📅 2022-yil 17-fevral · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 17 февраль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 17 февраля 2022 г. · Указы Президента
Официальный текст. Официальный документ. Редакционные примечания не включены.
📅 17 February 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ногиронлиги бўлган шахсларни ҳамда аҳолининг ижтимоий ҳимояга муҳтож қатламларини қўллаб-қувватлашнинг қўшимча чора-тадбирлари тўғрисида
Ногиронлиги бўлган шахслар, айниқса, доимий парваришга муҳтож бўлган болаларни парваришлаётган оилаларни давлат томонидан ижтимоий қўллаб-қувватлаш тизимини янада такомиллаштириш, ижтимоий ёрдамнинг замонавий механизмларини амалга оширишда янги ёндашувларни жорий этиш мақсадида:
1. 2022 йил 1 майдан бошлаб ногиронлик пенсиялари, шу жумладан иш стажи тўлиқ бўлмаган чоғдаги ногиронлик пенсияси ҳамда меҳнатга лаёқатсиз фуқароларга бериладиган ногиронлик нафақасининг энг кам миқдори 698 000 сўм этиб белгилансин.
2. Белгилансинки, 2022 йил 1 апрелдан бошлаб:
а) ўзгалар парваришига муҳтож ногиронлиги бўлган 18 ёшгача болаларнинг (кейинги ўринларда — ўзгалар парваришига муҳтож болалар) парвариши билан банд бўлган боланинг қонуний вакилига ҳар ойда 500 000 сўм миқдорида нафақа тўлови (кейинги ўринларда — парваришлаш нафақаси) жорий этилади.
Бунда, парваришлаш нафақасини тўлаш ва етказиб бериш харажатлари Ўзбекистон Республикасининг республика бюджети маблағлари ҳисобидан қопланади;
б) парваришлаш нафақаси фуқаролардан мурожаат талаб этилмаган ҳолда, электрон маълумотлар асосида «проактив шакл»да Ўзбекистон Республикаси Президенти ҳузуридаги Ижтимоий ҳимоя миллий агентлиги томонидан тайинланади ва тўланади.
3. Тиббий-ижтимоий хизматларни ривожлантириш агентлиги (А.К. Инаков) Соғлиқни сақлаш вазирлиги (Б.А. Мусаев) билан биргаликда қуйидаги маълумотларни бюджетдан ташқари Пенсия жамғармасига электрон шаклда тақдим этиб боришни таъминласин:
2022 йил 1 апрелдан бошлаб ўзгалар парваришига муҳтож болалар тўғрисидаги маълумотларни;
2022 йил 1 октябрдан бошлаб ўзгалар парваришига муҳтож болаларнинг қонуний вакиллари тўғрисидаги маълумотларни.
4. Молия вазирлиги (Т.А. Ишметов) Тиббий-ижтимоий хизматларни ривожлантириш агентлиги (А.К. Инаков), Соғлиқни сақлаш вазирлиги (Б.А. Мусаев) билан биргаликда 2022 йилнинг октябрь ойидан бошлаб 18 ёшгача ногиронлиги бўлган болалар ва одамнинг иммунитет танқислиги вируси келтириб чиқарадиган касалликка чалинган 18 ёшгача болаларга тўланадиган нафақаларни ҳамда парваришлаш нафақасини фуқаролардан қўшимча ҳужжатларни талаб этмаган ҳолда «проактив шакл»да тайинлаш тизимини жорий этсин.
5. Молия вазирлиги (Т.А. Ишметов):
ушбу Фармонда белгиланган чора-тадбирлар билан боғлиқ харажатлар бюджетдан ташқари Пенсия жамғармасининг қўшимча даромадлари ҳамда жамғармага республика бюджетидан ажратилиши кўзда тутилган трансфертлар ҳисобидан молиялаштирилишини таъминласин;
келгуси йилларда Ўзбекистон Республикасининг Давлат бюджети параметрларида мазкур Фармоннинг амалга оширилиши билан боғлиқ харажатларни назарда тутсин;
манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
6. Молия вазирлиги, Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги ушбу Фармоннинг мақсади, вазифалари ва бундан кутилаётган натижаларни оммавий ахборот воситалари, Интернет ва ижтимоий тармоқларда кенг ёритиш ишларини ташкил қилсин.
7. Ўзгалар парваришига муҳтож бўлган 18 ёшгача болаларнинг касалликлари рўйхати иловага мувофиқ тасдиқлансин.
