📅 2021-yil 22-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 22 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 22 декабря 2021 г. · Постановления Президента
Официальный текст. Официальный документ. Редакционные примечания не включены.
📅 22 December 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТУЗИЛМАСИ
НАМУНАВИЙ ТУЗИЛМАСИ
Озиқ-овқат ва қишлоқ хўжалиги соҳасида ислоҳотларни тадқиқ қилиш, стратегик режалаштириш ҳамда бошқариш тизимини янада такомиллаштириш чора-тадбирлари тўғрисида
Озиқ-овқат ва қишлоқ хўжалиги соҳасида ислоҳотларни стратегик режалаштириш ва таҳлил қилиш ҳамда инвестиция лойиҳалари самарадорлигини ўрганиш асосида молиялаштиришнинг узвий тизимини яратиш, соҳага жалб этилган халқаро молия институтлари маблағларининг ишлатилиши самарадорлигини илмий асосланган ҳолда баҳолаш ва илм-фан натижаларини амалиётга жорий этишнинг самарали тизимини яратиш мақсадида:
1. Қишлоқ хўжалигида билим ва инновациялар миллий маркази тизимидаги Қишлоқ хўжалиги ва озиқ-овқат соҳаси иқтисодиёти илмий-тадқиқот институти негизида Қишлоқ хўжалиги вазирлиги ҳузуридаги Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро маркази (кейинги ўринларда — Марказ) ташкил этилсин.
2. Қуйидагилар Марказнинг асосий вазифалари этиб белгилансин:
озиқ-овқат ва қишлоқ хўжалиги соҳасини институционал таҳлил қилиш ва ислоҳотларнинг асосий йўналишларини ишлаб чиқиш;
озиқ-овқат ва қишлоқ хўжалиги соҳасида бозор муносабатларини ривожлантиришнинг илмий-назарий асосларини тадқиқ қилиш;
соҳадаги ислоҳотларнинг таъсирчанлигини ва илмий тадқиқотларнинг амалий натижалари самарадорлигини баҳолаш;
соҳани ривожлантириш бўйича қисқа, ўрта ва узоқ муддатли режалар ҳамда стратегиялар ишлаб чиқиш;
озиқ-овқат ва қишлоқ хўжалиги таъминоти соҳасидаги, шунингдек, тадбиркорликни қўллаб-қувватлаш ва ривожлантиришга қаратилган лойиҳаларни (кредит ва грант), шу жумладан инвестиция лойиҳаларини ишлаб чиқиш ва шакллантиришга кўмаклашиш;
соҳадаги ахборот ва статистик маълумотларни тизимлаштириш ҳамда улардан фойдаланишнинг самарали тизимини яратиш;
озиқ-овқат ва қишлоқ хўжалиги соҳасидаги лойиҳаларни амалга ошириш учун хорижий инвестицияларни, халқаро молия институтлари ва хорижий ҳукумат молия ташкилотларининг (кейинги ўринларда — ХМИ ва ХҲМТ) кредит ва грантларини жалб қилиш;
лойиҳаларни амалга ошириш бўйича кредитлар ва грантлар олиш учун зарур бўлган ҳужжатларни тижорат банкларига тақдим этишда тадбиркорлик субъектларига консалтинг хизматлари ва амалий ёрдам кўрсатиш;
соҳадаги барча грант, техник кўмак ва кредит лойиҳаларини ва дастурларни бошқариш, мувофиқлаштириш ва самарадорлигини мониторинг қилиш ҳамда уларнинг қишлоқ хўжалигини ривожлантириш стратегияси билан уйғунлигини таъминлаш.
3. Марказ Агросаноатни ривожлантириш агентлиги билан биргаликда хорижий экспертлар иштирокида халқаро молия институтларининг грант маблағлари ҳисобидан:
2022-2023 йилларда ҳудудларнинг тупроқ иқлим шароитидан келиб чиқиб, ҳар бир туманда хусусий секторни жалб қилган ҳолда боғ ва токзорларни барпо этиш, сабзавот, картошка, полиз, дуккакли ва мойли экинларни етиштириш бўйича кўргазмали дала майдонларини ташкил қилиш чораларини кўрсин. Бунда, ҳар йили барпо этиладиган кўргазмали дала майдонлари рўйхати Қишлоқ хўжалиги вазирлиги билан келишилган ҳолда Марказ директори томонидан тасдиқланади;
ҳар ойда битта ҳудудда хорижий ва маҳаллий малакали мутахассислар иштирокида боғ, токзорлар барпо этиш, сабзавот, картошка, полиз, дуккакли ва мойли экинлар, доривор ўсимликларни етиштириш, уларни қайта ишлаш, экспорт қилиш бўйича семинар-тренинглар ўтказиб борсин.
4. Белгилансинки, Марказ:
Қишлоқ хўжалигида билим ва инновациялар миллий марказига озиқ-овқат ва қишлоқ хўжалиги соҳасининг устувор йўналишлари сифатида глобал, минтақавий ва ҳудудий муаммолар, шунингдек, қишлоқ хўжалигининг агробизнес, логистика, инвестиция ва бошқа долзарб мавзуларини тақдим этади;
Қишлоқ хўжалиги вазирлиги томонидан амалга оширилаётган ХМИ ва ХҲМТ кредит ҳамда грант лойиҳаларини амалга оширишга масъул ҳисобланади;
хорижий инвестициялар, грантлар, ХМИ ва ХҲМТ маблағлари ҳамда бюджет маблағлари ҳисобидан молиялаштириладиган озиқ-овқат ва қишлоқ хўжалиги соҳасидаги лойиҳаларни ва илмий-тадқиқот фаолиятини амалга оширадиган ваколатли давлат муассасаси ҳисобланади;
илмий-тадқиқот натижаларини баҳолаш, давлат илмий дастурлари доирасида лойиҳаларни амалга оширишда белгиланган тартибда Инновацион ривожланиш агентлиги билан ҳамкорлик қилади;
Қишлоқ хўжалигида билим ва инновациялар миллий маркази тизимидаги Қишлоқ хўжалиги ва озиқ-овқат соҳаси иқтисодиёти илмий-тадқиқот институтининг ҳуқуқлари, мажбуриятлари ва шартномалари бўйича ҳуқуқий вориси ҳисобланади.
