📅 2022-yil 10-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 10 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 10 февраля 2022 г. · Постановления Президента
Официальный текст. Официальный документ. Редакционные примечания не включены.
📅 10 February 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Оташин шоир, таржимон ва драматург Усмон Носир таваллудининг 110 йиллигини кенг нишонлаш тўғрисида
Ўзининг бетакрор истеъдоди, юксак матонати ва халқпарварлиги билан ўзбек адабиётида ўчмас из қолдирган, мустабид тузум даврида сиёсий қатағон қурбони бўлган оташин шоир, таржимон ва драматург Усмон Носир халқимизнинг машҳур фарзандларидан биридир. Унинг эзгу инсоний фазилатлар, Ватанга муҳаббат ва садоқат, келажакка юксак ишонч туйғуси билан йўғрилган етук бадиий асарларининг халқимиз маънавиятини юксалтириш, ёш авлод тарбиясидаги беқиёс ўрни ва аҳамиятини ҳисобга олиб ҳамда шоир таваллудининг 110 йиллигини кенг нишонлаш ва хотирасини абадийлаштириш мақсадида:
1. Ўзбекистон Ёзувчилар уюшмаси, Ўзбекистон Фанлар академияси, Маданият вазирлиги, Ташқи ишлар вазирлиги, Олий ва ўрта махсус таълим вазирлиги, Республика Маънавият ва маърифат маркази ҳамда жамоатчилик вакилларининг 2022 йилда Усмон Носир таваллудининг 110 йиллигини кенг нишонлаш тўғрисидаги таклифи маъқуллансин.
2. Оташин шоир, таржимон ва драматург Усмон Носир таваллудининг 110 йиллигини кенг нишонлаш бўйича ташкилий қўмита таркиби (кейинги ўринларда — Ташкилий қўмита) иловага мувофиқ тасдиқлансин.
3. Ташкилий қўмита (А.Н. Арипов) бир ой муддатда Усмон Носир таваллудининг 110 йиллигини кенг нишонлаш бўйича қуйидаги чора-тадбирларни назарда тутувчи дастурни, уни молиялаштиришнинг аниқ манбаларини белгилаган ҳолда ишлаб чиқсин ва тасдиқласин:
Усмон Носир таваллудининг 110 йиллигини мамлакатимизда адабиёт ва санъат байрами сифатида кенг нишонлаш;
Усмон Носирнинг ҳаёти ва фаолиятини, хусусан, унинг қатағон даврида кечган йилларини ўрганиш, ҳозирга қадар номаълум бўлиб келаётган қўлёзма асарларининг тақдири ҳақида маълумотлар тўплаш мақсадида тарихчи олимлар ва ижодкорлардан иборат ишчи гуруҳи тузиш ҳамда унинг Ўзбекистон Республикаси Ички ишлар вазирлиги, Давлат хавфсизлик хизмати, шунингдек, Россия Федерациясидаги тегишли архив материаллари билан танишиши учун шароит яратиш;
Наманган шаҳрида Усмон Носир ҳайкалини ўрнатиш;
Тошкент ва Наманган шаҳарларидаги кўчаларга Усмон Носир номини бериш;
Усмон Носирнинг «Танланган асарлар» тўплами ҳамда «Усмон Носир замондошлари хотирасида» китобини нашр этиш;
Алишер Навоий номидаги Тошкент давлат ўзбек тили ва адабиёти университетида Ўзбекистон Фанлар академияси билан ҳамкорликда «Замонавий ўзбек адабиёти ривожида Усмон Носир ижодий меросининг ўрни ва аҳамияти» мавзусида илмий-амалий конференция ўтказиш;
Усмон Носирнинг ҳаёти ва ижодий фаолияти ҳақида ҳужжатли фильм суратга олиш, спектакллар саҳналаштириш, мусиқа асарлари ва қўшиқлар, Интернет ва ижтимоий тармоқлар учун мўлжалланган аудиовизуал асарлар яратиш, шунингдек, оммавий ахборот воситаларида туркум материаллар эълон қилиш;
умумий ўрта таълим муассасалари, ижод мактаблари ўқувчилари ўртасида Усмон Носир ҳаёти ва ижодига бағишланган «Унутмас мени боғим» мавзуида иншолар танловини ўтказиш;
мамлакатимиздаги таълим ташкилотлари, ҳарбий қисмлар, меҳнат жамоалари ва маҳаллаларда таниқли адиб ва олимлар, санъаткорлар иштирокида Усмон Носир ижодига бағишланган учрашувлар, давра суҳбатлари ҳамда китобхонлик кечаларини ташкил этиш;
2022 йил ноябрь ойининг иккинчи ўн кунлигида Ўзбек Миллий академик драма театрида Усмон Носир таваллудининг 110 йиллигига бағишланган адабий-бадиий хотира кечасини ўтказиш.
