📅 2022-yil 18-fevral · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 18 февраль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 18 февраля 2022 г. · Указы Президента
Официальный текст. Официальный документ. Редакционные примечания не включены.
📅 18 February 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Туризм, маданий мерос ва спорт соҳаларида давлат бошқарувини такомиллаштиришга доир ташкилий чора-тадбирлар тўғрисида
Очиқлик сиёсати, бой маданий меросимиз ва туризм соҳасини қўллаб-қувватлаш натижасида, сўнгги йилларда юртимизга ташриф буюраётган сайёҳларнинг сони бир неча баробар ўсди. Пандемия ушбу соҳага ҳам ўзининг салбий таъсирини кўрсатди.
Шу билан бирга, мамлакатимизда туризм хизматларини жадал ривожлантириш, айниқса, инфратузилмани яхшилаш, зиёрат туризми ва ички туризм имкониятларини кенгроқ ишга солиш, шунингдек, маданий мерос объектлари муҳофазасини кучайтиришга оид ишлар самарадорлигини тубдан ошириш зарур.
Шунингдек, спорт соҳасида — маҳаллалар ва таълим муассасаларида спортни янада оммалаштириш, уларда спорт билан шуғулланиш учун барча зарур шароитларни яратиш орқали аҳолини, шу жумладан ёшларни спортнинг барча турларига кенг жалб қилиш, соғлом турмуш тарзини кенг тарғиб қилиш орқали ўғил-қизларимиз, аёлларимиз саломатлигини мустаҳкамлаш, нуроний онахон ва отахонларимиз умрини узайтириш, Олимпия ва Паралимпия, Осиё ва Параосиё ўйинлари ҳамда халқаро мусобақаларда иштирок этиш учун спортчиларимизнинг янада пухта тайёргарлик кўришларига барча шароитларни яратиш лозим.
Ушбу вазифалар ижросини самарали ташкил этиш, янги ёндашувлар асосида туризм ва спорт соҳаларидаги бошқарув сифатини янада ошириш мақсадида:
1. Қуйидагилар ташкил қилинсин:
а) Туризм ва спорт вазирлиги негизида:
Туризм ва маданий мерос вазирлиги;
Спортни ривожлантириш вазирлиги;
б) Туризм ва спорт вазирлигининг ҳудудий бўлинмалари негизида:
Қорақалпоғистон Республикаси Туризм ва маданий мерос вазирлиги, Туризм ва маданий мерос вазирлигининг вилоятлар ва Тошкент шаҳар бош бошқармалари, туманлар (шаҳарлар) бўлимлари;
Қорақалпоғистон Республикаси Спортни ривожлантириш вазирлиги, Спортни ривожлантириш вазирлигининг вилоятлар ва Тошкент шаҳар бош бошқармалари, туманлар (шаҳарлар) бўлимлари.
2. Белгилаб қўйилсинки:
Туризм ва маданий мерос вазирлиги туризм ва маданий мерос, Спортни ривожлантириш вазирлиги эса спорт соҳаларида ягона давлат сиёсатини амалга оширувчи давлат бошқаруви органлари ҳисобланади;
Туризм ва маданий мерос вазирлиги ҳамда Спортни ривожлантириш вазирлиги ўз ваколатлари доирасида умуммажбурий бўлган норматив-ҳуқуқий ҳужжатлар қабул қилади;
туризм, маданий мерос ва спорт масалаларига оид норматив-ҳуқуқий ҳужжатлар лойиҳалари мажбурий тартибда тегишинча Туризм ва маданий мерос вазирлиги ҳамда Спортни ривожлантириш вазирлиги билан келишилади;
давлат органлари ва ташкилотлар, шунингдек, республиканинг хориждаги дипломатик ваколатхоналари Туризм ва маданий мерос вазирлиги ҳамда Спортни ривожлантириш вазирлигининг мурожаатига кўра тегишли маълумотларни ўрнатилган тартибда тақдим этади;
Туризм ва маданий мерос вазирлиги ҳамда Спортни ривожлантириш вазирлиги Туризм ва спорт вазирлигининг тегишли ҳуқуқлари, мажбуриятлари ва шартномалари, шу жумладан халқаро шартномалари бўйича ҳуқуқий вориси ҳисобланади.