5. Марказга:
малакали маҳаллий ва хорижий мутахассисларни шартнома асосида жалб қилиш ҳамда халқаро ташкилотлар ва хорижий юридик шахслар билан шартномалар тузиш;
озиқ-овқат ва қишлоқ хўжалиги соҳаси иқтисодиёти ҳамда стратегияси йўналишида олий таълимдан кейинги таълимни ташкил этиш ҳамда ушбу соҳада илмий тадқиқотларни амалга ошириш ва қонунчилик ҳужжатларида илмий ташкилотлар учун жорий этилган имтиёзлардан фойдаланиш ҳуқуқи берилсин.
6. Қишлоқ хўжалиги вазирлиги (Ж. Ходжаев) икки ой муддатда Марказ ҳузурида ривожланган хорижий илмий муассасалар билан ҳамкорликда озиқ-овқат ва қишлоқ хўжалиги соҳасини институционал таҳлил қилиш ва ислоҳотларнинг асосий йўналишларини ишлаб чиқиш, соҳадаги глобал, минтақавий ва ҳудудий муаммоларнинг ҳамда агрокластерлар фаолиятининг илмий-назарий асосларини тадқиқ қилиш мақсадида илмий кенгаш ташкил этсин.
7. Қишлоқ хўжалиги вазирлиги ҳузуридаги Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро марказининг тузилмаси ҳамда унинг ҳудудий иқтисодий таҳлил ва меъёрлаш марказларининг намунавий тузилмаси 1 ва 2-иловаларга мувофиқ тасдиқлансин.
8. Белгилансинки:
Марказ зиммасига юклатилган вазифаларни ўз вақтида, сифатли бажаришга, лойиҳани амалга ошириш масалаларига тааллуқли ўзи тайёрлаган ҳужжатлар ва бошқа маълумотларнинг ишончлилиги учун ҳамда ХМИ ва ХҲМТнинг кредит маблағларидан мақсадли ва самарали фойдаланишга жавобгар ҳисобланади;
Марказ тендер савдоларида рақобатни кучайтириш мақсадида маҳаллий ишлаб чиқарувчилар ва пудратчиларни, халқаро компанияларни, жамоатчиликни кенг жалб этиш учун зарур чора-тадбирларни амалга оширади ва харидлар тўғрисидаги ахборотдан қонунчилик ҳужжатларида белгиланган тартибда тўлиқ, ўз вақтида, эркин фойдаланиш имкониятини таъминлаган ҳолда уни ахборот порталига жойлаштиради (бундан қонунчилик ҳужжатларида назарда тутилган ҳоллар мустасно);
Марказ инвестиция лойиҳаларини амалга ошириш самарадорлигини, асосий капиталга киритилган маблағларни ва техник-иқтисодий асосларда назарда тутилган натижаларга эришилганлигини баҳоловчи тизимни жорий этиш, шу жумладан лойиҳа натижаларини (мижозбай) баҳолаш ҳисоботларини умумлаштиради, таҳлил қилади ва ҳар ой Инвестициялар ва ташқи савдо вазирлиги ҳамда Вазирлар Маҳкамасига киритиб боради;
Марказ давлат ташқи қарзи ҳисобидан амалга оширилаётган ва якунланган лойиҳалар бўйича ўзлаштирилган маблағлар ҳамда эришилган натижаларга оид маълумотларни мунтазам равишда ўзининг расмий веб-сайтида эълон қилишни таъминлайди;
Марказ фаолиятини молиялаштириш Ўзбекистон Республикаси Давлат бюджети маблағлари, ХМИ ва ХҲМТ томонидан инвестиция ва грант лойиҳаларини амалга ошириш учун ажратилган маблағлар, ҳомийлик хайриялари, халқаро ва хорижий ташкилотларнинг грантлари ҳамда қонунчилик ҳужжатларида тақиқланмаган бошқа манбалар ҳисобидан амалга оширилади;
Марказнинг илмий-тадқиқот ишлари билан шуғулланувчи илмий ва раҳбар ходимларининг иш ҳақи тегишлича Ўзбекистон Республикаси Давлат бюджети маблағлари ҳисобига давлат илмий дастурларини амалга оширишда қатнашувчи илмий ва раҳбар ходимларнинг базавий лавозим маошлари миқдорларига тенглаштирилади;
Марказнинг фақат илмий-тадқиқот ишлари билан шуғулланадиган тузилмалари ходимларига иш ҳақи тўлаш, бино ва иншоотларини сақлаш харажатларини молиялаштириш, шунингдек, жорий харажатларини қоплаш Ўзбекистон Республикаси Давлат бюджети маблағлари ҳисобидан амалга оширилади;
Марказнинг бюджетдан молиялаштириладиган штат бирликлари 2022 йилда Қишлоқ хўжалиги ва озиқ-овқат соҳаси иқтисодиёти илмий-тадқиқот институтига ажратилган бюджет маблағлари ҳисобидан молиялаштирилади, кейинги йиллардан эса Давлат бюджети параметрларида назарда тутилади;
Марказ томонидан амалга оширилаётган лойиҳалар доирасида йиллик харажатлар ХМИ ва ХҲМТлар томонидан лойиҳанинг техник иқтисодий асосида тасдиқланган ҳамда Молия вазирлиги билан келишилган смета бўйича амалга оширилади ҳамда ўрнатилган тартибда уларга тегишли ўзгартиришлар киритилиши мумкин;
Марказга Ўзбекистон Республикаси қишлоқ хўжалиги вазири томонидан лавозимга тайинланадиган ва лавозимидан озод этиладиган директор раҳбарлик қилади;
Марказ директорига Инвестициялар, саноат ва савдо вазирлиги, Иқтисодиёт ва молия вазирлиги ҳамда ХМИ ва ХҲМТ билан келишилган ҳолда амалга оширилаётган лойиҳалар доирасида Марказ ҳамда унинг ҳузуридаги лойиҳаларни амалга ошириш гуруҳлари ходимларининг ойлик иш ҳақларини икки баробарга ошириш ҳуқуқи берилади (бундан ойлик иш ҳақини хизматлар кўрсатиш ва қўшимча грант маблағларини жалб этиш ҳисобига ошириш мустасно);
Марказ бюджетдан ташқари маблағларни бошқариш учун тижорат банкларида депозит ҳисоб рақами очиши ва ундаги маблағлардан мустақил фойдаланиши мумкин (бюджет ташкилотларининг ғазна ҳисоб рақамларидан фойдаланишга доир талаблар ушбу маблағлардан фойдаланишга нисбатан татбиқ этилмайди).
