📅 2022-yil 16-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 16 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 февраля 2022 г. · Постановления Президента
Официальный текст. Официальный документ. Редакционные примечания не включены.
📅 16 February 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Ўзбекистон Республикаси Миллий гвардияси Ҳарбий мусиқа академик лицейини ташкил этиш тўғрисида
Ўзбекистон Республикаси Миллий гвардиясида кадрларни тайёрлашнинг узлуксиз тизимини такомиллаштириш, Ўзбекистон Республикаси Қуролли Кучлари таркибидаги ҳарбий оркестр жамоалари, шунингдек, бошқа оркестр ва бадиий жамоалар учун дамли ва зарбли чолғулар ижрочилиги йўналишида кадрларни мақсадли тайёрлаш тизимини самарали ташкил этиш мақсадида:
1. Ўзбекистон Республикаси Миллий гвардияси, Маданият вазирлиги, Олий ва ўрта махсус таълим вазирлиги ҳамда Халқ таълими вазирлигининг Ўзбекистон Республикаси Миллий гвардияси Республика ихтисослаштирилган мусиқа академик лицейи негизида Ўзбекистон Республикаси Миллий гвардияси Ҳарбий мусиқа академик лицейини (кейинги ўринларда — Ҳарбий мусиқа академик лицейи) ташкил этиш тўғрисидаги таклифига розилик берилсин.
2. Қуйидагилар Ҳарбий мусиқа академик лицейининг асосий вазифалари этиб белгилансин:
умумий ўрта ҳамда ўрта махсус таълимнинг давлат таълим стандартлари талабларига мувофиқ сифатли ўқитишни ташкил этиш;
умумий мусиқий билимларнинг бошланғич асосларини ўргатиш ҳамда дамли ва зарбли чолғулар ижрочилиги йўналишида етук кадрларни тайёрлаш;
халқаро танловларда муносиб қатнашадиган иқтидорли ёш мусиқачиларни тайёрлаш учун уларнинг билим ва кўникмаларини ривожлантиришга йўналтирилган замонавий ўқув дастурлари ва услубларини жорий этиш;
таълим жараёнига замонавий педагогик ва инновацион технологияларни, маданият ва санъат соҳасидаги илм-фан бўйича эришилган илғор ютуқларни татбиқ этиш;
ҳарбий оркестрлар, шунингдек, бошқа вазирлик ва идоралар оркестр ва бадиий жамоалари учун малакали кадрлар захирасини шакллантириш;
Ватанга садоқат, ўз халқининг маънавий ва тарихий қадриятларига ҳурмат руҳида тарбияланган ёшларни, шунингдек, Ўзбекистон Республикаси Қуролли Кучлари ва давлат хизмати учун кадрлар резервини шакллантириш мақсадида республиканинг олий, олий ҳарбий ва ихтисослаштирилган таълим муассасаларига ўқишга кириши учун муносиб номзодларни мақсадли тайёрлаш;
ўқувчиларнинг маънавий ва эстетик ривожланиши учун кенг имкониятлар яратиш, уларнинг истеъдодини ва маданий савиясини ҳар томонлама юксалтириш.
3. Ўзбекистон Республикаси Миллий гвардияси Ҳарбий мусиқа академик лицейи офицерлар таркибининг ҳарбий унвонлари ва лавозимлар бўйича тариф разрядлари рўйхати иловага мувофиқ тасдиқлансин.
4. Ўзбекистон Республикаси Миллий гвардияси, Маданият вазирлиги ҳамда Олий ва ўрта махсус таълим вазирлигининг Ҳарбий мусиқа академик лицейига илмий-методик ёрдам кўрсатиш мақсадида Ўзбекистон давлат консерваторияси, Низомий номидаги Тошкент давлат педагогика университети ва Ўзбекистон Республикаси Жамоат хавфсизлиги университетини бириктириш тўғрисидаги таклифига розилик берилсин.