3. Қуйидагилар:
а) Туризм ва маданий мерос вазирлигининг асосий вазифалари этиб белгилансин:
ташқи ва ички туризмни ҳар томонлама кенгайтириш, янги туризм йўналишларини ишлаб чиқиш ҳамда уларни туризм бозорларида жорий қилиш, туризм бўйича нуфузли халқаро ва миллий ташкилотлар билан ҳамкорликни кенгайтириш, халқаро ва давлатлараро стандартлар ҳамда нормаларни туризм фаолияти ва амалиётига жорий этиш, мамлакатнинг туризм имижини янада ривожлантириш;
туризм турларини кўпайтириш, энг аввало, ички ва зиёрат туризми, экологик туризм, этнотуризм, ишбилармонлик туризми, спорт, гастрономик, тиббий, таълим ва илмий туризмни ҳар томонлама ривожлантириш бўйича манзилли чора-тадбирларни амалга ошириш, республика ҳудудларининг туризм салоҳиятидан келиб чиқиб туризмнинг истиқболли йўналишларини белгилаш, янги туризм маҳсулотларини яратиш;
маданий мерос объектларини аниқлаш, ҳисобга олиш, муҳофаза қилиш, тарғиб қилиш, давлат реестри, электрон каталоги, паспорти ва давлат кадастрини юритиш, давлат назоратини амалга ошириш, ЮНЕСКО ва бошқа халқаро ташкилотлар ҳужжатларининг нормалари ва тавсияларини имплементация қилиш, тарихий-маданий ҳудудларнинг тарихий-маданий қиммати, ноёблиги, табиий ландшафти ва ўзига хослигини сақлаб қолиш;
туризм хизматларининг ташқи ва ички бозорларида маркетингини олиб бориш, мамлакатимизнинг бебаҳо туризм салоҳиятини оммалаштириш ва тарғиб қилиш, миллий туризм маҳсулотлари ва брендларининг халқаро туризм бозорларига кириб боришига йўналтирилган фаол реклама-ахборот сиёсатини амалга ошириш;
туризм инфратузилмасини шакллантириш, шу жумладан туризм объектларини жойлаштириш учун салоҳиятли ҳудудларда режалаштириш ва лойиҳалаштириш ишларини ташкил этиш, уларга инвесторларни жалб қилиш, туризм соҳасида тадбиркорлик фаоллиги ошишига ҳар томонлама кўмаклашиш, туризм объектларини давлат-хусусий шериклик асосида самарали бошқариш ҳамда мазкур соҳани босқичма-босқич тўлиқ рақамлаштириш;
б) Спортни ривожлантириш вазирлигининг асосий вазифалари этиб белгилансин:
ҳар бир шаҳарча, қишлоқ, овулда, шунингдек, шаҳарлар, шаҳарчалар, қишлоқлар ҳамда овуллардаги ҳар бир маҳаллада аҳоли, айниқса, болалар ва ёшлар ўртасида спорт билан шуғулланишни оммалаштириш, оммавий спорт турлари ва соғлом турмуш тарзини юритишга кенг жалб этиш борасида кенг кўламли ишларни ташкиллаштириш, уларни спорт билан мунтазам равишда шуғулланишга жалб этиш, спорт таълими тизимини такомиллаштириш ва рақамлаштириш, спорт турлари бўйича юқори натижадор спортчилар захирасини яратиш;
спорт инфратузилмасини ривожлантириш, шу жумладан қишлоқ ва чекка ҳудудларда спорт объектларини кўпайтириш, спорт маркетингини ривожлантириш, спорт объектларини давлат-хусусий шериклик асосида самарали бошқариш ҳамда соҳани босқичма-босқич тўлиқ рақамлаштириш, нодавлат спорт объектлари ва муассасалари тармоғини кенгайтириш, уларни давлат томонидан қўллаб-қувватлаш;
мамлакатимизда профессионал спортни, шу жумладан жамоавий, қишки ва экстремал спорт турларини ривожлантиришни, илғор халқаро тажрибани ҳисобга олган ҳолда, спорт тайёргарлиги жараёнига замонавий технологияларни жорий этиш, барча спорт турлари бўйича миллий чемпионатлар даражаси ва сифатини ошириш, халқаро ва минтақавий мусобақалар ташкил этиш, носоғлом спортга қарши тизимли чоралар кўришни таъминлаш;
Олимпия ва Паралимпия, Осиё ва Параосиё ўйинлари, жаҳон, Осиё чемпионатлари ва бошқа халқаро мусобақа ва турнирларда муваффақиятли иштирокини таъминлаш учун истиқболли спортчиларни саралаш (селекция қилиш), тайёрлаш ва маҳоратини оширишнинг, улар орасидан мамлакат терма жамоалари сифатли спорт захираси ва таркибини шакллантиришнинг самарали тизимини яратишда Ўзбекистон Миллий олимпия қўмитаси, Ўзбекистон Миллий паралимпия қўмитаси, спорт федерациялари (ассоциациялари) билан ҳамкорлик қилиш;
паралимпия ҳаракатини ривожлантириш, шу жумладан жисмоний имконияти чекланган ва ногиронлиги бўлган шахсларга спорт билан шуғулланиш учун шарт-шароитларни кенгайтириш, инфратузилмасини яратиш, истиқболли спортчиларни саралаш (селекция қилиш) ва профессионал спортга йўналтириш, малакали мутахассисларни тайёрлаш.
