📅 2021-yil 17-noyabr · Markaziy bank hujjatlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 17 ноябрь · Марказий банк ҳужжатлари
Расмий матн. Расмий ҳужжат. Таҳририй изоҳлар киритилмаган.
📅 17 ноября 2021 г. · Документы Центрального банка
Официальный текст. Официальный документ. Редакционные примечания не включены.
📅 17 November 2021 · Central Bank documents
Official text. Official document. Editorial notes are not included.
Ўзбекистон Республикаси Марказий банки Бошқаруви Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг
Қарори
Нобанк кредит ташкилотларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига ўзгартиришлар ва қўшимча киритиш ҳақида
Ўзбекистон Республикасининг « Ўзбекистон Республикасининг Марказий банки тўғрисида »ги ва « Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисида »ги қонунларига мувофиқ Ўзбекистон Республикаси Марказий банки бошқаруви ва Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти қарор қилади:
1. Ўзбекистон Республикаси Марказий банки бошқаруви ва Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаментининг 2017 йил 9 августдаги 344-В ва 26-сон қарори (рўйхат рақами 2925, 2017 йил 4 сентябрь) (Ўзбекистон Республикаси қонун ҳужжатлари тўплами, 2017 й., 36-сон, 968-модда) билан тасдиқланган Нобанк кредит ташкилотларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига иловага мувофиқ ўзгартиришлар ва қўшимча киритилсин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Марказий банки бошқарувининг 2021 йил 17 ноябрдаги 344-B-6-сон ва Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг 2021 йил 11 ноябрдаги 42-сон қарорига ИЛОВА
Нобанк кредит ташкилотларида жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига киритилаётган ўзгартиришлар ва қўшимча
1. 2-банднинг иккинчи хатбошиси қуйидаги таҳрирда баён этилсин:
«нобанк кредит ташкилоти — Ўзбекистон Республикасининг резиденти бўлган ломбард фаолиятини бошлаганлик ёки тугатганлик тўғрисида хабарнома қабул қилинганлиги тўғрисида тасдиқномага эга бўлган ломбард ташкилоти ёки микрокредит ташкилотлари фаолияти учун лицензияга эга бўлган микрокредит ташкилоти;».
2. 21-банд «а» кичик бандининг тўққизинчи хатбошиси қуйидаги таҳрирда баён этилсин:
«учинчи шахслар мижознинг нобанк кредит ташкилоти олдидаги базавий ҳисоблаш миқдорининг 10 бараварига тенг ёки ундан ортиқ бўлган суммадаги мажбуриятларини нақд пул маблағлари билан бажариш учун мурожаат қилганида, шу жумладан бундай операция ўзаро боғлиқ бўлиб кўринадиган бир ёки бир нечта операцияни бажариш орқали амалга оширилаётган ҳолларда;».
3. 35-бандда :
1-кичик банд қуйидаги таҳрирда баён этилсин:
«1) учинчи шахслар томонидан мижознинг нобанк кредит ташкилоти олдидаги операция амалга оширилиш кунига белгиланган базавий ҳисоблаш миқдорининг 10 бараварига тенг ёки ундан ошадиган суммадаги мажбуриятларининг нақд пул маблағлари билан бажарилиши (мажбуриятларда шахсларнинг ўзгариши);»;
12-кичик банд ўз кучини йўқотган деб топилсин.
4. Қуйидаги мазмундаги 39 1 -банд билан тўлдирилсин:
«39 1 . Марказий банк нобанк кредит ташкилотлари билан ҳамкорликда ушбу нобанк кредит ташкилотларнинг фаолиятидаги жиноий фаолиятдан олинган даромадларни легаллаштириш, терроризмни молиялаштириш ва оммавий қирғин қуролини тарқатишни молиялаштириш юзасидан эҳтимол тутилган таваккалчиликларни ўрганишни, таҳлил қилишни ва аниқлашни йилига камида бир марта амалга оширади ва ўрганиш натижаларини таваккалчиликларни секторал баҳолаш тўғрисидаги ҳисобот кўринишида ҳужжатлар билан қайд этади ҳамда аниқланган таваккалчиликларни камайтиришга доир тегишли чоралар кўради.
