UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

МЕТОДИКАСИ

ТАРТИБИ

РЎЙХАТИ

Ўзбекистон Республикаси олий ҳарбий таълим муассасаларида ўқишга номзодларни саралаб олиш ва қабул қилиш, курсантларни ўқишдан четлаштириш ва қайта тиклаш тартиби тўғрисидаги низомни тасдиқлаш ҳақида

« Умумий ҳарбий мажбурият ва ҳарбий хизмат тўғрисида »ги ва « Таълим тўғрисида »ги Ўзбекистон Республикасининг қонунларига мувофиқ, шунингдек, Ўзбекистон Республикаси олий ҳарбий таълим муассасаларида ўқишга Ватанга садоқатли, маънавий-ахлоқий жиҳатдан баркамол, жисмонан соғлом ва интеллектуал салоҳиятга эга номзодларни саралаб олиш ва ўқишга қабул қилиш ҳамда олий ҳарбий таълим муассасаларида таҳсил олаётган курсантларни ўқишдан четлаштириш ва қайта тиклаш тартибини янада такомиллаштириш мақсадида Вазирлар Маҳкамаси қарор қилади:

1. Қуйидагиларни назарда тутувчи Ўзбекистон Республикаси олий ҳарбий таълим муассасаларида ўқишга номзодларни саралаб олиш ва қабул қилиш, курсантларни ўқишдан четлаштириш ва қайта тиклаш тартиби тўғрисидаги низом 1-иловага мувофиқ тасдиқлансин:

олий ҳарбий таълим муассасаларининг курсантлари контингентини сифатли бутлаш учун босқичма-босқич амалга ошириладиган саралаб олиш тадбирлари;

олий ҳарбий таълим муассасаларига ўқишга кириш учун номзодларга қўйиладиган талаблар;

ўқишга қабул қилишни сифатли ташкил этиш учун вазирликлар томонидан қабул комиссияларини ва йўналишлар бўйича кичик комиссияларни ташкил этиш тартиби;

ўқишга кириш истагини билдирган номзодлар мудофаа ишлари бўлимларига топширадиган ҳужжатлар, мудофаа ишлари бўлимлари томонидан тегишли давлат органлари ва ташкилотлардан мустақил равишда, шу жумладан, «Электрон ҳукумат» тизими идоралараро интеграциялашув платформаси орқали сўраб олинадиган ҳужжатлар рўйхати;

ўқишга қабул қилишда ҳарбий-профессионал йўналиш, дастлабки саралаб олиш ва тест синовлари тадбирларини ташкил этиш ва ўтказиш тартиби ҳамда саралаб олиш жараёнида номзодларга бериладиган имтиёзлар рўйхати;

курсантларни ўқишдан четлаштириш асослари ва уларни қайта тиклаш бўйича амалга ошириладиган чора-тадбирлар.

2. Ўзбекистон Республикаси олий ҳарбий таълим муассасаларининг рўйхати 2-иловага мувофиқ тасдиқлансин.

3. Ўзбекистон Республикаси Ҳукуматининг 3-иловага мувофиқ айрим қарорларига ўзгартириш ва қўшимчалар киритилсин.

4. Ўзбекистон Республикаси Ҳукуматининг 4-иловага мувофиқ айрим қарорлари ўз кучини йўқотган деб ҳисоблансин.

5. Ўзбекистон Республикаси Қуролли Кучлари таркибига кирувчи вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.

6. Мазкур қарорнинг бажарилишини назорат қилиш Ўзбекистон Республикаси мудофаа вазири Б.Н. Курбанов ва Ўзбекистон Республикаси фавқулодда вазиятлар вазири вазифасини бажарувчи Т.А. Худайбергенов зиммасига юклансин.

Вазирлар Маҳкамасининг 2021 йил 27 декабрдаги 775-сон қарорига 1-ИЛОВА

1-боб. Умумий қоидалар

1. Ушбу Низом Ўзбекистон Республикаси фуқаролари орасидан номзодларни (кейинги ўринларда — номзодлар) Ўзбекистон Республикаси олий ҳарбий таълим муассасаларида (кейинги ўринларда — ОҲТМ) ўқишга саралаб олиш ва қабул қилиш ҳамда олий ҳарбий таълим муассасаларининг курсантларини ўқишдан четлаштириш ва қайта тиклаш тартибини белгилайди.

Мазкур Низом:

Амир Темур номидаги Ўзбекистон Республикаси Давлат хавфсизлик хизмати академиясида ўқишга номзодларни саралаб олиш ва қабул қилиш тартибига;

Ўзбекистон Республикаси Жамоат хавфсизлиги университетида ўқишга номзодларни саралаб олиш ва қабул қилиш ҳамда мазкур университет курсантлари (талабалари) ва тингловчиларини ўқишдан четлаштириш ва қайта тиклаш тартибига нисбатан татбиқ этилмайди.

2. Ушбу Низомда қуйидаги асосий тушунчалар қўлланилади:

номзодлар — ОҲТМга ўқишга кириш учун саралаб олиш тадбирларида қатнашиш истагини билдирган Ўзбекистон Республикаси фуқароси (олий маълумотга эга шахслар бундан мустасно), муддатли ҳарбий хизматни ўтаётган ҳарбий хизматчи ёки офицерлар таркиби ҳарбий унвонига эга бўлмаган контракт бўйича ҳарбий хизматчи;

ҳарбий-профессионал йўналтириш — ёшларнинг шахсий қизиқишларига, қобилиятларига мувофиқ ва турли мутахассисликлар бўйича ҳарбий кадрларга бўлган ҳақиқий эҳтиёжни ҳисобга олган ҳолда, ҳарбий касбни онгли-асосли танлашига кўмаклашиш бўйича мақсадли йўналтирилган ва режалаштирилган фаолият;

дастлабки саралаб олиш — ОҲТМга ўқишга киришга қарор қилган номзодларнинг тегишли маълумотларини, таълим муассасасидаги ўзлаштириш даражасини, индивидуал-психологик хусусиятларини, жисмоний тайёргарлиги ва соғлиғига оид маълумотларни тўплаш ҳамда ўрганиш;

қабул комиссияси — ОҲТМга ўқишга қабул қилишни ташкил этиш, шу жумладан, номзодларга маслаҳат хизматлари кўрсатиш мақсадида ҳар йили тузиладиган комиссия;

тест синовлари — ОҲТМнинг таълим йўналишлари ўзига хослигини ҳисобга олган ҳолда, номзодларнинг умумтаълим ўқув дастурларини ўзлаштирганлик даражасини аниқлаш мақсадида Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги (кейинги ўринларда — Билимни баҳолаш агентлиги) томонидан ўтказиладиган тадбир.

3. Курсантларга ўқишини бир вазирлик ва идоралар ОҲТМдан бошқа вазирлик ва идоралар ОҲТМга кўчиришга рухсат этилмайди. Курсантлар ўқишини битта вазирлик ва идорага бўйсунувчи ОҲТМдан ушбу вазирлик ва идора тасарруфидаги бошқа ОҲТМга кўчириш тартиби мазкур вазирлик ва идора раҳбари томонидан белгиланади.

4. ОҲТМга номзодлар Ўзбекистон Республикаси Президенти томонидан тасдиқланадиган бутлаш режасига мувофиқ қабул қилинади.

2-боб. Номзодларни ОҲТМга саралаб олиш ва қабул қилиш тартиби

1-§. Қабул комиссия фаолиятини ташкил қилиш, ОҲТМга ўқишга кириш учун ҳужжатлар топшириш

5. ОҲТМда ўқишга саралаб олиш ва қабул қилиш Ўзбекистон Республикаси Мудофаа вазирлиги ва Фавқулодда вазиятлар вазирлиги (кейинги ўринларда — масъул вазирликлар) томонидан ушбу Низомга 1-иловада келтирилган схемага мувофиқ босқичма-босқич амалга ошириладиган саралаб олиш тадбирлари комплексига асосан амалга оширилади.

6. ОҲТМ курсантлари контингентини сифатли бутлаш учун қуйидаги саралаб олиш тадбирлари босқичма-босқич амалга оширилади:

ҳарбий-профессионал йўналтириш;

дастлабки саралаб олиш;

тест синовлари.

7. Бир босқичдан муваффақиятли ўта олмаган номзодлар кейинги босқичга қўйилмайди.

8. ОҲТМга танлов, тенг ҳуқуқлилик ва қабул қилишнинг ягона қоидалари асосида қабул қилинади.

Номзодлар уч тил — ўзбек, қорақалпоқ ва рус тилидан бирини шахсан танлаган ҳолда тест синовлари топширадилар.

9. ОҲТМга ўқишга кириш учун номзодлар «Умумий ҳарбий мажбурият ва ҳарбий хизмат тўғрисида»ги Ўзбекистон Республикасининг Қонуни ҳамда Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомда белгиланган талабларга жавоб бериши зарур.

10. ОҲТМга ўқишга киришдан олдин (дастлабки саралаб олиш даврида) номзодлар, уларнинг ота-оналари ёки уларнинг ўрнини босувчи шахслар (кейинги ўринларда — ота-оналар) мазкур муассасалар раҳбарияти томонидан улар ўқишни тамомлагандан сўнг тузилган контрактда кўрсатилган муддат тугамасдан ёки беш календарь йил мобайнида офицерлар таркиби лавозимларида хизматни ўтамасдан ҳарбий хизматни (хизматни) ўташдан бош тортган, контракт шартларини бажармаганлиги ёки содир этган жинояти учун судланганлиги сабабли бўшатилаётган, шунингдек, бундай контрактни тузишдан бош тортган ҳолларда, ҳарбий хизматчини ўқитишга сарфланган бюджет маблағларини қоплаб бериши (моддий жавобгарлик) тўғрисида ёзма равишда огоҳлантирилади ва улардан мазкур Низомга 2-иловага мувофиқ шаклда тилхат олинади.

11. ОҲТМга ўқишга қабул қилишни сифатли ташкил этиш учун масъул вазирликлар томонидан ОҲТМ қабул комиссиялари (кейинги ўринларда — қабул комиссияси) ташкил этилади.

12. Қабул комиссиясига ОҲТМнинг бошлиғи раҳбарлик қилади. Қабул комиссияси таркибига масъул вазирликларнинг тегишли таркибий тузилмалари мутахассислари киритилади.

Қабул комиссиясининг таркиби, асосий вазифалари, ҳуқуқ ва мажбуриятлари, шунингдек, унинг фаолиятини ташкил этиш тартиби масъул вазирликларнинг ички идоравий ҳужжатлари билан белгиланади.

Қабул комиссияси ўз фаолиятини қабул йилининг 10 мартидан 1 сентябрига қадар амалга оширади.

13. Қабул комиссияси раиси:

қабул комиссиясининг ишини ташкил этади;

қабул комиссиясининг вазифаларини белгилайди;

кичик комиссиялар таркибини шакллантиради ва тасдиқлайди;

кичик комиссиялар фаолиятини мувофиқлаштиради ва назорат қилади.

Қабул комиссияси раиси ўзига юкланган вазифаларни бажариш учун ўз ваколати доирасида буйруқлар чиқаради.

14. Қабул йилининг 20 мартигача қабул комиссияси таркибида қуйидаги йўналишлар кесимида кичик комиссиялар тузилади:

номзодларнинг ҳужжатларини ўрганиш бўйича кичик комиссия;

индивидуал-психологик ўрганиш бўйича кичик комиссия;

номзодларнинг жисмоний тайёргарлик даражасини баҳолаш бўйича кичик комиссия.

15. ОҲТМга ўқишга кириш истагини билдирган номзодлар яшаш жойидаги мудофаа ишлари бўлимларига мазкур Низомга 3-иловага мувофиқ шаклдаги ариза билан, ҳарбий хизматчилар эса хизмат жойидаги тегишли командир (бошлиқ) номига мазкур Низомга 4-иловага мувофиқ шаклдаги билдирги билан мурожаат қилади.

Ўзбекистон Республикаси Ҳарбий хавфсизлик ва мудофаа университетининг (кейинги ўринларда — Ҳарбий хавфсизлик ва мудофаа университети) «Психология (ҳарбий психология)» таълим йўналиши, Ўзбекистон Республикаси Ҳарбий хавфсизлик ва мудофаа университетининг Ахборот-коммуникация технологиялари ва ҳарбий алоқа институти (кейинги ўринларда — Ҳарбий алоқа институти) ҳамда Ўзбекистон Республикаси Ҳарбий хавфсизлик ва мудофаа университетининг Ҳарбий тиббиёт институтига (кейинги ўринларда — Ҳарбий тиббиёт институти) ўқишга кириш истагини билдирган, тегишлилигича психология, педагогика ва муҳандислик-техник таълим йўналишлари мавжуд бўлган олий таълим муассасаларининг иккинчи босқичини, олий тиббий таълим муассасалари даволаш факультетларининг бешинчи босқичи ва тиббий-профилактика факультетларининг тўртинчи босқичини тамомлаган талабалар (кейинги ўринларда — талабалар) тегишли олий таълим муассасалари ректорлари номига мазкур Низомга 5-иловага мувофиқ шаклдаги ариза билан мурожаат қилади. Аризалар олий таълим муассасалари томонидан улар жойлашган ҳудуддаги тегишли мудофаа ишлари бўлимларига икки кун муддатда юборилади.

16. ОҲТМга ўқишга кириш учун аризалар (билдиргилар) қабул йилининг 1 февралидан 31 мартигача (шу куни ҳам) қабул қилинади.

17. ОҲТМга ўқишга кириш истагини билдирган номзодлар томонидан мудофаа ишлари бўлимларига қуйидаги ҳужжатлар тақдим этилади:

ариза (билдирги);

чақирилувчининг қайд этиш гувоҳномаси ёки ҳарбий гувоҳномаси;

номзод томонидан қўлда ёки компьютерда ёзилган таржимаи ҳол;

анкета;

ўқиш, иш ёки хизматни ўташ жойидан (агар ўқиётган, ишлаётган ёки хизматни ўтаётган бўлса) тавсифнома ҳамда маълумотнома;

ота-онасининг ОҲТМга ўқишга киришига розилик хати (вояга етмаганлар учун);

3 х 4 см ўлчамдаги 6 та фотосурат (бош кийимсиз ва бурчаксиз) ҳамда 4,5 х 6 см ўлчамдаги 4 та фотосурат (бош кийимсиз);

Қуйидаги ҳужжатлар мудофаа ишлари бўлимлари томонидан тегишли давлат органлари ва ташкилотларидан мустақил равишда, шу жумладан, «Электрон ҳукумат» тизими идоралараро интеграциялашув платформаси орқали сўраб олинади:

шахсни тасдиқловчи ҳужжат нусхаси;

туғилганлик ҳақида гувоҳнома нусхаси;

маълумоти тўғрисидаги (умумий ўрта, ўрта махсус, бошланғич профессионал, ўрта профессионал, ўрта махсус профессионал) ҳужжатлар (асли ва нусхаси) ҳамда рейтинг дафтарчаси (баҳолар табели) нусхаси.

ОҲТМга ўқишга киришда имтиёзлардан фойдаланиш ҳуқуқини тасдиқловчи ҳужжат тўғрисида маълумот.

Номзодлар томонидан ҳужжатларни тақдим этишда, чақирилувчининг қайд этиш гувоҳномаси ёки ҳарбий гувоҳномаси шахсан кўрсатилади.

18. ОҲТМга ўқишга кириш истагини билдирган номзодлар — ҳарбий хизматчилар томонидан ўз хизмат ўташ жойидаги кадр (саф) бўлинмасига мазкур Низомнинг 17-бандида назарда тутилган ҳужжатлар билан бирга қўшимча равишда қуйидаги ҳужжатлар тақдим этилади:

ОҲТМга ўқишга киришга тавсияномалар (муддатли ҳарбий хизматни ўтаётган ҳарбий хизматчиларга — ҳарбий бўлинманинг умумий йиғилиши баённомасидан кўчирма, контракт бўйича ҳарбий хизматчиларга — тегишли масъул вазирликларнинг ҳудудий органи ёки ҳарбий қисмнинг (муассасанинг) аттестация комиссияси йиғилиши баённомасидан кўчирма);

тегишли масъул вазирликларнинг ҳудудий органи ёки ҳарбий қисм (муассаса) томонидан берилган тавсиянома.

19. Мазкур Низом 15-бандининг иккинчи хатбошисида кўрсатилган талабалар томонидан олий таълим муассасалари жойлашган ҳудуддаги мудофаа ишлари бўлимларига ушбу Низомнинг 17-бандида кўрсатилган ҳужжатлар билан бирга қўшимча равишда қуйидаги ҳужжатлар тақдим этилади:

тегишли босқичда ўқиётганлигини тасдиқловчи маълумотнома;

рейтинг дафтарчаси нусхаси.

19 1 . Ҳарбий хавфсизлик ва мудофаа университети бакалавриат босқичининг «Қўшинларнинг тактик қўмондонлиги (чегара қўшинлари)» таълим йўналиши бўйича ўқишга номзодлар Вазирлар Маҳкамасининг 2021 йил 27 апрелдаги 241-сон қарори билан тасдиқланган Амир Темур номидаги Ўзбекистон Республикаси Давлат хавфсизлик хизмати академиясига бакалавриат таълим йўналиши бўйича кундузги таълим шаклида ўқишга номзодларни саралаб олиш ва қабул қилиш тартиби тўғрисидаги низомга ҳамда Ўзбекистон Республикаси Давлат хавфсизлик хизматининг ички идоравий ҳужжатларига мувофиқ саралаб олинади.

2-§. Ҳарбий-профессионал йўналтириш

20. Офицер касбининг моҳиятини ва унга қўйиладиган талабларни очиб бериш, ёшларда ҳарбий касбни онгли равишда танлаш кўникмасини шакллантириш, муайян ҳарбий мутахассисликни танлашда уларга ёрдам бериш ҳарбий-профессионал йўналтиришнинг асосий мақсади ҳисобланади.

21. Қуйидагилар ҳарбий-профессионал йўналтиришнинг асосий вазифалари ҳисобланади:

офицерлар хизматининг ижтимоий мазмуни ва ўзига хослигини очиб бериш, шу асосда ёшларнинг офицер — Ватан ҳимоячиси касбининг юксак масъулиятини тўғри тушуниши ва англашига эришиш;

ОҲТМга киришга қарор қилган фуқаро ёшлар ва ҳарбий хизматчиларга уларнинг истеъдоди, қобилиятларини ва шахсий фазилатларини ҳисобга олган ҳолда ҳарбий мутахассисликни танлашда ёрдам бериш;

ОҲТМга кирувчи номзодларнинг маънавий ва ахлоқий фазилатларига, психологик хусусиятларига, умумжисмоний ва умумтаълим тайёргарлик даражасига, соғлиғига қўйиладиган талабларни тушунтириш;

ОҲТМга ўқишга киришга энг иқтидорли, ҳар томонлама баркамол, тайёргарлик кўрган ва Ватанга садоқатли ёшларни жалб этиш.

22. Ҳарбий-профессионал йўналтириш ОҲТМга ўқишга киргунга қадар йил давомида ўтказилади ва ушбу босқичда:

ўқувчи ёшларнинг фахрийлар, масъул вазирликларнинг ҳудудий органлари, ҳарбий қисм (муассаса) ҳамда ОҲТМнинг вакиллари билан учрашувлари ва давра суҳбатлари ўтказилади. Бунда уларга офицер касби, ОҲТМга тайёргарлик кўриш ва кириш тартиби тўғрисида тушунтиришлар берилади;

масъул вазирликларнинг ҳудудий органлари, мудофаа ишлари бўлимлари ва ҳарбий қисмларда (муассасаларда) ОҲТМга қабул қилиш тартиби, ўқишга киришда бериладиган имтиёзлар, ҳарбий хизматни ўташнинг ўзига хос хусусиятларини акс эттирувчи ахборот-маълумотлар бурчаклари ташкил этилади.

23. Ёшларни ҳарбий-ватанпарварлик руҳида тарбиялаш ҳарбий-профессионал йўналтиришнинг асоси ҳисобланади. Ҳарбий-ватанпарварлик руҳида тарбиялаш доирасида маърузалар ўқилади, суҳбатлар ўтказилади, Ўзбекистон Республикаси Қуролли Кучлари тизимидаги ва давлат музейларига, ҳарбий қисмларга (муассасаларга), ОҲТМга экскурсиялар уюштирилади ҳамда ёшларни Ўзбекистон Республикаси Қуролли Кучларини ташкил этиш ва ривожлантириш тарихи ҳамда ОҲТМ билан таништиришни назарда тутувчи бошқа тадбирлар ўтказилади.

24. Номзодларда ҳарбий хизматга қизиқишни шакллантириш ва офицер касби тўғрисида тўғри тасаввур ҳосил қилиш ишлари тегишли таълим муассасалари, маҳаллий ҳарбий бошқарув органлари ва жамоат бирлашмалари билан ўзаро яқин ҳамкорликда, чақирувга қадар бошланғич тайёргарлик раҳбарларини фаол жалб этган ҳолда масъул вазирликлар томонидан амалга оширилади.

25. Ёшларни ҳарбий-профессионал йўналтириш доирасида уларга касбга доир маслаҳатлар берилади, номзодларнинг шахсий фазилатлари, қизиқишлари ва қобилиятларини ҳисобга олган ҳолда, ҳарбий касбни танлашда бевосита ёрдам кўрсатилади.

Касбга доир маслаҳатлар таълим муассасаларининг чақирувга қадар бошланғич тайёргарлик раҳбарлари томонидан берилади, тайёрлаш жараёнида номзодларнинг шахсий фазилатларига, қобилиятларига ва ОҲТМда ўқишга маънавий-психологик тайёргарлик даражаси баҳоланади.

Маслаҳатлар бериш жараёнида номзодларнинг хоҳиш-истаклари ва қобилиятлари чуқур ўрганилади, уларнинг ОҲТМга кирувчи шахсларга қўйиладиган талабларга мослик даражаси аниқланади.

26. Ҳарбий хизматчиларни ОҲТМга ўқишга киришга тайёрлаш масъул вазирликлар ҳудудий органларининг бошлиқлари, ҳарбий қисмлар (муассасалар) командирлари (бошлиқлари) раҳбарлигида ўтказилади.

27. Масъул вазирликлар жойларда ҳарбий-профессионал йўналтириш бўйича ишларнинг ташкил этилиши ва ўтказилишини, ОҲТМнинг расмий веб-сайтларида уларнинг фаолиятини акс эттирувчи материаллар вақти-вақти билан янгилаб турилишини назорат қилади ҳамда тегишли ОҲТМдаги таълим жараёни, уларга кириш шартлари ҳақида маълумот бериш мақсадида нашр этилган буклетлар ва плакатлар ҳудудий органлар ҳамда ҳарбий қисмларга (муассасаларга) етказилишини ташкил этади.

28. ОҲТМга ҳарбий-профессионал йўналтириш соҳасида қуйидаги вазифалар юкланади:

ОҲТМдаги ҳаёт, турмуш ва ўқишнинг ўзига хос жиҳатлари тўғрисида плакат, буклет, фильм ва видеороликлар шаклидаги ахборот материалларини тайёрлаш ҳамда масъул вазирликларнинг ҳудудий органлари ва ҳарбий қисмларга (муассасаларга) тарқатиш;

республика ва маҳаллий оммавий ахборот воситаларида ОҲТМ вакилларининг чиқишларини ташкил этиш, ОҲТМ тўғрисидаги фильмларни намойиш этиш, маърузалар ва очиқ эшиклар кунларини ўтказиш;

ҳарбий стажировкалар, ишлаб чиқариш амалиётлари, таътиллар даврида ОҲТМдаги доимий ва ўзгариб турувчи таркибнинг ҳарбий хизматчилар ва фуқаро ёшлар билан учрашувлари ва суҳбатларини ўтказиш.

29. Ҳарбий қисмларга (муассасаларга) ҳарбий-профессионал йўналтириш соҳасида қуйидаги вазифалар юкланади:

маънавият ва маърифат марказлари, маданият марказларида ОҲТМдаги ҳаёт, ОҲТМга қабул қилиш шартлари, муддатли ҳарбий хизматни ўтаган фуқароларга ва контракт бўйича ҳарбий хизматчиларга ОҲТМга киришда бериладиган имтиёзлар, Ўзбекистон Республикаси Қуролли Кучлари қўшинларида (қўшин турларида) офицерлар таркибининг ҳарбий хизмати хусусияти ва ўзига хос жиҳатларини акс эттирувчи кўргазмали, ўқув-маслаҳат бурчакларини ташкил этиш;

Ўзбекистон Республикаси Қуролли Кучлари офицерлар таркибининг ҳарбий хизмати, ОҲТМдаги таълим жараёни тўғрисидаги фильмларни намойиш қилиш, шунингдек, фахрийлар ва ОҲТМнинг вакиллари билан мунтазам учрашувлар ташкил этиш;

ҳарбий хизматчилар билан офицер касби тўғрисида якка тартибда тушунтириш суҳбатлари ўтказиш;

ҳарбий-профессионал йўналтириш бўйича ишлар самарадорлигини мунтазам таҳлил қилиш;

ОҲТМ билан мустаҳкам алоқани йўлга қўйиш.

30. Масъул вазирликларнинг ҳудудий органлари ҳамда чақирувга қадар бошланғич тайёргарлик раҳбарлари зиммасига ҳарбий-профессионал йўналтириш соҳасида қуйидаги вазифалар юкланади:

фуқаро ёшлар орасидан ОҲТМга номзодларни саралаб олиш ишларини ташкил этиш, уларни офицерлар таркибига қўйиладиган талаблар билан таништириш;

жойлардаги таълим муассасаларининг аълочи битирувчилари билан йиғинлар, шунингдек, мақсадли тарғибот ишларини ташкил этиш;

ОҲТМда ўқиш учун номзодларга қўйиладиган талабларни фуқаро ёшларга етказиш;

ҳокимликлар ва жамоат ташкилотларининг вакиллари иштирокида таълим муассасаларидаги чақирувга қадар бошланғич тайёргарлик раҳбарлари, Ўзбекистон Республикаси мудофаасига кўмаклашувчи «Ватанпарвар» ташкилотининг ўқув муассасалари ўқитувчилари билан ҳарбий-профессионал йўналтириш масалалари бўйича ҳар йилги ўқув-методик йиғинлар ўтказиш;

ҳарбий-профессионал йўналтириш бўйича ишларни олиб боришда таълим муассасаларидаги чақирувга қадар бошланғич тайёргарлик раҳбарларига ёрдам бериш, таълим муассасаларини офицерлик касбларига бағишланган стендлар билан жиҳозлаш;

масъул вазирликларнинг ҳудудий органларида ОҲТМдаги ҳаётни акс эттирувчи кўргазма материалларини, қабул қилиш шартлари, муддатли ҳарбий хизматни ўтаган ҳарбий хизматчиларга ва контракт бўйича ҳарбий хизматчиларга ОҲТМга киришда бериладиган имтиёзлар, Ўзбекистон Республикаси Қуролли Кучлари қўшинларида (қўшин турларида) офицерлар таркибида ҳарбий хизматни ўташнинг хусусияти ва ўзига хос жиҳатлари тўғрисида маълумот берувчи ўқув-маслаҳат бурчакларини ташкил этиш;

ўрта махсус ва касбий таълим муассасаларида (ташкилотларида) фуқаро ёшларни ҳарбий-профессионал йўналтириш тадбирларида мудофаа ишлари бўлимлари вакилларининг бевосита иштирокини таъминлаш;

ҳокимликлар, Қорақалпоғистон Республикаси, вилоятлар ва Тошкент шаҳар касбий таълимни ривожлантириш ва мувофиқлаштириш ҳудудий бошқармалари, академик лицейлар ва касб-ҳунар мактаблари, жамоат ташкилотлари ва маҳаллий оммавий ахборот воситалари билан ҳарбий-профессионал йўналтириш бўйича мустаҳкам ўзаро ҳамкорликни йўлга қўйиш;

фуқаро ёшларнинг маънавият ва маърифат марказларига, жойлардаги тарихий, ҳарбий-ватанпарварлик музейларига ва Ўзбекистон Республикаси Қуролли Кучларининг Давлат музейига, ҳарбий қисмлар ва муассасаларга ташрифини ташкил этиш;

Ўзбекистон Республикаси Қуролли Кучлари офицерлар таркибининг ҳарбий хизмати, ОҲТМдаги ҳаёт тўғрисидаги фильмларни намойиш қилиш;

ҳарбий мутахассисликни онгли равишда танлашда ёшларга ёрдам бериш.

31. Республиканинг психология, педагогика ва муҳандислик-техник таълим йўналишлари мавжуд бўлган олий таълим муассасалари ҳамда олий тиббий таълим муассасалари ректорларига ҳарбий-профессионал йўналтириш соҳасида қуйидаги вазифалар юкланади:

талабалар орасидан ОҲТМга номзодларни танлаш ва офицерлик касбининг шарафли эканлигини тарғиб этишга қаратилган ишларни ташкил этиш;

олий таълим муассасаларида ўқув-маслаҳат бурчаклари ташкил этиш ва ҳарбий хизматчилар, уларнинг оила аъзоларига бериладиган имтиёзлар, ҳарбий хизматнинг шартлари ва ўзига хос жиҳатларини акс эттирувчи кўргазмали ташвиқот материалларини жойлаштириш;

мунтазам равишда ОҲТМга экскурсиялар уюштириш, ОҲТМ курсантлари ва олий таълим муассасалари талабалари орасида давра суҳбатлари, танловлар ташкил этиш, таълим жараёнини ташкил этиш бўйича ўзаро ҳамкорлик ва тажриба алмашинувини йўлга қўйиш.

3-§. Дастлабки саралаб олиш тадбирларини ташкил этиш ва ўтказиш

32. Соғлиғи, умумжисмоний тайёргарлиги ва индивидуал психологик хусусиятларига мувофиқ ҳарбий ихтисосликнинг замонавий талабларига жавоб берадиган, ғоявий-маънавий барқарор, мустаҳкам интеллектуал ва маънавий-ахлоқий салоҳиятга эга бўлган номзодларни аниқлаш дастлабки саралаб олишнинг асосий мақсади ҳисобланади.

33. Қуйидагилар дастлабки саралаб олишнинг асосий вазифалари ҳисобланади:

номзодларга тегишли ҳужжатларни ва уларни тавсифловчи маълумотларни тўплаш;

номзодлар тўғрисидаги турли маълумотларни аниқлаштириш (оилавий аҳволи, ота-оналари ва яқин қариндошларининг ҳарбий хизматга муносабати ва шу кабилар), офицерлик касбини танлашининг сабабларини, асосларини аниқлаш;

номзодларнинг соғлиғини ва умумжисмоний тайёргарлик кўрганлигини ҳар томонлама, холисона баҳолаш;

ОҲТМга кирувчи номзодларнинг индивидуал-психологик хусусиятларини ўрганиш.

34. Дастлабки саралаб олиш:

фуқаро ёшлар (талабалар) учун — яшаш жойидаги (олий таълим муассасаси жойлашган ҳудуддаги) мудофаа ишлари бўлимлари ва Фавқулодда вазиятлар вазирлигининг ҳудудий органларида;

ҳарбий хизматчилар учун — хизматни ўташ жойидаги ҳарбий қисмларда (муассасаларда) ва масъул вазирликларнинг ҳудудий органларида ўтказилади.

35. Дастлабки саралаб олиш давомида қуйидаги тадбирлар ташкил этилади ва ўтказилади:

ҳужжатларни тўплаш ва ўрганиш;

якка тартибда суҳбатлашиш;

индивидуал-психологик ўрганиш;

умумжисмоний тайёргарлик кўрганлигини баҳолаш;

тиббий кўрикдан ўтказиш.

Саралаб олиш жараёнларининг шаффофлиги ва холислигини таъминлаш мақсадида индивидуал-психологик ўрганиш ва умумжисмоний тайёргарлик кўрганлигини баҳолаш жараёнлари видеоёзувга туширилади.

36. Дастлабки саралаб олиш тадбирлари қуйидаги икки босқичда ўтказилади:

а) биринчи босқич фуқаро ёшлар (талабалар) учун — мудофаа ишлари бўлимларида, ҳарбий хизматчилар учун — хизматни ўташ жойида 1 февралдан 31 мартга қадар (шу куни ҳам) амалга оширилади ҳамда ушбу босқичда қуйидаги тадбирлар ўтказилади:

ҳужжатларни тўплаш ва ўрганиш;

якка тартибда суҳбатлашиш;

бирламчи тиббий кўрикдан ўтказиш (талабалар, ҳарбий-академик лицейлар битирувчилари, ҳарбий хизматчилар бундан мустасно);

б) иккинчи босқич фуқаро ёшлар (талабалар) ва ҳарбий хизматчилар учун — мудофаа ишлари бошқармалари ва Ўзбекистон Республикаси Мудофаа вазирлигининг ҳарбий-тиббий муассасаларида 1 апрелдан 20 майгача (шу куни ҳам) амалга оширилади ҳамда ушбу босқичда қуйидаги тадбирлар ўтказилади:

индивидуал-психологик ўрганиш;

умумжисмоний тайёргарлик кўрганлигини баҳолаш;

якуний тиббий кўрикдан ўтказиш.

Ўзбекистон Республикаси Ҳарбий хавфсизлик ва мудофаа университетининг Ҳарбий авиация институтига кириш истагини билдирган номзодлар билан учувчилар таркибининг ўзига хос талабларидан келиб чиққан ҳолда, қўшимча равишда уларнинг инглиз ва рус тилини билиш даражаси бўйича мазкур Низомга 6-иловада келтирилган методикага мувофиқ текшириш ўтказилади.

Дастлабки саралаб олиш тадбирларида иштирок этадиган номзодлар сони чекланмайди.

37. Ҳужжатларни тўплаш ва ўрганиш натижаларни таҳлил қилиш, номзодлар тўғрисидаги маълумотларни режали жамлаш ва тизимлаштириш, уларнинг ижтимоий фаоллиги ва маънавий-ишбилармонлик фазилатларини баҳолаш усули билан ўтказилади.

Номзодларнинг ижтимоий фаоллиги ва маънавий-ишбилармонлик фазилатларини аниқлашда:

номзодларнинг мамлакатда амалга оширилаётган ислоҳотларнинг моҳияти ва аҳамиятини, давлатни ҳимоя қилиш бўйича конституциявий мажбуриятларни тушуниши;

юқори даражадаги ҳушёрлик ҳамда ёт мафкура ва ахлоққа нисбатан муросасизлик зарурлигини англаш;

бурчни ҳис этиш, қатъиятлилик, ишчанлик, меҳнатсеварлик ва тўғрилик;

жамоанинг ижтимоий ҳаётида фаол қатнашиш;

номзодлар томонидан хизмат (меҳнат) фаолиятида, ўқишда ва чақирувга қадар бошланғич тайёргарликда эришилган натижалар ҳисобга олинади.

Бундан ташқари, офицер бўлиш хоҳишининг онгли қабул қилинганлиги, асосланганлигига ва бунинг учун зарур фазилатлар мавжудлигига асосий эътибор берилади.

38. Номзодларнинг ҳужжатларини тўплаш ва ўрганиш ишлари дастлабки саралаб олиш тадбирларининг биринчи босқичи якунлангунга қадар (31 мартгача (шу куни ҳам)) амалга оширилади.

39. Якка тартибдаги суҳбат номзодлар тўғрисидаги маълумотларни аниқлаштириш (оилавий аҳволи, ота-оналари ва яқин қариндошларининг ҳарбий хизматга муносабати ва шу кабилар), офицерлик касбини танлашнинг сабаблари, асосларини аниқлаш, таълим муассасасидаги ўзлаштириш ва хорижий тилни эгаллаганлик даражасини ўрганиш мақсадида ўтказилади.

Суҳбат давомида ОҲТМга кирувчиларга қўйиладиган талаблар, бериладиган имтиёзлар ва бошқа масалалар номзодларга етказилади. Номзодлар учун қонунчиликда белгиланган имтиёзлар аниқланади.

39 1 . ОҲТМга ўқишга киришда имтиёзга эга бўлган номзодларнинг ягона базаси ҳар йил 1 июнга қадар манфаатдор вазирлик ва идоралар томонидан Билимни баҳолаш агентлигининг махсус ахборот тизимига киритилади.

40. Тегишли шакл бўйича давлат сирларидан фойдаланишга доир рухсатномани келишиш учун зарур бўлган материаллар номзод ўқишга қабул қилингандан сўнг расмийлаштирилади.

41. Якка тартибдаги суҳбат:

фуқаро ёшлар (талабалар) билан — мудофаа ишлари бўлимлари бошлиқлари;

ҳарбий хизматчилар билан — масъул вазирликларнинг ҳудудий органлари бошлиқлари, ҳарбий қисмлар (муассасалар) командирлари (бошлиқлари) томонидан ўтказилади.

Якка тартибдаги суҳбат номзодлар ариза (билдирги) билан мурожаат қилган кундан бошлаб 10 кун ичида ўтказилади. Якка тартибдаги суҳбат натижаси бўйича мазкур Низомга 7-иловага мувофиқ шаклда якка тартибдаги суҳбат варақаси тўлдирилади.

42. Номзодларнинг бирламчи тиббий кўриги Ўзбекистон Республикаси Президентининг 2018 йил 25 декабрдаги ПҚ-4076-сон қарори билан тасдиқланган Ўзбекистон Республикаси Қуролли Кучларида тинчлик ва уруш даврида тиббий кўрикдан ўтказиш тўғрисидаги низом ва бошқа қонунчилик ҳужжатларига мувофиқ ўтказилади.

