📅 2021-yil 28-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 28 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 декабря 2021 г. · Постановления Президента
Официальный текст. Официальный документ. Редакционные примечания не включены.
📅 28 December 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президентининг 2017 йил 29 сентябрдаги «Тошкент шаҳрида кўп тармоқли замонавий клиника барпо этиш» лойиҳасини амалга оширишни ташкил қилиш чора-тадбирлари тўғрисида»ги ПҚ-3298-сон қарорига ўзгартиришлар киритиш ҳақида
Тошкент шаҳрида кўп тармоқли медицина маркази қурилишида коронавирус пандемияси муносабати билан жорий этилган чекловларнинг оқибатларини юмшатиш мақсадида:
1. Ўзбекистон Республикаси Президентининг 2017 йил 29 сентябрдаги «Тошкент шаҳрида кўп тармоқли замонавий клиника барпо этиш» лойиҳасини амалга оширишни ташкил қилиш чора-тадбирлари тўғрисида»ги ПҚ-3298-сон қарорига иловага мувофиқ ўзгартиришлар киритилсин.
2. Мазкур қарор 2022 йил 1 январдан бошлаб кучга киради.
3. Мазкур қарорнинг ижросини назорат қилиш Ўзбекистон Республикаси Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2021 йил 28 декабрдаги ПҚ-68-сон қарорига ИЛОВА
Ўзбекистон Республикаси Президентининг 2017 йил 29 сентябрдаги «Тошкент шаҳрида кўп тармоқли замонавий клиника барпо этиш» лойиҳасини амалга оширишни ташкил қилиш чора-тадбирлари тўғрисида»ги ПҚ-3298-сон қарорига киритилаётган ўзгартиришлар
1. 1-бандда «2021» рақами «2022» рақами билан алмаштирилсин.
2. 6-банд қуйидаги таҳрирда баён қилинсин:
«6. Лойиҳани амалга ошириш доирасида истисно тариқасида 2022 йил 31 декабрга қадар «Ўзбекистон темир йўллари» АЖ, «УГМК-Холдинг» МЧЖ, «Кўп функцияли тиббиёт маркази» МЧЖ ҚК, бош лойиҳа ва бош пудрат ташкилотлари:
Ўзбекистон Республикасининг норезидентлари томонидан бажарилган ишлардан (кўрсатилган хизматлардан) олинган даромадлар бўйича юридик шахслар фойда солиғидан;
чет эл фуқаролари меҳнатига ҳақ тўлаш тарзидаги даромадлар бўйича ижтимоий солиғини тўлашдан;
лойиҳани амалга ошириш доирасида олиб келинадиган махсус қурилиш техникаси, инструментлар, ускуналар, шу жумладан тиббиёт ускуналари, ва уларнинг эҳтиёт қисмлари, бутловчи буюмлар ва узеллар, хом ашё, материаллар ва бошқа жиҳозлар, технологик ҳужжатлар, жиҳозлар, автотранспорт, металл прокати, мебеллар, компьютер, телекоммуникация, коммутация ва сервер ускуналари божхона божлари тўлашдан озод қилинсин.
Ўзбекистон Республикаси Солиқ кодексининг 428-моддасига мувофиқ соғлиқни сақлаш объектлари эгаллаган ер участкалари, шу жумладан уларни қуриш даврида юридик шахслардан олинадиган ер солиғи бўйича солиқ солинмаслиги маълумот учун қабул қилинсин.
Белгилансинки, ер участкалари ўз мақсади бўйича фойдаланилмаганда, ер солиғи бўйича имтиёзларнинг амал қилиши солиқ имтиёзи қўлланилган бутун давр, шу жумладан қурилиш даври учун ер солиғини тўлаш мажбуриятлари тикланган ҳолда, қонунчилик ҳужжатлари билан белгиланган тартибда бекор қилинади».
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 28 декабрь,
ПҚ-68-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidentining 2017-yil 29-sentabrdagi “Toshkent shahrida koʻp tarmoqli zamonaviy klinika barpo etish” loyihasini amalga oshirishni tashkil qilish chora-tadbirlari toʻgʻrisida”gi PQ-3298-son qaroriga oʻzgartirishlar kiritish haqida
Toshkent shahrida koʻp tarmoqli meditsina markazi qurilishida koronavirus pandemiyasi munosabati bilan joriy etilgan cheklovlarning oqibatlarini yumshatish maqsadida:
1. Oʻzbekiston Respublikasi Prezidentining 2017-yil 29-sentabrdagi “Toshkent shahrida koʻp tarmoqli zamonaviy klinika barpo etish” loyihasini amalga oshirishni tashkil qilish chora-tadbirlari toʻgʻrisida”gi PQ-3298-son qaroriga ilovaga muvofiq oʻzgartirishlar kiritilsin.
