📅 2021-yil 3-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 3 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 3 декабря 2021 г. · Указы Президента
Официальный текст. Официальный документ. Редакционные примечания не включены.
📅 3 December 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш бўйича давлат сиёсатининг устувор йўналишлари тўғрисида
Аҳолининг тадбиркорлик ташаббусларини амалга оширишга молиявий кўмаклашиш, уларнинг даромадли меҳнат билан бандлигини таъминлаш механизмларини янада такомиллаштириш, маҳаллабай ишлаш тизимини янги босқичга олиб чиқиш орқали камбағалликни қисқартириш, республика, вилоят, туман ва шаҳарларда кўрсатиладиган давлат хизматлари ва манзилли молиявий қўллаб-қувватлаш инструментларини бевосита маҳалла даражасига тушириш мақсадида:
1. 2022 йил 1 январдан бошлаб ҳар бир шаҳарча, қишлоқ, овулда, шунингдек, шаҳарлар, шаҳарчалар, қишлоқлар ҳамда овуллардаги ҳар бир маҳаллада (кейинги ўринларда — маҳаллалар) тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимининг ёрдамчиси (кейинги ўринларда — ҳоким ёрдамчиси) лавозими таъсис этилсин.
2. Қуйидагилар ҳоким ёрдамчиларининг асосий вазифалари ва фаолият йўналишлари этиб белгилансин:
маҳалладаги ижтимоий-иқтисодий ҳолатни хонадонбай ўрганиш, жумладан аҳолининг бандлик даражасини, оилаларнинг даромад манбаларини, томорқа ерларидан фойдаланиш ҳолатини ҳамда даромадли меҳнатга бўлган интилиши ва эҳтиёжларини таҳлил қилиш;
маҳаллада тадбиркорликни ривожлантиришнинг ички имкониятлари, тадбиркорлик бўйича ихтисослашув ва меҳнат ресурсларини инобатга олган ҳолда, уни ривожлантиришга туртки берадиган омиллар ва йўналишларни белгилаш, уларни ишга солиш орқали маҳалланинг иқтисодий ривожланишини таъминлаш;
доимий даромад манбаига эга бўлмаган ва ишсиз аҳолининг, айниқса, ёшлар ва хотин-қизларнинг қизиқишларини ўрганиш орқали уларни касб-ҳунар ва тадбиркорликка ўргатувчи ўқув марказларига йўналтириш ҳамда ўқишни тамомлаган битирувчиларнинг бандлигини таъминлашга ёрдам бериш;
маҳалладаги мавжуд бўш иш ўринларини ҳамда хўжалик юритувчи субъектларнинг мавсумий ишчиларга бўлган талабини аниқлаш орқали ишсизларни, биринчи навбатда, «темир дафтар», «аёллар дафтари» ва «ёшлар дафтари»га киритилган ёшлар ва хотин-қизларни бўш (вакант) иш ўринларига жойлаштириш ҳамда ҳақ тўланадиган жамоат ишларига жалб қилиш;
маҳаллада истиқомат қилувчи аҳолининг оилавий тадбиркорлигини ривожлантириш, жумладан уларнинг ҳунармандчилик, касаначилик, томорқадан самарали фойдаланиш, кичик ишлаб чиқариш, хизмат кўрсатиш ва бошқа турдаги фаолиятни йўлга қўйиши учун оилавий тадбиркорлик дастурлари доирасида кредитлар олишда кўмаклашиш;
маҳалланинг ихтисослашувидан келиб чиқиб, кооперация асосида тадбиркорлик фаолиятини йўлга қўйиш истагини билдирган етакчи тадбиркорларга имтиёзли кредитлар ажратишни ташкил этиш, уларга тадбиркорлик билан мустақил шуғулланиш тажрибасига эга бўлмаган фуқароларни ўз фаолиятини йўлга қўйиши учун уларга бириктириш;
аҳоли томорқаларидан самарали фойдаланишни ташкил этиш, уй шароитида деҳқончилик, чорвачилик, паррандачилик, қуёнчилик, асаларичилик, уруғчилик, кўчатчилик, гулчилик каби фаолият турларини йўлга қўйишга кўмаклашиш;
маҳалладаги иш билан банд бўлмаган аҳолининг тадбиркорлик ва доимий даромад келтирувчи фаолият билан шуғулланишини йўлга қўйиш мақсадида уларга иссиқхона қуриш, томорқасини суғориш учун вертикал суғориш қудуқларини бурғилаш, қишлоқ хўжалиги кооперативига аъзо бўлиш, асбоб-ускуна ва меҳнат қуролларини харид қилиш, бино ва иншоотнинг ижара тўлови ҳамда касб-ҳунар ва тадбиркорликка ўқиши учун субсидиялар олишда кўмаклашиш;
маҳалладаги бўш бино ва ер майдонларини аниқлаб, уларни белгиланган тартибда тадбиркорлик субъектларига ажратиш бўйича тегишли ташкилотларга таклифлар киритиш;
тадбиркорлик фаолиятини амалга оширишга тўсиқ бўлаётган муаммоларнинг (муҳандислик-коммуникация тизимларига уланиш ва улардан фойдаланиш, турли хил фаолиятни йўлга қўйиш учун рухсатномалар ва лицензиялар олиш, бўш бино ва ер майдонларини тадбиркорлик билан шуғулланиш учун ажратиш ва бошқалар) тегишли ташкилотлар томонидан ҳал этилишини ташкил этиш.
