📅 2022-yil 22-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 22 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 22 февраля 2022 г. · Постановления Президента
Официальный текст. Официальный документ. Редакционные примечания не включены.
📅 22 February 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Айдар-Арнасой кўллар тизими бошқарувини такомиллаштириш чора-тадбирлари тўғрисида
Сўнгги йилларда Айдар-Арнасой кўллар тизимидан оқилона фойдаланишни таъминлаш, биологик хилма-хилликни сақлаш, балиқчиликни ривожлантириш, шунингдек, табиий сув ҳавзаларида балиқларни кўпайтириш мақсадида қатор чора-тадбирлар амалга оширилган.
Шу билан бирга, бугунги кунда мазкур кўллар тизимининг 45 фоизи ёки 179 минг гектар майдони ижарага берилмаган, балиқ овлаш кўрсаткичлари йилдан-йилга камайиб, 2017 йил кўрсаткичларига нисбатан икки баробарга пасайган, ноқонуний балиқ овлаш ҳолатлари авж олиши билан бир қаторда, сафари, эко-, агро- ва бошқа туризм турларини ривожлантириш учун етарли муҳандислик-коммуникация инфратузилмаси ташкил этилмаган.
Айдар-Арнасой кўллар тизимидан самарали фойдаланиш, экологик ҳолатни яхшилаш, аҳолининг балиқ ва балиқ маҳсулотларига бўлган эҳтиёжини қондириш, ҳудудда ҳайвонот ва ўсимлик дунёси муҳофазасини кучайтириш, туризм салоҳиятидан тизимли фойдаланишни ташкил этиш мақсадида:
1. Давлат активларини бошқариш агентлиги, Монополияга қарши курашиш қўмитаси, Давлат солиқ қўмитаси, Экология ва атроф-муҳитни муҳофаза қилиш давлат қўмитаси, Сув хўжалиги вазирлиги, Ветеринария ва чорвачиликни ривожлантириш давлат қўмитаси, Жиззах ва Навоий вилоятлари ҳокимликлари ҳамда «Ўзбекбалиқсаноат» уюшмасининг:
Давлат солиқ қўмитаси ҳузуридаги «Айдар-Арнасой кўллар тизими дирекцияси» давлат унитар корхонасини Сув хўжалиги вазирлиги муассислигидаги «Айдар-Арнасой кўллар тизими» масъулияти чекланган жамияти (кейинги ўринларда — «Айдар-Арнасой кўллар тизими» МЧЖ) сифатида қайта ташкил этиш;
Жиззах ва Навоий вилоятлари ҳудудида жойлашган Айдар-Арнасой кўллар тизимини белгиланган тартибда қайта ташкил этилаётган «Айдар-Арнасой кўллар тизими» МЧЖга балиқчилик тармоғини ривожлантириш учун доимий равишда танҳо фойдаланиш учун бериш тўғрисидаги таклифларига розилик берилсин.
2. Қуйидагилар «Айдар-Арнасой кўллар тизими» МЧЖнинг асосий вазифалари ва фаолият йўналишлари этиб белгиланганлиги маълумот учун қабул қилинсин:
сув ҳавзасида келгусида балиқларни кўпайтириш мақсадида балиқ чавоқлари етиштириш учун Айдар-Арнасой кўллар тизими ҳудудида балиқ парваришлаш ва инкубация цехларини ташкил этиш ҳамда уларнинг фаолиятини таъминлаш;
балиқ овлаш ҳажмларини кўпайтириш, экспортбоп ва рақобатбардош балиқ маҳсулотлари етиштириш бўйича технологик жараёнларни босқичма-босқич шакллантириш;
интенсив балиқ етиштиришнинг замонавий технологияларини, шу жумладан қафас усулини кенг жорий этиш ҳамда табиий сув ҳавзаларида маҳсулдорликни кўпайтириш ҳисобига балиқ овлаш ҳажмларини ошириш;
личинка ишлаб чиқариш бўйича янги инкубация цехларини ташкил этиш, балиқ чавоқлари етиштириш ҳажмларини кўпайтириш, балиқ чавоқлари етиштириш бўйича мавжуд ҳовузларни модернизация қилиш ва кенгайтириш;
кўллар тизими ҳудудида замонавий туризм инфратузилмаси объектларини (пляж ва сувда дам олиш туризми, кўллар қирғоғи бўйлаб сайр қилиш йўлаклари, меҳмонхона мажмуалари, соғломлаштириш, савдо-кўнгилочар ва туристик аҳамиятга эга бошқа объектлар) барпо этиш ҳамда туристларга хизмат кўрсатиш учун зарур шарт-шароитлар яратиш, шунингдек, ҳаваскорлик ва спорт балиқ овини ривожлантириш;
Айдар-Арнасой кўллар тизими атрофида узоқ муддатли шартнома асосида замонавий енгил конструкцияли туризм инфратузилма объектларини ташкил этиш;
сув ҳавзалари ҳолатининг гидробиологик ва гидрокимёвий таҳлилини ташкил этиш;
Айдар-Арнасой кўллар тизимида сувдан фойдаланишга оид қонунчилик ҳужжатлари ижросини таъминлаш ҳамда сув ресурсларидан самарали фойдаланилишини ташкил қилиш;
ҳудудда энергиянинг муқобил ва қайта тикланувчи манбаларини қўллаган ҳолда янги замонавий энергия тежовчи тизимлар ва технологияларни жорий қилиш;
балиқ овлаш хўжаликларига сув ҳавзаси участкаларининг ижарага берилиши бўйича очиқ танлов ўтказилишини ташкил этиш ҳамда танлов ғолиблари бўлган балиқ овлаш хўжаликлари билан ижара шартномаси тузиш;
доимий равишда Айдар-Арнасой кўллар тизими ҳудудида ободонлаштириш, кўкаламзорлаштириш ва кўллар тубини чиқиндилардан тозалаш ишларини амалга ошириш.
