📅 2022-yil 8-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 8 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 февраля 2022 г. · Постановления Президента
Официальный текст. Официальный документ. Редакционные примечания не включены.
📅 8 February 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ҲАЖМИ
ПРОГНОЗ КЎРСАТКИЧЛАРИ
Чорвачиликни янада ривожлантириш ва чорва озуқа базасини мустаҳкамлаш чора-тадбирлари тўғрисида
Чорвачилик тармоқларини янада ривожлантириш, чорвачилик хўжаликларини молиявий қўллаб-қувватлаш, чорва озуқа базасини янада кўпайтириш, шунингдек, аҳолининг йирик чорвачилик хўжаликлари ва чорвачилик маҳсулотларини қайта ишловчилар билан ҳамкорликдаги фаолияти асосида (кейинги ўринларда — кооперация усулида) ўз хонадонларида чорва молларини боқишини ташкил этиш ва чорва озуқа базасига бўлган талабини қондириш мақсадида:
1. Қуйидагилар:
пахта ва ғалла етиштирувчи субъектлар томонидан 2 миллион гектар суғориладиган ер майдонининг 10 фоизига алмашлаб экиш таъминланадиган ер майдонлари ҳажми 1-иловага мувофиқ;
2022 — 2024 йилларда пахта-тўқимачилик, ғаллачилик ва шоличилик кластерлари томонидан ташкил этиладиган чорвачилик комплексларида чорва бош сонини кўпайтириш ва чорвачилик маҳсулотларини ишлаб чиқариш прогноз кўрсаткичлари 2-иловага мувофиқ тасдиқлансин.
2. Бош вазир ўринбосари Ш. Ғаниев, Қорақалпоғистон Республикаси Вазирлар Кенгаши, вилоятлар ҳокимликлари ҳамда Ветеринария ва чорвачиликни ривожлантириш давлат қўмитаси (Б. Норқобилов):
Қишлоқ хўжалиги вазирлиги билан биргаликда мазкур қарорга 1-иловага мувофиқ ҳажмдаги ер майдонларида беда ва чорва озуқа экинлари экилишини;
«Ўзбекистон пахта-тўқимачилик кластерлари» уюшмаси ҳамда пахта-тўқимачилик, ғаллачилик ва шоличилик кластерлари билан биргаликда мазкур қарорга 2-иловага мувофиқ кластерлар томонидан 500 — 1 000 бошга мўлжалланган чорвачилик комплекслари ташкил этилишини таъминласин.
3. Қорақалпоғистон Республикаси Вазирлар Кенгаши ва вилоятлар ҳокимликлари:
Ветеринария ва чорвачиликни ривожлантириш давлат қўмитаси билан биргаликда 2022-2023 йилларда ҳар бир туманда камида 1 тадан гўшт ва сут маҳсулотларини етиштирувчи ва қайта ишловчи корхоналар томонидан аҳоли хонадонларига кооперация усулида чорва моллари етказиб беришни ва етиштирилган маҳсулотларни қайта ишлаш ва сотишни ташкил этсин;
Қишлоқ хўжалиги вазирлиги билан биргаликда ўзлаштириладиган ва бўш турган ер майдонлари ҳисобидан аҳоли хонадонларига кооперация усулида чорва моллари етказиб беришни ва етиштирилган чорва маҳсулотларини қайта ишлашни ташкил этган гўшт ва сут маҳсулотларини етиштирувчи ва қайта ишловчи корхоналарга, аҳолига чорва озуқасини етказиб бериш шарти билан, чорва бош сонига мутаносиб равишда озуқа ерларининг электрон онлайн аукцион савдолари асосида ижарага берилишини таъминласин;
озуқа базасини етиштириш учун суғориладиган ер майдонлари етишмовчилиги мавжуд бўлган туманларда гўшт ва сут маҳсулотларига бўлган истеъмол талабини тўлиқ қондириш мақсадида кооперация усулида гўшт ва сут маҳсулотларини етиштириш ва қайта ишлашни йўлга қўйган хўжалик юритувчи субъектларга Қорақалпоғистон Республикаси ва вилоятлар чегаралари доирасида бир туманда кооперация усулида гўшт ва сут маҳсулотларини етиштиришни ташкил этиш ҳамда бошқа туманда озуқа экинларини етиштириш учун электрон онлайн аукцион савдолари асосида суғориладиган ерлар ажратишни таъминласин. Бунда, кооперация усулида фаолият олиб борувчи субъектларга мазкур қарорда белгиланган барча имтиёзлар қўлланилади.
4. Шундай тартиб ўрнатилсинки, унга кўра кооперация усулида гўшт ва сут маҳсулотларини етиштириш ва қайта ишлашни йўлга қўйган хўжалик юритувчи субъектларга:
чорвачилик йўналишида жалб қилинадиган халқаро молия институтларининг кредит маблағлари 10 йил муддатга 3 йил имтиёзли давр билан ажратилади.
Тижорат банкларига чорвачилик соҳасидаги лойиҳаларни молиялаштириш, шу жумладан айланма маблағларни тўлдириш ва модернизация қилиш учун мазкур қарор қабул қилингунга қадар ажратилган кредитларнинг қайтариш муддатини ўн йилгача тадбиркорларнинг аризаларига кўра узайтириш тавсия этилсин.
