UzbekAI

Ўзбекистон Республикаси Президентининг

Қарори

РЎЙХАТИ

Давлат олий таълим муассасаларининг академик ва ташкилий-бошқарув мустақиллигини таъминлаш бўйича қўшимча чора-тадбирлар тўғрисида

Ўзбекистон Республикаси Президентининг 2019 йил 8 октябрдаги ПФ-5847-сон Фармони билан тасдиқланган Ўзбекистон Республикаси олий таълим тизимини 2030 йилгача ривожлантириш концепциясида белгиланган вазифалар ижросини изчил таъминлаш, шунингдек, олий таълим муассасаларининг мустақиллигини кенгайтириш, улар фаолиятида давлат маъмурий бошқарувини кескин камайтириш ҳамда шу орқали ўзгарувчан меҳнат бозори талабларига жавоб бера оладиган юқори малакали кадрлар тайёрловчи давлат олий таълим муассасаларини шакллантириш мақсадида:

1. 2022/2023 ўқув йилидан бошлаб молиявий мустақиллик берилган давлат олий таълим муассасаларига қуйидаги қўшимча ваколатлар берилсин:

а) академик мустақиллик соҳасида:

ўқув режалари, ўқув дастурлари, малака талабларини касбий стандартлар асосида тасдиқлаш, таълим тилини ҳамда таълим йўналишлари ва мутахассисликлари хусусиятларини инобатга олган ҳолда таълим олиш шаклини белгилаш;

бакалавриат таълим йўналишлари ва магистратура мутахассисликлари учун ўқиш давомийлиги муддатларини белгилаш;

докторантурада тўлов-контракт асосида ўқиш қийматини белгилаш, бюджетдан ташқари маблағлар ҳисобидан грант ажратиш орқали докторантурага танлов асосида квотага қўшимча равишда қабул қилиш;

докторант ва мустақил изланувчиларга илмий раҳбарлик қилиш тартибини тасдиқлаш;

магистратура босқичида таълимнинг сиртқи, масофавий ва кечки шаклларини жорий этиш, таълим йўналишлари ва мутахассисликлар бўйича қўш малакалар, шу жумладан амалий малакалар бериш тизимини жорий қилиш;

ўзаро келишувлар асосида олий таълим муассасалари билан академик мобилликни амалга ошириш;

олий таълим муассасаси ва унинг тузилмасидаги таълим муассасалари учун ўз грифи асосида дарсликлар ҳамда бошқа ўқув ва илмий адабиётларни яратиш ва нашр этиш;

таълим сифатини ички назорат қилиш механизмларини белгилаш ва жорий этиш;

б) ташкилий-бошқарувдаги мустақиллик соҳасида:

фаолиятининг асосий йўналиши таълим, илм-фан, унинг натижаларини жорий этиш ҳамда тижоратлаштириш билан боғлиқ бўлган, давлат бюджети маблағлари ҳисобидан молиялаштирилмайдиган таркибий тузилмалар, тижорат ва нотижорат ташкилотларни ташкил этиш;

олий таълим муассасалари учун белгиланган нормативлардан қатъи назар муассасанинг тузилмасини тасдиқлаш ва штат бирликлари сонини белгилаш;

меҳнат бозоридаги эҳтиёждан келиб чиқиб, янги таълим йўналишлари ва мутахассисликларни очиш, амалдаги таълим йўналишлари ҳамда мутахассисликларни тугатиш;

педагог ва бошқа ходимларни ишга қабул қилиш, ишдан озод этиш ва ички ротациясига оид тартибни белгилаш;

хорижий давлат фуқароларини тўлов-контракт асосида ўқишга қабул қилиш ва масофавий таълим олиш шаклида ўқитишни ташкил этиш.

Белгилансинки, ушбу бандда назарда тутилган ваколатлар олий таълим муассасалари томонидан қонунчилик ҳужжатлари талабларига мувофиқ мустақил равишда амалга оширилади.

2. Вазирлар Маҳкамасининг қуйидаги таклифларига розилик берилсин:

а) Вазирлар Маҳкамаси, вазирлик (идора)ларнинг қуйидаги ваколатларини таълим муассасаларига ўтказиш:

чет эл фуқароларининг ўқишини хорижий олий таълим муассасаларидан республика давлат олий таълим муассасаларига кўчириш;

олий таълим муассасаси қабул комиссияси раиси ва масъул котибини, шунингдек, олий таълим муассасаси томонидан ўтказиладиган имтиҳонлар бўйича қабул комиссияси раиси ва аъзолари, имтиҳонлар жадвали, имтиҳон олинадиган фанлар дастурлари ва баҳолаш мезонларини тасдиқлаш;

олий, ўрта махсус ва профессионал таълим муассасаларида таълим олувчиларнинг амалиётни ўташ тартибини тасдиқлаш ва уни ташкил этиш;

олий, ўрта махсус ва профессионал таълим муассасаларида ички тартиб қоидалари, жумладан таълим олувчиларнинг кийим-бошига доир талабларни белгилаш.

б) Вазирлар Маҳкамасининг олий, ўрта махсус ва профессионал таълим соҳасидаги қуйидаги ваколатларини Олий таълим, фан ва инновациялар вазирлигига (кейинги ўринларда — Вазирлик) ўтказиш:

олий, ўрта махсус ва профессионал таълим муассасаларида ўқитиладиган таълим йўналишлари, мутахассисликлар ва касблар рўйхатини тасдиқлаш;

бакалавриат таълим йўналишлари ва магистратура мутахассисликлари бўйича ўқиш давомийлигининг энг кам муддатларини белгилаш;

кечки, сиртқи ва масофавий таълим шакли жорий этилмайдиган бакалавриат таълим йўналишлари ва магистратура мутахассисликларини белгилаш;

дарсликлар, ўқув ва илмий адабиётларни тайёрлаш, нашр этиш тартибини, шунингдек, уларни етказиб беришга ва улардан таълим ташкилотларида фойдаланишга қўйиладиган талабларни белгилаш;

таълим муассасаларига нисбатан моддий-техник, инфратузилмавий ва параметрик талабларни белгилаш;

в) илмий кенгаш аъзоларининг ярмидан кўпи мазкур кенгашни тузган таълим муассасаси (илмий ташкилот)да фаолият юритувчи олимлардан иборат бўлиши ҳақидаги талабни бекор қилиш.

3. 2022 йил 1 январдан бошлаб молиявий мустақиллик берилган давлат олий таълим муассасаларида васийлик кенгашлари тугатилсин ҳамда таркибининг камида 70 фоизи тегишли вазирлик, идоралар, кадрлар буюртмачилари, жамоатчилик вакиллари ва ҳомийлардан иборат бўлган юридик шахс мақомисиз олий таълим муассасаларининг Кузатув кенгашлари ташкил этилсин.

