📅 2022-yil 1-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 1 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 марта 2022 г. · Постановления Президента
Официальный текст. Официальный документ. Редакционные примечания не включены.
📅 1 March 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАШКИЛИЙ ТУЗИЛМАСИ
МАРКАЗИЙ АППАРАТИНИНГ ТУЗИЛМАСИ
НАМУНАВИЙ ТУЗИЛМАСИ
НАМУНАВИЙ ТУЗИЛМАСИ
Оила ва хотин-қизлар давлат қўмитаси фаолиятини ташкил этиш тўғрисида
Ўзбекистон Республикаси Президентининг 2022 йил 1 мартдаги «Оила ва хотин-қизлар билан ишлаш, маҳалла ва нуронийларни қўллаб-қувватлаш тизимини такомиллаштириш чора-тадбирлари тўғрисида»ги ПФ-81-сон Фармонига мувофиқ:
1. Олий Мажлис палаталари, Вазирлар Маҳкамаси ҳамда маҳаллий вакиллик органларининг Хотин-қизларнинг жамиятдаги ролини ошириш, гендер тенглик ва оила масалалари бўйича республика комиссиясини, маҳаллий халқ депутатлари Кенгашларида эса Хотин-қизларнинг жамиятдаги ролини ошириш, гендер тенглик ва оила масалалари бўйича ҳудудий комиссияларни ташкил этиш ҳақидаги таклифи қўллаб-қувватлансин.
2. Қуйидагилар:
а) Оила ва хотин-қизлар давлат қўмитасининг ташкилий тузилмаси 1-иловага мувофиқ;
б) Давлат бюджетидан молиялаштириладиган бошқарув ходимларининг умумий чекланган сони:
49 нафар штат бирлигидан иборат Оила ва хотин-қизлар давлат қўмитаси марказий аппаратининг тузилмаси 2-иловага мувофиқ;
168 нафар штат бирлигидан иборат Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳар оила ва хотин-қизлар бошқармаларининг намунавий тузилмаси 3-иловага мувофиқ;
621 нафар штат бирлигидан иборат туман (шаҳар) оила ва хотин-қизлар бўлимларининг намунавий тузилмаси 4-иловага мувофиқ тасдиқлансин.
3. Бош вазир ўринбосари — Оила ва хотин-қизлар давлат қўмитаси раисига:
ўзининг ўринбосарлари ўртасида аниқ вазифалар ва функцияларни тақсимлаш;
Оила ва хотин-қизлар давлат қўмитасининг (кейинги ўринларда — Қўмита) марказий аппарати, ҳудудий бўлинмалари тузилмаларига бошқарув ходимларининг белгиланган умумий штатлар сони ва меҳнатга ҳақ тўлаш фонди доирасида ўзгартиришлар киритиш;
давлат органлари ва бошқа ташкилотлар, етакчи лойиҳа институтлари, илмий ва таълим муассасалари, халқаро ташкилотлар, хорижий компанияларнинг юқори малакали мутахассисларини, шунингдек, экспертларни маслаҳатчи сифатида жалб қилиш ҳуқуқи берилсин.
4. Вазирлар Маҳкамаси ижро этувчи тузилмасида ходимларнинг умумий чекланган сони доирасида 5 нафар бошқарув ходимлари штат бирлигидан иборат бўлган Бош вазир ўринбосари — Оила ва хотин-қизлар давлат қўмитаси раисининг котибияти ташкил этилсин.
5. Белгилаб қўйилсинки:
Бош вазир ўринбосари — Оила ва хотин-қизлар давлат қўмитаси раиси ҳар йили Хотин-қизларнинг жамиятдаги ролини ошириш, гендер тенглик ва оила масалалари бўйича республика комиссиясига Қўмита фаолияти юзасидан ҳамда соҳадаги тизимли муаммолар ва уларнинг ечими тўғрисида ахборот бериб боради;
маҳаллалардаги хотин-қизлар фаоллари лавозимларига номзодлар туман (шаҳар) ҳокимлари ўринбосарлари — оила ва хотин-қизлар бўлимлари бошлиқлари бошчилигидаги танлов комиссияларини шакллантириш орқали очиқ танловлар асосида ишга қабул қилинади;
маҳаллалардаги хотин-қизлар фаоллари лавозимларига оила ва хотин-қизлар билан ишлаш тажрибасига эга, шахсий фазилатлари билан намуна кўрсатган, фидойи ва садоқатли номзодлар тайинланади;
Қўмита марказий аппарати ходимлари меҳнатга ҳақ тўлаш шартларига кўра Маҳалла ва нуронийларни қўллаб-қувватлаш вазирлиги марказий аппарати ходимларига, унинг ҳудудий бўлинмалари ходимлари Маҳалла ва нуронийларни қўллаб-қувватлаш вазирлигининг ҳудудий бўлинмалари ходимларига тенглаштирилади.
6. Қўмита ва унинг ҳудудий бўлинмаларининг фаолиятини молиялаштириш манбалари этиб қуйидагилар белгилансин:
Давлат бюджети маблағлари;
Қўмитанинг бюджетдан ташқари маблағлари;
қонунчилик ҳужжатларида тақиқланмаган бошқа манбалар.
7. Вазирлар Маҳкамаси икки ой муддатда Оила ва хотин-қизлар давлат қўмитаси тўғрисидаги низомни тасдиқласин.
8. Бош прокуратуранинг ташкилий-штат тузилмасида штат бирликларини мақбуллаштириш ҳисобидан 18 нафар штат бирлигидан (шундан, 14 нафар ҳудудий вакиллар штат бирлиги) иборат Хотин-қизлар ҳуқуқларини таъминлаш ҳамда уларни тазйиқ ва зўравонликдан ҳимоя қилиш соҳаларида қонунчилик ижроси устидан назорат бўлими ташкил этилсин.