9. Инвестициялар ва ташқи савдо вазирлиги икки ой муддатда Қишлоқ хўжалигида билим ва инновациялар миллий маркази тизимидаги Қишлоқ хўжалиги ва озиқ-овқат соҳаси иқтисодиёти илмий-тадқиқот институти негизида Марказ ташкил этилганлиги ҳақида ХМИ ва ХҲМТга хабарномалар юборсин.
10. Марказ Тошкент шаҳар, Шайхонтоҳур тумани, Лабзак кўчаси, 1 а-уй (1-қават ва ертўла) манзилидаги бинога текин фойдаланиш ҳуқуқи асосида жойлаштирилсин.
Бунда барча коммунал ва жорий тўловлар билан боғлиқ харажатлар Марказ маблағлари ҳисобидан қопланиши белгилаб қўйилсин.
11. Қарор ижросини самарали ташкил этиш мақсадида:
Бош вазир ўринбосари Ш. Ғаниев бир ҳафта муддатда ташкилий йиғилиш ўтказиб, Марказ фаолиятини ташкил этиш бўйича вазифаларни ҳудудлар ва ижрочилар кесимида тақсимлайди;
қишлоқ хўжалиги вазири Ж. Ходжаев бир ой муддатда Марказнинг юқори малакали, замонавий билимларга эга кадрлар билан тўлдирилишини ҳамда фаолияти йўлга қўйилишини таъминлайди.
12. Қишлоқ хўжалиги вазирлиги:
икки ҳафта муддатда Марказ фаолиятини хорижий давлатлар тажрибаси асосида самарали ташкил этиш бўйича 2022-2023 йилларга мўлжалланган «Йўл харитаси»ни тасдиқласин;
бир ой муддатда Марказнинг уставини тасдиқласин ва белгиланган тартибда давлат рўйхатидан ўтказилишини таъминласин;
икки ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига оммавий ахборот воситалари орқали мева-сабзавот маҳсулотлари ишлаб чиқариш, сақлаш, қайта ишлаш ва қадоқлаш бўйича амалга оширилаётган ишларни атрофлича ёритиб бориш тавсия этилсин.
14. Мазкур қарорнинг ижросини ташкил қилишга масъул ва шахсий жавобгар этиб қишлоқ хўжалиги вазири Ж.А. Ходжаев белгилансин.
Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ш.М. Ғаниев зиммасига юклансин.
Ўзбекистон Республикаси Президентининг 2021 йил 22 декабрдаги ПҚ-58-сон қарорига 1-ИЛОВА
Ўзбекистон Республикаси Қишлоқ хўжалиги вазирлиги ҳузуридаги Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро марказининг
Илмий кенгаш Директор * Директорнинг илмий ишлар ва стратегик таҳлил бўйича биринчи ўринбосари * Институционал ислоҳотлар бўлими * 2 Лойиҳа ва дастурларни мониторинг қилиш ва баҳолаш бўлими ** Бош юрисконсульт ** Илмий ишланмаларни жорий этиш бўлими ** Махсус бўлим * 1 Илмий котиб * 1 Иқтисодий ва сиёсий таҳлил бўлими * 2 Харидларни амалга ошириш бўлими ** Кадрлар бўйича бош мутахассис * 1 Озиқ-овқат хавфсизлиги бўлими * 2 Стратегик режалаштириш, дастурлаш ва мувофиқлаштириш бўлими * 2 ХМИ ва ХҲМТ иштирокидаги лойиҳаларни амалга ошириш гуруҳлари *** Девонхона, ижро интизоми ва мурожаатлар бўлими * 2 Табиий ресурслардан самарали фойдаланишни тадқиқ этиш бўлими * 2 ХМИ ва ХҲМТ иштирокидаги лойиҳаларни амалга ошириш гуруҳларининг ҳудудий вакиллари *** Ахборот ва коммуникацияларни бошқариш бўлими * 2 Бош бухгалтер * 1 Агробизнес субъектлари фаолиятини ва маркетингни ривожлантириш бўлими * 2 Маъмурий-хўжалик бўлими ** 12 та ҳудудий иқтисодий таҳлил ва меъёрлаштириш марказлари * «Agroiqtisodiyot» илмий-амалий журнали **
Ўзбекистон Республикаси Президентининг 2021 йил 22 декабрдаги ПҚ-58-сон қарорига 2-ИЛОВА
Ўзбекистон Республикаси Қишлоқ хўжалиги вазирлиги ҳузуридаги Озиқ-овқат ва қишлоқ хўжалиги соҳасида стратегик ривожланиш ва тадқиқотлар халқаро марказининг Қорақалпоғистон Республикаси ва вилоятлардаги иқтисодий таҳлил ва меъёрлаш марказларининг
Бошлиқ * Қишлоқ хўжалиги тармоқларида иқтисодий таҳлилни амалга ошириш бўйича бош мутахассис * 1 Илмий ишланмаларни жорий этиш ва маркетинг бўлинмаси **** 2 Бош бухгалтер * 1 Ёрдамчи ходимлар *** ХМИ ва ХҲМТ иштирокидаги лойиҳаларни амалга ошириш гуруҳларининг ҳудудий вакиллари **
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 22 декабрь,
ПҚ-58-сон
Oʻzbekiston Respublikasi Prezidentining
Qarori
TUZILMASI
NAMUNAVIY TUZILMASI
Oziq-ovqat va qishloq xoʻjaligi sohasida islohotlarni tadqiq qilish, strategik rejalashtirish hamda boshqarish tizimini yanada takomillashtirish chora-tadbirlari toʻgʻrisida
Oziq-ovqat va qishloq xoʻjaligi sohasida islohotlarni strategik rejalashtirish va tahlil qilish hamda investitsiya loyihalari samaradorligini oʻrganish asosida moliyalashtirishning uzviy tizimini yaratish, sohaga jalb etilgan xalqaro moliya institutlari mablagʻlarining ishlatilishi samaradorligini ilmiy asoslangan holda baholash va ilm-fan natijalarini amaliyotga joriy etishning samarali tizimini yaratish maqsadida:
1. Qishloq xoʻjaligida bilim va innovatsiyalar milliy markazi tizimidagi Qishloq xoʻjaligi va oziq-ovqat sohasi iqtisodiyoti ilmiy-tadqiqot instituti negizida Qishloq xoʻjaligi vazirligi huzuridagi Oziq-ovqat va qishloq xoʻjaligi sohasida strategik rivojlanish va tadqiqotlar xalqaro markazi (keyingi oʻrinlarda — Markaz) tashkil etilsin.
