📅 2022-yil 21-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 21 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 21 января 2022 г. · Указы Президента
Официальный текст. Официальный документ. Редакционные примечания не включены.
📅 21 January 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Республика ҳудудларида тадбиркорлик инфратузилмасини ривожлантиришга доир қўшимча чора-тадбирлар тўғрисида
Ҳудудларда қулай инвестициявий ва ишбилармонлик муҳитини яратиш, муҳандислик-коммуникация ва ишлаб чиқариш инфратузилмасини яхшилаш, шунингдек, тадбиркорларнинг муаммо ва таклифларини бевосита ўрганиш ҳамда тадбиркорликни келгусида ривожлантиришнинг асосий йўналишларини белгилаб олиш бўйича 2021 йил 20 август куни ўтказилган Ўзбекистон Республикаси Президентининг тадбиркорлар билан очиқ мулоқоти доирасида белгиланган вазифалар ижросини таъминлаш мақсадида:
1. Иқтисодий тараққиёт ва камбағалликни қисқартириш вазирлиги, Инвестициялар ва ташқи савдо вазирлиги, Молия вазирлигининг Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузурида тадбиркорлик инфратузилмасини ривожлантириш жамғармаларини (кейинги ўринларда — жамғармалар) ташкил этиш тўғрисидаги таклифига розилик берилсин.
2. Қуйидагилар жамғармаларнинг даромадларини шакллантириш манбалари этиб белгилансин:
қишлоқ хўжалигига мўлжалланмаган ер участкаларини хусусийлаштиришдан ҳамда ер участкаларини ижарага олиш ҳуқуқини электрон онлайн-аукцион орқали сотишдан тушадиган маблағларнинг Вазирлар Маҳкамаси томонидан белгиланган харажатлар чегириб қолинганидан сўнг қолган қисмининг 70 фоизи;
жисмоний ва юридик шахсларнинг ҳомийлик хайриялари;
қонунчилик ҳужжатларида тақиқланмаган бошқа манбалар.
3. Белгилансинки, жамғармаларнинг маблағлари қуйидаги тадбирларни молиялаштиришга йўналтирилади:
«Янги Ўзбекистон» массивлари, давлат уй-жой дастурларида кўзда тутилган массивлар, шунингдек, махсус иқтисодий зоналар, кичик саноат зоналари, ёшлар саноат ва тадбиркорлик зоналарини ташқи муҳандислик-коммуникация тармоқлари (ичимлик ва оқова сув, электр энергияси, табиий газ тармоқлари ва автомобиль йўли) билан таъминлаш;
қиймати 200 миллиард сўмдан ошадиган, инвесторнинг ўз маблағлари улуши 25 фоиздан кам бўлмаган, инвестиция дастурларига киритилган лойиҳалар, шунингдек, халқаро ва республика аҳамиятидаги автомобиль йўллари бўйидаги яхлит ер майдонларида ташкил этиладиган йўл бўйи инфратузилма объектларини ташқи муҳандислик-коммуникация тармоқлари билан таъминлаш;
аҳоли пунктлари бош режалари, ҳудудларнинг маъмурий-режалаштирув топшириқлари ва батафсил режалаштириш лойиҳаларини ишлаб чиқиш.
Ўзбекистон Республикаси Президентининг қарорларига мувофиқ танлаб олинган оғир тоифадаги туманларни комплекс ривожлантириш дастурларига ҳамда «оғир» маҳаллаларнинг «ислоҳот дастури»га киритилган ижтимоий ва тадбиркорлик инфратузилмаси лойиҳаларини амалга ошириш.
Бунда, мазкур бандда кўзда тутилган тадбирларни молиялаштириш мақсадида Давлат бюджети ва қонунчилик ҳужжатларида тақиқланмаган бошқа манбалар ҳисобидан ҳам маблағлар ажратилади.
4. Белгилансинки:
жамғармаларнинг маблағлари ҳисобидан қурилиш, реконструкция қилиш ва таъмирлаш ишларини молиялаштириш дастурларини шакллантириш ва молиялаштириш марказлаштирилган манбалар ҳисобидан бажариладиган қурилиш-таъмирлаш ишларининг манзилли дастурларини шакллантириш ва молиялаштириш тартиби асосида амалга оширилади;
жамғармалар ҳисобидан молиялаштириладиган лойиҳалар манзилли дастури Қорақалпоғистон Республикаси Жўқорғи Кенгеси, вилоятлар ва Тошкент шаҳар халқ депутатлари Кенгашлари қарори билан тасдиқланади;
жамғармалар бюджет ташкилотларининг бюджетдан ташқари жамғармаси шаклида ташкил этилади ҳамда юридик шахс мақомига эга бўлмайди.
