📅 2022-yil 13-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 13 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 января 2022 г. · Постановления Президента
Официальный текст. Официальный документ. Редакционные примечания не включены.
📅 13 January 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ПРОГНОЗ ПАРАМЕТРЛАРИ
ПРОГНОЗ ПАРАМЕТРЛАРИ
Балиқчилик тармоғини янада ривожлантиришнинг қўшимча чора-тадбирлари тўғрисида
Балиқчилик соҳасини янада ривожлантириш, балиқ маҳсулотлари турларини кўпайтириш, экспорт салоҳиятини ошириш, мавжуд ҳавзалар имкониятларидан самарали фойдаланиш, интенсив технологиялар асосида балиқ етиштириш ҳажмларини кўпайтириш ҳамда балиқчилик хўжаликларининг озуқа базасини мустаҳкамлаш мақсадида:
1. Иқтисодий тараққиёт ва камбағалликни қисқартириш вазирлиги, Қорақалпоғистон Республикаси Вазирлар Кенгаши, вилоятлар ҳокимликлари ва «Ўзбекбалиқсаноат» уюшмасининг Жиззах вилояти, Шароф Рашидов туманида ташкил этилган балиқчилик кластерининг аҳоли хонадонлари билан кооперация асосида ишлаш тажрибасини (кейинги ўринларда — кооперация) ҳар бир вилоятда жорий этиш тўғрисидаги таклифи маъқуллансин.
Бунда, кооперация асосида хонадонларда балиқ етиштириш қуйидаги тартибда амалга оширилиши белгилансин:
балиқчилик хўжаликлари хонадон эгаларини балиқ етиштириш бўйича ўқитишни ташкил этади, уларга балиқ етиштириш учун зарур бўлган асбоб-ускуналар, балиқ чавоқлари, омухта ем, минерал ўғитларни етказиб беради ҳамда улар томонидан етиштирилган балиқни келишилган нархларда сотиб олади;
хонадон эгалари ўз хонадонларида балиқчилик хўжаликлари томонидан етказиб берилган маҳсулотлардан фойдаланган ҳолда интенсив усулда етиштирилган балиқларни келишилган нархларда уларга сотади.
2. Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман ҳокимларининг ёрдамчилари хонадон эгалари билан ҳамкорликда кооперация асосида хонадонларда балиқ етиштириш бўйича ташаббускор балиқчилик хўжаликларининг рўйхатини шакллантирсин ҳамда «Ўзбекбалиқсаноат» уюшмаси билан биргаликда лойиҳаларни амалга оширишда амалий ёрдам кўрсатиб борсин.
3. Белгилансинки:
2022 йил 1 февралдан бошлаб жисмоний шахсларга ўзини ўзи банд қилган шахс сифатида ўз хонадонида балиқ етиштиришни йўлга қўйишга рухсат берилади;
2022 йил 1 февралдан 2025 йил 1 январга қадар балиқчиликни интенсивлаштириш учун зарур бўлган асбоб-ускуналар ва технологиялар (аэратор, бассейн, автокормушка, УЗВ) ҳамда қайта ишлаш ускуналарини ишлаб чиқаришни йўлга қўйган, бироқ даромадининг 80 фоизидан ортиғини ушбу ускуналарни ишлаб чиқаришдан оладиган субъектлар учун фойда солиғи (тижорат банкларида жойлаштирилган маблағлардан олинган фоизлардан ташқари), юридик шахслардан олинадиган ер солиғи, юридик шахсларнинг мол-мулкига солинадиган солиқ ва сув ресурсларидан фойдаланганлик учун солиқ ставкалари 50 фоизга камайтирилади;
балиқ етиштирувчи хонадон эгаларига ер солиғи ва мол-мулк солиғи ставкаси 50 фоиз миқдорида белгиланади.
4. Қуйидагилар:
2022 йилда Қорақалпоғистон Республикаси ва вилоятларда балиқ етиштириш прогноз параметрлари 1-иловага мувофиқ;
2022 йилда сунъий (экстенсив) сув ҳавзаларини интенсивлаштириш ва балиқ овлаш ҳажмлари бўйича прогноз параметрлари 2-иловага мувофиқ тасдиқлансин.
5. Молия вазирлиги ва тижорат банкларининг Франция тараққиёт агентлигининг «Чорвачилик соҳасини барқарор ривожлантиришни молиялаштириш» лойиҳаси доирасида жалб қилинаётган кредит линияси ҳисобидан 20 миллион евро миқдоридаги маблағларни интенсив усулда балиқ етиштириш лойиҳаларини молиялаштириш учун йўналтириш тўғрисидаги таклифи маъқуллансин.
6. «Ўзбекчорванасл» агентлиги, «Ўзбекбалиқсаноат» уюшмаси ва Марказий банкнинг 2022 йил 15 январдан бошлаб «Ҳар бир оила — тадбиркор» давлат дастури доирасида тижорат банклари томонидан аҳоли хонадонларида балиқ етиштириш учун ажратиладиган кредитни базавий ҳисоблаш миқдорининг бир юз эллик бараваридан уч юз бараваригача ошириш тўғрисидаги таклифи маъқуллансин.
Марказий банк тижорат банклари орқали интенсив усулда аҳоли хонадонларида балиқ етиштириш лойиҳаларини молиялаштириш учун «Ҳар бир оила — тадбиркор» давлат дастури доирасида 2022 йилда 200 миллиард сўм маблағ ажратилишини таъминласин.
