📅 2021-yil 23-noyabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 23 ноябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 23 ноября 2021 г. · Указы Президента
Официальный текст. Официальный документ. Редакционные примечания не включены.
📅 23 November 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Оролбўйи минтақасида тадбиркорликни жадал ривожлантиришга оид қўшимча чора-тадбирлар тўғрисида
Қорақалпоғистон Республикаси ва Хоразм вилоятида (кейинги ўринларда — Оролбўйи минтақаси) тадбиркорлик фаолиятини ташкил этишни ва юқори қўшилган қийматли рақобатбардош маҳсулотлар ишлаб чиқаришни рағбатлантириш орқали ҳудудга инвестицияларни жалб қилиш учун қулай шароитлар яратиш, шунингдек, тадбиркорларнинг муаммо ва таклифларини бевосита ўрганиш ҳамда тадбиркорликни келгусида ривожлантиришнинг асосий йўналишларини белгилаб олиш бўйича 2021 йил 20 август куни ўтказилган Ўзбекистон Республикаси Президентининг тадбиркорлар билан очиқ мулоқоти доирасида белгиланган вазифалар ижросини таъминлаш мақсадида:
1. Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги, Молия вазирлиги, Савдо-саноат палатаси, Қорақалпоғистон Республикаси Вазирлар Кенгаши ва Хоразм вилояти ҳокимлигининг 2022 йил 1 январдан:
а) 2031 йил 1 январгача Қорақалпоғистон Республикасининг Мўйноқ туманидаги маҳаллий саноат, қишлоқ хўжалиги ва хизматлар соҳаларидаги тадбиркорлик субъектлари учун:
фойда солиғи, айланмадан олинадиган солиқ, ижтимоий солиқ, жисмоний шахслардан олинадиган даромад солиғи бўйича ўрнатилган солиқ ставкаларини 1 фоиз этиб белгилаш;
мол-мулк солиғи, ер солиғи ва сув ресурсларидан фойдаланганлик учун солиқ ставкаларини мазкур солиқлар бўйича ҳисобланган суммадан 1 фоиз миқдорида белгилаш;
б) 2025 йил 1 январгача Хоразм вилоятининг Тупроққалъа, Янгиариқ, Янгибозор туманларида янги ташкил этиладиган ва шу туманларда рўйхатдан ўтган ҳолда фаолият кўрсатадиган тадбиркорлик субъектлари (кластерлар бундан мустасно) бўйича:
фойда солиғи, юридик шахслардан олинадиган ер солиғи, юридик шахсларнинг мол-мулкига солинадиган солиқ ставкаларини 50 фоизга камайтириш;
улар томонидан белгиланган тартибда шакллантириладиган рўйхат бўйича Ўзбекистон Республикасида ишлаб чиқарилмайдиган ўз ишлаб чиқариш (хизмат кўрсатиш) эҳтиёжлари учун олиб кириладиган хомашё, материалларни божхона божидан озод қилиш;
в) Хоразм вилоятида янги барпо этилаётган боғлар, токзорлар ва тутзорлар эгаллаган ерларга, дарахтларнинг қатор ораларидан қишлоқ хўжалиги экинларини экиш учун фойдаланилишидан қатъи назар, юридик шахслардан олинадиган ер солиғини тўлаш бўйича имтиёзли даврни беш йил этиб белгилаш тўғрисидаги таклифлари маъқуллансин.
Молия вазирлиги икки ой муддатда мазкур банддан келиб чиқиб, Солиқ кодексига ўзгартириш ва қўшимчалар киритишни назарда тутувчи қонун лойиҳасини Вазирлар Маҳкамасига киритсин.
2. Қорақалпоғистон Республикаси учун Ўзбекистон Республикаси Президентининг 2021 йил 25 августдаги «Инвестиция лойиҳаларини ташқи инфратузилма билан таъминлаш чора-тадбирлари тўғрисида»ги ПҚ-5233-сон қарорига мувофиқ зарур ташқи муҳандислик-коммуникация тармоқлари билан Давлат бюджети маблағлари ҳисобидан таъминланадиган инвестиция лойиҳалари қиймати камида 50 миллиард сўм миқдорида белгилансин.