Бош прокуратура хотин-қизлар ҳуқуқларини таъминлаш ҳамда уларни тазйиқ ва зўравонликдан ҳимоя қилиш соҳаларидаги қонунчилик ҳужжатлари ижроси устидан тизимли назорат ўрнатсин.
9. Қўмита:
а) икки ой муддатда:
марказий аппарат ва ҳудудий бўлинмаларнинг Қўмитага юкланган вазифаларни профессионал даражада бажаришга қодир бўлган, зарур назарий билим ва амалий кўникмаларга эга юқори малакали кадрлар билан танлов асосида тўлдирилишини;
таркибий ва бўйсунувидаги бўлинмалар, шу жумладан маҳалладаги хотин-қизлар фаоли тўғрисидаги низомлар, шунингдек, ходимларнинг лавозим йўриқномалари тасдиқланишини таъминласин;
б) уч ой муддатда Ахборот технологиялари ва коммуникацияларини ривожлантириш вазирлиги билан биргаликда Қўмита ва унинг ҳудудий бўлинмаларини юқори тезликдаги Интернет тармоғига уланишини ҳамда зарур алоқа, жумладан, Қўмитани ҳукумат алоқаси билан таъминласин.
10. Белгилансинки, Қўмита ва унинг ҳудудий бўлинмалари ўзларига юклатилган функцияларга мувофиқ белгиланган тартибда қуйидаги ҳуқуқларга эга:
Қўмитага тегишли вазифаларни амалга ошириш учун, зарур ҳолларда, давлат органлари, илмий муассасалар ва бошқа ташкилотларнинг раҳбарлари ҳамда мутахассисларини жалб қилиш, ишчи гуруҳлар тузиш;
Қўмита ваколатига кирувчи масалалар юзасидан давлат органлари ва ташкилотларидан статистик, таҳлилий материаллар, хулосалар ва бошқа маълумотларни сўраш ва олиш;
давлат органлари ва ташкилотлари раҳбарларига хотин-қизлар ҳуқуқлари ва қонуний манфаатларини таъминлаш ҳамда оилани мустаҳкамлаш борасидаги қонунчилик ҳужжатлари бузилиши, уларни келтириб чиқарувчи сабаб ва шарт-шароитларни бартараф этиш бўйича кўриб чиқилиши мажбурий бўлган тақдимномалар киритиш;
хотин-қизлар ҳуқуқлари ва қонуний манфаатларини кўзлаб судларга ариза (шикоят) ва даъволарни киритиш;
хотин-қизлар ҳуқуқлари ва қонуний манфаатларини таъминлаш ҳамда оилани мустаҳкамлашга доир ташаббуслар билан чиқиш ҳамда таклифлар киритиш.
11. 2022 йил 1 майдан бошлаб маҳалладаги хотин-қизлар фаолининг ойлик иш ҳақи миқдори у бириктирилган маҳалладаги хонадонлар сонига мутаносиб равишда қуйидагича белгилансин:
хонадонлар сони 500 тагача бўлган маҳаллада — меҳнатга ҳақ тўлашнинг энг кам миқдорининг 3,5 баравари миқдорида;
хонадонлар сони 501 тадан 1 000 тагача бўлган маҳаллада — меҳнатга ҳақ тўлашнинг энг кам миқдорининг 4 баравари миқдорида;
хонадонлар сони 1 000 тадан ортиқ бўлган маҳаллада — меҳнатга ҳақ тўлашнинг энг кам миқдорининг 4,5 баравари миқдорида.
Белгилансинки, фаолият самарадорлиги кўрсаткичларидан келиб чиқиб, маҳаллалардаги хотин-қизлар фаолларини қўллаб-қувватлаш мақсадида меҳнатга ҳақ тўлаш жамғармасининг 15 фоизи миқдорида моддий рағбатлантириш жамғармаси шакллантирилади.
12. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2022 йил 1 августга қадар маҳаллий бюджет маблағлари ва қонунчилик ҳужжатлари билан тақиқланмаган бошқа манбалар ҳисобидан маҳаллалардаги хотин-қизлар фаолларини «Аёллар дафтари»ни юритиш, масофадан туриб ҳисоботлар тақдим этиш ҳамда видеоконференцалоқа шаклида йиғилишларда иштирок этиш имконини берувчи планшетлар билан таъминласин.
Қўмита ҳамда Ахборот технологиялари ва коммуникацияларини ривожлантириш вазирлиги икки ой муддатда планшетларда фойдаланиладиган дастурий таъминотни ишлаб чиқсин ва маҳаллалардаги хотин-қизлар фаолларига тақдим этсин.
13. Қўмита Тошкент шаҳри, Мирзо Улуғбек тумани, Исмоилий кўчаси, 1 Г-уй манзили бўйича оператив бошқарув ҳуқуқи асосида жойлаштирилсин.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Қўмита билан биргаликда 2022 йил 1 апрелга қадар Қўмитанинг ҳудудий бўлинмаларини зарур бино ва иншоотлар билан таъминлаш чораларини кўрсин.
