UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

Ўзбекистон Республикаси ҳудудига олиб кирилаётган товарларга нисбатан тариф квоталарини қўллаш тартиби тўғрисидаги низомни тасдиқлаш ҳақида

Ўзбекистон Республикасининг «Ташқи иқтисодий фаолият тўғрисида»ги Қонунига мувофиқ, шунингдек, Ўзбекистон Республикаси Президентининг «Маҳаллий ишлаб чиқарувчиларни қўллаб-қувватлашга доир қўшимча чора-тадбирлар тўғрисида» 2020 йил 21 августдаги ПҚ-4812-сон қарорининг ижросини таъминлаш ҳамда бозор эҳтиёжларини қондириш, ишлаб чиқаришни ривожлантиришни рағбатлантириш ва ташқи иқтисодий фаолиятни тартибга солишнинг халқаро эътироф этилган усулларини амалиётга татбиқ этиш мақсадида Вазирлар Маҳкамаси қарор қилади:

1. Қуйидагиларни назарда тутувчи Ўзбекистон Республикаси ҳудудига олиб кирилаётган товарларга нисбатан тариф квоталарини қўллаш тартиби тўғрисидаги низом иловага мувофиқ тасдиқлансин:

Ўзбекистон Республикаси божхона ҳудудига импорт қилинадиган товарларга нисбатан тариф квоталарини қўллаш шартлари;

келиб чиқиши бошқа мамлакатлардан бўлган ва Ўзбекистон Республикаси божхона ҳудудига олиб кириладиган товарларга нисбатан тариф квоталарини қўллаш тартиби;

тариф квотасини ўрнатиш тўғрисидаги қарорни қабул қилиш ва тариф квотаси ҳажмини тақсимлаш механизми.

2. Ўзбекистон Республикаси Инвестициялар ва ташқи савдо вазирлиги:

Иқтисодий тараққиёт ва камбағалликни қисқартириш вазирлиги ҳамда Монополияга қарши курашиш қўмитаси билан биргаликда истеъмол ҳажмларини, ишлаб чиқариш қувватларини, ички бозор нархларининг ўзгаришини ва истиқболда маҳаллий ишлаб чиқариш ҳажмларини инобатга олган ҳолда тариф квоталарини жорий қилиш юзасидан бир йилда камида бир марта Вазирлар Маҳкамасига таклифлар киритиб борсин;

Ўзбекистон Миллий ахборот агентлиги, Ўзбекистон Миллий телерадиокомпанияси ва бошқа манфаатдор идоралар билан биргаликда мазкур қарорнинг мазмун-моҳияти ҳамда уни амалга ошириш жараёнлари оммавий ахборот воситаларида кенг ёритилишини таъминласин.

3. Ушбу қарор расмий эълон қилинган кундан эътиборан уч ой ўтгач кучга киради.

4. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С.У. Умурзаков зиммасига юклансин.

Вазирлар Маҳкамасининг 2021 йил 2 декабрдаги 728-сон қарорига ИЛОВА

Ўзбекистон Республикаси ҳудудига олиб кирилаётган товарларга нисбатан тариф квоталарини қўллаш тартиби тўғрисида

1-боб. Умумий қоидалар

1. Мазкур Низом Ўзбекистон Республикаси ҳудудига олиб кирилаётган товарларга нисбатан тариф квоталарини қўллаш ва тариф квоталари ҳажмларини тақсимлаш тартибини белгилайди.

2. Мазкур Низомда қуйидаги асосий тушунчалар қўлланилади:

ўхшаш товар — баҳоланаётган товар билан ҳар жиҳатдан бир хил бўлмаса-да, у билан ўхшаш хусусиятларга эга бўлганлиги ва таркиб жиҳатидан ўхшашлиги туфайли бир хил вазифаларни бажара оладиган ҳамда тижорат нуқтаи назаридан, шу жумладан, сифати, бозордаги қадри, товар белгисининг мавжудлигига кўра унинг ўрнини боса оладиган маҳсулот;

резидент — Ўзбекистон Республикасининг ташқи иқтисодий фаолият юритувчи субъекти;

олдинги давр — Ўзбекистон Республикаси ҳудудида ўхшаш товарлар истеъмоли ва товарлар ишлаб чиқариш ҳажмларининг таҳлили ўтказилаётган сўнги уч йил;

реал импорт ҳажми — чекловлар йўқлиги шароитида импорт ҳажми;

тариф квотаси — айрим турдаги товарларни Ўзбекистон Республикасининг божхона ҳудудига олиб киришнинг муайян даври мобайнида белгиланган миқдорда импорт қилинадиган товарларга нисбатан импорт божхона божларидан кам ставкалардан фойдаланишни назарда тутувчи тартибга солиш чора-тадбирлари, белгиланган миқдордан кўп ҳолатларда импорт божхона божларининг амалдаги ставкалари қўлланилиши;

тариф квотаси ҳажми — ажратиладиган тариф квотаси доирасида товар миқдори;

ваколатли орган — Ўзбекистон Республикаси Инвестициялар ва ташқи савдо вазирлиги.

2-боб. Тариф квоталарини қўллаш шартлари

3. Ўзбекистон Республикаси божхона ҳудудига тариф квотаси доирасида белгиланган ҳажмда олиб кирилаётган товарларга нисбатан божхона тарифига мувофиқ тегишли импорт божхона божининг пасайтирилган ёки амалдаги ставкалари қўлланилиши мумкин.

4. Келиб чиқиши бошқа мамлакатлардан бўлган ва Ўзбекистон Республикаси божхона ҳудудига олиб кирилаётган товарларга нисбатан тариф квотаси ҳажми, амал қилиш муддати ва импорт божхона божи ставкаси Вазирлар Маҳкамаси томонидан белгиланади.

Бунда, тариф квотаси ҳажми шу турдаги товарларнинг ички истеъмоли ва Ўзбекистон Республикаси божхона ҳудудида ишлаб чиқариладиган ўхшаш товарлар ҳажмлари ўртасидаги фарқдан ошмайди.

5. Тариф квоталари ҳажмлари ваколатли органнинг қарорига мувофиқ импорт қилувчилар ўртасида тақсимланади, Ўзбекистон Республикасининг халқаро шартномаларида бошқача тартиб белгиланган ҳоллар бундан мустасно.

