkazish jadvali oliy taʼlim tashkilotlari rasmiy veb-saytida, qoida tariqasida, suhbat boshlanishidan besh kun oldin joylashtiriladi.
35. Yakka tartibdagi suhbat oliy taʼlim tashkilotlaridagi taʼlim tillarida oʻtkaziladi. Yakka tartibdagi suhbat tili abituriyentning oʻzi tomonidan aniqlanib, uning oʻqishga qabul qilish haqidagi arizasida koʻrsatiladi.
36. Abituriyentlar yakka tartibdagi suhbatdan oʻtishlari uchun navbat bilan kiritiladi. Yakka tartibdagi suhbatdan oldin abituriyent pasport yoki uning oʻrnini bosuvchi hujjatni koʻrsatishi shart.
37. Abituriyentning yakka tartibdagi suhbatga uyali telefon va boshqa aloqa va telekommunikatsiya vositalari, lugʻat, kitob va shpargalkalar olib kirishi va foydalanishi qatʼiyan taqiqlanadi.
38. Yakka tartibdagi suhbatni oʻtkazish davomida suhbat komissiyasi tomonidan abituriyentga mazkur Nizomning 6-bandida koʻrsatilgan mezonlardan kelib chiqqan holda savollar beriladi.
Tasdiqlangan savollar roʻyxati oliy taʼlim tashkilotlarining rasmiy veb-saytiga yakka tartibdagi suhbat boshlanishidan kamida bir oy oldin joylashtiriladi.
Yakka tartibdagi suhbatni oʻtkazish davomida abituriyentga qoʻshimcha savollar berilishi mumkin. Bitta abituriyent bilan yakka tartibdagi suhbat 30 daqiqagacha davom etadi.
Mazkur Nizomning 6-bandida nazarda tutilgan yoʻnalishlar boʻyicha savollar abituriyent tomonidan axborot texnologiyalaridan foydalangan holda maxsus elektron dastur orqali tasodifiy ravishda tanlanadi.
Abituriyent tomonidan tasodifiy ravishda tanlangan savollar komissiya masʼul kotibi tomonidan suhbat oʻtkazilayotgan xonadagi printerda chop etiladi va abituriyentga taqdim qilinadi.
Yakka tartibdagi suhbat natijalari 100 ballik tizimda ballar qoʻyish yoʻli bilan baholanadi. Mazkur Nizomning 6-bandida koʻrsatilgan har bir mezon boʻyicha maksimal ball 25 ballni tashkil etadi.
39. Yakka tartibdagi suhbat natijalarini aniqlash uchun suhbat komissiyasining har bir aʼzosi boshqa aʼzolardan mustaqil holda mazkur Nizomga 4-ilovaga muvofiq shakldagi baholash varaqasini toʻldiradi va uni suhbat komissiyasi kotibiga taqdim etadi. Suhbat komissiyasi kotibi abituriyentga suhbat komissiyasi aʼzolari tomonidan qoʻyilgan oʻrtacha ballni hisoblab chiqadi.
Yakka tartibdagi suhbat natijalari reyting tizimi boʻyicha, abituriyentga qoʻyilgan ballar (0 dan 100 gacha oraliqda) asosida aniqlanadi.
Suhbat komissiyasi bayonnomasida abituriyentlar roʻyxati belgilangan parametrlarga muvofiq kamayib borish tartibida, eng yuqori ball olgan abituriyentdan boshlab joylashtiriladi.
40. Yakka tartibdagi suhbat jarayoni va natijalari suhbat komissiyasining barcha aʼzolari tomonidan imzolanadigan va rais tomonidan tasdiqlanadigan bayonnomada qayd etiladi.
Yakka tartibdagi suhbat jarayoni va natijalarini qayd etishda video va audioyozuvlardan foydalaniladi.
41. Suhbat natijalari oliy taʼlim tashkilotlari rasmiy veb-saytida suhbat oʻtkazilgandan soʻng keyingi ish kunida eʼlon qilinadi.
42. Abituriyentlarni qabul qilish quyidagi hollarda amalga oshirilmaydi:
jadval boʻyicha yakka tartibdagi suhbatga kelmaganda (0 ball qoʻyiladi);
yakka tartibdagi suhbatda belgilangan maksimal ballning 70 foizi va undan kam ball toʻplanganda.
43. Oliy taʼlim tashkilotlari bakalavriatiga abituriyentlarni qabul qilish uchun yakka tartibdagi suhbatni qayta oʻtkazishga yoʻl qoʻyilmaydi.
44. Yakka tartibdagi suhbat natijalari yuzasidan masʼul vazirliklar va idoralar rahbarlarining buyrugʻi bilan abituriyentlarning shikoyatlarini koʻrib chiqish uchun Apellyatsiya komissiyasi tashkil etiladi.
Apellyatsiya komissiyasi tarkibiga tegishli fanlar boʻyicha ekspertlar, shikoyat koʻzi ojiz abituriyent tomonidan berilganda esa Oʻzbekiston koʻzi ojizlar jamiyati vakili ham kiritiladi.
Maxsus komissiya va suhbat komissiyasi tarkibiga kiritilgan shaxslarning Apellyatsiya komissiyasi tarkibiga kiritilishiga yoʻl qoʻyilmaydi.
Apellyatsiya komissiyasi uning aʼzolarining uchdan ikki qismi qatnashganda vakolatli hisoblanadi. Apellyatsiya komissiyasi faoliyatiga umumiy rahbarlikni uning raisi amalga oshiradi, komissiya bayonnomalari kotib tomonidan rasmiylashtiriladi.
45. Yakka tartibdagi suhbat natijalaridan norozi boʻlgan abituriyent Apellyatsiya komissiyasiga suhbat natijasi eʼlon qilingan kundan boshlab uch ish kuni ichida yozma tartibda apellyatsiya berish huquqiga ega.
46. Apellyatsiya komissiyasi taqdim etilgan apellyatsiyani u tushgan kundan boshlab ikki ish kuni ichida koʻrib chiqadi. Apellyatsiya koʻrib chiqiladigan kun haqida abituriyentga xabar beriladi.
47. Apellyatsiya komissiyasi tomonidan apellyatsiya faqat abituriyent ishtirokida, suhbat jarayoni yozib olingan videotasvir asosida koʻrib chiqiladi.
48. Apellyatsiyani koʻrib chiqish natijalari boʻyicha Apellyatsiya komissiyasi:
eʼtiroz asossiz boʻlsa, apellyatsiyani qanoatlantirishni rad etadi va suhbat natijalarini oʻzgarishsiz qoldiradi;
eʼtiroz asosli boʻlsa, apellyatsiyani qanoatlantiradi va suhbat natijalariga oʻzgartirish kiritadi.
49. Yakka tartibdagi suhbatdan muvaffaqiyatli oʻtgan abituriyentlar qabul komissiyasiga yakka tartibdagi suhbat oʻtkazilgan vaqtdan boshlab uch kun mobaynida hujjatlarning aslini taqdim etadi.
Hujjatlarda, shu jumladan, elektron shaklda taqdim etilgan hujjatlarda soxtalashtirish va qalbakilashtirish aniqlangan taqdirda, abituriyent yakka tartibdagi suhbatdan chetlashtiriladi (oliy taʼlim tashkilotlari talabalar safidan chetlashtiriladi), hujjatlari esa belgilangan tartibda huquqni muhofaza etuvchi organlarga yuboriladi.
50. Suhbat natijalari 30-avgustga qadar abituriyentlarni bakalavriatga qabul qilish uchun oliy taʼlim tashkilotlariga yuboriladi.
5-bob. Oliy taʼlim tashkilotlariga qabul qilishni rasmiylashtirish, oʻqish uchun toʻlovni amalga oshirish
51. Oliy taʼlim tashkiloti bakalavriatiga qabul qilish toʻgʻrisidagi rektor buyrugʻi, qoida tariqasida, 5-sentabrdan kechiktirmasdan qabul qilinadi.
52. Belgilangan namunadagi shartnoma blankalari oliy taʼlim tashkiloti rektori buyrugʻi qabul qilingan kundan boshlab beriladi, oliy taʼlim tashkiloti rektori va bosh buxgalteri imzosi bilan yuridik shaxslar uchun 3 nusxada va jismoniy shaxslar uchun 2 nusxada rasmiylashtiriladi hamda oʻqishga qabul qilingan abituriyentga darslarga qatnashishga ruxsat etiladi.
Oʻqishga qabul qilingan abituriyentlar uchun toʻlovlar har yili shartnoma shartlarida koʻrsatilgan muddatlarda amalga oshiriladi.
53. Oliy taʼlim tashkilotlari bakalavriatiga hududiy adliya organlarining yoʻllanmalariga koʻra oʻqishga qabul qilingan talabalar maxsus uch yillik dastur boʻyicha taʼlim oladilar. Bunda, ular oʻqishni 2-kursdan davom ettiradilar.
