📅 2022-yil 17-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 17 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 января 2022 г. · Постановления Президента
Официальный текст. Официальный документ. Редакционные примечания не включены.
📅 17 January 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Капитал бозорини қўллаб-қувватлашнинг самарали механизмларини жорий этишга доир қўшимча чора-тадбирлар тўғрисида
Капитал бозорини янада ривожлантириш, давлат акция пакетларини капитал бозори орқали хусусийлаштириш амалиётини кенгайтириш, аҳолининг қимматли қоғозларга инвестиция киритишини рағбатлантириш ва молия бозорида соғлом рақобат муҳитини яратиш мақсадида:
1. Белгилансинки, 2022 йил 1 апрелдан 2028 йил 31 декабрга қадар:
Ўзбекистон Республикасининг резиденти ва норезиденти бўлган жисмоний шахсларнинг акциялар бўйича ҳисобланган дивидендлар тарзидаги даромадлари даромад солиғидан озод қилинади;
Ўзбекистон Республикасининг норезиденти бўлган юридик шахсларнинг акциялар бўйича ҳисобланган дивидендлар тарзидаги даромадларига Ўзбекистон Республикасининг резиденти бўлган юридик шахслар сингари фойда солиғининг 5 фоиз ставкаси татбиқ этилади;
Ўзбекистон Республикасининг резиденти ва норезиденти бўлган жисмоний ва юридик шахсларнинг хўжалик жамиятлари облигациялари бўйича ҳисобланган фоизлар тарзидаги даромадлари жисмоний шахслардан олинадиган даромад солиғи ва юридик шахслардан олинадиган фойда солиғидан озод қилинади.
2. Шундай тартиб ўрнатилсинки, унга мувофиқ:
акциядорлар умумий йиғилиши томонидан жамият акцияларини фонд биржасининг биржа котировка варағидан чиқариш тўғрисида қарор қабул қилинганда, ушбу жамият овоз берувчи акцияларининг эгалари бўлган акциядорларга ўзларига тегишли акцияларнинг жамият томонидан қайтариб сотиб олинишини талаб қилиш ҳуқуқи берилади;
қимматли қоғозларнинг биржадан ташқари уюшган савдосида қимматли қоғозларга доир битимлар тузилганда сотувчи (эмитент бундан мустасно) томонидан фойда солиғи ва даромад солиғи ўрнига битим суммасининг 0,3 фоизи миқдорида йиғим Ўзбекистон Республикаси Истиқболли лойиҳалар миллий агентлигига тўланади.
3. Давлат активларини бошқариш агентлиги ва Молия вазирлигининг 1-иловага мувофиқ рўйхат бўйича акциядорлик жамиятлари акцияларининг «Тошкент» республика фонд биржасида бирламчи (IPO) ва (ёки) иккиламчи (SPO) оммавий таклифини ўтказиш тўғрисидаги таклифи маъқуллансин.
Давлат активларини хусусийлаштириш ва хусусийлаштириш жараёнларини мувофиқлаштириш давлат комиссиясига Давлат активларини бошқариш агентлиги, Иқтисодиёт ва молия вазирлиги ва Ўзбекистон Республикаси Истиқболли лойиҳалар миллий агентлигининг асослантирилган таклифларига мувофиқ, шу жумладан, бозор ҳолати ва андеррайтерлар хулосаларини инобатга олиб, Ўзбекистон Республикаси Президенти қарорларига асосан бирламчи (IPO) ва (ёки) иккиламчи (SPO) оммавий таклиф этиладиган акциялар пакетининг ҳажмини ва савдога чиқариш муддатини белгилаш, уларнинг рўйхатига ўзгартириш ва қўшимчалар киритиш ваколати берилсин.
Вазирлар Маҳкамаси икки ой муддатда мазкур қарорнинг 1-иловасига асосан акцияларининг оммавий таклифи ўтказилиши белгиланган ҳар бир корхона бўйича алоҳида «йўл хариталари» тасдиқланишини таъминласин.
4. Молия вазирлиги ва Давлат активларини бошқариш агентлигининг 2023 йил 31 декабрга қадар эксперимент тариқасида хорижий банклар ва инвестиция воситачиларига Ўзбекистон Республикасида алоҳида лицензия олмасдан қимматли қоғозлар бозорида андеррайтинг фаолиятини амалга ошириш ҳуқуқига эга бўлган ва ўз маблағларининг миқдори 500 млн сўмдан кам бўлмаган маҳаллий юридик шахслар билан шартнома тузган ҳолда, андеррайтинг фаолиятини амалга оширишга рухсат бериш тўғрисидаги таклифи маъқуллансин.
