📅 2022-yil 1-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 1 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 марта 2022 г. · Постановления Президента
Официальный текст. Официальный документ. Редакционные примечания не включены.
📅 1 March 2022 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қуйи бўғинда сув ресурсларини бошқаришни такомиллаштириш ҳамда сув истеъмолчилари орасидаги муносабатларни тартибга солиш чора-тадбирлари тўғрисида
Сўнгги йилларда иқлимнинг глобал ўзгариши натижасида кузатилаётган сув танқислигининг салбий таъсирини юмшатиш мақсадида сув ресурсларини бошқариш, уларнинг ҳисоби ва ҳисоботини юритиш ҳамда сув муносабатларини янада такомиллаштириш, шунингдек, сувдан тежамли ва самарали фойдаланиш юзасидан мамлакатимизда кенг кўламли ислоҳотлар амалга оширилмоқда.
Шунга қарамасдан, қуйи бўғинда сув ресурсларини бошқариш, сув танқислиги шароитида истеъмолчилар ўртасида сув тақсимлаш, сувнинг ҳисоби ва ҳисоботини юритиш ҳамда сувдан фойдаланиш самараси пастлигича қолмоқда.
Сув ресурсларини самарали бошқариш, уларнинг ҳисоби ва ҳисоботини тўлақонли юритиш, сув истеъмолчилари орасидаги муносабатларни такомиллаштириш ҳамда ушбу жараёнларга хусусий секторни кенг жалб қилиш мақсадида:
1. Қуйи бўғинда сув ресурсларини бошқаришнинг устувор йўналишлари этиб қуйидагилар белгилансин:
қишлоқ хўжалиги маҳсулоти ишлаб чиқарувчилар ва аҳоли томорқаларини сув ресурслари билан ишончли таъминлаш;
ирригация тизимлари ва суғориш тармоқларининг ҳамда улардаги гидротехника иншоотларини доимий техник соз ҳолатда ушлаб туриш;
йирик қишлоқ хўжалиги маҳсулоти ишлаб чиқарувчиларни ўз ҳудудида сувни бошқариш ва тақсимлаш ишларига жалб қилиш;
иқтисодиёт тармоқларини сув билан таъминлашга оид давлат функцияларини хусусий секторга ўтказиш бўйича давлат-хусусий шериклик тамойилларини кенг жорий этиш;
сувнинг ҳисоби ва ҳисоботини инсон омилига минимал равишда боғлиқ бўлган автоматлаштирилган тизимлар орқали юритиш.
2. Сув хўжалиги вазирлиги, Қишлоқ хўжалиги вазирлиги, Ўзбекистон фермер, деҳқон хўжаликлари ва томорқа ер эгалари кенгаши, Қорақалпоғистон Республикаси Вазирлар Кенгаши ҳамда вилоятлар ҳокимликларининг:
қишлоқ хўжалиги ерлари ўз ҳисобида мавжуд бўлган кластерларга ўзларига тегишли майдонлардаги барча сув хўжалиги объектларини давлат-хусусий шериклик тамойиллари асосида бошқарувга бериш;
мева-сабзавотчилик ҳамда шоличиликка ихтисослашган туманлар сув хўжалиги объектлари бошқарувига давлат-хусусий шериклик тамойиллари асосида хусусий секторни жалб қилиш;
мазкур банднинг иккинчи ва учинчи хатбошисида назарда тутилмаган қишлоқ хўжалиги суғориладиган ерларида фаолият кўрсатаётган сув истеъмолчилари ва туман ирригация бўлимлари ўртасида сув етказиб бериш ва сув хўжалиги хизматларини кўрсатиш бўйича тўғридан-тўғри шартнома тузиш тўғрисидаги таклифларига розилик берилсин.