4. Ташкилий қўмита (А.Н. Арипов)га Усмон Носир таваллудининг 110 йиллигига бағишланган тадбирларни юксак савияда ташкил этиш, мазкур қарор ва чора-тадбирлар дастурининг ўз вақтида, сифатли ва тўлиқ амалга оширилишини мувофиқлаштириб бориш вазифаси юклатилсин.
5. Ташқи ишлар вазирлиги (А.Ҳ. Камилов):
Маданият вазирлиги, Бадиий академия, Ёзувчилар уюшмаси ва «Шаҳидлар хотираси» жамғармаси билан биргаликда белгиланган тартибда Россия Федерацияси Кемерово вилоятининг Мариинск шаҳрида Усмон Носир хотирасига бағишланган ёдгорлик ўрнатиш ва унинг тантанали очилиш маросимини ўтказиш юзасидан Россия Федерациясининг тегишли идоралари билан музокаралар ўтказсин ҳамда натижаси бўйича Ташкилий қўмитага таклиф киритсин;
Ўзбекистоннинг Новосибирск шаҳридаги Бош консулхонаси томонидан шоир хотирасига ҳамда ўзбек адабиёти ва маданияти тарғиботига бағишланган тадбирларни Россия Федерацияси Кемерово вилоятидаги ўзбек диаспораси вакилларини жалб этган ҳолда ўтказиш чораларини кўрсин.
6. Ўзбекистон Миллий ахборот агентлиги, Ўзбекистон Миллий телерадиокомпанияси, «Дунё» ахборот агентлиги, Ўзбекистон электрон оммавий ахборот воситалари миллий ассоциацияси ва бошқа оммавий ахборот воситаларига Усмон Носир таваллудининг 110 йиллигини нишонлаш билан боғлиқ тадбирларни кенг ёритиш тавсия этилсин.
7. Мазкур қарорда назарда тутилган чора-тадбирларни молиялаштириш Давлат бюджети, Маънавият ва ижодни қўллаб-қувватлаш мақсадли жамғармаси, ташкилотчилар маблағлари ҳамда қонунчилик ҳужжатларида тақиқланмаган бошқа манбалар ҳисобидан амалга оширилиши белгилансин.
8. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Ўзбекистон Республикаси Президентининг 2022 йил 10 февралдаги ПҚ-125-сон қарорига ИЛОВА
Оташин шоир, таржимон ва драматург Усмон Носир таваллудининг 110 йиллигини кенг нишонлаш бўйича ташкилий қўмита
А. Арипов — Бош вазир, Ташкилий қўмита раиси А. Абдувахитов — Ўзбекистон Республикаси Президентининг маслаҳатчиси, Ташкилий қўмита раисининг ўринбосари Х. Султонов — Ўзбекистон Республикаси Президентининг маслаҳатчиси А. Жўрабоев — Ўзбекистон Республикаси Президенти маслаҳатчисининг ўринбосари С. Саидов — Ўзбекистон Ёзувчилар уюшмаси раиси О. Назарбеков — маданият вазири Б. Саидов — халқ таълими вазири А. Тошкулов — олий ва ўрта махсус таълим вазири П. Бобожонов — ички ишлар вазири А. Комилов — ташқи ишлар вазири Ш. Абдуразаков — Наманган вилояти ҳокими Ж. Артикходжаев — Тошкент шаҳар ҳокими Б. Юлдашев — Ўзбекистон Фанлар академияси президенти Ж. Абруев — молия вазири ўринбосари А. Ходжаев — Ахборот ва оммавий коммуникациялар агентлиги директори А. Саъдуллаев — Ёшлар ишлари агентлиги директори А. Кучимов — Ўзбекистон Миллий ахборот агентлиги бош директори А. Хаджаев — Ўзбекистон Миллий телерадиокомпанияси раиси М. Ҳожиматов — Республика Маънавият ва маърифат маркази раҳбари Ш. Ризаев — Кинематография агентлиги бош директорининг биринчи ўринбосари Б. Хасанов — «Шаҳидлар хотираси» жамғармаси раҳбари А. Нуридинов — Бадиий академия раиси Ш. Сирожиддинов — Алишер Навоий номидаги Тошкент давлат ўзбек тили ва адабиёти университети ректори Н. Каримов — Ўзбекистон Республикасида хизмат кўрсатган фан арбоби, академик Н. Рашидова — Ўзбекистон Ёзувчилар уюшмаси аъзоси, Усмон Носирнинг қариндоши