Таваккалчиликларни секторал баҳолаш тўғрисидаги ҳисобот ва аниқланган таваккалчиликларни камайтиришга доир тегишли чоралар Марказий банкнинг Банк назорати қўмитаси томонидан тасдиқланади.».
5. 40-банднинг «ж» кичик банди қуйидаги таҳрирда баён этилсин:
«ж) мижозларнинг нобанк кредит ташкилоти олдидаги операция амалга оширилиш кунига белгиланган базавий ҳисоблаш миқдорининг 10 бараварига тенг ёки ундан ошадиган суммадаги мажбуриятларини нақд пул маблағлари билан бажармоқчи бўлган шахслар;».
6. 49-банднинг олтинчи хатбошиси қуйидаги таҳрирда баён этилсин:
«Шубҳали операция ҳақидаги хабар нобанк кредит ташкилоти томонидан у аниқланган кундан кейинги иш кунидан кечиктирмай Ўзбекистон Республикаси Вазирлар Маҳкамасининг 2021 йил 29 июндаги 402-сон қарори билан тасдиқланган Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш билан боғлиқ маълумотларни тақдим этиш тартиби тўғрисидаги низом талабларига мувофиқ махсус ваколатли давлат органига берилади.».
Марказий банк раиси М. НУРМУРАТОВ
Бош прокуратура ҳузуридаги Иқтисодий жиноятларга қарши курашиш департаменти бошлиғи Д. РАХИМОВ
Тошкент ш.,
2021 йил 17 ноябрь,
Тошкент ш.,
2021 йил 11 ноябрь,
344-В-6-сон
42-сон
Oʻzbekiston Respublikasi Markaziy banki Boshqaruvi Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining
Qarori
Nobank kredit tashkilotlarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga oʻzgartirishlar va qoʻshimcha kiritish haqida
Oʻzbekiston Respublikasining “ Oʻzbekiston Respublikasining Markaziy banki toʻgʻrisida ”gi va “ Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisida ”gi qonunlariga muvofiq Oʻzbekiston Respublikasi Markaziy banki boshqaruvi va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qaror qiladi:
1. Oʻzbekiston Respublikasi Markaziy banki boshqaruvi va Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining 2017-yil 9-avgustdagi 344-V va 26-son qarori (roʻyxat raqami 2925, 2017-yil 4-sentabr) (Oʻzbekiston Respublikasi qonun hujjatlari toʻplami, 2017-y., 36-son, 968-modda) bilan tasdiqlangan Nobank kredit tashkilotlarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga ilovaga muvofiq oʻzgartirishlar va qoʻshimcha kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Markaziy banki boshqaruvining 2021-yil 17-noyabrdagi 344-B-6-son va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining 2021-yil 11-noyabrdagi 42-son qaroriga ILOVA
Nobank kredit tashkilotlarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga kiritilayotgan oʻzgartirishlar va qoʻshimcha
1. 2-bandning ikkinchi xatboshisi quyidagi tahrirda bayon etilsin:
“nobank kredit tashkiloti — Oʻzbekiston Respublikasining rezidenti boʻlgan lombard faoliyatini boshlaganlik yoki tugatganlik toʻgʻrisida xabarnoma qabul qilinganligi toʻgʻrisida tasdiqnomaga ega boʻlgan lombard tashkiloti yoki mikrokredit tashkilotlari faoliyati uchun litsenziyaga ega boʻlgan mikrokredit tashkiloti;”.