2. Quyidagilar Markazning asosiy vazifalari etib belgilansin:
oziq-ovqat va qishloq xoʻjaligi sohasini institutsional tahlil qilish va islohotlarning asosiy yoʻnalishlarini ishlab chiqish;
oziq-ovqat va qishloq xoʻjaligi sohasida bozor munosabatlarini rivojlantirishning ilmiy-nazariy asoslarini tadqiq qilish;
sohadagi islohotlarning taʼsirchanligini va ilmiy tadqiqotlarning amaliy natijalari samaradorligini baholash;
sohani rivojlantirish boʻyicha qisqa, oʻrta va uzoq muddatli rejalar hamda strategiyalar ishlab chiqish;
oziq-ovqat va qishloq xoʻjaligi taʼminoti sohasidagi, shuningdek, tadbirkorlikni qoʻllab-quvvatlash va rivojlantirishga qaratilgan loyihalarni (kredit va grant), shu jumladan investitsiya loyihalarini ishlab chiqish va shakllantirishga koʻmaklashish;
sohadagi axborot va statistik maʼlumotlarni tizimlashtirish hamda ulardan foydalanishning samarali tizimini yaratish;
oziq-ovqat va qishloq xoʻjaligi sohasidagi loyihalarni amalga oshirish uchun xorijiy investitsiyalarni, xalqaro moliya institutlari va xorijiy hukumat moliya tashkilotlarining (keyingi oʻrinlarda — XMI va XHMT) kredit va grantlarini jalb qilish;
loyihalarni amalga oshirish boʻyicha kreditlar va grantlar olish uchun zarur boʻlgan hujjatlarni tijorat banklariga taqdim etishda tadbirkorlik subyektlariga konsalting xizmatlari va amaliy yordam koʻrsatish;
sohadagi barcha grant, texnik koʻmak va kredit loyihalarini va dasturlarni boshqarish, muvofiqlashtirish va samaradorligini monitoring qilish hamda ularning qishloq xoʻjaligini rivojlantirish strategiyasi bilan uygʻunligini taʼminlash.
3. Markaz Agrosanoatni rivojlantirish agentligi bilan birgalikda xorijiy ekspertlar ishtirokida xalqaro moliya institutlarining grant mablagʻlari hisobidan:
2022-2023-yillarda hududlarning tuproq iqlim sharoitidan kelib chiqib, har bir tumanda xususiy sektorni jalb qilgan holda bogʻ va tokzorlarni barpo etish, sabzavot, kartoshka, poliz, dukkakli va moyli ekinlarni yetishtirish boʻyicha koʻrgazmali dala maydonlarini tashkil qilish choralarini koʻrsin. Bunda, har yili barpo etiladigan koʻrgazmali dala maydonlari roʻyxati Qishloq xoʻjaligi vazirligi bilan kelishilgan holda Markaz direktori tomonidan tasdiqlanadi;
har oyda bitta hududda xorijiy va mahalliy malakali mutaxassislar ishtirokida bogʻ, tokzorlar barpo etish, sabzavot, kartoshka, poliz, dukkakli va moyli ekinlar, dorivor oʻsimliklarni yetishtirish, ularni qayta ishlash, eksport qilish boʻyicha seminar-treninglar oʻtkazib borsin.
4. Belgilansinki, Markaz:
Qishloq xoʻjaligida bilim va innovatsiyalar milliy markaziga oziq-ovqat va qishloq xoʻjaligi sohasining ustuvor yoʻnalishlari sifatida global, mintaqaviy va hududiy muammolar, shuningdek, qishloq xoʻjaligining agrobiznes, logistika, investitsiya va boshqa dolzarb mavzularini taqdim etadi;
Qishloq xoʻjaligi vazirligi tomonidan amalga oshirilayotgan XMI va XHMT kredit hamda grant loyihalarini amalga oshirishga masʼul hisoblanadi;
xorijiy investitsiyalar, grantlar, XMI va XHMT mablagʻlari hamda budjet mablagʻlari hisobidan moliyalashtiriladigan oziq-ovqat va qishloq xoʻjaligi sohasidagi loyihalarni va ilmiy-tadqiqot faoliyatini amalga oshiradigan vakolatli davlat muassasasi hisoblanadi;
ilmiy-tadqiqot natijalarini baholash, davlat ilmiy dasturlari doirasida loyihalarni amalga oshirishda belgilangan tartibda Innovatsion rivojlanish agentligi bilan hamkorlik qiladi;
Qishloq xoʻjaligida bilim va innovatsiyalar milliy markazi tizimidagi Qishloq xoʻjaligi va oziq-ovqat sohasi iqtisodiyoti ilmiy-tadqiqot institutining huquqlari, majburiyatlari va shartnomalari boʻyicha huquqiy vorisi hisoblanadi.