Бирламчи тиббий кўрикдан ўтказиш натижалари бўйича номзодларнинг ОҲТМда ўқишга яроқлилиги тўғрисида хулоса чиқарилади. Мазкур хулоса номзодларнинг шахсий ҳужжатлари йиғмажилдига қўшиб қўйилади.

Соғлиғининг ҳолатига кўра ОҲТМда ўқишга яроқсиз деб топилган номзодлар дастлабки саралаб олишнинг кейинги тадбирларига қўйилмайди.

43. Индивидуал-психологик ўрганиш қабул комиссияси раиси томонидан тасдиқланган режа-жадвал асосида 1 апрелдан 20 майгача (шу куни ҳам) қабул комиссияси таркибига киритилган мутахассис-психологлар томонидан номзодларни психологик тест синовидан ўтказиш йўли билан мазкур Низомга 8-иловада келтирилган методикага мувофиқ ўтказилади.

Индивидуал-психологик ўрганиш бўйича кичик комиссия таркибига республиканинг етакчи олий таълим муассасаларидан тегишли мутахассис-психологлар шартнома асосида жалб қилиниши мумкин.

44. Психологик тест синови натижалари бўйича қуйидаги хулосалар чиқарилади:

ОҲТМга кириш учун тавсия этилади;

ОҲТМга кириш учун тавсия этилмайди.

Психологик тест синови натижалари бўйича ОҲТМга кириш учун тавсия этилмаган номзодлар дастлабки саралаб олишнинг кейинги тадбирларига қўйилмайди.

45. Номзодларнинг умумжисмоний тайёргарлик даражасини баҳолаш қабул комиссияси раиси томонидан тасдиқланган режа-жадвал асосида қабул комиссияси таркибига киритилган мутахассислар томонидан мазкур Низомга 9-иловада келтирилган методикага мувофиқ 1 апрелдан 20 майгача (шу куни ҳам) ўтказилади.

Умумжисмоний тайёргарлик даражасини баҳолаш синовларидан ўтмаган номзодлар дастлабки саралаб олишнинг кейинги тадбирларига қўйилмайди.

46. Номзодларнинг якуний тиббий кўриги Ўзбекистон Республикаси Президентининг 2018 йил 25 декабрдаги ПҚ-4076-сон қарори билан тасдиқланган Ўзбекистон Республикаси Қуролли Кучларида тинчлик ва уруш даврида тиббий кўрикдан ўтказиш тўғрисидаги низом ва бошқа қонунчилик ҳужжатларига мувофиқ ўтказилади.

Якуний тиббий кўрикдан ўтказиш натижалари бўйича номзоднинг ОҲТМда ўқишга яроқлилиги тўғрисида хулоса чиқарилади. Мазкур хулоса номзоднинг шахсий ҳужжатлари йиғмажилдига қўшиб қўйилади.

Соғлиғининг ҳолатига кўра ОҲТМда ўқишга яроқсиз деб топилган номзодлар тест синовларига қўйилмайди.

47. Дастлабки саралаб олиш тадбирларидан муваффақиятли ўтган номзодларнинг рўйхатлари мазкур Низомга 9а-иловага мувофиқ шаклда мудофаа ишлари бошқармалари ва ҳарбий қисмлар (муассасалар) томонидан 1 июнга қадар ОҲТМ қабул комиссиясига юборилади.

ОҲТМ қабул комиссияларига тақдим этилаётган рўйхатларнинг тўғри, аниқ ва ҳаққонийлигига жавобгарлик масаласи шахсан мудофаа ишлари бошқармалари бошлиқлари ҳамда ҳарбий қисмлар (муассасалар) командирлари (бошлиқлари) зиммасига юкланади.

47 1 . Дастлабки саралаб олиш тадбирларининг барчасида иштирок этмасдан муддатли ҳарбий хизмат муддати тугаганлиги сабабли ҳарбий хизматдан бўшатилган номзодларнинг йиғмажилдлари ушбу ҳарбий хизматчилар ҳарбий қисм (муассаса) рўйхатидан чиқарилган куни уларнинг яшаш (ҳарбий ҳисобга қўйиш) жойидаги мудофаа ишлари бошқармаси бошлиғига юборилади.

Мудофаа ишлари бошқармаси бошлиғи номзод танлаган ОҲТМ қабул комиссияси котиби билан ушбу номзодларни иштирок этмаган дастлабки саралаб олиш тадбирларида қатнашишини таъминлайди.

48. Саралаб олиш тадбирлари натижаларидан норози бўлган номзодларнинг шикоятлари қабул комиссияси раисининг буйруғи билан кичик комиссиялар ишида қатнашмаган беш нафар мутахассисдан иборат таркибда шакллантириладиган апелляция комиссиясида кўриб чиқилади.

Шикоятлар апелляция комиссиясига натижалар эълон қилинган кундан бошлаб икки иш куни ичида тақдим этилиши керак. Апелляция комиссияси шикоятларни улар тушган кундан эътиборан икки иш куни ичида, мурожаат қилган номзодлар хоҳишига кўра — уларнинг иштирокида кўриб чиқади.

Апелляция комиссияси томонидан шикоятларни кўриб чиқишда ҳужжатларни тўплаш ва ўрганиш, якка тартибда суҳбатлашиш, индивидуал-психологик ўрганиш ва умумжисмоний тайёргарлик кўрганлигини баҳолаш тадбирларининг тўғри ўтказилганлиги, жавобларнинг холис текширилганлиги ва тўғри баҳоланганлиги ўрганилади ҳамда унинг натижаси бўйича апелляция комиссияси аъзоларининг оддий кўпчилик овози билан қуйидаги қарорлардан бири қабул қилинади:

номзоднинг шикоятини қаноатлантириш тўғрисида;

натижаларни ўзгаришсиз қолдириш ва шикоятни қаноатлантиришни рад этиш тўғрисида.

Тегишли қарор дарҳол номзодларга етказилади.

Апелляция комиссияси қарори комиссия раиси, аъзолари ва котиби томонидан имзоланадиган баённомада расмийлаштирилади.

Апелляция комиссияси қарорлари юзасидан белгиланган тартибда судга шикоят қилиниши мумкин.

49. Бирламчи ёки якуний тиббий кўрик натижаси бўйича чиқарилган хулосадан норози бўлган номзодлар судга шикоят қилиши мумкин.

4-§. Дастлабки саралаб олиш тадбирларидан муваффақиятли ўтган номзодларга бериладиган имтиёзлар

50. Ўзбекистон Республикаси Президентининг «Ўзбекистон Республикаси Қуролли Кучлари сафида муддатли ҳарбий хизматни ўтаб бўлган фуқароларга имтиёзлар тизимини такомиллаштиришга оид қўшимча чора-тадбирлар тўғрисида» 2012 йил 31 майдаги ПҚ-1765-сон қарорига мувофиқ Ўзбекистон Республикаси Қуролли Кучлари сафида муддатли ҳарбий хизматни ўтаб бўлган ва ОҲТМга ўқишга имтиёзли кириш учун ҳарбий қисмлар қўмондонлигининг тегишли тавсияномаларига эга бўлган фуқароларга тест синови натижалари бўйича ўзлари тўплаган баллнинг 50 фоизи миқдорида қўшимча балл кўринишида имтиёз берилади.

51. Ўзбекистон Республикаси Президентининг «Ўзбекистон Республикаси Қуролли Кучлари ҳарбийлари ва унинг таркибига кирувчи вазирлик ҳамда идораларнинг ходимлари ва уларнинг оила аъзоларини ижтимоий қўллаб-қувватлашга оид қўшимча чора-тадбирлар тўғрисида» 2018 йил 14 майдаги ПҚ-3726-сон қарорига мувофиқ:

Ўзбекистон Республикаси Қуролли Кучлари таркибига кирувчи вазирлик ва идораларнинг хизматдаги офицерлари, контракт бўйича хизмат қилаётган сержантлар ва оддий аскарлар таркиби фарзандлари ажратилган беш фоизли квота, Ўзбекистон Республикаси Миллий гвардиясининг амалдаги контракт бўйича хизмат қилаётган офицерлар, сержантлар ва оддий аскарлар таркиби ҳамда ходимлари фарзандлари ажратилган икки фоизли квота асосида ОҲТМга курсантларнинг умумий қабул сони доирасида ўқишга кириш ҳуқуқига эга;

ҳарбий хизмат мажбуриятини (хизмат мажбуриятини) бажаришда ҳалок бўлган, шунингдек, ҳарбий хизмат мажбуриятини (хизмат мажбуриятини) бажаришда ярадор бўлиши натижасида ногирон бўлиб қолган, контузия, шикаст олган ёки касалликларга дучор бўлган Қуролли Кучлар таркибига кирувчи вазирлик ва идораларнинг офицерлари, контракт бўйича хизмат қилаётган сержантлар ва оддий аскарлар таркибидаги ҳарбий хизматчилар ва Миллий гвардия ходимларининг фарзандлари вазирликлар ёки идораларнинг тегишли тавсияномалари асосида белгиланган қабул квоталаридан ташқари ОҲТМга танловсиз қабул қилинадилар.

52. «Илғор сержант» номинациясида республика турининг ғолиблари бўлган сержантлар ОҲТМга тест синовларисиз ўқишга кириш ҳуқуқига эга.

Ўзбекистон Республикаси Қуролли Кучларининг сержантлар таркиби лавозимларида 5 йил бенуқсон хизмат қилган сержантларга ижобий тавсифномалар, қўмондонлик, жанговар ва маънавий-маърифий тайёргарликда ютуқлари мавжуд бўлган тақдирда, ОҲТМга ўқишга қабул қилишда тўпланиши мумкин бўлган максимал баллнинг 20 фоизи миқдорида қўшимча баллар кўринишида имтиёз берилади.

53. Ўзбекистон Республикаси Президентининг «Ўсмирларни ҳарбий-ватанпарварлик руҳида тарбиялаш ҳамда Ўзбекистон Республикаси Қуролли Кучлари ва давлат хизмати учун кадрлар захирасини тайёрлаш тизимини такомиллаштиришга оид қўшимча чора-тадбирлар тўғрисида» 2019 йил 28 июндаги ПҚ-4375-сон қарорига мувофиқ:

«Темурбеклар мактаби» ҳарбий академик лицейлари битирувчиларига ОҲТМга ўқишга киришда Билимни баҳолаш агентлиги томонидан ўтказиладиган тест синовларида ўзлари тўплаган балларнинг 30 фоизи миқдоридаги қўшимча баллар кўринишида имтиёз берилади;

«Темурбеклар мактаби» ҳарбий академик лицейларини имтиёзли диплом билан тугатган битирувчиларга таркибида «Темурбеклар мактаби» бўлган вазирлик ва идораларнинг тегишлилиги бўйича ОҲТМга тест синовларисиз ўқишга кириш ҳуқуқи берилади.

53 1 . Ўзбекистон Республикаси Президентининг «Ўзбекистон Республикаси Миллий гвардияси Ҳарбий мусиқа академик лицейини ташкил этиш тўғрисида» 2022 йил 16 февралдаги ПҚ-129-сон қарорига мувофиқ Ўзбекистон Республикаси Миллий гвардияси Ҳарбий мусиқа академик лицейи битирувчиларига ОҲТМга ўқишга киришда Ўзбекистон Республикаси Билимни баҳолаш агентлиги томонидан ўтказиладиган тест синовларида ўзлари тўплаган балларнинг 30 фоизи миқдорида балл шаклида имтиёз берилади.

53 2 . Ўзбекистон Республикаси Президентининг «Ватан таянчи» болалар ва ўсмирлар ҳарбий-ватанпарварлик ҳаракати фаолиятини ташкил этиш тўғрисида» 2022 йил 2 мартдаги ПҚ-150-сон қарорига мувофиқ «Ватан таянчи» ҳаракатининг тегишли тавсияномаларига эга бўлган «Ватан таянчи» отряди аъзоларига ОҲТМга ўқишга киришда тест синовлари натижаларига кўра тўплаган балларининг 5 фоизи миқдорида қўшимча балл шаклида имтиёз берилади.

53 3 . Ўзбекистон Республикаси Президентининг «Фавқулодда вазиятлар органлари фаолиятини янада такомиллаштиришга доир ташкилий чора-тадбирлар тўғрисида» 2025 йил 20 октябрдаги ПҚ-310-сон қарорига мувофиқ фавқулодда вазиятларнинг олдини олиш ва уларни бартараф этишда фаоллик кўрсатган, натижалари билан бошқаларга ўрнак бўлган волонтёрларга Ўзбекистон Республикаси фавқулодда вазиятлар вазири тавсияномасига асосан Фавқулодда вазиятлар вазирлиги академиясининг бакалавриат таълим йўналишига ўқишга киришда ўзлари тўплаган балларнинг 5 фоизи миқдорида қўшимча балл кўринишида имтиёз берилади.

54. Ўзбекистон Республикаси Президентининг «Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида» 2019 йил 3 майдаги ПҚ-4306-сон қарорига мувофиқ асосий олимпиадаларнинг республика босқичида 1 — 3-ўринларни эгаллаган шахслар уч йил муддат давомида амал қилувчи ихтисослик фани бўйича сертификат асосида ОҲТМга тест синовларида имтиёз сифатида максимал балл тўплаган ҳисобланади.

Халқаро математика олимпиадаси (IMO), Халқаро физика олимпиадаси (IPhO), Халқаро кимё олимпиадаси (IChO), Халқаро биология олимпиадаси (IBO), Халқаро информатика олимпиадаси (IOI) ғолиблари ОҲТМ қабул комиссиясининг қарори билан ОҲТМга тест синовларисиз ва қўшимча имтиҳонсиз ўқишга қабул қилинади.

55. Ўзбекистон Республикаси Президентининг «Бола ҳуқуқлари кафолатларини янада кучайтиришга оид қўшимча чора-тадбирлар тўғрисида» 2019 йил 22 апрелдаги ПҚ-4296-сон қарорига мувофиқ ОҲТМга курсантларни қабул қилишнинг умумий сонидан «Меҳрибонлик» уйи ва Болалар шаҳарчасининг битирувчилари бўлган чин етимлар учун қўшимча равишда бир фоизгача қабул квоталари ажратилади.

56. Хизмат мажбуриятларини бажариш чоғида ҳалок бўлган ҳуқуқни муҳофаза қилиш органлари ходимларининг фарзандлари ОҲТМга белгиланган қабул квотасидан ташқари тест синовларисиз ўқишга қабул қилинадилар.

Ўзбекистон Республикаси Президентининг «Ички ишлар органлари ходимлари ва уларнинг оила аъзоларини ижтимоий ҳимоя қилишни янада кучайтириш чора-тадбирлари тўғрисида» 2019 йил 26 февралдаги ПҚ-4212-сон қарорига мувофиқ:

терроризм ва жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ёки олган жароҳати туфайли ногирон бўлиб қолган ички ишлар органлари ходимларининг фарзандлари Мудофаа вазирлиги ва Миллий гвардия ОҲТМга белгиланган қабул квоталаридан ташқари;

ҳуқуқбузарликлар профилактикаси ва жиноятчиликка қарши курашга муносиб ҳисса қўшган, хизмат ёки илмий фаолиятида юқори натижаларга эришган ички ишлар органларининг амалдаги ходимлари фарзандлари ажратилган беш фоизли квоталар доирасида Ўзбекистон Республикаси Мудофаа вазирлиги ва Миллий гвардия ОҲТМга ички ишлар вазирининг тақдимномаси асосида қабул қилинадилар.

56 1 . Ўзбекистон Республикаси Президентининг «Ўзбекистон Республикаси давлат божхона хизмати органларининг фаолиятини ташкил этиш тўғрисида» 2018 йил 12 апрелдаги ПҚ-3665-сон қарорига мувофиқ:

хизмат мажбуриятларини бажариш чоғида ҳалок бўлган, шунингдек, хизмат мажбуриятларини бажаришда олган жароҳати туфайли ногирон бўлиб қолган божхона органлари ходимларининг фарзандлари Мудофаа вазирлиги, Фавқулодда вазиятлар вазирлиги ва Миллий гвардия ОҲТМга белгиланган қабул квоталаридан ташқари;

божхона хизматига салмоқли ҳисса қўшган, хизмат жараёнида маълум бир натижаларга эришган божхона органларининг хизматдаги офицерлари ва сержантлар таркиби ходимлари фарзандлари ажратилган икки фоизли квоталар доирасида Ўзбекистон Республикаси Мудофаа вазирлиги, Фавқулодда вазиятлар вазирлиги ва Миллий гвардияси ОҲТМга Божхона қўмитаси раисининг тавсияномаси асосида қабул қилинадилар.

57. Ўзбекистон Республикаси Президентининг «Мард ўғлон» давлат мукофотини таъсис этиш чора-тадбирлари тўғрисида» 2017 йил 21 ноябрдаги ПҚ-3402-сон қарорига мувофиқ «Мард ўғлон» давлат мукофоти соҳиблари бўлган умумтаълим ва касбий таълим муассасаларининг ўқувчилари ОҲТМ қабул комиссиясининг қарори билан тегишли йўналиш бўйича ва белгиланган қабул квотаси доирасида кириш имтиҳонларисиз ўқишга қабул қилинади.

58. Номзодлар бир вақтнинг ўзида ушбу Низомнинг 50 — 57-бандларида кўрсатилган имтиёзларнинг икки ва ундан кўпига эга бўлган ҳолларда, энг юқори натижа берувчи имтиёз қўлланилади.

59. ОҲТМга ўқишга киришда имтиёзга эга бўлган номзодларнинг ягона базаси ҳар йил 1 июнга қадар манфаатдор вазирлик ва идоралар томонидан Билимни баҳолаш агентлигининг махсус ахборот тизимига киритилади.

60. Чет тилини билиш бўйича камида В2 даражадаги миллий ёки унга тенглаштирилган мос даражадаги халқаро тан олинган сертификат тақдим этганларга чет тили фанидан тўплаш мумкин бўлган максимал балл қўйилади ҳамда улар чет тили фанидан тест синови топширмайди.

61. Билим ва малакаларни баҳолаш агентлиги томонидан бериладиган умумтаълим фанини билиш даражаси тўғрисидаги сертификатга эга бўлган номзодларга сертификатдаги ўзлаштириш фоизига мос равишда кириш тест синовларида ушбу умумтаълим фанидан белгиланган максимал баллга мутаносиб балл берилади ҳамда улар ушбу фандан тест синови топширмайди.

62. Номзодлар қонунчилик ҳужжатларида белгиланган бошқа имтиёзларга ҳам эга бўлишлари мумкин.

5-§. Тест синовларини ташкил этиш ва ўтказиш тартиби

63. ОҲТМга тест синовлари ўтказиш мазкур Низомнинг 64 — 71-бандларида белгиланган талабларни инобатга олган ҳолда, олий таълим муассасаларининг бакалавриатига ўқишга қабул қилиш учун кириш тест синовларини ўтказиш тартиби асосида ўтказилади.

64. ОҲТМда тест синовлари республика олий таълим муассасаларига ўтказиладиган тест синовлари билан бир вақтда, ҳар йили июль-август ойларида номзодлар танлаган ҳудудларда ўтказилади.

65. Қабул комиссияси ОҲТМга ўқишга кириш учун мурожаат қилган ва дастлабки саралаб олиш босқичида натижаси ижобий баҳоланган, саралаб олишда иштирок этувчи номзодлар ҳақидаги маълумотларни қабул йилининг 5 июнига қадар (шу куни ҳам) Билим ва малакаларни баҳолаш агентлигининг махсус дастурига киритади, номзодларнинг онлайн рўйхатдан ўтишларини ҳамда тест синовларида қатнашишларини таъминлайди.

66. Номзодларга ОҲТМга ўқишга кириш бўйича рўйхатдан ўтишда тест топширадиган фанлари мажмуаси ва кетма-кетлиги бир хил бўлган олий таълим муассасаларининг бештагача бакалавриат таълим йўналишларини танлаш ҳуқуқи берилади.

67. Тест синовлари ташкил этилаётган ўқув йилидан аввалги йилларда таълим муассасаларини тугатган номзодлардан тест синовларида иштирок этиши учун базавий ҳисоблаш миқдорининг ярим баравари миқдоридаги тўлов ундирилади.

68. Билимни баҳолаш агентлиги тест синовлари тўлиқ якунланган куннинг эртасига ОҲТМга ўқишга кириш учун ҳужжат топширган номзодлар натижаларини қабул комиссиясига тақдим этади, ўз навбатида, қабул комиссияси ОҲТМга саралаб олиш тадбирларини ўтказади, ўқишга тавсия этилган номзодлар ҳақидаги маълумотларни икки кун муддатда Билимни баҳолаш агентлигига тақдим этади.

ОҲТМга ўқишга тавсия этилган номзодлар олий таълим муассасалари бакалавриат таълим йўналишларида танловда иштирок этмайди.

ОҲТМга ўқишга тавсия этилмаган номзодлар республика олий таълим муассасаларига танланган йўналишлар кетма-кетлигига қатъий риоя қилинган ҳолда танловда иштирок этадилар.

69. Тест синовлари топшириқлари умумтаълим фанлари давлат таълим стандартлари ва ўқув дастурлари асосида тузилади.

70. ОҲТМнинг таълим йўналишларига мос тест синовлари топшириладиган фанлар мажмуаси, баҳолаш мезонлари, тест топшириқлари сони ҳамда тест синовларини ўтказишнинг аниқ муддатлари масъул вазирликлар томонидан Билимни баҳолаш агентлиги билан биргаликда белгиланади ҳамда уларнинг расмий веб-сайтларига тест синовлари бўлиб ўтишидан камида бир ой олдин жойлаштирилади.

71. Ўқишни Ҳарбий хавфсизлик ва мудофаа университетининг «Психология (ҳарбий психология)» таълим йўналиши, Ҳарбий алоқа институти ҳамда Ҳарбий тиббиёт институтида давом эттириш истагини билдирган талабалар тегишли равишда таълим йўналишидаги 5 та фандан иборат мажмуа бўйича тест синовини топширади. Фанлар мажмуаси Ҳарбий хавфсизлик ва мудофаа университети, Ҳарбий алоқа институти ҳамда Ҳарбий тиббиёт институти томонидан ҳар йил февраль ойи якунига қадар тасдиқланади. Тасдиқланган фанлар мажмуаси ва фанлар бўйича ўқув дастурлари тест топшириқларини шакллантириш учун Билимни баҳолаш агентлигига тақдим этилади.

Тест топшириқлари Ҳарбий хавфсизлик ва мудофаа университети, Ҳарбий алоқа институти ҳамда Ҳарбий тиббиёт институти томонидан тавсия этилган профессор-ўқитувчилар томонидан Билимни баҳолаш агентлигида тузилади ва экспертизадан ўтказилади.

Тест топшириқлари китобидаги ҳар бир фан 20 та топшириқни ўз ичига олади. Тест топшириқларини бажариш учун (жавоблар варақасини тўлдириш билан бирга) 100 та саволга 3 соат 20 дақиқа вақт берилади. Ҳар бир тўғри жавоб учун 1 балл берилади.

6-§. ОҲТМга қабул қилиш тартиби

72. ОҲТМга номзодлар ўқув йили учун ОҲТМни бутлаш режасига қатъий риоя қилган ҳолда қабул қилинади.

Ўзбекистон Республикаси қонунчилик ҳужжатларида белгиланган имтиёзларга эга бўлган номзодлар учун ОҲТМга белгиланган қабул квотадан ташқари ўқишга кириш ҳуқуқи берилади.

73. Номзодлар ОҲТМга Билимни баҳолаш агентлиги томонидан тақдим этилган тест синовлари натижалари асосида ўқишга қабул қилинади.

74. Номзодлар мазкур Низомда белгиланган қоидаларга, ҳарбий ва хизмат интизомига риоя қилмаган тақдирда, ОҲТМ қабул комиссияси уларни ўқишга қабул қилиш бўйича саралаб олишнинг исталган босқичида четлатиш ҳуқуқига эга.

75. ОҲТМ қабул комиссияси тест синовлари натижалари эълон қилингандан кейин беш кунлик муддатда номзодларни ўқишга қабул қилиш масаласини кўриб чиқади ва мазкур Низомга 10-иловага мувофиқ шаклдаги баённомани расмийлаштиради.

76. ОҲТМга ўқишга қабул қилиш жараёнида Билимни баҳолаш агентлиги томонидан ўтказилган тест синовлари натижаларига кўра квота бўйича белгиланган рўйхатда охирги ўринда турувчи номзоднинг (талабалар бундан мустасно) тўплаган жами бали билан ундан кейинги ўринда турувчи номзодларнинг тўплаган баллари бир хил бўлса, уларнинг барчаси ўқишга қабул қилинадилар.

Тест синовлари натижаларига кўра Ҳарбий хавфсизлик ва мудофаа университетининг «Психология (ҳарбий психология)» таълим йўналиши, Ҳарбий алоқа институти ҳамда Ҳарбий тиббиёт институтида ўқишни давом эттириш истагини билдирган талаба номзодларнинг ўтиш рейтинг баллари тенг бўлган ҳолларда улар орасида биринчи икки фандан тест натижалари юқори бўлган талаба номзод қабул қилинади, шунда ҳам баллар тенг бўлиб қолган тақдирда, олий таълим муассасасида таълим олиш жараёнида ўзлаштирилган билим даражаси юқори бўлган талаба номзод ўқишга қабул қилинади.

77. ОҲТМ қабул комиссияси раиси томонидан тасдиқланган баённома номзодларни ОҲТМга ўқишга қабул қилиш тўғрисидаги буйруқларни расмийлаштириш учун асос ҳисобланади.

Тегишли шакл бўйича давлат сирларидан фойдаланишга доир рухсатномани расмийлаштириш учун зарур бўлган материаллар номзодларни ОҲТМга ўқишга қабул қилиш тўғрисидаги буйруқ чиқарилган кундан эътиборан ОҲТМ кадрлар бўлимлари томонидан 5 кун ичида тегишли идораларга юборилади.

78. ОҲТМ томонидан ўқишга қабул қилинган номзодлар ҳамда уларнинг шахсий ҳужжатлари йиғмажилдларини чақиртириш бўйича тегишли мудофаа ишлари бошқармалари ва ҳарбий қисмларга (муассасаларга) сўровнома юборилади.

ОҲТМнинг сўровномасига асосан ўқишга қабул қилинган номзодлар ҳамда уларнинг шахсий ҳужжатларининг йиғмажилдлари мудофаа ишлари бошқармалари ва ҳарбий қисмлар (муассасалар) томонидан тегишли ОҲТМга юборилади.

79. Номзодларни ўқишга қабул қилиш учун асос бўлган ҳужжатлар тегишли ОҲТМда сақланади.

3-боб. Курсантларни ўқишдан четлаштириш ва қайта тиклаш тартиби

1-§. Курсантларни ўқишдан четлаштириш

80. Курсант ОҲТМдан қуйидаги ҳолларда четлаштирилиши мумкин:

а) соғлиғининг ҳолатига кўра (ҳарбий-тиббий комиссия хулосасига асосан);

б) белгиланган муддатларда фанларни ўзлаштира олмаганлиги (академик қарздорлиги) сабабли;

в) интизомсизлиги сабабли (шу жумладан, қонунчилик ҳужжатларида белгиланган чекловларга риоя этмаганлиги ёки махсус талабларга жавоб бермаганлиги, суд томонидан озодликдан маҳрум этилганлиги муносабати билан);

г) ўзига боғлиқ бўлмаган ҳолатлар туфайли ўқишни давом эттириш имкони йўқлиги сабабли;

д) суд қарорига кўра кириш имтиҳонларида белгиланган тартибни бузганлиги аниқланганда;

е) ўз хоҳишига кўра.

81. Соғлиғининг ҳолатига кўра курсантлар ҳарбий-тиббий комиссиянинг ОҲТМда таҳсил олишга яроқсиз деб топиш тўғрисидаги хулосасига асосан ОҲТМда ўқишдан четлаштириладилар.

Ҳарбий-тиббий комиссия хулосаларига асосан Ҳарбий хавфсизлик ва мудофаа университетининг «Психология (ҳарбий психология)» таълим йўналиши, Ҳарбий тиббиёт институти ва Ҳарбий алоқа институтида таҳсил олишга яроқсиз деб топилган курсантлар ОҲТМ курсантлари рўйхатидан чиқариладилар ва дастлаб ўқишга кирган олий таълим муассасаларига ўқишни давом эттириш учун юбориладилар.

82. Ҳарбий-тиббий комиссиянинг хулосаси ОҲТМга келиб тушган кундан бошлаб беш кун ичида таҳсил олишга яроқсиз деб топилган курсантнинг бўлинма командири ўқишдан четлаштириш юзасидан ҳужжатларни ОҲТМ бошлиғига тақдим этади.

83. Бир ёки бир нечта фанлар бўйича ўтказилган якуний назоратларни муваффақиятли топшира олмаган (якуний назоратга қўйилмаган) ва академик қарздорлигини белгиланган муддатларда бартараф этмаган, бир ёки бир нечта фанлар бўйича ўтказилган якуний давлат аттестацияларини муваффақиятсиз топширган курсантлар фанларни ўзлаштирмаганлиги сабабли ОҲТМда ўқишдан четлаштириладилар.

84. Топширилган якуний назоратлар натижалари, ўқув семестри ёки йили якунлари бўйича фанларни ўзлаштирмаган деб топилган курсантни ОҲТМда ўқишдан четлаштиришга доир расмийлаштирилган тақдимнома бўлинма командири томонидан уч кун муддатда ОҲТМ ўқув бўлими билан мувофиқлаштирилган ҳолда ОҲТМ Илмий кенгаши муҳокамасига тақдим этилади.

Курсантни академик қарздорлиги учун ОҲТМда ўқишдан четлаштириш масаласи беш кун муддат ичида ОҲТМ Илмий кенгашининг йиғилишида четлаштиришга доир тақдим этилган материаллар, фанлар бўйича якуний назорат қайдномаларига асосланган тарзда, фанларни ўзлаштирмаган курсант иштирокида кўриб чиқилади.

ОҲТМ Илмий кенгашининг қарори баённома билан расмийлаштирилади ва курсантни фанларни ўзлаштирмаганлиги учун ОҲТМда ўқишдан четлаштириш юзасидан қарор қабул қилинган тақдирда, ОҲТМ бошлиғи томонидан тасдиқланган ушбу қарор ва ОҲТМ Илмий кенгашининг баённомасидан кўчирма, фанлар бўйича якуний назорат қайдномалари ва шу каби бошқа материаллар бир кун ичида масъул вазирликлар марказий аппаратининг ОҲТМ билан ишлаш органларига юборилади.

85. Контракт шартларини бажармаган, ҳарбий хизматчи номига доғ туширувчи ножўя хатти-ҳаракатлар содир этган, қонунчилик ҳужжатларида белгиланган чекловларга риоя этмаган, ҳарбий интизомни тизимли равишда қўпол бузиб келган, озодликдан маҳрум этиш билан боғлиқ бўлган жазо чораларини назарда тутувчи суд ҳукми қонуний кучга кирган курсантлар интизомсизлиги туфайли ОҲТМда ўқишдан четлаштириладилар.

Агар курсантга нисбатан озодликдан маҳрум этиш билан боғлиқ бўлмаган жазо чораларини назарда тутувчи суд ҳукми қонуний кучга кирган ёки унинг айбдорлиги тўғрисидаги масала ҳал этилмасдан, олдин жиноий иш тўхтатилган ёхуд терговга қадар текширув материаллари бўйича жиноий иш қўзғатиш рад этилган бўлса, уни ОҲТМдан четлаштириш ёки ОҲТМда қолдириш тўғрисидаги қарор ОҲТМ Илмий кенгашининг қарорини ҳисобга олган ҳолда ОҲТМ бошлиғи томонидан қабул қилинади.

Мазкур қарор қонуний кучга кирган суд ажрими ёки ҳукми, тергов ёки дастлабки тергов органининг қарори келиб тушган кундан бошлаб икки ой муддатда қабул қилинади.

86. Ўқув бўлинмаси командири ОҲТМ бошлиғига курсант содир этган ножўя хатти-ҳаракатлар, тартиббузарликлар ҳақида қўмондонлик поғонаси бўйича бир кун ичида билдирув беради.

ОҲТМ бошлиғи ўқув бўлинмаси командирининг билдирувини олиши билан ушбу ҳолат юзасидан хизмат суриштируви ўтказилишини ташкил этади. Хизмат суриштирувини ўтказиш вазифаси ОҲТМнинг терговга қадар текширувни ўтказувчи мансабдор шахсларидан бирига топширилади. Хизмат суриштирувининг натижалари уч кун ичида ОҲТМ Илмий кенгаши муҳокамасига тақдим этилади.

Курсантни интизомсизлиги учун ОҲТМдан ўқишдан четлаштириш масаласи ОҲТМ Илмий кенгашининг йиғилишида хизмат суриштируви материалларига асосланган ҳолда, курсант иштирокида беш кун ичида кўриб чиқилади.

ОҲТМ Илмий кенгашининг қарори бир кун ичида баённома билан расмийлаштирилади ва курсантни интизомсизлиги учун ОҲТМдан ўқишдан четлаштиришга қарор қилинган бўлса, ОҲТМ Илмий кенгаши йиғилишининг баённомасидан кўчирма ва хизмат суриштируви материалларининг нусхаси бир кун ичида тегишли вазирликлар ва идоралар марказий аппаратининг ОҲТМ билан ишлаш органларига юборилади.

87. Курсантлар ўзларига боғлиқ бўлмаган асосли сабаблар (оилавий шароитларига кўра, яъни яқин қариндошларининг оғир касалликка чалинганлиги, оиласи табиий офатга дучор бўлганлиги, доимий яшаш учун Ўзбекистон Республикаси ҳудудидан ташқарига чиқиб кетаётганлиги ёки тегишли идоралар томонидан тегишли шакл бўйича давлат сирларидан фойдаланишга доир рухсатнома расмийлаштирилмаганлиги ёки мазкур ҳуқуқдан маҳрум қилинганлиги ва бошқалар) туфайли ўқишни давом эттиришнинг имкони йўқлиги боис ОҲТМдан ўқишдан четлаштирилади.

Вазиятни тасдиқловчи материаллар олингандан сўнг бир кун ичида ўқув бўлинмаси командири курсантни ўзига боғлиқ бўлмаган сабаблар туфайли ўқишни давом эттиришнинг имкони йўқлиги боис ОҲТМдан ўқишдан четлаштириш масаласини ОҲТМ Илмий кенгашининг муҳокамасига киритади.

Курсантни ОҲТМдан ўқишдан четлаштириш масаласи тақдим этилган тегишли материалларга асосланган ҳолда, ОҲТМ Илмий кенгашининг йиғилишида ўқишдан четлаштирилаётган курсант иштирокида беш кун ичида муҳокама этилади.

ОҲТМ Илмий кенгашининг қарори баённома билан расмийлаштирилиб, ОҲТМ бошлиғи томонидан тасдиқланади. ОҲТМ Илмий кенгашининг қароридан кўчирма ва курсантни ОҲТМдан ўқишдан четлаштиришга доир материалларнинг нусхаси бир кун ичида тегишли вазирликлар ва идоралар марказий аппаратининг ОҲТМ билан ишлаш органларига юборилади.

88. Суд қарорига кўра ОҲТМга ўқишга кириш учун ўтказиладиган дастлабки саралаб олиш ва тест синовларини ўтказиш билан боғлиқ ҳужжатлар талабларини бузганликда айбдор деб топилган курсант кириш имтиҳонларида белгиланган тартибни бузганлиги сабабли ОҲТМда ўқишдан четлаштирилади.

89. Курсантга нисбатан кириш имтиҳонларида белгиланган тартибни бузганлиги бўйича суд қарори келиб тушганда, ўқув бўлинмаси командири қонуний кучга кирган суд қарори ва курсантни тавсифловчи ҳужжатларни уч кун ичида ОҲТМ Илмий кенгаши муҳокамасига тақдим этади.

Курсантни суд қарорига кўра кириш имтиҳонларида белгиланган тартибни бузганлиги учун ОҲТМда ўқишдан четлаштириш масаласи ОҲТМ Илмий кенгашининг йиғилишида курсант иштирокида беш кун ичида кўриб чиқилади.

ОҲТМ Илмий кенгашининг қарори бир кун ичида баённома билан расмийлаштирилиб, ОҲТМ бошлиғи томонидан тасдиқланади. ОҲТМ Илмий кенгашининг қароридан кўчирма ва қонуний кучга кирган суд қарорининг нусхаси бир кун ичида тегишли вазирликлар ва идоралар марказий аппаратининг ОҲТМ билан ишлаш органларига юборилади.

90. Маълум бир сабабларга кўра ОҲТМда ўқишни давом эттиришни хоҳламаган курсантлар ўз хоҳишига кўра ОҲТМдан ўқишдан четлаштириладилар.

ОҲТМда ўқишни давом эттиришни хоҳламаган курсант сабабларини кўрсатган ҳолда, ўз хоҳишига кўра уни ОҲТМдан ўқишдан четлаштиришни сўраб, ОҲТМ бошлиғига қўмондонлик поғонаси бўйича билдирув беради. Курсант томонидан ўз хоҳишига кўра ўқишдан четлаштириш тўғрисида билдирги ёзилгандан сўнг ўқув бўлинмаси командири бир кун ичида курсантни ўз хоҳишига кўра ОҲТМдан ўқишдан четлаштириш масаласини ОҲТМ Илмий кенгашининг муҳокамасига киритади.