8. Ушбу Фармон ижросини самарали ташкил қилишга масъул ва шахсий жавобгар этиб молия вазири Т.А. Ишметов ва Тиббий-ижтимоий хизматларни ривожлантириш агентлиги директори А.К. Инаков белгилансин.
9. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2022 йил 17 февралдаги ПФ-74-сон Фармонига ИЛОВА
Ўзгалар парваришига муҳтож бўлган 18 ёшгача болаларнинг касалликлари рўйхати
1. Бош ва орқа мия жароҳатлари ҳамда туғуруқ жароҳатлари оқибатида бош ва орқа мия қон айланишининг оғир бузилишлари, перивентрикуляр лейкомаляция, марказий асаб тизимининг вирусли инфекциялари натижасида чуқур ҳаракатлар бузилиши билан асоратланган ҳолатлар.
2. Жарроҳлик амалиётидан кейинги ҳолатлар: ички аъзолар, суяк-мушак тизими, мия қутиси, қулоқ-томоқ-бурун аъзолари ва суяк-мушак тизимининг туғма аномалияси (ривожланиш нуқсонлари ва деформацияларнинг оғир шакллари) билан туғилган чақалоқларда узоқ назоратни ва коррекцияни талаб қиладиган ҳолатлар.
3. Бириктирувчи тўқиманинг тизимли шикастланиши: тизимли қизил югурик, дерматополимиозит, тизимли бошланувчи ювенил артрити, ювенил ревматоид артрити ва тугунчали периартеритнинг оғир турлари.
4. Церебрал фалаж ва бошқа фалажли синдромлар (истисно: G81.0-G81.9-гемиплегия, G83.1-оёқлар моноплегияси ва G83.2-қўл моноплегияси).
5. Болалар церебрал фалажи, перивентрикуляр лейкомаляция. (Истисно: G80.2-болалар гемиплегияси).
6. Тез-тез қайталанувчи эпилепсиянинг шахс ўзгариши ва ақл пастлиги билан кечиши.
7. Келиб чиқиши ҳар хил бўлган ақлий заифликнинг чуқур ва оғир тури. Аутизм.
8. Сурункали оғир шизофрения ва бошқа руҳий бузилишлар, хулқ-атвор бузилишлари.
9. Полиомиелит касаллигининг оғир асоратлари.
10. Ўткир бўшашган шол.
11. Туғма гидроцефалия (кучли мия қутиси гипертензияси, тез-тез такрорланувчи талваса хуружлари, кўз тубидаги асоратлар, парезлар, плегиялар, ақлий, нутқий, мотор ривожланишида орқада қолишлар).
12. Кўриш ўткирлигининг яхши кўрадиган кўзда 0 — 0,03 га (коррекция билан) пасайиши.
13. Туғма ва орттирилган тусдаги сурункали бронх-ўпка касалликларида II-III даражали турғун нафас етишмовчилиги. Астманинг гормонга боғлиқ асоратли тури.
14. Тез-тез қайталанувчи оқма яралар ва функционал бузилишлар билан кечадиган суяк ва бошқа таянч тизими сили, силга қарши дори воситаларига турғунлиги бўлган, даволаниш натижа бермаган ва паллиатив давога муҳтож бўлган сил касалликлари; бош мия фаолиятининг кескин бузилиши билан кечадиган сил менингоэнцефалити, жарроҳлик йўли билан даволанишга ҳаётий қарши кўрсатмалари бўлган, кескин функционал бузилишлар билан кечадиган бош ва орқа мия туберкулемалари.
15. Жигарнинг туғма, ирсий, орттирилган касалликларида кучли турғун қайта тикланмайдиган функционал бузилишлар.
16. Сурункали буйрак етишмовчилигининг III босқичи.
17. Инкурабел ёмон сифатли ўсмаларнинг оғир шакли.
18. Бир неча бор жарроҳлик амалиётидан кейин тузатиб бўлмайдиган доимий нажас ва сийдикни тута олмаслик, йўғон, тўғри ичак ва орқа чиқарув тешигининг туғма ва орттирилган оқмалари, сийдик таносил аъзолари оқмалари.
19. Суяк-мушак тизими ва бириктирувчи тўқима касалликларида яққол қайта тикланмайдиган функционал бузилишлар:
бир ёки иккала оёқ ва қўлларда туғма ва орттирилган оғир даражадаги скелет деформациялари ва ампутацион чўлтоқлар;
таянч-ҳаракат аппаратининг ривожланиш нуқсонлари туфайли мустақил ҳаракат ва ўз-ўзига хизмат қилиш имконияти йўқлиги.