2. 21-band “a” kichik bandining toʻqqizinchi xatboshisi quyidagi tahrirda bayon etilsin:
“uchinchi shaxslar mijozning nobank kredit tashkiloti oldidagi bazaviy hisoblash miqdorining 10 baravariga teng yoki undan ortiq boʻlgan summadagi majburiyatlarini naqd pul mablagʻlari bilan bajarish uchun murojaat qilganida, shu jumladan bunday operatsiya oʻzaro bogʻliq boʻlib koʻrinadigan bir yoki bir nechta operatsiyani bajarish orqali amalga oshirilayotgan hollarda;”.
3. 35-bandda :
1-kichik band quyidagi tahrirda bayon etilsin:
“1) uchinchi shaxslar tomonidan mijozning nobank kredit tashkiloti oldidagi operatsiya amalga oshirilish kuniga belgilangan bazaviy hisoblash miqdorining 10 baravariga teng yoki undan oshadigan summadagi majburiyatlarining naqd pul mablagʻlari bilan bajarilishi (majburiyatlarda shaxslarning oʻzgarishi);”;
12-kichik band oʻz kuchini yoʻqotgan deb topilsin.
4. Quyidagi mazmundagi 39 1 -band bilan toʻldirilsin:
“39 1 . Markaziy bank nobank kredit tashkilotlari bilan hamkorlikda ushbu nobank kredit tashkilotlarning faoliyatidagi jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirish yuzasidan ehtimol tutilgan tavakkalchiliklarni oʻrganishni, tahlil qilishni va aniqlashni yiliga kamida bir marta amalga oshiradi va oʻrganish natijalarini tavakkalchiliklarni sektoral baholash toʻgʻrisidagi hisobot koʻrinishida hujjatlar bilan qayd etadi hamda aniqlangan tavakkalchiliklarni kamaytirishga doir tegishli choralar koʻradi.
Tavakkalchiliklarni sektoral baholash toʻgʻrisidagi hisobot va aniqlangan tavakkalchiliklarni kamaytirishga doir tegishli choralar Markaziy bankning Bank nazorati qoʻmitasi tomonidan tasdiqlanadi.”.
5. 40-bandning “j” kichik bandi quyidagi tahrirda bayon etilsin:
“j) mijozlarning nobank kredit tashkiloti oldidagi operatsiya amalga oshirilish kuniga belgilangan bazaviy hisoblash miqdorining 10 baravariga teng yoki undan oshadigan summadagi majburiyatlarini naqd pul mablagʻlari bilan bajarmoqchi boʻlgan shaxslar;”.
6. 49-bandning oltinchi xatboshisi quyidagi tahrirda bayon etilsin:
“Shubhali operatsiya haqidagi xabar nobank kredit tashkiloti tomonidan u aniqlangan kundan keyingi ish kunidan kechiktirmay Oʻzbekiston Respublikasi Vazirlar Mahkamasining 2021-yil 29-iyundagi 402-son qarori bilan tasdiqlangan Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish bilan bogʻliq maʼlumotlarni taqdim etish tartibi toʻgʻrisidagi nizom talablariga muvofiq maxsus vakolatli davlat organiga beriladi.”.
Markaziy bank raisi M. NURMURATOV
Bosh prokuratura huzuridagi Iqtisodiy jinoyatlarga qarshi kurashish departamenti boshligʻi D. RAXIMOV
Toshkent sh.,
2021-yil 17-noyabr,
Toshkent sh.,
2021-yil 11-noyabr,
344-V-6-son
42-son
Правления Центрального банка Республики Узбекистан Департамента по борьбе с экономическими преступлениями при Генеральной прокуратуре Республики Узбекистан
Постановление
О внесении изменений и дополнения в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения в небанковских кредитных организациях
В соответствии с законами Республики Узбекистан « О Центральном банке Республики Узбекистан » и « О противодействии легализации доходов, полученных от преступной деятельности, финансированию терроризма и финансированию распространения оружия массового уничтожения » правление Центрального банка Республики Узбекистан и Департамент по борьбе с экономическими преступлениями при Генеральной прокуратуре Республики Узбекистан постановляют:
1. Внести изменения и дополнение в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения в небанковских кредитных организациях, утвержденные постановлением правления Центрального банка Республики Узбекистан и Департамента по борьбе с налоговыми, валютными преступлениями и легализацией преступных доходов при Генеральной прокуратуре Республики Узбекистан от 9 августа 2017 года №№ 344-В и 26 (рег. № 2925 от 4 сентября 2017 года) (Собрание законодательства Республики Узбекистан, 2017 г., № 36, ст. 968), согласно приложению .
