UzbekAI

Ўзбекистон Республикаси Президентининг

Қарори

РЎЙХАТИ

Самарқанд вилояти Каттақўрғон туманида қуввати 220 МВт бўлган фотоэлектр станцияси қурилишини ташкил этиш чора-тадбирлари тўғрисида

Қайта тикланувчи энергия манбаларидан фойдаланиш кўламини кенгайтириш, электр энергияси ишлаб чиқаришда табиий газдан фойдаланишни камайтириш, шунингдек, электр энергетика тармоғига тўғридан-тўғри хорижий инвестицияларни кенг жалб қилиш мақсадида:

1. Қуйидагилар:

а) Халқаро молия корпорациясининг молиявий ва техник кўмагида «Самарқанд вилояти Каттақўрғон туманида умумий қуввати 220 МВт бўлган фотоэлектр станциясини қуриш» инвестиция лойиҳасини (кейинги ўринларда — Инвестиция лойиҳаси) амалга ошириш учун инвестор танлаб олиш жараёни якунланганлиги;

б) Инвестиция лойиҳасини амалга ошириш доирасида ўтказилган халқаро тендер савдолари натижаларига кўра, «Abu Dhabi Future Energy Company PJSC — Masdar» (БАА) компанияси (кейинги ўринларда — Инвестор) ғолиб деб топилганлиги;

в) Инвестиция лойиҳасини амалга ошириш мақсадида Инвестор томонидан Ўзбекистон Республикасида масъулияти чекланган жамият шаклидаги «Nur Samarkand Solar PV» хорижий корхонаси (кейинги ўринларда — Лойиҳа компанияси) ташкил этилганлиги;

г) Ўзбекистон Республикаси Ҳукумати номидан Инвестициялар ва ташқи савдо вазирлиги, Инвестор ва Лойиҳа компанияси ўртасида 2021 йил 12 июлда инвестиция шартномаси (кейинги ўринларда — Инвестиция шартномаси) имзоланганлиги ҳамда унга мувофиқ Инвестор ва Лойиҳа компанияси:

Инвестиция лойиҳасини амалга оширишнинг бутун даври мобайнида Самарқанд вилояти Каттақўрғон туманида қуввати 220 МВт бўлган фотоэлектр станциясини лойиҳалаштириши, молиялаштириши, қуриши ва эксплуатация қилиши;

юзага келиши мумкин бўлган хавф-хатарларни ўз зиммасига олган ҳолда, дастлабки баҳолаш бўйича жами 150 млн АҚШ доллари миқдорида тўғридан-тўғри хорижий инвестицияларни жалб этиши;

д) «Ўзбекистон миллий электр тармоқлари» АЖ ва Лойиҳа компанияси ўртасида 2021 йил 12 июлда Электр энергиясини сотиб олиш тўғрисидаги битим (кейинги ўринларда — Электр энергиясини сотиб олиш тўғрисидаги битим) ҳамда 2022 йил 20 июлда Электр энергиясини сотиб олиш тўғрисидаги битимга ўзгартиришлар киритишни назарда тутувчи келишув имзоланганлиги ва уларга мувофиқ:

Лойиҳа компанияси ишлаб чиқарилган электр энергиясини «Ўзбекистон миллий электр тармоқлари» АЖга кафолатланган тарзда сотиш мажбуриятини олиши;

Лойиҳа компанияси қурилиш давридаги ўз мажбуриятлари лозим даражада бажарилишининг таъминоти сифатида 20 млн АҚШ доллари миқдорида биринчи даражали хорижий банк кафолатини тақдим этиши;

Инвестиция лойиҳаси доирасида фотоэлектр станциясини ягона электр энергияси тармоғига улаш учун қуриладиган ҳаво электр узатиш тармоқлари ва оширувчи подстанция Лойиҳа компанияси томонидан қурилиши ҳамда ишга туширилгандан сўнг Лойиҳа компанияси уларни «Ўзбекистон миллий электр тармоқлари» АЖга топшириш мажбуриятини ўз зиммасига олиши маълумот учун қабул қилинсин.

2. Ўзбекистон Республикаси Ҳукумати номидан Инвестициялар ва ташқи савдо вазирлиги, Инвестор ҳамда Лойиҳа компанияси ўртасида имзоланган Инвестиция шартномаси тасдиқлансин.

3. «Ўзбекистон миллий электр тармоқлари» АЖ ва Лойиҳа компанияси ўртасида тузилган Электр энергиясини сотиб олиш тўғрисидаги битим ҳамда унга ўзгартириш киритишни назарда тутувчи келишув маъқуллансин.

Имзоланган ўзгартиришлар киритишни назарда тутувчи келишув билан Электр энергиясини сотиб олиш тўғрисидаги битимнинг асосий кўрсаткичларига, шу жумладан амалга ошириш муддатлари, ишлаб чиқарилган 1 киловатт/соат электр энергияси учун ўрнатилган тариф миқдори ҳамда лойиҳа билан боғлиқ бошқа параметрларга ўзгартиришлар киритилганлиги маълумот учун қабул қилинсин.

4. Инвестиция лойиҳасини амалга ошириш доирасида ишлаб чиқарилган 1 киловатт/соат электр энергияси учун тариф миқдори Электр энергиясини сотиб олиш тўғрисидаги битим ва унга ўзгартириш киритишни назарда тутувчи келишувда назарда тутилган миқдорда ва хорижий валютада ўрнатилганлиги белгилаб қўйилсин ҳамда тўлов нархларининг АҚШ долларига боғланишига рухсат берилсин.

