📅 2022-yil 1-mart · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 1 март · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 1 марта 2022 г. · Указы Президента
Официальный текст. Официальный документ. Редакционные примечания не включены.
📅 1 March 2022 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Оила ва хотин-қизлар билан ишлаш, маҳалла ва нуронийларни қўллаб-қувватлаш тизимини такомиллаштириш чора-тадбирлари тўғрисида
Оила, хотин-қизлар ва кекса авлод вакиллари билан ишлаш тизимини янги даражага олиб чиқиш, маҳаллаларни қўллаб-қувватлашни янада такомиллаштириш, маҳаллабай ишлашга масъул бўлган шахслар фаолиятини самарали ташкил этиш ва ўзаро ҳамкорлигини таъминлаш мақсадида:
1. Қуйидагилар оила институтини мустаҳкамлаш ва хотин-қизларни қўллаб-қувватлаш бўйича давлат сиёсатининг асосий йўналишлари этиб белгилансин:
хотин-қизларнинг таълим ва касбий кўникмалар олишлари, муносиб иш топишларига ҳар томонлама кўмаклашиш, тадбиркорлигини қўллаб-қувватлаш, иқтидорли ёш хотин-қизларни аниқлаш ва уларнинг қобилиятларини тўғри йўналтириш;
гендер тенгликни таъминлаш сиёсатини давом эттириш, хотин-қизларнинг ижтимоий-сиёсий фаоллигини ошириш, уларни қўллаб-қувватлашга доир ислоҳотларни амалга ошириш;
ҳудудларда, айниқса, қишлоқларда хотин-қизларга кўрсатиладиган тиббий-ижтимоий хизматлар сифатини, улар ўртасида соғлом турмуш тарзини таъминлаш борасидаги ишлар самарадорлигини ошириш;
турар жойга муҳтож хотин-қизларни уй-жой билан таъминлаш, турмуш ва меҳнат шароитларини яхшилаш, даромадларини кўпайтириш борасида тизимли чора-тадбирларни белгилаш;
оғир ижтимоий аҳволга тушиб қолган хотин-қизларга ижтимоий-ҳуқуқий, психологик ёрдам кўрсатиш, уларни «Аёллар дафтари» орқали манзилли қўллаб-қувватлаш;
жамиятда хотин-қизларга тазйиқ ва зўравонликка нисбатан муросасизлик муҳитини яратиш, хотин-қизларнинг ҳуқуқ ва қонуний манфаатларини таъминлаш;
оиланинг тарбиявий-таълим салоҳиятини мустаҳкамлаш, жамиятда оилавий қадриятларни сақлаш, оилаларда маънавий-ахлоқий муҳитни яхшилаш ва уларнинг фаровонлик даражасини ошириш.
2. Республикада оила ва хотин-қизларга оид давлат сиёсатини янги босқичга олиб чиқиш, уларнинг муаммоларига тизимли ечим топиш, ваколатли органлар фаолиятини самарали ташкил этиш ва мувофиқлаштириш мақсадида Оила ва хотин-қизлар давлат қўмитаси (кейинги ўринларда — Қўмита), унинг Қорақалпоғистон Республикаси, вилоятлар, Тошкент шаҳар ва туман (шаҳар) бўлинмалари ташкил этилсин.
3. Қуйидагилар Қўмитанинг асосий вазифа ва фаолият йўналишлари этиб белгилансин:
хотин-қизларнинг ҳуқуқ ва қонуний манфаатларини ҳимоя қилиш, уларнинг мамлакат ижтимоий-сиёсий ҳаётидаги ўрни ва фаоллигини ошириш, гендер тенглик кафолатларини таъминлаш, илмий фаолиятга кенг жалб қилиш;
оила ва хотин-қизларнинг муаммоларини ўз вақтида аниқлаш, оғир ижтимоий аҳволга тушиб қолган оила ва хотин-қизларга ижтимоий-ҳуқуқий, психологик ёрдам кўрсатиш;
хотин-қизларга меҳнат бозорида талаб юқори бўлган касблар бўйича билим ва кўникмаларни эгаллашлари учун зарур шароитлар яратиш, қишлоқ жойлардаги хотин-қизларни оилавий ва хусусий тадбиркорликка, ҳунармандчиликка кенг жалб этиш;
хотин-қизлар ўртасида соғлом турмуш тарзини шакллантириш, оиладаги маънавий-ахлоқий қадриятларни мустаҳкамлаш бўйича манзилли чора-тадбирларни амалга ошириш;
хотин-қизлар йўналишидаги нодавлат нотижорат ташкилотлар фаолиятига ёрдам кўрсатиш.
4. Вазирлар Маҳкамасининг қуйидаги таклифларига розилик берилсин:
Хотин-қизларни қўллаб-қувватлаш давлат мақсадли жамғармасини Оила ва хотин-қизларни қўллаб-қувватлаш давлат мақсадли жамғармаси сифатида қайта ташкил этиш ҳамда Қўмита тузилмасига ўтказиш;
«Маҳалла ва оила» илмий-тадқиқот институтини «Оила ва хотин-қизлар» илмий-тадқиқот институти сифатида қайта ташкил этиш ҳамда Қўмита тузилмасига ўтказиш;
Аёлларни реабилитация қилиш ва мослаштириш республика маркази, Зулфия номидаги Давлат мукофоти комиссияси, «Оила ва жамият» газетаси, «Саодат» журнали, «Марказий Осиёда жамият, гендер ва оила» халқаро илмий журналини Қўмита тузилмасига ўтказиш;
«Хотин-қизлар тадбиркорлик марказлари» фаолиятини ислоҳ қилиш ва такомиллаштириш.
6. Қуйидагилар:
Қорақалпоғистон Республикаси Вазирлар Кенгаши тузилмасидаги — Вазирлар Кенгаши Раиси ўринбосари — маҳалла ва оилани қўллаб-қувватлаш вазири лавозими;
вилоятлар ва Тошкент шаҳар ҳокимликлари тузилмаларидаги — ҳоким ўринбосарлари — маҳалла ва оилани қўллаб-қувватлаш бошқармалари бошлиқлари лавозимлари;
туман (шаҳар) ҳокимликлари тузилмаларидаги — ҳоким ўринбосарлари — маҳалла ва оилани қўллаб-қувватлаш бўлимлари бошлиқлари лавозимлари тугатилсин.
7. Ҳар бир шаҳарча, қишлоқ, овулда, шунингдек, шаҳарлар, шаҳарчалар, қишлоқлар ва овуллардаги ҳар бир маҳаллада маҳалла раисининг оила, хотин-қизлар ва ижтимоий-маънавий масалалар бўйича ўринбосари ҳамда оила ва хотин-қизлар масалалари бўйича мутахассис лавозими ўрнига хотин-қизлар фаоли лавозими маҳаллий бюджет маблағлари ҳисобидан молиялаштириш тартиби сақланган ҳолда бир нафардан жорий этилсин.