6. Тариф квотаси ҳажмини тақсимлаш тариф квотасини олишга нисбатан тенг ҳуқуқлиликка асосланади ҳамда ташкилий-ҳуқуқий шаклига, рўйхатдан ўтиш жойи ёки бозордаги мавқеига қараб камситишга йўл қўймасдан амалга оширилади.

7. Тариф квотаси муддати давомида товар етказиб беришда резидентнинг унга ажратилган тариф квотаси ҳажмидан тўлиқ фойдаланишига тўсқинлик қилувчи шартлар белгиланмайди.

8. Ўзбекистон Республикасининг божхона ҳудудига олиб кириладиган товарларни эркин муомалага чиқариш учун божхона расмийлаштируви ваколатли орган томонидан қабул қилинган қарорга мувофиқ тақсимланган тариф квоталари доирасида амалга оширилади.

9. Ваколатли орган Иқтисодий тараққиёт ва камбағалликни қисқартириш вазирлиги ҳамда Монополияга қарши курашиш қўмитаси билан биргаликда истеъмол ҳажмларини, ишлаб чиқариш қувватларини ва ички бозор нархларининг ўзгаришини инобатга олган ҳолда тариф квоталарини жорий қилиш бўйича бир йилда камида бир марта Вазирлар Маҳкамасига таклифлар киритади.

10. Ички ва ташқи бозорлардаги конъюктуранинг кескин ўзгаришига тезкор жавоб бериш зарур бўлган ҳолларда Ўзбекистон Республикаси Инвестициялар ва ташқи савдо вазирлиги ҳузуридаги Тариф ва нотариф тартибга солиш кенгашининг навбатдаги йиғилиши чақирилади ҳамда натижаси бўйича ваколатли органнинг қарори билан тариф квотаси жорий этилишига рухсат берилади.

11. Тариф квотасини белгилаш тўғрисидаги қарорни қабул қилиш жараёнида қуйидаги шартларга риоя этилиши лозим:

тариф квотасини муайян давр учун белгилаш (тариф квотасини мамлакатлар ўртасида тақсимлаш масаласини кўриб чиқиш натижаларидан қатъи назар);

барча манфаатдор мамлакатларни уларга ажратилган тариф квотаси ҳажми юзасидан хабардор қилиш (тариф квотасини мамлакатлар ўртасида тақсимлаш ҳақида қарор қабул қилинган тақдирда);

тариф квотасини белгилаш, унинг амал қилиш муддати ва миқдори, шу жумладан, тариф квотаси ҳажми, мамлакат ёки резидентлар ёхуд импорт қилувчилар бўйича ҳажмларни тақсимлаш (мамлакатлар ўртасида тариф квотаси ҳажмини тақсимлаш тўғрисида қарор қабул қилинган тақдирда);

тариф квотаси ҳажми доирасида олиб кириладиган товарларга нисбатан қўлланиладиган импорт божхона божлари ставкалари тўғрисидаги маълумотларни эълон қилиш.

3-боб. Тариф квоталарини қўллаш тартиби ва механизми

12. Ўзбекистон Республикаси божхона ҳудудига олиб кириладиган товарларга нисбатан тариф квоталарини қўллаш тартиби ушбу Низомга 1-иловага мувофиқ схема асосида амалга оширилади.

13. Ўзбекистон Республикасида фаолият кўрсатаётган тадбиркорлик субъекти, заруратга кўра, ваколатли органга Ўзбекистон Республикаси божхона ҳудудига импорт қилинадиган товарларга нисбатан тариф квоталарини белгилаш тўғрисида ариза билан мурожаат қилади.

14. Ваколатли орган тадбиркорлик субъекти томонидан тариф квотасини белгилаш лозим бўлган товар ёки товарлар рўйхати кўрсатилган аризани бир иш кунида қабул қилади ва тариф квотасини белгилашни мақсадга мувофиқлиги бўйича ўн иш кунида:

Миллий статистика қўмитаси ва Иқтисодиёт ва молия вазирлиги ҳузуридаги Божхона қўмитаси билан биргаликда республикадаги барча мавжуд ишлаб чиқариш қувватлари ҳамда уларнинг фойдаланиш даражаси, шунингдек, мазкур товарларнинг экспорти ва импорти ҳажмларини таҳлил қилади;

Иқтисодий тараққиёт ва камбағалликни қисқартириш вазирлиги ҳамда Монополияга қарши курашиш қўмитаси билан биргаликда аризада кўрсатилган товарлар бўйича республикада ишлаб чиқариш ва истеъмол ҳажмларидан келиб чиққан ҳолда ички бозорнинг тўйинганлик даражаси ва мавсумийлик омилларини ўрганади, шунингдек, квота ҳажмлари, муддати ва бож ставкаси тўғрисидаги таклифларни ишлаб чиқади.

15. Ваколатли орган ўрганиш якунлари бўйича тариф квоталарини қўллаш мақсадида квота ҳажмлари, муддати ва бож ставкаси тўғрисида Вазирлар Маҳкамасига икки иш кунида тегишли таклифлар киритади.

16. Вазирлар Маҳкамаси тақдим этилган таклифлар асосида тариф квотаси ҳажмларини белгилаш ёки белгиламаслик, уларнинг муддатлари ва бож ставкаси тўғрисида якуний хулосани қабул қилади.

Бунда, заруратга кўра, манфаатдор вазирликлар, идоралар ва хўжалик бирлашмаларидан қўшимча маълумотларни олади ҳамда якуний хулосани ваколатли органга тегишли қарор қабул қилиш учун ўн иш кунида юборади.

17. Ваколатли орган икки иш кунида:

тариф квотасини жорий қилиш тўғрисида ижобий хулоса олинган тақдирда, бу тўғрисида ариза берувчини расман хат ҳамда оммавий ахборот воситалари орқали ва ўзининг расмий сайтида тариф квоталари жорий этилиши тўғрисида;

тариф квотасини жорий этиш мақсадга мувофиқ эмас деб топилган тақдирда, ариза берувчини расман хат орқали рад этиш тўғрисида сабабларини кўрсатган ҳолда хабардор қилади.

