📅 2021-yil 10-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 10 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 10 декабря 2021 г. · Постановления Президента
Официальный текст. Официальный документ. Редакционные примечания не включены.
📅 10 December 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Гидроэнергетикани янада ривожлантириш бўйича қўшимча чора-тадбирлар тўғрисида
Электр энергиясини ишлаб чиқаришда мамлакатимиздаги табиий ва сунъий сув оқимларининг мавжуд гидросалоҳиятидан ва қайта тикланувчи энергия манбаларидан фойдаланиш кўламини янада кенгайтириш, соҳага хусусий инвестицияларни жалб қилиш учун қулай шароитлар яратиш ҳамда шу асосда янги экологик тоза энергия ҳосил қилувчи қувватларни ривожлантириш мақсадида:
1. Республикамизда гидроэнергетикани янада ривожлантириш, мавжуд гидросалоҳиятдан унумли фойдаланишнинг қуйидаги асосий муҳим йўналишлари белгилансин:
электр энергетика соҳасида экологик тоза энергия манбаларидан кенг фойдаланиш ҳисобига изчил янги қувватлар ташкил этишни жадаллаштириш ҳамда амалдаги ишлаб чиқариш қувватларини босқичма-босқич модернизация қилиш орқали 2030 йилда республикадаги гидроэлектр станциялари қувватини 4 999 МВт га етказиш;
хусусий сектор ва аҳолини табиий сув оқимларидан фойдаланган ҳолда электр энергиясини ишлаб чиқариш учун кенг жалб этиш, уларни давлат томонидан қўллаб-қувватлаш ва рағбатлантириш, ягона электр энергетикаси тизимига кафолатли уланишини таъминлаш, ишлаб чиқилган электр энергиясини кафолатли харид қилиш тизимини яратиш.
3. Қуйидагилар:
«Ўзбекгидроэнерго» АЖ томонидан 2018 — 2020 йиллар учун молиявий ҳисоботлар молиявий ҳисоботнинг халқаро стандартлари (IFRS) асосида тайёрланганлиги ҳамда 2019-2020 йиллар ҳисоботлари бўйича «PwC» (Pricеwatеrhousе Coopеrs) халқаро консалтинг ташкилотининг ижобий хулосалари олинганлиги;
2020 йилда «Fitch Ratings» халқаро рейтинг агентлигининг «B+» (ижобий) халқаро кредит рейтинги қўлга киритилганлиги, 2021 йил октябрь ойида рейтинг «ВВ-» (барқарор) даражасига кўтарилганлиги;
«Ўзбекгидроэнерго» АЖни молиявий соғломлаштириш, операцион самарадорлигини ошириш, ўрта ва узоқ муддатли ривожланиш стратегияларини ишлаб чиқиш мақсадида «McKinsey&Company» халқаро консалтинг компанияси жалб қилинганлиги маълумот учун қабул қилинсин.
4. «Ўзбекгидроэнерго» АЖ Молия вазирлиги, Энергетика вазирлиги, Иқтисодий тараққиёт ва камбағалликни қисқартириш вазирлиги билан биргаликда икки ой муддатда «McKinsey&Company» халқаро консалтинг компаниясининг якуний хулосасига асосан «Ўзбекгидроэнерго» АЖ операцион самарадорлигини янада ошириш ва корпоратив бошқарувнинг замонавий услубларини жорий қилиш бўйича «Йўл харитаси»ни Вазирлар Маҳкамасига киритсин.
5. Энергетика вазирлиги халқаро тажрибадан келиб чиқиб уч ой муддатда қонунчиликка қуйидагиларни назарда тутувчи ўзгартириш ва қўшимчалар киритиш бўйича таклифларни Вазирлар Маҳкамасига киритсин:
ўрнатилган қуввати 0,5 МВт гача бўлган гидроэлектр станцияларини — микро, 5 МВт гача бўлган гидроэлектр станцияларини — кичик, 30 МВт гача бўлган гидроэлектр станцияларини — ўрта, 30 МВт дан юқори бўлган гидроэлектр станцияларини — йирик гидроэлектр станциялари таснифига киритиш ҳамда ушбу гидроэлектр станцияларини қайта тикланувчи энергия манбалари деб ҳисоблаш;
микро ва кичик гидроэлектр станцияларини (сув йиғиш иншоотларини қуришни кўзда тутмаган ҳолда) давлат-хусусий шериклик ҳамда бозор тамойили асосида ташаббус билдирган хусусий инвесторлар (ташаббускорлар) томонидан қуриш.
