UzbekAI

Ўзбекистон Республикаси Президентининг

Қарори

Давлат органлари билан муносабатларда фуқаролар ва тадбиркорлик субъектлари ҳуқуқларининг самарали ҳимоя этилишини таъминлаш ҳамда аҳолининг судларга бўлган ишончини янада ошириш чора-тадбирлари тўғрисида

Мамлакатда суд тизимини демократлаштириш, судлар фаолияти шаффофлигини таъминлаш, аҳоли билан мулоқотни кенгайтириш ва одил судловни амалга оширишда жамоатчилик ролини кучайтиришга қаратилган салмоқли ишлар бажарилди.

Олий суднинг расмий веб-сайтида барча суд қарорлари доимий равишда эълон қилинмоқда, судлар ўз қарорларининг мазмун-моҳиятини суд процесси иштирокчиларига тушунтириб келмоқда, суд раислари ҳар чоракда оммавий ахборот воситалари билан брифинглар ўтказмоқда.

Шу билан бирга, фуқаролар ва тадбиркорлик субъектларининг бузилган ҳуқуқларини ҳимоя қилишда судларнинг, айниқса маъмурий судларнинг ролини кучайтириш, уларни фуқаро ва тадбиркорларнинг ҳақиқий ҳимоячисига айлантириш зарур бўлиб ҳисобланади.

Жамиятда маъмурий судларга бўлган ишончни янада ошириш мақсадида давлат органлари томонидан суд қарорлари ижро этилиши устидан назоратнинг таъсирчан механизмларини жорий этиш талаб этилади.

Давлат органлари билан муносабатларда фуқаролар ва тадбиркорлик субъектлари ҳуқуқлари ва қонуний манфаатларининг самарали ҳимоя этилишини таъминлаш ҳамда маъмурий суд ишларини юритишни халқаро стандартлардан келиб чиққан ҳолда такомиллаштириш мақсадида:

1. Маъмурий судларнинг биринчи навбатдаги вазифаси фуқаролар ва тадбиркорлик субъектларининг давлат органлари билан муносабатларида қонун устуворлигини таъминлаш билан бир қаторда улар ҳуқуқлари ва қонуний манфаатларини самарали ҳимоя қилиш ҳисобланиши маълумот учун қабул қилинсин.

2. Олий суд Судьялар олий кенгаши ҳамда манфаатдор вазирлик ва идоралар билан биргаликда давлат органлари қарорлари устидан берилган шикоятларни кўриб чиқишда маъмурий судларнинг ролини кучайтириш, уларни фуқаролар ва тадбиркорлик субъектларининг ҳақиқий ҳимоячисига айлантиришга қаратилган қуйидаги тартибларни процессуал қонун ҳужжатларида белгиланишини таъминласин:

маъмурий суд ишларини юритишни «суднинг фаол иштироки» тамойили асосида амалга ошириш, бунда маъмурий судларга ишнинг ҳақиқий ҳолатларини аниқлаш учун ўз ташаббуси билан далилларни йиғиш мажбуриятини юклаш, ҳуқуқи бузилган фуқаро ёки тадбиркорлик субъектига эса далилларни йиғишда фақат ўз имконияти доирасида иштирок этишга шароит яратиш;

ҳуқуқи бузилган фуқаро ёки тадбиркорлик субъектига оммавий-ҳуқуқий муносабатдан келиб чиқадиган низо билан бирга унга сабабий боғланишда бўлган зарарни ундириш талабини ҳам маъмурий судга билдириш ҳуқуқини тақдим этиш ҳамда бундай талабларни кўриб чиқишни маъмурий судлар ваколатига ўтказиш;

маъмурий судларнинг оммавий-ҳуқуқий муносабатлардан келиб чиқадиган ишлар бўйича ҳал қилув қарорлари давлат органлари ёки ташкилотлари томонидан ижро қилинмаган тақдирда, уларнинг мансабдор шахсларига нисбатан суд жарималарини қўллаш;

оммавий-ҳуқуқий муносабатлардан келиб чиқадиган ишлар бўйича тарафлар ўртасида ярашувга эришиш механизмларини жорий қилиш.