Барча вазирлик ва идораларнинг биринчи раҳбарлари ҳоким ёрдамчиларига уларнинг вазифаларини амалга оширишда ҳар томонлама кўмак бериш учун шахсан масъул ва жавобгар ҳисобланади.
3. Қуйидагилар:
Иқтисодий тараққиёт ва камбағалликни қисқартириш вазирлиги ҳузуридаги Тадбиркорликни ривожлантириш агентлиги ҳамда Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхоналари фаолиятини ташкил этиш ва мувофиқлаштириш котибияти негизида Иқтисодий тараққиёт ва камбағалликни қисқартириш вазирлиги ҳузуридаги Маҳаллабай ишлаш ва тадбиркорликни ривожлантириш агентлиги (кейинги ўринларда — Агентлик);
Иқтисодий тараққиёт ва камбағалликни қисқартириш вазирлиги ҳузуридаги Тадбиркорликни ривожлантириш агентлигининг Қорақалпоғистон Республикаси, вилоятлар ва Тошкент шаҳри бўйича ваколатли офислари ҳамда Қорақалпоғистон Республикаси, вилоятлар ва Тошкент шаҳридаги Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхоналари негизида Агентликнинг Қорақалпоғистон Республикаси, вилоятлар ва Тошкент шаҳридаги ҳудудий бошқармалари;
туманлар ва шаҳарлардаги Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхоналари негизида туман (шаҳар) ҳокимликлари таркибида юридик шахс ташкил этмаган ҳолда Маҳаллабай ишлаш ва тадбиркорликни ривожлантириш марказлари (кейинги ўринларда — Марказлар) ташкил этилсин.
Белгилаб қўйилсинки:
Агентликка Ўзбекистон Республикаси Президенти томонидан лавозимга тайинланадиган ва лавозимдан озод этиладиган Иқтисодий тараққиёт ва камбағалликни қисқартириш вазирининг ўринбосари — Маҳаллабай ишлаш ва тадбиркорликни ривожлантириш агентлиги директори раҳбарлик қилади.
Агентлик ҳузурида бир йил муддатга доимий фаолият юритадиган «Маҳаллабай ишлаш штаби» ташкил этилади;
Марказий банк, Бандлик ва меҳнат муносабатлари вазирлиги, Инвестициялар ва ташқи савдо вазирлиги, Молия вазирлиги, Давлат солиқ қўмитаси, Савдо-саноат палатаси раҳбарларининг тегишли ўринбосарлари бир йил муддатга бошқа барча вазифаларни бажаришдан озод этилган ҳолда «Маҳаллабай ишлаш штаби»га хизмат сафарига юборилади.
4. Иқтисодий тараққиёт ва камбағалликни қисқартириш вазирлиги ҳузурида юридик шахс ташкил этмаган ҳолда бюджет ташкилотларининг бюджетдан ташқари жамғармалари шаклида очиладиган Ҳоким ёрдамчилари фаолиятини қўллаб-қувватлаш жамғармаси ташкил этилсин.
Иқтисодий тараққиёт ва камбағалликни қисқартириш вазирлигига Ҳоким ёрдамчилари фаолиятини қўллаб-қувватлаш жамғармаси маблағларини бошқариш вазифаси юклансин.
5. Белгилаб қўйилсинки:
ҳоким ёрдамчиси лавозимига Иқтисодий тараққиёт ва камбағалликни қисқартириш вазирлиги, Молия вазирлиги, Бандлик ва меҳнат муносабатлари вазирлиги, Инвестициялар ва ташқи савдо вазирлиги, Давлат солиқ қўмитаси, тижорат банклари, иқтисодий ва инвестиция комплексларига кирувчи бошқа идоралар, уларнинг ҳудудий бўлинмаларида бўлим (шуъба) бошлиғидан паст бўлмаган лавозимда ишловчи раҳбар ходимлар, шунингдек, маҳаллий ҳокимликларнинг раҳбар ходимлари тайинланади;
ҳоким ёрдамчиси лавозимига номзодлар тегишлича Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари бошчилигидаги танлов комиссиялари орқали очиқ танловлар асосида ишга қабул қилинади;
номзодларнинг интилувчанлиги, мақсадга йўналганлиги, қобилияти, тажрибаси кабиларни инобатга олган ҳолда тадбиркорлар, бошқа соҳа вакиллари, фаол ёшлар, раҳбарлик лавозимида фаолият юритмаётган ходимлар ва олий маълумотга эга бўлмаган фуқаролар ҳам ишга қабул қилиниши мумкин.
