📅 2021-yil 1-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 1 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 1 декабря 2021 г. · Указы Президента
Официальный текст. Официальный документ. Редакционные примечания не включены.
📅 1 December 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
НИЗОМ
«Ўзбекистон Республикаси Қуролли Кучларига 30 йил» эсдалик нишонини таъсис этиш тўғрисида
Ватанимиз озодлиги, халқимизнинг тинч ва осойишта ҳаёти, сарҳадларимиз дахлсизлигининг мустаҳкам кафолати бўлган Ўзбекистон Республикаси Қуролли Кучлари ташкил этилганига 2022 йил 14 январда 30 йил тўлади.
Миллий истиқлолимиз солномасига олтин ҳарфлар билан ёзиладиган ана шу қутлуғ тарихий санани ҳар томонлама юксак савияда нишонлаш учун мамлакатимизда катта тайёргарлик ишлари олиб борилмоқда.
Мустақиллик йилларида, хусусан, сўнгги беш йилда Қуролли Кучларимизни модернизация қилиш, унинг ҳарбий-техник ва жанговар салоҳиятини юксалтириш, ҳарбий хизматчиларнинг жисмоний ва маънавий тайёргарлигини ошириш, уларни ижтимоий қўллаб-қувватлаш, ёшларни ватанпарвар, мард ва жасур этиб вояга етказиш бўйича улкан ишлар амалга оширилаётганини алоҳида таъкидлаш лозим.
Ўзбекистон Республикаси Қуролли Кучларининг 30 йиллиги муносабати билан мамлакатимиз мустақиллигини мустаҳкамлаш, унинг мудофаа қудратини юксалтириш, жамиятимизда ҳукм сураётган тинчлик ва барқарорликни, миллатлараро тотувликни асраш, ёшларимизни она Ватанга муҳаббат ва садоқат руҳида тарбиялаш борасидаги самарали фаолияти учун Қуролли Кучлар ҳарбий хизматчилари, фахрийлари ва ишчи хизматчиларини муносиб тақдирлаш мақсадида;
1. «Ўзбекистон Республикаси Қуролли Кучларига 30 йил» эсдалик нишони таъсис этилсин.
2. «Ўзбекистон Республикаси Қуролли Кучларига 30 йил» эсдалик нишонининг Низоми ва тавсифи 1 , 2-иловаларга мувофиқ тасдиқлансин.
3. Ўзбекистон Республикаси Вазирлар Маҳкамаси бир ой муддатда «Ўзбекистон Республикаси Қуролли Кучларига 30 йил» эсдалик нишонлари ва уларнинг гувоҳномалари белгиланган тартибда тайёрланишини таъминласин.
4. Мазкур Фармоннинг ижросини назорат қилиш Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2021 йил 1 декабрдаги ПФ-28-сон Фармонига 1-ИЛОВА
«Ўзбекистон Республикаси Қуролли Кучларига 30 йил» эсдалик нишони тўғрисидаги
1. «Ўзбекистон Республикаси Қуролли Кучларига 30 йил» эсдалик нишони билан мамлакатимиз мудофаа қудратини мустаҳкамлаш ва Қуролли Кучларни барпо этишга салмоқли ҳисса қўшган шахслар, юқори профессионал маҳорати, ҳарбий-ватанпарварлик бурчига садоқатини намоён этган ҳарбий хизматчилар, жумладан, Ўзбекистон Республикаси мустақиллиги ва ҳудудий яхлитлигини ҳимоя қилиш бўйича жанговар ҳаракатларда иштирок этган, захирага бўшатилган ёки истеъфога чиқарилган ҳарбийлар, шунингдек, ҳарбий ҳамда хизмат бурчини бажаришда ҳалок бўлган ёхуд ярадор бўлган ва шикастланган Ўзбекистон Республикаси Қуролли Кучларининг ҳарбий хизматчилари тақдирланади.
