📅 2022-yil 8-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 8 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 февраля 2022 г. · Постановления Президента
Официальный текст. Официальный документ. Редакционные примечания не включены.
📅 8 February 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Давлат муассасаларини ислоҳ қилишни жадаллаштириш чора-тадбирлари тўғрисида
Давлат мулкидан фойдаланиш самарадорлигини ошириш, давлат муассасалари фаолиятида замонавий бошқарув усуллари, очиқлик, шаффофлик тамойилларини жорий этиш ҳамда хусусий капитал иштироки учун кенг имкониятлар яратиш, иқтисодиётда давлат иштирокини қисқартириш ва рақобат муҳитини яратиш мақсадида:
1. Белгилансинки:
а) бир товар бозорида бешта ва ундан ортиқ хусусий тадбиркорлик субъектлари фаолият юритиб келаётган, рақобат ривожланган соҳаларда фаолият юритаётган давлат муассасалари тугатилади ёки хўжалик жамиятларига ўзгартирилган ҳолда хусусий секторга сотилади;
б) давлат муассасалари мажбурий тартибда Ягона ғазна ҳисобварағида шахсий ғазна ҳисобварақларига эга бўлади;
в) 2022 йил 1 апрелдан бошлаб:
вазирлик ва идоралар ҳамда маҳаллий давлат ҳокимияти органлари ўз расмий веб-сайтларида ўзларининг таркибига кирувчи давлат муассасаларининг номи, фаолият тури, функция ва ваколатлари ҳамда раҳбарлари тўғрисидаги маълумотларни жойлаштиради ва унинг доимий равишда янгилаб борилишини таъминлайди;
давлат муассасаларининг ҳудудлар ва юқори турувчи органлари кесимидаги маълумотлар Давлат активларини бошқариш агентлигининг (кейинги ўринларда — Агентлик) веб-сайтига жойлаштирилади;
Очиқ маълумотлар порталида фойдаланувчилар учун қулай форматларда кўриш имкониятини яратган ҳолда муассасаларнинг юқори турувчи ташкилоти, кўчмас мулк объектлари, қурилиши тугалланмаган объектлар ва автотранспорт воситалари, режалаштирилган ва амалга оширилган харажатлар таркиби ҳақидаги ва бошқа маълумотларни (бундан тижорат сири мавжуд ёки чекланган ҳолда тарқатиладиган маълумотлар мустасно) эълон қилиш амалиёти жорий этилади;
г) давлат муассасаларини ташкил этиш тўғрисидаги қарорда ҳамда муассаса устави (низоми)да унинг ташкилий-ҳуқуқий шакли «давлат муассасаси» эканлиги кўрсатилади;
д) хўжалик жамиятлари устав фонди (устав капитали)даги давлат органлари, маҳаллий давлат ҳокимияти органлари, давлат унитар корхоналари, давлат муассасалари, Марказий банк ҳамда Тикланиш ва тараққиёт жамғармасига тегишли акциялар ва улушлар давлат улушлари ҳисобланади;
е) давлат иштирокидаги хўжалик жамиятларига тегишли бўлган хўжалик жамиятларининг устав фонди (устав капитали)даги улушлар ва акциялар давлат улуши ҳисобланмайди.
2. Агентлик, Иқтисодий тараққиёт ва камбағалликни қисқартириш вазирлиги ва Молия вазирлигининг қуйидаги таклифлари маъқуллансин:
маҳсулотларни (ишларни, хизматларни) реализация қилишдан олган тушуми базавий ҳисоблаш миқдорининг юз минг баравари миқдоридан ортиқ бўлган давлат муассасаларини 2022 йил 1 мартдан 2023 йил 1 августга қадар эксперимент тариқасида ташқи, шу жумладан мол-мулкнинг мавжудлиги, мажбуриятлар бажарилишининг амалдаги ҳолати ва оқибатларини ўрганиш масалалари юзасидан аудиторлик текширувидан ўтказиш;
Ўзбекистон Республикаси Президенти ва Вазирлар Маҳкамасининг қарорларида назарда тутилган ҳоллардан ташқари давлат муассасаларига хўжалик жамиятларини таъсис қилишни ҳамда уларнинг устав фонди (устав капитали)да иштирок этишни тақиқлаш.