91. ОҲТМ курсантларини ўқишдан четлаштириш мазкур Низомга 11-иловага мувофиқ схема асосида қуйидаги тартибда амалга оширилади:

қуйи босқичларда — ОҲТМ бошлиғининг буйруғи билан тегишли вазирлик раҳбарининг таълим соҳаси учун масъул ўринбосари билан келишилган ҳолда;

битирув босқичида — тегишли вазирлик ва идора раҳбарининг таълим соҳаси учун масъул ўринбосарининг буйруғи билан.

92. Муддатли ҳарбий хизматни ўтамаган, ўқишнинг иккинчи йили бошланмасдан ОҲТМдан четлаштирилган, ўқишдан четлаштирилган вақтда чақирув ёшига етган ва бўшаш ҳуқуқига эга бўлмаган курсантлар муддатли ҳарбий хизматни ўташ учун ҳарбий қисмларга жўнатилади. Чақирув ёшига етмаган шахслар ҳарбий ҳисобга қўйиш учун яшаш жойидаги мудофаа ишлари бўлимига юборилади.

Четлаштирилган вақтда чақирув ёшига етган ва бўшаш ҳуқуқига эга бўлмаган курсант ОҲТМ курсантлари рўйхатидан четлаштириш тўғрисида ОҲТМ бошлиғининг буйруғи чиқарилгандан кейин уч кун ичида Ўзбекистон Республикаси Қуролли Кучлари Бош штабининг тегишли фармойишига асосан муддатли ҳарбий хизматни ўташ учун ҳарбий қисмга юборилади.

93. ОҲТМ курсантлари рўйхатидан чиқарилган курсантлар (интизомсизлиги, соғлиғининг ҳолатига кўра, суд қарорига кўра кириш имтиҳонларида белгиланган тартибни бузган деб топилганлиги сабабли ва ўз хоҳишига кўра ўқишдан четлаштирилганлар бундан мустасно) контракт бўйича ҳарбий хизматнинг оддий аскарлар ва сержантлар таркибига мансуб лавозимларда контракт бўйича ҳарбий хизмат ўташлари мумкин.

ОҲТМ курсантлари рўйхатидан чиқарилган, ўз хизматини давом эттириш истагини билдирган контракт бўйича ҳарбий хизматчилар (интизомсизлиги, соғлиғининг ҳолатига кўра, суд қарорига кўра кириш имтиҳонларида белгиланган тартибни бузган деб топилганлиги сабабли ва ўз хоҳишига кўра ўқишдан четлаштирилганлар бундан мустасно) сержантлар таркибида контракт асосида хизмат ўташ учун юборилишлари мумкин.

94. Курсант ўқишдан четлаштирилганда, унга (ота-онаси ёки ҳуқуқий васийсига уларнинг аризаси билан) шахсий ҳужжатлари, белгиланган шаклдаги академик маълумотнома топширилади ва уларнинг нусхаси шахсий ҳужжатлар йиғмажилдига тикиб қўйилади. ОҲТМ курсантлари рўйхатидан чиқарилган курсантларнинг шахсий ҳужжатлар йиғмажилдлари бир кун ичида ҳарбий ҳисобда туриш учун мудофаа ишлари бўлимига ёхуд хизматни давом эттириши учун йўлланган ҳарбий қисмга жўнатилади.

95. ОҲТМдан четлаштирилган курсантларни ҳақиқий ҳарбий хизматдан резервга бўшатиш масаласи Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низом талабларига асосан кўриб чиқилади.

96. Битирув босқичида таҳсил олаётган курсантни ОҲТМда ўқишдан четлаштириш тегишли вазирлик ва идора марказий аппаратининг ОҲТМ билан ишлаш органлари томонидан қуйидаги ҳужжатлар асосида ўрганиб чиқилади:

курсантни ОҲТМдан четлаштириш бўйича ОҲТМ бошлиғининг тавсияномаси;

ОҲТМ бошлиғи томонидан тасдиқланган ОҲТМ Илмий кенгашининг қарори;

ОҲТМ Илмий кенгаши йиғилишининг баённомасидан кўчирма. Баённомада ОҲТМда ўқишдан четлатилаётган курсантнинг тўлиқ биографик маълумоти (туғилган жойи ва санаси, миллати, оилавий аҳволи, ҳақиқий ҳарбий хизматга чақирилган жойи, муддатли ҳарбий хизматни ўтагани ва унга ҳарбий қисм командирининг тавсияномаси берилган ёки берилмагани ҳақида маълумот, қайси мутахассислик бўйича ўқиётганлиги, ота-онасининг яшаш манзиллари, уларнинг қаерда ва ким бўлиб ишлаши тўғрисида маълумот), курсантни ўқишдан четлатиш учун асос бўлаётган ҳолатлар кўрсатилади;

курсантни ўқишдан четлатиш учун асос бўлаётган ҳолатлар бўйича бошқа ҳужжатлар нусхалари (курсантлар взводи командирининг батальон командири ва ОҲТМ бошлиғининг ўқув ишлари (ўқув ва илмий ишлар) бўйича ўринбосари томонидан тавсия қилинган билдиргиси, касаллик тўғрисидаги гувоҳнома, академик қарздорлиги тўғрисида маълумотнома, хизмат тавсифномаси, хизмат варақасидан кўчирма, курсантнинг ўқишни хоҳламаслиги тўғрисида ёзган билдируви (ўз хоҳишига кўра ўқишдан четлаштирилаётган ҳолларда), хизмат суриштируви материаллари, суд ҳукми ва қарорларидан нусха ва бошқалар).

Ўрганиш натижасига мувофиқ Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомга мувофиқ тегишли вазирлик ва идора раҳбарининг таълим соҳаси учун масъул ўринбосарининг курсантни ОҲТМ курсантлари рўйхатидан чиқариш тўғрисидаги буйруғи лойиҳаси тайёрланади ва қарор қабул қилиш учун тақдим этилади.

Тегишли вазирлик ва идора раҳбарининг таълим соҳаси учун масъул ўринбосарининг курсантни ОҲТМ курсантлари рўйхатидан чиқариш тўғрисидаги буйруғи имзолангандан сўнг унинг кўчирмаси ижро этиш учун уч кун ичида ОҲТМга, ҳарбий ҳисобга қўйиш учун тегишли мудофаа ишлари бошқармасига (бўлимига) ёхуд хизматни давом эттириши учун йўлланган ҳарбий қисмга юборилади.

97. ОҲТМ бошлиғи тегишли вазирлик ва идора раҳбарининг таълим соҳаси учун масъул ўринбосарининг курсантни ОҲТМ рўйхатидан чиқариш тўғрисидаги буйруғига асосан уч кун ичида ушбу курсант билан тузилган шартномани бекор қилади, ҳарбий хизматчини (ҳарбий хизматга мажбур шахсни) таъминотнинг барча турларидан озод қилади, ОҲТМ шахсий таркиби рўйхатидан чиқаради ва хизматини давом эттириш учун тайинланган ҳарбий қисмга (ҳарбий ҳисобга қўйиш учун турар жойидаги мудофаа ишлари бўлимига) юборади. Шунингдек, ОҲТМ курсантлари рўйхатидан чиқарилган курсантнинг шахсий ҳужжатлари йиғмажилди билан бирга академик маълумотнома ва ОҲТМ Илмий кенгаши баённомасининг кўчирмалари ҳам йўлланади.

2-§. Курсантлар ўқишини кўчириш ва қайта тиклаш

98. Курсантлар ўқишини қайта тиклашга мазкур Низомнинг 80-банди « а », « б » ва «г» кичик бандларида кўрсатилган асослар (соғлиғининг ҳолатига кўра, фанларни ўзлаштира олмаганликлари ва ўзига боғлиқ бўлмаган сабаблар туфайли ўқишни давом эттириш имкони йўқлиги туфайли) билан ўқишдан четлаштирилган собиқ курсантларга рухсат берилади.

ОҲТМ курсантларини ўқишга қайта тиклаш мазкур Низомга 12-иловага мувофиқ схема асосида амалга оширилади.

Биринчи босқичнинг иккинчи семестри ва ундан юқори босқичларда таҳсил олиш давомида ОҲТМда ўқишдан четлаштирилган шахслар (интизомсизлиги, суд қарорига кўра кириш имтиҳонларида белгиланган тартибни бузган деб топилганлиги туфайли ва ўз хоҳишига кўра ўқишдан четлаштирилган собиқ курсантлардан ташқари) ўзлари таҳсил олган ОҲТМга тегишли ўқув семестри бошлангунга қадар рўйхатдан чиқарилгандан сўнг олти ойдан кам бўлмаган ва уч йилдан ортиқ вақт ўтмаган муддат ичида ҳарбий қисм командирининг тавсиясига кўра қўшинлар сафида бенуқсон хизмат ўтаганлик шарти билан (ҳарбий ҳисобга киритилган жойдаги мудофаа ишлари бўлими бошлиғининг тавсиясига кўра, иқтисодиёт тармоқларида виждонан меҳнат қилганлик шарти билан), шахсан ёзган ариза (билдирги)сига асосан ўқишга қайта тикланиши мумкин.

99. Биринчи босқичнинг биринчи семестрида таҳсил олиш давомида (биринчи семестр якуни бўйича имтиҳон сессиясини тўлиқ топширмаган ҳолда) ОҲТМда ўқишдан четлаштирилган курсантлар ўқишга қайта тикланмайди. Улар ўқишга фақат умумий қоидаларга асосан қабул қилиниши мумкин.

100. Курсантлар ўқишини қайта тиклаш курсантлар сафидан четлаштирилганига олти ойдан уч йилгача бўлган муддатда, тегишли вазирлик ва идора раҳбарининг таълим соҳаси учун масъул ўринбосарининг буйруғи асосида амалга оширилади.

101. Қуйидаги ҳолатлар курсантнинг қайта тиклаш ҳақидаги ариза (билдирги)сига рад жавоби бериш учун асос бўлади:

курсантнинг интизомсизлиги, суд қарорига кўра кириш имтиҳонларида белгиланган тартибни бузган деб топилганлиги туфайли ёки ўз хоҳишига кўра ўқишдан четлаштирилганда;

курсант биринчи босқичнинг биринчи семестрида (биринчи семестр тугалланмаган ҳолатда) ўқишдан четлаштирилганда;

ўқишдан четлаштирилган курсант рўйхатдан чиқарилган санадан ўқишга қайта тиклаш сўралаётган тегишли ўқув семестри бошлангунга қадар олти ойдан кам ёки уч йилдан ортиқ муддат ўтган бўлса;

Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низом талабларига ОҲТМ курсанти лавозимида ҳарбий хизматни ўташ бўйича белгиланган ёш чегарасидан ўтган бўлса;

ариза берувчининг шахсий ҳужжатлари йиғмажилди (академик маълумотнома) белгиланган муддатларда тақдим этилмаган тақдирда;

қонунчиликда белгиланган бошқа ҳолатларда.

Ҳарбий хизматчи (фуқаро)нинг ўқишини қайта тиклаш бўйича ариза (билдирги)сига рад жавоби берилган тақдирда, уни кўриб чиқиш учун белгиланган муддатда ариза (билдирги)да кўрсатилган манзилга ариза (билдирги)ни кўриб чиққан мансабдор шахс ёки у ваколат берган шахс томонидан жавоб хати йўлланади.

102. ОҲТМ курсантларининг ўқишини қайта тиклаш бўйича аризалар (билдиргилар)ни топшириш ва кўриб чиқиш йилда бир маротаба 1 июлдан 20 июлга қадар амалга оширилади.

Мудофаа ишлари бўлими томонидан тақдим қилинган қайта тиклаш бўйича ҳужжатлар тўплами ва ариза (билдирги)лар ОҲТМ бошлиғи, тегишли вазирлик ва идора раҳбарининг таълим соҳаси бўйича масъул ўринбосари томонидан кўриб чиқилиб, ҳар йили 20 июлдан 10 августга қадар қарор қабул қилинади.

103. Ўқишини қайта тиклаш истагини билдирган фуқаро яшаш жойидаги мудофаа ишлари бўлими орқали белгиланган муддатда мазкур Низомга 13-иловада қайд этилган ҳужжатларни расмийлаштириб, ОҲТМга тақдим этиши лозим.

104. Курсантлар ўқишини қайта тиклаш ҳақидаги ариза (билдирги)лар ариза берувчилар тақдим этган ҳужжатлар билан бирга ОҲТМ илмий кенгашининг муҳокамасига кенгаш котиби томонидан тақдим этилади. ОҲТМдан ўқишдан четлаштирилган шахсларни ўқишга тиклаш масаласи тақдим этилган ҳужжатлар асосида ОҲТМ Илмий кенгаши йиғилишида, ариза берувчилар иштирокида кўриб чиқилади. ОҲТМ Илмий кенгашининг қарори баённома билан расмийлаштирилади.

ОҲТМ Илмий кенгашининг баённомасидан кўчирма ва ўқишга тиклаш учун тайёрланган ҳужжатлар нусхаси тегишли вазирлик ва идора марказий аппаратининг ОҲТМ билан ишлаш органига юборилади. Ўқишга тиклашга доир ҳужжатлар тегишли вазирлик ва идора марказий аппаратининг ОҲТМ билан ишлаш органи томонидан ўрганиб чиқилади. Тақдим этилган ҳужжатларга асосан тегишли вазирлик ва идора раҳбарининг таълим соҳаси бўйича масъул ўринбосарининг курсантни ўқишга тиклаш ва ОҲТМ курсантлари рўйхатига киритиш тўғрисидаги буйруғи лойиҳаси тайёрланади ҳамда қарор қабул қилиш учун тақдим этилади.

Тегишли вазирлик ва идора раҳбарининг таълим соҳаси бўйича масъул ўринбосари курсантни ўқишга тиклаш ва ОҲТМ курсантлари рўйхатига киритиш тўғрисидаги буйруқни имзолагандан сўнг унинг кўчирмалари ижро этиш учун ОҲТМга ҳамда ўқишга тикланган шахсга ёзма кўрсатма расмийлаштириб бериш ва унинг шахсий ҳужжатлари йиғмажилдини ОҲТМга йўллаши учун ҳарбий хизматчи (фуқаро)ни ўқишга тиклаш юзасидан тегишли ҳужжатлар тайёрлаб, йўллаган бирлашма, қўшилма, қисм, мудофаа ишлари бошқармаси ёки бўлимига юборилади.

105. Курсантни ўқишга тиклаш ва ОҲТМ курсантлари рўйхатига киритиш тўғрисидаги буйруққа асосан ОҲТМ бошлиғи курсант билан у ОҲТМга келган куни ОҲТМда таълим олиш муддатига, ўқишни тамомлаганидан сўнг офицерлар таркибига мансуб лавозимларда мажбурий равишда беш йил ҳарбий хизмат (хизмат) ўташ шарти билан контракт тузади.

106. Курсантларни қайта тиклаш жараёнида шахсий ҳужжатлар йиғмажилдидаги ҳужжатлар тўлиқ тақдим этилмаган ёки тақдим этилган ҳужжатларга ўзгартиришлар киритилганлиги ёхуд ҳужжатлар белгиланган тартибда тасдиқланмаганлиги аниқланган ҳолларда, ОҲТМ бошлиқлари мазкур ҳужжатларни текшириш ва буйруқ чиқармаслик ҳуқуқига эга.

107. ОҲТМга қайта тикланган курсантларнинг шахсий йиғмажилдига тегишли буйруқдан кўчирма, ариза ва академик маълумотнома тикиб қўйилади.

108. Курсантларни ўқишдан четлаштириш ва қайта тиклаш тўғрисида тақдим этилган ҳужжатларнинг тўғри расмийлаштирилиши ва уларнинг қонунийлиги учун жавобгарлик тегишлилиги бўйича мудофаа ишлари бўлими ва ОҲТМга юкланади.

109. ОҲТМ курсантлари ўқишини тиклашига асос бўлган барча ҳужжатлар ваколат доираси бўйича тегишли вазирликлар ва идораларда ёки ОҲТМда уч йил давомида сақланади.

110. Курсантларни ўқишдан четлаштириш ва қайта тиклаш тўғрисидаги қарорлардан норози бўлган шахслар белгиланган тартибда ОҲТМ, тегишли вазирликлар ва идоралар ёки судга мурожаат қилиш ҳуқуқига эга.

111. Ўзбекистон Республикаси олий таълим муассасаларида таҳсил олаётган талабалар ўқишини ОҲТМга кўчиришга рухсат этилмайди.

112. Соғлиғининг ҳолатига кўра, ўзига боғлиқ бўлмаган ҳолатлар туфайли ўқишни давом эттириш имкони йўқлиги сабабли ва ўз хоҳишига кўра ОҲТМдан четлаштирилган курсантлар ўз хоҳишига кўра қонунчилик ҳужжатларида белгиланган олий таълим муассасалари талабалари ўқишини кўчириш ва қайта тиклаш тартибига асосан Ўзбекистон Республикаси таълим муассасаларига қабул қилиш бўйича Давлат комиссияси қарори билан Ўзбекистон Республикаси олий таълим муассасаларига ўқишини кўчириши мумкин.

4-боб. Якунловчи қоидалар

113. Ушбу Низомни қўллаш жараёнида келиб чиқадиган низолар қонунчилик ҳужжатларида белгиланган тартибда ҳал этилади.

114. Мазкур Низом талабларининг бузилишида айбдор бўлган шахслар қонунчиликда белгиланган тартибда жавоб беради.

Ўзбекистон Республикаси Олий ҳарбий таълим муассасаларида ўқишга номзодларни саралаб олиш тадбирлари комплексини босқичма-босқич амалга ошириш

Босқичлар Субъектлар Тадбирлар Бажариш муддатлари I. Ўқишга кириш учун аризалар (билдиргилар) топшириш ва қабул комиссияларини ташкил этиш 1-босқич Номзодлар Мудофаа ишлари бўлимлари (ҳарбий қисм, муассасалар)га олий ҳарбий таълим муассасаларига ўқишга кириш учун ариза (билдиргилар) топширади. 1 февралдан 31 мартгача 2-босқич Вазирликлар Олий ҳарбий таълим муассасалари қабул комиссияларини ташкил этади. 10 мартгача Қабул комиссияси Қабул комиссияси таркибида кичик комиссиялар тузади. 20 мартгача II. Ҳарбий-профессионал йўналтириш 3-босқич Вазирликлар Номзодларда ҳарбий хизматга қизиқишни шакллантириш ва офицерлик касби ҳақида тўғри тасаввур ҳосил қилиш мақсадида чақирувга қадар бошланғич тайёргарлик (ЧҚБТ) раҳбарларини фаол жалб этган ҳолда, олий ҳарбий таълим муассасалари ва ҳудудий органларнинг, ҳарбий-академик лицейлар ва умумтаълим мактаблари билан ўзаро алоқани йўлга қўяди. Доимий (битирувчилар билан сентябрь — январь) Ҳудудий органлар ЧҚБТ раҳбарлари билан (ҳар йилги) ўқув-методик йиғинлар ўтказади. Доимий Чақирувга қадар бошланғич тайёргарлик фани раҳбарлари ва ўқитувчилари Ёшларнинг ҳарбий қисм, ОҲТМ вакиллари, фахрийлар ва жамоат ташкилотлари вакиллари билан учрашувини ташкил этади. Доимий Жойлардаги таълим муассасаларининг аълочи битирувчилари билан учрашув, машқ йиғинлари, шунингдек, мақсадли тарғибот ишларини ташкил этади. сентябрь-октябрь Психология ва педагогика, муҳандислик-техник таълим йўналишлари мавжуд бўлган олий таълим муассасалари, Ўзбекистон давлат жаҳон тиллари университети ва олий тиббий таълим муассасалари ректорлари Талабалар орасидан Ўзбекистон Республикаси Ҳарбий хавфсизлик ва мудофаа университетининг «Психология (ҳарбий психология)» таълим йўналиши, Ўзбекистон Республикаси Ҳарбий хавфсизлик ва мудофаа университетининг Ахборот-коммуникация технологиялари ва ҳарбий алоқа институтига ҳамда Ўзбекистон Республикаси Ҳарбий хавфсизлик ва мудофаа университетининг Ҳарбий тиббиёт институтига номзодларни танлаш ва офицерлик касбининг шарафлилигини тарғиб этишга қаратилган ташвиқот ишларини амалга оширади. сентябрь — январь III. Дастлабки саралаб олиш 4-босқич Мудофаа ишлари бўлимлари, ҳарбий қисм (муассасалар) Номзоднинг ҳужжатларини тўплайди ва ўрганади. Номзод билан якка тартибда суҳбат ўтказади. Бирламчи тиббий кўрикдан ўтказади. 1 февраль — 31 март Қабул комиссияси Индивидуал-психологик ўрганиш ўтказади. Жисмоний тайёргарлик даражасини баҳолайди. Якуний тиббий кўрикдан ўтказади. 1 апрелдан 20 майгача Мудофаа ишлари бошқармалари, ҳарбий қисм (муассасалар) Дастлабки саралаб олиш тадбирларидан муваффақиятли ўтган номзодларнинг рўйхатларини ОҲТМ қабул комиссиясига юборади. 1 июнгача Қабул комиссияси Номзодлар ҳақидаги маълумотларни Билимни баҳолаш агентлигининг махсус дастурига киритади. 5 июнгача IV. Тест синовларини ўтказиш ва ўқишга қабул қилиш 5-босқич Билимни баҳолаш агентлиги Тест синовларини ташкил этади. июль-август Тест синови натижаларини қабул комиссиясига тақдим этади. Тест синовлари тўлиқ якунланган куннинг эртасига 6-босқич Қабул комиссияси Ўқишга тавсия этилган номзодлар ҳақидаги маълумотларни Билимни баҳолаш агентлигига тақдим этади. Икки кунлик муддатда Тест синовлари натижаларини эълон қилади. Тест синовлари натижалари тақдим этилгандан сўнг 2 кун муддатда Тегишли баённомаларни расмийлаштиради. Тест синовлари натижалари эълон қилингандан сўнг 1 кун муддатда ОҲТМга қабул қилиш тўғрисидаги буйруқларни расмийлаштиради. Баённома тасдиқлангандан сўнг 2 кун муддатда Тегишли шакл бўйича давлат сирларидан фойдаланишга доир рухсатномани расмийлаштириш учун зарур бўлган материалларни тегишли идораларга юборади. Буйруқ қабул қилингандан сўнг 5 кун муддатда

ТИЛХАТ Мен, _______________________________________________________________________________________________________________________________________ _ (Ф.И.О.) ____________________________________________________________________________________________________________________________________________________ (олий ҳарбий таълим муассасасининг номи) ўқишга қабул қилинсам, ўқишни тугатганимдан сўнг тузилган контрактда кўрсатилган муддат тугамасдан ёки беш календарь йил мобайнида офицерлар таркиби лавозимларида хизматни ўтамасдан ҳарбий хизматни (хизматни) ўташдан бош тортсам, шунингдек, контракт шартларини бажармаганлигим, содир этган жиноятим учун судланганлигим сабабли ҳарбий хизматдан резервга бўшатилсам ёки бундай контрактни тузишдан бош тортсам, ўқиш даврида менга сарфланган бюджет маблағларини қоплаш бўйича тўлиқ моддий жавобгарлигим, шу билан бирга, Ўзбекистон Республикасининг «Давлат сирлари тўғрисида»ги Қонуни талабларига мувофиқ менга тегишли шакл бўйича давлат сирларидан фойдаланишга доир рухсатнома берилмаса, Ўзбекистон Республикасининг таклиф қилинган бошқа олий таълим муассасаларига ўқишимни кўчиришим ёхуд ўз хоҳишим билан ўқишдан кетишим тўғрисида огоҳлантирилдим. ______________ _________________________ (имзо) (Ф.И.О.) 20___ йил «_____» ___________ Биз, _____________________________________________________________________________________________________________________________________ (Ф.И.О.) _______________________________________________________________________________________________________________________________________________________ га ўқишга (олий ҳарбий таълим муассасасининг номи) киришга номзоднинг ота-онаси (уларнинг ўрнини босувчи шахслар), фарзандимиз ______________________________________________________________________________________________________________________________________________________ (Ф.И.О.) ўқишга қабул қилинса, ўқишни тугатгандан сўнг у билан тузилган контрактда кўрсатилган муддат тугамасдан ёки беш календарь йил мобайнида офицерлар таркиби лавозимларида хизматни ўтамасдан ҳарбий хизматни (хизматни) ўташдан бош тортса, шунингдек, контракт шартларини бажармаганлиги, содир этган жинояти учун судланганлиги сабабли ҳарбий хизматдан резервга бўшатилса ёки бундай контрактни тузишдан бош тортса, ўқиш даврида унга сарфланган бюджет маблағларини қоплаш бўйича тўлиқ моддий жавобгарлигимиз, шу билан бирга, Ўзбекистон Республикасининг «Давлат сирлари тўғрисида»ги Қонуни талабларига мувофиқ тегишли шакл бўйича давлат сирларидан фойдаланишга доир рухсатнома берилмаса, Ўзбекистон Республикасининг таклиф қилинган бошқа олий таълим муассасаларига ўқишини кўчириши ёхуд ўз хоҳиши билан ўқишдан кетиши тўғрисида огоҳлантирилдик. ______________ _________________________ (имзо) (Ф.И.О.) ______________ _________________________ (имзо) (Ф.И.О.) 20____ йил «____» ____________

_____________________________________________________________________________________________________________________________________________________га (туман (шаҳар) мудофаа ишлари бўлими бошлиғи Ф.И.О.) _________________________________________________________________________________________________________________________________________________________да (номзоднинг яшаш жойи) яшовчи ________________________________________________________________________________________________________________________________________________________ (номзоднинг туғилган йили ва санаси) _______________________________________________________________________________________________________________________________________________________________дан (Ф.И.О.) АРИЗА Мени, ўз хоҳишимга кўра ________________________________________________________________________________________________________________________________________га (олий ҳарбий таълим муассасасининг номи ва мутахассислиги) ўқишга кириш учун номзодлар рўйхатига киритишингизни сўрайман. Тест синовларини ____________________ тилида ___________________ алифбосида топшираман. ___________________ (ўзбек, қорақалпоқ, рус) ______________ (кирилл, лотин) Чет тили бўйича тест синовларини (имтиҳонни) ____________ тилида топшираман. Хизмат заруратига кўра лозим топилган жойда хизмат қилишга тайёрман. Хизмат бўйича менга маълум бўлган давлат сирларини, қонун билан ҳимоя қилинадиган ва хизматга оид маълумотларни сир сақлашга ваъда бераман. Ўқишга қабул қилинсам, бироқ Ўзбекистон Республикасининг «Давлат сирлари тўғрисида»ги Қонуни талабларига мувофиқ менга тегишли шакл бўйича давлат сирларидан фойдаланишга доир рухсатнома берилмаса, ўқишимни Ўзбекистон Республикасининг таклиф қилинган бошқа олий таълим муассасаларига кўчиришга ёки ўз хоҳишим билан ўқишдан кетишга розиман. ______________ _________________________ (имзо) (Ф.И.О.) 20___ йил «_____» _____________

_________________________________________га (номзоднинг бевосита бошлиғининг номи) БИЛДИРГИ Мен, ______________________________________________________________________________________________________________________________________________________________________________ (ҳарбий хизматчининг ҳарбий унвони, Ф.И.О., лавозими, туғилган йили, санаси ва жойи, ҳарбий хизматга чақирилган йили ва санаси) Сиздан ўз хоҳишимга кўра мени ____________________________________________________________________________________________________________________________________________га (олий ҳарбий таълим муассасасининг номи ва мутахассислиги) ўқишга кириш учун номзод сифатида юқори қўмондонликка тавсия этишингизни сўрайман. Тест синовларини _____________________ тилида ___________________ алифбосида топшираман. ___________________ (ўзбек, қорақалпоқ, рус) ______________ (кирилл, лотин) Чет тили бўйича тест синовларини (имтиҳонни) ____________ тилида топшираман. Хизмат заруратига кўра лозим топилган жойда хизмат қилишга тайёрман. Хизмат бўйича менга маълум бўлган давлат сирларини, қонун билан ҳимоя қилинадиган ва хизматга оид маълумотларни сир сақлашга ваъда бераман. Ўқишга қабул қилинсам, бироқ Ўзбекистон Республикасининг «Давлат сирлари тўғрисида»ги Қонуни талабларига мувофиқ менга тегишли шакл бўйича давлат сирларидан фойдаланишга доир рухсатнома берилмаса, ўз хоҳишим билан ўқишдан кетишга розиман. ______________ _________________________ (имзо) (Ф.И.О.) 20___ йил «_____» _____________

__________________________________________га (олий таълим муассасаси ректори Ф.И.О.) __________________________________________да (номзоднинг яшаш жойи) яшовчи _____________________________________ (номзоднинг туғилган йили ва санаси) _________________________________________дан (Ф.И.О.) АРИЗА Мени, ўз хоҳишимга кўра _________________________________________________________________________________________________________________________________________га (олий ҳарбий таълим муассасасининг номи ва мутахассислиги) ўқишга кириш учун номзодлар рўйхатига киритишингизни сўрайман. Тест синовларини ______________________ тилида __________________ алифбосида топшираман. ___________________ (ўзбек, қорақалпоқ, рус) ______________ (кирилл, лотин) Чет тили бўйича тест синовларини (имтиҳонни) _______________ тилида топшираман. Хизмат заруратига кўра лозим топилган жойда хизмат қилишга тайёрман. Хизмат бўйича менга маълум бўлган давлат сирларини, қонун билан ҳимоя қилинадиган ва хизматга оид маълумотларни сир сақлашга ваъда бераман. Ўқишга қабул қилинсам, бироқ Ўзбекистон Республикасининг «Давлат сирлари тўғрисида»ги Қонуни талабларига мувофиқ менга тегишли шакл бўйича давлат сирларидан фойдаланишга доир рухсатнома берилмаса, ўз хоҳишим билан ўқишдан кетишга розиман. ______________ _________________________ (имзо) (Ф.И.О.) 20___ йил «_____» ____________

Ўзбекистон Республикаси Ҳарбий хавфсизлик ва мудофаа университетининг Ҳарбий авиация институтида номзодларни саралаб олишда уларнинг инглиз ва рус тилини билиш даражасини баҳолаш

1-боб. Умумий қоидалар

1. Ўзбекистон Республикаси Ҳарбий хавфсизлик ва мудофаа университетининг Ҳарбий авиация институтида номзодларни саралаб олишда уларнинг инглиз ва рус тилини билиш даражасини текшириш мазкур Методикада белгиланган тартибда кичик комиссия томонидан ўтказилади.

2. Қабул йилининг 20 мартига қадар Ўзбекистон Республикаси Ҳарбий хавфсизлик ва мудофаа университетининг Ҳарбий авиация институтининг кичик қабул комиссияси томонидан инглиз ва рус тили фанлари бўйича саволлар шакллантирилади ҳамда кичик қабул комиссияси раиси томонидан тасдиқланади.

Саволларни шакллантиришда умумтаълим дастурларидан фойдаланилади.

3. Саволлар тўплами муҳрланган ҳолда, кичик қабул комиссияси раисининг сейфида сақланади. Кичик қабул комиссияси раиси саволларнинг ошкор қилинмаслиги учун жавобгар ҳисобланади.

4. Номзодларнинг инглиз ва рус тилини билиш даражасини аниқлаш бўйича кичик қабул комиссиянинг асосий вазифалари қуйидагилар ҳисобланади:

номзодларнинг тилни билиш даражасини аниқлаш холисона ва адолатли ўтишини таъминлаш;

саралаб олиш ишларини ўтказиш учун бино ва хоналарни тайёрлаш, барча зарур шароитларни яратиш;

номзодларга уларнинг ҳуқуқ ва мажбуриятларини тушунтириш, уларга саралаб олиш ишлари натижалари тўғрисида тўлиқ маълумот бериш.

2-боб. Номзодларнинг инглиз ва рус тилини билиш даражасини аниқлаш

5. Номзоднинг инглиз ва рус тилини билиш даражасини аниқлаш учун номзод белгиланган хонага ўзининг шахсини тасдиқловчи ҳужжатини кўрсатган ҳолда киритилади.

Хонага луғат, китоб, уяли телефон, компьютер ва бошқа телекоммуникация воситалари, шпаргалкалар олиб кириш тақиқланади.

6. Саралаб олиш жараёнида номзодларнинг аудиториядан чиқишларига йўл қўйилмайди, ўзбошимчалик билан аудиторияни тарк этган номзодлар инглиз ва рус тилини билиш даражасини аниқлашни ўтказиш тартибини бузган ҳисобланади ва саралаб олишдан четлаштирилади.

7. Соғлиғининг ёмонлашиши ва бошқа зарур ҳолатларда кузатув остида хонадан чиқишга рухсат берилади.

3-боб. Номзодларнинг инглиз ва рус тилини билиш даражасини аниқлаш ва баҳолаш

8. Номзодларнинг инглиз ва рус тилини билиш даражасини аниқлаш ва баҳолаш кичик комиссия аъзолари томонидан коллегиаллик тамойили асосида амалга оширилади.

9. Номзодларни Ўзбекистон Республикаси Ҳарбий хавфсизлик ва мудофаа университетининг Ҳарбий авиация институтида саралаб олишда уларнинг инглиз ва рус тилини билиш даражасини аниқлаш учун қуйидаги мезонлардан фойдаланилади:

инглиз ва рус тилини билиш даражасини аниқлаш бўйича:

«5» (аъло) (86 — 100%) — номзод тегишли берилган мавзуни тўлиқ оғзаки ёки ёзма тарзда батафсил ёритиб берса, уларни мантиқан тўғри баён этса, аниқ мустақил хулоса қила олса ва тўғрилигини асослай олса, фаразларни қўллай билиши, ўқитувчи томонидан тилни билиш даражасини аниқлаш учун берилган қўшимча саволларга жавоб берса, шунингдек, билимини амалда қўллай олишини намойиш қилса, ижодий фикрлаб, мустақил мушоҳада юрита олишини ҳисобга олиб, тилни билиш даражаси юқори деб топилганда;

«4» (яхши) (71 — 85 %) — номзод тегишли мавзу бўйича материалларни пухта билиб, ўқитувчи томонидан берилган саволларга жавоб беришда сезиларли ноаниқликларга йўл қўймаган бўлса, олган билимларини амалда қўллай олса, ўқитувчи томонидан берилган қўшимча саволларга қисман тўғри жавоб берса, ёзма ишларида кам хатоликларга йўл қўйилган деб топилганда;

«3» (қониқарли) (55 — 70%) — номзод асосий материални тўла ўзлаштириб, тафсилотларини ёритиб беришда қийинчиликларга дуч келса, жавобларида қўпол хатоликларга йўл қўймаган бўлса, ўқитувчи томонидан унга ёрдамчи (эсга солувчи) саволлар берилиши зарур бўлса, олган билимни амалда қўллай билсада, мустақил ёзма ва оғзаки нутқда хатоликларга йўл қўйилган деб топилганда;

«2» (қониқарсиз) (0 — 54%) — берилган материаллар тафсилотини тўлиқ ўзлаштирмаган ва тасаввурга эга бўлмаган, ифодалай олмаган, ёзма ва оғзаки нутқда қўпол хатоликларга йўл қўйган деб топилган номзод саралаш босқичидан ўтказилмайди.

4-боб. Якунловчи қоидалар

10. Номзодларнинг инглиз ва рус тилини билиш даражасини аниқлаш натижалари бўйича қайднома расмийлаштирилади.

11. Мазкур қайдномада номзодлар томонидан берилган тўғри жавоблар сони ва улар учун қўйилган баҳолар акс эттирилади.

12. Қайднома кичик қабул комиссияси раиси ва аъзолари томонидан имзоланади.

13. Инглиз ва рус тилини билиш даражасини аниқлаш натижаларидан норози бўлган номзодлар уларга нисбатан қўйилган баҳони асослантирувчи маълумот билан танишиш ҳуқуқига эга.

Якка тартибдаги суҳбат ‎ВАРАҚАСИ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________________________________________________________________ ‎ (номзоднинг Ф.И.О. (ҳарбий хизматчининг унвони ва лавозими ҳам кўрсатилади)) ‎ Номзоднинг оилавий аҳволи:_________________________________________________________________ ‎ Номзоднинг ота-онаси, яқин қариндошларининг ҳарбий хизматга муносабати: ‎ ________________________________________________________________________________________ ‎ ________________________________________________________________________________________ ‎ Офицер касбини танлашининг сабаблари ва асослари:_____________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Номзоднинг таълим муассасасидаги ўзлаштириш даражаси: ________________________________________ ‎ Номзоднинг хорижий тилни эгаллаганлик даражаси: ______________________________________________ ‎ Номзод ҳақидаги қўшимча маълумотлар: _______________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ўзбекистон Республикаси олий ҳарбий таълим муассасасига ўқишга қабул қилиш тартиби тўғрисида батафсил тушунтирилди. ‎ Якка тартибдаги суҳбат ўтказган шахс: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ______________________________________ ‎ ‎ ‎ ‎ ‎ ‎ ‎ (лавозими) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ______________________________________ ______________________ ______________________ ‎ (ҳарбий унвони) (имзо) (Ф.И.О.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 20___ йил «____» _____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Индивидуал-психологик ўрганиш

1-боб. Умумий қоидалар

1. Индивидуал-психологик ўрганиш номзодларни мазкур Методикада белгиланган тартибда психологик тест синовидан ўтказиш орқали амалга оширилади.