15. Қўмита манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
16. Ушбу қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президентининг 2022 йил 1 мартдаги ПҚ-146-сон қарорига 1-ИЛОВА
Ўзбекистон Республикаси Оила ва хотин-қизлар давлат қўмитасининг
Ўзбекистон Республикаси Оила ва хотин-қизлар давлат қўмитаси «Оила ва хотин-қизлар» илмий-тадқиқот институти Зулфия номидаги Давлат мукофоти комиссияси Оила ва хотин-қизларни қўллаб-қувватлаш давлат мақсадли жамғармаси Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳар оила ва хотин-қизлар бошқармалари Аёлларни реабилитация қилиш ва мослаштириш республика маркази ва унинг ҳудудий бўлимлари Туман (шаҳар) оила ва хотин-қизлар бўлимлари Республика ва ҳудудий «Хотин-қизлар тадбиркорлик марказлари» Маҳалладаги хотин-қизлар фаоллари «Оила ва жамият» газетаси, «Саодат» журнали, «Марказий Осиёда жамият, гендер ва оила» халқаро илмий журнали Хотин-қизлар масалалари бўйича бошланғич ташкилотлар
Ўзбекистон Республикаси Президентининг 2022 йил 1 мартдаги ПҚ-146-сон қарорига 2-ИЛОВА
Ўзбекистон Республикаси Оила ва хотин-қизлар давлат қўмитаси
Ҳайъат Бош вазир ўринбосари — Оила ва хотин-қизлар давлат қўмитаси раиси * Раиснинг биринчи ўринбосари Раис ўринбосари Раис ўринбосари Раис котибияти 3 Ижтимоий ҳимояга муҳтож оилалар ва «Аёллар дафтари»га киритилган хотин-қизлар билан ишлаш бошқармаси 5 Оилавий, маънавий-ахлоқий қадриятларни мустаҳкамлаш бошқармаси 4 Гендер тенгликни таъминлаш ва хотин-қизларнинг ижтимоий-сиёсий фаоллигини ошириш бўлими 3 Ташкилий назорат ва таҳлил бошқармаси 5 Инсон ресурслари ва комплаенс назорат бўлими 3 Тадбиркорликни ривожлантириш, бандликни таъминлашга кўмаклашиш, касб-ҳунарга ўқитишни ташкил этиш бошқармаси 4 Фуқаролик жамияти институтлари билан ҳамкорлик қилиш, бошланғич ташкилотлар билан ишлаш бўлими 2 Хотин-қизларга нисбатан зўравонликни олдини олиш ва ижтимоий реабилитация қилиш ишларини мувофиқлаштириш бўлими 3 Юридик бўлим 2 Хизматлар кўрсатиш ва молиявий таъминот бўлими 3 Маҳаллалардаги хотин-қизлар фаоллари ишини мувофиқлаштириш бўлими 3 Хотин-қизлар ўртасида илм-фан ва инновацияларни ривожлантириш бўлими 2 Ахборот технологиялари ва рақамлаштириш бўлими 2 Биринчи бўлим 1 Халқаро алоқалар бўйича бош мутахассис 1
Ўзбекистон Республикаси Президентининг 2022 йил 1 мартдаги ПҚ-146-сон қарорига 3-ИЛОВА
Қорақалпоғистон Республикаси Оила ва хотин-қизлар қўмитаси, вилоятлар ва Тошкент шаҳар оила ва хотин-қизлар бошқармаларининг
Қорақалпоғистон Республикаси Вазирлар Кенгаши Раиси ўринбосари — Оила ва хотин-қизлар қўмитаси раиси, вилоятлар ва Тошкент шаҳар ҳокимлари ўринбосарлари — оила ва хотин-қизлар бошқармалари бошлиқлари * Раис (бошлиқ) ўринбосари Ижтимоий ҳимояга муҳтож оилалар ва «Аёллар дафтари»га киритилган хотин-қизлар билан ишлаш бўлими 2 Оилавий, маънавий-ахлоқий қадриятларни мустаҳкамлаш бўлими 2 Ташкилий назорат, таҳлил ва мурожаатлар билан ишлаш бўйича бош мутахассис 1 Тадбиркорликни ривожлантириш, бандликни таъминлашга кўмаклашиш, касб-ҳунарга ўқитишни ташкил этиш бўйича бош мутахассис 1 Гендер тенгликни таъминлаш ва хотин-қизларнинг ижтимоий-сиёсий фаоллигини ошириш бўйича бош мутахассис * 1 Бош юрисконсульт 1 Инсон ресурслари бўйича бош мутахассис 1 Маҳаллалардаги хотин-қизлар фаоллари ишини мувофиқлаштириш ва бошланғич ташкилотлар билан ишлаш бўйича бош мутахассис 1 Хотин-қизларга нисбатан зўравонликни олдини олиш ва ижтимоий реабилитация қилиш ишларини мувофиқлаштириш бўйича бош мутахассис 1 Бош ҳисобчи 1 Хотин-қизлар масалалари бўйича бошланғич ташкилотлар
Ўзбекистон Республикаси Президентининг 2022 йил 1 мартдаги ПҚ-146-сон қарорига 4-ИЛОВА
Туман (шаҳар) оила ва хотин-қизлар бўлимларининг
Туман (шаҳар) ҳокими ўринбосари — оила ва хотин-қизлар бўлими бошлиғи * Ижтимоий ҳимояга муҳтож оилалар ва «Аёллар дафтари»га киритилган хотин-қизлар билан ишлаш бўйича етакчи мутахассис 1 Тадбиркорликни ривожлантириш, бандликни таъминлашга кўмаклашиш, касб-ҳунарга ўқитишни ташкил этиш ва ташкилий назорат бўйича етакчи мутахассис 1 Хотин-қизларнинг ижтимоий-сиёсий фаоллигини ошириш, маҳаллалардаги хотин-қизлар фаоллари ишини мувофиқлаштириш ва бошланғич ташкилотлар билан ишлаш бўйича етакчи мутахассис 1 Оилавий, маънавий-ахлоқий қадриятларни мустаҳкамлаш ва ижтимоий реабилитация қилиш ишларини мувофиқлаштириш бўйича етакчи мутахассис * 1 Маҳаллалардаги хотин-қизлар фаоллари ** Хотин-қизлар масалалари бўйича бошланғич ташкилотлар
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 1 март,
ПҚ-146-сон
Oʻzbekiston Respublikasi Prezidentining
Qarori
TASHKILIY TUZILMASI
MARKAZIY APPARATINING TUZILMASI
NAMUNAVIY TUZILMASI
NAMUNAVIY TUZILMASI
Oila va xotin-qizlar davlat qoʻmitasi faoliyatini tashkil etish toʻgʻrisida
Oʻzbekiston Respublikasi Prezidentining 2022-yil 1-martdagi “Oila va xotin-qizlar bilan ishlash, mahalla va nuroniylarni qoʻllab-quvvatlash tizimini takomillashtirish chora-tadbirlari toʻgʻrisida”gi PF-81-son Farmoniga muvofiq:
1. Oliy Majlis palatalari, Vazirlar Mahkamasi hamda mahalliy vakillik organlarining Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasini, mahalliy xalq deputatlari Kengashlarida esa Xotin-qizlarning jamiyatdagi rolini oshirish, gender tenglik va oila masalalari boʻyicha hududiy komissiyalarni tashkil etish haqidagi taklifi qoʻllab-quvvatlansin.
