📅 2022-yil 14-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 14 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 февраля 2022 г. · Постановления Президента
Официальный текст. Официальный документ. Редакционные примечания не включены.
📅 14 February 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон спортчиларининг навбатдаги ёзги ва қишки Олимпия ва Паралимпия ўйинларида муваффақиятли иштирок этиши учун тайёргарлик ишларини жадаллаштириш тўғрисида
Ўзбекистон спортчиларининг навбатдаги ёзги ва қишки Олимпия ва Паралимпия ўйинларида муваффақиятли иштирок этиши учун тайёргарлик ишларини жадаллаштириш, шунингдек, ғолиб ва совриндор бўлган спортчиларни пул мукофотлари билан рағбатлантириш мақсадида:
1. Белгилаб қўйилсинки:
а) 2024 йил Париж шаҳрида (Франция) бўлиб ўтадиган XXXIII ёзги Олимпия ва XVII Паралимпия ўйинларида (кейинги ўринларда — Олимпия ва Паралимпия ўйинлари) ғолиб ва совриндор бўлган Ўзбекистон спортчилари қуйидаги миқдорда бир марталик пул мукофоти билан рағбатлантирилади:
олтин медаль учун — 200 000 АҚШ доллари;
кумуш медаль учун — 100 000 АҚШ доллари;
бронза медаль учун — 50 000 АҚШ доллари;
б) мазкур бандда назарда тутилган харажатлар Давлат бюджети маблағлари ҳисобидан қопланади.
2. Транспорт вазирлиги (И. Махкамов) Туризм ва спорт вазирлиги билан биргаликда Олимпия ва Паралимпия ўйинларига тайёргарлик қилиш жараёнида республика ҳудудида ўтказилаётган спорт мусобақалари, ўқув-машғулотлар йиғинларида олимпия ва паралимпия спорт турлари бўйича терма жамоа аъзоларининг иштирокини таъминлаш учун вилоятлараро йўналишлар бўйича (темир йўл ва авиачипта) транспорт харажатларига 2022 йил 1 мартдан 2024 йил 1 сентябрга қадар чегирмалар жорий этсин.
3. Олимпия ва Паралимпия ўйинларига Ўзбекистон спортчиларини тайёрлаш бўйича Республика комиссияси (кейинги ўринларда — Республика комиссияси) томонидан белгиланадиган ҳомий ташкилотларнинг:
Олимпия ва Паралимпия ўйинларида иштирок этиш ҳуқуқи учун лицензияни қўлга киритишга тайёргарлик кўраётган Ўзбекистон спортчиларига зарур шарт-шароитлар яратиш ҳамда уларни қўллаб-қувватлаш мақсадида ҳомийлик хайрия ёрдамини кўрсатиш;
ҳомийлик хайрия ёрдами сифатида ажратиладиган маблағларни Республика комиссияси томонидан тасдиқланган режа-графикка асосан тўлаб бориш;
Ўзбекистон Миллий олимпия қўмитаси, Ўзбекистон Миллий паралимпия қўмитаси, спорт федерация (ассоциация)ларига ажратилган пул маблағларидан оқилона, тежамкор, самарали ва мақсадли фойдаланилганлиги ҳақида ҳар чоракда уларнинг ҳисоботини эшитиб бориш тўғрисидаги таклифлари маъқуллансин.
Ҳомий ташкилотларнинг тегишли бошқарув органлари бир ой муддатда ҳомийлик хайрия ёрдами сифатида ажратиладиган маблағларни тасдиқланган режа-графикка асосан тўлаб бориш тўғрисида қарорларни қабул қилсин, ажратилган пул маблағларидан оқилона, тежамкор, самарали ва мақсадли фойдаланилиши устидан жамоатчилик назоратини ўрнатсин, натижалари ҳақида оммавий ахборот воситаларида эълон қилсин.
Олимпия ва Паралимпия ўйинларига Ўзбекистон спортчиларини тайёрлаш бўйича Республика комиссияси (А. Арипов, А. Абдухакимов) Олимпия ва Паралимпия ўйинларига тайёргарлик қилиш жараёнида юқори кўрсаткичларни қайд этган ҳомий ташкилотларни мукофотлаш чораларини кўрсин, зарур ҳолларда таклиф киритсин.
4. Спортни ривожлантириш вазири А. Икрамов Ўзбекистон Миллий олимпия қўмитаси, Ўзбекистон Миллий паралимпия қўмитаси, Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, бошқа манфаатдор вазирлик ва идоралар билан биргаликда ҳамда тегишли спорт федерациялари (ассоциациялари)ни жалб этган ҳолда:
2022 йил 1 майга қадар — спортнинг дзюдо турини ривожлантириш бўйича;
2022 йил 1 июнга қадар — спортнинг таэквондо (WT) ва спорт курашлари турларини ривожлантириш бўйича Ўзбекистон Республикаси Президенти қарорлари лойиҳаларини ишлаб чиқсин ва белгиланган тартибда Ўзбекистон Республикаси Президенти Администрациясига киритсин.
