📅 2022-yil 21-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 21 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 21 января 2022 г. · Указы Президента
Официальный текст. Официальный документ. Редакционные примечания не включены.
📅 21 January 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Тўқимачилик ва тикув-трикотаж корхоналарида чуқур қайта ишлаш ва юқори қўшилган қийматли тайёр маҳсулотлар ишлаб чиқаришни ҳамда уларнинг экспортини рағбатлантириш чора-тадбирлари тўғрисида
Республикада мавжуд хом ашё базасидан самарали фойдаланган ҳолда тўқимачилик ва тикув-трикотаж корхоналарида чуқур қайта ишлаш ва юқори қўшилган қийматли тайёр маҳсулотлар ишлаб чиқариш ҳамда уларнинг экспортини янада рағбатлантириш механизмларини жорий этиш мақсадида:
2. 2022 йил 1 февралдан 2025 йил 1 январгача шундай тартиб ўрнатилсинки, унга мувофиқ:
а) Қорақалпоғистон Республикаси ва вилоятларда бўялган мато ҳамда аралаш ва бўялган газлама маҳсулотларини ишлаб чиқариш лойиҳаларини амалга оширган корхоналарга, мазкур лойиҳалар доирасида харид қилинган ускуналар қийматининг 10 фоизи, бироқ 500 минг АҚШ доллари эквивалентидан кўп бўлмаган миқдорда Жамғарма ҳисобидан субсидия ажратилади. Бунда:
мазкур лойиҳалар доирасида янги ускуналар харид қилинган бўлиши;
ускуна қийматига етказиб бериш ҳамда бошқа қўшимча хизматлар харажатлари киритилмаслиги;
лойиҳани фойдаланишга топшириш далолатномаси мавжуд бўлиши лозим.
б) бўялган мато ҳамда аралаш ва бўялган газлама маҳсулотларини ҳамда таркибида сунъий тола 80 фоиздан юқори бўлган ип-калава ишлаб чиқариш ускуналарини харид қилувчи корхоналарга бошланғич 15 фоиз тўловни тўлаш учун хорижий валютада 7 йил муддатгача 3 йиллик имтиёзли давр билан мазкур Фармоннинг 4-банди 4-хатбоши бўйича белгиланадиган депозит ставкасига банкнинг 1 фоизлик маржасини ҳисобга олган ҳолда «Ўзбекистон Республикаси Ташқи иқтисодий фаолият миллий банки» АЖ томонидан кредит ажратилади;
в) бўялган мато, бўялган газлама ва тайёр тикув-трикотаж маҳсулотларини экспорт қилувчи корхоналарга хорижий валютада 1 йил муддатгача 9 ойгача имтиёзли давр билан мазкур Фармоннинг 4-банди 4-хатбоши бўйича белгиланадиган депозит ставкасига банкнинг 1 фоизлик маржасини ҳисобга олган ҳолда 3 миллион АҚШ долларидан ортиқ бўлмаган миқдорда «Ўзбекистон Республикаси Ташқи иқтисодий фаолият миллий банки» АЖ томонидан экспортолди молиялаштириш, шу жумладан айланма маблағларни тўлдириш учун кредит ажратилади;
г) тайёр тикув-трикотаж маҳсулотларини, шу жумладан комиссионер (ишончли вакил) орқали реализация қилишдан тушган умумий тушумида ушбу маҳсулотларни экспорт қилиш улуши камида 80 фоизни ташкил қилган корхоналарга ёки бўялган мато ва бўялган газламани реализация қилишдан тушган умумий тушумида ушбу маҳсулотларни ички бозорда сотиш улуши камида 50 фоизни ташкил қилган корхоналарга:
ижтимоий солиқни 1 фоиз миқдордаги солиқ ставкаси бўйича тўлаш;
маҳаллий давлат ҳокимияти органларига ариза юбормасдан туриб, солиқ органларини хабардор қилган ҳолда уч йил муддатгача юридик шахслардан олинадиган мол-мулк солиғи тўловини кечиктириш ҳуқуқи берилади. Бунда, солиқни кечиктириш муддати тугаганидан сўнг солиқ қарзи ва ҳисобланган фоизлар кечиктириш муддатига тенг муддат мобайнида бўлиб-бўлиб тўланади.
