UzbekAI

Ўзбекистон Республикаси Президентининг

Қарори

НИЗОМ

Маданият ва санъатни ривожлантиришни қўллаб-қувватлаш тизимини янада такомиллаштириш тўғрисида

Маданият ва санъатни ривожлантириш жамғармаси фаолиятини янада такомиллаштириш, хорижий давлатлар ва ташкилотлар билан маданият ва санъат соҳаларида алоқаларни мустаҳкамлаш, жамғармага ажратилган маблағлардан оқилона ва самарали фойдаланишни таъминлаш мақсадида:

1. Маданият вазирлиги ҳузуридаги Маданият ва санъатни ривожлантириш жамғармаси амалдаги молиялаштириш тартиби ва штатлар сони сақланган ҳолда Вазирлар Маҳкамаси ҳузуридаги Маданият ва санъатни ривожлантириш жамғармаси (кейинги ўринларда — Жамғарма) этиб қайта ташкил қилинсин.

Ўзбекистон Республикаси Президентининг 2025 йил 14 июлдаги ПФ-111-сон Фармонига мувофиқ Жамғарма Ўзбекистон Республикаси Вазирлар Маҳкамаси ҳузуридан Ўзбекистон Республикаси Президенти Администрацияси бўйсунувига ўтказилгани маълумот учун қабул қилинсин.

2. Қуйидагилар Жамғарманинг асосий вазифалари этиб белгилансин:

молиявий, ташкилий ва ижодий йўналишларда комплекс чора-тадбирларни амалга ошириш асосида маданият ва санъат соҳасини янада ривожлантиришга кўмаклашиш, шунингдек, маданият арбобларини ҳамда тасвирий санъат, адабиёт, театр, мусиқа ва хореография соҳаларида уларнинг ташаббуси билан ташкил этиладиган тадбирларни ҳар томонлама қўллаб-қувватлаш;

халқаро ва давлатлараро маданий алоқаларни кенгайтириш, маданият ва санъат соҳасида халқаро маданий ташкилотлар ва хайрия жамғармалари билан ҳамкорликни ривожлантириш, хорижий сармоя ва грантларни жалб этиш, мамлакатимизда маданият ва санъатга доир ҳомийликни ривожлантиришга кўмаклашиш;

маданиятлараро ижодий мулоқотни йўлга қўйиш ва ўзбек санъатининг жаҳон бадиий ва маданий маконига интеграциялашувига кўмаклашиш, шунингдек, мамлакатимизнинг маданий ва илмий-техник салоҳияти ҳамда рақобатбардошлиги билан боғлиқ жиҳатларни намойиш этиш;

маданият ва санъат соҳасида кадрларни тайёрлаш, қайта тайёрлаш ва уларнинг малакасини ошириш тизимини такомиллаштириш, шу билан бирга, маданият ва санъат муассасаларини зарур адабиётлар ва даврий нашрлар билан таъминлаш;

маданий мерос соҳасида давлат сиёсатини юритишга кўмаклашиш;

хорижий тажрибаларни ҳисобга олган ҳолда, мамлакатимиз музейлари ва бошқа маданий муассасалари фаолияти самарадорлигини ошириш тизимини такомиллаштиришга кўмаклашиш;

халқаро стандартларга мувофиқ янги маданий муассасалар қуриш учун молиявий маблағ ва кўмак бериш;

маданият ва санъат муассасаларининг моддий-техника базасини мустаҳкамлаш ва уларни капитал ҳамда жорий таъмирлаш;

халқаро институтлар, хорижий мамлакатлар ҳукуматлари, ҳомийлар ва донорлар билан ҳамкорликда лойиҳаларни биргаликда молиялаштиришни ташкил этишни таъминлаш;

жаҳондаги илғор тажрибаларни мамлакатимизда жорий этиш бўйича таклифлар тайёрлаш мақсадида маданият ва санъат соҳасини молиялаштириш бўйича ривожланган давлатлар тажрибасини ўрганиш;

аҳолига пуллик хизматлар кўрсатиш ҳажмини кўпайтириш бўйича комплекс чора-тадбирларни ишлаб чиқиш ва амалга ошириш;

қонунчиликда белгиланган манбалардан тушаётган маблағларни жамғаришни таъминлаш;

ажратилаётган мақсадли маблағлардан тўғри, самарали ва мақсадли фойдаланиш устидан тизимли назорат ўрнатиш;

Жамғарма ва унинг тизимида фаолият кўрсатаётган ходимларни моддий рағбатлантириш ва ижтимоий ҳимоя қилиш бўйича тадбирлар учун мақсадли маблағлар ажратиш;

креатив иқтисодиётни қўллаб-қувватлаш, ривожлантириш, ушбу соҳадаги муносабатларни такомиллаштириб бориш чораларини кўриш.

3. Жамғарма маблағларини шакллантириш манбалари этиб қуйидагилар белгилансин:

Вазирлар Маҳкамасининг ҳужжатлари (шу жумладан баённома қарорларига) асосан ажратиладиган республика бюджети маблағлари;

Жамғарманинг вақтинча бўш маблағларини молия ташкилотларида жойлаштиришдан олинган даромадлар;

юридик ва жисмоний шахсларнинг ҳамда халқаро ташкилотларнинг ҳомийлик хайриялари, меценатлик кўмаги, грантлари;

қонунчилик ҳужжатларида тақиқланмаган бошқа манбалар.

3 1 . Қуйидагилар:

Ўзбекистон Республикаси Президенти Администрацияси ҳузуридаги Маданият ва санъатни ривожлантириш жамғармаси тўғрисидаги низом 1-иловага мувофиқ тасдиқлансин;

Жамғарма бошқарув ходимларининг чекланган сони 70 нафар этиб белгилансин;

Жамғарма тасарруфида «Бухоро биенналеси дирекцияси» давлат муассасаси ташкил этилсин.

4. Жамғарма икки ой муддатда мазкур қарор талабларидан келиб чиқиб Жамғарма фаолиятини ташкил қилиш, шу жумладан унинг маблағларини шакллантириш ва улардан фойдаланиш тартибини назарда тутувчи Ҳукумат қарори лойиҳасини белгиланган тартибда Вазирлар Маҳкамасига киритсин.

5. Жамғарма Тошкент шаҳри, Тарас Шевченко кўчаси, 1-уй манзилида жойлашган бинога текин фойдаланиш ҳуқуқи асосида жойлаштирилсин.

5 1 . Қуйидагилар оператив бошқарув ҳуқуқи асосида Жамғармага бепул берилсин:

Самарқанд шаҳри Маҳмуд Қошғарий кўчаси 85/а-уй манзилида жойлашган «Ипак йўли» арт-резиденцияси биноси, амалдаги молиялаштириш манбалари ҳамда штатлар сони сақланган ҳолда;

Самарқанд шаҳри Беруний кўчаси 1-уй манзилида жойлашган «Ипак йўли» санъат галереяси биноси, амалдаги молиялаштириш манбалари ҳамда штатлар сони сақланган ҳолда;

Тошкент шаҳри Зарқайнар кўчаси 2-уй манзилида жойлашган «Охунгузар» маданий мерос объекти.

Белгилаб қўйилсинки, 2026 йилдан бошлаб Давлат бюджети ҳисобидан Самарқанд шаҳридаги «Ипак йўли» арт-резиденцияси, «Ипак йўли» санъат галереяси ва Самарқанд вилояти болалар кутубхонасини сақлаш ва уларнинг фаолиятини ташкил этиш учун маблағлар Жамғармага ажратилади.

6. Ўзбекистон Республикаси Президентининг айрим ҳужжатларига 2-иловага мувофиқ ўзгартириш ва қўшимчалар киритилсин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдухакимов зиммасига юклансин.

Ўзбекистон Республикаси Президентининг 2021 йил 9 декабрдаги ПҚ-36-сон қарорига 1-ИЛОВА

Ўзбекистон Республикаси Президенти Администрацияси ҳузуридаги Маданият ва санъатни ривожлантириш жамғармаси тўғрисидаги

1-боб. Умумий қоидалар

1. Ушбу Низом Ўзбекистон Республикаси Президенти Администрацияси ҳузуридаги Маданият ва санъатни ривожлантириш жамғармасининг (кейинги ўринларда — Жамғарма) мақоми, вазифалари ва функциялари, ваколатлари, ҳуқуқ ва мажбуриятларини, фаолиятини ташкил этиш, шунингдек, ҳисобдорлик масалалари тартибини белгилайди.

2. Жамғарма ўз фаолиятини Ўзбекистон Республикасининг Конституцияси ва қонунларига, Олий Мажлис палаталарининг қарорлари, Ўзбекистон Республикаси Президентининг фармон, қарор ва фармойишларига, шунингдек, ушбу Низом ҳамда бошқа қонунчилик ҳужжатларига асосан амал оширади.

3. Жамғарма давлат муассасаси ҳисобланади ҳамда Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга, штампларга, бланкаларга, мустақил балансга, ўз мулкига, шунингдек, Иқтисодиёт ва молия вазирлиги ҳузуридаги Ғазначилик хизмати қўмитасида очилган шахсий ғазна ҳисобварақларига, тижорат банкларида миллий ва хорижий валютадаги ҳисобварақларига эга бўлади.

4. Жамғарманинг расмий номи:

(а) давлат тилида:

тўлиқ номи — Ўзбекистон Республикаси Президенти Администрацияси ҳузуридаги Маданият ва санъатни ривожлантириш жамғармаси;

қисқартирилган номи — Маданият ва санъатни ривожлантириш жамғармаси;

(б) рус тилида:

тўлиқ номи — Фонд развития культуры и искусства при Администрации Президента Республики Узбекистан;

қисқартирилган номи — Фонд развития культуры и искусства;

(в) инглиз тилида:

тўлиқ номи — Art and Culture Development Foundation under the Administration of the President of the Republic of Uzbekistan;

қисқартирилган номи — Art and Culture Development Foundation.

5. Жамғарма фаолияти Ўзбекистон Республикаси Президенти Администрацияси раҳбари томонидан мувофиқлаштирилади.

2-боб. Жамғарманинг асосий вазифалари ва функциялари

6. Қуйидагилар Жамғарманинг асосий вазифалари ҳисобланади:

(а) молиявий, ташкилий ва ижодий йўналишларда комплекс чора-тадбирларни амалга ошириш асосида маданият ва санъат соҳасини янада ривожлантиришга кўмаклашиш, шунингдек, маданият арбобларини ҳамда тасвирий санъат, адабиёт, театр, мусиқа ва хореография соҳаларида уларнинг ташаббуси билан ташкил этиладиган тадбирларни ҳар томонлама қўллаб-қувватлаш;

(б) халқаро ва давлатлараро маданий алоқаларни кенгайтириш, маданият ва санъат соҳасида халқаро маданият ташкилотлари ва хайрия жамғармалари билан ҳамкорликни ривожлантириш, хорижий инвестициялар ва грантларни жалб этиш, мамлакатимизда маданият ва санъатга доир ҳомийликни ривожлантиришга кўмаклашиш;

(в) маданиятлараро ижодий мулоқотни йўлга қўйиш ва ўзбек санъатининг жаҳон бадиий ва маданий маконига интеграциялашувига кўмаклашиш, шунингдек, мамлакатимизнинг маданий ва илмий-техник салоҳияти ҳамда рақобатбардошлиги билан боғлиқ жиҳатларни намойиш этиш;

(г) маданият ва санъат соҳасида кадрларни тайёрлаш, қайта тайёрлаш ва уларнинг малакасини ошириш тизимини такомиллаштириш, шу билан бирга, маданият ва санъат муассасаларини зарур адабиётлар ва даврий нашрлар билан таъминлаш;

(д) хорижий тажрибаларни ҳисобга олган ҳолда, мамлакатимиз музейлари ва бошқа маданият муассасалари фаолияти самарадорлигини ошириш тизимини такомиллаштиришга кўмаклашиш;

(ж) маданий мерос соҳасида давлат сиёсатини юритишга кўмаклашиш;

(з) халқаро стандартларга мувофиқ янги маданият муассасаларини қуриш учун молиявий маблағ ва кўмак бериш;

(и) маданият ва санъат муассасаларининг моддий-техника базасини мустаҳкамлаш ва уларни капитал ҳамда жорий таъмирлаш;

(к) халқаро институтлар, хорижий мамлакатлар ҳукуматлари, ҳомийлар ва донорлар билан ҳамкорликда лойиҳаларнинг биргаликда молиялаштирилишини ташкил этишни таъминлаш;

(л) жаҳондаги илғор тажрибаларни мамлакатимизда жорий этиш бўйича таклифлар тайёрлаш мақсадида маданият ва санъат соҳасини молиялаштириш бўйича ривожланган давлатлар тажрибасини ўрганиш;

(м) аҳолига пулли хизматлар кўрсатиш ҳажмини ошириш бўйича комплекс чора-тадбирларни ишлаб чиқиш ва амалга ошириш;

(н) қонунчиликда белгиланган манбалардан тушаётган маблағларни жамғаришни таъминлаш;

(о) ажратилаётган мақсадли маблағлардан тўғри, самарали ва мақсадли фойдаланиш устидан тизимли назорат ўрнатиш;

(п) Жамғарма ва унинг тизимида фаолият кўрсатаётган ходимларни моддий рағбатлантириш ва ижтимоий ҳимоя қилиш бўйича тадбирлар учун мақсадли маблағлар ажратиш;

(р) креатив иқтисодиётни қўллаб-қувватлаш, ривожлантириш, ушбу соҳадаги муносабатларни такомиллаштириб бориш чораларини кўриш.