5. Белгилансинки, 2022 йил 1 январдан бошлаб 2023 йил 31 декабрга қадар:
қўшилган қиймат солиғи тўловчиси бўлган чорвачилик хўжаликларига — ўз хўжаликларида ва аҳоли хонадонлари билан биргаликда кооперация усулида етиштирилиб, гўшт учун реализация қилинган йирик ва майда шохли қорамоллар тирик вазнининг ҳар бир килограмми учун субсидиянинг миқдори 2 000 сўмдан 4 000 сўмга ҳамда сутнинг ҳар бир литри учун 200 сўмдан 400 сўмга оширилади. Бунда, субсидия қўшилган қиймат солиғидан вақтинчалик озод қилиш бўйича имтиёз амалда бўлган давр учун ҳам тўланади;
чорвачилик хўжаликлари томонидан кредит ва лизинг шартлари асосида харид қилинган қишлоқ хўжалиги техникалари кредит ва лизинг фоизи харажатларининг 10 фоиз пунктидан ортиқ қисми Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси томонидан республика бюджети ҳисобидан қоплаб берилади;
озуқа экин ер майдонларида ёмғирлатиб ва томчилатиб суғориш технологияларини жорий этган чорвачилик хўжаликларига унинг ҳар бир гектари учун 8 миллион сўм миқдорида республика бюджети ҳисобидан белгиланган тартибда субсидия ажратилади;
гидропоника усулида чорва молларига озуқа етиштириш ускуналарини харид қилиш харажатининг 20 фоизи республика бюджети ҳисобидан қоплаб берилади. Бунда, мазкур ускуна қийматининг 100 миллион сўмдан ошмаган қисми қопланади.
6. Тадбиркорлик субъектлари томонидан ўрнатилган тартибда шакллантириладиган рўйхат бўйича хориждан олиб келинадиган, ишлаб чиқарилганига 5 йилдан ошмаган озуқа экинларини экиш, йиғиш ва озуқа тайёрлаш қишлоқ хўжалиги техникалари, уларнинг бутловчи буюмлари ва эҳтиёт қисмлари, истисно тариқасида, 2025 йил 1 мартга қадар божхона тўловларидан (қўшилган қиймат солиғи ва божхона расмийлаштируви йиғимларидан ташқари) ва утилизация йиғимидан озод қилинсин ҳамда тадбиркорлик субъектларига «эркин муомалага чиқариш» божхона режимига жойлаштирилган санадан бошлаб қўшилган қиймат солиғини 120 кунгача бўлган муддатга кечиктириб тўлашга рухсат берилсин.
7. Сув хўжалиги вазирлиги Қишлоқ хўжалиги вазирлиги билан биргаликда бир ой муддатда ҳар бир туманнинг контурлари кесимида вегетация даврида ажратиладиган сув лимитлари ҳамда озуқабоп экин турларининг сувга бўлган талабидан келиб чиққан ҳолда, кундалик равишда янгилаб бориладиган суғориш графиклари ҳақидаги ахборотни ўз ичига олувчи электрон онлайн платформани ташкил этсин.
8. Қуйидагиларга:
а) Ўзбекистон Республикаси Бош вазирининг ўринбосари Ш. Ғаниев, Қорақалпоғистон Республикаси Вазирлар Кенгаши Раиси ва вилоятлар ҳокимлари зиммасига:
пахта ва ғалла етиштирувчи субъектлар томонидан мазкур қарорга 1-иловага мувофиқ ҳажмдаги ер майдонларида беда ва чорва озуқа экинларини экиш;
пахта-тўқимачилик, ғаллачилик ва шоличилик кластерлари томонидан мазкур қарорга 2-иловага мувофиқ чорвачилик комплексларини ташкил этиш;
ҳар бир туманда камида 1 тадан гўшт ва 1 тадан сут йўналишида гўшт ва сут маҳсулотларини етиштирувчи ва қайта ишловчи корхоналар томонидан аҳоли хонадонларига кооперация усулида чорва моллари етказиб беришни ва етиштирилган чорва маҳсулотларини қайта ишлашни ташкил этиш;
б) Давлат солиқ қўмитаси раиси Ш. Кудбиев зиммасига:
йирик ва майда шохли қорамоллар тирик вазнининг ҳар бир килограмми учун ҳамда сутнинг ҳар бир литри учун субсидия олган хўжалик субъектлари қўшилган қиймат солиғи тўловчиси сифатида солиқ органларида рўйхатдан ўтганлигини назорат қилиб бориш;
мазкур қарорга 1-иловага мувофиқ ҳажмдаги ер майдонларида беда ва чорва озуқа экинлари экилганлигини назорат қилиб бориш ҳамда ҳар чоракда Чорвачилик ва унинг тармоқларини ривожлантириш Республика кенгашига ахборот киритиб бориш;
в) сув хўжалиги вазири Ш. Хамраев зиммасига электрон онлайн платформанинг белгиланган муддатда ишга туширилишини ва унинг доимий равишда янгилаб борилишини таъминлаш;
г) Ветеринария ва чорвачиликни ривожлантириш давлат қўмитаси раиси Б. Норқобилов ва «Ўзбекчорванасл» агентлиги директори Б. Атамуродов зиммасига қарорнинг ўз вақтида ва самарали ижро этилишини таъминлаш ҳамда юзага келадиган муаммоларни бартараф этиш юзасидан Чорвачилик ва унинг тармоқларини ривожлантириш Республика кенгашига ҳамда Вазирлар Маҳкамасига таклифлар киритиш бўйича жавобгарлик юклансин.