3. Жамиятда маъмурий судларнинг ролини кучайтириш, уларни фуқаролар ва тадбиркорлик субъектларининг ҳақиқий ҳимоячисига айлантириш мақсадида мазкур қарорнинг 2-бандига асосан процессуал қонун ҳужжатларида белгиланаётган тартиблар доирасида қуйидагилар назарда тутилсин:

тарафларга, қонун ҳужжатларида белгиланган ҳолларда, оммавий-ҳуқуқий муносабатлардан келиб чиқадиган ишлар бўйича келишув битимини тузиш ҳуқуқини бериш;

давлат органлари ёки ташкилотлари оммавий-ҳуқуқий муносабатлардан келиб чиқадиган иш бўйича ҳал қилув қарорини у қонуний кучга кирган кундан бошлаб бир ой давомида ижро қилиш ҳамда бу ҳақда маъмурий судга хабар бериш;

давлат органлари ёки ташкилотлари томонидан оммавий-ҳуқуқий муносабатлардан келиб чиқадиган иш бўйича суд ҳужжати ижро қилинмаганлиги учун давлат органлари ёки ташкилотларининг мансабдор шахсларига нисбатан суд жаримасини қўллаш;

давлат органлари ёки ташкилотлари томонидан оммавий-ҳуқуқий муносабатлардан келиб чиқадиган иш бўйича ҳал қилув қарорининг такроран ижро қилинмаганлиги учун давлат органлари ёки ташкилотларининг мансабдор шахсларига нисбатан дастлаб қўлланилган суд жаримасини оширилган миқдорда қўллаш.

4. Олий суд ва Судьялар олий кенгашининг қуйидагиларни назарда тутувчи таклифлари маъқуллансин:

судлар томонидан даъво аризаси, ариза ҳамда шикоятни судга тааллуқли бўлмаганлиги сабабли қабул қилишни рад этиш ёки иш бўйича иш юритишни тугатишни тақиқлаш, бунда даъво аризаси, ариза, шикоят ёки ишни уларни кўриб чиқишга ваколатли судга ўтказиш;

маъмурий суднинг қонуний кучга кирган ҳал қилув қарорида аниқланган ҳолатлар бошқа ишни кўраётган фуқаролик ишлари бўйича суд учун мажбурий ҳисобланишини белгилаш;

бир суд иши доирасида баъзилари маъмурий судга, бошқалари эса фуқаролик ишлари бўйича судга тааллуқли бўлган бир нечта талабни бирлаштиришни тақиқлаш.

5. Олий суд, Судьялар олий кенгаши:

манфаатдор вазирлик ва идоралар билан биргаликда бир ой муддатда фуқаролар ва тадбиркорлик субъектларини, шунингдек, давлат ҳокимияти ва бошқаруви органлари, маҳаллий ижро ҳокимияти органлари ходимларини маъмурий судлар фаолияти ва уларнинг жамиятда қонунийликни таъминлашдаги роли билан батафсил таништириш бўйича чора-тадбирларни назарда тутувчи «Йўл харитаси» тасдиқланиши ва изчил амалга оширилишини;

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда бир ой муддатда маҳаллий ижро ҳокимияти органлари биноларининг фуқаролар қабули учун ажратилган махсус жойларида маъмурий судларнинг ижро органлари фаолиятида қонунийликни таъминлашдаги ўрни ва улар томонидан кўриладиган ишлар ҳақида тушунтириш берадиган баннерларнинг кўринарли қилиб жойлаштирилишини ҳамда ижтимоий роликларнинг доимий асосда намойиш этилишини;

Ахборот ва оммавий коммуникациялар агентлиги, Ўзбекистон Миллий телерадиокомпанияси, Ўзбекистон Миллий ахборот агентлиги билан биргаликда оммавий ахборот воситалари ва ижтимоий тармоқларда маъмурий юстиция, унинг аҳамияти ҳамда фуқаролар ва тадбиркорлик субъектлари ҳуқуқларини ҳимоя қилишда самарали ҳуқуқий механизм ҳисобланиши бўйича тематик кўрсатувлар ҳамда ижтимоий роликларнинг доимий равишда намойиш этилишини таъминласин.

6. Олий суд манфаатдор вазирлик ва идоралар билан биргаликда:

икки ой муддатда судлар томонидан даъво аризаси, ариза, шикоят ёки ишни уни кўриб чиқишга ваколатли судга ўтказиш бўйича «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун лойиҳасини;

уч ой муддатда оммавий-ҳуқуқий низоларни ҳал этиш бўйича ижобий халқаро тажрибани инобатга олган ҳолда «Ўзбекистон Республикасининг Маъмурий суд ишларини юритиш тўғрисидаги кодексига ўзгартиш ва қўшимчалар киритиш ҳақида»ги қонун лойиҳасини;

бир ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифларнинг киритилишини таъминласин.