5. Markazga:
malakali mahalliy va xorijiy mutaxassislarni shartnoma asosida jalb qilish hamda xalqaro tashkilotlar va xorijiy yuridik shaxslar bilan shartnomalar tuzish;
oziq-ovqat va qishloq xoʻjaligi sohasi iqtisodiyoti hamda strategiyasi yoʻnalishida oliy taʼlimdan keyingi taʼlimni tashkil etish hamda ushbu sohada ilmiy tadqiqotlarni amalga oshirish va qonunchilik hujjatlarida ilmiy tashkilotlar uchun joriy etilgan imtiyozlardan foydalanish huquqi berilsin.
6. Qishloq xoʻjaligi vazirligi (J. Xodjayev) ikki oy muddatda Markaz huzurida rivojlangan xorijiy ilmiy muassasalar bilan hamkorlikda oziq-ovqat va qishloq xoʻjaligi sohasini institutsional tahlil qilish va islohotlarning asosiy yoʻnalishlarini ishlab chiqish, sohadagi global, mintaqaviy va hududiy muammolarning hamda agroklasterlar faoliyatining ilmiy-nazariy asoslarini tadqiq qilish maqsadida ilmiy kengash tashkil etsin.
7. Qishloq xoʻjaligi vazirligi huzuridagi Oziq-ovqat va qishloq xoʻjaligi sohasida strategik rivojlanish va tadqiqotlar xalqaro markazining tuzilmasi hamda uning hududiy iqtisodiy tahlil va meʼyorlash markazlarining namunaviy tuzilmasi 1 va 2-ilovalarga muvofiq tasdiqlansin.
8. Belgilansinki:
Markaz zimmasiga yuklatilgan vazifalarni oʻz vaqtida, sifatli bajarishga, loyihani amalga oshirish masalalariga taalluqli oʻzi tayyorlagan hujjatlar va boshqa maʼlumotlarning ishonchliligi uchun hamda XMI va XHMTning kredit mablagʻlaridan maqsadli va samarali foydalanishga javobgar hisoblanadi;
Markaz tender savdolarida raqobatni kuchaytirish maqsadida mahalliy ishlab chiqaruvchilar va pudratchilarni, xalqaro kompaniyalarni, jamoatchilikni keng jalb etish uchun zarur chora-tadbirlarni amalga oshiradi va xaridlar toʻgʻrisidagi axborotdan qonunchilik hujjatlarida belgilangan tartibda toʻliq, oʻz vaqtida, erkin foydalanish imkoniyatini taʼminlagan holda uni axborot portaliga joylashtiradi (bundan qonunchilik hujjatlarida nazarda tutilgan hollar mustasno);
Markaz investitsiya loyihalarini amalga oshirish samaradorligini, asosiy kapitalga kiritilgan mablagʻlarni va texnik-iqtisodiy asoslarda nazarda tutilgan natijalarga erishilganligini baholovchi tizimni joriy etish, shu jumladan loyiha natijalarini (mijozbay) baholash hisobotlarini umumlashtiradi, tahlil qiladi va har oy Investitsiyalar va tashqi savdo vazirligi hamda Vazirlar Mahkamasiga kiritib boradi;
Markaz davlat tashqi qarzi hisobidan amalga oshirilayotgan va yakunlangan loyihalar boʻyicha oʻzlashtirilgan mablagʻlar hamda erishilgan natijalarga oid maʼlumotlarni muntazam ravishda oʻzining rasmiy veb-saytida eʼlon qilishni taʼminlaydi;
Markaz faoliyatini moliyalashtirish Oʻzbekiston Respublikasi Davlat budjeti mablagʻlari, XMI va XHMT tomonidan investitsiya va grant loyihalarini amalga oshirish uchun ajratilgan mablagʻlar, homiylik xayriyalari, xalqaro va xorijiy tashkilotlarning grantlari hamda qonunchilik hujjatlarida taqiqlanmagan boshqa manbalar hisobidan amalga oshiriladi;
Markazning ilmiy-tadqiqot ishlari bilan shugʻullanuvchi ilmiy va rahbar xodimlarining ish haqi tegishlicha Oʻzbekiston Respublikasi Davlat budjeti mablagʻlari hisobiga davlat ilmiy dasturlarini amalga oshirishda qatnashuvchi ilmiy va rahbar xodimlarning bazaviy lavozim maoshlari miqdorlariga tenglashtiriladi;
Markazning faqat ilmiy-tadqiqot ishlari bilan shugʻullanadigan tuzilmalari xodimlariga ish haqi toʻlash, bino va inshootlarini saqlash xarajatlarini moliyalashtirish, shuningdek, joriy xarajatlarini qoplash Oʻzbekiston Respublikasi Davlat budjeti mablagʻlari hisobidan amalga oshiriladi;
Markazning budjetdan moliyalashtiriladigan shtat birliklari 2022-yilda Qishloq xoʻjaligi va oziq-ovqat sohasi iqtisodiyoti ilmiy-tadqiqot institutiga ajratilgan budjet mablagʻlari hisobidan moliyalashtiriladi, keyingi yillardan esa Davlat budjeti parametrlarida nazarda tutiladi;
Markaz tomonidan amalga oshirilayotgan loyihalar doirasida yillik xarajatlar XMI va XHMTlar tomonidan loyihaning texnik iqtisodiy asosida tasdiqlangan hamda Moliya vazirligi bilan kelishilgan smeta boʻyicha amalga oshiriladi hamda oʻrnatilgan tartibda ularga tegishli oʻzgartirishlar kiritilishi mumkin;
Markazga Oʻzbekiston Respublikasi qishloq xoʻjaligi vaziri tomonidan lavozimga tayinlanadigan va lavozimidan ozod etiladigan direktor rahbarlik qiladi;
Markaz direktoriga Investitsiyalar, sanoat va savdo vazirligi, Iqtisodiyot va moliya vazirligi hamda XMI va XHMT bilan kelishilgan holda amalga oshirilayotgan loyihalar doirasida Markaz hamda uning huzuridagi loyihalarni amalga oshirish guruhlari xodimlarining oylik ish haqlarini ikki barobarga oshirish huquqi beriladi (bundan oylik ish haqini xizmatlar koʻrsatish va qoʻshimcha grant mablagʻlarini jalb etish hisobiga oshirish mustasno);
Markaz budjetdan tashqari mablagʻlarni boshqarish uchun tijorat banklarida depozit hisob raqami ochishi va undagi mablagʻlardan mustaqil foydalanishi mumkin (budjet tashkilotlarining gʻazna hisob raqamlaridan foydalanishga doir talablar ushbu mablagʻlardan foydalanishga nisbatan tatbiq etilmaydi).
