📅 2021-yil 30-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 30 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 ноября 2021 г. · Постановления Президента
Официальный текст. Официальный документ. Редакционные примечания не включены.
📅 30 November 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ички ишлар органлари профилактика инспекторларининг юридик йўналишдаги билимларини ошириш бўйича қўшимча чора-тадбирлар тўғрисида
Ички ишлар органлари учун мутахассислар тайёрлашнинг янги тизимини жорий этиш, ички ишлар органларида олий юридик маълумотга эга кадрларга бўлган эҳтиёжни тўлақонли қондириш, шунингдек, Янги Ўзбекистон шароитида ички ишлар органлари профилактика инспекторлари олдида турган муҳим вазифаларнинг самарали амалга оширилишини таъминлаш мақсадида:
1. 2022/2023 ўқув йилидан бошлаб ички ишлар органларида уч йилдан ортиқ иш стажига эга бўлган, касбига фидойи, ташаббускор профилактика (катта) инспекторларини Жамоат хавфсизлиги университети, Тошкент давлат юридик университети ҳамда юриспруденция соҳасида бакалавриат таълим йўналиши мавжуд бўлган бошқа давлат олий таълим муассасаларига (Жаҳон иқтисодиёти ва дипломатия университети, Ички ишлар вазирлиги Академияси ҳамда Давлат божхона қўмитасининг Божхона институти бундан мустасно) (кейинги ўринларда — олий таълим муассасалари) кириш имтиҳонларисиз сиртқи таълим шаклига, 2027/2028 ўқув йилидан бошлаб мавжуд масофавий таълим шаклига ўқишга қабул қилиш тартиби жорий этилсин.
2. Шундай тартиб ўрнатилсинки, унга мувофиқ:
профилактика (катта) инспекторларига юриспруденция соҳасида бакалавриат таълим йўналиши бўйича сиртқи ёки масофавий таълим шаклига ўқишга тавсияномалар бериш учун ички ишлар вазирининг ўринбосари — Жамоат хавфсизлиги департаменти бошлиғи раҳбарлигида комиссия (кейинги ўринларда — комиссия) ташкил этилади;
комиссия томонидан Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги билан биргаликда ўқишга номзод профилактика (катта) инспекторларининг билим даражаларини аниқлаш учун тест имтиҳонлари ўтказилади;
комиссия раиси тест имтиҳонлари натижалари ҳамда комиссия хулосаси асосида ички ишлар вазирига тавсиянома берилган профилактика (катта) инспекторлари рўйхатини тақдим этади;
тавсиянома берилган профилактика (катта) инспекторлари рўйхати ички ишлар вазири томонидан ҳар йили июнь ойида тест имтиҳонлари натижалари ва комиссия хулосаси билан биргаликда, тавсия этилаётган олий таълим муассасалари кесимида Ўзбекистон Республикаси таълим ташкилотларига ўқишга қабул қилиш бўйича давлат комиссиясига (кейинги ўринларда — Давлат комиссияси) тақдим этилади;
тавсияномалар олий таълим муассасалари ўртасида тенг тақсимланади;
Давлат комиссияси томонидан тавсиянома берилган профилактика (катта) инспекторларини сиртқи ёки масофавий ўқишга қабул қилиш бўйича тегишли қарор қабул қилинади;
ўқишга қабул қилиш тўлов-контракт асосида амалга оширилади ҳамда контракт маблағлари республика бюджети маблағлари ҳисобидан Ички ишлар вазирлиги орқали тўлаб берилади;
тавсияномага эга профилактика (катта) инспекторлари олий таълим муассасаларининг сиртқи ёки масофавий таълим шаклига қабул параметрларидан ташқари ўқишга қабул қилинади;
ички ишлар вазирига олий юридик маълумотга эга профилактика (катта) инспекторларига бўлган эҳтиёждан келиб чиқиб, Иқтисодиёт ва молия вазирлиги билан келишган ҳолда, Давлат комиссиясига тавсияномалар сонини кўпайтириш бўйича таклиф киритиш ҳуқуқи берилади.
