📅 2021-yil 23-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 23 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 ноября 2021 г. · Постановления Президента
Официальный текст. Официальный документ. Редакционные примечания не включены.
📅 23 November 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТУЗИЛМАСИ
Қашқадарё вилоятининг маҳаллий ижро ҳокимияти органлари фаолиятини янада такомиллаштириш чора-тадбирлари тўғрисида
Республикада ер ва сув ресурсларидан оқилона фойдаланиш асосида қишлоқ хўжалиги маҳсулотлари ишлаб чиқаришни кўпайтириш, даромадни ошириш ва манфаатдорликни таъминлашга қаратилган ташкилий, иқтисодий ва ҳуқуқий механизмларни такомиллаштириш бўйича кенг кўламли ислоҳотлар амалга оширилмоқда.
Шу билан бирга, Қашқадарё вилоятида маҳаллий ижро ҳокимияти органлари раҳбарлари мавжуд имкониятлар ва шароитлардан самарали фойдаланмаётгани оқибатида вилоят қишлоқ хўжалигини барқарор ривожлантиришда ўз ечимини кутаётган долзарб муаммолар ва камчиликлар сақланиб қолмоқда, жумладан:
биринчидан, маҳаллий ижро ҳокимияти органлари раҳбарларида қишлоқ хўжалиги соҳасида юзага келаётган муаммолар ечими бўйича тезкор қарорларни қабул қилиш ва устувор вазифалар ижросини самарали таъминлаш, ваколатли идоралар ва ташкилотлар фаолиятини мувофиқлаштиришда ташаббускорлик ва талабчанлик етишмаяпти;
иккинчидан, қишлоқ хўжалиги ерларини ноқонуний ажратиш ва улардан хўжасизларча фойдаланиш ҳолатлари давом этиб, мавжуд ер ва сув ресурслари самарадорлигини таъминлашга қаратилган инновацион технологиялар ва илмий ишланмаларни жорий қилиш, қишлоқ хўжалиги экинлари ҳосилдорлигини ошириш масалаларига етарлича эътибор қаратилмаган;
учинчидан, қишлоқ хўжалигининг барча соҳаларида кластер тизимини ривожлантириш ҳисобига қўшилган қийматни яратиш, янги иш ўринларини ташкил этиш ва ҳудуд экспорт салоҳиятини оширишда маҳаллий ижро ҳокимияти органлари раҳбарларининг ўрни сезилмаяпти;
тўртинчидан, озиқ-овқат маҳсулотларини ишлаб чиқариш ҳажмини ошириш учун барча имкониятлар ва захиралар бўлса-да, аҳолини йил давомида ҳамда узлуксиз равишда барқарор нархларда қишлоқ хўжалиги маҳсулотлари билан таъминлаш бўйича етарли даражада ишлар амалга оширилмаган.
Қашқадарё вилоятида қишлоқ ва сув хўжалиги соҳасида амалга оширилаётган кенг кўламли ислоҳотларни янада жадаллаштириш, тармоқдаги мавжуд тизимли муаммоларни бартараф этиш, ҳудудда аграр тармоқнинг иқтисодий салоҳиятини янада юксалтириш ҳамда белгиланган вазифалар ижросини таъминлашда маҳаллий ижро ҳокимияти органлари раҳбарларининг масъулияти ва жавобгарлигини янада ошириш мақсадида:
1. Вазирлар Маҳкамасининг Қашқадарё вилояти ҳокимининг қишлоқ ва сув хўжалиги масалалари бўйича ўринбосари лавозимини тугатиш ҳамда Қашқадарё вилояти ҳокимининг қишлоқ ва сув хўжалиги масалалари бўйича биринчи ўринбосари лавозимини жорий этиш тўғрисидаги таклифига розилик берилсин.
2. Қашқадарё вилояти ҳокимининг қишлоқ ва сув хўжалиги масалалари бўйича биринчи ўринбосарига қуйидаги вазифалар юклатилсин:
қишлоқ хўжалиги экинларини оқилона жойлаштириш, қишлоқ хўжалиги маҳсулотлари етиштиришнинг самарали усулларини жорий этиш, агросаноат кластерларини ривожлантириш;
янги интенсив боғ ва токзорларни барпо қилиш ва иссиқхоналарни ташкил этиш бўйича қабул қилинган дастурлар ижросини таъминлаш;
тупроқ унумдорлигини ошириш, ерлардан оқилона фойдаланиш ҳамда уларни муҳофаза қилиш бўйича ҳудудий дастурларни ишлаб чиқиш ва амалга ошириш;
сув ресурсларидан оқилона фойдаланиш, сувни тежовчи технологияларни кенг жорий этиш, ирригация ва мелиорация тадбирларини амалга ошириш;
инновацион ишланмалар, шунингдек, замонавий автоматлаштириш ва ахборот-коммуникация технологияларини қишлоқ хўжалиги тармоқларига жорий этиш;
чорва моллари бош сонини, гўшт, сут, тухум, балиқ ва асал ишлаб чиқариш ҳажмини ошириш бўйича прогноз кўрсаткичлари бажарилишини таъминлаш;
қишлоқ хўжалиги маҳсулотларини қайта ишлаш лойиҳаларини амалга ошириш ва қишлоқ жойларда савдо ва пуллик хизматларни ташкил этиш.