8. Қуйидагилар маҳалладаги хотин-қизлар фаолининг асосий вазифалари этиб белгилансин:
хотин-қизларни оила, маҳалла ва меҳнат жамоаларида ижтимоий-ҳуқуқий жиҳатдан қўллаб-қувватлаш, ижтимоий-сиёсий фаоллигини ошириш, маънавиятини юксалтириш, ёшларни оилавий ҳаётга тайёрлаш, замонавий намунали оилани шакллантириш, унинг маънавий-ахлоқий муҳитини ва анъанавий оилавий қадриятларни мустаҳкамлаш бўйича мақсадли чора-тадбирларни амалга ошириш;
хотин-қизларнинг тадбиркорлик ғояларини амалга ошириш, улар фаолиятига кредит, субсидия ва бошқа ёрдам чораларини жалб қилиш бўйича маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳоким ёрдамчиси билан ҳамкорлик қилади;
«Аёллар маслаҳат кенгашлари» билан яқин ҳамкорликда ижтимоий ҳимояга муҳтож хотин-қизларни тадбиркорликка ўқитиш, бизнесга оид намунавий режаларни ишлаб чиқиш ва кредит олишда уларга кўмаклашиш, «Аёллар дафтари»га киритилган хотин-қизлар билан манзилли ишларни амалга ошириш;
хотин-қизларнинг муаммоларини ўз вақтида аниқлаш, оғир ижтимоий аҳволга тушиб қолган хотин-қизлар, шу жумладан, ногиронлиги бўлган аёллар билан якка тартибда ҳамда аниқ мақсадга йўналтирилган ишларни олиб бориш, уларга ижтимоий-ҳуқуқий, психологик ва моддий ёрдам кўрсатиш ишларини ташкил этиш.
9. Белгилансинки:
Қўмита оила ва хотин-қизларни қўллаб-қувватлаш, уларнинг ҳуқуқ ва қонуний манфаатларини ҳимоя қилиш соҳасидаги ягона давлат сиёсатини ишлаб чиқиш ва амалга ошириш бўйича ваколатли давлат бошқаруви органи ҳисобланади;
оила ва хотин-қизлар масалаларига оид норматив-ҳуқуқий ҳужжатлар лойиҳалари мажбурий тартибда Қўмита билан келишилади;
Қўмита томонидан ўз ваколати доирасида қабул қилинган қарорларнинг ижроси давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилотлар ва уларнинг мансабдор шахслари, шунингдек, фуқаролар учун мажбурий ҳисобланади;
Қўмита хотин-қизлар масалалари бўйича бошланғич ташкилотларга ҳар томонлама кўмаклашиш ҳамда уларнинг фаолияти самарадорлигини оширишга масъул ҳисобланади;
маҳалладаги хотин-қизлар фаоли ўз фаолиятида Қўмита ва унинг ҳудудий бўлинмаларига бўйсунади ҳамда улар олдида ҳисобдор бўлади.
10. Қўмита қуйидаги норматив-ҳуқуқий ҳужжатлар лойиҳаларини Вазирлар Маҳкамасига киритсин:
бир ҳафта муддатда манфаатдор вазирлик ва идоралар билан биргаликда Қўмита фаолиятини ташкил этиш юзасидан;
икки ҳафта муддатда оила ва хотин-қизларни тизимли қўллаб-қувватлаш борасидаги ишларни янада жадаллаштириш юзасидан;
уч ой муддатда Оила ва хотин-қизларни қўллаб-қувватлаш давлат мақсадли жамғармаси, «Оила ва хотин-қизлар» илмий-тадқиқот институти ҳамда «Хотин-қизлар тадбиркорлик марказлари» фаолиятини такомиллаштириш юзасидан.
11. Қуйидагилар нуроний ва кексаларни қўллаб-қувватлаш бўйича давлат сиёсатининг асосий йўналишлари этиб белгилансин:
ижтимоий ҳамжиҳатлик ва адолатлилик тамойиллари асосида кекса авлод вакилларининг ҳаёт сифати ва узоқ умр кўриш даражасини ошириш учун қулай шарт-шароитлар яратиш;
кекса авлод вакилларига ўз вақтида, манзилли ва самарали ижтимоий ёрдам кўрсатилишини таъминлаш, уларга соғлиқни сақлаш, ижтимоий ҳимоя, таълим, маданият ва транспорт тизимларидан кенг фойдаланиши учун зарур шарт-шароитларни яратиш;
кекса авлод вакилларининг кафолатли ижтимоий ва моддий таъминотини ташкил этиш;
замонавий иқтисодиётда кекса авлод вакилларининг ҳуқуқий ва молиявий саводхонлигини ошириб боришга шароитлар яратиш;
кекса авлод вакилларининг тизимли равишда жисмоний тарбия ва спорт билан шуғулланишлари учун зарур шароитларни яратиш.
12. Маҳалла ва оилани қўллаб-қувватлаш вазирлиги ҳамда унинг ҳудудий бўлинмалари негизида тегишинча Маҳалла ва нуронийларни қўллаб-қувватлаш вазирлиги (кейинги ўринларда — Вазирлик) ҳамда унинг ҳудудий бўлинмалари амалдаги молиялаштириш тартиби ва меҳнатга ҳақ тўлаш шартлари сақлаб қолинган ҳолда ташкил этилсин.
13. Қуйидагилар Вазирликнинг асосий вазифа ва фаолият йўналишлари этиб белгилансин:
маҳаллалар фаолиятини қўллаб-қувватлаш, уларнинг ҳуқуқ ва қонуний манфаатларини ҳимоя қилиш, маҳалла тизимини ривожлантириш бўйича таклифлар ишлаб чиқиш;
маҳаллаларнинг жамиятдаги ўрни ва ролини кучайтириш, аҳоли кундалик муаммолари билан ишлаш ва таъсирчан жамоатчилик назоратини амалга оширишдаги мавқеини юксалтириш;
нуроний ва кексаларни маҳаллаларда оилаларни мустаҳкамлаш, миллий ва умуминсоний қадриятларни асраб-авайлаш, ёшларни Ватанга муҳаббат, эзгулик ва раҳмдиллик сингари анъаналарни ҳурмат қилиш руҳида тарбиялашга кенг жалб этиш;
нуроний ва кексаларни қўллаб-қувватлаш соҳасига оид қонунчилик ҳужжатларининг ижроси, шу жумладан ҳудудларда, айниқса, олис қишлоқларда кекса авлод вакилларига тиббий-ижтимоий хизматлар кўрсатилишини мувофиқлаштириб бориш;
ўзгалар парваришига муҳтож бўлган ёлғиз кексаларни ижтимоий ва моддий қўллаб-қувватлаш, уларнинг муаммоларини ўрганиш ҳамда манфаатдор давлат органлари ва ташкилотлари билан биргаликда ҳал этиш чораларини кўриш;
маҳаллаларнинг моддий-техника таъминотини яхшилаш ҳамда соҳага замонавий ахборот-коммуникация технологияларини жорий этишга қаратилган комплекс чора-тадбирларни амалга ошириш.