3. Ички ишлар вазирлиги (А.А. Ташпулатов):
2022 йил 1 майга қадар 2022/2023 ўқув йилида юриспруденция соҳасида бакалавриат йўналиши бўйича сиртқи таълим шаклига ўқишга қабул қилиш учун 100 нафар профилактика (катта) инспекторларига тавсиянома берсин;
2023/2024 ўқув йилидан бошлаб профилактика (катта) инспекторларини юриспруденция соҳасида бакалавриат таълим йўналиши бўйича сиртқи таълим шаклига ўқишга қабул қилиш учун тавсияномаларни 2 баробаргача ошириш юзасидан Давлат комиссиясига асослантирилган таклиф киритсин.
2027/2028 ўқув йилида юриспруденция соҳасида бакалавриат йўналиши бўйича масофавий таълим шаклига ўқишга қабул қилиш учун 100 нафар профилактика (кичик, катта, бош) инспекторларига тавсиянома берсин ва 2028/2029 ўқув йилидан бошлаб профилактика (кичик, катта, бош) инспекторларини юриспруденция соҳасида бакалавриат таълим йўналиши бўйича масофавий таълим шаклига ўқишга қабул қилиш учун тавсияномаларни 2 баробаргача ошириш юзасидан Давлат комиссиясига асослантирилган таклиф киритсин.
4. Белгилаб қўйилсинки:
а) мазкур қарорга мувофиқ жорий этиладиган тартибга кўра, Ички ишлар вазирлигининг тавсияномаси асосида олий таълим муассасаларида сиртқи ёки масофавий таълим шаклида ўқиган битирувчиларга ички ишлар органларида камида беш йил хизмат ўтаб бериш мажбурияти юклатилади;
б) тавсияномалар берилган ходимлар билан ўқишни тамомлаганидан кейин беш календарь йил мобайнида ички ишлар органларида мажбурий узлуксиз хизмат ўташ ҳақида уч томонлама (Ички ишлар вазирлиги — профилактика инспектори — олий таълим муассасаси) шартнома тузилади;
в) тавсиянома асосида ўқишга қабул қилиниб, турли сабабларга кўра ўқишдан четлаштирилган ёки ўқишни тамомлагандан сўнг ички ишлар органларида беш йил хизмат ўтаб бермаган профилактика (катта) инспекторларидан ўқишга сарфланган тўлов-контракт маблағлари ундирилади. Бунда, қуйидаги ҳолларда профилактика (катта) инспекторларидан ўқишга сарфланган шартнома маблағлари ундирилмайди:
ички ишлар органларидан ҳарбий-тиббий комиссия хулосаси асосида бўшатилганда;
ходимнинг ота-онаси, ака-укалари ёки опа-сингилларидан бири ҳуқуқни муҳофаза қилувчи органлар ходими ёхуд Ўзбекистон Республикаси Қуролли Кучларининг ҳарбий хизматчиси бўлиб, хизмат вазифаларини бажариш чоғида ҳалок бўлганда;
ходим вафот этганда.