6. Вазирликлар, идоралар, тижорат банклари, маҳаллий ижро ҳокимияти органлари раҳбарларига ҳоким ёрдамчилари лавозимига тайинланган ходимларнинг аввалги иш жойидаги лавозимини икки йилгача муддатга сақлаб қолиш, мазкур даврда ушбу лавозимга бошқа шахсларни муддатли меҳнат шартномаси асосида вақтинча ишга қабул қилиш тавсия этилсин.
7. Ўзбекистон Республикаси Президенти ҳузуридаги Бошқарув самарадорлиги агентлиги ҳоким ёрдамчиларини:
икки йиллик меҳнат фаолияти натижаларига кўра лавозимини ошириш юзасидан вазирлик ва идоралар, шунингдек, Қорақалпоғистон Республикаси Жўқорғи Кенгеси, вилоятлар ва Тошкент шаҳар ҳокимликларига таклиф киритсин.
Ўзбекистон Республикаси Президенти ҳузуридаги Бошқарув самарадорлиги агентлигининг таклифларига асосан ҳоким ёрдамчиларини танловсиз тўғридан-тўғри юқори лавозимларга ўтказишга рухсат берилсин.
8. Ўзбекистон Республикаси Президенти ҳузуридаги Давлат хизматини ривожлантириш агентлиги, Иқтисодий тараққиёт ва камбағалликни қисқартириш вазирлиги ҳамда Маҳалла ва оилани қўллаб-қувватлаш вазирлигининг:
«Янги Ўзбекистон ислоҳотчиси» кўкрак нишонини таъсис этиш;
ҳоким ёрдамчиси лавозимига тайинланган ҳамда улар фаолиятини самарали ташкил этишга жалб қилинган шахсларни ушбу кўкрак нишони билан тақдирлаш амалиётини жорий этиш тўғрисидаги таклифлари маъқуллансин.
Иқтисодий тараққиёт ва камбағалликни қисқартириш вазирлиги манфаатдор вазирлик ва идоралар билан биргаликда бир ой муддатда «Янги Ўзбекистон ислоҳотчиси» кўкрак нишони тўғрисидаги низом лойиҳасини Вазирлар Маҳкамасига киритсин.
9. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Маҳалла ва оилани қўллаб-қувватлаш вазирлиги ҳамда Иқтисодий тараққиёт ва камбағалликни қисқартириш вазирлиги билан биргаликда жойларда «инсон қадри учун» шиори билан амалга оширилаётган ислоҳотларда ўзининг фаол иштироки, аҳолининг турмуш даражасини яхшилаш бўйича ташаббуслари билан бошқаларга ўрнак бўлаётган маҳаллалар ва ҳоким ёрдамчиларини рағбатлантириб бориш мақсадида «Энг намунали маҳалла» ва «Фаол ҳоким ёрдамчиси» каби кўрик танловларнинг мунтазам ўтказиб борилишини таъминласин.
10. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига маҳаллий давлат ҳокимияти органлари ташкилий тузилмасини ислоҳ қилиш бўйича амалга оширилаётган ишларни кенг ёритиб бориш тавсия этилсин.
11. Бош вазир ўринбосари Ж.А. Қўчқоров, иқтисодий тараққиёт ва камбағалликни қисқартириш вазирининг биринчи ўринбосари С.М. Холхўжаев, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари мазкур Фармон асосида жорий этилаётган тизимнинг самарали ташкил этилишини, иш фаолиятида аниқланадиган муаммоларнинг жойида ҳал қилинишини таъминласин.
12. Иқтисодий тараққиёт ва камбағалликни қисқартириш вазирлиги:
бир ҳафта муддатда Ўзбекистон Республикаси Президентининг «Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари фаолиятини ташкил этиш чора-тадбирлари тўғрисида»ги қарори лойиҳасини;
икки ой муддатда Адлия вазирлиги ҳамда манфаатдор вазирлик ва идоралар билан биргаликда қонунчилик ҳужжатларига мазкур Фармондан келиб чиқадиган ўзгартириш ва қўшимчалар тўғрисида таклифларни Вазирлар Маҳкамасига киритсин.
13. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 3 декабрь,
ПФ-29-сон
Oʻzbekiston Respublikasi Prezidentining
Farmoni
Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish boʻyicha davlat siyosatining ustuvor yoʻnalishlari toʻgʻrisida
Aholining tadbirkorlik tashabbuslarini amalga oshirishga moliyaviy koʻmaklashish, ularning daromadli mehnat bilan bandligini taʼminlash mexanizmlarini yanada takomillashtirish, mahallabay ishlash tizimini yangi bosqichga olib chiqish orqali kambagʻallikni qisqartirish, respublika, viloyat, tuman va shaharlarda koʻrsatiladigan davlat xizmatlari va manzilli moliyaviy qoʻllab-quvvatlash instrumentlarini bevosita mahalla darajasiga tushirish maqsadida:
1. 2022-yil 1-yanvardan boshlab har bir shaharcha, qishloq, ovulda, shuningdek, shaharlar, shaharchalar, qishloqlar hamda ovullardagi har bir mahallada (keyingi oʻrinlarda — mahallalar) tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimining yordamchisi (keyingi oʻrinlarda — hokim yordamchisi) lavozimi taʼsis etilsin.
2. Quyidagilar hokim yordamchilarining asosiy vazifalari va faoliyat yoʻnalishlari etib belgilansin:
mahalladagi ijtimoiy-iqtisodiy holatni xonadonbay oʻrganish, jumladan aholining bandlik darajasini, oilalarning daromad manbalarini, tomorqa yerlaridan foydalanish holatini hamda daromadli mehnatga boʻlgan intilishi va ehtiyojlarini tahlil qilish;
mahallada tadbirkorlikni rivojlantirishning ichki imkoniyatlari, tadbirkorlik boʻyicha ixtisoslashuv va mehnat resurslarini inobatga olgan holda, uni rivojlantirishga turtki beradigan omillar va yoʻnalishlarni belgilash, ularni ishga solish orqali mahallaning iqtisodiy rivojlanishini taʼminlash;
doimiy daromad manbaiga ega boʻlmagan va ishsiz aholining, ayniqsa, yoshlar va xotin-qizlarning qiziqishlarini oʻrganish orqali ularni kasb-hunar va tadbirkorlikka oʻrgatuvchi oʻquv markazlariga yoʻnaltirish hamda oʻqishni tamomlagan bitiruvchilarning bandligini taʼminlashga yordam berish;
mahalladagi mavjud boʻsh ish oʻrinlarini hamda xoʻjalik yurituvchi subyektlarning mavsumiy ishchilarga boʻlgan talabini aniqlash orqali ishsizlarni, birinchi navbatda, “temir daftar”, “ayollar daftari” va “yoshlar daftari”ga kiritilgan yoshlar va xotin-qizlarni boʻsh (vakant) ish oʻrinlariga joylashtirish hamda haq toʻlanadigan jamoat ishlariga jalb qilish;
mahallada istiqomat qiluvchi aholining oilaviy tadbirkorligini rivojlantirish, jumladan ularning hunarmandchilik, kasanachilik, tomorqadan samarali foydalanish, kichik ishlab chiqarish, xizmat koʻrsatish va boshqa turdagi faoliyatni yoʻlga qoʻyishi uchun oilaviy tadbirkorlik dasturlari doirasida kreditlar olishda koʻmaklashish;
mahallaning ixtisoslashuvidan kelib chiqib, kooperatsiya asosida tadbirkorlik faoliyatini yoʻlga qoʻyish istagini bildirgan yetakchi tadbirkorlarga imtiyozli kreditlar ajratishni tashkil etish, ularga tadbirkorlik bilan mustaqil shugʻullanish tajribasiga ega boʻlmagan fuqarolarni oʻz faoliyatini yoʻlga qoʻyishi uchun ularga biriktirish;
aholi tomorqalaridan samarali foydalanishni tashkil etish, uy sharoitida dehqonchilik, chorvachilik, parrandachilik, quyonchilik, asalarichilik, urugʻchilik, koʻchatchilik, gulchilik kabi faoliyat turlarini yoʻlga qoʻyishga koʻmaklashish;
mahalladagi ish bilan band boʻlmagan aholining tadbirkorlik va doimiy daromad keltiruvchi faoliyat bilan shugʻullanishini yoʻlga qoʻyish maqsadida ularga issiqxona qurish, tomorqasini sugʻorish uchun vertikal sugʻorish quduqlarini burgʻilash, qishloq xoʻjaligi kooperativiga aʼzo boʻlish, asbob-uskuna va mehnat qurollarini xarid qilish, bino va inshootning ijara toʻlovi hamda kasb-hunar va tadbirkorlikka oʻqishi uchun subsidiyalar olishda koʻmaklashish;
mahalladagi boʻsh bino va yer maydonlarini aniqlab, ularni belgilangan tartibda tadbirkorlik subyektlariga ajratish boʻyicha tegishli tashkilotlarga takliflar kiritish;
tadbirkorlik faoliyatini amalga oshirishga toʻsiq boʻlayotgan muammolarning (muhandislik-kommunikatsiya tizimlariga ulanish va ulardan foydalanish, turli xil faoliyatni yoʻlga qoʻyish uchun ruxsatnomalar va litsenziyalar olish, boʻsh bino va yer maydonlarini tadbirkorlik bilan shugʻullanish uchun ajratish va boshqalar) tegishli tashkilotlar tomonidan hal etilishini tashkil etish.