14. Белгилаб қўйилсинки:
Вазирлик нуроний ва кексаларни қўллаб-қувватлаш, уларнинг ҳуқуқ ва қонуний манфаатларини ҳимоя қилиш соҳасидаги ягона давлат сиёсатини ишлаб чиқиш ва амалга ошириш, маҳаллалар билан ҳамкорлик ўрнатиш бўйича ваколатли давлат бошқаруви органи ҳисобланади;
маҳалла, нуроний ва кексалар масалаларига оид норматив-ҳуқуқий ҳужжатлар лойиҳалари мажбурий тартибда Вазирлик билан келишилади;
Вазирлик томонидан ўз ваколати доирасида қабул қилинган қарорларнинг ижроси давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилотлар ва уларнинг мансабдор шахслари, шунингдек, фуқаролар учун мажбурий ҳисобланади;
Вазирлик Маҳалла ва оилани қўллаб-қувватлаш вазирлигининг тегишли ҳуқуқлари, мажбуриятлари ва шартномалари бўйича ҳуқуқий вориси ҳисобланади.
15. Вазирлик қуйидаги норматив-ҳуқуқий ҳужжатлар лойиҳаларини Вазирлар Маҳкамасига киритсин:
бир ҳафта муддатда манфаатдор вазирлик ва идоралар билан биргаликда Вазирлик фаолиятини ташкил этиш юзасидан;
икки ҳафта муддатда нуронийларни ҳар томонлама қўллаб-қувватлаш ҳамда уларнинг ҳаёт даражасини ошириш юзасидан;
икки ой муддатда Ўзбекистон Республикаси Президенти ҳузуридаги Давлат бошқаруви академияси ҳамда Олий ва ўрта махсус таълим вазирлиги билан биргаликда маҳалла тизими ходимларини қайта тайёрлаш ва уларнинг малакасини ошириш тизимини янада такомиллаштириш юзасидан.
16. Давлат органлари ва ташкилотларининг алоҳида эътибори қаратилсинки, маҳалла раиси маҳалла ҳудудининг аҳоли томонидан сайланган обрўли шахси бўлиб, аҳоли манфаатларини ифодалайди ҳамда ҳудудни комплекс ривожлантириш вазифалари амалга оширилишини ва фуқаролар муаммолари самарали ҳал этилишини ташкил этади.
17. Маҳалла раисига қуйидаги қўшимча ҳуқуқлар берилсин:
маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимининг ёрдамчиси, маҳалладаги ёшлар етакчиси ва хотин-қизлар фаоли, ички ишлар органлари таянч пункти профилактика (катта) инспекторлари фаолиятини ҳудуддаги биринчи навбатда ҳал этилиши лозим бўлган муаммоларни бартараф этишга йўналтириш ҳамда бу борада жамоатчилик назоратини ўрнатиш;
маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимининг ёрдамчиси, маҳалладаги ёшлар етакчиси ва хотин-қизлар фаоли, ички ишлар органлари таянч пункти профилактика (катта) инспекторлари фаолиятини баҳолаш ҳамда натижалари бўйича тегишли халқ депутатлари Кенгашларига ахборот киритиб бориш;
маҳаллада фаолият юритувчи ҳоким ёрдамчиси, хотин-қизлар фаоли, ёшлар етакчиси, профилактика ва солиқ инспекторлари, ижтимоий ходимни рағбатлантириш ёки уларга нисбатан эгаллаб турган лавозимидан озод этишгача бўлган жазо чораларини қўллаш бўйича мазкур ходимларнинг иш берувчиларига кўриб чиқилиши мажбурий бўлган тақдимномалар киритиш.
18. Вазирлик манфаатдор вазирлик ва идоралар билан биргаликда 2022 йил 1 июлга қадар «Маҳалла тўғрисида»ги қонун лойиҳасини ишлаб чиқсин ва Вазирлар Маҳкамасига киритсин. Бунда, шу жумладан қуйидагилар назарда тутилсин:
маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимининг ёрдамчиси, маҳалладаги ёшлар етакчиси ва хотин-қизлар фаолини маҳалла кенгаши таркибига киритиш;
маҳалла раиси, маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимининг ёрдамчиси, маҳалладаги ёшлар етакчиси ва хотин-қизлар фаоли, ички ишлар органлари таянч пункти профилактика (катта) инспекторининг маҳалла ҳудудида амалга оширилиши лозим бўлган вазифалари ҳамда маҳаллани комплекс ривожлантириш бўйича коллегиал масъулияти ва жавобгарлиги доирасини аниқ белгилаш;
маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимининг ёрдамчиси, маҳалладаги ёшлар етакчиси ва хотин-қизлар фаоли, ички ишлар органлари таянч пункти профилактика (катта) инспекторининг ўзаро ҳамкорлиги ҳамда уларнинг маҳалла раиси билан келишган ҳолда фаолият юритиши;
маҳалла раисларини ижтимоий ҳимоя қилиш тизимини кучайтириш, шу жумладан соғлиғини тиклаш (бепул тиббий даволаниш, санаторийларга имтиёзли йўлланмалар бериш) ҳамда давлат мажбурий суғуртаси (фаолияти давомида меҳнат лаёқатини йўқотганда ҳаёти ва соғлиғига етказилган зарарни қоплаш);
Ўзбекистон Республикаси Президентининг 2022 йил 28 январдаги «2022 — 2026 йилларга мўлжалланган Янги Ўзбекистоннинг тараққиёт стратегияси тўғрисида»ги ПФ-60-сон Фармонининг 3-бандида назарда тутилган қоидалар.
19. Аҳоли муаммоларини ўрганиш, таҳлил қилиш ва ҳал этиш ҳамда мурожаатларни давлат органлари ва ташкилотлари томонидан кўриб чиқишнинг бир-бири билан узвий боғланган тўрт поғонали «маҳалла-туман-вилоят-республика» тизими жорий этилсин.
20. Шундай тартиб ўрнатилсинки, унга кўра:
ҳудудда маҳалла раиси томонидан аҳоли эътирозларига энг кўп сабаб бўлаётган муаммоларни аниқлаш мақсадида мунтазам равишда муҳокамалар ўтказилади;
ҳар ойда маҳалла кенгашида тегишли давлат органлари ва ташкилотлари раҳбарларининг амалга оширилган ишлар бўйича ахбороти эшитилади ҳамда муаммоларнинг бартараф этилиши устидан жамоатчилик назорати ўрнатилади;
маҳалла раиси ҳар чоракда давлат органлари ва ташкилотлари томонидан маҳаллада амалга оширилган ишлар натижалари ҳамда бартараф этилмаган тизимли муаммолар бўйича тегишли туман (шаҳар) халқ қабулхонасига маълумотлар киритиб боради;
туман (шаҳар) халқ қабулхонаси маҳалла раиси маълумотига асосан тегишли давлат органлари ва ташкилотларига бажарилиши мажбурий бўлган тақдимномалар киритади ҳамда масъул ходимларни рағбатлантириш ёки уларга нисбатан эгаллаб турган лавозимидан озод этишгача бўлган жазо чораларини қўллаш бўйича мазкур ходимларнинг юқори турувчи ташкилотларига таклифлар беради.