5. Ички ишлар вазирлиги (П.Р. Бобожонов):
а) бир ой муддатда профилактика (катта) инспекторларини олий таълим муассасаларининг сиртқи таълим шаклига ўқишга киришга тавсия этишнинг аниқ, шаффоф ва адолатли мезонларини ишлаб чиқсин ва тавсиянома бериш тартиби тўғрисидаги низомни тасдиқласин. Бунда қуйидагиларга алоҳида эътибор қаратилсин:
профилактика (катта) инспекторларига юриспруденция соҳасида бакалавриат таълим йўналиши бўйича сиртқи ёки масофавий таълим шаклига ўқишга тавсияномалар бериш учун комиссия тузиш ҳамда унинг асосий вазифа ва функцияларини аниқ белгилаш;
мазкур қарор талаблари асосида ўқишга номзод бўлган профилактика (катта) инспекторларини саралаш ва рўйхатини шакллантириш тартибини белгилаш;
комиссия томонидан Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги билан биргаликда ўқишга номзод профилактика (катта) инспекторларини тест имтиҳонларидан ўтказиш тартибини белгилаш;
тест натижалари асосида комиссия раиси томонидан ички ишлар вазирига тавсиянома бериш тартибини белгилаш;
комиссия хулосаси ва тест натижалари асосида ички ишлар вазири томонидан Давлат комиссиясига таклиф киритиш тартибини белгилаш;
б) 2022/2023 ўқув йили ва ундан кейинги ўқув йилларида тавсиянома асосида профилактика инспекторлари учун юриспруденция соҳасида бакалавриат таълим йўналишига ажратиладиган умумий қабул параметрларидан ташқари қўшимча қабул кўрсаткичлари юзасидан олий таълим муассасалари бакалавриатининг сиртқи таълим шаклида, 2027/2028 ўқув йили ва ундан кейинги йилларда масофавий таълим шаклида ўқишга қабул қилиш параметрларини шакллантириш бўйича таклифларни Ўзбекистон Республикаси Президенти ҳузуридаги Хавфсизлик кенгаши ҳамда Иқтисодиёт ва молия вазирлигига тақдим этсин;
в) профилактика (катта) инспекторларига олий таълим муассасаларининг масофавий таълим шаклига ўқишга кириш учун тавсияномалар бериш тадбирларини ҳар йили май-июнь ойларида ушбу қарор талабларига мувофиқ амалга оширсин;
г) бир ой муддатда Иқтисодиёт ва молия вазирлиги, Олий таълим, фан ва инновациялар вазирлиги билан биргаликда ушбу қарорга мувофиқ харажатлар сметаларига ўзгартиришлар киритсин;
д) манфаатдор идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
6. Мазкур қарорнинг ижросини самарали ташкил этишга масъул ва шахсий жавобгар этиб ички ишлар вазири П.Р. Бобожонов белгилансин.
Қарор ижросини муҳокама қилиб бориш, масъул вазирлик ва идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси Б.Д. Исламов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 30 ноябрь,
ПҚ-23-сон
Oʻzbekiston Respublikasi Prezidentining
Qarori
Ichki ishlar organlari profilaktika inspektorlarining yuridik yoʻnalishdagi bilimlarini oshirish boʻyicha qoʻshimcha chora-tadbirlar toʻgʻrisida
Ichki ishlar organlari uchun mutaxassislar tayyorlashning yangi tizimini joriy etish, ichki ishlar organlarida oliy yuridik maʼlumotga ega kadrlarga boʻlgan ehtiyojni toʻlaqonli qondirish, shuningdek, Yangi Oʻzbekiston sharoitida ichki ishlar organlari profilaktika inspektorlari oldida turgan muhim vazifalarning samarali amalga oshirilishini taʼminlash maqsadida:
1. 2022/2023 oʻquv yilidan boshlab ichki ishlar organlarida uch yildan ortiq ish stajiga ega boʻlgan, kasbiga fidoyi, tashabbuskor profilaktika (katta) inspektorlarini Jamoat xavfsizligi universiteti, Toshkent davlat yuridik universiteti hamda yurisprudensiya sohasida bakalavriat taʼlim yoʻnalishi mavjud boʻlgan boshqa davlat oliy taʼlim muassasalariga (Jahon iqtisodiyoti va diplomatiya universiteti, Ichki ishlar vazirligi Akademiyasi hamda Davlat bojxona qoʻmitasining Bojxona instituti bundan mustasno) (keyingi oʻrinlarda — oliy taʼlim muassasalari) kirish imtihonlarisiz sirtqi taʼlim shakliga, 2027/2028 oʻquv yilidan boshlab mavjud masofaviy taʼlim shakliga oʻqishga qabul qilish tartibi joriy etilsin.