Barcha vazirlik va idoralarning birinchi rahbarlari hokim yordamchilariga ularning vazifalarini amalga oshirishda har tomonlama koʻmak berish uchun shaxsan masʼul va javobgar hisoblanadi.
3. Quyidagilar:
Iqtisodiy taraqqiyot va kambagʻallikni qisqartirish vazirligi huzuridagi Tadbirkorlikni rivojlantirish agentligi hamda Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalari faoliyatini tashkil etish va muvofiqlashtirish kotibiyati negizida Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligi (keyingi oʻrinlarda — Agentlik);
Iqtisodiy taraqqiyot va kambagʻallikni qisqartirish vazirligi huzuridagi Tadbirkorlikni rivojlantirish agentligining Qoraqalpogʻiston Respublikasi, viloyatlar va Toshkent shahri boʻyicha vakolatli ofislari hamda Qoraqalpogʻiston Respublikasi, viloyatlar va Toshkent shahridagi Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalari negizida Agentlikning Qoraqalpogʻiston Respublikasi, viloyatlar va Toshkent shahridagi hududiy boshqarmalari;
tumanlar va shaharlardagi Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalari negizida tuman (shahar) hokimliklari tarkibida yuridik shaxs tashkil etmagan holda Mahallabay ishlash va tadbirkorlikni rivojlantirish markazlari (keyingi oʻrinlarda — Markazlar) tashkil etilsin.
Belgilab qoʻyilsinki:
Agentlikka Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan Iqtisodiy taraqqiyot va kambagʻallikni qisqartirish vazirining oʻrinbosari — Mahallabay ishlash va tadbirkorlikni rivojlantirish agentligi direktori rahbarlik qiladi.
Agentlik huzurida bir yil muddatga doimiy faoliyat yuritadigan “Mahallabay ishlash shtabi” tashkil etiladi;
Markaziy bank, Bandlik va mehnat munosabatlari vazirligi, Investitsiyalar va tashqi savdo vazirligi, Moliya vazirligi, Davlat soliq qoʻmitasi, Savdo-sanoat palatasi rahbarlarining tegishli oʻrinbosarlari bir yil muddatga boshqa barcha vazifalarni bajarishdan ozod etilgan holda “Mahallabay ishlash shtabi”ga xizmat safariga yuboriladi.
4. Iqtisodiy taraqqiyot va kambagʻallikni qisqartirish vazirligi huzurida yuridik shaxs tashkil etmagan holda budjet tashkilotlarining budjetdan tashqari jamgʻarmalari shaklida ochiladigan Hokim yordamchilari faoliyatini qoʻllab-quvvatlash jamgʻarmasi tashkil etilsin.
Iqtisodiy taraqqiyot va kambagʻallikni qisqartirish vazirligiga Hokim yordamchilari faoliyatini qoʻllab-quvvatlash jamgʻarmasi mablagʻlarini boshqarish vazifasi yuklansin.
5. Belgilab qoʻyilsinki:
hokim yordamchisi lavozimiga Iqtisodiy taraqqiyot va kambagʻallikni qisqartirish vazirligi, Moliya vazirligi, Bandlik va mehnat munosabatlari vazirligi, Investitsiyalar va tashqi savdo vazirligi, Davlat soliq qoʻmitasi, tijorat banklari, iqtisodiy va investitsiya komplekslariga kiruvchi boshqa idoralar, ularning hududiy boʻlinmalarida boʻlim (shuʼba) boshligʻidan past boʻlmagan lavozimda ishlovchi rahbar xodimlar, shuningdek, mahalliy hokimliklarning rahbar xodimlari tayinlanadi;
hokim yordamchisi lavozimiga nomzodlar tegishlicha Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari boshchiligidagi tanlov komissiyalari orqali ochiq tanlovlar asosida ishga qabul qilinadi;
nomzodlarning intiluvchanligi, maqsadga yoʻnalganligi, qobiliyati, tajribasi kabilarni inobatga olgan holda tadbirkorlar, boshqa soha vakillari, faol yoshlar, rahbarlik lavozimida faoliyat yuritmayotgan xodimlar va oliy maʼlumotga ega boʻlmagan fuqarolar ham ishga qabul qilinishi mumkin.
