📅 2022-yil 21-fevral · Vazirlik va idoralar hujjatlari · Bosh prokuraturasi huzuridagi Iqtisodiy jinoyatlarga qarshi kurashish departamenti boshligʻi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 21 февраль · Вазирлик ва идоралар ҳужжатлари · Бош прокуратураси ҳузуридаги Иқтисодий жиноятларга қарши курашиш департаменти бошлиғи
Расмий матн. Расмий ҳужжат. Таҳририй изоҳлар киритилмаган.
📅 21 февраля 2022 г. · Документы министерств и ведомств · Начальник Департамента по борьбе с экономическими преступлениями при Генеральной прокуратуре
Официальный текст. Официальный документ. Редакционные примечания не включены.
📅 21 February 2022 · Ministry and agency documents · Bosh prokuraturasi huzuridagi Iqtisodiy jinoyatlarga qarshi kurashish departamenti boshligʻi
Official text. Official document. Editorial notes are not included.
Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти бошлиғининг
буйруғи
Қимматбаҳо металл ва қимматбаҳо тошлар билан боғлиқ бўлган операцияларни амалга оширувчи шахслар учун жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига ўзгартириш ва қўшимчалар киритиш тўғрисида
Ўзбекистон Республикасининг «Қимматбаҳо металлар ва қимматбаҳо тошлар тўғрисида»ги Қонуни ва Ўзбекистон Республикаси Президентининг 2021 йил 22 февралдаги ПҚ-4998-сон «Заргарлик саноатини янада ривожлантириш учун қулай шарт-шароитлар яратиш чора-тадбирлари тўғрисида»ги қарорига мувофиқ буюраман:
1. Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаменти бошлиғининг 2009 йил 13 октябрдаги 36-сон буйруғи (рўйхат рақами 2034, 2009 йил 3 ноябрь) (Ўзбекистон Республикаси қонун ҳужжатлари тўплами, 2009 йил, 45-сон 492-модда) билан тасдиқланган Қимматбаҳо металл ва қимматбаҳо тошлар билан боғлиқ бўлган операцияларни амалга оширувчи шахслар учун жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига иловага мувофиқ ўзгартириш ва қўшимчалар киритилсин.
2. Мазкур буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти бошлиғининг 2022 йил 21 февралдаги 4-сон буйруғига ИЛОВА
Қимматбаҳо металл ва қимматбаҳо тошлар билан боғлиқ бўлган операцияларни амалга оширувчи шахслар учун жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига киритилаётган ўзгартириш ва қўшимчалар
1. 1-бандда :
бешинчи ва олтинчи хатбошилари қуйидаги таҳрирда баён этилсин:
« қимматбаҳо металлар — ҳар қандай кўриниш ва ҳолатдаги, шу жумладан ёмби ва аффинаж қилинган ҳолатдаги, шунингдек хом ашёдаги, қотишмалардаги, хомаки маҳсулотлардаги, саноат маҳсулотларидаги, кимёвий бирикмалардаги, қимматбаҳо металлардан ясалган заргарлик ҳамда бошқа буюмлардаги, қимматбаҳо металлардан тайёрланган пул белгиларидаги, ишлаб чиқариш ҳамда истеъмол парчаларидаги ва чиқиндиларидаги олтин, кумуш, платина ҳамда платина гуруҳига кирувчи металлар (палладий, иридий, родий, рутений ва осмий);
қимматбаҳо тошлар — табиий олмослар, ёқутлар, зумрадлар, сапфирлар, александритлар, хом (табиий) ва ишлов берилган тарздаги табиий марварид. Қаҳрабонинг ноёб ҳосилалари қимматбаҳо тошларга тенглаштирилади;»;
қуйидаги мазмундаги йигирма биринчи хатбоши билан тўлдирилсин:
« юқори мансабдор шахсларга яқин бўлган шахслар — юқори мансабдор шахсларга ижтимоий ва касбий жиҳатдан бевосита боғлиқ бўлган жисмоний шахслар.».