2. Quyidagilar:
a) Oila va xotin-qizlar davlat qoʻmitasining tashkiliy tuzilmasi 1-ilovaga muvofiq;
b) Davlat budjetidan moliyalashtiriladigan boshqaruv xodimlarining umumiy cheklangan soni:
49 nafar shtat birligidan iborat Oila va xotin-qizlar davlat qoʻmitasi markaziy apparatining tuzilmasi 2-ilovaga muvofiq;
168 nafar shtat birligidan iborat Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar oila va xotin-qizlar boshqarmalarining namunaviy tuzilmasi 3-ilovaga muvofiq;
621 nafar shtat birligidan iborat tuman (shahar) oila va xotin-qizlar boʻlimlarining namunaviy tuzilmasi 4-ilovaga muvofiq tasdiqlansin.
3. Bosh vazir oʻrinbosari — Oila va xotin-qizlar davlat qoʻmitasi raisiga:
oʻzining oʻrinbosarlari oʻrtasida aniq vazifalar va funksiyalarni taqsimlash;
Oila va xotin-qizlar davlat qoʻmitasining (keyingi oʻrinlarda — Qoʻmita) markaziy apparati, hududiy boʻlinmalari tuzilmalariga boshqaruv xodimlarining belgilangan umumiy shtatlar soni va mehnatga haq toʻlash fondi doirasida oʻzgartirishlar kiritish;
davlat organlari va boshqa tashkilotlar, yetakchi loyiha institutlari, ilmiy va taʼlim muassasalari, xalqaro tashkilotlar, xorijiy kompaniyalarning yuqori malakali mutaxassislarini, shuningdek, ekspertlarni maslahatchi sifatida jalb qilish huquqi berilsin.
4. Vazirlar Mahkamasi ijro etuvchi tuzilmasida xodimlarning umumiy cheklangan soni doirasida 5 nafar boshqaruv xodimlari shtat birligidan iborat boʻlgan Bosh vazir oʻrinbosari — Oila va xotin-qizlar davlat qoʻmitasi raisining kotibiyati tashkil etilsin.
5. Belgilab qoʻyilsinki:
Bosh vazir oʻrinbosari — Oila va xotin-qizlar davlat qoʻmitasi raisi har yili Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasiga Qoʻmita faoliyati yuzasidan hamda sohadagi tizimli muammolar va ularning yechimi toʻgʻrisida axborot berib boradi;
mahallalardagi xotin-qizlar faollari lavozimlariga nomzodlar tuman (shahar) hokimlari oʻrinbosarlari — oila va xotin-qizlar boʻlimlari boshliqlari boshchiligidagi tanlov komissiyalarini shakllantirish orqali ochiq tanlovlar asosida ishga qabul qilinadi;
mahallalardagi xotin-qizlar faollari lavozimlariga oila va xotin-qizlar bilan ishlash tajribasiga ega, shaxsiy fazilatlari bilan namuna koʻrsatgan, fidoyi va sadoqatli nomzodlar tayinlanadi;
Qoʻmita markaziy apparati xodimlari mehnatga haq toʻlash shartlariga koʻra Mahalla va nuroniylarni qoʻllab-quvvatlash vazirligi markaziy apparati xodimlariga, uning hududiy boʻlinmalari xodimlari Mahalla va nuroniylarni qoʻllab-quvvatlash vazirligining hududiy boʻlinmalari xodimlariga tenglashtiriladi.
6. Qoʻmita va uning hududiy boʻlinmalarining faoliyatini moliyalashtirish manbalari etib quyidagilar belgilansin:
Davlat budjeti mablagʻlari;
Qoʻmitaning budjetdan tashqari mablagʻlari;
qonunchilik hujjatlarida taqiqlanmagan boshqa manbalar.
7. Vazirlar Mahkamasi ikki oy muddatda Oila va xotin-qizlar davlat qoʻmitasi toʻgʻrisidagi nizomni tasdiqlasin.
8. Bosh prokuraturaning tashkiliy-shtat tuzilmasida shtat birliklarini maqbullashtirish hisobidan 18 nafar shtat birligidan (shundan, 14 nafar hududiy vakillar shtat birligi) iborat Xotin-qizlar huquqlarini taʼminlash hamda ularni tazyiq va zoʻravonlikdan himoya qilish sohalarida qonunchilik ijrosi ustidan nazorat boʻlimi tashkil etilsin.
Bosh prokuratura xotin-qizlar huquqlarini taʼminlash hamda ularni tazyiq va zoʻravonlikdan himoya qilish sohalaridagi qonunchilik hujjatlari ijrosi ustidan tizimli nazorat oʻrnatsin.