3. Қашқадарё вилояти ҳокимлиги бошқарув аппаратининг намунавий тузилмаси иловага мувофиқ тасдиқлансин.
Молия вазирлиги Қашқадарё вилояти ҳокимлиги билан биргаликда ўн кун муддатда мазкур қарор талабларидан келиб чиқиб Қашқадарё вилояти ҳокимлиги бошқарув аппарати ходимларининг штатлар жадвалини қайта кўриб чиқсин.
4. Қашқадарё вилояти ҳокимлиги бир ҳафта муддатда мазкур қарор талабларидан келиб чиққан ҳолда Қашқадарё вилояти ҳокимининг тегишли ўринбосарлари функционал вазифалари ва уларнинг котибиятлари тўғрисидаги низомларни тасдиқласин.
5. Вазирлар Маҳкамаси бир ой муддатда Қашқадарё вилоятида қишлоқ хўжалигини барқарор ривожлантиришга тўсиқ бўлаётган муаммолар ва камчиликларни чуқур таҳлил қилиб, уларнинг ечимига қаратилган чора-тадбирлар дастурини тасдиқласин ва ижросини таъминласин.
6. Қашқадарё вилояти ҳокимлиги Адлия вазирлиги ҳамда бошқа манфаатдор вазирлик ва идоралар билан биргаликда бир ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президентининг 2021 йил 23 ноябрдаги ПҚ-21-сон қарорига ИЛОВА
Қашқадарё вилояти ҳокимлиги бошқарув аппаратининг намунавий ташкилий
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 23 ноябрь,
ПҚ-21-сон
Oʻzbekiston Respublikasi Prezidentining
Qarori
TUZILMASI
Qashqadaryo viloyatining mahalliy ijro hokimiyati organlari faoliyatini yanada takomillashtirish chora-tadbirlari toʻgʻrisida
Respublikada yer va suv resurslaridan oqilona foydalanish asosida qishloq xoʻjaligi mahsulotlari ishlab chiqarishni koʻpaytirish, daromadni oshirish va manfaatdorlikni taʼminlashga qaratilgan tashkiliy, iqtisodiy va huquqiy mexanizmlarni takomillashtirish boʻyicha keng koʻlamli islohotlar amalga oshirilmoqda.
Shu bilan birga, Qashqadaryo viloyatida mahalliy ijro hokimiyati organlari rahbarlari mavjud imkoniyatlar va sharoitlardan samarali foydalanmayotgani oqibatida viloyat qishloq xoʻjaligini barqaror rivojlantirishda oʻz yechimini kutayotgan dolzarb muammolar va kamchiliklar saqlanib qolmoqda, jumladan:
birinchidan, mahalliy ijro hokimiyati organlari rahbarlarida qishloq xoʻjaligi sohasida yuzaga kelayotgan muammolar yechimi boʻyicha tezkor qarorlarni qabul qilish va ustuvor vazifalar ijrosini samarali taʼminlash, vakolatli idoralar va tashkilotlar faoliyatini muvofiqlashtirishda tashabbuskorlik va talabchanlik yetishmayapti;
ikkinchidan, qishloq xoʻjaligi yerlarini noqonuniy ajratish va ulardan xoʻjasizlarcha foydalanish holatlari davom etib, mavjud yer va suv resurslari samaradorligini taʼminlashga qaratilgan innovatsion texnologiyalar va ilmiy ishlanmalarni joriy qilish, qishloq xoʻjaligi ekinlari hosildorligini oshirish masalalariga yetarlicha eʼtibor qaratilmagan;
uchinchidan, qishloq xoʻjaligining barcha sohalarida klaster tizimini rivojlantirish hisobiga qoʻshilgan qiymatni yaratish, yangi ish oʻrinlarini tashkil etish va hudud eksport salohiyatini oshirishda mahalliy ijro hokimiyati organlari rahbarlarining oʻrni sezilmayapti;
toʻrtinchidan, oziq-ovqat mahsulotlarini ishlab chiqarish hajmini oshirish uchun barcha imkoniyatlar va zaxiralar boʻlsa-da, aholini yil davomida hamda uzluksiz ravishda barqaror narxlarda qishloq xoʻjaligi mahsulotlari bilan taʼminlash boʻyicha yetarli darajada ishlar amalga oshirilmagan.