Истиқболли лойиҳалар миллий агентлиги 2025 йил 1 февралга қадар эксперимент натижаларини чуқур таҳлил қилган ҳолда, уни қимматли қоғозлар бозорида андеррайтинг фаолиятини амалга ошириш ҳуқуқига эга бўлган барча иштирокчиларга татбиқ этишнинг мақсадга мувофиқлиги юзасидан таклиф киритсин.
5. 2022 йил 1 апрелдан бошлаб маҳаллий эмитентларга ўз акцияларини дастлаб «Тошкент» РФБда жойлаштиргандан сўнг андеррайтер тавсиясига кўра уларни хорижий фонд бозорларида ёки бир вақтда маҳаллий ва хорижий фонд биржаларида жойлаштириш ҳуқуқи берилсин.
6. Ўзбекистон Республикаси Президентининг 2007 йил 7 ноябрдаги «Банк тизимини янада ривожлантириш ва бўш пул маблағларини банк айланмасига жалб этиш чора-тадбирлари тўғрисида»ги ПҚ-726-сон қарорига асосан банк фаолиятини амалга ошириш лицензиясига эга бўлган тижорат банклари қимматли қоғозлар бозорида инвестиция воситачиси фаолиятини амалга оширишга ҳақли эканлиги маълумот учун қабул қилинсин.
Молия вазирлиги икки ой муддатда давлат улуши мавжуд тижорат банклари томонидан қимматли қоғозлар бозорида инвестиция воситачиси фаолиятини йўлга қўйиш масаласини уларнинг бошқарув органлари йиғилишларида кўриб чиқсин.
7. Молия вазирлиги:
манфаатдор идоралар билан биргаликда уч ой муддатда Ўзбекистон Республикаси Солиқ кодекси , Ўзбекистон Республикасининг « Акциядорлик жамиятлари ва акциядорларнинг ҳуқуқларини ҳимоя қилиш тўғрисида »ги ва « Қимматли қоғозлар бозори тўғрисида »ги қонунларига мазкур қарордан келиб чиқадиган ўзгартириш ва қўшимчаларни киритиш бўйича қонун лойиҳасини Вазирлар Маҳкамасига киритсин;
Давлат активларини бошқариш агентлиги билан биргаликда икки ой муддатда «Тошкент» республика фонд биржасида биржа листингига киритилмаган қимматли қоғозлар савдосини таъминловчи тизимни яратсин.
8. Вазирлар Маҳкамасининг 2017 йил 10 майдаги «Фонд биржасида акцияларнинг оммавий таклифини ўтказишни ташкил этиш тўғрисида»ги 268-сон қарорига 2-иловага мувофиқ ўзгартиришлар ва қўшимча киритилсин.
9. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2022 йил 17 январдаги ПҚ-90-сон қарорига 1-ИЛОВА
«Тошкент» РФБда акцияларининг бирламчи (IPO) ва (ёки) иккиламчи (SPO) оммавий таклифи ўтказиладиган акциядорлик жамиятлари
Т/р Акциядорлик жамиятининг номи Жойлашган ҳудуди Давлат улуши Сотиш шакли 1. «UzAuto Motors» АЖ ( 1 ) Андижон вилояти 100,0 IPO 2. «UzAuto Motors Powertrain» АЖ ( 1 ) Тошкент вилояти 100,0 IPO 3. «Oʼzbekgeofizika» АЖ Тошкент вилояти 96,8 IPO 4. «Oʼztemiryoʼlkonteyner» АЖ ( 1 ) Тошкент шаҳри 90,0 IPO 5. «Dori-Darmon» АЖ ( 2 ) Тошкент шаҳри 36,10 IPO/SPO 6. «Ўзбекистон почтаси» АЖ ( 3 ) Тошкент шаҳри 77,6 SPO 7. «Universal Sugʼurta» АЖ Тошкент шаҳри 14,48 SPO 8. «Alskom» АЖ Тошкент шаҳри 5,21 SPO
Ўзбекистон Республикаси Президентининг 2022 йил 17 январдаги ПҚ-90-сон қарорига 2-ИЛОВА
Вазирлар Маҳкамасининг 2017 йил 10 майдаги «Фонд биржасида акцияларни оммавий таклифини ўтказишни ташкил этиш тўғрисида»ги 268-сон қарорига киритилаётган ўзгартиришлар ва қўшимча
1. 3-банднинг рус тилидаги матнида :
а) иккинчи хатбоши қуйидаги таҳрирда баён этилсин:
«цена предложения акций путем проведения первичного (IPO) и вторичного (SPO) публичных предложений акций определяется организатором»;
б) қуйидаги мазмундаги хатбошилар билан тўлдирилсин:
«сбор заявок на приобретение акций, реализуемых посредством первичного (IPO) и вторичного (SPO) публичных предложений акций, осуществляется организатором или группой организаторов, с которыми заключено соглашение о проведении указанных IPO или SPO;
организатору предоставляется право на выбор инвесторов для распределения акций на основе договора, заключенного с инициатором, а также установление срока запрета реализации инвесторами акций, приобретенных в рамках первичного (IPO) и вторичного (SPO) публичных предложений акций;
распределение акций посредством IPO и SPO проводится на основе единой цены, определяемой организатором исходя из спроса и предложения на акции».