6. Vazirliklar, idoralar, tijorat banklari, mahalliy ijro hokimiyati organlari rahbarlariga hokim yordamchilari lavozimiga tayinlangan xodimlarning avvalgi ish joyidagi lavozimini ikki yilgacha muddatga saqlab qolish, mazkur davrda ushbu lavozimga boshqa shaxslarni muddatli mehnat shartnomasi asosida vaqtincha ishga qabul qilish tavsiya etilsin.
7. Oʻzbekiston Respublikasi Prezidenti huzuridagi Boshqaruv samaradorligi agentligi hokim yordamchilarini:
ikki yillik mehnat faoliyati natijalariga koʻra lavozimini oshirish yuzasidan vazirlik va idoralar, shuningdek, Qoraqalpogʻiston Respublikasi Joʻqorgʻi Kengesi, viloyatlar va Toshkent shahar hokimliklariga taklif kiritsin.
Oʻzbekiston Respublikasi Prezidenti huzuridagi Boshqaruv samaradorligi agentligining takliflariga asosan hokim yordamchilarini tanlovsiz toʻgʻridan-toʻgʻri yuqori lavozimlarga oʻtkazishga ruxsat berilsin.
8. Oʻzbekiston Respublikasi Prezidenti huzuridagi Davlat xizmatini rivojlantirish agentligi, Iqtisodiy taraqqiyot va kambagʻallikni qisqartirish vazirligi hamda Mahalla va oilani qoʻllab-quvvatlash vazirligining:
“Yangi Oʻzbekiston islohotchisi” koʻkrak nishonini taʼsis etish;
hokim yordamchisi lavozimiga tayinlangan hamda ular faoliyatini samarali tashkil etishga jalb qilingan shaxslarni ushbu koʻkrak nishoni bilan taqdirlash amaliyotini joriy etish toʻgʻrisidagi takliflari maʼqullansin.
Iqtisodiy taraqqiyot va kambagʻallikni qisqartirish vazirligi manfaatdor vazirlik va idoralar bilan birgalikda bir oy muddatda “Yangi Oʻzbekiston islohotchisi” koʻkrak nishoni toʻgʻrisidagi nizom loyihasini Vazirlar Mahkamasiga kiritsin.
9. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Mahalla va oilani qoʻllab-quvvatlash vazirligi hamda Iqtisodiy taraqqiyot va kambagʻallikni qisqartirish vazirligi bilan birgalikda joylarda “inson qadri uchun” shiori bilan amalga oshirilayotgan islohotlarda oʻzining faol ishtiroki, aholining turmush darajasini yaxshilash boʻyicha tashabbuslari bilan boshqalarga oʻrnak boʻlayotgan mahallalar va hokim yordamchilarini ragʻbatlantirib borish maqsadida “Eng namunali mahalla” va “Faol hokim yordamchisi” kabi koʻrik tanlovlarning muntazam oʻtkazib borilishini taʼminlasin.
10. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga mahalliy davlat hokimiyati organlari tashkiliy tuzilmasini isloh qilish boʻyicha amalga oshirilayotgan ishlarni keng yoritib borish tavsiya etilsin.
11. Bosh vazir oʻrinbosari J.A. Qoʻchqorov, iqtisodiy taraqqiyot va kambagʻallikni qisqartirish vazirining birinchi oʻrinbosari S.M. Xolxoʻjayev, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari mazkur Farmon asosida joriy etilayotgan tizimning samarali tashkil etilishini, ish faoliyatida aniqlanadigan muammolarning joyida hal qilinishini taʼminlasin.
12. Iqtisodiy taraqqiyot va kambagʻallikni qisqartirish vazirligi:
bir hafta muddatda Oʻzbekiston Respublikasi Prezidentining “Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha hokim yordamchilari faoliyatini tashkil etish chora-tadbirlari toʻgʻrisida”gi qarori loyihasini;
ikki oy muddatda Adliya vazirligi hamda manfaatdor vazirlik va idoralar bilan birgalikda qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin.
13. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 3-dekabr,
PF-29-son
Президента Республики Узбекистан
Указ
О приоритетных направлениях государственной политики по развитию предпринимательства, обеспечению занятости населения и сокращению бедности в махалле
В целях финансового содействия реализации предпринимательских инициатив населения, дальнейшего совершенствования механизмов обеспечения его занятости трудом, приносящим доход, и сокращения бедности путем поднятия на новый уровень системы работы махаллабай, а также внедрения инструментов целевой финансовой поддержки и оказываемых государственных услуг в республике, областях, районах и городах непосредственно до уровня махалли:
1. Ввести с 1 января 2022 года должность помощника хокима района (города) по вопросам развития предпринимательства, обеспечения занятости населения и сокращения бедности (далее — помощник хокима) в каждом поселке, селе, ауле, а также в каждой махалле городов, поселков, сел и аулов (далее — махалли).