9. Ветеринария ва чорвачиликни ривожлантириш давлат қўмитаси Қишлоқ хўжалиги вазирлиги, Адлия вазирлиги, бошқа манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарорнинг ижросини назорат қилиш Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Бош вазирининг ўринбосари Ш.М. Ғаниев зиммасига юклансин.
Ўзбекистон Республикаси Президентининг 2022 йил 8 февралдаги ПҚ-121-сон қарорига 1-ИЛОВА
Пахта ва ғалла етиштирувчи субъектлар томонидан 2 миллион гектар суғориладиган ер майдонининг 10 фоизига алмашлаб экиш таъминланадиган ер майдонлари
гектар Т/р Ҳудудлар номи Пахта майдони Бошоқли дон майдони 10 фоиз (алмашлаб экиш) 1. Қорақалпоғистон Республикаси 8 629 5 300 13 929 2. Андижон вилояти 7 899 7 600 15 499 3. Бухоро вилояти 9 790 6 060 15 850 4. Жиззах вилояти 8 020 9 350 17 370 5. Қашқадарё вилояти 13 590 14 000 27 590 6. Навоий вилояти 3 259 3 804 7 063 7. Наманган вилояти 6 341 6 775 13 116 8. Самарқанд вилояти 7 536 9 423 16 959 9. Сурхондарё вилояти 7 237 9 080 16 317 10. Сирдарё вилояти 7 256 8 000 15 256 11. Тошкент вилояти 7 216 10 385 17 601 12. Фарғона вилояти 8 208 9 950 18 158 13. Хоразм вилояти 8 276 3 320 11 596 Жами 103 256 103 047 206 303
Ўзбекистон Республикаси Президентининг 2022 йил 8 февралдаги ПҚ-121-сон қарорига 2-ИЛОВА
2022 — 2024 йилларда пахта-тўқимачилик, ғаллачилик ва шоличилик кластерлари томонидан ташкил этиладиган чорвачилик комплексларида чорва бош сонини кўпайтириш ва чорвачилик маҳсулотларини ишлаб чиқариш
Т/р Ҳудудлар номи Жами кластерлар сони Шундан 2022 — 2024 йилларда етиштириладиган жами қорамоллар бош сони Шундан Талаб этиладиган маблағ (млн сўм) Пахта-тўқимачилик кластерлари Ғаллачилик кластерлари Шоличилик кластерлари сут йўналишида гўшт йўналишида Етиштириладиган сут (тонна) Етиштириладиган гўшт (тонна) 1. Қорақалпоғистон Республикаси 34 9 17 8 60 915 20 561 40 355 1 096 478 181 859 32 284 2. Андижон вилояти 41 13 18 10 66 333 22 255 44 079 1 193 995 196 841 35 263 3. Бухоро вилояти 20 10 10 57 231 18 629 38 602 1 030 155 164 775 30 881 4. Жиззах вилояти 13 6 7 44 516 15 359 29 156 801 287 135 854 23 325 5. Қашқадарё вилояти 37 17 20 76 729 26 067 50 662 1 381 120 230 563 40 529 6. Навоий вилояти 11 2 9 28 095 7 550 20 545 505 704 66 776 16 436 7. Наманган вилояти 14 7 6 1 55 055 16 516 38 540 990 991 146 080 30 832 8. Самарқанд вилояти 14 10 4 54 855 17 855 37 000 987 399 157 928 29 600 9. Сурхондарё вилояти 19 10 8 1 59 894 20 468 39 426 1 078 092 181 036 31 541 10. Сирдарё вилояти 27 9 16 2 54 463 19 008 35 455 980 340 168 127 28 364 11. Тошкент вилояти 17 6 10 1 57 306 20 111 37 195 1 031 515 177 885 29 756 12. Фарғона вилояти 39 12 27 82 902 28 409 54 493 1 492 241 251 276 43 595 13. Хоразм вилояти 24 11 8 5 53 620 17 328 36 292 965 168 153 268 29 034 Жами 310 122 160 28 751 916 250 115 501 801 13 534 484 2 212 270 401 440
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 8 февраль,
ПҚ-121-сон
Oʻzbekiston Respublikasi Prezidentining
Qarori
HAJMI
PROGNOZ KOʻRSATKICHLARI
Chorvachilikni yanada rivojlantirish va chorva ozuqa bazasini mustahkamlash chora-tadbirlari toʻgʻrisida
Chorvachilik tarmoqlarini yanada rivojlantirish, chorvachilik xoʻjaliklarini moliyaviy qoʻllab-quvvatlash, chorva ozuqa bazasini yanada koʻpaytirish, shuningdek, aholining yirik chorvachilik xoʻjaliklari va chorvachilik mahsulotlarini qayta ishlovchilar bilan hamkorlikdagi faoliyati asosida (keyingi oʻrinlarda — kooperatsiya usulida) oʻz xonadonlarida chorva mollarini boqishini tashkil etish va chorva ozuqa bazasiga boʻlgan talabini qondirish maqsadida:
1. Quyidagilar:
paxta va gʻalla yetishtiruvchi subyektlar tomonidan 2 million gektar sugʻoriladigan yer maydonining 10 foiziga almashlab ekish taʼminlanadigan yer maydonlari hajmi 1-ilovaga muvofiq;
2022 — 2024-yillarda paxta-toʻqimachilik, gʻallachilik va sholichilik klasterlari tomonidan tashkil etiladigan chorvachilik komplekslarida chorva bosh sonini koʻpaytirish va chorvachilik mahsulotlarini ishlab chiqarish prognoz koʻrsatkichlari 2-ilovaga muvofiq tasdiqlansin.