2. 2-илованинг рус тилидаги матнида :
а) 9-банд қуйидаги таҳрирда баён этилсин:
«9. Организатором, по результатам предварительного изучения акционерного общества, определяется диапазон цен предложения акций для сбора заявок на покупку акций»;
б) 13-банд қуйидаги таҳрирда баён этилсин:
«13. Сбор заявок на приобретение акций, реализуемых посредством первичного (IPO) и вторичного (SPO) публичных предложений акций, осуществляется организатором или группой организаторов, с которыми заключено соглашение о проведении указанных IPO или SPO»;
в) 15-банд қуйидаги таҳрирда баён этилсин:
«15. Цена предложения акций путем IPO и SPO определяется организатором».
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 17 январь,
ПҚ-90-сон
Oʻzbekiston Respublikasi Prezidentining
Qarori
ROʻYXATI
Kapital bozorini qoʻllab-quvvatlashning samarali mexanizmlarini joriy etishga doir qoʻshimcha chora-tadbirlar toʻgʻrisida
Kapital bozorini yanada rivojlantirish, davlat aksiya paketlarini kapital bozori orqali xususiylashtirish amaliyotini kengaytirish, aholining qimmatli qogʻozlarga investitsiya kiritishini ragʻbatlantirish va moliya bozorida sogʻlom raqobat muhitini yaratish maqsadida:
1. Belgilansinki, 2022-yil 1-apreldan 2028-yil 31-dekabrga qadar:
Oʻzbekiston Respublikasining rezidenti va norezidenti boʻlgan jismoniy shaxslarning aksiyalar boʻyicha hisoblangan dividendlar tarzidagi daromadlari daromad soligʻidan ozod qilinadi;
Oʻzbekiston Respublikasining norezidenti boʻlgan yuridik shaxslarning aksiyalar boʻyicha hisoblangan dividendlar tarzidagi daromadlariga Oʻzbekiston Respublikasining rezidenti boʻlgan yuridik shaxslar singari foyda soligʻining 5 foiz stavkasi tatbiq etiladi;
Oʻzbekiston Respublikasining rezidenti va norezidenti boʻlgan jismoniy va yuridik shaxslarning xoʻjalik jamiyatlari obligatsiyalari boʻyicha hisoblangan foizlar tarzidagi daromadlari jismoniy shaxslardan olinadigan daromad soligʻi va yuridik shaxslardan olinadigan foyda soligʻidan ozod qilinadi.
2. Shunday tartib oʻrnatilsinki, unga muvofiq:
aksiyadorlar umumiy yigʻilishi tomonidan jamiyat aksiyalarini fond birjasining birja kotirovka varagʻidan chiqarish toʻgʻrisida qaror qabul qilinganda, ushbu jamiyat ovoz beruvchi aksiyalarining egalari boʻlgan aksiyadorlarga oʻzlariga tegishli aksiyalarning jamiyat tomonidan qaytarib sotib olinishini talab qilish huquqi beriladi;
qimmatli qogʻozlarning birjadan tashqari uyushgan savdosida qimmatli qogʻozlarga doir bitimlar tuzilganda sotuvchi (emitent bundan mustasno) tomonidan foyda soligʻi va daromad soligʻi oʻrniga bitim summasining 0,3 foizi miqdorida yigʻim Oʻzbekiston Respublikasi Istiqbolli loyihalar milliy agentligiga toʻlanadi.