6-bob. Taqsimotga muvofiq oliy taʼlim tashkilotlari bitiruvchilarining uzluksiz ishlab berishini tashkil etish
1-§. Bitiruvchilarni uzluksiz ishlab berish uchun taqsimlash
54. Oliy taʼlim tashkilotlari bakalavriati bitiruvchilarini (keyingi oʻrinlarda — bitiruvchi) uzluksiz ishlab berish uchun taqsimlash har yili taqsimot komissiyalari tomonidan davlat boshqaruvi organlari, xoʻjalik birlashmalari, huquqni muhofaza qiluvchi organlar, sudlar va boshqa tashkilotlar tomonidan taqdim etilgan arizalarga asosan amalga oshiriladi.
55. Taqsimlash jarayonida taqsimot komissiyalari bitiruvchining reyting natijalarini, oilaviy holatini va taklif etilgan ish oʻrnida ishlash xohishini hisobga oladi. Eng yuqori reyting natijasiga ega boʻlgan bitiruvchilar oʻz tanlovi boʻyicha mavjud ish oʻrinlariga ishga joylashishda birinchi navbatda talabgor boʻladi.
Taqsimot komissiyalari tomonidan bitiruvchilarni oliy taʼlim tashkilotlarida oʻqish uchun yoʻllanma berilgan hududdagi tegishli tashkilotlardagi boʻsh ish oʻrinlariga uzluksiz ishlab berish uchun taqsimlash amalga oshiriladi.
56. Taqsimot komissiyalari faoliyatini tashkil etish tartibi masʼul vazirliklar va idoralar tomonidan belgilanadi.
57. Bitiruvchi magistraturaga oʻqishga kirganda uch yil davomida uzluksiz ishlab berish majburiyati mazkur Nizomga muvofiq magistraturani tamomlagandan soʻng boshlanadi.
58. Bitiruvchilarni ishga taqsimlash, qoida tariqasida, bitiruvchi oʻqishni tamomlagandan soʻng, bir oydan kechiktirmay amalga oshiriladi.
59. Taqsimot komissiyalari qarorlari komissiya majlislarida qabul qilinadi va bayonnoma shaklida rasmiylashtiriladi hamda qaror qabul qilingan kundan boshlab besh ish kunidan kechikmay feldyegerlik xizmati orqali Ishga joylashish uchun yoʻllanmalar yagona reyestriga tegishli maʼlumotlarni kiritish uchun hududiy adliya organlariga yuboriladi.
60. Ishga joylashish uchun yoʻllanmalar yagona reyestriga tegishli maʼlumotlar kiritilganidan keyin hududiy adliya organi, tegishli tashkilot — ish beruvchi, oliy taʼlim tashkilotlari va bitiruvchi oʻrtasida uzluksiz ishlab berishning aniq shartlarini hamda bitiruvchining majburiyatlarini aniq belgilab beruvchi toʻrt tomonlama shartnoma 4 nusxada tuziladi.
Shartnoma namunasi belgilangan tartibda masʼul vazirliklar va idoralar tomonidan tasdiqlanadi.
61. Oliy taʼlim tashkilotlari taqsimot komissiyasining bitiruvchini ishga taqsimlash haqidagi qarori qabul qilingandan soʻng uch kundan kechiktirmay ishga yuborilayotgan har bir bitiruvchiga oliy maʼlumot toʻgʻrisidagi diplomdan koʻchirma beradi.
2-§. Bitiruvchilarni ishga qabul qilish va ularning mehnat faoliyatini tashkil qilish
62. Bitiruvchilar ishga taqsimlanganidan keyin bir oydan oshmagan muddatda toʻrt tomonlama shartnomada koʻrsatilgan ish joyida hozir boʻlishlari va mehnat faoliyatini boshlashlari shart.
63. Ish beruvchi toʻrt tomonlama shartnomaga va ishga yoʻllanmaga muvofiq bitiruvchi bilan tegishli normativ-huquqiy hujjatlarda belgilangan tartibda mehnat shartnomasi tuzadi.
64. Ish beruvchi bitiruvchi ish joyida hozir boʻlib, mehnat faoliyatini boshlaganidan soʻng besh kun muddat ichida Ishga joylashish uchun yoʻllanmalar yagona reyestriga bu haqida tegishli maʼlumot kiritadi.
Oliy taʼlim tashkilotlari bitiruvchining ishga kelgani va joylashgani haqidagi maʼlumotlar Ishga joylashish uchun yoʻllanmalar yagona reyestriga kiritilganidan soʻng har bir bitiruvchi hisobini yuritib borishi shart.
65. Bitiruvchining uch yillik uzluksiz ishlab berish muddati quyidagilarni oʻz ichiga oladi:
yoʻllanma berilgan hududdagi turli tashkilotlarda va lavozimlarda ishlash muddati;
muddatli harbiy xizmat va safarbarlik chaqiruvi rezervidagi harbiy xizmatni oʻtash muddatlari.
Ijtimoiy mehnat taʼtili muddati uch yillik uzluksiz ishlab berish muddatiga kiritilmaydi.
66. Taqsimot boʻyicha uzluksiz ishlab berishga yuborilgan bitiruvchi ishga joylashgandan soʻng ish beruvchi unga tegishli mehnat sharoitlarini yaratadi, zarur hollarda turar joy bilan taʼminlash choralarini koʻradi.
67. Bitiruvchining uch yillik uzluksiz ishlab berish muddati tugagandan soʻng ishni davom ettirish haqidagi masala mehnat sohasidagi qonunchilik hujjatlariga muvofiq ish beruvchi va xodim oʻrtasida oʻzaro kelishuvga asosan hal etiladi.
68. Bitiruvchi uzluksiz ishlab berish muddati davomida u taqsimot boʻyicha yuborilgan tashkilot tugatilsa, mehnat shartnomasi (kontrakt) ish beruvchining tashabbusi bilan bekor qilinsa, bitiruvchi hududiy adliya organini uch kun ichida xabardor qilishi shart. Hududiy adliya organining murojaati boʻyicha taqsimot komissiyasi tegishli hududdagi boshqa tashkilotlarda mavjud boʻsh ish oʻrinlariga ular taqdim etgan talabnomalar asosida bitiruvchini taqsimlashni amalga oshiradi.
69. Ushbu Nizomga muvofiq uzluksiz ishlab berish uchun taqsimlangan bitiruvchida uzluksiz ishlab berish joyini oʻzgartirish uchun asosli sabablar vujudga kelgan taqdirda (nikoh tuzish, doimiy yashash uchun respublikaning boshqa hududiga koʻchib ketish va boshqalar) bitiruvchi taqsimot komissiyasiga uzluksiz ishlab berish joyini oʻzgartirish uchun tegishli tasdiqlovchi hujjatlarni taqdim etgan holda murojaat qilishga haqli.
Taqsimot komissiyasi oʻn besh kun ichida bitiruvchining murojaatini va taqdim etilgan tasdiqlovchi hujjatlarni koʻrib chiqish natijalari boʻyicha bitiruvchiga majburiy ishlab berish uchun boshqa joyni ushbu Nizom talablariga muvofiq belgilab beradi.
70. Mazkur Nizomga muvofiq bitiruvchi mehnatga layoqatsizligi tufayli uzluksiz ishlab berolmagan holatlarda uning keyingi mehnat faoliyati toʻgʻrisidagi qaror taqsimot komissiyasi tomonidan belgilangan tartibda qabul qilinadi.
7-bob. Yakunlovchi qoidalar
71. Hududiy adliya organi tomonidan berilgan yoʻllanma ikki yil mobaynida amal qiladi.
72. Yoʻllanma olmagan yuridik texnikum bitiruvchilarining hujjatlari maxsus komissiya qarori chiqqandan soʻng bir yil davomida elektron dasturiy taʼminotda saqlanadi va undan soʻng belgilangan tartibda yoʻq qilinadi.
Oliy taʼlim tashkilotlari bakalavriatiga qabul qilingan abituriyentlarning yakka tartibdagi suhbat natijalaridan tegishli koʻchirmalar ularning shaxsiy yigʻmajildiga tikib qoʻyiladi, qabul qilinmagan abituriyentlarning yakka tartibdagi suhbat natijalari olti oy davomida saqlanadi va undan soʻng belgilangan tartibda yoʻq qilinadi.
73. Maxsus komissiya va suhbat komissiyasi aʼzolari mehnatiga haq toʻlash qonunchilik hujjatlarida oʻquv mashgʻulotlarini olib borganlik uchun belgilangan soatbay haq toʻlash shartlarida taʼlim muassasasining budjetdan tashqari toʻlov-kontrakt mablagʻlari hisobidan amalga oshiriladi.