7. Жамғарма ўзига юкланган вазифаларни бажариш учун қуйидаги функцияларни амалга оширади:

(а) молиявий, ташкилий ва ижодий йўналишларда комплекс чора-тадбирларни амалга ошириш асосида маданият ва санъат соҳасини янада ривожлантиришга кўмаклашиш, шунингдек, маданият арбобларини ҳамда тасвирий санъат, адабиёт, театр, мусиқа ва хореография соҳаларида уларнинг ташаббуси билан ташкил этиладиган тадбирларни ҳар томонлама қўллаб-қувватлаш борасида:

(i) маданият ва санъат соҳасини молиялаштириш бўйича хорижий мамлакатлар тажрибасини ўрганиш ва жорий қилиш бўйича таклифлар тайёрлаш;

(ii) миллий ва хорижий маданият ҳамда санъат намояндаларининг ижоди билан танишишга доир тадбирларни ташкил этиш;

(iii) маданият ва санъатни ривожлантириш, маданий мерос соҳаларида норматив-ҳуқуқий ҳужжатларни ишлаб чиқиш;

(iv) маданият ва санъатнинг турли соҳаларини оммалаштириш, шунингдек, маданият арбобларини қўллаб-қувватлаш тадбирларини ўтказиш;

(v) Жамғарманинг ҳар йиллик календарь режасини тузиш ва тасдиқлаш учун Ўзбекистон Республикаси Президенти Администрацияси раҳбарига киритиш, бунда лойиҳаларнинг халқаро, давлатлараро ва республика каби даражаларини белгилашни назарда тутиш;

(vi) маданият ва санъатни ҳамда ушбу соҳадаги илмий тадқиқотларни ривожлантириш бўйича тадбирларни амалга ошириш;

(vii) маданият ва санъатни ҳамда муаллифлик киносини оммалаштириш ва ривожлантириш чораларини кўриш;

(б) халқаро ва давлатлараро маданий алоқаларни кенгайтириш, маданият ва санъат соҳасида халқаро маданият ташкилотлари ва хайрия жамғармалари билан ҳамкорликни ривожлантириш, хорижий инвестиция ва грантларни жалб этиш, мамлакатимизда маданият ва санъатга доир ҳомийликни ривожлантиришга кўмаклашиш борасида:

(i) хорижий шериклар билан ҳамкорликни йўлга қўйиш ва ўзаро тадбирлар, шу жумладан, уларнинг инвестиция лойиҳаларида, грантларни ажратишдаги иштирокини ташкил этиш ва Ўзбекистон Республикаси маданияти ва санъатини ривожлантиришга йўналтирилган бошқа ёрдамлар кўрсатиш;

(ii) ўзбек маданияти ва санъатини оммалаштириш ҳамда Ўзбекистон Республикасининг халқаро майдондаги нуфузини мустаҳкамлашга қаратилган халқаро маданий тадбирларнинг республика ва унинг ташқарисида ўтказилишини ташкил қилиш;

(iii) Ўзбекистон Республикасида меценатликни ривожлантиришга кўмаклашиш;

(в) маданиятлараро ижодий мулоқотни йўлга қўйиш ва ўзбек санъатининг жаҳон бадиий ва маданий маконига интеграциялашувига кўмаклашиш, шунингдек, мамлакатимизнинг маданий ва илмий-техник салоҳияти ҳамда рақобатбардошлиги билан боғлиқ жиҳатларни намойиш этиш борасида:

(i) маданият ва санъат арбобларини жаҳон маданий ҳамжамиятига кенг жалб этиш, шу жумладан, уларнинг халқаро кўргазмалар, конференциялар, фестиваллар ва шу кабилардаги иштирокини таъминлашга доир тадбирларни ташкил этиш ва ўтказиш;

(ii) Ўзбекистон маданияти ва санъатини жаҳон даражасида кенг тарғиб қиладиган адабиётлар яратиш ва уларни хорижий нашриёт уйлари орқали оммалаштириш;

(г) маданият ва санъат соҳасида кадрларни тайёрлаш, қайта тайёрлаш ва уларнинг малакасини ошириш тизимини такомиллаштириш, шу билан бирга, маданият ва санъат муассасаларини зарур адабиётлар ва даврий нашрлар билан таъминлаш борасида:

(i) маданият ва санъат соҳаси учун кадрларни тайёрлаш, қайта тайёрлаш ва уларнинг малакасини ошириш тизимини такомиллаштиришга, уларнинг илмий фаолиятини қўллаб-қувватлашга, ёшлар ҳамда Ўзбекистон Республикасида ва унинг ташқарисида Ўзбекистон маданияти ва санъатини ривожлантиришга қаратилган фаолият билан шуғулланувчи шахсларни рағбатлантиришга доир тадбирларни, шу жумладан, грант дастурларини шакллантириш орқали ташкил этиш;

(ii) Жамғарма ва унинг тизимида фаолият кўрсатаётган ходимларни ўқитиш, тайёрлаш, қайта тайёрлаш ва уларнинг малакасини ошириш бўйича тадбирлар учун мақсадли маблағлар ажратиш;

(д) хорижий тажрибаларни ҳисобга олган ҳолда, мамлакатимиз музейлари ва бошқа маданий муассасалари фаолияти самарадорлигини ошириш тизимини такомиллаштиришга кўмаклашиш борасида:

(i) хорижий тажрибани доимий ўрганиш ва музейлар ҳамда бошқа маданият муассасаларининг фаолияти самарадорлигини оширишда кўмаклашиш;

(ii) музейлар, маданий мерос объектлари ва маданият муассасаларида инклюзив муҳитни яратиш;

(ж) маданий мерос соҳасида давлат сиёсатини юритишга кўмаклашиш борасида:

(i) Маданий мерос агентлиги фаолиятини ривожлантириш, унинг ваколат доирасига кирувчи масалалар, ижро ва меҳнат интизомини таъминлаш бўйича тавсиялар бериш;

(ii) Маданий мерос агентлиги таклифига асосан Давлат бюджети маблағлари ҳисобидан асрашга доир ишлар амалга ошириладиган моддий маданий мерос кўчмас мулк объектларининг ҳар йиллик манзилли рўйхатини кўриб чиқиш ҳамда келишиш;

(iii) Маданий мерос агентлиги тизимидаги ташкилотларнинг раҳбарлари фаолияти самарадорлигининг асосий кўрсаткичлари (индикаторлари)ни мониторинг қилиб бориш;

(з) халқаро стандартларга мувофиқ янги маданий муассасалар қуриш учун молиявий маблағ ва кўмак бериш борасида:

(i) маданият ва санъат объектларини лойиҳалаш, реставрация, реконструкция ҳамда қурилиш-таъмирлаш бўйича мазкур мақсадлар учун ажратилган республика бюджети ва ўз маблағлари ҳисобидан буюртмачи функциясини бажариш;

(ii) жаҳон тажрибасидан келиб чиқиб, янги маданият муассасаларини қуриш ишларини амалга оширишга хорижий мутахассисларни жалб қилиш;

(iii) халқаро стандартларга мувофиқ янги маданият муассасаларини қуриш ишларини амалга ошириш;

(iv) маданият муассасаларини қуриш учун мақсадли молиявий маблағлар ажратиш;

(и) маданият ва санъат муассасаларининг моддий-техника базасини мустаҳкамлаш ва уларни капитал ҳамда жорий таъмирлаш борасида:

(i) музейлар, маданий мерос объектлари ва маданият муассасаларининг моддий-техника базасини мустаҳкамлашга кўмаклашиш;

(ii) маданият муассасаларини лойиҳалаш, реставрация, реконструкция қилиш ва қуриш учун етакчи халқаро ва маҳаллий экспертларни жалб этиш;

(iii) музейлар, маданий мерос объектлари ва маданият муассасаларида реставрация, реконструкция ва капитал таъмирлаш ишларини белгиланган тартибда амалга ошириш;

(к) халқаро институтлар, хорижий мамлакатлар ҳукуматлари, ҳомийлар ва донорлар билан ҳамкорликда лойиҳаларнинг биргаликда молиялаштирилишини ташкил этишни таъминлаш борасида:

(i) халқаро институтлар, хорижий мамлакатлар ҳукуматлари, ҳомийлар ва донорлар билан ҳамкорлик алоқаларини ўрнатиш;

(ii) Ўзбекистон Республикасида маданият ва санъатни ривожлантиришга йўналтирилган грантлар ажратиш ва бошқа кўмак беришда халқаро институтлар, хорижий мамлакатлар ҳукуматлари, ҳомийлар ва донорлар билан ҳамкорликни йўлга қўйиш ва қўшма тадбирларни, шу жумладан, уларнинг инвестиция лойиҳаларида иштирок этишини ташкил этиш;

(л) жаҳондаги илғор тажрибаларни мамлакатимизда жорий этиш бўйича таклифлар тайёрлаш мақсадида маданият ва санъат соҳасини молиялаштириш бўйича ривожланган давлатлар тажрибасини ўрганиш борасида:

(i) маданият ва санъат соҳасида жаҳондаги илғор тажрибаларни ўрганиш ва таҳлил қилиб бориш;

(ii) илғор тажрибаларни жорий этиш бўйича асосли таклифларни тайёрлаш;

(iii) илғор тажрибаларни жорий этиш бўйича чора-тадбирлар режалари ва тегишли норматив-ҳуқуқий ҳужжат лойиҳаларини тайёрлаш;

(м) аҳолига пулли хизматлар кўрсатиш ҳажмини кўпайтириш бўйича комплекс чора-тадбирларни ишлаб чиқиш ва амалга ошириш борасида:

(i) жорий ҳолатни ўрганиш, шунингдек, маданият ва санъат ташкилотлари томонидан аҳолига кўрсатилаётган пулли хизматлар ҳажмини ошириш бўйича таклифлар тайёрлаш;

(ii) пулли асосда ноёб бренд маҳсулотларини ишлаб чиқиш ва реализация қилиш, роялти тизимини қўллаш, шу жумладан, китоб, босма нашрлар савдоси ва Жамғарма томонидан ўтказиладиган маданий тадбирларга чипта савдосини амалга ошириш;

(iii) Ўзбекистон Республикасида ва унинг ташқарисида мамлакатимиз маданияти ва санъати соҳасидаги энг яхши ютуқларни тарғиб қилиш мақсадида хизматлар кўрсатиш ва ишларни бажариш;

(н) қонунчиликда белгиланган манбалардан тушаётган маблағларни жамғаришни таъминлаш борасида:

(i) таҳлил ўтказиш ва Жамғармага маблағларнинг ўз вақтида тушишини таъминлаш;

(ii) Жамғармага маблағларнинг тушиши ва сарфланишини прогноз қилиш;

(iii) Жамғарманинг вақтинча бўш маблағларини молия ташкилотларига жойлаштириш;

(о) ажратилаётган мақсадли маблағлардан тўғри, самарали ва мақсадли фойдаланиш устидан тизимли назорат ўрнатиш борасида:

(i) ажратилаётган маблағлардан мақсадли фойдаланилишини мониторинг қилиш;

(ii) Жамғарманинг даромад ва харажатлари сметаларини ишлаб чиқиш ва тасдиқлаш;

(iii) Жамғарманинг идоравий мансуб ташкилотларини сақлаш харажатлари ва фаолиятини молиялаштириш чораларини кўриш, бу борада қўшимча молиялаштириш масалалари юзасидан Вазирлар Маҳкамаси ва Ўзбекистон Республикаси Президенти Администрациясига таклифлар киритиш;

(iv) Жамғарма даромадлари ва харажатларининг ҳисобини юритиш ва уларнинг бажарилиши бўйича Ўзбекистон Республикаси Президенти Администрацияси раҳбарига ҳар йиллик ҳисоботни тақдим этиш;

(п) Жамғарма ва унинг тизимида фаолият кўрсатаётган ходимларни моддий рағбатлантириш ва ижтимоий ҳимоя қилиш бўйича тадбирлар учун мақсадли маблағлар ажратиш борасида:

(i) Жамғарма ва унинг тизимида фаолият кўрсатаётган ходимларни рағбатлантириш бўйича таклифларни, уларга давлат мукофотлари бериш юзасидан тақдимномаларни киритиш;

(ii) хизмат вазифаларини бажариш чоғидаги алоҳида хизматлари учун ва пенсияга (нафақага) чиқиши муносабати билан қимматбаҳо совғалар билан мукофотлаш;

(iii) ходимларни моддий рағбатлантириш ва ижтимоий ҳимоя қилиш (ходимлар учун уй-жой қуриш ва харид қилиш, санаторий-курортда даволаниш ва тиббий хизмат кўрсатиш, мукофотлар тўлаш, устамалар белгилаш, моддий ёрдам ва бошқалар);

(iv) ходимларининг лавозим маоши, илмий даражалари, узоқ муддат узлуксиз хизмати учун устама ҳақлар, байрам кунлари учун мукофотлар, қўшимча ҳақлар, устамалар, рағбатлантириш тўловлари, қўшимча моддий рағбатлантириш тўловлари ва қонунчилик ҳужжатларида назарда тутилган бошқа тўловларни тўлаб бориш;

(р) креатив иқтисодиётни қўллаб-қувватлаш, ривожлантириш, ушбу соҳадаги муносабатларни такомиллаштириб бориш чораларини кўриш борасида:

(i) креатив индустрияни ривожлантириш бўйича таклифлар ишлаб чиқариш;

(ii) креатив иқтисодиётнинг жорий ҳолати бўйича таҳлилий материалларни шакллантириш;

(iii) креатив индустрия соҳасидаги миллий ва халқаро лойиҳалар амалга оширилишини мувофиқлаштириш;

(iv) зарурият туғилганда креатив иқтисодиёт соҳасида ишчи гуруҳлар, идоралараро комиссиялар ва экспертлик платформалари фаолиятини ташкил этиш.

3-боб. Жамғарманинг ҳуқуқлари ва мажбуриятлари

8. Жамғарма ўзига юкланган вазифалар ва функцияларни бажариш доирасида қуйидаги ҳуқуқларга эга:

(а) белгиланган тартибда республика ва маҳаллий ижро этувчи ҳокимият органларидан Жамғарма ваколатларига кирувчи масалаларни ҳал этиш учун зарур ахборотларни сўраш ва олиш;

(б) ўз банк ҳисобварақларида мазкур Низомнинг 22-бандида белгиланган манбалардан тушадиган маблағларни жамғариш;

(в) Жамғарма томонидан ажратилаётган маблағлардан мақсадли фойдаланилишини назорат қилиш, қоидабузарликлар аниқланган тақдирда молиялаштиришни тўхтатиш ёки ажратилган маблағларни қайтариб олиш;

(г) вақтинча бўш маблағларни ликвидли молиявий инструментларга (депозитлар, қимматли қоғозлар, облигациялар ва шу кабиларга) жойлаштириш;

(д) Жамғарма маблағларининг маданият ва санъатни ривожлантиришга доир аниқ лойиҳалар учун ажратилишида шартларни белгилаш;

(ж) ўз мақсад ва вазифаларини амалга ошириш учун хорижий ҳамкорлар билан шартномалар тузиш;

(з) маданият ва санъатни ривожлантиришнинг турли масалалари бўйича белгиланган тартибда ташаббуслар билан чиқиш;

(и) ёшлар ҳамда Ўзбекистон маданияти ва санъатини ривожлантиришга қаратилган фаолият билан шуғулланувчи Ўзбекистон Республикаси резидентлари ҳисобланган шахсларга грантлар шаклида маблағлар ажратиш;

(к) оммавий ахборот воситалари ва бошқа ахборот манбаларида ўз фаолияти ҳақида материалларни эълон қилиш;

(л) Жамғарма ваколатига кирувчи масалалар бўйича халқаро ҳамкорликни амалга ошириш;

(м) норматив-ҳуқуқий ҳужжатлар лойиҳаларини, шунингдек, Жамғармага юкланган вазифалар ва функцияларни бажариш билан боғлиқ бўлган бошқа ҳужжатларни белгиланган тартибда Вазирлар Маҳкамасига ёки Ўзбекистон Республикаси Президенти Администрациясига киритиш;

(н) ўз ваколатлари доирасида республика ва маҳаллий ижро этувчи ҳокимият органлари, бошқа ташкилотлар ва уларнинг мансабдор шахслари, шунингдек, фуқаролар томонидан бажарилиши мажбурий бўлган қарорлар қабул қилиш;

(о) идоравий мансублигидан қатъи назар, республикадаги барча музейлар, маданий мерос объектлари ҳамда маданият ва санъат муассасалари Жамғарма лойиҳаларининг амалга оширилишига ўз ваколатлари доирасида яқиндан кўмаклашиш;

(п) Жамғарма идоравий мансуб ташкилотларининг давлат мулкини бир бўлинмадан бошқасига белгиланган тартибда ўз ташкилий тузилмаси доирасида, текин фойдаланиш ҳуқуқи билан бериш;

(р) қонунчилик ҳужжатларида тақиқланмаган фаолият турларини амалга ошириш;

(с) Жамғарма қонунчиликка мувофиқ бошқа ҳуқуқларга ҳам эга бўлиши мумкин.

9. Жамғарма:

(а) мазкур Низомда белгиланган асосий вазифаларнинг бажарилишини таъминлаши;

(б) Жамғарма маблағларининг мақсадли ва самарали сарфланиши юзасидан доимий назоратни амалга ошириши;

(в) Жамғарма даромадларининг истиқболли кўрсаткичлари бажарилиши самарадорлигини таҳлил қилиш, аниқланган ва маблағларининг келиб тушишига салбий таъсир кўрсатаётган камчиликларни бартараф этиш бўйича тегишли чоралар кўриши шарт.

4-боб. Жамғарма фаолиятини ташкил этиш тартиби

10. Жамғарма фаолиятига Ўзбекистон Республикаси Президенти Администрацияси раҳбари томонидан лавозимга тайинланадиган ва лавозимидан озод этиладиган раис раҳбарлик қилади.

11. Жамғарма раиси мақоми, меҳнатга ҳақ тўлаш, моддий рағбатлантириш, тиббий ва транспорт хизмати кўрсатиш шарт-шароитларига кўра Ўзбекистон Республикаси Президенти Администрацияси департамент бошлиғига тенглаштирилади.

12. Жамғарма раиси бир нафар биринчи ўринбосарга ва икки нафар ўринбосарга эга бўлади.

13. Жамғарма раисининг биринчи ўринбосари ва ўринбосарлари Ўзбекистон Республикаси Президенти Администрацияси раҳбари томонидан лавозимга тайинланади ва лавозимидан озод этилади.

14. Жамғарма раисининг биринчи ўринбосари ва ўринбосарлари меҳнатига ҳақ тўлаш, моддий рағбатлантириш, транспорт ва тиббий хизмат кўрсатиш шарт-шароитларига кўра тегишли равишда вазирнинг биринчи ўринбосари ва вазир ўринбосарига тенглаштирилади.

15. Жамғарма бошқарув ходимлари Жамғарма раиси томонидан тўғридан-тўғри суҳбат асосида лавозимга тайинланади ва лавозимидан озод этилади.

16. Жамғарма раиси:

(а) Жамғарманинг идоравий мансуб ташкилотларининг низомларини (уставларини), шунингдек, ходимларнинг умумий чекланган сони доирасида Жамғарма ва идоравий мансуб ташкилотларнинг тузилмаларини тасдиқлайди;

(б) Жамғарма даромадлари ва харажатлари сметасини тасдиқлайди;

(в) Жамғарманинг ҳар йиллик календарь режасини тасдиқлаш учун Ўзбекистон Республикаси Президенти Администрацияси раҳбарига киритади, бунда лойиҳаларнинг халқаро, давлатлараро ва республика каби даражаларини белгилашни назарда тутади;

(г) Жамғармага юкланган асосий вазифалар ва функцияларга мувофиқ Жамғарма фаолиятини ташкил этади, Жамғарманинг штатлар жадвалини тасдиқлайди, хўжалик, меҳнат ва бошқа шартнома ҳамда ҳужжатларни Жамғарма номидан имзолайди;

(д) Жамғарма раисининг биринчи ўринбосари ва ўринбосарлари лавозимларига номзодларни тайинлаш ва лавозимдан озод қилиш бўйича белгиланган тартибда Ўзбекистон Республикаси Президенти Администрациясига таклиф киритади;

(ж) маҳаллий ва хорижий малакали мутахассисларни шартнома асосида уларга, истисно тариқасида, Жамғарма маблағлари ҳисобидан иш ҳақи ва бошқа тўловларни белгилаган ҳолда жалб қилади;

(з) Жамғарма маблағлари ҳисобидан Жамғарма ходимларига уларнинг асосий эгаллаб турган лавозимлари бўйича лавозим маошлари (тариф ставкалари)га қонунчилик ҳужжатларида назарда тутилган бошқа тўловлардан қатъи назар, устама ва бошқа рағбатлантирувчи тўловлар ҳамда узоқ муддат хизмат қилгани учун устама ҳақ тўлаш тартиби ва миқдорларини белгилайди;

(и) Маданий мерос агентлиги директори маслаҳатчилари, марказий аппарати бошқарма ва бошқа таркибий тузилмалари раҳбарлари, ҳудудий бошқармалари бошлиқлари, унинг тизимидаги ташкилотлар раҳбарлари, шу жумладан, давлат музейлари директорлари лавозимларига номзодларни тайинлаш ва лавозимдан озод қилиш масалаларини белгиланган тартибда кўриб чиқади;

(к) ҳар йили Ўзбекистон Республикаси Президенти Администрацияси раҳбарига Жамғарма маблағларидан фойдаланилиши ҳақидаги ҳисоботни тақдим этади;

(л) Жамғарма маблағлари тушумларини кўпайтириш ва улардан самарали фойдаланилиши, шу жумладан, хорижий инвестиция ва ҳомийларни жалб этиш бўйича таклифлар тайёрлайди;

(м) мазкур Низомга ва қонунчилик ҳужжатларига мувофиқ бошқа ваколатларни ҳам амалга оширади.

17. Жамғарма бошқарув ходимларининг чекланган сони Ўзбекистон Республикаси Президенти томонидан белгиланади.

18. Қуйидаги ташкилотлар Жамғарма тасарруфидаги идоравий мансуб ташкилотлар ҳисобланади:

(а) «Замонавий санъат маркази» давлат муассасаси;

(б) «Франция маданият маркази» давлат муассасаси;

(в) «Миллий реставрация маркази» давлат муассасаси;

(г) «Республика болалар кутубхонаси» давлат муассасаси;

(д) «Жадидлар мероси давлат музейи» давлат муассасаси;

(ж) «Бухоро биенналеси дирекцияси» давлат муассасаси;

(з) Самарқанд шаҳридаги «Ипак йўли» арт-резиденцияси» давлат муассасаси;

(и) Самарқанд шаҳридаги «Ипак йўли» санъат галереяси» давлат муассасаси;

(к) «Самарқанд вилояти болалар кутубхонаси» давлат муассасаси;

(л) «Қўқон шаҳар болалар кутубхонаси» давлат муассасаси;

(м) «Креатив индустрия парки дирекцияси» масъулияти чекланган жамияти.