2. Психологик тестлар, уларнинг жавоблари, баҳолаш мезонлари ва жавоблар бланклари олий ҳарбий таълим муассасаларидаги ўқишнинг ўзига хос жиҳатлари ҳисобга олинган ҳолда, қоида тариқасида, ҳар уч йилда бир маротаба тегишли масъул вазирликларнинг ижтимоий-психологик тадқиқотлар бўлинмалари томонидан қайта ишлаб чиқилиб, тегишли масъул вазирликлар томонидан тасдиқланади ҳамда ҳар йили психологик тест синовлари бошлангунга қадар индивидуал-психологик ўрганиш бўйича кичик комиссия раисига юборилади.

3. Психологик тестлар, уларнинг жавоблари, баҳолаш мезонлари ва жавоблар бланклари индивидуал-психологик ўрганиш бўйича кичик комиссия раисида сақланади ва у тестлар ва жавобларнинг ошкор этилмаслиги учун масъул ҳисобланади.

4. Дастлаб номзодлар индивидуал-психологик ўрганиш бўйича кичик комиссия таркибига киритилган мутахассислар томонидан индивидуал-психологик ўрганишни ўтказиш тартиби, шунингдек, ҳар бир тайёрланган тестларни ечганлик учун назарда тутилган баҳолаш мезонлари билан таништирилади ҳамда уларга тегишли йўл-йўриқлар берилади.

2-боб. Индивидуал-психологик ўрганишни ўтказиш

5. Индивидуал-психологик ўрганиш якка тартибда ёки гуруҳ бўлиб ўтказилиши мумкин.

6. Индивидуал-психологик ўрганиш гуруҳ бўлиб ўтказилганда, хонада номзодлар 40 нафардан ортиқ бўлмаслиги зарур.

7. Индивидуал-психологик ўрганиш давомида номзодларга бир нечта психологик тестлар берилади.

8. Психологик тестлар номзодларнинг қуйидаги индивидуал-психологик хусусиятларини аниқлашга йўналтирилади:

ақл-заковати, умумий интеллектуал салоҳияти ва хотираси;

мантиқий фикрлаши, зийраклиги, тафаккур шаклларининг ривожланганлик даражаси, фикрлаш тезлиги ва таҳлил қилиш қобилиятлари;

шахсига хос индивидуал хусусиятлари, киришимлилиги, психик турғунлиги, самимийлиги;

касбни танлашининг мақсади ва мақсадининг барқарорлиги.

9. Психологик тест бошлангунга қадар номзодларнинг соғлиғи суриштирилади. Ўзини ёмон ҳис қилаётганидан шикоят қилган номзодлар ўрганишга қўйилмайди. Бундай ҳолатда далолатнома тузилади ва уларга кейинги индивидуал-психологик ўрганишдан ўтиш учун қайта рухсат берилади.

10. Жавоблар варақасининг тўғри тўлдирилиши учун номзодлар шахсан жавобгар ҳисобланади.

11. Психологик тест синовлари ўтказиладиган хонага микрокалькулятор, луғат, жадвал, китоб, уяли телефон, компьютер, телекоммуникация воситалари олиб кириш ва улардан фойдаланиш тақиқланади.

12. Психологик тест ўтказиш вақтида ўрганиш ўтказаётган шахслар номзодларни узлуксиз равишда кузатиб туради.

13. Барча топшириқлар бажариб бўлингандан сўнг номзодлар жавоблар бланкларини ўрганиш ўтказаётган мутахассислардан бирига топширади. Ўрганиш ўтказган мутахассислар жавоблар бланкларини қабул қилишда уларнинг тўғри тўлдирилганлигига эътибор бериши зарур.

14. Тестларнинг барчасини муваффақиятли топширган номзодлар олий ҳарбий таълим муассасасига кириш учун тавсия этилади ҳамда уларга дастлабки танлашнинг кейинги тадбирларида иштирок этиш учун рухсат берилади.

15. Тестларни муваффақиятли топшира олмаган номзодларнинг такроран тест синовларидан ўтишига йўл қўйилмайди.

3-боб. Якунловчи қоидалар

16. Индивидуал-психологик ўрганиш синовларини топширган номзодларга қайднома расмийлаштирилади.

17. Мазкур қайдномада номзодлар томонидан тўпланган баллар ва индивидуал-психологик ўрганиш бўйича хулоса акс эттирилади.

18. Қайднома индивидуал-психологик ўрганиш бўйича кичик комиссия раиси ва аъзолари томонидан имзоланади.

19. Индивидуал-психологик ўрганиш натижаларидан норози бўлган номзодлар уларга нисбатан берилган хулосани асослантирувчи маълумот билан танишиш ҳуқуқига эга.

Умумжисмоний тайёргарлик даражасини баҳолаш

1-боб. Умумий қоидалар

1. Номзодларнинг умумжисмоний тайёргарлик даражаси уларнинг мазкур Методикада назарда тутилган тегишли машқларни бажаришини текшириш орқали баҳоланади.

2. Номзодларга дастлаб машқларни бажаришга қўйиладиган талаблар ва мезонлар ҳамда машқларни бажариш тартиби номзодларнинг умумжисмоний тайёргарлик кўрганлигини баҳолаш бўйича кичик комиссия таркибига киритилган мутахассислар томонидан тушунтирилади.

3. Номзодлар умумжисмоний тайёргарлик даражасини баҳолаш тадбирларига:

фуқаро ёшлар (талабалар) спорт кийимида;

ҳарбий хизматчилар ҳарбий кийимда келишлари лозим.

4. Номзодлар қуйидаги машқларни бажаради:

100 метрга югуриш;

турникда тортилиш;

3000 метрга югуриш.

5. Машқлар оралиғида номзодларга дам олиш учун камида 10 дақиқа вақт берилади.

6. Белгиланган машқларни узрсиз сабабларга кўра топширмаган ёхуд топширишдан бош тортган номзодларга «қониқарсиз» баҳоси қўйилади.

2-боб. Машқларни бажаришга қўйиладиган талаблар ва мезонлар

7. 100 метрга югуриш машқи юқори ёки қуйи стартдан амалга оширилади.

8. 100 метрга югуриш машқини фуқаро ёшлар (талабалар) — 15,4 сония ичида ва ҳарбий хизматчилар — 15,2 сония ичида бажарган тақдирда, номзодлар ушбу синовдан «ўтган» деб ҳисобланади.

9. Ушбу машқ ўйингоҳнинг югуриш йўлаги ёки қаттиқ қопламага эга текис (стандарт) майдонда юқори старт ҳолатидан бажарилади. Старт олиш тартибини ўзлаштириш учун дастлабки «Стартга» ва «Диққат» командалари ҳамда «Олға» командаси берилади. «Стартга» командаси берилганда, старт олиш чизиғига келиб, кучли оёқ старт олиш чизиғи яқинига қўйилиб, иккинчи оёқ ярим қадам ортда қолдирилади. «Диққат» командаси берилганда, тана вазни олдинда турган оёққа ўтказилиб, гавда ва бош олдинга эгилади, қўл тирсаклари эса букилади. «Олға» командаси берилганда, югуриш амалга оширилади.

10. Турникда тортилиш машқини бажаришда, қўл кафтлари турникда олдинга қаратилган ҳолда ушланиб, қўллар параллель узатилган ҳолда тутилади, тана бир оз букилган, оёқ тўғри туширилган, учи тўлиқ пастга узатилиб, товонлар жуфт тутилган ҳолатдан бажарилади. Қўллар букилиб, тана юқорига кўтарилар экан, жағ турник устига тўлиқ чиқарилган ҳолат қабул қилинади. Қўллар яна тўлиқ узатилар экан, тана бир маромда пастга туширилиб, дастлабки ҳолат эгалланади. Тананинг осилган ҳолати 1-2 сония давомида сақланади. Жуфт тутилган оёқларни 45 о гача букишга рухсат берилади. Танани силташ, оёқни олд-орқага тебратиш, оёқларни чалиштириш, бир қўлда осилиб олиш амаллари ман этилади.

Турникда фуқаро ёшлар (талабалар) — камида 7 маротаба ва ҳарбий хизматчилар — камида 10 маротаба тортилганда, номзодлар ушбу синовдан «ўтган» деб ҳисобланади.

11. 3000 метрга югуриш машқлари стадионнинг югуриш йўлакчалари ёки текис жойларида, умумий ёки алоҳида старт берилган ҳолда ўтказилади. Старт ва марра чизиқлари бир жойда белгиланиши мумкин.

12. 3000 метрга югуриш машқини фуқаро ёшлар (талабалар) — 14,30 дақиқагача ва ҳарбий хизматчилар — 13,35 дақиқагача бажарган тақдирда, ушбу номзодлар ушбу синовдан «ўтган» деб ҳисобланади.

13. Ушбу машқ ҳар қандай очиқ табиатда, умумий старт олган тарзда бажарилади. Старт олиш ва финиш марралари айнан бир жойда ёки алоҳида жиҳозланади. Югуриш давомида машқ иштирокчилари бир-бирига халал бермаслиги лозим. Югуриш амалидан юриш амалига ўтган ёки дистанциядан четга чиққан иштирокчи машқни бажара олмади, деб ҳисобланади.

14. Номзодлар белгиланган жисмоний тайёргарлик даражасини баҳолаш талабларининг барчасини муваффақиятли топшира олган тақдирда, жисмоний тайёргарлик синовларидан «ўтган» деб ҳисобланади.

15. Умумжисмоний тайёргарлик синовларидан ўтмаган номзодларга машқларни такрорий бажаришга рухсат берилмайди.

3-боб. Якунловчи қоидалар

16. Умумжисмоний тайёргарлик синовларини топширган номзодларнинг натижалари бўйича қайднома расмийлаштирилади.

17. Қайднома кичик комиссия раиси ва аъзолари томонидан имзоланади.

_________________________га _________________ вилояти МИБдан дастлабки саралаб олиш _________ (ОҲТМ номи) ______________ (ҳудуд) ____________________________________________ тадбирларидан муваффақиятли ўтган номзодлар РЎЙХАТИ Т/р Ф.И.О., (паспорт (ID-карта) маълумотлари асосида) туғилган йили, миллати, паспорт (ID-карта) маълумотлари Маълумоти Яшаш жойидаги туман (шаҳар) ИИБдан маълумотнома Соғлиғи ҳолати бўйича маълумотнома Номзод ҳақида қўшимча маълумотлар (телефон рақами (оиласидан яна бир кишининг рақами), ОҲТМга ўқишга кириш учун имтиёз ва бошқалар) Тест синовларини қайси ҳудуддан ва қайси тилда топширади 1. ИСМОИЛОВ Акрамжон Алижон ўғли, 26.08.2000 йил, ўзбек. Паспорт (ID-карта) рақами: AD 0000000, Шахсий рақам (ЖШШИР): 00000000000000 Ўрта махсус, 2019 йилда Фарғона солиқ коллежини тамомлаган Профилактик ҳисобда турмайди Яроқли Тел: ___________ Тел: ___________ Тавсиянома рақами QК-000001, инглиз тилидан « В1 » сертификати мавжуд АВ-0000000 Фарғона вилоятида, ўзбек тилида 2. ПЎЛАТОВ Шерали Анвар ўғли, 28.03.2000 йил, тожик. Паспорт (ID-карта) рақами: AС 0000000, Шахсий рақам (ЖШШИР): 00000000000000 Ўрта, 2022 йилда Ургут туманидаги 25-сонли умумтаълим мактабини тамомлаган Профилактик ҳисобда турмайди Яроқли Тел: ___________ Тел: ___________ Тавсиянома рақами QК-000001, инглиз тилидан « В1 » сертификати мавжуд АВ-0000000 Самарқанд вилоятида, рус тилида ... Изоҳ. 1. Рўйхатдаги барча маълумотлар тасдиқловчи ҳужжатларга асосланган бўлиши шарт (паспорт (ID-карта), сертификат, маълумотнома ва бошқалар). 2. Номзодлар ҳақида қўшимча маълумотлар устунида номзод тўғрисида қуйидаги маълумотлар киритилиши шарт: телефон рақами; ОҲТМга ўқишга кириш учун имтиёз рақами, чет тилини билиш даражаси бўйича сертификат рақами (мавжуд бўлса); нотўлиқ оилада ўсган номзодлар (ота-онаси вафот этган бўлса, ўлим сабаблари кўрсатилиши шарт). 3. Рўйхатда кўрсатилган маълумотларнинг тўғрилиги учун шахсан ҳарбий округ (бирлашма)лар кадрлар бўлимлари, ҳарбий қисм командирлари ва муассаса бошлиқлари, шунингдек, вилоят МИБ бошлиқлари жавобгар ҳисобланади. 4. ОҲТМ қабул комиссиясига номзоднинг паспорт (ID-карта) ва имтиёз нусхаси ҳамда тиббий маълумотноманинг асл нусхаси рўйхат билан бирга юборилиши шарт. ___________ ВИЛОЯТИ МУДОФАА ИШЛАРИ БОШҚАРМАСИ БОШЛИҒИ _______________ _______________ (ҳарбий унвони) (Ф.И.О.) 20__ йил «___» ___________ М. Ў.

‎ ‎ ‎ ‎ ‎ ‎ ‎ «ТАСДИҚЛАЙМАН» ‎ ‎ ‎ ‎ ‎ ‎ ‎ _______________________________________ ‎ ‎ ‎ ‎ ‎ ‎ ‎ _______________________________________ ‎ ‎ ‎ ‎ ‎ ‎ ‎ (олий ҳарбий таълим муассасасининг номи, қабул комиссияси раисининг унвони, имзоси ва Ф.И.О.) ‎ ‎ ‎ ‎ ‎ ‎ ‎ 20___ йил «___» _____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ __________________________________________________________ ‎ ‎ __________________________________________________________ ‎ ‎ (олий ҳарбий таълим муассасасининг номи) ‎ ‎ Қабул комиссияси йиғилишининг ‎ ‎ ____-сон БАЁННОМАСИ ‎ 20__ йил «___» ____________ ‎ ‎ ‎ _____________________________________ ‎ ‎ ‎ ‎ ‎ ‎ ‎ (йиғилиш ўтказилган ҳудуд номи) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Раислик қилувчи: ‎ ‎ _______________________________________________ ‎ ‎ ‎ ‎ ‎ ‎ (қабул комиссияси раисининг унвони ва Ф.И.О.) ‎ Қатнашганлар: ‎ ‎ _______________________________________________ ‎ ‎ ‎ ‎ ‎ ‎ (қабул комиссияси аъзолари) ‎ ‎ ‎ ‎ ‎ ‎ _______________________________________________ ‎ ‎ ‎ ‎ ‎ ‎ (қабул комиссияси аъзолари) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ КУН ТАРТИБИ: ‎ ‎ (номзодларни ўқишга қабул қилиш масаласини кўриб чиқиш тўғрисида) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ _________________________________________________________________________қабул комиссияси ‎‎ (олий ҳарбий таълим муассасасининг номи) ‎‎ Ўзбекистон Республикаси Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги томонидан тақдим этилган тест синовлари натижаларига асосан қарор қилади: ‎‎ ____________________мутахассислиги бўйича танлов натижалари*: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Т/р‎ Номзоднинг Ф.И.О. Номзоднинг махсус коди Тест синовларида тўплаган бали Имтиёз‎ Умумий балл ‎ Ўқишга қабул қилинганлиги ёки қабул қилинмаганлиги ҳақида қайд ёзуви 1. ‎ ‎ 2.‎ ‎ ‎ 3.‎ ‎ ‎ 4.‎ ‎ ‎ 5.‎ ‎ ‎ 6.‎ ‎ ‎ ... ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Қабул комиссияси аъзолари ‎ ‎ _______________________________________________ ‎ ‎ ‎ ‎ ‎ ‎ (унвони, Ф.И.О.) ‎ ‎ ‎ ‎ ‎ ‎ _______________________________________________ ‎ ‎ ‎ ‎ ‎ ‎ (унвони, Ф.И.О.) ‎ Қабул комиссияси ‎ масъул котиби: ‎ ‎ _______________________________________________ ‎ ‎ ‎ (унвони, Ф.И.О.)

Олий ҳарбий таълим муассасалари курсантларини ўқишдан четлаштириш

Босқичлар Субъектлар Тадбирлар Бажариш муддатлари 1-босқич Олий ҳарбий таълим муассасасининг бўлинма командири 1. Ҳарбий-тиббий комиссиянинг курсант соғлиғининг ҳолатига кўра ОҲТМда таҳсил олишга яроқсиз деб топган хулосасига асосан ОҲТМда ўқишдан четлаштириш юзасидан ҳужжатларни расмийлаштириш. 2. Расмийлаштирилган ҳужжатларни кўриб чиқиш учун ОҲТМ бошлиғига тақдим этиш. Хулосани олгандан бошлаб беш кунда 1. Фанларни ўзлаштирмаган деб топилган курсантни ОҲТМда ўқишдан четлаштиришга доир тақдимномани расмийлаштириш. 2. Тақдимномани ОҲТМ ўқув бўлими билан мувофиқлаштирилган ҳолда, Илмий кенгаш муҳокамасига тақдим этиш. Фанларни ўзлаштирмаган деб топилган кундан бошлаб уч кунда 1. Ножўя хатти-ҳаракатлар, тартиббузарликлар содир этган курсант ҳақида ОҲТМ бошлиғига хизмат суриштируви тайинлаш юзасидан билдирув бериш. Бир кунда 2. Хизмат суриштирувининг натижаларини Илмий кенгаш муҳокамасига тақдим этиш. Хизмат суриштируви хулосасини олган кундан бошлаб уч кунда 1. Ўзига боғлиқ бўлмаган асосли сабаблар туфайли ўқишни давом эттиришнинг имкони йўқлиги боис курсантни ОҲТМда ўқишдан четлаштириш юзасидан тақдимнома расмийлаштириш. 2. Тақдимномани вазиятни тасдиқловчи материаллар билан кўриб чиқиш учун Илмий кенгаш муҳокамасига тақдим этиш. Бир кунда 1. Суд қарорига кўра ОҲТМга ўқишга кириш билан боғлиқ ҳужжатлар талабларини бузганликда айбдор деб топилган курсантни ОҲТМда ўқишдан четлаштириш юзасидан ҳужжатларни расмийлаштириш. 2. Расмийлаштирилган ҳужжатларни кўриб чиқиш учун Илмий кенгаш муҳокамасига тақдим этиш. Уч кунда 1. Ўз хоҳишига кўра ОҲТМда ўқишни давом эттиришни хоҳламаган курсантни ОҲТМда ўқишдан четлаштириш юзасидан ҳужжатларни расмийлаштириш. 2. Расмийлаштирилган ҳужжатларни кўриб чиқиш учун Илмий кенгаш муҳокамасига тақдим этиш. Бир кунда 2-босқич Олий ҳарбий таълим муассасаси Илмий кенгаши 1. Тақдим этилган ҳужжатларга асосан мурожаатни четлаштирилаётган курсант иштирокида кўриб чиқиш. Беш кунда 2. Қарорни баённома билан расмийлаштириш. Бир кунда 3-босқич Олий ҳарбий таълим муассасаси бошлиғи 1. ОҲТМ Илмий кенгаши баённомасини тасдиқлаш. 2. ОҲТМ Илмий кенгаши баённомасидан кўчирма ва ўқишдан четлаштириш учун тайёрланган ҳужжатларни вазирликлар ва идоралар марказий аппаратига тақдим этиш. Бир кунда 4-босқич Вазирликлар марказий аппаратининг олий ҳарбий таълим муассасаси билан ишлаш бўлинмаси Қуйи босқичдаги курсантларга нисбатан: Ўқишдан четлаштиришга доир ҳужжатларни ўрганиб чиқиш ва ОҲТМ бошлиғига мазкур масалани келишилганлиги тўғрисида кўрсатма юбориш. Уч кунда Битирувчи босқичдаги курсантларга нисбатан: 1. Ўқишдан четлаштиришга доир ҳужжатларни ўрганиб чиқиш натижаларига кўра курсантни ўқишдан четлаштиришга доир ҳужжатлар асосли деб топилганда, вазирликлар ва идоралар раҳбарининг таълим соҳаси бўйича масъул ўринбосарининг буйруғи лойиҳасини тайёрлаш ва расмийлаштириш. Беш кунда 2. Вазирликлар ва идоралар раҳбарининг таълим соҳаси бўйича масъул ўринбосарининг курсантни ўқишдан четлаштириш тўғрисидаги буйруғини ижро қилиш учун ОҲТМ бошлиғига юбориш. Бир кунда 5-босқич Олий ҳарбий таълим муассасаси бошлиқлари 1. Курсантни ўқишдан четлаштириш, у билан тузилган шартномани бекор қилиш, ОҲТМ курсантлари рўйхатидан чиқариш ва ҳарбий ҳисобга туриш учун мудофаа ишлари бўлимига ёхуд хизматни давом эттириши учун йўлланган ҳарбий қисмга жўнатиш тўғрисида буйруқ чиқариш. Уч кунда 2. ОҲТМ курсантлари рўйхатидан чиқарилган курсантнинг шахсий ҳужжатлари йиғмажилдини (шахсий ҳужжатлар, белгиланган шаклдаги академик маълумотнома, ОҲТМ Илмий кенгаши баённомасидан кўчирма ва бошқа ҳужжатлар нусхаси тикиб қўйилган ҳолда) ҳарбий ҳисобга туриш учун мудофаа ишлари бўлимига ёхуд хизматни давом эттириши учун йўлланган ҳарбий қисмга жўнатиш. Бир кунда

Олий ҳарбий таълим муассасалари курсантларини қайта тиклаш

Босқичлар Субъектлар Тадбирлар Бажариш муддатлари 1-босқич Олий ҳарбий таълим муассасаларидан четлаштирилган курсантлар Ўқишни қайта тиклаш бўйича олий ҳарбий таълим муассасаларига ариза (билдирги) билан мурожаат қилиш. Четлаштирилганлигига бир йилдан уч йилгача бўлган муддатда ҳар йили1 июлдан 20 июлгача 2-босқич Олий ҳарбий таълим муассасалари Илмий кенгаши 1. Тақдим этилган ҳужжатларга асосан мурожаатни ариза берувчи иштирокида кўриб чиқиш. 2. Қарорни баённома билан расмийлаштириш. 20 июлдан 25 июлгача 3-босқич Олий ҳарбий таълим муассасалари Илмий кенгашнинг баённомасидан кўчирма ва ўқишга тиклаш учун тайёрланган ҳужжатлар нусхасини вазирликлар марказий аппаратига тақдим этиш. 26 июлдан 30 июлгача 4-босқич Вазирликлар марказий аппаратининг олий ҳарбий таълим муассасалари билан ишлаш бўлинмаси 1. Ўқишга тиклашга доир ҳужжатларни ўрганиб чиқиш 2. Курсантни ўқишга тиклаш ва олий ҳарбий таълим муассасалари курсантлари рўйхатига киритиш тўғрисидаги буйруқ лойиҳасини тайёрлаш. 1 августдан 5 августгача 5-босқич Олий ҳарбий таълим муассасалари бошлиғи, вазирликлар раҳбарининг таълим соҳаси бўйича масъул ўринбосари Курсантни ўқишга тиклаш ва олий ҳарбий таълим муассасалари курсантлари рўйхатига киритиш тўғрисидаги буйруқни қабул қилиш. 10 августгача

Олий ҳарбий таълим муассасаларига ўқишни қайта тиклаш учун тақдим этиладиган ҳужжатлар

1. Ўқишни қайта тиклаш ҳақидаги ариза (билдирги) (аризада ўқишини қайта тиклашни истаган ОҲТМ ва таълим йўналиши (мутахассислиги), ўқув тили ва шакли, ўқиган ОҲТМ ва таълим йўналиши (мутахассислиги), ўқишини қайта тиклаш сабаблари, қайта тиклаш қоидалари билан танишганлиги кўрсатилади).

2. Рўйхатга олган мудофаа ишлари бўлими бошлиғининг тавсияномаси.

3. Ўқишдан четлаштирилган вақтида ОҲТМ томонидан берилган академик маълумотнома.

4. Хизмат (иш) жойидан тавсифнома.

5. Яшаш жойидаги ички ишлар бўлимидан маълумотнома.

6. Мудофаа ишлари бўлимидан белгиланган шаклдаги давлат сирларидан фойдаланишга доир рухсатнома (42-шакл).

7. Яшаш жойидаги назорат органлари билан ўқишдан четлатилган курсантнинг ўқишга тиклаш бўйича келишилганлиги ҳақида мудофаа ишлари бўлимидан маълумотнома.

8. Ҳарбий-тиббий комиссиянинг ОҲТМда ўқишга яроқлилик даражаси ҳақида эксперт ҳужжатлари.

9. Яшаш жойидаги мудофаа ишлари бўлимида ҳарбий ҳисобда турганлиги ҳақида қайд қилинган ҳарбий гувоҳномасининг нусхаси.

10. Шахсини тасдиқловчи ҳужжатнинг доимий рўйхатда туриш манзили кўрсатилган ҳолдаги нусхаси (ОҲТМ томонидан ариза берувчининг ўқишини тиклаш масаласи ижобий ҳал қилинганда, шахсини тасдиқловчи ҳужжатнинг асл нусхаси ОҲТМга сақлаш учун топширилади).

11. Ўқишдан четлаштирилган курсантнинг шахсий ҳужжатлари йиғмажилди (ариза берувчи ҳарбий ҳисобда турган мудофаа ишлари бўлими томонидан белгиланган тартиб ва муддатда тегишли ОҲТМга жўнатилади).

Вазирлар Маҳкамасининг 2021 йил 27 декабрдаги 775-сон қарорига 2-ИЛОВА

Ўзбекистон Республикаси олий ҳарбий таълим муассасаларининг

Т/р Олий ҳарбий таълим муассасаси номи I. Ўзбекистон Республикаси Мудофаа вазирлиги бўйича 1. Ўзбекистон Республикаси Ҳарбий хавфсизлик ва мудофаа университети 2. Ўзбекистон Республикаси Ҳарбий хавфсизлик ва мудофаа университетининг Ҳарбий тиббиёт институти 3. Ўзбекистон Республикаси Ҳарбий хавфсизлик ва мудофаа университетининг Қуруқликдаги қўшинлар институти 4. Ўзбекистон Республикаси Ҳарбий хавфсизлик ва мудофаа университетининг Ҳарбий авиация институти 5. Ўзбекистон Республикаси Ҳарбий хавфсизлик ва мудофаа университетининг Ахборот-коммуникация технологиялари ва ҳарбий алоқа институти II. Ўзбекистон Республикаси Фавқулодда вазиятлар вазирлиги бўйича 6. Ўзбекистон Республикаси Фавқулодда вазиятлар вазирлиги академияси III. Ўзбекистон Республикаси Давлат хавфсизлик хизмати бўйича 7. Амир Темур номидаги Ўзбекистон Республикаси Давлат хавфсизлик хизмати академияси IV. Ўзбекистон Республикаси Миллий гвардияси бўйича 8. Ўзбекистон Республикаси Жамоат хавфсизлиги университети

Вазирлар Маҳкамасининг 2021 йил 27 декабрдаги 775-сон қарорига 3-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

2. Вазирлар Маҳкамасининг 2017 йил 9 октябрдаги 809-сон қарори билан тасдиқланган Ўзбекистон Республикаси олий таълим муассасаларининг ҳарбий тайёргарлик ўқув бўлинмалари тўғрисидаги низомда :

а) 1-банднинг биринчи хатбошиси «ҳарбий таълим факультетлари» сўзларидан кейин «ҳарбий тайёргарлик ўқув маркази» сўзлари билан тўлдирилсин;

б) 6-банднинг иккинчи хатбошисидаги «2 йил давомида, 2 ва 3-курсларда» сўзлари «бир йил, 2-курсда» сўзлари билан алмаштирилсин;

в) 24-бандда :

учинчи хатбоши қуйидаги таҳрирда баён этилсин:

«шахсий аризаларига биноан (ОТМ ректори номига, ўзи ёзган) ихтиёрий равишда ҳарбий тайёргарликни ўташ истагини билдирган»;

қуйидаги мазмундаги тўртинчи хатбоши билан тўлдирилсин:

«саломатлиги бўйича ҳарбий хизматга яроқли абитуриентларга рухсат берилади»;

г) 26-бандда :

учинчи хатбоши чиқариб ташлансин;

тўртинчи — олтинчи хатбошилар тегишлича учинчи — бешинчи хатбошилар деб ҳисоблансин;

д) 27-банднинг биринчи хатбошисидаги «Талабаларни» сўзи «Талабалар (фуқаролар)ни» сўзлари билан алмаштирилсин;

е) 59-банддаги «3-курси» сўзлари «2-курси» сўзлари билан алмаштирилсин;

ж) илованинг изоҳида :

«, тиббий кўрик эса II-семестрда» сўзлари чиқариб ташлансин;

«VI-семестрларда» сўзлари «IV-семестрларда» сўзлари билан алмаштирилсин.

3. Вазирлар Маҳкамасининг 2018 йил 3 апрелдаги 261-сон қарори билан тасдиқланган Ўзбекистон Республикаси олий таълим муассасаларининг бакалавриатига ўқишга қабул қилиш учун кириш тест синовларини ўтказиш тартиби тўғрисидаги низомнинг 2-бандидан «ҳарбий таълим муассасаларига ва» сўзлари чиқариб ташлансин.

Вазирлар Маҳкамасининг 2021 йил 27 декабрдаги 775-сон қарорига 4-ИЛОВА

Ўзбекистон Республикаси Ҳукуматининг ўз кучини йўқотган деб эътироф этилаётган баъзи қарорлари

1. Вазирлар Маҳкамасининг «Ўзбекистон Республикаси олий ҳарбий таълим муассасаларига танлаш тартиби ва қабул қилиш қоидалари тўғрисидаги низомни тасдиқлаш ҳақида» 2014 йил 3 июндаги 141-сон қарори .

2. Вазирлар Маҳкамасининг «Ўзбекистон Республикаси олий ҳарбий таълим муассасаларига танлаш тартиби ва қабул қилиш қоидалари тўғрисидаги низомга ўзгартиришлар киритиш тўғрисида» 2015 йил 15 январдаги 6-сон қарори .

3. Вазирлар Маҳкамасининг «Олий таълим муассасаларига кириш тест синовларига тайёргарлик жараёни оптималлаштирилиши муносабати билан Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2016 йил 16 июндаги 209-сон қарорига илованинг 3-банди .

5. Вазирлар Маҳкамасининг «Ўзбекистон Республикаси олий ҳарбий таълим муассасаларига танлаш тартиби ва қабул қилиш қоидалари тўғрисидаги низомга ўзгартириш ва қўшимчалар киритиш ҳақида» 2017 йил 26 майдаги 320-сон қарори .

6. Вазирлар Маҳкамасининг «Ўзбекистон Республикаси Ички ишлар вазирлиги академиясининг кундузги ва сиртқи таълим шаклларига номзодларни танлаш ва ўқишга қабул қилиш тартиби тўғрисидаги низомларни тасдиқлаш ҳақида» 2017 йил 1 декабрдаги 958-сон қарорининг 3-банди .

7. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2018 йил 9 январдаги 18-сон қарорига илованинг 1-банди .

8. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2018 йил 29 майдаги 396-сон қарорига илованинг 71-банди .

9. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2018 йил 20 сентябрдаги 748-сон қарорига илованинг 34-банди .

10. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар ва қўшимча киритиш, шунингдек, айрим қарорларини ўз кучини йўқотган деб ҳисоблаш тўғрисида» 2019 йил 11 мартдаги 210-сон қарорига 1-илованинг 4-банди .

11. Вазирлар Маҳкамасининг «Ўзбекистон Республикаси Давлат божхона қўмитасининг Божхона институти бакалавриати ва магистратурасига ўқишга қабул қилиш тартиби тўғрисидаги низомларни тасдиқлаш ҳақида» 2019 йил 29 апрелдаги 365-сон қарорининг 2-банди ва қарорга 3-илова .

12. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2019 йил 27 июндаги 529-сон қарорига илованинг 1-банди .

13. Вазирлар Маҳкамасининг «Ўзбекистон Республикаси Қуролли Кучлари ҳарбий хизматчилари ва уларнинг оила аъзоларини ижтимоий қўллаб-қувватлаш тизимини такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2019 йил 5 июлдаги 562-сон қарорига илованинг 2-банди .

14. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2019 йил 6 декабрдаги 973-сон қарорига 1-илованинг 5-банди .

15. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2020 йил 10 августдаги 470-сон қарорига илованинг 1-банди .

16. Вазирлар Маҳкамасининг «Амир Темур номидаги Ўзбекистон Республикаси Давлат хавфсизлик хизмати академиясига бакалавриат таълим йўналиши бўйича кундузги таълим шаклида ўқишга номзодларни саралаб олиш ва қабул қилиш тартиби тўғрисидаги низомни тасдиқлаш ҳақида» 2021 йил 27 апрелдаги 241-сон қарорининг 2-банди .

17. Вазирлар Маҳкамасининг «Ўзбекистон Республикаси Жамоат хавфсизлиги университетига номзодларни саралаб олиш ва ўқишга қабул қилиш тартиби тўғрисидаги низомни тасдиқлаш ҳақида» 2021 йил 6 август 500-сон қарорига 2-илованинг 1-банди .

18. Вазирлар Маҳкамасининг «Олий ҳарбийлаштирилган таълим муассасалари тўғрисидаги низомни тасдиқлаш ҳақида» 2021 йил 22 октябрдаги 655-сон қарорига 3-илованинг 1-банди .

Ўзбекистон Республикасининг Бош вазири А. АРИПОВ

Тошкент ш.,

2021 йил 27 декабрь,

775-сон

(Қонунчилик маълумотлари миллий базаси, 28.12.2021 й., 09/21/775/1206-сон; 05.07.2022 й., 09/22/359/0594-сон; 03.07.2023 й., 09/23/266/0437-сон; 25.10.2023 й., 09/23/560/0796-сон; 15.02.2025 й., 09/25/67/0145-сон; 08.08.2025 й., 09/25/504/0707-сон; 15.09.2025 й., 09/25/578/0826-сон; 04.11.2025 й., 09/25/688/1005-сон; 16.12.2025 й., 09/25/791/1167-сон; 25.12.2025 й., 09/25/821/1211-сон; 17.04.2026 й., 09/26/175/0373-сон; 18.04.2026 й., 09/26/181/0382-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

METODIKASI

TARTIBI

ROʻYXATI

Oʻzbekiston Respublikasi oliy harbiy taʼlim muassasalarida oʻqishga nomzodlarni saralab olish va qabul qilish, kursantlarni oʻqishdan chetlashtirish va qayta tiklash tartibi toʻgʻrisidagi nizomni tasdiqlash haqida

“ Umumiy harbiy majburiyat va harbiy xizmat toʻgʻrisida ”gi va “ Taʼlim toʻgʻrisida ”gi Oʻzbekiston Respublikasining qonunlariga muvofiq, shuningdek, Oʻzbekiston Respublikasi oliy harbiy taʼlim muassasalarida oʻqishga Vatanga sadoqatli, maʼnaviy-axloqiy jihatdan barkamol, jismonan sogʻlom va intellektual salohiyatga ega nomzodlarni saralab olish va oʻqishga qabul qilish hamda oliy harbiy taʼlim muassasalarida tahsil olayotgan kursantlarni oʻqishdan chetlashtirish va qayta tiklash tartibini yanada takomillashtirish maqsadida Vazirlar Mahkamasi qaror qiladi:

1. Quyidagilarni nazarda tutuvchi Oʻzbekiston Respublikasi oliy harbiy taʼlim muassasalarida oʻqishga nomzodlarni saralab olish va qabul qilish, kursantlarni oʻqishdan chetlashtirish va qayta tiklash tartibi toʻgʻrisidagi nizom 1-ilovaga muvofiq tasdiqlansin:

oliy harbiy taʼlim muassasalarining kursantlari kontingentini sifatli butlash uchun bosqichma-bosqich amalga oshiriladigan saralab olish tadbirlari;

oliy harbiy taʼlim muassasalariga oʻqishga kirish uchun nomzodlarga qoʻyiladigan talablar;

oʻqishga qabul qilishni sifatli tashkil etish uchun vazirliklar tomonidan qabul komissiyalarini va yoʻnalishlar boʻyicha kichik komissiyalarni tashkil etish tartibi;

oʻqishga kirish istagini bildirgan nomzodlar mudofaa ishlari boʻlimlariga topshiradigan hujjatlar, mudofaa ishlari boʻlimlari tomonidan tegishli davlat organlari va tashkilotlardan mustaqil ravishda, shu jumladan, “Elektron hukumat” tizimi idoralararo integratsiyalashuv platformasi orqali soʻrab olinadigan hujjatlar roʻyxati;

oʻqishga qabul qilishda harbiy-professional yoʻnalish, dastlabki saralab olish va test sinovlari tadbirlarini tashkil etish va oʻtkazish tartibi hamda saralab olish jarayonida nomzodlarga beriladigan imtiyozlar roʻyxati;

kursantlarni oʻqishdan chetlashtirish asoslari va ularni qayta tiklash boʻyicha amalga oshiriladigan chora-tadbirlar.

2. Oʻzbekiston Respublikasi oliy harbiy taʼlim muassasalarining roʻyxati 2-ilovaga muvofiq tasdiqlansin.

3. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.