5. Иқтисодий тараққиёт ва камбағалликни қисқартириш вазирлиги ҳузуридаги Урбанизацияни ривожлантириш жамғармаси тугатилсин.
Иқтисодий тараққиёт ва камбағалликни қисқартириш вазирлиги Урбанизацияни ривожлантириш жамғармасининг ғазна ҳисобварағидаги қолдиқ маблағларни Сирдарё вилояти ҳокимлиги ҳузуридаги Тадбиркорлик инфратузилмасини ривожлантириш жамғармасига ўтказилишини таъминласин.
6. Жамғармалар маблағларининг ҳисобини юритиш ва ҳисоботларини ташкил этиш мақсадида, Молия вазирлиги тизимининг умумий штат бирликлари доирасида вазирликнинг марказий аппарати тузилмасида 2 та штат бирлигидан, Қорақалпоғистон Республикаси Молия вазирлиги, вилоятлар ва Тошкент шаҳар молия бош бошқармаларида 1 та штат бирлигидан иборат секторлар ташкил этилсин.
7. Ўзбекистон Республикаси Президентининг 2018 йил 11 октябрдаги «Давлат мулки объектларини ва ер участкаларига бўлган ҳуқуқларни тадбиркорлик субъектларига сотиш тартибини соддалаштириш бўйича қўшимча чора-тадбирлар тўғрисида»ги ПФ-5552-сон Фармони 9-бандининг иккинчи хатбошиси чиқариб ташлансин.
8. Иқтисодий тараққиёт ва камбағалликни қисқартириш вазирлиги манфаатдор вазирлик ва идоралар билан биргаликда бир ой муддатда:
жамғармалар фаолиятини ташкил этиш чора-тадбирлари тўғрисидаги Ҳукумат қарори лойиҳасини;
қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисидаги таклифларни Вазирлар Маҳкамасига киритсин.
9. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосарлари Ж.А. Қўчқоров ва С.Ў. Умурзаков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 21 январь,
ПФ-54-сон
Oʻzbekiston Respublikasi Prezidentining
Farmoni
Respublika hududlarida tadbirkorlik infratuzilmasini rivojlantirishga doir qoʻshimcha chora-tadbirlar toʻgʻrisida
Hududlarda qulay investitsiyaviy va ishbilarmonlik muhitini yaratish, muhandislik-kommunikatsiya va ishlab chiqarish infratuzilmasini yaxshilash, shuningdek, tadbirkorlarning muammo va takliflarini bevosita oʻrganish hamda tadbirkorlikni kelgusida rivojlantirishning asosiy yoʻnalishlarini belgilab olish boʻyicha 2021-yil 20-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan vazifalar ijrosini taʼminlash maqsadida:
1. Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi, Moliya vazirligining Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzurida tadbirkorlik infratuzilmasini rivojlantirish jamgʻarmalarini (keyingi oʻrinlarda — jamgʻarmalar) tashkil etish toʻgʻrisidagi taklifiga rozilik berilsin.
2. Quyidagilar jamgʻarmalarning daromadlarini shakllantirish manbalari etib belgilansin:
qishloq xoʻjaligiga moʻljallanmagan yer uchastkalarini xususiylashtirishdan hamda yer uchastkalarini ijaraga olish huquqini elektron onlayn-auksion orqali sotishdan tushadigan mablagʻlarning Vazirlar Mahkamasi tomonidan belgilangan xarajatlar chegirib qolinganidan soʻng qolgan qismining 70 foizi;
jismoniy va yuridik shaxslarning homiylik xayriyalari;
qonunchilik hujjatlarida taqiqlanmagan boshqa manbalar.