21. Қўмита Вазирлик билан биргаликда икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
22. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Амалга оширилаётган чора-тадбирлар натижадорлиги юзасидан ҳар олти ой якунлари бўйича Ўзбекистон Республикаси Президентига ахборот берилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2022 йил 1 март,
ПФ-81-сон
Oʻzbekiston Respublikasi Prezidentining
Farmoni
Oila va xotin-qizlar bilan ishlash, mahalla va nuroniylarni qoʻllab-quvvatlash tizimini takomillashtirish chora-tadbirlari toʻgʻrisida
Oila, xotin-qizlar va keksa avlod vakillari bilan ishlash tizimini yangi darajaga olib chiqish, mahallalarni qoʻllab-quvvatlashni yanada takomillashtirish, mahallabay ishlashga masʼul boʻlgan shaxslar faoliyatini samarali tashkil etish va oʻzaro hamkorligini taʼminlash maqsadida:
1. Quyidagilar oila institutini mustahkamlash va xotin-qizlarni qoʻllab-quvvatlash boʻyicha davlat siyosatining asosiy yoʻnalishlari etib belgilansin:
xotin-qizlarning taʼlim va kasbiy koʻnikmalar olishlari, munosib ish topishlariga har tomonlama koʻmaklashish, tadbirkorligini qoʻllab-quvvatlash, iqtidorli yosh xotin-qizlarni aniqlash va ularning qobiliyatlarini toʻgʻri yoʻnaltirish;
gender tenglikni taʼminlash siyosatini davom ettirish, xotin-qizlarning ijtimoiy-siyosiy faolligini oshirish, ularni qoʻllab-quvvatlashga doir islohotlarni amalga oshirish;
hududlarda, ayniqsa, qishloqlarda xotin-qizlarga koʻrsatiladigan tibbiy-ijtimoiy xizmatlar sifatini, ular oʻrtasida sogʻlom turmush tarzini taʼminlash borasidagi ishlar samaradorligini oshirish;
turar joyga muhtoj xotin-qizlarni uy-joy bilan taʼminlash, turmush va mehnat sharoitlarini yaxshilash, daromadlarini koʻpaytirish borasida tizimli chora-tadbirlarni belgilash;
ogʻir ijtimoiy ahvolga tushib qolgan xotin-qizlarga ijtimoiy-huquqiy, psixologik yordam koʻrsatish, ularni “Ayollar daftari” orqali manzilli qoʻllab-quvvatlash;
jamiyatda xotin-qizlarga tazyiq va zoʻravonlikka nisbatan murosasizlik muhitini yaratish, xotin-qizlarning huquq va qonuniy manfaatlarini taʼminlash;
oilaning tarbiyaviy-taʼlim salohiyatini mustahkamlash, jamiyatda oilaviy qadriyatlarni saqlash, oilalarda maʼnaviy-axloqiy muhitni yaxshilash va ularning farovonlik darajasini oshirish.
2. Respublikada oila va xotin-qizlarga oid davlat siyosatini yangi bosqichga olib chiqish, ularning muammolariga tizimli yechim topish, vakolatli organlar faoliyatini samarali tashkil etish va muvofiqlashtirish maqsadida Oila va xotin-qizlar davlat qoʻmitasi (keyingi oʻrinlarda — Qoʻmita), uning Qoraqalpogʻiston Respublikasi, viloyatlar, Toshkent shahar va tuman (shahar) boʻlinmalari tashkil etilsin.
3. Quyidagilar Qoʻmitaning asosiy vazifa va faoliyat yoʻnalishlari etib belgilansin:
xotin-qizlarning huquq va qonuniy manfaatlarini himoya qilish, ularning mamlakat ijtimoiy-siyosiy hayotidagi oʻrni va faolligini oshirish, gender tenglik kafolatlarini taʼminlash, ilmiy faoliyatga keng jalb qilish;
oila va xotin-qizlarning muammolarini oʻz vaqtida aniqlash, ogʻir ijtimoiy ahvolga tushib qolgan oila va xotin-qizlarga ijtimoiy-huquqiy, psixologik yordam koʻrsatish;
xotin-qizlarga mehnat bozorida talab yuqori boʻlgan kasblar boʻyicha bilim va koʻnikmalarni egallashlari uchun zarur sharoitlar yaratish, qishloq joylardagi xotin-qizlarni oilaviy va xususiy tadbirkorlikka, hunarmandchilikka keng jalb etish;
xotin-qizlar oʻrtasida sogʻlom turmush tarzini shakllantirish, oiladagi maʼnaviy-axloqiy qadriyatlarni mustahkamlash boʻyicha manzilli chora-tadbirlarni amalga oshirish;
xotin-qizlar yoʻnalishidagi nodavlat notijorat tashkilotlar faoliyatiga yordam koʻrsatish.
4. Vazirlar Mahkamasining quyidagi takliflariga rozilik berilsin:
Xotin-qizlarni qoʻllab-quvvatlash davlat maqsadli jamgʻarmasini Oila va xotin-qizlarni qoʻllab-quvvatlash davlat maqsadli jamgʻarmasi sifatida qayta tashkil etish hamda Qoʻmita tuzilmasiga oʻtkazish;
“Mahalla va oila” ilmiy-tadqiqot institutini “Oila va xotin-qizlar” ilmiy-tadqiqot instituti sifatida qayta tashkil etish hamda Qoʻmita tuzilmasiga oʻtkazish;
Ayollarni reabilitatsiya qilish va moslashtirish respublika markazi, Zulfiya nomidagi Davlat mukofoti komissiyasi, “Oila va jamiyat” gazetasi, “Saodat” jurnali, “Markaziy Osiyoda jamiyat, gender va oila” xalqaro ilmiy jurnalini Qoʻmita tuzilmasiga oʻtkazish;
“Xotin-qizlar tadbirkorlik markazlari” faoliyatini isloh qilish va takomillashtirish.
6. Quyidagilar:
Qoraqalpogʻiston Respublikasi Vazirlar Kengashi tuzilmasidagi — Vazirlar Kengashi Raisi oʻrinbosari — mahalla va oilani qoʻllab-quvvatlash vaziri lavozimi;
viloyatlar va Toshkent shahar hokimliklari tuzilmalaridagi — hokim oʻrinbosarlari — mahalla va oilani qoʻllab-quvvatlash boshqarmalari boshliqlari lavozimlari;
tuman (shahar) hokimliklari tuzilmalaridagi — hokim oʻrinbosarlari — mahalla va oilani qoʻllab-quvvatlash boʻlimlari boshliqlari lavozimlari tugatilsin.
7. Har bir shaharcha, qishloq, ovulda, shuningdek, shaharlar, shaharchalar, qishloqlar va ovullardagi har bir mahallada mahalla raisining oila, xotin-qizlar va ijtimoiy-maʼnaviy masalalar boʻyicha oʻrinbosari hamda oila va xotin-qizlar masalalari boʻyicha mutaxassis lavozimi oʻrniga xotin-qizlar faoli lavozimi mahalliy budjet mablagʻlari hisobidan moliyalashtirish tartibi saqlangan holda bir nafardan joriy etilsin.