2. Bosh vazir oʻrinbosari Sh. Gʻaniyev, Qoraqalpogʻiston Respublikasi Vazirlar Kengashi, viloyatlar hokimliklari hamda Veterinariya va chorvachilikni rivojlantirish davlat qoʻmitasi (B. Norqobilov):
Qishloq xoʻjaligi vazirligi bilan birgalikda mazkur qarorga 1-ilovaga muvofiq hajmdagi yer maydonlarida beda va chorva ozuqa ekinlari ekilishini;
“Oʻzbekiston paxta-toʻqimachilik klasterlari” uyushmasi hamda paxta-toʻqimachilik, gʻallachilik va sholichilik klasterlari bilan birgalikda mazkur qarorga 2-ilovaga muvofiq klasterlar tomonidan 500 — 1 000 boshga moʻljallangan chorvachilik komplekslari tashkil etilishini taʼminlasin.
3. Qoraqalpogʻiston Respublikasi Vazirlar Kengashi va viloyatlar hokimliklari:
Veterinariya va chorvachilikni rivojlantirish davlat qoʻmitasi bilan birgalikda 2022-2023-yillarda har bir tumanda kamida 1 tadan goʻsht va sut mahsulotlarini yetishtiruvchi va qayta ishlovchi korxonalar tomonidan aholi xonadonlariga kooperatsiya usulida chorva mollari yetkazib berishni va yetishtirilgan mahsulotlarni qayta ishlash va sotishni tashkil etsin;
Qishloq xoʻjaligi vazirligi bilan birgalikda oʻzlashtiriladigan va boʻsh turgan yer maydonlari hisobidan aholi xonadonlariga kooperatsiya usulida chorva mollari yetkazib berishni va yetishtirilgan chorva mahsulotlarini qayta ishlashni tashkil etgan goʻsht va sut mahsulotlarini yetishtiruvchi va qayta ishlovchi korxonalarga, aholiga chorva ozuqasini yetkazib berish sharti bilan, chorva bosh soniga mutanosib ravishda ozuqa yerlarining elektron onlayn auksion savdolari asosida ijaraga berilishini taʼminlasin;
ozuqa bazasini yetishtirish uchun sugʻoriladigan yer maydonlari yetishmovchiligi mavjud boʻlgan tumanlarda goʻsht va sut mahsulotlariga boʻlgan isteʼmol talabini toʻliq qondirish maqsadida kooperatsiya usulida goʻsht va sut mahsulotlarini yetishtirish va qayta ishlashni yoʻlga qoʻygan xoʻjalik yurituvchi subyektlarga Qoraqalpogʻiston Respublikasi va viloyatlar chegaralari doirasida bir tumanda kooperatsiya usulida goʻsht va sut mahsulotlarini yetishtirishni tashkil etish hamda boshqa tumanda ozuqa ekinlarini yetishtirish uchun elektron onlayn auksion savdolari asosida sugʻoriladigan yerlar ajratishni taʼminlasin. Bunda, kooperatsiya usulida faoliyat olib boruvchi subyektlarga mazkur qarorda belgilangan barcha imtiyozlar qoʻllaniladi.
4. Shunday tartib oʻrnatilsinki, unga koʻra kooperatsiya usulida goʻsht va sut mahsulotlarini yetishtirish va qayta ishlashni yoʻlga qoʻygan xoʻjalik yurituvchi subyektlarga:
chorvachilik yoʻnalishida jalb qilinadigan xalqaro moliya institutlarining kredit mablagʻlari 10 yil muddatga 3 yil imtiyozli davr bilan ajratiladi.
Tijorat banklariga chorvachilik sohasidagi loyihalarni moliyalashtirish, shu jumladan aylanma mablagʻlarni toʻldirish va modernizatsiya qilish uchun mazkur qaror qabul qilingunga qadar ajratilgan kreditlarning qaytarish muddatini oʻn yilgacha tadbirkorlarning arizalariga koʻra uzaytirish tavsiya etilsin.