7. Олий суд Адлия вазирлиги билан биргаликда икки ой муддатда ҳозирда фуқаролик ишлари бўйича ҳамда иқтисодий судлар томонидан кўрилаётган оммавий-ҳуқуқий муносабатлардан келиб чиқадиган барча ишларни, шу жумладан акцептсиз тартибда ундириладиган ижро ҳужжати устидан шикоят қилиш билан боғлиқ ишларни маъмурий судлар тааллуқлилигига ўтказиш бўйича таклифларни Ўзбекистон Республикаси Президенти Администрациясига киритсин.

8. Мазкур қарорнинг ижросини назорат қилиш Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2022 йил 29 январь,

ПҚ-107-сон

(Қонунчилик маълумотлари миллий базаси, 29.01.2022 й., 07/22/107/0083-сон)

lex.uz

Oʻzbekiston Respublikasi Prezidentining

Qarori

Davlat organlari bilan munosabatlarda fuqarolar va tadbirkorlik subyektlari huquqlarining samarali himoya etilishini taʼminlash hamda aholining sudlarga boʻlgan ishonchini yanada oshirish chora-tadbirlari toʻgʻrisida

Mamlakatda sud tizimini demokratlashtirish, sudlar faoliyati shaffofligini taʼminlash, aholi bilan muloqotni kengaytirish va odil sudlovni amalga oshirishda jamoatchilik rolini kuchaytirishga qaratilgan salmoqli ishlar bajarildi.

Oliy sudning rasmiy veb-saytida barcha sud qarorlari doimiy ravishda eʼlon qilinmoqda, sudlar oʻz qarorlarining mazmun-mohiyatini sud protsessi ishtirokchilariga tushuntirib kelmoqda, sud raislari har chorakda ommaviy axborot vositalari bilan brifinglar oʻtkazmoqda.

Shu bilan birga, fuqarolar va tadbirkorlik subyektlarining buzilgan huquqlarini himoya qilishda sudlarning, ayniqsa maʼmuriy sudlarning rolini kuchaytirish, ularni fuqaro va tadbirkorlarning haqiqiy himoyachisiga aylantirish zarur boʻlib hisoblanadi.

Jamiyatda maʼmuriy sudlarga boʻlgan ishonchni yanada oshirish maqsadida davlat organlari tomonidan sud qarorlari ijro etilishi ustidan nazoratning taʼsirchan mexanizmlarini joriy etish talab etiladi.

Davlat organlari bilan munosabatlarda fuqarolar va tadbirkorlik subyektlari huquqlari va qonuniy manfaatlarining samarali himoya etilishini taʼminlash hamda maʼmuriy sud ishlarini yuritishni xalqaro standartlardan kelib chiqqan holda takomillashtirish maqsadida:

1. Maʼmuriy sudlarning birinchi navbatdagi vazifasi fuqarolar va tadbirkorlik subyektlarining davlat organlari bilan munosabatlarida qonun ustuvorligini taʼminlash bilan bir qatorda ular huquqlari va qonuniy manfaatlarini samarali himoya qilish hisoblanishi maʼlumot uchun qabul qilinsin.

2. Oliy sud Sudyalar oliy kengashi hamda manfaatdor vazirlik va idoralar bilan birgalikda davlat organlari qarorlari ustidan berilgan shikoyatlarni koʻrib chiqishda maʼmuriy sudlarning rolini kuchaytirish, ularni fuqarolar va tadbirkorlik subyektlarining haqiqiy himoyachisiga aylantirishga qaratilgan quyidagi tartiblarni protsessual qonun hujjatlarida belgilanishini taʼminlasin:

maʼmuriy sud ishlarini yuritishni “sudning faol ishtiroki” tamoyili asosida amalga oshirish, bunda maʼmuriy sudlarga ishning haqiqiy holatlarini aniqlash uchun oʻz tashabbusi bilan dalillarni yigʻish majburiyatini yuklash, huquqi buzilgan fuqaro yoki tadbirkorlik subyektiga esa dalillarni yigʻishda faqat oʻz imkoniyati doirasida ishtirok etishga sharoit yaratish;