7. Шундай тартиб ўрнатилсинки, унга мувофиқ:
2022 йил 1 апрелдан бошлаб 2025 йил 1 январга қадар жисмоний шахсларнинг аҳоли хонадонларида балиқ етиштириш йўналиши бўйича ўқув курсларида ўқиш харажатларини қоплаш учун Маҳаллабай ишлаш ва тадбиркорликни ривожлантириш агентлигининг Аҳолини тадбиркорликка жалб қилиш жамғармаси маблағлари ҳисобидан базавий ҳисоблаш миқдорининг икки баробаридан ошмаган миқдорда бир марталик субсидия ажратилади;
«Ўзбекбалиқсаноат» уюшмасига аъзо корхоналар томонидан хорижий мамлакатлардан балиқчилик соҳаси эксперт ва мутахассисларини жалб қилиш харажатлари ҳамда уларнинг бир йиллик иш ҳақи миқдорининг 50 фоизигача, бироқ ойига 1 минг АҚШ доллари эквивалентидан ошмаган қисми Балиқчиликни ривожлантириш жамғармасидан қоплаб берилади. Бунда, мазкур харажатлар учун Вазирлар Маҳкамасининг захира жамғармаси ҳисобидан 5 миллиард сўм йўналтирилади.
8. Бандлик ва меҳнат муносабатлари вазирлиги ҳамда «Ўзбекбалиқсаноат» уюшмаси аҳоли хонадонларида балиқ етиштириш йўналиши бўйича балиқчилик хўжаликларининг масъул ходимлари иштирокида «Ишга марҳамат» мономарказларида ўқув курсларини ташкил этсин.
9. Ўрмон хўжалиги давлат қўмитасининг Тошкент вилояти Бўстонлиқ туманининг тоғ олди ҳудудидан Ўрмон хўжалиги қўмитаси балансида бўлган 5 гектар ер майдонида «Ўзбекбалиқсаноат» уюшмаси томонидан совуқ сув балиқларини етиштириш тармоғини ривожлантиришга қаратилган илмий-амалий тажриба станцияси лойиҳаси амалга оширилиши тўғрисидаги таклифига розилик берилсин.
Бунда, ушбу лойиҳани «Ўзбекбалиқсаноат» уюшмасининг Балиқчиликни ривожлантириш жамғармаси маблағлари ҳисобидан амалга оширишга рухсат берилсин.
10. Инновацион ривожланиш вазирлиги, Фанлар академияси, Ветеринария ва чорвачиликни ривожлантириш давлат қўмитаси «Ўзбекбалиқсаноат» уюшмаси билан биргаликда балиқ маҳсулотларини етиштириш, табиий сув ҳавза ресурсларини аниқлаш ва мониторингини юритиш бўйича мавжуд муаммоларнинг илмий ечимини таъминлашга қаратилган лойиҳаларга танловлар асосида маблағлар ажратилишини таъминласин.
11. Вазирлар Маҳкамаси ҳузуридаги Олий аттестация комиссияси олий малакали илмий ва илмий-педагог кадрлар ихтисосликлари рўйхатига «балиқчилик» ихтисослигини киритишни таъминласин.
12. Ветеринария ва чорвачиликни ривожлантириш давлат қўмитаси Инновацион ривожланиш вазирлиги, Молия вазирлиги ҳамда Олий ва ўрта махсус таълим вазирлиги билан биргаликда 2022 йилдан бошлаб балиқчилик соҳаси учун юқори малакали илмий кадрлар тайёрлаш ва тармоқ институтлари илмий салоҳиятини ошириш учун Тошкент давлат аграр университети ва Балиқчилик илмий-тадқиқот институти докторантура босқичларига «Балиқчилик» ихтисослиги бўйича ҳар йили 2 тадан ўрин ажратсин.
13. Қорақалпоғистон Республикаси Вазирлар Кенгаши ва вилоятлар ҳокимликлари икки ой муддатда хизмат кўрсатувчи банклар билан келишган ҳолда балиқчилик лойиҳаларининг манзилли рўйхатини тасдиқлаш учун Вазирлар Маҳкамасига киритсин ҳамда манфаатдор давлат ва хўжалик бошқаруви органлари, тижорат банклари билан биргаликда тасдиқланган манзилли рўйхат параметрларининг сўзсиз бажарилишини таъминласин.
14. Маҳаллабай ишлаш ва тадбиркорликни ривожлантириш агентлиги «Ўзбекбалиқсаноат» уюшмаси ва Молия вазирлиги билан биргаликда бир ой муддатда жисмоний шахсларнинг аҳоли хонадонларида балиқ етиштириш йўналиши бўйича ўқув курсларида ўқиш харажатларини қоплаш бўйича бир марталик субсидия ажратиш тартибини ишлаб чиқиб, Вазирлар Маҳкамасига киритсин.
15. Ветеринария ва чорвачиликни ривожлантириш давлат қўмитаси Иқтисодий тараққиёт ва камбағалликни қисқартириш вазирлиги, Молия вазирлиги ва «Ўзбекбалиқсаноат» уюшмаси билан биргаликда икки ой муддатда аҳоли хонадонларида балиқ етиштириш учун асбоб-ускуналар ишлаб чиқаришни йўлга қўйган корхоналарни давлат томонидан қўллаб-қувватлаш чора-тадбирлари тўғрисида Вазирлар Маҳкамасига таклифлар киритсин.
16. Вазирлар Маҳкамаси:
а) бир ой муддатда 2025 йил 1 январга қадар кооперация асосида балиқ етиштиришни йўлга қўйган, бироқ даромадининг 90 фоизидан ортиқ қисми балиқ етиштириш ҳисобидан шаклланадиган хўжаликларни солиқларнинг барча турларидан (бундан қўшилган қиймат солиғи ва ижтимоий солиқ мустасно) озод этишни назарда тутувчи қонун лойиҳасини Ўзбекистон Республикаси Олий Мажлис Қонунчилик палатасига киритсин;
б) бир ой муддатда «Айдар-Арнасой» кўллар тизими бошқарувини такомиллаштириш бўйича, шу жумладан қуйидагиларни назарда тутувчи қарор лойиҳасини ишлаб чиқсин:
«Айдар-Арнасой» кўллар тизимининг Арнасой сув омбори ҳудудида балиқ овлашга бир йил муддатга мораторий эълон қилиш;
хорижий мутахассисларни жалб қилган ҳолда, «Айдар-Арнасой» кўллар тизимида шўр сувда балиқ захираларини кўпайтириш бўйича лаборатория марказини ташкил этиш;
«Айдар-Арнасой» кўллар тизими дирекцияси» ДУКни қайта ташкил этган ҳолда унинг устав капиталидаги давлат улушини, камида 30 миллион АҚШ доллари миқдорида инвестиция киритиш, 1 000 та иш ўрнини яратиш ва 2025 йилга бориб йилига 20 минг тонна балиқ овлаш учун балиқ захираларини яратиш шарти билан ишончли бошқарувга бериш.