5. Belgilansinki, 2022-yil 1-yanvardan boshlab 2023-yil 31-dekabrga qadar:
qoʻshilgan qiymat soligʻi toʻlovchisi boʻlgan chorvachilik xoʻjaliklariga — oʻz xoʻjaliklarida va aholi xonadonlari bilan birgalikda kooperatsiya usulida yetishtirilib, goʻsht uchun realizatsiya qilingan yirik va mayda shoxli qoramollar tirik vaznining har bir kilogrammi uchun subsidiyaning miqdori 2 000 soʻmdan 4 000 soʻmga hamda sutning har bir litri uchun 200 soʻmdan 400 soʻmga oshiriladi. Bunda, subsidiya qoʻshilgan qiymat soligʻidan vaqtinchalik ozod qilish boʻyicha imtiyoz amalda boʻlgan davr uchun ham toʻlanadi;
chorvachilik xoʻjaliklari tomonidan kredit va lizing shartlari asosida xarid qilingan qishloq xoʻjaligi texnikalari kredit va lizing foizi xarajatlarining 10 foiz punktidan ortiq qismi Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi tomonidan respublika budjeti hisobidan qoplab beriladi;
ozuqa ekin yer maydonlarida yomgʻirlatib va tomchilatib sugʻorish texnologiyalarini joriy etgan chorvachilik xoʻjaliklariga uning har bir gektari uchun 8 million soʻm miqdorida respublika budjeti hisobidan belgilangan tartibda subsidiya ajratiladi;
gidroponika usulida chorva mollariga ozuqa yetishtirish uskunalarini xarid qilish xarajatining 20 foizi respublika budjeti hisobidan qoplab beriladi. Bunda, mazkur uskuna qiymatining 100 million soʻmdan oshmagan qismi qoplanadi.
6. Tadbirkorlik subyektlari tomonidan oʻrnatilgan tartibda shakllantiriladigan roʻyxat boʻyicha xorijdan olib kelinadigan, ishlab chiqarilganiga 5 yildan oshmagan ozuqa ekinlarini ekish, yigʻish va ozuqa tayyorlash qishloq xoʻjaligi texnikalari, ularning butlovchi buyumlari va ehtiyot qismlari, istisno tariqasida, 2025-yil 1-martga qadar bojxona toʻlovlaridan (qoʻshilgan qiymat soligʻi va bojxona rasmiylashtiruvi yigʻimlaridan tashqari) va utilizatsiya yigʻimidan ozod qilinsin hamda tadbirkorlik subyektlariga “erkin muomalaga chiqarish” bojxona rejimiga joylashtirilgan sanadan boshlab qoʻshilgan qiymat soligʻini 120 kungacha boʻlgan muddatga kechiktirib toʻlashga ruxsat berilsin.
7. Suv xoʻjaligi vazirligi Qishloq xoʻjaligi vazirligi bilan birgalikda bir oy muddatda har bir tumanning konturlari kesimida vegetatsiya davrida ajratiladigan suv limitlari hamda ozuqabop ekin turlarining suvga boʻlgan talabidan kelib chiqqan holda, kundalik ravishda yangilab boriladigan sugʻorish grafiklari haqidagi axborotni oʻz ichiga oluvchi elektron onlayn platformani tashkil etsin.
8. Quyidagilarga:
a) Oʻzbekiston Respublikasi Bosh vazirining oʻrinbosari Sh. Gʻaniyev, Qoraqalpogʻiston Respublikasi Vazirlar Kengashi Raisi va viloyatlar hokimlari zimmasiga:
paxta va gʻalla yetishtiruvchi subyektlar tomonidan mazkur qarorga 1-ilovaga muvofiq hajmdagi yer maydonlarida beda va chorva ozuqa ekinlarini ekish;
paxta-toʻqimachilik, gʻallachilik va sholichilik klasterlari tomonidan mazkur qarorga 2-ilovaga muvofiq chorvachilik komplekslarini tashkil etish;
har bir tumanda kamida 1 tadan goʻsht va 1 tadan sut yoʻnalishida goʻsht va sut mahsulotlarini yetishtiruvchi va qayta ishlovchi korxonalar tomonidan aholi xonadonlariga kooperatsiya usulida chorva mollari yetkazib berishni va yetishtirilgan chorva mahsulotlarini qayta ishlashni tashkil etish;
b) Davlat soliq qoʻmitasi raisi Sh. Kudbiyev zimmasiga:
yirik va mayda shoxli qoramollar tirik vaznining har bir kilogrammi uchun hamda sutning har bir litri uchun subsidiya olgan xoʻjalik subyektlari qoʻshilgan qiymat soligʻi toʻlovchisi sifatida soliq organlarida roʻyxatdan oʻtganligini nazorat qilib borish;
mazkur qarorga 1-ilovaga muvofiq hajmdagi yer maydonlarida beda va chorva ozuqa ekinlari ekilganligini nazorat qilib borish hamda har chorakda Chorvachilik va uning tarmoqlarini rivojlantirish Respublika kengashiga axborot kiritib borish;
v) suv xoʻjaligi vaziri Sh. Xamrayev zimmasiga elektron onlayn platformaning belgilangan muddatda ishga tushirilishini va uning doimiy ravishda yangilab borilishini taʼminlash;
g) Veterinariya va chorvachilikni rivojlantirish davlat qoʻmitasi raisi B. Norqobilov va “Oʻzbekchorvanasl” agentligi direktori B. Atamurodov zimmasiga qarorning oʻz vaqtida va samarali ijro etilishini taʼminlash hamda yuzaga keladigan muammolarni bartaraf etish yuzasidan Chorvachilik va uning tarmoqlarini rivojlantirish Respublika kengashiga hamda Vazirlar Mahkamasiga takliflar kiritish boʻyicha javobgarlik yuklansin.
