📅 2022-yil 28-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 28 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 28 января 2022 г. · Указы Президента
Официальный текст. Официальный документ. Редакционные примечания не включены.
📅 28 January 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Аҳолининг ижтимоий ҳимояга муҳтож тоифаларини моддий қўллаб-қувватлаш тизимини янада такомиллаштириш тўғрисида
Аҳолини манзилли ижтимоий ҳимоя қилиш ва моддий қўллаб-қувватлашни кучайтириш, кўмакка муҳтож фуқароларга ва ёлғиз кексаларга пул ёрдами кўрсатиш кўламини кенгайтириш ва самарадорлигини янада ошириш мақсадида:
1. Ўзбекистон Республикаси Президентининг 2003 йил 27 мартдаги «2003 йилнинг 1 апрелидан бошлаб уй-жой-коммунал хизматлар ҳақини тўлаш бўйича бериладиган имтиёзлар ўрнига компенсация пул тўловларини жорий этиш тўғрисида»ги ПФ-3227-сон Фармонига мувофиқ имтиёзли тоифадаги шахслар учун уй-жой-коммунал хизматлар ҳақини тўлаш бўйича қонунчилик асосида бериладиган имтиёзлар ўрнига ойлик компенсация пул тўловлари (кейинги ўринларда — компенсация тўлови) жорий этилганлиги маълумот учун қабул қилинсин.
2. Белгилансинки, 2022 йил 1 мартдан бошлаб:
а) компенсация тўлови, уни олиш ҳуқуқига эга бўлган барча имтиёзли тоифадаги шахсларга, ушбу шахсларнинг пенсия (ижтимоий нафақа) олиши ёки олмаслиги ҳамда меҳнат фаолиятини олиб бориши ёки олиб бормаслигидан қатъи назар тўлаб борилади;
в) ёши 100 га тўлган ва ундан ошган ижтимоий нафақа олувчи шахслар учун ҳар ойда — пенсияни ҳисоблашнинг базавий миқдорининг 100 фоизи миқдорида қўшимча тўлов белгиланади.
Бунда 100 ёшга тўлган ва ундан ошган фуқаролар нафақасига ҳар ойда тўланадиган қўшимча тўлов нафақа тайинланган ташкилот орқали Ўзбекистон Республикаси республика бюджети маблағлари ҳисобидан молиялаштирилади.
3. Молия вазирлиги, Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги ушбу Фармон мақсади, вазифалари ва бундан кутилаётган натижаларни оммавий ахборот воситалари, Интернет ва ижтимоий тармоқларда кенг ёритиш ишларини ташкил қилсин.
4. Ўзбекистон Республикаси Президентининг айрим ҳужжатларига иловага мувофиқ ўзгартиришлар ва қўшимча киритилсин.
5. Ушбу Фармон ижросини самарали ташкил қилишга ҳамда компенсация ва қўшимча тўловларнинг фуқароларга пенсия ва нафақа тўланадиган муддатларда тўлаб борилишини таъминлашга масъул ва шахсий жавобгар этиб молия вазири Т.А. Ишметов белгилансин.
6. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2022 йил 28 январдаги ПФ-58-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартиришлар ва қўшимча
1. Ўзбекистон Республикаси Президентининг 2003 йил 27 мартдаги «2003 йилнинг 1 апрелидан бошлаб уй-жой-коммунал хизматлар ҳақини тўлаш бўйича бериладиган имтиёзлар ўрнига компенсация пул тўловларини жорий этиш тўғрисида»ги ПФ-3227-сон Фармонида :
а) 1-банддаги «энг кам иш ҳақи» сўзлари «пенсияни ҳисоблашнинг базавий миқдори» сўзлари билан алмаштирилсин;
б) 2-банд қуйидаги таҳрирда баён этилсин:
«2. Уй-жой-коммунал хизматлар ҳақини тўлаш бўйича компенсация пул тўловларининг суммаси жисмоний шахсларнинг жами даромадига қўшилиши ҳамда пенсия ва нафақалар тўланадиган тартиб ва муддатларда тўланиши белгилаб қўйилсин.