huquqi buzilgan fuqaro yoki tadbirkorlik subyektiga ommaviy-huquqiy munosabatdan kelib chiqadigan nizo bilan birga unga sababiy bogʻlanishda boʻlgan zararni undirish talabini ham maʼmuriy sudga bildirish huquqini taqdim etish hamda bunday talablarni koʻrib chiqishni maʼmuriy sudlar vakolatiga oʻtkazish;

maʼmuriy sudlarning ommaviy-huquqiy munosabatlardan kelib chiqadigan ishlar boʻyicha hal qiluv qarorlari davlat organlari yoki tashkilotlari tomonidan ijro qilinmagan taqdirda, ularning mansabdor shaxslariga nisbatan sud jarimalarini qoʻllash;

ommaviy-huquqiy munosabatlardan kelib chiqadigan ishlar boʻyicha taraflar oʻrtasida yarashuvga erishish mexanizmlarini joriy qilish.

3. Jamiyatda maʼmuriy sudlarning rolini kuchaytirish, ularni fuqarolar va tadbirkorlik subyektlarining haqiqiy himoyachisiga aylantirish maqsadida mazkur qarorning 2-bandiga asosan protsessual qonun hujjatlarida belgilanayotgan tartiblar doirasida quyidagilar nazarda tutilsin:

taraflarga, qonun hujjatlarida belgilangan hollarda, ommaviy-huquqiy munosabatlardan kelib chiqadigan ishlar boʻyicha kelishuv bitimini tuzish huquqini berish;

davlat organlari yoki tashkilotlari ommaviy-huquqiy munosabatlardan kelib chiqadigan ish boʻyicha hal qiluv qarorini u qonuniy kuchga kirgan kundan boshlab bir oy davomida ijro qilish hamda bu haqda maʼmuriy sudga xabar berish;

davlat organlari yoki tashkilotlari tomonidan ommaviy-huquqiy munosabatlardan kelib chiqadigan ish boʻyicha sud hujjati ijro qilinmaganligi uchun davlat organlari yoki tashkilotlarining mansabdor shaxslariga nisbatan sud jarimasini qoʻllash;

davlat organlari yoki tashkilotlari tomonidan ommaviy-huquqiy munosabatlardan kelib chiqadigan ish boʻyicha hal qiluv qarorining takroran ijro qilinmaganligi uchun davlat organlari yoki tashkilotlarining mansabdor shaxslariga nisbatan dastlab qoʻllanilgan sud jarimasini oshirilgan miqdorda qoʻllash.

4. Oliy sud va Sudyalar oliy kengashining quyidagilarni nazarda tutuvchi takliflari maʼqullansin:

sudlar tomonidan daʼvo arizasi, ariza hamda shikoyatni sudga taalluqli boʻlmaganligi sababli qabul qilishni rad etish yoki ish boʻyicha ish yuritishni tugatishni taqiqlash, bunda daʼvo arizasi, ariza, shikoyat yoki ishni ularni koʻrib chiqishga vakolatli sudga oʻtkazish;

maʼmuriy sudning qonuniy kuchga kirgan hal qiluv qarorida aniqlangan holatlar boshqa ishni koʻrayotgan fuqarolik ishlari boʻyicha sud uchun majburiy hisoblanishini belgilash;

bir sud ishi doirasida baʼzilari maʼmuriy sudga, boshqalari esa fuqarolik ishlari boʻyicha sudga taalluqli boʻlgan bir nechta talabni birlashtirishni taqiqlash.

5. Oliy sud, Sudyalar oliy kengashi:

manfaatdor vazirlik va idoralar bilan birgalikda bir oy muddatda fuqarolar va tadbirkorlik subyektlarini, shuningdek, davlat hokimiyati va boshqaruvi organlari, mahalliy ijro hokimiyati organlari xodimlarini maʼmuriy sudlar faoliyati va ularning jamiyatda qonuniylikni taʼminlashdagi roli bilan batafsil tanishtirish boʻyicha chora-tadbirlarni nazarda tutuvchi “Yoʻl xaritasi” tasdiqlanishi va izchil amalga oshirilishini;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir oy muddatda mahalliy ijro hokimiyati organlari binolarining fuqarolar qabuli uchun ajratilgan maxsus joylarida maʼmuriy sudlarning ijro organlari faoliyatida qonuniylikni taʼminlashdagi oʻrni va ular tomonidan koʻriladigan ishlar haqida tushuntirish beradigan bannerlarning koʻrinarli qilib joylashtirilishini hamda ijtimoiy roliklarning doimiy asosda namoyish etilishini;

Axborot va ommaviy kommunikatsiyalar agentligi, Oʻzbekiston Milliy teleradiokompaniyasi, Oʻzbekiston Milliy axborot agentligi bilan birgalikda ommaviy axborot vositalari va ijtimoiy tarmoqlarda maʼmuriy yustitsiya, uning ahamiyati hamda fuqarolar va tadbirkorlik subyektlari huquqlarini himoya qilishda samarali huquqiy mexanizm hisoblanishi boʻyicha tematik koʻrsatuvlar hamda ijtimoiy roliklarning doimiy ravishda namoyish etilishini taʼminlasin.