4. Oʻzbekiston Respublikasi Hukumatining 4-ilovaga muvofiq ayrim qarorlari oʻz kuchini yoʻqotgan deb hisoblansin.

5. Oʻzbekiston Respublikasi Qurolli Kuchlari tarkibiga kiruvchi vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

6. Mazkur qarorning bajarilishini nazorat qilish Oʻzbekiston Respublikasi mudofaa vaziri B.N. Kurbanov va Oʻzbekiston Respublikasi favqulodda vaziyatlar vaziri vazifasini bajaruvchi T.A. Xudaybergenov zimmasiga yuklansin.

Vazirlar Mahkamasining 2021-yil 27-dekabrdagi 775-son qaroriga 1-ILOVA

Oʻzbekiston Respublikasi oliy harbiy taʼlim muassasalarida oʻqishga nomzodlarni saralab olish va qabul qilish, kursantlarni oʻqishdan chetlashtirish va qayta tiklash tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi fuqarolari orasidan nomzodlarni (keyingi oʻrinlarda — nomzodlar) Oʻzbekiston Respublikasi oliy harbiy taʼlim muassasalarida (keyingi oʻrinlarda — OHTM) oʻqishga saralab olish va qabul qilish hamda oliy harbiy taʼlim muassasalarining kursantlarini oʻqishdan chetlashtirish va qayta tiklash tartibini belgilaydi.

Mazkur Nizom:

Amir Temur nomidagi Oʻzbekiston Respublikasi Davlat xavfsizlik xizmati akademiyasida oʻqishga nomzodlarni saralab olish va qabul qilish tartibiga;

Oʻzbekiston Respublikasi Jamoat xavfsizligi universitetida oʻqishga nomzodlarni saralab olish va qabul qilish hamda mazkur universitet kursantlari (talabalari) va tinglovchilarini oʻqishdan chetlashtirish va qayta tiklash tartibiga nisbatan tatbiq etilmaydi.

2. Ushbu Nizomda quyidagi asosiy tushunchalar qoʻllaniladi:

nomzodlar — OHTMga oʻqishga kirish uchun saralab olish tadbirlarida qatnashish istagini bildirgan Oʻzbekiston Respublikasi fuqarosi (oliy maʼlumotga ega shaxslar bundan mustasno), muddatli harbiy xizmatni oʻtayotgan harbiy xizmatchi yoki ofitserlar tarkibi harbiy unvoniga ega boʻlmagan kontrakt boʻyicha harbiy xizmatchi;

harbiy-professional yoʻnaltirish — yoshlarning shaxsiy qiziqishlariga, qobiliyatlariga muvofiq va turli mutaxassisliklar boʻyicha harbiy kadrlarga boʻlgan haqiqiy ehtiyojni hisobga olgan holda, harbiy kasbni ongli-asosli tanlashiga koʻmaklashish boʻyicha maqsadli yoʻnaltirilgan va rejalashtirilgan faoliyat;

dastlabki saralab olish — OHTMga oʻqishga kirishga qaror qilgan nomzodlarning tegishli maʼlumotlarini, taʼlim muassasasidagi oʻzlashtirish darajasini, individual-psixologik xususiyatlarini, jismoniy tayyorgarligi va sogʻligʻiga oid maʼlumotlarni toʻplash hamda oʻrganish;

qabul komissiyasi — OHTMga oʻqishga qabul qilishni tashkil etish, shu jumladan, nomzodlarga maslahat xizmatlari koʻrsatish maqsadida har yili tuziladigan komissiya;

test sinovlari — OHTMning taʼlim yoʻnalishlari oʻziga xosligini hisobga olgan holda, nomzodlarning umumtaʼlim oʻquv dasturlarini oʻzlashtirganlik darajasini aniqlash maqsadida Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi (keyingi oʻrinlarda — Bilimni baholash agentligi) tomonidan oʻtkaziladigan tadbir.

3. Kursantlarga oʻqishini bir vazirlik va idoralar OHTMdan boshqa vazirlik va idoralar OHTMga koʻchirishga ruxsat etilmaydi. Kursantlar oʻqishini bitta vazirlik va idoraga boʻysunuvchi OHTMdan ushbu vazirlik va idora tasarrufidagi boshqa OHTMga koʻchirish tartibi mazkur vazirlik va idora rahbari tomonidan belgilanadi.

4. OHTMga nomzodlar Oʻzbekiston Respublikasi Prezidenti tomonidan tasdiqlanadigan butlash rejasiga muvofiq qabul qilinadi.

2-bob. Nomzodlarni OHTMga saralab olish va qabul qilish tartibi

1-§. Qabul komissiya faoliyatini tashkil qilish, OHTMga oʻqishga kirish uchun hujjatlar topshirish

5. OHTMda oʻqishga saralab olish va qabul qilish Oʻzbekiston Respublikasi Mudofaa vazirligi va Favqulodda vaziyatlar vazirligi (keyingi oʻrinlarda — masʼul vazirliklar) tomonidan ushbu Nizomga 1-ilovada keltirilgan sxemaga muvofiq bosqichma-bosqich amalga oshiriladigan saralab olish tadbirlari kompleksiga asosan amalga oshiriladi.

6. OHTM kursantlari kontingentini sifatli butlash uchun quyidagi saralab olish tadbirlari bosqichma-bosqich amalga oshiriladi:

harbiy-professional yoʻnaltirish;

dastlabki saralab olish;

test sinovlari.

7. Bir bosqichdan muvaffaqiyatli oʻta olmagan nomzodlar keyingi bosqichga qoʻyilmaydi.

8. OHTMga tanlov, teng huquqlilik va qabul qilishning yagona qoidalari asosida qabul qilinadi.

Nomzodlar uch til — oʻzbek, qoraqalpoq va rus tilidan birini shaxsan tanlagan holda test sinovlari topshiradilar.

9. OHTMga oʻqishga kirish uchun nomzodlar “Umumiy harbiy majburiyat va harbiy xizmat toʻgʻrisida”gi Oʻzbekiston Respublikasining Qonuni hamda Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomda belgilangan talablarga javob berishi zarur.

10. OHTMga oʻqishga kirishdan oldin (dastlabki saralab olish davrida) nomzodlar, ularning ota-onalari yoki ularning oʻrnini bosuvchi shaxslar (keyingi oʻrinlarda — ota-onalar) mazkur muassasalar rahbariyati tomonidan ular oʻqishni tamomlagandan soʻng tuzilgan kontraktda koʻrsatilgan muddat tugamasdan yoki besh kalendar yil mobaynida ofitserlar tarkibi lavozimlarida xizmatni oʻtamasdan harbiy xizmatni (xizmatni) oʻtashdan bosh tortgan, kontrakt shartlarini bajarmaganligi yoki sodir etgan jinoyati uchun sudlanganligi sababli boʻshatilayotgan, shuningdek, bunday kontraktni tuzishdan bosh tortgan hollarda, harbiy xizmatchini oʻqitishga sarflangan budjet mablagʻlarini qoplab berishi (moddiy javobgarlik) toʻgʻrisida yozma ravishda ogohlantiriladi va ulardan mazkur Nizomga 2-ilovaga muvofiq shaklda tilxat olinadi.

11. OHTMga oʻqishga qabul qilishni sifatli tashkil etish uchun masʼul vazirliklar tomonidan OHTM qabul komissiyalari (keyingi oʻrinlarda — qabul komissiyasi) tashkil etiladi.

12. Qabul komissiyasiga OHTMning boshligʻi rahbarlik qiladi. Qabul komissiyasi tarkibiga masʼul vazirliklarning tegishli tarkibiy tuzilmalari mutaxassislari kiritiladi.

Qabul komissiyasining tarkibi, asosiy vazifalari, huquq va majburiyatlari, shuningdek, uning faoliyatini tashkil etish tartibi masʼul vazirliklarning ichki idoraviy hujjatlari bilan belgilanadi.

Qabul komissiyasi oʻz faoliyatini qabul yilining 10-martidan 1-sentabriga qadar amalga oshiradi.

13. Qabul komissiyasi raisi:

qabul komissiyasining ishini tashkil etadi;

qabul komissiyasining vazifalarini belgilaydi;

kichik komissiyalar tarkibini shakllantiradi va tasdiqlaydi;

kichik komissiyalar faoliyatini muvofiqlashtiradi va nazorat qiladi.

Qabul komissiyasi raisi oʻziga yuklangan vazifalarni bajarish uchun oʻz vakolati doirasida buyruqlar chiqaradi.

14. Qabul yilining 20-martigacha qabul komissiyasi tarkibida quyidagi yoʻnalishlar kesimida kichik komissiyalar tuziladi:

nomzodlarning hujjatlarini oʻrganish boʻyicha kichik komissiya;

individual-psixologik oʻrganish boʻyicha kichik komissiya;

nomzodlarning jismoniy tayyorgarlik darajasini baholash boʻyicha kichik komissiya.

15. OHTMga oʻqishga kirish istagini bildirgan nomzodlar yashash joyidagi mudofaa ishlari boʻlimlariga mazkur Nizomga 3-ilovaga muvofiq shakldagi ariza bilan, harbiy xizmatchilar esa xizmat joyidagi tegishli komandir (boshliq) nomiga mazkur Nizomga 4-ilovaga muvofiq shakldagi bildirgi bilan murojaat qiladi.

Oʻzbekiston Respublikasi Harbiy xavfsizlik va mudofaa universitetining (keyingi oʻrinlarda — Harbiy xavfsizlik va mudofaa universiteti) “Psixologiya (harbiy psixologiya)” taʼlim yoʻnalishi, Oʻzbekiston Respublikasi Harbiy xavfsizlik va mudofaa universitetining Axborot-kommunikatsiya texnologiyalari va harbiy aloqa instituti (keyingi oʻrinlarda — Harbiy aloqa instituti) hamda Oʻzbekiston Respublikasi Harbiy xavfsizlik va mudofaa universitetining Harbiy tibbiyot institutiga (keyingi oʻrinlarda — Harbiy tibbiyot instituti) oʻqishga kirish istagini bildirgan, tegishliligicha psixologiya, pedagogika va muhandislik-texnik taʼlim yoʻnalishlari mavjud boʻlgan oliy taʼlim muassasalarining ikkinchi bosqichini, oliy tibbiy taʼlim muassasalari davolash fakultetlarining beshinchi bosqichi va tibbiy-profilaktika fakultetlarining toʻrtinchi bosqichini tamomlagan talabalar (keyingi oʻrinlarda — talabalar) tegishli oliy taʼlim muassasalari rektorlari nomiga mazkur Nizomga 5-ilovaga muvofiq shakldagi ariza bilan murojaat qiladi. Arizalar oliy taʼlim muassasalari tomonidan ular joylashgan hududdagi tegishli mudofaa ishlari boʻlimlariga ikki kun muddatda yuboriladi.

16. OHTMga oʻqishga kirish uchun arizalar (bildirgilar) qabul yilining 1-fevralidan 31-martigacha (shu kuni ham) qabul qilinadi.

17. OHTMga oʻqishga kirish istagini bildirgan nomzodlar tomonidan mudofaa ishlari boʻlimlariga quyidagi hujjatlar taqdim etiladi:

ariza (bildirgi);

chaqiriluvchining qayd etish guvohnomasi yoki harbiy guvohnomasi;

nomzod tomonidan qoʻlda yoki kompyuterda yozilgan tarjimai hol;

anketa;

oʻqish, ish yoki xizmatni oʻtash joyidan (agar oʻqiyotgan, ishlayotgan yoki xizmatni oʻtayotgan boʻlsa) tavsifnoma hamda maʼlumotnoma;

ota-onasining OHTMga oʻqishga kirishiga rozilik xati (voyaga yetmaganlar uchun);

3 x 4 sm oʻlchamdagi 6 ta fotosurat (bosh kiyimsiz va burchaksiz) hamda 4,5 x 6 sm oʻlchamdagi 4 ta fotosurat (bosh kiyimsiz);

Quyidagi hujjatlar mudofaa ishlari boʻlimlari tomonidan tegishli davlat organlari va tashkilotlaridan mustaqil ravishda, shu jumladan, “Elektron hukumat” tizimi idoralararo integratsiyalashuv platformasi orqali soʻrab olinadi:

shaxsni tasdiqlovchi hujjat nusxasi;

tugʻilganlik haqida guvohnoma nusxasi;

maʼlumoti toʻgʻrisidagi (umumiy oʻrta, oʻrta maxsus, boshlangʻich professional, oʻrta professional, oʻrta maxsus professional) hujjatlar (asli va nusxasi) hamda reyting daftarchasi (baholar tabeli) nusxasi.

OHTMga oʻqishga kirishda imtiyozlardan foydalanish huquqini tasdiqlovchi hujjat toʻgʻrisida maʼlumot.

Nomzodlar tomonidan hujjatlarni taqdim etishda, chaqiriluvchining qayd etish guvohnomasi yoki harbiy guvohnomasi shaxsan koʻrsatiladi.

18. OHTMga oʻqishga kirish istagini bildirgan nomzodlar — harbiy xizmatchilar tomonidan oʻz xizmat oʻtash joyidagi kadr (saf) boʻlinmasiga mazkur Nizomning 17-bandida nazarda tutilgan hujjatlar bilan birga qoʻshimcha ravishda quyidagi hujjatlar taqdim etiladi:

OHTMga oʻqishga kirishga tavsiyanomalar (muddatli harbiy xizmatni oʻtayotgan harbiy xizmatchilarga — harbiy boʻlinmaning umumiy yigʻilishi bayonnomasidan koʻchirma, kontrakt boʻyicha harbiy xizmatchilarga — tegishli masʼul vazirliklarning hududiy organi yoki harbiy qismning (muassasaning) attestatsiya komissiyasi yigʻilishi bayonnomasidan koʻchirma);

tegishli masʼul vazirliklarning hududiy organi yoki harbiy qism (muassasa) tomonidan berilgan tavsiyanoma.

19. Mazkur Nizom 15-bandining ikkinchi xatboshisida koʻrsatilgan talabalar tomonidan oliy taʼlim muassasalari joylashgan hududdagi mudofaa ishlari boʻlimlariga ushbu Nizomning 17-bandida koʻrsatilgan hujjatlar bilan birga qoʻshimcha ravishda quyidagi hujjatlar taqdim etiladi:

tegishli bosqichda oʻqiyotganligini tasdiqlovchi maʼlumotnoma;

reyting daftarchasi nusxasi.

19 1 . Harbiy xavfsizlik va mudofaa universiteti bakalavriat bosqichining “Qoʻshinlarning taktik qoʻmondonligi (chegara qoʻshinlari)” taʼlim yoʻnalishi boʻyicha oʻqishga nomzodlar Vazirlar Mahkamasining 2021-yil 27-apreldagi 241-son qarori bilan tasdiqlangan Amir Temur nomidagi Oʻzbekiston Respublikasi Davlat xavfsizlik xizmati akademiyasiga bakalavriat taʼlim yoʻnalishi boʻyicha kunduzgi taʼlim shaklida oʻqishga nomzodlarni saralab olish va qabul qilish tartibi toʻgʻrisidagi nizomga hamda Oʻzbekiston Respublikasi Davlat xavfsizlik xizmatining ichki idoraviy hujjatlariga muvofiq saralab olinadi.

2-§. Harbiy-professional yoʻnaltirish

20. Ofitser kasbining mohiyatini va unga qoʻyiladigan talablarni ochib berish, yoshlarda harbiy kasbni ongli ravishda tanlash koʻnikmasini shakllantirish, muayyan harbiy mutaxassislikni tanlashda ularga yordam berish harbiy-professional yoʻnaltirishning asosiy maqsadi hisoblanadi.

21. Quyidagilar harbiy-professional yoʻnaltirishning asosiy vazifalari hisoblanadi:

ofitserlar xizmatining ijtimoiy mazmuni va oʻziga xosligini ochib berish, shu asosda yoshlarning ofitser — Vatan himoyachisi kasbining yuksak masʼuliyatini toʻgʻri tushunishi va anglashiga erishish;

OHTMga kirishga qaror qilgan fuqaro yoshlar va harbiy xizmatchilarga ularning isteʼdodi, qobiliyatlarini va shaxsiy fazilatlarini hisobga olgan holda harbiy mutaxassislikni tanlashda yordam berish;

OHTMga kiruvchi nomzodlarning maʼnaviy va axloqiy fazilatlariga, psixologik xususiyatlariga, umumjismoniy va umumtaʼlim tayyorgarlik darajasiga, sogʻligʻiga qoʻyiladigan talablarni tushuntirish;

OHTMga oʻqishga kirishga eng iqtidorli, har tomonlama barkamol, tayyorgarlik koʻrgan va Vatanga sadoqatli yoshlarni jalb etish.

22. Harbiy-professional yoʻnaltirish OHTMga oʻqishga kirgunga qadar yil davomida oʻtkaziladi va ushbu bosqichda:

oʻquvchi yoshlarning faxriylar, masʼul vazirliklarning hududiy organlari, harbiy qism (muassasa) hamda OHTMning vakillari bilan uchrashuvlari va davra suhbatlari oʻtkaziladi. Bunda ularga ofitser kasbi, OHTMga tayyorgarlik koʻrish va kirish tartibi toʻgʻrisida tushuntirishlar beriladi;

masʼul vazirliklarning hududiy organlari, mudofaa ishlari boʻlimlari va harbiy qismlarda (muassasalarda) OHTMga qabul qilish tartibi, oʻqishga kirishda beriladigan imtiyozlar, harbiy xizmatni oʻtashning oʻziga xos xususiyatlarini aks ettiruvchi axborot-maʼlumotlar burchaklari tashkil etiladi.

23. Yoshlarni harbiy-vatanparvarlik ruhida tarbiyalash harbiy-professional yoʻnaltirishning asosi hisoblanadi. Harbiy-vatanparvarlik ruhida tarbiyalash doirasida maʼruzalar oʻqiladi, suhbatlar oʻtkaziladi, Oʻzbekiston Respublikasi Qurolli Kuchlari tizimidagi va davlat muzeylariga, harbiy qismlarga (muassasalarga), OHTMga ekskursiyalar uyushtiriladi hamda yoshlarni Oʻzbekiston Respublikasi Qurolli Kuchlarini tashkil etish va rivojlantirish tarixi hamda OHTM bilan tanishtirishni nazarda tutuvchi boshqa tadbirlar oʻtkaziladi.

24. Nomzodlarda harbiy xizmatga qiziqishni shakllantirish va ofitser kasbi toʻgʻrisida toʻgʻri tasavvur hosil qilish ishlari tegishli taʼlim muassasalari, mahalliy harbiy boshqaruv organlari va jamoat birlashmalari bilan oʻzaro yaqin hamkorlikda, chaqiruvga qadar boshlangʻich tayyorgarlik rahbarlarini faol jalb etgan holda masʼul vazirliklar tomonidan amalga oshiriladi.

25. Yoshlarni harbiy-professional yoʻnaltirish doirasida ularga kasbga doir maslahatlar beriladi, nomzodlarning shaxsiy fazilatlari, qiziqishlari va qobiliyatlarini hisobga olgan holda, harbiy kasbni tanlashda bevosita yordam koʻrsatiladi.

Kasbga doir maslahatlar taʼlim muassasalarining chaqiruvga qadar boshlangʻich tayyorgarlik rahbarlari tomonidan beriladi, tayyorlash jarayonida nomzodlarning shaxsiy fazilatlariga, qobiliyatlariga va OHTMda oʻqishga maʼnaviy-psixologik tayyorgarlik darajasi baholanadi.

Maslahatlar berish jarayonida nomzodlarning xohish-istaklari va qobiliyatlari chuqur oʻrganiladi, ularning OHTMga kiruvchi shaxslarga qoʻyiladigan talablarga moslik darajasi aniqlanadi.

26. Harbiy xizmatchilarni OHTMga oʻqishga kirishga tayyorlash masʼul vazirliklar hududiy organlarining boshliqlari, harbiy qismlar (muassasalar) komandirlari (boshliqlari) rahbarligida oʻtkaziladi.

27. Masʼul vazirliklar joylarda harbiy-professional yoʻnaltirish boʻyicha ishlarning tashkil etilishi va oʻtkazilishini, OHTMning rasmiy veb-saytlarida ularning faoliyatini aks ettiruvchi materiallar vaqti-vaqti bilan yangilab turilishini nazorat qiladi hamda tegishli OHTMdagi taʼlim jarayoni, ularga kirish shartlari haqida maʼlumot berish maqsadida nashr etilgan bukletlar va plakatlar hududiy organlar hamda harbiy qismlarga (muassasalarga) yetkazilishini tashkil etadi.

28. OHTMga harbiy-professional yoʻnaltirish sohasida quyidagi vazifalar yuklanadi:

OHTMdagi hayot, turmush va oʻqishning oʻziga xos jihatlari toʻgʻrisida plakat, buklet, film va videoroliklar shaklidagi axborot materiallarini tayyorlash hamda masʼul vazirliklarning hududiy organlari va harbiy qismlarga (muassasalarga) tarqatish;

respublika va mahalliy ommaviy axborot vositalarida OHTM vakillarining chiqishlarini tashkil etish, OHTM toʻgʻrisidagi filmlarni namoyish etish, maʼruzalar va ochiq eshiklar kunlarini oʻtkazish;

harbiy stajirovkalar, ishlab chiqarish amaliyotlari, taʼtillar davrida OHTMdagi doimiy va oʻzgarib turuvchi tarkibning harbiy xizmatchilar va fuqaro yoshlar bilan uchrashuvlari va suhbatlarini oʻtkazish.

29. Harbiy qismlarga (muassasalarga) harbiy-professional yoʻnaltirish sohasida quyidagi vazifalar yuklanadi:

maʼnaviyat va maʼrifat markazlari, madaniyat markazlarida OHTMdagi hayot, OHTMga qabul qilish shartlari, muddatli harbiy xizmatni oʻtagan fuqarolarga va kontrakt boʻyicha harbiy xizmatchilarga OHTMga kirishda beriladigan imtiyozlar, Oʻzbekiston Respublikasi Qurolli Kuchlari qoʻshinlarida (qoʻshin turlarida) ofitserlar tarkibining harbiy xizmati xususiyati va oʻziga xos jihatlarini aks ettiruvchi koʻrgazmali, oʻquv-maslahat burchaklarini tashkil etish;

Oʻzbekiston Respublikasi Qurolli Kuchlari ofitserlar tarkibining harbiy xizmati, OHTMdagi taʼlim jarayoni toʻgʻrisidagi filmlarni namoyish qilish, shuningdek, faxriylar va OHTMning vakillari bilan muntazam uchrashuvlar tashkil etish;

harbiy xizmatchilar bilan ofitser kasbi toʻgʻrisida yakka tartibda tushuntirish suhbatlari oʻtkazish;

harbiy-professional yoʻnaltirish boʻyicha ishlar samaradorligini muntazam tahlil qilish;

OHTM bilan mustahkam aloqani yoʻlga qoʻyish.

30. Masʼul vazirliklarning hududiy organlari hamda chaqiruvga qadar boshlangʻich tayyorgarlik rahbarlari zimmasiga harbiy-professional yoʻnaltirish sohasida quyidagi vazifalar yuklanadi:

fuqaro yoshlar orasidan OHTMga nomzodlarni saralab olish ishlarini tashkil etish, ularni ofitserlar tarkibiga qoʻyiladigan talablar bilan tanishtirish;

joylardagi taʼlim muassasalarining aʼlochi bitiruvchilari bilan yigʻinlar, shuningdek, maqsadli targʻibot ishlarini tashkil etish;

OHTMda oʻqish uchun nomzodlarga qoʻyiladigan talablarni fuqaro yoshlarga yetkazish;

hokimliklar va jamoat tashkilotlarining vakillari ishtirokida taʼlim muassasalaridagi chaqiruvga qadar boshlangʻich tayyorgarlik rahbarlari, Oʻzbekiston Respublikasi mudofaasiga koʻmaklashuvchi “Vatanparvar” tashkilotining oʻquv muassasalari oʻqituvchilari bilan harbiy-professional yoʻnaltirish masalalari boʻyicha har yilgi oʻquv-metodik yigʻinlar oʻtkazish;

harbiy-professional yoʻnaltirish boʻyicha ishlarni olib borishda taʼlim muassasalaridagi chaqiruvga qadar boshlangʻich tayyorgarlik rahbarlariga yordam berish, taʼlim muassasalarini ofitserlik kasblariga bagʻishlangan stendlar bilan jihozlash;

masʼul vazirliklarning hududiy organlarida OHTMdagi hayotni aks ettiruvchi koʻrgazma materiallarini, qabul qilish shartlari, muddatli harbiy xizmatni oʻtagan harbiy xizmatchilarga va kontrakt boʻyicha harbiy xizmatchilarga OHTMga kirishda beriladigan imtiyozlar, Oʻzbekiston Respublikasi Qurolli Kuchlari qoʻshinlarida (qoʻshin turlarida) ofitserlar tarkibida harbiy xizmatni oʻtashning xususiyati va oʻziga xos jihatlari toʻgʻrisida maʼlumot beruvchi oʻquv-maslahat burchaklarini tashkil etish;

oʻrta maxsus va kasbiy taʼlim muassasalarida (tashkilotlarida) fuqaro yoshlarni harbiy-professional yoʻnaltirish tadbirlarida mudofaa ishlari boʻlimlari vakillarining bevosita ishtirokini taʼminlash;

hokimliklar, Qoraqalpogʻiston Respublikasi, viloyatlar va Toshkent shahar kasbiy taʼlimni rivojlantirish va muvofiqlashtirish hududiy boshqarmalari, akademik litseylar va kasb-hunar maktablari, jamoat tashkilotlari va mahalliy ommaviy axborot vositalari bilan harbiy-professional yoʻnaltirish boʻyicha mustahkam oʻzaro hamkorlikni yoʻlga qoʻyish;

fuqaro yoshlarning maʼnaviyat va maʼrifat markazlariga, joylardagi tarixiy, harbiy-vatanparvarlik muzeylariga va Oʻzbekiston Respublikasi Qurolli Kuchlarining Davlat muzeyiga, harbiy qismlar va muassasalarga tashrifini tashkil etish;

Oʻzbekiston Respublikasi Qurolli Kuchlari ofitserlar tarkibining harbiy xizmati, OHTMdagi hayot toʻgʻrisidagi filmlarni namoyish qilish;

harbiy mutaxassislikni ongli ravishda tanlashda yoshlarga yordam berish.

31. Respublikaning psixologiya, pedagogika va muhandislik-texnik taʼlim yoʻnalishlari mavjud boʻlgan oliy taʼlim muassasalari hamda oliy tibbiy taʼlim muassasalari rektorlariga harbiy-professional yoʻnaltirish sohasida quyidagi vazifalar yuklanadi:

talabalar orasidan OHTMga nomzodlarni tanlash va ofitserlik kasbining sharafli ekanligini targʻib etishga qaratilgan ishlarni tashkil etish;

oliy taʼlim muassasalarida oʻquv-maslahat burchaklari tashkil etish va harbiy xizmatchilar, ularning oila aʼzolariga beriladigan imtiyozlar, harbiy xizmatning shartlari va oʻziga xos jihatlarini aks ettiruvchi koʻrgazmali tashviqot materiallarini joylashtirish;

muntazam ravishda OHTMga ekskursiyalar uyushtirish, OHTM kursantlari va oliy taʼlim muassasalari talabalari orasida davra suhbatlari, tanlovlar tashkil etish, taʼlim jarayonini tashkil etish boʻyicha oʻzaro hamkorlik va tajriba almashinuvini yoʻlga qoʻyish.

3-§. Dastlabki saralab olish tadbirlarini tashkil etish va oʻtkazish

32. Sogʻligʻi, umumjismoniy tayyorgarligi va individual psixologik xususiyatlariga muvofiq harbiy ixtisoslikning zamonaviy talablariga javob beradigan, gʻoyaviy-maʼnaviy barqaror, mustahkam intellektual va maʼnaviy-axloqiy salohiyatga ega boʻlgan nomzodlarni aniqlash dastlabki saralab olishning asosiy maqsadi hisoblanadi.

33. Quyidagilar dastlabki saralab olishning asosiy vazifalari hisoblanadi:

nomzodlarga tegishli hujjatlarni va ularni tavsiflovchi maʼlumotlarni toʻplash;

nomzodlar toʻgʻrisidagi turli maʼlumotlarni aniqlashtirish (oilaviy ahvoli, ota-onalari va yaqin qarindoshlarining harbiy xizmatga munosabati va shu kabilar), ofitserlik kasbini tanlashining sabablarini, asoslarini aniqlash;

nomzodlarning sogʻligʻini va umumjismoniy tayyorgarlik koʻrganligini har tomonlama, xolisona baholash;

OHTMga kiruvchi nomzodlarning individual-psixologik xususiyatlarini oʻrganish.

34. Dastlabki saralab olish:

fuqaro yoshlar (talabalar) uchun — yashash joyidagi (oliy taʼlim muassasasi joylashgan hududdagi) mudofaa ishlari boʻlimlari va Favqulodda vaziyatlar vazirligining hududiy organlarida;

harbiy xizmatchilar uchun — xizmatni oʻtash joyidagi harbiy qismlarda (muassasalarda) va masʼul vazirliklarning hududiy organlarida oʻtkaziladi.

35. Dastlabki saralab olish davomida quyidagi tadbirlar tashkil etiladi va oʻtkaziladi:

hujjatlarni toʻplash va oʻrganish;

yakka tartibda suhbatlashish;

individual-psixologik oʻrganish;

umumjismoniy tayyorgarlik koʻrganligini baholash;

tibbiy koʻrikdan oʻtkazish.

Saralab olish jarayonlarining shaffofligi va xolisligini taʼminlash maqsadida individual-psixologik oʻrganish va umumjismoniy tayyorgarlik koʻrganligini baholash jarayonlari videoyozuvga tushiriladi.

36. Dastlabki saralab olish tadbirlari quyidagi ikki bosqichda oʻtkaziladi:

a) birinchi bosqich fuqaro yoshlar (talabalar) uchun — mudofaa ishlari boʻlimlarida, harbiy xizmatchilar uchun — xizmatni oʻtash joyida 1-fevraldan 31-martga qadar (shu kuni ham) amalga oshiriladi hamda ushbu bosqichda quyidagi tadbirlar oʻtkaziladi:

hujjatlarni toʻplash va oʻrganish;

yakka tartibda suhbatlashish;

birlamchi tibbiy koʻrikdan oʻtkazish (talabalar, harbiy-akademik litseylar bitiruvchilari, harbiy xizmatchilar bundan mustasno);

b) ikkinchi bosqich fuqaro yoshlar (talabalar) va harbiy xizmatchilar uchun — mudofaa ishlari boshqarmalari va Oʻzbekiston Respublikasi Mudofaa vazirligining harbiy-tibbiy muassasalarida 1-apreldan 20-maygacha (shu kuni ham) amalga oshiriladi hamda ushbu bosqichda quyidagi tadbirlar oʻtkaziladi:

individual-psixologik oʻrganish;

umumjismoniy tayyorgarlik koʻrganligini baholash;

yakuniy tibbiy koʻrikdan oʻtkazish.

Oʻzbekiston Respublikasi Harbiy xavfsizlik va mudofaa universitetining Harbiy aviatsiya institutiga kirish istagini bildirgan nomzodlar bilan uchuvchilar tarkibining oʻziga xos talablaridan kelib chiqqan holda, qoʻshimcha ravishda ularning ingliz va rus tilini bilish darajasi boʻyicha mazkur Nizomga 6-ilovada keltirilgan metodikaga muvofiq tekshirish oʻtkaziladi.

Dastlabki saralab olish tadbirlarida ishtirok etadigan nomzodlar soni cheklanmaydi.

37. Hujjatlarni toʻplash va oʻrganish natijalarni tahlil qilish, nomzodlar toʻgʻrisidagi maʼlumotlarni rejali jamlash va tizimlashtirish, ularning ijtimoiy faolligi va maʼnaviy-ishbilarmonlik fazilatlarini baholash usuli bilan oʻtkaziladi.

Nomzodlarning ijtimoiy faolligi va maʼnaviy-ishbilarmonlik fazilatlarini aniqlashda:

nomzodlarning mamlakatda amalga oshirilayotgan islohotlarning mohiyati va ahamiyatini, davlatni himoya qilish boʻyicha konstitutsiyaviy majburiyatlarni tushunishi;

yuqori darajadagi hushyorlik hamda yot mafkura va axloqqa nisbatan murosasizlik zarurligini anglash;

burchni his etish, qatʼiyatlilik, ishchanlik, mehnatsevarlik va toʻgʻrilik;

jamoaning ijtimoiy hayotida faol qatnashish;

nomzodlar tomonidan xizmat (mehnat) faoliyatida, oʻqishda va chaqiruvga qadar boshlangʻich tayyorgarlikda erishilgan natijalar hisobga olinadi.

Bundan tashqari, ofitser boʻlish xohishining ongli qabul qilinganligi, asoslanganligiga va buning uchun zarur fazilatlar mavjudligiga asosiy eʼtibor beriladi.

38. Nomzodlarning hujjatlarini toʻplash va oʻrganish ishlari dastlabki saralab olish tadbirlarining birinchi bosqichi yakunlangunga qadar (31-martgacha (shu kuni ham)) amalga oshiriladi.

39. Yakka tartibdagi suhbat nomzodlar toʻgʻrisidagi maʼlumotlarni aniqlashtirish (oilaviy ahvoli, ota-onalari va yaqin qarindoshlarining harbiy xizmatga munosabati va shu kabilar), ofitserlik kasbini tanlashning sabablari, asoslarini aniqlash, taʼlim muassasasidagi oʻzlashtirish va xorijiy tilni egallaganlik darajasini oʻrganish maqsadida oʻtkaziladi.

Suhbat davomida OHTMga kiruvchilarga qoʻyiladigan talablar, beriladigan imtiyozlar va boshqa masalalar nomzodlarga yetkaziladi. Nomzodlar uchun qonunchilikda belgilangan imtiyozlar aniqlanadi.

39 1 . OHTMga oʻqishga kirishda imtiyozga ega boʻlgan nomzodlarning yagona bazasi har yil 1-iyunga qadar manfaatdor vazirlik va idoralar tomonidan Bilimni baholash agentligining maxsus axborot tizimiga kiritiladi.

40. Tegishli shakl boʻyicha davlat sirlaridan foydalanishga doir ruxsatnomani kelishish uchun zarur boʻlgan materiallar nomzod oʻqishga qabul qilingandan soʻng rasmiylashtiriladi.

41. Yakka tartibdagi suhbat:

fuqaro yoshlar (talabalar) bilan — mudofaa ishlari boʻlimlari boshliqlari;

harbiy xizmatchilar bilan — masʼul vazirliklarning hududiy organlari boshliqlari, harbiy qismlar (muassasalar) komandirlari (boshliqlari) tomonidan oʻtkaziladi.

Yakka tartibdagi suhbat nomzodlar ariza (bildirgi) bilan murojaat qilgan kundan boshlab 10 kun ichida oʻtkaziladi. Yakka tartibdagi suhbat natijasi boʻyicha mazkur Nizomga 7-ilovaga muvofiq shaklda yakka tartibdagi suhbat varaqasi toʻldiriladi.

42. Nomzodlarning birlamchi tibbiy koʻrigi Oʻzbekiston Respublikasi Prezidentining 2018-yil 25-dekabrdagi PQ-4076-son qarori bilan tasdiqlangan Oʻzbekiston Respublikasi Qurolli Kuchlarida tinchlik va urush davrida tibbiy koʻrikdan oʻtkazish toʻgʻrisidagi nizom va boshqa qonunchilik hujjatlariga muvofiq oʻtkaziladi.

Birlamchi tibbiy koʻrikdan oʻtkazish natijalari boʻyicha nomzodlarning OHTMda oʻqishga yaroqliligi toʻgʻrisida xulosa chiqariladi. Mazkur xulosa nomzodlarning shaxsiy hujjatlari yigʻmajildiga qoʻshib qoʻyiladi.

Sogʻligʻining holatiga koʻra OHTMda oʻqishga yaroqsiz deb topilgan nomzodlar dastlabki saralab olishning keyingi tadbirlariga qoʻyilmaydi.

43. Individual-psixologik oʻrganish qabul komissiyasi raisi tomonidan tasdiqlangan reja-jadval asosida 1-apreldan 20-maygacha (shu kuni ham) qabul komissiyasi tarkibiga kiritilgan mutaxassis-psixologlar tomonidan nomzodlarni psixologik test sinovidan oʻtkazish yoʻli bilan mazkur Nizomga 8-ilovada keltirilgan metodikaga muvofiq oʻtkaziladi.

Individual-psixologik oʻrganish boʻyicha kichik komissiya tarkibiga respublikaning yetakchi oliy taʼlim muassasalaridan tegishli mutaxassis-psixologlar shartnoma asosida jalb qilinishi mumkin.

44. Psixologik test sinovi natijalari boʻyicha quyidagi xulosalar chiqariladi:

OHTMga kirish uchun tavsiya etiladi;

OHTMga kirish uchun tavsiya etilmaydi.

Psixologik test sinovi natijalari boʻyicha OHTMga kirish uchun tavsiya etilmagan nomzodlar dastlabki saralab olishning keyingi tadbirlariga qoʻyilmaydi.