2. 11-банднинг тўртинчи ва бешинчи хатбошилари қуйидаги таҳрирда баён этилсин:
«нақд пулда ўзаро ҳисоб-китоб амалга оширилганда операциянинг умумий суммаси базавий ҳисоблаш миқдорининг 600 бараваридан ошган тақдирда;
операциянинг суммаси ва тўлов шаклидан қатъи назар мижозни, унинг вакилини ва бенефициар мулкдорини жиноий фаолиятдан олинган даромадларни легаллаштиришга ва терроризмни молиялаштиришга алоқадорлиги ҳақида асосланган шубҳалар мавжуд бўлган ҳолатларда;».
3. Қуйидаги мазмундаги 12 1 -банд билан тўлдирилсин:
«12 1 . Агар, мавжуд мижознинг жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга алоқаси борлиги ҳақида асослантирилган шубҳалар мавжуд бўлганида ва унга нисбатан мижозларни лозим даражада текшириш бўйича чоралар амалга ошираётганлиги ошкор бўлиши мумкинлигини инобатга олган ҳолда мижозларни лозим даражада текшириш бўйича чоралар амалга оширмасдан махсус ваколатли давлат органга шубҳали операция ҳақида хабар юборилишига йўл қўйилади.».
4. 18-банднинг иккинчи — еттинчи хатбошиларидаги «300 бараварига тенг ёки ундан» деган сўзлар «600 бараваридан» деган сўзлар билан алмаштирилсин.
5. 20-банднинг саккизинчи хатбошисидаги «(рўйхат рақами 2833, 2016 йил 11 октябрь)» деган сўзлар «(рўйхат рақами 3327, 2021 йил 19 октябрь)» деган сўзлар билан алмаштирилсин.
6. Қуйидаги мазмундаги 23 1 -банд билан тўлдирилсин:
«23 1 . Бир маротабалик нақд маблағлар билан боғлиқ амалга оширилган операциялар суммаси базавий ҳисоблаш миқдорининг 600 бараваридан ошган тақдирда шубҳали операциялар деб топилади ва бундай операциялар ҳақида белгиланган тартибда махсус ваколатли давлат органига хабар қилиниши шарт.».
7. Мазкур ўзгартириш ва қўшимчалар Ўзбекистон Республикаси Молия вазирлиги ҳузуридаги Давлат асиллик даражасини белгилаш палатаси билан келишилган.
Департамент бошлиғи Д. РАХИМОВ
Давлат асиллик даражаси палатаси бошлиғи Б. ХУДАЙБЕРДИЕВ
Тошкент ш.,
2022 йил 21 февраль,
2022 йил 16 февраль
4-сон
Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti boshligʻining
buyrugʻi
Qimmatbaho metall va qimmatbaho toshlar bilan bogʻliq boʻlgan operatsiyalarni amalga oshiruvchi shaxslar uchun jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga oʻzgartirish va qoʻshimchalar kiritish toʻgʻrisida
Oʻzbekiston Respublikasining “Qimmatbaho metallar va qimmatbaho toshlar toʻgʻrisida”gi Qonuni va Oʻzbekiston Respublikasi Prezidentining 2021-yil 22-fevraldagi PQ-4998-son “Zargarlik sanoatini yanada rivojlantirish uchun qulay shart-sharoitlar yaratish chora-tadbirlari toʻgʻrisida”gi qaroriga muvofiq buyuraman:
1. Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti boshligʻining 2009-yil 13-oktabrdagi 36-son buyrugʻi (roʻyxat raqami 2034, 2009-yil 3-noyabr) (Oʻzbekiston Respublikasi qonun hujjatlari toʻplami, 2009-yil, 45-son 492-modda) bilan tasdiqlangan Qimmatbaho metall va qimmatbaho toshlar bilan bogʻliq boʻlgan operatsiyalarni amalga oshiruvchi shaxslar uchun jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga ilovaga muvofiq oʻzgartirish va qoʻshimchalar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti boshligʻining 2022-yil 21-fevraldagi 4-son buyrugʻiga ILOVA