5. Инвестициялар ва ташқи савдо вазирлиги, Энергетика вазирлиги ҳамда «Ўзбекистон миллий электр тармоқлари» АЖга Инвестор, Лойиҳа компанияси ва Инвестиция лойиҳасини молиялаштиришда иштирок этаётган кредиторлар билан Инвестиция лойиҳасини амалга ошириш доирасида имзоланган битимлар бўйича мажбуриятлар Лойиҳа компанияси томонидан бажарилмаган тақдирда, Лойиҳа компанияси ва Инвестор ҳуқуқларини кредиторларга бериш юзасидан тўғридан-тўғри битимлар тузиш ҳуқуқи берилсин.

6. «Ўзбекистон миллий электр тармоқлари» АЖга:

Лойиҳа компанияси билан биргаликда Электр энергиясини сотиб олиш тўғрисидаги битимда белгиланган тартиб-таомилларга мувофиқ Инвестиция лойиҳасини амалга ошириш учун халқаро мустақил инжиниринг компаниясини ва бошқа маслаҳатчиларни мажбурий экспертиза ўтказмаган ҳолда танлаб олишга ва шартномалар тузишга;

Лойиҳа компанияси томонидан ишлаб чиқариладиган электр энергиясини уч ой мобайнида сотиб олишни қоплаш учун мажбуриятлар бажарилишининг таъминоти сифатида Лойиҳа компанияси фойдасига чет эл банкининг хорижий валютада тасдиқланган ва тикланадиган аккредитивини очишга рухсат берилсин.

7. Молия вазирига Ўзбекистон Республикаси Ҳукумати номидан «Ўзбекистон миллий электр тармоқлари» АЖнинг аккредитив очадиган хорижий банк олдидаги тўлов мажбуриятлари Жаҳон банки кафолати орқали бажарилган тақдирда, Жаҳон банки билан Ўзбекистон Республикаси Ҳукуматига мақбул шаклдаги Жаҳон банки харажатларини қоплаш тўғрисидаги битимни имзолаш ваколати берилсин.

8. Инвестиция лойиҳасини амалга ошириш доирасида Лойиҳа компаниясига, лозим бўлган барча солиқлар ва йиғимлар тўланган ҳолда, хорижий кредиторлар лойиҳаларни молиялаштиришда анъанавий қўллайдиган таваккалчиликни бошқариш талабларига мувофиқ, қуйидаги ҳуқуқлар берилсин:

кредит олиш, хорижий валютадаги маблағларни олиш ва улардан фойдаланиш (шу жумладан хорижий валютада кредит тушумлари) учун чет эллардаги хорижий банкларда банк ҳисобварақлари очиш;

Ўзбекистон Республикасидан ташқарида бўлган хорижий пудратчилар, етказиб берувчилар ёки хорижий кредиторларга тўловларни Ўзбекистон Республикасидаги банк ҳисобварақлари орқали ўтказмасдан, тўғридан-тўғри амалга ошириш.

9. Инвестиция лойиҳаси доирасида фотоэлектр панелларини ўрнатиш билан боғлиқ қурилиш ва ер ишларини бажариш ҳамда бино ва иншоотлар пойдеворларини лойиҳалаш нормалари ва қоидалари Электр энергиясини сотиб олиш тўғрисидаги битим қоидаларига мувофиқ халқаро стандартлар билан тартибга солиниши белгилаб қўйилсин.

10. Самарқанд вилояти ҳокимлиги бир ой муддатда Инвестиция шартномаси ва Электр энергиясини сотиб олиш тўғрисидаги битимда кўрсатилган шартларга мос келадиган ер участкасини ҳамда фотоэлектр станцияси фаолиятини таъминлашга хизмат қилувчи ҳаво электр узатиш тармоқлари учун зарур бўлган ер майдонларининг, таянч қурилмалар эгаллайдиган ер координаталаридан келиб чиқиб, Энергетика вазирлигига доимий фойдаланиш ҳуқуқи билан ажратилишини таъминласин.

Энергетика вазирлиги мазкур бандга асосан:

фотоэлектр станцияси қурилиши учун ажратилган ер участкасининг Инвестиция лойиҳасини амалга ошириш муддатига тенг даврга Лойиҳа компаниясига;

ҳаво электр узатиш тармоқларини қуриш учун ажратилган ер участкасининг «Ўзбекистон миллий электр тармоқлари» АЖга давлат ва жамоат эҳтиёжлари учун ижарага берилишини таъминласин.

Ерни ижарага олиш ҳуқуқи учун бозор қийматида ҳақ тўлаш ерга нисбатан амал қилувчи ва Лойиҳа компанияси томонидан тўланадиган ижара тўловлари кўринишида ифодаланиши белгилансин.

Бунда, Лойиҳа компанияси Инвестиция лойиҳасини амалга ошириш доирасида қишлоқ хўжалигига мўлжалланган ерлардан фойдаланганлик учун қишлоқ хўжалиги ишлаб чиқариши нобудгарчилиги ўрнини қоплашдан (компенсация тўловларидан) озод қилинсин.

10 1 . Инвестициялар ва ташқи савдо вазирлиги, Қишлоқ хўжалиги вазирлиги, Сув хўжалиги вазирлиги ва Самарқанд вилояти ҳокимлигининг фотоэлектр станцияси, подстанция ҳамда ҳаво электр узатиш тармоқларини жойлаштириш учун ажратилган Самарқанд вилояти Каттақўрғон туманидаги мазкур қарорга иловага мувофиқ 445,5 гектар ер участкасини қишлоқ хўжалигига мўлжалланган ерлар тоифасидан саноат мақсадларига мўлжалланган ерлар тоифасига ўтказиш тўғрисидаги таклифига розилик берилсин.

Самарқанд вилояти ҳокимлиги 2023 йил 1 январга қадар тоифаси ўзгартирилаётган ер участкалари майдонига тенг миқдорда қишлоқ хўжалигига мўлжалланган янги ерлар ўзлаштирилишини таъминласин.