9. Qoʻmita:
a) ikki oy muddatda:
markaziy apparat va hududiy boʻlinmalarning Qoʻmitaga yuklangan vazifalarni professional darajada bajarishga qodir boʻlgan, zarur nazariy bilim va amaliy koʻnikmalarga ega yuqori malakali kadrlar bilan tanlov asosida toʻldirilishini;
tarkibiy va boʻysunuvidagi boʻlinmalar, shu jumladan mahalladagi xotin-qizlar faoli toʻgʻrisidagi nizomlar, shuningdek, xodimlarning lavozim yoʻriqnomalari tasdiqlanishini taʼminlasin;
b) uch oy muddatda Axborot texnologiyalari va kommunikatsiyalarini rivojlantirish vazirligi bilan birgalikda Qoʻmita va uning hududiy boʻlinmalarini yuqori tezlikdagi Internet tarmogʻiga ulanishini hamda zarur aloqa, jumladan, Qoʻmitani hukumat aloqasi bilan taʼminlasin.
10. Belgilansinki, Qoʻmita va uning hududiy boʻlinmalari oʻzlariga yuklatilgan funksiyalarga muvofiq belgilangan tartibda quyidagi huquqlarga ega:
Qoʻmitaga tegishli vazifalarni amalga oshirish uchun, zarur hollarda, davlat organlari, ilmiy muassasalar va boshqa tashkilotlarning rahbarlari hamda mutaxassislarini jalb qilish, ishchi guruhlar tuzish;
Qoʻmita vakolatiga kiruvchi masalalar yuzasidan davlat organlari va tashkilotlaridan statistik, tahliliy materiallar, xulosalar va boshqa maʼlumotlarni soʻrash va olish;
davlat organlari va tashkilotlari rahbarlariga xotin-qizlar huquqlari va qonuniy manfaatlarini taʼminlash hamda oilani mustahkamlash borasidagi qonunchilik hujjatlari buzilishi, ularni keltirib chiqaruvchi sabab va shart-sharoitlarni bartaraf etish boʻyicha koʻrib chiqilishi majburiy boʻlgan taqdimnomalar kiritish;
xotin-qizlar huquqlari va qonuniy manfaatlarini koʻzlab sudlarga ariza (shikoyat) va daʼvolarni kiritish;
xotin-qizlar huquqlari va qonuniy manfaatlarini taʼminlash hamda oilani mustahkamlashga doir tashabbuslar bilan chiqish hamda takliflar kiritish.
11. 2022-yil 1-maydan boshlab mahalladagi xotin-qizlar faolining oylik ish haqi miqdori u biriktirilgan mahalladagi xonadonlar soniga mutanosib ravishda quyidagicha belgilansin:
xonadonlar soni 500 tagacha boʻlgan mahallada — mehnatga haq toʻlashning eng kam miqdorining 3,5 baravari miqdorida;
xonadonlar soni 501 tadan 1 000 tagacha boʻlgan mahallada — mehnatga haq toʻlashning eng kam miqdorining 4 baravari miqdorida;
xonadonlar soni 1 000 tadan ortiq boʻlgan mahallada — mehnatga haq toʻlashning eng kam miqdorining 4,5 baravari miqdorida.
Belgilansinki, faoliyat samaradorligi koʻrsatkichlaridan kelib chiqib, mahallalardagi xotin-qizlar faollarini qoʻllab-quvvatlash maqsadida mehnatga haq toʻlash jamgʻarmasining 15 foizi miqdorida moddiy ragʻbatlantirish jamgʻarmasi shakllantiriladi.
12. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2022-yil 1-avgustga qadar mahalliy budjet mablagʻlari va qonunchilik hujjatlari bilan taqiqlanmagan boshqa manbalar hisobidan mahallalardagi xotin-qizlar faollarini “Ayollar daftari”ni yuritish, masofadan turib hisobotlar taqdim etish hamda videokonferensaloqa shaklida yigʻilishlarda ishtirok etish imkonini beruvchi planshetlar bilan taʼminlasin.
Qoʻmita hamda Axborot texnologiyalari va kommunikatsiyalarini rivojlantirish vazirligi ikki oy muddatda planshetlarda foydalaniladigan dasturiy taʼminotni ishlab chiqsin va mahallalardagi xotin-qizlar faollariga taqdim etsin.
13. Qoʻmita Toshkent shahri, Mirzo Ulugʻbek tumani, Ismoiliy koʻchasi, 1 G-uy manzili boʻyicha operativ boshqaruv huquqi asosida joylashtirilsin.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Qoʻmita bilan birgalikda 2022-yil 1-aprelga qadar Qoʻmitaning hududiy boʻlinmalarini zarur bino va inshootlar bilan taʼminlash choralarini koʻrsin.