3. Сув хўжалиги вазирлиги (Ш.Р. Хамраев) икки ой муддатда:
«Айдар-Арнасой кўллар тизими» МЧЖнинг бошқарув ходимлари тузилмаси тасдиқланишини;
«Айдар-Арнасой кўллар тизими» МЧЖ уставининг тасдиқланишини ва давлат рўйхатидан ўтказилишини;
«Айдар-Арнасой кўллар тизими» МЧЖ устав фонди шакллантирилишини;
«Айдар-Арнасой кўллар тизими» МЧЖ ижро этувчи аппарати тасдиқланган тузилма ва штатлар жадвалига мувофиқ юқори малакали мутахассислар билан тўлдирилишини таъминласин.
4. Айдар-Арнасой кўллар тизимининг «Арнасой» сув омбори ҳудудида балиқ овлашга бир йил муддатга мораторий эълон қилинсин, бунда:
сув омбори ҳудудида балиқ овлаш қатъиян тақиқланади;
сувдан тўрлар ва ов қилиш қуроллари йиғиб олинади;
сув омборини балиқлантириш мақсадида илмий-асосланган ўрганишлар амалга оширилади.
5. Давлат солиқ қўмитаси (Ш.Д. Кудбиев) икки ой муддатда:
«Айдар-Арнасой кўллар тизими дирекцияси» ДУК балансидаги маъмурий бино-иншоотлар ва мол-мулклар «Айдар-Арнасой кўллар тизими» МЧЖ балансига ўтказилишини;
«Айдар-Арнасой кўллар тизими дирекцияси» ДУК ҳисобидаги кредиторлик қарздорликлар Давлат солиқ қўмитасининг Моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармаси ҳисобидан тўлаб берилишини;
муқаддам «Айдар-Арнасой кўллар тизими дирекцияси» ДУК билан тузилган ижара шартномалари бекор қилинишини таъминласин.
6. Молия вазирлиги (Т.А. Ишметов) Давлат активларини бошқариш агентлиги (А.Ж. Ортиқов), Монополияга қарши курашиш қўмитаси (Ш.Ш. Шорахметов), «Ўзбекбалиқсаноат» уюшмаси (О.М. Мусаев) ҳамда Сув хўжалиги вазирлиги (Ш.Р. Хамраев) билан биргаликда 2022 йил якунига қадар «Айдар-Арнасой кўллар тизими» МЧЖни белгиланган тартибда инвестиция киритиш шарти билан танлов асосида ноёб турдаги балиқларни етиштириш, сув ҳавзаларини балиқлантириш, балиқни қайта ишлаш технологияси ва тажрибасига эга маҳаллий инвесторга (кейинги ўринларда — Инвестор) ишончли бошқарувга берсин, бунда Инвесторга 2022 — 2026 йиллар давомида қуйидагиларни амалга ошириш талаби юклатилади:
камида 30 млн АҚШ доллари миқдорида инвестиция киритиш;
инкубация цехлари ва репродуктор ҳавза имкониятларидан тўлиқ фойдаланган ҳолда балиқ личинкалари ишлаб чиқариш қувватларини йилига 100 млн донага, балиқ чавоқлари етиштириш қувватларини 15 — 20 млн донага етказиш ҳамда мазкур балиқ чавоқлари билан кўллар тизимини балиқлантириш;
кўллар тизимидан йиллик балиқ овлаш ҳажмларини 15 минг тоннагача етказиш ҳамда океаник қафас (садок) мосламаларини ўрнатиш орқали қўшимча 5 минг тонна балиқ етиштириш;
кўллар тизимининг «Тузкон» кўли ҳудудида «Балиқ ишлаб чиқариш» комплекси ташкил этиш ва ушбу комплексда йилига 3 минг тонна балиқни қайта ишлаш корхонасини ишга тушириш;
кўллар тизими ва унинг атроф-муҳит имкониятларидан самарали фойдаланган ҳолда инвестицияларни кенг жалб қилиш, маркетингни йўлга қўйиш ҳамда қайта ишлашни ривожлантириш асосида 1 000 та иш ўрнини яратиш;
ҳудуддаги туризм салоҳиятини ошириб, унинг имкониятларидан самарали фойдаланган ҳолда ҳаваскор ва спорт балиқ ови туризмини кенгайтириш, сайёҳларга хизмат кўрсатиш ҳажмини ошириш;
кўллар тизимининг биологик хилма-хиллигини сақлаш, балиқ захираларини илмий ёндашган ҳолда кўпайтириш;
хорижий мутахассисларни жалб қилган ҳолда, кўллар тизимида шўр сувда балиқ захираларини кўпайтириш бўйича лаборатория марказини ташкил этиш;
кўллар тизими ҳудудидаги коллектор-дренаж тармоқларини тўлиқ тозалаш.