6. Белгилансинки:
б) жисмоний ва юридик шахслар томонидан ўз эҳтиёжлари учун ўрнатиладиган қуввати 1 МВтгача бўлган қуёш, шамол ва биогаз электр станцияларида ишлаб чиқарилган электр энергиясининг ўз эҳтиёжидан ортиқча қисми «Ҳудудий электр тармоқлари» АЖ ва келгусида давлат томонидан электр энергиясини кафолатланган тарзда харид қилиш функцияси (ваколати) берилган орган томонидан (кафолатланган тарзда II тариф гуруҳи истеъмолчилари учун белгиланган тарифнинг 80 фоизи миқдорида) истеъмолчи хоҳишига кўра, камида 10 йил муддат давомида харид қилинади.
в) хусусий инвесторлар (ташаббускорлар) қуввати 1 МВт гача бўлган қуёш, шамол, биогаз ва қуввати 5 МВт гача бўлган гидроэлектр станцияларида ишлаб чиқарилган электр энергиясини юридик ва жисмоний шахсларга ягона электр энергетика тизимига уланмаган ҳолда, локал тармоқ қуриш орқали шартнома асосида ўзаро келишилган нархларда тўғридан-тўғри етказиб бериш ҳуқуқига эга;
г) «Ўзбекгидроэнерго» АЖнинг гидроэлектр станцияларида ишлаб чиқарилган электр энергиясини сотишдан тушган маблағлар, жалб қилинган кредит маблағларини қайтариш ҳамда фаолият юритаётган гидроэлектр станцияларини сақлаб туриш харажатларини чегириб ташлаган ҳолда, қайта инвестициялаш йўли билан Дастурда инобатга олинган инвестиция лойиҳаларини амалга ошириш учун йўналтирилади.
7. Энергетика вазирлиги «Ўзбекгидроэнерго» АЖ, Молия вазирлиги Инвестициялар ва ташқи савдо вазирлиги, бошқа манфаатдор вазирлик ва идоралар билан биргаликда бир ой муддатда:
хусусий инвесторлар (тадбиркорлар) томонидан 200 та микро гидроэлектр станцияларини қуриш имкони мавжуд бўлган лойиҳалар ва майдонлар рўйхатини;
хусусий инвесторлар (тадбиркорлар) томонидан кичик гидроэлектр станцияларини қуриш ҳамда улардан фойдаланиш тартибини, шунингдек, хусусий инвесторларни рағбатлантириш механизмларини ишлаб чиқиб, тасдиқлаш учун Вазирлар Маҳкамасига киритсин.
8. Энергетика вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Қуйидагиларга:
инвестициялар ва ташқи савдо вазирининг ўринбосари — Ш.А. Вафаевга — мазкур қарорда белгиланган чора-тадбирларнинг ўз вақтида ва тўлиқ амалга оширилишини қатъий назоратга олиш, халқаро молия институтлари ва ташкилотлардан жалб қилинаётган маблағларнинг ўз вақтида ўзлаштирилишини таъминлаш, шунингдек, салоҳиятли инвесторларни излаш ҳамда Дастурда белгиланган инвестиция лойиҳаларини амалга ошириш учун тўғридан-тўғри инвестицияларни жалб қилиш;
иқтисодий тараққиёт ва камбағалликни қисқартириш вазирининг ўринбосари Б.К. Абдиназаровга — гидроэлектр станцияларини қуриш ва улардан фойдаланиш учун зарур ускуна ва эҳтиёт қисмларни маҳаллийлаштириш ва саноат кооперацияси орқали босқичма-босқич ишлаб чиқаришни йўлга қўйиш ҳамда мазкур қарорда инобатга олинган истиқболли лойиҳаларни молиялаштиришда Ўзбекистон Республикаси «яшил» иқтисодиётга ўтиш стратегияси доирасидаги «яшил» молиялаштириш маблағларини жалб қилиш;
«Ўзбекгидроэнерго» АЖ бошқаруви раиси А.А. Сангиновга — Дастурда инобатга олинган инвестиция лойиҳаларининг лойиҳаолди ҳужжатларини ўз вақтида ишлаб чиқиш ҳамда инвестиция лойиҳаларини белгиланган муддатларда фойдаланишга топширишни таъминлаш учун шахсий жавобгарлик юклансин.
