📅 2022-yil 14-fevral · Vazirlik va idoralar hujjatlari · Oʻsimliklar karantini va himoyasi agentligi Bosh direktori
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2022 йил 14 февраль · Вазирлик ва идоралар ҳужжатлари · Ўсимликлар карантини ва ҳимояси агентлиги Бош директори
Расмий матн. Расмий ҳужжат. Таҳририй изоҳлар киритилмаган.
📅 14 февраля 2022 г. · Документы министерств и ведомств · Генерального директора Агентства по карантину и защите растений
Официальный текст. Официальный документ. Редакционные примечания не включены.
📅 14 February 2022 · Ministry and agency documents · Oʻsimliklar karantini va himoyasi agentligi Bosh direktori
Official text. Official document. Editorial notes are not included.
Ўзбекистон Республикаси Ўсимликлар карантини ва ҳимояси агентлиги Бош директорининг
буйруғи
Карантин остидаги маҳсулотни олиб қўйиш, қайтариб юбориш ва йўқ қилиш тартиби тўғрисидаги низомга ўзгартиришлар киритиш ҳақида
Ўзбекистон Республикасининг 2022 йил 11 январдаги ЎРҚ-743-сон «Ўсимликлар карантини ва ҳимояси тизими такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги Қонуни , Ўзбекистон Республикаси Президентининг 2020 йил 25 июлдаги ПФ-6035-сон « Коронавирус пандемиясини юмшатиш, аҳолининг санитария-эпидемиологик осойишталиги ва саломатлигини сақлаш тизимини тубдан такомиллаштириш чора-тадбирлари тўғрисида »ги ва 2021 йил 15 июлдаги ПФ-6262-сон « Республикада ўсимликлар карантини ва ҳимояси тизимини тубдан такомиллаштириш чора-тадбирлари тўғрисида »ги фармонлари, Ўзбекистон Республикаси Президентининг 2021 йил 15 июлдаги ПҚ-5185-сон «Ўзбекистон Республикаси Ўсимликлар карантини ва ҳимояси агентлигини ташкил этиш тўғрисида»ги қарорига мувофиқ буюраман:
1. Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси бошлиғининг 2019 йил 14 октябрдаги 8-сон буйруғи (рўйхат рақами 3191, 2019 йил 31 октябрь) (Қонун ҳужжатлари маълумотлари миллий базаси, 31.10.2019 й., 10/19/3191/3985-сон) билан тасдиқланган Карантин остидаги маҳсулотни олиб қўйиш, қайтариб юбориш ва йўқ қилиш тартиби тўғрисидаги низомга иловага мувофиқ ўзгартиришлар киритилсин.
2. Мазкур буйруқ иловасининг 1-банди 2022 йил 12 апрелдан эътиборан кучга киради.
Ўзбекистон Республикаси Ўсимликлар карантини ва ҳимояси агентлиги бош директорининг 2022 йил 14 февралдаги 1-сон буйруғига ИЛОВА
Карантин остидаги маҳсулотни олиб қўйиш, қайтариб юбориш ва йўқ қилиш тартиби тўғрисидаги низомга киритилаётган ўзгартиришлар
1. 1-банднинг иккинчи хатбошиси қуйидаги таҳрирда баён этилсин:
«ўсимликлар карантини объекти (карантин аҳамиятига эга бўлган зарарли организм) — Ўзбекистон Республикаси ҳудудида мавжуд бўлмаган ёки чекланган тарзда мавжуд бўлган, тарқалиши катта иқтисодий зарар келтириши мумкин бўлган ва карантин аҳамиятига эга бўлган зарарли организмларга қарши курашиш объекти ҳисобланган зарарли организм;».
2. 15-банд қуйидаги таҳрирда баён этилсин:
«15. Карантин остидаги маҳсулотни йўқ қилиш учун Қорақалпоғистон Республикаси Ўсимликлар карантини ва ҳимояси агентлиги, вилоятлар ва Тошкент шаҳар ўсимликлар карантини ва ҳимояси бошқармалари (кейинги ўринларда ҳудудий бошқармалар деб юритилади) бошлиқлари томонидан Ўзбекистон Республикаси Экология ва атроф-муҳитни муҳофаза қилиш давлат қўмитаси ҳудудий органларининг ва Ўзбекистон Республикаси Санитария — эпидемиологик осойишталик ва жамоат саломатлиги хизмати ҳудудий бўлинмаларининг вакилларини жалб қилган ҳолда, таркибида камида 5 кишидан иборат комиссия тузилади (кейинги ўринларда — Комиссия деб юритилади).».
3. 16-банддаги «инспекцияга» деган сўз «бошқармага» деган сўз билан алмаштирилсин.
4. 20-банддаги ва 21-банднинг иккинчи хатбошисидаги «инспекция» деган сўзлар «бошқарма» деган сўзлар билан алмаштирилсин.
5. 24-банддаги «Вазирлар Маҳкамаси ҳузуридаги Санитария-эпидемиология назорати давлат инспекциясининг» деган сўзлар «Ўзбекистон Республикаси Санитария-эпидемиологик осойишталик ва жамоат саломатлиги хизматининг» деган сўзлар билан алмаштирилсин.