18. Ваколатли орган тариф квотасини жорий қилиш тўғрисида оммавий ахборот воситаларида ва ўзининг расмий сайтида берилган эълонга мувофиқ тариф квотаси ҳажмларини тақсимлаш бўйича ўн иш кунида резидентлардан аризалар қабул қилади.

Тариф квоталари тақсимоти резидентнинг ушбу Низомга 2-иловада келтирилган шаклдаги аризаси асосида амалга оширилади.

Аризани кўриб чиқиш учун йиғим ундирилмайди.

19. Ваколатли орган Иқтисодий тараққиёт ва камбағалликни қисқартириш вазирлиги, Монополияга қарши курашиш қўмитаси, Давлат божхона қўмитаси билан биргаликда уч иш кунида:

белгиланган муддат ичида тушган аризаларни кўриб чиқади ва «энг яхши таклиф» тамойили (нарх ва ҳажм) асосида тадбиркорлик субъектларини танлаб олади.

Белгиланган муддат ичида зарур ҳажмлар бўйича аризалар тушмаган бўлса, тариф квотаси ҳажмларини тақсимлаш бўйича маслаҳатлашувлар ўтказилади ва мавжуд импорт қилувчилар орасида импортдаги улушига мос равишда тақсимланади.

20. Резидентлар ўртасида тариф квотаси ҳажми ваколатли орган томонидан белгиланган тариф квоталари ҳажмлари доирасида тақсимланади ёхуд эҳтиёж бўлганда барча муҳим импорт қилувчилар ёки резидентлар билан маслаҳатлашув ўтказилиши мумкин.

21. Тариф квотасининг тақсимланиши барча муҳим импорт қилувчилар билан маслаҳатлашув натижалари асосида амалга оширилмаса, резидентлар ўртасида тариф квотаси ҳажмини тақсимлаш тўғрисидаги қарор ваколатли орган томонидан олдинги давр мобайнида товарлар импорти ҳажмини ҳисобга олган ҳолда қабул қилинади.

Олдинги даврни танлаш имкони бўлмаган ҳолатда тариф квотаси реал импорт ҳажмининг эҳтимолий бўлинишини баҳолаш асосида тақсимланади.

22. Ваколатли орган тариф квотаси ҳажмларини резидентлар ўртасида тақсимлаш бўйича икки иш кунида қарор қабул қилади ва тариф квоталари белгиланиши муносабати билан:

тариф квотасининг ажратилган ҳажми доирасида етказиб беришга мўлжалланган товарнинг умумий миқдори ёки қиймати, тариф квотасининг бошланиш ва тугаш саналари ҳамда ундаги ҳар қандай ўзгаришлар тўғрисидаги маълумотларни оммавий ахборот воситалари ва ўзининг расмий сайти орқали эълон қилиб боради.

товар етказиб беришда, манфаатдор резидент сўровига кўра, ташқи савдо фаолияти иштирокчилари ўртасида тариф квотасининг тақсимланиши усули ва тартиби, шунингдек, тариф квотасининг ҳажми тўғрисида маълумот беради.

23. Манфаатдор вазирликлар ва идоралар эълон қилинган тариф квотаси доирасида импорт қилувчи тадбиркорлик субъектининг маълумоти ҳамда ваколатли органнинг қарорига таянган ҳолда ташқи иқтисодий фаолият иштирокчисига нисбатан иқтисодий чоралар қўллайди.

24. Товар етказиб беришда, манфаатдор резидентнинг ҳамкорлик қилувчи мамлакатининг мурожаатига кўра, Вазирлар Маҳкамаси ва ваколатли орган томонидан қуйидаги масалалар юзасидан маслаҳатлашувлар ўтказилади:

ажратилган тариф квотаси ҳажмини қайта тақсимлаш;

танланган олдинги даврни ўзгартириш;

тақсимланган тариф квотасининг ҳажмига ёки ундан чексиз фойдаланишга нисбатан бир томонлама белгиланган шартлар, қўшимча ҳужжатлар ёки бошқа қоидаларни бекор қилиш зарурати келиб чиққанда.

4-боб. Якунловчи қоидалар

25. Ушбу Низомни қўллаш жараёнида юзага келадиган низолар қонунчилик ҳужжатларида белгиланган тартибда ҳал этилади.

26. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Ўзбекистон Республикаси ҳудудига олиб кирилаётган товарларга нисбатан тариф квоталарини қўллаш тартиби тўғрисидаги низомга 1-ИЛОВА

Ўзбекистон Республикаси ҳудудига олиб кирилаётган товарларга нисбатан тариф квоталарини қўллаш