74. Mazkur Nizomda belgilangan muddatlar xolisona sabablarga koʻra Adliya vazirligi tomonidan oʻzgartirilishi mumkin. Bunda tegishli shaxslar kamida oʻn kun oldin muddatlar oʻzgarganligi toʻgʻrisida xabardor qilinadi.
75. Oliy taʼlim tashkiloti bitiruvchiga diplomning asl nusxasini u uzluksiz ishlab berish muddatini tamomlaganidan soʻng bir hafta muddatda mehnat daftarchasidagi yozuv hamda bitiruvchi uzluksiz ishlab bergan tashkilotning yozma tasdigʻiga muvofiq hududiy adliya organlari tomonidan Ishga joylashish uchun yoʻllanmalar yagona reyestriga bu haqida kiritilgan tegishli maʼlumot asosida beradi.
76. Uzluksiz ishlab berish muddati davomida bitiruvchi bilan mehnat shartnomasi (kontrakt) bekor qilinsa, bir kun ichida ish beruvchi hududiy adliya organiga buyruq nusxasini ilova qilgan holda xabar qiladi.
77. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.
Oʻzbekiston Respublikasi Adliya vazirligi yuridik texnikumlari bitiruvchilarini “yurisprudensiya” mutaxassisligi boʻyicha yuridik kadrlarni tayyorlashni amalga oshiruvchi oliy taʼlim tashkilotlari bakalavriatiga oʻqishga qabul qilish tartibi toʻgʻrisidagi nizomga 1-ILOVA
Oʻzbekiston Respublikasi Adliya vazirligi yuridik texnikumlari bitiruvchilarini “yurisprudensiya” mutaxassisligi boʻyicha yuridik kadrlarni tayyorlashni amalga oshiruvchi oliy taʼlim tashkilotlari bakalavriatiga oʻqish qabul qilishni tashkil etish
Bosqichlar Tadbirlar Bajarish muddati Hududiy adliya organlari tomonidan yoʻllanmalar berish 1-bosqich Yoʻllanmalar berishni tashkil etish 1. Hududiy adliya organlari tomonidan yuridik texnikumlar bitiruvchilariga yoʻllanmalar berish masalasini koʻrib chiqish boʻyicha Maxsus komissiya tuzish. Har yili, 10-iyundan kechikmay 2. Yuridik texnikumlar bitiruvchilari tomonidan Maxsus komissiyaga yoʻllanma berishni soʻrab ariza bilan murojaat qilish. Har yili, 20-iyundan kechikmay 3. Maxsus komissiyaning majlislar oʻtkazish jadvalini tasdiqlash va yuridik texnikumlar rasmiy veb-saytiga joylashtirish. Majlis boshlanishiga kamida bir hafta qolganda 4. Maxsus komissiya tomonidan yuridik texnikum bitiruvchilarining arizalarini koʻrib chiqish va tanlov oʻtkazish. Har yili 20-iyundan 30-iyunga qadar 2-bosqich Yoʻllanmalar berish 1. Yoʻllanma berish toʻgʻrisidagi hududiy adliya organi boshligʻi buyrugʻini rasmiylashtirish. 30-iyundan kechikmay 2. Yoʻllanma berish haqidagi buyruqlarni feldyegerlik xizmati orqali Yoʻllanmalar yagona reyestriga tegishli maʼlumotlarni kiritish uchun Adliya vazirligiga yuborish. Buyruq chiqarilgandan soʻng bir kun ichida Abituriyentlarni oliy taʼlim tashkilotlari bakalavriatiga oʻqishga qabul qilish 3-bosqich Oliy taʼlim tashkilotlari qabul komissiyasiga hujjatlarni topshirish 1. Oliy taʼlim tashkilotlari rasmiy veb-saytiga abituriyentlarni qabul qilish parametrlari haqidagi maʼlumotlarni joylashtirish. Qabul parametrlariga oid hujjat qabul qilinganidan keyin besh kundan kechikmasdan 2. Real vaqt rejimida oʻqishga qabul qilish haqidagi arizani elektron shaklda toʻldirish. 3. Qabul qilish toʻgʻrisidagi elektron arizaga tegishli hujjatlarni elektron shaklda ilova qilish. 5-iyul — 25-iyul 4-bosqich Hujjatlarni tekshirish, arizalarni roʻyxatdan oʻtkazish va kamchiliklari haqida xabar berish 1. Arizalarni barcha zarur hujjatlar taqdim etilgan va Yoʻllanmalar yagona reyestrida yoʻllanma mavjud boʻlgan taqdirda, noyob raqam berish orqali roʻyxatga olish va elektron pochta manzili yoki telefon raqami boʻyicha abituriyentga tegishli xabarnoma (sms xabarnoma) yuborish. Ariza berilgandan soʻng 72 soat ichida 2. Agar taqdim etilgan hujjatlar belgilangan talablarga nomuvofiq boʻlsa va Yoʻllanmalar yagona reyestrida yoʻllanma mavjud boʻlmagan taqdirda, elektron pochta manzili yoki telefon raqami boʻyicha abituriyentga kamchiliklarni tuzatish va hujjatlarni qabul qilishning belgilangan muddati tugagunga qadar ularni takroran taqdim etish haqida tegishli xabarnoma (sms-xabarnoma) yuborish. Ariza berilgandan soʻng 72 soat ichida 5-bosqich Yakka tartibdagi suhbatni tashkil etish va oʻtkazish 1. Yakka tartibdagi suhbat oʻtkazish jadvalini tasdiqlash va oliy taʼlim tashkilotlari veb-saytiga joylashtirish. Suhbat boshlanishidan besh kun oldin 2. Mamlakatda amalga oshirilayotgan keng qamrovli islohotlarning mohiyati va ahamiyatini tushunishni, ixtisoslikni tanlashda motivatsiya, shaxsiy-kasbiy xususiyatlari, yurisprudensiya sohasidagi bilim va kasbiy koʻnikmalarning mavjudligini aniqlash uchun komissiya tomonidan yakka tartibda suhbat oʻtkazish. 10-avgust — 25-avgust 6-bosqich Yakka tartibdagi suhbat natijalarini Davlat komissiyasiga yuborish 1. Yakka tartibdagi suhbat natijalarini reyting tizimi (0 dan 100 ballgacha) asosida aniqlash hamda komissiya raisi tomonidan tasdiqlanadigan majlis bayonnomasiga kiritish. 30-avgustga qadar 2. Yakka tartibdagi suhbat natijalarini abituriyentlarni bakalavriatga qabul qilish uchun oliy taʼlim tashkilotlariga yuborish. 7-bosqich Oliy taʼlim tashkiloti bakalavriatiga qabul qilish toʻgʻrisidagi rektor buyrugʻini qabul qilish 5-sentabrdan kechiktirmasdan 8-bosqich Yakka tartibdagi suhbatdan muvaffaqiyatli oʻtgan abituriyentlar tomonidan oliy taʼlim tashkiloti qabul komissiyasiga hujjatlarning asl nusxalarini taqdim etish Suhbat oʻtkazilgan vaqtdan boshlab uch kun mobaynida 9-bosqich Qabul qilishni rasmiylashtirish, oʻqish uchun toʻlovni amalga oshirish 1. Oʻqish uchun kontraktlar tuzish. 5-sentabrdan keyin 2. Oliy taʼlim tashkilotlari hisob raqamiga oʻqish uchun toʻlovlarni amalga oshirish. Shartnoma shartlarida belgilangan muddatda 3. Talabalikka tavsiya etilgan abituriyentlarga darslarga qatnashishga ruxsat berish toʻgʻrisidagi oliy taʼlim tashkilotlari rektorlari buyrugʻini rasmiylashtirish. 5-sentabr Oliy taʼlim tashkilotlari bitiruvchilarining taqsimotga muvofiq uzluksiz ishlab berishini amalga oshirish X bosqich Bitiruvchilarni uzluksiz ishlab berish uchun taqsimlash 1. Bitiruvchilarni uzluksiz ishlab berish uchun taqsimlashni masʼul vazirliklar va idoralar tomonidan tuziladigan taqsimot komissiyalari tomonidan amalga oshirish. Qoida tariqasida, bitiruvchi oʻqishni tamomlagandan soʻng, bir oydan kechiktirmay 2. Uzluksiz ishlab berishning aniq shartlarini hamda bitiruvchining majburiyatlarini aniq belgilab, hududiy adliya organi, tegishli tashkilot — ish beruvchi, oliy taʼlim tashkilotlari va bitiruvchi oʻrtasida 4 nusxada shartnoma tuzish. Taqsimot komissiyalari qarorlari qabul qilingandan soʻng 3. Oliy taʼlim tashkilotlari tomonidan har bir ishga yuborilayotgan bitiruvchiga oliy maʼlumot toʻgʻrisidagi diplomdan koʻchirma berish. Taqsimot komissiyasi qarori qabul qilingandan soʻng uch kundan kechiktirmay XI bosqich Bitiruvchilarni ishga qabul qilish va ularning mehnat faoliyati 1. Bitiruvchining toʻrt tomonlama shartnomada koʻrsatilgan ish joyiga kelishi va mehnat faoliyatini boshlashi. Taqsimotdan keyin bir oydan oshmagan muddatda 2. Ish beruvchi tomonidan bitiruvchi tomonidan taqdim etilgan bitiruvchining ishga kelgani va joylashgani haqidagi hujjatni toʻldirish va keyinchalik uni har bir bitiruvchi hisobini yuritib borish uchun oliy taʼlim tashkilotlariga taqdim etish. 3. Ish beruvchi tomonidan toʻrt tomonlama shartnomaga muvofiq va ishga yoʻllanma asosida bitiruvchi bilan qonunchilik hujjatlarida belgilangan tartibda mehnat shartnomasini tuzish. Bitiruvchi ishga kelganidan soʻng besh kun muddat ichida