2. «Ўзбекистон Республикаси Қуролли Кучларига 30 йил» эсдалик нишони Ўзбекистон Республикаси Президенти — Ўзбекистон Республикаси Қуролли Кучлари Олий Бош Қўмондони номидан қўшилма командири ва ундан юқори лавозимдаги шахслар томонидан тантанали вазиятда топширилади.
Мукофотланганларга эсдалик нишони билан бирга белгиланган шаклдаги гувоҳнома берилади.
3. «Ўзбекистон Республикаси Қуролли Кучларига 30 йил» эсдалик нишони мукофотланганларга куч ишлатувчи тузилмалар вазирлик ва идоралари раҳбарларининг буйруқларига асосан топширилади.
4. «Ўзбекистон Республикаси Қуролли Кучларига 30 йил» эсдалик нишони кўкракнинг чап томонига давлат мукофотларидан кейин тақилади.
Ўзбекистон Республикаси Президентининг 2021 йил 1 декабрдаги ПФ-28-сон Фармонига 2-ИЛОВА
«Ўзбекистон Республикаси Қуролли Кучларига 30 йил» эсдалик нишони тавсифи
«Ўзбекистон Республикаси Қуролли Кучларига 30 йил» эсдалик нишони 0,25 микрон қалинликда олтин билан қопланган мис қотишмасидан тайёрланади ва диаметри 34 миллиметрли доира шаклида бўлади.
Эсдалик нишонининг марказида, диаметри 23,5 миллиметрли тилла рангдаги доира ичида қуёш нурлари фонида от минган Амир Темур ҳайкали тасвирланган. Доиранинг пастки қисмида икки қаторда баландлиги 3,2 миллиметр бўлган «30» рақами ҳамда баландлиги 1 миллиметр бўлган «YIL» ёзуви жойлашган. Ёзувлар кўк рангда акс эттирилган.
Кўкрак нишони айланаси бўйлаб тўқ кўк рангдаги эмаль фонида «OʻZBEKISTON RESPUBLIKASI QUROLLI KUCНLARIGA» ёзуви жойлашган бўлиб, айлана четлари кумуш рангдаги қабариқ ҳошия билан ўралган. Ёзув кумуш рангда бўлиб, ҳарфларнинг баландлиги 2 миллиметрни ташкил этади. Айлананинг пастки қисми кумуш рангдаги саккиз қиррали юлдуз билан безатилган.
Эсдалик нишонининг орқа томонида диаметри 24,5 миллиметрли Ўзбекистон Республикаси Давлат герби тасвирланган.
Тасвирлар ва ёзувлар қабариқдир.
Эсдалик нишони тўрт хил рангдаги йўллари бўлган муҳайяр мато билан сирилган беш қиррали қадағичга илмоқча ва ҳалқача ёрдамида уланади. Мато 5 миллиметрли йўл-йўл кўк, тўқ қизил, тўқ зангори, кулранг ранглардан иборат. Уларнинг орасида эни 1,5 миллиметрли учта сариқ йўллар жойлашган.
Қадағичнинг орқа томонига эсдалик нишонини кийимга тақиб қўйиш учун тўғноғич кўринишидаги мослама ўрнатилган.
«Ўзбекистон Республикаси Қуролли Кучларига 30 йил» эсдалик нишони
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 1 декабрь,
ПФ-28-сон
Oʻzbekiston Respublikasi Prezidentining
Farmoni
NIZOM
“Oʻzbekiston Respublikasi Qurolli Kuchlariga 30 yil” esdalik nishonini taʼsis etish toʻgʻrisida
Vatanimiz ozodligi, xalqimizning tinch va osoyishta hayoti, sarhadlarimiz daxlsizligining mustahkam kafolati boʻlgan Oʻzbekiston Respublikasi Qurolli Kuchlari tashkil etilganiga 2022-yil 14-yanvarda 30 yil toʻladi.
Milliy istiqlolimiz solnomasiga oltin harflar bilan yoziladigan ana shu qutlugʻ tarixiy sanani har tomonlama yuksak saviyada nishonlash uchun mamlakatimizda katta tayyorgarlik ishlari olib borilmoqda.