3. Мазкур қарорнинг 2-банди иккинчи ва учинчи хатбошисида назарда тутилган сув хўжалиги объектларини давлат-хусусий шериклик тамойиллари асосида бошқарувга беришда кластерлар ўз ҳисобига олган ер майдонларида, сув хўжалиги объектларини бошқарувга олган хусусий корхоналар эса хизмат кўрсатиш ҳудудида:
мавжуд бўлган барча сув хўжалиги объектларини мустақил бошқаради;
деҳқон хўжаликлари ва аҳоли томорқаларини белгиланган тартибда сув олиш лимити доирасида сув билан таъминлайди;
сув ҳисоби ва ҳисоботининг тўлиқ юритилишини таъминлайди ҳамда бу жараёнга автоматлаштирилган тизимларни жорий қилади;
хизмат кўрсатиш ҳудудидаги барча сув хўжалиги объектларининг босқичма-босқич модернизациясини таъминлайди.
Бунда, бириктирилган ҳудуддаги сув хўжалиги объектларининг эксплуатация харажатлари учун Давлат бюджетида назарда тутиладиган маблағларнинг бир қисми хусусий шерикка тўлаб берилади.
4. Бош вазир ўринбосари Ш.М. Ғаниев мазкур қарорнинг 2-банди тўртинчи хатбошисида назарда тутилган қишлоқ хўжалиги суғориладиган ерларида фаолият кўрсатаётган сув истеъмолчилари ва туман ирригация бўлимлари ўртасида сув етказиб бериш ва сув хўжалиги хизматларини кўрсатиш бўйича шартнома асосидаги тизимнинг ишга туширилишига шахсан жавобгар этиб белгилансин.
5. Қорақалпоғистон Республикаси Вазирлар Кенгаши ва вилоят ҳокимликлари Сув хўжалиги вазирлиги (А.А. Мирзаев), Қишлоқ хўжалиги вазирлиги (М.И. Рўзметов) ва Давлат солиқ қўмитаси ҳузуридаги Кадастр агентлиги (А.В. Аллаберганов) билан биргаликда 2026 йил якунига қадар қишлоқ хўжалиги маҳсулотлари ишлаб чиқарувчилар ҳудудидаги сув хўжалиги объектларини тўлиқ хатловдан ўтказсин ҳамда уларнинг балансига берилишини, шунингдек, белгиланган тартибда кадастр ҳужжатлари расмийлаштирилишини таъминласин.
Бунда:
битта сув истеъмолчига хизмат кўрсатувчи ички суғориш ва коллектор-дренаж тармоғи, улардаги бош ва ички сув олиш ҳамда бошқа иншоотларни улардан доимий ва мақсадли фойдаланиш ҳамда таъмирлаш-тиклаш учун тегишли сув истеъмолчиси балансига;
икки ва ундан ортиқ сув истеъмолчисига хизмат кўрсатувчи фермерлараро ички суғориш ва коллектор-дренаж тармоғи, улардаги бош ва ички сув олиш ҳамда бошқа иншоотларни улардан доимий ва мақсадли фойдаланиш ҳамда таъмирлаш-тиклаш учун тегишли хизмат кўрсатувчи ташкилот балансига тўловларсиз берилади.
6. Сув хўжалиги вазирлиги ҳузуридаги Сув хўжалиги объектлари хавфсизлигини ва сувдан фойдаланишни назорат қилиш инспекцияси сувдан фойдаланиш ва сув истеъмоли бўйича қонунчилик ҳужжатлари талабларига амал қилиниши, сув хўжалиги объектларини ўз балансига олган субъектлар томонидан сув олиш лимити асосида сув етказиб берилиши ҳамда сув истеъмолчилари томонидан сувдан оқилона фойдаланилиши устидан тизимли назорат ўрнатсин.
7. Бош прокуратура (Ш.Ж. Рахимов) сув хўжалиги объектларини бошқарувга олган субъектларнинг фаолиятига ноқонуний аралашувлар юзасидан тизимли назорат ўрнатсин.