3. Davlat aktivlarini boshqarish agentligi va Moliya vazirligining 1-ilovaga muvofiq roʻyxat boʻyicha aksiyadorlik jamiyatlari aksiyalarining “Toshkent” respublika fond birjasida birlamchi (IPO) va (yoki) ikkilamchi (SPO) ommaviy taklifini oʻtkazish toʻgʻrisidagi taklifi maʼqullansin.
Davlat aktivlarini xususiylashtirish va xususiylashtirish jarayonlarini muvofiqlashtirish davlat komissiyasiga Davlat aktivlarini boshqarish agentligi, Iqtisodiyot va moliya vazirligi va Oʻzbekiston Respublikasi Istiqbolli loyihalar milliy agentligining asoslantirilgan takliflariga muvofiq, shu jumladan, bozor holati va anderrayterlar xulosalarini inobatga olib, Oʻzbekiston Respublikasi Prezidenti qarorlariga asosan birlamchi (IPO) va (yoki) ikkilamchi (SPO) ommaviy taklif etiladigan aksiyalar paketining hajmini va savdoga chiqarish muddatini belgilash, ularning roʻyxatiga oʻzgartirish va qoʻshimchalar kiritish vakolati berilsin.
Vazirlar Mahkamasi ikki oy muddatda mazkur qarorning 1-ilovasiga asosan aksiyalarining ommaviy taklifi oʻtkazilishi belgilangan har bir korxona boʻyicha alohida “yoʻl xaritalari” tasdiqlanishini taʼminlasin.
4. Moliya vazirligi va Davlat aktivlarini boshqarish agentligining 2023-yil 31-dekabrga qadar eksperiment tariqasida xorijiy banklar va investitsiya vositachilariga Oʻzbekiston Respublikasida alohida litsenziya olmasdan qimmatli qogʻozlar bozorida anderrayting faoliyatini amalga oshirish huquqiga ega boʻlgan va oʻz mablagʻlarining miqdori 500 mln soʻmdan kam boʻlmagan mahalliy yuridik shaxslar bilan shartnoma tuzgan holda, anderrayting faoliyatini amalga oshirishga ruxsat berish toʻgʻrisidagi taklifi maʼqullansin.
Istiqbolli loyihalar milliy agentligi 2025-yil 1-fevralga qadar eksperiment natijalarini chuqur tahlil qilgan holda, uni qimmatli qogʻozlar bozorida anderrayting faoliyatini amalga oshirish huquqiga ega boʻlgan barcha ishtirokchilarga tatbiq etishning maqsadga muvofiqligi yuzasidan taklif kiritsin.
5. 2022-yil 1-apreldan boshlab mahalliy emitentlarga oʻz aksiyalarini dastlab “Toshkent” RFBda joylashtirgandan soʻng anderrayter tavsiyasiga koʻra ularni xorijiy fond bozorlarida yoki bir vaqtda mahalliy va xorijiy fond birjalarida joylashtirish huquqi berilsin.
6. Oʻzbekiston Respublikasi Prezidentining 2007-yil 7-noyabrdagi “Bank tizimini yanada rivojlantirish va boʻsh pul mablagʻlarini bank aylanmasiga jalb etish chora-tadbirlari toʻgʻrisida”gi PQ-726-son qaroriga asosan bank faoliyatini amalga oshirish litsenziyasiga ega boʻlgan tijorat banklari qimmatli qogʻozlar bozorida investitsiya vositachisi faoliyatini amalga oshirishga haqli ekanligi maʼlumot uchun qabul qilinsin.
Moliya vazirligi ikki oy muddatda davlat ulushi mavjud tijorat banklari tomonidan qimmatli qogʻozlar bozorida investitsiya vositachisi faoliyatini yoʻlga qoʻyish masalasini ularning boshqaruv organlari yigʻilishlarida koʻrib chiqsin.
