UzbekAI

Ўзбекистон Республикасининг Қонуни

«Истеъмолчиларнинг ҳуқуқларини ҳимоя қилиш тўғрисида»ги Ўзбекистон Республикаси Қонунига қўшимча ва ўзгартишлар киритиш ҳақида

Қонунчилик палатаси томонидан 2021 йил 12 октябрда қабул қилинган Сенат томонидан 2021 йил 19 ноябрда маъқулланган

1-модда. Ўзбекистон Республикасининг 1996 йил 26 апрелда қабул қилинган «Истеъмолчиларнинг ҳуқуқларини ҳимоя қилиш тўғрисида»ги 221-I-сонли Қонунига (Ўзбекистон Республикаси Олий Мажлисининг Ахборотномаси, 1996 йил, № 5-6, 59-модда; 2002 йил, № 4-5, 74-модда; 2003 йил, № 5, 67-модда; Ўзбекистон Республикаси Олий Мажлиси палаталарининг Ахборотномаси, 2005 йил, № 12, 413-модда; 2006 йил, № 10, 536-модда; 2008 йил, № 4, 183-модда; 2010 йил, № 10, 380-модда; 2013 йил, № 10, 263-модда; 2014 йил, № 1, 2-модда; 2016 йил, № 4, 125-модда; 2017 йил, № 6, 300-модда, № 9, 510-модда; 2018 йил, № 1, 1-модда; 2019 йил, № 12, 891-модда; 2021 йил, 4-сонга илова) қуйидаги қўшимча ва ўзгартишлар киритилсин:

1) 5-модда қуйидаги мазмундаги бешинчи қисм билан тўлдирилсин:

«Ишлаб чиқарувчи (ижрочи, сотувчи) ҳақидаги, савдо ва хизмат кўрсатиш қоидалари тўғрисидаги маълумот истеъмолчига давлат тилида тақдим этилади. Мазкур маълумот қўшимча равишда бошқа тилларда ҳам тақдим этилиши мумкин»;

2) 6-модданинг :

биринчи қисми қуйидаги мазмундаги жумла билан тўлдирилсин:

«Бунда мазкур маълумот товарларнинг этикеткаларида, тамғаларида, техник ҳужжатида ёки товарларнинг (ишларнинг, хизматларнинг) айрим турлари учун қабул қилинган бошқа усулда истеъмолчиларга етказилиши мумкин»;

иккинчи қисми :

қуйидаги мазмундаги иккинчи хатбоши билан тўлдирилсин:

«товарнинг (ишнинг, хизматнинг) номи»;

иккинчи — ўн иккинчи хатбошилари тегишинча учинчи — ўн учинчи хатбошилар деб ҳисоблансин;

бешинчи хатбошисининг ўзбекча матнидаги «баҳоси» деган сўз «нархи» деган сўз билан алмаштирилсин;

ўнинчи хатбошиси қуйидаги таҳрирда баён этилсин:

«ишлаб чиқарувчининг (ижрочининг, сотувчининг) тўлиқ номи ва жойлашган ери (юридик манзили), лицензиялар ва рухсат этиш хусусиятига эга ҳужжатларнинг QR-коди (матрицали штрих коди), импорт қилинадиган товарлар учун эса ишлаб чиқарувчининг ҳамда импорт қилувчининг номи ва жойлашган ери (юридик манзили)»;

қуйидаги мазмундаги ўн биринчи хатбоши билан тўлдирилсин:

«товар келиб чиққан мамлакатнинг номи»;

ўн биринчи , ўн иккинчи ва ўн учинчи хатбошилари тегишинча ўн иккинчи, ўн учинчи ва ўн тўртинчи хатбошилар деб ҳисоблансин;

учинчи қисми қуйидаги мазмундаги учинчи ва тўртинчи қисмлар билан алмаштирилсин:

«Товар (иш, хизмат) тўғрисидаги маълумот истеъмолчига давлат тилида тақдим этилади. Мазкур маълумот қўшимча равишда бошқа тилларда ҳам тақдим этилиши мумкин.

Техник жиҳатдан тартибга солиниши мажбурий бўлган товар бўйича истеъмолчига унинг техник тартибга солиш соҳасидаги норматив ҳужжатлар талабларига мувофиқлиги тўғрисида тегишли маълумотлар тақдим этилиши керак»;

тўртинчи қисми бешинчи қисм деб ҳисоблансин;

3) 10-модда :

биринчи қисмининг иккинчи жумласи қуйидаги таҳрирда баён этилсин:

«Товарларни кредитга сотиш қонунчиликда белгиланган тартибда амалга оширилади»;

қуйидаги мазмундаги учинчи қисм билан тўлдирилсин:

«Товарлар (ишлар, хизматлар) учун ҳақ тўлаш нақд пулли ёки нақд пулсиз шаклда амалга оширилиши мумкин. Сотувчининг (ижрочининг) ҳақ тўлаш шаклига қараб товарнинг айни бир маркаси (модели, артикули), шунингдек бир хил ҳажмдаги ва сифатдаги ишлар, хизматлар учун ҳар хил нархлар (тарифлар) белгилаши, шу жумладан уларни сунъий равишда ошириши ёки пасайтириши тақиқланади. Товарлар (ишлар, хизматлар) учун нақд пулсиз шаклда ҳақ тўланганда, истеъмолчиларга рағбатлантиришлар берилиши мумкин»;

4) 17-модда :

тўртинчи қисми қуйидаги таҳрирда баён этилсин:

«Товарни кредитга сотиш тўғрисидаги шартнома бекор қилинганлиги муносабати билан товар қайтарилган тақдирда, товар қайтарилгунига қадар шартнома бўйича истеъмолчи томонидан тўланган пул суммаси унга қайтариб берилади, шунингдек кредит олиш билан бевосита боғлиқ бўлган барча харажатларнинг ҳамда кредит бўйича ҳисобланган фоизлар суммасининг ўрни қопланади»;

қуйидаги мазмундаги бешинчи қисм билан тўлдирилсин:

«Агар тарафларнинг келишувида бошқача қоида назарда тутилмаган бўлса, истеъмолчи томонидан тўланган пул суммасини унга қайтариш товар учун ҳақ тўлаш қандай шаклда амалга оширилган бўлса, худди шундай шаклда амалга оширилади»;

бешинчи қисми олтинчи қисм деб ҳисоблансин;

5) 18-модда :

қуйидаги мазмундаги иккинчи ва учинчи қисмлар билан тўлдирилсин:

«Агар товардан фойдаланилмаган, у шикастланмаган, қадоғи билан қайтарилган бўлса, унинг истеъмол хусусиятлари сақланган ва ушбу сотувчидан сотиб олганлигини тасдиқловчи асослар бўлса, истеъмолчининг товарни алмаштириш ёхуд қайтариб олиш ҳақидаги талаби қаноатлантирилиши лозим.