8. Ўзбекистон Республикаси Вазирлар Маҳкамаси бир ой муддатда қуйидагиларни назарда тутадиган Ҳукумат қарорини қабул қилсин:
туман ирригация бўлимларининг сув истеъмолчиларига тўғридан-тўғри шартнома асосида хизмат кўрсатиши;
сув хўжалиги ташкилотлари томонидан сув етказиб бериш бўйича кўрсатилган хизматлар учун ҳақ тўлаш тартиби;
сув хўжалиги объектларини бошқаришга давлат-хусусий шериклик тамойиллари асосида хусусий секторни жалб қилиш шартлари.
9. Сув хўжалиги вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарор ижросини назорат қилиш Ўзбекистон Республикаси Бош вазирининг ўринбосари Ш.М. Ғаниев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 1 март,
ПҚ-145-сон
Oʻzbekiston Respublikasi Prezidentining
Qarori
Quyi boʻgʻinda suv resurslarini boshqarishni takomillashtirish hamda suv isteʼmolchilari orasidagi munosabatlarni tartibga solish chora-tadbirlari toʻgʻrisida
Soʻnggi yillarda iqlimning global oʻzgarishi natijasida kuzatilayotgan suv tanqisligining salbiy taʼsirini yumshatish maqsadida suv resurslarini boshqarish, ularning hisobi va hisobotini yuritish hamda suv munosabatlarini yanada takomillashtirish, shuningdek, suvdan tejamli va samarali foydalanish yuzasidan mamlakatimizda keng koʻlamli islohotlar amalga oshirilmoqda.
Shunga qaramasdan, quyi boʻgʻinda suv resurslarini boshqarish, suv tanqisligi sharoitida isteʼmolchilar oʻrtasida suv taqsimlash, suvning hisobi va hisobotini yuritish hamda suvdan foydalanish samarasi pastligicha qolmoqda.
Suv resurslarini samarali boshqarish, ularning hisobi va hisobotini toʻlaqonli yuritish, suv isteʼmolchilari orasidagi munosabatlarni takomillashtirish hamda ushbu jarayonlarga xususiy sektorni keng jalb qilish maqsadida:
1. Quyi boʻgʻinda suv resurslarini boshqarishning ustuvor yoʻnalishlari etib quyidagilar belgilansin:
qishloq xoʻjaligi mahsuloti ishlab chiqaruvchilar va aholi tomorqalarini suv resurslari bilan ishonchli taʼminlash;
irrigatsiya tizimlari va sugʻorish tarmoqlarining hamda ulardagi gidrotexnika inshootlarini doimiy texnik soz holatda ushlab turish;
yirik qishloq xoʻjaligi mahsuloti ishlab chiqaruvchilarni oʻz hududida suvni boshqarish va taqsimlash ishlariga jalb qilish;
iqtisodiyot tarmoqlarini suv bilan taʼminlashga oid davlat funksiyalarini xususiy sektorga oʻtkazish boʻyicha davlat-xususiy sheriklik tamoyillarini keng joriy etish;
suvning hisobi va hisobotini inson omiliga minimal ravishda bogʻliq boʻlgan avtomatlashtirilgan tizimlar orqali yuritish.
2. Suv xoʻjaligi vazirligi, Qishloq xoʻjaligi vazirligi, Oʻzbekiston fermer, dehqon xoʻjaliklari va tomorqa yer egalari kengashi, Qoraqalpogʻiston Respublikasi Vazirlar Kengashi hamda viloyatlar hokimliklarining:
qishloq xoʻjaligi yerlari oʻz hisobida mavjud boʻlgan klasterlarga oʻzlariga tegishli maydonlardagi barcha suv xoʻjaligi obyektlarini davlat-xususiy sheriklik tamoyillari asosida boshqaruvga berish;
meva-sabzavotchilik hamda sholichilikka ixtisoslashgan tumanlar suv xoʻjaligi obyektlari boshqaruviga davlat-xususiy sheriklik tamoyillari asosida xususiy sektorni jalb qilish;
mazkur bandning ikkinchi va uchinchi xatboshisida nazarda tutilmagan qishloq xoʻjaligi sugʻoriladigan yerlarida faoliyat koʻrsatayotgan suv isteʼmolchilari va tuman irrigatsiya boʻlimlari oʻrtasida suv yetkazib berish va suv xoʻjaligi xizmatlarini koʻrsatish boʻyicha toʻgʻridan-toʻgʻri shartnoma tuzish toʻgʻrisidagi takliflariga rozilik berilsin.