Вазирлар Маҳкамаси икки ҳафта муддатда Ўзбекистон Республикаси Солиқ кодексига мазкур банднинг «г» кичик банди иккинчи хатбошисидан келиб чиқадиган ўзгартириш ва қўшимчалар бўйича қонун лойиҳасини Ўзбекистон Республикаси Олий Мажлис Қонунчилик палатасига киритсин.
3. Белгилансинки, 2022 йил 1 мартдан 2025 йил 1 январгача қуйидаги манбалардан келиб тушадиган маблағлар Жамғармага йўналтирилади:
а) пахта ип-калаваси экспорти учун ундириладиган йиғимнинг 20 фоизи ва трикотаж мато экспорти учун ундириладиган йиғимнинг 100 фоизи. Бунда ушбу маблағлар бўялган мато ҳамда аралаш ва бўялган газлама маҳсулотларини ишлаб чиқариш лойиҳалари доирасида харид қилинган ускуналар қийматининг бир қисмини субсидиялаш учун ажратилади;
б) пахта ип-калаваси экспорти учун ундириладиган йиғимнинг 70 фоизи (2023 йил 1 ноябрдан 2024 йил 31 декабргача бўлган даврда ундириладиган йиғимнинг 40 фоизи). Бунда ушбу маблағлар тайёр тикув-трикотаж маҳсулотларини (ТИФ ТН коди 61 — 63) экспорт қилувчи корхоналарга субсидиялаш учун ажратилади. Ушбу субсидиялар ҳар ойда кейинги ойнинг 20-санасига қадар ҳисобот ойида тушган маблағлар ҳисобидан экспортчи корхоналарга уларнинг тайёр тикув-трикотаж маҳсулотлари экспорт ҳажмининг қийматига нисбатан тенг улушда ажратилади.
4. Тикланиш ва тараққиёт жамғармаси Агентликнинг талабномасига асосан Жамғармага 25 миллион АҚШ доллари миқдоридаги маблағларни бўялган мато ҳамда аралаш ва бўялган газлама маҳсулотларини ишлаб чиқариш лойиҳалари доирасида харид қилинган ускуналар қийматининг бир қисмини субсидиялашга беғараз ажратсин.
Молия вазирлиги, зарур бўлганда, ушбу мақсадлар учун 2022 йилда республика бюджетидан Жамғармага қўшимча равишда 250 миллиард сўмгача маблағ ажратсин.
Молия вазирлиги «Ўзбекистон Республикаси Ташқи иқтисодий фаолият миллий банки» АЖнинг талабномасига асосан 100 миллион АҚШ доллари эквиваленти миқдоригача маблағларни суверен халқаро облигацияларни чиқариш ва жойлаштиришдан тушган маблағлар ҳисобидан мазкур Фармоннинг 2-банди «б» ва «в» кичик бандларида кўрсатилган мақсадлар учун, мос равишда, 7 йил ва 1 йил муддатларга депозит ҳисоб-варағига жойлаштириб борсин.
Бунда депозит ставкалари «Ўзбекистон Республикаси Ташқи иқтисодий фаолият миллий банки» АЖ томонидан талабнома тақдим этилган кундаги Ўзбекистон Республикаси халқаро облигацияларининг иккиламчи бозордаги котировкалари ставкаси миқдоридан кам бўлмайди.
6. Вазирлар Маҳкамаси бир ой муддатда:
бўялган мато ҳамда аралаш ва бўялган газлама маҳсулотларини ишлаб чиқариш лойиҳалари доирасида харид қилинган ускуналар қийматининг бир қисмини субсидиялаш тартибини;
Тўқимачилик соҳасини қўллаб-қувватлаш жамғармаси маблағларини шакллантириш ва улардан фойдаланиш тартиби тўғрисидаги низомни;
пахта толасини биржа савдоларида сотиш тартибини тасдиқласин.