Агар тарафларнинг келишувида бошқача қоида назарда тутилмаган бўлса, истеъмолчи томонидан тўланган пул суммасини унга қайтариш товар учун ҳақ тўлаш қандай шаклда амалга оширилган бўлса, худди шундай шаклда амалга оширилади»;

иккинчи қисми тўртинчи қисм деб ҳисоблансин;

6) 20-модда қуйидаги мазмундаги бешинчи қисм билан тўлдирилсин:

«Товарда (ишда, хизматда) нуқсонлар борлиги ва унинг норматив ҳужжатлар талабларига мувофиқ эмаслиги тасдиқланган тақдирда, сотувчи (ишлаб чиқарувчи, ижрочи) текширув (тест, экспертиза) ўтказган истеъмолчига ёки истеъмолчилар ҳуқуқларини ҳимоя қилиш бўйича ваколатли давлат органларига товарларни (ишларни, хизматларни) текшириш (тестдан ўтказиш, экспертиза қилиш) билан боғлиқ харажатларнинг ўрнини тўлиқ қоплаши керак»;

7) 21-модда қуйидаги мазмундаги учинчи қисм билан тўлдирилсин:

«Шартномага истеъмолчиларнинг қонунчиликда назарда тутилган ҳуқуқларини камситадиган шартларни киритиш, шунингдек уларга қонунчиликда белгиланган имтиёзлар ва афзалликларни бермаслик тақиқланади»;

8) 23-модда :

қуйидаги мазмундаги учинчи қисм билан тўлдирилсин:

«Сотувчи (ишлаб чиқарувчи, ижрочи) билан шартномавий муносабатларда истеъмолчи қонунчиликда назарда тутилган ўз талаблари қаноатлантирилиши учун устувор ҳуқуққа эга»;

учинчи қисми тўртинчи қисм деб ҳисоблансин;

тўртинчи қисмидаги «Ўзбекистон Республикасининг хусусийлаштирилган корхоналарга кўмаклашиш ва рақобатни ривожлантириш давлат қўмитаси; Ўзбекистон стандартлаштириш, метрология ва сертификатлаштириш агентлиги (бундан буён матнда «Ўзстандарт» агентлиги деб юритилади)» деган сўзлар «Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги; Ўзбекистон Республикаси Инвестициялар ва ташқи савдо вазирлиги ҳузуридаги Ўзбекистон техник жиҳатдан тартибга солиш агентлиги» деган сўзлар билан алмаштирилсин;

9) 25-модда қуйидаги таҳрирда баён этилсин:

«25-модда. Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги ва унинг ҳудудий органлари

Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги ва унинг ҳудудий органлари истеъмолчиларнинг ҳуқуқларини ҳимоя қилиш мақсадида ўз ваколатлари доирасида:

истеъмолчилар ҳуқуқларини ҳимоя қилиш соҳасида ягона давлат сиёсати ишлаб чиқилишини ва унинг амалда рўёбга чиқарилишини амалга оширади;

давлат органларининг ва ташкилотларнинг истеъмолчилар ҳуқуқларини ҳимоя қилиш соҳасидаги фаолиятини мувофиқлаштиришни амалга оширади;

истеъмолчилар ҳуқуқларини ҳимоя қилиш соҳасида фуқаролик жамияти институтлари ва бошқа ташкилотлар билан ҳамкорлик қилади;

товарларнинг (ишларнинг, хизматларнинг) назорат хариди амалга оширилишини, техник жиҳатдан тартибга солиш соҳасидаги ваколатли давлат органлари билан биргаликда уларнинг экспертизадан (тестдан) ўтказилишини ташкил этади;

истеъмолчиларнинг ҳуқуқларини ҳимоя қилиш тўғрисидаги қонунчиликнинг бузилиши фактлари мавжуд бўлган тақдирда, тадбиркорлик субъектларида (молиявий-хўжалик фаолиятига аралашмаган ҳолда) текширишларни ўтказади;

норматив-ҳуқуқий ҳужжатлар лойиҳаларининг, шунингдек қабул қилинган норматив-ҳуқуқий ҳужжатларнинг истеъмолчиларга тартибга солиш таъсирини баҳолашдан ўтказади;

истеъмолчиларнинг ҳуқуқларини ҳимоя қилиш тўғрисидаги қонунчиликка риоя этилиши устидан давлат назоратини амалга оширади;

истеъмолчиларнинг ҳуқуқларини ҳимоя қилиш тўғрисидаги қонунчиликнинг қўлланилишига доир масалалар юзасидан расмий тушунтиришлар беради;

истеъмолчиларнинг ҳуқуқларини ҳимоя қилиш тўғрисидаги қонунчиликни бузиш аломатлари аниқланган тақдирда, ишлаб чиқарувчидан (ижрочидан, сотувчидан) зарур ҳужжатларни, тушунтиришларни ва бошқа ахборотни сўраб олади;

истеъмолчиларнинг ҳуқуқларини бузаётган камчиликларни бартараф этиш тўғрисида ишлаб чиқарувчига (ижрочига, сотувчига) кўрсатма юборади;

истеъмолчилар ҳуқуқларининг бузилиши билан боғлиқ масалаларни судга қадар ҳал қилишни ташкил этишга кўмаклашади;

суд мажлисларида истеъмолчиларнинг ҳуқуқларини ҳимоя қилиш масалалари бўйича мутахассис сифатида белгиланган тартибда иштирок этади;

истеъмолчиларнинг (истеъмолчилар номуайян доирасининг) ҳуқуқларини ҳимоя қилиб, судга мурожаат этиш ҳуқуқига эга;

қонунчиликка мувофиқ бошқа ваколатларни амалга оширади»;

10) 26-модда биринчи қисмининг биринчи хатбошисидаги «Ўзстандарт» деган сўз «Ўзбекистон Республикаси Инвестициялар ва ташқи савдо вазирлиги ҳузуридаги Ўзбекистон техник жиҳатдан тартибга солиш агентлиги» деган сўзлар билан алмаштирилсин;

11) қуйидаги мазмундаги 28 1 -модда билан тўлдирилсин:

«28 1 -модда. Товарларни (ишларни, хизматларни) ахборот тизимларидан фойдаланган ҳолда реализация қилишда истеъмолчиларнинг ҳуқуқларини ҳимоя қилиш

Товарлар (ишлар, хизматлар) намуналар ва (ёки) уларнинг тавсифи бўйича ахборот тизимларидан фойдаланган ҳолда реализация қилиниши мумкин.