2. Mazkur qaror 2022-yil 1-yanvardan boshlab kuchga kiradi.
3. Mazkur qarorning ijrosini nazorat qilish Oʻzbekiston Respublikasi Bosh vazir oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2021-yil 28-dekabrdagi PQ-68-son qaroriga ILOVA
Oʻzbekiston Respublikasi Prezidentining 2017-yil 29-sentabrdagi “Toshkent shahrida koʻp tarmoqli zamonaviy klinika barpo etish” loyihasini amalga oshirishni tashkil qilish chora-tadbirlari toʻgʻrisida”gi PQ-3298-son qaroriga kiritilayotgan oʻzgartirishlar
1. 1-bandda “2021” raqami “2022” raqami bilan almashtirilsin.
2. 6-band quyidagi tahrirda bayon qilinsin:
“6. Loyihani amalga oshirish doirasida istisno tariqasida 2022-yil 31-dekabrga qadar “Oʻzbekiston temir yoʻllari” AJ, “UGMK-Xolding” MChJ, “Koʻp funksiyali tibbiyot markazi” MChJ QK, bosh loyiha va bosh pudrat tashkilotlari:
Oʻzbekiston Respublikasining norezidentlari tomonidan bajarilgan ishlardan (koʻrsatilgan xizmatlardan) olingan daromadlar boʻyicha yuridik shaxslar foyda soligʻidan;
chet el fuqarolari mehnatiga haq toʻlash tarzidagi daromadlar boʻyicha ijtimoiy soligʻini toʻlashdan;
loyihani amalga oshirish doirasida olib kelinadigan maxsus qurilish texnikasi, instrumentlar, uskunalar, shu jumladan tibbiyot uskunalari, va ularning ehtiyot qismlari, butlovchi buyumlar va uzellar, xomashyo, materiallar va boshqa jihozlar, texnologik hujjatlar, jihozlar, avtotransport, metall prokati, mebellar, kompyuter, telekommunikatsiya, kommutatsiya va server uskunalari bojxona bojlari toʻlashdan ozod qilinsin.
Oʻzbekiston Respublikasi Soliq kodeksining 428-moddasiga muvofiq sogʻliqni saqlash obyektlari egallagan yer uchastkalari, shu jumladan ularni qurish davrida yuridik shaxslardan olinadigan yer soligʻi boʻyicha soliq solinmasligi maʼlumot uchun qabul qilinsin.
Belgilansinki, yer uchastkalari oʻz maqsadi boʻyicha foydalanilmaganda, yer soligʻi boʻyicha imtiyozlarning amal qilishi soliq imtiyozi qoʻllanilgan butun davr, shu jumladan qurilish davri uchun yer soligʻini toʻlash majburiyatlari tiklangan holda, qonunchilik hujjatlari bilan belgilangan tartibda bekor qilinadi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 28-dekabr,
PQ-68-son
Президента Республики Узбекистан
Постановление
О внесении изменений в постановление Президента Республики Узбекистан от 29 сентября 2017 года № ПП-3298 «О мерах по организации реализации проекта «Строительство современной многопрофильной клиники в городе Ташкенте»
В целях смягчения последствий ограничений, установленных в связи с пандемией коронавируса, при строительстве многопрофильного медицинского центра в городе Ташкенте:
1. Внести изменения в постановление Президента Республики Узбекистан от 29 сентября 2017 года № ПП-3298 «0 мерах по организации реализации проекта «Строительство современной многопрофильной клиники в городе Ташкенте» согласно приложению .
2. Настоящее постановление вступает в силу с 1 января 2022 года.
3, Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова.
ПРИЛОЖЕНИЕ к постановлению Президента Республики Узбекистан от 28 декабря 2021 года № ПП-68
Изменения, вносимые в постановление Президента Республики Узбекистан от 29 сентября 2017 года № ПП-3298 «О мерах по организации реализации проекта «Строительство современной многопрофильной клиники в городе Ташкенте»
1. В пункте 1 цифру «2021» заменить цифрой «2022».
2. Пункт 6 изложить в следующей редакции:
«6. Освободить в рамках реализации проекта в порядке исключения на срок до 31 декабря 2022 года АО «Узбекистон темир йуллари», ООО «УГМК-Холдинг», СП ООО «Многофункциональный медицинский центр», генеральные проектные и генеральные подрядные организации от уплаты:
налога на прибыль юридических лиц — по доходам, полученным нерезидентами Республики Узбекистан от выполненных работ (оказанных услуг);
социального налога — по доходам в виде оплаты труда иностранных граждан;
таможенных пошлин — за ввозимые в рамках реализации проекта специальную строительную технику, инструменты, оборудование, включая медицинское, запасные части к ним, комплектующие и узлы, сырье, материалы и прочий инвентарь, технологическую документацию, оснастку, автотранспорт, металлопрокат, мебель, а также компьютерное, телекоммуникационное, коммутационное и серверное оборудование.
Принять к сведению, что в соответствии со статьей 428 Налогового кодекса Республики Узбекистан земельные участки, занятые объектами здравоохранения, в том числе в период их строительства, не подлежат обложению земельным налогом с юридических лиц.
Определить, что при использовании земельных участков не по назначению действие льгот по земельному налогу аннулируется с восстановлением обязательств по уплате земельного налога за весь период применения налоговых льгот, включая период строительства, в порядке, установленном актами законодательства».
Президент Республики Узбекистан Ш. МИРЗИЁЕВ
г. Ташкент,
28 декабря 2021 г.,
№ ПП-68