5. Спортни ривожлантириш вазири А. Икрамов Ўзбекистон Миллий олимпия қўмитаси, Ўзбекистон Миллий паралимпия қўмитаси, Ўзбекистон қишки спорт турлари ассоциацияси ҳамда тегишли спорт федерациялари (ассоциациялари)ни жалб этган ҳолда 2022 йил Пекин шаҳрида (Хитой) бўлиб ўтган XXIV қишки Олимпия ва XIII Паралимпия ўйинлари натижаларидан келиб чиқиб 2022 йил 1 июлга қадар 2026 йил Милан шаҳрида (Италия) бўлиб ўтадиган XXV қишки Олимпия ва XIV Паралимпия ўйинларига Ўзбекистон спортчиларини комплекс тайёрлашни назарда тутувчи Ўзбекистон Республикаси Президенти қарори лойиҳасини ишлаб чиқсин ва белгиланган тартибда Ўзбекистон Республикаси Президенти Администрациясига киритсин.
6. Шундай тартиб ўрнатилсинки, унга мувофиқ Вазирлар Маҳкамаси қарори билан белгиланган Олимпия ва Паралимпия ўйинларида қатнашиш ҳуқуқини берувчи лицензияларнинг, шунингдек, иштирок этиладиган спорт турларининг сонини камайтириш Ўзбекистон Республикаси Президенти Администрациясининг тегишли бўлинмалари билан келишилган ҳолда Республика комиссияси томонидан амалга оширилади.
8. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари А.А. Абдухакимов, Ўзбекистон Миллий олимпия қўмитаси раиси Р.М. Шаабдурахманов ва Ўзбекистон Миллий паралимпия қўмитаси раиси М.М. Ташходжаев белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Амалга оширилаётган чора-тадбирлар натижадорлиги юзасидан ҳар йили 1 январгача Ўзбекистон Республикаси Президентига ахборот бериб борилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 14 февраль,
ПҚ-127-сон
Oʻzbekiston Respublikasi Prezidentining
Qarori
Oʻzbekiston sportchilarining navbatdagi yozgi va qishki Olimpiya va Paralimpiya oʻyinlarida muvaffaqiyatli ishtirok etishi uchun tayyorgarlik ishlarini jadallashtirish toʻgʻrisida
Oʻzbekiston sportchilarining navbatdagi yozgi va qishki Olimpiya va Paralimpiya oʻyinlarida muvaffaqiyatli ishtirok etishi uchun tayyorgarlik ishlarini jadallashtirish, shuningdek, gʻolib va sovrindor boʻlgan sportchilarni pul mukofotlari bilan ragʻbatlantirish maqsadida:
1. Belgilab qoʻyilsinki:
a) 2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlarida (keyingi oʻrinlarda — Olimpiya va Paralimpiya oʻyinlari) gʻolib va sovrindor boʻlgan Oʻzbekiston sportchilari quyidagi miqdorda bir martalik pul mukofoti bilan ragʻbatlantiriladi:
oltin medal uchun — 200 000 AQSH dollari;
kumush medal uchun — 100 000 AQSH dollari;
bronza medal uchun — 50 000 AQSH dollari;
b) mazkur bandda nazarda tutilgan xarajatlar Davlat budjeti mablagʻlari hisobidan qoplanadi.
2. Transport vazirligi (I. Maxkamov) Turizm va sport vazirligi bilan birgalikda Olimpiya va Paralimpiya oʻyinlariga tayyorgarlik qilish jarayonida respublika hududida oʻtkazilayotgan sport musobaqalari, oʻquv-mashgʻulotlar yigʻinlarida olimpiya va paralimpiya sport turlari boʻyicha terma jamoa aʼzolarining ishtirokini taʼminlash uchun viloyatlararo yoʻnalishlar boʻyicha (temir yoʻl va aviachipta) transport xarajatlariga 2022-yil 1-martdan 2024-yil 1-sentabrga qadar chegirmalar joriy etsin.