7. Moliya vazirligi:
manfaatdor idoralar bilan birgalikda uch oy muddatda Oʻzbekiston Respublikasi Soliq kodeksi , Oʻzbekiston Respublikasining “ Aksiyadorlik jamiyatlari va aksiyadorlarning huquqlarini himoya qilish toʻgʻrisida ”gi va “ Qimmatli qogʻozlar bozori toʻgʻrisida ”gi qonunlariga mazkur qarordan kelib chiqadigan oʻzgartirish va qoʻshimchalarni kiritish boʻyicha qonun loyihasini Vazirlar Mahkamasiga kiritsin;
Davlat aktivlarini boshqarish agentligi bilan birgalikda ikki oy muddatda “Toshkent” respublika fond birjasida birja listingiga kiritilmagan qimmatli qogʻozlar savdosini taʼminlovchi tizimni yaratsin.
8. Vazirlar Mahkamasining 2017-yil 10-maydagi “Fond birjasida aksiyalarning ommaviy taklifini oʻtkazishni tashkil etish toʻgʻrisida”gi 268-son qaroriga 2-ilovaga muvofiq oʻzgartirishlar va qoʻshimcha kiritilsin.
9. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2022-yil 17-yanvardagi PQ-90-son qaroriga 1-ILOVA
“Toshkent” RFBda aksiyalarining birlamchi (IPO) va (yoki) ikkilamchi (SPO) ommaviy taklifi oʻtkaziladigan aksiyadorlik jamiyatlari
T/r Aksiyadorlik jamiyatining nomi Joylashgan hududi Davlat ulushi Sotish shakli 1. “UzAuto Motors” AJ ( 1 ) Andijon viloyati 100,0 IPO 2. “UzAuto Motors Powertrain” AJ ( 1 ) Toshkent viloyati 100,0 IPO 3. “Oʼzbekgeofizika” AJ Toshkent viloyati 96,8 IPO 4. “Oʼztemiryoʼlkonteyner” AJ ( 1 ) Toshkent shahri 90,0 IPO 5. “Dori-Darmon” AJ ( 2 ) Toshkent shahri 36,10 IPO/SPO 6. “Oʻzbekiston pochtasi” AJ ( 3 ) Toshkent shahri 77,6 SPO 7. “Universal Sugʼurta” AJ Toshkent shahri 14,48 SPO 8. “Alskom” AJ Toshkent shahri 5,21 SPO
Oʻzbekiston Respublikasi Prezidentining 2022-yil 17-yanvardagi PQ-90-son qaroriga 2-ILOVA
Vazirlar Mahkamasining 2017-yil 10-maydagi “Fond birjasida aksiyalarni ommaviy taklifini oʻtkazishni tashkil etish toʻgʻrisida”gi 268-son qaroriga kiritilayotgan oʻzgartirishlar va qoʻshimcha
1. 3-bandning rus tilidagi matnida :
a) ikkinchi xatboshi quyidagi tahrirda bayon etilsin:
“sena predlojeniya aksiy putem provedeniya pervichnogo (IPO) i vtorichnogo (SPO) publichnix predlojeniy aksiy opredelyayetsya organizatorom”;
b) quyidagi mazmundagi xatboshilar bilan toʻldirilsin:
“sbor zayavok na priobreteniye aksiy, realizuyemix posredstvom pervichnogo (IPO) i vtorichnogo (SPO) publichnix predlojeniy aksiy, osushestvlyayetsya organizatorom ili gruppoy organizatorov, s kotorimi zaklyucheno soglasheniye o provedenii ukazannix IPO ili SPO;
organizatoru predostavlyayetsya pravo na vibor investorov dlya raspredeleniya aksiy na osnove dogovora, zaklyuchennogo s initsiatorom, a takje ustanovleniye sroka zapreta realizatsii investorami aksiy, priobretennix v ramkax pervichnogo (IPO) i vtorichnogo (SPO) publichnix predlojeniy aksiy;
raspredeleniye aksiy posredstvom IPO i SPO provoditsya na osnove yedinoy seni, opredelyayemoy organizatorom isxodya iz sprosa i predlojeniya na aksii”.
