📅 2022-yil 2-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 2 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 2 января 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 2 January 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
Автомобиль транспорти соҳасида давлат иштирокидаги корхоналарга хусусий секторни жалб қилиш тўғрисида
[Кўчирма]
Республикада давлатнинг иқтисодиётдаги иштирокини қисқартириш, автомобиль транспорти соҳасида самарали ва рақобатбардош муҳитни шакллантириш, хусусий сектор ролини ошириш, ислоҳотлар жараёнида хусусий капитал иштироки учун кенгроқ имкониятлар яратиш мақсадида Вазирлар Маҳкамаси қарор қилади:
1. Қуйидагилар:
Ўзбекистон Республикаси Президентининг «Автомобиль транспортини бошқариш тизимини янада такомиллаштириш чора-тадбирлари тўғрисида» 2018 йил 6 мартдаги ПҚ-3589-сон қарорига мувофиқ Наманган, Қашқадарё, Самарқанд, Тошкент, Сурхондарё ва Хоразм вилоятларида ҳамда Қорақалпоғистон Республикасида Транспорт вазирлиги ҳузурида йўловчиларга сифатли автотранспорт хизматлари кўрсатиш учун ташкилотлар ташкил қилинганлиги ва ушбу ташкилотлар истиқболсиз, зарар билан ишлаётганлиги ва уларнинг рентабеллилиги пастлиги;
Ўзбекистон Республикаси Президентининг «Вақтинчалик меҳнат фаолиятини олиб бориш учун республика ҳудудидан транспорт орқали чет элга жўнаб кетиш вақтида Ўзбекистон Республикаси фуқароларининг хавфсизлигини таъминлаш чора-тадбирлари тўғрисида» 2018 йил 5 мартдаги ПҚ-3584-сон қарорига мувофиқ «Ўзмиллийбанк» акциядорлик жамиятига ташкил этилаётган Автобусда йўловчиларни халқаро ташиш бўйича ихтисослаштирилган компания устав фондидаги улушини кейинчалик бозор нархи бўйича бошқа инвесторга сотиш ҳуқуқи берилганлиги;
Ўзбекистон Республикаси Президентининг «Давлат иштирокидаги корхоналарни ислоҳ қилишни жадаллаштириш ҳамда давлат активларини хусусийлаштиришга оид чора-тадбирлар тўғрисида» 2020 йил 27 октябрдаги ПФ-6096-сон Фармонига мувофиқ давлат унитар корхоналари хўжалик жамиятларига ўзгартирилган ҳолда уларнинг давлат акциялари пакети (улуши) сотилишига доир тартиб белгиланганлиги маълумот учун қабул қилинсин.
2. Ўзбекистон Республикаси Транспорт вазирлиги, Давлат активларини бошқариш агентлиги, Монополияга қарши курашиш қўмитаси, Иқтисодий тараққиёт ва камбағалликни қисқартириш вазирлиги ва Молия вазирлигининг иловада назарда тутилган Транспорт вазирлиги ҳузуридаги автомобиль транспорти соҳасидаги корхоналарни масъулияти чекланган жамиятларга ўзгартирган ҳолда, улардаги давлат улушларини инвестиция ва ижтимоий мажбуриятларни қабул қилиш шарти билан баҳоланган нархда оммавий савдолар орқали хусусий секторга сотиш тўғрисидаги таклифига розилик берилсин.
3. Давлат улушлари инвестиция ва ижтимоий мажбуриятларни қабул қилиш шарти билан баҳоланган нархда «E-auksion» электрон савдо платформасида сотиладиган корхоналар рўйхати иловага мувофиқ тасдиқлансин.
4. Давлат улушларини сотишда қуйидаги инвестиция ва ижтимоий мажбуриятлар белгилансин:
иш фаолиятини камида 5 йил давомида жамоат транспорти соҳасида амалга ошириш ҳамда биринчи навбатда қишлоқ ҳудудларини туман ва вилоят марказлари билан боғловчи йўналишларда фаолият юритиш;
бир йил муддатда иш фаолиятига замонавий ахборот-коммуникация технологияларини (GPS қурилмалари, электрон тўлов тизимлари) жорий этиш.
5. Давлат активларини бошқариш агентлиги:
танлаб олинган инвесторлар билан тегишли шартнома тузилишини ҳамда қабул қилинган инвестиция ва ижтимоий мажбуриятлар бажарилиши юзасидан мониторинг олиб борилишини;
инвестиция мажбуриятлари белгиланган тартибда тўлиқ бажарилган деб эътироф этилгандан сўнг, ташаббускор инвесторларга мазкур объектларга нисбатан «тасарруф этиш ҳуқуқи» билан мулк ҳуқуқини тасдиқловчи давлат ордери берилишини таъминласин.