15. Qoʻmita manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
16. Ushbu qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidentining 2022-yil 1-martdagi PQ-146-son qaroriga 1-ILOVA
Oʻzbekiston Respublikasi Oila va xotin-qizlar davlat qoʻmitasining
Oʻzbekiston Respublikasi Oila va xotin-qizlar davlat qoʻmitasi “Oila va xotin-qizlar” ilmiy-tadqiqot instituti Zulfiya nomidagi Davlat mukofoti komissiyasi Oila va xotin-qizlarni qoʻllab-quvvatlash davlat maqsadli jamgʻarmasi Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar oila va xotin-qizlar boshqarmalari Ayollarni reabilitatsiya qilish va moslashtirish respublika markazi va uning hududiy boʻlimlari Tuman (shahar) oila va xotin-qizlar boʻlimlari Respublika va hududiy “Xotin-qizlar tadbirkorlik markazlari” Mahalladagi xotin-qizlar faollari “Oila va jamiyat” gazetasi, “Saodat” jurnali, “Markaziy Osiyoda jamiyat, gender va oila” xalqaro ilmiy jurnali Xotin-qizlar masalalari boʻyicha boshlangʻich tashkilotlar
Oʻzbekiston Respublikasi Prezidentining 2022-yil 1-martdagi PQ-146-son qaroriga 2-ILOVA
Oʻzbekiston Respublikasi Oila va xotin-qizlar davlat qoʻmitasi
Hayʼat Bosh vazir oʻrinbosari — Oila va xotin-qizlar davlat qoʻmitasi raisi * Raisning birinchi oʻrinbosari Rais oʻrinbosari Rais oʻrinbosari Rais kotibiyati 3 Ijtimoiy himoyaga muhtoj oilalar va “Ayollar daftari”ga kiritilgan xotin-qizlar bilan ishlash boshqarmasi 5 Oilaviy, maʼnaviy-axloqiy qadriyatlarni mustahkamlash boshqarmasi 4 Gender tenglikni taʼminlash va xotin-qizlarning ijtimoiy-siyosiy faolligini oshirish boʻlimi 3 Tashkiliy nazorat va tahlil boshqarmasi 5 Inson resurslari va komplayens nazorat boʻlimi 3 Tadbirkorlikni rivojlantirish, bandlikni taʼminlashga koʻmaklashish, kasb-hunarga oʻqitishni tashkil etish boshqarmasi 4 Fuqarolik jamiyati institutlari bilan hamkorlik qilish, boshlangʻich tashkilotlar bilan ishlash boʻlimi 2 Xotin-qizlarga nisbatan zoʻravonlikni oldini olish va ijtimoiy reabilitatsiya qilish ishlarini muvofiqlashtirish boʻlimi 3 Yuridik boʻlim 2 Xizmatlar koʻrsatish va moliyaviy taʼminot boʻlimi 3 Mahallalardagi xotin-qizlar faollari ishini muvofiqlashtirish boʻlimi 3 Xotin-qizlar oʻrtasida ilm-fan va innovatsiyalarni rivojlantirish boʻlimi 2 Axborot texnologiyalari va raqamlashtirish boʻlimi 2 Birinchi boʻlim 1 Xalqaro aloqalar boʻyicha bosh mutaxassis 1
Oʻzbekiston Respublikasi Prezidentining 2022-yil 1-martdagi PQ-146-son qaroriga 3-ILOVA
Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar oila va xotin-qizlar boshqarmalarining
Qoraqalpogʻiston Respublikasi Vazirlar Kengashi Raisi oʻrinbosari — Oila va xotin-qizlar qoʻmitasi raisi, viloyatlar va Toshkent shahar hokimlari oʻrinbosarlari — oila va xotin-qizlar boshqarmalari boshliqlari * Rais (boshliq) oʻrinbosari Ijtimoiy himoyaga muhtoj oilalar va “Ayollar daftari”ga kiritilgan xotin-qizlar bilan ishlash boʻlimi 2 Oilaviy, maʼnaviy-axloqiy qadriyatlarni mustahkamlash boʻlimi 2 Tashkiliy nazorat, tahlil va murojaatlar bilan ishlash boʻyicha bosh mutaxassis 1 Tadbirkorlikni rivojlantirish, bandlikni taʼminlashga koʻmaklashish, kasb-hunarga oʻqitishni tashkil etish boʻyicha bosh mutaxassis 1 Gender tenglikni taʼminlash va xotin-qizlarning ijtimoiy-siyosiy faolligini oshirish boʻyicha bosh mutaxassis * 1 Bosh yuriskonsult 1 Inson resurslari boʻyicha bosh mutaxassis 1 Mahallalardagi xotin-qizlar faollari ishini muvofiqlashtirish va boshlangʻich tashkilotlar bilan ishlash boʻyicha bosh mutaxassis 1 Xotin-qizlarga nisbatan zoʻravonlikni oldini olish va ijtimoiy reabilitatsiya qilish ishlarini muvofiqlashtirish boʻyicha bosh mutaxassis 1 Bosh hisobchi 1 Xotin-qizlar masalalari boʻyicha boshlangʻich tashkilotlar
Oʻzbekiston Respublikasi Prezidentining 2022-yil 1-martdagi PQ-146-son qaroriga 4-ILOVA
Tuman (shahar) oila va xotin-qizlar boʻlimlarining
Tuman (shahar) hokimi oʻrinbosari — oila va xotin-qizlar boʻlimi boshligʻi * Ijtimoiy himoyaga muhtoj oilalar va “Ayollar daftari”ga kiritilgan xotin-qizlar bilan ishlash boʻyicha yetakchi mutaxassis 1 Tadbirkorlikni rivojlantirish, bandlikni taʼminlashga koʻmaklashish, kasb-hunarga oʻqitishni tashkil etish va tashkiliy nazorat boʻyicha yetakchi mutaxassis 1 Xotin-qizlarning ijtimoiy-siyosiy faolligini oshirish, mahallalardagi xotin-qizlar faollari ishini muvofiqlashtirish va boshlangʻich tashkilotlar bilan ishlash boʻyicha yetakchi mutaxassis 1 Oilaviy, maʼnaviy-axloqiy qadriyatlarni mustahkamlash va ijtimoiy reabilitatsiya qilish ishlarini muvofiqlashtirish boʻyicha yetakchi mutaxassis * 1 Mahallalardagi xotin-qizlar faollari ** Xotin-qizlar masalalari boʻyicha boshlangʻich tashkilotlar
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 1-mart,
PQ-146-son
Президента Республики Узбекистан
Постановление
ОРГАНИЗАЦИОННАЯ СТРУКТУРА
СТРУКТУРА ЦЕНТРАЛЬНОГО АППАРАТА
ТИПОВАЯ СТРУКТУРА
ТИПОВАЯ СТРУКТУРА
Об организации деятельности Государственного комитета семьи и женщин
В соответствии с Указом Президента Республики Узбекистан от 1 марта 2022 года № УП-81 «О мерах по совершенствованию системы работы с семьями и женщинами, поддержки махалли и старшего поколения»:
1. Поддержать предложение палат Олий Мажлиса, Кабинета Министров и местных представительных органов об образовании Республиканской комиссии по вопросам повышения роли женщин в обществе, гендерного равенства и семьи, а в местных Кенгашах народных депутатов — территориальных комиссий по вопросам повышения роли женщин в обществе, гендерного равенства и семьи.