17. Ветеринария ва чорвачиликни ривожлантириш давлат қўмитаси манфаатдор вазирлик ва идоралар билан биргаликда бир ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
18. Қорақалпоғистон Республикаси Вазирлар Кенгаши Раиси, вилоятлар ҳокимлари, Ветеринария ва чорвачиликни ривожлантириш давлат қўмитаси раиси Б. Норқобилов, «Ўзбекбалиқсаноат» уюшмаси раиси О. Мусаев — балиқ ҳосилдорлигини ошириш ва аҳоли хонадонларида балиқ етиштиришни кенгайтириш бўйича ишларни «корхонабай» ва «хонадонбай» ташкил этиб, 2022 йилда:
республикада балиқ етиштириш ҳажмини 700 минг тоннага етказиш;
қўшимча камида 10 мингта аҳоли хонадонида интенсив усулда балиқ етиштиришни йўлга қўйиш ҳамда янги 15 та балиқчилик кластерини ташкил этиш;
ҳосилдорлиги 25 центнердан паст бўлган 31 минг гектар сунъий сув ҳавзаларида 78 мингта аэратор мосламасини ўрнатиш;
мазкур қарор билан тасдиқланган прогноз параметрларининг ўз муддатида бажарилишига шахсан масъул ҳисобланади.
19. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ш.М. Ғаниев зиммасига юклансин.
Ўзбекистон Республикаси Президентининг 2022 йил 13 январдаги ПҚ-83-сон қарорига 1-ИЛОВА
2022 йилда Қорақалпоғистон Республикаси ва вилоятларда балиқ етиштириш
(тонна) Т/р Ҳудудлар номи Жами балиқ етиштириш ҳажми Шундан: Сунъий сув ҳавзаларда Табиий ҳавза ва сув омборларда Қафас (садок) мосламасида Интенсив сув ҳавзаларда Ёпиқ сув айланма тизими (УЗВ)да ярим интенсив интенсив кичик сув ҳавзалар аҳоли хонадонларида 1. Қорақалпоғистон Республикаси 50 000 955 9 000 11 850 25 975 1 320 900 2. Андижон вилояти 55 000 677 31 000 21 265 1 408 650 3. Бухоро вилояти 45 000 251 4 800 120 13 910 23 925 1 144 850 4. Жиззах вилояти 55 000 5 786 5 250 1 375 38 574 1 570 1 694 750 5. Қашқадарё вилояти 45 000 1 212 1 550 2 300 27 300 10 330 1 408 900 6. Навоий вилояти 50 000 733 11 700 3 640 19 600 10 533 1 694 2 100 7. Наманган вилояти 60 000 4 184 520 1 500 49 897 1 405 1 694 800 8. Самарқанд вилояти 48 000 1 201 1 150 915 16 300 24 468 2 266 1 700 9. Сурхондарё вилояти 35 000 196 660 950 11 540 19 350 704 1 600 10. Сирдарё вилояти 66 000 14 646 70 47 610 1 180 1 694 800 11. Тошкент вилояти 65 000 9 565 450 1 620 42 380 5 625 2 860 2 500 12. Фарғона вилояти 60 000 6 170 250 2 740 43 990 3 090 2 420 1 340 13. Хоразм вилояти 66 000 8 669 950 130 50 990 3 167 1 694 400 Жами 700 000 54 245 36 351 15 290 404 941 151 883 22 000 15 290
Ўзбекистон Республикаси Президентининг 2022 йил 13 январдаги ПҚ-83-сон қарорига 2-ИЛОВА
2022 йилда сунъий (экстенсив) сув ҳавзаларини интенсивлаштириш ва балиқ овлаш ҳажмлари бўйича
Т/р Ҳудуд номи Аэрация майдони (га) Ўрнатиладиган аэраторлар (сони) Балиқ овлаш (тонна) 1. Қорақалпоғистон Республикаси 850 2 125 10 300 2. Андижон вилояти 2 200 5 500 26 500 3. Бухоро вилояти 955 2 390 11 560 4. Жиззах вилояти 3 150 7 950 35 850 5. Қашқадарё вилояти 2 000 5 000 24 000 6. Навоий вилояти 1 500 3 750 18 000 7. Наманган вилояти 4 200 10 800 47 180 8. Самарқанд вилояти 1 100 2 750 13 300 9. Сурхондарё вилояти 820 2 050 9 840 10. Сирдарё вилояти 3 700 9 350 45 760 11. Тошкент вилояти 3 315 8 290 39 830 12. Фарғона вилояти 3 395 8 500 41 940 13. Хоразм вилояти 3 815 9 545 47 940 Жами 31 000 78 000 372 000
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 13 январь,
ПҚ-83-сон
Oʻzbekiston Respublikasi Prezidentining
Qarori
PROGNOZ PARAMETRLARI
PROGNOZ PARAMETRLARI
Baliqchilik tarmogʻini yanada rivojlantirishning qoʻshimcha chora-tadbirlari toʻgʻrisida
Baliqchilik sohasini yanada rivojlantirish, baliq mahsulotlari turlarini koʻpaytirish, eksport salohiyatini oshirish, mavjud havzalar imkoniyatlaridan samarali foydalanish, intensiv texnologiyalar asosida baliq yetishtirish hajmlarini koʻpaytirish hamda baliqchilik xoʻjaliklarining ozuqa bazasini mustahkamlash maqsadida:
1. Iqtisodiy taraqqiyot va kambagʻallikni qisqartirish vazirligi, Qoraqalpogʻiston Respublikasi Vazirlar Kengashi, viloyatlar hokimliklari va “Oʻzbekbaliqsanoat” uyushmasining Jizzax viloyati, Sharof Rashidov tumanida tashkil etilgan baliqchilik klasterining aholi xonadonlari bilan kooperatsiya asosida ishlash tajribasini (keyingi oʻrinlarda — kooperatsiya) har bir viloyatda joriy etish toʻgʻrisidagi taklifi maʼqullansin.