6. Давлат активларини бошқариш агентлигига аукцион савдолари ҳақида ўз расмий веб-сайтлари орқали эълонлар берган ҳолда инвесторларни жалб қилиш бўйича зарурий чораларни кўриш топширилсин.
8. Транспорт вазирлиги «Ўзмиллийбанк» АЖ билан биргаликда шаҳарлараро (вилоятлараро) автобус йўналишларида транспорт хизматлари сифатини ошириш мақсадида, «Uzautotrans Service» МЧЖнинг халқаро йўналишларга жалб қилинмаётган автобуслари (бириктирилган йўналишларини сақлаган ҳолда) фаолиятига хусусий секторни жалб қилиш чораларини кўрсин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов зиммасига юклансин.
Вазирлар Маҳкамасининг 2022 йил 2 январдаги 2-сон қарорига ИЛОВА
Давлат улушлари инвестициявий ва ижтимоий мажбуриятларни қабул қилиш шарти билан баҳоланган нархда «E-auksion» электрон савдо платформасида сотиладиган корхоналар
Т/р Номи Ҳудуд СТИР 1. «Avtotrans Chimboy» ДУК Қорақалпоғистон Республикаси 305801748 2. «Avtotrans Qarshi» ДУК Қашқадарё вилояти 305805504 3. «Avtotrans Kosonsoy» ДУК Наманган вилояти 305801945 4. «Avtotrans Urgut» ДУК Самарқанд вилояти 305802793 5. «Avtotrans Xorazm» ДУК Хоразм вилояти 305908842 6. «Avtotrans Angor» ДУК Сурхондарё вилояти 305802169 7. « N urafshon Avtotrans Servis» ДУК Тошкент вилояти 305424536 8. «Trans avto qarshi» УК Қашқадарё вилояти 307636247
Ўзбекистон Республикасининг Бош вазири А. АРИПОВ
Тошкент ш.,
2022 йил 2 январь,
2-сон
Oʻzbekiston Respublikasi Vazirlar Mahkamasining
qarori
ROʻYXATI
Avtomobil transporti sohasida davlat ishtirokidagi korxonalarga xususiy sektorni jalb qilish toʻgʻrisida
[Koʻchirma]
Respublikada davlatning iqtisodiyotdagi ishtirokini qisqartirish, avtomobil transporti sohasida samarali va raqobatbardosh muhitni shakllantirish, xususiy sektor rolini oshirish, islohotlar jarayonida xususiy kapital ishtiroki uchun kengroq imkoniyatlar yaratish maqsadida Vazirlar Mahkamasi qaror qiladi:
1. Quyidagilar:
Oʻzbekiston Respublikasi Prezidentining “Avtomobil transportini boshqarish tizimini yanada takomillashtirish chora-tadbirlari toʻgʻrisida” 2018-yil 6-martdagi PQ-3589-son qaroriga muvofiq Namangan, Qashqadaryo, Samarqand, Toshkent, Surxondaryo va Xorazm viloyatlarida hamda Qoraqalpogʻiston Respublikasida Transport vazirligi huzurida yoʻlovchilarga sifatli avtotransport xizmatlari koʻrsatish uchun tashkilotlar tashkil qilinganligi va ushbu tashkilotlar istiqbolsiz, zarar bilan ishlayotganligi va ularning rentabelliligi pastligi;
Oʻzbekiston Respublikasi Prezidentining “Vaqtinchalik mehnat faoliyatini olib borish uchun respublika hududidan transport orqali chet elga joʻnab ketish vaqtida Oʻzbekiston Respublikasi fuqarolarining xavfsizligini taʼminlash chora-tadbirlari toʻgʻrisida” 2018-yil 5-martdagi PQ-3584-son qaroriga muvofiq “Oʻzmilliybank” aksiyadorlik jamiyatiga tashkil etilayotgan Avtobusda yoʻlovchilarni xalqaro tashish boʻyicha ixtisoslashtirilgan kompaniya ustav fondidagi ulushini keyinchalik bozor narxi boʻyicha boshqa investorga sotish huquqi berilganligi;
Oʻzbekiston Respublikasi Prezidentining “Davlat ishtirokidagi korxonalarni isloh qilishni jadallashtirish hamda davlat aktivlarini xususiylashtirishga oid chora-tadbirlar toʻgʻrisida” 2020-yil 27-oktabrdagi PF-6096-son Farmoniga muvofiq davlat unitar korxonalari xoʻjalik jamiyatlariga oʻzgartirilgan holda ularning davlat aksiyalari paketi (ulushi) sotilishiga doir tartib belgilanganligi maʼlumot uchun qabul qilinsin.