10 2 . Инвестиция лойиҳаси доирасида Энергетика вазирлиги билан тузилган ер участкасининг ижара шартномалари асосида берилган ер участкалари учун тўланадиган ижара тўлови миқдори ер солиғи миқдорига тенглаштирилсин.

11. Инвестициялар ва ташқи савдо вазирлиги Инвестиция лойиҳасининг амалга оширилиши, шунингдек, томонларнинг Инвестиция шартномаси ва Электр энергиясини сотиб олиш тўғрисидаги битим доирасидаги мажбуриятларини бажариши устидан доимий назорат ўрнатсин.

12. Адлия вазирлиги Инвестиция лойиҳасини амалга ошириш доирасида Инвестиция шартномаси ҳамда унинг қоидаларига мувофиқ имзоланган битимлар юзасидан юридик хулосалар берсин.

13. Экология ва атроф-муҳитни муҳофаза қилиш давлат қўмитаси лойиҳа ҳужжатларининг белгиланган тартибда давлат экология экспертизасидан ўтказилишини ҳамда Инвестиция лойиҳасини амалга оширишда табиатни муҳофаза қилишга оид қонунчиликка риоя этилишини таъминласин.

14. Мазкур қарорнинг ижросини самарали ташкил қилишга масъул ва шахсий жавобгар этиб энергетика вазири А.С. Султанов белгилансин.

Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари С.У. Умурзаков зиммасига юклансин.

Амалга оширилаётган чора-тадбирлар натижадорлиги юзасидан ҳар чорак якунида Ўзбекистон Республикаси Президентига ахборот берилсин.

Ўзбекистон Республикаси Президентининг 2022 йил 14 январдаги ПҚ-87-сон қарорига ИЛОВА

«Самарқанд вилояти Каттақўрғон туманида умумий қуввати 220 МВт бўлган фотоэлектр станциясини қуриш» инвестиция лойиҳасини амалга ошириш доирасида қишлоқ хўжалигига мўлжалланган ерлар тоифасидан саноат ва бошқа мақсадларга мўлжалланган ерлар тоифасига ўтказилаётган ер участкалари

Ҳудуд номи Контур рақами Жами ер участкаси (гектар) Шундан: Тупроқ балл бонитети Суғориладиган экин ерлар Яйлов ерлар Лалми ерлар Фотоэлектр станцияси ва подстанция қуриш учун Каттақўрғон тумани «Бўстон» массиви 600а қ 2,0 2,0 баҳоланмаган 1145қ 4,0 4,0 баҳоланмаган 1144қ 1,1 1,1 баҳоланмаган 1142қ 104,0 104,0 29 1143қ 66,9 66,9 34 1146қ 70,0 70,0 34 1152қ 0,5 0,5 баҳоланмаган 1153қ 0,4 0,4 баҳоланмаган 1154қ 0,5 0,5 баҳоланмаган 1155қ 0,1 0,1 баҳоланмаган 1151қ 0,4 0,4 баҳоланмаган 1150қ 77,3 77,3 30 1149қ 0,3 0,3 баҳоланмаган 1148қ 0,7 0,7 баҳоланмаган 1147қ 10,1 10,1 баҳоланмаган 1160қ 0,7 0,7 баҳоланмаган 600а қ 10,0 10,0 29 612қ 25,0 25,0 29 613қ 10,2 10,2 29 614қ 3,5 3,5 баҳоланмаган 615қ 1,9 1,9 29 599қ 11,0 11,0 34 600қ 15,0 15,0 34 588қ 1,7 1,7 баҳоланмаган 610қ 5,7 5,7 баҳоланмаган 608қ 2,0 2,0 баҳоланмаган 609қ 3,0 3,0 баҳоланмаган 617қ 10,0 10,0 баҳоланмаган Жами 438,0 46,7 391,3 Ҳаво электр узатиш тармоқлари қуриш учун Каттақўрғон тумани «Бўстон» массиви 1049қ 0,3 0,3 46,8 1050қ 0,9 0,9 34 1076қ 0,8 0,8 34 1048қ 0,3 0,3 34 1108қ 0,3 0,3 34 1048қ 0,5 0,5 34 1022қ 0,1 0,1 34 1080қ 0,6 0,6 баҳоланмаган 1081қ 0,4 0,4 46,8 1078қ 0,2 0,2 46,8 1079қ 0,2 0,2 46,8 1085қ 0,7 0,7 59,8 1084қ 0,2 0,2 баҳоланмаган 1086қ 0,2 0,2 59,8 1097қ 0,3 0,3 59,8 1100қ 0,9 0,9 46,8 1137қ 0,1 0,1 баҳоланмаган 1138қ 0,1 0,1 баҳоланмаган 1157қ 0,4 0,4 46,8 Жами 7,5 4,2 1,0 2,3 Лойиҳа бўйича жами 445,5 4,2 47,7 393,6

Ўзбекистон Республикаси Президенти Ш. МИРЗИЁЕВ

Тошкент ш.,

2022 йил 14 январь,

ПҚ-87-сон

(Қонунчилик маълумотлари миллий базаси, 15.01.2022 й., 07/22/87/0039-сон, 27.12.2022 й., 07/22/453/1122-сон)

lex.uz

Oʻzbekiston Respublikasi Prezidentining

Qarori

ROʻYXATI

Samarqand viloyati Kattaqoʻrgʻon tumanida quvvati 220 MVt boʻlgan fotoelektr stansiyasi qurilishini tashkil etish chora-tadbirlari toʻgʻrisida