2. Утвердить:
а) организационную структуру Государственного комитета семьи и женщин согласно приложению № 1 ;
б) с общей предельной численностью управленческого персонала, финансируемого из Государственного бюджета, в количестве:
49 штатных единиц — структуру центрального аппарата Государственного комитета семьи и женщин согласно приложению № 2 ;
168 штатных единиц — типовую структуру Комитета семьи и женщин Республики Каракалпакстан, управлений семьи и женщин областей и города Ташкента согласно приложению № 3 ;
621 штатной единицы — типовую структуру отделов семьи и женщин районов (городов) согласно приложению № 4 .
3. Предоставить заместителю Премьер-министра — председателю Государственного комитета семьи и женщин право:
распределять конкретные задачи и функции между своими заместителями;
вносить изменения в структуры центрального аппарата и территориальных подразделений Государственного комитета семьи и женщин (далее — Комитет) в рамках установленной общей штатной численности управленческого персонала и фонда оплаты труда;
привлекать в качестве консультантов высококвалифицированных специалистов государственных органов и иных организаций, ведущих проектных институтов, научных и образовательных учреждений, международных организаций и зарубежных компаний, а также экспертов.
4. Образовать в исполнительной структуре Кабинета Министров в рамках общей предельной численности работников Секретариат заместителя Премьер-министра — председателя Государственного комитета семьи и женщин, состоящий из 5 штатных единиц управленческого персонала.
5. Установить, что:
заместитель Премьер-министра — председатель Государственного комитета семьи и женщин ежегодно информирует Республиканскую комиссию по вопросам повышения роли женщин в обществе, гендерного равенства и семьи о деятельности Комитета, а также системных проблемах в сфере и их решении;
кандидаты на должность женского активиста махалли принимаются на работу на основе открытого конкурса путем формирования отборочных комиссий, возглавляемых заместителями хокимов районов (городов) — начальниками отделов семьи и женщин;
на должность женского активиста махалли назначаются самоотверженные и преданные своему делу кандидаты, имеющие опыт работы с семьями и женщинами, личные качества которых являются образцом для других.
Работники центрального аппарата Комитета по условиям оплаты труда приравниваются к работникам центрального аппарата Министерства по поддержке махалли и старшего поколения, работники его территориальных подразделений — к работникам территориальных подразделений Министерства по поддержке махалли и старшего поколения.
6. Определить источниками финансирования деятельности Комитета и его территориальных подразделений:
средства Государственного бюджета;
внебюджетные средства Комитета;
иные источники, не запрещенные актами законодательства.
7. Кабинету Министров в двухмесячный срок утвердить Положение о Государственном комитете семьи и женщин.
8. Образовать в организационно-штатной структуре Генеральной прокуратуры за счет оптимизации штатных единиц Отдел по надзору за исполнением законодательства в сферах обеспечения прав женщин, а также защиты их от притеснения и насилия, состоящее из 18 штатных единиц (из них 14 штатных единиц — региональные представители).
Генеральной прокуратуре установить системный надзор за исполнением актов законодательства в сферах обеспечения прав женщин, а также защиты их от притеснения и насилия.
9. Комитету обеспечить:
а) в двухмесячный срок:
укомплектование центрального аппарата и территориальных подразделений высококвалифицированными кадрами, способными на профессиональном уровне выполнять задачи, возложенные на Комитет, обладающими необходимыми теоретическими знаниями и практическими навыками;
утверждение положений о структурных и подведомственных подразделениях, в том числе о женском активисте махалли, а также должностных инструкций работников;
б) в трехмесячный срок совместно с Министерством по развитию информационных технологий и коммуникаций — подключение Комитета и его территориальных подразделений к высокоскоростной сети Интернет, а также необходимой связью, в частности Комитета — правительственной связью.
10. Определить, что Комитет и его территориальные подразделения в соответствии с возложенными на них функциями в установленном порядке имеют право на:
привлечение в Комитет при необходимости руководителей и специалистов государственных органов, научных учреждений и иных организаций к реализации соответствующих задач, а также формирование рабочих групп;
запрашивание и получение от государственных органов и организаций статистических и аналитических материалов, заключений и иных сведений по вопросам, отнесенным к компетенции Комитета;
внесение руководителям государственных органов и организаций обязательных для рассмотрения представлений по устранению нарушений актов законодательства по защите прав и законных интересов женщин, а также укреплению семьи, причин и условий, порождающих их;
внесение в суды заявлений (жалоб) и исков по защите прав и законных интересов женщин;
выдвижение инициатив и внесение предложений по обеспечению прав и законных интересов женщин, а также укреплению семьи.
11. Начиная с 1 мая 2022 года установить размер месячной оплаты труда женского активиста махалли соразмерно количеству домов (квартир) в закрепленной за ним махалле, в частности:
в махаллях с количеством домов (квартир) до 500 — в 3,5-кратном размере минимальной оплаты труда;
в махаллях с количеством домов (квартир) от 501 до 1 000 — в 4-кратном размере минимальной оплаты труда;
в махаллях с количеством домов (квартир) более 1 000 — в 4,5-кратном размере минимальной оплаты труда.