Bunda, kooperatsiya asosida xonadonlarda baliq yetishtirish quyidagi tartibda amalga oshirilishi belgilansin:
baliqchilik xoʻjaliklari xonadon egalarini baliq yetishtirish boʻyicha oʻqitishni tashkil etadi, ularga baliq yetishtirish uchun zarur boʻlgan asbob-uskunalar, baliq chavoqlari, omuxta yem, mineral oʻgʻitlarni yetkazib beradi hamda ular tomonidan yetishtirilgan baliqni kelishilgan narxlarda sotib oladi;
xonadon egalari oʻz xonadonlarida baliqchilik xoʻjaliklari tomonidan yetkazib berilgan mahsulotlardan foydalangan holda intensiv usulda yetishtirilgan baliqlarni kelishilgan narxlarda ularga sotadi.
2. Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman hokimlarining yordamchilari xonadon egalari bilan hamkorlikda kooperatsiya asosida xonadonlarda baliq yetishtirish boʻyicha tashabbuskor baliqchilik xoʻjaliklarining roʻyxatini shakllantirsin hamda “Oʻzbekbaliqsanoat” uyushmasi bilan birgalikda loyihalarni amalga oshirishda amaliy yordam koʻrsatib borsin.
3. Belgilansinki:
2022-yil 1-fevraldan boshlab jismoniy shaxslarga oʻzini oʻzi band qilgan shaxs sifatida oʻz xonadonida baliq yetishtirishni yoʻlga qoʻyishga ruxsat beriladi;
2022-yil 1-fevraldan 2025-yil 1-yanvarga qadar baliqchilikni intensivlashtirish uchun zarur boʻlgan asbob-uskunalar va texnologiyalar (aerator, basseyn, avtokormushka, UZV) hamda qayta ishlash uskunalarini ishlab chiqarishni yoʻlga qoʻygan, biroq daromadining 80 foizidan ortigʻini ushbu uskunalarni ishlab chiqarishdan oladigan subyektlar uchun foyda soligʻi (tijorat banklarida joylashtirilgan mablagʻlardan olingan foizlardan tashqari), yuridik shaxslardan olinadigan yer soligʻi, yuridik shaxslarning mol-mulkiga solinadigan soliq va suv resurslaridan foydalanganlik uchun soliq stavkalari 50 foizga kamaytiriladi;
baliq yetishtiruvchi xonadon egalariga yer soligʻi va mol-mulk soligʻi stavkasi 50 foiz miqdorida belgilanadi.
4. Quyidagilar:
2022-yilda Qoraqalpogʻiston Respublikasi va viloyatlarda baliq yetishtirish prognoz parametrlari 1-ilovaga muvofiq;
2022-yilda sunʼiy (ekstensiv) suv havzalarini intensivlashtirish va baliq ovlash hajmlari boʻyicha prognoz parametrlari 2-ilovaga muvofiq tasdiqlansin.
5. Moliya vazirligi va tijorat banklarining Fransiya taraqqiyot agentligining “Chorvachilik sohasini barqaror rivojlantirishni moliyalashtirish” loyihasi doirasida jalb qilinayotgan kredit liniyasi hisobidan 20 million yevro miqdoridagi mablagʻlarni intensiv usulda baliq yetishtirish loyihalarini moliyalashtirish uchun yoʻnaltirish toʻgʻrisidagi taklifi maʼqullansin.
6. “Oʻzbekchorvanasl” agentligi, “Oʻzbekbaliqsanoat” uyushmasi va Markaziy bankning 2022-yil 15-yanvardan boshlab “Har bir oila — tadbirkor” davlat dasturi doirasida tijorat banklari tomonidan aholi xonadonlarida baliq yetishtirish uchun ajratiladigan kreditni bazaviy hisoblash miqdorining bir yuz ellik baravaridan uch yuz baravarigacha oshirish toʻgʻrisidagi taklifi maʼqullansin.
Markaziy bank tijorat banklari orqali intensiv usulda aholi xonadonlarida baliq yetishtirish loyihalarini moliyalashtirish uchun “Har bir oila — tadbirkor” davlat dasturi doirasida 2022-yilda 200 milliard soʻm mablagʻ ajratilishini taʼminlasin.
7. Shunday tartib oʻrnatilsinki, unga muvofiq:
2022-yil 1-apreldan boshlab 2025-yil 1-yanvarga qadar jismoniy shaxslarning aholi xonadonlarida baliq yetishtirish yoʻnalishi boʻyicha oʻquv kurslarida oʻqish xarajatlarini qoplash uchun Mahallabay ishlash va tadbirkorlikni rivojlantirish agentligining Aholini tadbirkorlikka jalb qilish jamgʻarmasi mablagʻlari hisobidan bazaviy hisoblash miqdorining ikki barobaridan oshmagan miqdorda bir martalik subsidiya ajratiladi;
“Oʻzbekbaliqsanoat” uyushmasiga aʼzo korxonalar tomonidan xorijiy mamlakatlardan baliqchilik sohasi ekspert va mutaxassislarini jalb qilish xarajatlari hamda ularning bir yillik ish haqi miqdorining 50 foizigacha, biroq oyiga 1 ming AQSH dollari ekvivalentidan oshmagan qismi Baliqchilikni rivojlantirish jamgʻarmasidan qoplab beriladi. Bunda, mazkur xarajatlar uchun Vazirlar Mahkamasining zaxira jamgʻarmasi hisobidan 5 milliard soʻm yoʻnaltiriladi.