Mustaqillik yillarida, xususan, soʻnggi besh yilda Qurolli Kuchlarimizni modernizatsiya qilish, uning harbiy-texnik va jangovar salohiyatini yuksaltirish, harbiy xizmatchilarning jismoniy va maʼnaviy tayyorgarligini oshirish, ularni ijtimoiy qoʻllab-quvvatlash, yoshlarni vatanparvar, mard va jasur etib voyaga yetkazish boʻyicha ulkan ishlar amalga oshirilayotganini alohida taʼkidlash lozim.
Oʻzbekiston Respublikasi Qurolli Kuchlarining 30 yilligi munosabati bilan mamlakatimiz mustaqilligini mustahkamlash, uning mudofaa qudratini yuksaltirish, jamiyatimizda hukm surayotgan tinchlik va barqarorlikni, millatlararo totuvlikni asrash, yoshlarimizni ona Vatanga muhabbat va sadoqat ruhida tarbiyalash borasidagi samarali faoliyati uchun Qurolli Kuchlar harbiy xizmatchilari, faxriylari va ishchi xizmatchilarini munosib taqdirlash maqsadida;
1. “Oʻzbekiston Respublikasi Qurolli Kuchlariga 30 yil” esdalik nishoni taʼsis etilsin.
2. “Oʻzbekiston Respublikasi Qurolli Kuchlariga 30 yil” esdalik nishonining Nizomi va tavsifi 1 , 2-ilovalarga muvofiq tasdiqlansin.
3. Oʻzbekiston Respublikasi Vazirlar Mahkamasi bir oy muddatda “Oʻzbekiston Respublikasi Qurolli Kuchlariga 30 yil” esdalik nishonlari va ularning guvohnomalari belgilangan tartibda tayyorlanishini taʼminlasin.
4. Mazkur Farmonning ijrosini nazorat qilish Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2021-yil 1-dekabrdagi PF-28-son Farmoniga 1-ILOVA
“Oʻzbekiston Respublikasi Qurolli Kuchlariga 30 yil” esdalik nishoni toʻgʻrisidagi
1. “Oʻzbekiston Respublikasi Qurolli Kuchlariga 30 yil” esdalik nishoni bilan mamlakatimiz mudofaa qudratini mustahkamlash va Qurolli Kuchlarni barpo etishga salmoqli hissa qoʻshgan shaxslar, yuqori professional mahorati, harbiy-vatanparvarlik burchiga sadoqatini namoyon etgan harbiy xizmatchilar, jumladan, Oʻzbekiston Respublikasi mustaqilligi va hududiy yaxlitligini himoya qilish boʻyicha jangovar harakatlarda ishtirok etgan, zaxiraga boʻshatilgan yoki isteʼfoga chiqarilgan harbiylar, shuningdek, harbiy hamda xizmat burchini bajarishda halok boʻlgan yoxud yarador boʻlgan va shikastlangan Oʻzbekiston Respublikasi Qurolli Kuchlarining harbiy xizmatchilari taqdirlanadi.
2. “Oʻzbekiston Respublikasi Qurolli Kuchlariga 30 yil” esdalik nishoni Oʻzbekiston Respublikasi Prezidenti — Oʻzbekiston Respublikasi Qurolli Kuchlari Oliy Bosh Qoʻmondoni nomidan qoʻshilma komandiri va undan yuqori lavozimdagi shaxslar tomonidan tantanali vaziyatda topshiriladi.
Mukofotlanganlarga esdalik nishoni bilan birga belgilangan shakldagi guvohnoma beriladi.
3. “Oʻzbekiston Respublikasi Qurolli Kuchlariga 30 yil” esdalik nishoni mukofotlanganlarga kuch ishlatuvchi tuzilmalar vazirlik va idoralari rahbarlarining buyruqlariga asosan topshiriladi.