5. Белгилаб қўйилсинки:
а) Ҳарбий мусиқа академик лицейида:
мусиқа таълими ва ўқув жараёнининг узлуксизлигини таъминлаш мақсадида истисно тариқасида, мавжуд умумий ўрта таълим синфлари сақлаб қолинади;
ўқувчилар қонун ҳужжатларида белгиланган нормаларга мувофиқ, бепул тураржой ва озиқ-овқат билан таъминланади;
1-2-босқич ўқувчилари Ўзбекистон Республикаси Миллий гвардияси қўмондони томонидан тасдиқланган бепул кийим-бош билан таъминланади;
ўқитиш умумий ўрта ҳамда ўрта махсус таълимнинг давлат таълим стандартлари ўқув режалари ва ўқув дастурлари асосида «Дамли ва зарбли чолғулар ижрочилиги» таълим йўналиши бўйича амалга оширилади;
битирувчиларга давлат намунасидаги диплом, қонун ҳужжатларига мувофиқ, оркестр артисти малака даражаси ҳамда кўкрак нишони берилади;
б) Ҳарбий мусиқа академик лицейини молиялаштириш, шу жумладан унинг моддий-техника базасини мустаҳкамлаш Ўзбекистон Республикаси Миллий гвардияси томонидан Ўзбекистон Республикаси Давлат бюджети маблағлари ва қонун ҳужжатларида тақиқланмаган бошқа манбалар ҳисобидан амалга оширилади;
в) ўқув-тарбия жараёни самарадорлигини оширишга методик ёрдам кўрсатиш, дарсликлар ва ўқув-методик адабиётлар, мультимедиа иловалари, синф журналлари, ўқувчиларни рейтинг дафтарчалари ва бошқа ҳужжатлар билан таъминлаш, шунингдек, педагог кадрлар малакасини оширишни ташкил этиш тегишлича Ўзбекистон Республикаси Олий таълим, фан ва инновациялар вазирлиги, Мактабгача ва мактаб таълими вазирлиги ҳамда Маданият вазирлиги томонидан белгиланган тартибда амалга оширилади;
г) Ўзбекистон Республикаси Миллий гвардияси умумий сонининг янгидан тақсимланиш ҳисобига қўшимча 3 та офицерлар таркибидаги штат бирлиги киритилади;
д) Ҳарбий мусиқа академик лицейининг ишчи ва хизматчиларига мавжуд академик лицейларнинг тегишли лавозимлари учун белгиланган меҳнатга ҳақ тўлаш миқдорлари ва шартлари қўлланилади ҳамда улар қонун ҳужжатларида назарда тутилган ҳуқуқ ва имтиёзлардан фойдаланади;
е) Ҳарбий-мусиқа академик лицейи битирувчиларига Ўзбекистон Республикаси олий ҳарбий таълим муассасаларига ўқишга киришда Билим ва малакаларни баҳолаш агентлиги томонидан ўтказиладиган тест синовларида ўзлари тўплаган балларнинг 30 фоизи миқдоридаги, республиканинг бошқа давлат олий таълим муассасаларига ўқишга киришда эса ўзлари тўплаган балларнинг 15 фоизи (шу жумладан, ижодий имтиҳонлар бўйича) миқдоридаги қўшимча баллар кўринишида имтиёз берилади;
ж) Ҳарбий мусиқа академик лицейи Ўзбекистон Республикаси Миллий гвардиясининг Республика ихтисослаштирилган мусиқа академик лицейининг барча ҳуқуқлари, мажбуриятлари ва шартномалари бўйича унинг ҳуқуқий вориси ҳисобланади.
6. Ўзбекистон Республикаси Миллий гвардияси:
а) бир ой муддатда:
Ҳарбий мусиқа академик лицейининг ташкилий-штат тузилмаси, штат жадвали ва уставини тасдиқласин ҳамда уставнинг белгиланган тартибда давлат рўйхатидан ўтказилишини таъминласин;
Ҳарбий мусиқа академик лицейи ўқувчиларининг кийим-бош формаси ва кўкрак нишони намуналарини тасдиқласин;
б) вазирлик ва идоралар билан биргаликда қонунчиликка ушбу қарордан келиб чиқадиган ўзгартиш ва қўшимчалар тўғрисида икки ой муддатда Ўзбекистон Республикаси Вазирлар Маҳкамасига таклифлар киритсин.