2. Определить основными задачами и направлениями деятельности помощника хокима:
изучение социально-экономического состояния махаллей по системе хонадонбай, включая анализ уровня занятости, источников дохода семей, состояния использования приусадебных участков, заинтересованности в труде, приносящем доход, и потребностей населения;
определение факторов, дающих толчок, и направлений развития предпринимательства в махаллях, принимая во внимание внутренние возможности, специализацию предпринимательства и трудовые ресурсы махаллей, а также обеспечение экономического развития махаллей путем задействования указанных факторов и направлений;
привлечение не имеющего постоянного источника дохода и безработного населения, особенно молодежи и женщин, в учебные центры по обучению профессиям и предпринимательству путем изучения их интересов, а также оказание помощи в обеспечении занятости выпускников, окончивших учебу;
трудоустройство на свободные (вакантные) рабочие места безработных, в первую очередь молодежи и женщин, включенных в «железную тетрадь», «женскую тетрадь» и «молодежную тетрадь», путем определения свободных рабочих мест, имеющихся в махаллях, и потребности хозяйствующих субъектов в сезонных рабочих, а также их привлечение к оплачиваемым общественным работам;
оказание содействия в получении кредитов в рамках программ семейного предпринимательства на развитие семейного предпринимательства населения, проживающего в махаллях, включая развитие ремесленничества, надомного труда, эффективное использование приусадебных участков, организацию компактных производств, оказания услуг и иных видов деятельности в махаллях;
организацию выделения льготных кредитов успешным предпринимателям, изъявившим желание заниматься предпринимательской деятельностью на основе кооперации, исходя из специализации определенной махалли, а также прикрепление к ним граждан, не имеющих опыта самостоятельного занятия предпринимательской деятельностью, в целях налаживания ими своей деятельности;
организацию эффективного использования приусадебных участков населением, оказание содействия в налаживании таких видов деятельности, как земледелие, животноводство, птицеводство, кролиководство, пчеловодство, семеноводство, питомничество и цветоводство в домашних условиях;
оказание содействия в получении субсидий на строительство теплиц, бурение вертикальных оросительных скважин для орошения приусадебных участков, вступление в членство сельскохозяйственных кооперативов, закупку оборудования и орудий труда, арендную плату за здания и сооружения, а также обучение профессиям и предпринимательству в целях занятия предпринимательством и деятельностью, приносящей постоянный доход, незанятому населению махаллей;
выявление пустующих зданий и земельных площадей в махаллях и внесение в соответствующие организации предложений об их выделении субъектам предпринимательства в установленном порядке;
организацию решения проблем, препятствующих ведению предпринимательской деятельности (подключение к инженерно-коммуникационным системам и их эксплуатация, получение разрешений и лицензий на организацию разных видов деятельности, выделение пустующих зданий и земельных площадей для занятия предпринимательством и других) соответствующими организациями.
Возложить на первых руководителей всех министерств и ведомств персональную ответственность за оказание всестороннего содействия помощникам хокимов в выполнении ими своих обязанностей.
3. Создать:
Агентство по работе махаллабай и развитию предпринимательства при Министерстве экономического развития и сокращения бедности (далее — Агентство) на базе Агентства по развитию предпринимательства при Министерстве экономического развития и сокращения бедности и Секретариата по организации и координации деятельности приемных Премьер-министра Республики Узбекистан по рассмотрению обращений предпринимателей;
региональные управления Агентства в Республике Каракалпакстан, областях и городе Ташкенте на базе уполномоченных офисов по Республике Каракалпакстан, областям и городу Ташкенту Агентства по развитию предпринимательства при Министерстве экономического развития и сокращения бедности и приемных Премьер-министра Республики Узбекистан по рассмотрению обращений предпринимателей в Республике Каракалпакстан, областях и городе Ташкенте;
центры по работе махаллабай и развитию предпринимательства в составе хокимиятов районов (городов) (далее — Центры) без образования юридического лица на базе приемных Премьер-министра Республики Узбекистан по рассмотрению обращений предпринимателей.
Установить, что:
Агентством руководит заместитель министра экономического развития и сокращения бедности — директор Агентства по работе махаллабай и развитию предпринимательства, назначаемый на должность и освобождаемый от должности Президентом Республики Узбекистан.