Бунда, ушбу тартиб бўйича 50 миллиард сўмдан 200 миллиард сўмгача бўлган инвестиция лойиҳаларининг ташқи муҳандислик-коммуникация тармоқларини таъминлаш билан боғлиқ харажатлар ушбу лойиҳалар қийматининг 20 фоизидан ошмаслиги лозим.
3. Молия вазирлиги (Т. Ишметов) Марказий банк (М. Нурмуратов) билан биргаликда Хоразм вилоятида ижтимоий-иқтисодий ривожланишдан ортда қолаётган ва ишсизлик даражаси юқори бўлган 98 та маҳалла учун 2022 — 2026 йиллар давомида:
а) Оилавий тадбиркорликни ривожлантириш дастурлари доирасида:
«маҳаллабай» ишлаш тизимини жорий этиш мақсадида 200 миллиард сўм;
аҳолини тадбиркорликка ўқитиш ва жалб қилиш лойиҳаларини амалга оширадиган нодавлат нотижорат ташкилотларини қўллаб-қувватлаш учун 50 миллиард сўм миқдорида кредит ресурслари ажратилишини кўзда тутсин;
б) Ўзбекистон Республикаси республика бюджети ҳисобидан инфратузилмани ривожлантириш учун 150 миллиард сўм маблағ ажратилишини таъминласин.
4. Экспортни рағбатлантириш агентлиги томонидан 2022 йил 1 январдан 2027 йил 1 январгача Оролбўйи минтақасида фаолият юритаётган:
кичик тадбиркорлик субъектларига корхона қурилиши учун зарур бўлган асбоб-ускуна ва техникаларни республиканинг бошқа ҳудудларидан олиб келиш ҳамда улар томонидан ишлаб чиқарилган юқори қўшилган қийматга эга маҳсулотларни республиканинг бошқа ҳудудларига етказиб бериш билан боғлиқ темир йўл транспортида ташиш харажатларининг 50 фоиз қисмини қоплаб бериш;
маҳаллий экспортчилар томонидан ишлаб чиқарилган юқори қўшилган қийматга эга маҳсулотларни экспорт қилишда, уларнинг Каспий денгизигача ташиш билан боғлиқ транспорт харажатларини тўлиқ қоплаб бериш тартиби жорий этилсин.
Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссияси (С. Умурзаков) бир ой муддатда Экспортни рағбатлантириш агентлиги томонидан Оролбўйи минтақасидаги тадбиркорлик субъектларининг юк ташиш харажатларини қоплаб бериш тартибини тасдиқласин.
5. Инвестициялар ва ташқи савдо вазирлиги (А. Воитов) Қорақалпоғистон Республикаси Вазирлар Кенгаши (К. Сариев), Хоразм вилояти ҳокимлиги (Ф. Эрманов), манфаатдор вазирлик ва идоралар билан биргаликда икки ой муддатда Қорақалпоғистон Республикасида 45 та ва Хоразм вилоятида 40 та янги кичик саноат зоналарини белгиланган тартибда ташкил этиш чораларини кўрсин.
6. Олий Мажлис Сенатига (Т. Нарбаева) Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги, Қорақалпоғистон Республикаси Вазирлар Кенгаши, Хоразм вилояти ҳокимлиги ҳамда бошқа масъул вазирлик ва идора раҳбарларининг мазкур Фармон ижроси юзасидан ахборотларини эшитишни ташкил этиш (шу жумладан жойига чиққан ҳолда) ҳамда амалга оширилаётган ишлар натижадорлигини таъминлаш бўйича зарур чоралар кўриб бориш тавсия этилсин.
7. Ахборот ва оммавий коммуникациялар агентлиги, Ўзбекистон Миллий ахборот агентлиги ва Ўзбекистон Миллий телерадиокомпанияси мазкур Фармоннинг мақсади, вазифалари ва ундан кутилаётган натижаларни оммавий ахборот воситалари, Интернет ва ижтимоий тармоқларда кенг ёритиш ишларини ташкил қилсин.