45. Nomzodlarning umumjismoniy tayyorgarlik darajasini baholash qabul komissiyasi raisi tomonidan tasdiqlangan reja-jadval asosida qabul komissiyasi tarkibiga kiritilgan mutaxassislar tomonidan mazkur Nizomga 9-ilovada keltirilgan metodikaga muvofiq 1-apreldan 20-maygacha (shu kuni ham) oʻtkaziladi.

Umumjismoniy tayyorgarlik darajasini baholash sinovlaridan oʻtmagan nomzodlar dastlabki saralab olishning keyingi tadbirlariga qoʻyilmaydi.

46. Nomzodlarning yakuniy tibbiy koʻrigi Oʻzbekiston Respublikasi Prezidentining 2018-yil 25-dekabrdagi PQ-4076-son qarori bilan tasdiqlangan Oʻzbekiston Respublikasi Qurolli Kuchlarida tinchlik va urush davrida tibbiy koʻrikdan oʻtkazish toʻgʻrisidagi nizom va boshqa qonunchilik hujjatlariga muvofiq oʻtkaziladi.

Yakuniy tibbiy koʻrikdan oʻtkazish natijalari boʻyicha nomzodning OHTMda oʻqishga yaroqliligi toʻgʻrisida xulosa chiqariladi. Mazkur xulosa nomzodning shaxsiy hujjatlari yigʻmajildiga qoʻshib qoʻyiladi.

Sogʻligʻining holatiga koʻra OHTMda oʻqishga yaroqsiz deb topilgan nomzodlar test sinovlariga qoʻyilmaydi.

47. Dastlabki saralab olish tadbirlaridan muvaffaqiyatli oʻtgan nomzodlarning roʻyxatlari mazkur Nizomga 9a-ilovaga muvofiq shaklda mudofaa ishlari boshqarmalari va harbiy qismlar (muassasalar) tomonidan 1-iyunga qadar OHTM qabul komissiyasiga yuboriladi.

OHTM qabul komissiyalariga taqdim etilayotgan roʻyxatlarning toʻgʻri, aniq va haqqoniyligiga javobgarlik masalasi shaxsan mudofaa ishlari boshqarmalari boshliqlari hamda harbiy qismlar (muassasalar) komandirlari (boshliqlari) zimmasiga yuklanadi.

47 1 . Dastlabki saralab olish tadbirlarining barchasida ishtirok etmasdan muddatli harbiy xizmat muddati tugaganligi sababli harbiy xizmatdan boʻshatilgan nomzodlarning yigʻmajildlari ushbu harbiy xizmatchilar harbiy qism (muassasa) roʻyxatidan chiqarilgan kuni ularning yashash (harbiy hisobga qoʻyish) joyidagi mudofaa ishlari boshqarmasi boshligʻiga yuboriladi.

Mudofaa ishlari boshqarmasi boshligʻi nomzod tanlagan OHTM qabul komissiyasi kotibi bilan ushbu nomzodlarni ishtirok etmagan dastlabki saralab olish tadbirlarida qatnashishini taʼminlaydi.

48. Saralab olish tadbirlari natijalaridan norozi boʻlgan nomzodlarning shikoyatlari qabul komissiyasi raisining buyrugʻi bilan kichik komissiyalar ishida qatnashmagan besh nafar mutaxassisdan iborat tarkibda shakllantiriladigan apellyatsiya komissiyasida koʻrib chiqiladi.

Shikoyatlar apellyatsiya komissiyasiga natijalar eʼlon qilingan kundan boshlab ikki ish kuni ichida taqdim etilishi kerak. Apellyatsiya komissiyasi shikoyatlarni ular tushgan kundan eʼtiboran ikki ish kuni ichida, murojaat qilgan nomzodlar xohishiga koʻra — ularning ishtirokida koʻrib chiqadi.

Apellyatsiya komissiyasi tomonidan shikoyatlarni koʻrib chiqishda hujjatlarni toʻplash va oʻrganish, yakka tartibda suhbatlashish, individual-psixologik oʻrganish va umumjismoniy tayyorgarlik koʻrganligini baholash tadbirlarining toʻgʻri oʻtkazilganligi, javoblarning xolis tekshirilganligi va toʻgʻri baholanganligi oʻrganiladi hamda uning natijasi boʻyicha apellyatsiya komissiyasi aʼzolarining oddiy koʻpchilik ovozi bilan quyidagi qarorlardan biri qabul qilinadi:

nomzodning shikoyatini qanoatlantirish toʻgʻrisida;

natijalarni oʻzgarishsiz qoldirish va shikoyatni qanoatlantirishni rad etish toʻgʻrisida.

Tegishli qaror darhol nomzodlarga yetkaziladi.

Apellyatsiya komissiyasi qarori komissiya raisi, aʼzolari va kotibi tomonidan imzolanadigan bayonnomada rasmiylashtiriladi.

Apellyatsiya komissiyasi qarorlari yuzasidan belgilangan tartibda sudga shikoyat qilinishi mumkin.

49. Birlamchi yoki yakuniy tibbiy koʻrik natijasi boʻyicha chiqarilgan xulosadan norozi boʻlgan nomzodlar sudga shikoyat qilishi mumkin.

4-§. Dastlabki saralab olish tadbirlaridan muvaffaqiyatli oʻtgan nomzodlarga beriladigan imtiyozlar

50. Oʻzbekiston Respublikasi Prezidentining “Oʻzbekiston Respublikasi Qurolli Kuchlari safida muddatli harbiy xizmatni oʻtab boʻlgan fuqarolarga imtiyozlar tizimini takomillashtirishga oid qoʻshimcha chora-tadbirlar toʻgʻrisida” 2012-yil 31-maydagi PQ-1765-son qaroriga muvofiq Oʻzbekiston Respublikasi Qurolli Kuchlari safida muddatli harbiy xizmatni oʻtab boʻlgan va OHTMga oʻqishga imtiyozli kirish uchun harbiy qismlar qoʻmondonligining tegishli tavsiyanomalariga ega boʻlgan fuqarolarga test sinovi natijalari boʻyicha oʻzlari toʻplagan ballning 50 foizi miqdorida qoʻshimcha ball koʻrinishida imtiyoz beriladi.

51. Oʻzbekiston Respublikasi Prezidentining “Oʻzbekiston Respublikasi Qurolli Kuchlari harbiylari va uning tarkibiga kiruvchi vazirlik hamda idoralarning xodimlari va ularning oila aʼzolarini ijtimoiy qoʻllab-quvvatlashga oid qoʻshimcha chora-tadbirlar toʻgʻrisida” 2018-yil 14-maydagi PQ-3726-son qaroriga muvofiq:

Oʻzbekiston Respublikasi Qurolli Kuchlari tarkibiga kiruvchi vazirlik va idoralarning xizmatdagi ofitserlari, kontrakt boʻyicha xizmat qilayotgan serjantlar va oddiy askarlar tarkibi farzandlari ajratilgan besh foizli kvota, Oʻzbekiston Respublikasi Milliy gvardiyasining amaldagi kontrakt boʻyicha xizmat qilayotgan ofitserlar, serjantlar va oddiy askarlar tarkibi hamda xodimlari farzandlari ajratilgan ikki foizli kvota asosida OHTMga kursantlarning umumiy qabul soni doirasida oʻqishga kirish huquqiga ega;

harbiy xizmat majburiyatini (xizmat majburiyatini) bajarishda halok boʻlgan, shuningdek, harbiy xizmat majburiyatini (xizmat majburiyatini) bajarishda yarador boʻlishi natijasida nogiron boʻlib qolgan, kontuziya, shikast olgan yoki kasalliklarga duchor boʻlgan Qurolli Kuchlar tarkibiga kiruvchi vazirlik va idoralarning ofitserlari, kontrakt boʻyicha xizmat qilayotgan serjantlar va oddiy askarlar tarkibidagi harbiy xizmatchilar va Milliy gvardiya xodimlarining farzandlari vazirliklar yoki idoralarning tegishli tavsiyanomalari asosida belgilangan qabul kvotalaridan tashqari OHTMga tanlovsiz qabul qilinadilar.

52. “Ilgʻor serjant” nominatsiyasida respublika turining gʻoliblari boʻlgan serjantlar OHTMga test sinovlarisiz oʻqishga kirish huquqiga ega.

Oʻzbekiston Respublikasi Qurolli Kuchlarining serjantlar tarkibi lavozimlarida 5 yil benuqson xizmat qilgan serjantlarga ijobiy tavsifnomalar, qoʻmondonlik, jangovar va maʼnaviy-maʼrifiy tayyorgarlikda yutuqlari mavjud boʻlgan taqdirda, OHTMga oʻqishga qabul qilishda toʻplanishi mumkin boʻlgan maksimal ballning 20 foizi miqdorida qoʻshimcha ballar koʻrinishida imtiyoz beriladi.

53. Oʻzbekiston Respublikasi Prezidentining “Oʻsmirlarni harbiy-vatanparvarlik ruhida tarbiyalash hamda Oʻzbekiston Respublikasi Qurolli Kuchlari va davlat xizmati uchun kadrlar zaxirasini tayyorlash tizimini takomillashtirishga oid qoʻshimcha chora-tadbirlar toʻgʻrisida” 2019-yil 28-iyundagi PQ-4375-son qaroriga muvofiq:

“Temurbeklar maktabi” harbiy akademik litseylari bitiruvchilariga OHTMga oʻqishga kirishda Bilimni baholash agentligi tomonidan oʻtkaziladigan test sinovlarida oʻzlari toʻplagan ballarning 30 foizi miqdoridagi qoʻshimcha ballar koʻrinishida imtiyoz beriladi;

“Temurbeklar maktabi” harbiy akademik litseylarini imtiyozli diplom bilan tugatgan bitiruvchilarga tarkibida “Temurbeklar maktabi” boʻlgan vazirlik va idoralarning tegishliligi boʻyicha OHTMga test sinovlarisiz oʻqishga kirish huquqi beriladi.

53 1 . Oʻzbekiston Respublikasi Prezidentining “Oʻzbekiston Respublikasi Milliy gvardiyasi Harbiy musiqa akademik litseyini tashkil etish toʻgʻrisida” 2022-yil 16-fevraldagi PQ-129-son qaroriga muvofiq Oʻzbekiston Respublikasi Milliy gvardiyasi Harbiy musiqa akademik litseyi bitiruvchilariga OHTMga oʻqishga kirishda Oʻzbekiston Respublikasi Bilimni baholash agentligi tomonidan oʻtkaziladigan test sinovlarida oʻzlari toʻplagan ballarning 30 foizi miqdorida ball shaklida imtiyoz beriladi.

53 2 . Oʻzbekiston Respublikasi Prezidentining “Vatan tayanchi” bolalar va oʻsmirlar harbiy-vatanparvarlik harakati faoliyatini tashkil etish toʻgʻrisida” 2022-yil 2-martdagi PQ-150-son qaroriga muvofiq “Vatan tayanchi” harakatining tegishli tavsiyanomalariga ega boʻlgan “Vatan tayanchi” otryadi aʼzolariga OHTMga oʻqishga kirishda test sinovlari natijalariga koʻra toʻplagan ballarining 5 foizi miqdorida qoʻshimcha ball shaklida imtiyoz beriladi.

53 3 . Oʻzbekiston Respublikasi Prezidentining “Favqulodda vaziyatlar organlari faoliyatini yanada takomillashtirishga doir tashkiliy chora-tadbirlar toʻgʻrisida” 2025-yil 20-oktabrdagi PQ-310-son qaroriga muvofiq favqulodda vaziyatlarning oldini olish va ularni bartaraf etishda faollik koʻrsatgan, natijalari bilan boshqalarga oʻrnak boʻlgan volontyorlarga Oʻzbekiston Respublikasi favqulodda vaziyatlar vaziri tavsiyanomasiga asosan Favqulodda vaziyatlar vazirligi akademiyasining bakalavriat taʼlim yoʻnalishiga oʻqishga kirishda oʻzlari toʻplagan ballarning 5 foizi miqdorida qoʻshimcha ball koʻrinishida imtiyoz beriladi.

54. Oʻzbekiston Respublikasi Prezidentining “Iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish chora-tadbirlari toʻgʻrisida” 2019-yil 3-maydagi PQ-4306-son qaroriga muvofiq asosiy olimpiadalarning respublika bosqichida 1 — 3-oʻrinlarni egallagan shaxslar uch yil muddat davomida amal qiluvchi ixtisoslik fani boʻyicha sertifikat asosida OHTMga test sinovlarida imtiyoz sifatida maksimal ball toʻplagan hisoblanadi.

Xalqaro matematika olimpiadasi (IMO), Xalqaro fizika olimpiadasi (IPhO), Xalqaro kimyo olimpiadasi (IChO), Xalqaro biologiya olimpiadasi (IBO), Xalqaro informatika olimpiadasi (IOI) gʻoliblari OHTM qabul komissiyasining qarori bilan OHTMga test sinovlarisiz va qoʻshimcha imtihonsiz oʻqishga qabul qilinadi.

55. Oʻzbekiston Respublikasi Prezidentining “Bola huquqlari kafolatlarini yanada kuchaytirishga oid qoʻshimcha chora-tadbirlar toʻgʻrisida” 2019-yil 22-apreldagi PQ-4296-son qaroriga muvofiq OHTMga kursantlarni qabul qilishning umumiy sonidan “Mehribonlik” uyi va Bolalar shaharchasining bitiruvchilari boʻlgan chin yetimlar uchun qoʻshimcha ravishda bir foizgacha qabul kvotalari ajratiladi.

56. Xizmat majburiyatlarini bajarish chogʻida halok boʻlgan huquqni muhofaza qilish organlari xodimlarining farzandlari OHTMga belgilangan qabul kvotasidan tashqari test sinovlarisiz oʻqishga qabul qilinadilar.

Oʻzbekiston Respublikasi Prezidentining “Ichki ishlar organlari xodimlari va ularning oila aʼzolarini ijtimoiy himoya qilishni yanada kuchaytirish chora-tadbirlari toʻgʻrisida” 2019-yil 26-fevraldagi PQ-4212-son qaroriga muvofiq:

terrorizm va jinoyatchilikka qarshi kurashish hamda jamoat xavfsizligini taʼminlash chogʻida halok boʻlgan yoki olgan jarohati tufayli nogiron boʻlib qolgan ichki ishlar organlari xodimlarining farzandlari Mudofaa vazirligi va Milliy gvardiya OHTMga belgilangan qabul kvotalaridan tashqari;

huquqbuzarliklar profilaktikasi va jinoyatchilikka qarshi kurashga munosib hissa qoʻshgan, xizmat yoki ilmiy faoliyatida yuqori natijalarga erishgan ichki ishlar organlarining amaldagi xodimlari farzandlari ajratilgan besh foizli kvotalar doirasida Oʻzbekiston Respublikasi Mudofaa vazirligi va Milliy gvardiya OHTMga ichki ishlar vazirining taqdimnomasi asosida qabul qilinadilar.

56 1 . Oʻzbekiston Respublikasi Prezidentining “Oʻzbekiston Respublikasi davlat bojxona xizmati organlarining faoliyatini tashkil etish toʻgʻrisida” 2018-yil 12-apreldagi PQ-3665-son qaroriga muvofiq:

xizmat majburiyatlarini bajarish chogʻida halok boʻlgan, shuningdek, xizmat majburiyatlarini bajarishda olgan jarohati tufayli nogiron boʻlib qolgan bojxona organlari xodimlarining farzandlari Mudofaa vazirligi, Favqulodda vaziyatlar vazirligi va Milliy gvardiya OHTMga belgilangan qabul kvotalaridan tashqari;

bojxona xizmatiga salmoqli hissa qoʻshgan, xizmat jarayonida maʼlum bir natijalarga erishgan bojxona organlarining xizmatdagi ofitserlari va serjantlar tarkibi xodimlari farzandlari ajratilgan ikki foizli kvotalar doirasida Oʻzbekiston Respublikasi Mudofaa vazirligi, Favqulodda vaziyatlar vazirligi va Milliy gvardiyasi OHTMga Bojxona qoʻmitasi raisining tavsiyanomasi asosida qabul qilinadilar.

57. Oʻzbekiston Respublikasi Prezidentining “Mard oʻgʻlon” davlat mukofotini taʼsis etish chora-tadbirlari toʻgʻrisida” 2017-yil 21-noyabrdagi PQ-3402-son qaroriga muvofiq “Mard oʻgʻlon” davlat mukofoti sohiblari boʻlgan umumtaʼlim va kasbiy taʼlim muassasalarining oʻquvchilari OHTM qabul komissiyasining qarori bilan tegishli yoʻnalish boʻyicha va belgilangan qabul kvotasi doirasida kirish imtihonlarisiz oʻqishga qabul qilinadi.

58. Nomzodlar bir vaqtning oʻzida ushbu Nizomning 50 — 57-bandlarida koʻrsatilgan imtiyozlarning ikki va undan koʻpiga ega boʻlgan hollarda, eng yuqori natija beruvchi imtiyoz qoʻllaniladi.

59. OHTMga oʻqishga kirishda imtiyozga ega boʻlgan nomzodlarning yagona bazasi har yil 1-iyunga qadar manfaatdor vazirlik va idoralar tomonidan Bilimni baholash agentligining maxsus axborot tizimiga kiritiladi.

60. Chet tilini bilish boʻyicha kamida V2 darajadagi milliy yoki unga tenglashtirilgan mos darajadagi xalqaro tan olingan sertifikat taqdim etganlarga chet tili fanidan toʻplash mumkin boʻlgan maksimal ball qoʻyiladi hamda ular chet tili fanidan test sinovi topshirmaydi.

61. Bilim va malakalarni baholash agentligi tomonidan beriladigan umumtaʼlim fanini bilish darajasi toʻgʻrisidagi sertifikatga ega boʻlgan nomzodlarga sertifikatdagi oʻzlashtirish foiziga mos ravishda kirish test sinovlarida ushbu umumtaʼlim fanidan belgilangan maksimal ballga mutanosib ball beriladi hamda ular ushbu fandan test sinovi topshirmaydi.

62. Nomzodlar qonunchilik hujjatlarida belgilangan boshqa imtiyozlarga ham ega boʻlishlari mumkin.

5-§. Test sinovlarini tashkil etish va oʻtkazish tartibi

63. OHTMga test sinovlari oʻtkazish mazkur Nizomning 64 — 71-bandlarida belgilangan talablarni inobatga olgan holda, oliy taʼlim muassasalarining bakalavriatiga oʻqishga qabul qilish uchun kirish test sinovlarini oʻtkazish tartibi asosida oʻtkaziladi.

64. OHTMda test sinovlari respublika oliy taʼlim muassasalariga oʻtkaziladigan test sinovlari bilan bir vaqtda, har yili iyul-avgust oylarida nomzodlar tanlagan hududlarda oʻtkaziladi.

65. Qabul komissiyasi OHTMga oʻqishga kirish uchun murojaat qilgan va dastlabki saralab olish bosqichida natijasi ijobiy baholangan, saralab olishda ishtirok etuvchi nomzodlar haqidagi maʼlumotlarni qabul yilining 5-iyuniga qadar (shu kuni ham) Bilim va malakalarni baholash agentligining maxsus dasturiga kiritadi, nomzodlarning onlayn roʻyxatdan oʻtishlarini hamda test sinovlarida qatnashishlarini taʼminlaydi.

66. Nomzodlarga OHTMga oʻqishga kirish boʻyicha roʻyxatdan oʻtishda test topshiradigan fanlari majmuasi va ketma-ketligi bir xil boʻlgan oliy taʼlim muassasalarining beshtagacha bakalavriat taʼlim yoʻnalishlarini tanlash huquqi beriladi.

67. Test sinovlari tashkil etilayotgan oʻquv yilidan avvalgi yillarda taʼlim muassasalarini tugatgan nomzodlardan test sinovlarida ishtirok etishi uchun bazaviy hisoblash miqdorining yarim baravari miqdoridagi toʻlov undiriladi.

68. Bilimni baholash agentligi test sinovlari toʻliq yakunlangan kunning ertasiga OHTMga oʻqishga kirish uchun hujjat topshirgan nomzodlar natijalarini qabul komissiyasiga taqdim etadi, oʻz navbatida, qabul komissiyasi OHTMga saralab olish tadbirlarini oʻtkazadi, oʻqishga tavsiya etilgan nomzodlar haqidagi maʼlumotlarni ikki kun muddatda Bilimni baholash agentligiga taqdim etadi.

OHTMga oʻqishga tavsiya etilgan nomzodlar oliy taʼlim muassasalari bakalavriat taʼlim yoʻnalishlarida tanlovda ishtirok etmaydi.

OHTMga oʻqishga tavsiya etilmagan nomzodlar respublika oliy taʼlim muassasalariga tanlangan yoʻnalishlar ketma-ketligiga qatʼiy rioya qilingan holda tanlovda ishtirok etadilar.

69. Test sinovlari topshiriqlari umumtaʼlim fanlari davlat taʼlim standartlari va oʻquv dasturlari asosida tuziladi.

70. OHTMning taʼlim yoʻnalishlariga mos test sinovlari topshiriladigan fanlar majmuasi, baholash mezonlari, test topshiriqlari soni hamda test sinovlarini oʻtkazishning aniq muddatlari masʼul vazirliklar tomonidan Bilimni baholash agentligi bilan birgalikda belgilanadi hamda ularning rasmiy veb-saytlariga test sinovlari boʻlib oʻtishidan kamida bir oy oldin joylashtiriladi.

71. Oʻqishni Harbiy xavfsizlik va mudofaa universitetining “Psixologiya (harbiy psixologiya)” taʼlim yoʻnalishi, Harbiy aloqa instituti hamda Harbiy tibbiyot institutida davom ettirish istagini bildirgan talabalar tegishli ravishda taʼlim yoʻnalishidagi 5 ta fandan iborat majmua boʻyicha test sinovini topshiradi. Fanlar majmuasi Harbiy xavfsizlik va mudofaa universiteti, Harbiy aloqa instituti hamda Harbiy tibbiyot instituti tomonidan har yil fevral oyi yakuniga qadar tasdiqlanadi. Tasdiqlangan fanlar majmuasi va fanlar boʻyicha oʻquv dasturlari test topshiriqlarini shakllantirish uchun Bilimni baholash agentligiga taqdim etiladi.

Test topshiriqlari Harbiy xavfsizlik va mudofaa universiteti, Harbiy aloqa instituti hamda Harbiy tibbiyot instituti tomonidan tavsiya etilgan professor-oʻqituvchilar tomonidan Bilimni baholash agentligida tuziladi va ekspertizadan oʻtkaziladi.

Test topshiriqlari kitobidagi har bir fan 20 ta topshiriqni oʻz ichiga oladi. Test topshiriqlarini bajarish uchun (javoblar varaqasini toʻldirish bilan birga) 100 ta savolga 3 soat 20 daqiqa vaqt beriladi. Har bir toʻgʻri javob uchun 1 ball beriladi.

6-§. OHTMga qabul qilish tartibi

72. OHTMga nomzodlar oʻquv yili uchun OHTMni butlash rejasiga qatʼiy rioya qilgan holda qabul qilinadi.

Oʻzbekiston Respublikasi qonunchilik hujjatlarida belgilangan imtiyozlarga ega boʻlgan nomzodlar uchun OHTMga belgilangan qabul kvotadan tashqari oʻqishga kirish huquqi beriladi.

73. Nomzodlar OHTMga Bilimni baholash agentligi tomonidan taqdim etilgan test sinovlari natijalari asosida oʻqishga qabul qilinadi.

74. Nomzodlar mazkur Nizomda belgilangan qoidalarga, harbiy va xizmat intizomiga rioya qilmagan taqdirda, OHTM qabul komissiyasi ularni oʻqishga qabul qilish boʻyicha saralab olishning istalgan bosqichida chetlatish huquqiga ega.

75. OHTM qabul komissiyasi test sinovlari natijalari eʼlon qilingandan keyin besh kunlik muddatda nomzodlarni oʻqishga qabul qilish masalasini koʻrib chiqadi va mazkur Nizomga 10-ilovaga muvofiq shakldagi bayonnomani rasmiylashtiradi.

76. OHTMga oʻqishga qabul qilish jarayonida Bilimni baholash agentligi tomonidan oʻtkazilgan test sinovlari natijalariga koʻra kvota boʻyicha belgilangan roʻyxatda oxirgi oʻrinda turuvchi nomzodning (talabalar bundan mustasno) toʻplagan jami bali bilan undan keyingi oʻrinda turuvchi nomzodlarning toʻplagan ballari bir xil boʻlsa, ularning barchasi oʻqishga qabul qilinadilar.

Test sinovlari natijalariga koʻra Harbiy xavfsizlik va mudofaa universitetining “Psixologiya (harbiy psixologiya)” taʼlim yoʻnalishi, Harbiy aloqa instituti hamda Harbiy tibbiyot institutida oʻqishni davom ettirish istagini bildirgan talaba nomzodlarning oʻtish reyting ballari teng boʻlgan hollarda ular orasida birinchi ikki fandan test natijalari yuqori boʻlgan talaba nomzod qabul qilinadi, shunda ham ballar teng boʻlib qolgan taqdirda, oliy taʼlim muassasasida taʼlim olish jarayonida oʻzlashtirilgan bilim darajasi yuqori boʻlgan talaba nomzod oʻqishga qabul qilinadi.

77. OHTM qabul komissiyasi raisi tomonidan tasdiqlangan bayonnoma nomzodlarni OHTMga oʻqishga qabul qilish toʻgʻrisidagi buyruqlarni rasmiylashtirish uchun asos hisoblanadi.

Tegishli shakl boʻyicha davlat sirlaridan foydalanishga doir ruxsatnomani rasmiylashtirish uchun zarur boʻlgan materiallar nomzodlarni OHTMga oʻqishga qabul qilish toʻgʻrisidagi buyruq chiqarilgan kundan eʼtiboran OHTM kadrlar boʻlimlari tomonidan 5 kun ichida tegishli idoralarga yuboriladi.

78. OHTM tomonidan oʻqishga qabul qilingan nomzodlar hamda ularning shaxsiy hujjatlari yigʻmajildlarini chaqirtirish boʻyicha tegishli mudofaa ishlari boshqarmalari va harbiy qismlarga (muassasalarga) soʻrovnoma yuboriladi.

OHTMning soʻrovnomasiga asosan oʻqishga qabul qilingan nomzodlar hamda ularning shaxsiy hujjatlarining yigʻmajildlari mudofaa ishlari boshqarmalari va harbiy qismlar (muassasalar) tomonidan tegishli OHTMga yuboriladi.

79. Nomzodlarni oʻqishga qabul qilish uchun asos boʻlgan hujjatlar tegishli OHTMda saqlanadi.

3-bob. Kursantlarni oʻqishdan chetlashtirish va qayta tiklash tartibi

1-§. Kursantlarni oʻqishdan chetlashtirish

80. Kursant OHTMdan quyidagi hollarda chetlashtirilishi mumkin:

a) sogʻligʻining holatiga koʻra (harbiy-tibbiy komissiya xulosasiga asosan);

b) belgilangan muddatlarda fanlarni oʻzlashtira olmaganligi (akademik qarzdorligi) sababli;

v) intizomsizligi sababli (shu jumladan, qonunchilik hujjatlarida belgilangan cheklovlarga rioya etmaganligi yoki maxsus talablarga javob bermaganligi, sud tomonidan ozodlikdan mahrum etilganligi munosabati bilan);

g) oʻziga bogʻliq boʻlmagan holatlar tufayli oʻqishni davom ettirish imkoni yoʻqligi sababli;

d) sud qaroriga koʻra kirish imtihonlarida belgilangan tartibni buzganligi aniqlanganda;

e) oʻz xohishiga koʻra.

81. Sogʻligʻining holatiga koʻra kursantlar harbiy-tibbiy komissiyaning OHTMda tahsil olishga yaroqsiz deb topish toʻgʻrisidagi xulosasiga asosan OHTMda oʻqishdan chetlashtiriladilar.

Harbiy-tibbiy komissiya xulosalariga asosan Harbiy xavfsizlik va mudofaa universitetining “Psixologiya (harbiy psixologiya)” taʼlim yoʻnalishi, Harbiy tibbiyot instituti va Harbiy aloqa institutida tahsil olishga yaroqsiz deb topilgan kursantlar OHTM kursantlari roʻyxatidan chiqariladilar va dastlab oʻqishga kirgan oliy taʼlim muassasalariga oʻqishni davom ettirish uchun yuboriladilar.

82. Harbiy-tibbiy komissiyaning xulosasi OHTMga kelib tushgan kundan boshlab besh kun ichida tahsil olishga yaroqsiz deb topilgan kursantning boʻlinma komandiri oʻqishdan chetlashtirish yuzasidan hujjatlarni OHTM boshligʻiga taqdim etadi.

83. Bir yoki bir nechta fanlar boʻyicha oʻtkazilgan yakuniy nazoratlarni muvaffaqiyatli topshira olmagan (yakuniy nazoratga qoʻyilmagan) va akademik qarzdorligini belgilangan muddatlarda bartaraf etmagan, bir yoki bir nechta fanlar boʻyicha oʻtkazilgan yakuniy davlat attestatsiyalarini muvaffaqiyatsiz topshirgan kursantlar fanlarni oʻzlashtirmaganligi sababli OHTMda oʻqishdan chetlashtiriladilar.

84. Topshirilgan yakuniy nazoratlar natijalari, oʻquv semestri yoki yili yakunlari boʻyicha fanlarni oʻzlashtirmagan deb topilgan kursantni OHTMda oʻqishdan chetlashtirishga doir rasmiylashtirilgan taqdimnoma boʻlinma komandiri tomonidan uch kun muddatda OHTM oʻquv boʻlimi bilan muvofiqlashtirilgan holda OHTM Ilmiy kengashi muhokamasiga taqdim etiladi.

Kursantni akademik qarzdorligi uchun OHTMda oʻqishdan chetlashtirish masalasi besh kun muddat ichida OHTM Ilmiy kengashining yigʻilishida chetlashtirishga doir taqdim etilgan materiallar, fanlar boʻyicha yakuniy nazorat qaydnomalariga asoslangan tarzda, fanlarni oʻzlashtirmagan kursant ishtirokida koʻrib chiqiladi.

OHTM Ilmiy kengashining qarori bayonnoma bilan rasmiylashtiriladi va kursantni fanlarni oʻzlashtirmaganligi uchun OHTMda oʻqishdan chetlashtirish yuzasidan qaror qabul qilingan taqdirda, OHTM boshligʻi tomonidan tasdiqlangan ushbu qaror va OHTM Ilmiy kengashining bayonnomasidan koʻchirma, fanlar boʻyicha yakuniy nazorat qaydnomalari va shu kabi boshqa materiallar bir kun ichida masʼul vazirliklar markaziy apparatining OHTM bilan ishlash organlariga yuboriladi.

85. Kontrakt shartlarini bajarmagan, harbiy xizmatchi nomiga dogʻ tushiruvchi nojoʻya xatti-harakatlar sodir etgan, qonunchilik hujjatlarida belgilangan cheklovlarga rioya etmagan, harbiy intizomni tizimli ravishda qoʻpol buzib kelgan, ozodlikdan mahrum etish bilan bogʻliq boʻlgan jazo choralarini nazarda tutuvchi sud hukmi qonuniy kuchga kirgan kursantlar intizomsizligi tufayli OHTMda oʻqishdan chetlashtiriladilar.

Agar kursantga nisbatan ozodlikdan mahrum etish bilan bogʻliq boʻlmagan jazo choralarini nazarda tutuvchi sud hukmi qonuniy kuchga kirgan yoki uning aybdorligi toʻgʻrisidagi masala hal etilmasdan, oldin jinoiy ish toʻxtatilgan yoxud tergovga qadar tekshiruv materiallari boʻyicha jinoiy ish qoʻzgʻatish rad etilgan boʻlsa, uni OHTMdan chetlashtirish yoki OHTMda qoldirish toʻgʻrisidagi qaror OHTM Ilmiy kengashining qarorini hisobga olgan holda OHTM boshligʻi tomonidan qabul qilinadi.

Mazkur qaror qonuniy kuchga kirgan sud ajrimi yoki hukmi, tergov yoki dastlabki tergov organining qarori kelib tushgan kundan boshlab ikki oy muddatda qabul qilinadi.

86. Oʻquv boʻlinmasi komandiri OHTM boshligʻiga kursant sodir etgan nojoʻya xatti-harakatlar, tartibbuzarliklar haqida qoʻmondonlik pogʻonasi boʻyicha bir kun ichida bildiruv beradi.

OHTM boshligʻi oʻquv boʻlinmasi komandirining bildiruvini olishi bilan ushbu holat yuzasidan xizmat surishtiruvi oʻtkazilishini tashkil etadi. Xizmat surishtiruvini oʻtkazish vazifasi OHTMning tergovga qadar tekshiruvni oʻtkazuvchi mansabdor shaxslaridan biriga topshiriladi. Xizmat surishtiruvining natijalari uch kun ichida OHTM Ilmiy kengashi muhokamasiga taqdim etiladi.

Kursantni intizomsizligi uchun OHTMdan oʻqishdan chetlashtirish masalasi OHTM Ilmiy kengashining yigʻilishida xizmat surishtiruvi materiallariga asoslangan holda, kursant ishtirokida besh kun ichida koʻrib chiqiladi.

OHTM Ilmiy kengashining qarori bir kun ichida bayonnoma bilan rasmiylashtiriladi va kursantni intizomsizligi uchun OHTMdan oʻqishdan chetlashtirishga qaror qilingan boʻlsa, OHTM Ilmiy kengashi yigʻilishining bayonnomasidan koʻchirma va xizmat surishtiruvi materiallarining nusxasi bir kun ichida tegishli vazirliklar va idoralar markaziy apparatining OHTM bilan ishlash organlariga yuboriladi.

87. Kursantlar oʻzlariga bogʻliq boʻlmagan asosli sabablar (oilaviy sharoitlariga koʻra, yaʼni yaqin qarindoshlarining ogʻir kasallikka chalinganligi, oilasi tabiiy ofatga duchor boʻlganligi, doimiy yashash uchun Oʻzbekiston Respublikasi hududidan tashqariga chiqib ketayotganligi yoki tegishli idoralar tomonidan tegishli shakl boʻyicha davlat sirlaridan foydalanishga doir ruxsatnoma rasmiylashtirilmaganligi yoki mazkur huquqdan mahrum qilinganligi va boshqalar) tufayli oʻqishni davom ettirishning imkoni yoʻqligi bois OHTMdan oʻqishdan chetlashtiriladi.

Vaziyatni tasdiqlovchi materiallar olingandan soʻng bir kun ichida oʻquv boʻlinmasi komandiri kursantni oʻziga bogʻliq boʻlmagan sabablar tufayli oʻqishni davom ettirishning imkoni yoʻqligi bois OHTMdan oʻqishdan chetlashtirish masalasini OHTM Ilmiy kengashining muhokamasiga kiritadi.

Kursantni OHTMdan oʻqishdan chetlashtirish masalasi taqdim etilgan tegishli materiallarga asoslangan holda, OHTM Ilmiy kengashining yigʻilishida oʻqishdan chetlashtirilayotgan kursant ishtirokida besh kun ichida muhokama etiladi.

OHTM Ilmiy kengashining qarori bayonnoma bilan rasmiylashtirilib, OHTM boshligʻi tomonidan tasdiqlanadi. OHTM Ilmiy kengashining qaroridan koʻchirma va kursantni OHTMdan oʻqishdan chetlashtirishga doir materiallarning nusxasi bir kun ichida tegishli vazirliklar va idoralar markaziy apparatining OHTM bilan ishlash organlariga yuboriladi.

88. Sud qaroriga koʻra OHTMga oʻqishga kirish uchun oʻtkaziladigan dastlabki saralab olish va test sinovlarini oʻtkazish bilan bogʻliq hujjatlar talablarini buzganlikda aybdor deb topilgan kursant kirish imtihonlarida belgilangan tartibni buzganligi sababli OHTMda oʻqishdan chetlashtiriladi.

89. Kursantga nisbatan kirish imtihonlarida belgilangan tartibni buzganligi boʻyicha sud qarori kelib tushganda, oʻquv boʻlinmasi komandiri qonuniy kuchga kirgan sud qarori va kursantni tavsiflovchi hujjatlarni uch kun ichida OHTM Ilmiy kengashi muhokamasiga taqdim etadi.

Kursantni sud qaroriga koʻra kirish imtihonlarida belgilangan tartibni buzganligi uchun OHTMda oʻqishdan chetlashtirish masalasi OHTM Ilmiy kengashining yigʻilishida kursant ishtirokida besh kun ichida koʻrib chiqiladi.

OHTM Ilmiy kengashining qarori bir kun ichida bayonnoma bilan rasmiylashtirilib, OHTM boshligʻi tomonidan tasdiqlanadi. OHTM Ilmiy kengashining qaroridan koʻchirma va qonuniy kuchga kirgan sud qarorining nusxasi bir kun ichida tegishli vazirliklar va idoralar markaziy apparatining OHTM bilan ishlash organlariga yuboriladi.

90. Maʼlum bir sabablarga koʻra OHTMda oʻqishni davom ettirishni xohlamagan kursantlar oʻz xohishiga koʻra OHTMdan oʻqishdan chetlashtiriladilar.

OHTMda oʻqishni davom ettirishni xohlamagan kursant sabablarini koʻrsatgan holda, oʻz xohishiga koʻra uni OHTMdan oʻqishdan chetlashtirishni soʻrab, OHTM boshligʻiga qoʻmondonlik pogʻonasi boʻyicha bildiruv beradi. Kursant tomonidan oʻz xohishiga koʻra oʻqishdan chetlashtirish toʻgʻrisida bildirgi yozilgandan soʻng oʻquv boʻlinmasi komandiri bir kun ichida kursantni oʻz xohishiga koʻra OHTMdan oʻqishdan chetlashtirish masalasini OHTM Ilmiy kengashining muhokamasiga kiritadi.

