📅 2022-yil 16-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 16 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 февраля 2022 г. · Постановления Президента
Официальный текст. Официальный документ. Редакционные примечания не включены.
📅 16 February 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Экология ва атроф-муҳитни муҳофаза қилиш давлат қўмитаси тизимида муҳофаза этиладиган табиий ҳудудларни ташкил этиш чора-тадбирлари тўғрисида
Сўнгги йилларда табиий ҳудудларни сақлаб қолиш ва уларни қайта тиклаш, экологик муҳитни яхшилаш, табиий ресурслардан оқилона фойдаланишни таъминлаш мақсадида муҳофаза этиладиган табиий ҳудудларни кенгайтириш ва ривожлантириш бўйича комплекс чора-тадбирлар амалга оширилмоқда.
Хусусан, 2018 — 2021 йиллар давомида Угом-Чотқол давлат биосфера резервати, Хоразм ва «Жанубий Устюрт» миллий табиат боғлари ҳамда «Судочье-Акпетки» давлат буюртма қўриқхонаси ташкил этилиб, муҳофаза этиладиган табиий ҳудудларнинг мамлакат ҳудудидаги улуши қарийб икки бараварга ортди.
Республикада «Қизил китоб»га киритилган ўсимлик ва ҳайвонот дунёсининг ноёб ҳамда йўқолиб бораётган турларини қамраб олган, ўзига хос, қимматли табиий объектлар ва мажмуалар мавжуд бўлиб, уларни сақлаб қолиш ва қайта тиклаш муҳим аҳамият касб этади.
Муҳофаза этиладиган табиий ҳудудлар майдонини кенгайтириш, экологик қимматга эга бўлган табиий объектлар ва мажмуаларни, ўсимлик ва ҳайвонот дунёсининг ноёб ва йўқолиб бораётган турларини сақлаб қолиш ҳамда уларни қайта тиклаш мақсадида:
1. Экология ва атроф-муҳитни муҳофаза қилиш давлат қўмитаси (кейинги ўринларда — Давлат экология қўмитаси), Ипакчилик ва жун саноатини ривожлантириш қўмитаси ҳамда Навоий вилояти ҳокимлигининг:
муҳофаза этиладиган табиий ҳудудлар ташкил этиш учун Ипакчилик ва жун саноатини ривожлантириш қўмитасига доимий эгалик ҳуқуқи асосида тегишли бўлган Учқудуқ туманидаги 694 205,5 гектар ҳамда Томди туманидаги 40 000 гектар ер майдонларини захирага қайтариш;
давлат табиатни муҳофаза қилиш муассасаси шаклида Учқудуқ туманида умумий майдони 1 200 000 гектар бўлган «Марказий Қизилқум» миллий табиат боғини ва Томди туманида умумий майдони 40 000 гектар бўлган «Оқтоғ-Томди» давлат қўриқхонасини ташкил этиш тўғрисидаги таклифлари маъқуллансин.
2. Қуйидагилар:
«Марказий Қизилқум» миллий табиат боғи учун ажратиладиган умумий майдони 1-иловага мувофиқ;
«Марказий Қизилқум» миллий табиат боғининг қўриқхона, рекреация ва хўжалик мақсадида фойдаланиш зоналари учун ажратиладиган ер майдонлари 2-иловага мувофиқ;
«Оқтоғ-Томди» давлат қўриқхонасининг қўриқхона ҳудуди учун ажратиладиган ер майдонлари 3-иловага мувофиқ тасдиқлансин.
3. Белгилансинки:
«Марказий Қизилқум» миллий табиат боғининг хўжалик мақсадида фойдаланиш зонасидаги ерлар ушбу ҳудудларда жойлашган ердан фойдаланувчилар ва ижарачилар ихтиёрида қолади;
«Марказий Қизилқум» миллий табиат боғи ва «Оқтоғ-Томди» давлат қўриқхонасининг муассиси Давлат экология қўмитаси ҳисобланади.