8. Иқтисодий тараққиёт ва камбағалликни қисқартириш вазирлиги (С. Холхўжаев) Инвестициялар ва ташқи савдо вазирлиги (А. Воитов), манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур Фармоннинг ижросини самарали ташкил қилишга масъул ва шахсий жавобгар этиб Қорақалпоғистон Республикаси Вазирлар Кенгаши Раиси К.Р. Сариев, Хоразм вилояти ҳокими Ф.У. Эрманов, инвестициялар ва ташқи савдо вазирининг биринчи ўринбосари А.Б. Воитов ҳамда иқтисодий тараққиёт ва камбағалликни қисқартириш вазирининг биринчи ўринбосари С.М. Холхўжаев белгилансин.
Фармон ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазирнинг ўринбосарлари С.Ў. Умурзаков ва Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 23 ноябрь,
ПФ-25-сон
Oʻzbekiston Respublikasi Prezidentining
Farmoni
Orolboʻyi mintaqasida tadbirkorlikni jadal rivojlantirishga oid qoʻshimcha chora-tadbirlar toʻgʻrisida
Qoraqalpogʻiston Respublikasi va Xorazm viloyatida (keyingi oʻrinlarda — Orolboʻyi mintaqasi) tadbirkorlik faoliyatini tashkil etishni va yuqori qoʻshilgan qiymatli raqobatbardosh mahsulotlar ishlab chiqarishni ragʻbatlantirish orqali hududga investitsiyalarni jalb qilish uchun qulay sharoitlar yaratish, shuningdek, tadbirkorlarning muammo va takliflarini bevosita oʻrganish hamda tadbirkorlikni kelgusida rivojlantirishning asosiy yoʻnalishlarini belgilab olish boʻyicha 2021-yil 20-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan vazifalar ijrosini taʼminlash maqsadida:
1. Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi, Savdo-sanoat palatasi, Qoraqalpogʻiston Respublikasi Vazirlar Kengashi va Xorazm viloyati hokimligining 2022-yil 1-yanvardan:
a) 2031-yil 1-yanvargacha Qoraqalpogʻiston Respublikasining Moʻynoq tumanidagi mahalliy sanoat, qishloq xoʻjaligi va xizmatlar sohalaridagi tadbirkorlik subyektlari uchun:
foyda soligʻi, aylanmadan olinadigan soliq, ijtimoiy soliq, jismoniy shaxslardan olinadigan daromad soligʻi boʻyicha oʻrnatilgan soliq stavkalarini 1 foiz etib belgilash;
mol-mulk soligʻi, yer soligʻi va suv resurslaridan foydalanganlik uchun soliq stavkalarini mazkur soliqlar boʻyicha hisoblangan summadan 1 foiz miqdorida belgilash;
b) 2025-yil 1-yanvargacha Xorazm viloyatining Tuproqqalʼa, Yangiariq, Yangibozor tumanlarida yangi tashkil etiladigan va shu tumanlarda roʻyxatdan oʻtgan holda faoliyat koʻrsatadigan tadbirkorlik subyektlari (klasterlar bundan mustasno) boʻyicha:
foyda soligʻi, yuridik shaxslardan olinadigan yer soligʻi, yuridik shaxslarning mol-mulkiga solinadigan soliq stavkalarini 50 foizga kamaytirish;
ular tomonidan belgilangan tartibda shakllantiriladigan roʻyxat boʻyicha Oʻzbekiston Respublikasida ishlab chiqarilmaydigan oʻz ishlab chiqarish (xizmat koʻrsatish) ehtiyojlari uchun olib kiriladigan xomashyo, materiallarni bojxona bojidan ozod qilish;
v) Xorazm viloyatida yangi barpo etilayotgan bogʻlar, tokzorlar va tutzorlar egallagan yerlarga, daraxtlarning qator oralaridan qishloq xoʻjaligi ekinlarini ekish uchun foydalanilishidan qatʼi nazar, yuridik shaxslardan olinadigan yer soligʻini toʻlash boʻyicha imtiyozli davrni besh yil etib belgilash toʻgʻrisidagi takliflari maʼqullansin.