20. Қон айланиш тизими туғма аномалиялари (ривожланиш нуқсонлари, маълум бир ёшгача операция қилиб бўлмайдиган ҳолатлар, юрак ва йирик қон томирларида ўтказилган жарроҳлик амалиётидан кейинги ҳолатлар) ифодаланган даражадаги функция бузилишлари билан.
21. Ички секреция безлари функциясининг етишмовчилиги:
қандли диабетнинг 1 тури (инсулинга боғлиқ қандли диабет);
қандсиз диабет (питиутрин-резистент шакли), Иценго-Кушинга синдроми, сурункали буйрак усти безларининг бошқа бузилишлари (Адиссон кризи), тотал адреноэктомиядан кейинги ҳолат, буйрак усти бези пўстлоғининг оғир туғма дисфункцияси, соматотроп етишмовчилик (гипофизар нанизм), туғма ва орттирилган гипотиреознинг оғир шакли, гипопаратиреоз, тиреотоксикоз.
22. Миопатиялар, орқа мушак атрофияси, тугалланмаган остеогенез, ирсий нейродегенератив касалликлар — лейкодистрофия, гепатолентикуляр дегенерация. Ички аъзолар ва тизимларнинг оғир бузилишлари, психомотор ва нутқий ривожланишдаги бузилишлар билан кечувчи ирсий рахитсимон касалликлар, Марфан синдроми ва Элерс-Данло синдроми.
23. Кўплаб туғма нуқсонлар, ички аъзолар фаолиятининг бузилишлари, психомотор ва нутқий ривожланишда орқада қолиш билан кечувчи хромосом бузилишлар: Клайнфельтер синдроми, Шершевский-Тернер синдроми, Патау синдроми, Эдвардс синдроми ва бошқалар.
24. Ўткир ва сурункали лейкозлар, гемобластозлар, хавфли гистиоцитоз, миелодиспластик синдромлар.
25. Қон ишлаб чиқариш туғма ва орттирилган апластик анемиялари.
26. Оғир геморрагик синдром билан кечувчи, доимо қайталаниб турувчи сурункали тромбоцитопатиялар, ирсий ва орттирилган шакллари, йилига 3 маротабадан ортиқ хуруж қиладиган геморрагик синдромлар.
27. Гемофилия.
28. Талассемия.
29. Туғма иммунитет танқислиги ҳолатлари: оғир мужассамлаштирилган антитаначалар етишмовчилиги устун бўлган иммунитет танқислиги ҳолатлари, полиморфядроли нейтрофиллар функционал бузилишлари, септик грануламатоз — жигар, ўпка, лимфа тугунлари ва бошқа аъзоларнинг қайталаниб турувчи бактериал шикастланиши билан кечиши.
30. ОИТС — орттирилган иммунитет танқислиги синдромининг IV босқичи.
31. Буллёз эпирдемиолиз.
32. Кистозли фиброз (муковисцидоз): 7 ёшгача бўлган болалар доимий ёрдамга муҳтож; 7 ёшдан катта болаларда — оғир асоратли ҳолатларда.
33. Ички аъзолар фаолиятининг бузилишлари, психомотор ва нутқий ривожланишда орқада қолиш билан кечувчи ирсий гликоген тўпланиши ва гликосфинголипид метоболизмининг бузилиши касалликлари:
Помпе касаллиги;
Гоше касаллиги;
Фабри касаллиги;
Краббе касаллиги;
Ниман-Пик (А ва В тури) касаллиги;
Мукополисахаридозлар.
34. Ички аъзолар фаолиятининг бузилишлари, психомотор ва нутқий ривожланишда орқада қолиш билан кечувчи Даун касаллиги.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 17 февраль,
ПФ-74-сон
Oʻzbekiston Respublikasi Prezidentining
Farmoni
Nogironligi boʻlgan shaxslarni hamda aholining ijtimoiy himoyaga muhtoj qatlamlarini qoʻllab-quvvatlashning qoʻshimcha chora-tadbirlari toʻgʻrisida
Nogironligi boʻlgan shaxslar, ayniqsa, doimiy parvarishga muhtoj boʻlgan bolalarni parvarishlayotgan oilalarni davlat tomonidan ijtimoiy qoʻllab-quvvatlash tizimini yanada takomillashtirish, ijtimoiy yordamning zamonaviy mexanizmlarini amalga oshirishda yangi yondashuvlarni joriy etish maqsadida:
1. 2022-yil 1-maydan boshlab nogironlik pensiyalari, shu jumladan ish staji toʻliq boʻlmagan chogʻdagi nogironlik pensiyasi hamda mehnatga layoqatsiz fuqarolarga beriladigan nogironlik nafaqasining eng kam miqdori 698 000 soʻm etib belgilansin.