4. Бош вазир ўринбосари — туризм ва спорт вазири лавозими Бош вазир ўринбосари — туризм ва маданий мерос вазири лавозими этиб қайта номлансин.
5. Ўзбекистон Республикаси Президентининг 2017 йил 19 июндаги «Бизнеснинг қонуний манфаатлари давлат томонидан муҳофаза қилиниши ва тадбиркорлик фаолиятини янада ривожлантириш тизимини тубдан такомиллаштиришга доир чора-тадбирлар тўғрисида»ги ПФ-5087-сон Фармонининг 3-бандига иловага мувофиқ ўзгартириш киритилсин.
6. Вазирлар Маҳкамаси бир ой муддатда:
Бош вазир ўринбосари — туризм ва маданий мерос вазирининг функционал вазифаларини тасдиқласин;
қонунчилик ҳужжатларига мазкур Фармондан келиб чиқадиган ўзгартириш ва қўшимчалар тўғрисида тегишли норматив-ҳуқуқий ҳужжатлар лойиҳаларини киритсин.
7. Мазкур Фармоннинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2022 йил 18 февралдаги ПФ-75-сон Фармонига ИЛОВА
Ўзбекистон Республикаси Президентининг 2017 йил 19 июндаги «Бизнеснинг қонуний манфаатлари давлат томонидан муҳофаза қилиниши ва тадбиркорлик фаолиятини янада ривожлантириш тизимини тубдан такомиллаштиришга доир чора-тадбирлар тўғрисида»ги ПФ-5087-сон Фармонининг 3-бандига киритилаётган ўзгартириш
3-банднинг олтинчи хатбошиси қуйидаги таҳрирда баён этилсин:
«Ўзбекистон Республикаси Савдо-саноат палатаси Президиуми раиси Ўзбекистон Республикаси Президентининг тавсияси бўйича Президиум раиси лавозимига Президиум аъзолари томонидан сайланади».
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 18 февраль,
ПФ-75-сон
Oʻzbekiston Respublikasi Prezidentining
Farmoni
Turizm, madaniy meros va sport sohalarida davlat boshqaruvini takomillashtirishga doir tashkiliy chora-tadbirlar toʻgʻrisida
Ochiqlik siyosati, boy madaniy merosimiz va turizm sohasini qoʻllab-quvvatlash natijasida, soʻnggi yillarda yurtimizga tashrif buyurayotgan sayyohlarning soni bir necha barobar oʻsdi. Pandemiya ushbu sohaga ham oʻzining salbiy taʼsirini koʻrsatdi.
Shu bilan birga, mamlakatimizda turizm xizmatlarini jadal rivojlantirish, ayniqsa, infratuzilmani yaxshilash, ziyorat turizmi va ichki turizm imkoniyatlarini kengroq ishga solish, shuningdek, madaniy meros obyektlari muhofazasini kuchaytirishga oid ishlar samaradorligini tubdan oshirish zarur.
Shuningdek, sport sohasida — mahallalar va taʼlim muassasalarida sportni yanada ommalashtirish, ularda sport bilan shugʻullanish uchun barcha zarur sharoitlarni yaratish orqali aholini, shu jumladan yoshlarni sportning barcha turlariga keng jalb qilish, sogʻlom turmush tarzini keng targʻib qilish orqali oʻgʻil-qizlarimiz, ayollarimiz salomatligini mustahkamlash, nuroniy onaxon va otaxonlarimiz umrini uzaytirish, Olimpiya va Paralimpiya, Osiyo va Paraosiyo oʻyinlari hamda xalqaro musobaqalarda ishtirok etish uchun sportchilarimizning yanada puxta tayyorgarlik koʻrishlariga barcha sharoitlarni yaratish lozim.