3. Mazkur qarorning 2-bandi ikkinchi va uchinchi xatboshisida nazarda tutilgan suv xoʻjaligi obyektlarini davlat-xususiy sheriklik tamoyillari asosida boshqaruvga berishda klasterlar oʻz hisobiga olgan yer maydonlarida, suv xoʻjaligi obyektlarini boshqaruvga olgan xususiy korxonalar esa xizmat koʻrsatish hududida:
mavjud boʻlgan barcha suv xoʻjaligi obyektlarini mustaqil boshqaradi;
dehqon xoʻjaliklari va aholi tomorqalarini belgilangan tartibda suv olish limiti doirasida suv bilan taʼminlaydi;
suv hisobi va hisobotining toʻliq yuritilishini taʼminlaydi hamda bu jarayonga avtomatlashtirilgan tizimlarni joriy qiladi;
xizmat koʻrsatish hududidagi barcha suv xoʻjaligi obyektlarining bosqichma-bosqich modernizatsiyasini taʼminlaydi.
Bunda, biriktirilgan hududdagi suv xoʻjaligi obyektlarining ekspluatatsiya xarajatlari uchun Davlat budjetida nazarda tutiladigan mablagʻlarning bir qismi xususiy sherikka toʻlab beriladi.
4. Bosh vazir oʻrinbosari Sh.M. Gʻaniyev mazkur qarorning 2-bandi toʻrtinchi xatboshisida nazarda tutilgan qishloq xoʻjaligi sugʻoriladigan yerlarida faoliyat koʻrsatayotgan suv isteʼmolchilari va tuman irrigatsiya boʻlimlari oʻrtasida suv yetkazib berish va suv xoʻjaligi xizmatlarini koʻrsatish boʻyicha shartnoma asosidagi tizimning ishga tushirilishiga shaxsan javobgar etib belgilansin.
5. Qoraqalpogʻiston Respublikasi Vazirlar Kengashi va viloyat hokimliklari Suv xoʻjaligi vazirligi (A.A. Mirzayev), Qishloq xoʻjaligi vazirligi (M.I. Roʻzmetov) va Davlat soliq qoʻmitasi huzuridagi Kadastr agentligi (A.V. Allaberganov) bilan birgalikda 2026-yil yakuniga qadar qishloq xoʻjaligi mahsulotlari ishlab chiqaruvchilar hududidagi suv xoʻjaligi obyektlarini toʻliq xatlovdan oʻtkazsin hamda ularning balansiga berilishini, shuningdek, belgilangan tartibda kadastr hujjatlari rasmiylashtirilishini taʼminlasin.
Bunda:
bitta suv isteʼmolchiga xizmat koʻrsatuvchi ichki sugʻorish va kollektor-drenaj tarmogʻi, ulardagi bosh va ichki suv olish hamda boshqa inshootlarni ulardan doimiy va maqsadli foydalanish hamda taʼmirlash-tiklash uchun tegishli suv isteʼmolchisi balansiga;
ikki va undan ortiq suv isteʼmolchisiga xizmat koʻrsatuvchi fermerlararo ichki sugʻorish va kollektor-drenaj tarmogʻi, ulardagi bosh va ichki suv olish hamda boshqa inshootlarni ulardan doimiy va maqsadli foydalanish hamda taʼmirlash-tiklash uchun tegishli xizmat koʻrsatuvchi tashkilot balansiga toʻlovlarsiz beriladi.