Белгилаб қўйилсинки:

Кузатув кенгашининг таркиби тизимида олий таълим муассасаси мавжуд тегишли вазирлик (идора) томонидан тасдиқланади;

Кузатув кенгаши ўз ваколатларини олий таълим муассасаси кенгашига топширишга, шунингдек, олий таълим муассасаси кенгашига кирувчи ваколатларни ўз зиммасига олишга ҳақли.

4. Белгилансинки, Вазирлик давлат ва давлат улуши мавжуд олий таълим муассасаси ректори (директори) лавозимига номзодлар захирасини шакллантиради, шунингдек, номзодлар ва ректор (директор)ларнинг бошқарув қобилиятини ривожлантириш, таълим сифатини ошириш, тақдим этилаётган академик, молиявий ва ташкилий-бошқарув мустақилликдан самарали фойдаланиш мавзуларида ташкил этиладиган мақсадли малака ошириш курсларида ўқишини ташкил этади.

5. Вазирлик тизимида олий таълим муассасаси мавжуд вазирлик (идора)лар билан биргаликда:

икки ой муддатда давлат олий таълим муассасаларининг халқаро илмий-техникавий маълумотлар базаларига доимий аъзолигини таъминласин ҳамда улардан талаба, тадқиқотчи ва ўқитувчиларнинг бепул фойдаланишини йўлга қўйсин;

2022 йил якунига қадар барча давлат олий таълим муассасалари кутубхона фондидаги ўқув адабиётларининг тўлиқ электрон шаклга ўтказилишини таъминласин ҳамда Вазирлик ҳузурида ягона «Электрон кутубхона» платформасини ишга туширсин.

Белгилансинки, «Электрон кутубхона» платформасини ишлаб чиқиш ва юритиш Олий таълим муассасаларини ривожлантириш жамғармаси маблағлари ҳисобидан амалга оширилади.

6. Вазирлик томонидан олий таълим муассасаларида ҳисоботларни тайёрлашнинг қоғоз шаклидан воз кечиш ҳамда таълим муассасаси фаолиятини автоматлаштириш бўйича Жаҳон банки билан ҳамкорликда Олий таълим жараёнларини бошқариш ахборот тизими (кейинги ўринларда — Ахборот тизими) ишлаб чиқилаётганлиги маълумот учун қабул қилинсин.

Вазирлик тизимида олий таълим муассасалари мавжуд вазирлик (идора)лар билан биргаликда:

а) биринчи босқичда — 2022 йил 1 мартга қадар:

Ахборот тизимининг «Ўқув жараёнини бошқариш» қисмини жорий қилсин. Бунда олий таълим муассасасининг академик фаолияти, хусусан, талабанинг давомат ҳисоботи, ўзлаштириш қайдномаси ва рейтинг дафтарчаси, шунингдек, гуруҳ журнали, дарс ва имтиҳон жадваллари рақамлаштирилади;

Ахборот тизимининг «Илмий жараённи бошқариш» қисмини жорий қилсин. Бунда профессор-ўқитувчиларнинг илмий лойиҳалари, мақолалари, илмий-услубий нашрлари, илмий изланувчилар тўғрисидаги маълумотлар базаси шакллантирилади ҳамда профессор-ўқитувчилар ва кафедраларнинг илмий салоҳиятини баҳолаш масалалари автоматлаштирилади;

Ахборот тизимининг «Маъмурий жараённи бошқариш» қисмини жорий қилсин. Бунда олий таълим муассасасининг тузилмаси, бошқарув кадрлари, профессор-ўқитувчилар таркиби ва талабалар тўғрисидаги маълумотларни юритиш ҳамда тегишли ҳисоботларни тайёрлаш рақамлаштирилади;

Ахборот тизимининг «Молия-хўжалик фаолиятини бошқариш» қисмини жорий қилсин. Бунда тўлов-шартномалар электрон кўринишда тақдим этилади, стипендия тўловлари тўғрисидаги маълумотлар тизим орқали амалга оширилади;

б) иккинчи босқичда — 2022 йил 1 майга қадар Ахборот тизимининг «Таълим сифатини назорат қилиш» қисмини жорий қилсин. Бунда таълим сифати бўйича олий таълим муассасалари кўрсаткичларининг маълумотлар базаси шакллантирилади ва олий таълим муассасалари миллий рейтингини юритиш автоматлаштирилади ҳамда таълим сифати мониторингини масофавий шаклда олиб бориш имконияти яратилади.

Белгилансинки:

Ахборот тизими 2021/2022 ўқув йилидан бошлаб ўқишга қабул қилинган талабаларни тўлиқ қамраб олган ҳолда босқичма-босқич жорий этилади;

таълим жараёнларини бошқаришнинг бошқа дастурий таъминотига эга олий таълим ташкилотлари учун Вазирлик томонидан белгиланган талаблар бўйича ўз тизимининг Ахборот тизимига интеграция қилиши мажбурий ҳисобланади;

Ахборот тизимида таълим сифатини мониторинг қилиш, жумладан талаба, докторант ва профессор-ўқитувчилар ўртасида ижтимоий сўров ўтказиш имконияти яратилади;

Ахборот тизимини жорий этиш ва унинг фаолият юритишини таъминлаш билан боғлиқ харажатлар олий таълим муассасаларининг маблағлари, техник қўллаб-қувватлаш ва такомиллаштириш харажатлари Олий таълим муассасаларини ривожлантириш жамғармаси маблағлари ҳисобидан қопланади;

давлат олий таълим муассасаларига Ахборот тизимини жорий этиш ва унга хизмат кўрсатиш бўйича Вазирлик тизимидаги ташкилотлар билан тўғридан-тўғри шартнома тузишга рухсат берилади.

7. Таълим сифатини назорат қилиш давлат инспекцияси уч ой муддатда, жумладан қуйидагиларни назарда тутувчи Ўзбекистон Республикаси Президентининг «Таълим сифатини таъминлаш ва назорат қилишнинг самарали механизмларини жорий этиш тўғрисида»ги қарори лойиҳасини ишлаб чиқсин:

таълим ташкилотларини аккредитациялашнинг институционал ва махсус (таълим йўналишлари, ихтисослик турлари ва бошқалар бўйича) шаклларини жорий этиш;

таълим сифатини таъминлаш ва назорат қилиш жараёнига нодавлат ташкилотларни жалб этиш ҳамда нуфузли халқаро аккредитациядан ўтган таълим ташкилотини навбатдаги давлат аккредитациясидан озод қилиш;

таълим сифатини назорат қилишда «таҳлика-таҳлил» тизимини жорий этиш ҳамда ўрганишлар қамрови, давомийлиги ва даврийлигини таълим сифатининг ўзгариши даражасига қараб белгилаш;

олий таълим муассасаларига берилаётган академик мустақилликни инобатга олган ҳолда Таълим сифатини назорат қилиш давлат инспекцияси ваколатларини қайта кўриб чиқиш.