Oʻzbekiston Respublikasi Adliya vazirligi yuridik texnikumlari bitiruvchilarini “yurisprudensiya” mutaxassisligi boʻyicha yuridik kadrlarni tayyorlashni amalga oshiruvchi oliy taʼlim tashkilotlari bakalavriatiga oʻqishga qabul qilish tartibi toʻgʻrisidagi nizomga 2-ILOVA
Oʻzbekiston Respublikasi Adliya vazirligi yuridik texnikumlarining bitiruvchilariga beriladigan yoʻllanmalarni “yurisprudensiya” mutaxassisligi boʻyicha yuridik kadrlarni tayyorlovchi oliy taʼlim tashkilotlari boʻyicha
T/r Oliy taʼlim tashkiloti nomi Yoʻllanmalar umumiy soni ** 1. Toshkent davlat yuridik universiteti *** 2. Jahon iqtisodiyoti va diplomatiya universiteti *** 3. Samarqand davlat universiteti 15 foiz 4. Namangan davlat universiteti 15 foiz 5. Termiz davlat universiteti 15 foiz 6. Qoraqalpoq davlat universiteti 10 foiz
Oʻzbekiston Respublikasi Adliya vazirligi yuridik texnikumlari bitiruvchilarini “yurisprudensiya” mutaxassisligi boʻyicha yuridik kadrlarni tayyorlashni amalga oshiruvchi oliy taʼlim tashkilotlari bakalavriatiga oʻqishga qabul qilish tartibi toʻgʻrisidagi nizomga 3-ILOVA
_____________________________________rektori (oliy taʼlim tashkiloti nomi) _________________________________________ga (F.I.O.) __________________________________________ _______________________________________dan (abituriyentning F.I.O (toʻliq yoziladi) ARIZA “Yurisprudensiya” mutaxassisligi boʻyicha yuridik kadrlarni tayyorlashni amalga oshiruvchi oliy taʼlim tashkiloti bakalavriatiga oʻqishga qabul qilish toʻgʻrisida Menga ___________________________________________________ yoʻnalishida taʼlim olish uchun suhbatdan (taʼlim yoʻnalishining nomi) (oʻzbek, rus) oʻtishimga ruxsat berishingizni soʻrayman. Maʼlumotim __________________________. _____________________________________________ (oʻrta maxsus) (taʼlim muassasasining nomi) _____________________________________________________________ni _________ yilda tamomlaganman. Taʼlim toʻgʻrisidagi hujjat (diplom): seriya _______________ № ______________________________________ Suhbatdan _________________tilida oʻtaman. (oʻzbek, rus) Tugʻilgan vaqtim va joyim: __________ __________ ________ yil, ______________________ (yil) (oy) (kun) (tugʻilgan joyi) ________________________________________________________________________________ Doimiy yashash manzilim: _____________________________________________________________ (mamlakat, viloyat, shahar, tuman, qishloq, koʻcha, uy raqami toʻliq) ___________________________________________________________________________________________ Biometrik pasport (identifikatsiya ID-kartasi) maʼlumoti: __________ ______________, ____________________________________________________________ (seriya) (nomer) (qachon va kim tomonidan berilgan) ___________________________________________________________________________________________ Xalqaro yoki milliy olimpiadalarda, tanlovlarda hamda sport musobaqalarida qatnashganligi haqida maʼlumot (agar qatnashgan boʻlsa) ________________________________________________________________________ (olimpiada fani, ___________________________________________________________________________________________ tanlov fani (ixtisosligi), sport musobaqasi turi, oʻtkazilgan vaqti, egallangan oʻrin) Nogironligi haqida maʼlumot __________________________________________________________________ (nomi va guruhi, hujjat rekvizitlari) Suhbat oʻtkazish qoidalari bilan tanishdim. ____________________________ ________ ______________________ (abituriyentning F.I.O.) (imzo) (ariza berilgan sana)
Oʻzbekiston Respublikasi Adliya vazirligi yuridik texnikumlari bitiruvchilarini “yurisprudensiya” mutaxassisligi boʻyicha yuridik kadrlarni tayyorlashni amalga oshiruvchi oliy taʼlim tashkilotlari bakalavriatiga oʻqishga qabul qilish tartibi toʻgʻrisidagi nizomga 4-ILOVA
“Yurisprudensiya” mutaxassisligi boʻyicha yuridik kadrlarni tayyorlashni amalga oshiruvchi oliy taʼlim tashkilotlari bakalavriatiga oʻqishga qabul qilish boʻyicha suhbatdan oʻtgan abituriyentning javoblarini BAHOLASH VARAQASI Sana ______________ Abituriyentning F.I.O._____________ ________________________________________ _________________ T/r Baholash mezonlari Ballar 1. Davlat va jamiyat qurilishi, qonun ustuvorligini taʼminlash, iqtisodiyotni rivojlantirish va liberallashtirish, shuningdek, ijtimoiy soha va boshqa sohalardagi islohotlar haqida tasavvur va fikrlash qobiliyatining mavjudligi 2. Ixtisoslikni tanlashda motivatsiya (huquqshunos kasbining mohiyati va ijtimoiy ahamiyatini tushunish, unga doimiy qiziqish bildirish, oʻrta maxsus, kasb-hunar taʼlimi) 3. Shaxsiy-kasbiy xususiyatlarni (oʻqishga qobiliyat, kasbiy vazifalarni hal qilishda amaliy faoliyat, intizomlilik, hamjihatlik, masʼuliyatlilik, qaror qabul qilishda mustaqillik darajasi, shaxsiy yutuqlar mavjudligi, shuningdek, oʻz ustida ishlash va ijodkorlik qobiliyatlari) 4. Professional taʼlimi darajasida yurisprudensiya sohasida oʻz fikrini bayon qilish va tahlil qilish koʻnikmalarining mavjudligi Izoh _______________________________________________________________________________________ ___________________________________________________________________________________________ ___________________________________________________________________________________________ Suhbat oʻtkazish boʻyicha komissiya aʼzosi: ___________________________________________________________________________________________ _________________________ _________________________
Vazirlar Mahkamasining 2021-yil 22-noyabrdagi 705-son qaroriga 3-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining “Toshkent davlat yuridik universitetida kadrlar tayyorlash tizimini yanada takomillashtirish chora-tadbirlari toʻgʻrisida” 2017-yil 2-iyundagi 347-son qarorida (Oʻzbekiston Respublikasi QT, 2017-y., 6-son, 91-modda):
a) 1 2 -bandning beshinchi xatboshisi quyidagi mazmundagi jumla bilan toʻldirilsin:
“Bunda, yakka tartibdagi suhbatdan muvaffaqiyatli oʻtgan abituriyentlarni oʻqishga qabul qilish adliya vazirining buyrugʻi bilan amalga oshiriladi”;
b) 1-ilovada :
6-bandning ikkinchi xatboshisi quyidagi tahrirda bayon etilsin:
“Xorijiy fuqarolarni qabul qilish toʻgʻrisidagi arizalar Adliya vazirligi bilan kelishgan holda TDYU tomonidan belgilangan muddatlarda qabul qilinadi”;
8-bandda :
toʻrtinchi xatboshi chiqarib tashlansin;
beshinchi — yettinchi xatboshilar tegishlicha toʻrtinchi — oltinchi xatboshilar deb hisoblansin;
15-band quyidagi tahrirda bayon etilsin:
“15. Suhbat Adliya vazirligi bilan kelishgan holda TDYU tomonidan belgilangan muddatlarda oʻtkaziladi.
Suhbat oʻtkazish muddatlari toʻgʻrisida maʼlumot TDYU tomonidan uning rasmiy veb-saytida suhbat oʻtkazilishidan kamida 1 oy oldin eʼlon qilinadi.
