📅 2021-yil 28-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 28 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 28 декабря 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 28 December 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Вазирлар Маҳкамасининг «Тошкент шаҳрининг марказий қисмида кўп тармоқли комплекс қурилишини ташкил этиш чора-тадбирлари тўғрисида» 2018 йил 5 декабрдаги 991-сон қарорига ўзгартиришлар киритиш ҳақида
Иқтисодиётнинг молиявий секторига хорижий инвестицияларни жалб этиш, шунингдек Тошкент шаҳрининг туристик салоҳиятини ошириш ҳамда ушбу соҳасидаги инвестиция лойиҳаларининг ўз вақтида амалга оширилишини таъминлаш мақсадида Вазирлар Маҳкамаси қарор қилади:
1. Вазирлар Маҳкамасининг «Тошкент шаҳрининг марказий қисмида кўп тармоқли комплекс қурилишини ташкил этиш чора-тадбирлари тўғрисида» 2018 йил 5 декабрдаги 991-сон қарорига иловага мувофиқ ўзгартиришлар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С.У. Умурзаков зиммасига юклансин.
Вазирлар Маҳкамасининг 2021 йил 28 декабрдаги 783-сон қарорига ИЛОВА
Вазирлар Маҳкамасининг «Тошкент шаҳрининг марказий қисмида кўп тармоқли комплекс қурилишини ташкил этиш чора-тадбирлари тўғрисида» 2018 йил 5 декабрдаги 991-сон қарорига киритилаётган ўзгартиришлар
1. 2-банддаги «2020» рақами «2022» рақами билан алмаштирилсин.
2. 5-банднинг учинчи хатбошисидаги «омборларда» сўзи «ўз омборларида» сўзлари билан алмаштирилсин.
3. 6-бандда :
биринчи хатбошидаги «1 январга қадар» сўзлари «31 декабрга қадар» сўзлари билан алмаштирилсин;
«а» кичик банди тўртинчи ва бешинчи хатбошилари қуйидаги таҳрирда баён этилсин:
«белгиланган тартибда шакллантириладиган рўйхатлар бўйича олиб келинадиган материаллар (шу жумладан мебель ва жиҳозлар), хом ашё, ускуналар, технологик ҳужжатлар, бутловчи буюмлар ва эҳтиёт қисмлар, шунингдек, металл прокати, асбоблар-ускуналар учун божхона тўловлари тўлашдан (божхона расмийлаштируви йиғимларидан ташқари);
белгиланган тартибда тасдиқланадиган рўйхатлар бўйича «вақтинча олиб кириш» божхона режимида олиб келинадиган қурилиш техникаси, машина ва механизмлар, асбоб-ускуналар, вақтинчалик бино ва иншоотлар, транспорт воситалари даврий божхона тўловлари тўлашдан».
Ўзбекистон Республикасининг Бош вазири А. АРИПОВ
Тошкент ш.,
2021 йил 28 декабрь,
783-сон
Oʻzbekiston Respublikasi Vazirlar Mahkamasining
qarori
Vazirlar Mahkamasining “Toshkent shahrining markaziy qismida koʻp tarmoqli kompleks qurilishini tashkil etish chora-tadbirlari toʻgʻrisida” 2018-yil 5-dekabrdagi 991-son qaroriga oʻzgartirishlar kiritish haqida
Iqtisodiyotning moliyaviy sektoriga xorijiy investitsiyalarni jalb etish, shuningdek Toshkent shahrining turistik salohiyatini oshirish hamda ushbu sohasidagi investitsiya loyihalarining oʻz vaqtida amalga oshirilishini taʼminlash maqsadida Vazirlar Mahkamasi qaror qiladi:
1. Vazirlar Mahkamasining “Toshkent shahrining markaziy qismida koʻp tarmoqli kompleks qurilishini tashkil etish chora-tadbirlari toʻgʻrisida” 2018-yil 5-dekabrdagi 991-son qaroriga ilovaga muvofiq oʻzgartirishlar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov zimmasiga yuklansin.
Vazirlar Mahkamasining 2021-yil 28-dekabrdagi 783-son qaroriga ILOVA
Vazirlar Mahkamasining “Toshkent shahrining markaziy qismida koʻp tarmoqli kompleks qurilishini tashkil etish chora-tadbirlari toʻgʻrisida” 2018-yil 5-dekabrdagi 991-son qaroriga kiritilayotgan oʻzgartirishlar
1. 2-banddagi “2020” raqami “2022” raqami bilan almashtirilsin.
2. 5-bandning uchinchi xatboshisidagi “omborlarda” soʻzi “oʻz omborlarida” soʻzlari bilan almashtirilsin.
3. 6-bandda :
birinchi xatboshidagi “1-yanvarga qadar” soʻzlari “31-dekabrga qadar” soʻzlari bilan almashtirilsin;
“a” kichik bandi toʻrtinchi va beshinchi xatboshilari quyidagi tahrirda bayon etilsin:
“belgilangan tartibda shakllantiriladigan roʻyxatlar boʻyicha olib kelinadigan materiallar (shu jumladan mebel va jihozlar), xomashyo, uskunalar, texnologik hujjatlar, butlovchi buyumlar va ehtiyot qismlar, shuningdek, metall prokati, asboblar-uskunalar uchun bojxona toʻlovlari toʻlashdan (bojxona rasmiylashtiruvi yigʻimlaridan tashqari);
belgilangan tartibda tasdiqlanadigan roʻyxatlar boʻyicha “vaqtincha olib kirish” bojxona rejimida olib kelinadigan qurilish texnikasi, mashina va mexanizmlar, asbob-uskunalar, vaqtinchalik bino va inshootlar, transport vositalari davriy bojxona toʻlovlari toʻlashdan”.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 28-dekabr,
783-son