Инвестор томонидан Ишончли бошқарув шартномасидан келиб чиқувчи барча мажбуриятлар бажарилган тақдирда шартноманинг амал қилиш муддати 49 йилгача узайтирилади.
7. Бош прокуратуранинг:
Айдар-Арнасой кўллар тизимини ривожлантириш соҳасида қонунчилик ижроси устидан назорат бошқармасини Табиий кўлларда балиқчиликни ривожлантириш ва сув ресурсларидан фойдаланишга оид қонунчилик ижроси устидан назорат бошқармаси деб қайта номлаш;
Жиззах ва Навоий вилоятлари прокуратураларининг таркибида Давлат солиқ хизмати органлари бошқарув ходимларининг штат бирликларини қисқартириш ҳисобига 4 тадан штат бирлигидан иборат бўлган Айдар-Арнасой кўллар тизимини ривожлантиришда қонунчилик ижроси устидан назорат бўлимларини ташкил этиш;
Қорақалпоғистон Республикаси ва вилоятлар прокуратураларида табиий кўлларда балиқчиликни ривожлантириш ва сув ресурсларидан фойдаланишга оид қонунчилик ижроси устидан назорат бўйича катта ёрдамчи лавозимини прокуратура органларига ажратилган штат бирликлари доирасида (жами 11 та штат бирлиги) жорий этиш тўғрисидаги таклифларига розилик берилсин.
8. Ушбу қарорда белгиланган чора-тадбирларнинг самарали ва ўз вақтида амалга оширилишини таъминлаш мақсадида:
Ички ишлар вазирлиги (П.Р. Бобожонов) ҳамда Экология ва атроф-муҳитни муҳофаза қилиш давлат қўмитаси (Н.Н. Обломуродов) Айдар-Арнасой кўллар тизимида ов қилиш, балиқ овлаш, ҳайвонот, ўсимлик дунёсидан, сув ва сув ҳавзаларидан фойдаланиш соҳасидаги ҳуқуқбузарлар базасини шакллантириш ва таҳлил этиб бориш тизимини йўлга қўйсин;
Ички ишлар вазирлиги (П.Р. Бобожонов) Бош прокуратура (Н.Т. Йўлдошев), Миллий гвардия (Р.М. Джураев) ва бошқа манфаатдор идоралар билан биргаликда икки ой муддатда 2022 — 2027 йилларда Айдар-Арнасой кўллар тизимида қонун бузилиши ҳолатларини аниқлаш ва уларнинг олдини олишга қаратилган ўзаро ҳамкорликдаги ҳаракатлар дастурини ишлаб чиқсин.
9. Вазирлар Маҳкамаси:
бир ой муддатда Айдар-Арнасой кўллар тизими бошқарувини ташкил этишнинг қўшимча чора-тадбирлари тўғрисида қарор лойиҳасини қабул қилсин;
икки ой муддатда манфаатдор вазирлик ва идоралар ҳамда Жиззах вилояти (Э.А. Салиев) ва Навоий вилояти (Н.Т. Турсунов) ҳокимлари билан биргаликда Айдар-Арнасой кўллар тизими атрофида инфратузилмани ривожлантириш бўйича комплекс чора-тадбирлар дастурини тасдиқласин.
10. Сув хўжалиги вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ш.М. Ғаниев, сув хўжалиги вазири Ш.Р. Хамраев, Жиззах ва Навоий вилоятлари ҳокимлари зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 22 февраль,
ПҚ-141-сон
Oʻzbekiston Respublikasi Prezidentining
Qarori
Aydar-Arnasoy koʻllar tizimi boshqaruvini takomillashtirish chora-tadbirlari toʻgʻrisida
Soʻnggi yillarda Aydar-Arnasoy koʻllar tizimidan oqilona foydalanishni taʼminlash, biologik xilma-xillikni saqlash, baliqchilikni rivojlantirish, shuningdek, tabiiy suv havzalarida baliqlarni koʻpaytirish maqsadida qator chora-tadbirlar amalga oshirilgan.