4. Қуйидагилар «Марказий Қизилқум» миллий табиат боғи ва «Оқтоғ-Томди» давлат қўриқхонаси фаолиятини молиялаштириш манбалари этиб белгилансин:
2022 йилда — Давлат экология қўмитасининг Экология, атроф муҳитни муҳофаза қилиш ва чиқиндилар билан боғлиқ ишларни амалга ошириш жамғармаси маблағлари ҳамда қонунчилик ҳужжатларида тақиқланмаган бошқа манбалар;
2023 йилдан бошлаб — Навоий вилояти маҳаллий бюджети маблағлари, Давлат экология қўмитасининг Экология, атроф муҳитни муҳофаза қилиш ва чиқиндилар билан боғлиқ ишларни амалга ошириш жамғармаси маблағлари ҳамда қонунчилик ҳужжатларида тақиқланмаган бошқа манбалар.
5. Ипакчилик ва жун саноатини ривожлантириш қўмитаси Навоий вилояти ҳокимлиги билан биргаликда икки ой муддатда Ўзбекистон Республикаси Президентининг 2020 йил 2 сентябрдаги ПФ-6059-сон Фармони билан тасдиқланган 2021 — 2025 йилларга мўлжалланган қоракўлчиликни ривожлантиришнинг мақсадли параметрларига ушбу қарордан келиб чиқиб тегишли ўзгартиришлар киритиш бўйича Вазирлар Маҳкамасига таклиф киритсин.
6. Навоий вилояти ҳокимлиги:
а) икки ой муддатда:
ушбу қарорнинг 1-банди иккинчи хатбошисига мувофиқ ер майдонларининг белгиланган тартибда захирага қайтариб олинишини, шунингдек, ушбу ер майдонларининг тегишлилиги бўйича «Марказий Қизилқум» миллий табиат боғи ва «Оқтоғ-Томди» давлат қўриқхонасига доимий фойдаланиш ҳуқуқи билан ажратиб берилишини;
Давлат экология қўмитаси, Ипакчилик ва жун саноатини ривожлантириш қўмитаси, Давлат геология ва минерал ресурслар қўмитаси ҳамда «Навоий кон-металлургия комбинати» АЖ билан биргаликда «Марказий Қизилқум» миллий табиат боғининг қўриқхона, рекреация ва хўжалик мақсадида фойдаланиш зоналари, шунингдек, «Оқтоғ-Томди» давлат қўриқхонасининг қўриқхона ҳудуди аниқ чегаралари белгиланишини;
Кадастр агентлиги билан биргаликда белгиланган тартибда «Марказий Қизилқум» миллий табиат боғи ва «Оқтоғ-Томди» давлат қўриқхонаси учун ажратилган ер майдонларининг ҳужжатлари расмийлаштирилишини;
б) уч ой муддатда Давлат активларини бошқариш агентлиги билан биргаликда «Марказий Қизилқум» миллий табиат боғи ва «Оқтоғ-Томди» давлат қўриқхонаси ижро этувчи аппаратларини оператив бошқарув ҳуқуқи асосида жойлаштириш учун Учқудуқ ва Томди туманларидан тегишли бинолар ажратилишини таъминласин.
7. Давлат экология қўмитаси икки ой муддатда:
«Марказий Қизилқум» миллий табиат боғи ва «Оқтоғ-Томди» давлат қўриқхонасининг ижро этувчи тузилмаларини тасдиқлаб, улар белгиланган тартибда давлат рўйхатидан ўтказилишини таъминласин;
«Марказий Қизилқум» миллий табиат боғи ва «Оқтоғ-Томди» давлат қўриқхонасини малакали мутахассислар билан тўлдирсин;
қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
8. Мазкур қарорнинг ижросини самарали ташкил қилишга масъул ва шахсий жавобгар этиб Давлат экология қўмитаси раиси Н.Н. Обломурадов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазирнинг биринчи ўринбосари А.Ж. Раматов зиммасига юклансин.