7. «Ўзтўқимачиликсаноат» уюшмаси Ахборот технологиялари ва коммуникацияларини ривожлантириш вазирлиги билан биргаликда 2022 йил 1 июлга қадар пахта толасини мажбурий автоматлаштирилган ҳисобга олиш тизими ишлаб чиқилишини ва ишга туширилишини таъминласин.
8. Вазирлар Маҳкамаси ва Ҳисоб палатаси ҳар ярим йилда Жамғарма ҳисобидан субсидияларнинг мақсадли ажратилишини ҳамда ажратилган субсидия миқдорларининг экспорт ҳажмларига мувофиқлигини ўрганиб, натижалари юзасидан ахборотни Ўзбекистон Республикаси Президенти Администрациясига киритиб борсин.
9. Инвестициялар ва ташқи савдо вазирлиги Иқтисодий тараққиёт ва камбағалликни қисқартириш вазирлиги, Молия вазирлиги ҳамда манфаатдор вазирлик ва идоралар билан биргаликда бир ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Ўзбекистон Республикаси Президентининг айрим ҳужжатларига иловага мувофиқ ўзгартиришлар ва қўшимча киритилсин.
11. Мазкур Фармон ижросини самарали ташкил қилишга масъул ва шахсий жавобгар этиб Ўзбекистон Республикаси Бош вазири ўринбосари С.У. Умурзаков белгилансин.
Ўзбекистон Республикаси Президентининг 2022 йил 21 январдаги ПФ-53-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартиришлар ва қўшимча
1. Ўзбекистон Республикаси Президентининг 2020 йил 21 октябрдаги «Экспорт фаолиятини молиявий қўллаб-қувватлашни янада кенгайтириш чора-тадбирлари тўғрисида»ги ПФ-6091-сон Фармони 1-бандида :
биринчи хатбошидаги «2022 йил» сўзлари «2024 йил» сўзлари билан алмаштирилсин;
қуйидаги мазмундаги саккизинчи хатбоши билан тўлдирилсин:
«Ушбу тартиб барча экспорт қилувчи тадбиркорлик субъектларига, шу жумладан кичик тадбиркорлик субъектларига тегишли бўлмаган корхоналарга ҳам татбиқ этилади»;
саккизинчи хатбоши тўққизинчи хатбоши деб ҳисоблансин;
тўққизинчи хатбошидаги «2022 йил» сўзлари «2024 йил» сўзлари билан алмаштирилсин.
2. Ўзбекистон Республикаси Президентининг 2020 йил 5 майдаги «Тўқимачилик ва тикув-трикотаж саноатини қўллаб-қувватлашга доир кечиктириб бўлмайдиган чора-тадбирлари тўғрисида»ги ПФ-5989-сон Фармони 1-бандининг иккинчи хатбошиси қуйидаги таҳрирда баён этилсин:
«маҳаллий ишлаб чиқарилган базавий сифатдаги пахта толаси Нью-Йорк товар биржасининг энг яқин етказиб бериш ойи учун фьючерс котировкаси қийматидан ошмайдиган бошланғич нархда биржа савдоларига чиқарилади».