8. Ўзбекистон Республикаси Президентининг ва Ўзбекистон Республикаси Ҳукуматининг айрим қарорлари иловага мувофиқ ўз кучини йўқотган деб ҳисоблансин.

9. Вазирлик уч ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

10. Мазкур қарорнинг ижросини самарали ташкил қилишга масъул ва шахсий жавобгар этиб олий ва ўрта махсус таълим вазири А.Х. Тошкулов ҳамда тизимида олий таълим муассасаси мавжуд вазирлик ва идоралар раҳбарлари белгилансин.

Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.

Амалга оширилаётган чора-тадбирлар натижадорлиги юзасидан Ўзбекистон Республикаси Президентига 2022 йил 1 июль ва 2023 йил 1 январга қадар ахборот берилсин.

Ўзбекистон Республикаси Президентининг 2021 йил 24 декабрдаги ПҚ-60-сон қарорига ИЛОВА

Ўзбекистон Республикаси Президентининг ва Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари

1. Ўзбекистон Республикаси Президентининг 2005 йил 2 июндаги «Ахборот технологиялари соҳасида кадрлар тайёрлаш тизимини такомиллаштириш тўғрисида»ги ПҚ-91-сон қарори 5-бандининг иккинчи хатбошиси ҳамда қарорга 3-илова .

2. Ўзбекистон Республикаси Президентининг 2014 йил 22 июлдаги «Тошкент давлат стоматология институтини ташкил этиш тўғрисида»ги ПҚ-2215-сон қарорининг 4-банди ҳамда қарорга 1-илова .

3. Ўзбекистон Республикаси Президентининг 2014 йил 3 сентябрдаги «Тошкент давлат шарқшунослик институти таркибида хитойшунослик факультетини ташкил этиш тўғрисида»ги ПҚ-2228-сон қарорининг 2-банди ҳамда қарорга 1-илова .

4. Ўзбекистон Республикаси Президентининг 2016 йил 2 майдаги «Тошкент давлат техника университети фаолиятини янада такомиллаштириш чора-тадбирлари тўғрисида»ги ПҚ-2524-сон қарорининг 3-банди ҳамда қарорга 1-илова .

5. Ўзбекистон Республикаси Президентининг 2016 йил 11 майдаги «Ўзбекистон Миллий университети фаолиятини янада такомиллаштириш чора-тадбирлари тўғрисида»ги ПҚ-2527-сон қарорининг 3-банди ҳамда қарорга 1-илова .

6. Ўзбекистон Республикаси Президентининг 2017 йил 27 июлдаги «Тошкент вилояти Чирчиқ давлат педагогика институтини ташкил этиш тўғрисида»ги ПҚ-3152-сон қарори 3-бандининг иккинчи ва тўртинчи хатбошилари ҳамда қарорга 1-илова .

7. Ўзбекистон Республикаси Президентининг 2017 йил 16 ноябрдаги «Мирзо Улуғбек номидаги Ўзбекистон Миллий университети таркибида «Таэквондо ва спорт фаолияти» факультетини ташкил этиш тўғрисида»ги ПҚ-3390-сон қарорининг 6-банди ҳамда қарорга илова .

8. Ўзбекистон Республикаси Президентининг 2019 йил 17 июндаги «2019 — 2023 йилларда Мирзо Улуғбек номидаги Ўзбекистон Миллий университетида талаб юқори бўлган малакали кадрлар тайёрлаш тизимини тубдан такомиллаштириш ва илмий салоҳиятни ривожлантириш чора-тадбирлари тўғрисида»ги ПҚ-4358-сон қарори 10-банди биринчи хатбошисининг биринчи жумласи ҳамда қарорга 11-илова .

9. Вазирлар Маҳкамасининг 2000 йил 16 августдаги «Олий таълим муассасалари ректорларини давлат аттестациясидан ўтказиш тўғрисида»ги 325-сон қарори .

10. Вазирлар Маҳкамасининг 2004 йил 26 мартдаги «Самарқанд иқтисодиёт ва сервис институтини ташкил этиш тўғрисида»ги 144-сон қарорининг 3-банди ҳамда қарорга 1 ва 2-иловалар .

11. Вазирлар Маҳкамасининг 2016 йил 13 майдаги «Тошкент давлат педагогика университети фаолиятини янада такомиллаштириш чора-тадбирлари тўғрисида»ги 153-сон қарори 2-бандининг биринчи ва иккинчи хатбошилари ҳамда қарорга 1-илова .

12. Вазирлар Маҳкамасининг 2018 йил 3 майдаги «Ўзбекистон давлат жисмоний тарбия ва спорт университети фаолиятини ташкил этиш чора-тадбирлари тўғрисида»ги 331-сон қарори 3-бандининг иккинчи хатбошиси , 4-банди ҳамда қарорга 1-илова .

13. Вазирлар Маҳкамасининг 2018 йил 24 июлдаги «Муҳаммад ал-Хоразмий номидаги Тошкент ахборот технологиялари университетида кадрлар тайёрлаш тизимини тубдан такомиллаштириш ва самарадорлигини ошириш чора-тадбирлари тўғрисида»ги 569-сон қарори 2-бандининг иккинчи , олтинчи хатбошилари ҳамда қарорга 1-илова .

14. Вазирлар Маҳкамасининг 2019 йил 12 июлдаги «Ўзбекистон давлат жисмоний тарбия ва спорт университети таркибида хорижий олий таълим муассасаларининг қўшма факультетларини ташкил этиш чора-тадбирлари тўғрисида»ги 574-сон қарорининг 7-банди ҳамда қарорга илова .

15. Вазирлар Маҳкамасининг 2021 йил 7 майдаги «Ахборот-коммуникация технологиялари соҳасида кадрлар тайёрлаш тизимини янада такомиллаштириш чора-тадбирлари тўғрисида»ги 288-сон қарорининг 13-банди .

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 24 декабрь,

ПҚ-60-сон

(Қонунчилик маълумотлари миллий базаси, 25.12.2021 й., 07/21/60/1177-сон; 04.07.2023 й., 06/23/107/0441-сон; 13.04.2026 й., 06/26/58/0342-сон)

lex.uz

Oʻzbekiston Respublikasi Prezidentining

Qarori

ROʻYXATI

Davlat oliy taʼlim muassasalarining akademik va tashkiliy-boshqaruv mustaqilligini taʼminlash boʻyicha qoʻshimcha chora-tadbirlar toʻgʻrisida

Oʻzbekiston Respublikasi Prezidentining 2019-yil 8-oktabrdagi PF-5847-son Farmoni bilan tasdiqlangan Oʻzbekiston Respublikasi oliy taʼlim tizimini 2030-yilgacha rivojlantirish konsepsiyasida belgilangan vazifalar ijrosini izchil taʼminlash, shuningdek, oliy taʼlim muassasalarining mustaqilligini kengaytirish, ular faoliyatida davlat maʼmuriy boshqaruvini keskin kamaytirish hamda shu orqali oʻzgaruvchan mehnat bozori talablariga javob bera oladigan yuqori malakali kadrlar tayyorlovchi davlat oliy taʼlim muassasalarini shakllantirish maqsadida:

1. 2022/2023 oʻquv yilidan boshlab moliyaviy mustaqillik berilgan davlat oliy taʼlim muassasalariga quyidagi qoʻshimcha vakolatlar berilsin:

a) akademik mustaqillik sohasida:

oʻquv rejalari, oʻquv dasturlari, malaka talablarini kasbiy standartlar asosida tasdiqlash, taʼlim tilini hamda taʼlim yoʻnalishlari va mutaxassisliklari xususiyatlarini inobatga olgan holda taʼlim olish shaklini belgilash;

bakalavriat taʼlim yoʻnalishlari va magistratura mutaxassisliklari uchun oʻqish davomiyligi muddatlarini belgilash;

doktoranturada toʻlov-kontrakt asosida oʻqish qiymatini belgilash, budjetdan tashqari mablagʻlar hisobidan grant ajratish orqali doktoranturaga tanlov asosida kvotaga qoʻshimcha ravishda qabul qilish;

doktorant va mustaqil izlanuvchilarga ilmiy rahbarlik qilish tartibini tasdiqlash;

magistratura bosqichida taʼlimning sirtqi, masofaviy va kechki shakllarini joriy etish, taʼlim yoʻnalishlari va mutaxassisliklar boʻyicha qoʻsh malakalar, shu jumladan amaliy malakalar berish tizimini joriy qilish;

oʻzaro kelishuvlar asosida oliy taʼlim muassasalari bilan akademik mobillikni amalga oshirish;

oliy taʼlim muassasasi va uning tuzilmasidagi taʼlim muassasalari uchun oʻz grifi asosida darsliklar hamda boshqa oʻquv va ilmiy adabiyotlarni yaratish va nashr etish;

taʼlim sifatini ichki nazorat qilish mexanizmlarini belgilash va joriy etish;

b) tashkiliy-boshqaruvdagi mustaqillik sohasida:

faoliyatining asosiy yoʻnalishi taʼlim, ilm-fan, uning natijalarini joriy etish hamda tijoratlashtirish bilan bogʻliq boʻlgan, davlat budjeti mablagʻlari hisobidan moliyalashtirilmaydigan tarkibiy tuzilmalar, tijorat va notijorat tashkilotlarni tashkil etish;

oliy taʼlim muassasalari uchun belgilangan normativlardan qatʼi nazar muassasaning tuzilmasini tasdiqlash va shtat birliklari sonini belgilash;

mehnat bozoridagi ehtiyojdan kelib chiqib, yangi taʼlim yoʻnalishlari va mutaxassisliklarni ochish, amaldagi taʼlim yoʻnalishlari hamda mutaxassisliklarni tugatish;

pedagog va boshqa xodimlarni ishga qabul qilish, ishdan ozod etish va ichki rotatsiyasiga oid tartibni belgilash;

xorijiy davlat fuqarolarini toʻlov-kontrakt asosida oʻqishga qabul qilish va masofaviy taʼlim olish shaklida oʻqitishni tashkil etish.

Belgilansinki, ushbu bandda nazarda tutilgan vakolatlar oliy taʼlim muassasalari tomonidan qonunchilik hujjatlari talablariga muvofiq mustaqil ravishda amalga oshiriladi.

2. Vazirlar Mahkamasining quyidagi takliflariga rozilik berilsin:

a) Vazirlar Mahkamasi, vazirlik (idora)larning quyidagi vakolatlarini taʼlim muassasalariga oʻtkazish:

chet el fuqarolarining oʻqishini xorijiy oliy taʼlim muassasalaridan respublika davlat oliy taʼlim muassasalariga koʻchirish;

oliy taʼlim muassasasi qabul komissiyasi raisi va masʼul kotibini, shuningdek, oliy taʼlim muassasasi tomonidan oʻtkaziladigan imtihonlar boʻyicha qabul komissiyasi raisi va aʼzolari, imtihonlar jadvali, imtihon olinadigan fanlar dasturlari va baholash mezonlarini tasdiqlash;

oliy, oʻrta maxsus va professional taʼlim muassasalarida taʼlim oluvchilarning amaliyotni oʻtash tartibini tasdiqlash va uni tashkil etish;

oliy, oʻrta maxsus va professional taʼlim muassasalarida ichki tartib qoidalari, jumladan taʼlim oluvchilarning kiyim-boshiga doir talablarni belgilash.

b) Vazirlar Mahkamasining oliy, oʻrta maxsus va professional taʼlim sohasidagi quyidagi vakolatlarini Oliy taʼlim, fan va innovatsiyalar vazirligiga (keyingi oʻrinlarda — Vazirlik) oʻtkazish:

oliy, oʻrta maxsus va professional taʼlim muassasalarida oʻqitiladigan taʼlim yoʻnalishlari, mutaxassisliklar va kasblar roʻyxatini tasdiqlash;

bakalavriat taʼlim yoʻnalishlari va magistratura mutaxassisliklari boʻyicha oʻqish davomiyligining eng kam muddatlarini belgilash;

kechki, sirtqi va masofaviy taʼlim shakli joriy etilmaydigan bakalavriat taʼlim yoʻnalishlari va magistratura mutaxassisliklarini belgilash;

darsliklar, oʻquv va ilmiy adabiyotlarni tayyorlash, nashr etish tartibini, shuningdek, ularni yetkazib berishga va ulardan taʼlim tashkilotlarida foydalanishga qoʻyiladigan talablarni belgilash;

taʼlim muassasalariga nisbatan moddiy-texnik, infratuzilmaviy va parametrik talablarni belgilash;

v) ilmiy kengash aʼzolarining yarmidan koʻpi mazkur kengashni tuzgan taʼlim muassasasi (ilmiy tashkilot)da faoliyat yurituvchi olimlardan iborat boʻlishi haqidagi talabni bekor qilish.

3. 2022-yil 1-yanvardan boshlab moliyaviy mustaqillik berilgan davlat oliy taʼlim muassasalarida vasiylik kengashlari tugatilsin hamda tarkibining kamida 70 foizi tegishli vazirlik, idoralar, kadrlar buyurtmachilari, jamoatchilik vakillari va homiylardan iborat boʻlgan yuridik shaxs maqomisiz oliy taʼlim muassasalarining Kuzatuv kengashlari tashkil etilsin.

Belgilab qoʻyilsinki:

Kuzatuv kengashining tarkibi tizimida oliy taʼlim muassasasi mavjud tegishli vazirlik (idora) tomonidan tasdiqlanadi;

Kuzatuv kengashi oʻz vakolatlarini oliy taʼlim muassasasi kengashiga topshirishga, shuningdek, oliy taʼlim muassasasi kengashiga kiruvchi vakolatlarni oʻz zimmasiga olishga haqli.