Moliya vazirligi ikki oy muddatda mazkur banddan kelib chiqib, Soliq kodeksiga oʻzgartirish va qoʻshimchalar kiritishni nazarda tutuvchi qonun loyihasini Vazirlar Mahkamasiga kiritsin.
2. Qoraqalpogʻiston Respublikasi uchun Oʻzbekiston Respublikasi Prezidentining 2021-yil 25-avgustdagi “Investitsiya loyihalarini tashqi infratuzilma bilan taʼminlash chora-tadbirlari toʻgʻrisida”gi PQ-5233-son qaroriga muvofiq zarur tashqi muhandislik-kommunikatsiya tarmoqlari bilan Davlat budjeti mablagʻlari hisobidan taʼminlanadigan investitsiya loyihalari qiymati kamida 50 milliard soʻm miqdorida belgilansin.
Bunda, ushbu tartib boʻyicha 50 milliard soʻmdan 200 milliard soʻmgacha boʻlgan investitsiya loyihalarining tashqi muhandislik-kommunikatsiya tarmoqlarini taʼminlash bilan bogʻliq xarajatlar ushbu loyihalar qiymatining 20 foizidan oshmasligi lozim.
3. Moliya vazirligi (T. Ishmetov) Markaziy bank (M. Nurmuratov) bilan birgalikda Xorazm viloyatida ijtimoiy-iqtisodiy rivojlanishdan ortda qolayotgan va ishsizlik darajasi yuqori boʻlgan 98 ta mahalla uchun 2022 — 2026-yillar davomida:
a) Oilaviy tadbirkorlikni rivojlantirish dasturlari doirasida:
“mahallabay” ishlash tizimini joriy etish maqsadida 200 milliard soʻm;
aholini tadbirkorlikka oʻqitish va jalb qilish loyihalarini amalga oshiradigan nodavlat notijorat tashkilotlarini qoʻllab-quvvatlash uchun 50 milliard soʻm miqdorida kredit resurslari ajratilishini koʻzda tutsin;
b) Oʻzbekiston Respublikasi respublika budjeti hisobidan infratuzilmani rivojlantirish uchun 150 milliard soʻm mablagʻ ajratilishini taʼminlasin.
4. Eksportni ragʻbatlantirish agentligi tomonidan 2022-yil 1-yanvardan 2027-yil 1-yanvargacha Orolboʻyi mintaqasida faoliyat yuritayotgan:
kichik tadbirkorlik subyektlariga korxona qurilishi uchun zarur boʻlgan asbob-uskuna va texnikalarni respublikaning boshqa hududlaridan olib kelish hamda ular tomonidan ishlab chiqarilgan yuqori qoʻshilgan qiymatga ega mahsulotlarni respublikaning boshqa hududlariga yetkazib berish bilan bogʻliq temir yoʻl transportida tashish xarajatlarining 50 foiz qismini qoplab berish;
mahalliy eksportchilar tomonidan ishlab chiqarilgan yuqori qoʻshilgan qiymatga ega mahsulotlarni eksport qilishda, ularning Kaspiy dengizigacha tashish bilan bogʻliq transport xarajatlarini toʻliq qoplab berish tartibi joriy etilsin.
Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi (S. Umurzakov) bir oy muddatda Eksportni ragʻbatlantirish agentligi tomonidan Orolboʻyi mintaqasidagi tadbirkorlik subyektlarining yuk tashish xarajatlarini qoplab berish tartibini tasdiqlasin.
5. Investitsiyalar va tashqi savdo vazirligi (A. Voitov) Qoraqalpogʻiston Respublikasi Vazirlar Kengashi (K. Sariyev), Xorazm viloyati hokimligi (F. Ermanov), manfaatdor vazirlik va idoralar bilan birgalikda ikki oy muddatda Qoraqalpogʻiston Respublikasida 45 ta va Xorazm viloyatida 40 ta yangi kichik sanoat zonalarini belgilangan tartibda tashkil etish choralarini koʻrsin.