9. Veterinariya va chorvachilikni rivojlantirish davlat qoʻmitasi Qishloq xoʻjaligi vazirligi, Adliya vazirligi, boshqa manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini nazorat qilish Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Bosh vazirining oʻrinbosari Sh.M. Gʻaniyev zimmasiga yuklansin.
Oʻzbekiston Respublikasi Prezidentining 2022-yil 8-fevraldagi PQ-121-son qaroriga 1-ILOVA
Paxta va gʻalla yetishtiruvchi subyektlar tomonidan 2 million gektar sugʻoriladigan yer maydonining 10 foiziga almashlab ekish taʼminlanadigan yer maydonlari
gektar T/r Hududlar nomi Paxta maydoni Boshoqli don maydoni 10 foiz (almashlab ekish) 1. Qoraqalpogʻiston Respublikasi 8 629 5 300 13 929 2. Andijon viloyati 7 899 7 600 15 499 3. Buxoro viloyati 9 790 6 060 15 850 4. Jizzax viloyati 8 020 9 350 17 370 5. Qashqadaryo viloyati 13 590 14 000 27 590 6. Navoiy viloyati 3 259 3 804 7 063 7. Namangan viloyati 6 341 6 775 13 116 8. Samarqand viloyati 7 536 9 423 16 959 9. Surxondaryo viloyati 7 237 9 080 16 317 10. Sirdaryo viloyati 7 256 8 000 15 256 11. Toshkent viloyati 7 216 10 385 17 601 12. Fargʻona viloyati 8 208 9 950 18 158 13. Xorazm viloyati 8 276 3 320 11 596 Jami 103 256 103 047 206 303
Oʻzbekiston Respublikasi Prezidentining 2022-yil 8-fevraldagi PQ-121-son qaroriga 2-ILOVA
2022 — 2024-yillarda paxta-toʻqimachilik, gʻallachilik va sholichilik klasterlari tomonidan tashkil etiladigan chorvachilik komplekslarida chorva bosh sonini koʻpaytirish va chorvachilik mahsulotlarini ishlab chiqarish
T/r Hududlar nomi Jami klasterlar soni Shundan 2022 — 2024-yillarda yetishtiriladigan jami qoramollar bosh soni Shundan Talab etiladigan mablagʻ (mln soʻm) Paxta-toʻqimachilik klasterlari Gʻallachilik klasterlari Sholichilik klasterlari sut yoʻnalishida goʻsht yoʻnalishida Yetishtiriladigan sut (tonna) Yetishtiriladigan goʻsht (tonna) 1. Qoraqalpogʻiston Respublikasi 34 9 17 8 60 915 20 561 40 355 1 096 478 181 859 32 284 2. Andijon viloyati 41 13 18 10 66 333 22 255 44 079 1 193 995 196 841 35 263 3. Buxoro viloyati 20 10 10 57 231 18 629 38 602 1 030 155 164 775 30 881 4. Jizzax viloyati 13 6 7 44 516 15 359 29 156 801 287 135 854 23 325 5. Qashqadaryo viloyati 37 17 20 76 729 26 067 50 662 1 381 120 230 563 40 529 6. Navoiy viloyati 11 2 9 28 095 7 550 20 545 505 704 66 776 16 436 7. Namangan viloyati 14 7 6 1 55 055 16 516 38 540 990 991 146 080 30 832 8. Samarqand viloyati 14 10 4 54 855 17 855 37 000 987 399 157 928 29 600 9. Surxondaryo viloyati 19 10 8 1 59 894 20 468 39 426 1 078 092 181 036 31 541 10. Sirdaryo viloyati 27 9 16 2 54 463 19 008 35 455 980 340 168 127 28 364 11. Toshkent viloyati 17 6 10 1 57 306 20 111 37 195 1 031 515 177 885 29 756 12. Fargʻona viloyati 39 12 27 82 902 28 409 54 493 1 492 241 251 276 43 595 13. Xorazm viloyati 24 11 8 5 53 620 17 328 36 292 965 168 153 268 29 034 Jami 310 122 160 28 751 916 250 115 501 801 13 534 484 2 212 270 401 440
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 8-fevral,
PQ-121-son
Президента Республики Узбекистан
Постановление
ОБЪЕМЫ
ПРОГНОЗНЫЕ ПАРАМЕТРЫ
О мерах по дальнейшему развитию животноводства и укреплению кормовой базы
В целях дальнейшего развития отраслей животноводства, финансовой поддержки животноводческих хозяйств, дальнейшего увеличения кормовой базы, а также организации выращивания скота населением в своем подворье на основе совместной деятельности с крупными животноводческими хозяйствами и переработчиками животноводческой продукции (далее — путем кооперации) и удовлетворения спроса на кормовую базу:
1. Утвердить:
объемы земельных площадей, на которых субъектами, производящими хлопок и зерно, обеспечивается севооборот на 10 процентах 2 миллионов гектаров орошаемой земельной площади, согласно приложению № 1 ;
прогнозные параметры увеличения поголовья скота и производства животноводческой продукции в животноводческих комплексах, организуемых хлопково-текстильными, зерновыми и рисоводческими кластерами в 2022 — 2024 годах, согласно приложению № 2 .