Амалга оширилган чора-тадбирларнинг натижадорлиги тўғрисида 2022 йил 1 июнга қадар Ўзбекистон Республикаси Президентига ахборот киритилсин.
Ўзбекистон Республикаси Президентининг 2022 йил 16 февралдаги ПҚ-131-сон қарорига 1-ИЛОВА
«Марказий Қизилқум» миллий табиат боғи учун ажратиладиган ерларнинг умумий майдони
Ҳудуд номи Ердан фойдаланувчилар Ер майдони (га) Ер тоифалари Учқудуқ тумани «Марказий Қизилқум» миллий табиат боғига доимий фойдаланиш ҳуқуқи билан ажратиладиган ер майдони 694 205,5 * Яйлов ерлари Учқудуқ давлат ўрмон хўжалиги 285 294,5 Ўрмон фонди ерлари Ипакчилик ва жун саноатини ривожлантириш қўмитаси 220 500 Яйлов ерлари Жами: 1 200 000
Ўзбекистон Республикаси Президентининг 2022 йил 16 февралдаги ПҚ-131-сон қарорига 2-ИЛОВА
«Марказий Қизилқум» миллий табиат боғининг қўриқхона, рекреация ва хўжалик мақсадида фойдаланиш зоналари учун ажратиладиган ер майдонлари
Зоналар номи Ер майдони (га) Ер тоифалари Қўриқхона зонаси 674 205,5 Яйлов ерлари Рекреация зонаси 20 000 Яйлов ерлари Хўжалик мақсадида фойдаланиш зонаси 505 794,5 Ўрмон фонди ва яйлов ерлари Жами: 1 200 000
Ўзбекистон Республикаси Президентининг 2022 йил 16 февралдаги ПҚ-131-сон қарорига 3-ИЛОВА
«Оқтоғ-Томди» давлат қўриқхонасининг қўриқхона ҳудуди учун ажратиладиган ер майдонлари
Ҳудуд номи Объект номи Амалда ердан фойдаланувчи Ер майдони (га) Ер тоифаси Томди тумани «Оқтоғ-Томди» давлат қўриқхонаси * Ипакчилик ва жун саноатини ривожлантириш қўмитаси 40 000 Яйлов ерлари
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 16 февраль,
ПҚ-131-сон
Oʻzbekiston Respublikasi Prezidentining
Qarori
Oʻzbekiston Respublikasi Ekologiya va atrof-muhitni muhofaza qilish davlat qoʻmitasi tizimida muhofaza etiladigan tabiiy hududlarni tashkil etish chora-tadbirlari toʻgʻrisida
Soʻnggi yillarda tabiiy hududlarni saqlab qolish va ularni qayta tiklash, ekologik muhitni yaxshilash, tabiiy resurslardan oqilona foydalanishni taʼminlash maqsadida muhofaza etiladigan tabiiy hududlarni kengaytirish va rivojlantirish boʻyicha kompleks chora-tadbirlar amalga oshirilmoqda.
Xususan, 2018 — 2021-yillar davomida Ugom-Chotqol davlat biosfera rezervati, Xorazm va “Janubiy Ustyurt” milliy tabiat bogʻlari hamda “Sudochye-Akpetki” davlat buyurtma qoʻriqxonasi tashkil etilib, muhofaza etiladigan tabiiy hududlarning mamlakat hududidagi ulushi qariyb ikki baravarga ortdi.
Respublikada “Qizil kitob”ga kiritilgan oʻsimlik va hayvonot dunyosining noyob hamda yoʻqolib borayotgan turlarini qamrab olgan, oʻziga xos, qimmatli tabiiy obyektlar va majmualar mavjud boʻlib, ularni saqlab qolish va qayta tiklash muhim ahamiyat kasb etadi.