6. Oliy sud manfaatdor vazirlik va idoralar bilan birgalikda:

ikki oy muddatda sudlar tomonidan daʼvo arizasi, ariza, shikoyat yoki ishni uni koʻrib chiqishga vakolatli sudga oʻtkazish boʻyicha “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi qonun loyihasini;

uch oy muddatda ommaviy-huquqiy nizolarni hal etish boʻyicha ijobiy xalqaro tajribani inobatga olgan holda “Oʻzbekiston Respublikasining Maʼmuriy sud ishlarini yuritish toʻgʻrisidagi kodeksiga oʻzgartish va qoʻshimchalar kiritish haqida”gi qonun loyihasini;

bir oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarning kiritilishini taʼminlasin.

7. Oliy sud Adliya vazirligi bilan birgalikda ikki oy muddatda hozirda fuqarolik ishlari boʻyicha hamda iqtisodiy sudlar tomonidan koʻrilayotgan ommaviy-huquqiy munosabatlardan kelib chiqadigan barcha ishlarni, shu jumladan akseptsiz tartibda undiriladigan ijro hujjati ustidan shikoyat qilish bilan bogʻliq ishlarni maʼmuriy sudlar taalluqliligiga oʻtkazish boʻyicha takliflarni Oʻzbekiston Respublikasi Prezidenti Administratsiyasiga kiritsin.

8. Mazkur qarorning ijrosini nazorat qilish Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 29-yanvar,

PQ-107-son

(Qonunchilik maʼlumotlari milliy bazasi, 29.01.2022-y., 07/22/107/0083-son)

lex.uz

Президента Республики Узбекистан

Постановление

О мерах по дальнейшему обеспечению эффективной защиты прав граждан и субъектов предпринимательства во взаимоотношениях с государственными органами, а также повышению доверия населения к судам

В стране проводится весомая работа, направленная на демократизацию судебной системы, обеспечение прозрачности деятельности судов, расширение диалога с населением и усиление роли общественности при осуществлении правосудия.

На официальном веб-сайте Верховного суда регулярно публикуются все судебные решения, суды разъясняют участникам судебного процесса суть и значение судебных решений, председатели судов ежеквартально проводят брифинги со средствами массовой информации.

Вместе с тем необходимо повышение роли судов, особенно административных судов по защите нарушенных прав граждан и субъектов предпринимательства, превращение их в подлинного защитника граждан и предпринимателей.

В целях дальнейшего повышения доверия к административным судам в обществе требуется внедрение действенных механизмов контроля за исполнением судебных решений государственными органами.

В целях обеспечения эффективной защиты прав и законных интересов граждан и субъектов предпринимательства во взаимоотношениях с государственными органами, а также совершенствования административного судопроизводства в соответствии с международными стандартами:

1. Принять к сведению, что наряду с обеспечением верховенства закона во взаимоотношениях граждан и субъектов предпринимательства с государственными органами первоочередной задачей административных судов является эффективная защита их прав и законных интересов.

2. Верховному суду совместно с Высшим судейским советом и заинтересованными министерствами и ведомствами обеспечить установление в процессуальных законодательных актах нижеследующих процедур, направленных на усиление роли административных судов при рассмотрении жалоб на решения государственных органов, превращение их в подлинных защитников граждан и субъектов предпринимательства:

осуществление административного судопроизводства на основе принципа «активная роль суда» с возложением на административные суды обязанности по сбору доказательств по собственной инициативе для выяснения фактических обстоятельств дела, созданием для граждан или субъектов предпринимательства, чьи права нарушены, условий для участия в сборе доказательств в пределах своих возможностей;

предоставление гражданам или субъектам предпринимательства, чьи права нарушены, наряду со спором, вытекающим из публично-правовых отношений, права на предъявление административному суду также требования о взыскании ущерба при наличии причинно-следственной связи, а также передачи полномочия по рассмотрению таких требований административным судам;

применение в отношении должностных лиц государственных органов или организаций судебных штрафов в случае неисполнения ими решений административных судов по делам, вытекающим из публично-правовых отношений;

внедрение механизмов достижения примирения сторон по делам, вытекающим из публично-правовых отношений.