Qayta tiklanuvchi energiya manbalaridan foydalanish koʻlamini kengaytirish, elektr energiyasi ishlab chiqarishda tabiiy gazdan foydalanishni kamaytirish, shuningdek, elektr energetika tarmogʻiga toʻgʻridan-toʻgʻri xorijiy investitsiyalarni keng jalb qilish maqsadida:

1. Quyidagilar:

a) Xalqaro moliya korporatsiyasining moliyaviy va texnik koʻmagida “Samarqand viloyati Kattaqoʻrgʻon tumanida umumiy quvvati 220 MVt boʻlgan fotoelektr stansiyasini qurish” investitsiya loyihasini (keyingi oʻrinlarda — Investitsiya loyihasi) amalga oshirish uchun investor tanlab olish jarayoni yakunlanganligi;

b) Investitsiya loyihasini amalga oshirish doirasida oʻtkazilgan xalqaro tender savdolari natijalariga koʻra, “Abu Dhabi Future Energy Company PJSC — Masdar” (BAA) kompaniyasi (keyingi oʻrinlarda — Investor) gʻolib deb topilganligi;

v) Investitsiya loyihasini amalga oshirish maqsadida Investor tomonidan Oʻzbekiston Respublikasida masʼuliyati cheklangan jamiyat shaklidagi “Nur Samarkand Solar PV” xorijiy korxonasi (keyingi oʻrinlarda — Loyiha kompaniyasi) tashkil etilganligi;

g) Oʻzbekiston Respublikasi Hukumati nomidan Investitsiyalar va tashqi savdo vazirligi, Investor va Loyiha kompaniyasi oʻrtasida 2021-yil 12-iyulda investitsiya shartnomasi (keyingi oʻrinlarda — Investitsiya shartnomasi) imzolanganligi hamda unga muvofiq Investor va Loyiha kompaniyasi:

Investitsiya loyihasini amalga oshirishning butun davri mobaynida Samarqand viloyati Kattaqoʻrgʻon tumanida quvvati 220 MVt boʻlgan fotoelektr stansiyasini loyihalashtirishi, moliyalashtirishi, qurishi va ekspluatatsiya qilishi;

yuzaga kelishi mumkin boʻlgan xavf-xatarlarni oʻz zimmasiga olgan holda, dastlabki baholash boʻyicha jami 150 mln AQSH dollari miqdorida toʻgʻridan-toʻgʻri xorijiy investitsiyalarni jalb etishi;

d) “Oʻzbekiston milliy elektr tarmoqlari” AJ va Loyiha kompaniyasi oʻrtasida 2021-yil 12-iyulda Elektr energiyasini sotib olish toʻgʻrisidagi bitim (keyingi oʻrinlarda — Elektr energiyasini sotib olish toʻgʻrisidagi bitim) hamda 2022-yil 20-iyulda Elektr energiyasini sotib olish toʻgʻrisidagi bitimga oʻzgartirishlar kiritishni nazarda tutuvchi kelishuv imzolanganligi va ularga muvofiq:

Loyiha kompaniyasi ishlab chiqarilgan elektr energiyasini “Oʻzbekiston milliy elektr tarmoqlari” AJga kafolatlangan tarzda sotish majburiyatini olishi;

Loyiha kompaniyasi qurilish davridagi oʻz majburiyatlari lozim darajada bajarilishining taʼminoti sifatida 20 mln AQSH dollari miqdorida birinchi darajali xorijiy bank kafolatini taqdim etishi;

Investitsiya loyihasi doirasida fotoelektr stansiyasini yagona elektr energiyasi tarmogʻiga ulash uchun quriladigan havo elektr uzatish tarmoqlari va oshiruvchi podstansiya Loyiha kompaniyasi tomonidan qurilishi hamda ishga tushirilgandan soʻng Loyiha kompaniyasi ularni “Oʻzbekiston milliy elektr tarmoqlari” AJga topshirish majburiyatini oʻz zimmasiga olishi maʼlumot uchun qabul qilinsin.

2. Oʻzbekiston Respublikasi Hukumati nomidan Investitsiyalar va tashqi savdo vazirligi, Investor hamda Loyiha kompaniyasi oʻrtasida imzolangan Investitsiya shartnomasi tasdiqlansin.

3. “Oʻzbekiston milliy elektr tarmoqlari” AJ va Loyiha kompaniyasi oʻrtasida tuzilgan Elektr energiyasini sotib olish toʻgʻrisidagi bitim hamda unga oʻzgartirish kiritishni nazarda tutuvchi kelishuv maʼqullansin.

Imzolangan oʻzgartirishlar kiritishni nazarda tutuvchi kelishuv bilan Elektr energiyasini sotib olish toʻgʻrisidagi bitimning asosiy koʻrsatkichlariga, shu jumladan amalga oshirish muddatlari, ishlab chiqarilgan 1 kilovatt/soat elektr energiyasi uchun oʻrnatilgan tarif miqdori hamda loyiha bilan bogʻliq boshqa parametrlarga oʻzgartirishlar kiritilganligi maʼlumot uchun qabul qilinsin.

4. Investitsiya loyihasini amalga oshirish doirasida ishlab chiqarilgan 1 kilovatt/soat elektr energiyasi uchun tarif miqdori Elektr energiyasini sotib olish toʻgʻrisidagi bitim va unga oʻzgartirish kiritishni nazarda tutuvchi kelishuvda nazarda tutilgan miqdorda va xorijiy valyutada oʻrnatilganligi belgilab qoʻyilsin hamda toʻlov narxlarining AQSH dollariga bogʻlanishiga ruxsat berilsin.