Босқичлар Субъектлар Тадбирлар Муддатлар 1-босқич Ариза берувчи 1. Тариф квоталари қўлланилиши лозим бўлган товарларнинг рўйхатини шакллантиради. 2. Инвестициялар ва ташқи савдо вазирлиги (ваколатли орган)га почта ёки электрон шаклда товарлар рўйхати кўрсатилган аризани тақдим этади. Заруратга қараб 2-босқич Ваколатли орган (Инвестициялар ва ташқи савдо вазирлиги) Товарлар рўйхати кўрсатилган аризаларни қабул қилади. 1 иш кунида 3-босқич Ваколатли орган (Инвестициялар ва ташқи савдо вазирлиги) 1. Аризани ўрганиб чиқиш, хусусан: Миллий статистика қўмитаси ва Иқтисодиёт ва молия вазирлиги ҳузуридаги Божхона қўмитаси билан биргаликда республикадаги барча мавжуд ишлаб чиқариш қувватлари ҳамда улардан фойдаланиш даражасини, шунингдек, экспорт ва импорт ҳажмларини ўрганади; Иқтисодий тараққиёт ва камбағалликни қисқартириш вазирлиги ҳамда Монополияга қарши курашиш қўмитаси билан биргаликда аризада кўрсатилган товарлар бўйича республикада ишлаб чиқариш ва истеъмол ҳажмларидан келиб чиққан ҳолда ички бозорнинг тўйинганлик даражаси ва мавсумийлик омилларини ўрганади, шунингдек, квота ҳажмлари, муддати ва бож ставкаси тўғрисида таклифлар ишлаб чиқади. 1. Ариза рўйхатга олинган кундан бошлаб 10 иш кунида 2. Тариф квоталарини қўллаш мақсадида квота ҳажмлари, муддати ва бож ставкаси тўғрисида Вазирлар Маҳкамасига тегишли таклифлар киритади. 2. Ўрганишлар якунига кўра 2 иш кунида 4-босқич Вазирлар Маҳкамаси Ваколатли орган томонидан тақдим этилган келишилган таклифларни ўрганиб чиқади, тариф квоталари ҳажмларини белгилаш ёки белгиламаслик, уларнинг муддатлари ва бож ставкаси тўғрисида якуний хулосани қабул қилади. Заруратга кўра, манфаатдор вазирликлар, идоралар ва хўжалик бирлашмаларидан қўшимча маълумотлар олади ҳамда ваколатли органга тегишли қарор қабул қилиш учун юборади. Ваколатли орган томонидан киритилган кундан бошлаб 10 иш кунида 5-босқич Ваколатли орган (Инвестициялар ва ташқи савдо вазирлиги) 1. Тариф квотасини жорий қилиш тўғрисида ижобий хулоса олинган тақдирда, бу тўғрисида ариза берувчини расман хат ҳамда оммавий ахборот воситалари орқали ва ўзининг расмий сайтида тариф квоталари жорий этилиши тўғрисида тадбиркорлик субъектларини хабардор қилади (тариф квотасини жорий этиш мақсадга мувофиқ эмас деб топилган тақдирда, ариза берувчини расман хат орқали рад этиш сабабларини кўрсатган ҳолда хабардор қилади). 1. Вазирлар Маҳкамасининг якуний хулосаси олинган кундан бошлаб 2 иш кунида 2. Тариф квотасини жорий қилиш тўғрисида оммавий ахборот воситалари ва ўзининг расмий сайтида берилган эълонга мувофиқ тариф квотаси ҳажмларини тақсимлаш бўйича аризаларни қабул қилади. 2. 10 иш кунида 6-босқич Ваколатли орган (Инвестициялар ва ташқи савдо вазирлиги) , Иқтисодий тараққиёт ва камбағалликни қисқартириш вазирлиги, Монополияга қарши курашиш қўмитаси, Давлат божхона қўмитаси 1. Белгиланган муддат ичида тушган аризаларни кўриб чиқиш ва «энг яхши таклиф» тамойили (нарх ва ҳажм) асосида тадбиркорлик субъектларини танлаб олади. 2. Белгиланган муддат ичида зарур ҳажмлар бўйича аризалар тушмаган бўлса, тариф квотаси ҳажмларини тақсимлаш бўйича маслаҳатлашувлар ўтказади ва мавжуд импорт қилувчилар орасида импортдаги улушига мос равишда тақсимлайди. 3 иш кунида 7-босқич Ваколатли орган (Инвестициялар ва ташқи савдо вазирлиги) Тариф квотаси ҳажмларини резидентлар ўртасида тақсимлаш бўйича қарор қабул қилади ва уни оммавий ахборот воситалари ва ўзининг расмий сайтида эълон қилади. 2 иш кунида

Ўзбекистон Республикаси ҳудудига олиб кирилаётган товарларга нисбатан тариф квоталарини қўллаш тартиби тўғрисидаги низомга 2-ИЛОВА

‎‎НАМУНА ‎‎ ‎ ‎ ‎ ‎ ‎ ‎ ‎ ‎ ‎ ‎ ‎‎Ўзбекистон Республикаси ‎Инвестициялар ва ташқи ‎савдо вазирлигига ‎‎ ‎АРИЗА ‎ _‎‎______________________________________ Сиздан _____ йил «____» ________________даги _____-сонли ‎‎(ташкилот номи) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎эълонга мувофиқ тариф квотаси доирасида импорт қилишга рухсат берилган ____________________ маҳсулоти ‎ (ТИФ ТН коди) бўйича _________________ миқдорда квота ажратишингизни сўраймиз. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ариза берувчининг тўлиқ номи: __________________________________________ ‎Жойлашган жойи (почта манзили): ________________________________________ ‎Ишлаб чиқариш манзили: _______________________________________________ ‎Ариза берувчининг асосий иқтисодий фаолияти: _____________________________ _____________________________________________________________________ ‎Ариза берувчининг телефон рақами: _______________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎СТИР:____________________ ‎______ ‎ ‎‎КТУТ:_________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Тариф квотаси бериладиган хомашёдан ишлаб чиқариладиган товар номи‎‏ Ўлчов бирлиги‎‏ Ишлаб чиқариш ҳажми (Охирги уч йил) ‎‎ Тайёр товар таркибида хомашё улуши, % да (тариф квотаси доирасида импорт қилинадиган товар) ‎‏ Импорт қилинадиган давлат номи‎ охирги ‎1-йил ‎‎ охирги ‎2-йил ‎‎ охирги ‎3-йил ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ташкилот раҳбари‎‎ ‎ ____________‎‎ ‎ Ф.И.О‎‎ ‎ ‎ ‎ ‎ ‎ ‎ ‎ ‎ ‎ ‎ ‎‎(имзо) ‎ ‎ ‎ ‎ ‎ ‎ ‎ ‎ ‎ ‎‎М.Ў. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Ўзбекистон Республикасининг Бош вазири А. АРИПОВ

Тошкент ш.,

2021 йил 2 декабрь,

728-сон

(Қонунчилик маълумотлари миллий базаси, 02.12.2021 й., 09/21/728/1122-сон; 07.10.2025 й., 09/25/627/0901-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

Oʻzbekiston Respublikasi hududiga olib kirilayotgan tovarlarga nisbatan tarif kvotalarini qoʻllash tartibi toʻgʻrisidagi nizomni tasdiqlash haqida