Shu bilan birga, bugungi kunda mazkur koʻllar tizimining 45 foizi yoki 179 ming gektar maydoni ijaraga berilmagan, baliq ovlash koʻrsatkichlari yildan-yilga kamayib, 2017-yil koʻrsatkichlariga nisbatan ikki barobarga pasaygan, noqonuniy baliq ovlash holatlari avj olishi bilan bir qatorda, safari, eko-, agro- va boshqa turizm turlarini rivojlantirish uchun yetarli muhandislik-kommunikatsiya infratuzilmasi tashkil etilmagan.
Aydar-Arnasoy koʻllar tizimidan samarali foydalanish, ekologik holatni yaxshilash, aholining baliq va baliq mahsulotlariga boʻlgan ehtiyojini qondirish, hududda hayvonot va oʻsimlik dunyosi muhofazasini kuchaytirish, turizm salohiyatidan tizimli foydalanishni tashkil etish maqsadida:
1. Davlat aktivlarini boshqarish agentligi, Monopoliyaga qarshi kurashish qoʻmitasi, Davlat soliq qoʻmitasi, Ekologiya va atrof-muhitni muhofaza qilish davlat qoʻmitasi, Suv xoʻjaligi vazirligi, Veterinariya va chorvachilikni rivojlantirish davlat qoʻmitasi, Jizzax va Navoiy viloyatlari hokimliklari hamda “Oʻzbekbaliqsanoat” uyushmasining:
Davlat soliq qoʻmitasi huzuridagi “Aydar-Arnasoy koʻllar tizimi direksiyasi” davlat unitar korxonasini Suv xoʻjaligi vazirligi muassisligidagi “Aydar-Arnasoy koʻllar tizimi” masʼuliyati cheklangan jamiyati (keyingi oʻrinlarda — “Aydar-Arnasoy koʻllar tizimi” MCHJ) sifatida qayta tashkil etish;
Jizzax va Navoiy viloyatlari hududida joylashgan Aydar-Arnasoy koʻllar tizimini belgilangan tartibda qayta tashkil etilayotgan “Aydar-Arnasoy koʻllar tizimi” MCHJga baliqchilik tarmogʻini rivojlantirish uchun doimiy ravishda tanho foydalanish uchun berish toʻgʻrisidagi takliflariga rozilik berilsin.
2. Quyidagilar “Aydar-Arnasoy koʻllar tizimi” MCHJning asosiy vazifalari va faoliyat yoʻnalishlari etib belgilanganligi maʼlumot uchun qabul qilinsin:
suv havzasida kelgusida baliqlarni koʻpaytirish maqsadida baliq chavoqlari yetishtirish uchun Aydar-Arnasoy koʻllar tizimi hududida baliq parvarishlash va inkubatsiya sexlarini tashkil etish hamda ularning faoliyatini taʼminlash;
baliq ovlash hajmlarini koʻpaytirish, eksportbop va raqobatbardosh baliq mahsulotlari yetishtirish boʻyicha texnologik jarayonlarni bosqichma-bosqich shakllantirish;
intensiv baliq yetishtirishning zamonaviy texnologiyalarini, shu jumladan qafas usulini keng joriy etish hamda tabiiy suv havzalarida mahsuldorlikni koʻpaytirish hisobiga baliq ovlash hajmlarini oshirish;
lichinka ishlab chiqarish boʻyicha yangi inkubatsiya sexlarini tashkil etish, baliq chavoqlari yetishtirish hajmlarini koʻpaytirish, baliq chavoqlari yetishtirish boʻyicha mavjud hovuzlarni modernizatsiya qilish va kengaytirish;
koʻllar tizimi hududida zamonaviy turizm infratuzilmasi obyektlarini (plyaj va suvda dam olish turizmi, koʻllar qirgʻogʻi boʻylab sayr qilish yoʻlaklari, mehmonxona majmualari, sogʻlomlashtirish, savdo-koʻngilochar va turistik ahamiyatga ega boshqa obyektlar) barpo etish hamda turistlarga xizmat koʻrsatish uchun zarur shart-sharoitlar yaratish, shuningdek, havaskorlik va sport baliq ovini rivojlantirish;
Aydar-Arnasoy koʻllar tizimi atrofida uzoq muddatli shartnoma asosida zamonaviy yengil konstruksiyali turizm infratuzilma obyektlarini tashkil etish;
suv havzalari holatining gidrobiologik va gidrokimyoviy tahlilini tashkil etish;
Aydar-Arnasoy koʻllar tizimida suvdan foydalanishga oid qonunchilik hujjatlari ijrosini taʼminlash hamda suv resurslaridan samarali foydalanilishini tashkil qilish;
hududda energiyaning muqobil va qayta tiklanuvchi manbalarini qoʻllagan holda yangi zamonaviy energiya tejovchi tizimlar va texnologiyalarni joriy qilish;
baliq ovlash xoʻjaliklariga suv havzasi uchastkalarining ijaraga berilishi boʻyicha ochiq tanlov oʻtkazilishini tashkil etish hamda tanlov gʻoliblari boʻlgan baliq ovlash xoʻjaliklari bilan ijara shartnomasi tuzish;
doimiy ravishda Aydar-Arnasoy koʻllar tizimi hududida obodonlashtirish, koʻkalamzorlashtirish va koʻllar tubini chiqindilardan tozalash ishlarini amalga oshirish.