4. Belgilansinki, Vazirlik davlat va davlat ulushi mavjud oliy taʼlim muassasasi rektori (direktori) lavozimiga nomzodlar zaxirasini shakllantiradi, shuningdek, nomzodlar va rektor (direktor)larning boshqaruv qobiliyatini rivojlantirish, taʼlim sifatini oshirish, taqdim etilayotgan akademik, moliyaviy va tashkiliy-boshqaruv mustaqillikdan samarali foydalanish mavzularida tashkil etiladigan maqsadli malaka oshirish kurslarida oʻqishini tashkil etadi.

5. Vazirlik tizimida oliy taʼlim muassasasi mavjud vazirlik (idora)lar bilan birgalikda:

ikki oy muddatda davlat oliy taʼlim muassasalarining xalqaro ilmiy-texnikaviy maʼlumotlar bazalariga doimiy aʼzoligini taʼminlasin hamda ulardan talaba, tadqiqotchi va oʻqituvchilarning bepul foydalanishini yoʻlga qoʻysin;

2022-yil yakuniga qadar barcha davlat oliy taʼlim muassasalari kutubxona fondidagi oʻquv adabiyotlarining toʻliq elektron shaklga oʻtkazilishini taʼminlasin hamda Vazirlik huzurida yagona “Elektron kutubxona” platformasini ishga tushirsin.

Belgilansinki, “Elektron kutubxona” platformasini ishlab chiqish va yuritish Oliy taʼlim muassasalarini rivojlantirish jamgʻarmasi mablagʻlari hisobidan amalga oshiriladi.

6. Vazirlik tomonidan oliy taʼlim muassasalarida hisobotlarni tayyorlashning qogʻoz shaklidan voz kechish hamda taʼlim muassasasi faoliyatini avtomatlashtirish boʻyicha Jahon banki bilan hamkorlikda Oliy taʼlim jarayonlarini boshqarish axborot tizimi (keyingi oʻrinlarda — Axborot tizimi) ishlab chiqilayotganligi maʼlumot uchun qabul qilinsin.

Vazirlik tizimida oliy taʼlim muassasalari mavjud vazirlik (idora)lar bilan birgalikda:

a) birinchi bosqichda — 2022-yil 1-martga qadar:

Axborot tizimining “Oʻquv jarayonini boshqarish” qismini joriy qilsin. Bunda oliy taʼlim muassasasining akademik faoliyati, xususan, talabaning davomat hisoboti, oʻzlashtirish qaydnomasi va reyting daftarchasi, shuningdek, guruh jurnali, dars va imtihon jadvallari raqamlashtiriladi;

Axborot tizimining “Ilmiy jarayonni boshqarish” qismini joriy qilsin. Bunda professor-oʻqituvchilarning ilmiy loyihalari, maqolalari, ilmiy-uslubiy nashrlari, ilmiy izlanuvchilar toʻgʻrisidagi maʼlumotlar bazasi shakllantiriladi hamda professor-oʻqituvchilar va kafedralarning ilmiy salohiyatini baholash masalalari avtomatlashtiriladi;

Axborot tizimining “Maʼmuriy jarayonni boshqarish” qismini joriy qilsin. Bunda oliy taʼlim muassasasining tuzilmasi, boshqaruv kadrlari, professor-oʻqituvchilar tarkibi va talabalar toʻgʻrisidagi maʼlumotlarni yuritish hamda tegishli hisobotlarni tayyorlash raqamlashtiriladi;

Axborot tizimining “Moliya-xoʻjalik faoliyatini boshqarish” qismini joriy qilsin. Bunda toʻlov-shartnomalar elektron koʻrinishda taqdim etiladi, stipendiya toʻlovlari toʻgʻrisidagi maʼlumotlar tizim orqali amalga oshiriladi;

b) ikkinchi bosqichda — 2022-yil 1-mayga qadar Axborot tizimining “Taʼlim sifatini nazorat qilish” qismini joriy qilsin. Bunda taʼlim sifati boʻyicha oliy taʼlim muassasalari koʻrsatkichlarining maʼlumotlar bazasi shakllantiriladi va oliy taʼlim muassasalari milliy reytingini yuritish avtomatlashtiriladi hamda taʼlim sifati monitoringini masofaviy shaklda olib borish imkoniyati yaratiladi.

Belgilansinki:

Axborot tizimi 2021/2022 oʻquv yilidan boshlab oʻqishga qabul qilingan talabalarni toʻliq qamrab olgan holda bosqichma-bosqich joriy etiladi;

taʼlim jarayonlarini boshqarishning boshqa dasturiy taʼminotiga ega oliy taʼlim tashkilotlari uchun Vazirlik tomonidan belgilangan talablar boʻyicha oʻz tizimining Axborot tizimiga integratsiya qilishi majburiy hisoblanadi;

Axborot tizimida taʼlim sifatini monitoring qilish, jumladan talaba, doktorant va professor-oʻqituvchilar oʻrtasida ijtimoiy soʻrov oʻtkazish imkoniyati yaratiladi;

Axborot tizimini joriy etish va uning faoliyat yuritishini taʼminlash bilan bogʻliq xarajatlar oliy taʼlim muassasalarining mablagʻlari, texnik qoʻllab-quvvatlash va takomillashtirish xarajatlari Oliy taʼlim muassasalarini rivojlantirish jamgʻarmasi mablagʻlari hisobidan qoplanadi;

davlat oliy taʼlim muassasalariga Axborot tizimini joriy etish va unga xizmat koʻrsatish boʻyicha Vazirlik tizimidagi tashkilotlar bilan toʻgʻridan-toʻgʻri shartnoma tuzishga ruxsat beriladi.

7. Taʼlim sifatini nazorat qilish davlat inspeksiyasi uch oy muddatda, jumladan quyidagilarni nazarda tutuvchi Oʻzbekiston Respublikasi Prezidentining “Taʼlim sifatini taʼminlash va nazorat qilishning samarali mexanizmlarini joriy etish toʻgʻrisida”gi qarori loyihasini ishlab chiqsin:

taʼlim tashkilotlarini akkreditatsiyalashning institutsional va maxsus (taʼlim yoʻnalishlari, ixtisoslik turlari va boshqalar boʻyicha) shakllarini joriy etish;

taʼlim sifatini taʼminlash va nazorat qilish jarayoniga nodavlat tashkilotlarni jalb etish hamda nufuzli xalqaro akkreditatsiyadan oʻtgan taʼlim tashkilotini navbatdagi davlat akkreditatsiyasidan ozod qilish;

taʼlim sifatini nazorat qilishda “tahlika-tahlil” tizimini joriy etish hamda oʻrganishlar qamrovi, davomiyligi va davriyligini taʼlim sifatining oʻzgarishi darajasiga qarab belgilash;

oliy taʼlim muassasalariga berilayotgan akademik mustaqillikni inobatga olgan holda Taʼlim sifatini nazorat qilish davlat inspeksiyasi vakolatlarini qayta koʻrib chiqish.

8. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlari ilovaga muvofiq oʻz kuchini yoʻqotgan deb hisoblansin.

9. Vazirlik uch oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

10. Mazkur qarorning ijrosini samarali tashkil qilishga masʼul va shaxsiy javobgar etib oliy va oʻrta maxsus taʼlim vaziri A.X. Toshkulov hamda tizimida oliy taʼlim muassasasi mavjud vazirlik va idoralar rahbarlari belgilansin.

Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.

Amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga 2022-yil 1-iyul va 2023-yil 1-yanvarga qadar axborot berilsin.

Oʻzbekiston Respublikasi Prezidentining 2021-yil 24-dekabrdagi PQ-60-son qaroriga ILOVA

Oʻzbekiston Respublikasi Prezidentining va Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari

1. Oʻzbekiston Respublikasi Prezidentining 2005-yil 2-iyundagi “Axborot texnologiyalari sohasida kadrlar tayyorlash tizimini takomillashtirish toʻgʻrisida”gi PQ-91-son qarori 5-bandining ikkinchi xatboshisi hamda qarorga 3-ilova .

2. Oʻzbekiston Respublikasi Prezidentining 2014-yil 22-iyuldagi “Toshkent davlat stomatologiya institutini tashkil etish toʻgʻrisida”gi PQ-2215-son qarorining 4-bandi hamda qarorga 1-ilova .

3. Oʻzbekiston Respublikasi Prezidentining 2014-yil 3-sentabrdagi “Toshkent davlat sharqshunoslik instituti tarkibida xitoyshunoslik fakultetini tashkil etish toʻgʻrisida”gi PQ-2228-son qarorining 2-bandi hamda qarorga 1-ilova .

4. Oʻzbekiston Respublikasi Prezidentining 2016-yil 2-maydagi “Toshkent davlat texnika universiteti faoliyatini yanada takomillashtirish chora-tadbirlari toʻgʻrisida”gi PQ-2524-son qarorining 3-bandi hamda qarorga 1-ilova .

5. Oʻzbekiston Respublikasi Prezidentining 2016-yil 11-maydagi “Oʻzbekiston Milliy universiteti faoliyatini yanada takomillashtirish chora-tadbirlari toʻgʻrisida”gi PQ-2527-son qarorining 3-bandi hamda qarorga 1-ilova .

6. Oʻzbekiston Respublikasi Prezidentining 2017-yil 27-iyuldagi “Toshkent viloyati Chirchiq davlat pedagogika institutini tashkil etish toʻgʻrisida”gi PQ-3152-son qarori 3-bandining ikkinchi va toʻrtinchi xatboshilari hamda qarorga 1-ilova .

7. Oʻzbekiston Respublikasi Prezidentining 2017-yil 16-noyabrdagi “Mirzo Ulugʻbek nomidagi Oʻzbekiston Milliy universiteti tarkibida “Taekvondo va sport faoliyati” fakultetini tashkil etish toʻgʻrisida”gi PQ-3390-son qarorining 6-bandi hamda qarorga ilova .

8. Oʻzbekiston Respublikasi Prezidentining 2019-yil 17-iyundagi “2019 — 2023-yillarda Mirzo Ulugʻbek nomidagi Oʻzbekiston Milliy universitetida talab yuqori boʻlgan malakali kadrlar tayyorlash tizimini tubdan takomillashtirish va ilmiy salohiyatni rivojlantirish chora-tadbirlari toʻgʻrisida”gi PQ-4358-son qarori 10-bandi birinchi xatboshisining birinchi jumlasi hamda qarorga 11-ilova .

9. Vazirlar Mahkamasining 2000-yil 16-avgustdagi “Oliy taʼlim muassasalari rektorlarini davlat attestatsiyasidan oʻtkazish toʻgʻrisida”gi 325-son qarori .

10. Vazirlar Mahkamasining 2004-yil 26-martdagi “Samarqand iqtisodiyot va servis institutini tashkil etish toʻgʻrisida”gi 144-son qarorining 3-bandi hamda qarorga 1 va 2-ilovalar .

11. Vazirlar Mahkamasining 2016-yil 13-maydagi “Toshkent davlat pedagogika universiteti faoliyatini yanada takomillashtirish chora-tadbirlari toʻgʻrisida”gi 153-son qarori 2-bandining birinchi va ikkinchi xatboshilari hamda qarorga 1-ilova .

12. Vazirlar Mahkamasining 2018-yil 3-maydagi “Oʻzbekiston davlat jismoniy tarbiya va sport universiteti faoliyatini tashkil etish chora-tadbirlari toʻgʻrisida”gi 331-son qarori 3-bandining ikkinchi xatboshisi , 4-bandi hamda qarorga 1-ilova .

13. Vazirlar Mahkamasining 2018-yil 24-iyuldagi “Muhammad al-Xorazmiy nomidagi Toshkent axborot texnologiyalari universitetida kadrlar tayyorlash tizimini tubdan takomillashtirish va samaradorligini oshirish chora-tadbirlari toʻgʻrisida”gi 569-son qarori 2-bandining ikkinchi , oltinchi xatboshilari hamda qarorga 1-ilova .

14. Vazirlar Mahkamasining 2019-yil 12-iyuldagi “Oʻzbekiston davlat jismoniy tarbiya va sport universiteti tarkibida xorijiy oliy taʼlim muassasalarining qoʻshma fakultetlarini tashkil etish chora-tadbirlari toʻgʻrisida”gi 574-son qarorining 7-bandi hamda qarorga ilova .

15. Vazirlar Mahkamasining 2021-yil 7-maydagi “Axborot-kommunikatsiya texnologiyalari sohasida kadrlar tayyorlash tizimini yanada takomillashtirish chora-tadbirlari toʻgʻrisida”gi 288-son qarorining 13-bandi .

