📅 2021-yil 9-dekabr · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 9 декабрь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 9 декабря 2021 г. · Законы и кодексы
Официальный текст. Официальный документ. Редакционные примечания не включены.
📅 9 December 2021 · Laws and codes
Official text. Official document. Editorial notes are not included.
Ўзбекистон Республикасининг Қонуни
Оғир ижтимоий аҳволда қолган хотин-қизлар ҳуқуқлари кафолатларини таъминлаш бўйича қўшимча чора-тадбирлар қабул қилинганлиги муносабати билан Ўзбекистон Республикасининг айрим қонун ҳужжатларига қўшимча ва ўзгартишлар киритиш тўғрисида
Қонунчилик палатаси томонидан 2021 йил 2 ноябрда қабул қилинган Сенат томонидан 2021 йил 19 ноябрда маъқулланган
1-модда. Ўзбекистон Республикасининг 1993 йил 2 сентябрда қабул қилинган «Фуқароларнинг ўзини ўзи бошқариш органлари тўғрисида»ги 915-ХII-сонли Қонунига (Ўзбекистон Республикасининг 2013 йил 22 апрелда қабул қилинган ЎРҚ-350-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2013 йил, № 4, 96-модда; 2016 йил, № 4, 125-модда, № 12, 383-модда; 2017 йил, № 9, 510-модда; 2018 йил, № 7, 431-модда, № 10, 674-модда, № 12, 781-модда; 2019 йил, № 9, 588, 591-моддалар; 2021 йил, 4-сонга илова) қуйидаги қўшимчалар ва ўзгартиш киритилсин:
1) 11-моддасининг биринчи қисми қуйидаги мазмундаги йигирма тўққизинчи хатбоши билан тўлдирилсин:
«фуқаролар йиғини ҳудудида хотин-қизлар ва болаларга нисбатан тазйиқ ўтказган ва зўравонлик содир этган ёхуд бундай тазйиқ ўтказиш ва зўравонлик содир этишга мойил бўлган шахсларни аниқлашда, шунингдек бундай шахслар билан олиб бориладиган профилактика ишларида иштирок этади»;
2) 14-моддасининг биринчи қисми :
қуйидаги мазмундаги ўн тўртинчи хатбоши билан тўлдирилсин:
«тазйиқ ва зўравонликка учраган ҳамда фуқаролар йиғинларига мурожаат қилган хотин-қизларни ҳимоя қилишга доир чора-тадбирларни белгилайди, шунингдек мазкур фактлар тўғрисида тегишли аёлларни реабилитация қилиш ва мослаштириш марказларини ҳамда ички ишлар органларини зудлик билан хабардор қилади»;
ўн тўртинчи — йигирманчи хатбошилари тегишинча ўн бешинчи — йигирма биринчи хатбошилар деб ҳисоблансин.
2-модда. Ўзбекистон Республикасининг 2019 йил 2 сентябрда қабул қилинган «Хотин-қизларни тазйиқ ва зўравонликдан ҳимоя қилиш тўғрисида»ги ЎРҚ-561-сонли Қонунига (Ўзбекистон Республикаси Олий Мажлиси палаталарининг Ахборотномаси, 2019 йил, № 9, 586-модда; 2021 йил, 4-сонга илова) қуйидаги қўшимча ва ўзгартишлар киритилсин:
1) 9-модда :
қуйидаги мазмундаги бешинчи хатбоши билан тўлдирилсин:
«иш қидираётган ва оғир ижтимоий аҳволда қолган, шу жумладан оилавий муаммоларга ва зўрлик ишлатилишига дуч келган хотин-қизлар бандлигини таъминлаш ва касбга йўналтиришга кўмаклашиш чораларини кўради»;
бешинчи хатбошиси олтинчи хатбоши деб ҳисоблансин;
2) 11-модданинг учинчи хатбошиси қуйидаги таҳрирда баён этилсин:
«тазйиқ ва зўравонликдан жабрланувчиларга ҳамда уларнинг болаларига, шу жумладан аёлларни реабилитация қилиш ва мослаштириш марказларига келтирилган тазйиқ ва зўравонликдан жабрланувчиларга ҳамда уларнинг болаларига бирламчи тиббий ёрдам кўрсатиш, уларни тиббий кўрикдан ўтказиш, шунингдек тазйиқ ва зўравонликдан жабрланувчиларни бепул даволаш чора-тадбирларини амалга оширади».