3. Ўзбекистон Республикаси Президентининг 2019 йил 16 сентябрдаги «Енгил саноатни янада ривожлантириш ва тайёр маҳсулотлар ишлаб чиқаришни рағбатлантириш чора-тадбирлари тўғрисида»ги ПҚ-4453-сон қарори 2-бандининг «в» кичик бандидаги «75 фоизи» сўзлари «5 фоизи» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 21 январь,
ПФ-53-сон
Oʻzbekiston Respublikasi Prezidentining
Farmoni
Toʻqimachilik va tikuv-trikotaj korxonalarida chuqur qayta ishlash va yuqori qoʻshilgan qiymatli tayyor mahsulotlar ishlab chiqarishni hamda ularning eksportini ragʻbatlantirish chora-tadbirlari toʻgʻrisida
Respublikada mavjud xom ashyo bazasidan samarali foydalangan holda toʻqimachilik va tikuv-trikotaj korxonalarida chuqur qayta ishlash va yuqori qoʻshilgan qiymatli tayyor mahsulotlar ishlab chiqarish hamda ularning eksportini yanada ragʻbatlantirish mexanizmlarini joriy etish maqsadida:
2. 2022-yil 1-fevraldan 2025-yil 1-yanvargacha shunday tartib oʻrnatilsinki, unga muvofiq:
a) Qoraqalpogʻiston Respublikasi va viloyatlarda boʻyalgan mato hamda aralash va boʻyalgan gazlama mahsulotlarini ishlab chiqarish loyihalarini amalga oshirgan korxonalarga, mazkur loyihalar doirasida xarid qilingan uskunalar qiymatining 10 foizi, biroq 500 ming AQSH dollari ekvivalentidan koʻp boʻlmagan miqdorda Jamgʻarma hisobidan subsidiya ajratiladi. Bunda:
mazkur loyihalar doirasida yangi uskunalar xarid qilingan boʻlishi;
uskuna qiymatiga yetkazib berish hamda boshqa qoʻshimcha xizmatlar xarajatlari kiritilmasligi;
loyihani foydalanishga topshirish dalolatnomasi mavjud boʻlishi lozim.
b) boʻyalgan mato hamda aralash va boʻyalgan gazlama mahsulotlarini hamda tarkibida sunʼiy tola 80 foizdan yuqori boʻlgan ip-kalava ishlab chiqarish uskunalarini xarid qiluvchi korxonalarga boshlangʻich 15 foiz toʻlovni toʻlash uchun xorijiy valyutada 7 yil muddatgacha 3 yillik imtiyozli davr bilan mazkur Farmonning 4-bandi 4-xatboshi boʻyicha belgilanadigan depozit stavkasiga bankning 1 foizlik marjasini hisobga olgan holda “Oʻzbekiston Respublikasi Tashqi iqtisodiy faoliyat milliy banki” AJ tomonidan kredit ajratiladi;
v) boʻyalgan mato, boʻyalgan gazlama va tayyor tikuv-trikotaj mahsulotlarini eksport qiluvchi korxonalarga xorijiy valyutada 1 yil muddatgacha 9 oygacha imtiyozli davr bilan mazkur Farmonning 4-bandi 4-xatboshi boʻyicha belgilanadigan depozit stavkasiga bankning 1 foizlik marjasini hisobga olgan holda 3 million AQSH dollaridan ortiq boʻlmagan miqdorda “Oʻzbekiston Respublikasi Tashqi iqtisodiy faoliyat milliy banki” AJ tomonidan eksportoldi moliyalashtirish, shu jumladan aylanma mablagʻlarni toʻldirish uchun kredit ajratiladi;
g) tayyor tikuv-trikotaj mahsulotlarini, shu jumladan komissioner (ishonchli vakil) orqali realizatsiya qilishdan tushgan umumiy tushumida ushbu mahsulotlarni eksport qilish ulushi kamida 80 foizni tashkil qilgan korxonalarga yoki boʻyalgan mato va boʻyalgan gazlamani realizatsiya qilishdan tushgan umumiy tushumida ushbu mahsulotlarni ichki bozorda sotish ulushi kamida 50 foizni tashkil qilgan korxonalarga:
ijtimoiy soliqni 1 foiz miqdordagi soliq stavkasi boʻyicha toʻlash;
mahalliy davlat hokimiyati organlariga ariza yubormasdan turib, soliq organlarini xabardor qilgan holda uch yil muddatgacha yuridik shaxslardan olinadigan mol-mulk soligʻi toʻlovini kechiktirish huquqi beriladi. Bunda, soliqni kechiktirish muddati tugaganidan soʻng soliq qarzi va hisoblangan foizlar kechiktirish muddatiga teng muddat mobaynida boʻlib-boʻlib toʻlanadi.