4. “Oʻzbekiston Respublikasi Qurolli Kuchlariga 30 yil” esdalik nishoni koʻkrakning chap tomoniga davlat mukofotlaridan keyin taqiladi.
Oʻzbekiston Respublikasi Prezidentining 2021-yil 1-dekabrdagi PF-28-son Farmoniga 2-ILOVA
“Oʻzbekiston Respublikasi Qurolli Kuchlariga 30 yil” esdalik nishoni tavsifi
“Oʻzbekiston Respublikasi Qurolli Kuchlariga 30 yil” esdalik nishoni 0,25 mikron qalinlikda oltin bilan qoplangan mis qotishmasidan tayyorlanadi va diametri 34 millimetrli doira shaklida boʻladi.
Esdalik nishonining markazida, diametri 23,5 millimetrli tilla rangdagi doira ichida quyosh nurlari fonida ot mingan Amir Temur haykali tasvirlangan. Doiraning pastki qismida ikki qatorda balandligi 3,2 millimetr boʻlgan “30” raqami hamda balandligi 1 millimetr boʻlgan “YIL” yozuvi joylashgan. Yozuvlar koʻk rangda aks ettirilgan.
Koʻkrak nishoni aylanasi boʻylab toʻq koʻk rangdagi emal fonida “OʻZBEKISTON RESPUBLIKASI QUROLLI KUCNLARIGA” yozuvi joylashgan boʻlib, aylana chetlari kumush rangdagi qabariq hoshiya bilan oʻralgan. Yozuv kumush rangda boʻlib, harflarning balandligi 2 millimetrni tashkil etadi. Aylananing pastki qismi kumush rangdagi sakkiz qirrali yulduz bilan bezatilgan.
Esdalik nishonining orqa tomonida diametri 24,5 millimetrli Oʻzbekiston Respublikasi Davlat gerbi tasvirlangan.
Tasvirlar va yozuvlar qabariqdir.
Esdalik nishoni toʻrt xil rangdagi yoʻllari boʻlgan muhayyar mato bilan sirilgan besh qirrali qadagʻichga ilmoqcha va halqacha yordamida ulanadi. Mato 5 millimetrli yoʻl-yoʻl koʻk, toʻq qizil, toʻq zangori, kulrang ranglardan iborat. Ularning orasida eni 1,5 millimetrli uchta sariq yoʻllar joylashgan.
Qadagʻichning orqa tomoniga esdalik nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
“Oʻzbekiston Respublikasi Qurolli Kuchlariga 30 yil” esdalik nishoni
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 1-dekabr,
PF-28-son
Президента Республики Узбекистан
Указ
ПОЛОЖЕНИЕ
Об учреждении памятного знака «Ўзбекистон Республикаси Қуролли Кучларига 30 йил»
14 января 2022 года исполнится 30 лет со дня образования Вооруженных Сил Республики Узбекистан, являющихся надежным гарантом свободы нашей Родины, мирной и благополучной жизни народа, неприкосновенности наших границ.
В стране ведется большая работа по подготовке к празднованию на высоком уровне этой славной и исторической даты, золотыми буквами вписанной в летопись нашей национальной независимости.
Необходимо особо отметить, что в годы независимости, в частности, в течение последних пяти лет осуществляется масштабная работа по модернизации Вооруженных Сил, повышению их военно-технического и боевого потенциала, улучшению физической подготовки и духовного уровня военнослужащих, их социальной поддержки, воспитанию патриотичной, мужественной и храброй молодежи.
В ознаменование 30-летия Вооруженных Сил Республики Узбекистан и в целях достойного поощрения военнослужащих Вооруженных Сил, ветеранов, работников и служащих за их плодотворную деятельность по укреплению независимости страны, повышению ее оборонной мощи, сохранению царящих в нашем обществе мира, стабильности и межнационального согласия, а также воспитанию молодежи в духе любви и преданности Родине:
1. Учредить памятный знак «Ўзбекистон Республикаси Қуролли Кучларига 30 йил».