10. Мазкур қарор ижросини самарали ташкил қилишга масъул ва шахсий жавобгар этиб энергетика вазири А.С. Султанов ва «Ўзбекгидроэнерго» АЖ бошқаруви раиси А.А. Сангинов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосарлари Ж.А. Қўчқоров ва С.У. Умурзаков зиммасига юклансин.
Амалга оширилаётган чора-тадбирлар натижадорлиги юзасидан ҳар чорак якунида Ўзбекистон Республикаси Президентига ахборот бериб борилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 10 декабрь,
ПҚ-44-сон
Oʻzbekiston Respublikasi Prezidentining
Qarori
Gidroenergetikani yanada rivojlantirish boʻyicha qoʻshimcha chora-tadbirlar toʻgʻrisida
Elektr energiyasini ishlab chiqarishda mamlakatimizdagi tabiiy va sunʼiy suv oqimlarining mavjud gidrosalohiyatidan va qayta tiklanuvchi energiya manbalaridan foydalanish koʻlamini yanada kengaytirish, sohaga xususiy investitsiyalarni jalb qilish uchun qulay sharoitlar yaratish hamda shu asosda yangi ekologik toza energiya hosil qiluvchi quvvatlarni rivojlantirish maqsadida:
1. Respublikamizda gidroenergetikani yanada rivojlantirish, mavjud gidrosalohiyatdan unumli foydalanishning quyidagi asosiy muhim yoʻnalishlari belgilansin:
elektr energetika sohasida ekologik toza energiya manbalaridan keng foydalanish hisobiga izchil yangi quvvatlar tashkil etishni jadallashtirish hamda amaldagi ishlab chiqarish quvvatlarini bosqichma-bosqich modernizatsiya qilish orqali 2030-yilda respublikadagi gidroelektr stansiyalari quvvatini 4 999 MVt ga yetkazish;
xususiy sektor va aholini tabiiy suv oqimlaridan foydalangan holda elektr energiyasini ishlab chiqarish uchun keng jalb etish, ularni davlat tomonidan qoʻllab-quvvatlash va ragʻbatlantirish, yagona elektr energetikasi tizimiga kafolatli ulanishini taʼminlash, ishlab chiqilgan elektr energiyasini kafolatli xarid qilish tizimini yaratish.
3. Quyidagilar:
“Oʻzbekgidroenergo” AJ tomonidan 2018 — 2020-yillar uchun moliyaviy hisobotlar moliyaviy hisobotning xalqaro standartlari (IFRS) asosida tayyorlanganligi hamda 2019-2020-yillar hisobotlari boʻyicha “PwC” (Pricewaterhouse Coopers) xalqaro konsalting tashkilotining ijobiy xulosalari olinganligi;
2020-yilda “Fitch Ratings” xalqaro reyting agentligining “B+” (ijobiy) xalqaro kredit reytingi qoʻlga kiritilganligi, 2021-yil oktabr oyida reyting “VV-” (barqaror) darajasiga koʻtarilganligi;
“Oʻzbekgidroenergo” AJni moliyaviy sogʻlomlashtirish, operatsion samaradorligini oshirish, oʻrta va uzoq muddatli rivojlanish strategiyalarini ishlab chiqish maqsadida “McKinsey&Company” xalqaro konsalting kompaniyasi jalb qilinganligi maʼlumot uchun qabul qilinsin.
4. “Oʻzbekgidroenergo” AJ Moliya vazirligi, Energetika vazirligi, Iqtisodiy taraqqiyot va kambagʻallikni qisqartirish vazirligi bilan birgalikda ikki oy muddatda “McKinsey&Company” xalqaro konsalting kompaniyasining yakuniy xulosasiga asosan “Oʻzbekgidroenergo” AJ operatsion samaradorligini yanada oshirish va korporativ boshqaruvning zamonaviy uslublarini joriy qilish boʻyicha “Yoʻl xaritasi”ni Vazirlar Mahkamasiga kiritsin.
