📅 2021-yil 26-noyabr · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 26 ноябрь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 26 ноября 2021 г. · Законы и кодексы
Официальный текст. Официальный документ. Редакционные примечания не включены.
📅 26 November 2021 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Музейлар тўғрисида»ги Ўзбекистон Республикаси Қонунига қўшимчалар киритиш ҳақида
Қонунчилик палатаси томонидан 2021 йил 14 сентябрда қабул қилинган Сенат томонидан 2021 йил 21 октябрда маъқулланган
1-модда. Ўзбекистон Республикасининг 2008 йил 12 сентябрда қабул қилинган «Музейлар тўғрисида»ги ЎРҚ-177-сонли Қонунига (Ўзбекистон Республикаси Олий Мажлиси палаталарининг Ахборотномаси, 2008 йил, № 9, 483-модда; 2013 йил, № 4, 98-модда; 2017 йил, № 6, 300-модда; 2018 йил, № 4, 224-модда; 2021 йил, 4-сонга илова) қуйидаги қўшимчалар киритилсин:
1) қуйидаги мазмундаги 27 1 -модда билан тўлдирилсин:
«27 1 -модда. Музейларнинг фаолият турлари
Музейлар қонунчиликда тақиқланмаган ҳамда ушбу Қонуннинг 24-моддасида назарда тутилган музейларни ташкил этиш мақсадларига мос бўлган фаолият турларини ўз таъсис ҳужжатларига мувофиқ амалга ошириши мумкин. Бунда музейлар томонидан музей ашёлари ва музей коллекцияларининг бут сақланиши таъминланиши керак»;
2) 28-модда қуйидаги мазмундаги тўртинчи қисм билан тўлдирилсин:
«Давлат музейларига пулли хизматлар кўрсатишдан, хайриялардан ҳамда қонунчиликда тақиқланмаган бошқа манбалардан келиб тушадиган маблағлар келгуси йил учун бюджетдан молиялаштириш ҳажмини белгилашда ҳисобга олинмайди ва ушбу маблағлар ҳисобига бюджетдан молиялаштириш миқдори камайтирилмайди. Бунда кўрсатилган маблағлардан давлат музейларининг моддий-техника базасини ривожлантириш ва қонунчиликда тақиқланмаган бошқа мақсадлар учун фойдаланилади».
2-модда. Ўзбекистон Республикаси Туризм ва спорт вазирлиги ҳамда бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2021 йил 26 ноябрь,
ЎРҚ-732-сон
Oʻzbekiston Respublikasining Qonuni
“Muzeylar toʻgʻrisida”gi Oʻzbekiston Respublikasi Qonuniga qoʻshimchalar kiritish haqida
Qonunchilik palatasi tomonidan 2021-yil 14-sentabrda qabul qilingan Senat tomonidan 2021-yil 21-oktabrda maʼqullangan
1-modda. Oʻzbekiston Respublikasining 2008-yil 12-sentabrda qabul qilingan “Muzeylar toʻgʻrisida”gi OʻRQ-177-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2008-yil, № 9, 483-modda; 2013-yil, № 4, 98-modda; 2017-yil, № 6, 300-modda; 2018-yil, № 4, 224-modda; 2021-yil, 4-songa ilova) quyidagi qoʻshimchalar kiritilsin:
1) quyidagi mazmundagi 27 1 -modda bilan toʻldirilsin:
“27 1 -modda. Muzeylarning faoliyat turlari
Muzeylar qonunchilikda taqiqlanmagan hamda ushbu Qonunning 24-moddasida nazarda tutilgan muzeylarni tashkil etish maqsadlariga mos boʻlgan faoliyat turlarini oʻz taʼsis hujjatlariga muvofiq amalga oshirishi mumkin. Bunda muzeylar tomonidan muzey ashyolari va muzey kolleksiyalarining but saqlanishi taʼminlanishi kerak”;
2) 28-modda quyidagi mazmundagi toʻrtinchi qism bilan toʻldirilsin:
“Davlat muzeylariga pulli xizmatlar koʻrsatishdan, xayriyalardan hamda qonunchilikda taqiqlanmagan boshqa manbalardan kelib tushadigan mablagʻlar kelgusi yil uchun budjetdan moliyalashtirish hajmini belgilashda hisobga olinmaydi va ushbu mablagʻlar hisobiga budjetdan moliyalashtirish miqdori kamaytirilmaydi. Bunda koʻrsatilgan mablagʻlardan davlat muzeylarining moddiy-texnika bazasini rivojlantirish va qonunchilikda taqiqlanmagan boshqa maqsadlar uchun foydalaniladi”.
2-modda. Oʻzbekiston Respublikasi Turizm va sport vazirligi hamda boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2021-yil 26-noyabr,
OʻRQ-732-son
Закон Республики Узбекистан
О внесении дополнений в Закон Республики Узбекистан «О музеях»
Принят Законодательной палатой 14 сентября 2021 года Одобрен Сенатом 21 октября 2021 года
Статья 1. Внести в Закон Республики Узбекистан от 12 сентября 2008 года № ЗРУ-177 «О музеях» (Ведомости палат Олий Мажлиса Республики Узбекистан, 2008 г., № 9, ст. 483; 2013 г., № 4, ст. 98; 2017 г., № 6, ст. 300; 2018 г., № 4, ст. 224; 2021 г., приложение к № 4) следующие дополнения:
1) дополнить статьей 27 1 следующего содержания:
«Статья 27 1 . Виды деятельности музеев
Музеи в соответствии со своими учредительными документами могут осуществлять виды деятельности, не запрещенные законодательством и соответствующие целям создания музеев, предусмотренным статьей 24 настоящего Закона. При этом музеями должна обеспечиваться сохранность музейных предметов и музейных коллекций»;
2) статью 28 дополнить частью четвертой следующего содержания:
«Средства, поступающие государственным музеям от оказания платных услуг, благотворительности и из иных источников, не запрещенных законодательством, не учитываются при определении объема бюджетного финансирования на следующий год, и размер бюджетного финансирования за счет этих средств не уменьшается. При этом указанные средства используются для развития материально-технической базы государственных музеев и в других целях, не запрещенных законодательством».
Статья 2. Министерству туризма и спорта Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
26 ноября 2021 г.,
№ ЗРУ-732