📅 2021-yil 3-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 3 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 3 декабря 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 3 December 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
2021/2022 ўқув йилида Ўзбекистон Республикаси Президенти ҳузуридаги Давлат бошқаруви академияси фаолиятини молиялаштиришнинг қўшимча чора-тадбирлари тўғрисида
2021/2022 ўқув йилида Ўзбекистон Республикаси Президенти ҳузуридаги Давлат бошқаруви академияси фаолияти узлуксизлигини таъминлаш, профессор-ўқитувчилар қўнимсизлигининг олдини олиш ва бошқарув қадрларининг малакасини ошириш ишларини янада жадаллаштириш мақсадида Вазирлар Маҳкамаси қарор қилади:
1. Қуйидагилар:
2021/2022 ўқув йили учун Ўзбекистон Республикаси Президенти ҳузуридаги Давлат бошқаруви академияси (кейинги ўринларда — Академия) магистратураси ва қайта тайёрлаш курсларига қабул кечиктирилганлиги натижасида жорий ўқув йили давомида профессор-ўқитувчилар ўқув юкламалари камайиши кутилаётганлиги;
Академия профессор-ўқитувчилари томонидан 2021/2022 ўқув йилида давлат органлари ва ташкилотлари ходимларини қайта тайёрлаш ва малакасини ошириш ҳамда улар учун қисқа муддатли ўқув курсларини ташкил этиш билан боғлиқ фаолият амалга оширилаётганлиги маълумот учун қабул қилинсин.
2. Академия ва Ўзбекистон Республикаси Молия вазирлигининг:
а) 2021/2022 ўқув йилида Академияда ўтган йиллар давомида шаклланган 49 та профессор-ўқитувчилар штат бирликларини сақлаб қолиш;
б) профессор-ўқитувчиларнинг иш ҳақи ва унга тенглаштирилган тўловларни:
2021 йил сентябрь — декабрь ойлари учун Академиянинг 2021 йил учун тасдиқланган харажатлар сметаси доирасидаги бюджет ва бюджетдан ташқари маблағлари ҳисобидан амалга ошириш;
2022/2023 ўқув йилига қадар эса Ўзбекистон Республикасининг 2022 йилга режалаштирилган Давлат бюджети параметрларида Академия учун назарда тутилган маблағлар ҳисобидан тўлиқ молиялаштириш тўғрисидаги таклифига розилик берилсин.
3. Ўзбекистон Республикаси Молия вазирлиги:
Академия профессор-ўқитувчиларининг 2021 йил сентябрь — декабрь ойларида иш ҳақи ва унга тенглаштирилган тўловларни Академиянинг 2021 йил учун тасдиқланган харажатлар сметаси доирасида бюджет ва бюджетдан ташқари маблағлари ҳисобидан;
2022/2023 ўқув йилига қадар эса 2022 йилда Ўзбекистон Республикаси Давлат бюджети параметрларида Академия учун назарда тутилган маблағлар ҳисобидан тўлиқ молиялаштирилишини таъминласин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2021 йил 3 декабрь,
730-сон
Oʻzbekiston Respublikasi Vazirlar Mahkamasining
qarori
2021/2022 oʻquv yilida Oʻzbekiston Respublikasi Prezidenti huzuridagi Davlat boshqaruvi akademiyasi faoliyatini moliyalashtirishning qoʻshimcha chora-tadbirlari toʻgʻrisida
2021/2022 oʻquv yilida Oʻzbekiston Respublikasi Prezidenti huzuridagi Davlat boshqaruvi akademiyasi faoliyati uzluksizligini taʼminlash, professor-oʻqituvchilar qoʻnimsizligining oldini olish va boshqaruv qadrlarining malakasini oshirish ishlarini yanada jadallashtirish maqsadida Vazirlar Mahkamasi qaror qiladi:
1. Quyidagilar:
2021/2022 oʻquv yili uchun Oʻzbekiston Respublikasi Prezidenti huzuridagi Davlat boshqaruvi akademiyasi (keyingi oʻrinlarda — Akademiya) magistraturasi va qayta tayyorlash kurslariga qabul kechiktirilganligi natijasida joriy oʻquv yili davomida professor-oʻqituvchilar oʻquv yuklamalari kamayishi kutilayotganligi;
Akademiya professor-oʻqituvchilari tomonidan 2021/2022 oʻquv yilida davlat organlari va tashkilotlari xodimlarini qayta tayyorlash va malakasini oshirish hamda ular uchun qisqa muddatli oʻquv kurslarini tashkil etish bilan bogʻliq faoliyat amalga oshirilayotganligi maʼlumot uchun qabul qilinsin.
2. Akademiya va Oʻzbekiston Respublikasi Moliya vazirligining:
a) 2021/2022 oʻquv yilida Akademiyada oʻtgan yillar davomida shakllangan 49 ta professor-oʻqituvchilar shtat birliklarini saqlab qolish;
b) professor-oʻqituvchilarning ish haqi va unga tenglashtirilgan toʻlovlarni:
2021-yil sentyabr — dekabr oylari uchun Akademiyaning 2021-yil uchun tasdiqlangan xarajatlar smetasi doirasidagi budjet va budjetdan tashqari mablagʻlari hisobidan amalga oshirish;
2022/2023 oʻquv yiliga qadar esa Oʻzbekiston Respublikasining 2022-yilga rejalashtirilgan Davlat budjeti parametrlarida Akademiya uchun nazarda tutilgan mablagʻlar hisobidan toʻliq moliyalashtirish toʻgʻrisidagi taklifiga rozilik berilsin.
3. Oʻzbekiston Respublikasi Moliya vazirligi:
Akademiya professor-oʻqituvchilarining 2021-yil sentyabr — dekabr oylarida ish haqi va unga tenglashtirilgan toʻlovlarni Akademiyaning 2021-yil uchun tasdiqlangan xarajatlar smetasi doirasida budjet va budjetdan tashqari mablagʻlari hisobidan;
2022/2023 oʻquv yiliga qadar esa 2022-yilda Oʻzbekiston Respublikasi Davlat budjeti parametrlarida Akademiya uchun nazarda tutilgan mablagʻlar hisobidan toʻliq moliyalashtirilishini taʼminlasin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 3-dekabr,
730-son