19. Жамғарма раисига Жамғарма ва идоравий мансуб ташкилотларнинг тузилмалари ва штатлар жадвалига ходимларнинг умумий чекланган сони доирасида ўзгартиришлар ва қўшимчалар киритиш ҳуқуқи берилсин.

20. Жамғарма раисининг таклифига биноан Жамғарманинг Васийлик кенгаши тузилиши мумкин, унинг таркиби Ўзбекистон Республикаси Президенти Администрацияси раҳбари томонидан тасдиқланади.

21. Жамғарма ҳузурида маданият ва санъат арбобларидан иборат Эксперт кенгаш тузилиши мумкин, унинг таркиби Жамғарма раиси томонидан тасдиқланади.

5-боб. Жамғарма фаолиятини молиялаштириш

22. Қуйидагилар Жамғарма фаолиятини, шу жумладан, Жамғарма томонидан ташкил этиладиган эксперт комиссиялари ва ишчи гуруҳлар, шартнома асосида жалб этиладиган маҳаллий ва хорижий мутахассисларга тўловларни амалга ошириш ҳамда Жамғарма ходимларини моддий рағбатлантириш ва ижтимоий қўллаб-қувватлаш билан боғлиқ харажатларни молиялаштиришнинг асосий манбалари ҳисобланади:

(а) Ўзбекистон Республикаси Давлат бюджети маблағлари;

(б) Жамғарманинг вақтинча бўш маблағларини тижорат банкларига жойлаштиришдан олинадиган даромадлар;

(в) юридик ва жисмоний шахсларнинг ҳамда халқаро ташкилотларнинг ҳомийлик хайриялари, меценатлик кўмаги, грантлари;

(г) қонунчилик ҳужжатларида тақиқланмаган бошқа манбалар.

6-боб. Жамғарма маблағларидан фойдаланиш тартиби

23. Жамғарма раиси Жамғарма маблағларининг тасарруфчиси ҳисобланади.

24. Жамғармани таъминлаш харажатлари қоплангандан сўнг Жамғарма маблағлари Жамғарманинг даромад ва харажатлари сметасига мувофиқ мазкур Низомнинг 6 ва 7-бандларида назарда тутилган вазифа ва функцияларни бажариш учун йўналтирилади.

25. Жамғарманинг даромад ва харажатлар сметаси бюджетдан ташқари маблағлар бўйича бюджет ташкилотлари учун (чораклар, тушумлар манбалари ва уларнинг сарфланиш йўналишлари бўйича) қонунчиликда белгиланган тартибда тузилади ва Жамғарма раиси томонидан тасдиқланади.

26. Жамғарманинг бўш маблағларидан грант асосида миллий маданий давлат дастурлари ва лойиҳаларини молиялаштириш (биргаликда молиялаштириш) учун фойдаланилиши мумкин.

27. Жамғармага, истисно тариқасида, товарларни (ишларни, хизматларни) сотиб олиш учун етказиб берувчилар билан импорт битимлари (шартномалари) тузилган тақдирда, Жамғарманинг ўз маблағлари ҳисобидан (Ўзбекистон Республикасининг республика бюджетидан ажратиладиган маблағлар бундан мустасно) 15 фоиздан ортиқ аванс тўлашга, шунингдек, Жамғарманинг тегишли йил учун мўлжалланган календарь режасида кўрсатилган муддатлардан қатъи назар лойиҳалар бўйича ушбу йил давомида шартномалар (битимлар) тузишга рухсат берилади.

7-боб. Якуний қоидалар

28. Жамғарма ҳар йили қонунчиликка мувофиқ молиявий ҳисоботни тайёрлайди. Жамғарманинг молиявий ҳисоботи молиявий йил якунлангандан сўнг аудиторлик ташкилотлари томонидан мажбурий тартибда текширилади. Молиявий ҳисобот, аудиторлик хулосаси ҳар йили 1 майдан кеч бўлмаган муддатда Ўзбекистон Республикаси Президенти Администрацияси раҳбарига тақдим этилади.

29. Жамғармани қайта ташкил этиш ва тугатиш қонунчиликда белгиланган тартибда амалга оширилади.

30. Мазкур Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Ўзбекистон Республикаси Президентининг 2021 йил 9 декабрдаги ПҚ-36-сон қарорига 2-ИЛОВА

Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар

1. Ўзбекистон Республикаси Президентининг 2020 йил 26 майдаги «Маданият ва санъат соҳасининг жамият ҳаётидаги ўрни ва таъсирини янада ошириш чора-тадбирлари тўғрисида»ги ПФ-6000-сон Фармонида :

а) 6-банднинг учинчи хатбошисидаги «Маданият вазирлиги ҳузуридаги Маданият ва санъатни ривожлантириш жамғармаси маблағлари ҳисобидан» сўзлари чиқариб ташлансин;

б) 8-банднинг иккинчи хатбошиси қуйидаги таҳрирда баён этилсин:

«Бунда, хусусий театрларда саҳналаштирилган ҳамда ижро этилган асарлар учун муаллифлик ҳақи тўлаш ҳар йили Ўзбекистон Республикасининг Давлат бюджетидан ажратиладиган маблағлар доирасида амалга оширилиши белгилансин».

2. Ўзбекистон Республикаси Президентининг 2017 йил 16 октябрдаги «Ўзбекистон Республикаси Маданият вазирлиги ҳузурида Маданият ва санъатни ривожлантириш жамғармасини ташкил этиш тўғрисида»ги ПҚ-3325-сон қарорида :

а) номланишида «Маданият вазирлиги» сўзлари «Вазирлар Маҳкамаси» сўзлари билан алмаштирилсин;

б) 1-банддаги «Маданият вазирлиги» сўзлари «Вазирлар Маҳкамаси» сўзлари билан алмаштирилсин;

в) 2 ва 3-бандлар ўз кучини йўқотган деб ҳисоблансин;

г) 4-банд қуйидаги мазмундаги хатбошилар билан тўлдирилсин:

«Жамғарма Адлия вазирлиги, Маданият вазирлиги, Молия вазирлиги, манфаатдор вазирлик ва идоралар билан биргаликда 2022 йил 1 февралга қадар қуйидагиларни назарда тутувчи қонун лойиҳасини белгиланган тартибда Вазирлар Маҳкамасига киритсин:

Жамғармага меценатлик кўмаги ҳисобидан тўғридан-тўғри шартномалар тузишга рухсат бериш;

Жамғарма томонидан меценатлик кўмаги орқали амалга ошириладиган лойиҳаларда чет эллик контрагентларни солиқлар ва тўловлардан озод қилиш»;

д) қуйидаги мазмундаги 4 1 -банд билан тўлдирилсин:

«4 1 . Жамғарма Ўзбекистон Республикаси Молия вазирлигининг Ғазначилигида миллий валютадаги шахсий ғазна ҳисобварақларига ҳамда миллий ва хорижий валютада банк ҳисобварақларига эга бўлади»;

е) 7-банд қуйидаги таҳрирда баён этилсин:

«7. Манфаатдор вазирлик ва идоралар бир ой муддатда улар томонидан қабул қилинган меъёрий-ҳуқуқий ҳужжатларни ушбу қарорга мувофиқлаштирсин»;

ж) 1-илова ўз кучини йўқотган деб ҳисоблансин;

з) 2-илованинг 2 ва 3-бандлари ўз кучини йўқотган деб ҳисоблансин.

3. Ўзбекистон Республикаси Президентининг 2018 йил 26 августдаги «Ўзбекистон Республикасида маданият ва санъат соҳасини инновацион ривожлантириш чора-тадбирлари тўғрисида»ги ПҚ-3920-сон қарорининг 1-бандидаги «Маданият вазирлиги ҳузуридаги Маданият ва санъатни ривожлантириш жамғармаси» сўзлари «Вазирлар Маҳкамаси ҳузуридаги Маданият ва санъатни ривожлантириш жамғармаси» сўзлари билан алмаштирилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 9 декабрь,

ПҚ-36-сон

(Қонунчилик маълумотлари миллий базаси, 09.12.2021 й., 07/21/36/1143-сон; 03.02.2026 й., 06/26/15/0102-сон)

lex.uz

Oʻzbekiston Respublikasi Prezidentining

Qarori

NIZOM

Madaniyat va sanʼatni rivojlantirishni qoʻllab-quvvatlash tizimini yanada takomillashtirish toʻgʻrisida

Madaniyat va sanʼatni rivojlantirish jamgʻarmasi faoliyatini yanada takomillashtirish, xorijiy davlatlar va tashkilotlar bilan madaniyat va sanʼat sohalarida aloqalarni mustahkamlash, jamgʻarmaga ajratilgan mablagʻlardan oqilona va samarali foydalanishni taʼminlash maqsadida:

1. Madaniyat vazirligi huzuridagi Madaniyat va sanʼatni rivojlantirish jamgʻarmasi amaldagi moliyalashtirish tartibi va shtatlar soni saqlangan holda Vazirlar Mahkamasi huzuridagi Madaniyat va sanʼatni rivojlantirish jamgʻarmasi (keyingi oʻrinlarda — Jamgʻarma) etib qayta tashkil qilinsin.

Oʻzbekiston Respublikasi Prezidentining 2025-yil 14-iyuldagi PF-111-son Farmoniga muvofiq Jamgʻarma Oʻzbekiston Respublikasi Vazirlar Mahkamasi huzuridan Oʻzbekiston Respublikasi Prezidenti Administratsiyasi boʻysunuviga oʻtkazilgani maʼlumot uchun qabul qilinsin.

2. Quyidagilar Jamgʻarmaning asosiy vazifalari etib belgilansin:

moliyaviy, tashkiliy va ijodiy yoʻnalishlarda kompleks chora-tadbirlarni amalga oshirish asosida madaniyat va sanʼat sohasini yanada rivojlantirishga koʻmaklashish, shuningdek, madaniyat arboblarini hamda tasviriy sanʼat, adabiyot, teatr, musiqa va xoreografiya sohalarida ularning tashabbusi bilan tashkil etiladigan tadbirlarni har tomonlama qoʻllab-quvvatlash;

xalqaro va davlatlararo madaniy aloqalarni kengaytirish, madaniyat va sanʼat sohasida xalqaro madaniy tashkilotlar va xayriya jamgʻarmalari bilan hamkorlikni rivojlantirish, xorijiy sarmoya va grantlarni jalb etish, mamlakatimizda madaniyat va sanʼatga doir homiylikni rivojlantirishga koʻmaklashish;

madaniyatlararo ijodiy muloqotni yoʻlga qoʻyish va oʻzbek sanʼatining jahon badiiy va madaniy makoniga integratsiyalashuviga koʻmaklashish, shuningdek, mamlakatimizning madaniy va ilmiy-texnik salohiyati hamda raqobatbardoshligi bilan bogʻliq jihatlarni namoyish etish;

madaniyat va sanʼat sohasida kadrlarni tayyorlash, qayta tayyorlash va ularning malakasini oshirish tizimini takomillashtirish, shu bilan birga, madaniyat va sanʼat muassasalarini zarur adabiyotlar va davriy nashrlar bilan taʼminlash;

madaniy meros sohasida davlat siyosatini yuritishga koʻmaklashish;

xorijiy tajribalarni hisobga olgan holda, mamlakatimiz muzeylari va boshqa madaniy muassasalari faoliyati samaradorligini oshirish tizimini takomillashtirishga koʻmaklashish;

xalqaro standartlarga muvofiq yangi madaniy muassasalar qurish uchun moliyaviy mablagʻ va koʻmak berish;

madaniyat va sanʼat muassasalarining moddiy-texnika bazasini mustahkamlash va ularni kapital hamda joriy taʼmirlash;

xalqaro institutlar, xorijiy mamlakatlar hukumatlari, homiylar va donorlar bilan hamkorlikda loyihalarni birgalikda moliyalashtirishni tashkil etishni taʼminlash;

jahondagi ilgʻor tajribalarni mamlakatimizda joriy etish boʻyicha takliflar tayyorlash maqsadida madaniyat va sanʼat sohasini moliyalashtirish boʻyicha rivojlangan davlatlar tajribasini oʻrganish;

aholiga pullik xizmatlar koʻrsatish hajmini koʻpaytirish boʻyicha kompleks chora-tadbirlarni ishlab chiqish va amalga oshirish;

qonunchilikda belgilangan manbalardan tushayotgan mablagʻlarni jamgʻarishni taʼminlash;

ajratilayotgan maqsadli mablagʻlardan toʻgʻri, samarali va maqsadli foydalanish ustidan tizimli nazorat oʻrnatish;

Jamgʻarma va uning tizimida faoliyat koʻrsatayotgan xodimlarni moddiy ragʻbatlantirish va ijtimoiy himoya qilish boʻyicha tadbirlar uchun maqsadli mablagʻlar ajratish;

kreativ iqtisodiyotni qoʻllab-quvvatlash, rivojlantirish, ushbu sohadagi munosabatlarni takomillashtirib borish choralarini koʻrish.

