📅 2021-yil 21-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 21 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 21 декабря 2021 г. · Указы Президента
Официальный текст. Официальный документ. Редакционные примечания не включены.
📅 21 December 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
«Термиз» эркин иқтисодий зонаси ҳудудини кенгайтириш чора-тадбирлари тўғрисида
Сурхондарё вилоятининг Бойсун туманида фармацевтика соҳасига қўшимча равишда бошқа саноат йўналишларида тўғридан-тўғри инвестициялар ҳисобига лойиҳаларни амалга ошириш ва янги иш ўринлари яратиш, «Термиз» эркин иқтисодий зонаси фаолиятини янада кенгайтириш мақсадида:
1. Сурхондарё вилояти ҳокимлиги, Инвестициялар ва ташқи савдо вазирлиги ҳамда Фармацевтика тармоғини ривожлантириш агентлигининг «Бойсун-фарм» эркин иқтисодий зонаси ҳудудини (кейинги ўринларда — «Бойсун-фарм» ЭИЗ) «Термиз» эркин иқтисодий зонаси (кейинги ўринларда — «Термиз» ЭИЗ) ҳудуди таркибига қўшиш ҳамда «Бойсун-фарм» эркин иқтисодий зонаси дирекцияси» давлат унитар корхонасини тугатиш тўғрисидаги таклифлари маъқуллансин.
2. Белгилансинки:
«Бойсун-фарм» ЭИЗ иштирокчилари «Бойсун-фарм» ЭИЗ белгиланган тартибда тугатилган кундан бошлаб «Термиз» ЭИЗ иштирокчиси ҳисобланади. Бунда, улардан «Термиз» ЭИЗ иштирокчилари реестрига киритилганлик учун тўлов ундирилмайди;
ушбу банднинг иккинчи хатбошисига мувофиқ «Термиз» ЭИЗ иштирокчисига айланган тадбиркорлик субъектларига қонунчиликда белгиланган барча имтиёзлар ва кафолатлар тўлиқ қўлланилади;
«Термиз» эркин иқтисодий зонаси дирекцияси» давлат унитар корхонаси «Бойсун-фарм» эркин иқтисодий зонаси дирекцияси» давлат унитар корхонасининг ҳуқуқлари, мажбуриятлари ва шартномалари бўйича ҳуқуқий вориси ҳисобланади;
«Бойсун-фарм» эркин иқтисодий зонаси дирекцияси» давлат унитар корхонасининг устав капиталидаги маблағлар Вазирлар Маҳкамаси захира жамғармасига қайтарилади;
«Термиз» ЭИЗнинг ҳудудида, шу жумладан қўшиб берилган ҳудудларда инвестиция лойиҳаларини амалга ошириш учун ер участкаларини ажратиш Ўзбекистон Республикаси Президентининг 2018 йил 21 декабрдаги «Эркин иқтисодий зоналар фаолиятини мувофиқлаштириш ва бошқариш тизимини янада такомиллаштириш чора-тадбирлари тўғрисида»ги ПФ-5600-сон Фармонига мувофиқ электрон онлайн-аукцион орқали амалга оширилади;
Сурхондарё вилояти махсус иқтисодий зоналар ва кичик саноат зоналари маъмурий кенгашига заруратга кўра «Термиз» эркин иқтисодий зонаси дирекцияси» давлат унитар корхонаси тузилмасига унинг маблағлари ҳисобидан қўшимча штат бирликлари қўшиш ҳуқуқи берилади.
3. Сурхондарё вилояти махсус иқтисодий зоналар ва кичик саноат зоналари маъмурий кенгаши Инвестициялар ва ташқи савдо вазирлиги билан биргаликда бир ой муддатда «Бойсун-фарм» ЭИЗ иштирокчиси мақомини олган тадбиркорлик субъектларини «Термиз» ЭИЗ иштирокчиси мақомига қайта расмийлаштириш ишларини якунласин.
4. Вазирлар Маҳкамаси бир ой муддатда «Бойсун-фарм» ЭИЗ ва «Бойсун-фарм» эркин иқтисодий зонаси дирекцияси» давлат унитар корхонасини тугатиш комиссиясининг таркиби ва ваколатларини, шунингдек, тугатиш тартибини белгиловчи қарор лойиҳасини қабул қилсин.