7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президентининг 2022 йил 16 февралдаги ПҚ-129-сон қарорига ИЛОВА
Ўзбекистон Республикаси Миллий гвардияси Ҳарбий мусиқа академик лицейи офицерлар таркибининг ҳарбий унвонлари ва лавозимлар бўйича тариф разрядлари
Т/р Лавозим номи Ҳарбий унвон Тариф разряди 1. Ҳарбий мусиқа академик лицейи директорининг ҳарбий ва жисмоний тайёргарлик бўйича ўринбосари подполковник 14,1 2. Ҳарбий мусиқа академик лицейи ўқув курси командири майор 9,2
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 16 февраль,
ПҚ-129-сон
Oʻzbekiston Respublikasi Prezidentining
Qarori
ROʻYXATI
Oʻzbekiston Respublikasi Milliy gvardiyasi Harbiy musiqa akademik litseyini tashkil etish toʻgʻrisida
Oʻzbekiston Respublikasi Milliy gvardiyasida kadrlarni tayyorlashning uzluksiz tizimini takomillashtirish, Oʻzbekiston Respublikasi Qurolli Kuchlari tarkibidagi harbiy orkestr jamoalari, shuningdek, boshqa orkestr va badiiy jamoalar uchun damli va zarbli cholgʻular ijrochiligi yoʻnalishida kadrlarni maqsadli tayyorlash tizimini samarali tashkil etish maqsadida:
1. Oʻzbekiston Respublikasi Milliy gvardiyasi, Madaniyat vazirligi, Oliy va oʻrta maxsus taʼlim vazirligi hamda Xalq taʼlimi vazirligining Oʻzbekiston Respublikasi Milliy gvardiyasi Respublika ixtisoslashtirilgan musiqa akademik litseyi negizida Oʻzbekiston Respublikasi Milliy gvardiyasi Harbiy musiqa akademik litseyini (keyingi oʻrinlarda — Harbiy musiqa akademik litseyi) tashkil etish toʻgʻrisidagi taklifiga rozilik berilsin.
2. Quyidagilar Harbiy musiqa akademik litseyining asosiy vazifalari etib belgilansin:
umumiy oʻrta hamda oʻrta maxsus taʼlimning davlat taʼlim standartlari talablariga muvofiq sifatli oʻqitishni tashkil etish;
umumiy musiqiy bilimlarning boshlangʻich asoslarini oʻrgatish hamda damli va zarbli cholgʻular ijrochiligi yoʻnalishida yetuk kadrlarni tayyorlash;
xalqaro tanlovlarda munosib qatnashadigan iqtidorli yosh musiqachilarni tayyorlash uchun ularning bilim va koʻnikmalarini rivojlantirishga yoʻnaltirilgan zamonaviy oʻquv dasturlari va uslublarini joriy etish;
taʼlim jarayoniga zamonaviy pedagogik va innovatsion texnologiyalarni, madaniyat va sanʼat sohasidagi ilm-fan boʻyicha erishilgan ilgʻor yutuqlarni tatbiq etish;
harbiy orkestrlar, shuningdek, boshqa vazirlik va idoralar orkestr va badiiy jamoalari uchun malakali kadrlar zaxirasini shakllantirish;
Vatanga sadoqat, oʻz xalqining maʼnaviy va tarixiy qadriyatlariga hurmat ruhida tarbiyalangan yoshlarni, shuningdek, Oʻzbekiston Respublikasi Qurolli Kuchlari va davlat xizmati uchun kadrlar rezervini shakllantirish maqsadida respublikaning oliy, oliy harbiy va ixtisoslashtirilgan taʼlim muassasalariga oʻqishga kirishi uchun munosib nomzodlarni maqsadli tayyorlash;
oʻquvchilarning maʼnaviy va estetik rivojlanishi uchun keng imkoniyatlar yaratish, ularning isteʼdodini va madaniy saviyasini har tomonlama yuksaltirish.
3. Oʻzbekiston Respublikasi Milliy gvardiyasi Harbiy musiqa akademik litseyi ofitserlar tarkibining harbiy unvonlari va lavozimlar boʻyicha tarif razryadlari roʻyxati ilovaga muvofiq tasdiqlansin.