Qashqadaryo viloyatida qishloq va suv xoʻjaligi sohasida amalga oshirilayotgan keng koʻlamli islohotlarni yanada jadallashtirish, tarmoqdagi mavjud tizimli muammolarni bartaraf etish, hududda agrar tarmoqning iqtisodiy salohiyatini yanada yuksaltirish hamda belgilangan vazifalar ijrosini taʼminlashda mahalliy ijro hokimiyati organlari rahbarlarining masʼuliyati va javobgarligini yanada oshirish maqsadida:
1. Vazirlar Mahkamasining Qashqadaryo viloyati hokimining qishloq va suv xoʻjaligi masalalari boʻyicha oʻrinbosari lavozimini tugatish hamda Qashqadaryo viloyati hokimining qishloq va suv xoʻjaligi masalalari boʻyicha birinchi oʻrinbosari lavozimini joriy etish toʻgʻrisidagi taklifiga rozilik berilsin.
2. Qashqadaryo viloyati hokimining qishloq va suv xoʻjaligi masalalari boʻyicha birinchi oʻrinbosariga quyidagi vazifalar yuklatilsin:
qishloq xoʻjaligi ekinlarini oqilona joylashtirish, qishloq xoʻjaligi mahsulotlari yetishtirishning samarali usullarini joriy etish, agrosanoat klasterlarini rivojlantirish;
yangi intensiv bogʻ va tokzorlarni barpo qilish va issiqxonalarni tashkil etish boʻyicha qabul qilingan dasturlar ijrosini taʼminlash;
tuproq unumdorligini oshirish, yerlardan oqilona foydalanish hamda ularni muhofaza qilish boʻyicha hududiy dasturlarni ishlab chiqish va amalga oshirish;
suv resurslaridan oqilona foydalanish, suvni tejovchi texnologiyalarni keng joriy etish, irrigatsiya va melioratsiya tadbirlarini amalga oshirish;
innovatsion ishlanmalar, shuningdek, zamonaviy avtomatlashtirish va axborot-kommunikatsiya texnologiyalarini qishloq xoʻjaligi tarmoqlariga joriy etish;
chorva mollari bosh sonini, goʻsht, sut, tuxum, baliq va asal ishlab chiqarish hajmini oshirish boʻyicha prognoz koʻrsatkichlari bajarilishini taʼminlash;
qishloq xoʻjaligi mahsulotlarini qayta ishlash loyihalarini amalga oshirish va qishloq joylarda savdo va pullik xizmatlarni tashkil etish.
3. Qashqadaryo viloyati hokimligi boshqaruv apparatining namunaviy tuzilmasi ilovaga muvofiq tasdiqlansin.
Moliya vazirligi Qashqadaryo viloyati hokimligi bilan birgalikda oʻn kun muddatda mazkur qaror talablaridan kelib chiqib Qashqadaryo viloyati hokimligi boshqaruv apparati xodimlarining shtatlar jadvalini qayta koʻrib chiqsin.
4. Qashqadaryo viloyati hokimligi bir hafta muddatda mazkur qaror talablaridan kelib chiqqan holda Qashqadaryo viloyati hokimining tegishli oʻrinbosarlari funksional vazifalari va ularning kotibiyatlari toʻgʻrisidagi nizomlarni tasdiqlasin.
5. Vazirlar Mahkamasi bir oy muddatda Qashqadaryo viloyatida qishloq xoʻjaligini barqaror rivojlantirishga toʻsiq boʻlayotgan muammolar va kamchiliklarni chuqur tahlil qilib, ularning yechimiga qaratilgan chora-tadbirlar dasturini tasdiqlasin va ijrosini taʼminlasin.
6. Qashqadaryo viloyati hokimligi Adliya vazirligi hamda boshqa manfaatdor vazirlik va idoralar bilan birgalikda bir oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidentining 2021-yil 23-noyabrdagi PQ-21-son qaroriga ILOVA
Qashqadaryo viloyati hokimligi boshqaruv apparatining namunaviy tashkiliy
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 23-noyabr,
PQ-21-son
Президента Республики Узбекистан
Постановление
Типовая организационная структура
О мерах по дальнейшему совершенствованию деятельности местных органов исполнительной власти Кашкадарьинской области
В республике осуществляются широкомасштабные реформы по совершенствованию организационных, экономических и правовых механизмов, направленных на увеличение производства сельскохозяйственной продукции, повышение дохода и обеспечение заинтересованности на основе рационального использования земельных и водных ресурсов.