3. Jamgʻarma mablagʻlarini shakllantirish manbalari etib quyidagilar belgilansin:

Vazirlar Mahkamasining hujjatlari (shu jumladan bayonnoma qarorlariga) asosan ajratiladigan respublika budjeti mablagʻlari;

Jamgʻarmaning vaqtincha boʻsh mablagʻlarini moliya tashkilotlarida joylashtirishdan olingan daromadlar;

yuridik va jismoniy shaxslarning hamda xalqaro tashkilotlarning homiylik xayriyalari, metsenatlik koʻmagi, grantlari;

qonunchilik hujjatlarida taqiqlanmagan boshqa manbalar.

3 1 . Quyidagilar:

Oʻzbekiston Respublikasi Prezidenti Administratsiyasi huzuridagi Madaniyat va sanʼatni rivojlantirish jamgʻarmasi toʻgʻrisidagi nizom 1-ilovaga muvofiq tasdiqlansin;

Jamgʻarma boshqaruv xodimlarining cheklangan soni 70 nafar etib belgilansin;

Jamgʻarma tasarrufida “Buxoro biyennalesi direksiyasi” davlat muassasasi tashkil etilsin.

4. Jamgʻarma ikki oy muddatda mazkur qaror talablaridan kelib chiqib Jamgʻarma faoliyatini tashkil qilish, shu jumladan uning mablagʻlarini shakllantirish va ulardan foydalanish tartibini nazarda tutuvchi Hukumat qarori loyihasini belgilangan tartibda Vazirlar Mahkamasiga kiritsin.

5. Jamgʻarma Toshkent shahri, Taras Shevchenko koʻchasi, 1-uy manzilida joylashgan binoga tekin foydalanish huquqi asosida joylashtirilsin.

5 1 . Quyidagilar operativ boshqaruv huquqi asosida Jamgʻarmaga bepul berilsin:

Samarqand shahri Mahmud Qoshgʻariy koʻchasi 85/a-uy manzilida joylashgan “Ipak yoʻli” art-rezidensiyasi binosi, amaldagi moliyalashtirish manbalari hamda shtatlar soni saqlangan holda;

Samarqand shahri Beruniy koʻchasi 1-uy manzilida joylashgan “Ipak yoʻli” sanʼat galereyasi binosi, amaldagi moliyalashtirish manbalari hamda shtatlar soni saqlangan holda;

Toshkent shahri Zarqaynar koʻchasi 2-uy manzilida joylashgan “Oxunguzar” madaniy meros obyekti.

Belgilab qoʻyilsinki, 2026-yildan boshlab Davlat budjeti hisobidan Samarqand shahridagi “Ipak yoʻli” art-rezidensiyasi, “Ipak yoʻli” sanʼat galereyasi va Samarqand viloyati bolalar kutubxonasini saqlash va ularning faoliyatini tashkil etish uchun mablagʻlar Jamgʻarmaga ajratiladi.

6. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov zimmasiga yuklansin.

Oʻzbekiston Respublikasi Prezidentining 2021-yil 9-dekabrdagi PQ-36-son qaroriga 1-ILOVA

Oʻzbekiston Respublikasi Prezidenti Administratsiyasi huzuridagi Madaniyat va sanʼatni rivojlantirish jamgʻarmasi toʻgʻrisidagi

1-bob. Umumiy qoidalar

1. Ushbu Nizom Oʻzbekiston Respublikasi Prezidenti Administratsiyasi huzuridagi Madaniyat va sanʼatni rivojlantirish jamgʻarmasining (keyingi oʻrinlarda — Jamgʻarma) maqomi, vazifalari va funksiyalari, vakolatlari, huquq va majburiyatlarini, faoliyatini tashkil etish, shuningdek, hisobdorlik masalalari tartibini belgilaydi.

2. Jamgʻarma oʻz faoliyatini Oʻzbekiston Respublikasining Konstitutsiyasi va qonunlariga, Oliy Majlis palatalarining qarorlari, Oʻzbekiston Respublikasi Prezidentining farmon, qaror va farmoyishlariga, shuningdek, ushbu Nizom hamda boshqa qonunchilik hujjatlariga asosan amal oshiradi.

3. Jamgʻarma davlat muassasasi hisoblanadi hamda Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga, shtamplarga, blankalarga, mustaqil balansga, oʻz mulkiga, shuningdek, Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan shaxsiy gʻazna hisobvaraqlariga, tijorat banklarida milliy va xorijiy valyutadagi hisobvaraqlariga ega boʻladi.

4. Jamgʻarmaning rasmiy nomi:

(a) davlat tilida:

toʻliq nomi — Oʻzbekiston Respublikasi Prezidenti Administratsiyasi huzuridagi Madaniyat va sanʼatni rivojlantirish jamgʻarmasi;

qisqartirilgan nomi — Madaniyat va sanʼatni rivojlantirish jamgʻarmasi;

(b) rus tilida:

toʻliq nomi — Fond razvitiya kulturi i iskusstva pri Administratsii Prezidenta Respubliki Uzbekistan;

qisqartirilgan nomi — Fond razvitiya kulturi i iskusstva;

(v) ingliz tilida:

toʻliq nomi — Art and Culture Development Foundation under the Administration of the President of the Republic of Uzbekistan;

qisqartirilgan nomi — Art and Culture Development Foundation.

5. Jamgʻarma faoliyati Oʻzbekiston Respublikasi Prezidenti Administratsiyasi rahbari tomonidan muvofiqlashtiriladi.

2-bob. Jamgʻarmaning asosiy vazifalari va funksiyalari

6. Quyidagilar Jamgʻarmaning asosiy vazifalari hisoblanadi:

(a) moliyaviy, tashkiliy va ijodiy yoʻnalishlarda kompleks chora-tadbirlarni amalga oshirish asosida madaniyat va sanʼat sohasini yanada rivojlantirishga koʻmaklashish, shuningdek, madaniyat arboblarini hamda tasviriy sanʼat, adabiyot, teatr, musiqa va xoreografiya sohalarida ularning tashabbusi bilan tashkil etiladigan tadbirlarni har tomonlama qoʻllab-quvvatlash;

(b) xalqaro va davlatlararo madaniy aloqalarni kengaytirish, madaniyat va sanʼat sohasida xalqaro madaniyat tashkilotlari va xayriya jamgʻarmalari bilan hamkorlikni rivojlantirish, xorijiy investitsiyalar va grantlarni jalb etish, mamlakatimizda madaniyat va sanʼatga doir homiylikni rivojlantirishga koʻmaklashish;

(v) madaniyatlararo ijodiy muloqotni yoʻlga qoʻyish va oʻzbek sanʼatining jahon badiiy va madaniy makoniga integratsiyalashuviga koʻmaklashish, shuningdek, mamlakatimizning madaniy va ilmiy-texnik salohiyati hamda raqobatbardoshligi bilan bogʻliq jihatlarni namoyish etish;

(g) madaniyat va sanʼat sohasida kadrlarni tayyorlash, qayta tayyorlash va ularning malakasini oshirish tizimini takomillashtirish, shu bilan birga, madaniyat va sanʼat muassasalarini zarur adabiyotlar va davriy nashrlar bilan taʼminlash;

(d) xorijiy tajribalarni hisobga olgan holda, mamlakatimiz muzeylari va boshqa madaniyat muassasalari faoliyati samaradorligini oshirish tizimini takomillashtirishga koʻmaklashish;

(j) madaniy meros sohasida davlat siyosatini yuritishga koʻmaklashish;

(z) xalqaro standartlarga muvofiq yangi madaniyat muassasalarini qurish uchun moliyaviy mablagʻ va koʻmak berish;

(i) madaniyat va sanʼat muassasalarining moddiy-texnika bazasini mustahkamlash va ularni kapital hamda joriy taʼmirlash;

(k) xalqaro institutlar, xorijiy mamlakatlar hukumatlari, homiylar va donorlar bilan hamkorlikda loyihalarning birgalikda moliyalashtirilishini tashkil etishni taʼminlash;

(l) jahondagi ilgʻor tajribalarni mamlakatimizda joriy etish boʻyicha takliflar tayyorlash maqsadida madaniyat va sanʼat sohasini moliyalashtirish boʻyicha rivojlangan davlatlar tajribasini oʻrganish;

(m) aholiga pulli xizmatlar koʻrsatish hajmini oshirish boʻyicha kompleks chora-tadbirlarni ishlab chiqish va amalga oshirish;

(n) qonunchilikda belgilangan manbalardan tushayotgan mablagʻlarni jamgʻarishni taʼminlash;

(o) ajratilayotgan maqsadli mablagʻlardan toʻgʻri, samarali va maqsadli foydalanish ustidan tizimli nazorat oʻrnatish;

(p) Jamgʻarma va uning tizimida faoliyat koʻrsatayotgan xodimlarni moddiy ragʻbatlantirish va ijtimoiy himoya qilish boʻyicha tadbirlar uchun maqsadli mablagʻlar ajratish;

(r) kreativ iqtisodiyotni qoʻllab-quvvatlash, rivojlantirish, ushbu sohadagi munosabatlarni takomillashtirib borish choralarini koʻrish.

7. Jamgʻarma oʻziga yuklangan vazifalarni bajarish uchun quyidagi funksiyalarni amalga oshiradi:

(a) moliyaviy, tashkiliy va ijodiy yoʻnalishlarda kompleks chora-tadbirlarni amalga oshirish asosida madaniyat va sanʼat sohasini yanada rivojlantirishga koʻmaklashish, shuningdek, madaniyat arboblarini hamda tasviriy sanʼat, adabiyot, teatr, musiqa va xoreografiya sohalarida ularning tashabbusi bilan tashkil etiladigan tadbirlarni har tomonlama qoʻllab-quvvatlash borasida:

(i) madaniyat va sanʼat sohasini moliyalashtirish boʻyicha xorijiy mamlakatlar tajribasini oʻrganish va joriy qilish boʻyicha takliflar tayyorlash;

(ii) milliy va xorijiy madaniyat hamda sanʼat namoyandalarining ijodi bilan tanishishga doir tadbirlarni tashkil etish;

(iii) madaniyat va sanʼatni rivojlantirish, madaniy meros sohalarida normativ-huquqiy hujjatlarni ishlab chiqish;

(iv) madaniyat va sanʼatning turli sohalarini ommalashtirish, shuningdek, madaniyat arboblarini qoʻllab-quvvatlash tadbirlarini oʻtkazish;

(v) Jamgʻarmaning har yillik kalendar rejasini tuzish va tasdiqlash uchun Oʻzbekiston Respublikasi Prezidenti Administratsiyasi rahbariga kiritish, bunda loyihalarning xalqaro, davlatlararo va respublika kabi darajalarini belgilashni nazarda tutish;

(vi) madaniyat va sanʼatni hamda ushbu sohadagi ilmiy tadqiqotlarni rivojlantirish boʻyicha tadbirlarni amalga oshirish;

(vii) madaniyat va sanʼatni hamda mualliflik kinosini ommalashtirish va rivojlantirish choralarini koʻrish;

(b) xalqaro va davlatlararo madaniy aloqalarni kengaytirish, madaniyat va sanʼat sohasida xalqaro madaniyat tashkilotlari va xayriya jamgʻarmalari bilan hamkorlikni rivojlantirish, xorijiy investitsiya va grantlarni jalb etish, mamlakatimizda madaniyat va sanʼatga doir homiylikni rivojlantirishga koʻmaklashish borasida:

(i) xorijiy sheriklar bilan hamkorlikni yoʻlga qoʻyish va oʻzaro tadbirlar, shu jumladan, ularning investitsiya loyihalarida, grantlarni ajratishdagi ishtirokini tashkil etish va Oʻzbekiston Respublikasi madaniyati va sanʼatini rivojlantirishga yoʻnaltirilgan boshqa yordamlar koʻrsatish;

(ii) oʻzbek madaniyati va sanʼatini ommalashtirish hamda Oʻzbekiston Respublikasining xalqaro maydondagi nufuzini mustahkamlashga qaratilgan xalqaro madaniy tadbirlarning respublika va uning tashqarisida oʻtkazilishini tashkil qilish;

(iii) Oʻzbekiston Respublikasida metsenatlikni rivojlantirishga koʻmaklashish;

(v) madaniyatlararo ijodiy muloqotni yoʻlga qoʻyish va oʻzbek sanʼatining jahon badiiy va madaniy makoniga integratsiyalashuviga koʻmaklashish, shuningdek, mamlakatimizning madaniy va ilmiy-texnik salohiyati hamda raqobatbardoshligi bilan bogʻliq jihatlarni namoyish etish borasida:

(i) madaniyat va sanʼat arboblarini jahon madaniy hamjamiyatiga keng jalb etish, shu jumladan, ularning xalqaro koʻrgazmalar, konferensiyalar, festivallar va shu kabilardagi ishtirokini taʼminlashga doir tadbirlarni tashkil etish va oʻtkazish;

(ii) Oʻzbekiston madaniyati va sanʼatini jahon darajasida keng targʻib qiladigan adabiyotlar yaratish va ularni xorijiy nashriyot uylari orqali ommalashtirish;

(g) madaniyat va sanʼat sohasida kadrlarni tayyorlash, qayta tayyorlash va ularning malakasini oshirish tizimini takomillashtirish, shu bilan birga, madaniyat va sanʼat muassasalarini zarur adabiyotlar va davriy nashrlar bilan taʼminlash borasida:

(i) madaniyat va sanʼat sohasi uchun kadrlarni tayyorlash, qayta tayyorlash va ularning malakasini oshirish tizimini takomillashtirishga, ularning ilmiy faoliyatini qoʻllab-quvvatlashga, yoshlar hamda Oʻzbekiston Respublikasida va uning tashqarisida Oʻzbekiston madaniyati va sanʼatini rivojlantirishga qaratilgan faoliyat bilan shugʻullanuvchi shaxslarni ragʻbatlantirishga doir tadbirlarni, shu jumladan, grant dasturlarini shakllantirish orqali tashkil etish;

(ii) Jamgʻarma va uning tizimida faoliyat koʻrsatayotgan xodimlarni oʻqitish, tayyorlash, qayta tayyorlash va ularning malakasini oshirish boʻyicha tadbirlar uchun maqsadli mablagʻlar ajratish;

(d) xorijiy tajribalarni hisobga olgan holda, mamlakatimiz muzeylari va boshqa madaniy muassasalari faoliyati samaradorligini oshirish tizimini takomillashtirishga koʻmaklashish borasida:

(i) xorijiy tajribani doimiy oʻrganish va muzeylar hamda boshqa madaniyat muassasalarining faoliyati samaradorligini oshirishda koʻmaklashish;

(ii) muzeylar, madaniy meros obyektlari va madaniyat muassasalarida inklyuziv muhitni yaratish;

(j) madaniy meros sohasida davlat siyosatini yuritishga koʻmaklashish borasida:

(i) Madaniy meros agentligi faoliyatini rivojlantirish, uning vakolat doirasiga kiruvchi masalalar, ijro va mehnat intizomini taʼminlash boʻyicha tavsiyalar berish;

(ii) Madaniy meros agentligi taklifiga asosan Davlat budjeti mablagʻlari hisobidan asrashga doir ishlar amalga oshiriladigan moddiy madaniy meros koʻchmas mulk obyektlarining har yillik manzilli roʻyxatini koʻrib chiqish hamda kelishish;

(iii) Madaniy meros agentligi tizimidagi tashkilotlarning rahbarlari faoliyati samaradorligining asosiy koʻrsatkichlari (indikatorlari)ni monitoring qilib borish;

(z) xalqaro standartlarga muvofiq yangi madaniy muassasalar qurish uchun moliyaviy mablagʻ va koʻmak berish borasida:

(i) madaniyat va sanʼat obyektlarini loyihalash, restavratsiya, rekonstruksiya hamda qurilish-taʼmirlash boʻyicha mazkur maqsadlar uchun ajratilgan respublika budjeti va oʻz mablagʻlari hisobidan buyurtmachi funksiyasini bajarish;

(ii) jahon tajribasidan kelib chiqib, yangi madaniyat muassasalarini qurish ishlarini amalga oshirishga xorijiy mutaxassislarni jalb qilish;

(iii) xalqaro standartlarga muvofiq yangi madaniyat muassasalarini qurish ishlarini amalga oshirish;

(iv) madaniyat muassasalarini qurish uchun maqsadli moliyaviy mablagʻlar ajratish;

(i) madaniyat va sanʼat muassasalarining moddiy-texnika bazasini mustahkamlash va ularni kapital hamda joriy taʼmirlash borasida:

(i) muzeylar, madaniy meros obyektlari va madaniyat muassasalarining moddiy-texnika bazasini mustahkamlashga koʻmaklashish;

(ii) madaniyat muassasalarini loyihalash, restavratsiya, rekonstruksiya qilish va qurish uchun yetakchi xalqaro va mahalliy ekspertlarni jalb etish;

(iii) muzeylar, madaniy meros obyektlari va madaniyat muassasalarida restavratsiya, rekonstruksiya va kapital taʼmirlash ishlarini belgilangan tartibda amalga oshirish;

(k) xalqaro institutlar, xorijiy mamlakatlar hukumatlari, homiylar va donorlar bilan hamkorlikda loyihalarning birgalikda moliyalashtirilishini tashkil etishni taʼminlash borasida:

(i) xalqaro institutlar, xorijiy mamlakatlar hukumatlari, homiylar va donorlar bilan hamkorlik aloqalarini oʻrnatish;

(ii) Oʻzbekiston Respublikasida madaniyat va sanʼatni rivojlantirishga yoʻnaltirilgan grantlar ajratish va boshqa koʻmak berishda xalqaro institutlar, xorijiy mamlakatlar hukumatlari, homiylar va donorlar bilan hamkorlikni yoʻlga qoʻyish va qoʻshma tadbirlarni, shu jumladan, ularning investitsiya loyihalarida ishtirok etishini tashkil etish;

(l) jahondagi ilgʻor tajribalarni mamlakatimizda joriy etish boʻyicha takliflar tayyorlash maqsadida madaniyat va sanʼat sohasini moliyalashtirish boʻyicha rivojlangan davlatlar tajribasini oʻrganish borasida:

(i) madaniyat va sanʼat sohasida jahondagi ilgʻor tajribalarni oʻrganish va tahlil qilib borish;

(ii) ilgʻor tajribalarni joriy etish boʻyicha asosli takliflarni tayyorlash;

(iii) ilgʻor tajribalarni joriy etish boʻyicha chora-tadbirlar rejalari va tegishli normativ-huquqiy hujjat loyihalarini tayyorlash;

(m) aholiga pulli xizmatlar koʻrsatish hajmini koʻpaytirish boʻyicha kompleks chora-tadbirlarni ishlab chiqish va amalga oshirish borasida:

(i) joriy holatni oʻrganish, shuningdek, madaniyat va sanʼat tashkilotlari tomonidan aholiga koʻrsatilayotgan pulli xizmatlar hajmini oshirish boʻyicha takliflar tayyorlash;

(ii) pulli asosda noyob brend mahsulotlarini ishlab chiqish va realizatsiya qilish, royalti tizimini qoʻllash, shu jumladan, kitob, bosma nashrlar savdosi va Jamgʻarma tomonidan oʻtkaziladigan madaniy tadbirlarga chipta savdosini amalga oshirish;

(iii) Oʻzbekiston Respublikasida va uning tashqarisida mamlakatimiz madaniyati va sanʼati sohasidagi eng yaxshi yutuqlarni targʻib qilish maqsadida xizmatlar koʻrsatish va ishlarni bajarish;

(n) qonunchilikda belgilangan manbalardan tushayotgan mablagʻlarni jamgʻarishni taʼminlash borasida:

(i) tahlil oʻtkazish va Jamgʻarmaga mablagʻlarning oʻz vaqtida tushishini taʼminlash;

(ii) Jamgʻarmaga mablagʻlarning tushishi va sarflanishini prognoz qilish;

(iii) Jamgʻarmaning vaqtincha boʻsh mablagʻlarini moliya tashkilotlariga joylashtirish;

(o) ajratilayotgan maqsadli mablagʻlardan toʻgʻri, samarali va maqsadli foydalanish ustidan tizimli nazorat oʻrnatish borasida:

(i) ajratilayotgan mablagʻlardan maqsadli foydalanilishini monitoring qilish;

(ii) Jamgʻarmaning daromad va xarajatlari smetalarini ishlab chiqish va tasdiqlash;

(iii) Jamgʻarmaning idoraviy mansub tashkilotlarini saqlash xarajatlari va faoliyatini moliyalashtirish choralarini koʻrish, bu borada qoʻshimcha moliyalashtirish masalalari yuzasidan Vazirlar Mahkamasi va Oʻzbekiston Respublikasi Prezidenti Administratsiyasiga takliflar kiritish;

(iv) Jamgʻarma daromadlari va xarajatlarining hisobini yuritish va ularning bajarilishi boʻyicha Oʻzbekiston Respublikasi Prezidenti Administratsiyasi rahbariga har yillik hisobotni taqdim etish;

(p) Jamgʻarma va uning tizimida faoliyat koʻrsatayotgan xodimlarni moddiy ragʻbatlantirish va ijtimoiy himoya qilish boʻyicha tadbirlar uchun maqsadli mablagʻlar ajratish borasida:

(i) Jamgʻarma va uning tizimida faoliyat koʻrsatayotgan xodimlarni ragʻbatlantirish boʻyicha takliflarni, ularga davlat mukofotlari berish yuzasidan taqdimnomalarni kiritish;

(ii) xizmat vazifalarini bajarish chogʻidagi alohida xizmatlari uchun va pensiyaga (nafaqaga) chiqishi munosabati bilan qimmatbaho sovgʻalar bilan mukofotlash;

(iii) xodimlarni moddiy ragʻbatlantirish va ijtimoiy himoya qilish (xodimlar uchun uy-joy qurish va xarid qilish, sanatoriy-kurortda davolanish va tibbiy xizmat koʻrsatish, mukofotlar toʻlash, ustamalar belgilash, moddiy yordam va boshqalar);

(iv) xodimlarining lavozim maoshi, ilmiy darajalari, uzoq muddat uzluksiz xizmati uchun ustama haqlar, bayram kunlari uchun mukofotlar, qoʻshimcha haqlar, ustamalar, ragʻbatlantirish toʻlovlari, qoʻshimcha moddiy ragʻbatlantirish toʻlovlari va qonunchilik hujjatlarida nazarda tutilgan boshqa toʻlovlarni toʻlab borish;

(r) kreativ iqtisodiyotni qoʻllab-quvvatlash, rivojlantirish, ushbu sohadagi munosabatlarni takomillashtirib borish choralarini koʻrish borasida:

(i) kreativ industriyani rivojlantirish boʻyicha takliflar ishlab chiqarish;

(ii) kreativ iqtisodiyotning joriy holati boʻyicha tahliliy materiallarni shakllantirish;

(iii) kreativ industriya sohasidagi milliy va xalqaro loyihalar amalga oshirilishini muvofiqlashtirish;

(iv) zaruriyat tugʻilganda kreativ iqtisodiyot sohasida ishchi guruhlar, idoralararo komissiyalar va ekspertlik platformalari faoliyatini tashkil etish.