Vazirlar Mahkamasi ikki hafta muddatda Oʻzbekiston Respublikasi Soliq kodeksiga mazkur bandning “g” kichik bandi ikkinchi xatboshisidan kelib chiqadigan oʻzgartirish va qoʻshimchalar boʻyicha qonun loyihasini Oʻzbekiston Respublikasi Oliy Majlis Qonunchilik palatasiga kiritsin.
3. Belgilansinki, 2022-yil 1-martdan 2025-yil 1-yanvargacha quyidagi manbalardan kelib tushadigan mablagʻlar Jamgʻarmaga yoʻnaltiriladi:
a) paxta ip-kalavasi eksporti uchun undiriladigan yigʻimning 20 foizi va trikotaj mato eksporti uchun undiriladigan yigʻimning 100 foizi. Bunda ushbu mablagʻlar boʻyalgan mato hamda aralash va boʻyalgan gazlama mahsulotlarini ishlab chiqarish loyihalari doirasida xarid qilingan uskunalar qiymatining bir qismini subsidiyalash uchun ajratiladi;
b) paxta ip-kalavasi eksporti uchun undiriladigan yigʻimning 70 foizi (2023-yil 1-noyabrdan 2024-yil 31-dekabrgacha boʻlgan davrda undiriladigan yigʻimning 40 foizi). Bunda ushbu mablagʻlar tayyor tikuv-trikotaj mahsulotlarini (TIF TN kodi 61 — 63) eksport qiluvchi korxonalarga subsidiyalash uchun ajratiladi. Ushbu subsidiyalar har oyda keyingi oyning 20-sanasiga qadar hisobot oyida tushgan mablagʻlar hisobidan eksportchi korxonalarga ularning tayyor tikuv-trikotaj mahsulotlari eksport hajmining qiymatiga nisbatan teng ulushda ajratiladi.
4. Tiklanish va taraqqiyot jamgʻarmasi Agentlikning talabnomasiga asosan Jamgʻarmaga 25 million AQSH dollari miqdoridagi mablagʻlarni boʻyalgan mato hamda aralash va boʻyalgan gazlama mahsulotlarini ishlab chiqarish loyihalari doirasida xarid qilingan uskunalar qiymatining bir qismini subsidiyalashga begʻaraz ajratsin.
Moliya vazirligi, zarur boʻlganda, ushbu maqsadlar uchun 2022-yilda respublika budjetidan Jamgʻarmaga qoʻshimcha ravishda 250 milliard soʻmgacha mablagʻ ajratsin.
Moliya vazirligi “Oʻzbekiston Respublikasi Tashqi iqtisodiy faoliyat milliy banki” AJning talabnomasiga asosan 100 million AQSH dollari ekvivalenti miqdorigacha mablagʻlarni suveren xalqaro obligatsiyalarni chiqarish va joylashtirishdan tushgan mablagʻlar hisobidan mazkur Farmonning 2-bandi “b” va “v” kichik bandlarida koʻrsatilgan maqsadlar uchun, mos ravishda, 7 yil va 1 yil muddatlarga depozit hisob-varagʻiga joylashtirib borsin.
Bunda depozit stavkalari “Oʻzbekiston Respublikasi Tashqi iqtisodiy faoliyat milliy banki” AJ tomonidan talabnoma taqdim etilgan kundagi Oʻzbekiston Respublikasi xalqaro obligatsiyalarining ikkilamchi bozordagi kotirovkalari stavkasi miqdoridan kam boʻlmaydi.
6. Vazirlar Mahkamasi bir oy muddatda:
boʻyalgan mato hamda aralash va boʻyalgan gazlama mahsulotlarini ishlab chiqarish loyihalari doirasida xarid qilingan uskunalar qiymatining bir qismini subsidiyalash tartibini;
Toʻqimachilik sohasini qoʻllab-quvvatlash jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomni;
paxta tolasini birja savdolarida sotish tartibini tasdiqlasin.