2. Belgilansinki, 2022-yil 1-apreldan boshlab:
a) oʻzgalar parvarishiga muhtoj nogironligi boʻlgan 18 yoshgacha bolalarning (keyingi oʻrinlarda — oʻzgalar parvarishiga muhtoj bolalar) parvarishi bilan band boʻlgan bolaning qonuniy vakiliga har oyda 500 000 soʻm miqdorida nafaqa toʻlovi (keyingi oʻrinlarda — parvarishlash nafaqasi) joriy etiladi.
Bunda, parvarishlash nafaqasini toʻlash va yetkazib berish xarajatlari Oʻzbekiston Respublikasining respublika budjeti mablagʻlari hisobidan qoplanadi;
b) parvarishlash nafaqasi fuqarolardan murojaat talab etilmagan holda, elektron maʼlumotlar asosida “proaktiv shakl”da Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan tayinlanadi va toʻlanadi.
3. Tibbiy-ijtimoiy xizmatlarni rivojlantirish agentligi (A.K. Inakov) Sogʻliqni saqlash vazirligi (B.A. Musayev) bilan birgalikda quyidagi maʼlumotlarni budjetdan tashqari Pensiya jamgʻarmasiga elektron shaklda taqdim etib borishni taʼminlasin:
2022-yil 1-apreldan boshlab oʻzgalar parvarishiga muhtoj bolalar toʻgʻrisidagi maʼlumotlarni;
2022-yil 1-oktabrdan boshlab oʻzgalar parvarishiga muhtoj bolalarning qonuniy vakillari toʻgʻrisidagi maʼlumotlarni.
4. Moliya vazirligi (T.A. Ishmetov) Tibbiy-ijtimoiy xizmatlarni rivojlantirish agentligi (A.K. Inakov), Sogʻliqni saqlash vazirligi (B.A. Musayev) bilan birgalikda 2022-yilning oktabr oyidan boshlab 18 yoshgacha nogironligi boʻlgan bolalar va odamning immunitet tanqisligi virusi keltirib chiqaradigan kasallikka chalingan 18 yoshgacha bolalarga toʻlanadigan nafaqalarni hamda parvarishlash nafaqasini fuqarolardan qoʻshimcha hujjatlarni talab etmagan holda “proaktiv shakl”da tayinlash tizimini joriy etsin.
5. Moliya vazirligi (T.A. Ishmetov):
ushbu Farmonda belgilangan chora-tadbirlar bilan bogʻliq xarajatlar budjetdan tashqari Pensiya jamgʻarmasining qoʻshimcha daromadlari hamda jamgʻarmaga respublika budjetidan ajratilishi koʻzda tutilgan transfertlar hisobidan moliyalashtirilishini taʼminlasin;
kelgusi yillarda Oʻzbekiston Respublikasining Davlat budjeti parametrlarida mazkur Farmonning amalga oshirilishi bilan bogʻliq xarajatlarni nazarda tutsin;
manfaatdor vazirlik va idoralar bilan birgalikda uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
6. Moliya vazirligi, Oʻzbekiston Milliy axborot agentligi, Oʻzbekiston Milliy teleradiokompaniyasi, Axborot va ommaviy kommunikatsiyalar agentligi ushbu Farmonning maqsadi, vazifalari va bundan kutilayotgan natijalarni ommaviy axborot vositalari, Internet va ijtimoiy tarmoqlarda keng yoritish ishlarini tashkil qilsin.
7. Oʻzgalar parvarishiga muhtoj boʻlgan 18 yoshgacha bolalarning kasalliklari roʻyxati ilovaga muvofiq tasdiqlansin.
8. Ushbu Farmon ijrosini samarali tashkil qilishga masʼul va shaxsiy javobgar etib moliya vaziri T.A. Ishmetov va Tibbiy-ijtimoiy xizmatlarni rivojlantirish agentligi direktori A.K. Inakov belgilansin.
9. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2022-yil 17-fevraldagi PF-74-son Farmoniga ILOVA
Oʻzgalar parvarishiga muhtoj boʻlgan 18 yoshgacha bolalarning kasalliklari roʻyxati
1. Bosh va orqa miya jarohatlari hamda tugʻuruq jarohatlari oqibatida bosh va orqa miya qon aylanishining ogʻir buzilishlari, periventrikulyar leykomalyatsiya, markaziy asab tizimining virusli infeksiyalari natijasida chuqur harakatlar buzilishi bilan asoratlangan holatlar.