6. Oliy Majlis Senatiga (T. Narbayeva) Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi, Qoraqalpogʻiston Respublikasi Vazirlar Kengashi, Xorazm viloyati hokimligi hamda boshqa masʼul vazirlik va idora rahbarlarining mazkur Farmon ijrosi yuzasidan axborotlarini eshitishni tashkil etish (shu jumladan joyiga chiqqan holda) hamda amalga oshirilayotgan ishlar natijadorligini taʼminlash boʻyicha zarur choralar koʻrib borish tavsiya etilsin.
7. Axborot va ommaviy kommunikatsiyalar agentligi, Oʻzbekiston Milliy axborot agentligi va Oʻzbekiston Milliy teleradiokompaniyasi mazkur Farmonning maqsadi, vazifalari va undan kutilayotgan natijalarni ommaviy axborot vositalari, Internet va ijtimoiy tarmoqlarda keng yoritish ishlarini tashkil qilsin.
8. Iqtisodiy taraqqiyot va kambagʻallikni qisqartirish vazirligi (S. Xolxoʻjayev) Investitsiyalar va tashqi savdo vazirligi (A. Voitov), manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur Farmonning ijrosini samarali tashkil qilishga masʼul va shaxsiy javobgar etib Qoraqalpogʻiston Respublikasi Vazirlar Kengashi Raisi K.R. Sariyev, Xorazm viloyati hokimi F.U. Ermanov, investitsiyalar va tashqi savdo vazirining birinchi oʻrinbosari A.B. Voitov hamda iqtisodiy taraqqiyot va kambagʻallikni qisqartirish vazirining birinchi oʻrinbosari S.M. Xolxoʻjayev belgilansin.
Farmon ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazirning oʻrinbosarlari S.Oʻ. Umurzakov va J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 23-noyabr,
PF-25-son
Президента Республики Узбекистан
Указ
О дополнительных мерах по ускоренному развитию предпринимательства в регионе Приаралья
В целях создания благоприятных условий для привлечения инвестиций в Республику Каракалпакстан и Хорезмскую область (далее — регион Приаралья) путем стимулирования организации предпринимательской деятельности и производства конкурентоспособной продукции с высокой добавленной стоимостью в регионе, а также обеспечения исполнения задач, определенных в рамках открытого диалога Президента Республики Узбекистан с предпринимателями, проведенного 20 августа 2021 года по непосредственному изучению проблем и предложений предпринимателей и определению основных направлений последующего развития предпринимательства:
1. Одобрить предложения Министерства инвестиций и внешней торговли, Министерства экономического развития и сокращения бедности, Министерства финансов, Торгово-промышленной палаты, Совета Министров Республики Каракалпакстан и хокимията Хорезмской области, предусматривающие с 1 января 2022 года:
а) до 1 января 2031 года установление для субъектов предпринимательства в сферах местной промышленности, сельского хозяйства и услуг в Муйнакском районе Республики Каракалпакстан:
ставок налога, установленных по налогу на прибыль, налогу с оборота, социальному налогу, налогу на доходы физических лиц, в размере 1 процента;
ставок налога на имущество, земельного налога и налога за пользование водными ресурсами в размере 1 процента от суммы, начисленной поданным налогам;
б) до 1 января 2025 года по вновь создаваемым субъектам предпринимательства (за исключением кластеров) в Тупроккалинском, Янгиарыкском, Янгибазарском районах Хорезмской области и осуществляющим деятельность с прохождением регистрации в данных районах:
снижение ставок налога на прибыль, земельного налога с юридических лиц, налога на имущество юридических лиц на 50 процентов;
освобождение от таможенной пошлины не производимого в Республике Узбекистан сырья, материалов, ввозимых ими для нужд собственного производства (оказания услуг) по перечню, формируемому в установленном порядке;
в) установление льготного периода по уплате земельного налога с юридических лиц на земли в Хорезмской области на которых произведены новые посадки садов, виноградников и тутовников, независимо от использования междурядий для посева сельскохозяйственных культур, — пять лет.
Министерству финансов в двухмесячный срок внести в Кабинет Министров проект закона, предусматривающий внесение изменений и дополнений в Налоговый кодекс исходя из настоящего пункта.