Адлия вазирлиги ва Қимматли қоғозлар марказий депозитарийси ушбу банднинг учинчи хатбошисида белгиланган талабларга қатъий риоя этилишини таъминласин.
3. Давлат активларини бошқариш агентлигига давлат муассасаларини (бундан хусусийлаштирилмайдиган давлат муассасалари мустасно) хўжалик жамиятларига ўзгартириш, шунингдек, давлат муассасаларини тугатиш тўғрисида қарорлар қабул қилиш учун муассисларга кўрсатма ва таклифлар киритиш ҳуқуқи берилсин.
4. Давлат комиссияси:
а) бир ой муддатда фаолият кўрсатмаётганлиги сабабли тугатиладиган давлат муассасалари рўйхати ва уларни тугатиш жадвалини тасдиқласин;
б) 2022 йил 1 сентябрга қадар:
барча давлат муассасаларини хатловдан ўтказиб, уларнинг даромад келтирадиган фаолиятини кўриб чиққан ҳолда ташкилий-ҳуқуқий шакллари қонунчилик ҳужжатларига мослигини ўрганиб чиқсин;
битта товар бозорида бешта ва ундан ортиқ хусусий тадбиркорлик субъектлари фаолият юритиб келаётган, рақобат ривожланган соҳаларда фаолият юритаётган давлат муассасаларини ва уларга тегишли носоҳавий активларни хусусийлаштириш ёки уларни белгиланган тартибда тугатиш бўйича чораларни кўрсин.
5. Рақобатни ривожлантириш ва истеъмолчилар ҳуқуқларини ҳимоя қилиш қўмитаси тегишли вазирлик ва идоралар билан биргаликда 2023 йилдан бошлаб, ҳар йили 1 майга қадар давлат муассасалари фаолиятини таҳлил қилиб, битта товар бозорида бешта ва ундан ортиқ хусусий тадбиркорлик субъектлари фаолият юритиб келаётган, рақобат ривожланган соҳаларда фаолият юритаётган давлат муассасаларини хусусийлаштириш ёки тугатиш бўйича таклифларни Давлат активларини бошқариш агентлигига киритиб борсин.
6. Молия вазирлиги:
икки ой муддатда давлат молиясини бошқариш ахборот тизимини (кейинги ўринларда — «ДМБАТ») бюджет ташкилотлари томонидан бюджет ҳисоби ва ҳисоботи юритилишини комплекс автоматлаштириш учун мўлжалланган дастурий мажмуага (кейинги ўринларда — «UzASBO») интеграция қилган ҳолда, ушбу тизимлардан мазкур қарорнинг 1-банди «в» кичик бандида назарда тутилган маълумотлар Очиқ маълумотлар порталида эълон қилинишини;
уч ой муддатда ҳар бир давлат муассасасига Ягона ғазна ҳисобварағида шахсий ғазна ҳисобварақлари очилишини;
2022 йил 1 апрелга қадар Ахборот технологиялари ва коммуникацияларини ривожлантириш вазирлиги билан биргаликда Давлат солиқ қўмитаси ҳузуридаги Кадастр агентлиги, Бандлик ва меҳнат муносабатлари вазирлиги, Ички ишлар вазирлиги, Агентлик, Давлат хизматлари агентлигининг маълумотлар базаларини «ДМБАТ» ва «UzASBO»га интеграция қилинишини таъминласин.