Ахборот тизимларидан фойдаланган ҳолда тузиладиган шартномага мувофиқ товарларни (ишларни, хизматларни) реализация қилишда сотувчи (ишлаб чиқарувчи, ижрочи) истеъмолчига шартнома тузилгунига қадар давлат тилида ёки тарафларнинг келишувига кўра бошқа тилда қуйидаги маълумотларни тақдим этиши керак:

сотувчининг (ижрочининг) номи, унинг манзили ва шикоятларни қабул қилиш тартиби;

ишлаб чиқарувчининг (ижрочининг, сотувчининг) тўлиқ номи ва жойлашган ери (юридик манзили), импорт қилинадиган товарлар учун эса ишлаб чиқарувчининг ҳамда импорт қилувчининг номи ва жойлашган ери (юридик манзили);

товарларнинг (ишларнинг, хизматларнинг) асосий истеъмол хусусиятлари ва ўзига хос хусусиятлари;

лицензиялар ва рухсат этиш хусусиятига эга ҳужжатларнинг QR-коди (матрицали штрих коди);

товарларнинг (ишларнинг, хизматларнинг) нархи, етказиб бериш нархи ва тўлов шартлари;

ишлаб чиқарувчининг (бажарувчининг) кафиллик мажбуриятлари, товарни таъмирлаш шартлари, шунингдек уни сақлаш билан боғлиқ хизматлар;

шартномани бажаришнинг бошқа шартлари;

агар даврий равишда товарларни етказиб бериш, хизматлар кўрсатиш ёки ишларни бажариш назарда тутилган бўлса, шартноманинг энг кам амал қилиш муддати;

тегишли шартномани тузиш учун таклифларни қабул қилиш муддати;

шартномани бекор қилиш тартиби.

Ахборот тизимларидан фойдаланган ҳолда тузилган шартнома бекор қилинганда, сотувчи (ижрочи) истеъмолчига товарни қайтариб бериш амалга ошириладиган жой тўғрисида хабар бериши керак.

Товарни намуна ва (ёки) унинг тавсифи бўйича реализация қилиш чоғида сотувчи (ижрочи) намунага ва (ёки) тавсифга мувофиқ бўлган товарни тақдим этиши, шунингдек истеъмолчига товарни қабул қилиб олишида унинг бутлигини, яроқлилигини ва истеъмол хусусиятлари тўлиқ сақланганлигини текшириш имкониятини бериши шарт. Агар товар намунага ва (ёки) тавсифга мувофиқ бўлмаса, сотувчи (ижрочи) истеъмолчини бу ҳақда олдиндан хабардор қилиши керак. Товар намунага ва (ёки) тавсифга мувофиқ бўлмаган ҳолларда, истеъмолчи уни алмаштиришни ёки пул суммасини қайтаришни талаб қилиш ҳуқуқига эга.

Товарни қайтариб бериш билан боғлиқ барча харажатлар сотувчининг (ижрочининг) зиммасида бўлади.

Истеъмолчининг айбисиз етказилган шикастлантиришлар, шунингдек товарни кўздан кечириш ва уни текшириб кўриш мақсадида қадоғини очиш сабабли товар қийматининг пасайиши истеъмолчини шартномани бекор қилиш ҳуқуқидан маҳрум этмайди.

Агар шартнома бекор қилинганидан кейин истеъмолчи тўлаган пул суммаси шартномада белгиланган муддат ичида унга сотувчи томонидан қайтарилмаса, сотувчи истеъмолчига шартномада белгиланган муддатлардан ортиқ ҳар бир кечиктирилган кун учун қайтарилиши лозим бўлган пул суммасининг бир фоизи миқдорида неустойка (пеня) тўлайди. Бунда неустойканинг (пенянинг) миқдори қайтарилиши лозим бўлган пул суммасидан ошиб кетиши мумкин эмас. Неустойканинг (пенянинг) тўланганлиги сотувчини шартнома бекор қилиниши муносабати билан юзага келадиган мажбуриятларни бажаришдан озод этмайди»;

12) 30-модда қуйидаги мазмундаги учинчи ва тўртинчи қисмлар билан тўлдирилсин:

«Истеъмолчиларнинг жамоат бирлашмалари қуйидаги ҳуқуқларга эга:

ваколатли давлат органларига истеъмолчиларнинг ҳуқуқларини ҳимоя қилиш тўғрисидаги қонунчиликни такомиллаштириш юзасидан таклифлар киритиш;

истеъмолчиларга ахборотга оид ва маслаҳат хизматлари кўрсатиш;

истеъмолчиларнинг ҳуқуқларини ҳимоя қилиш соҳасида ижтимоий аҳамиятга молик масалалар юзасидан жамоатчилик муҳокамаларини ўтказиш, уларнинг натижаларига кўра тайёрланган таклифлар ва тавсияларни ваколатли давлат органларига тақдим этиш ҳамда эълон қилиш;

аҳолининг истеъмолчиликка оид саводхонлигини ошириш бўйича маърифий ишларни амалга ошириш;

истеъмолчиларнинг ҳуқуқлари ва манфаатларини ҳимоя қилиш чора-тадбирларини амалга оширишда ваколатли давлат органлари, маҳаллий давлат ҳокимияти органлари, фуқароларнинг ўзини ўзи бошқариш органлари билан ҳамкорлик қилиш ҳамда уларга кўмаклашиш.

Истеъмолчиларнинг жамоат бирлашмалари қонунчиликка мувофиқ бошқа ҳуқуқларга ҳам эга бўлиши мумкин».

2-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин;

ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

3-модда. Ушбу Қонун расмий эълон қилинган кундан эътиборан кучга киради.

Ушбу Қонун 1-моддасининг 1 , 2 , 6 ва 11-бандлари ушбу Қонун кучга кирган кундан эътиборан уч ой ўтгач амалга киритилади.