3. Olimpiya va Paralimpiya oʻyinlariga Oʻzbekiston sportchilarini tayyorlash boʻyicha Respublika komissiyasi (keyingi oʻrinlarda — Respublika komissiyasi) tomonidan belgilanadigan homiy tashkilotlarning:
Olimpiya va Paralimpiya oʻyinlarida ishtirok etish huquqi uchun litsenziyani qoʻlga kiritishga tayyorgarlik koʻrayotgan Oʻzbekiston sportchilariga zarur shart-sharoitlar yaratish hamda ularni qoʻllab-quvvatlash maqsadida homiylik xayriya yordamini koʻrsatish;
homiylik xayriya yordami sifatida ajratiladigan mablagʻlarni Respublika komissiyasi tomonidan tasdiqlangan reja-grafikka asosan toʻlab borish;
Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi, sport federatsiya (assotsiatsiya)lariga ajratilgan pul mablagʻlaridan oqilona, tejamkor, samarali va maqsadli foydalanilganligi haqida har chorakda ularning hisobotini eshitib borish toʻgʻrisidagi takliflari maʼqullansin.
Homiy tashkilotlarning tegishli boshqaruv organlari bir oy muddatda homiylik xayriya yordami sifatida ajratiladigan mablagʻlarni tasdiqlangan reja-grafikka asosan toʻlab borish toʻgʻrisida qarorlarni qabul qilsin, ajratilgan pul mablagʻlaridan oqilona, tejamkor, samarali va maqsadli foydalanilishi ustidan jamoatchilik nazoratini oʻrnatsin, natijalari haqida ommaviy axborot vositalarida eʼlon qilsin.
Olimpiya va Paralimpiya oʻyinlariga Oʻzbekiston sportchilarini tayyorlash boʻyicha Respublika komissiyasi (A. Aripov, A. Abduxakimov) Olimpiya va Paralimpiya oʻyinlariga tayyorgarlik qilish jarayonida yuqori koʻrsatkichlarni qayd etgan homiy tashkilotlarni mukofotlash choralarini koʻrsin, zarur hollarda taklif kiritsin.
4. Sportni rivojlantirish vaziri A. Ikramov Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, boshqa manfaatdor vazirlik va idoralar bilan birgalikda hamda tegishli sport federatsiyalari (assotsiatsiyalari)ni jalb etgan holda:
2022-yil 1-mayga qadar — sportning dzyudo turini rivojlantirish boʻyicha;
2022-yil 1-iyunga qadar — sportning taekvondo (WT) va sport kurashlari turlarini rivojlantirish boʻyicha Oʻzbekiston Respublikasi Prezidenti qarorlari loyihalarini ishlab chiqsin va belgilangan tartibda Oʻzbekiston Respublikasi Prezidenti Administratsiyasiga kiritsin.
5. Sportni rivojlantirish vaziri A. Ikramov Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi, Oʻzbekiston qishki sport turlari assotsiatsiyasi hamda tegishli sport federatsiyalari (assotsiatsiyalari)ni jalb etgan holda 2022-yil Pekin shahrida (Xitoy) boʻlib oʻtgan XXIV qishki Olimpiya va XIII Paralimpiya oʻyinlari natijalaridan kelib chiqib 2022-yil 1-iyulga qadar 2026-yil Milan shahrida (Italiya) boʻlib oʻtadigan XXV qishki Olimpiya va XIV Paralimpiya oʻyinlariga Oʻzbekiston sportchilarini kompleks tayyorlashni nazarda tutuvchi Oʻzbekiston Respublikasi Prezidenti qarori loyihasini ishlab chiqsin va belgilangan tartibda Oʻzbekiston Respublikasi Prezidenti Administratsiyasiga kiritsin.
6. Shunday tartib oʻrnatilsinki, unga muvofiq Vazirlar Mahkamasi qarori bilan belgilangan Olimpiya va Paralimpiya oʻyinlarida qatnashish huquqini beruvchi litsenziyalarning, shuningdek, ishtirok etiladigan sport turlarining sonini kamaytirish Oʻzbekiston Respublikasi Prezidenti Administratsiyasining tegishli boʻlinmalari bilan kelishilgan holda Respublika komissiyasi tomonidan amalga oshiriladi.
8. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari A.A. Abduxakimov, Oʻzbekiston Milliy olimpiya qoʻmitasi raisi R.M. Shaabduraxmanov va Oʻzbekiston Milliy paralimpiya qoʻmitasi raisi M.M. Tashxodjayev belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Amalga oshirilayotgan chora-tadbirlar natijadorligi yuzasidan har yili 1-yanvargacha Oʻzbekiston Respublikasi Prezidentiga axborot berib borilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 14-fevral,
PQ-127-son
Президента Республики Узбекистан
Постановление
Об ускорении подготовительных работ для успешного участия спортсменов Узбекистана в очередных летних и зимних Олимпийских и Паралимпийских играх
В целях ускорения подготовительных работ для успешного участия спортсменов Узбекистана в очередных летних и зимних Олимпийских и Паралимпийских играх, а также поощрения денежной премией спортсменов, ставших победителями и призерами:
1. Установить, что:
а) спортсмены Узбекистана, ставшие победителями и призерами XXXIII летних Олимпийских и XVII Паралимпийских игр (далее — Олимпийские и Паралимпийские игры), проводимых в городе Париже (Франция) в 2024 году, поощряются единовременным денежным вознаграждением в следующих размерах:
за золотую медаль — 200 000 долларов США;
за серебряную медаль — 100 000 долларов США;
за бронзовую медаль — 50 000 долларов США;
б) расходы, предусмотренные настоящим пунктом, покрываются за счет средств Государственного бюджета.