3. Suv xoʻjaligi vazirligi (Sh.R. Xamrayev) ikki oy muddatda:
“Aydar-Arnasoy koʻllar tizimi” MCHJning boshqaruv xodimlari tuzilmasi tasdiqlanishini;
“Aydar-Arnasoy koʻllar tizimi” MCHJ ustavining tasdiqlanishini va davlat roʻyxatidan oʻtkazilishini;
“Aydar-Arnasoy koʻllar tizimi” MCHJ ustav fondi shakllantirilishini;
“Aydar-Arnasoy koʻllar tizimi” MCHJ ijro etuvchi apparati tasdiqlangan tuzilma va shtatlar jadvaliga muvofiq yuqori malakali mutaxassislar bilan toʻldirilishini taʼminlasin.
4. Aydar-Arnasoy koʻllar tizimining “Arnasoy” suv ombori hududida baliq ovlashga bir yil muddatga moratoriy eʼlon qilinsin, bunda:
suv ombori hududida baliq ovlash qatʼiyan taqiqlanadi;
suvdan toʻrlar va ov qilish qurollari yigʻib olinadi;
suv omborini baliqlantirish maqsadida ilmiy-asoslangan oʻrganishlar amalga oshiriladi.
5. Davlat soliq qoʻmitasi (Sh.D. Kudbiyev) ikki oy muddatda:
“Aydar-Arnasoy koʻllar tizimi direksiyasi” DUK balansidagi maʼmuriy bino-inshootlar va mol-mulklar “Aydar-Arnasoy koʻllar tizimi” MCHJ balansiga oʻtkazilishini;
“Aydar-Arnasoy koʻllar tizimi direksiyasi” DUK hisobidagi kreditorlik qarzdorliklar Davlat soliq qoʻmitasining Moddiy yordam, ijtimoiy himoya, soliq organlarini rivojlantirish va koʻzda tutilmagan xarajatlar maxsus jamgʻarmasi hisobidan toʻlab berilishini;
muqaddam “Aydar-Arnasoy koʻllar tizimi direksiyasi” DUK bilan tuzilgan ijara shartnomalari bekor qilinishini taʼminlasin.
6. Moliya vazirligi (T.A. Ishmetov) Davlat aktivlarini boshqarish agentligi (A.J. Ortiqov), Monopoliyaga qarshi kurashish qoʻmitasi (Sh.Sh. Shoraxmetov), “Oʻzbekbaliqsanoat” uyushmasi (O.M. Musayev) hamda Suv xoʻjaligi vazirligi (Sh.R. Xamrayev) bilan birgalikda 2022-yil yakuniga qadar “Aydar-Arnasoy koʻllar tizimi” MCHJni belgilangan tartibda investitsiya kiritish sharti bilan tanlov asosida noyob turdagi baliqlarni yetishtirish, suv havzalarini baliqlantirish, baliqni qayta ishlash texnologiyasi va tajribasiga ega mahalliy investorga (keyingi oʻrinlarda — Investor) ishonchli boshqaruvga bersin, bunda Investorga 2022 — 2026-yillar davomida quyidagilarni amalga oshirish talabi yuklatiladi:
kamida 30 mln AQSH dollari miqdorida investitsiya kiritish;
inkubatsiya sexlari va reproduktor havza imkoniyatlaridan toʻliq foydalangan holda baliq lichinkalari ishlab chiqarish quvvatlarini yiliga 100 mln donaga, baliq chavoqlari yetishtirish quvvatlarini 15 — 20 mln donaga yetkazish hamda mazkur baliq chavoqlari bilan koʻllar tizimini baliqlantirish;
koʻllar tizimidan yillik baliq ovlash hajmlarini 15 ming tonnagacha yetkazish hamda okeanik qafas (sadok) moslamalarini oʻrnatish orqali qoʻshimcha 5 ming tonna baliq yetishtirish;
koʻllar tizimining “Tuzkon” koʻli hududida “Baliq ishlab chiqarish” kompleksi tashkil etish va ushbu kompleksda yiliga 3 ming tonna baliqni qayta ishlash korxonasini ishga tushirish;
koʻllar tizimi va uning atrof-muhit imkoniyatlaridan samarali foydalangan holda investitsiyalarni keng jalb qilish, marketingni yoʻlga qoʻyish hamda qayta ishlashni rivojlantirish asosida 1 000 ta ish oʻrnini yaratish;
hududdagi turizm salohiyatini oshirib, uning imkoniyatlaridan samarali foydalangan holda havaskor va sport baliq ovi turizmini kengaytirish, sayyohlarga xizmat koʻrsatish hajmini oshirish;
koʻllar tizimining biologik xilma-xilligini saqlash, baliq zaxiralarini ilmiy yondashgan holda koʻpaytirish;
xorijiy mutaxassislarni jalb qilgan holda, koʻllar tizimida shoʻr suvda baliq zaxiralarini koʻpaytirish boʻyicha laboratoriya markazini tashkil etish;
koʻllar tizimi hududidagi kollektor-drenaj tarmoqlarini toʻliq tozalash.