Определить, что в целях поддержки женских активистов махаллей, в зависимости от показателей эффективности их деятельности, в размере 15 процентов от фонда оплаты труда формируется фонд материального стимулирования.
12. Совету Министров Республики Каракалпакстан, хокимиятам областей и города Ташкента в срок до 1 августа 2022 года обеспечить женских активистов махалли планшетами, предоставляющими возможность ведения «Женской тетради», дистанционного представления отчетов, участия в собраниях, проводимых в форме видеоконференцсвязи, за счет средств местных бюджетов и иных источников, не запрещенных актами законодательства.
Комитету и Министерству по развитию информационных технологий и коммуникаций в двухмесячный срок разработать и предоставить женским активистам махалли программное обеспечение, используемое на планшетах.
13. Разместить Комитет по адресу: город Ташкент, Мирзо-Улугбекский район, улица Исмоилий, 1 Г на праве оперативного управления.
Совету Министров Республики Каракалпакстан, хокимиятам областей и города Ташкента совместно с Комитетом в срок до 1 апреля 2022 года принять меры по обеспечению территориальных подразделений Комитета необходимыми зданиями и помещениями.
15. Комитету совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
16. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
ПРИЛОЖЕНИЕ № 1 к постановлению Президента Республики Узбекистан от 1 марта 2022 года № ПП-146
Государственного комитета семьи и женщин Республики Узбекистан
Государственный комитет семьи и женщин Республики Узбекистан Научно-исследовательский институт «Оила ва хотин-кизлар» Комиссия по Государственной премии имени Зульфии Государственный целевой фонд по поддержке семьи и женщин Комитет семьи и женщин Республики Каракалпакстан, управления семьи и женщин областей и города Ташкента Республиканский центр реабилитации и адаптации женщин и его территориальные подразделения Отделы семьи и женщин районов (городов) Республиканский и территориальные «Центры предпринимательства женщин» Женские активисты махаллей Газета «Оила ва жамият», журнал «Саодат», международный научный журнал «Марказий Осиёда жамият, гендер ва оила» Первичные организации по вопросам женщин
ПРИЛОЖЕНИЕ № 2 к постановлению Президента Республики Узбекистан от 1 марта 2022 года № ПП-146
Государственного комитета семьи и женщин Республики Узбекистан
Коллегия Заместитель Премьер-министра — председатель Государственного комитета семьи и женщин * Первый заместитель председателя Заместитель председателя Заместитель председателя Секретариат председателя 3 Управление по работе с семьями, нуждающимися в социальной защите, и женщинами, включенными в «Женскую тетрадь» 5 Управление по укреплению семейных, духовно-нравственных ценностей 4 Отдел по обеспечению гендерного равенства и повышению общественно-политической активности женщин 3 Организационно-контрольное и аналитическое управление 5 Отдел человеческих ресурсов и комплаенс-контроля 3 Управление по развитию предпринимательства, содействию обеспечения занятости, организации профессионального обучения 4 Отдел по взаимодействию с институтами гражданского общества, работе с первичными организациями 2 Отдел по координации работ по предупреждению насилия в отношении женщин и их социальной реабилитации 3 Юридический отдел 2 Отдел по оказанию услуг и финансового обеспечения 3 Отдел по координации работы женских активистов махаллей 3 Отдел по развитию науки и инноваций среди женщин 2 Отдел информационных технологий и цифровизации 2 Первый отдел 1 Главный специалист по международным связям 1
ПРИЛОЖЕНИЕ № 3 к постановлению Президента Республики Узбекистан от 1 марта 2022 года № ПП-146
Комитета семьи и женщин Республики Каракалпакстан, управлений семьи и женщин областей и города Ташкента
Заместитель Председателя Совета Министров Республики Каракалпакстан — председатель Комитета семьи и женщин, заместители хокимов областей и города Ташкента — начальники управлений семьи и женщин * Заместитель Председателя (начальника) Отдел по работе с семьями, нуждающимися в социальной защите, и женщинами, включенными в «Женскую тетрадь» 2 Отдел по укреплению семейных, духовно-нравственных ценностей 2 Главный специалист по организационному контролю, анализу и работе с обращениями 1 Главный специалист по развитию предпринимательства, содействию обеспечения занятости, организации профессионального обучения 1 Главный специалист по обеспечению гендерного равенства и повышению общественно-политической активности женщин * 1 Главный юрисконсульт 1 Главный специалист по человеческим ресурсам 1 Главный специалист по координации работы женских активистов махаллей и работе с первичными организациями 1 Главный специалист по координации работ по предупреждению насилия в отношении женщин и их социальной реабилитации 1 Главный бухгалтер 1 Первичные организации по вопросам женщин
ПРИЛОЖЕНИЕ № 4 к постановлению Президента Республики Узбекистан от 1 марта 2022 года № ПП-146
отделов семьи и женщин районов (городов)
Заместитель хокима района (города) — начальник отдела семьи и женщин * Ведущий специалист по работе с семьями, нуждающимися в социальной защите, и женщинами, включенными в «Женскую тетрадь» 1 Ведущий специалист по развитию предпринимательства, содействию обеспечения занятости, организации профессионального обучения и организационному контролю 1 Ведущий специалист по повышению общественно-политической активности женщин, координации работ женских активистов махаллей и работе с первичными организациями 1 Ведущий специалист по укреплению семейных, духовно-нравственных ценностей и координации работ социальной реабилитации * 1 Женские активисты махаллей ** Первичные организации по вопросам женщин
Президент Республики Узбекистан Ш. МИРЗИЁЕВ
г. Ташкент,
1 марта 2022 г.,
№ ПП-146