2. Oʻzbekiston Respublikasi Transport vazirligi, Davlat aktivlarini boshqarish agentligi, Monopoliyaga qarshi kurashish qoʻmitasi, Iqtisodiy taraqqiyot va kambagʻallikni qisqartirish vazirligi va Moliya vazirligining ilovada nazarda tutilgan Transport vazirligi huzuridagi avtomobil transporti sohasidagi korxonalarni masʼuliyati cheklangan jamiyatlarga oʻzgartirgan holda, ulardagi davlat ulushlarini investitsiya va ijtimoiy majburiyatlarni qabul qilish sharti bilan baholangan narxda ommaviy savdolar orqali xususiy sektorga sotish toʻgʻrisidagi taklifiga rozilik berilsin.
3. Davlat ulushlari investitsiya va ijtimoiy majburiyatlarni qabul qilish sharti bilan baholangan narxda “E-auksion” elektron savdo platformasida sotiladigan korxonalar roʻyxati ilovaga muvofiq tasdiqlansin.
4. Davlat ulushlarini sotishda quyidagi investitsiya va ijtimoiy majburiyatlar belgilansin:
ish faoliyatini kamida 5 yil davomida jamoat transporti sohasida amalga oshirish hamda birinchi navbatda qishloq hududlarini tuman va viloyat markazlari bilan bogʻlovchi yoʻnalishlarda faoliyat yuritish;
bir yil muddatda ish faoliyatiga zamonaviy axborot-kommunikatsiya texnologiyalarini (GPS qurilmalari, elektron toʻlov tizimlari) joriy etish.
5. Davlat aktivlarini boshqarish agentligi:
tanlab olingan investorlar bilan tegishli shartnoma tuzilishini hamda qabul qilingan investitsiya va ijtimoiy majburiyatlar bajarilishi yuzasidan monitoring olib borilishini;
investitsiya majburiyatlari belgilangan tartibda toʻliq bajarilgan deb eʼtirof etilgandan soʻng, tashabbuskor investorlarga mazkur obyektlarga nisbatan “tasarruf etish huquqi” bilan mulk huquqini tasdiqlovchi davlat orderi berilishini taʼminlasin.
6. Davlat aktivlarini boshqarish agentligiga auksion savdolari haqida oʻz rasmiy veb-saytlari orqali eʼlonlar bergan holda investorlarni jalb qilish boʻyicha zaruriy choralarni koʻrish topshirilsin.
8. Transport vazirligi “Oʻzmilliybank” AJ bilan birgalikda shaharlararo (viloyatlararo) avtobus yoʻnalishlarida transport xizmatlari sifatini oshirish maqsadida, “Uzautotrans Service” MCHJning xalqaro yoʻnalishlarga jalb qilinmayotgan avtobuslari (biriktirilgan yoʻnalishlarini saqlagan holda) faoliyatiga xususiy sektorni jalb qilish choralarini koʻrsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov zimmasiga yuklansin.
Vazirlar Mahkamasining 2022-yil 2-yanvardagi 2-son qaroriga ILOVA
Davlat ulushlari investitsiyaviy va ijtimoiy majburiyatlarni qabul qilish sharti bilan baholangan narxda “E-auksion” elektron savdo platformasida sotiladigan korxonalar
T/r Nomi Hudud STIR 1. “Avtotrans Chimboy” DUK Qoraqalpogʻiston Respublikasi 305801748 2. “Avtotrans Qarshi” DUK Qashqadaryo viloyati 305805504 3. “Avtotrans Kosonsoy” DUK Namangan viloyati 305801945 4. “Avtotrans Urgut” DUK Samarqand viloyati 305802793 5. “Avtotrans Xorazm” DUK Xorazm viloyati 305908842 6. “Avtotrans Angor” DUK Surxondaryo viloyati 305802169 7. “ N urafshon Avtotrans Servis” DUK Toshkent viloyati 305424536 8. “Trans avto qarshi” UK Qashqadaryo viloyati 307636247
Oʻzbekiston Respublikasining Bosh vaziri A. ARIPOV
Toshkent sh.,
2022-yil 2-yanvar,
2-son