5. Investitsiyalar va tashqi savdo vazirligi, Energetika vazirligi hamda “Oʻzbekiston milliy elektr tarmoqlari” AJga Investor, Loyiha kompaniyasi va Investitsiya loyihasini moliyalashtirishda ishtirok etayotgan kreditorlar bilan Investitsiya loyihasini amalga oshirish doirasida imzolangan bitimlar boʻyicha majburiyatlar Loyiha kompaniyasi tomonidan bajarilmagan taqdirda, Loyiha kompaniyasi va Investor huquqlarini kreditorlarga berish yuzasidan toʻgʻridan-toʻgʻri bitimlar tuzish huquqi berilsin.

6. “Oʻzbekiston milliy elektr tarmoqlari” AJga:

Loyiha kompaniyasi bilan birgalikda Elektr energiyasini sotib olish toʻgʻrisidagi bitimda belgilangan tartib-taomillarga muvofiq Investitsiya loyihasini amalga oshirish uchun xalqaro mustaqil injiniring kompaniyasini va boshqa maslahatchilarni majburiy ekspertiza oʻtkazmagan holda tanlab olishga va shartnomalar tuzishga;

Loyiha kompaniyasi tomonidan ishlab chiqariladigan elektr energiyasini uch oy mobaynida sotib olishni qoplash uchun majburiyatlar bajarilishining taʼminoti sifatida Loyiha kompaniyasi foydasiga chet el bankining xorijiy valyutada tasdiqlangan va tiklanadigan akkreditivini ochishga ruxsat berilsin.

7. Moliya vaziriga Oʻzbekiston Respublikasi Hukumati nomidan “Oʻzbekiston milliy elektr tarmoqlari” AJning akkreditiv ochadigan xorijiy bank oldidagi toʻlov majburiyatlari Jahon banki kafolati orqali bajarilgan taqdirda, Jahon banki bilan Oʻzbekiston Respublikasi Hukumatiga maqbul shakldagi Jahon banki xarajatlarini qoplash toʻgʻrisidagi bitimni imzolash vakolati berilsin.

8. Investitsiya loyihasini amalga oshirish doirasida Loyiha kompaniyasiga, lozim boʻlgan barcha soliqlar va yigʻimlar toʻlangan holda, xorijiy kreditorlar loyihalarni moliyalashtirishda anʼanaviy qoʻllaydigan tavakkalchilikni boshqarish talablariga muvofiq, quyidagi huquqlar berilsin:

kredit olish, xorijiy valyutadagi mablagʻlarni olish va ulardan foydalanish (shu jumladan xorijiy valyutada kredit tushumlari) uchun chet ellardagi xorijiy banklarda bank hisobvaraqlari ochish;

Oʻzbekiston Respublikasidan tashqarida boʻlgan xorijiy pudratchilar, yetkazib beruvchilar yoki xorijiy kreditorlarga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan, toʻgʻridan-toʻgʻri amalga oshirish.

9. Investitsiya loyihasi doirasida fotoelektr panellarini oʻrnatish bilan bogʻliq qurilish va yer ishlarini bajarish hamda bino va inshootlar poydevorlarini loyihalash normalari va qoidalari Elektr energiyasini sotib olish toʻgʻrisidagi bitim qoidalariga muvofiq xalqaro standartlar bilan tartibga solinishi belgilab qoʻyilsin.

10. Samarqand viloyati hokimligi bir oy muddatda Investitsiya shartnomasi va Elektr energiyasini sotib olish toʻgʻrisidagi bitimda koʻrsatilgan shartlarga mos keladigan yer uchastkasini hamda fotoelektr stansiyasi faoliyatini taʼminlashga xizmat qiluvchi havo elektr uzatish tarmoqlari uchun zarur boʻlgan yer maydonlarining, tayanch qurilmalar egallaydigan yer koordinatalaridan kelib chiqib, Energetika vazirligiga doimiy foydalanish huquqi bilan ajratilishini taʼminlasin.

Energetika vazirligi mazkur bandga asosan:

fotoelektr stansiyasi qurilishi uchun ajratilgan yer uchastkasining Investitsiya loyihasini amalga oshirish muddatiga teng davrga Loyiha kompaniyasiga;

havo elektr uzatish tarmoqlarini qurish uchun ajratilgan yer uchastkasining “Oʻzbekiston milliy elektr tarmoqlari” AJga davlat va jamoat ehtiyojlari uchun ijaraga berilishini taʼminlasin.

Yerni ijaraga olish huquqi uchun bozor qiymatida haq toʻlash yerga nisbatan amal qiluvchi va Loyiha kompaniyasi tomonidan toʻlanadigan ijara toʻlovlari koʻrinishida ifodalanishi belgilansin.

Bunda, Loyiha kompaniyasi Investitsiya loyihasini amalga oshirish doirasida qishloq xoʻjaligiga moʻljallangan yerlardan foydalanganlik uchun qishloq xoʻjaligi ishlab chiqarishi nobudgarchiligi oʻrnini qoplashdan (kompensatsiya toʻlovlaridan) ozod qilinsin.

10 1 . Investitsiyalar va tashqi savdo vazirligi, Qishloq xoʻjaligi vazirligi, Suv xoʻjaligi vazirligi va Samarqand viloyati hokimligining fotoelektr stansiyasi, podstansiya hamda havo elektr uzatish tarmoqlarini joylashtirish uchun ajratilgan Samarqand viloyati Kattaqoʻrgʻon tumanidagi mazkur qarorga ilovaga muvofiq 445,5 gektar yer uchastkasini qishloq xoʻjaligiga moʻljallangan yerlar toifasidan sanoat maqsadlariga moʻljallangan yerlar toifasiga oʻtkazish toʻgʻrisidagi taklifiga rozilik berilsin.