8. Quyidagilar mahalladagi xotin-qizlar faolining asosiy vazifalari etib belgilansin:
xotin-qizlarni oila, mahalla va mehnat jamoalarida ijtimoiy-huquqiy jihatdan qoʻllab-quvvatlash, ijtimoiy-siyosiy faolligini oshirish, maʼnaviyatini yuksaltirish, yoshlarni oilaviy hayotga tayyorlash, zamonaviy namunali oilani shakllantirish, uning maʼnaviy-axloqiy muhitini va anʼanaviy oilaviy qadriyatlarni mustahkamlash boʻyicha maqsadli chora-tadbirlarni amalga oshirish;
xotin-qizlarning tadbirkorlik gʻoyalarini amalga oshirish, ular faoliyatiga kredit, subsidiya va boshqa yordam choralarini jalb qilish boʻyicha mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokim yordamchisi bilan hamkorlik qiladi;
“Ayollar maslahat kengashlari” bilan yaqin hamkorlikda ijtimoiy himoyaga muhtoj xotin-qizlarni tadbirkorlikka oʻqitish, biznesga oid namunaviy rejalarni ishlab chiqish va kredit olishda ularga koʻmaklashish, “Ayollar daftari”ga kiritilgan xotin-qizlar bilan manzilli ishlarni amalga oshirish;
xotin-qizlarning muammolarini oʻz vaqtida aniqlash, ogʻir ijtimoiy ahvolga tushib qolgan xotin-qizlar, shu jumladan, nogironligi boʻlgan ayollar bilan yakka tartibda hamda aniq maqsadga yoʻnaltirilgan ishlarni olib borish, ularga ijtimoiy-huquqiy, psixologik va moddiy yordam koʻrsatish ishlarini tashkil etish.
9. Belgilansinki:
Qoʻmita oila va xotin-qizlarni qoʻllab-quvvatlash, ularning huquq va qonuniy manfaatlarini himoya qilish sohasidagi yagona davlat siyosatini ishlab chiqish va amalga oshirish boʻyicha vakolatli davlat boshqaruvi organi hisoblanadi;
oila va xotin-qizlar masalalariga oid normativ-huquqiy hujjatlar loyihalari majburiy tartibda Qoʻmita bilan kelishiladi;
Qoʻmita tomonidan oʻz vakolati doirasida qabul qilingan qarorlarning ijrosi davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, fuqarolar uchun majburiy hisoblanadi;
Qoʻmita xotin-qizlar masalalari boʻyicha boshlangʻich tashkilotlarga har tomonlama koʻmaklashish hamda ularning faoliyati samaradorligini oshirishga masʼul hisoblanadi;
mahalladagi xotin-qizlar faoli oʻz faoliyatida Qoʻmita va uning hududiy boʻlinmalariga boʻysunadi hamda ular oldida hisobdor boʻladi.
10. Qoʻmita quyidagi normativ-huquqiy hujjatlar loyihalarini Vazirlar Mahkamasiga kiritsin:
bir hafta muddatda manfaatdor vazirlik va idoralar bilan birgalikda Qoʻmita faoliyatini tashkil etish yuzasidan;
ikki hafta muddatda oila va xotin-qizlarni tizimli qoʻllab-quvvatlash borasidagi ishlarni yanada jadallashtirish yuzasidan;
uch oy muddatda Oila va xotin-qizlarni qoʻllab-quvvatlash davlat maqsadli jamgʻarmasi, “Oila va xotin-qizlar” ilmiy-tadqiqot instituti hamda “Xotin-qizlar tadbirkorlik markazlari” faoliyatini takomillashtirish yuzasidan.
11. Quyidagilar nuroniy va keksalarni qoʻllab-quvvatlash boʻyicha davlat siyosatining asosiy yoʻnalishlari etib belgilansin:
ijtimoiy hamjihatlik va adolatlilik tamoyillari asosida keksa avlod vakillarining hayot sifati va uzoq umr koʻrish darajasini oshirish uchun qulay shart-sharoitlar yaratish;
keksa avlod vakillariga oʻz vaqtida, manzilli va samarali ijtimoiy yordam koʻrsatilishini taʼminlash, ularga sogʻliqni saqlash, ijtimoiy himoya, taʼlim, madaniyat va transport tizimlaridan keng foydalanishi uchun zarur shart-sharoitlarni yaratish;
keksa avlod vakillarining kafolatli ijtimoiy va moddiy taʼminotini tashkil etish;
zamonaviy iqtisodiyotda keksa avlod vakillarining huquqiy va moliyaviy savodxonligini oshirib borishga sharoitlar yaratish;
keksa avlod vakillarining tizimli ravishda jismoniy tarbiya va sport bilan shugʻullanishlari uchun zarur sharoitlarni yaratish.
12. Mahalla va oilani qoʻllab-quvvatlash vazirligi hamda uning hududiy boʻlinmalari negizida tegishincha Mahalla va nuroniylarni qoʻllab-quvvatlash vazirligi (keyingi oʻrinlarda — Vazirlik) hamda uning hududiy boʻlinmalari amaldagi moliyalashtirish tartibi va mehnatga haq toʻlash shartlari saqlab qolingan holda tashkil etilsin.
13. Quyidagilar Vazirlikning asosiy vazifa va faoliyat yoʻnalishlari etib belgilansin:
mahallalar faoliyatini qoʻllab-quvvatlash, ularning huquq va qonuniy manfaatlarini himoya qilish, mahalla tizimini rivojlantirish boʻyicha takliflar ishlab chiqish;
mahallalarning jamiyatdagi oʻrni va rolini kuchaytirish, aholi kundalik muammolari bilan ishlash va taʼsirchan jamoatchilik nazoratini amalga oshirishdagi mavqeyini yuksaltirish;
nuroniy va keksalarni mahallalarda oilalarni mustahkamlash, milliy va umuminsoniy qadriyatlarni asrab-avaylash, yoshlarni Vatanga muhabbat, ezgulik va rahmdillik singari anʼanalarni hurmat qilish ruhida tarbiyalashga keng jalb etish;
nuroniy va keksalarni qoʻllab-quvvatlash sohasiga oid qonunchilik hujjatlarining ijrosi, shu jumladan hududlarda, ayniqsa, olis qishloqlarda keksa avlod vakillariga tibbiy-ijtimoiy xizmatlar koʻrsatilishini muvofiqlashtirib borish;
oʻzgalar parvarishiga muhtoj boʻlgan yolgʻiz keksalarni ijtimoiy va moddiy qoʻllab-quvvatlash, ularning muammolarini oʻrganish hamda manfaatdor davlat organlari va tashkilotlari bilan birgalikda hal etish choralarini koʻrish;
mahallalarning moddiy-texnika taʼminotini yaxshilash hamda sohaga zamonaviy axborot-kommunikatsiya texnologiyalarini joriy etishga qaratilgan kompleks chora-tadbirlarni amalga oshirish.