Muhofaza etiladigan tabiiy hududlar maydonini kengaytirish, ekologik qimmatga ega boʻlgan tabiiy obyektlar va majmualarni, oʻsimlik va hayvonot dunyosining noyob va yoʻqolib borayotgan turlarini saqlab qolish hamda ularni qayta tiklash maqsadida:
1. Ekologiya va atrof-muhitni muhofaza qilish davlat qoʻmitasi (keyingi oʻrinlarda — Davlat ekologiya qoʻmitasi), Ipakchilik va jun sanoatini rivojlantirish qoʻmitasi hamda Navoiy viloyati hokimligining:
muhofaza etiladigan tabiiy hududlar tashkil etish uchun Ipakchilik va jun sanoatini rivojlantirish qoʻmitasiga doimiy egalik huquqi asosida tegishli boʻlgan Uchquduq tumanidagi 694 205,5 gektar hamda Tomdi tumanidagi 40 000 gektar yer maydonlarini zaxiraga qaytarish;
davlat tabiatni muhofaza qilish muassasasi shaklida Uchquduq tumanida umumiy maydoni 1 200 000 gektar boʻlgan “Markaziy Qizilqum” milliy tabiat bogʻini va Tomdi tumanida umumiy maydoni 40 000 gektar boʻlgan “Oqtogʻ-Tomdi” davlat qoʻriqxonasini tashkil etish toʻgʻrisidagi takliflari maʼqullansin.
2. Quyidagilar:
“Markaziy Qizilqum” milliy tabiat bogʻi uchun ajratiladigan umumiy maydoni 1-ilovaga muvofiq;
“Markaziy Qizilqum” milliy tabiat bogʻining qoʻriqxona, rekreatsiya va xoʻjalik maqsadida foydalanish zonalari uchun ajratiladigan yer maydonlari 2-ilovaga muvofiq;
“Oqtogʻ-Tomdi” davlat qoʻriqxonasining qoʻriqxona hududi uchun ajratiladigan yer maydonlari 3-ilovaga muvofiq tasdiqlansin.
3. Belgilansinki:
“Markaziy Qizilqum” milliy tabiat bogʻining xoʻjalik maqsadida foydalanish zonasidagi yerlar ushbu hududlarda joylashgan yerdan foydalanuvchilar va ijarachilar ixtiyorida qoladi;
“Markaziy Qizilqum” milliy tabiat bogʻi va “Oqtogʻ-Tomdi” davlat qoʻriqxonasining muassisi Davlat ekologiya qoʻmitasi hisoblanadi.
4. Quyidagilar “Markaziy Qizilqum” milliy tabiat bogʻi va “Oqtogʻ-Tomdi” davlat qoʻriqxonasi faoliyatini moliyalashtirish manbalari etib belgilansin:
2022-yilda — Davlat ekologiya qoʻmitasining Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari hamda qonunchilik hujjatlarida taqiqlanmagan boshqa manbalar;
2023-yildan boshlab — Navoiy viloyati mahalliy budjeti mablagʻlari, Davlat ekologiya qoʻmitasining Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari hamda qonunchilik hujjatlarida taqiqlanmagan boshqa manbalar.
5. Ipakchilik va jun sanoatini rivojlantirish qoʻmitasi Navoiy viloyati hokimligi bilan birgalikda ikki oy muddatda Oʻzbekiston Respublikasi Prezidentining 2020-yil 2-sentabrdagi PF-6059-son Farmoni bilan tasdiqlangan 2021 — 2025-yillarga moʻljallangan qorakoʻlchilikni rivojlantirishning maqsadli parametrlariga ushbu qarordan kelib chiqib tegishli oʻzgartirishlar kiritish boʻyicha Vazirlar Mahkamasiga taklif kiritsin.