4. Oʻzbekiston Respublikasi Milliy gvardiyasi, Madaniyat vazirligi hamda Oliy va oʻrta maxsus taʼlim vazirligining Harbiy musiqa akademik litseyiga ilmiy-metodik yordam koʻrsatish maqsadida Oʻzbekiston davlat konservatoriyasi, Nizomiy nomidagi Toshkent davlat pedagogika universiteti va Oʻzbekiston Respublikasi Jamoat xavfsizligi universitetini biriktirish toʻgʻrisidagi taklifiga rozilik berilsin.
5. Belgilab qoʻyilsinki:
a) Harbiy musiqa akademik litseyida:
musiqa taʼlimi va oʻquv jarayonining uzluksizligini taʼminlash maqsadida istisno tariqasida, mavjud umumiy oʻrta taʼlim sinflari saqlab qolinadi;
oʻquvchilar qonun hujjatlarida belgilangan normalarga muvofiq, bepul turarjoy va oziq-ovqat bilan taʼminlanadi;
1-2-bosqich oʻquvchilari Oʻzbekiston Respublikasi Milliy gvardiyasi qoʻmondoni tomonidan tasdiqlangan bepul kiyim-bosh bilan taʼminlanadi;
oʻqitish umumiy oʻrta hamda oʻrta maxsus taʼlimning davlat taʼlim standartlari oʻquv rejalari va oʻquv dasturlari asosida “Damli va zarbli cholgʻular ijrochiligi” taʼlim yoʻnalishi boʻyicha amalga oshiriladi;
bitiruvchilarga davlat namunasidagi diplom, qonun hujjatlariga muvofiq, orkestr artisti malaka darajasi hamda koʻkrak nishoni beriladi;
b) Harbiy musiqa akademik litseyini moliyalashtirish, shu jumladan uning moddiy-texnika bazasini mustahkamlash Oʻzbekiston Respublikasi Milliy gvardiyasi tomonidan Oʻzbekiston Respublikasi Davlat budjeti mablagʻlari va qonun hujjatlarida taqiqlanmagan boshqa manbalar hisobidan amalga oshiriladi;
v) oʻquv-tarbiya jarayoni samaradorligini oshirishga metodik yordam koʻrsatish, darsliklar va oʻquv-metodik adabiyotlar, multimedia ilovalari, sinf jurnallari, oʻquvchilarni reyting daftarchalari va boshqa hujjatlar bilan taʼminlash, shuningdek, pedagog kadrlar malakasini oshirishni tashkil etish tegishlicha Oʻzbekiston Respublikasi Oliy taʼlim, fan va innovatsiyalar vazirligi, Maktabgacha va maktab taʼlimi vazirligi hamda Madaniyat vazirligi tomonidan belgilangan tartibda amalga oshiriladi;
g) Oʻzbekiston Respublikasi Milliy gvardiyasi umumiy sonining yangidan taqsimlanish hisobiga qoʻshimcha 3 ta ofitserlar tarkibidagi shtat birligi kiritiladi;
d) Harbiy musiqa akademik litseyining ishchi va xizmatchilariga mavjud akademik litseylarning tegishli lavozimlari uchun belgilangan mehnatga haq toʻlash miqdorlari va shartlari qoʻllaniladi hamda ular qonun hujjatlarida nazarda tutilgan huquq va imtiyozlardan foydalanadi;
e) Harbiy-musiqa akademik litseyi bitiruvchilariga Oʻzbekiston Respublikasi oliy harbiy taʼlim muassasalariga oʻqishga kirishda Bilim va malakalarni baholash agentligi tomonidan oʻtkaziladigan test sinovlarida oʻzlari toʻplagan ballarning 30 foizi miqdoridagi, respublikaning boshqa davlat oliy taʼlim muassasalariga oʻqishga kirishda esa oʻzlari toʻplagan ballarning 15 foizi (shu jumladan, ijodiy imtihonlar boʻyicha) miqdoridagi qoʻshimcha ballar koʻrinishida imtiyoz beriladi;
j) Harbiy musiqa akademik litseyi Oʻzbekiston Respublikasi Milliy gvardiyasining Respublika ixtisoslashtirilgan musiqa akademik litseyining barcha huquqlari, majburiyatlari va shartnomalari boʻyicha uning huquqiy vorisi hisoblanadi.