2. Установить для Республики Каракалпакстан стоимость инвестиционных проектов, обеспечиваемых необходимыми внешними инженерно-коммуникационными сетями за счет средств Государственного бюджета, в соответствии с постановлением Президента Республики Узбекистан от 25 августа 2021 года № ПП-5233 «О мерах по обеспечению инвестиционных проектов внешней инфраструктурой» в размере не менее 50 миллиардов сумов.
При этом расходы, связанные с обеспечением внешними инженерно-коммуникационными сетями инвестиционных проектов стоимостью от 50 миллиардов сумов до 200 миллиардов сумов, согласно данному порядку не должны превышать 20 процентов стоимости данных проектов.
3. Министерству финансов (Т. Ишметов) совместно с Центральным банком (М. Нурмуратов) в течение 2022 — 2026 годов для 98 махаллей в Хорезмской области, отстающих в социально-экономическом развитии и с высоким уровнем безработицы:
а) предусмотреть выделение кредитных ресурсов в рамках программ развития семейного предпринимательства:
в размере 200 миллиардов сумов в целях внедрения системы работы «махаллабай»;
в размере 50 миллиардов сумов на поддержку негосударственных некоммерческих организаций, реализующих проекты по обучению и привлечению населения к предпринимательству;
б) обеспечить выделение 150 миллиардов сумов на развитие инфраструктуры за счет республиканского бюджета Республики Узбекистан.
4. Внедрить на срок с 1 января 2022 года до 1 января 2027 года порядок возмещения Агентством продвижения экспорта:
50 процентов расходов транспортировки железнодорожным транспортом субъектов малого предпринимательства, осуществляющих деятельность в регионе Приаралья, связанных с доставкой из других регионов республики оборудования и техники, необходимых для строительства предприятий, а также поставкой в другие регионы республики произведенной ими продукции с высокой добавленной стоимостью;
в полном объеме транспортных расходов местных экспортеров, осуществляющих деятельность в регионе Приаралья, связанных с транспортировкой до Каспийского моря при экспорте произведенной ими продукции с высокой добавленной стоимостью.
Правительственной комиссии по вопросам внешней торговли, инвестиций, развития местной промышленности и технического регулирования (С. Умурзаков) в месячный срок утвердить порядок возмещения Агентством продвижения экспорта расходов транспортировки грузов субъектов предпринимательства региона Приаралья.
5. Министерству инвестиций и внешней торговли (А. Воитов) совместно с Советом Министров Республики Каракалпакстан (К. Сариев), хокимиятом Хорезмской области (Ф. Эрманов), заинтересованными министерствами и ведомствами в двухмесячный срок принять меры по созданию в установленном порядке 45 новых малых промышленных зон в Республике Каракалпакстан и 40 — в Хорезмской области.
6. Рекомендовать Сенату Олий Мажлиса (Т. Нарбаева) принимать необходимые меры по организации заслушивания информации руководителей Министерства инвестиций и внешней торговли, Министерства экономического развития и сокращения бедности, Совета Министров Республики Каракалпакстан, хокимията Хорезмской области и других ответственных министерств и ведомств по исполнению настоящего Указа (в том числе с выездом на места), а также обеспечению результативности осуществляемых работ.
7. Агентству информации и массовых коммуникаций, Национальному информационному агентству Узбекистана и Национальной телерадиокомпании Узбекистана организовать работу по широкому освещению целей, задач настоящего Указа и ожидаемых результатов в средствах массовой информации, сети Интернет и социальных сетях.
8. Министерству экономического развития и сокращения бедности (С. Холхужаев) совместно с Министерством инвестиций и внешней торговли (А. Воитов), заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
9. Возложить на Председателя Совета Министров Республики Каракалпакстан К.Р. Сариева, хокима Хорезмской области Ф.У. Эрманова, первого заместителя министра инвестиций и внешней торговли А.Б. Воитова и первого заместителя министра экономического развития и сокращения бедности С.М. Холхужаева персональную ответственность за эффективную организацию исполнения настоящего Указа.
Ежеквартальное обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на заместителей Премьер-министра С.У. Умурзакова и Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
23 ноября 2021 г.,
№ УП-25