5. Ўзбекистон Республикаси Президентининг 2017 йил 3 майдаги «Зомин-фарм», «Косонсой-фарм», «Сирдарё-фарм», «Бойсун-фарм», «Бўстонлиқ-фарм» ва «Паркент-фарм» эркин иқтисодий зоналарини ташкил этиш тўғрисида»ги ПФ-5032-сон Фармонига иловага мувофиқ ўзгартиришлар киритилсин.
6. Инвестициялар ва ташқи савдо вазирлиги манфаатдор вазирлик ва идоралар билан биргаликда икки ой муддатда мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
7. Мазкур Фармоннинг ижросини самарали ташкил қилишга масъул ва шахсий жавобгар этиб инвестициялар ва ташқи савдо вазирининг биринчи ўринбосари А.Б. Воитов ва Сурхондарё вилояти ҳокими Т.А. Боболов белгилансин.
Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари С.У. Умурзаков зиммасига юклансин.
Амалга оширилган чора-тадбирларнинг натижадорлиги тўғрисида 2022 йил 1 апрелга қадар Ўзбекистон Республикаси Президентига ахборот киритилсин.
Ўзбекистон Республикаси Президентининг 2021 йил 21 декабрдаги ПФ-37-сон Фармонига ИЛОВА
Ўзбекистон Республикаси Президентининг 2017 йил 3 майдаги «Зомин-фарм», «Косонсой-фарм», «Сирдарё-фарм», «Бойсун-фарм», «Бўстонлиқ-фарм» ва «Паркент-фарм» эркин иқтисодий зоналарини ташкил этиш тўғрисида»ги ПФ-5032-сон Фармонига киритилаётган ўзгартиришлар
1. Номланишидан «Бойсун-фарм» сўзлари чиқариб ташлансин.
2. Муқаддимадан , 1 , 2 , 8 , 11 , 13 , 16 ва 17-бандлардан «Сурхондарё» сўзлари чиқариб ташлансин.
3. 1 , 2 , 3 , 4 , 8 , 9 , 10 , 11 , 13 , 14 , 15 , 16 , 17 , 18 , 19 ва 20-бандлардан «Бойсун-фарм» ва «Бойсун-фарм» ЭИЗ» сўзлари чиқариб ташлансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 21 декабрь,
ПФ-37-сон
Oʻzbekiston Respublikasi Prezidentining
Farmoni
“Termiz” erkin iqtisodiy zonasi hududini kengaytirish chora-tadbirlari toʻgʻrisida
Surxondaryo viloyatining Boysun tumanida farmatsevtika sohasiga qoʻshimcha ravishda boshqa sanoat yoʻnalishlarida toʻgʻridan-toʻgʻri investitsiyalar hisobiga loyihalarni amalga oshirish va yangi ish oʻrinlari yaratish, “Termiz” erkin iqtisodiy zonasi faoliyatini yanada kengaytirish maqsadida:
1. Surxondaryo viloyati hokimligi, Investitsiyalar va tashqi savdo vazirligi hamda Farmatsevtika tarmogʻini rivojlantirish agentligining “Boysun-farm” erkin iqtisodiy zonasi hududini (keyingi oʻrinlarda — “Boysun-farm” EIZ) “Termiz” erkin iqtisodiy zonasi (keyingi oʻrinlarda — “Termiz” EIZ) hududi tarkibiga qoʻshish hamda “Boysun-farm” erkin iqtisodiy zonasi direksiyasi” davlat unitar korxonasini tugatish toʻgʻrisidagi takliflari maʼqullansin.
2. Belgilansinki:
“Boysun-farm” EIZ ishtirokchilari “Boysun-farm” EIZ belgilangan tartibda tugatilgan kundan boshlab “Termiz” EIZ ishtirokchisi hisoblanadi. Bunda, ulardan “Termiz” EIZ ishtirokchilari reyestriga kiritilganlik uchun toʻlov undirilmaydi;
ushbu bandning ikkinchi xatboshisiga muvofiq “Termiz” EIZ ishtirokchisiga aylangan tadbirkorlik subyektlariga qonunchilikda belgilangan barcha imtiyozlar va kafolatlar toʻliq qoʻllaniladi;
“Termiz” erkin iqtisodiy zonasi direksiyasi” davlat unitar korxonasi “Boysun-farm” erkin iqtisodiy zonasi direksiyasi” davlat unitar korxonasining huquqlari, majburiyatlari va shartnomalari boʻyicha huquqiy vorisi hisoblanadi;
“Boysun-farm” erkin iqtisodiy zonasi direksiyasi” davlat unitar korxonasining ustav kapitalidagi mablagʻlar Vazirlar Mahkamasi zaxira jamgʻarmasiga qaytariladi;
“Termiz” EIZning hududida, shu jumladan qoʻshib berilgan hududlarda investitsiya loyihalarini amalga oshirish uchun yer uchastkalarini ajratish Oʻzbekiston Respublikasi Prezidentining 2018-yil 21-dekabrdagi “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari toʻgʻrisida”gi PF-5600-son Farmoniga muvofiq elektron onlayn-auksion orqali amalga oshiriladi;
Surxondaryo viloyati maxsus iqtisodiy zonalar va kichik sanoat zonalari maʼmuriy kengashiga zaruratga koʻra “Termiz” erkin iqtisodiy zonasi direksiyasi” davlat unitar korxonasi tuzilmasiga uning mablagʻlari hisobidan qoʻshimcha shtat birliklari qoʻshish huquqi beriladi.