7. Вазирлик ва идоралар ҳамда маҳаллий давлат ҳокимияти органлари:
2022 йил 1 апрелга қадар ўз таркибидаги давлат муассасаларининг қонунчиликда белгиланган тартибда, давлат божи ундирилмасдан Давлат хизматлари марказларида рўйхатдан ўтказилишини;
ўз таркибидаги давлат муассасаларининг молиявий кўрсаткичлари, жумладан маҳсулотларни (ишларни, хизматларни) реализация қилишдан олинган тушумлар тўғрисидаги маълумотларни ҳар чорак якунлари бўйича ҳисобот даврининг кейинги ойи давомида, йил якунлари бўйича эса кейинги молия йилининг 25 февралига қадар Агентликнинг ахборот тизимида жойлаштириб борилишини таъминласин.
8. Вазирлар Маҳкамаси икки ҳафта муддатда тугатилган давлат муассасалари ва корхоналарига тегишли бўлган, Агентлик ва Молия вазирлигига оператив бошқарув ҳуқуқи асосида бепул бериладиган акциядорлик жамиятларининг устав капиталидаги акция пакетлари рўйхатини тасдиқласин.
9. Агентлик:
Молия вазирлиги, Иқтисодий тараққиёт ва камбағалликни қисқартириш вазирлиги билан биргаликда 2023 йил 1 октябрга қадар ушбу қарорнинг 2-банди иккинчи хатбошисидан келиб чиқиб, эксперимент натижаларини пухта таҳлил этган ҳолда давлат муассасаларини мажбурий ташқи аудиторлик текширувидан ўтказишнинг мақсадга мувофиқлиги юзасидан;
манфаатдор вазирлик ва идоралар билан биргаликда 2022 йил 1 майга қадар давлат муассасалари тўғрисидаги низом лойиҳасини ҳамда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисидаги таклифларни Вазирлар Маҳкамасига киритсин.
10. Мазкур қарорнинг ижросини самарали ташкил қилишга масъул ва жавобгар этиб Бош вазирнинг ўринбосари Ж.А. Қўчқоров ва Давлат активларини бошқариш агентлиги директори А.Ж. Ортиқов белгилансин.
Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Амалга оширилаётган чора-тадбирлар натижадорлиги юзасидан Ўзбекистон Республикаси Президентига 2022 йил 1 октябрга қадар ахборот берилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 8 февраль,
ПҚ-123-сон
Oʻzbekiston Respublikasi Prezidentining
Qarori
Davlat muassasalarini isloh qilishni jadallashtirish chora-tadbirlari toʻgʻrisida
Davlat mulkidan foydalanish samaradorligini oshirish, davlat muassasalari faoliyatida zamonaviy boshqaruv usullari, ochiqlik, shaffoflik tamoyillarini joriy etish hamda xususiy kapital ishtiroki uchun keng imkoniyatlar yaratish, iqtisodiyotda davlat ishtirokini qisqartirish va raqobat muhitini yaratish maqsadida:
1. Belgilansinki:
a) bir tovar bozorida beshta va undan ortiq xususiy tadbirkorlik subyektlari faoliyat yuritib kelayotgan, raqobat rivojlangan sohalarda faoliyat yuritayotgan davlat muassasalari tugatiladi yoki xoʻjalik jamiyatlariga oʻzgartirilgan holda xususiy sektorga sotiladi;
b) davlat muassasalari majburiy tartibda Yagona gʻazna hisobvaragʻida shaxsiy gʻazna hisobvaraqlariga ega boʻladi;
v) 2022-yil 1-apreldan boshlab:
vazirlik va idoralar hamda mahalliy davlat hokimiyati organlari oʻz rasmiy veb-saytlarida oʻzlarining tarkibiga kiruvchi davlat muassasalarining nomi, faoliyat turi, funksiya va vakolatlari hamda rahbarlari toʻgʻrisidagi maʼlumotlarni joylashtiradi va uning doimiy ravishda yangilab borilishini taʼminlaydi;
