📅 2021-yil 28-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 28 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 28 декабря 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 28 December 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Коронавирус пандемияси даврида тадбиркорлик субъектларини қўллаб-қувватлаш мақсадида Осиё инфратузилмавий инвестициялар банки кредит линиясини жалб қилиш ва ундан фойдаланиш чора-тадбирлари тўғрисида
Коронавирус глобал пандемиясининг салбий оқибатларига қарши курашишда чет эл кредит линиялари маблағларидан фойдаланиш ҳамда улар орқали тадбиркорлик субъектларининг молиявий барқарорлигини таъминлаш ва фаолияти самарадорлигини ошириш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Коронавирус пандемияси даврида аҳоли, бюджет, базавий инфратузилма ва тадбиркорлик субъектларини қўллаб-қувватлаш учун ташқи ёрдам маблағларини жалб қилиш чора-тадбирлари тўғрисида» 2020 йил 22 апрелдаги ПҚ-4691-сон қарорига мувофиқ:
Ўзбекистон Республикаси Инвестициялар ва ташқи савдо вазирлиги, Молия вазирлиги ва «Ўзбекистон Республикаси Ташқи иқтисодий фаолияти миллий банки» акциядорлик жамияти (кейинги ўринларда — «Ўзмиллийбанк» АЖ) томонидан Осиё инфратузилмавий инвестициялар банкининг (кейинги ўринларда — ОИИБ) умумий қиймати 200 млн АҚШ долларига тенг кредит линиясини жалб қилиш бўйича дастлабки келишувларга эришилгани;
ушбу келишувларга кўра, ОИИБнинг кредит линияси давлат кафолати остида бир нечта траншлар асосида, жумладан, ҳар битта транш 5 йил муддатга 2 йиллик имтиёзли давр билан, фоиз ставкаси 6 ойлик Либор плюс йиллик 0,65 фоиз, ОИИБнинг 0,25 фоиз бошланғич бир марталик ташкилий комиссияси ва йиллик 0,25 фоиз кредит линиясининг фойдаланилмаган қисми учун ҳисобланиладиган мажбурият комиссияси билан жалб қилиниши;
жалб қилинадиган маблағлар коронавирус пандемияси оқибатларидан жабрланган тадбиркорлик субъектларини қўллаб-қувватлаш ва ўз фаолиятини тиклашга, уларни айланма маблағлар билан таъминлаш ва ишлаб чиқариш қувватларини оширишга, шу жумладан ишлаб чиқариш, қишлоқ хўжалиги, улгуржи ва чакана савдо, умумий овқатланиш ва транспорт соҳаларидаги лойиҳаларни молиялаштиришга йўналтирилиши маълумот учун қабул қилинсин.
2. «Ўзмиллийбанк» АЖ ОИИБ томонидан ажратиладиган кредит линияси бўйича қарз олувчи ҳисобланади ва унга ОИИБ кредит линиясини жалб қилиш бўйича тегишли қарз шартномасини имзолаш тавсия этилсин.
«Ўзмиллийбанк» АЖга жалб қилинаётган ОИИБ кредит линиясининг мақсадли ва самарали фойдаланилиши юзасидан масъул ижро органи вазифаси юклансин.
«Ўзмиллийбанк» АЖ ОИИБ томонидан ажратиладиган кредит линиясининг мақсадли ва самарали фойдаланилиши, шу жумладан кредит ҳисобига амалга ошириладиган лойиҳалар (лойиҳанинг самарадорлиги, натижадорлиги, кредитни тўлиқ қайтариш муддатлари ва лойиҳа қийматларини мақбуллаштиришни кўрсатган ҳолда) бўйича ҳар чоракда Вазирлар Маҳкамасига ахборот киритиб борсин.
«Ўзмиллийбанк» АЖга ОИИБнинг жалб қилинган маблағларини қайтариш билан боғлиқ харажатлар, шу жумладан, фоизлар, бошланғич бир марталик ташкилий комиссия ва мажбурият комиссияси ҳақларини тўлаш ва бошқа харажатлар бўйича тўловлар «Ўзмиллийбанк» АЖ маблағлари ҳисобидан амалга оширилиши тавсия этилсин.
3. Ўзбекистон Республикаси молия вазирига тузилаётган қарз шартномаси бўйича «Ўзмиллийбанк» АЖнинг ОИИБ олдидаги кредит мажбуриятлари юзасидан белгиланган тартибда ОИИБ томонидан талаб этилган шаклда давлат кафолатини бериш ваколати берилсин.
Ўзбекистон Республикасининг давлат кафолати учун тўловлар қарзнинг қолдиқ суммасига (қарзни қоплаш жадвалига мувофиқ) йиллик 0,5 фоиз миқдорида белгилансин.
4. Ўзбекистон Республикаси Адлия вазирлиги Ўзбекистон Республикаси давлат кафолати юзасидан ОИИБ томонидан талаб этилган шаклда белгиланган тартибда юридик хулоса берсин.
5. «Ўзмиллийбанк» АЖга жалб қилинаётган ОИИБнинг кредит линиясини жозибадорлигини ошириш ва маблағларнинг фойдаланиш самарадорлигини таъминлаш мақсадида, ОИИБ билан кредит линияси жалб қилиниши ва молиялаштириш тартиби юзасидан қўшимча музокаралар олиб борилишига рухсат берилсин.