8. Bandlik va mehnat munosabatlari vazirligi hamda “Oʻzbekbaliqsanoat” uyushmasi aholi xonadonlarida baliq yetishtirish yoʻnalishi boʻyicha baliqchilik xoʻjaliklarining masʼul xodimlari ishtirokida “Ishga marhamat” monomarkazlarida oʻquv kurslarini tashkil etsin.
9. Oʻrmon xoʻjaligi davlat qoʻmitasining Toshkent viloyati Boʻstonliq tumanining togʻ oldi hududidan Oʻrmon xoʻjaligi qoʻmitasi balansida boʻlgan 5 gektar yer maydonida “Oʻzbekbaliqsanoat” uyushmasi tomonidan sovuq suv baliqlarini yetishtirish tarmogʻini rivojlantirishga qaratilgan ilmiy-amaliy tajriba stansiyasi loyihasi amalga oshirilishi toʻgʻrisidagi taklifiga rozilik berilsin.
Bunda, ushbu loyihani “Oʻzbekbaliqsanoat” uyushmasining Baliqchilikni rivojlantirish jamgʻarmasi mablagʻlari hisobidan amalga oshirishga ruxsat berilsin.
10. Innovatsion rivojlanish vazirligi, Fanlar akademiyasi, Veterinariya va chorvachilikni rivojlantirish davlat qoʻmitasi “Oʻzbekbaliqsanoat” uyushmasi bilan birgalikda baliq mahsulotlarini yetishtirish, tabiiy suv havza resurslarini aniqlash va monitoringini yuritish boʻyicha mavjud muammolarning ilmiy yechimini taʼminlashga qaratilgan loyihalarga tanlovlar asosida mablagʻlar ajratilishini taʼminlasin.
11. Vazirlar Mahkamasi huzuridagi Oliy attestatsiya komissiyasi oliy malakali ilmiy va ilmiy-pedagog kadrlar ixtisosliklari roʻyxatiga “baliqchilik” ixtisosligini kiritishni taʼminlasin.
12. Veterinariya va chorvachilikni rivojlantirish davlat qoʻmitasi Innovatsion rivojlanish vazirligi, Moliya vazirligi hamda Oliy va oʻrta maxsus taʼlim vazirligi bilan birgalikda 2022-yildan boshlab baliqchilik sohasi uchun yuqori malakali ilmiy kadrlar tayyorlash va tarmoq institutlari ilmiy salohiyatini oshirish uchun Toshkent davlat agrar universiteti va Baliqchilik ilmiy-tadqiqot instituti doktorantura bosqichlariga “Baliqchilik” ixtisosligi boʻyicha har yili 2 tadan oʻrin ajratsin.
13. Qoraqalpogʻiston Respublikasi Vazirlar Kengashi va viloyatlar hokimliklari ikki oy muddatda xizmat koʻrsatuvchi banklar bilan kelishgan holda baliqchilik loyihalarining manzilli roʻyxatini tasdiqlash uchun Vazirlar Mahkamasiga kiritsin hamda manfaatdor davlat va xoʻjalik boshqaruvi organlari, tijorat banklari bilan birgalikda tasdiqlangan manzilli roʻyxat parametrlarining soʻzsiz bajarilishini taʼminlasin.
14. Mahallabay ishlash va tadbirkorlikni rivojlantirish agentligi “Oʻzbekbaliqsanoat” uyushmasi va Moliya vazirligi bilan birgalikda bir oy muddatda jismoniy shaxslarning aholi xonadonlarida baliq yetishtirish yoʻnalishi boʻyicha oʻquv kurslarida oʻqish xarajatlarini qoplash boʻyicha bir martalik subsidiya ajratish tartibini ishlab chiqib, Vazirlar Mahkamasiga kiritsin.
15. Veterinariya va chorvachilikni rivojlantirish davlat qoʻmitasi Iqtisodiy taraqqiyot va kambagʻallikni qisqartirish vazirligi, Moliya vazirligi va “Oʻzbekbaliqsanoat” uyushmasi bilan birgalikda ikki oy muddatda aholi xonadonlarida baliq yetishtirish uchun asbob-uskunalar ishlab chiqarishni yoʻlga qoʻygan korxonalarni davlat tomonidan qoʻllab-quvvatlash chora-tadbirlari toʻgʻrisida Vazirlar Mahkamasiga takliflar kiritsin.
16. Vazirlar Mahkamasi:
a) bir oy muddatda 2025-yil 1-yanvarga qadar kooperatsiya asosida baliq yetishtirishni yoʻlga qoʻygan, biroq daromadining 90 foizidan ortiq qismi baliq yetishtirish hisobidan shakllanadigan xoʻjaliklarni soliqlarning barcha turlaridan (bundan qoʻshilgan qiymat soligʻi va ijtimoiy soliq mustasno) ozod etishni nazarda tutuvchi qonun loyihasini Oʻzbekiston Respublikasi Oliy Majlis Qonunchilik palatasiga kiritsin;
b) bir oy muddatda “Aydar-Arnasoy” koʻllar tizimi boshqaruvini takomillashtirish boʻyicha, shu jumladan quyidagilarni nazarda tutuvchi qaror loyihasini ishlab chiqsin:
“Aydar-Arnasoy” koʻllar tizimining Arnasoy suv ombori hududida baliq ovlashga bir yil muddatga moratoriy eʼlon qilish;
xorijiy mutaxassislarni jalb qilgan holda, “Aydar-Arnasoy” koʻllar tizimida shoʻr suvda baliq zaxiralarini koʻpaytirish boʻyicha laboratoriya markazini tashkil etish;
“Aydar-Arnasoy” koʻllar tizimi direksiyasi” DUKni qayta tashkil etgan holda uning ustav kapitalidagi davlat ulushini, kamida 30 million AQSH dollari miqdorida investitsiya kiritish, 1 000 ta ish oʻrnini yaratish va 2025-yilga borib yiliga 20 ming tonna baliq ovlash uchun baliq zaxiralarini yaratish sharti bilan ishonchli boshqaruvga berish.