6. Navoiy viloyati hokimligi:
a) ikki oy muddatda:
ushbu qarorning 1-bandi ikkinchi xatboshisiga muvofiq yer maydonlarining belgilangan tartibda zaxiraga qaytarib olinishini, shuningdek, ushbu yer maydonlarining tegishliligi boʻyicha “Markaziy Qizilqum” milliy tabiat bogʻi va “Oqtogʻ-Tomdi” davlat qoʻriqxonasiga doimiy foydalanish huquqi bilan ajratib berilishini;
Davlat ekologiya qoʻmitasi, Ipakchilik va jun sanoatini rivojlantirish qoʻmitasi, Davlat geologiya va mineral resurslar qoʻmitasi hamda “Navoiy kon-metallurgiya kombinati” AJ bilan birgalikda “Markaziy Qizilqum” milliy tabiat bogʻining qoʻriqxona, rekreatsiya va xoʻjalik maqsadida foydalanish zonalari, shuningdek, “Oqtogʻ-Tomdi” davlat qoʻriqxonasining qoʻriqxona hududi aniq chegaralari belgilanishini;
Kadastr agentligi bilan birgalikda belgilangan tartibda “Markaziy Qizilqum” milliy tabiat bogʻi va “Oqtogʻ-Tomdi” davlat qoʻriqxonasi uchun ajratilgan yer maydonlarining hujjatlari rasmiylashtirilishini;
b) uch oy muddatda Davlat aktivlarini boshqarish agentligi bilan birgalikda “Markaziy Qizilqum” milliy tabiat bogʻi va “Oqtogʻ-Tomdi” davlat qoʻriqxonasi ijro etuvchi apparatlarini operativ boshqaruv huquqi asosida joylashtirish uchun Uchquduq va Tomdi tumanlaridan tegishli binolar ajratilishini taʼminlasin.
7. Davlat ekologiya qoʻmitasi ikki oy muddatda:
“Markaziy Qizilqum” milliy tabiat bogʻi va “Oqtogʻ-Tomdi” davlat qoʻriqxonasining ijro etuvchi tuzilmalarini tasdiqlab, ular belgilangan tartibda davlat roʻyxatidan oʻtkazilishini taʼminlasin;
“Markaziy Qizilqum” milliy tabiat bogʻi va “Oqtogʻ-Tomdi” davlat qoʻriqxonasini malakali mutaxassislar bilan toʻldirsin;
qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
8. Mazkur qarorning ijrosini samarali tashkil qilishga masʼul va shaxsiy javobgar etib Davlat ekologiya qoʻmitasi raisi N.N. Oblomuradov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazirning birinchi oʻrinbosari A.J. Ramatov zimmasiga yuklansin.
Amalga oshirilgan chora-tadbirlarning natijadorligi toʻgʻrisida 2022-yil 1-iyunga qadar Oʻzbekiston Respublikasi Prezidentiga axborot kiritilsin.
Oʻzbekiston Respublikasi Prezidentining 2022-yil 16-fevraldagi PQ-131-son qaroriga 1-ILOVA
“Markaziy Qizilqum” milliy tabiat bogʻi uchun ajratiladigan yerlarning umumiy maydoni
Hudud nomi Yerdan foydalanuvchilar Yer maydoni (ga) Yer toifalari Uchquduq tumani “Markaziy Qizilqum” milliy tabiat bogʻiga doimiy foydalanish huquqi bilan ajratiladigan yer maydoni 694 205,5 * Yaylov yerlari Uchquduq davlat oʻrmon xoʻjaligi 285 294,5 Oʻrmon fondi yerlari Ipakchilik va jun sanoatini rivojlantirish qoʻmitasi 220 500 Yaylov yerlari Jami: 1 200 000
Oʻzbekiston Respublikasi Prezidentining 2022-yil 16-fevraldagi PQ-131-son qaroriga 2-ILOVA
“Markaziy Qizilqum” milliy tabiat bogʻining qoʻriqxona, rekreatsiya va xoʻjalik maqsadida foydalanish zonalari uchun ajratiladigan yer maydonlari
Zonalar nomi Yer maydoni (ga) Yer toifalari Qoʻriqxona zonasi 674 205,5 Yaylov yerlari Rekreatsiya zonasi 20 000 Yaylov yerlari Xoʻjalik maqsadida foydalanish zonasi 505 794,5 Oʻrmon fondi va yaylov yerlari Jami: 1 200 000
Oʻzbekiston Respublikasi Prezidentining 2022-yil 16-fevraldagi PQ-131-son qaroriga 3-ILOVA
“Oqtogʻ-Tomdi” davlat qoʻriqxonasining qoʻriqxona hududi uchun ajratiladigan yer maydonlari
Hudud nomi Obyekt nomi Amalda yerdan foydalanuvchi Yer maydoni (ga) Yer toifasi Tomdi tumani “Oqtogʻ-Tomdi” davlat qoʻriqxonasi * Ipakchilik va jun sanoatini rivojlantirish qoʻmitasi 40 000 Yaylov yerlari
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 16-fevral,
PQ-131-son
Президента Республики Узбекистан
Постановление
О мерах по образованию охраняемых природных территорий в системе Государственного комитета Республики Узбекистан по экологии и охране окружающей среды
В последние годы в целях сохранения и восстановления природных территорий, улучшения экологической среды и обеспечения рационального использования природных ресурсов реализуется комплекс мер по расширению и развитию охраняемых природных территорий.