Ўзбекистон Республикасининг Президенти Ш. МИРЗИЁЕВ

Тошкент ш.,

2022 йил 18 январь,

ЎРҚ-746-сон

(Қонунчилик маълумотлари миллий базаси, 18.01.2022 й., 03/22/746/0032-сон)

lex.uz

Oʻzbekiston Respublikasining Qonuni

“Isteʼmolchilarning huquqlarini himoya qilish toʻgʻrisida”gi Oʻzbekiston Respublikasi Qonuniga qoʻshimcha va oʻzgartishlar kiritish haqida

Qonunchilik palatasi tomonidan 2021-yil 12-oktabrda qabul qilingan Senat tomonidan 2021-yil 19-noyabrda maʼqullangan

1-modda. Oʻzbekiston Respublikasining 1996-yil 26-aprelda qabul qilingan “Isteʼmolchilarning huquqlarini himoya qilish toʻgʻrisida”gi 221-I-sonli Qonuniga (Oʻzbekiston Respublikasi Oliy Majlisining Axborotnomasi, 1996-yil, № 5-6, 59-modda; 2002-yil, № 4-5, 74-modda; 2003-yil, № 5, 67-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 12, 413-modda; 2006-yil, № 10, 536-modda; 2008-yil, № 4, 183-modda; 2010-yil, № 10, 380-modda; 2013-yil, № 10, 263-modda; 2014-yil, № 1, 2-modda; 2016-yil, № 4, 125-modda; 2017-yil, № 6, 300-modda, № 9, 510-modda; 2018-yil, № 1, 1-modda; 2019-yil, № 12, 891-modda; 2021-yil, 4-songa ilova) quyidagi qoʻshimcha va oʻzgartishlar kiritilsin:

1) 5-modda quyidagi mazmundagi beshinchi qism bilan toʻldirilsin:

“Ishlab chiqaruvchi (ijrochi, sotuvchi) haqidagi, savdo va xizmat koʻrsatish qoidalari toʻgʻrisidagi maʼlumot isteʼmolchiga davlat tilida taqdim etiladi. Mazkur maʼlumot qoʻshimcha ravishda boshqa tillarda ham taqdim etilishi mumkin”;

2) 6-moddaning :

birinchi qismi quyidagi mazmundagi jumla bilan toʻldirilsin:

“Bunda mazkur maʼlumot tovarlarning etiketkalarida, tamgʻalarida, texnik hujjatida yoki tovarlarning (ishlarning, xizmatlarning) ayrim turlari uchun qabul qilingan boshqa usulda isteʼmolchilarga yetkazilishi mumkin”;

ikkinchi qismi :

quyidagi mazmundagi ikkinchi xatboshi bilan toʻldirilsin:

“tovarning (ishning, xizmatning) nomi”;

ikkinchi — oʻn ikkinchi xatboshilari tegishincha uchinchi — oʻn uchinchi xatboshilar deb hisoblansin;

beshinchi xatboshisining oʻzbekcha matnidagi “bahosi” degan soʻz “narxi” degan soʻz bilan almashtirilsin;

oʻninchi xatboshisi quyidagi tahrirda bayon etilsin:

“ishlab chiqaruvchining (ijrochining, sotuvchining) toʻliq nomi va joylashgan yeri (yuridik manzili), litsenziyalar va ruxsat etish xususiyatiga ega hujjatlarning QR-kodi (matritsali shtrix kodi), import qilinadigan tovarlar uchun esa ishlab chiqaruvchining hamda import qiluvchining nomi va joylashgan yeri (yuridik manzili)”;

quyidagi mazmundagi oʻn birinchi xatboshi bilan toʻldirilsin:

“tovar kelib chiqqan mamlakatning nomi”;

oʻn birinchi , oʻn ikkinchi va oʻn uchinchi xatboshilari tegishincha oʻn ikkinchi, oʻn uchinchi va oʻn toʻrtinchi xatboshilar deb hisoblansin;

uchinchi qismi quyidagi mazmundagi uchinchi va toʻrtinchi qismlar bilan almashtirilsin:

“Tovar (ish, xizmat) toʻgʻrisidagi maʼlumot isteʼmolchiga davlat tilida taqdim etiladi. Mazkur maʼlumot qoʻshimcha ravishda boshqa tillarda ham taqdim etilishi mumkin.

Texnik jihatdan tartibga solinishi majburiy boʻlgan tovar boʻyicha isteʼmolchiga uning texnik tartibga solish sohasidagi normativ hujjatlar talablariga muvofiqligi toʻgʻrisida tegishli maʼlumotlar taqdim etilishi kerak”;

toʻrtinchi qismi beshinchi qism deb hisoblansin;

3) 10-modda :

birinchi qismining ikkinchi jumlasi quyidagi tahrirda bayon etilsin:

“Tovarlarni kreditga sotish qonunchilikda belgilangan tartibda amalga oshiriladi”;

quyidagi mazmundagi uchinchi qism bilan toʻldirilsin:

“Tovarlar (ishlar, xizmatlar) uchun haq toʻlash naqd pulli yoki naqd pulsiz shaklda amalga oshirilishi mumkin. Sotuvchining (ijrochining) haq toʻlash shakliga qarab tovarning ayni bir markasi (modeli, artikuli), shuningdek bir xil hajmdagi va sifatdagi ishlar, xizmatlar uchun har xil narxlar (tariflar) belgilashi, shu jumladan ularni sunʼiy ravishda oshirishi yoki pasaytirishi taqiqlanadi. Tovarlar (ishlar, xizmatlar) uchun naqd pulsiz shaklda haq toʻlanganda, isteʼmolchilarga ragʻbatlantirishlar berilishi mumkin”;

4) 17-modda :

toʻrtinchi qismi quyidagi tahrirda bayon etilsin:

“Tovarni kreditga sotish toʻgʻrisidagi shartnoma bekor qilinganligi munosabati bilan tovar qaytarilgan taqdirda, tovar qaytarilguniga qadar shartnoma boʻyicha isteʼmolchi tomonidan toʻlangan pul summasi unga qaytarib beriladi, shuningdek kredit olish bilan bevosita bogʻliq boʻlgan barcha xarajatlarning hamda kredit boʻyicha hisoblangan foizlar summasining oʻrni qoplanadi”;

quyidagi mazmundagi beshinchi qism bilan toʻldirilsin:

“Agar taraflarning kelishuvida boshqacha qoida nazarda tutilmagan boʻlsa, isteʼmolchi tomonidan toʻlangan pul summasini unga qaytarish tovar uchun haq toʻlash qanday shaklda amalga oshirilgan boʻlsa, xuddi shunday shaklda amalga oshiriladi”;

beshinchi qismi oltinchi qism deb hisoblansin;

5) 18-modda :

quyidagi mazmundagi ikkinchi va uchinchi qismlar bilan toʻldirilsin:

“Agar tovardan foydalanilmagan, u shikastlanmagan, qadogʻi bilan qaytarilgan boʻlsa, uning isteʼmol xususiyatlari saqlangan va ushbu sotuvchidan sotib olganligini tasdiqlovchi asoslar boʻlsa, isteʼmolchining tovarni almashtirish yoxud qaytarib olish haqidagi talabi qanoatlantirilishi lozim.