5. Energetika vazirligi xalqaro tajribadan kelib chiqib uch oy muddatda qonunchilikka quyidagilarni nazarda tutuvchi oʻzgartirish va qoʻshimchalar kiritish boʻyicha takliflarni Vazirlar Mahkamasiga kiritsin:
oʻrnatilgan quvvati 0,5 MVt gacha boʻlgan gidroelektr stansiyalarini — mikro, 5 MVt gacha boʻlgan gidroelektr stansiyalarini — kichik, 30 MVt gacha boʻlgan gidroelektr stansiyalarini — oʻrta, 30 MVt dan yuqori boʻlgan gidroelektr stansiyalarini — yirik gidroelektr stansiyalari tasnifiga kiritish hamda ushbu gidroelektr stansiyalarini qayta tiklanuvchi energiya manbalari deb hisoblash;
mikro va kichik gidroelektr stansiyalarini (suv yigʻish inshootlarini qurishni koʻzda tutmagan holda) davlat-xususiy sheriklik hamda bozor tamoyili asosida tashabbus bildirgan xususiy investorlar (tashabbuskorlar) tomonidan qurish.
6. Belgilansinki:
b) jismoniy va yuridik shaxslar tomonidan oʻz ehtiyojlari uchun oʻrnatiladigan quvvati 1 MVtgacha boʻlgan quyosh, shamol va biogaz elektr stansiyalarida ishlab chiqarilgan elektr energiyasining oʻz ehtiyojidan ortiqcha qismi “Hududiy elektr tarmoqlari” AJ va kelgusida davlat tomonidan elektr energiyasini kafolatlangan tarzda xarid qilish funksiyasi (vakolati) berilgan organ tomonidan (kafolatlangan tarzda II tarif guruhi isteʼmolchilari uchun belgilangan tarifning 80 foizi miqdorida) isteʼmolchi xohishiga koʻra, kamida 10 yil muddat davomida xarid qilinadi.
v) xususiy investorlar (tashabbuskorlar) quvvati 1 MVt gacha boʻlgan quyosh, shamol, biogaz va quvvati 5 MVt gacha boʻlgan gidroelektr stansiyalarida ishlab chiqarilgan elektr energiyasini yuridik va jismoniy shaxslarga yagona elektr energetika tizimiga ulanmagan holda, lokal tarmoq qurish orqali shartnoma asosida oʻzaro kelishilgan narxlarda toʻgʻridan-toʻgʻri yetkazib berish huquqiga ega;
g) “Oʻzbekgidroenergo” AJning gidroelektr stansiyalarida ishlab chiqarilgan elektr energiyasini sotishdan tushgan mablagʻlar, jalb qilingan kredit mablagʻlarini qaytarish hamda faoliyat yuritayotgan gidroelektr stansiyalarini saqlab turish xarajatlarini chegirib tashlagan holda, qayta investitsiyalash yoʻli bilan Dasturda inobatga olingan investitsiya loyihalarini amalga oshirish uchun yoʻnaltiriladi.
7. Energetika vazirligi “Oʻzbekgidroenergo” AJ, Moliya vazirligi Investitsiyalar va tashqi savdo vazirligi, boshqa manfaatdor vazirlik va idoralar bilan birgalikda bir oy muddatda:
xususiy investorlar (tadbirkorlar) tomonidan 200 ta mikro gidroelektr stansiyalarini qurish imkoni mavjud boʻlgan loyihalar va maydonlar roʻyxatini;
xususiy investorlar (tadbirkorlar) tomonidan kichik gidroelektr stansiyalarini qurish hamda ulardan foydalanish tartibini, shuningdek, xususiy investorlarni ragʻbatlantirish mexanizmlarini ishlab chiqib, tasdiqlash uchun Vazirlar Mahkamasiga kiritsin.