3. Surxondaryo viloyati maxsus iqtisodiy zonalar va kichik sanoat zonalari maʼmuriy kengashi Investitsiyalar va tashqi savdo vazirligi bilan birgalikda bir oy muddatda “Boysun-farm” EIZ ishtirokchisi maqomini olgan tadbirkorlik subyektlarini “Termiz” EIZ ishtirokchisi maqomiga qayta rasmiylashtirish ishlarini yakunlasin.
4. Vazirlar Mahkamasi bir oy muddatda “Boysun-farm” EIZ va “Boysun-farm” erkin iqtisodiy zonasi direksiyasi” davlat unitar korxonasini tugatish komissiyasining tarkibi va vakolatlarini, shuningdek, tugatish tartibini belgilovchi qaror loyihasini qabul qilsin.
5. Oʻzbekiston Respublikasi Prezidentining 2017-yil 3-maydagi “Zomin-farm”, “Kosonsoy-farm”, “Sirdaryo-farm”, “Boysun-farm”, “Boʻstonliq-farm” va “Parkent-farm” erkin iqtisodiy zonalarini tashkil etish toʻgʻrisida”gi PF-5032-son Farmoniga ilovaga muvofiq oʻzgartirishlar kiritilsin.
6. Investitsiyalar va tashqi savdo vazirligi manfaatdor vazirlik va idoralar bilan birgalikda ikki oy muddatda mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur Farmonning ijrosini samarali tashkil qilishga masʼul va shaxsiy javobgar etib investitsiyalar va tashqi savdo vazirining birinchi oʻrinbosari A.B. Voitov va Surxondaryo viloyati hokimi T.A. Bobolov belgilansin.
Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari S.U. Umurzakov zimmasiga yuklansin.
Amalga oshirilgan chora-tadbirlarning natijadorligi toʻgʻrisida 2022-yil 1-aprelga qadar Oʻzbekiston Respublikasi Prezidentiga axborot kiritilsin.
Oʻzbekiston Respublikasi Prezidentining 2021-yil 21-dekabrdagi PF-37-son Farmoniga ILOVA
Oʻzbekiston Respublikasi Prezidentining 2017-yil 3-maydagi “Zomin-farm”, “Kosonsoy-farm”, “Sirdaryo-farm”, “Boysun-farm”, “Boʻstonliq-farm” va “Parkent-farm” erkin iqtisodiy zonalarini tashkil etish toʻgʻrisida”gi PF-5032-son Farmoniga kiritilayotgan oʻzgartirishlar
1. Nomlanishidan “Boysun-farm” soʻzlari chiqarib tashlansin.
2. Muqaddimadan , 1 , 2 , 8 , 11 , 13 , 16 va 17-bandlardan “Surxondaryo” soʻzlari chiqarib tashlansin.
3. 1 , 2 , 3 , 4 , 8 , 9 , 10 , 11 , 13 , 14 , 15 , 16 , 17 , 18 , 19 va 20-bandlardan “Boysun-farm” va “Boysun-farm” EIZ” soʻzlari chiqarib tashlansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 21-dekabr,
PF-37-son
Президента Республики Узбекистан
Указ
О мерах по расширению территории свободной экономической зоны «Термез»
В целях реализации проектов за счет прямых инвестиций в другие направления промышленности дополнительно к фармацевтической отрасли, создания новых рабочих мест и дальнейшего расширения деятельности свободной экономической зоны «Термез» в Байсунском районе Сурхандарьинской области:
1. Одобрить предложения хокимията Сурхандарьинской области, Министерства инвестиций и внешней торговли, а также Агентства по развитию фармацевтической отрасли о включении территории свободной экономической зоны «Бойсун-фарм» (далее — СЭЗ «Бойсун-фарм») в состав территории свободной экономической зоны «Термез» (далее — СЭЗ «Термез») и ликвидации Государственного унитарного предприятия «Дирекция свободной экономической зоны «Бойсун-фарм».