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 24-dekabr,

PQ-60-son

(Qonunchilik maʼlumotlari milliy bazasi, 25.12.2021-y., 07/21/60/1177-son; 04.07.2023-y., 06/23/107/0441-son; 13.04.2026-y., 06/26/58/0342-son)

lex.uz

Президента Республики Узбекистан

Постановление

ПЕРЕЧЕНЬ

О дополнительных мерах по обеспечению академической и организационно-управленческой самостоятельности государственных высших образовательных учреждений

В целях последовательного обеспечения исполнения задач, определенных Концепцией развития системы высшего образования Республики Узбекистан до 2030 года, утвержденной Указом Президента Республики Узбекистан от 8 октября 2019 года № УП-5847, а также расширения самостоятельности и кардинального сокращения государственного административного управления деятельностью высших образовательных учреждений, а также формирования посредством этого государственных высших образовательных учреждений, подготавливающих высококвалифицированные кадры, соответствующие меняющимся требованиям рынка труда:

1. Предоставить начиная с 2022/2023 учебного года следующие дополнительные полномочия государственным высшим образовательным учреждениям, которым предоставлена финансовая самостоятельность:

а) в области академической самостоятельности:

утверждение учебных планов, учебных программ, квалификационных требований на основе профессиональных стандартов, определение языка и формы обучения с учетом особенностей направлений образования и специальностей;

установление сроков продолжительности обучения по направлениям образования бакалавриата и специальностям магистратуры;

определение стоимости обучения в докторантуре на платно-контрактной основе, прием в докторантуру на конкурсной основе дополнительно к квоте путем выделения грантов за счет внебюджетных средств;

утверждение порядка осуществления научного руководства докторантами и самостоятельными соискателями;

введение заочной, дистанционной и вечерней форм обучения на этапе магистратуры, внедрение системы присвоения дуальной квалификации, включая практическую квалификацию, по направлениям образования и специальностям;

осуществление академической мобильности с высшими образовательными учреждениями на основе взаимных соглашений;

создание и издание учебников, другой учебной и научной литературы для высших образовательных учреждений и образовательных учреждений в их структуре на основе собственных грифов;

определение и внедрение механизмов внутреннего контроля качества образования;

б) в области организационно-управленческой самостоятельности:

создание структурных подразделений, коммерческих и некоммерческих организаций, основное направление деятельности которых связано с образованием, наукой, внедрением и коммерциализацией их результатов, не финансируемых за счет средств Государственного бюджета;

утверждение структуры и определение количества штатных единиц учреждения, независимо от нормативов, установленных для высших образовательных учреждений;

открытие новых и упразднение действующих направлений образования и специальностей исходя из спроса на рынке труда;

установление порядка приема на работу, увольнения, внутренней ротации педагогов и других работников;

прием на учебу граждан зарубежных государств на платно-контрактной основе и организацию дистанционной формы их обучения.

Определить, что полномочия, предусмотренные настоящим пунктом, осуществляются высшими образовательными учреждениями самостоятельно в соответствии с требованиями актов законодательства.

2. Согласиться с предложениями Кабинета Министров, предусматривающими:

а) передачу образовательным учреждениям следующих полномочий Кабинета Министров, министерств (ведомств):

перевод учебы иностранных граждан из зарубежных высших образовательных учреждений в государственные высшие образовательные учреждения республики;

утверждение председателя и ответственного секретаря приемной комиссии высшего образовательного учреждения, а также председателя и членов приемной комиссии, графиков экзаменов, программ предметов, по которым принимаются экзамены и критериев оценки — по экзаменам, проводимым высшим образовательным учреждением;

утверждение порядка прохождения практики обучающимися в высших, средних специальных и профессиональных образовательных учреждениях и ее организацию;

определение правил внутреннего распорядка высших, средних специальных и профессиональных образовательных учреждений, включая требования к форме одежды обучающихся;

б) передачу Министерству высшего образования, науки и инноваций (далее — Министерство) следующих полномочий Кабинета Министров в сфере высшего, среднего специального и профессионального образования:

утверждение перечня направлений образования, специальностей и профессий, по которым ведется обучение в высших, средних специальных и профессиональных образовательных учреждениях;

установление минимальных сроков продолжительности обучения по направлениям образования бакалавриата и специальностям магистратуры;

определение направлений образования бакалавриата и специальностей магистратуры, в которых не вводится вечерняя, заочная и дистанционная формы обучения;

установление требований, предъявляемых к порядку подготовки и издания, поставке и пользованию учебниками, учебной и научной литературой в образовательных организациях;

установление материально-технических, инфраструктурных и параметрических требований к образовательным учреждениям;

в) отмену требования к ученому совету, более половины членов которого должны составлять ученые, осуществляющие деятельность в образовательном учреждении (научной организации), создавшим данный совет.

3. Упразднить с 1 января 2022 года попечительские советы государственных высших образовательных учреждений, которым предоставлена финансовая самостоятельность, и образовать Наблюдательные советы высших образовательных учреждений без статуса юридического лица, как минимум 70 процентов состава которых являются представителями соответствующих министерств, ведомств, заказчиков кадров, общественности.

Установить, что:

состав Наблюдательного совета утверждается министерством (ведомством), в системе которого имеется соответствующее высшее образовательное учреждение;

Наблюдательный совет вправе делегировать свои полномочия Совету высшего образовательного учреждения, а также принимать на себя полномочия Совета высшего образовательного учреждения.

4. Определить, что Министерство формирует резерв кандидатов на должность ректора (директора) государственного высшего образовательного учреждения и высшего образовательного учреждения с государственной долей, а также организует обучение кандидатов и ректоров (директоров) на целевых курсах повышения квалификации по темам развития управленческих способностей, повышения качества образования и эффективного использования предоставляемой академической, финансовой и организационно-управленческой самостоятельности.

5. Министерству совместно с министерствами (ведомствами), имеющих в ведении высшее образовательное учреждение:

в двухмесячный срок обеспечить постоянное членство государственных высших образовательных учреждений в международных базах научно-технических данных, наладить бесплатный доступ к ним студентов, исследователей и преподавателей;

в срок до конца 2022 года обеспечить полный перевод в электронную форму учебной литературы в фондах библиотек всех государственных высших образовательных учреждений и запустить Единую платформу «Электронная библиотека» при Министерстве.

Установить, что разработка и ведение платформы «Электронная библиотека» осуществляются за счет средств Фонда развития высших образовательных учреждений.

6. Принять к сведению, что Министерством в целях отказа от бумажной формы подготовки отчетности в высших образовательных учреждениях и автоматизации деятельности образовательного учреждения в сотрудничестве со Всемирным банком разрабатывается Информационная система управления процессами высшего образования (далее — Информационная система).

Министерству совместно с министерствами (ведомствами), в системе которых имеются высшие образовательные учреждения:

а) на первом этапе — в срок до 1 марта 2022 года:

внедрить раздел Информационной системы «Управление учебным процессом». При этом академическая деятельность высшего образовательного учреждения, в частности, отчет посещаемости, успеваемости и рейтинговая книжка студента, а также журнал группы, расписание занятий и экзаменов цифровизируются;

внедрить раздел Информационной системы «Управление научным процессом». При этом формируется база данных о научных проектах, статьях, научно-методических изданиях профессоров-преподавателей, научных соискателях, а также автоматизируются функции оценки научного потенциала профессоров-преподавателей и кафедр;

внедрить раздел Информационной системы «Управление административным процессом». При этом ведение данных о структуре высшего образовательного учреждения, управленческих кадрах, профессорско-преподавательском составе и студентах, а также подготовка соответствующих отчетов цифровизируются;

внедрить раздел Информационной системы «Управление финансово-хозяйственной деятельностью». При этом платные контракты предоставляются в электронном виде, данные о выплате стипендий осуществляются посредством системы;

б) на втором этапе — в срок до 1 мая 2022 года внедрить раздел Информационной системы «Надзор за качеством образования». При этом формируется база данных показателей высших образовательных учреждений по качеству образования, автоматизируется ведение национального рейтинга высших образовательных учреждений, а также будет предоставлена возможность ведения мониторинга качества образования в дистанционной форме.