davlat muassasalarining hududlar va yuqori turuvchi organlari kesimidagi maʼlumotlar Davlat aktivlarini boshqarish agentligining (keyingi oʻrinlarda — Agentlik) veb-saytiga joylashtiriladi;
Ochiq maʼlumotlar portalida foydalanuvchilar uchun qulay formatlarda koʻrish imkoniyatini yaratgan holda muassasalarning yuqori turuvchi tashkiloti, koʻchmas mulk obyektlari, qurilishi tugallanmagan obyektlar va avtotransport vositalari, rejalashtirilgan va amalga oshirilgan xarajatlar tarkibi haqidagi va boshqa maʼlumotlarni (bundan tijorat siri mavjud yoki cheklangan holda tarqatiladigan maʼlumotlar mustasno) eʼlon qilish amaliyoti joriy etiladi;
g) davlat muassasalarini tashkil etish toʻgʻrisidagi qarorda hamda muassasa ustavi (nizomi)da uning tashkiliy-huquqiy shakli “davlat muassasasi” ekanligi koʻrsatiladi;
d) xoʻjalik jamiyatlari ustav fondi (ustav kapitali)dagi davlat organlari, mahalliy davlat hokimiyati organlari, davlat unitar korxonalari, davlat muassasalari, Markaziy bank hamda Tiklanish va taraqqiyot jamgʻarmasiga tegishli aksiyalar va ulushlar davlat ulushlari hisoblanadi;
e) davlat ishtirokidagi xoʻjalik jamiyatlariga tegishli boʻlgan xoʻjalik jamiyatlarining ustav fondi (ustav kapitali)dagi ulushlar va aksiyalar davlat ulushi hisoblanmaydi.
2. Agentlik, Iqtisodiy taraqqiyot va kambagʻallikni qisqartirish vazirligi va Moliya vazirligining quyidagi takliflari maʼqullansin:
mahsulotlarni (ishlarni, xizmatlarni) realizatsiya qilishdan olgan tushumi bazaviy hisoblash miqdorining yuz ming baravari miqdoridan ortiq boʻlgan davlat muassasalarini 2022-yil 1-martdan 2023-yil 1-avgustga qadar eksperiment tariqasida tashqi, shu jumladan mol-mulkning mavjudligi, majburiyatlar bajarilishining amaldagi holati va oqibatlarini oʻrganish masalalari yuzasidan auditorlik tekshiruvidan oʻtkazish;
Oʻzbekiston Respublikasi Prezidenti va Vazirlar Mahkamasining qarorlarida nazarda tutilgan hollardan tashqari davlat muassasalariga xoʻjalik jamiyatlarini taʼsis qilishni hamda ularning ustav fondi (ustav kapitali)da ishtirok etishni taqiqlash.
Adliya vazirligi va Qimmatli qogʻozlar markaziy depozitariysi ushbu bandning uchinchi xatboshisida belgilangan talablarga qatʼiy rioya etilishini taʼminlasin.
3. Davlat aktivlarini boshqarish agentligiga davlat muassasalarini (bundan xususiylashtirilmaydigan davlat muassasalari mustasno) xoʻjalik jamiyatlariga oʻzgartirish, shuningdek, davlat muassasalarini tugatish toʻgʻrisida qarorlar qabul qilish uchun muassislarga koʻrsatma va takliflar kiritish huquqi berilsin.
4. Davlat komissiyasi:
a) bir oy muddatda faoliyat koʻrsatmayotganligi sababli tugatiladigan davlat muassasalari roʻyxati va ularni tugatish jadvalini tasdiqlasin;
b) 2022-yil 1-sentabrga qadar:
barcha davlat muassasalarini xatlovdan oʻtkazib, ularning daromad keltiradigan faoliyatini koʻrib chiqqan holda tashkiliy-huquqiy shakllari qonunchilik hujjatlariga mosligini oʻrganib chiqsin;
bitta tovar bozorida beshta va undan ortiq xususiy tadbirkorlik subyektlari faoliyat yuritib kelayotgan, raqobat rivojlangan sohalarda faoliyat yuritayotgan davlat muassasalarini va ularga tegishli nosohaviy aktivlarni xususiylashtirish yoki ularni belgilangan tartibda tugatish boʻyicha choralarni koʻrsin.