Пенсия ёки нафақа олмайдиган уй-жой-коммунал хизматлар ҳақини тўлаш бўйича компенсация пул тўловларини олиш ҳуқуқига эга бўлган шахсларга компенсация пули 2022 йил 1 мартдан бошлаб Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси орқали пенсия ва нафақа тўланадиган муддатларда тўланади».
2. Ўзбекистон Республикаси Президентининг 2015 йил 14 апрелдаги «Кексаларни ижтимоий ҳимоя қилиш ва моддий қўллаб-қувватлашни янада кучайтириш бўйича қўшимча чора-тадбирлар тўғрисида»ги ПФ-4715-сон Фармонида :
а) 1-банд қуйидаги таҳрирда баён этилсин:
«1. Ёши 100 га тўлган ва ундан ошган фуқаролар пенсиясига (нафақасига) 2022 йилнинг 1 мартидан бошлаб, ҳар ойда пенсияни ҳисоблашнинг базавий миқдорининг 100 фоизи миқдорида қўшимча тўлов тўлаш белгилансин.
Белгилаб қўйилсинки, 100 ёшга тўлган ва ундан ошган фуқаролар пенсиясига (нафақасига) ҳар ойда тўланадиган қўшимча тўлов пенсия ва нафақа тайинланган ташкилот орқали Ўзбекистон Республикасининг республика бюджети ва Молия вазирлиги ҳузуридаги бюджетдан ташқари Пенсия жамғармаси маблағлари ҳисобидан молиялаштирилади»;
б) 1-илованинг «Шахслар тоифаларининг рўйхати» устунида:
4-позициясидаги «пенсия ёшидаги» сўзлари чиқариб ташлансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 28 январь,
ПФ-58-сон
Oʻzbekiston Respublikasi Prezidentining
Farmoni
Aholining ijtimoiy himoyaga muhtoj toifalarini moddiy qoʻllab-quvvatlash tizimini yanada takomillashtirish toʻgʻrisida
Aholini manzilli ijtimoiy himoya qilish va moddiy qoʻllab-quvvatlashni kuchaytirish, koʻmakka muhtoj fuqarolarga va yolgʻiz keksalarga pul yordami koʻrsatish koʻlamini kengaytirish va samaradorligini yanada oshirish maqsadida:
1. Oʻzbekiston Respublikasi Prezidentining 2003-yil 27-martdagi “2003-yilning 1-aprelidan boshlab uy-joy-kommunal xizmatlar haqini toʻlash boʻyicha beriladigan imtiyozlar oʻrniga kompensatsiya pul toʻlovlarini joriy etish toʻgʻrisida”gi PF-3227-son Farmoniga muvofiq imtiyozli toifadagi shaxslar uchun uy-joy-kommunal xizmatlar haqini toʻlash boʻyicha qonunchilik asosida beriladigan imtiyozlar oʻrniga oylik kompensatsiya pul toʻlovlari (keyingi oʻrinlarda — kompensatsiya toʻlovi) joriy etilganligi maʼlumot uchun qabul qilinsin.
2. Belgilansinki, 2022-yil 1-martdan boshlab:
a) kompensatsiya toʻlovi, uni olish huquqiga ega boʻlgan barcha imtiyozli toifadagi shaxslarga, ushbu shaxslarning pensiya (ijtimoiy nafaqa) olishi yoki olmasligi hamda mehnat faoliyatini olib borishi yoki olib bormasligidan qatʼi nazar toʻlab boriladi;
v) yoshi 100 ga toʻlgan va undan oshgan ijtimoiy nafaqa oluvchi shaxslar uchun har oyda — pensiyani hisoblashning bazaviy miqdorining 100 foizi miqdorida qoʻshimcha toʻlov belgilanadi.
Bunda 100 yoshga toʻlgan va undan oshgan fuqarolar nafaqasiga har oyda toʻlanadigan qoʻshimcha toʻlov nafaqa tayinlangan tashkilot orqali Oʻzbekiston Respublikasi respublika budjeti mablagʻlari hisobidan moliyalashtiriladi.