2. Jarrohlik amaliyotidan keyingi holatlar: ichki aʼzolar, suyak-mushak tizimi, miya qutisi, quloq-tomoq-burun aʼzolari va suyak-mushak tizimining tugʻma anomaliyasi (rivojlanish nuqsonlari va deformatsiyalarning ogʻir shakllari) bilan tugʻilgan chaqaloqlarda uzoq nazoratni va korreksiyani talab qiladigan holatlar.
3. Biriktiruvchi toʻqimaning tizimli shikastlanishi: tizimli qizil yugurik, dermatopolimiozit, tizimli boshlanuvchi yuvenil artriti, yuvenil revmatoid artriti va tugunchali periarteritning ogʻir turlari.
4. Serebral falaj va boshqa falajli sindromlar (istisno: G81.0-G81.9-gemiplegiya, G83.1-oyoqlar monoplegiyasi va G83.2-qoʻl monoplegiyasi).
5. Bolalar serebral falaji, periventrikulyar leykomalyatsiya. (Istisno: G80.2-bolalar gemiplegiyasi).
6. Tez-tez qaytalanuvchi epilepsiyaning shaxs oʻzgarishi va aql pastligi bilan kechishi.
7. Kelib chiqishi har xil boʻlgan aqliy zaiflikning chuqur va ogʻir turi. Autizm.
8. Surunkali ogʻir shizofreniya va boshqa ruhiy buzilishlar, xulq-atvor buzilishlari.
9. Poliomiyelit kasalligining ogʻir asoratlari.
10. Oʻtkir boʻshashgan shol.
11. Tugʻma gidrotsefaliya (kuchli miya qutisi gipertenziyasi, tez-tez takrorlanuvchi talvasa xurujlari, koʻz tubidagi asoratlar, parezlar, plegiyalar, aqliy, nutqiy, motor rivojlanishida orqada qolishlar).
12. Koʻrish oʻtkirligining yaxshi koʻradigan koʻzda 0 — 0,03 ga (korreksiya bilan) pasayishi.
13. Tugʻma va orttirilgan tusdagi surunkali bronx-oʻpka kasalliklarida II-III darajali turgʻun nafas yetishmovchiligi. Astmaning gormonga bogʻliq asoratli turi.
14. Tez-tez qaytalanuvchi oqma yaralar va funksional buzilishlar bilan kechadigan suyak va boshqa tayanch tizimi sili, silga qarshi dori vositalariga turgʻunligi boʻlgan, davolanish natija bermagan va palliativ davoga muhtoj boʻlgan sil kasalliklari; bosh miya faoliyatining keskin buzilishi bilan kechadigan sil meningoensefaliti, jarrohlik yoʻli bilan davolanishga hayotiy qarshi koʻrsatmalari boʻlgan, keskin funksional buzilishlar bilan kechadigan bosh va orqa miya tuberkulemalari.
15. Jigarning tugʻma, irsiy, orttirilgan kasalliklarida kuchli turgʻun qayta tiklanmaydigan funksional buzilishlar.
16. Surunkali buyrak yetishmovchiligining III bosqichi.
17. Inkurabel yomon sifatli oʻsmalarning ogʻir shakli.
18. Bir necha bor jarrohlik amaliyotidan keyin tuzatib boʻlmaydigan doimiy najas va siydikni tuta olmaslik, yoʻgʻon, toʻgʻri ichak va orqa chiqaruv teshigining tugʻma va orttirilgan oqmalari, siydik tanosil aʼzolari oqmalari.
19. Suyak-mushak tizimi va biriktiruvchi toʻqima kasalliklarida yaqqol qayta tiklanmaydigan funksional buzilishlar:
bir yoki ikkala oyoq va qoʻllarda tugʻma va orttirilgan ogʻir darajadagi skelet deformatsiyalari va amputatsion choʻltoqlar;
tayanch-harakat apparatining rivojlanish nuqsonlari tufayli mustaqil harakat va oʻz-oʻziga xizmat qilish imkoniyati yoʻqligi.
20. Qon aylanish tizimi tugʻma anomaliyalari (rivojlanish nuqsonlari, maʼlum bir yoshgacha operatsiya qilib boʻlmaydigan holatlar, yurak va yirik qon tomirlarida oʻtkazilgan jarrohlik amaliyotidan keyingi holatlar) ifodalangan darajadagi funksiya buzilishlari bilan.