2. Заместителю Премьер-министра Ш. Ганиеву, Совету Министров Республики Каракалпакстан, хокимиятам областей, а также Государственному комитету ветеринарии и развития животноводства обеспечить:
совместно с Министерством сельского хозяйства посев люцерны и кормовых культур на земельных площадях в объеме согласно приложению № 1 к настоящему постановлению;
совместно с Ассоциацией хлопково-текстильных кластеров Узбекистана, а также хлопково-текстильными, зерновыми и рисоводческими кластерами — создание кластерами животноводческих комплексов на 500 — 1 000 голов согласно приложению № 2 к настоящему постановлению.
3. Совету Министров Республики Каракалпакстан и хокимиятам областей:
совместно с Государственным комитетом ветеринарии и развития животноводства в 2022-2023 годах организовать как минимум одним предприятием по производству и переработке мясомолочной продукции в каждом районе поставку скота домохозяйствам населения путем кооперации, а также переработку и реализацию произведенной продукции;
совместно с Министерством сельского хозяйства за счет осваиваемых и пустующих земельных площадей обеспечить на основе электронных онлайн-аукционных торгов передачу земель в аренду под кормовые культуры предприятиям по производству и переработке мясомолочной продукции, организовавшим поставку скота домохозяйствам населения путем кооперации и переработку произведенной животноводческой продукции, пропорционально поголовью скота, с условием поставки населению корма;
в целях полного удовлетворения потребительского спроса на мясомолочную продукцию в районах с нехваткой орошаемых земельных площадей для выращивания кормовой базы обеспечить в пределах границ Республики Каракалпакстан и областей выделение хозяйствующим субъектам, наладившим производство и переработку мясомолочной продукции путем кооперации, орошаемых земель на основе электронных онлайн-аукционных торгов в одном районе для организации производства мясомолочной продукции путем кооперации, а также в другом районе — для выращивания кормовых культур. При этом к субъектам, осуществляющим деятельность путем кооперации, применяются все льготы, определенные настоящим постановлением.
4. Установить порядок, в соответствии с которым хозяйствующим субъектам, наладившим производство и переработку мясомолочной продукции путем кооперации, предоставляются:
кредитные средства международных финансовых институтов, привлекаемые в направлении животноводства, сроком на 10 лет, включая льготный период 3 года.
Рекомендовать коммерческим банкам продлить срок возврата кредитов, выделенных на финансирование проектов в сфере животноводства до принятия настоящего постановления, в том числе на пополнение оборотных средств и модернизацию, сроком до десяти лет в соответствии с заявлениями предпринимателей.
5. Установить, что с 1 января 2022 года по 31 декабря 2023 года:
животноводческим хозяйствам — плательщикам налога на добавленную стоимость размер субсидии за каждый килограмм живого веса крупного и мелкого рогатого скота, выращенного в собственных хозяйствах и совместно с домохозяйствами населения путем кооперации и реализованного на мясо, повышается с 2 000 сумов до 4 000 сумов, а также за каждый литр молока — с 200 сумов до 400 сумов. При этом субсидия выплачивается также в период действия льготы по временному освобождению от налога на добавленную стоимость;
часть, превышающая 10 процентных пунктов кредитных и лизинговых процентных затрат сельскохозяйственной техники, закупленной животноводческими хозяйствами на основе кредитных и лизинговых условий, покрывается за счет республиканского бюджета Фондом государственной поддержки сельского хозяйства при Министерстве финансов;
животноводческим хозяйствам, внедрившим технологии дождевого и капельного орошения на земельных площадях кормовых культур, за их каждый гектар выделяется в установленном порядке субсидия за счет республиканского бюджета в размере 8 миллионов сумов;
20 процентов расходов на закупку оборудования по заготовке кормов методом гидропоники покрывается за счет республиканского бюджета. При этом покрывается часть стоимости данного оборудования, не превышающая 100 миллионов сумов.
6. Освободить, в порядке исключения, сельскохозяйственную технику по севу, сбору кормовых культур и заготовке кормов, ее комплектующих и запасных частей, ввозимых из-за рубежа субъектами предпринимательства по перечню, формируемому в установленном порядке, дата выпуска которых не превышает 5 лет, от таможенных платежей (за исключением налога на добавленную стоимость и сборов на таможенное оформление) и утилизационного сбора сроком до 1 марта 2025 года, а также разрешить субъектам предпринимательства уплату налога на добавленную стоимость с отсрочкой до 120 дней с даты их размещения в таможенном режиме «выпуск для свободного обращения».
7. Министерству водного хозяйства совместно с Министерством сельского хозяйства в месячный срок создать электронную онлайн-платформу, отражающую ежедневно обновляемую информацию о графиках орошения исходя из лимитов выделяемой воды в период вегетации в разрезе контуров каждого района, а также потребности в воде видов кормовых культур.