Xorijiy fuqarolar bilan suhbat bevosita yoki zaruratga koʻra masofaviy (onlayn) tarzda amalga oshiriladi”;
18-band quyidagi mazmundagi xatboshilar bilan toʻldirilsin:
“Masofaviy (onlayn) suhbat kommunikatsiya texnologiyalaridan foydalangan holda real vaqt rejimida amalga oshiriladi. Bunda, ushbu kommunikatsiya texnologiyalari abituriyentning shaxsini tasdiqlash imkonini beradigan texnik talablarga javob berishi lozim.
Masofaviy (onlayn) suhbat natijalarini baholash umumiy tartibda amalga oshiriladi”;
22-band quyidagi tahrirda bayon etilsin:
“22. Suhbat natijalariga koʻra TDYU bakalavriatiga xorijiy fuqarolarni qabul qilish haqida TDYU rektori tomonidan buyruq qabul qilinadi”;
23-banddagi “Davlat komissiyasi qarori, qoida tariqasida, 20-avgustdan” soʻzlari “TDYU rektorining buyrugʻi, qoida tariqasida, 2-sentabrdan” soʻzlari bilan almashtirilsin;
24-banddagi “Davlat komissiyasi” hamda “qaror” soʻzlari tegishlicha “TDYU rektori” hamda “buyruq” soʻzlari bilan almashtirilsin;
25-banddagi “Davlat komissiyasi qarori eʼlon” soʻzlari tegishlicha “TDYU rektori buyrugʻi qabul” soʻzlari bilan almashtirilsin;
26 va 27-bandlar quyidagi tahrirda bayon etilsin:
“26. Xorijiy fuqarolar oʻqish uchun toʻlovni har yili kontrakt shartlarida koʻrsatilgan muddatlarda amalga oshiradi.
27. TDYU rektorining oʻqishga qabul qilish toʻgʻrisidagi buyrugʻi qabul qilinganidan boshlab xorijiy fuqarolarga darslarga qatnashishga ruxsat etiladi”;
29-banddagi “xorijiy fuqarolarning Davlat komissiyasi bayoni” soʻzlari “xorijiy fuqarolarni oʻqishga qabul qilish toʻgʻrisidagi buyruq” soʻzlari bilan almashtirilsin.
4. Vazirlar Mahkamasining 2018-yil 10-avgustdagi 646-son qarori bilan tasdiqlangan Aholi va ijtimoiy soha obyektlariga kundalik hayotda foydalanish uchun suyultirilgan uglevodorod gazini yetkazib berish tartibi toʻgʻrisidagi nizomda :
a) 29-bandda :
birinchi xatboshisidagi “ushbu Nizomga 1-ilovaga binoan namunaviy shartnomaga muvofiq” soʻzlari chiqarib tashlansin;
ikkinchi xatboshisidagi “ushbu Nizomga 2-ilovaga binoan namunaviy shartnomaga muvofiq” soʻzlari chiqarib tashlansin;
b) 30-bandning birinchi xatboshisidagi “ushbu Nizomga 4-ilovaga binoan namunaviy shartnomaga muvofiq” soʻzlari chiqarib tashlansin;
v) 1 , 2 va 4-ilovalar oʻz kuchini yoʻqotgan deb hisoblansin;
g) 5-ilovaning “Chora-tadbirlar” ustunidagi 6-bosqichdagi 2-bandidagi “namunaviy shartnomani rasmiylashtirib,” soʻzlari “tuzilgan shartnomaga asosan” soʻzlari bilan almashtirilsin.
7. Vazirlar Mahkamasining “Oʻzbekiston Respublikasi Adliya vazirligining yuridik texnikumlarida oʻqishni tashkil qilish choralari toʻgʻrisida” 2018-yil 23-oktabrdagi 858-son qarorida :
a) 4-bandning “a” kichik bandi ikkinchi xatboshisi quyidagi tahrirda bayon etilsin:
“yurisprudensiya” yoʻnalishi boʻyicha zamonaviy standartlarni hisobga olgan holda oʻrta maxsus professional taʼlim mutaxassisliklari va kasblari boʻyicha malaka talablari, oʻquv rejalari va fan dasturlarini ishlab chiqish va tasdiqlash, shuningdek, chet tillari boʻyicha oʻquv mashgʻulotlarini oʻtkazish uchun guruhlarda oʻquvchilar miqdorini belgilash”;
b) 8-band “ishga qabul qilish” soʻzlaridan keyin “va davriy attestatsiyadan oʻtkazish” soʻzlari bilan toʻldirilsin.
8. Vazirlar Mahkamasining 2019-yil 6-fevraldagi 95-son qarori bilan tasdiqlangan Qattiq va suyuq maishiy chiqindilarni toʻplash va olib chiqib ketish boʻyicha xizmatlar koʻrsatish qoidalarida :
a) 5-bandning uchinchi xatboshisidagi “ushbu Qoidalarga 3-ilovaga muvofiq tuziladigan,” soʻzlari chiqarib tashlansin;
b) 3-ilova oʻz kuchini yoʻqotgan deb hisoblansin.
9. Vazirlar Mahkamasining 2019-yil 26-fevraldagi 170-son qarori bilan tasdiqlangan Davlat uy-joy fondidagi turar joylarni ijaraga berish tartibi toʻgʻrisidagi nizomda :
a) 7-banddagi “mazkur Nizomning 2-ilovasida belgilangan namunadagi shaklda” soʻzlari chiqarib tashlansin;
b) 32-bandning yettinchi xatboshisidagi “belgilangan namunadagi” soʻzlari chiqarib tashlansin;
v) 2-ilova oʻz kuchini yoʻqotgan deb hisoblansin.
12. Vazirlar Mahkamasining 2019-yil 22-apreldagi 343-son qarori bilan tasdiqlangan Oʻzbekiston Respublikasi Xalq taʼlimi vazirligi tizimidagi umumiy oʻrta taʼlim muassasalarida pullik taʼlim xizmatlarini koʻrsatish tartibi toʻgʻrisidagi nizomda :
a) 2-banddagi “ushbu Nizomga 2-ilovaga muvofiq shaklda” soʻzlari chiqarib tashlansin;
b) 2-ilova oʻz kuchini yoʻqotgan deb hisoblansin.
14. Vazirlar Mahkamasining “Ichki ishlar organlarining xavfsiz turizmni taʼminlash boʻlinmalari tomonidan shartnoma asosida pulli xizmatlar koʻrsatish tartibini belgilash toʻgʻrisida” 2019-yil 13-avgustdagi 669-son qarorida :
a) 1-ilovada :
10-bandning birinchi xatboshisidagi “ushbu Nizomga 2-ilovaga muvofiq shaklda” soʻzlari chiqarib tashlansin;
2-ilova oʻz kuchini yoʻqotgan deb hisoblansin;
b) 2-ilovada :
9-bandning ikkinchi xatboshisidagi “ushbu Nizomga 2-ilovaga muvofiq shaklda” soʻzlari chiqarib tashlansin;
2-ilova oʻz kuchini yoʻqotgan deb hisoblansin.
15. Vazirlar Mahkamasining 2020-yil 10-fevraldagi 76-son qarori bilan tasdiqlangan Tovarlar (ishlar, xizmatlar)ni import qilishda qoʻshilgan qiymat soligʻi toʻlovchilar uchun qoʻshilgan qiymat soligʻini toʻlash muddatini uzaytirish tartibi toʻgʻrisidagi nizomda :
a) 10-bandning uchinchi xatboshisi quyidagi tahrirda bayon etilsin:
“Oʻzbekiston Respublikasi Bojxona kodeksining 47-bobiga muvofiq QQS toʻlanishining taʼminlanishini tasdiqlovchi hujjat, Yirik soliq toʻlovchilar boʻyicha hududlararo davlat soliq inspeksiyasida hisobda turuvchi soliq toʻlovchilar, shuningdek, oxirgi oʻn ikki oy davomida qiymati 1 million AQSH dollaridan ortiq tayyor toʻqimachilik mahsulotlarini eksport qilgan, asosiy va yordamchi ishlab chiqarish uchun butlovchi buyumlar, xomashyo va materiallarni olib kirayotgan korxonalar bundan mustasno”.
b) 13-bandda :
quyidagi mazmundagi ikkinchi xatboshi bilan toʻldirilsin:
“Oxirgi oʻn ikki oy davomida qiymati 1 million AQSH dollaridan ortiq tayyor toʻqimachilik mahsulotlarini eksport qilgan korxonalarga asosiy va yordamchi ishlab chiqarish uchun butlovchi buyumlar, xomashyo va materiallar olib kirishda bojxona toʻlovlarini toʻlash boʻyicha foiz hisoblanmagan holda toʻlovni kechiktirish (boʻlib-boʻlib toʻlash) imkoniyati beriladi”;
ikkinchi xatboshi uchinchi xatboshi deb hisoblansin.