14. Belgilab qoʻyilsinki:
Vazirlik nuroniy va keksalarni qoʻllab-quvvatlash, ularning huquq va qonuniy manfaatlarini himoya qilish sohasidagi yagona davlat siyosatini ishlab chiqish va amalga oshirish, mahallalar bilan hamkorlik oʻrnatish boʻyicha vakolatli davlat boshqaruvi organi hisoblanadi;
mahalla, nuroniy va keksalar masalalariga oid normativ-huquqiy hujjatlar loyihalari majburiy tartibda Vazirlik bilan kelishiladi;
Vazirlik tomonidan oʻz vakolati doirasida qabul qilingan qarorlarning ijrosi davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, fuqarolar uchun majburiy hisoblanadi;
Vazirlik Mahalla va oilani qoʻllab-quvvatlash vazirligining tegishli huquqlari, majburiyatlari va shartnomalari boʻyicha huquqiy vorisi hisoblanadi.
15. Vazirlik quyidagi normativ-huquqiy hujjatlar loyihalarini Vazirlar Mahkamasiga kiritsin:
bir hafta muddatda manfaatdor vazirlik va idoralar bilan birgalikda Vazirlik faoliyatini tashkil etish yuzasidan;
ikki hafta muddatda nuroniylarni har tomonlama qoʻllab-quvvatlash hamda ularning hayot darajasini oshirish yuzasidan;
ikki oy muddatda Oʻzbekiston Respublikasi Prezidenti huzuridagi Davlat boshqaruvi akademiyasi hamda Oliy va oʻrta maxsus taʼlim vazirligi bilan birgalikda mahalla tizimi xodimlarini qayta tayyorlash va ularning malakasini oshirish tizimini yanada takomillashtirish yuzasidan.
16. Davlat organlari va tashkilotlarining alohida eʼtibori qaratilsinki, mahalla raisi mahalla hududining aholi tomonidan saylangan obroʻli shaxsi boʻlib, aholi manfaatlarini ifodalaydi hamda hududni kompleks rivojlantirish vazifalari amalga oshirilishini va fuqarolar muammolari samarali hal etilishini tashkil etadi.
17. Mahalla raisiga quyidagi qoʻshimcha huquqlar berilsin:
mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimining yordamchisi, mahalladagi yoshlar yetakchisi va xotin-qizlar faoli, ichki ishlar organlari tayanch punkti profilaktika (katta) inspektorlari faoliyatini hududdagi birinchi navbatda hal etilishi lozim boʻlgan muammolarni bartaraf etishga yoʻnaltirish hamda bu borada jamoatchilik nazoratini oʻrnatish;
mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimining yordamchisi, mahalladagi yoshlar yetakchisi va xotin-qizlar faoli, ichki ishlar organlari tayanch punkti profilaktika (katta) inspektorlari faoliyatini baholash hamda natijalari boʻyicha tegishli xalq deputatlari Kengashlariga axborot kiritib borish;
mahallada faoliyat yurituvchi hokim yordamchisi, xotin-qizlar faoli, yoshlar yetakchisi, profilaktika va soliq inspektorlari, ijtimoiy xodimni ragʻbatlantirish yoki ularga nisbatan egallab turgan lavozimidan ozod etishgacha boʻlgan jazo choralarini qoʻllash boʻyicha mazkur xodimlarning ish beruvchilariga koʻrib chiqilishi majburiy boʻlgan taqdimnomalar kiritish.
18. Vazirlik manfaatdor vazirlik va idoralar bilan birgalikda 2022-yil 1-iyulga qadar “Mahalla toʻgʻrisida”gi qonun loyihasini ishlab chiqsin va Vazirlar Mahkamasiga kiritsin. Bunda, shu jumladan quyidagilar nazarda tutilsin:
mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimining yordamchisi, mahalladagi yoshlar yetakchisi va xotin-qizlar faolini mahalla kengashi tarkibiga kiritish;
mahalla raisi, mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimining yordamchisi, mahalladagi yoshlar yetakchisi va xotin-qizlar faoli, ichki ishlar organlari tayanch punkti profilaktika (katta) inspektorining mahalla hududida amalga oshirilishi lozim boʻlgan vazifalari hamda mahallani kompleks rivojlantirish boʻyicha kollegial masʼuliyati va javobgarligi doirasini aniq belgilash;
mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimining yordamchisi, mahalladagi yoshlar yetakchisi va xotin-qizlar faoli, ichki ishlar organlari tayanch punkti profilaktika (katta) inspektorining oʻzaro hamkorligi hamda ularning mahalla raisi bilan kelishgan holda faoliyat yuritishi;
mahalla raislarini ijtimoiy himoya qilish tizimini kuchaytirish, shu jumladan sogʻligʻini tiklash (bepul tibbiy davolanish, sanatoriylarga imtiyozli yoʻllanmalar berish) hamda davlat majburiy sugʻurtasi (faoliyati davomida mehnat layoqatini yoʻqotganda hayoti va sogʻligʻiga yetkazilgan zararni qoplash);
Oʻzbekiston Respublikasi Prezidentining 2022-yil 28-yanvardagi “2022 — 2026-yillarga moʻljallangan Yangi Oʻzbekistonning taraqqiyot strategiyasi toʻgʻrisida”gi PF-60-son Farmonining 3-bandida nazarda tutilgan qoidalar.
19. Aholi muammolarini oʻrganish, tahlil qilish va hal etish hamda murojaatlarni davlat organlari va tashkilotlari tomonidan koʻrib chiqishning bir-biri bilan uzviy bogʻlangan toʻrt pogʻonali “mahalla-tuman-viloyat-respublika” tizimi joriy etilsin.
20. Shunday tartib oʻrnatilsinki, unga koʻra:
hududda mahalla raisi tomonidan aholi eʼtirozlariga eng koʻp sabab boʻlayotgan muammolarni aniqlash maqsadida muntazam ravishda muhokamalar oʻtkaziladi;
har oyda mahalla kengashida tegishli davlat organlari va tashkilotlari rahbarlarining amalga oshirilgan ishlar boʻyicha axboroti eshitiladi hamda muammolarning bartaraf etilishi ustidan jamoatchilik nazorati oʻrnatiladi;
mahalla raisi har chorakda davlat organlari va tashkilotlari tomonidan mahallada amalga oshirilgan ishlar natijalari hamda bartaraf etilmagan tizimli muammolar boʻyicha tegishli tuman (shahar) xalq qabulxonasiga maʼlumotlar kiritib boradi;
tuman (shahar) xalq qabulxonasi mahalla raisi maʼlumotiga asosan tegishli davlat organlari va tashkilotlariga bajarilishi majburiy boʻlgan taqdimnomalar kiritadi hamda masʼul xodimlarni ragʻbatlantirish yoki ularga nisbatan egallab turgan lavozimidan ozod etishgacha boʻlgan jazo choralarini qoʻllash boʻyicha mazkur xodimlarning yuqori turuvchi tashkilotlariga takliflar beradi.