21. Ichki sekretsiya bezlari funksiyasining yetishmovchiligi:
qandli diabetning 1 turi (insulinga bogʻliq qandli diabet);
qandsiz diabet (pitiutrin-rezistent shakli), Itsengo-Kushinga sindromi, surunkali buyrak usti bezlarining boshqa buzilishlari (Adisson krizi), total adrenoektomiyadan keyingi holat, buyrak usti bezi poʻstlogʻining ogʻir tugʻma disfunksiyasi, somatotrop yetishmovchilik (gipofizar nanizm), tugʻma va orttirilgan gipotireozning ogʻir shakli, gipoparatireoz, tireotoksikoz.
22. Miopatiyalar, orqa mushak atrofiyasi, tugallanmagan osteogenez, irsiy neyrodegenerativ kasalliklar — leykodistrofiya, gepatolentikulyar degeneratsiya. Ichki aʼzolar va tizimlarning ogʻir buzilishlari, psixomotor va nutqiy rivojlanishdagi buzilishlar bilan kechuvchi irsiy raxitsimon kasalliklar, Marfan sindromi va Elers-Danlo sindromi.
23. Koʻplab tugʻma nuqsonlar, ichki aʼzolar faoliyatining buzilishlari, psixomotor va nutqiy rivojlanishda orqada qolish bilan kechuvchi xromosom buzilishlar: Klaynfelter sindromi, Shershevskiy-Terner sindromi, Patau sindromi, Edvards sindromi va boshqalar.
24. Oʻtkir va surunkali leykozlar, gemoblastozlar, xavfli gistiotsitoz, miyelodisplastik sindromlar.
25. Qon ishlab chiqarish tugʻma va orttirilgan aplastik anemiyalari.
26. Ogʻir gemorragik sindrom bilan kechuvchi, doimo qaytalanib turuvchi surunkali trombotsitopatiyalar, irsiy va orttirilgan shakllari, yiliga 3 marotabadan ortiq xuruj qiladigan gemorragik sindromlar.
27. Gemofiliya.
28. Talassemiya.
29. Tugʻma immunitet tanqisligi holatlari: ogʻir mujassamlashtirilgan antitanachalar yetishmovchiligi ustun boʻlgan immunitet tanqisligi holatlari, polimorfyadroli neytrofillar funksional buzilishlari, septik granulamatoz — jigar, oʻpka, limfa tugunlari va boshqa aʼzolarning qaytalanib turuvchi bakterial shikastlanishi bilan kechishi.
30. OITS — orttirilgan immunitet tanqisligi sindromining IV bosqichi.
31. Bullyoz epirdemioliz.
32. Kistozli fibroz (mukovissidoz): 7 yoshgacha boʻlgan bolalar doimiy yordamga muhtoj; 7 yoshdan katta bolalarda — ogʻir asoratli holatlarda.
33. Ichki aʼzolar faoliyatining buzilishlari, psixomotor va nutqiy rivojlanishda orqada qolish bilan kechuvchi irsiy glikogen toʻplanishi va glikosfingolipid metobolizmining buzilishi kasalliklari:
Pompe kasalligi;
Goshe kasalligi;
Fabri kasalligi;
Krabbe kasalligi;
Niman-Pik (A va V turi) kasalligi;
Mukopolisaxaridozlar.
34. Ichki aʼzolar faoliyatining buzilishlari, psixomotor va nutqiy rivojlanishda orqada qolish bilan kechuvchi Daun kasalligi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 17-fevral,
PF-74-son
Президента Республики Узбекистан
Указ
О дополнительных мерах по поддержке лиц с инвалидностью и категорий населения, нуждающихся в социальной защите
В целях дальнейшего совершенствования системы государственной социальной поддержки лиц с инвалидностью, особенно семей, ухаживающих за детьми, нуждающимися в постоянном уходе, а также внедрения новых подходов в реализации современных механизмов социальной помощи:
1. Определить с 1 мая 2022 года минимальный размер пенсии по инвалидности, в том числе пенсии по инвалидности при неполном стаже работы, пособия по инвалидности, выплачиваемого нетрудоспособным гражданам, — 698 000 сумов.
2. Установить, что начиная с 1 апреля 2022 года:
а) вводится ежемесячная выплата пособия в размере 500 000 сумов законному представителю ребенка, занятому уходом за ребенком-инвалидом до 18 лет, нуждающимся в постороннем уходе (далее — пособие по уходу).