Ushbu vazifalar ijrosini samarali tashkil etish, yangi yondashuvlar asosida turizm va sport sohalaridagi boshqaruv sifatini yanada oshirish maqsadida:
1. Quyidagilar tashkil qilinsin:
a) Turizm va sport vazirligi negizida:
Turizm va madaniy meros vazirligi;
Sportni rivojlantirish vazirligi;
b) Turizm va sport vazirligining hududiy boʻlinmalari negizida:
Qoraqalpogʻiston Respublikasi Turizm va madaniy meros vazirligi, Turizm va madaniy meros vazirligining viloyatlar va Toshkent shahar bosh boshqarmalari, tumanlar (shaharlar) boʻlimlari;
Qoraqalpogʻiston Respublikasi Sportni rivojlantirish vazirligi, Sportni rivojlantirish vazirligining viloyatlar va Toshkent shahar bosh boshqarmalari, tumanlar (shaharlar) boʻlimlari.
2. Belgilab qoʻyilsinki:
Turizm va madaniy meros vazirligi turizm va madaniy meros, Sportni rivojlantirish vazirligi esa sport sohalarida yagona davlat siyosatini amalga oshiruvchi davlat boshqaruvi organlari hisoblanadi;
Turizm va madaniy meros vazirligi hamda Sportni rivojlantirish vazirligi oʻz vakolatlari doirasida umummajburiy boʻlgan normativ-huquqiy hujjatlar qabul qiladi;
turizm, madaniy meros va sport masalalariga oid normativ-huquqiy hujjatlar loyihalari majburiy tartibda tegishincha Turizm va madaniy meros vazirligi hamda Sportni rivojlantirish vazirligi bilan kelishiladi;
davlat organlari va tashkilotlar, shuningdek, respublikaning xorijdagi diplomatik vakolatxonalari Turizm va madaniy meros vazirligi hamda Sportni rivojlantirish vazirligining murojaatiga koʻra tegishli maʼlumotlarni oʻrnatilgan tartibda taqdim etadi;
Turizm va madaniy meros vazirligi hamda Sportni rivojlantirish vazirligi Turizm va sport vazirligining tegishli huquqlari, majburiyatlari va shartnomalari, shu jumladan xalqaro shartnomalari boʻyicha huquqiy vorisi hisoblanadi.
3. Quyidagilar:
a) Turizm va madaniy meros vazirligining asosiy vazifalari etib belgilansin:
tashqi va ichki turizmni har tomonlama kengaytirish, yangi turizm yoʻnalishlarini ishlab chiqish hamda ularni turizm bozorlarida joriy qilish, turizm boʻyicha nufuzli xalqaro va milliy tashkilotlar bilan hamkorlikni kengaytirish, xalqaro va davlatlararo standartlar hamda normalarni turizm faoliyati va amaliyotiga joriy etish, mamlakatning turizm imijini yanada rivojlantirish;
turizm turlarini koʻpaytirish, eng avvalo, ichki va ziyorat turizmi, ekologik turizm, etnoturizm, ishbilarmonlik turizmi, sport, gastronomik, tibbiy, taʼlim va ilmiy turizmni har tomonlama rivojlantirish boʻyicha manzilli chora-tadbirlarni amalga oshirish, respublika hududlarining turizm salohiyatidan kelib chiqib turizmning istiqbolli yoʻnalishlarini belgilash, yangi turizm mahsulotlarini yaratish;
madaniy meros obyektlarini aniqlash, hisobga olish, muhofaza qilish, targʻib qilish, davlat reyestri, elektron katalogi, pasporti va davlat kadastrini yuritish, davlat nazoratini amalga oshirish, YUNESKO va boshqa xalqaro tashkilotlar hujjatlarining normalari va tavsiyalarini implementatsiya qilish, tarixiy-madaniy hududlarning tarixiy-madaniy qimmati, noyobligi, tabiiy landshafti va oʻziga xosligini saqlab qolish;
turizm xizmatlarining tashqi va ichki bozorlarida marketingini olib borish, mamlakatimizning bebaho turizm salohiyatini ommalashtirish va targʻib qilish, milliy turizm mahsulotlari va brendlarining xalqaro turizm bozorlariga kirib borishiga yoʻnaltirilgan faol reklama-axborot siyosatini amalga oshirish;