Agar taraflarning kelishuvida boshqacha qoida nazarda tutilmagan boʻlsa, isteʼmolchi tomonidan toʻlangan pul summasini unga qaytarish tovar uchun haq toʻlash qanday shaklda amalga oshirilgan boʻlsa, xuddi shunday shaklda amalga oshiriladi”;

ikkinchi qismi toʻrtinchi qism deb hisoblansin;

6) 20-modda quyidagi mazmundagi beshinchi qism bilan toʻldirilsin:

“Tovarda (ishda, xizmatda) nuqsonlar borligi va uning normativ hujjatlar talablariga muvofiq emasligi tasdiqlangan taqdirda, sotuvchi (ishlab chiqaruvchi, ijrochi) tekshiruv (test, ekspertiza) oʻtkazgan isteʼmolchiga yoki isteʼmolchilar huquqlarini himoya qilish boʻyicha vakolatli davlat organlariga tovarlarni (ishlarni, xizmatlarni) tekshirish (testdan oʻtkazish, ekspertiza qilish) bilan bogʻliq xarajatlarning oʻrnini toʻliq qoplashi kerak”;

7) 21-modda quyidagi mazmundagi uchinchi qism bilan toʻldirilsin:

“Shartnomaga isteʼmolchilarning qonunchilikda nazarda tutilgan huquqlarini kamsitadigan shartlarni kiritish, shuningdek ularga qonunchilikda belgilangan imtiyozlar va afzalliklarni bermaslik taqiqlanadi”;

8) 23-modda :

quyidagi mazmundagi uchinchi qism bilan toʻldirilsin:

“Sotuvchi (ishlab chiqaruvchi, ijrochi) bilan shartnomaviy munosabatlarda isteʼmolchi qonunchilikda nazarda tutilgan oʻz talablari qanoatlantirilishi uchun ustuvor huquqqa ega”;

uchinchi qismi toʻrtinchi qism deb hisoblansin;

toʻrtinchi qismidagi “Oʻzbekiston Respublikasining xususiylashtirilgan korxonalarga koʻmaklashish va raqobatni rivojlantirish davlat qoʻmitasi; Oʻzbekiston standartlashtirish, metrologiya va sertifikatlashtirish agentligi (bundan buyon matnda “Oʻzstandart” agentligi deb yuritiladi)” degan soʻzlar “Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi; Oʻzbekiston Respublikasi Investitsiyalar va tashqi savdo vazirligi huzuridagi Oʻzbekiston texnik jihatdan tartibga solish agentligi” degan soʻzlar bilan almashtirilsin;

9) 25-modda quyidagi tahrirda bayon etilsin:

“25-modda. Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi va uning hududiy organlari

Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi va uning hududiy organlari isteʼmolchilarning huquqlarini himoya qilish maqsadida oʻz vakolatlari doirasida:

isteʼmolchilar huquqlarini himoya qilish sohasida yagona davlat siyosati ishlab chiqilishini va uning amalda roʻyobga chiqarilishini amalga oshiradi;

davlat organlarining va tashkilotlarning isteʼmolchilar huquqlarini himoya qilish sohasidagi faoliyatini muvofiqlashtirishni amalga oshiradi;

isteʼmolchilar huquqlarini himoya qilish sohasida fuqarolik jamiyati institutlari va boshqa tashkilotlar bilan hamkorlik qiladi;

tovarlarning (ishlarning, xizmatlarning) nazorat xaridi amalga oshirilishini, texnik jihatdan tartibga solish sohasidagi vakolatli davlat organlari bilan birgalikda ularning ekspertizadan (testdan) oʻtkazilishini tashkil etadi;

isteʼmolchilarning huquqlarini himoya qilish toʻgʻrisidagi qonunchilikning buzilishi faktlari mavjud boʻlgan taqdirda, tadbirkorlik subyektlarida (moliyaviy-xoʻjalik faoliyatiga aralashmagan holda) tekshirishlarni oʻtkazadi;

normativ-huquqiy hujjatlar loyihalarining, shuningdek qabul qilingan normativ-huquqiy hujjatlarning isteʼmolchilarga tartibga solish taʼsirini baholashdan oʻtkazadi;

isteʼmolchilarning huquqlarini himoya qilish toʻgʻrisidagi qonunchilikka rioya etilishi ustidan davlat nazoratini amalga oshiradi;

isteʼmolchilarning huquqlarini himoya qilish toʻgʻrisidagi qonunchilikning qoʻllanilishiga doir masalalar yuzasidan rasmiy tushuntirishlar beradi;

isteʼmolchilarning huquqlarini himoya qilish toʻgʻrisidagi qonunchilikni buzish alomatlari aniqlangan taqdirda, ishlab chiqaruvchidan (ijrochidan, sotuvchidan) zarur hujjatlarni, tushuntirishlarni va boshqa axborotni soʻrab oladi;

isteʼmolchilarning huquqlarini buzayotgan kamchiliklarni bartaraf etish toʻgʻrisida ishlab chiqaruvchiga (ijrochiga, sotuvchiga) koʻrsatma yuboradi;

isteʼmolchilar huquqlarining buzilishi bilan bogʻliq masalalarni sudga qadar hal qilishni tashkil etishga koʻmaklashadi;

sud majlislarida isteʼmolchilarning huquqlarini himoya qilish masalalari boʻyicha mutaxassis sifatida belgilangan tartibda ishtirok etadi;

isteʼmolchilarning (isteʼmolchilar nomuayyan doirasining) huquqlarini himoya qilib, sudga murojaat etish huquqiga ega;

qonunchilikka muvofiq boshqa vakolatlarni amalga oshiradi”;