3. В целях усиления роли административных судов в обществе, превращения их в подлинных защитников граждан и субъектов предпринимательства, в рамках процедур, устанавливаемых в процессуальных законодательных актах в соответствии с пунктом 2 настоящего постановления, предусмотреть:

предоставление сторонам права заключения мирового соглашения по делам, вытекающим из публично-правовых отношений, в установленных законодательными актами случаях;

исполнение государственными органами или организациями решения по делу, вытекающему из публично-правовых отношений, в течение одного месяца со дня его вступления в законную силу и извещение об этом административного суда;

применение судебного штрафа в отношении должностных лиц государственных органов или организаций за неисполнение ими судебного акта по делу, вытекающему из публично-правовых отношений;

применение в повышенном размере первоначально примененного судебного штрафа в отношении должностных лиц государственных органов или организаций за повторное неисполнение ими решения по делу, вытекающему из публично-правовых отношений.

4. Одобрить предложения Верховного суда и Высшего судейского совета, предусматривающие:

запрещение отказа в принятии или прекращения судами производства по делу по причине не подведомственности суду искового заявления, заявления, а также жалобы с передачей искового заявления, заявления, жалобы либо дела в суд, уполномоченный их рассмотреть;

определение обстоятельств, установленных вступившим в законную силу решением административного суда, обязательными для суда по гражданским делам, рассматривающего другое дело;

запрещение объединения нескольких требований в рамках одного дела, из которых одни подведомственны административному суду, а другие — суду по гражданским делам.

5. Верховному суду, Высшему судейскому совету:

совместно с заинтересованными министерствами и ведомствами в месячный срок обеспечить утверждение и последовательное исполнение «Дорожной карты», предусматривающей меры по детальному ознакомлению граждан и субъектов предпринимательства, а также работников органов государственной власти и управления, органов исполнительной власти на местах с деятельностью административных судов и их ролью в обеспечении законности в обществе;

совместно с Советом Министров Республики Каракалпакстан, хокимиятами областей и города Ташкента в месячный срок обеспечить в специально отведенных для приема граждан помещениях в зданиях органов исполнительной власти на местах размещение баннеров в обзорных масштабах и демонстрацию на постоянной основе социальных роликов с разъяснением роли административных судов в обеспечении законности в деятельности исполнительных органов и рассматриваемых ими делах;

совместно с Агентством информации и массовых коммуникаций, Национальной телерадиокомпанией Узбекистана, Национальным информационным агентством Узбекистана обеспечить демонстрацию на постоянной основе в средствах массовой информации и социальных сетях тематических передач и социальных роликов об административной юстиции, ее значении в качестве эффективного правового механизма в защите прав граждан и субъектов предпринимательства.

6. Верховному суду совместно с заинтересованными министерствами и ведомствами обеспечить:

в двухмесячный срок — разработку проекта закона «О внесении изменений и дополнений в некоторые законодательные акты Республики Узбекистан», предусматривающего передачу для рассмотрения искового заявления, заявления, жалобы или дела в уполномоченный суд;

в трехмесячный срок — разработку проекта закона «О внесении изменений и дополнений в Кодекс Республики Узбекистан об административном судопроизводстве» с учетом положительного международного опыта по разрешению публично-правовых споров;

в месячный срок — внесение предложений об изменениях и дополнениях в акты законодательства, вытекающих из настоящего постановления.

7. Верховному суду совместно с Министерством юстиции в двухмесячный срок внести в Администрацию Президента Республики Узбекистан предложения о передаче всех дел, вытекающих из публично-правовых отношений, рассматриваемых в настоящее время судами по гражданским делам и экономическими судами, к подведомственности административных судов, в том числе дел по обжалованию исполнительных документов, по которым взыскание производится в безакцептном порядке.

8. Контроль за исполнением настоящего постановления возложить на руководителя Администрации Президента Республики Узбекистан З.Ш. Низомиддинова.

Президент Республики Узбекистан Ш. МИРЗИЁЕВ

г. Ташкент,

29 января 2022 г.,

№ ПП-107

(Национальная база данных законодательства, 29.01.2022 г., № 07/22/107/0083)

lex.uz