17. Veterinariya va chorvachilikni rivojlantirish davlat qoʻmitasi manfaatdor vazirlik va idoralar bilan birgalikda bir oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
18. Qoraqalpogʻiston Respublikasi Vazirlar Kengashi Raisi, viloyatlar hokimlari, Veterinariya va chorvachilikni rivojlantirish davlat qoʻmitasi raisi B. Norqobilov, “Oʻzbekbaliqsanoat” uyushmasi raisi O. Musayev — baliq hosildorligini oshirish va aholi xonadonlarida baliq yetishtirishni kengaytirish boʻyicha ishlarni “korxonabay” va “xonadonbay” tashkil etib, 2022-yilda:
respublikada baliq yetishtirish hajmini 700 ming tonnaga yetkazish;
qoʻshimcha kamida 10 mingta aholi xonadonida intensiv usulda baliq yetishtirishni yoʻlga qoʻyish hamda yangi 15 ta baliqchilik klasterini tashkil etish;
hosildorligi 25 sentnerdan past boʻlgan 31 ming gektar sunʼiy suv havzalarida 78 mingta aerator moslamasini oʻrnatish;
mazkur qaror bilan tasdiqlangan prognoz parametrlarining oʻz muddatida bajarilishiga shaxsan masʼul hisoblanadi.
19. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Sh.M. Gʻaniyev zimmasiga yuklansin.
Oʻzbekiston Respublikasi Prezidentining 2022-yil 13-yanvardagi PQ-83-son qaroriga 1-ILOVA
2022-yilda Qoraqalpogʻiston Respublikasi va viloyatlarda baliq yetishtirish
(tonna) T/r Hududlar nomi Jami baliq yetishtirish hajmi Shundan: Sunʼiy suv havzalarda Tabiiy havza va suv omborlarda Qafas (sadok) moslamasida Intensiv suv havzalarda Yopiq suv aylanma tizimi (UZV)da yarim intensiv intensiv kichik suv havzalar aholi xonadonlarida 1. Qoraqalpogʻiston Respublikasi 50 000 955 9 000 11 850 25 975 1 320 900 2. Andijon viloyati 55 000 677 31 000 21 265 1 408 650 3. Buxoro viloyati 45 000 251 4 800 120 13 910 23 925 1 144 850 4. Jizzax viloyati 55 000 5 786 5 250 1 375 38 574 1 570 1 694 750 5. Qashqadaryo viloyati 45 000 1 212 1 550 2 300 27 300 10 330 1 408 900 6. Navoiy viloyati 50 000 733 11 700 3 640 19 600 10 533 1 694 2 100 7. Namangan viloyati 60 000 4 184 520 1 500 49 897 1 405 1 694 800 8. Samarqand viloyati 48 000 1 201 1 150 915 16 300 24 468 2 266 1 700 9. Surxondaryo viloyati 35 000 196 660 950 11 540 19 350 704 1 600 10. Sirdaryo viloyati 66 000 14 646 70 47 610 1 180 1 694 800 11. Toshkent viloyati 65 000 9 565 450 1 620 42 380 5 625 2 860 2 500 12. Fargʻona viloyati 60 000 6 170 250 2 740 43 990 3 090 2 420 1 340 13. Xorazm viloyati 66 000 8 669 950 130 50 990 3 167 1 694 400 Jami 700 000 54 245 36 351 15 290 404 941 151 883 22 000 15 290
Oʻzbekiston Respublikasi Prezidentining 2022-yil 13-yanvardagi PQ-83-son qaroriga 2-ILOVA
2022-yilda sunʼiy (ekstensiv) suv havzalarini intensivlashtirish va baliq ovlash hajmlari boʻyicha
T/r Hudud nomi Aeratsiya maydoni (ga) Oʻrnatiladigan aeratorlar (soni) Baliq ovlash (tonna) 1. Qoraqalpogʻiston Respublikasi 850 2 125 10 300 2. Andijon viloyati 2 200 5 500 26 500 3. Buxoro viloyati 955 2 390 11 560 4. Jizzax viloyati 3 150 7 950 35 850 5. Qashqadaryo viloyati 2 000 5 000 24 000 6. Navoiy viloyati 1 500 3 750 18 000 7. Namangan viloyati 4 200 10 800 47 180 8. Samarqand viloyati 1 100 2 750 13 300 9. Surxondaryo viloyati 820 2 050 9 840 10. Sirdaryo viloyati 3 700 9 350 45 760 11. Toshkent viloyati 3 315 8 290 39 830 12. Fargʻona viloyati 3 395 8 500 41 940 13. Xorazm viloyati 3 815 9 545 47 940 Jami 31 000 78 000 372 000
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 13-yanvar,
PQ-83-son
Президента Республики Узбекистан
Постановление
ПРОГНОЗНЫЕ ПАРАМЕТРЫ
ПРОГНОЗНЫЕ ПАРАМЕТРЫ
О дополнительных мерах по дальнейшему развитию рыбной отрасли
В целях дальнейшего развития рыбной отрасли, увеличения видов рыбной продукции, повышения экспортного потенциала, эффективного использования возможностей действующих бассейнов, увеличения объема разведения рыбы на основе интенсивных технологий, а также укрепления кормовой базы рыбоводческих хозяйств:
1. Одобрить предложение Министерства экономического развития и сокращения бедности, Совета Министров Республики Каракалпакстан, хокимиятов областей и Ассоциации «Узбекбаликсаноат» о внедрении в каждой области опыта работы рыбоводческого кластера, созданного в Шараф-Рашидовском районе Джизакской области, с домохозяйствами населения на основе кооперации (далее — кооперация).