2. Утвердить Положение и описание памятного знака «Ўзбекистон Республикаси Қуролли Кучларига 30 йил» согласно приложениям №№ 1 , 2 .
3. Кабинету Министров Республики Узбекистан в месячный срок обеспечить в установленном порядке изготовление памятных знаков «Ўзбекистон Республикаси Қуролли Кучларига 30 йил» и удостоверений к ним.
4. Контроль за исполнением настоящего Указа возложить на руководителя Администрации Президента Республики Узбекистан З.Ш. Низомиддинова и Секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ № 1 к Указу Президента Республики Узбекистан от 1 декабря 2021 года № УП-28
о памятном знаке «Ўзбекистон Республикаси Қуролли Кучларига 30 йил»
1. Памятным знаком «Ўзбекистон Республикаси Қуролли Кучларига 30 йил» награждаются лица, внесшие весомый вклад в укрепление обороноспособности страны и формирование Вооруженных Сил, военнослужащие, проявившие высокий профессионализм, верность военно-патриотическому долгу, в том числе, принимавшие участие в боевых действиях по защите независимости и территориальной целостности Республики Узбекистан, уволенные в запас и вышедшие в отставку, а также военнослужащие Вооруженных Сил Республики Узбекистан, погибшие или получившие ранение и увечья при исполнении воинского и служебного долга.
2. Памятный знак «Ўзбекистон Республикаси Қуролли Кучларига 30 йил» вручается в торжественной обстановке от имени Президента Республики Узбекистан — Верховного Главнокомандующего Вооруженными Силами Республики Узбекистан должностными лицами от командира соединения и выше.
Вместе с памятным знаком награжденным вручается удостоверение установленной формы.
3. Памятный знак «Ўзбекистон Республикаси Қуролли Кучларига 30 йил» вручается награжденным на основании приказов руководителей министерств и ведомств силовых структур.
4. Памятный знак «Ўзбекистон Республикаси Қуролли Кучларига 30 йил» носится на левой стороне груди после государственных наград.
ПРИЛОЖЕНИЕ № 2 к Указу Президента Республики Узбекистан от 1 декабря 2021 года № УП-28
Описание памятного знака «Ўзбекистон Республикаси Қуролли Кучларига 30 йил»
Памятный знак «Ўзбекистон Республикаси Қуролли Кучларига 30 йил» изготавливается из медного сплава, покрытого золотом толщиной 0,25 микрона, и имеет форму круга диаметром 34 миллиметра.
На лицевой стороне памятного знака в центре позолоченной окружности диаметром 23,5 миллиметра на фоне солнечных лучей изображен памятник Амиру Тимуру, восседающему на коне. В нижней части окружности надпись в две строки «30», «YIL», выполненная синей эмалью. Высота цифр 3,6 миллиметра, высота букв 1 миллиметр.
По окружности памятного знака на темно-синем эмалевом фоне, окаймленном бортиком серебристого цвета, имеется надпись «OʻZBEKISTON RESPUBLIKASI QUROLLI KUCНLARIGA» серебристого цвета. Высота букв 2 миллиметра. Снизу окружности расположена серебристая восьмиконечная звезда.
На оборотной стороне памятного знака изображен Государственный герб Республики Узбекистан диаметром 24,5 миллиметра.
Изображения и надписи — выпуклые.
Памятный знак при помощи ушка и кольца соединяется с пятиугольной колодкой, обтянутой шёлковой лентой с синей, темно-красной, темно-голубой и серой полосами по 5 миллиметров. Между полосами проходят узкие жёлтые полоски шириной по 1,5 миллиметра.
На оборотной стороне колодки имеется приспособление в виде булавки для крепления памятного знака к одежде.
Памятный знак «Ўзбекистон Республикаси Қуролли Кучларига 30 йил»
Президент Республики Узбекистан Ш. МИРЗИЁЕВ
г. Ташкент,
1 декабря 2021 г.,
№ УП-28