Samarqand viloyati hokimligi 2023-yil 1-yanvarga qadar toifasi oʻzgartirilayotgan yer uchastkalari maydoniga teng miqdorda qishloq xoʻjaligiga moʻljallangan yangi yerlar oʻzlashtirilishini taʼminlasin.

10 2 . Investitsiya loyihasi doirasida Energetika vazirligi bilan tuzilgan yer uchastkasining ijara shartnomalari asosida berilgan yer uchastkalari uchun toʻlanadigan ijara toʻlovi miqdori yer soligʻi miqdoriga tenglashtirilsin.

11. Investitsiyalar va tashqi savdo vazirligi Investitsiya loyihasining amalga oshirilishi, shuningdek, tomonlarning Investitsiya shartnomasi va Elektr energiyasini sotib olish toʻgʻrisidagi bitim doirasidagi majburiyatlarini bajarishi ustidan doimiy nazorat oʻrnatsin.

12. Adliya vazirligi Investitsiya loyihasini amalga oshirish doirasida Investitsiya shartnomasi hamda uning qoidalariga muvofiq imzolangan bitimlar yuzasidan yuridik xulosalar bersin.

13. Ekologiya va atrof-muhitni muhofaza qilish davlat qoʻmitasi loyiha hujjatlarining belgilangan tartibda davlat ekologiya ekspertizasidan oʻtkazilishini hamda Investitsiya loyihasini amalga oshirishda tabiatni muhofaza qilishga oid qonunchilikka rioya etilishini taʼminlasin.

14. Mazkur qarorning ijrosini samarali tashkil qilishga masʼul va shaxsiy javobgar etib energetika vaziri A.S. Sultanov belgilansin.

Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari S.U. Umurzakov zimmasiga yuklansin.

Amalga oshirilayotgan chora-tadbirlar natijadorligi yuzasidan har chorak yakunida Oʻzbekiston Respublikasi Prezidentiga axborot berilsin.

Oʻzbekiston Respublikasi Prezidentining 2022-yil 14-yanvardagi PQ-87-son qaroriga ILOVA

“Samarqand viloyati Kattaqoʻrgʻon tumanida umumiy quvvati 220 MVt boʻlgan fotoelektr stansiyasini qurish” investitsiya loyihasini amalga oshirish doirasida qishloq xoʻjaligiga moʻljallangan yerlar toifasidan sanoat va boshqa maqsadlarga moʻljallangan yerlar toifasiga oʻtkazilayotgan yer uchastkalari

Hudud nomi Kontur raqami Jami yer uchastkasi (gektar) Shundan: Tuproq ball boniteti Sugʻoriladigan ekin yerlar Yaylov yerlar Lalmi yerlar Fotoelektr stansiyasi va podstansiya qurish uchun Kattaqoʻrgʻon tumani “Boʻston” massivi 600a q 2,0 2,0 baholanmagan 1145q 4,0 4,0 baholanmagan 1144q 1,1 1,1 baholanmagan 1142q 104,0 104,0 29 1143q 66,9 66,9 34 1146q 70,0 70,0 34 1152q 0,5 0,5 baholanmagan 1153q 0,4 0,4 baholanmagan 1154q 0,5 0,5 baholanmagan 1155q 0,1 0,1 baholanmagan 1151q 0,4 0,4 baholanmagan 1150q 77,3 77,3 30 1149q 0,3 0,3 baholanmagan 1148q 0,7 0,7 baholanmagan 1147q 10,1 10,1 baholanmagan 1160q 0,7 0,7 baholanmagan 600a q 10,0 10,0 29 612q 25,0 25,0 29 613q 10,2 10,2 29 614q 3,5 3,5 baholanmagan 615q 1,9 1,9 29 599q 11,0 11,0 34 600q 15,0 15,0 34 588q 1,7 1,7 baholanmagan 610q 5,7 5,7 baholanmagan 608q 2,0 2,0 baholanmagan 609q 3,0 3,0 baholanmagan 617q 10,0 10,0 baholanmagan Jami 438,0 46,7 391,3 Havo elektr uzatish tarmoqlari qurish uchun Kattaqoʻrgʻon tumani “Boʻston” massivi 1049q 0,3 0,3 46,8 1050q 0,9 0,9 34 1076q 0,8 0,8 34 1048q 0,3 0,3 34 1108q 0,3 0,3 34 1048q 0,5 0,5 34 1022q 0,1 0,1 34 1080q 0,6 0,6 baholanmagan 1081q 0,4 0,4 46,8 1078q 0,2 0,2 46,8 1079q 0,2 0,2 46,8 1085q 0,7 0,7 59,8 1084q 0,2 0,2 baholanmagan 1086q 0,2 0,2 59,8 1097q 0,3 0,3 59,8 1100q 0,9 0,9 46,8 1137q 0,1 0,1 baholanmagan 1138q 0,1 0,1 baholanmagan 1157q 0,4 0,4 46,8 Jami 7,5 4,2 1,0 2,3 Loyiha boʻyicha jami 445,5 4,2 47,7 393,6

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 14-yanvar,

PQ-87-son

(Qonunchilik maʼlumotlari milliy bazasi, 15.01.2022-y., 07/22/87/0039-son, 27.12.2022-y., 07/22/453/1122-son)

lex.uz

Президента Республики Узбекистан

Постановление

ПЕРЕЧЕНЬ

О мерах по организации строительства фотоэлектрической станции в Каттакурганском районе Самаркандской области мощностью 220 МВт

В целях расширения масштаба использования источников возобновляемой энергии, сокращения потребления природного газа при производстве электрической энергии, а также широкого привлечения прямых иностранных инвестиций в электроэнергетическую отрасль:

1. Принять к сведению, что:

а) для реализации инвестиционного проекта «Строительство фотоэлектрической станции в Каттакурганском районе Самаркандской области общей мощностью 220 МВт» (далее — Инвестиционный проект) при финансовом и техническом содействии Международной финансовой корпорации завершен процесс отбора инвестора;

б) по результатам международных тендерных торгов, проведенных в рамках реализации Инвестиционного проекта, компания «Abu Dhabi Future Energy Company PJSC — Masdar» (ОАЭ) (далее — Инвестор) признана победителем;

в) в целях реализации Инвестиционного проекта Инвестором в Республике Узбекистан создано иностранное предприятие «Nur Samarkand Solar PV» в форме общества с ограниченной ответственностью (далее — Проектная компания);

г) между Правительством Республики Узбекистан в лице Министерства инвестиций и внешней торговли, Инвестором и Проектной компанией 12 июля 2021 года заключено инвестиционное соглашение (далее — Инвестиционное соглашение), в соответствии с которым Инвестор и Проектная компания осуществляют:

проектирование, финансирование, строительство и эксплуатацию фотоэлектрической станции в Каттакурганском районе Самаркандской области мощностью 220 МВт на протяжении всего периода реализации Инвестиционного проекта;

привлечение прямых иностранных инвестиций в размере по предварительной оценке 150 млн долларов США с принятием на себя возможных рисков;

д) между АО «Национальные электрические сети Узбекистана» и Проектной компанией 12 июля 2021 года заключено Соглашение о закупке электрической энергии (далее — Соглашение о закупке электрической энергии), а также 20 июля 2022 года заключено соглашение, предусматривающее внесение изменений в Соглашение о закупке электрической энергии, в соответствии с которыми:

Проектная компания приняла обязательство гарантированной продажи произведенной электрической энергии АО «Национальные электрические сети Узбекистана»;

Проектная компания предоставила гарантию первоклассного иностранного банка в качестве обеспечения надлежащего исполнения своих обязательств в период строительства в размере 20 млн долларов США;

в рамках Инвестиционного проекта Проектная компания приняла обязательство строительства и передачи АО «Национальные электрические сети Узбекистана» воздушных линий электропередач для подключения фотоэлектрической станции к единой электроэнергетической сети, и повышающей подстанции после их ввода в эксплуатацию.

2. Утвердить Инвестиционное соглашение, заключенное между Правительством Республики Узбекистан в лице Министерства инвестиций и внешней торговли, Инвестором и Проектной компанией.

3. Одобрить Соглашение о закупке электрической энергии и соглашение, предусматривающее внесение изменений в него, заключенное между АО «Национальные электрические сети Узбекистана» и Проектной компанией.

Принять к сведению, что подписанным соглашением, предусматривающим внесение изменений, внесены изменения в основные параметры Соглашения о закупке электрической энергии, включая сроки реализации, размер установленного тарифа за выработанный 1 киловатт/час электрической энергии и другие параметры, связанные с проектом.

4. Определить, что размер тарифа за 1 киловатт/час электрической энергии, выработанной в рамках реализации инвестиционного проекта, установлен в размере, предусмотренном в Соглашении о закупке электрической энергии и соглашении, предусматривающем внесение изменений в него, и в иностранной валюте, а также разрешить привязку ставок платежей к доллару США.

5. Предоставить Министерству инвестиций и внешней торговли, Министерству энергетики и АО «Национальные электрические сети Узбекистана» право на заключение с Инвестором, Проектной компанией и кредиторами, принимающими участие в финансировании Инвестиционного проекта, прямых соглашений по уступке кредиторам прав Проектной компании и Инвестора в случае неисполнения Проектной компанией обязательств по соглашениям, подписанным в рамках реализации Инвестиционного проекта.

6. Разрешить АО «Национальные электрические сети Узбекистана»:

проведение совместно с Проектной компанией отбора и заключение договоров с международными независимыми инжиниринговыми компаниями и иными консультантами в целях реализации Инвестиционного проекта, без проведения обязательной экспертизы, в соответствии с процедурами, определенными в Соглашении о закупке электрической энергии;

открытие подтвержденного в иностранной валюте возобновляемого аккредитива иностранного банка в пользу Проектной компании в качестве обеспечения исполнения обязательств для покрытия закупки производимой Проектной компанией электрической энергии на протяжении трех месяцев.

7. Уполномочить министра финансов подписать от имени Правительства Республики Узбекистан соглашение со Всемирным банком о возмещении расходов Всемирного банка в форме, приемлемой для Правительства Республики Узбекистан, в случае исполнения АО «Национальные электрические сети Узбекистана» платежных обязательств перед иностранным банком, открывающим аккредитив, под гарантию Всемирного банка.

8. Предоставить Проектной компании в рамках реализации Инвестиционного проекта после оплаты всех налогов и сборов, подлежащих уплате, в соответствии с традиционно применяемыми иностранными кредиторами требованиями управления рисками при финансировании проектов, следующие права:

открывать расчетные счета в иностранных банках за рубежом для получения кредитов, получения и использования денежных средств в иностранной валюте (включая кредитные поступления в иностранной валюте);

напрямую осуществлять платежи иностранным подрядчикам, поставщикам или иностранным кредиторам за пределами Республики Узбекистан без проведения таких платежей через банковские счета в Республике Узбекистан.

9. Установить, что нормы и правила выполнения строительных и земляных работ, связанных с установкой фотоэлектрических панелей, а также проектирования фундаментов зданий и сооружений в рамках Инвестиционного проекта регулируются международными стандартами в соответствии с нормами Соглашения о закупке электрической энергии.

10. Хокимияту Самаркандской области в месячный срок обеспечить выделение Министерству энергетики на праве постоянного пользования земельного участка, а также земельной площади, необходимой для воздушных линий электропередач, обеспечивающей работу фотоэлектрической станции, исходя из координат земли, занятой опорными сооружениями, соответствующих условиям, указанным в Инвестиционном соглашении и Соглашении о закупке электрической энергии.