6. Oʻzbekiston Respublikasi Milliy gvardiyasi:
a) bir oy muddatda:
Harbiy musiqa akademik litseyining tashkiliy-shtat tuzilmasi, shtat jadvali va ustavini tasdiqlasin hamda ustavning belgilangan tartibda davlat roʻyxatidan oʻtkazilishini taʼminlasin;
Harbiy musiqa akademik litseyi oʻquvchilarining kiyim-bosh formasi va koʻkrak nishoni namunalarini tasdiqlasin;
b) vazirlik va idoralar bilan birgalikda qonunchilikka ushbu qarordan kelib chiqadigan oʻzgartish va qoʻshimchalar toʻgʻrisida ikki oy muddatda Oʻzbekiston Respublikasi Vazirlar Mahkamasiga takliflar kiritsin.
7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidentining 2022-yil 16-fevraldagi PQ-129-son qaroriga ILOVA
Oʻzbekiston Respublikasi Milliy gvardiyasi Harbiy musiqa akademik litseyi ofitserlar tarkibining harbiy unvonlari va lavozimlar boʻyicha tarif razryadlari
T/r Lavozim nomi Harbiy unvon Tarif razryadi 1. Harbiy musiqa akademik litseyi direktorining harbiy va jismoniy tayyorgarlik boʻyicha oʻrinbosari podpolkovnik 14,1 2. Harbiy musiqa akademik litseyi oʻquv kursi komandiri mayor 9,2
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 16-fevral,
PQ-129-son
Президента Республики Узбекистан
Постановление
ПЕРЕЧЕНЬ
Об образовании Военно-музыкального академического лицея Национальной гвардии Республики Узбекистан
В целях совершенствования непрерывной системы подготовки кадров в Национальной гвардии Республики Узбекистан, эффективного создания системы целенаправленной подготовки специалистов для коллективов военных оркестров в составе Вооруженных Сил Республики Узбекистан, а также других оркестровых и художественных коллективов по направлению исполнительства духовых и ударных инструментов:
1. Согласиться с предложением Национальной гвардии, Министерства культуры, Министерства высшего и среднего специального образования и Министерства народного образования Республики Узбекистан об образовании Военно-музыкального академического лицея Национальной гвардии Республики Узбекистан (далее — Военно-музыкальный академический лицей) на базе Республиканского специализированного академического лицея музыки Национальной гвардии Республики Узбекистан.
2. Основными задачами Военно-музыкального академического лицея определить:
организацию качественного обучения в соответствии с требованиями государственных образовательных стандартов общего и среднего специального образования;
обучение начальным основам по общим музыкальным знаниям и подготовку высококвалифицированных кадров по направлению исполнительства духовых и ударных инструментов;
внедрение современных учебных программ и методов, направленных на развитие знаний и навыков для подготовки одаренных молодых музыкантов, способных достойно участвовать в международных конкурсах;
интеграцию современных педагогических и инновационных технологий и передовых научных достижений в области культуры и искусства в образовательный процесс;
формирование резерва квалифицированных кадров для военных оркестров, а также оркестровых и художественных коллективов других министерств и ведомств;
целенаправленную подготовку молодежи, воспитанной в духе преданности Родине, уважения духовных и исторических ценностей нашего народа, а также достойных кандидатов для поступления в высшие, высшие военные и специализированные образовательные учреждения страны в целях формирования резерва кадров для Вооруженных Сил Республики Узбекистан и государственной службы;
создание широких возможностей для духовного и эстетического роста, всестороннего развития таланта и культурного уровня учащихся.
3. Утвердить перечень тарифных разрядов воинских званий и должностей офицерского состава Военно-музыкального академического лицея Национальной гвардии Республики Узбекистан согласно приложению .