При этом установить, что разведение рыбы в домохозяйствах населения на основе кооперации осуществляется в следующем порядке:
рыбоводческие хозяйства организуют обучение собственников домохозяйств навыкам разведения рыбы и поставляют им оборудование, мальков рыб, комбикорм и минеральные удобрения, необходимые для разведения рыбы, а также закупают у собственников домохозяйств выращенную рыбу по согласованной цене;
собственники домохозяйств по согласованной цене реализуют рыбоводческим хозяйствам рыбу, выращенную в своих домохозяйствах интенсивным методом с использованием продукции, поставленной рыбоводческими хозяйствами.
2. Помощникам хокимов районов по вопросам развития предпринимательства, обеспечения занятости населения и сокращения бедности в махалле совместно с собственниками домохозяйств сформировать перечень рыбоводческих хозяйств — инициаторов разведения рыбы в домохозяйствах населения на основе кооперации, совместно с Ассоциацией «Узбекбаликсаноат» — оказывать практическую помощь в реализации проектов.
3. Определить, что:
начиная с 1 февраля 2022 года физическим лицам разрешается разведение рыбы в своих домохозяйствах в качестве самозанятого лица;
начиная с 1 февраля 2022 года по 1 января 2025 года в отношении субъектов, наладивших производство инвентаря, технологий (аэраторов, бассейнов, автокормушек, СЗВ) и перерабатывающего оборудования, необходимых для интенсификации рыбоводства, свыше 80 процентов прибыли которых формируется за счет производства указанного оборудования, налоговые ставки по налогу на прибыль (за исключением процентов, полученных за счет средств, размещенных в коммерческих банках), земельному налогу с юридических лиц, налогу на имущество юридических лиц, а также налогу за пользование водными ресурсами, уменьшаются на 50 процентов;
в отношении собственников домохозяйств, занимающихся разведением рыбы, ставки земельного налога и налога на имущество устанавливаются в размере 50 процентов.
4. Утвердить:
Прогнозные параметры разведения рыбы в Республике Каракалпакстан и областях в 2022 году согласно приложению № 1 ;
Прогнозные параметры интенсификации искусственных (экстенсивных) водоемов и объема улова рыбы в 2022 году согласно приложению № 2 .
5. Одобрить предложение Министерства финансов и коммерческих банков о направлении средств в размере 20 миллионов евро за счет кредитной линии, привлекаемой в рамках проекта Французского агентства развития «Финансирование устойчивого развития отрасли животноводства», на финансирование проектов разведения рыбы интенсивным методом.
6. Одобрить предложение Агентства «Узбекчорванасл», Ассоциации «Узбекбаликсаноат» и Центрального банка о повышении начиная с 15 января 2022 года размера кредитов, выделяемых коммерческими банками для разведения рыбы в домохозяйствах населения в рамках Государственной программы «Каждая семья — предприниматель», со ста пятидесяти кратного до трехсоткратного размера базовой расчетной величины.
Центральному банку обеспечить выделение посредством коммерческих банков средств в размере 200 миллиардов сумов для финансирования проектов разведения рыбы в домохозяйствах населения интенсивным методом в рамках Государственной программы «Каждая семья — предприниматель» в 2022 году.
7. Установить порядок, в соответствии с которым:
начиная с 1 апреля 2022 года по 1 января 2025 года для покрытия расходов физических лиц по обучению на учебных курсах в направлении разведения рыбы в домохозяйствах населения выделяется разовая субсидия, не превышающая двукратного размера базовой расчетной величины, за счет средств Фонда привлечения населения к предпринимательству Агентства по работе махаллабай и развитию предпринимательства;
расходы по привлечению экспертов и специалистов рыбной отрасли из зарубежных стран, а также по выплате предприятиями — членами Ассоциации «Узбекбаликсаноат» до 50 процентов их годового размера оплаты труда в части, не превышающей эквивалента 1 тысячи долларов США, покрываются из Фонда развития рыбоводства. При этом на данные расходы направляется 5 миллиардов сумов из Резервного фонда Кабинета Министров.
8. Министерству занятости и трудовых отношений и Ассоциации «Узбекбаликсаноат» организовать в моноцентрах «Ишга мархамат» учебные курсы в направлении разведения рыбы в домохозяйствах населения с участием ответственных работников рыбоводческих хозяйств.
9. Согласиться с предложением Государственного комитета по лесному хозяйству о реализации Ассоциацией «Узбекбаликсаноат» проекта научно-практической опытной станции, направленного на развитие отрасли разведения холодноводной рыбы на земельной площади 5 гектаров в предгорной местности Бостанлыкского района Ташкентской области, состоящей на балансе Государственного комитета по лесному хозяйству.
При этом разрешить реализацию данного проекта за счет средств Фонда развития рыбоводства Ассоциации «Узбекбаликсаноат».
10. Министерству инновационного развития, Академии наук и Государственному комитету ветеринарии и развития животноводства совместно с Ассоциацией «Узбекбаликсаноат» обеспечить выделение на конкурсной основе средств на проекты, направленные на обеспечение научного решения существующих проблем в производстве рыбной продукции, выявлении и ведении мониторинга водных ресурсов естественных бассейнов.
11. Высшей аттестационной комиссии при Кабинете Министров обеспечить включение специализации «Рыбоводство» в перечень специализаций научных и научно-педагогических кадров высшей квалификации.
12. Государственному комитету ветеринарии и развития животноводства совместно с Министерством инновационного развития, Министерством финансов и Министерством высшего и среднего специального образования ежегодно начиная с 2022 года выделять докторантуре Ташкентского государственного аграрного университета и Научно-исследовательского института рыбоводства 2 места по специализации «Рыбоводство» в целях подготовки научных кадров высшей квалификации для рыбной отрасли и повышения научного потенциала отраслевых институтов.
13. Совету Министров Республики Каракалпакстан и хокимиятам областей в двухмесячный срок по согласованию с обслуживающими банками внести на утверждение в Кабинет Министров адресный перечень рыбоводческих проектов и обеспечить безусловное выполнение параметров утвержденного адресного перечня совместно с заинтересованными органами государственного и хозяйственного управления и коммерческими банками.