3-bob. Jamgʻarmaning huquqlari va majburiyatlari

8. Jamgʻarma oʻziga yuklangan vazifalar va funksiyalarni bajarish doirasida quyidagi huquqlarga ega:

(a) belgilangan tartibda respublika va mahalliy ijro etuvchi hokimiyat organlaridan Jamgʻarma vakolatlariga kiruvchi masalalarni hal etish uchun zarur axborotlarni soʻrash va olish;

(b) oʻz bank hisobvaraqlarida mazkur Nizomning 22-bandida belgilangan manbalardan tushadigan mablagʻlarni jamgʻarish;

(v) Jamgʻarma tomonidan ajratilayotgan mablagʻlardan maqsadli foydalanilishini nazorat qilish, qoidabuzarliklar aniqlangan taqdirda moliyalashtirishni toʻxtatish yoki ajratilgan mablagʻlarni qaytarib olish;

(g) vaqtincha boʻsh mablagʻlarni likvidli moliyaviy instrumentlarga (depozitlar, qimmatli qogʻozlar, obligatsiyalar va shu kabilarga) joylashtirish;

(d) Jamgʻarma mablagʻlarining madaniyat va sanʼatni rivojlantirishga doir aniq loyihalar uchun ajratilishida shartlarni belgilash;

(j) oʻz maqsad va vazifalarini amalga oshirish uchun xorijiy hamkorlar bilan shartnomalar tuzish;

(z) madaniyat va sanʼatni rivojlantirishning turli masalalari boʻyicha belgilangan tartibda tashabbuslar bilan chiqish;

(i) yoshlar hamda Oʻzbekiston madaniyati va sanʼatini rivojlantirishga qaratilgan faoliyat bilan shugʻullanuvchi Oʻzbekiston Respublikasi rezidentlari hisoblangan shaxslarga grantlar shaklida mablagʻlar ajratish;

(k) ommaviy axborot vositalari va boshqa axborot manbalarida oʻz faoliyati haqida materiallarni eʼlon qilish;

(l) Jamgʻarma vakolatiga kiruvchi masalalar boʻyicha xalqaro hamkorlikni amalga oshirish;

(m) normativ-huquqiy hujjatlar loyihalarini, shuningdek, Jamgʻarmaga yuklangan vazifalar va funksiyalarni bajarish bilan bogʻliq boʻlgan boshqa hujjatlarni belgilangan tartibda Vazirlar Mahkamasiga yoki Oʻzbekiston Respublikasi Prezidenti Administratsiyasiga kiritish;

(n) oʻz vakolatlari doirasida respublika va mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, fuqarolar tomonidan bajarilishi majburiy boʻlgan qarorlar qabul qilish;

(o) idoraviy mansubligidan qatʼi nazar, respublikadagi barcha muzeylar, madaniy meros obyektlari hamda madaniyat va sanʼat muassasalari Jamgʻarma loyihalarining amalga oshirilishiga oʻz vakolatlari doirasida yaqindan koʻmaklashish;

(p) Jamgʻarma idoraviy mansub tashkilotlarining davlat mulkini bir boʻlinmadan boshqasiga belgilangan tartibda oʻz tashkiliy tuzilmasi doirasida, tekin foydalanish huquqi bilan berish;

(r) qonunchilik hujjatlarida taqiqlanmagan faoliyat turlarini amalga oshirish;

(s) Jamgʻarma qonunchilikka muvofiq boshqa huquqlarga ham ega boʻlishi mumkin.

9. Jamgʻarma:

(a) mazkur Nizomda belgilangan asosiy vazifalarning bajarilishini taʼminlashi;

(b) Jamgʻarma mablagʻlarining maqsadli va samarali sarflanishi yuzasidan doimiy nazoratni amalga oshirishi;

(v) Jamgʻarma daromadlarining istiqbolli koʻrsatkichlari bajarilishi samaradorligini tahlil qilish, aniqlangan va mablagʻlarining kelib tushishiga salbiy taʼsir koʻrsatayotgan kamchiliklarni bartaraf etish boʻyicha tegishli choralar koʻrishi shart.

4-bob. Jamgʻarma faoliyatini tashkil etish tartibi

10. Jamgʻarma faoliyatiga Oʻzbekiston Respublikasi Prezidenti Administratsiyasi rahbari tomonidan lavozimga tayinlanadigan va lavozimidan ozod etiladigan rais rahbarlik qiladi.

11. Jamgʻarma raisi maqomi, mehnatga haq toʻlash, moddiy ragʻbatlantirish, tibbiy va transport xizmati koʻrsatish shart-sharoitlariga koʻra Oʻzbekiston Respublikasi Prezidenti Administratsiyasi departament boshligʻiga tenglashtiriladi.

12. Jamgʻarma raisi bir nafar birinchi oʻrinbosarga va ikki nafar oʻrinbosarga ega boʻladi.

13. Jamgʻarma raisining birinchi oʻrinbosari va oʻrinbosarlari Oʻzbekiston Respublikasi Prezidenti Administratsiyasi rahbari tomonidan lavozimga tayinlanadi va lavozimidan ozod etiladi.

14. Jamgʻarma raisining birinchi oʻrinbosari va oʻrinbosarlari mehnatiga haq toʻlash, moddiy ragʻbatlantirish, transport va tibbiy xizmat koʻrsatish shart-sharoitlariga koʻra tegishli ravishda vazirning birinchi oʻrinbosari va vazir oʻrinbosariga tenglashtiriladi.

15. Jamgʻarma boshqaruv xodimlari Jamgʻarma raisi tomonidan toʻgʻridan-toʻgʻri suhbat asosida lavozimga tayinlanadi va lavozimidan ozod etiladi.

16. Jamgʻarma raisi:

(a) Jamgʻarmaning idoraviy mansub tashkilotlarining nizomlarini (ustavlarini), shuningdek, xodimlarning umumiy cheklangan soni doirasida Jamgʻarma va idoraviy mansub tashkilotlarning tuzilmalarini tasdiqlaydi;

(b) Jamgʻarma daromadlari va xarajatlari smetasini tasdiqlaydi;

(v) Jamgʻarmaning har yillik kalendar rejasini tasdiqlash uchun Oʻzbekiston Respublikasi Prezidenti Administratsiyasi rahbariga kiritadi, bunda loyihalarning xalqaro, davlatlararo va respublika kabi darajalarini belgilashni nazarda tutadi;

(g) Jamgʻarmaga yuklangan asosiy vazifalar va funksiyalarga muvofiq Jamgʻarma faoliyatini tashkil etadi, Jamgʻarmaning shtatlar jadvalini tasdiqlaydi, xoʻjalik, mehnat va boshqa shartnoma hamda hujjatlarni Jamgʻarma nomidan imzolaydi;

(d) Jamgʻarma raisining birinchi oʻrinbosari va oʻrinbosarlari lavozimlariga nomzodlarni tayinlash va lavozimdan ozod qilish boʻyicha belgilangan tartibda Oʻzbekiston Respublikasi Prezidenti Administratsiyasiga taklif kiritadi;

(j) mahalliy va xorijiy malakali mutaxassislarni shartnoma asosida ularga, istisno tariqasida, Jamgʻarma mablagʻlari hisobidan ish haqi va boshqa toʻlovlarni belgilagan holda jalb qiladi;

(z) Jamgʻarma mablagʻlari hisobidan Jamgʻarma xodimlariga ularning asosiy egallab turgan lavozimlari boʻyicha lavozim maoshlari (tarif stavkalari)ga qonunchilik hujjatlarida nazarda tutilgan boshqa toʻlovlardan qatʼi nazar, ustama va boshqa ragʻbatlantiruvchi toʻlovlar hamda uzoq muddat xizmat qilgani uchun ustama haq toʻlash tartibi va miqdorlarini belgilaydi;

(i) Madaniy meros agentligi direktori maslahatchilari, markaziy apparati boshqarma va boshqa tarkibiy tuzilmalari rahbarlari, hududiy boshqarmalari boshliqlari, uning tizimidagi tashkilotlar rahbarlari, shu jumladan, davlat muzeylari direktorlari lavozimlariga nomzodlarni tayinlash va lavozimdan ozod qilish masalalarini belgilangan tartibda koʻrib chiqadi;

(k) har yili Oʻzbekiston Respublikasi Prezidenti Administratsiyasi rahbariga Jamgʻarma mablagʻlaridan foydalanilishi haqidagi hisobotni taqdim etadi;

(l) Jamgʻarma mablagʻlari tushumlarini koʻpaytirish va ulardan samarali foydalanilishi, shu jumladan, xorijiy investitsiya va homiylarni jalb etish boʻyicha takliflar tayyorlaydi;

(m) mazkur Nizomga va qonunchilik hujjatlariga muvofiq boshqa vakolatlarni ham amalga oshiradi.

17. Jamgʻarma boshqaruv xodimlarining cheklangan soni Oʻzbekiston Respublikasi Prezidenti tomonidan belgilanadi.

18. Quyidagi tashkilotlar Jamgʻarma tasarrufidagi idoraviy mansub tashkilotlar hisoblanadi:

(a) “Zamonaviy sanʼat markazi” davlat muassasasi;

(b) “Fransiya madaniyat markazi” davlat muassasasi;

(v) “Milliy restavratsiya markazi” davlat muassasasi;

(g) “Respublika bolalar kutubxonasi” davlat muassasasi;

(d) “Jadidlar merosi davlat muzeyi” davlat muassasasi;

(j) “Buxoro biyennalesi direksiyasi” davlat muassasasi;

(z) Samarqand shahridagi “Ipak yoʻli” art-rezidensiyasi” davlat muassasasi;

(i) Samarqand shahridagi “Ipak yoʻli” sanʼat galereyasi” davlat muassasasi;

(k) “Samarqand viloyati bolalar kutubxonasi” davlat muassasasi;

(l) “Qoʻqon shahar bolalar kutubxonasi” davlat muassasasi;

(m) “Kreativ industriya parki direksiyasi” masʼuliyati cheklangan jamiyati.

19. Jamgʻarma raisiga Jamgʻarma va idoraviy mansub tashkilotlarning tuzilmalari va shtatlar jadvaliga xodimlarning umumiy cheklangan soni doirasida oʻzgartirishlar va qoʻshimchalar kiritish huquqi berilsin.

20. Jamgʻarma raisining taklifiga binoan Jamgʻarmaning Vasiylik kengashi tuzilishi mumkin, uning tarkibi Oʻzbekiston Respublikasi Prezidenti Administratsiyasi rahbari tomonidan tasdiqlanadi.

21. Jamgʻarma huzurida madaniyat va sanʼat arboblaridan iborat Ekspert kengash tuzilishi mumkin, uning tarkibi Jamgʻarma raisi tomonidan tasdiqlanadi.

5-bob. Jamgʻarma faoliyatini moliyalashtirish

22. Quyidagilar Jamgʻarma faoliyatini, shu jumladan, Jamgʻarma tomonidan tashkil etiladigan ekspert komissiyalari va ishchi guruhlar, shartnoma asosida jalb etiladigan mahalliy va xorijiy mutaxassislarga toʻlovlarni amalga oshirish hamda Jamgʻarma xodimlarini moddiy ragʻbatlantirish va ijtimoiy qoʻllab-quvvatlash bilan bogʻliq xarajatlarni moliyalashtirishning asosiy manbalari hisoblanadi:

(a) Oʻzbekiston Respublikasi Davlat budjeti mablagʻlari;

(b) Jamgʻarmaning vaqtincha boʻsh mablagʻlarini tijorat banklariga joylashtirishdan olinadigan daromadlar;

(v) yuridik va jismoniy shaxslarning hamda xalqaro tashkilotlarning homiylik xayriyalari, metsenatlik koʻmagi, grantlari;

(g) qonunchilik hujjatlarida taqiqlanmagan boshqa manbalar.

6-bob. Jamgʻarma mablagʻlaridan foydalanish tartibi

23. Jamgʻarma raisi Jamgʻarma mablagʻlarining tasarrufchisi hisoblanadi.

24. Jamgʻarmani taʼminlash xarajatlari qoplangandan soʻng Jamgʻarma mablagʻlari Jamgʻarmaning daromad va xarajatlari smetasiga muvofiq mazkur Nizomning 6 va 7-bandlarida nazarda tutilgan vazifa va funksiyalarni bajarish uchun yoʻnaltiriladi.

25. Jamgʻarmaning daromad va xarajatlar smetasi budjetdan tashqari mablagʻlar boʻyicha budjet tashkilotlari uchun (choraklar, tushumlar manbalari va ularning sarflanish yoʻnalishlari boʻyicha) qonunchilikda belgilangan tartibda tuziladi va Jamgʻarma raisi tomonidan tasdiqlanadi.