Qimmatbaho metall va qimmatbaho toshlar bilan bogʻliq boʻlgan operatsiyalarni amalga oshiruvchi shaxslar uchun jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga kiritilayotgan oʻzgartirish va qoʻshimchalar
1. 1-bandda :
beshinchi va oltinchi xatboshilari quyidagi tahrirda bayon etilsin:
“ qimmatbaho metallar — har qanday koʻrinish va holatdagi, shu jumladan yombi va affinaj qilingan holatdagi, shuningdek xomashyodagi, qotishmalardagi, xomaki mahsulotlardagi, sanoat mahsulotlaridagi, kimyoviy birikmalardagi, qimmatbaho metallardan yasalgan zargarlik hamda boshqa buyumlardagi, qimmatbaho metallardan tayyorlangan pul belgilaridagi, ishlab chiqarish hamda isteʼmol parchalaridagi va chiqindilaridagi oltin, kumush, platina hamda platina guruhiga kiruvchi metallar (palladiy, iridiy, rodiy, ruteniy va osmiy);
qimmatbaho toshlar — tabiiy olmoslar, yoqutlar, zumradlar, sapfirlar, aleksandritlar, xom (tabiiy) va ishlov berilgan tarzdagi tabiiy marvarid. Qahraboning noyob hosilalari qimmatbaho toshlarga tenglashtiriladi;”;
quyidagi mazmundagi yigirma birinchi xatboshi bilan toʻldirilsin:
“ yuqori mansabdor shaxslarga yaqin boʻlgan shaxslar — yuqori mansabdor shaxslarga ijtimoiy va kasbiy jihatdan bevosita bogʻliq boʻlgan jismoniy shaxslar.”.
2. 11-bandning toʻrtinchi va beshinchi xatboshilari quyidagi tahrirda bayon etilsin:
“naqd pulda oʻzaro hisob-kitob amalga oshirilganda operatsiyaning umumiy summasi bazaviy hisoblash miqdorining 600 baravaridan oshgan taqdirda;
operatsiyaning summasi va toʻlov shaklidan qatʼi nazar mijozni, uning vakilini va benefitsiar mulkdorini jinoiy faoliyatdan olingan daromadlarni legallashtirishga va terrorizmni moliyalashtirishga aloqadorligi haqida asoslangan shubhalar mavjud boʻlgan holatlarda;”.
3. Quyidagi mazmundagi 12 1 -band bilan toʻldirilsin:
“12 1 . Agar, mavjud mijozning jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga aloqasi borligi haqida asoslantirilgan shubhalar mavjud boʻlganida va unga nisbatan mijozlarni lozim darajada tekshirish boʻyicha choralar amalga oshirayotganligi oshkor boʻlishi mumkinligini inobatga olgan holda mijozlarni lozim darajada tekshirish boʻyicha choralar amalga oshirmasdan maxsus vakolatli davlat organga shubhali operatsiya haqida xabar yuborilishiga yoʻl qoʻyiladi.”.
4. 18-bandning ikkinchi — yettinchi xatboshilaridagi “300 baravariga teng yoki undan” degan soʻzlar “600 baravaridan” degan soʻzlar bilan almashtirilsin.
5. 20-bandning sakkizinchi xatboshisidagi “(roʻyxat raqami 2833, 2016-yil 11-oktabr)” degan soʻzlar “(roʻyxat raqami 3327, 2021-yil 19-oktabr)” degan soʻzlar bilan almashtirilsin.
6. Quyidagi mazmundagi 23 1 -band bilan toʻldirilsin:
“23 1 . Bir marotabalik naqd mablagʻlar bilan bogʻliq amalga oshirilgan operatsiyalar summasi bazaviy hisoblash miqdorining 600 baravaridan oshgan taqdirda shubhali operatsiyalar deb topiladi va bunday operatsiyalar haqida belgilangan tartibda maxsus vakolatli davlat organiga xabar qilinishi shart.”.
7. Mazkur oʻzgartirish va qoʻshimchalar Oʻzbekiston Respublikasi Moliya vazirligi huzuridagi Davlat asillik darajasini belgilash palatasi bilan kelishilgan.