2. 2-ilovaning rus tilidagi matnida :
a) 9-band quyidagi tahrirda bayon etilsin:
“9. Organizatorom, po rezultatam predvaritelnogo izucheniya aksionernogo obshestva, opredelyayetsya diapazon sen predlojeniya aksiy dlya sbora zayavok na pokupku aksiy”;
b) 13-band quyidagi tahrirda bayon etilsin:
“13. Sbor zayavok na priobreteniye aksiy, realizuyemix posredstvom pervichnogo (IPO) i vtorichnogo (SPO) publichnix predlojeniy aksiy, osushestvlyayetsya organizatorom ili gruppoy organizatorov, s kotorimi zaklyucheno soglasheniye o provedenii ukazannix IPO ili SPO”;
v) 15-band quyidagi tahrirda bayon etilsin:
“15. Sena predlojeniya aksiy putem IPO i SPO opredelyayetsya organizatorom”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 17-yanvar,
PQ-90-son
Президента Республики Узбекистан
Постановление
ПЕРЕЧЕНЬ
О дополнительных мерах по внедрению эффективных механизмов поддержки рынка капитала
В целях дальнейшего развития рынка капитала, расширения практики приватизации пакетов государственных акций посредством рынка капитала, стимулирования инвестирования населения в ценные бумаги и создания здоровой конкурентной среды на финансовом рынке:
1. Установить, что с 1 апреля 2022 года по 31 декабря 2028 года:
доходы, начисленные в виде дивидендов по акциям физических лиц — резидентов и нерезидентов Республики Узбекистан освобождаются от налога на доход;
на доходы, начисленные в виде дивидендов по акциям юридических лиц — нерезидентов Республики Узбекистан, применяется 5-процентная ставка налога на прибыль по аналогии с юридическими лицами — резидентами Республики Узбекистан;
доходы в виде начисленных процентов по облигациям хозяйственных обществ физических и юридических лиц — резидентов и нерезидентов Республики Узбекистан освобождаются от налога на доходы физических лиц и налога на прибыль юридических лиц.
2. Установить порядок, в соответствии с которым:
при принятии общим собранием акционеров решения об исключении акций общества из биржевого котировального листа фондовой биржи акционерам — владельцам голосующих акций данного общества предоставляется право требования выкупа обществом принадлежащих им акций;
при совершении сделок с ценными бумагами на организованных внебиржевых торгах ценными бумагами продавцом (за исключением эмитента) уплачивается сбор в Национальное агентство перспективных проектов Республики Узбекистан в размере 0,3 процента от суммы сделки вместо налога на прибыль и налога на доход;
3. Одобрить предложение Агентства по управлению государственными активами и Министерства финансов о проведении в республиканской фондовой бирже «Тошкент» первичного (IPO) и (или) вторичного (SPO) публичного предложения акций акционерных обществ по перечню согласно приложению № 1 .
Предоставить Государственной комиссии по приватизации государственных активов и координации процессов приватизации полномочия устанавливать объем и сроки выпуска на продажу пакета акций первичного (IPO) и (или) вторичного (SPO) публичного предложения, вносить изменения и дополнения в их перечень согласно обоснованным предложениям Агентства по управлению государственными активами, Министерства экономики и финансов и Национального агентства перспективных проектов Республики Узбекистан, в том числе с учетом состояния рынка и заключений андеррайтеров, на основании решений Президента Республики Узбекистан.
Кабинету Министров в двухмесячный срок обеспечить утверждение отдельных «дорожных карт» по каждому предприятию, в которых будет проводиться публичное предложение акций на основании приложения № 1 к настоящему постановлению.
4. Одобрить предложение Министерства финансов и Агентства по управлению государственными активами о разрешении в качестве эксперимента в срок до 31 декабря 2023 года иностранным банкам и инвестиционным посредникам осуществлять андеррайтинговую деятельность, заключив договор с местными юридическими лицами, имеющими право осуществлять андеррайтинговую деятельность на рынке ценных бумаг, и не менее 500 млн сумов собственных средств, без получения отдельной лицензии в Республике Узбекистан.
Национальному агентству перспективных проектов в срок до 1 февраля 2025 года внести предложение о целесообразности применения эксперимента ко всем участникам, имеющим право осуществления андеррайтинговой деятельности на рынке ценных бумаг, с проведением глубокого анализа его результатов.
5. Предоставить с 1 апреля 2022 года местным эмитентам право по рекомендации андеррайтера размещать свои акции на зарубежных фондовых рынках после предварительного размещения на РФБ «Тошкент» или размещать одновременно в местных и зарубежных фондовых биржах.