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 10 февраль,
ПҚ-125-сон
Oʻzbekiston Respublikasi Prezidentining
Qarori
TARKIBI
Otashin shoir, tarjimon va dramaturg Usmon Nosir tavalludining 110 yilligini keng nishonlash toʻgʻrisida
Oʻzining betakror isteʼdodi, yuksak matonati va xalqparvarligi bilan oʻzbek adabiyotida oʻchmas iz qoldirgan, mustabid tuzum davrida siyosiy qatagʻon qurboni boʻlgan otashin shoir, tarjimon va dramaturg Usmon Nosir xalqimizning mashhur farzandlaridan biridir. Uning ezgu insoniy fazilatlar, Vatanga muhabbat va sadoqat, kelajakka yuksak ishonch tuygʻusi bilan yoʻgʻrilgan yetuk badiiy asarlarining xalqimiz maʼnaviyatini yuksaltirish, yosh avlod tarbiyasidagi beqiyos oʻrni va ahamiyatini hisobga olib hamda shoir tavalludining 110 yilligini keng nishonlash va xotirasini abadiylashtirish maqsadida:
1. Oʻzbekiston Yozuvchilar uyushmasi, Oʻzbekiston Fanlar akademiyasi, Madaniyat vazirligi, Tashqi ishlar vazirligi, Oliy va oʻrta maxsus taʼlim vazirligi, Respublika Maʼnaviyat va maʼrifat markazi hamda jamoatchilik vakillarining 2022-yilda Usmon Nosir tavalludining 110 yilligini keng nishonlash toʻgʻrisidagi taklifi maʼqullansin.
2. Otashin shoir, tarjimon va dramaturg Usmon Nosir tavalludining 110 yilligini keng nishonlash boʻyicha tashkiliy qoʻmita tarkibi (keyingi oʻrinlarda — Tashkiliy qoʻmita) ilovaga muvofiq tasdiqlansin.
3. Tashkiliy qoʻmita (A.N. Aripov) bir oy muddatda Usmon Nosir tavalludining 110 yilligini keng nishonlash boʻyicha quyidagi chora-tadbirlarni nazarda tutuvchi dasturni, uni moliyalashtirishning aniq manbalarini belgilagan holda ishlab chiqsin va tasdiqlasin:
Usmon Nosir tavalludining 110 yilligini mamlakatimizda adabiyot va sanʼat bayrami sifatida keng nishonlash;
Usmon Nosirning hayoti va faoliyatini, xususan, uning qatagʻon davrida kechgan yillarini oʻrganish, hozirga qadar nomaʼlum boʻlib kelayotgan qoʻlyozma asarlarining taqdiri haqida maʼlumotlar toʻplash maqsadida tarixchi olimlar va ijodkorlardan iborat ishchi guruhi tuzish hamda uning Oʻzbekiston Respublikasi Ichki ishlar vazirligi, Davlat xavfsizlik xizmati, shuningdek, Rossiya Federatsiyasidagi tegishli arxiv materiallari bilan tanishishi uchun sharoit yaratish;
Namangan shahrida Usmon Nosir haykalini oʻrnatish;
Toshkent va Namangan shaharlaridagi koʻchalarga Usmon Nosir nomini berish;
Usmon Nosirning “Tanlangan asarlar” toʻplami hamda “Usmon Nosir zamondoshlari xotirasida” kitobini nashr etish;