turizm infratuzilmasini shakllantirish, shu jumladan turizm obyektlarini joylashtirish uchun salohiyatli hududlarda rejalashtirish va loyihalashtirish ishlarini tashkil etish, ularga investorlarni jalb qilish, turizm sohasida tadbirkorlik faolligi oshishiga har tomonlama koʻmaklashish, turizm obyektlarini davlat-xususiy sheriklik asosida samarali boshqarish hamda mazkur sohani bosqichma-bosqich toʻliq raqamlashtirish;
b) Sportni rivojlantirish vazirligining asosiy vazifalari etib belgilansin:
har bir shaharcha, qishloq, ovulda, shuningdek, shaharlar, shaharchalar, qishloqlar hamda ovullardagi har bir mahallada aholi, ayniqsa, bolalar va yoshlar oʻrtasida sport bilan shugʻullanishni ommalashtirish, ommaviy sport turlari va sogʻlom turmush tarzini yuritishga keng jalb etish borasida keng koʻlamli ishlarni tashkillashtirish, ularni sport bilan muntazam ravishda shugʻullanishga jalb etish, sport taʼlimi tizimini takomillashtirish va raqamlashtirish, sport turlari boʻyicha yuqori natijador sportchilar zaxirasini yaratish;
sport infratuzilmasini rivojlantirish, shu jumladan qishloq va chekka hududlarda sport obyektlarini koʻpaytirish, sport marketingini rivojlantirish, sport obyektlarini davlat-xususiy sheriklik asosida samarali boshqarish hamda sohani bosqichma-bosqich toʻliq raqamlashtirish, nodavlat sport obyektlari va muassasalari tarmogʻini kengaytirish, ularni davlat tomonidan qoʻllab-quvvatlash;
mamlakatimizda professional sportni, shu jumladan jamoaviy, qishki va ekstremal sport turlarini rivojlantirishni, ilgʻor xalqaro tajribani hisobga olgan holda, sport tayyorgarligi jarayoniga zamonaviy texnologiyalarni joriy etish, barcha sport turlari boʻyicha milliy chempionatlar darajasi va sifatini oshirish, xalqaro va mintaqaviy musobaqalar tashkil etish, nosogʻlom sportga qarshi tizimli choralar koʻrishni taʼminlash;
Olimpiya va Paralimpiya, Osiyo va Paraosiyo oʻyinlari, jahon, Osiyo chempionatlari va boshqa xalqaro musobaqa va turnirlarda muvaffaqiyatli ishtirokini taʼminlash uchun istiqbolli sportchilarni saralash (seleksiya qilish), tayyorlash va mahoratini oshirishning, ular orasidan mamlakat terma jamoalari sifatli sport zaxirasi va tarkibini shakllantirishning samarali tizimini yaratishda Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi, sport federatsiyalari (assotsiatsiyalari) bilan hamkorlik qilish;
paralimpiya harakatini rivojlantirish, shu jumladan jismoniy imkoniyati cheklangan va nogironligi boʻlgan shaxslarga sport bilan shugʻullanish uchun shart-sharoitlarni kengaytirish, infratuzilmasini yaratish, istiqbolli sportchilarni saralash (seleksiya qilish) va professional sportga yoʻnaltirish, malakali mutaxassislarni tayyorlash.
4. Bosh vazir oʻrinbosari — turizm va sport vaziri lavozimi Bosh vazir oʻrinbosari — turizm va madaniy meros vaziri lavozimi etib qayta nomlansin.
5. Oʻzbekiston Respublikasi Prezidentining 2017-yil 19-iyundagi “Biznesning qonuniy manfaatlari davlat tomonidan muhofaza qilinishi va tadbirkorlik faoliyatini yanada rivojlantirish tizimini tubdan takomillashtirishga doir chora-tadbirlar toʻgʻrisida”gi PF-5087-son Farmonining 3-bandiga ilovaga muvofiq oʻzgartirish kiritilsin.
6. Vazirlar Mahkamasi bir oy muddatda:
Bosh vazir oʻrinbosari — turizm va madaniy meros vazirining funksional vazifalarini tasdiqlasin;
qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida tegishli normativ-huquqiy hujjatlar loyihalarini kiritsin.
7. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2022-yil 18-fevraldagi PF-75-son Farmoniga ILOVA
Oʻzbekiston Respublikasi Prezidentining 2017-yil 19-iyundagi “Biznesning qonuniy manfaatlari davlat tomonidan muhofaza qilinishi va tadbirkorlik faoliyatini yanada rivojlantirish tizimini tubdan takomillashtirishga doir chora-tadbirlar toʻgʻrisida”gi PF-5087-son Farmonining 3-bandiga kiritilayotgan oʻzgartirish
3-bandning oltinchi xatboshisi quyidagi tahrirda bayon etilsin:
“Oʻzbekiston Respublikasi Savdo-sanoat palatasi Prezidiumi raisi Oʻzbekiston Respublikasi Prezidentining tavsiyasi boʻyicha Prezidium raisi lavozimiga Prezidium aʼzolari tomonidan saylanadi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 18-fevral,
PF-75-son
Президента Республики Узбекистан
Указ
Об организационных мерах по совершенствованию государственного управления в сферах туризма, культурного наследия и спорта
В результате поддержки политики открытости, богатого культурного наследия и сферы туризма в последние годы в несколько раз увеличилась численность туристов, посещающих нашу страну. Пандемия оказала свое негативное воздействие также на эту сферу.
Вместе с тем необходимо кардинально повысить эффективность работы по ускоренному развитию в стране туристских услуг, особенно по улучшению инфраструктуры, более широкому задействованию возможностей паломнического и внутреннего туризма, а также усилению охраны объектов культурного наследия.
В сфере спорта требуется широкое привлечение ко всем видам спорта населения, включая молодежь, посредством дальнейшей популяризации спорта в махаллях и образовательных учреждениях, создания в них всех условий, необходимых для занятия спортом, укрепление здоровья мальчиков и девочек, женщин, продление жизни почтенных отцов и матерей путем широкой пропаганды здорового образа жизни, а также создание всех условий для дальнейшей тщательной подготовки наших спортсменов к участию в Олимпийских и Паралимпийских, Азиатских и Паразиатских играх и международных соревнованиях.
В целях эффективной организации исполнения данных задач, дальнейшего повышения качества управления в сферах туризма и спорта на основе новых подходов:
1. Образовать:
а) на базе Министерства туризма и спорта:
Министерство туризма и культурного наследия;
Министерство развития спорта;
б) на базе территориальных подразделений Министерства туризма и спорта:
Министерство туризма и культурного наследия Республики Каракалпакстан, главные управления областей и города Ташкента, отделы районов (городов) Министерства туризма и культурного наследия;
Министерство развития спорта Республики Каракалпакстан, главные управления областей и города Ташкента, отделы районов (городов) Министерства развития спорта.
2. Установить, что:
Министерство туризма и культурного наследия и Министерство развития спорта являются органами государственного управления по реализации единой государственной политики в сферах туризма, культурного наследия и спорта соответственно;
Министерство туризма и культурного наследия и Министерство развития спорта в рамках своих полномочий принимают нормативно-правовые акты общеобязательного характера;
проекты нормативно-правовых актов по вопросам туризма, культурного наследия и спорта согласовываются в обязательном порядке соответственно с Министерством туризма и культурного наследия и Министерством развития спорта;
государственные органы и организации, а также дипломатические представительства республики за рубежом в установленном порядке представляют соответствующую информацию по обращениям Министерства туризма и культурного наследия и Министерства развития спорта;
Министерство туризма и культурного наследия и Министерство развития спорта являются правопреемниками по соответствующим правам, обязательствам и договорам, включая международные, Министерства туризма и спорта.