3-модда. Ўзбекистон Республикасининг 2020 йил 16 мартда қабул қилинган «Аҳолини рўйхатга олиш тўғрисида»ги ЎРҚ-611-сонли Қонуни (Ўзбекистон Республикаси Олий Мажлиси палаталарининг Ахборотномаси, 2020 йил, № 3, 202-модда; 2021 йил, 4-сонга илова) 24-моддаси иккинчи қисмининг олтинчи хатбошиси қуйидаги таҳрирда баён этилсин:
«аёлларни реабилитация қилиш ва мослаштириш марказларида».
4-модда. Ўзбекистон Республикаси Маҳалла ва оилани қўллаб-қувватлаш вазирлиги, Адлия вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
5-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
6-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2021 йил 9 декабрь,
ЎРҚ-736-сон
Oʻzbekiston Respublikasining Qonuni
Ogʻir ijtimoiy ahvolda qolgan xotin-qizlar huquqlari kafolatlarini taʼminlash boʻyicha qoʻshimcha chora-tadbirlar qabul qilinganligi munosabati bilan Oʻzbekiston Respublikasining ayrim qonun hujjatlariga qoʻshimcha va oʻzgartishlar kiritish toʻgʻrisida
Qonunchilik palatasi tomonidan 2021-yil 2-noyabrda qabul qilingan Senat tomonidan 2021-yil 19-noyabrda maʼqullangan
1-modda. Oʻzbekiston Respublikasining 1993-yil 2-sentabrda qabul qilingan “Fuqarolarning oʻzini oʻzi boshqarish organlari toʻgʻrisida”gi 915-XII-sonli Qonuniga (Oʻzbekiston Respublikasining 2013-yil 22-aprelda qabul qilingan OʻRQ-350-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2013-yil, № 4, 96-modda; 2016-yil, № 4, 125-modda, № 12, 383-modda; 2017-yil, № 9, 510-modda; 2018-yil, № 7, 431-modda, № 10, 674-modda, № 12, 781-modda; 2019-yil, № 9, 588, 591-moddalar; 2021-yil, 4-songa ilova) quyidagi qoʻshimchalar va oʻzgartish kiritilsin:
1) 11-moddasining birinchi qismi quyidagi mazmundagi yigirma toʻqqizinchi xatboshi bilan toʻldirilsin:
“fuqarolar yigʻini hududida xotin-qizlar va bolalarga nisbatan tazyiq oʻtkazgan va zoʻravonlik sodir etgan yoxud bunday tazyiq oʻtkazish va zoʻravonlik sodir etishga moyil boʻlgan shaxslarni aniqlashda, shuningdek bunday shaxslar bilan olib boriladigan profilaktika ishlarida ishtirok etadi”;
2) 14-moddasining birinchi qismi :
quyidagi mazmundagi oʻn toʻrtinchi xatboshi bilan toʻldirilsin:
“tazyiq va zoʻravonlikka uchragan hamda fuqarolar yigʻinlariga murojaat qilgan xotin-qizlarni himoya qilishga doir chora-tadbirlarni belgilaydi, shuningdek mazkur faktlar toʻgʻrisida tegishli ayollarni reabilitatsiya qilish va moslashtirish markazlarini hamda ichki ishlar organlarini zudlik bilan xabardor qiladi”;
oʻn toʻrtinchi — yigirmanchi xatboshilari tegishincha oʻn beshinchi — yigirma birinchi xatboshilar deb hisoblansin.
2-modda. Oʻzbekiston Respublikasining 2019-yil 2-sentabrda qabul qilingan “Xotin-qizlarni tazyiq va zoʻravonlikdan himoya qilish toʻgʻrisida”gi OʻRQ-561-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2019-yil, № 9, 586-modda; 2021-yil, 4-songa ilova) quyidagi qoʻshimcha va oʻzgartishlar kiritilsin:
1) 9-modda :
quyidagi mazmundagi beshinchi xatboshi bilan toʻldirilsin:
“ish qidirayotgan va ogʻir ijtimoiy ahvolda qolgan, shu jumladan oilaviy muammolarga va zoʻrlik ishlatilishiga duch kelgan xotin-qizlar bandligini taʼminlash va kasbga yoʻnaltirishga koʻmaklashish choralarini koʻradi”;
beshinchi xatboshisi oltinchi xatboshi deb hisoblansin;
2) 11-moddaning uchinchi xatboshisi quyidagi tahrirda bayon etilsin:
“tazyiq va zoʻravonlikdan jabrlanuvchilarga hamda ularning bolalariga, shu jumladan ayollarni reabilitatsiya qilish va moslashtirish markazlariga keltirilgan tazyiq va zoʻravonlikdan jabrlanuvchilarga hamda ularning bolalariga birlamchi tibbiy yordam koʻrsatish, ularni tibbiy koʻrikdan oʻtkazish, shuningdek tazyiq va zoʻravonlikdan jabrlanuvchilarni bepul davolash chora-tadbirlarini amalga oshiradi”.