5. Raqobatni rivojlantirish va isteʼmolchilar huquqlarini himoya qilish qoʻmitasi tegishli vazirlik va idoralar bilan birgalikda 2023-yildan boshlab, har yili 1-mayga qadar davlat muassasalari faoliyatini tahlil qilib, bitta tovar bozorida beshta va undan ortiq xususiy tadbirkorlik subyektlari faoliyat yuritib kelayotgan, raqobat rivojlangan sohalarda faoliyat yuritayotgan davlat muassasalarini xususiylashtirish yoki tugatish boʻyicha takliflarni Davlat aktivlarini boshqarish agentligiga kiritib borsin.
6. Moliya vazirligi:
ikki oy muddatda davlat moliyasini boshqarish axborot tizimini (keyingi oʻrinlarda — “DMBAT”) budjet tashkilotlari tomonidan budjet hisobi va hisoboti yuritilishini kompleks avtomatlashtirish uchun moʻljallangan dasturiy majmuaga (keyingi oʻrinlarda — “UzASBO”) integratsiya qilgan holda, ushbu tizimlardan mazkur qarorning 1-bandi “v” kichik bandida nazarda tutilgan maʼlumotlar Ochiq maʼlumotlar portalida eʼlon qilinishini;
uch oy muddatda har bir davlat muassasasiga Yagona gʻazna hisobvaragʻida shaxsiy gʻazna hisobvaraqlari ochilishini;
2022-yil 1-aprelga qadar Axborot texnologiyalari va kommunikatsiyalarini rivojlantirish vazirligi bilan birgalikda Davlat soliq qoʻmitasi huzuridagi Kadastr agentligi, Bandlik va mehnat munosabatlari vazirligi, Ichki ishlar vazirligi, Agentlik, Davlat xizmatlari agentligining maʼlumotlar bazalarini “DMBAT” va “UzASBO”ga integratsiya qilinishini taʼminlasin.
7. Vazirlik va idoralar hamda mahalliy davlat hokimiyati organlari:
2022-yil 1-aprelga qadar oʻz tarkibidagi davlat muassasalarining qonunchilikda belgilangan tartibda, davlat boji undirilmasdan Davlat xizmatlari markazlarida roʻyxatdan oʻtkazilishini;
oʻz tarkibidagi davlat muassasalarining moliyaviy koʻrsatkichlari, jumladan mahsulotlarni (ishlarni, xizmatlarni) realizatsiya qilishdan olingan tushumlar toʻgʻrisidagi maʼlumotlarni har chorak yakunlari boʻyicha hisobot davrining keyingi oyi davomida, yil yakunlari boʻyicha esa keyingi moliya yilining 25-fevraliga qadar Agentlikning axborot tizimida joylashtirib borilishini taʼminlasin.
8. Vazirlar Mahkamasi ikki hafta muddatda tugatilgan davlat muassasalari va korxonalariga tegishli boʻlgan, Agentlik va Moliya vazirligiga operativ boshqaruv huquqi asosida bepul beriladigan aksiyadorlik jamiyatlarining ustav kapitalidagi aksiya paketlari roʻyxatini tasdiqlasin.
9. Agentlik:
Moliya vazirligi, Iqtisodiy taraqqiyot va kambagʻallikni qisqartirish vazirligi bilan birgalikda 2023-yil 1-oktabrga qadar ushbu qarorning 2-bandi ikkinchi xatboshisidan kelib chiqib, eksperiment natijalarini puxta tahlil etgan holda davlat muassasalarini majburiy tashqi auditorlik tekshiruvidan oʻtkazishning maqsadga muvofiqligi yuzasidan;
manfaatdor vazirlik va idoralar bilan birgalikda 2022-yil 1-mayga qadar davlat muassasalari toʻgʻrisidagi nizom loyihasini hamda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisidagi takliflarni Vazirlar Mahkamasiga kiritsin.