16. Vazirlar Mahkamasining “Ijod maktablari va ixtisoslashtirilgan maktablar faoliyatini yanada takomillashtirish chora-tadbirlari toʻgʻrisida” 2020-yil 11-martdagi 141-son qaroriga 2-ilovadagi “Xotin-qizlar qoʻmitasi” soʻzlari chiqarib tashlansin.
17. Vazirlar Mahkamasining “Oʻzbekiston Respublikasi Adliya vazirligi yuridik texnikumlari faoliyatini takomillashtirishga doir qoʻshimcha chora-tadbirlar toʻgʻrisida” 2020-yil 30-oktabrdagi 677-son qarorida :
a) 3-bandda :
uchinchi xatboshidagi “unda toʻplash mumkin boʻlgan umumiy ballning 60 va undan yuqori foizini toʻplab” soʻzlari “biroq yuridik texnikumlardagi test sinovlaridagi oʻtish balini toʻplagan” soʻzlari bilan almashtirilsin;
yettinchi xatboshi quyidagi tahrirda bayon etilsin:
“yuridik texnikumlarda asosiy ish joyi boʻyicha faoliyat yuritayotgan pedagog xodimlar belgilangan tartibda yuridik texnikumlarning shtat lavozimini egallaydi va shtatlarida aks ettiriladi”;
b) 4-bandda :
“b” kichik banddagi “shakl” soʻzi “taʼlim shakli” soʻzlari bilan almashtirilsin;
“g” kichik bandning birinchi va ikkinchi xatboshilari quyidagi tahrirda bayon etilsin:
“g) Qoraqalpogʻiston Respublikasi adliya vaziri oʻrinbosari, viloyatlar va Toshkent shahar adliya boshqarmalari boshliqlari oʻrinbosarlari — yuridik texnikum direktorlariga budjetdan tashqari (toʻlov-kontrakt, shu jumladan, tabaqalashtirilgan toʻlov-kontrakt asosida oʻqitishdan tushgan) mablagʻlar hisobidan mustaqil ravishda:
xorijiy mutaxassislarni fuqarolik-huquqiy shartnoma asosida konsultant, maʼruzachi va oʻqituvchi sifatida, xususan onlayn rejimda dars oʻtish uchun jalb etib, ularga ish haqi va boshqa toʻlovlarni belgilash;”;
v) 1-ilovada :
4-bandning birinchi xatboshisidagi “kam taʼminlangan oilalar aʼzolari boʻlgan abituriyentlar” soʻzlari “Ijtimoiy himoya yagona reyestri” axborot tizimida roʻyxatga olingan shaxslar farzandlari” soʻzlari bilan almashtirilsin;
5-band quyidagi tahrirda bayon etilsin:
“5. Toshkent davlat yuridik universiteti (keyingi oʻrinlarda — TDYU) huzuridagi akademik litseyni tamomlagan oʻzlashtirish koʻrsatkichlarining 56 va undan yuqori foizlik natijalariga ega bitiruvchilar va joriy yilda yuridik kadrlar tayyorlovchi oliy taʼlim muassasalariga oʻqishga kirish uchun respublika oliy taʼlim muassasalarining “yurisprudensiya” taʼlim yoʻnalishi boʻyicha test sinovlarida ishtirok etib, oʻqishga tavsiya etilmagan, biroq yuridik texnikumlardagi tegishli oʻquv yilida test sinovlarida oʻtish balini toʻplagan yoki chet tilini bilish darajasini tasdiqlovchi V2 va undan yuqori darajadagi davlat malaka sertifikatiga yoki xalqaro sertifikatlarga ega abituriyentlar kirish imtihonlarisiz yuridik texnikumlarga qabul parametrlaridan tashqari toʻlov-kontrakt asosida qabul qilinadi”;
9-bandning birinchi xatboshisidagi “1-iyundan” soʻzlari “15-martdan” soʻzlari bilan almashtirilsin;
24-band quyidagi tahrirda bayon etilsin:
“24. Kirish imtihonlari boʻyicha Adliya vazirligi tomonidan belgilangan minimal oʻtish balidan kam ballni toʻplagan, shuningdek, belgilangan vaqtda imtihonlarga yetib kelmagan abituriyentlar yuridik texnikumlarga qabul qilinmaydi”;
26-bandning toʻrtinchi xatboshisidagi “Kam taʼminlangan oilalar aʼzolari boʻlgan abituriyentlar” soʻzlari “Ijtimoiy himoya yagona reyestri” axborot tizimida roʻyxatga olingan shaxslarning farzandlari” soʻzlari bilan almashtirilsin;
43-bandning “b” kichik bandida :
uchinchi xatboshidagi “kam taʼminlangan oilalar aʼzolari” soʻzlari “Ijtimoiy himoya yagona reyestri” axborot tizimida roʻyxatga olingan shaxslar farzandlari” soʻzlari bilan almashtirilsin;
toʻrtinchi xatboshi quyidagi tahrirda bayon etilsin:
“toʻlov-kontrakt asosida — TDYU huzuridagi akademik litseyni tamomlagan oʻzlashtirish koʻrsatkichlarining 56 va undan yuqori foizlik natijalariga ega bitiruvchilar va joriy yilda yuridik kadrlar tayyorlovchi oliy taʼlim muassasalariga oʻqishga kirish uchun “yurisprudensiya” taʼlim yoʻnalishi boʻyicha test sinovlarida ishtirok etib, oʻqishga tavsiya etilmagan, biroq yuridik texnikumlardagi test sinovlarida oʻtish balini toʻplagan yoki chet tilini bilish darajasini tasdiqlovchi V2 va undan yuqori darajadagi davlat malaka sertifikatiga yoki xalqaro sertifikatlarga ega abituriyentlar hamda xorijiy fuqarolar qabul qilinadi”;
beshinchi xatboshidagi “kam taʼminlangan oila aʼzolari” soʻzlari “Ijtimoiy himoya yagona reyestri” axborot tizimida roʻyxatga olingan shaxslar farzandlari” soʻzlari bilan almashtirilsin;
45-bandda :
toʻrtinchi xatboshi “oʻqishga kirish uchun” soʻzlaridan keyin “maxsus platforma orqali elektron shaklda” soʻzlari bilan toʻldirilsin;
quyidagi mazmundagi xatboshi bilan toʻldirilsin:
“Qoʻshimcha ravishda tabaqalashtirilgan toʻlov-kontrakt asosida oʻqish istagida boʻlgan abituriyentlarni yuridik texnikumga qabul qilish boʻyicha murojaat qilish va oʻqishga qabul qilish muddatlariga Adliya vazirligi tomonidan zarur hollarda oʻzgartirish kiritilishi mumkin”;
46-bandda :
birinchi xatboshi quyidagi tahrirda bayon etilsin:
“46. Respublika oliy taʼlim muassasalarida “yurisprudensiya” taʼlim yoʻnalishi boʻyicha test sinovlarida ishtirok etib, oʻqishga tavsiya etilmagan, biroq yuridik texnikumlardagi tegishli oʻquv yilida test sinovlarida oʻtish balini toʻplagan yoki chet tilini bilish darajasini tasdiqlovchi V2 va undan yuqori darajadagi davlat malaka sertifikatiga yoki xalqaro sertifikatlarga ega abituriyentlar toʻlov-kontrakt asosida doimiy yashash joyidagi yuridik texnikumga qabul qilinishlari mumkin”;
ikkinchi xatboshi “20-sentabrgacha” soʻzlaridan keyin “maxsus platforma orqali elektron shaklda” soʻzlari bilan toʻldirilsin;
Oʻzbekiston Respublikasi Adliya vazirligining yuridik texnikumlariga oʻqishga qabul qilishni tashkil etish sxemasida 6-bosqichning “Tadbirlar” ustuni 1-bandidagi “kam taʼminlangan oilalar aʼzolari boʻlgan abituriyentlarni” soʻzlari “Ijtimoiy himoya yagona reyestri” axborot tizimida roʻyxatga olingan shaxslar farzandlarini” soʻzlari bilan almashtirilsin;
Oʻzbekiston Respublikasi Adliya vazirligining yuridik texnikumlariga oʻqishga qabul qilish uchun kirish test sinovlarini oʻtkazish tartibida :
5-bandda :
uchinchi xatboshi quyidagi tahrirda bayon etilsin:
“Binolarni tayyorlash, videokuzatuvlar orqali jamoatchilik, shu jumladan abituriyentlar ota-onalarining kirish test sinovlari jarayonini onlayn tarzda kuzatib borishlari, abituriyentlarni shaxsni identifikatsiyalash vositalari hamda videofiksatsiya qurilmalari orqali binoga tegishli hududga kiritish, binolardagi va xizmat postlaridagi video yozuvlar saqlanishi uchun sharoitlar yaratish Qoraqalpogʻiston Respublikasi Vazirlar Kengashi, Toshkent shahar va viloyatlar hokimliklari hamda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan taʼminlanadi”;
quyidagi mazmundagi toʻrtinchi va beshinchi xatboshilar bilan toʻldirilsin:
“Guruh nazoratchilari va abituriyentlarni test sinovlari oʻtkaziladigan hududga nazorat xizmati postlari orqali kiritish, tadbir jarayonida jamoat tartibini saqlash va jamoat xavfsizligini taʼminlash Oʻzbekiston Respublikasi Milliy gvardiyasi, Ichki ishlar vazirligi, hududiy adliya organlari hamda qabul komissiyasi tomonidan amalga oshiriladi.