8. Energetika vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Quyidagilarga:
investitsiyalar va tashqi savdo vazirining oʻrinbosari — Sh.A. Vafayevga — mazkur qarorda belgilangan chora-tadbirlarning oʻz vaqtida va toʻliq amalga oshirilishini qatʼiy nazoratga olish, xalqaro moliya institutlari va tashkilotlardan jalb qilinayotgan mablagʻlarning oʻz vaqtida oʻzlashtirilishini taʼminlash, shuningdek, salohiyatli investorlarni izlash hamda Dasturda belgilangan investitsiya loyihalarini amalga oshirish uchun toʻgʻridan-toʻgʻri investitsiyalarni jalb qilish;
iqtisodiy taraqqiyot va kambagʻallikni qisqartirish vazirining oʻrinbosari B.K. Abdinazarovga — gidroelektr stansiyalarini qurish va ulardan foydalanish uchun zarur uskuna va ehtiyot qismlarni mahalliylashtirish va sanoat kooperatsiyasi orqali bosqichma-bosqich ishlab chiqarishni yoʻlga qoʻyish hamda mazkur qarorda inobatga olingan istiqbolli loyihalarni moliyalashtirishda Oʻzbekiston Respublikasi “yashil” iqtisodiyotga oʻtish strategiyasi doirasidagi “yashil” moliyalashtirish mablagʻlarini jalb qilish;
“Oʻzbekgidroenergo” AJ boshqaruvi raisi A.A. Sanginovga — Dasturda inobatga olingan investitsiya loyihalarining loyihaoldi hujjatlarini oʻz vaqtida ishlab chiqish hamda investitsiya loyihalarini belgilangan muddatlarda foydalanishga topshirishni taʼminlash uchun shaxsiy javobgarlik yuklansin.
10. Mazkur qaror ijrosini samarali tashkil qilishga masʼul va shaxsiy javobgar etib energetika vaziri A.S. Sultanov va “Oʻzbekgidroenergo” AJ boshqaruvi raisi A.A. Sanginov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosarlari J.A. Qoʻchqorov va S.U. Umurzakov zimmasiga yuklansin.
Amalga oshirilayotgan chora-tadbirlar natijadorligi yuzasidan har chorak yakunida Oʻzbekiston Respublikasi Prezidentiga axborot berib borilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 10-dekabr,
PQ-44-son
Президента Республики Узбекистан
Постановление
О дополнительных мерах по дальнейшему развитию гидроэнергетики
В целях дальнейшего расширения охвата использования имеющегося гидроэнергетического потенциала естественных и искусственных водотоков и возобновляемых источников энергии страны в производстве электроэнергии, а также создания благоприятных условий для привлечения в сферу частных инвестиций и развития на данной основе мощностей по производству новой экологически чистой энергии:
1. Определить основными важными направлениями дальнейшего развития гидроэнергетики и рационального использования имеющегося гидроэнергетического потенциала республики:
доведение в 2030 году мощности гидроэлектростанций республики до 3 416 МВт путем последовательного ускорения создания новых мощностей и поэтапной модернизации действующих производственных мощностей за счет широкого использования экологически чистых источников энергии в электроэнергетической отрасли;
широкое привлечение частного сектора и населения к производству электрической энергии с использованием естественных водотоков, их государственную поддержку и стимулирование, обеспечение гарантированного подключения их к единой электроэнергетической системе, создание системы гарантированной закупки произведенной электрической энергии.
3. Принять к сведению, что:
финансовые отчеты АО «Узбекгидроэнерго» за 2018 — 2020 годы подготовлены на основе Международных стандартов финансовой отчетности (IFRS), по финансовым отчетам за 2019-2020 годы получены положительные заключения международной консалтинговой организации «PwC» (Pricеwatеrhousе Coopеrs);
международным рейтинговым агентством «Fitch Ratings» в 2020 году присвоен международный кредитный рейтинг «В+» («Положительный»), который в октябре 2021 года повышен до уровня «BB-» («Стабильный»);
в целях финансового оздоровления, повышения операционной эффективности, разработки среднесрочной и долгосрочной стратегий развития АО «Узбекгидроэнерго» привлечена международная консалтинговая компания «McKinsey&Сompany».
4. АО «Узбекгидроэнерго» совместно с Министерством финансов, Министерством энергетики и Министерством экономического развития и сокращения бедности в двухмесячный срок внести в Кабинет Министров «Дорожную карту» по дальнейшему повышению операционной эффективности и внедрению современных методов корпоративного управления в АО «Узбекгидроэнерго» на основе итогового заключения международной консалтинговой компании «McKinsey&Сompany».