6. Принять к сведению, что на основании постановления Президента Республики Узбекистан от 7 ноября 2007 года № ПП-726 «О мерах по дальнейшему развитию банковской системы и вовлечению свободных денежных средств в банковский оборот» коммерческие банки, имеющие лицензию на осуществление банковской деятельности, вправе осуществлять деятельность инвестиционного посредника на рынке ценных бумаг.
Министерству финансов в двухмесячный срок на заседаниях органов управления коммерческих банков с государственной долей рассмотреть вопрос о налаживании деятельности инвестиционного посредника на рынке ценных бумаг.
7. Министерству финансов:
совместно с заинтересованными ведомствами в трехмесячный срок внести в Кабинет Министров проект закона, предусматривающий внесение изменений и дополнений в Налоговый кодекс Республики Узбекистан и законы Республики Узбекистан « Об акционерных обществах и защите прав акционеров », « О рынке ценных бумаг », вытекающих из настоящего постановления;
совместно с Агентством по управлению государственными активами в двухмесячный срок создать на Республиканской фондовой бирже «Тошкент» систему, обеспечивающую торговлю ценными бумагами, не включенными в биржевой листинг.
8. Внести изменения и дополнение в постановление Кабинета Министров от 10 мая 2017 года № 268 «Об организации проведения публичного предложения акций на фондовой бирже» согласно приложению № 2 .
9. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова.
ПРИЛОЖЕНИЕ № 1 к постановлению Президента Республики Узбекистан от 17 января 2022 года № ПП-90
акционерных обществ, первичные (IPO) и (или) вторичные (SPO) публичные предложения акций которых будут проведены на РФБ «Ташкент»
№ Наименование акционерного общества Регион расположения Доля государства Форма реализации 1. АО «UzAuto Motors» ( 1 ) Андижанская область 100,0 IPO 2. АО «UzAuto Motors Powertrain» ( 1 ) Ташкентская область 100,0 IPO 3. АО «Oʼzbekgeofizika» Ташкентская область 96,8 IPO 4. АО «Oʼztemiryoʼlkonteyner» ( 1 ) Город Ташкент 90,0 IPO 5. АО «Dori-Darmon» ( 2 ) Город Ташкент 36,10 IPO/SPO 6. АО «Узбекистон почтаси» ( 3 ) Город Ташкент 77,6 SPO 7. АО «Universal Sugʼurta» Город Ташкент 14,48 SPO 8. АО «Alskom» Город Ташкент 5,21 SPO
ПРИЛОЖЕНИЕ № 2 к постановлению Президента Республики Узбекистан от 17 января 2022 года № ПП-90
Изменения и дополнение, вносимые в постановление Кабинета Министров от 10 мая 2017 года № 268 «Об организации проведения публичного предложения акций на фондовой бирже»
1. В пункте 3 :
а) абзац второй изложить в следующей редакции:
«цена предложения акций путем проведения первичного (IPO) и вторичного (SPO) публичных предложений акций определяется организатором»;
б) дополнить абзацами следующего содержания:
«сбор заявок на приобретение акций, реализуемых посредством первичного (IPO) и вторичного (SPO) публичных предложений акций, осуществляется организатором или группой организаторов, с которыми заключено соглашение о проведении указанных IPO или SPO;
организатору предоставляется право на выбор инвесторов для распределения акций на основе договора, заключенного с инициатором, а также установление срока запрета реализации инвесторами акций, приобретенных в рамках первичного (IPO) и вторичного (SPO) публичных предложений акций;
распределение акций посредством IPO и SPO проводится на основе единой цены, определяемой организатором исходя из спроса и предложения на акции».
2. В приложении № 2 :
а) пункт 9 изложить в следующей редакции:
«9. Организатором, по результатам предварительного изучения акционерного общества, определяется диапазон цен предложения акций для сбора заявок на покупку акций»;
б) пункт 13 изложить в следующей редакции:
«13. Сбор заявок на приобретение акций, реализуемых посредством первичного (IPO) и вторичного (SPO) публичных предложений акций, осуществляется организатором или группой организаторов, с которыми заключено соглашение о проведении указанных IPO или SPO»;
в) пункт 15 изложить в следующей редакции:
«15. Цена предложения акций путем IPO и SPO определяется организатором».
Президент Республики Узбекистан Ш. МИРЗИЁЕВ
г. Ташкент,
17 января 2022 г.,
№ ПП-90