21. Qoʻmita Vazirlik bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
22. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Amalga oshirilayotgan chora-tadbirlar natijadorligi yuzasidan har olti oy yakunlari boʻyicha Oʻzbekiston Respublikasi Prezidentiga axborot berilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 1-mart,
PF-81-son
Президента Республики Узбекистан
Указ
О мерах по совершенствованию системы работы с семьями и женщинами, поддержки махалли и старшего поколения
В целях поднятия на новый уровень системы работы с семьями, женщинами и представителями старшего поколения, дальнейшего совершенствования поддержки махаллей, эффективной организации деятельности и обеспечения взаимодействия лиц, ответственных за работу «махаллабай»:
1. Определить основными направлениями государственной политики по укреплению института семьи и поддержке женщин:
всестороннее содействие женщинам и девушкам в получении образования и обретении профессиональных навыков, поиске достойной работы, поддержку женского предпринимательства, выявление одаренных молодых женщин и девушек, правильное направление их способностей;
продолжение политики обеспечения гендерного равенства, повышение общественно-политической активности женщин, реализацию реформ по их поддержке;
повышение качества медико-социальных услуг, оказываемых женщинам в регионах, особенно в селах, эффективности работы по обеспечению их приобщения к здоровому образу жизни;
определение системных мер по обеспечению жильем женщин, нуждающихся в жилье, улучшению условий их жизни и труда, увеличению доходов;
оказание социально-правовой, психологической помощи женщинам и девушкам, попавшим в тяжелое социальное положение, их адресную поддержку посредством «Женской тетради»;
создание в обществе атмосферы нетерпимости к притеснению и насилию в отношении женщин, обеспечение прав и законных интересов женщин;
укрепление воспитательно-образовательного потенциала семьи, сохранение семейных ценностей в обществе, улучшение духовно-нравственной атмосферы в семьях и повышение уровня их благосостояния.
2. В целях выведения на новый уровень государственной политики по поддержке семьи и женщин в республике, поиска путей системного решения их проблем, эффективной организации и координации деятельности компетентных органов образовать Государственный комитет семьи и женщин (далее — Комитет), его подразделения в Республике Каракалпакстан, областях, городе Ташкенте и районах (городах).
3. Определить основными задачами и направлениями деятельности Комитета:
защиту прав и законных интересов женщин, повышение их роли и активности в общественно-политической жизни страны, обеспечение гарантий гендерного равенства, широкое вовлечение женщин в научную деятельность;
своевременное выявление проблем семьи и женщин, оказание социально-правовой, психологической помощи семьям и женщинам, попавшим в тяжелое социальное положение;
создание необходимых условий для овладения женщинами и девушками знаниями и навыками по профессиям, востребованным на рынке труда, широкое привлечение женщин в сельской местности к семейному и частному предпринимательству, ремесленничеству;
реализацию адресных мер по формированию здорового образа жизни среди женщин, укреплению духовно-нравственных ценностей в семье;
оказание содействия негосударственным некоммерческим организациям, осуществляющим деятельность по поддержке женщин.
4. Согласиться со следующими предложениями Кабинета Министров о:
реорганизации Государственного целевого фонда по поддержке женщин в Государственный целевой фонд по поддержке семьи и женщин, а также передаче его в структуру Комитета;
реорганизации Научно-исследовательского института «Махалла ва оила» в Научно-исследовательский институт «Оила ва хотин-кизлар», а также передаче его в структуру Комитета;
передаче в структуру Комитета Республиканского центра реабилизации и адаптации женщин, Комиссии по Государственной премии имени Зульфии, газеты «Оила ва жамият», журнала «Саодат», международного научного журнала «Марказий Осиёда жамият, гендер ва оила»;
реформировании и совершенствовании деятельности «Центров предпринимательства женщин».
6. Упразднить:
в структуре Совета Министров Республики Каракалпакстан — должность заместителя Председателя Совета Министров — министра по поддержке махалли и семьи;
в структуре хокимиятов областей и города Ташкента — должности заместителей хокима — начальников управлений по поддержке махалли и семьи;
в структуре хокимиятов районов (городов) — должности заместителей хокима — начальников отделов по поддержке махалли и семьи.
7. Вместо должности заместителя председателя махалли по вопросам семьи, женщин и социально-духовным вопросам, а также должности специалиста по вопросам семьи и женщин ввести в каждом городке, селе, ауле, а также в каждой махалле городов, поселков, сел и аулов по одной единице должности женского активиста с сохранением порядка финансирования за счет средств местного бюджета.
8. Определить основными задачами женского активиста махалли:
реализацию целевых мер по социально-правовой поддержке женщин в семье, махалле и трудовых коллективах, повышению их общественно-политической активности и духовности, подготовке молодежи к семейной жизни, формированию современной образцовой семьи, укреплению ее духовно-нравственной атмосферы и традиционных семейных ценностей;
взаимодействие с помощником хокима района (города) по вопросам развития предпринимательства, обеспечения занятости населения и сокращения бедности в махалле по реализации предпринимательских идей женщин и девушек, привлечения в их деятельность кредитов, субсидий и иных мер поддержки;
в тесном взаимодействии с «Консультативными советами женщин» обучение предпринимательству женщин, нуждающихся в социальной защите, оказание им содействия в разработке типовых бизнес-планов и получении кредита, осуществление адресной работы с женщинами, включенными в «Женскую тетрадь»;
своевременное выявление проблем женщин, проведение индивидуальной и целенаправленной работы с женщинами, попавшими в тяжелое социальное положение, в том числе женщинами с инвалидностью, организацию работы по оказанию им социально-правовой, психологической и материальной помощи.
9. Определить, что:
Комитет является уполномоченным органом государственного управления по разработке и реализации единой государственной политики в сфере поддержки семьи и женщин, защиты их прав и законных интересов;
проекты нормативно-правовых актов по вопросам семьи и женщин подлежат согласованию с Комитетом в обязательном порядке;
исполнение решений Комитета, принятых в пределах его полномочий, является обязательным для органов государственного и хозяйственного управления, органов исполнительной власти на местах, других организаций и их должностных лиц, а также граждан;
Комитет является ответственным за всестороннее содействие первичным организациям по вопросам женщин и повышение эффективности их деятельности;
женский активист махалли в своей деятельности подчиняется Комитету и его территориальным подразделениям, а также подотчетен перед ними.
10. Комитету внести в Кабинет Министров следующие проекты нормативно-правовых актов:
в недельный срок совместно с заинтересованными министерствами и ведомствами — об организации деятельности Комитета;
в двухнедельный срок — о дальнейшем ускорении работ по системной поддержке семьи и женщин;
в трехмесячный срок — о совершенствовании деятельности Государственного целевого фонда по поддержке семьи и женщин, Научно-исследовательского института «Оила ва хотин-кизлар», а также «Центров предпринимательства женщин».