9. Investitsiyalar va tashqi savdo vazirligi ikki oy muddatda Qishloq xoʻjaligida bilim va innovatsiyalar milliy markazi tizimidagi Qishloq xoʻjaligi va oziq-ovqat sohasi iqtisodiyoti ilmiy-tadqiqot instituti negizida Markaz tashkil etilganligi haqida XMI va XHMTga xabarnomalar yuborsin.
10. Markaz Toshkent shahar, Shayxontohur tumani, Labzak koʻchasi, 1 a-uy (1-qavat va yertoʻla) manzilidagi binoga tekin foydalanish huquqi asosida joylashtirilsin.
Bunda barcha kommunal va joriy toʻlovlar bilan bogʻliq xarajatlar Markaz mablagʻlari hisobidan qoplanishi belgilab qoʻyilsin.
11. Qaror ijrosini samarali tashkil etish maqsadida:
Bosh vazir oʻrinbosari Sh. Gʻaniyev bir hafta muddatda tashkiliy yigʻilish oʻtkazib, Markaz faoliyatini tashkil etish boʻyicha vazifalarni hududlar va ijrochilar kesimida taqsimlaydi;
qishloq xoʻjaligi vaziri J. Xodjayev bir oy muddatda Markazning yuqori malakali, zamonaviy bilimlarga ega kadrlar bilan toʻldirilishini hamda faoliyati yoʻlga qoʻyilishini taʼminlaydi.
12. Qishloq xoʻjaligi vazirligi:
ikki hafta muddatda Markaz faoliyatini xorijiy davlatlar tajribasi asosida samarali tashkil etish boʻyicha 2022-2023-yillarga moʻljallangan “Yoʻl xaritasi”ni tasdiqlasin;
bir oy muddatda Markazning ustavini tasdiqlasin va belgilangan tartibda davlat roʻyxatidan oʻtkazilishini taʼminlasin;
ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga ommaviy axborot vositalari orqali meva-sabzavot mahsulotlari ishlab chiqarish, saqlash, qayta ishlash va qadoqlash boʻyicha amalga oshirilayotgan ishlarni atroflicha yoritib borish tavsiya etilsin.
14. Mazkur qarorning ijrosini tashkil qilishga masʼul va shaxsiy javobgar etib qishloq xoʻjaligi vaziri J.A. Xodjayev belgilansin.
Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari Sh.M. Gʻaniyev zimmasiga yuklansin.
Oʻzbekiston Respublikasi Prezidentining 2021-yil 22-dekabrdagi PQ-58-son qaroriga 1-ILOVA
Oʻzbekiston Respublikasi Qishloq xoʻjaligi vazirligi huzuridagi Oziq-ovqat va qishloq xoʻjaligi sohasida strategik rivojlanish va tadqiqotlar xalqaro markazining
Ilmiy kengash Direktor * Direktorning ilmiy ishlar va strategik tahlil boʻyicha birinchi oʻrinbosari * Institutsional islohotlar boʻlimi * 2 Loyiha va dasturlarni monitoring qilish va baholash boʻlimi ** Bosh yuriskonsult ** Ilmiy ishlanmalarni joriy etish boʻlimi ** Maxsus boʻlim * 1 Ilmiy kotib * 1 Iqtisodiy va siyosiy tahlil boʻlimi * 2 Xaridlarni amalga oshirish boʻlimi ** Kadrlar boʻyicha bosh mutaxassis * 1 Oziq-ovqat xavfsizligi boʻlimi * 2 Strategik rejalashtirish, dasturlash va muvofiqlashtirish boʻlimi * 2 XMI va XHMT ishtirokidagi loyihalarni amalga oshirish guruhlari *** Devonxona, ijro intizomi va murojaatlar boʻlimi * 2 Tabiiy resurslardan samarali foydalanishni tadqiq etish boʻlimi * 2 XMI va XHMT ishtirokidagi loyihalarni amalga oshirish guruhlarining hududiy vakillari *** Axborot va kommunikatsiyalarni boshqarish boʻlimi * 2 Bosh buxgalter * 1 Agrobiznes subyektlari faoliyatini va marketingni rivojlantirish boʻlimi * 2 Maʼmuriy-xoʻjalik boʻlimi ** 12 ta hududiy iqtisodiy tahlil va meʼyorlashtirish markazlari * “Agroiqtisodiyot” ilmiy-amaliy jurnali **
Oʻzbekiston Respublikasi Prezidentining 2021-yil 22-dekabrdagi PQ-58-son qaroriga 2-ILOVA
Oʻzbekiston Respublikasi Qishloq xoʻjaligi vazirligi huzuridagi Oziq-ovqat va qishloq xoʻjaligi sohasida strategik rivojlanish va tadqiqotlar xalqaro markazining Qoraqalpogʻiston Respublikasi va viloyatlardagi iqtisodiy tahlil va meʼyorlash markazlarining
Boshliq * Qishloq xoʻjaligi tarmoqlarida iqtisodiy tahlilni amalga oshirish boʻyicha bosh mutaxassis * 1 Ilmiy ishlanmalarni joriy etish va marketing boʻlinmasi **** 2 Bosh buxgalter * 1 Yordamchi xodimlar *** XMI va XHMT ishtirokidagi loyihalarni amalga oshirish guruhlarining hududiy vakillari **
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 22-dekabr,
PQ-58-son
Президента Республики Узбекистан
Постановление
СТРУКТУРА
ТИПОВАЯ СТРУКТУРА
О мерах по дальнейшему совершенствованию системы исследования реформ, стратегического планирования и управления в сфере продовольствия и сельского хозяйства
В целях создания непрерывной системы финансирования на основе стратегического планирования и анализа реформ, изучения эффективности инвестиционных проектов в сфере продовольствия и сельского хозяйства, а также научно обоснованной оценки эффективности использования привлеченных в данную сферу средств международных финансовых институтов и создания эффективной системы внедрения на практике научных результатов:
1. Создать Международный центр стратегического развития и исследований в сфере продовольствия и сельского хозяйства при Министерстве сельского хозяйства (далее — Центр) на базе Научно-исследовательского института экономики сельского хозяйства и продовольственной сферы в системе Национального центра знаний и инноваций в сельском хозяйстве.