91. OHTM kursantlarini oʻqishdan chetlashtirish mazkur Nizomga 11-ilovaga muvofiq sxema asosida quyidagi tartibda amalga oshiriladi:

quyi bosqichlarda — OHTM boshligʻining buyrugʻi bilan tegishli vazirlik rahbarining taʼlim sohasi uchun masʼul oʻrinbosari bilan kelishilgan holda;

bitiruv bosqichida — tegishli vazirlik va idora rahbarining taʼlim sohasi uchun masʼul oʻrinbosarining buyrugʻi bilan.

92. Muddatli harbiy xizmatni oʻtamagan, oʻqishning ikkinchi yili boshlanmasdan OHTMdan chetlashtirilgan, oʻqishdan chetlashtirilgan vaqtda chaqiruv yoshiga yetgan va boʻshash huquqiga ega boʻlmagan kursantlar muddatli harbiy xizmatni oʻtash uchun harbiy qismlarga joʻnatiladi. Chaqiruv yoshiga yetmagan shaxslar harbiy hisobga qoʻyish uchun yashash joyidagi mudofaa ishlari boʻlimiga yuboriladi.

Chetlashtirilgan vaqtda chaqiruv yoshiga yetgan va boʻshash huquqiga ega boʻlmagan kursant OHTM kursantlari roʻyxatidan chetlashtirish toʻgʻrisida OHTM boshligʻining buyrugʻi chiqarilgandan keyin uch kun ichida Oʻzbekiston Respublikasi Qurolli Kuchlari Bosh shtabining tegishli farmoyishiga asosan muddatli harbiy xizmatni oʻtash uchun harbiy qismga yuboriladi.

93. OHTM kursantlari roʻyxatidan chiqarilgan kursantlar (intizomsizligi, sogʻligʻining holatiga koʻra, sud qaroriga koʻra kirish imtihonlarida belgilangan tartibni buzgan deb topilganligi sababli va oʻz xohishiga koʻra oʻqishdan chetlashtirilganlar bundan mustasno) kontrakt boʻyicha harbiy xizmatning oddiy askarlar va serjantlar tarkibiga mansub lavozimlarda kontrakt boʻyicha harbiy xizmat oʻtashlari mumkin.

OHTM kursantlari roʻyxatidan chiqarilgan, oʻz xizmatini davom ettirish istagini bildirgan kontrakt boʻyicha harbiy xizmatchilar (intizomsizligi, sogʻligʻining holatiga koʻra, sud qaroriga koʻra kirish imtihonlarida belgilangan tartibni buzgan deb topilganligi sababli va oʻz xohishiga koʻra oʻqishdan chetlashtirilganlar bundan mustasno) serjantlar tarkibida kontrakt asosida xizmat oʻtash uchun yuborilishlari mumkin.

94. Kursant oʻqishdan chetlashtirilganda, unga (ota-onasi yoki huquqiy vasiysiga ularning arizasi bilan) shaxsiy hujjatlari, belgilangan shakldagi akademik maʼlumotnoma topshiriladi va ularning nusxasi shaxsiy hujjatlar yigʻmajildiga tikib qoʻyiladi. OHTM kursantlari roʻyxatidan chiqarilgan kursantlarning shaxsiy hujjatlar yigʻmajildlari bir kun ichida harbiy hisobda turish uchun mudofaa ishlari boʻlimiga yoxud xizmatni davom ettirishi uchun yoʻllangan harbiy qismga joʻnatiladi.

95. OHTMdan chetlashtirilgan kursantlarni haqiqiy harbiy xizmatdan rezervga boʻshatish masalasi Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizom talablariga asosan koʻrib chiqiladi.

96. Bitiruv bosqichida tahsil olayotgan kursantni OHTMda oʻqishdan chetlashtirish tegishli vazirlik va idora markaziy apparatining OHTM bilan ishlash organlari tomonidan quyidagi hujjatlar asosida oʻrganib chiqiladi:

kursantni OHTMdan chetlashtirish boʻyicha OHTM boshligʻining tavsiyanomasi;

OHTM boshligʻi tomonidan tasdiqlangan OHTM Ilmiy kengashining qarori;

OHTM Ilmiy kengashi yigʻilishining bayonnomasidan koʻchirma. Bayonnomada OHTMda oʻqishdan chetlatilayotgan kursantning toʻliq biografik maʼlumoti (tugʻilgan joyi va sanasi, millati, oilaviy ahvoli, haqiqiy harbiy xizmatga chaqirilgan joyi, muddatli harbiy xizmatni oʻtagani va unga harbiy qism komandirining tavsiyanomasi berilgan yoki berilmagani haqida maʼlumot, qaysi mutaxassislik boʻyicha oʻqiyotganligi, ota-onasining yashash manzillari, ularning qayerda va kim boʻlib ishlashi toʻgʻrisida maʼlumot), kursantni oʻqishdan chetlatish uchun asos boʻlayotgan holatlar koʻrsatiladi;

kursantni oʻqishdan chetlatish uchun asos boʻlayotgan holatlar boʻyicha boshqa hujjatlar nusxalari (kursantlar vzvodi komandirining batalyon komandiri va OHTM boshligʻining oʻquv ishlari (oʻquv va ilmiy ishlar) boʻyicha oʻrinbosari tomonidan tavsiya qilingan bildirgisi, kasallik toʻgʻrisidagi guvohnoma, akademik qarzdorligi toʻgʻrisida maʼlumotnoma, xizmat tavsifnomasi, xizmat varaqasidan koʻchirma, kursantning oʻqishni xohlamasligi toʻgʻrisida yozgan bildiruvi (oʻz xohishiga koʻra oʻqishdan chetlashtirilayotgan hollarda), xizmat surishtiruvi materiallari, sud hukmi va qarorlaridan nusxa va boshqalar).

Oʻrganish natijasiga muvofiq Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomga muvofiq tegishli vazirlik va idora rahbarining taʼlim sohasi uchun masʼul oʻrinbosarining kursantni OHTM kursantlari roʻyxatidan chiqarish toʻgʻrisidagi buyrugʻi loyihasi tayyorlanadi va qaror qabul qilish uchun taqdim etiladi.

Tegishli vazirlik va idora rahbarining taʼlim sohasi uchun masʼul oʻrinbosarining kursantni OHTM kursantlari roʻyxatidan chiqarish toʻgʻrisidagi buyrugʻi imzolangandan soʻng uning koʻchirmasi ijro etish uchun uch kun ichida OHTMga, harbiy hisobga qoʻyish uchun tegishli mudofaa ishlari boshqarmasiga (boʻlimiga) yoxud xizmatni davom ettirishi uchun yoʻllangan harbiy qismga yuboriladi.

97. OHTM boshligʻi tegishli vazirlik va idora rahbarining taʼlim sohasi uchun masʼul oʻrinbosarining kursantni OHTM roʻyxatidan chiqarish toʻgʻrisidagi buyrugʻiga asosan uch kun ichida ushbu kursant bilan tuzilgan shartnomani bekor qiladi, harbiy xizmatchini (harbiy xizmatga majbur shaxsni) taʼminotning barcha turlaridan ozod qiladi, OHTM shaxsiy tarkibi roʻyxatidan chiqaradi va xizmatini davom ettirish uchun tayinlangan harbiy qismga (harbiy hisobga qoʻyish uchun turar joyidagi mudofaa ishlari boʻlimiga) yuboradi. Shuningdek, OHTM kursantlari roʻyxatidan chiqarilgan kursantning shaxsiy hujjatlari yigʻmajildi bilan birga akademik maʼlumotnoma va OHTM Ilmiy kengashi bayonnomasining koʻchirmalari ham yoʻllanadi.

2-§. Kursantlar oʻqishini koʻchirish va qayta tiklash

98. Kursantlar oʻqishini qayta tiklashga mazkur Nizomning 80-bandi “ a ”, “ b ” va “g” kichik bandlarida koʻrsatilgan asoslar (sogʻligʻining holatiga koʻra, fanlarni oʻzlashtira olmaganliklari va oʻziga bogʻliq boʻlmagan sabablar tufayli oʻqishni davom ettirish imkoni yoʻqligi tufayli) bilan oʻqishdan chetlashtirilgan sobiq kursantlarga ruxsat beriladi.

OHTM kursantlarini oʻqishga qayta tiklash mazkur Nizomga 12-ilovaga muvofiq sxema asosida amalga oshiriladi.

Birinchi bosqichning ikkinchi semestri va undan yuqori bosqichlarda tahsil olish davomida OHTMda oʻqishdan chetlashtirilgan shaxslar (intizomsizligi, sud qaroriga koʻra kirish imtihonlarida belgilangan tartibni buzgan deb topilganligi tufayli va oʻz xohishiga koʻra oʻqishdan chetlashtirilgan sobiq kursantlardan tashqari) oʻzlari tahsil olgan OHTMga tegishli oʻquv semestri boshlangunga qadar roʻyxatdan chiqarilgandan soʻng olti oydan kam boʻlmagan va uch yildan ortiq vaqt oʻtmagan muddat ichida harbiy qism komandirining tavsiyasiga koʻra qoʻshinlar safida benuqson xizmat oʻtaganlik sharti bilan (harbiy hisobga kiritilgan joydagi mudofaa ishlari boʻlimi boshligʻining tavsiyasiga koʻra, iqtisodiyot tarmoqlarida vijdonan mehnat qilganlik sharti bilan), shaxsan yozgan ariza (bildirgi)siga asosan oʻqishga qayta tiklanishi mumkin.

99. Birinchi bosqichning birinchi semestrida tahsil olish davomida (birinchi semestr yakuni boʻyicha imtihon sessiyasini toʻliq topshirmagan holda) OHTMda oʻqishdan chetlashtirilgan kursantlar oʻqishga qayta tiklanmaydi. Ular oʻqishga faqat umumiy qoidalarga asosan qabul qilinishi mumkin.

100. Kursantlar oʻqishini qayta tiklash kursantlar safidan chetlashtirilganiga olti oydan uch yilgacha boʻlgan muddatda, tegishli vazirlik va idora rahbarining taʼlim sohasi uchun masʼul oʻrinbosarining buyrugʻi asosida amalga oshiriladi.

101. Quyidagi holatlar kursantning qayta tiklash haqidagi ariza (bildirgi)siga rad javobi berish uchun asos boʻladi:

kursantning intizomsizligi, sud qaroriga koʻra kirish imtihonlarida belgilangan tartibni buzgan deb topilganligi tufayli yoki oʻz xohishiga koʻra oʻqishdan chetlashtirilganda;

kursant birinchi bosqichning birinchi semestrida (birinchi semestr tugallanmagan holatda) oʻqishdan chetlashtirilganda;

oʻqishdan chetlashtirilgan kursant roʻyxatdan chiqarilgan sanadan oʻqishga qayta tiklash soʻralayotgan tegishli oʻquv semestri boshlangunga qadar olti oydan kam yoki uch yildan ortiq muddat oʻtgan boʻlsa;

Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizom talablariga OHTM kursanti lavozimida harbiy xizmatni oʻtash boʻyicha belgilangan yosh chegarasidan oʻtgan boʻlsa;

ariza beruvchining shaxsiy hujjatlari yigʻmajildi (akademik maʼlumotnoma) belgilangan muddatlarda taqdim etilmagan taqdirda;

qonunchilikda belgilangan boshqa holatlarda.

Harbiy xizmatchi (fuqaro)ning oʻqishini qayta tiklash boʻyicha ariza (bildirgi)siga rad javobi berilgan taqdirda, uni koʻrib chiqish uchun belgilangan muddatda ariza (bildirgi)da koʻrsatilgan manzilga ariza (bildirgi)ni koʻrib chiqqan mansabdor shaxs yoki u vakolat bergan shaxs tomonidan javob xati yoʻllanadi.

102. OHTM kursantlarining oʻqishini qayta tiklash boʻyicha arizalar (bildirgilar)ni topshirish va koʻrib chiqish yilda bir marotaba 1-iyuldan 20-iyulga qadar amalga oshiriladi.

Mudofaa ishlari boʻlimi tomonidan taqdim qilingan qayta tiklash boʻyicha hujjatlar toʻplami va ariza (bildirgi)lar OHTM boshligʻi, tegishli vazirlik va idora rahbarining taʼlim sohasi boʻyicha masʼul oʻrinbosari tomonidan koʻrib chiqilib, har yili 20-iyuldan 10-avgustga qadar qaror qabul qilinadi.

103. Oʻqishini qayta tiklash istagini bildirgan fuqaro yashash joyidagi mudofaa ishlari boʻlimi orqali belgilangan muddatda mazkur Nizomga 13-ilovada qayd etilgan hujjatlarni rasmiylashtirib, OHTMga taqdim etishi lozim.

104. Kursantlar oʻqishini qayta tiklash haqidagi ariza (bildirgi)lar ariza beruvchilar taqdim etgan hujjatlar bilan birga OHTM ilmiy kengashining muhokamasiga kengash kotibi tomonidan taqdim etiladi. OHTMdan oʻqishdan chetlashtirilgan shaxslarni oʻqishga tiklash masalasi taqdim etilgan hujjatlar asosida OHTM Ilmiy kengashi yigʻilishida, ariza beruvchilar ishtirokida koʻrib chiqiladi. OHTM Ilmiy kengashining qarori bayonnoma bilan rasmiylashtiriladi.

OHTM Ilmiy kengashining bayonnomasidan koʻchirma va oʻqishga tiklash uchun tayyorlangan hujjatlar nusxasi tegishli vazirlik va idora markaziy apparatining OHTM bilan ishlash organiga yuboriladi. Oʻqishga tiklashga doir hujjatlar tegishli vazirlik va idora markaziy apparatining OHTM bilan ishlash organi tomonidan oʻrganib chiqiladi. Taqdim etilgan hujjatlarga asosan tegishli vazirlik va idora rahbarining taʼlim sohasi boʻyicha masʼul oʻrinbosarining kursantni oʻqishga tiklash va OHTM kursantlari roʻyxatiga kiritish toʻgʻrisidagi buyrugʻi loyihasi tayyorlanadi hamda qaror qabul qilish uchun taqdim etiladi.

Tegishli vazirlik va idora rahbarining taʼlim sohasi boʻyicha masʼul oʻrinbosari kursantni oʻqishga tiklash va OHTM kursantlari roʻyxatiga kiritish toʻgʻrisidagi buyruqni imzolagandan soʻng uning koʻchirmalari ijro etish uchun OHTMga hamda oʻqishga tiklangan shaxsga yozma koʻrsatma rasmiylashtirib berish va uning shaxsiy hujjatlari yigʻmajildini OHTMga yoʻllashi uchun harbiy xizmatchi (fuqaro)ni oʻqishga tiklash yuzasidan tegishli hujjatlar tayyorlab, yoʻllagan birlashma, qoʻshilma, qism, mudofaa ishlari boshqarmasi yoki boʻlimiga yuboriladi.

105. Kursantni oʻqishga tiklash va OHTM kursantlari roʻyxatiga kiritish toʻgʻrisidagi buyruqqa asosan OHTM boshligʻi kursant bilan u OHTMga kelgan kuni OHTMda taʼlim olish muddatiga, oʻqishni tamomlaganidan soʻng ofitserlar tarkibiga mansub lavozimlarda majburiy ravishda besh yil harbiy xizmat (xizmat) oʻtash sharti bilan kontrakt tuzadi.

106. Kursantlarni qayta tiklash jarayonida shaxsiy hujjatlar yigʻmajildidagi hujjatlar toʻliq taqdim etilmagan yoki taqdim etilgan hujjatlarga oʻzgartirishlar kiritilganligi yoxud hujjatlar belgilangan tartibda tasdiqlanmaganligi aniqlangan hollarda, OHTM boshliqlari mazkur hujjatlarni tekshirish va buyruq chiqarmaslik huquqiga ega.

107. OHTMga qayta tiklangan kursantlarning shaxsiy yigʻmajildiga tegishli buyruqdan koʻchirma, ariza va akademik maʼlumotnoma tikib qoʻyiladi.

108. Kursantlarni oʻqishdan chetlashtirish va qayta tiklash toʻgʻrisida taqdim etilgan hujjatlarning toʻgʻri rasmiylashtirilishi va ularning qonuniyligi uchun javobgarlik tegishliligi boʻyicha mudofaa ishlari boʻlimi va OHTMga yuklanadi.

109. OHTM kursantlari oʻqishini tiklashiga asos boʻlgan barcha hujjatlar vakolat doirasi boʻyicha tegishli vazirliklar va idoralarda yoki OHTMda uch yil davomida saqlanadi.

110. Kursantlarni oʻqishdan chetlashtirish va qayta tiklash toʻgʻrisidagi qarorlardan norozi boʻlgan shaxslar belgilangan tartibda OHTM, tegishli vazirliklar va idoralar yoki sudga murojaat qilish huquqiga ega.

111. Oʻzbekiston Respublikasi oliy taʼlim muassasalarida tahsil olayotgan talabalar oʻqishini OHTMga koʻchirishga ruxsat etilmaydi.

112. Sogʻligʻining holatiga koʻra, oʻziga bogʻliq boʻlmagan holatlar tufayli oʻqishni davom ettirish imkoni yoʻqligi sababli va oʻz xohishiga koʻra OHTMdan chetlashtirilgan kursantlar oʻz xohishiga koʻra qonunchilik hujjatlarida belgilangan oliy taʼlim muassasalari talabalari oʻqishini koʻchirish va qayta tiklash tartibiga asosan Oʻzbekiston Respublikasi taʼlim muassasalariga qabul qilish boʻyicha Davlat komissiyasi qarori bilan Oʻzbekiston Respublikasi oliy taʼlim muassasalariga oʻqishini koʻchirishi mumkin.

4-bob. Yakunlovchi qoidalar

113. Ushbu Nizomni qoʻllash jarayonida kelib chiqadigan nizolar qonunchilik hujjatlarida belgilangan tartibda hal etiladi.

114. Mazkur Nizom talablarining buzilishida aybdor boʻlgan shaxslar qonunchilikda belgilangan tartibda javob beradi.

Oʻzbekiston Respublikasi Oliy harbiy taʼlim muassasalarida oʻqishga nomzodlarni saralab olish tadbirlari kompleksini bosqichma-bosqich amalga oshirish

Bosqichlar Subyektlar Tadbirlar Bajarish muddatlari I. Oʻqishga kirish uchun arizalar (bildirgilar) topshirish va qabul komissiyalarini tashkil etish 1-bosqich Nomzodlar Mudofaa ishlari boʻlimlari (harbiy qism, muassasalar)ga oliy harbiy taʼlim muassasalariga oʻqishga kirish uchun ariza (bildirgilar) topshiradi. 1-fevraldan 31-martgacha 2-bosqich Vazirliklar Oliy harbiy taʼlim muassasalari qabul komissiyalarini tashkil etadi. 10-martgacha Qabul komissiyasi Qabul komissiyasi tarkibida kichik komissiyalar tuzadi. 20-martgacha II. Harbiy-professional yoʻnaltirish 3-bosqich Vazirliklar Nomzodlarda harbiy xizmatga qiziqishni shakllantirish va ofitserlik kasbi haqida toʻgʻri tasavvur hosil qilish maqsadida chaqiruvga qadar boshlangʻich tayyorgarlik (CHQBT) rahbarlarini faol jalb etgan holda, oliy harbiy taʼlim muassasalari va hududiy organlarning, harbiy-akademik litseylar va umumtaʼlim maktablari bilan oʻzaro aloqani yoʻlga qoʻyadi. Doimiy (bitiruvchilar bilan sentabr — yanvar) Hududiy organlar CHQBT rahbarlari bilan (har yilgi) oʻquv-metodik yigʻinlar oʻtkazadi. Doimiy Chaqiruvga qadar boshlangʻich tayyorgarlik fani rahbarlari va oʻqituvchilari Yoshlarning harbiy qism, OHTM vakillari, faxriylar va jamoat tashkilotlari vakillari bilan uchrashuvini tashkil etadi. Doimiy Joylardagi taʼlim muassasalarining aʼlochi bitiruvchilari bilan uchrashuv, mashq yigʻinlari, shuningdek, maqsadli targʻibot ishlarini tashkil etadi. sentabr-oktabr Psixologiya va pedagogika, muhandislik-texnik taʼlim yoʻnalishlari mavjud boʻlgan oliy taʼlim muassasalari, Oʻzbekiston davlat jahon tillari universiteti va oliy tibbiy taʼlim muassasalari rektorlari Talabalar orasidan Oʻzbekiston Respublikasi Harbiy xavfsizlik va mudofaa universitetining “Psixologiya (harbiy psixologiya)” taʼlim yoʻnalishi, Oʻzbekiston Respublikasi Harbiy xavfsizlik va mudofaa universitetining Axborot-kommunikatsiya texnologiyalari va harbiy aloqa institutiga hamda Oʻzbekiston Respublikasi Harbiy xavfsizlik va mudofaa universitetining Harbiy tibbiyot institutiga nomzodlarni tanlash va ofitserlik kasbining sharafliligini targʻib etishga qaratilgan tashviqot ishlarini amalga oshiradi. sentabr — yanvar III. Dastlabki saralab olish 4-bosqich Mudofaa ishlari boʻlimlari, harbiy qism (muassasalar) Nomzodning hujjatlarini toʻplaydi va oʻrganadi. Nomzod bilan yakka tartibda suhbat oʻtkazadi. Birlamchi tibbiy koʻrikdan oʻtkazadi. 1-fevral — 31-mart Qabul komissiyasi Individual-psixologik oʻrganish oʻtkazadi. Jismoniy tayyorgarlik darajasini baholaydi. Yakuniy tibbiy koʻrikdan oʻtkazadi. 1-apreldan 20-maygacha Mudofaa ishlari boshqarmalari, harbiy qism (muassasalar) Dastlabki saralab olish tadbirlaridan muvaffaqiyatli oʻtgan nomzodlarning roʻyxatlarini OHTM qabul komissiyasiga yuboradi. 1-iyungacha Qabul komissiyasi Nomzodlar haqidagi maʼlumotlarni Bilimni baholash agentligining maxsus dasturiga kiritadi. 5-iyungacha IV. Test sinovlarini oʻtkazish va oʻqishga qabul qilish 5-bosqich Bilimni baholash agentligi Test sinovlarini tashkil etadi. iyul-avgust Test sinovi natijalarini qabul komissiyasiga taqdim etadi. Test sinovlari toʻliq yakunlangan kunning ertasiga 6-bosqich Qabul komissiyasi Oʻqishga tavsiya etilgan nomzodlar haqidagi maʼlumotlarni Bilimni baholash agentligiga taqdim etadi. Ikki kunlik muddatda Test sinovlari natijalarini eʼlon qiladi. Test sinovlari natijalari taqdim etilgandan soʻng 2 kun muddatda Tegishli bayonnomalarni rasmiylashtiradi. Test sinovlari natijalari eʼlon qilingandan soʻng 1 kun muddatda OHTMga qabul qilish toʻgʻrisidagi buyruqlarni rasmiylashtiradi. Bayonnoma tasdiqlangandan soʻng 2 kun muddatda Tegishli shakl boʻyicha davlat sirlaridan foydalanishga doir ruxsatnomani rasmiylashtirish uchun zarur boʻlgan materiallarni tegishli idoralarga yuboradi. Buyruq qabul qilingandan soʻng 5 kun muddatda

TILXAT Men, _______________________________________________________________________________________________________________________________________ _ (F.I.O.) ____________________________________________________________________________________________________________________________________________________ (oliy harbiy taʼlim muassasasining nomi) oʻqishga qabul qilinsam, oʻqishni tugatganimdan soʻng tuzilgan kontraktda koʻrsatilgan muddat tugamasdan yoki besh kalendar yil mobaynida ofitserlar tarkibi lavozimlarida xizmatni oʻtamasdan harbiy xizmatni (xizmatni) oʻtashdan bosh tortsam, shuningdek, kontrakt shartlarini bajarmaganligim, sodir etgan jinoyatim uchun sudlanganligim sababli harbiy xizmatdan rezervga boʻshatilsam yoki bunday kontraktni tuzishdan bosh tortsam, oʻqish davrida menga sarflangan budjet mablagʻlarini qoplash boʻyicha toʻliq moddiy javobgarligim, shu bilan birga, Oʻzbekiston Respublikasining “Davlat sirlari toʻgʻrisida”gi Qonuni talablariga muvofiq menga tegishli shakl boʻyicha davlat sirlaridan foydalanishga doir ruxsatnoma berilmasa, Oʻzbekiston Respublikasining taklif qilingan boshqa oliy taʼlim muassasalariga oʻqishimni koʻchirishim yoxud oʻz xohishim bilan oʻqishdan ketishim toʻgʻrisida ogohlantirildim. ______________ _________________________ (imzo) (F.I.O.) 20___ yil “_____” ___________ Biz, _____________________________________________________________________________________________________________________________________ (F.I.O.) _______________________________________________________________________________________________________________________________________________________ ga oʻqishga (oliy harbiy taʼlim muassasasining nomi) kirishga nomzodning ota-onasi (ularning oʻrnini bosuvchi shaxslar), farzandimiz ______________________________________________________________________________________________________________________________________________________ (F.I.O.) oʻqishga qabul qilinsa, oʻqishni tugatgandan soʻng u bilan tuzilgan kontraktda koʻrsatilgan muddat tugamasdan yoki besh kalendar yil mobaynida ofitserlar tarkibi lavozimlarida xizmatni oʻtamasdan harbiy xizmatni (xizmatni) oʻtashdan bosh tortsa, shuningdek, kontrakt shartlarini bajarmaganligi, sodir etgan jinoyati uchun sudlanganligi sababli harbiy xizmatdan rezervga boʻshatilsa yoki bunday kontraktni tuzishdan bosh tortsa, oʻqish davrida unga sarflangan budjet mablagʻlarini qoplash boʻyicha toʻliq moddiy javobgarligimiz, shu bilan birga, Oʻzbekiston Respublikasining “Davlat sirlari toʻgʻrisida”gi Qonuni talablariga muvofiq tegishli shakl boʻyicha davlat sirlaridan foydalanishga doir ruxsatnoma berilmasa, Oʻzbekiston Respublikasining taklif qilingan boshqa oliy taʼlim muassasalariga oʻqishini koʻchirishi yoxud oʻz xohishi bilan oʻqishdan ketishi toʻgʻrisida ogohlantirildik. ______________ _________________________ (imzo) (F.I.O.) ______________ _________________________ (imzo) (F.I.O.) 20____ yil “____” ____________

_____________________________________________________________________________________________________________________________________________________ga (tuman (shahar) mudofaa ishlari boʻlimi boshligʻi F.I.O.) _________________________________________________________________________________________________________________________________________________________da (nomzodning yashash joyi) yashovchi ________________________________________________________________________________________________________________________________________________________ (nomzodning tugʻilgan yili va sanasi) _______________________________________________________________________________________________________________________________________________________________dan (F.I.O.) ARIZA Meni, oʻz xohishimga koʻra ________________________________________________________________________________________________________________________________________ga (oliy harbiy taʼlim muassasasining nomi va mutaxassisligi) oʻqishga kirish uchun nomzodlar roʻyxatiga kiritishingizni soʻrayman. Test sinovlarini ____________________ tilida ___________________ alifbosida topshiraman. ___________________ (oʻzbek, qoraqalpoq, rus) ______________ (kirill, lotin) Chet tili boʻyicha test sinovlarini (imtihonni) ____________ tilida topshiraman. Xizmat zaruratiga koʻra lozim topilgan joyda xizmat qilishga tayyorman. Xizmat boʻyicha menga maʼlum boʻlgan davlat sirlarini, qonun bilan himoya qilinadigan va xizmatga oid maʼlumotlarni sir saqlashga vaʼda beraman. Oʻqishga qabul qilinsam, biroq Oʻzbekiston Respublikasining “Davlat sirlari toʻgʻrisida”gi Qonuni talablariga muvofiq menga tegishli shakl boʻyicha davlat sirlaridan foydalanishga doir ruxsatnoma berilmasa, oʻqishimni Oʻzbekiston Respublikasining taklif qilingan boshqa oliy taʼlim muassasalariga koʻchirishga yoki oʻz xohishim bilan oʻqishdan ketishga roziman. ______________ _________________________ (imzo) (F.I.O.) 20___ yil “_____” _____________

_________________________________________ga (nomzodning bevosita boshligʻining nomi) BILDIRGI Men, ______________________________________________________________________________________________________________________________________________________________________________ (harbiy xizmatchining harbiy unvoni, F.I.O., lavozimi, tugʻilgan yili, sanasi va joyi, harbiy xizmatga chaqirilgan yili va sanasi) Sizdan oʻz xohishimga koʻra meni ____________________________________________________________________________________________________________________________________________ga (oliy harbiy taʼlim muassasasining nomi va mutaxassisligi) oʻqishga kirish uchun nomzod sifatida yuqori qoʻmondonlikka tavsiya etishingizni soʻrayman. Test sinovlarini _____________________ tilida ___________________ alifbosida topshiraman. ___________________ (oʻzbek, qoraqalpoq, rus) ______________ (kirill, lotin) Chet tili boʻyicha test sinovlarini (imtihonni) ____________ tilida topshiraman. Xizmat zaruratiga koʻra lozim topilgan joyda xizmat qilishga tayyorman. Xizmat boʻyicha menga maʼlum boʻlgan davlat sirlarini, qonun bilan himoya qilinadigan va xizmatga oid maʼlumotlarni sir saqlashga vaʼda beraman. Oʻqishga qabul qilinsam, biroq Oʻzbekiston Respublikasining “Davlat sirlari toʻgʻrisida”gi Qonuni talablariga muvofiq menga tegishli shakl boʻyicha davlat sirlaridan foydalanishga doir ruxsatnoma berilmasa, oʻz xohishim bilan oʻqishdan ketishga roziman. ______________ _________________________ (imzo) (F.I.O.) 20___ yil “_____” _____________

__________________________________________ga (oliy taʼlim muassasasi rektori F.I.O.) __________________________________________da (nomzodning yashash joyi) yashovchi _____________________________________ (nomzodning tugʻilgan yili va sanasi) _________________________________________dan (F.I.O.) ARIZA Meni, oʻz xohishimga koʻra _________________________________________________________________________________________________________________________________________ga (oliy harbiy taʼlim muassasasining nomi va mutaxassisligi) oʻqishga kirish uchun nomzodlar roʻyxatiga kiritishingizni soʻrayman. Test sinovlarini ______________________ tilida __________________ alifbosida topshiraman. ___________________ (oʻzbek, qoraqalpoq, rus) ______________ (kirill, lotin) Chet tili boʻyicha test sinovlarini (imtihonni) _______________ tilida topshiraman. Xizmat zaruratiga koʻra lozim topilgan joyda xizmat qilishga tayyorman. Xizmat boʻyicha menga maʼlum boʻlgan davlat sirlarini, qonun bilan himoya qilinadigan va xizmatga oid maʼlumotlarni sir saqlashga vaʼda beraman. Oʻqishga qabul qilinsam, biroq Oʻzbekiston Respublikasining “Davlat sirlari toʻgʻrisida”gi Qonuni talablariga muvofiq menga tegishli shakl boʻyicha davlat sirlaridan foydalanishga doir ruxsatnoma berilmasa, oʻz xohishim bilan oʻqishdan ketishga roziman. ______________ _________________________ (imzo) (F.I.O.) 20___ yil “_____” ____________

Oʻzbekiston Respublikasi Harbiy xavfsizlik va mudofaa universitetining Harbiy aviatsiya institutida nomzodlarni saralab olishda ularning ingliz va rus tilini bilish darajasini baholash

1-bob. Umumiy qoidalar

1. Oʻzbekiston Respublikasi Harbiy xavfsizlik va mudofaa universitetining Harbiy aviatsiya institutida nomzodlarni saralab olishda ularning ingliz va rus tilini bilish darajasini tekshirish mazkur Metodikada belgilangan tartibda kichik komissiya tomonidan oʻtkaziladi.

2. Qabul yilining 20-martiga qadar Oʻzbekiston Respublikasi Harbiy xavfsizlik va mudofaa universitetining Harbiy aviatsiya institutining kichik qabul komissiyasi tomonidan ingliz va rus tili fanlari boʻyicha savollar shakllantiriladi hamda kichik qabul komissiyasi raisi tomonidan tasdiqlanadi.

Savollarni shakllantirishda umumtaʼlim dasturlaridan foydalaniladi.

3. Savollar toʻplami muhrlangan holda, kichik qabul komissiyasi raisining seyfida saqlanadi. Kichik qabul komissiyasi raisi savollarning oshkor qilinmasligi uchun javobgar hisoblanadi.

4. Nomzodlarning ingliz va rus tilini bilish darajasini aniqlash boʻyicha kichik qabul komissiyaning asosiy vazifalari quyidagilar hisoblanadi:

nomzodlarning tilni bilish darajasini aniqlash xolisona va adolatli oʻtishini taʼminlash;

saralab olish ishlarini oʻtkazish uchun bino va xonalarni tayyorlash, barcha zarur sharoitlarni yaratish;

nomzodlarga ularning huquq va majburiyatlarini tushuntirish, ularga saralab olish ishlari natijalari toʻgʻrisida toʻliq maʼlumot berish.

2-bob. Nomzodlarning ingliz va rus tilini bilish darajasini aniqlash

5. Nomzodning ingliz va rus tilini bilish darajasini aniqlash uchun nomzod belgilangan xonaga oʻzining shaxsini tasdiqlovchi hujjatini koʻrsatgan holda kiritiladi.

Xonaga lugʻat, kitob, uyali telefon, kompyuter va boshqa telekommunikatsiya vositalari, shpargalkalar olib kirish taqiqlanadi.

6. Saralab olish jarayonida nomzodlarning auditoriyadan chiqishlariga yoʻl qoʻyilmaydi, oʻzboshimchalik bilan auditoriyani tark etgan nomzodlar ingliz va rus tilini bilish darajasini aniqlashni oʻtkazish tartibini buzgan hisoblanadi va saralab olishdan chetlashtiriladi.

7. Sogʻligʻining yomonlashishi va boshqa zarur holatlarda kuzatuv ostida xonadan chiqishga ruxsat beriladi.

3-bob. Nomzodlarning ingliz va rus tilini bilish darajasini aniqlash va baholash

8. Nomzodlarning ingliz va rus tilini bilish darajasini aniqlash va baholash kichik komissiya aʼzolari tomonidan kollegiallik tamoyili asosida amalga oshiriladi.

9. Nomzodlarni Oʻzbekiston Respublikasi Harbiy xavfsizlik va mudofaa universitetining Harbiy aviatsiya institutida saralab olishda ularning ingliz va rus tilini bilish darajasini aniqlash uchun quyidagi mezonlardan foydalaniladi:

ingliz va rus tilini bilish darajasini aniqlash boʻyicha:

“5” (aʼlo) (86 — 100%) — nomzod tegishli berilgan mavzuni toʻliq ogʻzaki yoki yozma tarzda batafsil yoritib bersa, ularni mantiqan toʻgʻri bayon etsa, aniq mustaqil xulosa qila olsa va toʻgʻriligini asoslay olsa, farazlarni qoʻllay bilishi, oʻqituvchi tomonidan tilni bilish darajasini aniqlash uchun berilgan qoʻshimcha savollarga javob bersa, shuningdek, bilimini amalda qoʻllay olishini namoyish qilsa, ijodiy fikrlab, mustaqil mushohada yurita olishini hisobga olib, tilni bilish darajasi yuqori deb topilganda;

“4” (yaxshi) (71 — 85 %) — nomzod tegishli mavzu boʻyicha materiallarni puxta bilib, oʻqituvchi tomonidan berilgan savollarga javob berishda sezilarli noaniqliklarga yoʻl qoʻymagan boʻlsa, olgan bilimlarini amalda qoʻllay olsa, oʻqituvchi tomonidan berilgan qoʻshimcha savollarga qisman toʻgʻri javob bersa, yozma ishlarida kam xatoliklarga yoʻl qoʻyilgan deb topilganda;

“3” (qoniqarli) (55 — 70%) — nomzod asosiy materialni toʻla oʻzlashtirib, tafsilotlarini yoritib berishda qiyinchiliklarga duch kelsa, javoblarida qoʻpol xatoliklarga yoʻl qoʻymagan boʻlsa, oʻqituvchi tomonidan unga yordamchi (esga soluvchi) savollar berilishi zarur boʻlsa, olgan bilimni amalda qoʻllay bilsada, mustaqil yozma va ogʻzaki nutqda xatoliklarga yoʻl qoʻyilgan deb topilganda;

“2” (qoniqarsiz) (0 — 54%) — berilgan materiallar tafsilotini toʻliq oʻzlashtirmagan va tasavvurga ega boʻlmagan, ifodalay olmagan, yozma va ogʻzaki nutqda qoʻpol xatoliklarga yoʻl qoʻygan deb topilgan nomzod saralash bosqichidan oʻtkazilmaydi.