Вместе с тем в результате неэффективного использования руководителями местных органов исполнительной власти Кашкадарьинской области имеющихся возможностей и условий сохраняются актуальные проблемы и недостатки, ожидающие своего решения в стабильном развитии сельского хозяйства области, в частности:
во-первых, руководители местных органов исполнительной власти недостаточно инициативны и требовательны в принятии безотлагательных решений по устранению проблем, возникающих в сфере сельского хозяйства, а также эффективном обеспечении исполнения приоритетных задач, координации деятельности уполномоченных ведомств и организаций;
во-вторых, продолжаются незаконные отводы сельскохозяйственных земель, имеются случаи нехозяйственного пользования ими, не уделено достаточного внимания вопросам внедрения инновационных технологий и научных разработок, направленных на обеспечение эффективности имеющихся земельных и водных ресурсов, повышение урожайности сельскохозяйственных культур;
в-третьих, не ощущается роль руководителей местных органов исполнительной власти в создании добавленной стоимости за счет развития кластерной системы во всех отраслях сельского хозяйства, организации новых рабочих мест и повышении экспортного потенциала региона;
в-четвертых, несмотря на наличие всех возможностей и резервов для увеличения объемов производства продовольственной продукции, не осуществлена на должном уровне работа по бесперебойному обеспечению населения сельскохозяйственными продуктами по стабильным ценам в течение года.
В целях дальнейшего ускорения широкомасштабных реформ, осуществляемых в Кашкадарьинской области в сфере сельского и водного хозяйства, устранения имеющихся системных проблем в отрасли, дальнейшего повышения экономического потенциала аграрного сектора региона, а также дальнейшего усиления ответственности руководителей местных органов исполнительной власти в обеспечении исполнения намеченных задач:
1. Согласиться с предложением Кабинета Министров об упразднении должности заместителя хокима Кашкадарьинской области по вопросам сельского и водного хозяйства, а также введении должности первого заместителя хокима Кашкадарьинской области по вопросам сельского и водного хозяйства.
2. Возложить на первого заместителя хокима Кашкадарьинской области по вопросам сельского и водного хозяйства следующие задачи:
рациональное размещение сельскохозяйственных культур, внедрение эффективных методов производства сельскохозяйственной продукции, развитие агропромышленных кластеров;
обеспечение исполнения программ, принятых по созданию новых интенсивных садов и виноградников и организации теплиц;
разработку и реализацию территориальных программ по повышению плодородия почвы, рациональному использованию и охране земель;
рациональное использование водных ресурсов, широкое внедрение водосберегающих технологий, осуществление ирригационных и мелиоративных мероприятий;
внедрение инновационных разработок, а также современных автоматизированных и информационно-коммуникационных технологий в отрасли сельского хозяйства;
обеспечение выполнения прогнозных показателей по увеличению поголовья крупного скота, объемов производства мяса, молока, яиц, рыбы и меда;
реализацию проектов по переработке сельскохозяйственной продукции, а также организацию торговых и платных услуг в сельской местности.
3. Утвердить типовую структуру управленческого аппарата хокимията Кашкадарьинской области согласно приложению .
Министерству финансов совместно с хокимиятом Кашкадарьинской области в десятидневный срок пересмотреть штатное расписание работников управленческого аппарата хокимията Кашкадарьинской области исходя из требований настоящего постановления.
4. Хокимияту Кашкадарьинской области в недельный срок утвердить положения о функциональных обязанностях соответствующих заместителей хокима Кашкадарьинской области и об их секретариатах исходя из требований настоящего постановления.
5. Кабинету Министров в месячный срок глубоко проанализировать проблемы и недостатки, препятствующие стабильному развитию сельского хозяйства в Кашкадарьинской области, утвердить программу мер, направленных на их решение, и обеспечить их исполнение.
6. Хокимияту Кашкадарьинской области совместно с Министерством юстиции и другими заинтересованными министерствами и ведомствами в месячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
7. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
ПРИЛОЖЕНИЕ к постановлению Президента Республики Узбекистан от 23 ноября 2021 года № ПП-21
управленческого аппарата хокимията Кашкадарьинской области
Президент Республики Узбекистан Ш. МИРЗИЁЕВ
г. Ташкент,
23 ноября 2021 г.,
№ ПП-21