при Агентстве сроком на один год создается Штаб по работе махаллабай, осуществляющий деятельность на постоянной основе;
соответствующие заместители руководителей Центрального банка, Министерства занятости и трудовых отношений, Министерства инвестиций и внешней торговли, Министерства финансов, Государственного налогового комитета и Торгово-промышленной палаты направляются в Штаб по работе махаллабай в служебную командировку сроком на один год с освобождением от исполнения всех других обязанностей.
4. Создать Фонд по поддержке деятельности помощников хокимов при Министерстве экономического развития и сокращения бедности в форме внебюджетных фондов бюджетных организаций, без образования юридического лица.
Возложить на Министерство экономического развития и сокращения бедности задачу управления средствами Фонда по поддержке деятельности помощников хокимов.
5. Определить, что:
на должность помощника хокима назначаются руководящие работники, занимающие должность не ниже начальника отдела (сектора) Министерства экономического развития и сокращения бедности, Министерства финансов, Министерства занятости и трудовых отношений, Министерства инвестиций и внешней торговли, Государственного налогового комитета, коммерческих банков, иных ведомств, входящих в экономический и инвестиционный комплексы, их территориальных подразделений, а также руководящие работники местных хокимиятов;
кандидаты принимаются на работу отборочными комиссиями, возглавляемыми соответственно Председателем Совета Министров Республики Каракалпакстан, хокимами областей и города Ташкента, на основе открытого конкурса;
принимая во внимание целеустремленность, усердие, способности и опыт работы кандидатов, на данную должность могут приниматься также предприниматели, представители иных сфер, активная молодежь, работники, не занимающие руководящие должности, и граждане, не имеющие высшего образования.
6. Рекомендовать руководителям министерств, ведомств, коммерческих банков и местных органов исполнительной власти сохранить за работниками, назначенными на должность помощника хокима, их должность по предыдущему месту работы на срок до двух лет и принимать на данную должность на указанный период других лиц на основе срочного трудового договора на временной основе.
7. Агентству эффективности управления при Президенте Республики Узбекистан:
вносить в министерства и ведомства, а также Жокаргы Кенес Республики Каракалпакстан, хокимияты областей и города Ташкента предложения о повышении в должности помощников хокимов по результатам их двухлетней трудовой деятельности.
Разрешить назначение на вышестоящие должности помощников хокимов напрямую без проведения конкурса на основе предложений Агентства эффективности управления при Президенте Республики Узбекистан.
8. Одобрить предложения Агентства развития государственной службы при Президенте Республики Узбекистан, Министерства экономического развития и сокращения бедности и Министерства по поддержке махалли и семьи по:
учреждению нагрудного знака «Янги Ўзбекистон ислоҳотчиси»;
внедрению практики награждения данным нагрудным знаком лиц, назначенных на должность помощника хокима, а также привлеченных к эффективной организации их деятельности.
Министерству экономического развития и сокращения бедности совместно с заинтересованными министерствами и ведомствами в месячный срок внести в Кабинет Министров проект Положения о нагрудном знаке «Янги Ўзбекистон ислоҳотчиси».
9. Совету Министров Республики Каракалпакстан, хокимиятам областей и города Ташкента совместно с Министерством по поддержке махалли и семьи и Министерством экономического развития и сокращения бедности обеспечить регулярное проведение смотров-конкурсов «Самая образцовая махалля» и «Активный помощник хокима» в целях поощрения махаллей и помощников хокимов, которые своим активным участием в реформах, осуществляемых под девизом «во имя чести и достоинства человека», и инициативами по улучшению условий жизни населения являются примером для других.
10. Рекомендовать Национальной телерадиокомпании Узбекистана, Национальному информационному агентству Узбекистана и иным средствам массовой информации широко освещать проводимую работу по реформированию организационной структуры органов государственной власти на местах.
11. Заместителю Премьер-министра Д.А. Кучкарову, первому заместителю министра экономического развития и сокращения бедности С.М. Холхужаеву, Председателю Совета Министров Республики Каракалпакстан, хокимам областей и города Ташкента обеспечить эффективную организацию системы, внедряемой на основании настоящего Указа, а также решение выявляемых проблем на месте.
12. Министерству экономического развития и сокращения бедности внести в Кабинет Министров:
в недельный срок — проект постановления Президента Республики Узбекистан «О мерах по организации деятельности помощников хокимов по вопросам развития предпринимательства, обеспечения занятости населения и сокращения бедности в махаллях»;
в двухмесячный срок совместно с Министерством юстиции, а также заинтересованными министерствами и ведомствами — предложения об изменениях и дополнениях в акты законодательства, вытекающих из настоящего Указа.
13. Контроль за исполнением настоящего Указа возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
Президент Республики Узбекистан Ш. МИРЗИЁЕВ
г. Ташкент,
3 декабря 2021 г.,
№ УП-29