10. Mazkur qarorning ijrosini samarali tashkil qilishga masʼul va javobgar etib Bosh vazirning oʻrinbosari J.A. Qoʻchqorov va Davlat aktivlarini boshqarish agentligi direktori A.J. Ortiqov belgilansin.
Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga 2022-yil 1-oktabrga qadar axborot berilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 8-fevral,
PQ-123-son
Президента Республики Узбекистан
Постановление
О мерах по ускорению реформирования государственных учреждений
В целях повышения эффективности использования государственного имущества, внедрения современных методов управления, принципов открытости и прозрачности, создания широких возможностей для участия частного капитала в деятельности государственных учреждений, а также сокращения государственного участия и создания конкурентной среды в экономике:
1. Установить, что:
а) государственные учреждения, осуществляющие деятельность в отраслях с развитой конкуренцией, где функционируют пять и более субъектов частного предпринимательства на одном товарном рынке, подлежат упразднению или реализации частному сектору с преобразованием в хозяйственные общества;
б) государственные учреждения в обязательном порядке должны иметь казначейские лицевые счета на Едином казначейском счете;
в) начиная с 1 апреля 2022 года:
министерства, ведомства и органы государственной власти на местах размещают на своих официальных веб-сайтах и обеспечивают обновление на постоянной основе сведений о наименовании, видах деятельности, функциях и полномочиях, а также руководителях государственных учреждений, входящих в их состав;
сведения о государственных учреждениях в разрезе регионов и вышестоящих органов размещаются на веб-сайте Агентства по управлению государственными активами (далее — Агентство);
внедряется практика опубликования на Портале открытых данных сведений о вышестоящих организациях, объектах недвижимого имущества, объектах незавершенного строительства и автотранспортных средствах, составе запланированных и произведенных расходов учреждений и иных сведений (за исключением информации ограниченного распространения или содержащей коммерческую тайну) с созданием возможности ознакомления в формате, удобном для пользователей;
г) в решении о создании и уставе (положении) государственного учреждения указывается его организационно-правовая форма — «государственное учреждение»;
д) акции и доли в уставном фонде (уставном капитале) хозяйственных обществ, принадлежащие государственным органам, органам государственной власти на местах, государственным унитарным предприятиям, государственным учреждениям, Центральному банку, а также Фонду реконструкции и развития, являются государственными долями;
е) доли и акции в уставном фонде (уставном капитале) хозяйственных обществ, принадлежащие хозяйственным обществам с государственным участием, не являются государственными долями.
2. Одобрить предложения Агентства, Министерства экономического развития и сокращения бедности и Министерства финансов о:
проведении в период с 1 марта 2022 года по 1 августа 2023 года в порядке эксперимента внешней аудиторской проверки, в том числе на предмет изучения наличия имущества, текущего состояния и последствий исполнения обязательств, государственных учреждений, поступления от реализации продукции (работ, услуг) которых превышают стотысячекратный размер базовой расчетной величины;
запрете государственным учреждениям на учреждение и участие в уставном фонде (уставном капитале) хозяйственных обществ, за исключением случаев, предусмотренных решениями Президента Республики Узбекистан и Кабинета Министров.
Министерству юстиции и Центральному депозитарию ценных бумаг обеспечить строгое соблюдение требований, определенных в абзаце третьем настоящего пункта.
3. Предоставить Агентству по управлению государственными активами право вносить учредителям предписания и предложения для принятия решений о преобразовании государственных учреждений (за исключением государственных учреждений, не подлежащих приватизации) в хозяйственные общества, а также о ликвидации государственных учреждений.