3-modda. Oʻzbekiston Respublikasining 2020-yil 16-martda qabul qilingan “Aholini roʻyxatga olish toʻgʻrisida”gi OʻRQ-611-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2020-yil, № 3, 202-modda; 2021-yil, 4-songa ilova) 24-moddasi ikkinchi qismining oltinchi xatboshisi quyidagi tahrirda bayon etilsin:
“ayollarni reabilitatsiya qilish va moslashtirish markazlarida”.
4-modda. Oʻzbekiston Respublikasi Mahalla va oilani qoʻllab-quvvatlash vazirligi, Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
5-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
6-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2021-yil 9-dekabr,
OʻRQ-736-son
Закон Республики Узбекистан
О внесении дополнений и изменений в некоторые законодательные акты Республики Узбекистан в связи с принятием дополнительных мер по обеспечению гарантий прав женщин, оказавшихся в тяжелом социальном положении
Принят Законодательной палатой 2 ноября 2021 года Одобрен Сенатом 19 ноября 2021 года
Статья 1. Внести в Закон Республики Узбекистан от 2 сентября 1993 года № 915-XII «Об органах самоуправления граждан» (в редакции Закона Республики Узбекистан от 22 апреля 2013 года № ЗРУ-350) (Ведомости палат Олий Мажлиса Республики Узбекистан, 2013 г., № 4, ст. 96; 2016 г., № 4, ст. 125, № 12, ст. 383; 2017 г., № 9, ст. 510; 2018 г., № 7, ст. 431, № 10, ст. 674, № 12, ст. 781; 2019 г., № 9, ст.ст. 588, 591; 2021 г., приложение к № 4) следующие дополнения и изменение:
1) часть первую статьи 11 дополнить абзацем двадцать девятым следующего содержания:
«участвует в выявлении на территории схода граждан лиц, притеснявших и совершивших насилие в отношении женщин и детей либо склонных к совершению подобных притеснения и насилия, а также в профилактической работе, проводимой с такими лицами»;
2) в части первой статьи 14:
дополнить абзацем четырнадцатым следующего содержания:
«определяет меры по защите женщин, подвергшихся притеснению и насилию и обратившихся в сход граждан, а также незамедлительно уведомляет о данных фактах соответствующие центры реабилитации и адаптации женщин и органы внутренних дел»;
абзацы четырнадцатый — двадцатый считать соответственно абзацами пятнадцатым — двадцать первым.
Статья 2. Внести в Закон Республики Узбекистан от 2 сентября 2019 года № ЗРУ-561 «О защите женщин от притеснения и насилия» (Ведомости палат Олий Мажлиса Республики Узбекистан, 2019 г., № 9, ст. 586; 2021 г., приложение к № 4) следующие дополнение и изменения:
1) в статье 9 :
дополнить абзацем пятым следующего содержания:
«принимают меры по обеспечению занятости и оказанию содействия профессиональной ориентации женщин, ищущих работу и оказавшихся в тяжелом социальном положении, в том числе столкнувшихся с семейными проблемами и насилием»;
абзац пятый считать абзацем шестым;
2) абзац третий статьи 11 изложить в следующей редакции:
«осуществляют меры по оказанию первичной медицинской помощи, проведению медицинского осмотра жертв притеснения и насилия и их детей, в том числе доставленных в центры реабилитации и адаптации женщин, а также по бесплатному лечению жертв притеснения и насилия».
Статья 3. Абзац шестой части второй статьи 24 Закона Республики Узбекистан от 16 марта 2020 года № ЗРУ-611 «О переписи населения» (Ведомости палат Олий Мажлиса Республики Узбекистан, 2020 г., № 3, ст. 202; 2021 г., приложение к № 4) изложить в следующей редакции:
«центрах реабилитации и адаптации женщин».
Статья 4. Министерству по поддержке махалли и семьи, Министерству юстиции Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 5. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону.
Статья 6. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
9 декабря 2021 г.,
№ ЗРУ-736