В частности, в течение 2018 — 2021 годов образованы Угам-Чаткальский государственный биосферный резерват, Хорезмский национальный природный парк и Национальный природный парк «Южный Устюрт», а также Государственный заказник «Судочье-Акпетки», доля охраняемых природных территорий на территории страны увеличилась почти в два раза.
В республике имеются включенные в «Красную книгу» редкие и исчезающие виды животного и растительного мира, уникальные и ценные природные объекты и комплексы, сохранение и восстановление которых имеет важное значение.
В целях расширения площади охраняемых природных территорий, сохранения и восстановления имеющих экологическую ценность природных объектов и комплексов, а также редких и исчезающих видов животного и растительного мира:
1. Одобрить предложения Государственного комитета по экологии и охране окружающей среды (далее — Госкомэкологии), Комитета по развитию шелководства и шерстяной промышленности и хокимията Навоийской области:
о возврате в резерв 694 205,5 гектара земельных площадей в Учкудукском районе и 40 000 гектаров земельных площадей в Тамдынском районе, принадлежащих Комитету по развитию шелководства и шерстяной промышленности на основе права постоянного владения, в целях образования охраняемых природных территорий;
об образовании Национального природного парка «Центральный Кызылкум» общей площадью 1 200 000 гектаров в Учкудукском районе и Государственного заповедника «Актау-Тамды» общей площадью 40 000 гектаров в Тамдынском районе в форме государственного природоохранного учреждения.
2. Утвердить:
общую площадь земель, выделяемых для Национального природного парка «Центральный Кызылкум», согласно приложению № 1 ;
земельные площади, выделяемые для заповедной, рекреационной зон и зоны хозяйственного использования Национального природного парка «Центральный Кызылкум», согласно приложению № 2 ;
земельные площади, выделяемые для заповедной зоны Государственного заповедника «Актау-Тамды», согласно приложению № 3 .
3. Установить, что:
земли зоны хозяйственного использования Национального природного парка «Центральный Кызылкум» остаются в распоряжении землепользователей и арендаторов, расположенных на данных территориях;
учредителем Национального природного парка «Центральный Кызылкум» и Государственного заповедника «Актау-Тамды» является Госкомэкологии.
4. Определить источниками финансирования деятельности Национального природного парка «Центральный Кызылкум» и Государственного заповедника «Актау-Тамды»:
в 2022 году — средства Фонда экологии, охраны окружающей среды и обращения с отходами Госкомэкологии, а также иные источники, не запрещенные актами законодательства;
начиная с 2023 года — средства местного бюджета Навоийской области, средства Фонда экологии, охраны окружающей среды и обращения с отходами Госкомэкологии, а также иные источники, не запрещенные актами законодательства.
5. Комитету по развитию шелководства и шерстяной промышленности совместно с хокимиятом Навоийской области в двухмесячный срок исходя из настоящего постановления внести в Кабинет Министров предложение о внесении соответствующих изменений в целевые параметры развития каракулеводства на 2021 — 2025 годы, утвержденные Указом Президента Республики Узбекистан от 2 сентября 2020 года № УП-6059.