3. Belgilansinki, jamgʻarmalarning mablagʻlari quyidagi tadbirlarni moliyalashtirishga yoʻnaltiriladi:
“Yangi Oʻzbekiston” massivlari, davlat uy-joy dasturlarida koʻzda tutilgan massivlar, shuningdek, maxsus iqtisodiy zonalar, kichik sanoat zonalari, yoshlar sanoat va tadbirkorlik zonalarini tashqi muhandislik-kommunikatsiya tarmoqlari (ichimlik va oqova suv, elektr energiyasi, tabiiy gaz tarmoqlari va avtomobil yoʻli) bilan taʼminlash;
qiymati 200 milliard soʻmdan oshadigan, investorning oʻz mablagʻlari ulushi 25 foizdan kam boʻlmagan, investitsiya dasturlariga kiritilgan loyihalar, shuningdek, xalqaro va respublika ahamiyatidagi avtomobil yoʻllari boʻyidagi yaxlit yer maydonlarida tashkil etiladigan yoʻl boʻyi infratuzilma obyektlarini tashqi muhandislik-kommunikatsiya tarmoqlari bilan taʼminlash;
aholi punktlari bosh rejalari, hududlarning maʼmuriy-rejalashtiruv topshiriqlari va batafsil rejalashtirish loyihalarini ishlab chiqish.
Oʻzbekiston Respublikasi Prezidentining qarorlariga muvofiq tanlab olingan ogʻir toifadagi tumanlarni kompleks rivojlantirish dasturlariga hamda “ogʻir” mahallalarning “islohot dasturi”ga kiritilgan ijtimoiy va tadbirkorlik infratuzilmasi loyihalarini amalga oshirish.
Bunda, mazkur bandda koʻzda tutilgan tadbirlarni moliyalashtirish maqsadida Davlat budjeti va qonunchilik hujjatlarida taqiqlanmagan boshqa manbalar hisobidan ham mablagʻlar ajratiladi.
4. Belgilansinki:
jamgʻarmalarning mablagʻlari hisobidan qurilish, rekonstruksiya qilish va taʼmirlash ishlarini moliyalashtirish dasturlarini shakllantirish va moliyalashtirish markazlashtirilgan manbalar hisobidan bajariladigan qurilish-taʼmirlash ishlarining manzilli dasturlarini shakllantirish va moliyalashtirish tartibi asosida amalga oshiriladi;
jamgʻarmalar hisobidan moliyalashtiriladigan loyihalar manzilli dasturi Qoraqalpogʻiston Respublikasi Joʻqorgʻi Kengesi, viloyatlar va Toshkent shahar xalq deputatlari Kengashlari qarori bilan tasdiqlanadi;
jamgʻarmalar budjet tashkilotlarining budjetdan tashqari jamgʻarmasi shaklida tashkil etiladi hamda yuridik shaxs maqomiga ega boʻlmaydi.
5. Iqtisodiy taraqqiyot va kambagʻallikni qisqartirish vazirligi huzuridagi Urbanizatsiyani rivojlantirish jamgʻarmasi tugatilsin.
Iqtisodiy taraqqiyot va kambagʻallikni qisqartirish vazirligi Urbanizatsiyani rivojlantirish jamgʻarmasining gʻazna hisobvaragʻidagi qoldiq mablagʻlarni Sirdaryo viloyati hokimligi huzuridagi Tadbirkorlik infratuzilmasini rivojlantirish jamgʻarmasiga oʻtkazilishini taʼminlasin.
6. Jamgʻarmalar mablagʻlarining hisobini yuritish va hisobotlarini tashkil etish maqsadida, Moliya vazirligi tizimining umumiy shtat birliklari doirasida vazirlikning markaziy apparati tuzilmasida 2 ta shtat birligidan, Qoraqalpogʻiston Respublikasi Moliya vazirligi, viloyatlar va Toshkent shahar moliya bosh boshqarmalarida 1 ta shtat birligidan iborat sektorlar tashkil etilsin.
7. Oʻzbekiston Respublikasi Prezidentining 2018-yil 11-oktabrdagi “Davlat mulki obyektlarini va yer uchastkalariga boʻlgan huquqlarni tadbirkorlik subyektlariga sotish tartibini soddalashtirish boʻyicha qoʻshimcha chora-tadbirlar toʻgʻrisida”gi PF-5552-son Farmoni 9-bandining ikkinchi xatboshisi chiqarib tashlansin.
8. Iqtisodiy taraqqiyot va kambagʻallikni qisqartirish vazirligi manfaatdor vazirlik va idoralar bilan birgalikda bir oy muddatda:
jamgʻarmalar faoliyatini tashkil etish chora-tadbirlari toʻgʻrisidagi Hukumat qarori loyihasini;
qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisidagi takliflarni Vazirlar Mahkamasiga kiritsin.
9. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosarlari J.A. Qoʻchqorov va S.Oʻ. Umurzakov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 21-yanvar,
PF-54-son
Президента Республики Узбекистан
Указ
О дополнительных мерах по развитию инфраструктуры предпринимательства в регионах республики
В целях создания благоприятной инвестиционной и деловой среды, улучшения инженерно-коммуникационной и производственной инфраструктуры в регионах, а также обеспечения исполнения задач, определенных в рамках открытого диалога Президента Республики Узбекистан с предпринимателями, проведенного 20 августа 2021 года для непосредственного изучения проблем и предложений и определения основных направлений дальнейшего развития предпринимательства:
1. Согласиться с предложением Министерства экономического развития и сокращения бедности, Министерства инвестиций и внешней торговли, Министерства финансов о создании фондов развития инфраструктуры предпринимательства при Совете Министров Республики Каракалпакстан, хокимиятах областей и города Ташкента (далее — фонды).
2. Определить источниками формирования доходов фондов:
70 процентов части средств, поступающих от приватизации земельных участков несельскохозяйственного назначения и продажи через электронный онлайн-аукцион права получения в аренду земельных участков после удержания расходов, определенных Кабинетом Министров;
благотворительные пожертвования физических и юридических лиц;
иные источники, не запрещенные актами законодательства.
3. Определить, что средства фондов направляются на финансирование следующих мероприятий:
обеспечения внешними инженерно-коммуникационными сетями (сети питьевого водоснабжения и канализации, электроэнергии, природного газа и автомобильная дорога) массивов «Янги Узбекистон», массивов, предусмотренных в государственных жилищных программах, а также специальных экономических зон, малых промышленных зон, молодежных промышленных и предпринимательских зон;
обеспечения внешними инженерно-коммуникационными сетями проектов, включенных в инвестиционные программы, стоимостью более 200 миллиардов сумов, с долей собственных средств инвестора в размере не менее 25 процентов, а также объектов придорожной инфраструктуры, создаваемой на целостных земельных площадях вдоль автомобильных дорог международного и республиканского значения;
разработки генеральных планов населенных пунктов, административно-планировочных заданий и детальных планировочных проектов регионов;
реализации проектов социальной и предпринимательской инфраструктуры, включенных в программы комплексного развития отобранных согласно постановлениям Президента Республики Узбекистана районов, отнесенных к категории «трудные», а также в «программы реформ» «трудных» махаллей.
При этом в целях финансирования мероприятий, предусмотренных в настоящем пункте, выделяются средства также за счет Государственного бюджета и иных источников, не запрещенных актами законодательства.
4. Определить, что:
формирование и финансирование программ финансирования работ по строительству, реконструкции и ремонту за счет средств фондов осуществляются на основе порядка формирования и финансирования адресных программ строительно-ремонтных работ, выполняемых за счет централизованных источников;
адресная программа проектов, финансируемых за счет фондов, утверждается решением Жокаргы Кенеса Республики Каракалпакстан, Кенгашей народных депутатов областей и города Ташкента;
фонды создаются в форме внебюджетного фонда бюджетных организаций и не имеют статуса юридического лица.
5. Упразднить Фонд развития урбанизации при Министерстве экономического развития и сокращения бедности.
Министерству экономического развития и сокращения бедности обеспечить перечисление остаточных средств на казначейском расчетном счете Фонда развития урбанизации Фонду развития инфраструктуры предпринимательства при хокимияте Сырдарьинской области.
6. В целях ведения учета средств и организации отчетности фондов, в пределах общих штатных единиц системы Министерства финансов, образовать в структуре центрального аппарата министерства сектор в составе 2 штатных единиц, в Министерстве финансов Республики Каракалпакстан, главных управлениях финансов областей и города Ташкента — сектора в составе по 1 штатной единице.
7. Исключить абзац второй пункта 9 Указа Президента Республики Узбекистан от 11 октября 2018 года № УП-5552 «О дополнительных мерах по упрощению процедур реализации субъектам предпринимательства объектов государственной собственности и прав на земельные участки».
8. Министерству экономического развития и сокращения бедности совместно с заинтересованными министерствами и ведомствами в месячный срок внести в Кабинет Министров:
проект Правительственного решение об организации деятельности фондов;
предложения об изменениях и дополнениях в акты законодательства, вытекающих из настоящего Указа.
9. Контроль за исполнением настоящего Указа возложить на заместителей Премьер-министра Республики Узбекистан Д.А. Кучкарова и С.У. Умурзакова.
Президент Республики Узбекистан Ш. МИРЗИЁЕВ
г. Ташкент,
21 января 2022 г.,
№ УП-54