2. Определить основными задачами Центра:
проведение институционального анализа и разработку основных направлений реформ в сфере продовольствия и сельского хозяйства;
проведение исследования научно-теоретических основ развития рыночных отношений в сфере продовольствия и сельского хозяйства;
проведение оценки действенности реформ и эффективности практических результатов научных исследований в сфере;
разработку краткосрочных, среднесрочных и долгосрочных планов и стратегий развития сферы;
оказание содействия в разработке и формировании проектов (кредитных и грантовых), включая инвестиционные проекты в сфере продовольствия и сельского хозяйства, а также направленных на поддержку и развитие предпринимательства;
систематизацию информации и статистических данных в сфере и создание эффективной системы их использования;
привлечение иностранных инвестиций, кредитов и грантов международных финансовых институтов и зарубежных правительственных финансовых организаций (далее — МФИ и ЗПФО) на реализацию проектов в сфере продовольствия и сельского хозяйства;
оказание консалтинговых услуг и практической помощи субъектам предпринимательства по представлению коммерческим банкам документов, необходимых для получения кредитов и грантов на реализацию проектов;
управление, координацию и осуществление мониторинга эффективности всех грантовых проектов, проектов технического содействия, кредитования и программ в сфере, а также обеспечение их соответствия стратегии развития сельского хозяйства.
3. Центру совместно с Агентством по развитию агропромышленности с участием зарубежных экспертов за счет грантовых средств международных финансовых институтов:
принять меры по сооружению в каждом районе садов и виноградников, созданию показательных полевых площадей для выращивания овощей, картофеля, бахчевых, бобовых и масличных культур в 2022-2023 годах исходя из почвенно-климатических условий регионов с привлечением частного сектора. При этом перечень ежегодно создаваемых показательных полевых площадей утверждается директором Центра по согласованию с Министерством сельского хозяйства;
ежемесячно в одном регионе проводить семинары-тренинги о сооружении садов и виноградников, выращивании, переработке и экспорте овощей, картофеля, бахчевых, бобовых, масличных культур и лекарственных растений с участием зарубежных и отечественных квалифицированных специалистов.
4. Установить, что Центр:
представляет Национальному центру знаний и инноваций в сельском хозяйстве в качестве приоритетных направлений сферы продовольствия и сельского хозяйства глобальные, региональные и территориальные проблемы, а также такие актуальные в сельском хозяйстве темы, как агробизнес, логистика, инвестиции и другие;
является ответственным за реализацию кредитных и грантовых проектов МФИ и ЗПФО, осуществляемых Министерством сельского хозяйства;
является уполномоченным государственным учреждением по реализации проектов и осуществлению научно-исследовательской деятельности в сфере продовольствия и сельского хозяйства, финансируемых за счет иностранных инвестиций и грантов, средств МФИ и ЗПФО, а также бюджетных средств;
осуществляет в установленном порядке сотрудничество с Агентством инновационного развития в оценке результатов научных исследований и реализации проектов в рамках государственных научных программ;
является правопреемником по правам, обязательствам и договорам Научно-исследовательского института экономики сельского хозяйства и продовольственной сферы в системе Национального центра знаний и инноваций в сельском хозяйстве.
5. Предоставить Центру право на:
привлечение на договорной основе квалифицированных отечественных и зарубежных специалистов и заключение договоров с международными организациями и зарубежными юридическими лицами;
организацию послевузовского образования по направлению «экономика и стратегия сферы продовольствия и сельского хозяйства», проведение научных исследований в данной сфере и пользование льготами, предусмотренными актами законодательства для научных организаций.
6. Министерству сельского хозяйства (Ж. Ходжаев) в двухмесячный срок образовать при Центре Ученый совет в целях проведения институционального анализа, разработки основных направлений реформ, исследования научно-теоретических основ глобальных, региональных, территориальных проблем и деятельности агрокластеров в сфере продовольствия и сельского хозяйства в сотрудничестве с ведущими зарубежными научными учреждениями.
7. Утвердить структуру Международного центра стратегического развития и исследований в сфере продовольствия и сельского хозяйства при Министерстве сельского хозяйства, а также типовую структуру его региональных центров экономического анализа и нормирования согласно приложениям №№ 1 и 2 .