5. Министерству энергетики исходя из зарубежного опыта в трехмесячный срок представить в Кабинет Министров предложения о внесении изменений и дополнений в законодательство, предусматривающих:
включение гидроэлектростанций установленной мощностью до 0,5 МВт в классификацию микрогидроэлектростанций, гидроэлектростанций установленной мощностью до 5 МВт — малых, гидроэлектростанций установленной мощностью до 30 МВт — средних, гидроэлектростанций установленной мощностью более 30 МВт — крупных и определение данных гидроэлектростанций возобновляемыми источниками энергии;
строительство микро- и малых гидроэлектростанций (не предусматривая строительства водосборных сооружений) частными инвесторами (инициаторами), проявившими инициативу, на основе государственно-частного партнерства и рыночных принципов.
6. Установить, что:
б) излишки электроэнергии, производимой физическими и юридическими лицами для собственных нужд на солнечных, ветровых и биогазовых электростанциях установленной мощностью до 1 МВт, закупаются АО «Региональные электрические сети» и в последующем органом, уполномоченным государством осуществлять функцию (полномочия) по гарантированной закупке электрической энергии (гарантированная закупка в размере 80 процентов тарифа, установленного для потребителей II тарифной группы) по желанию потребителя, в течение срока не менее 10 лет.
в) частные инвесторы (инициаторы) имеют право на прямую поставку юридическим и физическим лицам электрической энергии, произведенной на солнечных, ветровых и биогазовых электростанциях установленной мощностью до 1 МВт, а также гидроэлектростанциях установленной мощностью до 5 МВт без подключения к единой электроэнергетической системе, путем строительства локальной сети на договорной основе по согласованным ценам;
г) средства, поступившие от реализации электрической энергии, произведенной на гидроэлектростанциях АО «Узбекгидроэнерго», за вычетом привлеченных кредитных средств и расходов на содержание действующих гидроэлектростанций, путем реинвестирования направляются на реализацию инвестиционных проектов, предусмотренных Программой.
7. Министерству энергетики совместно с АО «Узбекгидроэнерго», Министерством финансов, Министерством инвестиций и внешней торговли, а также иными заинтересованными министерствами и ведомствами в месячный срок разработать и внести на утверждение в Кабинет Министров:
перечень проектов и площадей с возможностью строительства частными инвесторами (предпринимателями) 200 микрогидроэлектростанций;
порядок строительства частными инвесторами (предпринимателями) и эксплуатации малых гидроэлектростанций, а также механизмы поощрения частных инвесторов.
8. Министерству энергетики совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
9. Возложить персональную ответственность на:
заместителя министра инвестиций и внешней торговли Ш.А. Вафаева — за установление строгого контроля своевременной и полной реализации мер, определенных настоящим постановлением, обеспечение своевременного освоения привлекаемых средств международных финансовых институтов и организаций, поиск потенциальных инвесторов, а также привлечение прямых инвестиций на реализацию инвестиционных проектов, определенных Программой;
заместителя министра экономического развития и сокращения бедности Б.К. Абдиназарова — за локализацию и поэтапную организацию путем промышленной кооперации производства оборудования и комплектующих, необходимых для строительства и эксплуатации гидроэлектростанций, а также привлечение средств «зеленого» финансирования в рамках Стратегии по переходу Республики Узбекистан на «зеленую» экономику при финансировании перспективных проектов, предусмотренных настоящим постановлением;
председателя правления АО «Узбекгидроэнерго» А.А. Сангинова — за своевременную разработку предпроектной документации инвестиционных проектов, предусмотренных Программой, а также обеспечение ввода их в эксплуатацию в установленные сроки.
10. Возложить на министра энергетики А.С. Султанова и председателя правления АО «Узбекгидроэнерго» А.А. Сангинова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителей Премьер-министра Республики Узбекистан Д.А.Кучкарова и С.У. Умурзакова.
О результативности осуществляемых мер информировать Президента Республики Узбекистан по итогам каждого квартала.
Президент Республики Узбекистан Ш. МИРЗИЁЕВ
г. Ташкент,
10 декабря 2021 г.,
№ ПП-44