3. Moliya vazirligi, Oʻzbekiston Milliy axborot agentligi, Oʻzbekiston Milliy teleradiokompaniyasi, Axborot va ommaviy kommunikatsiyalar agentligi ushbu Farmon maqsadi, vazifalari va bundan kutilayotgan natijalarni ommaviy axborot vositalari, Internet va ijtimoiy tarmoqlarda keng yoritish ishlarini tashkil qilsin.
4. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirishlar va qoʻshimcha kiritilsin.
5. Ushbu Farmon ijrosini samarali tashkil qilishga hamda kompensatsiya va qoʻshimcha toʻlovlarning fuqarolarga pensiya va nafaqa toʻlanadigan muddatlarda toʻlab borilishini taʼminlashga masʼul va shaxsiy javobgar etib moliya vaziri T.A. Ishmetov belgilansin.
6. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2022-yil 28-yanvardagi PF-58-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2003-yil 27-martdagi “2003-yilning 1-aprelidan boshlab uy-joy-kommunal xizmatlar haqini toʻlash boʻyicha beriladigan imtiyozlar oʻrniga kompensatsiya pul toʻlovlarini joriy etish toʻgʻrisida”gi PF-3227-son Farmonida :
a) 1-banddagi “eng kam ish haqi” soʻzlari “pensiyani hisoblashning bazaviy miqdori” soʻzlari bilan almashtirilsin;
b) 2-band quyidagi tahrirda bayon etilsin:
“2. Uy-joy-kommunal xizmatlar haqini toʻlash boʻyicha kompensatsiya pul toʻlovlarining summasi jismoniy shaxslarning jami daromadiga qoʻshilishi hamda pensiya va nafaqalar toʻlanadigan tartib va muddatlarda toʻlanishi belgilab qoʻyilsin.
Pensiya yoki nafaqa olmaydigan uy-joy-kommunal xizmatlar haqini toʻlash boʻyicha kompensatsiya pul toʻlovlarini olish huquqiga ega boʻlgan shaxslarga kompensatsiya puli 2022-yil 1-martdan boshlab Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi orqali pensiya va nafaqa toʻlanadigan muddatlarda toʻlanadi”.
2. Oʻzbekiston Respublikasi Prezidentining 2015-yil 14-apreldagi “Keksalarni ijtimoiy himoya qilish va moddiy qoʻllab-quvvatlashni yanada kuchaytirish boʻyicha qoʻshimcha chora-tadbirlar toʻgʻrisida”gi PF-4715-son Farmonida :
a) 1-band quyidagi tahrirda bayon etilsin:
“1. Yoshi 100 ga toʻlgan va undan oshgan fuqarolar pensiyasiga (nafaqasiga) 2022-yilning 1-martidan boshlab, har oyda pensiyani hisoblashning bazaviy miqdorining 100 foizi miqdorida qoʻshimcha toʻlov toʻlash belgilansin.
Belgilab qoʻyilsinki, 100 yoshga toʻlgan va undan oshgan fuqarolar pensiyasiga (nafaqasiga) har oyda toʻlanadigan qoʻshimcha toʻlov pensiya va nafaqa tayinlangan tashkilot orqali Oʻzbekiston Respublikasining respublika budjeti va Moliya vazirligi huzuridagi budjetdan tashqari Pensiya jamgʻarmasi mablagʻlari hisobidan moliyalashtiriladi”;
b) 1-ilovaning “Shaxslar toifalarining roʻyxati” ustunida:
4-pozitsiyasidagi “pensiya yoshidagi” soʻzlari chiqarib tashlansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 28-yanvar,
PF-58-son
Президента Республики Узбекистан
Указ
О дальнейшем совершенствовании системы материальной поддержки нуждающихся в социальной защите категорий населения
В целях усиления адресной социальной защиты и материальной поддержки населения, расширения масштабов и дальнейшего повышения эффективности оказания денежной помощи нуждающимся в поддержке гражданам и одиноким престарелым:
1. Принять к сведению введение ежемесячных компенсационных выплат для льготных категорий лиц (далее — компенсационные выплаты) взамен предоставляемых законодательством льгот по оплате жилищно-коммунальных услуг в соответствии с Указом Президента Республики Узбекистан от 27 марта 2003 года № УП-3227 «О введении с 1 апреля 2003 года компенсационных денежных выплат взамен предоставляемых льгот по оплате жилищно-коммунальных услуг».