Установить, что:

Информационная система внедряется поэтапно с полным охватом студентов, принятых на учебу начиная с 2021/2022 учебного года;

интеграция систем высших образовательных организаций, имеющих другое программное обеспечение управления образовательными процессами, в Информационную систему в соответствии с требованиями, определенными Министерством является обязательной;

в Информационной системе создаётся возможность осуществления мониторинга качества образования, в том числе проведения социальных опросов среди студентов, докторантов и профессоров-преподавателей;

расходы, связанные с внедрением Информационной системы и обеспечением ведения ее деятельности, покрываются за счет средств высших образовательных учреждений, расходы на техническую поддержку и совершенствование — средств Фонда развития высших образовательных учреждений;

государственным высшим образовательным учреждениям разрешается заключать с организациями в системе Министерства прямые договора о внедрении и обслуживании Информационной системы.

7. Государственной инспекции по надзору за качеством образования в трехмесячный срок разработать проект постановления Президента Республики Узбекистан «О внедрении эффективных механизмов обеспечения и контроля качества образования», в том числе предусматривающего:

внедрение институциональных и специальных (по направлениям образования, видам специализации и другим) форм аккредитации образовательных организаций;

привлечение негосударственных организаций к процессу обеспечения и контроля качества образования, а также освобождение образовательной организации, прошедшей авторитетную международную аккредитацию, от очередной государственной аккредитации;

внедрение системы «риск-анализ» при контроле качества образования, а также определение охвата, продолжительности и периодичности изучений, в зависимости от уровня изменения качества образования;

пересмотр полномочий Государственной инспекции по надзору за качеством образования с учетом академической самостоятельности, предоставляемой высшим образовательным учреждениям.

8. Признать утратившими силу некоторые постановления Президента Республики Узбекистан и Правительства Республики Узбекистан согласно приложению .

9. Министерству в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

10. Возложить на министра высшего и среднего специального образования А.Х. Тошкулова и руководителей министерств и ведомств, имеющих в ведении высшее образовательное учреждение, персональную ответственность за эффективную организацию исполнения настоящего постановления.

Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова.

О результативности осуществляемых мер информировать Президента Республики Узбекистан до 1 июля 2022 года и до 1 января 2023 года.

ПРИЛОЖЕНИЕ к постановлению Президента Республики Узбекистан от 24 декабря 2021 года № ПП-60

некоторых постановлений Президента Республики Узбекистан и Правительства Республики Узбекистан, признаваемых утратившими силу

1. Абзац второй пункта 5 постановления Президента Республики Узбекистан от 2 июня 2005 года № ПП-91 «О совершенствовании системы подготовки кадров в сфере информационных технологий», а также приложение № 3 к данному постановлению.

2. Пункт 4 постановления Президента Республики Узбекистан от 22 июля 2014 года № ПП-2215 «Об образовании Ташкентского государственного стоматологического института», а также приложение № 1 к данному постановлению.

3. Пункт 2 постановления Президента Республики Узбекистан от 3 сентября 2014 года № ПП-2228 «О создании факультета китаеведения в составе Ташкентского государственного института востоковедения», а также приложение № 1 к данному постановлению.

4. Пункт 3 постановления Президента Республики Узбекистан от 2 мая 2016 года № ПП-2524 «О мерах по дальнейшему совершенствованию деятельности Ташкентского государственного технического университета», а также приложение № 1 к данному постановлению.

5. Пункт 3 постановления Президента Республики Узбекистан от 11 мая 2016 года № ПП-2527 «О мерах по дальнейшему совершенствованию деятельности Национального университета Узбекистана», а также приложение № 1 к данному постановлению.

6. Абзацы второй и четвертый пункта 3 постановления Президента Республики Узбекистан от 27 июля 2017 года № ПП-3152 «О создании Ташкентского областного Чирчикского государственного педагогического института», а также приложение № 1 к данному постановлению.

7. Пункт 6 постановления Президента Республики Узбекистан от 16 ноября 2017 года № ПП-3390 «Об организации в составе Национального университета Узбекистана имени Мирзо Улугбека факультета «Таэквондо и спортивная деятельность», а также приложение к нему.

8. Первое предложение абзаца первого пункта 10 постановления Президента Республики Узбекистан от 17 июня 2019 года № ПП-4358 «О мерах по коренному совершенствованию системы подготовки востребованных квалифицированных кадров и развитию научного потенциала в Национальном университете Узбекистана имени Мирзо Улугбека в 2019 — 2023 годах», а также приложение № 11 к данному постановлению.

9. Постановление Кабинета Министров от 16 августа 2000 года № 325 «О прохождении государственной аттестации ректоров высших учебных заведений».

10. Пункт 3 постановления Кабинета Министров от 26 марта 2004 года № 144 «Об образовании Самаркандского института экономики и сервиса», а также приложения №№ 1 и 2 к данному постановлению.

11. Абзацы первый и второй пункта 2 постановления Кабинета Министров от 13 мая 2016 года № 153 «О мерах по дальнейшему совершенствованию деятельности Ташкентского государственного педагогического университета», а также приложение № 1 к данному постановлению.

12. Абзац второй пункта 3, пункт 4 постановления Кабинета Министров от 3 мая 2018 года № 331 «О мерах по организации деятельности узбекского государственного университета физической культуры и спорта», а также приложение № 1 к данному постановлению.

13. Абзацы второй, шестой пункта 2 постановления Кабинета Министров от 24 июля 2018 года № 569 «О мерах по коренному совершенствованию системы и повышению эффективности подготовки кадров в Ташкентском университете информационных технологий имени Мухаммада ал-Хоразмий», а также приложение № 1 к данному постановлению.

14. Пункт 7 постановления Кабинета Министров от 12 июля 2019 года № 574 «О мерах по организации совместных факультетов иностранных высших учебных заведений в структуре Узбекского государственного университета физической культуры и спорта», а также приложение к нему.

15. Пункт 13 постановления Кабинета Министров от 7 мая 2021 года № 288 «О мерах по дальнейшему совершенствованию системы подготовки кадров в сфере информационно-коммуникационных технологий».

Президент Республики Узбекистан Ш. МИРЗИЁЕВ

г. Ташкент,

24 декабря 2021 г.,

№ ПП-60

(Национальная база данных законодательства, 25.12.2021 г., № 07/21/60/1177; 04.07.2023 г., № 06/23/107/0441; 13.04.2026 г., № 06/26/58/0342)

lex.uz