4-bob. Yakunlovchi qoidalar

10. Nomzodlarning ingliz va rus tilini bilish darajasini aniqlash natijalari boʻyicha qaydnoma rasmiylashtiriladi.

11. Mazkur qaydnomada nomzodlar tomonidan berilgan toʻgʻri javoblar soni va ular uchun qoʻyilgan baholar aks ettiriladi.

12. Qaydnoma kichik qabul komissiyasi raisi va aʼzolari tomonidan imzolanadi.

13. Ingliz va rus tilini bilish darajasini aniqlash natijalaridan norozi boʻlgan nomzodlar ularga nisbatan qoʻyilgan bahoni asoslantiruvchi maʼlumot bilan tanishish huquqiga ega.

Yakka tartibdagi suhbat ‎VARAQASI ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ________________________________________________________________________________________ ‎ (nomzodning F.I.O. (harbiy xizmatchining unvoni va lavozimi ham koʻrsatiladi)) ‎ Nomzodning oilaviy ahvoli:_________________________________________________________________ ‎ Nomzodning ota-onasi, yaqin qarindoshlarining harbiy xizmatga munosabati: ‎ ________________________________________________________________________________________ ‎ ________________________________________________________________________________________ ‎ Ofitser kasbini tanlashining sabablari va asoslari:_____________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Nomzodning taʼlim muassasasidagi oʻzlashtirish darajasi: ________________________________________ ‎ Nomzodning xorijiy tilni egallaganlik darajasi: ______________________________________________ ‎ Nomzod haqidagi qoʻshimcha maʼlumotlar: _______________________________________________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Oʻzbekiston Respublikasi oliy harbiy taʼlim muassasasiga oʻqishga qabul qilish tartibi toʻgʻrisida batafsil tushuntirildi. ‎ Yakka tartibdagi suhbat oʻtkazgan shaxs: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ______________________________________ ‎ ‎ ‎ ‎ ‎ ‎ ‎ (lavozimi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ______________________________________ ______________________ ______________________ ‎ (harbiy unvoni) (imzo) (F.I.O.) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 20___ yil “____” _____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Individual-psixologik oʻrganish

1-bob. Umumiy qoidalar

1. Individual-psixologik oʻrganish nomzodlarni mazkur Metodikada belgilangan tartibda psixologik test sinovidan oʻtkazish orqali amalga oshiriladi.

2. Psixologik testlar, ularning javoblari, baholash mezonlari va javoblar blanklari oliy harbiy taʼlim muassasalaridagi oʻqishning oʻziga xos jihatlari hisobga olingan holda, qoida tariqasida, har uch yilda bir marotaba tegishli masʼul vazirliklarning ijtimoiy-psixologik tadqiqotlar boʻlinmalari tomonidan qayta ishlab chiqilib, tegishli masʼul vazirliklar tomonidan tasdiqlanadi hamda har yili psixologik test sinovlari boshlangunga qadar individual-psixologik oʻrganish boʻyicha kichik komissiya raisiga yuboriladi.

3. Psixologik testlar, ularning javoblari, baholash mezonlari va javoblar blanklari individual-psixologik oʻrganish boʻyicha kichik komissiya raisida saqlanadi va u testlar va javoblarning oshkor etilmasligi uchun masʼul hisoblanadi.

4. Dastlab nomzodlar individual-psixologik oʻrganish boʻyicha kichik komissiya tarkibiga kiritilgan mutaxassislar tomonidan individual-psixologik oʻrganishni oʻtkazish tartibi, shuningdek, har bir tayyorlangan testlarni yechganlik uchun nazarda tutilgan baholash mezonlari bilan tanishtiriladi hamda ularga tegishli yoʻl-yoʻriqlar beriladi.

2-bob. Individual-psixologik oʻrganishni oʻtkazish

5. Individual-psixologik oʻrganish yakka tartibda yoki guruh boʻlib oʻtkazilishi mumkin.

6. Individual-psixologik oʻrganish guruh boʻlib oʻtkazilganda, xonada nomzodlar 40 nafardan ortiq boʻlmasligi zarur.

7. Individual-psixologik oʻrganish davomida nomzodlarga bir nechta psixologik testlar beriladi.

8. Psixologik testlar nomzodlarning quyidagi individual-psixologik xususiyatlarini aniqlashga yoʻnaltiriladi:

aql-zakovati, umumiy intellektual salohiyati va xotirasi;

mantiqiy fikrlashi, ziyrakligi, tafakkur shakllarining rivojlanganlik darajasi, fikrlash tezligi va tahlil qilish qobiliyatlari;

shaxsiga xos individual xususiyatlari, kirishimliligi, psixik turgʻunligi, samimiyligi;

kasbni tanlashining maqsadi va maqsadining barqarorligi.

9. Psixologik test boshlangunga qadar nomzodlarning sogʻligʻi surishtiriladi. Oʻzini yomon his qilayotganidan shikoyat qilgan nomzodlar oʻrganishga qoʻyilmaydi. Bunday holatda dalolatnoma tuziladi va ularga keyingi individual-psixologik oʻrganishdan oʻtish uchun qayta ruxsat beriladi.

10. Javoblar varaqasining toʻgʻri toʻldirilishi uchun nomzodlar shaxsan javobgar hisoblanadi.

11. Psixologik test sinovlari oʻtkaziladigan xonaga mikrokalkulyator, lugʻat, jadval, kitob, uyali telefon, kompyuter, telekommunikatsiya vositalari olib kirish va ulardan foydalanish taqiqlanadi.

12. Psixologik test oʻtkazish vaqtida oʻrganish oʻtkazayotgan shaxslar nomzodlarni uzluksiz ravishda kuzatib turadi.

13. Barcha topshiriqlar bajarib boʻlingandan soʻng nomzodlar javoblar blanklarini oʻrganish oʻtkazayotgan mutaxassislardan biriga topshiradi. Oʻrganish oʻtkazgan mutaxassislar javoblar blanklarini qabul qilishda ularning toʻgʻri toʻldirilganligiga eʼtibor berishi zarur.

14. Testlarning barchasini muvaffaqiyatli topshirgan nomzodlar oliy harbiy taʼlim muassasasiga kirish uchun tavsiya etiladi hamda ularga dastlabki tanlashning keyingi tadbirlarida ishtirok etish uchun ruxsat beriladi.

15. Testlarni muvaffaqiyatli topshira olmagan nomzodlarning takroran test sinovlaridan oʻtishiga yoʻl qoʻyilmaydi.

3-bob. Yakunlovchi qoidalar

16. Individual-psixologik oʻrganish sinovlarini topshirgan nomzodlarga qaydnoma rasmiylashtiriladi.

17. Mazkur qaydnomada nomzodlar tomonidan toʻplangan ballar va individual-psixologik oʻrganish boʻyicha xulosa aks ettiriladi.

18. Qaydnoma individual-psixologik oʻrganish boʻyicha kichik komissiya raisi va aʼzolari tomonidan imzolanadi.

19. Individual-psixologik oʻrganish natijalaridan norozi boʻlgan nomzodlar ularga nisbatan berilgan xulosani asoslantiruvchi maʼlumot bilan tanishish huquqiga ega.

Umumjismoniy tayyorgarlik darajasini baholash

1-bob. Umumiy qoidalar

1. Nomzodlarning umumjismoniy tayyorgarlik darajasi ularning mazkur Metodikada nazarda tutilgan tegishli mashqlarni bajarishini tekshirish orqali baholanadi.

2. Nomzodlarga dastlab mashqlarni bajarishga qoʻyiladigan talablar va mezonlar hamda mashqlarni bajarish tartibi nomzodlarning umumjismoniy tayyorgarlik koʻrganligini baholash boʻyicha kichik komissiya tarkibiga kiritilgan mutaxassislar tomonidan tushuntiriladi.

3. Nomzodlar umumjismoniy tayyorgarlik darajasini baholash tadbirlariga:

fuqaro yoshlar (talabalar) sport kiyimida;

harbiy xizmatchilar harbiy kiyimda kelishlari lozim.

4. Nomzodlar quyidagi mashqlarni bajaradi:

100 metrga yugurish;

turnikda tortilish;

3000 metrga yugurish.

5. Mashqlar oraligʻida nomzodlarga dam olish uchun kamida 10 daqiqa vaqt beriladi.

6. Belgilangan mashqlarni uzrsiz sabablarga koʻra topshirmagan yoxud topshirishdan bosh tortgan nomzodlarga “qoniqarsiz” bahosi qoʻyiladi.

2-bob. Mashqlarni bajarishga qoʻyiladigan talablar va mezonlar

7. 100 metrga yugurish mashqi yuqori yoki quyi startdan amalga oshiriladi.

8. 100 metrga yugurish mashqini fuqaro yoshlar (talabalar) — 15,4 soniya ichida va harbiy xizmatchilar — 15,2 soniya ichida bajargan taqdirda, nomzodlar ushbu sinovdan “oʻtgan” deb hisoblanadi.

9. Ushbu mashq oʻyingohning yugurish yoʻlagi yoki qattiq qoplamaga ega tekis (standart) maydonda yuqori start holatidan bajariladi. Start olish tartibini oʻzlashtirish uchun dastlabki “Startga” va “Diqqat” komandalari hamda “Olgʻa” komandasi beriladi. “Startga” komandasi berilganda, start olish chizigʻiga kelib, kuchli oyoq start olish chizigʻi yaqiniga qoʻyilib, ikkinchi oyoq yarim qadam ortda qoldiriladi. “Diqqat” komandasi berilganda, tana vazni oldinda turgan oyoqqa oʻtkazilib, gavda va bosh oldinga egiladi, qoʻl tirsaklari esa bukiladi. “Olgʻa” komandasi berilganda, yugurish amalga oshiriladi.

10. Turnikda tortilish mashqini bajarishda, qoʻl kaftlari turnikda oldinga qaratilgan holda ushlanib, qoʻllar parallel uzatilgan holda tutiladi, tana bir oz bukilgan, oyoq toʻgʻri tushirilgan, uchi toʻliq pastga uzatilib, tovonlar juft tutilgan holatdan bajariladi. Qoʻllar bukilib, tana yuqoriga koʻtarilar ekan, jagʻ turnik ustiga toʻliq chiqarilgan holat qabul qilinadi. Qoʻllar yana toʻliq uzatilar ekan, tana bir maromda pastga tushirilib, dastlabki holat egallanadi. Tananing osilgan holati 1-2 soniya davomida saqlanadi. Juft tutilgan oyoqlarni 45 o gacha bukishga ruxsat beriladi. Tanani siltash, oyoqni old-orqaga tebratish, oyoqlarni chalishtirish, bir qoʻlda osilib olish amallari man etiladi.

Turnikda fuqaro yoshlar (talabalar) — kamida 7 marotaba va harbiy xizmatchilar — kamida 10 marotaba tortilganda, nomzodlar ushbu sinovdan “oʻtgan” deb hisoblanadi.

11. 3000 metrga yugurish mashqlari stadionning yugurish yoʻlakchalari yoki tekis joylarida, umumiy yoki alohida start berilgan holda oʻtkaziladi. Start va marra chiziqlari bir joyda belgilanishi mumkin.

12. 3000 metrga yugurish mashqini fuqaro yoshlar (talabalar) — 14,30 daqiqagacha va harbiy xizmatchilar — 13,35 daqiqagacha bajargan taqdirda, ushbu nomzodlar ushbu sinovdan “oʻtgan” deb hisoblanadi.

13. Ushbu mashq har qanday ochiq tabiatda, umumiy start olgan tarzda bajariladi. Start olish va finish marralari aynan bir joyda yoki alohida jihozlanadi. Yugurish davomida mashq ishtirokchilari bir-biriga xalal bermasligi lozim. Yugurish amalidan yurish amaliga oʻtgan yoki distansiyadan chetga chiqqan ishtirokchi mashqni bajara olmadi, deb hisoblanadi.

14. Nomzodlar belgilangan jismoniy tayyorgarlik darajasini baholash talablarining barchasini muvaffaqiyatli topshira olgan taqdirda, jismoniy tayyorgarlik sinovlaridan “oʻtgan” deb hisoblanadi.

15. Umumjismoniy tayyorgarlik sinovlaridan oʻtmagan nomzodlarga mashqlarni takroriy bajarishga ruxsat berilmaydi.

3-bob. Yakunlovchi qoidalar

16. Umumjismoniy tayyorgarlik sinovlarini topshirgan nomzodlarning natijalari boʻyicha qaydnoma rasmiylashtiriladi.

17. Qaydnoma kichik komissiya raisi va aʼzolari tomonidan imzolanadi.

_________________________ga _________________ viloyati MIBdan dastlabki saralab olish _________ (OHTM nomi) ______________ (hudud) ____________________________________________ tadbirlaridan muvaffaqiyatli oʻtgan nomzodlar ROʻYXATI T/r F.I.O., (pasport (ID-karta) maʼlumotlari asosida) tugʻilgan yili, millati, pasport (ID-karta) maʼlumotlari Maʼlumoti Yashash joyidagi tuman (shahar) IIBdan maʼlumotnoma Sogʻligʻi holati boʻyicha maʼlumotnoma Nomzod haqida qoʻshimcha maʼlumotlar (telefon raqami (oilasidan yana bir kishining raqami), OHTMga oʻqishga kirish uchun imtiyoz va boshqalar) Test sinovlarini qaysi hududdan va qaysi tilda topshiradi 1. ISMOILOV Akramjon Alijon oʻgʻli, 26.08.2000-yil, oʻzbek. Pasport (ID-karta) raqami: AD 0000000, Shaxsiy raqam (JSHSHIR): 00000000000000 Oʻrta maxsus, 2019-yilda Fargʻona soliq kollejini tamomlagan Profilaktik hisobda turmaydi Yaroqli Tel: ___________ Tel: ___________ Tavsiyanoma raqami QK-000001, ingliz tilidan “ V1 ” sertifikati mavjud AV-0000000 Fargʻona viloyatida, oʻzbek tilida 2. POʻLATOV Sherali Anvar oʻgʻli, 28.03.2000-yil, tojik. Pasport (ID-karta) raqami: AS 0000000, Shaxsiy raqam (JSHSHIR): 00000000000000 Oʻrta, 2022-yilda Urgut tumanidagi 25-sonli umumtaʼlim maktabini tamomlagan Profilaktik hisobda turmaydi Yaroqli Tel: ___________ Tel: ___________ Tavsiyanoma raqami QK-000001, ingliz tilidan “ V1 ” sertifikati mavjud AV-0000000 Samarqand viloyatida, rus tilida ... Izoh. 1. Roʻyxatdagi barcha maʼlumotlar tasdiqlovchi hujjatlarga asoslangan boʻlishi shart (pasport (ID-karta), sertifikat, maʼlumotnoma va boshqalar). 2. Nomzodlar haqida qoʻshimcha maʼlumotlar ustunida nomzod toʻgʻrisida quyidagi maʼlumotlar kiritilishi shart: telefon raqami; OHTMga oʻqishga kirish uchun imtiyoz raqami, chet tilini bilish darajasi boʻyicha sertifikat raqami (mavjud boʻlsa); notoʻliq oilada oʻsgan nomzodlar (ota-onasi vafot etgan boʻlsa, oʻlim sabablari koʻrsatilishi shart). 3. Roʻyxatda koʻrsatilgan maʼlumotlarning toʻgʻriligi uchun shaxsan harbiy okrug (birlashma)lar kadrlar boʻlimlari, harbiy qism komandirlari va muassasa boshliqlari, shuningdek, viloyat MIB boshliqlari javobgar hisoblanadi. 4. OHTM qabul komissiyasiga nomzodning pasport (ID-karta) va imtiyoz nusxasi hamda tibbiy maʼlumotnomaning asl nusxasi roʻyxat bilan birga yuborilishi shart. ___________ VILOYATI MUDOFAA ISHLARI BOSHQARMASI BOSHLIGʻI _______________ _______________ (harbiy unvoni) (F.I.O.) 20__ yil “___” ___________ M. Oʻ.

‎ ‎ ‎ ‎ ‎ ‎ ‎ “TASDIQLAYMAN” ‎ ‎ ‎ ‎ ‎ ‎ ‎ _______________________________________ ‎ ‎ ‎ ‎ ‎ ‎ ‎ _______________________________________ ‎ ‎ ‎ ‎ ‎ ‎ ‎ (oliy harbiy taʼlim muassasasining nomi, qabul komissiyasi raisining unvoni, imzosi va F.I.O.) ‎ ‎ ‎ ‎ ‎ ‎ ‎ 20___ yil “___” _____________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ __________________________________________________________ ‎ ‎ __________________________________________________________ ‎ ‎ (oliy harbiy taʼlim muassasasining nomi) ‎ ‎ Qabul komissiyasi yigʻilishining ‎ ‎ ____-son BAYONNOMASI ‎ 20__ yil “___” ____________ ‎ ‎ ‎ _____________________________________ ‎ ‎ ‎ ‎ ‎ ‎ ‎ (yigʻilish oʻtkazilgan hudud nomi) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Raislik qiluvchi: ‎ ‎ _______________________________________________ ‎ ‎ ‎ ‎ ‎ ‎ (qabul komissiyasi raisining unvoni va F.I.O.) ‎ Qatnashganlar: ‎ ‎ _______________________________________________ ‎ ‎ ‎ ‎ ‎ ‎ (qabul komissiyasi aʼzolari) ‎ ‎ ‎ ‎ ‎ ‎ _______________________________________________ ‎ ‎ ‎ ‎ ‎ ‎ (qabul komissiyasi aʼzolari) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ KUN TARTIBI: ‎ ‎ (nomzodlarni oʻqishga qabul qilish masalasini koʻrib chiqish toʻgʻrisida) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ _________________________________________________________________________qabul komissiyasi ‎‎ (oliy harbiy taʼlim muassasasining nomi) ‎‎ Oʻzbekiston Respublikasi Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi tomonidan taqdim etilgan test sinovlari natijalariga asosan qaror qiladi: ‎‎ ____________________mutaxassisligi boʻyicha tanlov natijalari*: ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ T/r‎ Nomzodning F.I.O. Nomzodning maxsus kodi Test sinovlarida toʻplagan bali Imtiyoz‎ Umumiy ball ‎ Oʻqishga qabul qilinganligi yoki qabul qilinmaganligi haqida qayd yozuvi 1. ‎ ‎ 2.‎ ‎ ‎ 3.‎ ‎ ‎ 4.‎ ‎ ‎ 5.‎ ‎ ‎ 6.‎ ‎ ‎ ... ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Qabul komissiyasi aʼzolari ‎ ‎ _______________________________________________ ‎ ‎ ‎ ‎ ‎ ‎ (unvoni, F.I.O.) ‎ ‎ ‎ ‎ ‎ ‎ _______________________________________________ ‎ ‎ ‎ ‎ ‎ ‎ (unvoni, F.I.O.) ‎ Qabul komissiyasi ‎ masʼul kotibi: ‎ ‎ _______________________________________________ ‎ ‎ ‎ (unvoni, F.I.O.)

Oliy harbiy taʼlim muassasalari kursantlarini oʻqishdan chetlashtirish

Bosqichlar Subyektlar Tadbirlar Bajarish muddatlari 1-bosqich Oliy harbiy taʼlim muassasasining boʻlinma komandiri 1. Harbiy-tibbiy komissiyaning kursant sogʻligʻining holatiga koʻra OHTMda tahsil olishga yaroqsiz deb topgan xulosasiga asosan OHTMda oʻqishdan chetlashtirish yuzasidan hujjatlarni rasmiylashtirish. 2. Rasmiylashtirilgan hujjatlarni koʻrib chiqish uchun OHTM boshligʻiga taqdim etish. Xulosani olgandan boshlab besh kunda 1. Fanlarni oʻzlashtirmagan deb topilgan kursantni OHTMda oʻqishdan chetlashtirishga doir taqdimnomani rasmiylashtirish. 2. Taqdimnomani OHTM oʻquv boʻlimi bilan muvofiqlashtirilgan holda, Ilmiy kengash muhokamasiga taqdim etish. Fanlarni oʻzlashtirmagan deb topilgan kundan boshlab uch kunda 1. Nojoʻya xatti-harakatlar, tartibbuzarliklar sodir etgan kursant haqida OHTM boshligʻiga xizmat surishtiruvi tayinlash yuzasidan bildiruv berish. Bir kunda 2. Xizmat surishtiruvining natijalarini Ilmiy kengash muhokamasiga taqdim etish. Xizmat surishtiruvi xulosasini olgan kundan boshlab uch kunda 1. Oʻziga bogʻliq boʻlmagan asosli sabablar tufayli oʻqishni davom ettirishning imkoni yoʻqligi bois kursantni OHTMda oʻqishdan chetlashtirish yuzasidan taqdimnoma rasmiylashtirish. 2. Taqdimnomani vaziyatni tasdiqlovchi materiallar bilan koʻrib chiqish uchun Ilmiy kengash muhokamasiga taqdim etish. Bir kunda 1. Sud qaroriga koʻra OHTMga oʻqishga kirish bilan bogʻliq hujjatlar talablarini buzganlikda aybdor deb topilgan kursantni OHTMda oʻqishdan chetlashtirish yuzasidan hujjatlarni rasmiylashtirish. 2. Rasmiylashtirilgan hujjatlarni koʻrib chiqish uchun Ilmiy kengash muhokamasiga taqdim etish. Uch kunda 1. Oʻz xohishiga koʻra OHTMda oʻqishni davom ettirishni xohlamagan kursantni OHTMda oʻqishdan chetlashtirish yuzasidan hujjatlarni rasmiylashtirish. 2. Rasmiylashtirilgan hujjatlarni koʻrib chiqish uchun Ilmiy kengash muhokamasiga taqdim etish. Bir kunda 2-bosqich Oliy harbiy taʼlim muassasasi Ilmiy kengashi 1. Taqdim etilgan hujjatlarga asosan murojaatni chetlashtirilayotgan kursant ishtirokida koʻrib chiqish. Besh kunda 2. Qarorni bayonnoma bilan rasmiylashtirish. Bir kunda 3-bosqich Oliy harbiy taʼlim muassasasi boshligʻi 1. OHTM Ilmiy kengashi bayonnomasini tasdiqlash. 2. OHTM Ilmiy kengashi bayonnomasidan koʻchirma va oʻqishdan chetlashtirish uchun tayyorlangan hujjatlarni vazirliklar va idoralar markaziy apparatiga taqdim etish. Bir kunda 4-bosqich Vazirliklar markaziy apparatining oliy harbiy taʼlim muassasasi bilan ishlash boʻlinmasi Quyi bosqichdagi kursantlarga nisbatan: Oʻqishdan chetlashtirishga doir hujjatlarni oʻrganib chiqish va OHTM boshligʻiga mazkur masalani kelishilganligi toʻgʻrisida koʻrsatma yuborish. Uch kunda Bitiruvchi bosqichdagi kursantlarga nisbatan: 1. Oʻqishdan chetlashtirishga doir hujjatlarni oʻrganib chiqish natijalariga koʻra kursantni oʻqishdan chetlashtirishga doir hujjatlar asosli deb topilganda, vazirliklar va idoralar rahbarining taʼlim sohasi boʻyicha masʼul oʻrinbosarining buyrugʻi loyihasini tayyorlash va rasmiylashtirish. Besh kunda 2. Vazirliklar va idoralar rahbarining taʼlim sohasi boʻyicha masʼul oʻrinbosarining kursantni oʻqishdan chetlashtirish toʻgʻrisidagi buyrugʻini ijro qilish uchun OHTM boshligʻiga yuborish. Bir kunda 5-bosqich Oliy harbiy taʼlim muassasasi boshliqlari 1. Kursantni oʻqishdan chetlashtirish, u bilan tuzilgan shartnomani bekor qilish, OHTM kursantlari roʻyxatidan chiqarish va harbiy hisobga turish uchun mudofaa ishlari boʻlimiga yoxud xizmatni davom ettirishi uchun yoʻllangan harbiy qismga joʻnatish toʻgʻrisida buyruq chiqarish. Uch kunda 2. OHTM kursantlari roʻyxatidan chiqarilgan kursantning shaxsiy hujjatlari yigʻmajildini (shaxsiy hujjatlar, belgilangan shakldagi akademik maʼlumotnoma, OHTM Ilmiy kengashi bayonnomasidan koʻchirma va boshqa hujjatlar nusxasi tikib qoʻyilgan holda) harbiy hisobga turish uchun mudofaa ishlari boʻlimiga yoxud xizmatni davom ettirishi uchun yoʻllangan harbiy qismga joʻnatish. Bir kunda

Oliy harbiy taʼlim muassasalari kursantlarini qayta tiklash

Bosqichlar Subyektlar Tadbirlar Bajarish muddatlari 1-bosqich Oliy harbiy taʼlim muassasalaridan chetlashtirilgan kursantlar Oʻqishni qayta tiklash boʻyicha oliy harbiy taʼlim muassasalariga ariza (bildirgi) bilan murojaat qilish. Chetlashtirilganligiga bir yildan uch yilgacha boʻlgan muddatda har yili1-iyuldan 20-iyulgacha 2-bosqich Oliy harbiy taʼlim muassasalari Ilmiy kengashi 1. Taqdim etilgan hujjatlarga asosan murojaatni ariza beruvchi ishtirokida koʻrib chiqish. 2. Qarorni bayonnoma bilan rasmiylashtirish. 20-iyuldan 25-iyulgacha 3-bosqich Oliy harbiy taʼlim muassasalari Ilmiy kengashning bayonnomasidan koʻchirma va oʻqishga tiklash uchun tayyorlangan hujjatlar nusxasini vazirliklar markaziy apparatiga taqdim etish. 26-iyuldan 30-iyulgacha 4-bosqich Vazirliklar markaziy apparatining oliy harbiy taʼlim muassasalari bilan ishlash boʻlinmasi 1. Oʻqishga tiklashga doir hujjatlarni oʻrganib chiqish 2. Kursantni oʻqishga tiklash va oliy harbiy taʼlim muassasalari kursantlari roʻyxatiga kiritish toʻgʻrisidagi buyruq loyihasini tayyorlash. 1-avgustdan 5-avgustgacha 5-bosqich Oliy harbiy taʼlim muassasalari boshligʻi, vazirliklar rahbarining taʼlim sohasi boʻyicha masʼul oʻrinbosari Kursantni oʻqishga tiklash va oliy harbiy taʼlim muassasalari kursantlari roʻyxatiga kiritish toʻgʻrisidagi buyruqni qabul qilish. 10-avgustgacha

Oliy harbiy taʼlim muassasalariga oʻqishni qayta tiklash uchun taqdim etiladigan hujjatlar

1. Oʻqishni qayta tiklash haqidagi ariza (bildirgi) (arizada oʻqishini qayta tiklashni istagan OHTM va taʼlim yoʻnalishi (mutaxassisligi), oʻquv tili va shakli, oʻqigan OHTM va taʼlim yoʻnalishi (mutaxassisligi), oʻqishini qayta tiklash sabablari, qayta tiklash qoidalari bilan tanishganligi koʻrsatiladi).

2. Roʻyxatga olgan mudofaa ishlari boʻlimi boshligʻining tavsiyanomasi.

3. Oʻqishdan chetlashtirilgan vaqtida OHTM tomonidan berilgan akademik maʼlumotnoma.

4. Xizmat (ish) joyidan tavsifnoma.

5. Yashash joyidagi ichki ishlar boʻlimidan maʼlumotnoma.

6. Mudofaa ishlari boʻlimidan belgilangan shakldagi davlat sirlaridan foydalanishga doir ruxsatnoma (42-shakl).

7. Yashash joyidagi nazorat organlari bilan oʻqishdan chetlatilgan kursantning oʻqishga tiklash boʻyicha kelishilganligi haqida mudofaa ishlari boʻlimidan maʼlumotnoma.

8. Harbiy-tibbiy komissiyaning OHTMda oʻqishga yaroqlilik darajasi haqida ekspert hujjatlari.

9. Yashash joyidagi mudofaa ishlari boʻlimida harbiy hisobda turganligi haqida qayd qilingan harbiy guvohnomasining nusxasi.

10. Shaxsini tasdiqlovchi hujjatning doimiy roʻyxatda turish manzili koʻrsatilgan holdagi nusxasi (OHTM tomonidan ariza beruvchining oʻqishini tiklash masalasi ijobiy hal qilinganda, shaxsini tasdiqlovchi hujjatning asl nusxasi OHTMga saqlash uchun topshiriladi).

11. Oʻqishdan chetlashtirilgan kursantning shaxsiy hujjatlari yigʻmajildi (ariza beruvchi harbiy hisobda turgan mudofaa ishlari boʻlimi tomonidan belgilangan tartib va muddatda tegishli OHTMga joʻnatiladi).

Vazirlar Mahkamasining 2021-yil 27-dekabrdagi 775-son qaroriga 2-ILOVA

Oʻzbekiston Respublikasi oliy harbiy taʼlim muassasalarining

T/r Oliy harbiy taʼlim muassasasi nomi I. Oʻzbekiston Respublikasi Mudofaa vazirligi boʻyicha 1. Oʻzbekiston Respublikasi Harbiy xavfsizlik va mudofaa universiteti 2. Oʻzbekiston Respublikasi Harbiy xavfsizlik va mudofaa universitetining Harbiy tibbiyot instituti 3. Oʻzbekiston Respublikasi Harbiy xavfsizlik va mudofaa universitetining Quruqlikdagi qoʻshinlar instituti 4. Oʻzbekiston Respublikasi Harbiy xavfsizlik va mudofaa universitetining Harbiy aviatsiya instituti 5. Oʻzbekiston Respublikasi Harbiy xavfsizlik va mudofaa universitetining Axborot-kommunikatsiya texnologiyalari va harbiy aloqa instituti II. Oʻzbekiston Respublikasi Favqulodda vaziyatlar vazirligi boʻyicha 6. Oʻzbekiston Respublikasi Favqulodda vaziyatlar vazirligi akademiyasi III. Oʻzbekiston Respublikasi Davlat xavfsizlik xizmati boʻyicha 7. Amir Temur nomidagi Oʻzbekiston Respublikasi Davlat xavfsizlik xizmati akademiyasi IV. Oʻzbekiston Respublikasi Milliy gvardiyasi boʻyicha 8. Oʻzbekiston Respublikasi Jamoat xavfsizligi universiteti

Vazirlar Mahkamasining 2021-yil 27-dekabrdagi 775-son qaroriga 3-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

2. Vazirlar Mahkamasining 2017-yil 9-oktabrdagi 809-son qarori bilan tasdiqlangan Oʻzbekiston Respublikasi oliy taʼlim muassasalarining harbiy tayyorgarlik oʻquv boʻlinmalari toʻgʻrisidagi nizomda :

a) 1-bandning birinchi xatboshisi “harbiy taʼlim fakultetlari” soʻzlaridan keyin “harbiy tayyorgarlik oʻquv markazi” soʻzlari bilan toʻldirilsin;

b) 6-bandning ikkinchi xatboshisidagi “2 yil davomida, 2 va 3-kurslarda” soʻzlari “bir yil, 2-kursda” soʻzlari bilan almashtirilsin;

v) 24-bandda :

uchinchi xatboshi quyidagi tahrirda bayon etilsin:

“shaxsiy arizalariga binoan (OTM rektori nomiga, oʻzi yozgan) ixtiyoriy ravishda harbiy tayyorgarlikni oʻtash istagini bildirgan”;

quyidagi mazmundagi toʻrtinchi xatboshi bilan toʻldirilsin:

“salomatligi boʻyicha harbiy xizmatga yaroqli abituriyentlarga ruxsat beriladi”;

g) 26-bandda :

uchinchi xatboshi chiqarib tashlansin;

toʻrtinchi — oltinchi xatboshilar tegishlicha uchinchi — beshinchi xatboshilar deb hisoblansin;

d) 27-bandning birinchi xatboshisidagi “Talabalarni” soʻzi “Talabalar (fuqarolar)ni” soʻzlari bilan almashtirilsin;

e) 59-banddagi “3-kursi” soʻzlari “2-kursi” soʻzlari bilan almashtirilsin;

j) ilovaning izohida :

“, tibbiy koʻrik esa II-semestrda” soʻzlari chiqarib tashlansin;

“VI-semestrlarda” soʻzlari “IV-semestrlarda” soʻzlari bilan almashtirilsin.

3. Vazirlar Mahkamasining 2018-yil 3-apreldagi 261-son qarori bilan tasdiqlangan Oʻzbekiston Respublikasi oliy taʼlim muassasalarining bakalavriatiga oʻqishga qabul qilish uchun kirish test sinovlarini oʻtkazish tartibi toʻgʻrisidagi nizomning 2-bandidan “harbiy taʼlim muassasalariga va” soʻzlari chiqarib tashlansin.

Vazirlar Mahkamasining 2021-yil 27-dekabrdagi 775-son qaroriga 4-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan baʼzi qarorlari

1. Vazirlar Mahkamasining “Oʻzbekiston Respublikasi oliy harbiy taʼlim muassasalariga tanlash tartibi va qabul qilish qoidalari toʻgʻrisidagi nizomni tasdiqlash haqida” 2014-yil 3-iyundagi 141-son qarori .

2. Vazirlar Mahkamasining “Oʻzbekiston Respublikasi oliy harbiy taʼlim muassasalariga tanlash tartibi va qabul qilish qoidalari toʻgʻrisidagi nizomga oʻzgartirishlar kiritish toʻgʻrisida” 2015-yil 15-yanvardagi 6-son qarori .

3. Vazirlar Mahkamasining “Oliy taʼlim muassasalariga kirish test sinovlariga tayyorgarlik jarayoni optimallashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2016-yil 16-iyundagi 209-son qaroriga ilovaning 3-bandi .

5. Vazirlar Mahkamasining “Oʻzbekiston Respublikasi oliy harbiy taʼlim muassasalariga tanlash tartibi va qabul qilish qoidalari toʻgʻrisidagi nizomga oʻzgartirish va qoʻshimchalar kiritish haqida” 2017-yil 26-maydagi 320-son qarori .

6. Vazirlar Mahkamasining “Oʻzbekiston Respublikasi Ichki ishlar vazirligi akademiyasining kunduzgi va sirtqi taʼlim shakllariga nomzodlarni tanlash va oʻqishga qabul qilish tartibi toʻgʻrisidagi nizomlarni tasdiqlash haqida” 2017-yil 1-dekabrdagi 958-son qarorining 3-bandi .

7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2018-yil 9-yanvardagi 18-son qaroriga ilovaning 1-bandi .

8. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2018-yil 29-maydagi 396-son qaroriga ilovaning 71-bandi .

9. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2018-yil 20-sentabrdagi 748-son qaroriga ilovaning 34-bandi .

10. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish, shuningdek, ayrim qarorlarini oʻz kuchini yoʻqotgan deb hisoblash toʻgʻrisida” 2019-yil 11-martdagi 210-son qaroriga 1-ilovaning 4-bandi .

11. Vazirlar Mahkamasining “Oʻzbekiston Respublikasi Davlat bojxona qoʻmitasining Bojxona instituti bakalavriati va magistraturasiga oʻqishga qabul qilish tartibi toʻgʻrisidagi nizomlarni tasdiqlash haqida” 2019-yil 29-apreldagi 365-son qarorining 2-bandi va qarorga 3-ilova .

12. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2019-yil 27-iyundagi 529-son qaroriga ilovaning 1-bandi .

13. Vazirlar Mahkamasining “Oʻzbekiston Respublikasi Qurolli Kuchlari harbiy xizmatchilari va ularning oila aʼzolarini ijtimoiy qoʻllab-quvvatlash tizimini takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2019-yil 5-iyuldagi 562-son qaroriga ilovaning 2-bandi .

14. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2019-yil 6-dekabrdagi 973-son qaroriga 1-ilovaning 5-bandi .

15. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2020-yil 10-avgustdagi 470-son qaroriga ilovaning 1-bandi .

16. Vazirlar Mahkamasining “Amir Temur nomidagi Oʻzbekiston Respublikasi Davlat xavfsizlik xizmati akademiyasiga bakalavriat taʼlim yoʻnalishi boʻyicha kunduzgi taʼlim shaklida oʻqishga nomzodlarni saralab olish va qabul qilish tartibi toʻgʻrisidagi nizomni tasdiqlash haqida” 2021-yil 27-apreldagi 241-son qarorining 2-bandi .

17. Vazirlar Mahkamasining “Oʻzbekiston Respublikasi Jamoat xavfsizligi universitetiga nomzodlarni saralab olish va oʻqishga qabul qilish tartibi toʻgʻrisidagi nizomni tasdiqlash haqida” 2021-yil 6-avgust 500-son qaroriga 2-ilovaning 1-bandi .

18. Vazirlar Mahkamasining “Oliy harbiylashtirilgan taʼlim muassasalari toʻgʻrisidagi nizomni tasdiqlash haqida” 2021-yil 22-oktabrdagi 655-son qaroriga 3-ilovaning 1-bandi .

Oʻzbekiston Respublikasining Bosh vaziri A. ARIPOV

Toshkent sh.,

2021-yil 27-dekabr,

775-son

(Qonunchilik maʼlumotlari milliy bazasi, 28.12.2021-y., 09/21/775/1206-son; 05.07.2022-y., 09/22/359/0594-son; 03.07.2023-y., 09/23/266/0437-son; 25.10.2023-y., 09/23/560/0796-son; 15.02.2025-y., 09/25/67/0145-son; 08.08.2025-y., 09/25/504/0707-son; 15.09.2025-y., 09/25/578/0826-son; 04.11.2025-y., 09/25/688/1005-son; 16.12.2025-y., 09/25/791/1167-son; 25.12.2025-y., 09/25/821/1211-son; 17.04.2026-y., 09/26/175/0373-son; 18.04.2026-y., 09/26/181/0382-son)

lex.uz