Oʻzbekiston Respublikasining “Tashqi iqtisodiy faoliyat toʻgʻrisida”gi Qonuniga muvofiq, shuningdek, Oʻzbekiston Respublikasi Prezidentining “Mahalliy ishlab chiqaruvchilarni qoʻllab-quvvatlashga doir qoʻshimcha chora-tadbirlar toʻgʻrisida” 2020-yil 21-avgustdagi PQ-4812-son qarorining ijrosini taʼminlash hamda bozor ehtiyojlarini qondirish, ishlab chiqarishni rivojlantirishni ragʻbatlantirish va tashqi iqtisodiy faoliyatni tartibga solishning xalqaro eʼtirof etilgan usullarini amaliyotga tatbiq etish maqsadida Vazirlar Mahkamasi qaror qiladi:

1. Quyidagilarni nazarda tutuvchi Oʻzbekiston Respublikasi hududiga olib kirilayotgan tovarlarga nisbatan tarif kvotalarini qoʻllash tartibi toʻgʻrisidagi nizom ilovaga muvofiq tasdiqlansin:

Oʻzbekiston Respublikasi bojxona hududiga import qilinadigan tovarlarga nisbatan tarif kvotalarini qoʻllash shartlari;

kelib chiqishi boshqa mamlakatlardan boʻlgan va Oʻzbekiston Respublikasi bojxona hududiga olib kiriladigan tovarlarga nisbatan tarif kvotalarini qoʻllash tartibi;

tarif kvotasini oʻrnatish toʻgʻrisidagi qarorni qabul qilish va tarif kvotasi hajmini taqsimlash mexanizmi.

2. Oʻzbekiston Respublikasi Investitsiyalar va tashqi savdo vazirligi:

Iqtisodiy taraqqiyot va kambagʻallikni qisqartirish vazirligi hamda Monopoliyaga qarshi kurashish qoʻmitasi bilan birgalikda isteʼmol hajmlarini, ishlab chiqarish quvvatlarini, ichki bozor narxlarining oʻzgarishini va istiqbolda mahalliy ishlab chiqarish hajmlarini inobatga olgan holda tarif kvotalarini joriy qilish yuzasidan bir yilda kamida bir marta Vazirlar Mahkamasiga takliflar kiritib borsin;

Oʻzbekiston Milliy axborot agentligi, Oʻzbekiston Milliy teleradiokompaniyasi va boshqa manfaatdor idoralar bilan birgalikda mazkur qarorning mazmun-mohiyati hamda uni amalga oshirish jarayonlari ommaviy axborot vositalarida keng yoritilishini taʼminlasin.

3. Ushbu qaror rasmiy eʼlon qilingan kundan eʼtiboran uch oy oʻtgach kuchga kiradi.

4. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov zimmasiga yuklansin.

Vazirlar Mahkamasining 2021-yil 2-dekabrdagi 728-son qaroriga ILOVA

Oʻzbekiston Respublikasi hududiga olib kirilayotgan tovarlarga nisbatan tarif kvotalarini qoʻllash tartibi toʻgʻrisida

1-bob. Umumiy qoidalar

1. Mazkur Nizom Oʻzbekiston Respublikasi hududiga olib kirilayotgan tovarlarga nisbatan tarif kvotalarini qoʻllash va tarif kvotalari hajmlarini taqsimlash tartibini belgilaydi.

2. Mazkur Nizomda quyidagi asosiy tushunchalar qoʻllaniladi:

oʻxshash tovar — baholanayotgan tovar bilan har jihatdan bir xil boʻlmasa-da, u bilan oʻxshash xususiyatlarga ega boʻlganligi va tarkib jihatidan oʻxshashligi tufayli bir xil vazifalarni bajara oladigan hamda tijorat nuqtai nazaridan, shu jumladan, sifati, bozordagi qadri, tovar belgisining mavjudligiga koʻra uning oʻrnini bosa oladigan mahsulot;

rezident — Oʻzbekiston Respublikasining tashqi iqtisodiy faoliyat yurituvchi subyekti;

oldingi davr — Oʻzbekiston Respublikasi hududida oʻxshash tovarlar isteʼmoli va tovarlar ishlab chiqarish hajmlarining tahlili oʻtkazilayotgan soʻngi uch yil;

real import hajmi — cheklovlar yoʻqligi sharoitida import hajmi;

tarif kvotasi — ayrim turdagi tovarlarni Oʻzbekiston Respublikasining bojxona hududiga olib kirishning muayyan davri mobaynida belgilangan miqdorda import qilinadigan tovarlarga nisbatan import bojxona bojlaridan kam stavkalardan foydalanishni nazarda tutuvchi tartibga solish chora-tadbirlari, belgilangan miqdordan koʻp holatlarda import bojxona bojlarining amaldagi stavkalari qoʻllanilishi;

tarif kvotasi hajmi — ajratiladigan tarif kvotasi doirasida tovar miqdori;

vakolatli organ — Oʻzbekiston Respublikasi Investitsiyalar va tashqi savdo vazirligi.

2-bob. Tarif kvotalarini qoʻllash shartlari

3. Oʻzbekiston Respublikasi bojxona hududiga tarif kvotasi doirasida belgilangan hajmda olib kirilayotgan tovarlarga nisbatan bojxona tarifiga muvofiq tegishli import bojxona bojining pasaytirilgan yoki amaldagi stavkalari qoʻllanilishi mumkin.

4. Kelib chiqishi boshqa mamlakatlardan boʻlgan va Oʻzbekiston Respublikasi bojxona hududiga olib kirilayotgan tovarlarga nisbatan tarif kvotasi hajmi, amal qilish muddati va import bojxona boji stavkasi Vazirlar Mahkamasi tomonidan belgilanadi.

Bunda, tarif kvotasi hajmi shu turdagi tovarlarning ichki isteʼmoli va Oʻzbekiston Respublikasi bojxona hududida ishlab chiqariladigan oʻxshash tovarlar hajmlari oʻrtasidagi farqdan oshmaydi.

5. Tarif kvotalari hajmlari vakolatli organning qaroriga muvofiq import qiluvchilar oʻrtasida taqsimlanadi, Oʻzbekiston Respublikasining xalqaro shartnomalarida boshqacha tartib belgilangan hollar bundan mustasno.

6. Tarif kvotasi hajmini taqsimlash tarif kvotasini olishga nisbatan teng huquqlilikka asoslanadi hamda tashkiliy-huquqiy shakliga, roʻyxatdan oʻtish joyi yoki bozordagi mavqeyiga qarab kamsitishga yoʻl qoʻymasdan amalga oshiriladi.