Investor tomonidan Ishonchli boshqaruv shartnomasidan kelib chiquvchi barcha majburiyatlar bajarilgan taqdirda shartnomaning amal qilish muddati 49 yilgacha uzaytiriladi.
7. Bosh prokuraturaning:
Aydar-Arnasoy koʻllar tizimini rivojlantirish sohasida qonunchilik ijrosi ustidan nazorat boshqarmasini Tabiiy koʻllarda baliqchilikni rivojlantirish va suv resurslaridan foydalanishga oid qonunchilik ijrosi ustidan nazorat boshqarmasi deb qayta nomlash;
Jizzax va Navoiy viloyatlari prokuraturalarining tarkibida Davlat soliq xizmati organlari boshqaruv xodimlarining shtat birliklarini qisqartirish hisobiga 4 tadan shtat birligidan iborat boʻlgan Aydar-Arnasoy koʻllar tizimini rivojlantirishda qonunchilik ijrosi ustidan nazorat boʻlimlarini tashkil etish;
Qoraqalpogʻiston Respublikasi va viloyatlar prokuraturalarida tabiiy koʻllarda baliqchilikni rivojlantirish va suv resurslaridan foydalanishga oid qonunchilik ijrosi ustidan nazorat boʻyicha katta yordamchi lavozimini prokuratura organlariga ajratilgan shtat birliklari doirasida (jami 11 ta shtat birligi) joriy etish toʻgʻrisidagi takliflariga rozilik berilsin.
8. Ushbu qarorda belgilangan chora-tadbirlarning samarali va oʻz vaqtida amalga oshirilishini taʼminlash maqsadida:
Ichki ishlar vazirligi (P.R. Bobojonov) hamda Ekologiya va atrof-muhitni muhofaza qilish davlat qoʻmitasi (N.N. Oblomurodov) Aydar-Arnasoy koʻllar tizimida ov qilish, baliq ovlash, hayvonot, oʻsimlik dunyosidan, suv va suv havzalaridan foydalanish sohasidagi huquqbuzarlar bazasini shakllantirish va tahlil etib borish tizimini yoʻlga qoʻysin;
Ichki ishlar vazirligi (P.R. Bobojonov) Bosh prokuratura (N.T. Yoʻldoshev), Milliy gvardiya (R.M. Djurayev) va boshqa manfaatdor idoralar bilan birgalikda ikki oy muddatda 2022 — 2027-yillarda Aydar-Arnasoy koʻllar tizimida qonun buzilishi holatlarini aniqlash va ularning oldini olishga qaratilgan oʻzaro hamkorlikdagi harakatlar dasturini ishlab chiqsin.
9. Vazirlar Mahkamasi:
bir oy muddatda Aydar-Arnasoy koʻllar tizimi boshqaruvini tashkil etishning qoʻshimcha chora-tadbirlari toʻgʻrisida qaror loyihasini qabul qilsin;
ikki oy muddatda manfaatdor vazirlik va idoralar hamda Jizzax viloyati (E.A. Saliyev) va Navoiy viloyati (N.T. Tursunov) hokimlari bilan birgalikda Aydar-Arnasoy koʻllar tizimi atrofida infratuzilmani rivojlantirish boʻyicha kompleks chora-tadbirlar dasturini tasdiqlasin.
10. Suv xoʻjaligi vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Sh.M. Gʻaniyev, suv xoʻjaligi vaziri Sh.R. Xamrayev, Jizzax va Navoiy viloyatlari hokimlari zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 22-fevral,
PQ-141-son
Президента Республики Узбекистан
Постановление
О мерах по совершенствованию управления Айдар-Арнасайской системой озер
В последние годы в целях обеспечения рационального использования Айдар-Арнасайской системы озер, сохранения биоразнообразия, развития рыбоводства, увеличения количества рыбы в естественных водоемах осуществлен целый ряд мер.