3. Определить основными задачами:
а) Министерства туризма и культурного наследия:
всестороннее расширение внешнего и внутреннего туризма, разработку новых туристских маршрутов и их продвижение на туристские рынки, расширение сотрудничества с авторитетными международными и национальными организациями по туризму, внедрение международных и межгосударственных стандартов и норм в туристскую деятельность и практику, дальнейшее развитие туристского имиджа страны;
расширение видов туризма, осуществление адресных мер по всестороннему развитию прежде всего внутреннего и паломнического, экологического, этнографического, делового, спортивного, гастрономического, медицинского, образовательного и научного туризма, определение перспективных направлений туризма и создание новых туристских продуктов исходя из туристского потенциала регионов республики;
выявление, постановку на учет, охрану, пропаганду, ведение государственного реестра, электронного каталога, паспорта и государственного кадастра объектов культурного наследия, осуществление государственного контроля в данном направлении, имплементацию норм документов и рекомендаций ЮНЕСКО и иных международных организаций, сохранение историко-культурной ценности, уникальности, природного ландшафта и своеобразности историко-культурных территорий;
ведение маркетинга на внешнем и внутреннем рынках туристских услуг, популяризацию и пропаганду бесценного туристского потенциала нашей страны, реализацию активной рекламно-информационной политики, направленной на продвижение национальных туристских продуктов и брендов на международные туристские рынки;
организацию работы по планированию и проектированию территорий, обладающих туристским потенциалом, для формирования туристской инфраструктуры, в том числе размещения туристских объектов, а также привлечение инвесторов к ним, оказание всестороннего содействия в повышении предпринимательской активности в сфере туризма, эффективное управление туристскими объектами на основе государственно-частного партнерства, поэтапную полную оцифровку данной сферы;
б) Министерства развития спорта:
организацию широкомасштабной работы по популяризации занятия спортом, широкому привлечению к массовым видам спорта и ведению здорового образа жизни населения, особенно детей и молодежи, каждого городка, поселка, аула, каждой махалли городов, городков, поселков и аулов, их привлечению к занятию спортом на постоянной основе, совершенствование и цифровизацию системы спортивного образования, создание резерва высокоэффективных спортсменов по видам спорта;
развитие спортивной инфраструктуры, в том числе увеличение спортивных объектов в сельских и отдаленных районах, развитие спортивного маркетинга, эффективное управление спортивными объектами на основе государственно-частного партнерства, поэтапную полную цифровизацию сферы, расширение сети негосударственных спортивных объектов и учреждений, их государственную поддержку;
развитие профессионального спорта в стране, в том числе командного, зимнего и экстремального видов спорта, внедрение современных технологий в процесс спортивной подготовки с учетом передового международного опыта, повышение уровня и качества национальных чемпионатов по всем видам спорта, организацию международных и региональных соревнований, обеспечение принятия системных мер по противодействию нездоровому спорту;
осуществление взаимодействия с Национальным олимпийским комитетом Узбекистана, Национальным паралимпийским комитетом Узбекистана, спортивными федерациями (ассоциациями) в создании эффективной системы отбора (селекции), подготовки и повышения мастерства перспективных спортсменов, формировании из их числа качественного спортивного резерва и составов сборных команд страны для обеспечения успешного участия в Олимпийских и Паралимпийских, Азиатских и Паразиатских играх, чемпионатах мира, Азии и других международных соревнованиях и турнирах;
развитие паралимпийского движения, в том числе расширение условий для занятия спортом лиц с ограниченными физическими возможностями и инвалидностью, создание его инфраструктуры, отбор (селекцию) и ориентацию на профессиональный спорт перспективных спортсменов, а также подготовку квалифицированных специалистов.
4. Переименовать должность заместителя Премьер-министра — министра туризма и спорта в должность заместителя Премьер-министра — министра туризма и культурного наследия.
5. Внести в пункт 3 Указа Президента Республики Узбекистан от 19 июня 2017 года № УП-5087 «О мерах по коренному совершенствованию системы государственной защиты законных интересов бизнеса и дальнейшего развития предпринимательской деятельности» изменение согласно приложению .
6. Кабинету Министров в месячный срок:
утвердить функциональные обязанности заместителя Премьер-министра — министра туризма и культурного наследия;
внести проекты соответствующих нормативно-правовых актов о внесении изменений и дополнений в акты законодательства, вытекающих из настоящего Указа.
7. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 18 февраля 2022 года № УП-75
Изменение, вносимое в пункт 3 Указа Президента Республики Узбекистан от 19 июня 2017 года № УП-5087 «О мерах по коренному совершенствованию системы государственной защиты законных интересов бизнеса и дальнейшего развития предпринимательской деятельности»
Абзац шестой изложить в следующей редакции:
«председатель Президиума Торгово-промышленной палаты Республики Узбекистан избирается на должность председателя Президиума членами Президиума по представлению Президента Республики Узбекистан».
Президент Республики Узбекистан Ш. МИРЗИЁЕВ
г. Ташкент,
18 февраля 2022 г.,
№ УП-75