2. Установить, что:
участники СЭЗ «Байсун-фарм» являются участниками СЭЗ «Термез» со дня ликвидации СЭЗ «Байсун-фарм» в установленном порядке. При этом плата за включение в реестр участников СЭЗ «Термез» с них не взимается;
на субъекты предпринимательства, ставшие участниками СЭЗ «Термез» в соответствии с абзацем вторым настоящего пункта, полностью распространяются все льготы и гарантии, установленные законодательством;
Государственное унитарное предприятие «Дирекция свободной экономической зоны «Термез»» является правопреемником по правам, обязательствам и договорам Государственного унитарного предприятия «Дирекция свободной экономической зоны «Байсун-фарм»»;
средства в уставном капитале Государственного унитарного предприятия «Дирекция свободной экономической зоны «Бойсун-фарм»» возвращаются в резервный фонд Кабинета Министров;
выделение земельных участков под реализацию инвестиционных проектов на территории СЭЗ «Термез», включая присоединенные территории, осуществляется в соответствии с Указом Президента Республики Узбекистан от 21 декабря 2018 года № УП-5600 «О мерах по дальнейшему совершенствованию системы координации и управления деятельностью свободных экономических зон» посредством электронного онлайн-аукциона;
Административному совету специальных экономических зон и малых промышленных зон Сурхандарьинской области предоставляется право добавления при необходимости дополнительных штатных единиц в структуру Государственного унитарного предприятия «Дирекция свободной экономической зоны «Термез» за счет собственных средств.
3. Административному совету специальных экономических зон и малых промышленных зон Сурхандарьинской области совместно с Министерством инвестиций и внешней торговли в месячный срок завершить работу по переоформлению субъектов предпринимательства, получивших статус участника СЭЗ «Бойсун-фарм», в статус участника СЭЗ «Термез».
4. Кабинету Министров в месячный срок принять проект постановления, определяющий состав и полномочия ликвидационной комиссии СЭЗ «Бойсун-фарм» и Государственного унитарного предприятия «Дирекция свободной экономической зоны «Бойсун-фарм»», а также порядок ликвидации.
5. Внести изменения в Указ Президента Республики Узбекистан от 3 мая 2017 года № УП-5032 «О создании свободных экономических зон «Зомин-фарм», «Косонсой-фарм», «Сирдарё-фарм», «Бойсун-фарм», «Бустонлик-фарм» и «Паркент-фарм» согласно приложению .
6. Министерству инвестиций и внешней торговли совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях, вытекающих из настоящего Указа.
7. Возложить на первого заместителя министра инвестиций и внешней торвголи А.Б. Воитова и хокима Сурхандарьинской области Т.А. Боболова персональную ответственность за эффективную организацию исполнения настоящего Указа.
Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан С.У. Умурзакова.
О результативности осуществляемых мер информировать Президента Республики Узбекистан в срок до 1 апреля 2022 года.
ПРИЛОЖЕНИЕ к Указу Президента Республики Узбекистан от 21 декабря 2021 года № УП-37
Изменения, вносимые в Указ Президента Республики Узбекистан от 3 мая 2017 года № УП-5032 «О создании свободных экономических зон «Зомин-фарм», «Косонсой-фарм», «Сирдарё-фарм», «Бойсун-фарм», «Бустонлик-фарм» и «Паркент-фарм»
1. Из названия слова «Бойсун-фарм» исключить.
2. Из преамбулы , пунктов 1 , 2 , 8 , 11 , 13 , 16 и 17 слово «, Сурхандарьинской» исключить.
3. Из пунктов 1 , 2 , 3 , 4 , 8 , 9 , 10 , 11 , 13 , 14 , 15 , 16 , 17 , 18 , 19 и 20 слова «Бойсун-фарм» и «СЭЗ «Бойсун-фарм» исключить.
Президент Республики Узбекистан Ш. МИРЗИЁЕВ
г. Ташкент,
21 декабря 2021 г.,
№ УП-37