Alisher Navoiy nomidagi Toshkent davlat oʻzbek tili va adabiyoti universitetida Oʻzbekiston Fanlar akademiyasi bilan hamkorlikda “Zamonaviy oʻzbek adabiyoti rivojida Usmon Nosir ijodiy merosining oʻrni va ahamiyati” mavzusida ilmiy-amaliy konferensiya oʻtkazish;
Usmon Nosirning hayoti va ijodiy faoliyati haqida hujjatli film suratga olish, spektakllar sahnalashtirish, musiqa asarlari va qoʻshiqlar, Internet va ijtimoiy tarmoqlar uchun moʻljallangan audiovizual asarlar yaratish, shuningdek, ommaviy axborot vositalarida turkum materiallar eʼlon qilish;
umumiy oʻrta taʼlim muassasalari, ijod maktablari oʻquvchilari oʻrtasida Usmon Nosir hayoti va ijodiga bagʻishlangan “Unutmas meni bogʻim” mavzuyida insholar tanlovini oʻtkazish;
mamlakatimizdagi taʼlim tashkilotlari, harbiy qismlar, mehnat jamoalari va mahallalarda taniqli adib va olimlar, sanʼatkorlar ishtirokida Usmon Nosir ijodiga bagʻishlangan uchrashuvlar, davra suhbatlari hamda kitobxonlik kechalarini tashkil etish;
2022-yil noyabr oyining ikkinchi oʻn kunligida Oʻzbek Milliy akademik drama teatrida Usmon Nosir tavalludining 110 yilligiga bagʻishlangan adabiy-badiiy xotira kechasini oʻtkazish.
4. Tashkiliy qoʻmita (A.N. Aripov)ga Usmon Nosir tavalludining 110 yilligiga bagʻishlangan tadbirlarni yuksak saviyada tashkil etish, mazkur qaror va chora-tadbirlar dasturining oʻz vaqtida, sifatli va toʻliq amalga oshirilishini muvofiqlashtirib borish vazifasi yuklatilsin.
5. Tashqi ishlar vazirligi (A.H. Kamilov):
Madaniyat vazirligi, Badiiy akademiya, Yozuvchilar uyushmasi va “Shahidlar xotirasi” jamgʻarmasi bilan birgalikda belgilangan tartibda Rossiya Federatsiyasi Kemerovo viloyatining Mariinsk shahrida Usmon Nosir xotirasiga bagʻishlangan yodgorlik oʻrnatish va uning tantanali ochilish marosimini oʻtkazish yuzasidan Rossiya Federatsiyasining tegishli idoralari bilan muzokaralar oʻtkazsin hamda natijasi boʻyicha Tashkiliy qoʻmitaga taklif kiritsin;
Oʻzbekistonning Novosibirsk shahridagi Bosh konsulxonasi tomonidan shoir xotirasiga hamda oʻzbek adabiyoti va madaniyati targʻibotiga bagʻishlangan tadbirlarni Rossiya Federatsiyasi Kemerovo viloyatidagi oʻzbek diasporasi vakillarini jalb etgan holda oʻtkazish choralarini koʻrsin.
6. Oʻzbekiston Milliy axborot agentligi, Oʻzbekiston Milliy teleradiokompaniyasi, “Dunyo” axborot agentligi, Oʻzbekiston elektron ommaviy axborot vositalari milliy assotsiatsiyasi va boshqa ommaviy axborot vositalariga Usmon Nosir tavalludining 110 yilligini nishonlash bilan bogʻliq tadbirlarni keng yoritish tavsiya etilsin.
7. Mazkur qarorda nazarda tutilgan chora-tadbirlarni moliyalashtirish Davlat budjeti, Maʼnaviyat va ijodni qoʻllab-quvvatlash maqsadli jamgʻarmasi, tashkilotchilar mablagʻlari hamda qonunchilik hujjatlarida taqiqlanmagan boshqa manbalar hisobidan amalga oshirilishi belgilansin.
8. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidentining 2022-yil 10-fevraldagi PQ-125-son qaroriga ILOVA
Otashin shoir, tarjimon va dramaturg Usmon Nosir tavalludining 110 yilligini keng nishonlash boʻyicha tashkiliy qoʻmita
A. Aripov — Bosh vazir, Tashkiliy qoʻmita raisi A. Abduvaxitov — Oʻzbekiston Respublikasi Prezidentining maslahatchisi, Tashkiliy qoʻmita raisining oʻrinbosari X. Sultonov — Oʻzbekiston Respublikasi Prezidentining maslahatchisi A. Joʻraboyev — Oʻzbekiston Respublikasi Prezidenti maslahatchisining oʻrinbosari S. Saidov — Oʻzbekiston Yozuvchilar uyushmasi raisi O. Nazarbekov — madaniyat vaziri B. Saidov — xalq taʼlimi vaziri A. Toshkulov — oliy va oʻrta maxsus taʼlim vaziri P. Bobojonov — ichki ishlar vaziri A. Komilov — tashqi ishlar vaziri Sh. Abdurazakov — Namangan viloyati hokimi J. Artikxodjayev — Toshkent shahar hokimi B. Yuldashev — Oʻzbekiston Fanlar akademiyasi prezidenti J. Abruyev — moliya vaziri oʻrinbosari A. Xodjayev — Axborot va ommaviy kommunikatsiyalar agentligi direktori A. Saʼdullayev — Yoshlar ishlari agentligi direktori A. Kuchimov — Oʻzbekiston Milliy axborot agentligi bosh direktori A. Xadjayev — Oʻzbekiston Milliy teleradiokompaniyasi raisi M. Hojimatov — Respublika Maʼnaviyat va maʼrifat markazi rahbari Sh. Rizayev — Kinematografiya agentligi bosh direktorining birinchi oʻrinbosari B. Xasanov — “Shahidlar xotirasi” jamgʻarmasi rahbari A. Nuridinov — Badiiy akademiya raisi Sh. Sirojiddinov — Alisher Navoiy nomidagi Toshkent davlat oʻzbek tili va adabiyoti universiteti rektori N. Karimov — Oʻzbekiston Respublikasida xizmat koʻrsatgan fan arbobi, akademik N. Rashidova — Oʻzbekiston Yozuvchilar uyushmasi aʼzosi, Usmon Nosirning qarindoshi
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 10-fevral,
PQ-125-son
Президента Республики Узбекистан
Постановление
СОСТАВ
О широком праздновании 110-летия со дня рождения выдающегося поэта, переводчика и драматурга Усмана Насыра
Пламенный поэт, переводчик и драматург Усман Насыр, ставший жертвой политических репрессий в период тоталитарного режима, оставил немеркнущий след в узбекской литературе своим неповторимым талантом, высокой стойкостью и любовью к народу. Учитывая огромную роль и значение в повышении духовности общества, воспитании молодого поколения его высокохудожественных произведений, пронизанных идеями добра и гуманизма, преданностью Родине, твердой уверенностью в ее будущем, а также в целях широкого празднования 110-летия со дня рождения и увековечения памяти поэта:
1. Одобрить предложение Союза писателей Узбекистана, Академии наук Узбекистана, Министерства культуры, Министерства иностранных дел, Министерства высшего и среднего специального образования, Республиканского центра духовности и просветительства, а также общественности о широком праздновании 110-летия со дня рождения Усмана Насыра в 2022 году.
2. Утвердить состав Организационного комитета по широкому празднованию 110-летия со дня рождения выдающегося поэта, переводчика и драматурга Усмана Насыра (далее — Организационный комитет) согласно приложению .
3. Организационному комитету (А.Н. Арипов) в месячный срок разработать и утвердить Программу мер по широкому празднованию 110-летия со дня рождения Усмана Насыра, с определением конкретных источников финансирования, в которой предусмотреть:
110-летие со дня рождения Усмана Насыра широко отмечается в нашей стране как праздник литературы и искусства;
создание рабочей группы в составе ученых-историков, творческих деятелей с целью изучения жизни и деятельности Усмана Насыра, в том числе в годы репрессий, сбора данных о его ранее неизвестных рукописях, формирование условий для ознакомления с соответствующими архивными материалами в Министерстве внутренних дел, Службе государственной безопасности Республики Узбекистан, а также в Российской Федерации;
установление памятника Усману Насыру в городе Намангане;
присвоение имени Усмана Насыра улицам в городах Ташкенте и Намангане;
издание сборника «Избранные произведения» Усмана Насыра, а также книги «Усман Насыр в воспоминаниях современников»;
проведение в Ташкентском государственном университете узбекского языка и литературы имени Алишера Навои совместно с Академией наук Узбекистана научно-практической конференции на тему «Роль и значение творческого наследия Усмана Насыра в развитии современной узбекской литературы»;
создание документального фильма, спектаклей о жизни и творческой деятельности Усмана Насыра, музыкальных произведений и песен, аудиовизуальных работ для размещения в сети Интернет, в том числе социальных сетях, а также публикацию цикла материалов в средствах массовой информации;
проведение среди учащихся средних общеобразовательных и творческих школ конкурса сочинений на тему «Моя Родина меня не забудет», посвященного жизни и творчеству Усмана Насыра;
организацию в образовательных учреждениях, воинских частях, трудовых коллективах и махаллях страны встреч, бесед за «круглым столом», вечеров книголюбов, посвященных творчеству Усмана Насыра, с участием известных писателей, ученых и деятелей культуры;
проведение во второй декаде ноября 2022 года в Узбекском Национальном академическом драматическом театре литературно-художественного вечера памяти, посвященного 110-летию со дня рождения Усмана Насыра.