2. Настоящее постановление вступает в силу со дня его официального опубликования.
ПРИЛОЖЕНИЕ к постановлению правления Центрального банка Республики Узбекистан от 17 ноября 2021 года № 344-В-6 и Департамента по борьбе с экономическими преступлениями при Генеральной прокуратуре Республики Узбекистан от 11 ноября 2021 года № 42
Изменения и дополнение, вносимые в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения в небанковских кредитных организациях
1. Абзац второй пункта 2 изложить в следующей редакции:
«небанковская кредитная организация — ломбард, имеющий подтверждение о принятии уведомления о начале или прекращении деятельности ломбарда или микрокредитная организация, имеющая лицензию для деятельности микрокредитной организации, являющаяся резидентом Республики Узбекистан;».
2. Абзац девятый подпункта «а» пункта 21 изложить в следующей редакции:
«при обращении третьих лиц для исполнения обязательств клиента перед небанковской кредитной организацией наличными денежными средствами на сумму, равную или превышающую 10-кратный размер базовой расчетной величины, в том числе в случаях, когда такая операция осуществляется путем совершения одной или нескольких операций, кажущихся связанными между собой;».
3. В пункте 35 :
подпункт 1 изложить в следующей редакции:
«1) исполнение обязательств клиента наличными денежными средствами на сумму, равную или превышающую 10-кратный размер базовой расчетной величины на день осуществления операции, перед небанковской кредитной организацией третьими лицами (перемена лиц в обязательстве);»;
подпункт 12 признать утратившим силу.
4. Дополнить пунктом 39 1 следующего содержания:
«39 1 . Центральный банк, совместно с небанковскими кредитными организациями, не менее одного раза в год проводит изучение, анализ и выявление возможных рисков легализации доходов, полученных от преступной деятельности, финансирования терроризма и финансирования распространения оружия массового уничтожения в деятельности небанковских кредитных организаций и документально фиксирует результаты изучения в виде отчета о секторальной оценке рисков, а также принимает соответствующие меры по снижению выявленных рисков.
Отчет о секторальной оценке рисков и соответствующие меры по снижению выявленных рисков утверждаются Комитетом банковского надзора Центрального банка.».
5. Подпункт «ж» пункта 40 изложить в следующей редакции:
«ж) лица, которые намереваются исполнить обязательства клиентов перед небанковской кредитной организацией наличными денежными средствами на сумму, равную или превышающую 10-кратный размер базовой расчетной величины, установленный на день осуществления операции;».
6. Абзац шестой пункта 49 изложить в следующей редакции:
«Сообщение о подозрительной операции передается небанковской кредитной организацией в специально уполномоченный государственный орган не позднее одного рабочего дня, с момента выявления подозрительной операции, в соответствии с требованиями Положения о порядке предоставления информации, связанной с противодействием легализации доходов, полученных от преступной деятельности, финансированию терроризма и финансированию распространения оружия массового уничтожения, утвержденного постановлением Кабинета Министров Республики Узбекистан от 29 июня 2021 года № 402.».
Председатель Центрального банка М. НУРМУРАТОВ
Начальник Департамента по борьбе с экономическими преступлениями при Генеральной прокуратуре Д. РАХИМОВ
г. Ташкент,
17 ноября 2021 г.,
г. Ташкент,
11 ноября 2021 г.,
№ 344-В-6
№ 42