7. Tarif kvotasi muddati davomida tovar yetkazib berishda rezidentning unga ajratilgan tarif kvotasi hajmidan toʻliq foydalanishiga toʻsqinlik qiluvchi shartlar belgilanmaydi.

8. Oʻzbekiston Respublikasining bojxona hududiga olib kiriladigan tovarlarni erkin muomalaga chiqarish uchun bojxona rasmiylashtiruvi vakolatli organ tomonidan qabul qilingan qarorga muvofiq taqsimlangan tarif kvotalari doirasida amalga oshiriladi.

9. Vakolatli organ Iqtisodiy taraqqiyot va kambagʻallikni qisqartirish vazirligi hamda Monopoliyaga qarshi kurashish qoʻmitasi bilan birgalikda isteʼmol hajmlarini, ishlab chiqarish quvvatlarini va ichki bozor narxlarining oʻzgarishini inobatga olgan holda tarif kvotalarini joriy qilish boʻyicha bir yilda kamida bir marta Vazirlar Mahkamasiga takliflar kiritadi.

10. Ichki va tashqi bozorlardagi konyukturaning keskin oʻzgarishiga tezkor javob berish zarur boʻlgan hollarda Oʻzbekiston Respublikasi Investitsiyalar va tashqi savdo vazirligi huzuridagi Tarif va notarif tartibga solish kengashining navbatdagi yigʻilishi chaqiriladi hamda natijasi boʻyicha vakolatli organning qarori bilan tarif kvotasi joriy etilishiga ruxsat beriladi.

11. Tarif kvotasini belgilash toʻgʻrisidagi qarorni qabul qilish jarayonida quyidagi shartlarga rioya etilishi lozim:

tarif kvotasini muayyan davr uchun belgilash (tarif kvotasini mamlakatlar oʻrtasida taqsimlash masalasini koʻrib chiqish natijalaridan qatʼi nazar);

barcha manfaatdor mamlakatlarni ularga ajratilgan tarif kvotasi hajmi yuzasidan xabardor qilish (tarif kvotasini mamlakatlar oʻrtasida taqsimlash haqida qaror qabul qilingan taqdirda);

tarif kvotasini belgilash, uning amal qilish muddati va miqdori, shu jumladan, tarif kvotasi hajmi, mamlakat yoki rezidentlar yoxud import qiluvchilar boʻyicha hajmlarni taqsimlash (mamlakatlar oʻrtasida tarif kvotasi hajmini taqsimlash toʻgʻrisida qaror qabul qilingan taqdirda);

tarif kvotasi hajmi doirasida olib kiriladigan tovarlarga nisbatan qoʻllaniladigan import bojxona bojlari stavkalari toʻgʻrisidagi maʼlumotlarni eʼlon qilish.

3-bob. Tarif kvotalarini qoʻllash tartibi va mexanizmi

12. Oʻzbekiston Respublikasi bojxona hududiga olib kiriladigan tovarlarga nisbatan tarif kvotalarini qoʻllash tartibi ushbu Nizomga 1-ilovaga muvofiq sxema asosida amalga oshiriladi.

13. Oʻzbekiston Respublikasida faoliyat koʻrsatayotgan tadbirkorlik subyekti, zaruratga koʻra, vakolatli organga Oʻzbekiston Respublikasi bojxona hududiga import qilinadigan tovarlarga nisbatan tarif kvotalarini belgilash toʻgʻrisida ariza bilan murojaat qiladi.

14. Vakolatli organ tadbirkorlik subyekti tomonidan tarif kvotasini belgilash lozim boʻlgan tovar yoki tovarlar roʻyxati koʻrsatilgan arizani bir ish kunida qabul qiladi va tarif kvotasini belgilashni maqsadga muvofiqligi boʻyicha oʻn ish kunida:

Milliy statistika qoʻmitasi va Iqtisodiyot va moliya vazirligi huzuridagi Bojxona qoʻmitasi bilan birgalikda respublikadagi barcha mavjud ishlab chiqarish quvvatlari hamda ularning foydalanish darajasi, shuningdek, mazkur tovarlarning eksporti va importi hajmlarini tahlil qiladi;

Iqtisodiy taraqqiyot va kambagʻallikni qisqartirish vazirligi hamda Monopoliyaga qarshi kurashish qoʻmitasi bilan birgalikda arizada koʻrsatilgan tovarlar boʻyicha respublikada ishlab chiqarish va isteʼmol hajmlaridan kelib chiqqan holda ichki bozorning toʻyinganlik darajasi va mavsumiylik omillarini oʻrganadi, shuningdek, kvota hajmlari, muddati va boj stavkasi toʻgʻrisidagi takliflarni ishlab chiqadi.

15. Vakolatli organ oʻrganish yakunlari boʻyicha tarif kvotalarini qoʻllash maqsadida kvota hajmlari, muddati va boj stavkasi toʻgʻrisida Vazirlar Mahkamasiga ikki ish kunida tegishli takliflar kiritadi.

16. Vazirlar Mahkamasi taqdim etilgan takliflar asosida tarif kvotasi hajmlarini belgilash yoki belgilamaslik, ularning muddatlari va boj stavkasi toʻgʻrisida yakuniy xulosani qabul qiladi.

Bunda, zaruratga koʻra, manfaatdor vazirliklar, idoralar va xoʻjalik birlashmalaridan qoʻshimcha maʼlumotlarni oladi hamda yakuniy xulosani vakolatli organga tegishli qaror qabul qilish uchun oʻn ish kunida yuboradi.

17. Vakolatli organ ikki ish kunida:

tarif kvotasini joriy qilish toʻgʻrisida ijobiy xulosa olingan taqdirda, bu toʻgʻrisida ariza beruvchini rasman xat hamda ommaviy axborot vositalari orqali va oʻzining rasmiy saytida tarif kvotalari joriy etilishi toʻgʻrisida;

tarif kvotasini joriy etish maqsadga muvofiq emas deb topilgan taqdirda, ariza beruvchini rasman xat orqali rad etish toʻgʻrisida sabablarini koʻrsatgan holda xabardor qiladi.