11. Определить основными направлениями государственной политики по поддержке старшего поколения и пожилых граждан:
создание благоприятных условий для повышения качества и продолжительности жизни представителей старшего поколения на основе принципов социального согласия и справедливости;
обеспечение оказания своевременной, адресной и эффективной социальной помощи представителям старшего поколения, создание необходимых условий для их широкого доступа к системам здравоохранения, социальной защиты, образования, культуры и транспорта;
организацию гарантированного социального и материального обеспечения представителей старшего поколения;
создание условий для повышения правовой и финансовой грамотности представителей старшего поколения в условиях современной экономики;
создание необходимых условий для занятий физкультурой и спортом представителей старшего поколения на системной основе.
12. Образовать на базе Министерства по поддержке махалли и семьи, а также его территориальных подразделений соответственно Министерство по поддержке махалли и старшего поколения (далее — Министерство) и его территориальные подразделения с сохранением действующего порядка финансирования и условий оплаты труда.
13. Определить основными задачами и направлениями деятельности Министерства:
поддержку деятельности махаллей, защиту их прав и законных интересов, разработку предложений по развитию системы махалли;
усиление авторитета и роли махаллей в обществе, повышение их статуса в работе с повседневными проблемами населения и осуществлении действенного общественного контроля;
широкое привлечение старшего поколения и пожилых граждан к укреплению семей в махаллях, бережному сохранению национальных и общечеловеческих ценностей, воспитанию молодежи в духе любви к Родине, уважение таких традиций, как доброта и милосердие;
координацию исполнения актов законодательства в сфере поддержки старшего поколения и пожилых граждан, в том числе оказания им медико-социальных услуг в регионах, особенно в отдаленных селах;
социальную и материальную поддержку одиноких престарелых, нуждающихся в постороннем уходе, изучение их проблем, а также принятие мер по их решению совместно с заинтересованными государственными органами и организациями;
реализацию комплексных мер, направленных на улучшение материально-технического обеспечения махаллей, а также внедрение в сферу современных информационно-коммуникационных технологий.
14. Определить, что:
Министерство является уполномоченным органом государственного управления по разработке и реализации единой государственной политики в сфере поддержки старшего поколения и пожилых граждан, защиты их прав и законных интересов, а также установлению взаимодействия с махаллями;
проекты нормативно-правовых актов по вопросам махалли, старшего поколения и пожилых граждан подлежат согласованию с Министерством в обязательном порядке;
исполнение решений Министерства, принятых в пределах его полномочий, является обязательным для органов государственного и хозяйственного управления, органов исполнительной власти на местах, других организаций и их должностных лиц, а также граждан;
Министерство является правопреемником по соответствующим правам, обязательствам и договорам Министерства по поддержке махалли и семьи.
15. Министерству внести в Кабинет Министров следующие проекты нормативно-правовых актов:
в недельный срок совместно с заинтересованными министерствами и ведомствами — об организации деятельности Министерства;
в двухнедельный срок — о всесторонней поддержке старшего поколения, а также повышению уровня их жизни;
в двухмесячный срок совместно с Академией государственного управления при Президенте Республики Узбекистан и Министерством высшего и среднего специального образования — о дальнейшем совершенствовании системы переподготовки и повышения квалификации работников системы махалли.
16. Обратить особое внимание государственных органов и организаций на то, что председатель махалли является избранным населением авторитетным лицом махалли, выражает интересы населения, а также организует реализацию задач комплексного развития территории и эффективное решение проблем граждан.
17. Предоставить председателю махалли следующие дополнительные права:
направлять деятельность помощника хокима района (города) по вопросам развития предпринимательства, обеспечения занятости населения и сокращения бедности в махалле, лидера молодежи и женского активиста махалли, (старших) инспекторов по профилактике опорных пунктов органов внутренних дел на устранение проблем территории, подлежащих первоочередному решению, а также устанавливать общественный контроль в данном направлении;
оценивать деятельность помощника хокима района (города) по вопросам развития предпринимательства, обеспечения занятости населения и сокращения бедности в махалле, лидера молодежи и женского активиста махалли, (старших) инспекторов по профилактике опорных пунктов органов внутренних дел, а также вносить по результатам оценки информацию в соответствующие Кенгаши народных депутатов;
вносить обязательные для рассмотрения представления о поощрении осуществляющих в махалле деятельность помощника хокима, женского активиста, лидера молодежи, инспектора по профилактике и налогового инспектора, социального работника либо применении к ним мер наказания вплоть до освобождения от занимаемой должности работодателям этих работников.
18. Министерству совместно с заинтересованными министерствами и ведомствами в срок до 1 июля 2022 года разработать и внести в Кабинет Министров проект закона «О махалле». При этом предусмотреть в проекте в том числе:
включение в состав совета махалли помощника хокима района (города) по вопросам развития предпринимательства, обеспечения занятости населения и сокращения бедности в махалле, лидера молодежи и женского активиста махалли;
конкретное определение задач председателя махалли, помощника хокима района (города) по вопросам развития предпринимательства, обеспечения занятости населения и сокращения бедности в махалле, лидера молодежи и женского активиста махалли, (старших) инспекторов по профилактике опорных пунктов органов внутренних дел, подлежащих реализации на территории махалли, а также границ их коллегиальной ответственности за комплексное развитие махалли;
взаимодействие помощника хокима района (города) по вопросам развития предпринимательства, обеспечения занятости населения и сокращения бедности в махалле, лидера молодежи и женского активиста махалли, (старших) инспекторов по профилактике опорных пунктов органов внутренних дел, а также осуществление ими согласованной с председателем махалли деятельности;
усиление системы социальной защиты председателей махаллей, в том числе восстановление здоровья (бесплатное медицинское лечение, предоставление льготных путевок в санатории), а также государственное обязательное страхование (компенсация ущерба, причиненного жизни и здоровью при потере трудоспособности в период своей деятельности);
нормы, предусмотренные в пункте 3 Указа Президента Республики Узбекистан от 28 января 2022 года № УП-60 «О Стратегии развития Нового Узбекистана на 2022 — 2026 годы».
19. Внедрить взаимосвязанную четырехступенчатую систему изучения, анализа и решения проблем населения, а также рассмотрения обращений государственными органами и организациями — «махалля — район — область — республика».
20. Установить порядок, в соответствии с которым:
председателем махалли на регулярной основе проводятся обсуждения в целях выявления проблем, которые становятся наибольшей причиной недовольства населения;
ежемесячно на совете махалли заслушивается информация руководителей соответствующих государственных органов и организаций о проведенной работе, а также устанавливается общественный контроль за решением проблем;
председатель махалли ежеквартально вносит информацию в соответствующие районные (городские) народные приемные о результатах работ, проведенных в махалле государственными органами и организациями, а также о нерешенных системных проблемах;
районные (городские) народные приемные на основании информации председателя махалли вносят обязательные для исполнения представления в соответствующие государственные органы и организации, а также предложения о поощрении ответственных работников либо применении к ним мер наказания вплоть до освобождения от занимаемой должности в вышестоящие организации этих работников.
21. Комитету совместно с Министерством в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
22. Контроль за исполнением настоящего Указа возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
О результативности осуществляемых мер информировать Президента Республики Узбекистан по итогам каждого полугодия.
Президент Республики Узбекистан Ш. МИРЗИЁЕВ
г. Ташкент,
1 марта 2022 г.,
№ УП-81