8. Определить, что:
Центр несет ответственность за своевременное и качественное выполнение возложенных на него задач, достоверность подготовленных им документов и иной информации касательно вопросов реализации проектов, а также целевое и эффективное использование кредитных средств МФИ и ЗПФО;
Центр в целях усиления конкуренции на тендерных торгах осуществляет меры, необходимые для широкого привлечения отечественных производителей и подрядчиков, международных компаний и общественности, а также размещает на информационном портале информацию о закупках в порядке, установленном актами законодательства, с обеспечением полного, своевременного и свободного доступа к указанной информации (за исключением случаев, предусмотренных актами законодательства);
Центр обобщает, анализирует и ежемесячно представляет Министерству инвестиций и внешней торговли, а также Кабинету Министров отчеты о внедрении системы оценки эффективности реализации инвестиционных проектов, средств, внесенных в основной капитал, а также достижения результатов, предусмотренных технико-экономическими обоснованиями, включая результативность проектов (в разрезе каждого клиента);
Центр обеспечивает регулярное опубликование на своем официальном веб-сайте сведений об освоенных средствах и достигнутых результатах по реализуемым и завершенным проектам за счет государственного внешнего долга;
финансирование деятельности Центра осуществляется за счет средств Государственного бюджета Республики Узбекистан, средств, выделенных МФИ и ЗПФО на реализацию инвестиционных и грантовых проектов, благотворительных пожертвований, грантов международных и зарубежных организаций, а также иных источников, не запрещенных актами законодательства;
оплата труда научных и руководящих работников Центра, занимающихся научно-исследовательской работой, приравнивается к размеру базового должностного оклада соответствующих научных и руководящих работников, принимающих участие в реализации государственных научных программ за счет средств Государственного бюджета Республики Узбекистан;
финансирование расходов на выплату заработной платы работникам структур, занимающимся исключительно научно-исследовательской работой, содержание зданий и сооружений, а также покрытие текущих расходов Центра осуществляется за счет средств Государственного бюджета Республики Узбекистан;
штатные единицы Центра, финансируемые из бюджета, финансируются за счет бюджетных средств, выделенных Научно-исследовательскому институту экономики сельского хозяйства и продовольственной сферы на 2022 год, в последующие годы — их финансирование предусматривается в параметрах Государственного бюджета;
годовые расходы в рамках проектов, реализуемых Центром, осуществляются по смете, утвержденной МФИ и ЗПФО на основании технико-экономического обоснования проектов и согласованной с Министерством финансов, в которые могут вноситься соответствующие изменения в установленном порядке;
Центром руководит директор, назначаемый на должность и освобождаемый от должности министром сельского хозяйства Республики Узбекистан;
директору Центра предоставляется право на повышение в двукратном размере месячной оплаты труда работников Центра и групп реализации проектов при нем (за исключением повышения месячной оплаты труда за счет оказания услуг и привлечения дополнительных грантовых средств) в рамках проектов, реализуемых по согласованию с Министерством инвестиций, промышленности и торговли, Министерством экономики и финансов, а также МФИ и ЗПФО;
Центр может открыть депозитный счет в коммерческих банках и самостоятельно использовать средства на данном счету для управления внебюджетными средствами (требования, предъявляемые к использованию казначейских расчетных счетов бюджетных организаций, не применяются в отношении использования данных средств).
9. Министерству инвестиций и внешней торговли в двухмесячный срок направить в МФИ и ЗПФО уведомления о создании Центра на базе Научно-исследовательского института экономики сельского хозяйства и продовольственной сферы в системе Национального центра знаний и инноваций в сельском хозяйстве.
10. Разместить Центр в здании, расположенном по адресу: город Ташкент, Шайхантахурский район, улица Лабзак, 1 а (на первом этаже и в подвальной части), на основе права безвозмездного пользования.
При этом установить, что все расходы, связанные с коммунальными и текущими платежами, покрываются за счет средств Центра.
11. В целях эффективной организации исполнения настоящего постановления:
заместитель Премьер-министра Ганиев Ш. в недельный срок проводит организационное собрание и распределяет задачи по организации деятельности Центра в разрезе регионов и исполнителей;
министр сельского хозяйства Ходжаев Ж. в месячный срок обеспечивает укомплектование высококвалифицированными кадрами, обладающими современными знаниями, и организацию деятельности Центра.
12. Министерству сельского хозяйства:
в двухнедельный срок утвердить «Дорожную карту» по эффективной организации деятельности Центра на основе опыта зарубежных государств в 2022-2023 годах;
в месячный срок утвердить и обеспечить государственную регистрацию Устава Центра в установленном порядке;
в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
13. Рекомендовать Национальной телерадиокомпании Узбекистана, Национальному информационному агентству Узбекистана и другим средствам массовой информации всесторонне освещать работу по производству, хранению, переработке и упаковке плодоовощной продукции в средствах массовой информации.
14. Возложить на министра сельского хозяйства Ж.А. Ходжаева персональную ответственность за эффективную организацию исполнения настоящего постановления.
Ежеквартальное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан Ш.М. Ганиева.
ПРИЛОЖЕНИЕ № 1 к постановлению Президента Республики Узбекистан от 22 декабря 2021 года № ПП-58
Международного центра стратегического развития и исследований в сфере продовольствия и сельского хозяйства при Министерстве сельского хозяйства Республики Узбекистан
Ученый совет Директор * Первый заместитель директора по научной работе и стратегическому анализу * Отдел институциональных реформ * 2 Отдел мониторинга и оценки проектов и программ ** Главный юрисконсульт ** Отдел внедрения научных разработок ** Спецотдел * 1 Ученый секретарь * 1 Отдел экономического и политического анализа * 2 Отдел закупок ** Главный специалист по кадрам * 1 Отдел продовольственной безопасности * 2 Отдел стратегического планирования, программирования и координации * 2 Группы реализации проектов с участием МФИ и ЗПФО *** Канцелярия, отдел исполнительской дисциплины и обращений * 2 Отдел исследования эффективного использования природных ресурсов * 2 Региональные представители групп реализации проектов с участием МФИ и ЗПФО *** Отдел управления информацией и коммуникациями * 2 Главный бухгалтер * 1 Отдел развития деятельности субъектов агробизнеса и маркетинга * 2 Административно-хозяйственный отдел ** 12 региональных центров экономического анализа и нормирования * Научно-практический журнал «Agroiqtisodiyot» **
ПРИЛОЖЕНИЕ № 2 к постановлению Президента Республики Узбекистан от 22 декабря 2021 года № ПП-58
центров экономического анализа и нормирования в Республике Каракалпакстан и областях Международного центра стратегического развития и исследований в сфере продовольствия и сельского хозяйства при Министерстве сельского хозяйства Республики Узбекистан
Начальник * Главный специалист по экономическому анализу в отраслях сельского хозяйства * 1 Отдел внедрения научных разработок и маркетинга **** 2 Главный бухгалтер * 1 Вспомогательный персонал *** Региональные представители групп реализации проектов с участием МФИ и ЗПФО **
Президент Республики Узбекистан Ш. МИРЗИЁЕВ
г. Ташкент,
22 декабря 2021 г.,
№ ПП-58