10) 26-modda birinchi qismining birinchi xatboshisidagi “Oʻzstandart” degan soʻz “Oʻzbekiston Respublikasi Investitsiyalar va tashqi savdo vazirligi huzuridagi Oʻzbekiston texnik jihatdan tartibga solish agentligi” degan soʻzlar bilan almashtirilsin;

11) quyidagi mazmundagi 28 1 -modda bilan toʻldirilsin:

“28 1 -modda. Tovarlarni (ishlarni, xizmatlarni) axborot tizimlaridan foydalangan holda realizatsiya qilishda isteʼmolchilarning huquqlarini himoya qilish

Tovarlar (ishlar, xizmatlar) namunalar va (yoki) ularning tavsifi boʻyicha axborot tizimlaridan foydalangan holda realizatsiya qilinishi mumkin.

Axborot tizimlaridan foydalangan holda tuziladigan shartnomaga muvofiq tovarlarni (ishlarni, xizmatlarni) realizatsiya qilishda sotuvchi (ishlab chiqaruvchi, ijrochi) isteʼmolchiga shartnoma tuzilguniga qadar davlat tilida yoki taraflarning kelishuviga koʻra boshqa tilda quyidagi maʼlumotlarni taqdim etishi kerak:

sotuvchining (ijrochining) nomi, uning manzili va shikoyatlarni qabul qilish tartibi;

ishlab chiqaruvchining (ijrochining, sotuvchining) toʻliq nomi va joylashgan yeri (yuridik manzili), import qilinadigan tovarlar uchun esa ishlab chiqaruvchining hamda import qiluvchining nomi va joylashgan yeri (yuridik manzili);

tovarlarning (ishlarning, xizmatlarning) asosiy isteʼmol xususiyatlari va oʻziga xos xususiyatlari;

litsenziyalar va ruxsat etish xususiyatiga ega hujjatlarning QR-kodi (matritsali shtrix kodi);

tovarlarning (ishlarning, xizmatlarning) narxi, yetkazib berish narxi va toʻlov shartlari;

ishlab chiqaruvchining (bajaruvchining) kafillik majburiyatlari, tovarni taʼmirlash shartlari, shuningdek uni saqlash bilan bogʻliq xizmatlar;

shartnomani bajarishning boshqa shartlari;

agar davriy ravishda tovarlarni yetkazib berish, xizmatlar koʻrsatish yoki ishlarni bajarish nazarda tutilgan boʻlsa, shartnomaning eng kam amal qilish muddati;

tegishli shartnomani tuzish uchun takliflarni qabul qilish muddati;

shartnomani bekor qilish tartibi.

Axborot tizimlaridan foydalangan holda tuzilgan shartnoma bekor qilinganda, sotuvchi (ijrochi) isteʼmolchiga tovarni qaytarib berish amalga oshiriladigan joy toʻgʻrisida xabar berishi kerak.

Tovarni namuna va (yoki) uning tavsifi boʻyicha realizatsiya qilish chogʻida sotuvchi (ijrochi) namunaga va (yoki) tavsifga muvofiq boʻlgan tovarni taqdim etishi, shuningdek isteʼmolchiga tovarni qabul qilib olishida uning butligini, yaroqliligini va isteʼmol xususiyatlari toʻliq saqlanganligini tekshirish imkoniyatini berishi shart. Agar tovar namunaga va (yoki) tavsifga muvofiq boʻlmasa, sotuvchi (ijrochi) isteʼmolchini bu haqda oldindan xabardor qilishi kerak. Tovar namunaga va (yoki) tavsifga muvofiq boʻlmagan hollarda, isteʼmolchi uni almashtirishni yoki pul summasini qaytarishni talab qilish huquqiga ega.

Tovarni qaytarib berish bilan bogʻliq barcha xarajatlar sotuvchining (ijrochining) zimmasida boʻladi.

Isteʼmolchining aybisiz yetkazilgan shikastlantirishlar, shuningdek tovarni koʻzdan kechirish va uni tekshirib koʻrish maqsadida qadogʻini ochish sababli tovar qiymatining pasayishi isteʼmolchini shartnomani bekor qilish huquqidan mahrum etmaydi.

Agar shartnoma bekor qilinganidan keyin isteʼmolchi toʻlagan pul summasi shartnomada belgilangan muddat ichida unga sotuvchi tomonidan qaytarilmasa, sotuvchi isteʼmolchiga shartnomada belgilangan muddatlardan ortiq har bir kechiktirilgan kun uchun qaytarilishi lozim boʻlgan pul summasining bir foizi miqdorida neustoyka (penya) toʻlaydi. Bunda neustoykaning (penyaning) miqdori qaytarilishi lozim boʻlgan pul summasidan oshib ketishi mumkin emas. Neustoykaning (penyaning) toʻlanganligi sotuvchini shartnoma bekor qilinishi munosabati bilan yuzaga keladigan majburiyatlarni bajarishdan ozod etmaydi”;

12) 30-modda quyidagi mazmundagi uchinchi va toʻrtinchi qismlar bilan toʻldirilsin:

“Isteʼmolchilarning jamoat birlashmalari quyidagi huquqlarga ega:

vakolatli davlat organlariga isteʼmolchilarning huquqlarini himoya qilish toʻgʻrisidagi qonunchilikni takomillashtirish yuzasidan takliflar kiritish;

isteʼmolchilarga axborotga oid va maslahat xizmatlari koʻrsatish;

isteʼmolchilarning huquqlarini himoya qilish sohasida ijtimoiy ahamiyatga molik masalalar yuzasidan jamoatchilik muhokamalarini oʻtkazish, ularning natijalariga koʻra tayyorlangan takliflar va tavsiyalarni vakolatli davlat organlariga taqdim etish hamda eʼlon qilish;

aholining isteʼmolchilikka oid savodxonligini oshirish boʻyicha maʼrifiy ishlarni amalga oshirish;

isteʼmolchilarning huquqlari va manfaatlarini himoya qilish chora-tadbirlarini amalga oshirishda vakolatli davlat organlari, mahalliy davlat hokimiyati organlari, fuqarolarning oʻzini oʻzi boshqarish organlari bilan hamkorlik qilish hamda ularga koʻmaklashish.