7. “Oʻztoʻqimachiliksanoat” uyushmasi Axborot texnologiyalari va kommunikatsiyalarini rivojlantirish vazirligi bilan birgalikda 2022-yil 1-iyulga qadar paxta tolasini majburiy avtomatlashtirilgan hisobga olish tizimi ishlab chiqilishini va ishga tushirilishini taʼminlasin.
8. Vazirlar Mahkamasi va Hisob palatasi har yarim yilda Jamgʻarma hisobidan subsidiyalarning maqsadli ajratilishini hamda ajratilgan subsidiya miqdorlarining eksport hajmlariga muvofiqligini oʻrganib, natijalari yuzasidan axborotni Oʻzbekiston Respublikasi Prezidenti Administratsiyasiga kiritib borsin.
9. Investitsiyalar va tashqi savdo vazirligi Iqtisodiy taraqqiyot va kambagʻallikni qisqartirish vazirligi, Moliya vazirligi hamda manfaatdor vazirlik va idoralar bilan birgalikda bir oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirishlar va qoʻshimcha kiritilsin.
11. Mazkur Farmon ijrosini samarali tashkil qilishga masʼul va shaxsiy javobgar etib Oʻzbekiston Respublikasi Bosh vaziri oʻrinbosari S.U. Umurzakov belgilansin.
Oʻzbekiston Respublikasi Prezidentining 2022-yil 21-yanvardagi PF-53-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2020-yil 21-oktabrdagi “Eksport faoliyatini moliyaviy qoʻllab-quvvatlashni yanada kengaytirish chora-tadbirlari toʻgʻrisida”gi PF-6091-son Farmoni 1-bandida :
birinchi xatboshidagi “2022-yil” soʻzlari “2024-yil” soʻzlari bilan almashtirilsin;
quyidagi mazmundagi sakkizinchi xatboshi bilan toʻldirilsin:
“Ushbu tartib barcha eksport qiluvchi tadbirkorlik subyektlariga, shu jumladan kichik tadbirkorlik subyektlariga tegishli boʻlmagan korxonalarga ham tatbiq etiladi”;
sakkizinchi xatboshi toʻqqizinchi xatboshi deb hisoblansin;
toʻqqizinchi xatboshidagi “2022-yil” soʻzlari “2024-yil” soʻzlari bilan almashtirilsin.
2. Oʻzbekiston Respublikasi Prezidentining 2020-yil 5-maydagi “Toʻqimachilik va tikuv-trikotaj sanoatini qoʻllab-quvvatlashga doir kechiktirib boʻlmaydigan chora-tadbirlari toʻgʻrisida”gi PF-5989-son Farmoni 1-bandining ikkinchi xatboshisi quyidagi tahrirda bayon etilsin:
“mahalliy ishlab chiqarilgan bazaviy sifatdagi paxta tolasi Nyu-York tovar birjasining eng yaqin yetkazib berish oyi uchun fyuchers kotirovkasi qiymatidan oshmaydigan boshlangʻich narxda birja savdolariga chiqariladi”.