При этом расходы по выплате и доставке пособий по уходу покрываются за счет средств республиканского бюджета Республики Узбекистан;
б) пособия по уходу назначаются и выплачиваются Национальным агентством социальной защиты при Президенте Республики Узбекистан в проактивной форме на основании электронных сведений без требования от граждан обращения.
3. Агентству по развитию медико-социальных услуг (А.К. Инаков) совместно с Министерством здравоохранения (Б.А. Мусаев) обеспечить регулярное представление внебюджетному Пенсионному фонду в электронной форме следующих сведений:
начиная с 1 апреля 2022 года — о детях, нуждающихся в постороннем уходе;
начиная с 1 октября 2022 года — о законных представителях детей, нуждающихся в постороннем уходе.
4. Министерству финансов (Т.А. Ишметов) совместно с Агентством по развитию медико-социальных услуг (А.К. Инаков) и Министерством здравоохранения (Б.А. Мусаев) начиная с октября 2022 года внедрить систему назначения пособий, выплачиваемых ребенку-инвалиду до 18 лет и ВИЧ-инфицированному ребенку до 18 лет, а также пособий по уходу без истребования у граждан дополнительных документов в проактивной форме.
5. Министерству финансов (Т.А. Ишметов) обеспечить:
финансирование расходов, связанных с мерами, определенными настоящим Указом, за счет дополнительных доходов внебюджетного Пенсионного фонда и трансфертов, предусмотренных для выделения Фонду из республиканского бюджета;
предусмотрение в параметрах Государственного бюджета Республики Узбекистан расходов, связанных с мерами, определенными настоящим Указом, — в последующие годы;
совместно с заинтересованными министерствами и ведомствами в трехмесячный срок — внесение в Кабинет Министров предложений об изменениях и дополнениях в акты законодательства, вытекающих из настоящего Указа.
6. Министерству финансов, Национальному информационному агентству Узбекистана, Национальной телерадиокомпании Узбекистана и Агентству информации и массовых коммуникаций организовать работу по широкому освещению целей и задач настоящего Указа, а также ожидаемых результатов в средствах массовой информации, сети Интернет и социальных сетях.
7. Утвердить Перечень заболеваний детей до 18 лет, нуждающихся в постороннем уходе, согласно приложению .
8. Возложить на министра финансов Т.А. Ишметова и директора Агентства по развитию медико-социальных услуг А.К. Инакова персональную ответственность за эффективную организацию исполнения настоящего Указа.
9. Контроль за исполнением настоящего Указа возложить на заместителя Премьер-министра Республики Узбекистан Д.А. Кучкарова.
ПРИЛОЖЕНИЕ к Указу Президента Республики Узбекистан от 17 февраля 2022 года № УП-74
Перечень заболеваний детей до 18 лет, нуждающихся в постороннем уходе
1. Осложнения в виде резко выраженных двигательных нарушений вследствие травм головного и спинного мозга, а также тяжелых нарушений мозгового и спинномозгового кровообращения при родовых травмах, перивентрикулярной лейкомаляции, вирусных инфекций центральной нервной системы.
2. Послеоперационные состояния: на внутренних органах, в костно-мышечной системе, в черепной коробке, ЛОР-органов, при врожденных аномалиях опорно-двигательного аппарата (тяжелые формы пороков развития и деформаций), а также состояния, требующие длительного наблюдения и коррекции у новорожденных.
3. Системное поражение соединительной ткани: системная красная волчанка, дерматополимиозит, ювенильный артрит с системным началом, ювенильный ревматоидный артрит и тяжелые формы узелкового периартерита.
4. Церебральный паралич и другие синдромы параличей (исключение: G81.0-G81.9-гемиплегия, G83.1-моноплегия нижних конечностей и G83.2-моноплегия верхних конечностей).
5. Детский церебральный паралич, перивентрикулярная лейкомаляция (исключение: G80.2-детская гемиплегия).
6. Частые эпилептические припадки с изменением личности и слабоумием.
7. Глубокая и тяжелая степень умственной отсталости различного происхождения. Аутизм.
8. Хроническая тяжелая шизофрения и другие психические расстройства, расстройства поведения.
9. Тяжелые осложнения полиомиелита.
10. Острый вялый паралич.
11. Врожденная гидроцефалия (сильная черепно-мозговая гипертензия, частые судорожные припадки, осложнения на глазном дне, парезы, плегии, задержки умственного, речевого, моторного развития).