Наряду с этим на сегодняшний день 179 тысяч гектаров, или 45 процентов, площади этой системы озер не передано в аренду, из года в год снижаются показатели улова рыбы, которые по сравнению с 2017 годом сократились в два раза, увеличиваются случаи незаконного улова рыбы, кроме того, не создана достаточная инженерно-коммуникационная инфраструктура развития сафари, эко-, агро- и иных видов туризма.
В целях эффективной эксплуатации, улучшения экологической обстановки, удовлетворения потребности населения в рыбе и рыбной продукции, организации системного использования туристского потенциала Айдар-Арнасайской системы озер, а также усиления охраны растительного и животного мира в регионе:
1. Согласиться с предложениями Агентства по управлению государственными активами, Антимонопольного комитета, Государственного налогового комитета, Государственного комитета по экологии и охране окружающей среды, Министерства водного хозяйства, Государственного комитета ветеринарии и развития животноводства, хокимиятов Джизакской и Навоийской областей, а также Ассоциации «Узбекбаликсаноат» о:
реорганизации Государственного унитарного предприятия «Дирекция Айдар-Арнасайской системы озер» при Государственном налоговом комитете в качестве общества с ограниченной ответственностью «Айдар-Арнасайская система озер» при учредительстве Министерства водного хозяйства (далее — ООО «Айдар-Арнасайская система озер»);
передаче Айдар-Арнасайской системы озер, находящейся на территории Джизакской и Навоийской областей, в обособленное пользование на постоянной основе реорганизуемому в установленном порядке ООО «Айдар-Арнасайская система озер» в целях развития рыбной отрасли.
2. Принять к сведению, что основными задачами и направлениями деятельности ООО «Айдар-Арнасайская система озер» определены:
создание и обеспечение деятельности инкубационных цехов и цехов выращивания молоди на территории Айдар-Арнасайской системы озер для разведения мальков рыб в целях последующего зарыбления водоемов;
поэтапное формирование технологических процессов увеличения объема улова рыбы, производства экспортоориентированной и конкурентоспособной рыбной продукции;
увеличение объема улова рыбы за счет применения современных технологий интенсивного выращивания рыбы, включая широкое внедрение садкового метода, а также увеличения производительности естественных водоемов;
создание новых инкубационных цехов разведения личинок рыб, увеличение объема выращивания мальков рыб, модернизация и расширение действующих прудов выращивания мальков рыб;
строительство современных объектов туристской инфраструктуры (пляжного туризма, туризма отдыха на воде, прогулочных дорожек вдоль побережья озер, гостиничных комплексов, оздоровительных, торгово-развлекательных и иных объектов туристского назначения) на территории системы озер, создание условий, необходимых для оказания услуг туристам, а также развитие любительского и спортивного рыболовства;
создание объектов туристской инфраструктуры из современных легких конструкций вокруг Айдар-Арнасайской системы озер на основе долгосрочных договоров;
проведение гидробиологического и гидрохимического анализа состояния водоемов;
обеспечение исполнения актов законодательства о водопользовании и организация эффективного использования водных ресурсов Айдар-Арнасайской системы озер;
внедрение новых современных энергосберегающих систем и технологий на территории системы озер с использованием альтернативных и возобновляемых источников энергии;
организация открытых конкурсов по передаче в аренду рыболовным хозяйствам участков водоемов и заключение договоров аренды с рыболовными хозяйствами, ставшими победителями конкурсов;
проведение работ по благоустройству и озеленению территории Айдар-Арнасайской системы озер, а также очистке от загрязнений дна озер на постоянной основе.
3. Министерству водного хозяйства (Ш.Р. Хамраев) в двухмесячный срок обеспечить:
утверждение структуры управленческого персонала ООО «Айдар-Арнасайская система озер»;
утверждение и государственную регистрацию Устава ООО «Айдар-Арнасайская система озер»;
формирование уставного фонда ООО «Айдар-Арнасайская система озер»;
укомплектование высококвалифицированными специалистами исполнительного аппарата ООО «Айдар-Арнасайская система озер» в соответствии с утвержденными структурой и штатным расписанием.
4. Ввести мораторий на улов рыбы на территории Арнасайского водохранилища Айдар-Арнасайской системы озер сроком на один год, при этом:
строго запретить улов рыбы на территории водохранилища;
извлечь из воды сети и изъять орудия охоты;
провести научно-обоснованные изучения в целях зарыбления водохранилища.
5. Государственному налоговому комитету (Ш.Д. Кудбиев) в двухмесячный срок обеспечить:
передачу административных зданий и сооружений, имущества, находящихся на балансе ГУП «Дирекция Айдар-Арнасайской системы озер», на баланс ООО «Айдар-Арнасайская система озер»;
погашение кредиторской задолженности ГУП «Дирекция Айдар-Арнасайской системы озер» за счет Специального фонда материальной помощи, социальной защиты, развития налоговых органов и непредвиденных расходов Государственного налогового комитета;
расторжение договоров аренды, ранее заключенных с ГУП «Дирекция Айдар-Арнасайской системы озер».