Test sinovlari oʻtkaziladigan har bir binoda Davlat test markazining vakiliga test materiallarini saqlash, tarqatish va yigʻib olish uchun moʻljallangan yetarli miqdorda stol, stullar, kompyuter, skaner, statsionar telefon aloqasi, doimiy videokuzatuv va seyf bilan taʼminlangan maxsus xona (shtab) tayyorlanadi. Bunda, binoning holati sanitariya qoidalari, normalari va gigiyena normativlari talablariga toʻliq javob berishi lozim”;
20-banddagi “20 — 25” raqamlari “25 — 30” raqamlari bilan almashtirilsin;
g) 2-ilovada :
7-bandda :
beshinchi xatboshi chiqarib tashlansin;
oltinchi — sakkizinchi xatboshilar tegishlicha beshinchi — yettinchi xatboshilar deb hisoblansin;
Oʻzbekiston Respublikasi Adliya vazirligi yuridik texnikumlariga kirish uchun hujjatlarni topshirish boʻyicha soʻrovnomada :
3.2-band quyidagi tahrirda bayon etilsin:
“3.2. “Ijtimoiy himoya yagona reyestri” axborot tizimida roʻyxatga olingan shaxslar farzandlari”;
3.4-banddagi “TDYU huzuridagi akademik litsey bitiruvchilari (oʻzlashtirish koʻrsatkichining haqidagi maʼlumotnoma)” soʻzlari “Chet tilini bilish darajasini tasdiqlovchi V1 va undan yuqori darajadagi davlat malaka sertifikatiga yoki xalqaro sertifikatlarga ega abituriyentlar” soʻzlari bilan almashtirilsin;
Oʻzbekiston Respublikasi Adliya vazirligining yuridik texnikumlariga oʻqishga kirish uchun imtiyozga ega boʻlgan abituriyentlar toifasi hamda ularning reyestrini shakllantirish uchun masʼul boʻlgan vakolatli organlar roʻyxatida:
3-pozitsiya quyidagi tahrirda bayon etilsin:
“ 3. “Ijtimoiy himoya yagona reyestri” axborot tizimida roʻyxatga olingan shaxslar farzandlari Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi ” ;
4-pozitsiya oʻz kuchini yoʻqotgan deb hisoblansin.
19. Vazirlar Mahkamasining “Oʻzbekiston Respublikasi Sogʻliqni saqlash vazirligining tibbiyot tashkilotlarini moliyalashtirish tizimini yanada takomillashtirish chora-tadbirlari toʻgʻrisida” 2020-yil 10-yanvardagi 19-son qarorida :
a) 2-ilovada :
7-banddagi “ushbu Nizom ilovasiga muvofiq namunaviy shakl boʻyicha” soʻzlari “oʻzaro” soʻzi bilan almashtirilsin;
ilova oʻz kuchini yoʻqotgan deb hisoblansin;
b) 3-ilovada :
11-banddagi “2-ilovada keltirilgan shakldagi” soʻzlari “taraflar oʻrtasida tuziladigan” soʻzlari bilan almashtirilsin;
2-ilova oʻz kuchini yoʻqotgan deb hisoblansin.
20. Vazirlar Mahkamasining 2020-yil 9-martdagi 134-son qarori bilan tasdiqlangan Kichik sanoat zonalari toʻgʻrisidagi nizomda :
a) 35-bandning birinchi xatboshisidagi “ushbu Nizomga 3-ilovaga muvofiq shakl boʻyicha” soʻzlari chiqarib tashlansin;
b) 40-banddagi “ushbu Nizomga 5-ilovaga muvofiq shakl boʻyicha” soʻzlari chiqarib tashlansin;
v) 43-bandning birinchi xatboshisidagi “ushbu Nizomga 6-ilovaga muvofiq shakl boʻyicha” soʻzlari chiqarib tashlansin;
g) 3 , 5 va 6-ilovalar oʻz kuchini yoʻqotgan deb hisoblansin.
22. Vazirlar Mahkamasining “Toshkent davlat yuridik universiteti magistraturasiga oʻqishga qabul qilish tartibini takomillashtirish chora-tadbirlari toʻgʻrisida” 2020-yil 26-avgustdagi 513-son qarorida (Oʻzbekiston Respublikasi QT, 2020-y., 8-son, 198-modda):
a) 1-ilovada :
7-bandning ikkinchi xatboshisi quyidagi tahrirda bayon etilsin:
“Test sinovi topshiriladigan fanlar majmuasi, baholash mezonlari, test topshiriqlari soni hamda vaqt meʼyorlari TDYU tomonidan Davlat test markazi bilan kelishgan holda belgilanadi”;
17-band quyidagi tahrirda bayon etilsin:
“17. Abituriyent roʻyxatdan oʻtishi uchun hujjatlarning asl nusxasidagi quyidagi maʼlumotlarni Davlat test markazining maxsus dasturi orqali elektron ravishda kiritadi:
oliy maʼlumot toʻgʻrisidagi diplom (yoki diplomdan koʻchirma — Oʻzbekiston Respublikasi oliy taʼlim muassasalarini davlat granti boʻyicha oʻqib tugatganlar uchun) berilgan taʼlim muassasasi nomi, seriyasi, raqami;
xorijiy tilni V2 darajasida bilish darajasi toʻgʻrisidagi milliy yoki unga mos darajadagi xalqaro sertifikat;
davlat stipendiyalari bilan taqdirlash toʻgʻrisidagi hujjat — mavjud boʻlganda”;
26 — 30-bandlar oʻz kuchini yoʻqotgan deb hisoblansin;
32-banddagi “Davlat komissiyasi tomonidan” soʻzlari “Davlat test markazi tomonidan Adliya vazirligi bilan kelishgan xolda” soʻzlari bilan almashtirilsin;
49-band quyidagi mazmundagi xatboshi bilan toʻldirilsin:
“Mazkur toifadagi abituriyentlarni magistraturaga qabul qilish boʻyicha murojaat qilish va oʻqishga qabul qilish, toʻlov-kontrakt (shu jumladan tabaqalashtirilgan toʻlov-kontrakt) mablagʻlarini toʻlash boʻyicha muddatlar, shuningdek, ularni uzaytirish TDYU tomonidan mustaqil ravishda amalga oshiriladi”;
51-banddagi “Davlat test markazi hamda TDYU oʻrtasidagi kelishuvga koʻra TDYUning budjetdan tashqari” soʻzlari “ushbu maqsadlar uchun ajratiladigan Oʻzbekiston Respublikasi Davlat budjeti” soʻzlari bilan almashtirilsin;
b) 2-ilovada :
2-band quyidagi tahrirda bayon etilsin:
“2. Xorijiy fuqarolar toʻplangan ballarning reyting tizimi asosida belgilangan oʻrinlar soniga muvofiq TDYU magistraturasiga suhbat (keyingi oʻrinlarda — suhbat) asosida oʻqishga qabul qilinadi.
Suhbat Adliya vazirligi bilan kelishilgan holda TDYU tomonidan belgilangan muddatlarda oʻtkaziladi.