12. Снижение остроты зрения в лучше видящем глазу до 0 — 0,03 (с коррекцией).
13. Хроническая дыхательная недостаточность II-III степени при врожденных и приобретенных хронических бронхолегочных заболеваниях. Гормонозависимый тип астмы.
14. Туберкулез костной и другой опорной системы с часто рецидивирующими свищами и функциональными нарушениями, виды туберкулеза с резистентностью к противотуберкулезным препаратам, при неэффективном лечении, нуждающемся в паллиативной помощи; туберкулезный менингоэнцефалит со значительным нарушением функций головного мозга, туберкулемы головного и спинного мозга со значительным нарушением функции, при наличии противопоказаний к хирургическому лечению.
15. Резко выраженные стойкие необратимые функциональные расстройства при врожденных, наследственных, приобретенных заболеваниях печени.
16. III стадия хронической почечной недостаточности.
17. Тяжелые инкурабельные формы злокачественных опухолей.
18. Стойкое недержание кала и мочи, не поддающееся коррекции после нескольких хирургических вмешательств, врожденные и приобретенные свищи толстой кишки, прямой кишки и ануса, свищи урогенитальных органов.
19. Выраженные необратимые функциональные нарушения при заболеваниях костно-мышечной системы и соединительной ткани:
врожденные и приобретенные тяжелые деформации скелета и ампутационные культи одной или обеих верхних и нижних конечностей;
неспособность самостоятельного передвижения и самообслуживания вследствие пороков развития опорно-двигательного аппарата.
20. Врожденные аномалии развития системы кровообращения с нарушениями функции выраженной степени (пороки развития, невозможность оперировать до определенного возраста, состояния после хирургических вмешательств на сердце и крупных сосудах).
21. Функциональная недостаточность желез внутренней секреции:
сахарный диабет 1-го типа (инсулинозависимый сахарный диабет);
несахарный диабет (питиутрин-резистентная форма), синдром Иценго-Кушинга, другие хронические нарушения функции надпочечников (адиссоновый криз), состояние после тотальной адренэктомии, тяжелая врожденная дисфункция коры надпочечников, соматотропная недостаточность (гипофизарный нанизм), врожденная и приобретенная тяжелая форма гипотиреоза, гипопаратиреоз, тиреотоксикоз.
22. Миопатии, спинальная мышечная атрофия, незавершенный остеогенез, наследственные нейродегенеративные заболевания — лейкодистрофия, гепатолентикулярная дегенерация. Наследственные рахитоподобные заболевания с выраженными висцеральными и системными нарушениями, нарушениями психомоторного и речевого развития, синдром Марфана и синдром Элерса-Данло.
23. Хромосомные нарушения с множественными врожденными пороками, нарушениями функций внутренних органов, задержкой психомоторного и речевого развития: синдром Клайнфельтера, синдром Шершевского-Тернера, синдром Патау, синдром Эдвардса и другие.
24. Острые и хронические лейкозы, гемобластозы, злокачественный гистиоцитоз, миелодиспластические синдромы.
25. Врожденные заболевания кроветворных органов и приобретенные апластические анемии.
26. Хронические тромбоцитопатии с рецидивирующим течением и выраженным геморрагическим синдромом, врожденные и приобретенные формы, обострение более трех раз в течение года.
27. Гемофилия.
28. Талассемия.
29. Состояния врожденного иммунного дефицита: иммуннодефицитные состояния с преобладанием недостаточности тяжелых антител, дисфункция полиморфоядерных нейтрофилов, септический грануламатоз — с рецидивирующим бактериальным поражением печени, легких, лимфоузлов и других органов.
30. СПИД — синдром приобретенного иммуннодефицита IV степени.
31. Буллезный эпидермолиз.
32. Кистозный фиброз (муковисцидоз): дети в возрасте до 7 лет нуждаются в постоянном уходе; дети старше 7 лет — при тяжелых осложнениях.
33. Заболевания, характеризующиеся наследственным скоплением гликогена и нарушением метаболизма гликосфинголипида с нарушением функций внутренних органов, задержкой психомоторного и речевого развития:
болезнь Помпе;
болезнь Гоше;
болезнь Фабри;
болезнь Краббе;
болезнь Ниман-Пика (типы А и В);
Мукополисахаридозы.
34. Синдром Дауна, характеризующийся нарушением функции внутренних органов, задержкой психомоторного и речевого развития.
Президент Республики Узбекистан Ш. МИРЗИЁЕВ
г. Ташкент,
17 февраля 2022 г.,
№ УП-74