14. Агентству по работе махаллабай и развитию предпринимательства совместно с Ассоциацией «Узбекбаликсаноат» и Министерством финансов в месячный срок разработать и внести в Кабинет Министров Порядок выделения разовой субсидии для покрытия расходов физических лиц по обучению на учебных курсах в направлении разведения рыбы в домохозяйствах населения.
15. Государственному комитету ветеринарии и развития животноводства совместно с Министерством экономического развития и сокращения бедности, Министерством финансов и Ассоциацией «Узбекбаликсаноат» в двухмесячный срок внести в Кабинет Министров предложения о мерах государственной поддержки предприятий, наладивших производство оборудования разведения рыбы в домохозяйствах населения.
16. Кабинету Министров:
а) в месячный срок внести в Законодательную палату Олий Мажлиса Республики Узбекистан проект закона, предусматривающий освобождение на срок до 1 января 2025 года от всех видов налогов (за исключением налога на добавленную стоимость и социального налога) хозяйств, наладивших разведение рыбы на основе кооперации, свыше 90 процентов прибыли которых формируется за счет разведения рыбы;
б) в месячный срок разработать проект постановления о совершенствовании управления Айдар-Арнасайской системой озер, предусматривающий:
введение сроком на один год моратория на улов рыбы на территории Арнасайского водохранилища Айдар-Арнасайской системы озер;
создание лабораторного центра для увеличения резерва рыбы в соленых водах Айдар-Арнасайской системы озер с привлечением зарубежных специалистов;
передачу в доверительное управление государственной доли в уставном капитале с проведением реорганизации ГУП «Дирекция Айдар-Арнасайской системы озер» с условием внесения инвестиций в размере не менее 30 миллионов долларов США, создания 1 000 рабочих мест и рыбных запасов для улова ежегодно 20 тысяч тонн рыбы к 2025 году.
17. Государственному комитету ветеринарии и развития животноводства совместно с заинтересованными министерствами и ведомствами в месячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
18. Председателю Совета Министров Республики Каракалпакстан, хокимам областей, председателю Государственного комитета ветеринарии и развития животноводства Б. Норкобилову, председателю Ассоциации «Узбекбаликсаноат» О. Мусаеву — организовать работу по увеличению поголовья рыбы и расширению практики ее разведения в домохозяйствах населения методами «корхонабай» и «хонадонбай» с возложением на них персональной ответственности за обеспечение в 2022 году:
доведения объема разведения рыбы в республике до 700 тысяч тонн;
налаживания разведения рыбы интенсивным методом дополнительно в не менее 10 тысячах домохозяйств населения и создания 15 новых рыбоводческих кластеров;
установки 78 тысяч единиц аэраторов на 31 тысяче гектаров искусственных водоемов, урожайностью менее 25 центнеров;
своевременного выполнения прогнозных параметров, утвержденных настоящим постановлением.
19. Контроль за исполнением настоящего постановления возложить на заместителя Премьер-министра Республики Узбекистан Ш.М. Ганиева.
ПРИЛОЖЕНИЕ № 1 к постановлению Президента Республики Узбекистан от 13 января 2022 года № ПП-83
разведения рыбы в Республике Каракалпакстан и областях в 2022 году
(в тоннах) № Наименование регионов Общий объем разведения рыбы В том числе в: искусственных водоемах естественных бассейнах и водохранилищах садковых устройствах интенсивных водоемах системах замкнутого водоворота (СЗВ) пол интенсивных интенсивных малых водоемах домохозяйствах населения 1. Республика Каракалпакстан 50 000 955 9 000 11 850 25 975 1 320 900 2. Андижанская область 55 000 677 31 000 21 265 1 408 650 3. Бухарская область 45 000 251 4 800 120 13 910 23 925 1 144 850 4. Джизакская область 55 000 5 786 5 250 1 375 38 574 1 570 1 694 750 5. Кашкадарьинская область 45 000 1 212 1 550 2 300 27 300 10 330 1 408 900 6. Навоийская область 50 000 733 11 700 3 640 19 600 10 533 1 694 2 100 7. Наманганская область 60 000 4 184 520 1 500 49 897 1 405 1 694 800 8. Самаркандская область 48 000 1 201 1 150 915 16 300 24 468 2 266 1 700 9. Сурхандарьинская область 35 000 196 660 950 11 540 19 350 704 1 600 10. Сырдарьинская область 66 000 14 646 70 47 610 1 180 1 694 800 11. Ташкентская область 65 000 9 565 450 1 620 42 380 5 625 2 860 2 500 12. Ферганская область 60 000 6 170 250 2 740 43 990 3 090 2 420 1 340 13. Хорезмская область 66 000 8 669 950 130 50 990 3 167 1 694 400 Всего 700 000 54 245 36 351 15 290 404 941 151 883 22 000 15 290
ПРИЛОЖЕНИЕ № 2 к постановлению Президента Республики Узбекистан от 13 января 2022 года № ПП-83
интенсификации искусственных (экстенсивных) водоемов и объема улова рыбы в 2022 году
№ Наименование регионов Площадь аэрации (га) Устанавливаемые аэраторы (количество) Объем улова рыбы (в тоннах) 1. Республика Каракалпакстан 850 2 125 10 300 2. Андижанская область 2 200 5 500 26 500 3. Бухарская область 955 2 390 11 560 4. Джизакская область 3 150 7 950 35 850 5. Кашкадарьинская область 2 000 5 000 24 000 6. Навоийская область 1 500 3 750 18 000 7. Наманганская область 4 200 10 800 47 180 8. Самаркандская область 1 100 2 750 13 300 9. Сурхандарьинская область 820 2 050 9 840 10. Сырдарьинская область 3 700 9 350 45 760 11. Ташкентская область 3 315 8 290 39 830 12. Ферганская область 3 395 8 500 41 940 13. Хорезмская область 3 815 9 545 47 940 Всего 31 000 78 000 372 000
Президент Республики Узбекистан Ш. МИРЗИЁЕВ
г. Ташкент,
13 января 2022 г.,
№ ПП-83