3. Oʻzbekiston Respublikasi Prezidentining 2019-yil 16-sentabrdagi “Yengil sanoatni yanada rivojlantirish va tayyor mahsulotlar ishlab chiqarishni ragʻbatlantirish chora-tadbirlari toʻgʻrisida”gi PQ-4453-son qarori 2-bandining “v” kichik bandidagi “75 foizi” soʻzlari “5 foizi” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 21-yanvar,
PF-53-son
Президента Республики Узбекистан
Указ
О мерах по стимулированию глубокой переработки, производства и экспорта готовой продукции с высокой добавленной стоимостью текстильными и швейно-трикотажными предприятиями
В целях внедрения механизмов дальнейшего стимулирования глубокой переработки, производства и экспорта готовой продукции с высокой добавленной стоимостью текстильными и швейно-трикотажными предприятиями с эффективным использованием имеющейся сырьевой базы в республике:
2. Установить на период с 1 февраля 2022 года по 1 января 2025 года порядок, в соответствии с которым:
а) предприятиям, реализовавшим проекты производства крашеного полотна, смесовой и крашеной тканевой продукции в Республике Каракалпакстан и областях, выделяются субсидии в размере 10 процентов стоимости оборудования, закупленного в рамках данных проектов, но не превышающие в эквиваленте 500 тысяч долларов США, за счет Фонда. При этом необходимо:
приобрести новое оборудование в рамках вышеуказанных проектов;
не включать в стоимость оборудования расходы по поставке и иным дополнительным услугам;
иметь акт о вводе проекта в эксплуатацию;
б) предприятиям, закупающим оборудование по производству крашеного полотна, смесовой и крашеной тканевой продукции, а также пряжи, в составе которой искусственные волокна занимают более 80 процентов, АО «Национальный банк внешнеэкономической деятельности Республики Узбекистан» выделяются кредиты в иностранной валюте для оплаты 15-процентного первоначального платежа на срок до 7 лет, включая льготный период 3 года, по депозитной ставке, устанавливаемой в соответствии с абзацем четвертым пункта 4 настоящего Указа, с прибавлением маржи банка в размере 1 процента;
в) предприятиям, экспортирующим крашеное полотно, крашеную ткань и готовую швейно-трикотажную продукцию, АО «Национальный банк внешнеэкономической деятельности Республики Узбекистан» выделяются кредиты в иностранной валюте в размере, не превышающем 3 миллионов долларов США, на предэкспортное финансирование, в том числе пополнение оборотных средств, на срок до 1 года, включая льготный период до 9 месяцев, по депозитной ставке, устанавливаемой в соответствии с абзацем четвертым пункта 4 настоящего Указа, с прибавлением маржи банка в размере 1 процента;
г) предприятиям, в общей выручке которых от реализации готовой швейно-трикотажной продукции, в том числе через комиссионера (поверенного), доля экспорта указанной продукции составляет не менее 80 процентов, или предприятиям, в общей выручке которых от реализации крашеного полотна и крашеной ткани, доля реализации указанной продукции на внутреннем рынке составляет не менее 50 процентов, предоставляется право на:
оплату социального налога по налоговой ставке в размере 1 процента;
отсрочку погашения задолженности по налогу на имущество юридических лиц сроком до трех лет с уведомлением налоговых органов без направления заявления в органы государственной власти на местах. При этом по истечении срока отсрочки по данному налогу налоговая задолженность и начисленные проценты выплачиваются частями в течение срока, равного сроку отсрочки.
Кабинету Министров в двухнедельный срок внести в Законодательную палату Олий Мажлиса Республики Узбекистан проект закона об изменениях и дополнениях в Налоговый кодекс Республики Узбекистан, вытекающих из абзаца второго подпункта «г» настоящего пункта.
3. Определить, что средства, поступающие из нижеперечисленных источников в период с 1 марта 2022 года по 1 января 2025 года, направляются в Фонд:
а) 20 процентов сборов, взимаемых за экспорт хлопчатобумажной пряжи и 100 процентов сборов, взимаемых за экспорт трикотажного полотна. При этом данные средства выделяются для субсидирования части стоимости оборудования, закупленного в рамках проектов производства крашеного полотна, смесовой и крашеной тканевой продукции;
б) 70 процентов сборов (40 процентов сборов, взимаемых в период с 1 ноября 2023 года до 31 декабря 2024 года), взимаемых за экспорт хлопчатобумажной пряжи. При этом данные средства выделяются для субсидирования предприятий, экспортирующих готовую швейно-трикотажную продукцию (код ТН ВЭД 61 — 63). Данные субсидии выделяются предприятиям-экспортерам ежемесячно до 20-го числа следующего месяца равными долями соразмерно сумме экспорта готовой швейно-трикотажной продукции за счет средств, поступивших в отчетном месяце.