6. 1 ва 2-иловалар матнидаги «давлат инспекцияси» деган сўзлар «ва ҳимояси агентлиги» деган сўзлар билан алмаштирилсин.
Бош директор И. ЭРГАШЕВ
Тошкент ш.,
2022 йил 14 февраль,
1-сон
Oʻzbekiston Respublikasi Oʻsimliklar karantini va himoyasi agentligi Bosh direktorining
buyrugʻi
Karantin ostidagi mahsulotni olib qoʻyish, qaytarib yuborish va yoʻq qilish tartibi toʻgʻrisidagi nizomga oʻzgartirishlar kiritish haqida
Oʻzbekiston Respublikasining 2022-yil 11-yanvardagi OʻRQ-743-son “Oʻsimliklar karantini va himoyasi tizimi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonuni , Oʻzbekiston Respublikasi Prezidentining 2020-yil 25-iyuldagi PF-6035-son “ Koronavirus pandemiyasini yumshatish, aholining sanitariya-epidemiologik osoyishtaligi va salomatligini saqlash tizimini tubdan takomillashtirish chora-tadbirlari toʻgʻrisida ”gi va 2021-yil 15-iyuldagi PF-6262-son “ Respublikada oʻsimliklar karantini va himoyasi tizimini tubdan takomillashtirish chora-tadbirlari toʻgʻrisida ”gi farmonlari, Oʻzbekiston Respublikasi Prezidentining 2021-yil 15-iyuldagi PQ-5185-son “Oʻzbekiston Respublikasi Oʻsimliklar karantini va himoyasi agentligini tashkil etish toʻgʻrisida”gi qaroriga muvofiq buyuraman:
1. Oʻzbekiston Respublikasi Vazirlar Mahkamasi huzuridagi Oʻsimliklar karantini davlat inspeksiyasi boshligʻining 2019-yil 14-oktabrdagi 8-son buyrugʻi (roʻyxat raqami 3191, 2019-yil 31-oktabr) (Qonun hujjatlari maʼlumotlari milliy bazasi, 31.10.2019-y., 10/19/3191/3985-son) bilan tasdiqlangan Karantin ostidagi mahsulotni olib qoʻyish, qaytarib yuborish va yoʻq qilish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur buyruq ilovasining 1-bandi 2022-yil 12-apreldan eʼtiboran kuchga kiradi.
Oʻzbekiston Respublikasi Oʻsimliklar karantini va himoyasi agentligi bosh direktorining 2022-yil 14-fevraldagi 1-son buyrugʻiga ILOVA
Karantin ostidagi mahsulotni olib qoʻyish, qaytarib yuborish va yoʻq qilish tartibi toʻgʻrisidagi nizomga kiritilayotgan oʻzgartirishlar
1. 1-bandning ikkinchi xatboshisi quyidagi tahrirda bayon etilsin:
“oʻsimliklar karantini obyekti (karantin ahamiyatiga ega boʻlgan zararli organizm) — Oʻzbekiston Respublikasi hududida mavjud boʻlmagan yoki cheklangan tarzda mavjud boʻlgan, tarqalishi katta iqtisodiy zarar keltirishi mumkin boʻlgan va karantin ahamiyatiga ega boʻlgan zararli organizmlarga qarshi kurashish obyekti hisoblangan zararli organizm;”.
2. 15-band quyidagi tahrirda bayon etilsin:
“15. Karantin ostidagi mahsulotni yoʻq qilish uchun Qoraqalpogʻiston Respublikasi Oʻsimliklar karantini va himoyasi agentligi, viloyatlar va Toshkent shahar oʻsimliklar karantini va himoyasi boshqarmalari (keyingi oʻrinlarda hududiy boshqarmalar deb yuritiladi) boshliqlari tomonidan Oʻzbekiston Respublikasi Ekologiya va atrof-muhitni muhofaza qilish davlat qoʻmitasi hududiy organlarining va Oʻzbekiston Respublikasi Sanitariya — epidemiologik osoyishtalik va jamoat salomatligi xizmati hududiy boʻlinmalarining vakillarini jalb qilgan holda, tarkibida kamida 5 kishidan iborat komissiya tuziladi (keyingi oʻrinlarda — Komissiya deb yuritiladi).”.
3. 16-banddagi “inspeksiyaga” degan soʻz “boshqarmaga” degan soʻz bilan almashtirilsin.
4. 20-banddagi va 21-bandning ikkinchi xatboshisidagi “inspeksiya” degan soʻzlar “boshqarma” degan soʻzlar bilan almashtirilsin.
5. 24-banddagi “Vazirlar Mahkamasi huzuridagi Sanitariya-epidemiologiya nazorati davlat inspeksiyasining” degan soʻzlar “Oʻzbekiston Respublikasi Sanitariya-epidemiologik osoyishtalik va jamoat salomatligi xizmatining” degan soʻzlar bilan almashtirilsin.
6. 1 va 2-ilovalar matnidagi “davlat inspeksiyasi” degan soʻzlar “va himoyasi agentligi” degan soʻzlar bilan almashtirilsin.
Bosh direktor I. ERGAShEV
Toshkent sh.,
2022-yil 14-fevral,
1-son