26. Jamgʻarmaning boʻsh mablagʻlaridan grant asosida milliy madaniy davlat dasturlari va loyihalarini moliyalashtirish (birgalikda moliyalashtirish) uchun foydalanilishi mumkin.

27. Jamgʻarmaga, istisno tariqasida, tovarlarni (ishlarni, xizmatlarni) sotib olish uchun yetkazib beruvchilar bilan import bitimlari (shartnomalari) tuzilgan taqdirda, Jamgʻarmaning oʻz mablagʻlari hisobidan (Oʻzbekiston Respublikasining respublika budjetidan ajratiladigan mablagʻlar bundan mustasno) 15 foizdan ortiq avans toʻlashga, shuningdek, Jamgʻarmaning tegishli yil uchun moʻljallangan kalendar rejasida koʻrsatilgan muddatlardan qatʼi nazar loyihalar boʻyicha ushbu yil davomida shartnomalar (bitimlar) tuzishga ruxsat beriladi.

7-bob. Yakuniy qoidalar

28. Jamgʻarma har yili qonunchilikka muvofiq moliyaviy hisobotni tayyorlaydi. Jamgʻarmaning moliyaviy hisoboti moliyaviy yil yakunlangandan soʻng auditorlik tashkilotlari tomonidan majburiy tartibda tekshiriladi. Moliyaviy hisobot, auditorlik xulosasi har yili 1-maydan kech boʻlmagan muddatda Oʻzbekiston Respublikasi Prezidenti Administratsiyasi rahbariga taqdim etiladi.

29. Jamgʻarmani qayta tashkil etish va tugatish qonunchilikda belgilangan tartibda amalga oshiriladi.

30. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Oʻzbekiston Respublikasi Prezidentining 2021-yil 9-dekabrdagi PQ-36-son qaroriga 2-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2020-yil 26-maydagi “Madaniyat va sanʼat sohasining jamiyat hayotidagi oʻrni va taʼsirini yanada oshirish chora-tadbirlari toʻgʻrisida”gi PF-6000-son Farmonida :

a) 6-bandning uchinchi xatboshisidagi “Madaniyat vazirligi huzuridagi Madaniyat va sanʼatni rivojlantirish jamgʻarmasi mablagʻlari hisobidan” soʻzlari chiqarib tashlansin;

b) 8-bandning ikkinchi xatboshisi quyidagi tahrirda bayon etilsin:

“Bunda, xususiy teatrlarda sahnalashtirilgan hamda ijro etilgan asarlar uchun mualliflik haqi toʻlash har yili Oʻzbekiston Respublikasining Davlat budjetidan ajratiladigan mablagʻlar doirasida amalga oshirilishi belgilansin”.

2. Oʻzbekiston Respublikasi Prezidentining 2017-yil 16-oktabrdagi “Oʻzbekiston Respublikasi Madaniyat vazirligi huzurida Madaniyat va sanʼatni rivojlantirish jamgʻarmasini tashkil etish toʻgʻrisida”gi PQ-3325-son qarorida :

a) nomlanishida “Madaniyat vazirligi” soʻzlari “Vazirlar Mahkamasi” soʻzlari bilan almashtirilsin;

b) 1-banddagi “Madaniyat vazirligi” soʻzlari “Vazirlar Mahkamasi” soʻzlari bilan almashtirilsin;

v) 2 va 3-bandlar oʻz kuchini yoʻqotgan deb hisoblansin;

g) 4-band quyidagi mazmundagi xatboshilar bilan toʻldirilsin:

“Jamgʻarma Adliya vazirligi, Madaniyat vazirligi, Moliya vazirligi, manfaatdor vazirlik va idoralar bilan birgalikda 2022-yil 1-fevralga qadar quyidagilarni nazarda tutuvchi qonun loyihasini belgilangan tartibda Vazirlar Mahkamasiga kiritsin:

Jamgʻarmaga metsenatlik koʻmagi hisobidan toʻgʻridan-toʻgʻri shartnomalar tuzishga ruxsat berish;

Jamgʻarma tomonidan metsenatlik koʻmagi orqali amalga oshiriladigan loyihalarda chet ellik kontragentlarni soliqlar va toʻlovlardan ozod qilish”;

d) quyidagi mazmundagi 4 1 -band bilan toʻldirilsin:

“4 1 . Jamgʻarma Oʻzbekiston Respublikasi Moliya vazirligining Gʻaznachiligida milliy valyutadagi shaxsiy gʻazna hisobvaraqlariga hamda milliy va xorijiy valyutada bank hisobvaraqlariga ega boʻladi”;

e) 7-band quyidagi tahrirda bayon etilsin:

“7. Manfaatdor vazirlik va idoralar bir oy muddatda ular tomonidan qabul qilingan meʼyoriy-huquqiy hujjatlarni ushbu qarorga muvofiqlashtirsin”;

j) 1-ilova oʻz kuchini yoʻqotgan deb hisoblansin;

z) 2-ilovaning 2 va 3-bandlari oʻz kuchini yoʻqotgan deb hisoblansin.

3. Oʻzbekiston Respublikasi Prezidentining 2018-yil 26-avgustdagi “Oʻzbekiston Respublikasida madaniyat va sanʼat sohasini innovatsion rivojlantirish chora-tadbirlari toʻgʻrisida”gi PQ-3920-son qarorining 1-bandidagi “Madaniyat vazirligi huzuridagi Madaniyat va sanʼatni rivojlantirish jamgʻarmasi” soʻzlari “Vazirlar Mahkamasi huzuridagi Madaniyat va sanʼatni rivojlantirish jamgʻarmasi” soʻzlari bilan almashtirilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 9-dekabr,

PQ-36-son

(Qonunchilik maʼlumotlari milliy bazasi, 09.12.2021-y., 07/21/36/1143-son; 03.02.2026-y., 06/26/15/0102-son)

lex.uz

Президента Республики Узбекистан

Постановление

О дальнейшем совершенствовании системы поддержки развития культуры и искусства

В целях дальнейшего совершенствования деятельности Фонда развития культуры и искусства, укрепления связей с зарубежными государствами и организациями в сфере культуры и искусства, а также обеспечения рационального и эффективного использования средств, выделенных фонду:

1. Преобразовать Фонд развития культуры и искусства при Министерстве культуры в Фонд развития культуры и искусства при Кабинете Министров (далее — Фонд) с сохранением действующего порядка финансирования и штатной численности.

Включить Фонд в состав Секретариата по вопросам туризма, спорта, культуры и массовых коммуникаций Кабинета Министров.

2. Определить основными задачами Фонда:

содействие дальнейшему развитию сферы культуры и искусства на основе реализации комплекса финансовых, организационных и творческих мероприятий, а также осуществление всесторонней поддержки деятелей культуры и инициируемых ими мероприятий в области изобразительного искусства, литературы, театра, музыки и хореографии;

расширение международных и межгосударственных культурных связей, развитие сотрудничества с международными культурными организациями и благотворительными фондами в сфере культуры и искусства, привлечение иностранных инвестиций и грантов, содействие развитию благотворительности в сфере культуры и искусства в стране;

содействие в налаживании творческого межкультурного диалога и интеграции искусства Узбекистана в мировое художественное и культурное пространство, а также демонстрации аспектов культурного и научно-технического потенциала и конкурентоспособности страны;

совершенствование системы подготовки, переподготовки и повышения квалификации кадров в сфере культуры и искусства, а также обеспечение наряду с этим необходимой литературой и периодическими изданиями учреждений культуры и искусства;

содействие совершенствованию системы повышения эффективности деятельности музеев и других культурных учреждений страны с учетом зарубежного опыта;

финансирование и содействие строительству в соответствии с международными стандартами новых учреждений культуры;

укрепление материально-технической базы и осуществление капитального и текущего ремонта учреждений культуры и искусства;

обеспечение организации совместного финансирования проектов с международными институтами, правительствами, меценатами и донорами зарубежных стран;

изучение опыта развитых государств по финансированию сферы культуры и искусства с целью подготовки предложений по внедрению положительного международного опыта в республике;

разработку и осуществление комплекса мер по увеличению объемов оказания платных услуг населению;

обеспечение аккумулирования средств, поступающих от источников, определяемых законодательством;

обеспечение системного контроля за правильным, эффективным и целевым использованием выделяемых средств;

целевое выделение средств на меры по материальному стимулированию и социальной защите работников Фонда и его системы.

3. Определить источниками формирования средств Фонда:

средства республиканского бюджета, выделяемые на основании актов (включая протокольные решения) Кабинета Министров;

доходы, полученные от размещения временно свободных средств Фонда в финансовых организациях;

благотворительные пожертвования, меценатская поддержка, гранты юридических и физических лиц, а также международных организаций;

иные источники, не запрещенные актами законодательства.

4. Фонду в двухмесячный срок исходя из требований настоящего постановления внести в Кабинет Министров проект Правительственного решения, предусматривающий организацию деятельности Фонда, включая порядок формирования и использования его средств.

5. Разместить Фонд в здании по адресу: город Ташкент, улица Тараса Шевченко, дом 1 на основе права безвозмездного пользования.

6. Внести изменения и дополнения в некоторые акты Президента Республики Узбекистан согласно приложению .

7. Контроль за исполнением настоящего постановления возложить на заместителя Премьер-министра Республики Узбекистан А.А. Абдухакимова.

ПРИЛОЖЕНИЕ к постановлению Президента Республики Узбекистан от 9 декабря 2021 года № ПП-36

Изменения и дополнения, вносимые в некоторые акты Президента Республики Узбекистан

1. В Указе Президента Республики Узбекистан от 26 мая 2020 года № УП-6000 «О мерах по дальнейшему повышению роли и значения сферы культуры и искусства в жизни общества»:

а) из абзаца третьего пункта 6 слова «за счет средств Фонда развития культуры и искусства при Министерстве культуры» исключить;

б) абзац второй пункта 8 изложить в следующей редакции:

«При этом определить, что выплата авторских гонораров за постановку и исполнение в частных театрах производится в рамках средств, ежегодно выделяемых из Государственного бюджета Республики Узбекистан».

2. В постановлении Президента Республики Узбекистан от 16 октября 2017 года № ПП-3325 «О создании Фонда развития культуры и искусства при Министерстве культуры Республики Узбекистан»:

а) в наименовании слова «Министерстве культуры» заменить словами «Кабинете Министров»;

б) в пункте 1 слова «Министерстве культуры» заменить словами «Кабинете Министров»;

в) пункты 2 и 3 признать утратившими силу;

г) пункт 4 дополнить абзацами следующего содержания:

«Фонду совместно с Министерством юстиции, Министерством культуры, Министерством финансов, а также заинтересованными министерствами и ведомствами в срок до 1 февраля 2022 года внести в Кабинет Министров в установленном порядке проект закона, предусматривающий:

предоставление Фонду разрешения на заключение прямых договоров за счет меценатской поддержки;

освобождение иностранных контрагентов от налогов и платежей в проектах, реализуемых Фондом посредством меценатской поддержки»;

д) дополнить пунктом 4 1 следующего содержания:

«4 1 . Фонд имеет лицевой казначейский счет в национальной валюте в Казначействе Министерства финансов Республики Узбекистан, а также банковские счета в национальной и иностранной валюте»;

е) пункт 7 изложить в следующей редакции:

«7. Заинтересованным министерствам и ведомствам в месячный срок привести принятые ими нормативно-правовые акты в соответствие с настоящим постановлением»;

ж) приложение № 1 признать утратившим силу;

з) пункты 2 и 3 приложения № 2 признать утратившими силу.

3. В пункте 1 постановления Президента Республики Узбекистан от 26 августа 2018 года № ПП-3920 «О мерах по инновационному развитию сферы культуры и искусства в Республике Узбекистан» слова «Фонда развития культуры и искусства при Министерстве культуры» заменить словами «Фонда развития культуры и искусства при Кабинете Министров».

Президент Республики Узбекистан Ш. МИРЗИЁЕВ

г. Ташкент,

9 декабря 2021 г.,

№ ПП-36

(Национальная база данных законодательства, 09.12.2021 г., № 07/21/36/1143)

lex.uz