4. Государственной комиссии:
а) в месячный срок утвердить перечень государственных учреждений, подлежащих упразднению вследствие неосуществления деятельности, а также график их упразднения;
б) в срок до 1 сентября 2022 года:
провести инвентаризацию всех государственных учреждений, изучить соответствие организационно-правовой формы актам законодательства с рассмотрением их деятельности, приносящей доход;
принять меры по приватизации или упразднению в установленном порядке государственных учреждений, осуществляющих деятельность в отраслях с развитой конкуренцией, где функционируют пять и более субъектов частного предпринимательства на одном товарном рынке, а также принадлежащих им непрофильных активов.
5. Комитету по развитию конкуренции и защите прав потребителей совместно с соответствующими министерствами и ведомствами начиная с 2023 года ежегодно до 1 мая проводить анализ деятельности государственных учреждений, регулярно вносить в Агентство по управлению государственными активами предложения о приватизации или упразднении государственных учреждений, осуществляющих деятельность в отраслях с развитой конкуренцией, где функционируют пять и более субъектов частного предпринимательства на одном товарном рынке.
6. Министерству финансов обеспечить:
в двухмесячный срок — интеграцию информационной системы управления государственными финансами (далее — «ИСУГФ») с программным комплексом, предназначенным для комплексной автоматизации ведения бюджетными организациями бюджетного учета и отчетности (далее — «UzASBO»), и опубликование на Портале открытых данных сведений из «ИСУГФ» и «UzASBO», предусмотренных подпунктом «в» пункта 1 настоящего постановления;
в трехмесячный срок — открытие на Едином казначейском счете казначейского лицевого счета каждого государственного учреждения;
в срок до 1 апреля 2022 года совместно с Министерством по развитию информационных технологий и коммуникаций — интеграцию с «ИСУГФ» и «UzASBO» баз данных Агентства по кадастру при Государственном налоговом комитете, Министерства занятости и трудовых отношений, Министерства внутренних дел, Агентства и Агентства государственных услуг.
7. Министерствам, ведомствам и органам государственной власти на местах обеспечить:
в срок до 1 апреля 2022 года регистрацию в центрах государственных услуг государственных учреждений в своем составе в порядке, установленном законодательством, без взимания государственной пошлины;
размещение в информационной системе Агентства финансовых показателей государственных учреждений в своем составе включая информацию о поступлениях от реализации продукции (работ, услуг), по итогам каждого квартала — в течение месяца, следующего за отчетным периодом, по итогам года — в срок до 25 февраля следующего финансового года.
8. Кабинету Министров в двухнедельный срок утвердить перечень пакетов акций в уставном капитале акционерных обществ, принадлежащих ликвидированным государственным учреждениям и предприятиям, безвозмездно передаваемых Агентству и Министерству финансов на основе права оперативного управления.
9. Агентству внести в Кабинет Министров:
в срок до 1 октября 2023 года совместно с Министерством финансов и Министерством экономического развития и сокращения бедности — предложение о целесообразности проведения внешней аудиторской проверки государственных учреждений с проведением тщательного анализа результатов эксперимента, исходя из абзаца второго пункта 2 настоящего постановления;
в срок до 1 мая 2022 года совместно с заинтересованными министерствами и ведомствами — проект положения о государственных учреждениях, а также предложения об изменениях и дополнениях в акты законодательства, вытекающих из настоящего постановления.
10. Возложить на заместителя Премьер-министра Республики Узбекистан Д.А. Кучкарова и директора Агентства по управлению государственными активами А.Ж. Ортикова персональную ответственность за эффективную организацию исполнения настоящего постановления.
Ежеквартальное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
О результативности осуществляемых мер информировать Президента Республики Узбекистан в срок до 1 октября 2022 года.
Президент Республики Узбекистан Ш. МИРЗИЁЕВ
г. Ташкент,
8 февраля 2022 г.,
№ ПП-123