2. Shunday tartib oʻrnatilsinki, unga muvofiq:
profilaktika (katta) inspektorlariga yurisprudensiya sohasida bakalavriat taʼlim yoʻnalishi boʻyicha sirtqi yoki masofaviy taʼlim shakliga oʻqishga tavsiyanomalar berish uchun ichki ishlar vazirining oʻrinbosari — Jamoat xavfsizligi departamenti boshligʻi rahbarligida komissiya (keyingi oʻrinlarda — komissiya) tashkil etiladi;
komissiya tomonidan Oliy taʼlim, fan va innovatsiyalar vazirligi huzuridagi Bilim va malakalarni baholash agentligi bilan birgalikda oʻqishga nomzod profilaktika (katta) inspektorlarining bilim darajalarini aniqlash uchun test imtihonlari oʻtkaziladi;
komissiya raisi test imtihonlari natijalari hamda komissiya xulosasi asosida ichki ishlar vaziriga tavsiyanoma berilgan profilaktika (katta) inspektorlari roʻyxatini taqdim etadi;
tavsiyanoma berilgan profilaktika (katta) inspektorlari roʻyxati ichki ishlar vaziri tomonidan har yili iyun oyida test imtihonlari natijalari va komissiya xulosasi bilan birgalikda, tavsiya etilayotgan oliy taʼlim muassasalari kesimida Oʻzbekiston Respublikasi taʼlim tashkilotlariga oʻqishga qabul qilish boʻyicha davlat komissiyasiga (keyingi oʻrinlarda — Davlat komissiyasi) taqdim etiladi;
tavsiyanomalar oliy taʼlim muassasalari oʻrtasida teng taqsimlanadi;
Davlat komissiyasi tomonidan tavsiyanoma berilgan profilaktika (katta) inspektorlarini sirtqi yoki masofaviy oʻqishga qabul qilish boʻyicha tegishli qaror qabul qilinadi;
oʻqishga qabul qilish toʻlov-kontrakt asosida amalga oshiriladi hamda kontrakt mablagʻlari respublika budjeti mablagʻlari hisobidan Ichki ishlar vazirligi orqali toʻlab beriladi;
tavsiyanomaga ega profilaktika (katta) inspektorlari oliy taʼlim muassasalarining sirtqi yoki masofaviy taʼlim shakliga qabul parametrlaridan tashqari oʻqishga qabul qilinadi;
ichki ishlar vaziriga oliy yuridik maʼlumotga ega profilaktika (katta) inspektorlariga boʻlgan ehtiyojdan kelib chiqib, Iqtisodiyot va moliya vazirligi bilan kelishgan holda, Davlat komissiyasiga tavsiyanomalar sonini koʻpaytirish boʻyicha taklif kiritish huquqi beriladi.
3. Ichki ishlar vazirligi (A.A. Tashpulatov):
2022-yil 1-mayga qadar 2022/2023 oʻquv yilida yurisprudensiya sohasida bakalavriat yoʻnalishi boʻyicha sirtqi taʼlim shakliga oʻqishga qabul qilish uchun 100 nafar profilaktika (katta) inspektorlariga tavsiyanoma bersin;
2023/2024 oʻquv yilidan boshlab profilaktika (katta) inspektorlarini yurisprudensiya sohasida bakalavriat taʼlim yoʻnalishi boʻyicha sirtqi taʼlim shakliga oʻqishga qabul qilish uchun tavsiyanomalarni 2 barobargacha oshirish yuzasidan Davlat komissiyasiga asoslantirilgan taklif kiritsin.
2027/2028 oʻquv yilida yurisprudensiya sohasida bakalavriat yoʻnalishi boʻyicha masofaviy taʼlim shakliga oʻqishga qabul qilish uchun 100 nafar profilaktika (kichik, katta, bosh) inspektorlariga tavsiyanoma bersin va 2028/2029 oʻquv yilidan boshlab profilaktika (kichik, katta, bosh) inspektorlarini yurisprudensiya sohasida bakalavriat taʼlim yoʻnalishi boʻyicha masofaviy taʼlim shakliga oʻqishga qabul qilish uchun tavsiyanomalarni 2 barobargacha oshirish yuzasidan Davlat komissiyasiga asoslantirilgan taklif kiritsin.
