📅 2022-yil 17-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 17 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 февраля 2022 г. · Постановления Кабинета Министров
Официальный текст. Официальный документ. Редакционные примечания не включены.
📅 17 February 2022 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
«Ўзсаноатқурилишбанк» акциядорлик тижорат банкининг соҳага оид бўлмаган, ишлаб чиқариш жараёнларига жалб этилмаган активларидан самарали фойдаланишни ташкил этиш чора-тадбирлари тўғрисида
«Ўзсаноатқурилишбанк» акциядорлик тижорат банкига тегишли банк фаолиятига хос бўлмаган активларни босқичма-босқич давлат мулки сифатида Ўзбекистон Республикаси Давлат активларини бошқариш агентлигига бепул бериш ҳамда банкнинг раҳбар ва масъул ходимларини тайёрлаш, уларнинг малакасини ошириш мақсадида Вазирлар Маҳкамаси қарор қилади:
1. Куйидагилар:
а) Ўзбекистон Республикаси Президентининг «2020 — 2025 йилларга мўлжалланган Ўзбекистон Республикасининг банк тизимини ислоҳ қилиш стратегияси тўғрисида» 2020 йил 12 майдаги ПФ-5992-сон Фармонига асосан:
Ўзбекистон Республикаси Молия вазирлиги ва Марказий банкининг халқаро молия институтлари кўмагида «Ўзсаноатқурилишбанк» АТБдаги давлат улушларини босқичма-босқич хусусийлаштириш, бунда биринчи босқичда уларни институционал ўзгартиришни (фаолиятини трансформация қилиш), иккинчи босқичда эса давлат акциялари пакетини сотишни назарда тутиш тўғрисидаги таклифлари маъқулланганлиги;
банклар фаолиятига хос бўлмаган функцияларни босқичма-босқич бекор қилиш орқали банк тизимининг самарадорлигини ошириш — Ўзбекистон Республикасида банк секторини ислоҳ қилишнинг асосий йўналишларидан бири этиб белгиланганлиги;
б) Вазирлар Маҳкамасининг «Ўзсаноатқурилишбанк» акциядорлик тижорат банкини халқаро молия институтлари иштирокида хусусийлаштириш ва трансформация қилиш чора-тадбирлари тўғрисида» 2021 йил 29 мартдаги 161-сон қарорига мувофиқ:
«Ўзсаноатқурилишбанк» акциядорлик тижорат банкига алоқадор шахслар, шу жумладан, давлат улуши мавжуд бўлган хўжалик жамиятлари билан ҳар қандай операцияларни тартибга солувчи сиёсатни жорий қилиш ва унга риоя қилиш белгиланганлиги;
«Ўзсаноатқурилишбанк» акциядорлик тижорат банки фаолиятига хос бўлмаган йўналишда тижорат ташкилотларининг устав фондига Банк маблағларини инвестиция тариқасида жалб қилишни ман этиш белгиланганлиги;
банкнинг инвестиция фаолияти натижасида харид қилинган ва банк фаолиятига хос бўлмаган активларни сотиш тавсия этилганлиги;
в) Ўзбекистон Республикаси Президентининг 2021 йил 19 ноябрда Россия Федерациясига ташрифи давомида имзоланган ҳужжатлар ижросини таъминлаш бўйича амалий ҳаракатлар режасига («йўл харитаси»га) мувофиқ «Ўзсаноатқурилишбанк» акциядорлик тижорат банки (кейинги ўринларда — «Ўзсаноатқурилишбанк» АТБ) ва «Сбербанк» корпоратив университети ўртасида кадрларни, шу жумладан, банк тизимининг масъул ходимларини тайёрлаш ва малакасини ошириш бўйича хизматлар кўрсатиш тўғрисида келишувга эришилганлиги маълумот учун қабул қилинсин.