6. Хокимияту Навоийской области обеспечить:
а) в двухмесячный срок:
возврат в резерв земельных площадей в соответствии с абзацем вторым пункта 1 настоящего постановления, а также выделение данных земельных площадей Национальному природному парку «Центральный Кызылкум» и Государственному заповеднику «Актау-Тамды» соответственно на основе права постоянного пользования в установленном порядке;
совместно с Госкомэкологии, Комитетом по развитию шелководства и шерстяной промышленности, Государственным комитетом по геологии и минеральным ресурсам, а также АО «Навоийский горно-металлургический комбинат» — определение конкретных границ заповедной, рекреационной зон и зон хозяйственного использования Национального природного парка «Центральный Кызылкум», а также заповедной зоны Государственного заповедника «Актау-Тамды»;
совместно с Агентством по кадастру — оформление в установленном порядке документации земельных площадей, выделенных Национальному природному парку «Центральный Кызылкум» и Государственному заповеднику «Актау-Тамды»;
б) в трехмесячный срок совместно с Агентством по управлению государственными активами — выделение соответствующих зданий для размещения исполнительных аппаратов Национального природного парка «Центральный Кызылкум» и Государственного заповедника «Актау-Тамды» в Укудукском и Тамдынском районах на основе права оперативного управления.
7. Госкомэкологии в двухмесячный срок:
утвердить исполнительные структуры Национального природного парка «Центральный Кызылкум» и Государственного заповедника «Актау-Тамды» и обеспечить их государственную регистрацию в установленном порядке;
укомплектовать Национальный природный парк «Центральный Кызылкум» и Государственный заповедник «Актау-Тамды» квалифицированными специалистами;
внести в Кабинет Министров предложения об изменениях и дополнениях в акты законодательства, вытекающих из настоящего постановления.
8. Возложить на председателя Госкомэкологии Н.Н. Обломурадова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на первого заместителя Премьер-министра А.Ж. Раматова.
О результативности осуществляемых мер информировать Президента Республики Узбекистан в срок до 1 июня 2022 года.
ПРИЛОЖЕНИЕ № 1 к постановлению Президента Республики Узбекистан от 16 февраля 2022 года № ПП-131
Общая площадь земель, выделяемых для Национального природного парка «Центральный Кызылкум»
Наименование района Землепользователи Земельная площадь (га) Категория земель Учкудукский район Земельная площадь, выделяемая Национальному природному парку «Центральный Кызылкум» с правом постоянного пользования 694 205,5 * Пастбищные земли Учкудукское государственное лесное хозяйство 285 294,5 Земли лесного фонда Комитет по развитию шелководства и шерстяной промышленности 220 500 Пастбищные земли Всего: 1 200 000
ПРИЛОЖЕНИЕ № 2 к постановлению Президента Республики Узбекистан от 16 февраля 2022 года № ПП-131
Земельные площади, выделяемые для заповедной, рекреационной зон и зоны хозяйственного использования Национального природного парка «Центральный Кызылкум»
Наименование зон Земельная площадь (га) Категория земель Заповедная зона 674 205,5 Пастбищные земли Рекреационная зона 20 000 Пастбищные земли Зона хозяйственного использования 505 794,5 Земли лесного фонда и пастбищные земли Всего: 1 200 000
ПРИЛОЖЕНИЕ № 3 к постановлению Президента Республики Узбекистан от 16 февраля 2022 года № ПП-131
Земельные площади, выделяемые для заповедной зоны Государственного заповедника «Актау-Тамды»
Наименование района Наименование объекта Действующие землепользователи Земельная площадь (га) Категория земель Тамдынский район Государственный заповедник «Актау-Тамды» * Комитет по развитию шелководства и шерстяной промышленности 40 000 Пастбищные земли
Президент Республики Узбекистан Ш. МИРЗИЁЕВ
г. Ташкент,
16 февраля 2022 г.,
№ ПП-131