4. Согласиться с предложениями Национальной гвардии, Министерства культуры и Министерства высшего и среднего специального образования Республики Узбекистан о закреплении Государственной консерватории Узбекистана, Ташкентского государственного педагогического университета имени Низами и Университета общественной безопасности Республики Узбекистан за Военно-музыкальным академическим лицеем в целях оказания научно-методической помощи.
5. Определить, что:
а) в Военно-музыкальном академическом лицее:
в целях обеспечения непрерывности музыкального образования и учебного процесса, в порядке исключения, сохраняются существующие классы общего среднего образования;
учащиеся обеспечиваются бесплатным проживанием в общежитии и питанием в соответствии с нормами, установленными актами законодательства;
учащиеся 1-2 курсов обеспечиваются бесплатным обмундированием, утверждаемым командующим Национальной гвардией Республики Узбекистан;
обучение ведется на основе учебных планов и учебных программ государственных образовательных стандартов общего среднего и среднего специального образования по направлению образования «Инструментальное исполнительство духовых и ударных инструментов»;
выпускникам выдается диплом государственного образца, нагрудный знак и присваивается квалификация «артист оркестра» в соответствии с актами законодательства;
б) финансирование Военно-музыкального академического лицея, в том числе укрепление его материально-технической базы, осуществляется Национальной гвардией Республики Узбекистан за счет средств Государственного бюджета Республики Узбекистан и иных источников, не запрещенных актами законодательства;
в) оказание методической помощи по повышению эффективности учебно-воспитательного процесса, обеспечение учебниками и учебно-методической литературой, мультимедийными приложениями, классными журналами, рейтинговыми книжками учащихся и другими документами, а также организация повышения квалификации педагогических кадров осуществляются Министерством высшего образования, науки и инноваций, Министерством дошкольного и школьного образования и Министерством культуры Республики Узбекистан в установленном порядке;
г) вводятся дополнительно 3 штатные единицы офицерского состава за счет перераспределения общей численности Национальной гвардии Республики Узбекистан;
д) к рабочим и служащим Военно-музыкального академического лицея применяются размеры и условия оплаты труда, определенные для соответствующих должностей имеющихся академических лицеев, также они пользуются правами и льготами, предусмотренными актами законодательства;
е) выпускникам Военно-музыкального академического лицея при поступлении в высшие военные образовательные учреждения Республики Узбекистан к набранным баллам тестовых испытаний, проводимых Агентством по оценке знаний и квалификаций, предоставляется льгота в виде дополнительных баллов в размере 30 процентов от набранных ими баллов, а при поступлении в другие государственные высшие образовательные учреждения республики — 15 процентов от набранных ими баллов (в том числе по творческим экзаменам);
ж) Военно-музыкальный академический лицей по всем правам, обязательствам и договорам считается правопреемником Республиканского специализированного академического лицея музыки Национальной гвардии Республики Узбекистан.
6. Национальной гвардии Республики Узбекистан:
а) в месячный срок:
утвердить организационно-штатную структуру, штатное расписание и устав Военно-музыкального академического лицея, а также обеспечить проведение государственной регистрации устава в установленном порядке;
утвердить образцы формы одежды и нагрудного знака учащихся Военно-музыкального академического лицея;
б) совместно с министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в акты законодательства, вытекающих из настоящего постановления.
7. Контроль за исполнением настоящего постановления возложить на Премьер-министра Республики Узбекистан А.Н. Арипова и Секретаря Совета безопасности при Президенте Республики Узбекистан В.В. Махмудова.
ПРИЛОЖЕНИЕ к постановлению Президента Республики Узбекистан от 16 февраля 2022 года № ПП-129
тарифных разрядов воинских званий и должностей офицерского состава Военно-музыкального академического лицея Национальной гвардии Республики Узбекистан
№ Наименование должности Воинское звание Тарифный разряд 1. Заместитель директора Военно-музыкального академического лицея по военной и физической подготовке подполковник 14,1 2. Командир учебного курса Военно-музыкального академического лицея майор 9,2
Президент Республики Узбекистан Ш. МИРЗИЁЕВ
г. Ташкент,
16 февраля 2022 г.,
№ ПП-129