2. Ўзбекистон Республикаси Молия вазирлиги, Давлат активларини бошқариш агентлиги ва «Ўзсаноатқурилишбанк» АТБнинг бошқарув органининг иловада назарда тутилган банк фаолиятига хос бўлмаган активларини Давлат активларини бошқариш агентлигига кейинчалик оммавий савдолар орқали сотиш мақсадида давлат мулки сифатида қолдиқ (баланс) қийматида бепул бериш тўғрисидаги таклифларига розилик берилсин.
Бунда Давлат активларини бошқариш агентлигига ўтказилган объектларни сақлаш харажатлари улар сотилгунга қадар «Ўзсаноатқурилишбанк» АТБ томонидан амалга оширилиши белгилаб қўйилсин.
3. «Ўзсаноатқурилишбанк» АТБ Давлат активларини бошқариш агентлиги билан биргаликда иловада келтирилган активларни белгиланган тартибда топшириш ва қабул қилишни таъминласин.
4. «Ўзсаноатқурилишбанк» АТБга банкнинг раҳбар ва масъул ходимларини халқаро стандартлар асосида Россия Федерациясининг давлат ва нодавлат таълим ташкилотлари, бизнес, бошқарув мактаблари ҳамда тижорат банкларининг корпоратив ўқув марказларида қисқа ва узоқ муддатли таълим йўналишларида ўқитиш бўйича хизматлар кўрсатиш учун, истисно тариқасида, тўғридан-тўғри шартнома тузишга рухсат берилсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С.У. Умурзаков ва Ўзбекистон Республикаси Давлат активларини бошқариш агентлиги директори А.Ж. Ортиқов зиммасига юклансин.
Вазирлар Маҳкамасининг 2022 йил 17 февралдаги 75-сон қарорига ИЛОВА
Давлат активларини бошқариш агентлигига кейинчалик оммавий савдоларда сотиш учун давлат мулки сифатида бепул берилаётган «Ўзсаноатқурилишбанк» АТБга тегишли банк фаолиятига хос бўлмаган активлар
Т/р Объектнинг номи Объектнинг манзили Тошкент вилояти 1. Нотурар бино Нурафшон шаҳри, Тошкент йўли кўчаси 2. Паррандачилик фабрикаси бино ва иншоотлари Янгийўл тумани, «М. Улуғбек» МФЙ, Мирзабобоев кўчаси, 74-уй 3. Паррандачилик фабрикаси бино ва иншоотлари Қибрай тумани, «Оққовоқ» ҚФЙ, «Узумзор» МФЙ, Оқ қовоқ кўчаси, Р-3-уй Жиззах вилояти 4. Истироҳат боғи Арнасой тумани, «Ғолиблар» МФЙ, Алпомиш кўчаси, 30-уй 5. Нотурар бино Арнасой тумани, «Чўлқувар» МФЙ, Намуна кўчаси, 38-уй 6. Нотурар бино Арнасой тумани, «Бўстон» МФЙ, 58-уй 7. Нотурар бино Дўстлик тумани, «Бунёдкор» МФЙ, Лойиҳадаги кўча, 11-уй 8. Нотурар бино Ш. Рашидов тумани, «Самарқандқудуқ» МФЙ, Ал-Хоразмий кўчаси, 38-уй 9. Нотурар бино Зарбдор тумани, «Ёшлик» МФЙ, Лойиҳадаги кўча, 65-уй 10. Нотурар бино Зарбдор тумани, «Тошкесган» МФЙ, Лойиҳадаги кўча, 8-уй 11. Нотурар бино Пахтакор тумани, «Буюк ипак йўли» ҚФЙ, Муқумий кўчаси, 44-уй 12. Нотурар бино Мирзачўл тумани, «Ғалаба» МФИ, Гагарин кўчаси, 98-уй 13. Нотурар бино Янгиобод тумани, «Совот» ҚФЙ, Совот кўчаси, 80-уй 14. Нотурар бино Мирзачўл тумани, «Ўзбекистон» ҚФЙ, Мароқанд кўчаси, 5БС-уй
Ўзбекистон Республикасининг Бош вазири А. АРИПОВ
Тошкент ш.,
2022 йил 17 февраль,
75-сон
Oʻzbekiston Respublikasi Vazirlar Mahkamasining