Isteʼmolchilarning jamoat birlashmalari qonunchilikka muvofiq boshqa huquqlarga ham ega boʻlishi mumkin”.

2-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;

ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

3-modda. Ushbu Qonun rasmiy eʼlon qilingan kundan eʼtiboran kuchga kiradi.

Ushbu Qonun 1-moddasining 1 , 2 , 6 va 11-bandlari ushbu Qonun kuchga kirgan kundan eʼtiboran uch oy oʻtgach amalga kiritiladi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2022-yil 18-yanvar,

OʻRQ-746-son

(Qonunchilik maʼlumotlari milliy bazasi, 18.01.2022-y., 03/22/746/0032-son)

lex.uz

Закон Республики Узбекистан

О внесении дополнений и изменений в Закон Республики Узбекистан «О защите прав потребителей»

Принят Законодательной палатой 12 октября 2021 года Одобрен Сенатом 19 ноября 2021 года

Статья 1. Внести в Закон Республики Узбекистан от 26 апреля 1996 года № 221-I «О защите прав потребителей» (Ведомости Олий Мажлиса Республики Узбекистан, 1996 г., № 5-6, ст. 59; 2002 г., № 4-5, ст. 74; 2003 г., № 5, ст. 67; Ведомости палат Олий Мажлиса Республики Узбекистан, 2005 г., № 12, ст. 413; 2006 г., № 10, ст. 536; 2008 г., № 4, ст. 183; 2010 г., № 10, ст. 380; 2013 г., № 10, ст. 263; 2014 г., № 1, ст. 2; 2016 г., № 4, ст. 125; 2017 г., № 6, ст. 300, № 9, ст. 510; 2018 г., № 1, ст. 1; 2019 г., № 12, ст. 891; 2021 г., приложение к № 4) следующие дополнения и изменения:

1) статью 5 дополнить частью пятой следующего содержания:

«Информация об изготовителе (исполнителе, продавце), правилах торговли и обслуживания предоставляется потребителю на государственном языке. Данная информация может быть также дополнительно предоставлена и на других языках»;

2) в статье 6 :

часть первую дополнить предложением следующего содержания:

«При этом данная информация может доводиться до потребителей на этикетках, маркировках, технической документации товаров или иным способом, принятым для отдельных видов товаров (работ, услуг);

в части второй :

дополнить абзацем вторым следующего содержания:

«наименование товара (работы, услуги)»;

абзацы второй — двенадцатый считать соответственно абзацами третьим — тринадцатым;

в абзаце пятом текста на узбекском языке слово «баҳоси» заменить словом «нархи»;

абзац десятый изложить в следующей редакции:

«полное наименование и местонахождение (юридический адрес) изготовителя (исполнителя, продавца), QR-код (матричный штрих код) лицензий и документов разрешительного характера, а для импортируемых товаров — наименование и местонахождение (юридический адрес) изготовителя и импортера»;

дополнить абзацем одиннадцатым следующего содержания:

«наименование страны происхождения товара»;

абзацы одиннадцатый , двенадцатый и тринадцатый считать соответственно абзацами двенадцатым, тринадцатым и четырнадцатым;

часть третью заменить частями третьей и четвертой следующего содержания:

«Информация о товаре (работе, услуге) предоставляется потребителю на государственном языке. Данная информация может быть дополнительно предоставлена и на других языках.

По товару, подлежащему обязательному техническому регулированию, потребителю должны быть предоставлены соответствующие сведения о его соответствии требованиям нормативных документов в области технического регулирования»;

часть четвертую считать частью пятой;

3) в статье 10 :

второе предложение части первой изложить в следующей редакции:

«Продажа товаров в кредит осуществляется в порядке, установленном законодательством»;

дополнить частью третьей следующего содержания:

«Оплата товаров (работ, услуг) может производиться в наличной или безналичной форме. Продавцу (исполнителю) запрещается устанавливать разные цены (тарифы), в том числе их искусственное завышение или снижение, на одну и ту же марку (модель, артикул) товара, а также для работ, услуг в таком же объеме и качестве в зависимости от формы оплаты. При оплате товаров (работ, услуг) в безналичной форме потребителям могут предоставляться поощрения»;

4) в статье 17 :

часть четвертую изложить в следующей редакции:

«При возврате товара в связи с расторжением договора о продаже товара в кредит потребителю возвращается денежная сумма, уплаченная им по договору до возврата товара, а также возмещаются все затраты, непосредственно связанные с получением кредита, и сумма начисленных процентов по нему»;

дополнить частью пятой следующего содержания:

«Возврат потребителю уплаченной им денежной суммы производится в той же форме, в которой проводилась оплата за товар, если иное не предусмотрено соглашением сторон»;

часть пятую считать частью шестой;

5) в статье 18 :

дополнить частями второй и третьей следующего содержания:

«Требование потребителя о замене либо возврате товара подлежит удовлетворению, если товар не был в употреблении, не был поврежден, возвращен с упаковкой, сохранены его потребительские свойства и имеются основания, подтверждающие приобретение его у данного продавца.

Возврат потребителю уплаченной им денежной суммы производится в той же форме, в которой проводилась оплата за товар, если иное не предусмотрено соглашением сторон»;

часть вторую считать частью четвертой;

6) статью 20 дополнить частью пятой следующего содержания:

«При подтверждении недостатков в товаре (работе, услуге) и его несоответствия требованиям нормативных документов, продавец (изготовитель, исполнитель) должен полностью покрыть расходы, связанные с проверкой (тестированием, экспертизой) товаров (работ, услуг) потребителю или государственным уполномоченным органам по защите прав потребителей ее проводившим»;

7) статью 21 дополнить частью третьей следующего содержания:

«Запрещается включение в договор условий, ущемляющих права потребителей, предусмотренных законодательством, а также непредоставление им льгот и преимуществ, установленных законодательством»;

8) в статье 23 :

дополнить частью третьей следующего содержания:

«Потребитель в договорных отношениях с продавцом (производителем, исполнителем) имеет преимущественное право на удовлетворение своих требований, предусмотренных законодательством»;

часть третью считать частью четвертой;

в части четвертой слова «Государственный комитет Республики Узбекистан по содействию приватизированным предприятиям и развитию конкуренции; Узбекское агентство стандартизации, метрологии и сертификации (далее — «Узстандарт»)» заменить словами «Агентство по защите прав потребителей при Антимонопольном комитете Республики Узбекистан; Узбекское агентство по техническому регулированию при Министерстве инвестиций и внешней торговли Республики Узбекистан»;