8. Возложить ответственность на:
а) заместителя Премьер-министра Республики Узбекистан Ш. Ганиева, Председателя Совета Министров Республики Каракалпакстан и хокимов областей за:
сев люцерны и кормовых культур на земельных площадях субъектами, производящими хлопок и зерно, в объеме согласно приложению № 1 к настоящему постановлению;
создание животноводческих комплексов хлопково-текстильными, зерновыми и рисоводческими кластерами согласно приложению № 2 к настоящему постановлению;
организацию поставки в домохозяйства населения скота и переработки произведенной животноводческой продукции предприятиями по производству и переработке мясомолочной продукции — как минимум по одному — в направлении мясной продукции и молочной продукции в каждом районе путем кооперации;
б) председателя Государственного налогового комитета Ш. Кудбиева за:
осуществление контроля за прохождением регистрации в налоговых органах хозяйствующих субъектов, получивших субсидию за каждый килограмм живого веса крупного и мелкого рогатого скота, а также за каждый литр молока, в качестве плательщика налога на добавленную стоимость;
осуществление контроля за засеянностью люцерной и кормовыми культурами земельных площадей в объеме согласно приложению № 1 к настоящему постановлению, а также ежеквартальное внесение информации в Республиканский совет по развитию животноводства и его отраслей;
в) министра водного хозяйства Ш. Хамраева — за обеспечение запуска в установленный срок и обновления на постоянной основе электронной онлайн-платформы;
г) председателя Государственного комитета ветеринарии и развития животноводства Б. Норкобилова и директора Агентства «Узбекчорванасл» Б. Атамуродова — за обеспечение своевременного и эффективного исполнения постановления, а также внесение в Республиканский совет по развитию животноводства и его отраслей и Кабинет Министров предложений по устранению возникающих проблем.
9. Государственному комитету ветеринарии и развития животноводства совместно с Министерством сельского хозяйства, Министерством юстиции, другими заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
10. Контроль за исполнением настоящего постановления возложить на руководителя Администрации Президента Республики Узбекистан З.Ш. Низомиддинова и заместителя Премьер-министра Республики Узбекистан Ш.М. Ганиева.
ПРИЛОЖЕНИЕ № 1 к постановлению Президента Республики Узбекистан от 8 февраля 2022 года № ПП-121
земельных площадей, на которых субъектами, производящими хлопок и зерно, обеспечивается севооборот на 10 процентах 2 миллионов гектаров орошаемой земельной площади
гектар № Наименованиерегионов Площадь хлопка Площадь зерновых колосовых 10 процентов (севооборот) 1 . Республика Каракалпакстан 8 629 5 300 13 929 2 . Андижанская область 7 899 7 600 15 499 3 . Бухарская область 9 790 6 060 15 850 4 . Джизакская область 8 020 9 350 17 370 5 . Кашкадарьинская область 13 590 14 000 27 590 6 . Навоийская область 3 259 3 804 7 063 7 . Наманганская область 6 341 6 775 13 116 8 . Самаркандская область 7 536 9 423 16 959 9 . Сурхандарьинская область 7 237 9 080 16 317 10 . Сырдарьинская область 7 256 8 000 15 256 11 . Ташкентская область 7 216 10 385 17 601 12 . Ферганская область 8 208 9 950 18 158 13 . Хорезмская область 8 276 3 320 11 596 Всего 103 256 103 047 206 303
ПРИЛОЖЕНИЕ № 2 к постановлению Президента Республики Узбекистан от 8 февраля 2022 года № ПП-121
увеличения поголовья скота и производства животноводческой продукции в животноводческих комплексах, организуемых хлопково-текстильными, зерновыми и рисоводческими кластерами в 2022 — 2024 годах
№ Наименование регионов Общее количество кластеров Из них Поголовье скота, которое будет выращено в 2022 — 2024 годах В том числе Требуемые средства (млн сум) Производимое молоко (тонн) Производимое мясо (тонн) Хлопково-текстильные кластеры Зерновые кластеры Рисоводческие кластеры в направлении молока в направлении мяса 1. Республика Каракалпакстан 34 9 17 8 60 915 20 561 40 355 1 096 478 181 859 32 284 2. Андижанская область 41 13 18 10 66 333 22 255 44 079 1 193 995 196 841 35 263 3. Бухарская область 20 10 10 57 231 18 629 38 602 1 030 155 164 775 30 881 4. Джизакская область 13 6 7 44 516 15 359 29 156 801 287 135 854 23 325 5. Кашкадарьинская область 37 17 20 76 729 26 067 50 662 1 381 120 230 563 40 529 6. Навоийская область 11 2 9 28 095 7 550 20 545 505 704 66 776 16 436 7. Наманганская область 14 7 6 1 55 055 16 516 38 540 990 991 146 080 30 832 8. Самаркандская область 14 10 4 54 855 17 855 37 000 987 399 157 928 29 600 9. Сурхандарьинская область 19 10 8 1 59 894 20 468 39 426 1 078 092 181 036 31 541 10. Сырдарьинская область 27 9 16 2 54 463 19 008 35 455 980 340 168 127 28 364 11. Ташкентская область 17 6 10 1 57 306 20 111 37 195 1 031 515 177 885 29 756 12. Ферганская область 39 12 27 82 902 28 409 54 493 1 492 241 251 276 43 595 13. Хорезмская область 24 11 8 5 53 620 17 328 36 292 965 168 153 268 29 034 Всего 310 122 160 28 751 916 250 115 501 801 13 534 484 2 212 270 401 440
Президент Республики Узбекистан Ш. МИРЗИЁЕВ
г. Ташкент,
8 февраля 2022 г.,
№ ПП-121