6. Suv xoʻjaligi vazirligi huzuridagi Suv xoʻjaligi obyektlari xavfsizligini va suvdan foydalanishni nazorat qilish inspeksiyasi suvdan foydalanish va suv isteʼmoli boʻyicha qonunchilik hujjatlari talablariga amal qilinishi, suv xoʻjaligi obyektlarini oʻz balansiga olgan subyektlar tomonidan suv olish limiti asosida suv yetkazib berilishi hamda suv isteʼmolchilari tomonidan suvdan oqilona foydalanilishi ustidan tizimli nazorat oʻrnatsin.
7. Bosh prokuratura (Sh.J. Raximov) suv xoʻjaligi obyektlarini boshqaruvga olgan subyektlarning faoliyatiga noqonuniy aralashuvlar yuzasidan tizimli nazorat oʻrnatsin.
8. Oʻzbekiston Respublikasi Vazirlar Mahkamasi bir oy muddatda quyidagilarni nazarda tutadigan Hukumat qarorini qabul qilsin:
tuman irrigatsiya boʻlimlarining suv isteʼmolchilariga toʻgʻridan-toʻgʻri shartnoma asosida xizmat koʻrsatishi;
suv xoʻjaligi tashkilotlari tomonidan suv yetkazib berish boʻyicha koʻrsatilgan xizmatlar uchun haq toʻlash tartibi;
suv xoʻjaligi obyektlarini boshqarishga davlat-xususiy sheriklik tamoyillari asosida xususiy sektorni jalb qilish shartlari.
9. Suv xoʻjaligi vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qaror ijrosini nazorat qilish Oʻzbekiston Respublikasi Bosh vazirining oʻrinbosari Sh.M. Gʻaniyev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 1-mart,
PQ-145-son
Президента Республики Узбекистан
Постановление
О мерах по совершенствованию управления водными ресурсами и регулированию взаимоотношений между водопотребителями в низовом звене
В последние годы в целях смягчения негативных последствий наблюдаемого дефицита воды в результате глобального изменения климата в стране осуществляются широкомасштабные реформы по дальнейшему совершенствованию управления водными ресурсами, ведения учета и отчетности по ним, водным отношениям, а также экономному и эффективному использованию воды.
Несмотря на это в низовом звене эффективность управления водными ресурсами, распределения воды между потребителями, ведения учета и отчетности по воде и водопользования в условиях дефицита воды остается на низком уровне.
В целях эффективного управления водными ресурсами, полноценного ведения учета и отчетности по ним, совершенствования отношений между водопотребителями, а также широкого вовлечения в данные процессы частного сектора:
1. Определить приоритетными направлениями управления водными ресурсами в низовом звене:
надежное обеспечение водными ресурсами производителей сельскохозяйственной продукции и приусадебных земель населения;
постоянное содержание в технически исправном состоянии ирригационных систем, оросительных сетей, их гидротехнических сооружений;
вовлечение крупных производителей сельскохозяйственной продукции в управление и распределение водных ресурсов на своей территории;
широкое внедрение принципов государственно-частного партнерства в передачу частному сектору государственных функций по обеспечению водой отраслей экономики;
ведение учета и отчетности по воде посредством автоматизированных систем, зависимость от человеческого фактора которых является минимальной.
2. Согласиться с предложениями Министерства водного хозяйства, Министерства сельского хозяйства, Совета фермерских, дехканских хозяйств и приусадебных земель Узбекистана, Совета Министров Республики Каракалпакстан и хокимиятов областей о:
передаче в управление кластерам, имеющим на своем балансе земли сельскохозяйственного назначения, всех водохозяйственных объектов, расположенных на отведенной им площади, на основе принципов государственно-частного партнерства;
вовлечении частного сектора в управление водохозяйственными объектами районов, специализированных на плодоовощеводстве и рисоводстве, на основе принципов государственно-частного партнерства;
заключении прямых договоров по поставке воды и оказанию водохозяйственных услуг между отделами ирригации районов и водопотребителями, осуществляющими деятельность на орошаемых землях сельскохозяйственного назначения, не предусмотренных абзацами вторым и третьим настоящего пункта.