4. Belgilab qoʻyilsinki:
a) mazkur qarorga muvofiq joriy etiladigan tartibga koʻra, Ichki ishlar vazirligining tavsiyanomasi asosida oliy taʼlim muassasalarida sirtqi yoki masofaviy taʼlim shaklida oʻqigan bitiruvchilarga ichki ishlar organlarida kamida besh yil xizmat oʻtab berish majburiyati yuklatiladi;
b) tavsiyanomalar berilgan xodimlar bilan oʻqishni tamomlaganidan keyin besh kalendar yil mobaynida ichki ishlar organlarida majburiy uzluksiz xizmat oʻtash haqida uch tomonlama (Ichki ishlar vazirligi — profilaktika inspektori — oliy taʼlim muassasasi) shartnoma tuziladi;
v) tavsiyanoma asosida oʻqishga qabul qilinib, turli sabablarga koʻra oʻqishdan chetlashtirilgan yoki oʻqishni tamomlagandan soʻng ichki ishlar organlarida besh yil xizmat oʻtab bermagan profilaktika (katta) inspektorlaridan oʻqishga sarflangan toʻlov-kontrakt mablagʻlari undiriladi. Bunda, quyidagi hollarda profilaktika (katta) inspektorlaridan oʻqishga sarflangan shartnoma mablagʻlari undirilmaydi:
ichki ishlar organlaridan harbiy-tibbiy komissiya xulosasi asosida boʻshatilganda;
xodimning ota-onasi, aka-ukalari yoki opa-singillaridan biri huquqni muhofaza qiluvchi organlar xodimi yoxud Oʻzbekiston Respublikasi Qurolli Kuchlarining harbiy xizmatchisi boʻlib, xizmat vazifalarini bajarish chogʻida halok boʻlganda;
xodim vafot etganda.
5. Ichki ishlar vazirligi (P.R. Bobojonov):
a) bir oy muddatda profilaktika (katta) inspektorlarini oliy taʼlim muassasalarining sirtqi taʼlim shakliga oʻqishga kirishga tavsiya etishning aniq, shaffof va adolatli mezonlarini ishlab chiqsin va tavsiyanoma berish tartibi toʻgʻrisidagi nizomni tasdiqlasin. Bunda quyidagilarga alohida eʼtibor qaratilsin:
profilaktika (katta) inspektorlariga yurisprudensiya sohasida bakalavriat taʼlim yoʻnalishi boʻyicha sirtqi yoki masofaviy taʼlim shakliga oʻqishga tavsiyanomalar berish uchun komissiya tuzish hamda uning asosiy vazifa va funksiyalarini aniq belgilash;
mazkur qaror talablari asosida oʻqishga nomzod boʻlgan profilaktika (katta) inspektorlarini saralash va roʻyxatini shakllantirish tartibini belgilash;
komissiya tomonidan Oliy taʼlim, fan va innovatsiyalar vazirligi huzuridagi Bilim va malakalarni baholash agentligi bilan birgalikda oʻqishga nomzod profilaktika (katta) inspektorlarini test imtihonlaridan oʻtkazish tartibini belgilash;
test natijalari asosida komissiya raisi tomonidan ichki ishlar vaziriga tavsiyanoma berish tartibini belgilash;
komissiya xulosasi va test natijalari asosida ichki ishlar vaziri tomonidan Davlat komissiyasiga taklif kiritish tartibini belgilash;
b) 2022/2023 oʻquv yili va undan keyingi oʻquv yillarida tavsiyanoma asosida profilaktika inspektorlari uchun yurisprudensiya sohasida bakalavriat taʼlim yoʻnalishiga ajratiladigan umumiy qabul parametrlaridan tashqari qoʻshimcha qabul koʻrsatkichlari yuzasidan oliy taʼlim muassasalari bakalavriatining sirtqi taʼlim shaklida, 2027/2028 oʻquv yili va undan keyingi yillarda masofaviy taʼlim shaklida oʻqishga qabul qilish parametrlarini shakllantirish boʻyicha takliflarni Oʻzbekiston Respublikasi Prezidenti huzuridagi Xavfsizlik kengashi hamda Iqtisodiyot va moliya vazirligiga taqdim etsin;
v) profilaktika (katta) inspektorlariga oliy taʼlim muassasalarining masofaviy taʼlim shakliga oʻqishga kirish uchun tavsiyanomalar berish tadbirlarini har yili may-iyun oylarida ushbu qaror talablariga muvofiq amalga oshirsin;
g) bir oy muddatda Iqtisodiyot va moliya vazirligi, Oliy taʼlim, fan va innovatsiyalar vazirligi bilan birgalikda ushbu qarorga muvofiq xarajatlar smetalariga oʻzgartirishlar kiritsin;
d) manfaatdor idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
6. Mazkur qarorning ijrosini samarali tashkil etishga masʼul va shaxsiy javobgar etib ichki ishlar vaziri P.R. Bobojonov belgilansin.