4. Фонду реконструкции и развития по заявкам Агентства выделить Фонду средства в размере 25 миллионов долларов США на безвозмездной основе для субсидирования части стоимости оборудования, закупленного в рамках проектов производства крашеного полотна, смесовой и крашеной тканевой продукции.
Министерству финансов при необходимости дополнительно выделить Фонду на данные цели в 2022 году средства в размере до 250 миллиардов сумов из республиканского бюджета.
Министерству финансов по заявкам АО «Национальный банк внешнеэкономической деятельности Республики Узбекистан» разместить на депозитном расчетном счете средства до эквивалента 100 миллионов долларов США за счет средств, поступивших от выпуска и размещения суверенных международных облигаций на цели, указанные в подпунктах «б» и «в» пункта 2 настоящего Указа, соответственно на срок 7 лет и 1 год.
При этом депозитные ставки не должны быть менее размера ставки котировок международных облигаций Республики Узбекистан на вторичном рынке на день представления заявки АО «Национальный банк внешнеэкономической деятельности Республики Узбекистан».
6. Кабинету Министров в месячный срок утвердить:
Порядок субсидирования части стоимости оборудования, закупленного в рамках проектов производства крашеного полотна, смесовой и крашеной тканевой продукции;
Положение о порядке формирования и использования средств Фонда поддержки текстильной отрасли;
Порядок реализации хлопкового волокна на биржевых торгах.
7. Ассоциации «Узтукимачиликсаноат» совместно с Министерством по развитию информационных технологий и коммуникаций в срок до 1 июля 2022 года обеспечить разработку и запуск Системы обязательного автоматизированного учета хлопкового волокна.
8. Кабинету Министров и Счетной палате каждые полгода проводить изучение целевого выделения субсидий за счет средств Фонда и соответствия размеров данных субсидий объемам экспорта, регулярно вносить в Администрацию Президента Республики Узбекистан информацию по результатам изучений.
9. Министерству инвестиций и внешней торговли совместно с Министерством экономического развития и сокращения бедности, а также заинтересованными министерствами и ведомствами в месячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
10. Внести изменения и дополнение в некоторые акты Президента Республики Узбекистан согласно приложению .
11. Возложить на заместителя Премьер-министра Республики Узбекистан С.У. Умурзакова персональную ответственность за эффективную организацию исполнения настоящего Указа.
ПРИЛОЖЕНИЕ к Указу Президента Республики Узбекистан от 21 января 2022 года № УП-53
Изменения и дополнение, вносимые в некоторые акты Президента Республики Узбекистан
1. В пункте 1 Указа Президента Республики Узбекистан от 21 октября 2020 года № УП-6091 «О мерах по дальнейшему расширению финансовой поддержки экспортной деятельности»:
в абзаце первом слова «2022 года» заменить словами «2024 года»;
дополнить абзацем восьмым следующего содержания:
«Данный порядок также применяется ко всем эскпортерам — субъектам предпринимательства, в том числе к предприятиям, не относящимся к субъектам малого предпринимательства»;
абзац восьмой считать абзацем девятым;
в абзаце девятом слова «2022 года» заменить словами «2024 года».
2. Абзац второй пункта 1 Указа Президента Республики Узбекистан от 5 мая 2020 года № УП-5989 «О неотложных мерах по поддержке текстильной и швейно-трикотажной промышленности» изложить в следующей редакции:
«хлопковое волокно отечественного производства базового качества выпускается на биржевые торги по стартовой цене, не превышающей стоимости котировки фьючерса Нью-Йоркской товарной биржи на ближайший месяц поставки».
3. В подпункте «в» пункта 2 постановления Президента Республики Узбекистан от 16 сентября 2019 № ПП-4453 «О мерах по дальнейшему развитию легкой промышленности и стимулированию производства готовой продукции» слова «75 процентов» заменить словами «5 процентов».
Президент Республики Узбекистан Ш. МИРЗИЁЕВ
г. Ташкент,
21 января 2022 г.,
№ УП-53