18. Vakolatli organ tarif kvotasini joriy qilish toʻgʻrisida ommaviy axborot vositalarida va oʻzining rasmiy saytida berilgan eʼlonga muvofiq tarif kvotasi hajmlarini taqsimlash boʻyicha oʻn ish kunida rezidentlardan arizalar qabul qiladi.

Tarif kvotalari taqsimoti rezidentning ushbu Nizomga 2-ilovada keltirilgan shakldagi arizasi asosida amalga oshiriladi.

Arizani koʻrib chiqish uchun yigʻim undirilmaydi.

19. Vakolatli organ Iqtisodiy taraqqiyot va kambagʻallikni qisqartirish vazirligi, Monopoliyaga qarshi kurashish qoʻmitasi, Davlat bojxona qoʻmitasi bilan birgalikda uch ish kunida:

belgilangan muddat ichida tushgan arizalarni koʻrib chiqadi va “eng yaxshi taklif” tamoyili (narx va hajm) asosida tadbirkorlik subyektlarini tanlab oladi.

Belgilangan muddat ichida zarur hajmlar boʻyicha arizalar tushmagan boʻlsa, tarif kvotasi hajmlarini taqsimlash boʻyicha maslahatlashuvlar oʻtkaziladi va mavjud import qiluvchilar orasida importdagi ulushiga mos ravishda taqsimlanadi.

20. Rezidentlar oʻrtasida tarif kvotasi hajmi vakolatli organ tomonidan belgilangan tarif kvotalari hajmlari doirasida taqsimlanadi yoxud ehtiyoj boʻlganda barcha muhim import qiluvchilar yoki rezidentlar bilan maslahatlashuv oʻtkazilishi mumkin.

21. Tarif kvotasining taqsimlanishi barcha muhim import qiluvchilar bilan maslahatlashuv natijalari asosida amalga oshirilmasa, rezidentlar oʻrtasida tarif kvotasi hajmini taqsimlash toʻgʻrisidagi qaror vakolatli organ tomonidan oldingi davr mobaynida tovarlar importi hajmini hisobga olgan holda qabul qilinadi.

Oldingi davrni tanlash imkoni boʻlmagan holatda tarif kvotasi real import hajmining ehtimoliy boʻlinishini baholash asosida taqsimlanadi.

22. Vakolatli organ tarif kvotasi hajmlarini rezidentlar oʻrtasida taqsimlash boʻyicha ikki ish kunida qaror qabul qiladi va tarif kvotalari belgilanishi munosabati bilan:

tarif kvotasining ajratilgan hajmi doirasida yetkazib berishga moʻljallangan tovarning umumiy miqdori yoki qiymati, tarif kvotasining boshlanish va tugash sanalari hamda undagi har qanday oʻzgarishlar toʻgʻrisidagi maʼlumotlarni ommaviy axborot vositalari va oʻzining rasmiy sayti orqali eʼlon qilib boradi.

tovar yetkazib berishda, manfaatdor rezident soʻroviga koʻra, tashqi savdo faoliyati ishtirokchilari oʻrtasida tarif kvotasining taqsimlanishi usuli va tartibi, shuningdek, tarif kvotasining hajmi toʻgʻrisida maʼlumot beradi.

23. Manfaatdor vazirliklar va idoralar eʼlon qilingan tarif kvotasi doirasida import qiluvchi tadbirkorlik subyektining maʼlumoti hamda vakolatli organning qaroriga tayangan holda tashqi iqtisodiy faoliyat ishtirokchisiga nisbatan iqtisodiy choralar qoʻllaydi.

24. Tovar yetkazib berishda, manfaatdor rezidentning hamkorlik qiluvchi mamlakatining murojaatiga koʻra, Vazirlar Mahkamasi va vakolatli organ tomonidan quyidagi masalalar yuzasidan maslahatlashuvlar oʻtkaziladi:

ajratilgan tarif kvotasi hajmini qayta taqsimlash;

tanlangan oldingi davrni oʻzgartirish;

taqsimlangan tarif kvotasining hajmiga yoki undan cheksiz foydalanishga nisbatan bir tomonlama belgilangan shartlar, qoʻshimcha hujjatlar yoki boshqa qoidalarni bekor qilish zarurati kelib chiqqanda.

4-bob. Yakunlovchi qoidalar

25. Ushbu Nizomni qoʻllash jarayonida yuzaga keladigan nizolar qonunchilik hujjatlarida belgilangan tartibda hal etiladi.

26. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Oʻzbekiston Respublikasi hududiga olib kirilayotgan tovarlarga nisbatan tarif kvotalarini qoʻllash tartibi toʻgʻrisidagi nizomga 1-ILOVA

Oʻzbekiston Respublikasi hududiga olib kirilayotgan tovarlarga nisbatan tarif kvotalarini qoʻllash