Qaror ijrosini muhokama qilib borish, masʼul vazirlik va idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi B.D. Islamov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 30-noyabr,
PQ-23-son
Президента Республики Узбекистан
Постановление
О дополнительных мерах по повышению юридических знаний инспекторов по профилактике органов внутренних дел
В целях внедрения новой системы подготовки специалистов для органов внутренних дел, полного удовлетворения потребности в кадрах с высшим юридическим образованием в органах внутренних дел, а также обеспечения эффективного выполнения важных задач, стоящих перед инспекторами по профилактике органов внутренних дел в условиях Нового Узбекистана:
1. Внедрить начиная с 2022/2023 учебного года порядок приема на заочную форму обучения без вступительных экзаменов, с 2027/2028 учебного года — на действующую дистанционную форму обучения преданных своей профессии, инициативных (старших) инспекторов по профилактике со стажем работы в органах внутренних дел более трех лет в Университет общественной безопасности, Ташкентский государственный юридический университет и другие государственные высшие образовательные учреждения, имеющие направление образования бакалавриата в сфере юриспруденции (за исключением Университета мировой экономики и дипломатии, Академии Министерства внутренних дел и Таможенного института Государственного таможенного комитета) (далее — высшие образовательные учреждения).
2. Установить порядок, в соответствии с которым:
для выдачи (старшим) инспекторам по профилактике рекомендаций на заочную или дистанционную форму обучения по направлению образования бакалавриата в сфере юриспруденции создается комиссия под руководством заместителя министра внутренних дел — начальника Департамента общественной безопасности (далее — комиссия);
комиссией совместно с Агентством по оценке знаний и квалификаций при Министерстве высшего образования, науки и инноваций проводятся тестовые испытания по определению уровня знаний кандидатов на обучение из числа (старших) инспекторов по профилактике;
председатель комиссии представляет министру внутренних дел список (старших) инспекторов по профилактике, которым выданы рекомендации по результатам тестовых испытаний и на основании заключения комиссии;
министр внутренних дел ежегодно в июне представляет в Государственную комиссию по приему на учебу в образовательные организации Республики Узбекистан (далее — Государственная комиссия) в разрезе рекомендуемых высших образовательных учреждений список (старших) инспекторов по профилактике, которым выданы рекомендации, вместе с результатами их тестовых испытаний и заключением комиссии;
рекомендации распределяются равномерно между высшими образовательными учреждениями;
Государственной комиссией принимается соответствующее решение о принятии на заочную или дистанционную форму обучения (старших) инспекторов по профилактике, которым выданы рекомендации;
прием на обучение осуществляется на платно-контрактной основе, средства по контракту выплачиваются через Министерство внутренних дел за счет средств республиканского бюджета;
(старшие) инспекторы по профилактике, имеющие рекомендации, принимаются на обучение вне параметров приема на заочную или дистанционную форму обучения высших образовательных учреждений;
министру внутренних дел предоставляется право по согласованию с Министерством экономики и финансов вносить в Государственную комиссию предложение об увеличении количества рекомендаций исходя из потребности в (старших) инспекторах по профилактике с высшим юридическим образованием.
3. Министерству внутренних дел (А.А. Ташпулатов):
до 1 мая 2022 года выдать рекомендации 100 (старшим) инспекторам по профилактике для приема в 2022/2023 учебном году на заочную форму обучения по направлению образования бакалавриата в сфере юриспруденции;
внести в Государственную комиссию обоснованное предложение по увеличению в 2 раза начиная с 2023/2024 учебного года рекомендаций по приему (старших) инспекторов по профилактике на заочную форму обучения по направлению образования бакалавриата в сфере юриспруденции.