4. Возложить на Организационный комитет (А.Н. Арипов) организацию на высоком уровне мероприятий, посвященных 110-летию со дня рождения Усмана Насыра, координацию своевременного и качественного исполнения в полном объеме настоящего постановления и Программы мер.
5. Министерству иностранных дел (А.Х. Камилов):
совместно с Министерством культуры, Академией художеств, Союзом писателей и фондом «Шахидлар хотираси» в установленном порядке провести переговоры с соответствующими ведомствами Российской Федерации об установлении памятника Усману Насыру и проведении торжественной церемонии его открытия в городе Мариинске Кемеровской области Российской Федерации, где он был похоронен, по результатам внести предложение в Организационный комитет;
принять меры по проведению Генеральным консульством Узбекистана в городе Новосибирске мероприятий, посвященных памяти поэта, а также, с привлечением представителей узбекской диаспоры, популяризации узбекской литературы и культуры в Кемеровской области Российской Федерации.
6. Национальному информационному агентству Узбекистана, Национальной телерадиокомпании Узбекистана, информационному агентству «Дунё», Национальной ассоциации электронных средств массовой информации Узбекистана и другим средствам массовой информации рекомендовать широкое освещение мероприятий, посвященных празднованию 110-летия Усмана Насыра.
7. Определить, что финансирование мероприятий, предусмотренных настоящим постановлением, осуществляется за счет средств Государственного бюджета, Целевого фонда по поддержке сферы духовности и творчества, организаторов, а также иных источников, не запрещенных законодательством.
8. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова.
ПРИЛОЖЕНИЕ к постановлению Президента Республики Узбекистан от 10 февраля 2022 года № ПП-125
Организационного комитета по широкому празднованию 110-летия со дня рождения талантливого поэта, переводчика и драматурга Усмана Насыра
А. Арипов — Премьер-министр, председатель Организационного комитета А. Абдувахитов — советник Президента Республики Узбекистан, заместитель председателя Организационного комитета Х. Султонов — советник Президента Республики Узбекистан А. Журабоев — заместитель советника Президента Республики Узбекистан С. Саидов — председатель Союза писателей Узбекистана О. Назарбеков — министр культуры Б. Саидов — министр народного образования А. Тошкулов — министр высшего и среднего специального образования П. Бобожонов — министр внутренних дел А. Камилов — министр иностранных дел Ш. Абдуразаков — хоким Наманганской области Ж. Артыкходжаев — хоким города Ташкента Б. Юлдашев — президент Академии наук Узбекистана Ж. Абруев — заместитель министра финансов А. Ходжаев — директор Агентства информации и массовых коммуникаций А. Саъдуллаев — директор Агентства по делам молодежи А. Кучимов — генеральный директор Национального информационного агентства Узбекистана А. Хаджаев — председатель Национальной телерадиокомпании Узбекистана М. Хожиматов — руководитель Республиканского центра духовности и просветительства Ш. Ризаев — первый заместитель генерального директора Агентства кинематографии Б. Хасанов — руководитель Фонда « Шахидлар хотираси » А. Нуридинов — председатель Академии художеств Ш. Сирожиддинов — ректор Ташкентского государственного университета узбекского языка и литературы имени Алишера Навои Н. Каримов — заслуженный деятель науки Республики Узбекистан, академик Н. Рашидова — член Союза писателей Узбекистана, родственница Усмана Насыра
Президент Республики Узбекистан Ш. МИРЗИЁЕВ
г. Ташкент,
10 февраля 2022 г.,
№ ПП-125