qarori
ROʻYXATI
“Oʻzsanoatqurilishbank” aksiyadorlik tijorat bankining sohaga oid boʻlmagan, ishlab chiqarish jarayonlariga jalb etilmagan aktivlaridan samarali foydalanishni tashkil etish chora-tadbirlari toʻgʻrisida
“Oʻzsanoatqurilishbank” aksiyadorlik tijorat bankiga tegishli bank faoliyatiga xos boʻlmagan aktivlarni bosqichma-bosqich davlat mulki sifatida Oʻzbekiston Respublikasi Davlat aktivlarini boshqarish agentligiga bepul berish hamda bankning rahbar va masʼul xodimlarini tayyorlash, ularning malakasini oshirish maqsadida Vazirlar Mahkamasi qaror qiladi:
1. Kuyidagilar:
a) Oʻzbekiston Respublikasi Prezidentining “2020 — 2025-yillarga moʻljallangan Oʻzbekiston Respublikasining bank tizimini isloh qilish strategiyasi toʻgʻrisida” 2020-yil 12-maydagi PF-5992-son Farmoniga asosan:
Oʻzbekiston Respublikasi Moliya vazirligi va Markaziy bankining xalqaro moliya institutlari koʻmagida “Oʻzsanoatqurilishbank” ATBdagi davlat ulushlarini bosqichma-bosqich xususiylashtirish, bunda birinchi bosqichda ularni institutsional oʻzgartirishni (faoliyatini transformatsiya qilish), ikkinchi bosqichda esa davlat aksiyalari paketini sotishni nazarda tutish toʻgʻrisidagi takliflari maʼqullanganligi;
banklar faoliyatiga xos boʻlmagan funksiyalarni bosqichma-bosqich bekor qilish orqali bank tizimining samaradorligini oshirish — Oʻzbekiston Respublikasida bank sektorini isloh qilishning asosiy yoʻnalishlaridan biri etib belgilanganligi;
b) Vazirlar Mahkamasining “Oʻzsanoatqurilishbank” aksiyadorlik tijorat bankini xalqaro moliya institutlari ishtirokida xususiylashtirish va transformatsiya qilish chora-tadbirlari toʻgʻrisida” 2021-yil 29-martdagi 161-son qaroriga muvofiq:
“Oʻzsanoatqurilishbank” aksiyadorlik tijorat bankiga aloqador shaxslar, shu jumladan, davlat ulushi mavjud boʻlgan xoʻjalik jamiyatlari bilan har qanday operatsiyalarni tartibga soluvchi siyosatni joriy qilish va unga rioya qilish belgilanganligi;
“Oʻzsanoatqurilishbank” aksiyadorlik tijorat banki faoliyatiga xos boʻlmagan yoʻnalishda tijorat tashkilotlarining ustav fondiga Bank mablagʻlarini investitsiya tariqasida jalb qilishni man etish belgilanganligi;
bankning investitsiya faoliyati natijasida xarid qilingan va bank faoliyatiga xos boʻlmagan aktivlarni sotish tavsiya etilganligi;
v) Oʻzbekiston Respublikasi Prezidentining 2021-yil 19-noyabrda Rossiya Federatsiyasiga tashrifi davomida imzolangan hujjatlar ijrosini taʼminlash boʻyicha amaliy harakatlar rejasiga (“yoʻl xaritasi”ga) muvofiq “Oʻzsanoatqurilishbank” aksiyadorlik tijorat banki (keyingi oʻrinlarda — “Oʻzsanoatqurilishbank” ATB) va “Sberbank” korporativ universiteti oʻrtasida kadrlarni, shu jumladan, bank tizimining masʼul xodimlarini tayyorlash va malakasini oshirish boʻyicha xizmatlar koʻrsatish toʻgʻrisida kelishuvga erishilganligi maʼlumot uchun qabul qilinsin.