3. При передаче водохозяйственных объектов, предусмотренных абзацами вторым и третьим пункта 2 настоящего постановления, на основе принципов государственно-частного партнерства, кластеры — на земельных площадях, состоящих на их балансе, частные предприятия, принявшие управление водохозяйственными объектами, — в своей зоне обслуживания:
самостоятельно управляют всеми действующими водохозяйственными объектами;
обеспечивают водой в установленном порядке дехканские хозяйства и приусадебные земли населения в рамках лимита водозабора;
обеспечивают ведение полноценного учета и отчетности по воде, внедряют автоматизированные системы в эти процессы;
обеспечивают поэтапную модернизацию всех водохозяйственных объектов в своей зоне обслуживания.
При этом часть средств, предусматриваемых в Государственном бюджете на расходы по эксплуатации водохозяйственных объектов на закрепленной территории, выплачивается частному партнеру.
4. Возложить на заместителя Премьер-министра Ш.М. Ганиева персональную ответственность за внедрение системы поставки воды и оказания водохозяйственных услуг на основе договоров между отделами ирригации районов и водопотребителями, осуществляющими деятельность на орошаемых землях сельскохозяйственного назначения, предусмотренных абзацем четвертым пункта 2 настоящего постановления.
5. Совету Министров Республики Каракалпакстан и хокимиятам областей совместно с Министерством водного хозяйства (А.А. Мирзаев), Министерством сельского хозяйства (М.И. Рузметов) и Агентством по кадастру при Государственном налоговом комитете (А.В. Аллаберганов) в срок до конца 2026 года провести полную инвентаризацию водохозяйственных объектов, расположенных на территории производителей сельскохозяйственной продукции, обеспечить передачу им указанных объектов и оформление их кадастровой документации в установленном порядке.
При этом:
на баланс соответствующих водопотребителей безвозмездно передаются внутренние оросительные и коллекторно-дренажные сети, обслуживающие одного водопотребителя, их головные и внутренние водозаборные и иные сооружения, в целях регулярной и целевой эксплуатации, ремонта и восстановления;
на баланс соответствующих обслуживающих организаций безвозмездно передаются межфермерские внутрихозяйственные оросительные и коллекторно-дренажные сети, обслуживающие двух и более водопотребителей, их головные и внутренние водозаборные и иные сооружения, в целях регулярной и целевой эксплуатации, ремонта и восстановления.
6. Инспекции по контролю за безопасностью объектов водного хозяйства и водопользованием при Министерстве водного хозяйства установить системный контроль за соблюдением актов законодательства о водопользовании и водопотреблении, подачей воды субъектами, принявшими на свой баланс водохозяйственные объекты, на основе лимитов водозабора, а также рациональным использованием воды водопотребителями.
7. Генеральной прокуратуре (Ш.Ж. Рахимов) установить системный надзор за незаконным вмешательством в деятельность субъектов, принявших в управление водохозяйственные объекты.
8. Кабинету Министров Республики Узбекистан в месячный срок принять Правительственное решение, предусматривающее:
оказание отделами ирригации районов услуг водопотребителям на основе прямых договоров;
порядок оплаты за услуги водохозяйственных организаций по поставке воды;
условия вовлечения частного сектора в управление водохозяйственными объектами на основе принципов государственно-частного партнерства.
9. Министерству водного хозяйства совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
10. Контроль за исполнением настоящего постановления возложить на заместителя Премьер-министра Республики Узбекистан Ш.М. Ганиева.
Президент Республики Узбекистан Ш. МИРЗИЁЕВ
г. Ташкент,
1 марта 2022 г.,
№ ПП-145