2. Установить, что с 1 марта 2022 года:
а) компенсационные выплаты выплачиваются всем льготным категориям лиц, имеющим право на их получение, независимо от получения или неполучения пенсий (социальных пособий), а также осуществления или неосуществления трудовой деятельности данными лицами;
в) вводится ежемесячная доплата к социальным пособиям лицам, достигшим возраста 100 лет и более, в размере 100 процентов базовой величины исчисления пенсии.
При этом ежемесячная доплата к пособиям граждан, достигших возраста 100 лет и более, финансируется за счет средств республиканского бюджета Республики Узбекистан через организацию, в которой назначено пособие.
3. Министерству финансов, Национальному информационному агентству Узбекистана, Национальной телерадиокомпании Узбекистана, Агентству информации и массовых коммуникаций организовать работу по широкому освещению в средствах массовой информации, сети Интернет и социальных сетях целей, задач настоящего Указа и ожидаемых результатов.
4. Внести изменения и дополнение в некоторые акты Президента Республики Узбекистан согласно приложению .
5. Возложить на министра финансов Т.А. Ишметова персональную ответственность за эффективную организацию исполнения настоящего Указа и обеспечение выплаты компенсаций и доплат гражданам в период выплаты пенсий и пособий.
6. Контроль за исполнением настоящего Указа возложить на заместителя Премьер-министра Республики Узбекистан Д.А. Кучкарова.
ПРИЛОЖЕНИЕ к Указу Президента Республики Узбекистан от 28 января 2022 года № УП-58
Изменения и дополнение, вносимые в некоторые акты Президента Республики Узбекистан
1. В Указе Президента Республики Узбекистан от 27 марта 2003 года № УП-3227 «О введении с 1 апреля 2003 года компенсационных денежных выплат взамен предоставляемых льгот по оплате жилищно-коммунальных услуг»:
а) в пункте 1 слова «минимальной заработной платы» заменить словами «базовой величины исчисления пенсии»;
б) пункт 2 изложить в следующей редакции:
«2. Установить, что суммы компенсационных денежных выплат по оплате жилищно-коммунальных услуг включаются в совокупный доход физических лиц и выплачиваются в порядке и в сроки выплаты пенсии и пособия.
Лицам, имеющим право на компенсационные выплаты за жилищно-коммунальные услуги, не получающим пенсии или пособия, компенсационные денежные выплаты с 1 марта 2022 года выплачиваются в порядке и в сроки выплаты пенсии и пособия через внебюджетный Пенсионный фонд при Министерстве финансов Республики Узбекистан.».
2. В Указе Президента Республики Узбекистан от 14 апреля 2015 года № УП-4715 «О дополнительных мерах по дальнейшему усилению социальной защиты и материальной поддержки старшего поколения»:
а) пункт 1 изложить в следующей редакции:
«1. Установить с 1 марта 2022 года ежемесячную доплату к пенсиям (пособиям) граждан, достигших возраста 100 лет и более, в размере 100 процентов базовой величины исчисления пенсии.
Определить, что финансирование сумм ежемесячной доплаты к пенсиям (пособиям) граждан, достигших возраста 100 лет и более, осуществляется через организацию, в которой были назначены пенсия и пособие, за счет средств республиканского бюджета и внебюджетного Пенсионного фонда при Министерстве финансов Республики Узбекистан.»;
б) в графе «Перечень категорий лиц» приложения № 1 :
из позиции 4 слова «пенсионного возраста» исключить.
Президент Республики Узбекистан Ш. МИРЗИЁЕВ
г. Ташкент,
28 января 2022 г.,
№ УП-58