Suhbat oʻtkazish muddatlari toʻgʻrisidagi maʼlumot TDYU tomonidan uning rasmiy veb-saytida suhbat oʻtkazilishidan kamida 1 oy oldin eʼlon qilinadi”;
4-bandning birinchi xatboshisidagi “qabul yilining 15-may — 30-iyul kunlari davomida” soʻzlari “Adliya vazirligi bilan kelishgan holda TDYU tomonidan belgilangan muddatlarda” soʻzlari bilan almashtirilsin;
6-band quyidagi tahrirda bayon etilsin:
“6. Kirish imtihonlari natijalari boʻyicha TDYU rektorining abituriyentlarni TDYU magistraturasiga oʻqishga qabul qilish boʻyicha buyrugʻi qabul qilinganidan soʻng uch kun ichida hujjatlarning asl nusxalari abituriyent tomonidan TDYUga taqdim etiladi”;
21-band quyidagi tahrirda bayon etilsin:
“21. Suhbat natijalariga koʻra TDYU rektorining TDYU magistraturasiga abituriyentlarni oʻqishga qabul qilish toʻgʻrisida buyrugʻi qabul qilinadi”;
25-band quyidagi tahrirda bayon etilsin:
“25. TDYU rektorining TDYU magistraturasiga xorijiy fuqarolarni qabul qilish toʻgʻrisidagi buyrugʻi 2-sentabrdan kechiktirmay qabul qilinadi”;
26-banddagi “Davlat komissiyasi qarori” soʻzlari “TDYU rektorining buyrugʻi” soʻzlari bilan almashtirilsin;
v) 3-ilovada :
2-bandda :
“a” kichik bandda :
ikkinchi xatboshidagi “davlat hokimiyati va boshqaruvining markaziy organlarida” soʻzlari “davlat hokimiyati va boshqaruvining markaziy organlari, shuningdek, respublika darajasidagi boshqa davlat organlarining markaziy apparatida” soʻzlari bilan almashtirilsin;
quyidagi mazmundagi xatboshi bilan toʻldirilsin:
“mazkur Nizomning 5 1 -bandiga muvofiq tegishli oliy taʼlim muassasasining buyurtmasi asosida bazaviy oliy yuridik maʼlumotga ega boʻlgan shaxslar”;
“b” kichik bandda :
birinchi xatboshidagi “davlat hokimiyati va boshqaruvining markaziy organlarining” soʻzlari “davlat hokimiyati va boshqaruvining markaziy organlari hamda respublika darajasidagi boshqa davlat organlarining” soʻzlari bilan almashtirilsin;
uchinchi xatboshi “markaziy apparatdagi” soʻzlaridan keyin “mustaqil” soʻzi bilan toʻldirilsin;
quyidagi mazmundagi xatboshi bilan toʻldirilsin:
“Oʻzbekiston Respublikasi Konstitutsiyaviy sudi va Oliy sudining mustaqil tarkibiy boʻlinmalari rahbarlari (texnik, xizmat koʻrsatuvchi va ishlab chiqarish bilan bogʻliq boʻlinmalardan tashqari) hamda boshqaruv kadrlari”;
4-band “apparati xodimlari uchun —” soʻzlaridan keyin “Oʻzbekiston Respublikasi Bosh vazirining oʻrinbosarlari va” soʻzlari bilan toʻldirilsin;
5-band “TDYU magistraturasiga” soʻzlaridan keyin “masofaviy, sirtqi va kechki taʼlim shakllari asosida, ishlab chiqarishdan ajralmagan holda” soʻzlari bilan toʻldirilsin;
quyidagi mazmundagi 5 1 -band bilan toʻldirilsin:
“5 1 . Respublikadagi oliy taʼlim muassasasining buyurtmasiga koʻra bazaviy oliy yuridik maʼlumotga ega boʻlgan shaxslar TDYU magistraturasiga kunduzgi, shuningdek, ishlab chiqarishdan ajralmagan holda masofaviy, sirtqi va kechki taʼlim shakllarida, kirish test sinovlarisiz, toʻlov-kontrakt asosida, qabul parametrlaridan tashqari, oʻqishni tugatgandan soʻng buyurtma bergan oliy taʼlim muassasasida kamida uch yil toʻliq stavkada uzluksiz ishlash majburiyatini olgan holda oʻqishga qabul qilinadi”;
8-bandda :
ikkinchi va uchinchi xatboshilar chiqarib tashlansin;
toʻrtinchi va beshinchi xatboshilar tegishlicha ikkinchi va uchinchi xatboshilar deb hisoblansin;
quyidagi mazmundagi xatboshilar bilan toʻldirilsin:
“tegishli oliy taʼlim muassasasining buyurtmasiga koʻra bazaviy oliy yuridik maʼlumotga ega boʻlgan shaxslar uchun belgilangan tartibda imzolangan va oliy taʼlim muassasasi blankasida rasmiylashtirilgan, raqami va berilgan vaqti aks ettirilgan oliy taʼlim muassasasi rahbarining tavsiyasi (ushbu Nizomning 5 1 -bandida nazarda tutilgan asosga koʻra hujjat topshirilganda);
xorijiy tilni V2 darajasida bilish darajasi toʻgʻrisidagi milliy yoki unga mos darajadagi xalqaro sertifikat”;
13-band quyidagi mazmundagi xatboshi bilan toʻldirilsin:
“Mazkur Nizomning 5 1 -bandiga muvofiq abituriyentlarni TDYU magistraturasiga toʻlov-kontrakt asosida qabul qilish maqsadida TDYU, oliy taʼlim muassasasi va abituriyent oʻrtasida uch tomonlama kontrakt (shartnoma) tuziladi hamda unda kontrakt toʻlovi summasini belgilangan muddatda toʻlash sharti, oʻqishni tamomlaganidan soʻng buyurtma bergan oliy taʼlim muassasasida uch yil davomida toʻliq stavkada uzluksiz ishlab berish majburiyati koʻrsatiladi”;
15-banddagi “TDYU Magistratura boʻlimiga” soʻzlari “TDYUga” soʻzi bilan almashtirilsin.
23. Vazirlar Mahkamasining 2020-yil 8-sentabrdagi 544-son qarori bilan tasdiqlangan Oʻzbekiston Respublikasi Adliya vazirligi qoshidagi Yuristlar malakasini oshirish markazida qayta tayyorlash va malaka oshirish tartibi toʻgʻrisidagi nizomning 8-bandi quyidagi tahrirda bayon etilsin:
“8. Buyurtmachi tashkilot qayta tayyorlash kurslarini tashkil etish uchun onlayn tarzda (Markazning rasmiy veb-sayti yoki maxsus elektron dasturlar orqali) yoki bevosita Markazga murojaat qiladi”.
24. Vazirlar Mahkamasining “Yuridik kadrlarni xalqaro standartlar boʻyicha tayyorlash tizimini yanada takomillashtirishga doir qoʻshimcha chora-tadbirlar toʻgʻrisida” 2021-yil 6-apreldagi 189-son qarorining 4-bandi quyidagi tahrirda bayon etilsin:
“4. Markaz direktori tomonidan TDYU bilan kelishilgan holda Markazning budjetdan tashqari mablagʻlari (qayta tayyorlash kurslaridan oʻtish uchun shartnoma asosida toʻlanadigan mablagʻlar va boshqalar) hisobidan quyidagilar mustaqil ravishda amalga oshiriladi:
Markazda tashkil etiladigan kurslarga konsultant, maʼruzachi va oʻqituvchi sifatida jalb etiladigan xorijiy va mahalliy mutaxassislarning ish haqi va boshqa toʻlovlari miqdorlarini belgilash;
Markaz xodimlariga har oylik ustama va moddiy ragʻbatlantirishning boshqa turlari, shuningdek, ularning miqdorini belgilash”.
25. Vazirlar Mahkamasining 2021-yil 17-sentabrdagi 572-son qarori bilan tasdiqlangan Maktabgacha, umumiy oʻrta, oʻrta maxsus, professional va maktabdan tashqari taʼlim tashkilotlari pedagog kadrlarini attestatsiyadan oʻtkazish tartibi toʻgʻrisidagi nizomning 1-bandi quyidagi mazmundagi xatboshi bilan toʻldirilsin:
“Mazkur Nizom Oʻzbekiston Respublikasi Adliya vazirligining yuridik texnikumlari pedagog kadrlariga nisbatan tatbiq etilmaydi”.
Vazirlar Mahkamasining 2021-yil 22-noyabrdagi 705-son qaroriga 4-ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan qarorlari
1. Vazirlar Mahkamasining “Oʻzbekiston Respublikasi Adliya vazirligi yuridik texnikumlari bitiruvchilarini Toshkent davlat yuridik universiteti bakalavriatiga oʻqishga qabul qilish toʻgʻrisida nizomni tasdiqlash haqida” 2018-yil 24-iyuldagi 573-son qarori (Oʻzbekiston Respublikasi QT, 2018-y., 7-son, 192-modda).
2. Vazirlar Mahkamasining “Oʻzbekiston Respublikasi Adliya vazirligi yuridik texnikumlari faoliyatini takomillashtirishga doir qoʻshimcha chora-tadbirlar toʻgʻrisida” 2020-yil 30-oktabrdagi 677-son qaroriga 3-ilovaning 7-bandi .
3. Vazirlar Mahkamasining “Yuridik kadrlarni xalqaro standartlar boʻyicha tayyorlash tizimini yanada takomillashtirishga doir qoʻshimcha chora-tadbirlar toʻgʻrisida” 2021-yil 6-apreldagi 189-son qaroriga 2-ilovaning 11-bandi .
Oʻzbekiston Respublikasining Bosh vaziri A. ARIPOV
Toshkent sh.,
2021-yil 22-noyabr,
705-son