Bosqichlar Subyektlar Tadbirlar Muddatlar 1-bosqich Ariza beruvchi 1. Tarif kvotalari qoʻllanilishi lozim boʻlgan tovarlarning roʻyxatini shakllantiradi. 2. Investitsiyalar va tashqi savdo vazirligi (vakolatli organ)ga pochta yoki elektron shaklda tovarlar roʻyxati koʻrsatilgan arizani taqdim etadi. Zaruratga qarab 2-bosqich Vakolatli organ (Investitsiyalar va tashqi savdo vazirligi) Tovarlar roʻyxati koʻrsatilgan arizalarni qabul qiladi. 1 ish kunida 3-bosqich Vakolatli organ (Investitsiyalar va tashqi savdo vazirligi) 1. Arizani oʻrganib chiqish, xususan: Milliy statistika qoʻmitasi va Iqtisodiyot va moliya vazirligi huzuridagi Bojxona qoʻmitasi bilan birgalikda respublikadagi barcha mavjud ishlab chiqarish quvvatlari hamda ulardan foydalanish darajasini, shuningdek, eksport va import hajmlarini oʻrganadi; Iqtisodiy taraqqiyot va kambagʻallikni qisqartirish vazirligi hamda Monopoliyaga qarshi kurashish qoʻmitasi bilan birgalikda arizada koʻrsatilgan tovarlar boʻyicha respublikada ishlab chiqarish va isteʼmol hajmlaridan kelib chiqqan holda ichki bozorning toʻyinganlik darajasi va mavsumiylik omillarini oʻrganadi, shuningdek, kvota hajmlari, muddati va boj stavkasi toʻgʻrisida takliflar ishlab chiqadi. 1. Ariza roʻyxatga olingan kundan boshlab 10 ish kunida 2. Tarif kvotalarini qoʻllash maqsadida kvota hajmlari, muddati va boj stavkasi toʻgʻrisida Vazirlar Mahkamasiga tegishli takliflar kiritadi. 2. Oʻrganishlar yakuniga koʻra 2 ish kunida 4-bosqich Vazirlar Mahkamasi Vakolatli organ tomonidan taqdim etilgan kelishilgan takliflarni oʻrganib chiqadi, tarif kvotalari hajmlarini belgilash yoki belgilamaslik, ularning muddatlari va boj stavkasi toʻgʻrisida yakuniy xulosani qabul qiladi. Zaruratga koʻra, manfaatdor vazirliklar, idoralar va xoʻjalik birlashmalaridan qoʻshimcha maʼlumotlar oladi hamda vakolatli organga tegishli qaror qabul qilish uchun yuboradi. Vakolatli organ tomonidan kiritilgan kundan boshlab 10 ish kunida 5-bosqich Vakolatli organ (Investitsiyalar va tashqi savdo vazirligi) 1. Tarif kvotasini joriy qilish toʻgʻrisida ijobiy xulosa olingan taqdirda, bu toʻgʻrisida ariza beruvchini rasman xat hamda ommaviy axborot vositalari orqali va oʻzining rasmiy saytida tarif kvotalari joriy etilishi toʻgʻrisida tadbirkorlik subyektlarini xabardor qiladi (tarif kvotasini joriy etish maqsadga muvofiq emas deb topilgan taqdirda, ariza beruvchini rasman xat orqali rad etish sabablarini koʻrsatgan holda xabardor qiladi). 1. Vazirlar Mahkamasining yakuniy xulosasi olingan kundan boshlab 2 ish kunida 2. Tarif kvotasini joriy qilish toʻgʻrisida ommaviy axborot vositalari va oʻzining rasmiy saytida berilgan eʼlonga muvofiq tarif kvotasi hajmlarini taqsimlash boʻyicha arizalarni qabul qiladi. 2. 10 ish kunida 6-bosqich Vakolatli organ (Investitsiyalar va tashqi savdo vazirligi) , Iqtisodiy taraqqiyot va kambagʻallikni qisqartirish vazirligi, Monopoliyaga qarshi kurashish qoʻmitasi, Davlat bojxona qoʻmitasi 1. Belgilangan muddat ichida tushgan arizalarni koʻrib chiqish va “eng yaxshi taklif” tamoyili (narx va hajm) asosida tadbirkorlik subyektlarini tanlab oladi. 2. Belgilangan muddat ichida zarur hajmlar boʻyicha arizalar tushmagan boʻlsa, tarif kvotasi hajmlarini taqsimlash boʻyicha maslahatlashuvlar oʻtkazadi va mavjud import qiluvchilar orasida importdagi ulushiga mos ravishda taqsimlaydi. 3 ish kunida 7-bosqich Vakolatli organ (Investitsiyalar va tashqi savdo vazirligi) Tarif kvotasi hajmlarini rezidentlar oʻrtasida taqsimlash boʻyicha qaror qabul qiladi va uni ommaviy axborot vositalari va oʻzining rasmiy saytida eʼlon qiladi. 2 ish kunida

Oʻzbekiston Respublikasi hududiga olib kirilayotgan tovarlarga nisbatan tarif kvotalarini qoʻllash tartibi toʻgʻrisidagi nizomga 2-ILOVA

‎‎NAMUNA ‎‎ ‎ ‎ ‎ ‎ ‎ ‎ ‎ ‎ ‎ ‎ ‎‎Oʻzbekiston Respublikasi ‎Investitsiyalar va tashqi ‎savdo vazirligiga ‎‎ ‎ARIZA ‎ _‎‎______________________________________ Sizdan _____ yil “____” ________________dagi _____-sonli ‎‎(tashkilot nomi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎eʼlonga muvofiq tarif kvotasi doirasida import qilishga ruxsat berilgan ____________________ mahsuloti ‎ (TIF TN kodi) boʻyicha _________________ miqdorda kvota ajratishingizni soʻraymiz. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ariza beruvchining toʻliq nomi: __________________________________________ ‎Joylashgan joyi (pochta manzili): ________________________________________ ‎Ishlab chiqarish manzili: _______________________________________________ ‎Ariza beruvchining asosiy iqtisodiy faoliyati: _____________________________ _____________________________________________________________________ ‎Ariza beruvchining telefon raqami: _______________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎STIR:____________________ ‎______ ‎ ‎‎KTUT:_________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Tarif kvotasi beriladigan xomashyodan ishlab chiqariladigan tovar nomi‎‏ Oʻlchov birligi‎‏ Ishlab chiqarish hajmi (Oxirgi uch yil) ‎‎ Tayyor tovar tarkibida xomashyo ulushi, % da (tarif kvotasi doirasida import qilinadigan tovar) ‎‏ Import qilinadigan davlat nomi‎ oxirgi ‎1-yil ‎‎ oxirgi ‎2-yil ‎‎ oxirgi ‎3-yil ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Tashkilot rahbari‎‎ ‎ ____________‎‎ ‎ F.I.O‎‎ ‎ ‎ ‎ ‎ ‎ ‎ ‎ ‎ ‎ ‎ ‎‎(imzo) ‎ ‎ ‎ ‎ ‎ ‎ ‎ ‎ ‎ ‎‎M.Oʻ. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Oʻzbekiston Respublikasining Bosh vaziri A. ARIPOV

Toshkent sh.,

2021-yil 2-dekabr,

728-son

(Qonunchilik maʼlumotlari milliy bazasi, 02.12.2021-y., 09/21/728/1122-son; 07.10.2025-y., 09/25/627/0901-son)

lex.uz