6. Министерству финансов (Т.А. Ишметов) совместно с Агентством по управлению государственными активами (А.Ж. Ортиков), Антимонопольным комитетом (Ш.Ш. Шорахметов), Ассоциацией «Узбекбаликсаноат» (О.А. Мусаев) и Министерством водного хозяйства (Ш.Р. Хамраев) до конца 2022 года передать ООО «Айдар-Арнасайская система озер» в доверительное управление отечественному инвестору, имеющему опыт разведения уникальных видов рыб и обладающему технологиями переработки рыбы, на конкурсной основе с условием внесения в установленном порядке инвестиций и зарыбления водоемов (далее — Инвестор), при этом возложить на Инвестора исполнение в течение 2022 — 2026 годов требований о:
внесении инвестиций в размере не менее 30 миллионов долларов США;
доведении мощностей годового разведения личинок рыб до 100 миллионов единиц, мальков рыб — до 15 — 20 миллионов единиц с полным использованием возможностей инкубационных цехов и репродуктивных водоемов, а также зарыблении системы озер мальками рыб;
доведении годового объема улова рыбы в системе озер до 15 тысяч тонн и разведении дополнительно 5 тысяч тонн рыбы путем установки океанских садков;
создании Комплекса по производству рыбы на территории озера «Тузкон» Айдар-Арнасайской системы озер и запуске в этом комплексе предприятия по переработке 3 тысяч тонн рыбы в год;
широком привлечении инвестиций и налаживании маркетинга с эффективным использованием возможностей системы озер и ее окружающей среды, а также создании 1 000 рабочих мест на основе развития переработки;
повышении туристского потенциала территории и расширении любительского и спортивного рыболовного туризма с эффективным использованием его возможностей, увеличении объема оказания услуг путешественникам;
сохранении биоразнообразия и увеличении запасов рыбы системы озер на основе научного подхода;
создании лабораторного центра для увеличения запасов рыбы в соленой воде системы озер с привлечением зарубежных специалистов;
проведении полной очистки коллекторно-дренажных сетей на территории системы озер.
В случае исполнения Инвестором всех обязательств, вытекающих из Договора доверительного управления, срок действия договора продлевается до 49 лет.
7. Согласиться с предложениями Генеральной прокуратуры о:
переименовании Управления по надзору за исполнением законодательства в сфере развития Айдар-Арнасайской системы озер в Управление по надзору за исполнением законодательства в сфере развития рыбоводства и использования водных ресурсов естественных озер;
создании отделов по надзору за исполнением законодательства в сфере развития Айдар-Арнасайской системы озер в структуре прокуратур Джизакской и Навоийской областей в составе по четыре штатные единицы за счет сокращения штатных единиц управленческого персонала органов Государственной налоговой службы;
введении в прокуратурах Республики Каракалпакстан и областей должности старшего помощника по надзору за исполнением законодательства в сфере развития рыбоводства и использования водных ресурсов естественных озер в рамках штатных единиц, выделенных органам прокуратуры (всего 11 штатных единиц).
8. В целях обеспечения эффективного и своевременного осуществления мер, определенных настоящим постановлением:
Министерству внутренних дел (П.Р. Бобожонов) и Государственному комитету по экологии и охране окружающей среды ( Н.Н. Обломуродов) создать систему формирования и анализа базы правонарушителей в сфере охоты, улова рыбы, использования растительного и животного мира, воды и водоемов в Айдар-Арнасайской системе озер;
Министерству внутренних дел (П.Р. Бобожонов) совместно с Генеральной прокуратурой (Н.Т. Йулдошев), Национальной гвардией (Р.М. Джураев) и иными заинтересованными ведомствами в двухмесячный срок разработать Программу совместных действий, направленную на выявление и предупреждение нарушений законодательства в Айдар-Арнасайской системе озер на 2022 — 2027 годы.
9. Кабинету Министров:
в месячный срок принять проект решения о дополнительных мерах по организации управления Айдар-Арнасайской системой озер;
в двухмесячный срок совместно с заинтересованными министерствами и ведомствами, а также хокимами Джизакской области (Э.А. Салиев) и Навоийской области (Н.Т. Турсунов) утвердить Программу комплексных мер по развитию инфраструктуры вокруг Айдар-Арнасайской системы озер.
10. Министерству водного хозяйства совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
11. Контроль за исполнением настоящего постановления возложить на заместителя Премьер-министра Республики Узбекистан Ш.М. Ганиева, министра водного хозяйства Ш.Р. Хамраева, хокимов Джизакской и Навоийской областей.
Президент Республики Узбекистан Ш. МИРЗИЁЕВ
г. Ташкент,
22 февраля 2022 г.,
№ ПП-141