2. Oʻzbekiston Respublikasi Moliya vazirligi, Davlat aktivlarini boshqarish agentligi va “Oʻzsanoatqurilishbank” ATBning boshqaruv organining ilovada nazarda tutilgan bank faoliyatiga xos boʻlmagan aktivlarini Davlat aktivlarini boshqarish agentligiga keyinchalik ommaviy savdolar orqali sotish maqsadida davlat mulki sifatida qoldiq (balans) qiymatida bepul berish toʻgʻrisidagi takliflariga rozilik berilsin.
Bunda Davlat aktivlarini boshqarish agentligiga oʻtkazilgan obyektlarni saqlash xarajatlari ular sotilgunga qadar “Oʻzsanoatqurilishbank” ATB tomonidan amalga oshirilishi belgilab qoʻyilsin.
3. “Oʻzsanoatqurilishbank” ATB Davlat aktivlarini boshqarish agentligi bilan birgalikda ilovada keltirilgan aktivlarni belgilangan tartibda topshirish va qabul qilishni taʼminlasin.
4. “Oʻzsanoatqurilishbank” ATBga bankning rahbar va masʼul xodimlarini xalqaro standartlar asosida Rossiya Federatsiyasining davlat va nodavlat taʼlim tashkilotlari, biznes, boshqaruv maktablari hamda tijorat banklarining korporativ oʻquv markazlarida qisqa va uzoq muddatli taʼlim yoʻnalishlarida oʻqitish boʻyicha xizmatlar koʻrsatish uchun, istisno tariqasida, toʻgʻridan-toʻgʻri shartnoma tuzishga ruxsat berilsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov va Oʻzbekiston Respublikasi Davlat aktivlarini boshqarish agentligi direktori A.J. Ortiqov zimmasiga yuklansin.
Vazirlar Mahkamasining 2022-yil 17-fevraldagi 75-son qaroriga ILOVA
Davlat aktivlarini boshqarish agentligiga keyinchalik ommaviy savdolarda sotish uchun davlat mulki sifatida bepul berilayotgan “Oʻzsanoatqurilishbank” ATBga tegishli bank faoliyatiga xos boʻlmagan aktivlar
T/r Obyektning nomi Obyektning manzili Toshkent viloyati 1. Noturar bino Nurafshon shahri, Toshkent yoʻli koʻchasi 2. Parrandachilik fabrikasi bino va inshootlari Yangiyoʻl tumani, “M. Ulugʻbek” MFY, Mirzaboboyev koʻchasi, 74-uy 3. Parrandachilik fabrikasi bino va inshootlari Qibray tumani, “Oqqovoq” QFY, “Uzumzor” MFY, Oq qovoq koʻchasi, R-3-uy Jizzax viloyati 4. Istirohat bogʻi Arnasoy tumani, “Gʻoliblar” MFY, Alpomish koʻchasi, 30-uy 5. Noturar bino Arnasoy tumani, “Choʻlquvar” MFY, Namuna koʻchasi, 38-uy 6. Noturar bino Arnasoy tumani, “Boʻston” MFY, 58-uy 7. Noturar bino Doʻstlik tumani, “Bunyodkor” MFY, Loyihadagi koʻcha, 11-uy 8. Noturar bino Sh. Rashidov tumani, “Samarqandquduq” MFY, Al-Xorazmiy koʻchasi, 38-uy 9. Noturar bino Zarbdor tumani, “Yoshlik” MFY, Loyihadagi koʻcha, 65-uy 10. Noturar bino Zarbdor tumani, “Toshkesgan” MFY, Loyihadagi koʻcha, 8-uy 11. Noturar bino Paxtakor tumani, “Buyuk ipak yoʻli” QFY, Muqumiy koʻchasi, 44-uy 12. Noturar bino Mirzachoʻl tumani, “Gʻalaba” MFI, Gagarin koʻchasi, 98-uy 13. Noturar bino Yangiobod tumani, “Sovot” QFY, Sovot koʻchasi, 80-uy 14. Noturar bino Mirzachoʻl tumani, “Oʻzbekiston” QFY, Maroqand koʻchasi, 5BS-uy
Oʻzbekiston Respublikasining Bosh vaziri A. ARIPOV
Toshkent sh.,
2022-yil 17-fevral,
75-son