9) статью 25 изложить в следующей редакции:

«Статья 25. Агентство по защите прав потребителей при Антимонопольном комитете Республики Узбекистан и его территориальные органы

В целях защиты прав потребителей Агентство по защите прав потребителей при Антимонопольном комитете Республики Узбекистан и его территориальные органы в пределах своих полномочий:

осуществляют разработку и практическую реализацию единой государственной политики в области защиты прав потребителей;

осуществляют координацию деятельности государственных органов и организаций в области защиты прав потребителей;

взаимодействуют с институтами гражданского общества и другими организациями в сфере защиты прав потребителей;

организуют проведение контрольной закупки товаров (работ, услуг), их экспертизу (тестирование) совместно с уполномоченными государственными органами в области технического регулирования;

проводят проверки (без вмешательства в финансово-хозяйственную деятельность) субъектов предпринимательства при наличии фактов нарушения законодательства о защите прав потребителей;

проводят оценку регуляторного воздействия проектов нормативно-правовых актов, а также принятых нормативно-правовых актов на потребителей;

осуществляют государственный контроль за соблюдением законодательства о защите прав потребителей;

дают официальные разъяснения по вопросам применения законодательства о защите прав потребителей;

запрашивают необходимые документы, объяснения и иную информацию от изготовителя (исполнителя, продавца) в случае обнаружения признаков нарушения законодательства о защите прав потребителей;

направляют предписание изготовителю (исполнителю, продавцу) об устранении недостатков, нарушающих права потребителей;

оказывают содействие в организации досудебного урегулирования вопросов, связанных с нарушением прав потребителей;

участвуют в установленном порядке в заседаниях суда в качестве специалиста по вопросам защиты прав потребителей;

имеют право обращаться в суд в защиту прав потребителей (неопределенного круга потребителей);

осуществляют иные полномочия в соответствии с законодательством»;

10) в абзаце первом части первой статьи 26 слова «агентство «Узстандарт» заменить словами «Узбекское агентство по техническому регулированию при Министерстве инвестиций и внешней торговли Республики Узбекистан»;

11) дополнить статьей 28 1 следующего содержания:

«Статья 28 1 . Защита прав потребителей при реализации товаров (работ, услуг) с использованием информационных систем

Товары (работы, услуги) могут быть реализованы с использованием информационных систем по образцу и (или) их описанию.

При реализации товаров (работ, услуг), осуществляемой в соответствии с договором, заключаемым с использованием информационных систем, продавец (изготовитель, исполнитель) до заключения договора должен предоставить потребителю следующую информацию на государственном или ином языке по соглашению сторон:

наименование продавца (исполнителя), его адрес и порядок приема жалоб;

полное наименование и местонахождение (юридический адрес) изготовителя (исполнителя, продавца), а для импортируемых товаров — наименование и местонахождение (юридический адрес) изготовителя и импортера;

основные потребительские и специфические свойства товаров (работ, услуг);

QR-код (матричный штрих код) лицензий и документов разрешительного характера;

цена товаров (работ, услуг), цена поставки и условия оплаты;

гарантийные обязательства изготовителя (исполнителя), условия ремонта товара, а также услуги, связанные с его хранением;

другие условия исполнения договора;

минимальный срок действия договора, если предусмотрена периодическая поставка товаров, оказание услуг или выполнение работ;

срок приема предложений для заключения соответствующего договора;

порядок расторжения договора.

При расторжении договора, заключенного с использованием информационных систем, продавец (исполнитель) должен сообщить потребителю о месте, где будет осуществлен возврат товара.

При реализации товара по образцу и (или) его описанию продавец (исполнитель) обязан представить товар, который соответствует образцу и (или) описанию, а также дать возможность потребителю проверить при принятии товара его комплектность, пригодность и полную сохранность потребительских свойств. Если товар не соответствует образцу и (или) описанию, продавец (исполнитель) должен уведомить об этом потребителя заранее. В случаях, когда товар не соответствует образцу и (или) описанию, потребитель имеет право потребовать его замены или возврата денежной суммы.

Все расходы, связанные с возвратом товара, несет продавец (исполнитель).

Уменьшение стоимости товара из-за повреждений, причиненных не по вине потребителя, а также из-за осмотра товара и вскрытия упаковки в целях его проверки не лишает потребителя права на расторжение договора.

В случае, если после расторжения договора продавцом не возвращается потребителю уплаченная им денежная сумма в течение установленного договором срока, то продавец уплачивает потребителю неустойку (пеню) в размере одного процента от денежной суммы, подлежащей возврату, за каждый день просрочки свыше сроков, установленных договором. При этом размер неустойки (пени) не может превышать денежную сумму, подлежащую возврату. Уплата неустойки (пени) не освобождает продавца от обязательств, возникающих в связи с расторжением договора»;

12) статью 30 дополнить частями третьей и четвертой следующего содержания:

«Общественные объединения потребителей имеют следующие права:

вносить в уполномоченные государственные органы предложения по совершенствованию законодательства о защите прав потребителей;

предоставлять информационные и консультационные услуги потребителям;

проводить общественные обсуждения по вопросам, имеющим общественную значимость в области защиты прав потребителей, представлять и публиковать подготовленные по их результатам предложения и рекомендации в уполномоченные государственные органы;

проводить просветительскую работу по повышению потребительской грамотности населения;

сотрудничать и содействовать уполномоченным государственным органам, органам государственной власти на местах, органам самоуправления граждан в реализации мер по защите прав и интересов потребителей.

Общественные объединения потребителей могут иметь и другие права в соответствии с законодательством».

Статья 2. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену органами государственного управления их нормативно-правовых актов, противоречащих настоящему Закону;

обеспечить исполнение, доведение до исполнителей и разъяснение среди населения сути и значения настоящего Закона.

Статья 3. Настоящий Закон вступает в силу со дня его официального опубликования.

Пункты 1 , 2 , 6 и 11 статьи 1 настоящего Закона вводятся в действие по истечении трех месяцев со дня вступления в силу настоящего Закона.

Президент Республики Узбекистан Ш. МИРЗИЁЕВ

г. Ташкент,

18 января 2022 г.,

№ ЗРУ-746

(Национальная база данных законодательства, 18.01.2022 г., № 03/22/746/0032)

lex.uz