предоставить рекомендации для поступления на учебу в 2027/2028 учебном году (младшим, старшим, главным) инспекторам по профилактике в количестве 100 человек по направлению образования бакалавриата в сфере юриспруденции по дистанционной форме обучения и внести в Государственную комиссию обоснованное предложение об увеличении до двух раз числа рекомендаций для поступления на учебу (младших, старших, главных) инспекторов по профилактике по направлению образования бакалавриата в сфере юриспруденции по дистанционной форме обучения начиная с 2028/2029 учебного года.
4. Определить, что:
а) на выпускников заочной или дистанционной формы обучения в высших образовательных учреждениях, обучавшихся по рекомендации Министерства внутренних дел, согласно порядку, вводимому в соответствии с настоящим постановлением, возлагается обязательство отслужить в органах внутренних дел не менее пяти лет;
б) с сотрудниками, которым выданы рекомендации, заключается трехсторонний договор (Министерство внутренних дел — инспектор по профилактике — высшее образовательное учреждение) об обязательной непрерывной службе в органах внутренних дел в течение пяти календарных лет после окончания обучения;
в) с (со старших) инспекторов по профилактике, принятых на учебу по рекомендации и отчисленных по различным причинам либо не отслуживших пять лет в органах внутренних дел после окончания обучения, взимаются средства, потраченные на обучение на платно-контрактной основе. При этом средства, потраченные на обучение по контракту, не взимаются в следующих случаях:
при увольнении из органов внутренних дел на основании заключения военно-врачебной комиссии;
если один из родителей, братьев или сестер сотрудника, являясь сотрудником правоохранительных органов либо военнослужащим Вооруженных Сил Республики Узбекистан, погиб при исполнении служебных обязанностей;
в случае смерти сотрудника.
5. Министерству внутренних дел (П.Р. Бобожонов):
а) в месячный срок разработать конкретные, прозрачные и справедливые критерии рекомендации на поступление (старших) инспекторов по профилактике на заочную форму обучения высших образовательных учреждений и утвердить Положение о порядке выдачи рекомендации. При этом обратить особое внимание на:
создание комиссии по выдаче рекомендаций (старшим) инспекторам по профилактике на заочную или дистанционную форму обучения по направлению образования бакалавриата в сфере юриспруденции с конкретным определением ее основных задач и функций;
установление порядка отбора и формирования списка кандидатов на обучение из числа (старших) инспекторов по профилактике в соответствии с требованиями настоящего постановления;
определение порядка проведения комиссией совместно с Агентством по оценке знаний и квалификаций при Министерстве высшего образования, науки и инноваций тестовых испытаний кандидатов на обучение из числа (старших) инспекторов по профилактике;
определение порядка внесения министром внутренних дел предложения в Государственную комиссию на основании заключения комиссии и по результатам тестов;
б) внести в Совет безопасности при Президенте Республики Узбекистан и Министерство экономики и финансов предложения по формированию параметров приема на заочную форму обучения бакалавриата высших образовательных учреждений для инспекторов по профилактике на основании рекомендаций по дополнительным показателям приема, выделяемым вне общих параметров приема на направления образования бакалавриата в сфере юриспруденции, на 2022/2023 учебный год и последующие учебные годы, на дистанционную форму обучения — на 2027/2028 учебный год и последующие годы;
в) осуществлять ежегодно в мае — июне мероприятия по выдаче (старшим) инспекторам по профилактике рекомендаций для поступления на дистанционную форму обучения высших образовательных учреждений в соответствии с требованиями настоящего постановления;
г) в месячный срок совместно с Министерством экономики и финансов, Министерством высшего образования, науки и инноваций внести изменения в смету расходов в соответствии с настоящим постановлением;
д) совместно с заинтересованными ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.
6. Возложить на министра внутренних дел П.Р. Бобожонова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ответственных министерств и ведомств возложить на Премьер-министра Республики Узбекистан А.Н. Арипова и советника Президента Республики Узбекистан Б.Д. Исламова.
Президент Республики Узбекистан Ш. МИРЗИЁЕВ
г. Ташкент,
30 ноября 2021 г.,
№ ПП-23