Departament boshligʻi D. RAXIMOV
Davlat asillik darajasi palatasi boshligʻi B. XUDAYBERDIYEV
Toshkent sh.,
2022-yil 21-fevral,
2022-yil 16-fevral
4-son
начальника Департамента по борьбе с экономическими преступлениями при Генеральной прокуратуре Республики Узбекистан
Приказ
О внесении изменений и дополнений в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения для лиц, осуществляющих операции с драгоценными металлами и драгоценными камнями
В соответствии с Законом Республики Узбекистан «О драгоценных металлах и драгоценных камнях» и постановлением Президента Республики Узбекистан от 22 февраля 2021 года № ПП-4998 «О мерах по созданию благоприятных условий для дальнейшего развития ювелирной промышленности» приказываю:
1. Внести изменения и дополнения в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения для лиц, осуществляющих операции с драгоценными металлами и драгоценными камнями, утвержденные приказом начальника Департамента по борьбе с налоговыми, валютными преступлениями и легализацией преступных доходов при Генеральной прокуратуре Республики Узбекистан от 13 октября 2009 года № 36 (рег. № 2034 от 3 ноября 2009 года) (Собрание законодательства Республики Узбекистан, 2009 г., № 45, ст. 492), согласно приложению .
2. Настоящий приказ вступает в силу со дня его официального опубликования.
Согласовано:
ПРИЛОЖЕНИЕ к приказу начальника Департамента по борьбе с экономическими преступлениями при Генеральной прокуратуре Республики Узбекистан от 21 февраля 2022 года № 4
Изменения и дополнения, вносимые в Правила внутреннего контроля по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения для лиц, осуществляющих операции с драгоценными металлами и драгоценными камнями
1. В пункте 1 :
абзацы пятый и шестой изложить в следующей редакции:
« драгоценные металлы — золото, серебро, платина и металлы платиновой группы (палладий, иридий, родий, рутений и осмий) в любом виде и состоянии, в том числе в самородном и аффинированном, а также в сырье, сплавах, полуфабрикатах, промышленных продуктах, химических соединениях, ювелирных и других изделиях из драгоценных металлов, денежных знаках из драгоценных металлов, ломе и отходах производства и потребления;
драгоценные камни — природные алмазы, рубины, изумруды, сапфиры, александриты, природный жемчуг в сыром (естественном) и обработанном виде. К драгоценным камням приравниваются уникальные янтарные образования;»;
дополнить абзацем двадцать первым следующего содержания:
«лица, близкие к публичным должностным лицам — физические лица, непосредственно связанные с публичными должностными лицами по социальным и профессиональным признакам.».
2. Абзацы четвертый и пятый пункта 11 изложить в следующей редакции:
«осуществления взаиморасчета в наличной форме, если общая сумма сделки превышает 600-кратного размера базовой расчетной величины;
при наличии обоснованных подозрений в причастности клиента, его представителя и бенефициарного собственника к легализации доходов, полученных в результате преступной деятельности, и финансированию терроризма независимо от суммы транзакции и формы оплаты;».
3. Дополнить пунктом 12 1 следующего содержания:
«12 1 . В случае, если принятие мер по надлежащей проверке клиента в отношении существующего клиента, по которому имеются обоснованные подозрения в его причастности к легализации доходов, полученных от преступной деятельности, финансированию терроризма и финансированию распространения оружия массового уничтожения, может привести к тому, что клиент будет осведомлен о принятии в отношении него мер по надлежащей проверке клиента, допускается направление сообщения о подозрительной операции в специально уполномоченный государственный орган без принятия мер по надлежащей проверке клиента.».
4. В абзацах втором — седьмом пункта 18 слова «равна или превышает 300-кратный» заменить словами «превышает 600-кратный».
5. В абзаце восьмом пункта 20 слова «(рег. № 2833 от 11 октября 2016 года)» заменить словами «(рег. № 3327 от 19 октября 2021 года)».
6. Дополнить пунктом 23 1 следующего содержания:
«23 1 . При осуществлении разовых операций с наличными средствами на сумму, превышающую 600-кратный размер базовой расчетной величины, признаются подозрительной и о таких операциях в установленном порядке обязаны уведомить специально уполномоченный государственный орган.».
7. Настоящие изменения и дополнения согласованы с Государственной пробирной палатой при Министерстве финансов Республики Узбекистан.
Начальник Департамента Д. РАХИМОВ
Начальник палаты Государственной пробирной палаты Б. ХУДАЙБЕРДИЕВ
г. Ташкент,
21 февраля 2022 г.,
16 февраля 2022 г.
№ 4