«Ўзмиллийбанк» АЖга музокаралар якуни бўйича ОИИБ билан тузилиши мўлжалланган қарз шартномаси шартларига Молия вазирлиги билан келишилган ҳолда ўзгартириш киритиш ваколати берилсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С.У. Умурзаков зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2021 йил 28 декабрь,
780-сон
Oʻzbekiston Respublikasi Vazirlar Mahkamasining
qarori
Koronavirus pandemiyasi davrida tadbirkorlik subyektlarini qoʻllab-quvvatlash maqsadida Osiyo infratuzilmaviy investitsiyalar banki kredit liniyasini jalb qilish va undan foydalanish chora-tadbirlari toʻgʻrisida
Koronavirus global pandemiyasining salbiy oqibatlariga qarshi kurashishda chet el kredit liniyalari mablagʻlaridan foydalanish hamda ular orqali tadbirkorlik subyektlarining moliyaviy barqarorligini taʼminlash va faoliyati samaradorligini oshirish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Koronavirus pandemiyasi davrida aholi, budjet, bazaviy infratuzilma va tadbirkorlik subyektlarini qoʻllab-quvvatlash uchun tashqi yordam mablagʻlarini jalb qilish chora-tadbirlari toʻgʻrisida” 2020-yil 22-apreldagi PQ-4691-son qaroriga muvofiq:
Oʻzbekiston Respublikasi Investitsiyalar va tashqi savdo vazirligi, Moliya vazirligi va “Oʻzbekiston Respublikasi Tashqi iqtisodiy faoliyati milliy banki” aksiyadorlik jamiyati (keyingi oʻrinlarda — “Oʻzmilliybank” AJ) tomonidan Osiyo infratuzilmaviy investitsiyalar bankining (keyingi oʻrinlarda — OIIB) umumiy qiymati 200 mln AQSh dollariga teng kredit liniyasini jalb qilish boʻyicha dastlabki kelishuvlarga erishilgani;
ushbu kelishuvlarga koʻra, OIIBning kredit liniyasi davlat kafolati ostida bir nechta transhlar asosida, jumladan, har bitta transh 5 yil muddatga 2 yillik imtiyozli davr bilan, foiz stavkasi 6 oylik Libor plyus yillik 0,65 foiz, OIIBning 0,25 foiz boshlangʻich bir martalik tashkiliy komissiyasi va yillik 0,25 foiz kredit liniyasining foydalanilmagan qismi uchun hisoblaniladigan majburiyat komissiyasi bilan jalb qilinishi;
jalb qilinadigan mablagʻlar koronavirus pandemiyasi oqibatlaridan jabrlangan tadbirkorlik subyektlarini qoʻllab-quvvatlash va oʻz faoliyatini tiklashga, ularni aylanma mablagʻlar bilan taʼminlash va ishlab chiqarish quvvatlarini oshirishga, shu jumladan ishlab chiqarish, qishloq xoʻjaligi, ulgurji va chakana savdo, umumiy ovqatlanish va transport sohalaridagi loyihalarni moliyalashtirishga yoʻnaltirilishi maʼlumot uchun qabul qilinsin.
2. “Oʻzmilliybank” AJ OIIB tomonidan ajratiladigan kredit liniyasi boʻyicha qarz oluvchi hisoblanadi va unga OIIB kredit liniyasini jalb qilish boʻyicha tegishli qarz shartnomasini imzolash tavsiya etilsin.
“Oʻzmilliybank” AJga jalb qilinayotgan OIIB kredit liniyasining maqsadli va samarali foydalanilishi yuzasidan masʼul ijro organi vazifasi yuklansin.
“Oʻzmilliybank” AJ OIIB tomonidan ajratiladigan kredit liniyasining maqsadli va samarali foydalanilishi, shu jumladan kredit hisobiga amalga oshiriladigan loyihalar (loyihaning samaradorligi, natijadorligi, kreditni toʻliq qaytarish muddatlari va loyiha qiymatlarini maqbullashtirishni koʻrsatgan holda) boʻyicha har chorakda Vazirlar Mahkamasiga axborot kiritib borsin.
“Oʻzmilliybank” AJga OIIBning jalb qilingan mablagʻlarini qaytarish bilan bogʻliq xarajatlar, shu jumladan, foizlar, boshlangʻich bir martalik tashkiliy komissiya va majburiyat komissiyasi haqlarini toʻlash va boshqa xarajatlar boʻyicha toʻlovlar “Oʻzmilliybank” AJ mablagʻlari hisobidan amalga oshirilishi tavsiya etilsin.
3. Oʻzbekiston Respublikasi moliya vaziriga tuzilayotgan qarz shartnomasi boʻyicha “Oʻzmilliybank” AJning OIIB oldidagi kredit majburiyatlari yuzasidan belgilangan tartibda OIIB tomonidan talab etilgan shaklda davlat kafolatini berish vakolati berilsin.
Oʻzbekiston Respublikasining davlat kafolati uchun toʻlovlar qarzning qoldiq summasiga (qarzni qoplash jadvaliga muvofiq) yillik 0,5 foiz miqdorida belgilansin.
4. Oʻzbekiston Respublikasi Adliya vazirligi Oʻzbekiston Respublikasi davlat kafolati yuzasidan OIIB tomonidan talab etilgan shaklda belgilangan tartibda yuridik xulosa bersin.
5. “Oʻzmilliybank” AJga jalb qilinayotgan OIIBning kredit liniyasini jozibadorligini oshirish va mablagʻlarning foydalanish samaradorligini taʼminlash maqsadida, OIIB bilan kredit liniyasi jalb qilinishi va moliyalashtirish tartibi yuzasidan qoʻshimcha muzokaralar olib borilishiga ruxsat berilsin.
“Oʻzmilliybank” AJga muzokaralar yakuni boʻyicha OIIB bilan tuzilishi moʻljallangan qarz shartnomasi shartlariga Moliya vazirligi bilan kelishilgan holda oʻzgartirish kiritish vakolati berilsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 28-dekabr,
780-son