2. Министерству транспорта (И. Махкамов) совместно с Министерством туризма и спорта в период с 1 марта 2022 года по 1 сентября 2024 года предоставить членам сборных команд по олимпийским и паралимпийским видам спорта скидки на транспортные (железнодорожные и авиационные) расходы на межобластных направлениях для обеспечения их участия в спортивных соревнованиях и учебно-тренировочных сборах, проводимых на территории республики в процессе подготовки к Олимпийским и Паралимпийским играм.
3. Одобрить предложения организаций-спонсоров, определяемых Республиканской комиссией по подготовке спортсменов Узбекистана к Олимпийским и Паралимпийским играм (далее — Республиканская комиссия), предусматривающие:
создание необходимых условий и оказание спонсорской благотворительной помощи в целях поддержки спортсменов Узбекистана, занимающихся подготовкой к получению лицензий на право участия в Олимпийских и Паралимпийских играх;
выплату средств, выделенных в качестве спонсорской благотворительной помощи на основе плана-графика, утвержденного Республиканской комиссией;
заслушивание ежеквартальных отчетов Национального олимпийского комитета Узбекистана, Национального паралимпийского комитета Узбекистана, спортивных федераций (ассоциаций) о рациональном, экономном, эффективном и целевом использовании выделенных им средств.
Соответствующим органам управления организаций-спонсоров в месячный срок принять решения о выплате средств, выделенных в качестве спонсорской благотворительной помощи на основе утвержденного плана-графика, установить общественный контроль за рациональным, экономным, эффективным и целевым использованием выделенных средств, результаты опубликовать в средствах массовой информации.
Республиканской комиссии по подготовке спортсменов Узбекистана к Олимпийским и Паралимпийским играм (А. Арипов, А. Абдухакимов) принять меры по награждению организаций-спонсоров, показавших высокие показатели в процессе подготовки к Олимпийским и Паралимпийским играм, при необходимости, внести предложения.
4. Министру развития спорта А. Икрамову совместно с Национальным олимпийским комитетом Узбекистана, Национальным паралимпийским комитетом Узбекистана, Министерством финансов, Советом Министров Республики Каракалпакстан, хокимиятами областей и города Ташкента, другими заинтересованными министерствами и ведомствами, а также с привлечением соответствующих спортивных федераций (ассоциаций) разработать и внести в установленном порядке в Администрацию Президента Республики Узбекистан проекты постановлений Президента Республики Узбекистан по развитию:
в срок до 1 мая 2022 года — вида спорта «дзюдо»;
в срок до 1 июня 2022 года — видов спорта «таэквондо (WT)» и «спортивная борьба»
5. Министру развития спорта А. Икрамову с привлечением Национального олимпийского комитета Узбекистана, Национального паралимпийского комитета Узбекистана, Ассоциации зимних видов спорта Узбекистана и соответствующих спортивных федераций (ассоциаций) и исходя из результатов XXIV зимних Олимпийских игр и XIII Паралимпийских игр, прошедших в 2022 году в городе Пекине (Китай), в срок до 1 июля 2022 года разработать и внести в установленном порядке в Администрацию Президента Республики Узбекистан проект постановления Президента Республики Узбекистан, предусматривающий комплексную подготовку спортсменов Узбекистана к XXV зимним Олимпийским играм и XIV Паралимпийским играм, проводимым в 2026 году в городе Милане (Италия).
6. Установить порядок, в соответствии с которым сокращение количества лицензий на участие в Олимпийских и Паралимпийских играх, а также видов спорта, участвующих в данных играх, определенных постановлением Кабинета Министров, осуществляется Республиканской комиссией по согласованию с соответствующими подразделениями Администрации Президента Республики Узбекистан.
8. Возложить на заместителя Премьер-министра А.А. Абдухакимова, председателя Национального олимпийского комитета Узбекистана Р.М. Шаабдурахманова и председателя Национального паралимпийского комитета Узбекистана М.М. Ташходжаева персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова.
О результативности осуществляемых мер информировать Президента Республики Узбекистан ежегодно до 1 января.
Президент Республики Узбекистан Ш. МИРЗИЁЕВ
г. Ташкент,
14 февраля 2022 г.,
№ ПП-127