Министерству энергетики в соответствии с настоящим пунктом обеспечить передачу в аренду:

Проектной компании — земельного участка, выделенного для строительства фотоэлектрической станции, на период, равный сроку реализации Инвестиционного проекта;

АО «Национальные электрические сети Узбекистана» — земельного участка, выделенного для строительства воздушных линий электропередач, для государственных и общественных нужд.

Определить, что плата за право аренды земли по рыночной стоимости выражается в форме арендной платы, действующей в отношении земли и уплачиваемой Проектной компанией.

При этом освободить Проектную компанию от возмещения потерь сельскохозяйственного производства (компенсационных выплат) при использовании земель сельскохозяйственного назначения в рамках реализации Инвестиционного проекта.

10 1 . Согласиться с предложением Министерства инвестиций и внешней торговли, Министерства сельского хозяйства, Министерства водного хозяйства и хокимията Самаркандской области о переводе земельного участка, выделенного для размещения фотоэлектрической станции, подстанции и воздушных линий электропередач, площадью 445,5 гектаров, в Каттакурганском районе Самаркандской области, из категории земель сельскохозяйственного назначения в категорию земель промышленного назначения согласно приложению к настоящему постановлению.

Хокимияту Самаркандской области в срок до 1 января 2023 года обеспечить освоение новых земель сельскохозяйственного назначения, равных площади земельных участков, категория которых меняется.

10 2 . Приравнять размер арендной платы, уплачиваемой за земельные участки, предоставленные на основании договоров, заключенных с Министерством энергетики в рамках инвестиционного проекта, к размеру земельного налога.

11. Министерству инвестиций и внешней торговли установить постоянный контроль за реализацией Инвестиционного проекта и исполнением сторонами своих обязательств в рамках Инвестиционного соглашения и Соглашения о закупке электрической энергии.

12. Министерству юстиции выдать юридические заключения по соглашениям, подписанным в соответствии с Инвестиционным соглашением и его положениями, в рамках реализации Инвестиционного проекта.

13. Государственному комитету по экологии и охране окружающей среды в установленном порядке обеспечить проведение государственной экологической экспертизы проектной документации и соблюдение природоохранного законодательства при реализации Инвестиционного проекта.

14. Возложить на министра энергетики А.С. Султанова персональную ответственность за эффективную организацию исполнения настоящего постановления.

Ежеквартальное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра С.У. Умурзакова.

О результативности осуществляемых мер информировать Президента Республики Узбекистан по итогам каждого квартала.

ПРИЛОЖЕНИЕ к постановлению Президента Республики Узбекистан от 14 января 2022 года № ПП-87

земельных участков, переводимых из категории земель сельскохозяйственного назначения в категорию земель промышленного и иного назначения в рамках реализации инвестиционного проекта «Строительство фотоэлектрической станции в Каттакурганском районе Самаркандской области общей мощностью 220 МВт»

Наименование территории Номер контура Земельный участок, всего (гектар) В том числе : Балл бонитета почвы Орошаемые посевные земли Пастбища Богарные земли Для строительства фотоэлектрической станции и подстанции Каттакурганский район, массив «Бустон» 600а к 2,0 2,0 не оценивался 1145к 4,0 4,0 не оценивался 1144к 1,1 1,1 не оценивался 1142к 104,0 104,0 29 1143к 66,9 66,9 34 1146к 70,0 70,0 34 1152к 0,5 0,5 не оценивался 1153к 0,4 0,4 не оценивался 1154к 0,5 0,5 не оценивался 1155к 0,1 0,1 не оценивался 1151к 0,4 0,4 не оценивался 1150к 77,3 77,3 30 1149к 0,3 0,3 не оценивался 1148к 0,7 0,7 не оценивался 1147к 10,1 10,1 не оценивался 1160к 0,7 0,7 не оценивался 600а к 10,0 10,0 29 612к 25,0 25,0 29 613к 10,2 10,2 29 614к 3,5 3,5 не оценивался 615к 1,9 1,9 29 599к 11,0 11,0 34 600к 15,0 15,0 34 588к 1,7 1,7 не оценивался 610к 5,7 5,7 не оценивался 608к 2,0 2,0 не оценивался 609к 3,0 3,0 не оценивался 617к 10,0 10,0 не оценивался Всего 438,0 46,7 391,3 Для строительства воздушных линий электропередач Каттакурганский район, массив «Бустон» 1049к 0,3 0,3 46,8 1050к 0,9 0,9 34 1076к 0,8 0,8 34 1048к 0,3 0,3 34 1108к 0,3 0,3 34 1048к 0,5 0,5 34 1022к 0,1 0,1 34 1080к 0,6 0,6 не оценивался 1081к 0,4 0,4 46,8 1078к 0,2 0,2 46,8 1079к 0,2 0,2 46,8 1085к 0,7 0,7 59,8 1084к 0,2 0,2 не оценивался 1086к 0,2 0,2 59,8 1097к 0,3 0,3 59,8 1100к 0,9 0,9 46,8 1137к 0,1 0,1 не оценивался 1138к 0,1 0,1 не оценивался 1157к 0,4 0,4 46,8 Всего 7,5 4,2 1,0 2,3 Всего по проекту 445,5 4,2 47,7 393,6

Президент Республики Узбекистан Ш. МИРЗИЁЕВ

г. Ташкент,

14 января 2022 г.,

№ ПП-87

(Национальная база данных законодательства, 15.01.2022 г., № 07/22/87/0039, 27.12.2022 г., № 07/22/453/1122)

lex.uz